🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية قلوب حائره الفصل الحادي والثلاثون والثاني والثلاثون والثالث والثلاثون بقلم روز أمين
رواية قلوب حائره البارت الحادي والثلاثون والثاني والثلاثون والثالث والثلاثون بقلم روز أمين
🦋البارت الحادي والثلاثون 🦋
وقت الظهيرة داخل حديقة رائف !!!!
كانت ثريا تجلس أمام المسبح تنظر لمائهِ الصافيه وتتنهد بإشتياق قلبها إلي قرة أعيٌنها،، أولاد عزيزها الغالي الغائبان عن أحضانها منذ خمسةٌ أيام
دلفت منال من البوابه الحديديه ناظرتاً لها وأقتربت منها مٌتحدثه بوجهٍ بشوش٠٠٠٠قاعده لوحدك ليه يا ثريا ؟؟
أفاقت من شرودها علي صوتها نظرت لها وأبتسمت وتحدثت بترحاب٠٠٠٠أهلاً يا منال إتفضلي ،،يسرا جوه بتجهز الغدا مع عَليه وأنا قولت أقعد شويه في الشمس !!
جلست منال وتحدثت بوجهٍ بشوش ٠٠٠٠ شكلك كده كنتي سرحانه ف الولاد !!
أجابتها ثريا بإبتسامه وعيون يملئٌها الإشتياق٠٠٠٠وحشوني أوي وواجعني بعادهم عني !!
تحدثت منال ٠٠٠٠والله ووحشوني أنا كمان،،،وخصوصاً أنس أبو نص لسان ،، ييجوا بالسلامه إن شاء الله ،،
وأكملت بتوتر ظهر علي ملامحها ٠٠٠٠٠ثريا أنا كٌنت عاوزه أطلب منك طلب بس عاوزاكي تفهميني كويس وتعذريني فيه !!!
نظرت لها ثريا بإستفهام وتحدثت٠٠٠٠٠خير يا منال ،،،إتكلمي إنتي كده قلقتيني ؟؟
أجابتها منال٠٠٠٠خير إن شاء الله، ،طبعاً إنتي عارفه إن عٌمر رجع من سفره وأخد شهادته الحمدلله،،وكمان ياسين رجعلي من الموت بأعجوبه بعد ما عشنا أيام صعبه وإنتِي بنفسك عيشتيها معايا ،،
تحدثت ثريا لتشجيعها٠٠٠٠إتكلمي يا منال من غير مقدمات إحنا أهل وعشرة عٌمر ،،،قولي إللي جواكي وأنا أكيد هفهمك وهعذرك !!!
نظرت لها منال وتحدثت بخجل٠٠٠٠ رائف الله يرحمه قرب يكمل سنتين ومن وقتها حرمنا الفرح علي البيت مٌراعتاً لشعورك وشعور البنات،،، لكن أنا نفسي أعمل حفله لأولادي،،،
وأكملت بعيون مٌترجيه٠٠٠٠٠٠فرحانه برجوع عٌمر ونجاة ياسين ورجوعه ليا ونفسي أفرح بيهم يا ثريا ،،
وبصراحه عز خايف من زعلك وقالي ثريا هتزعل ،، لكن أنا قو٠٠٠٠٠
لم تكمل حديثها إبتسمت لها ثريا وتحدثت بهدوء٠٠٠٠٠وماله يا منال،، من حقك تفرحي بأولادك وأنا كمان يعلم ربنا فرحانه أد أيه بيهم،،دول مش ولادك لوحدك يا منال !!!
أجابتها منال بسعاده٠٠٠٠٠طبعاً يا ثريا مش إنتي إللي مربياهم معايا !
وأكملت علي إستحياء ٠٠٠٠٠يعني مش هتزعلي يا ثريا ؟؟
أجابتها بإبتسامه٠٠٠٠لا يا منال مش هزعل،،وبعدين إنتوا كتر خيركم صبرتوا معايا كتير وخوفتوا علي زعلي !!!!
تنهدت منال بإرتياح لحديثها مع ثريا وتحدثت بتساؤل ٠٠٠٠ثريا هو أنا مٌمكن أسألك سؤال وتجاوبيني عليه بصراحه ؟؟
إبتسمت ثريا وتحدثت بهدوء٠٠٠٠وأنا من أمتي كذبت عليكي ف حاجه يا منال ،،،إسألي وأنا هجاوبك !!!
تنهدت وقالت ٠٠٠٠٠إنتي ليه وافقتي إن ياسين يتجوز مليكه مع إنك كنتي في نفس ظروفها ورفضتي تتجوزي عز ووقفتي قدام الكل ؟؟
ليه وجعتي ليالي مع إنك بنفسك رفضتي توجعيني وحلتيلي مشكلتي إللي مكانش ليها حل غير بإيدك إنتي ومنعتي خراب بيتي وقتها !!!
ثم تحدثت بخجل٠٠٠٠٠أنا عارفه ومتأكدة إن حل مشكلتي كان بإيدك،،مهما حاولت أبرر لنفسي وأقول قدام الكل إني أنا إللي منعت جواز عز منك،،بس الحقيقه أنا وأنتي عارفينها كويس !!
إبتسمت ثريا بحزن وتحدثت٠٠٠٠٠مين قالك إن ظروفي أنا ومليكه كانت تشبه بعض يا ثريا،،بالعكس أنا ومليكه عٌمر ظروفنا ماكانت واحده،،،،
أنا ولادي كان ليهم سند وعزوة يتسندوا عليها لو الزمن جه عليهم ودار ،،
إعمامهم كانوا ف ضهرهم والبيت جنب البيت،،وأنا بنت عمهم لحمهم ودمهم وعمرهم ما كانوا هيفرطوا فيا ولا ف ولاد أخوهم ،،
وإخواتي إللي هما ولاد عم جوزي كانوا موافقيني ،،كلنا إتفقنا وأتقبلنا عند نقطة حماية الولاد،،،
وأكملت بحزن٠٠٠٠٠لكن مليكه وولادها ملهمش ضهر ،،إبني كان وحيد ملهوش سند يسند ولاده من بعده،،كنتي عاوزاني أسيبهم لكلاب السكك تقطع فيهم وهما لسه لحمه حمرا يا قلبي،،
وأكملت بتفسير٠٠٠٠٠ده أقرب الناس ليهم طمع فيهم ،،متزعليش مني يا منال،،أنا عارفه إنك شيفاني واحده أنانيه وفضلت مصلحة ولاد أبنها علي مصلحة إبنك،،،،وده طبعاً حقك ومش هلومك فيه !!
بس أنا فعلاً بعترفلك إني كنت بحمي ولاد إبني من غدر الزمن،، وملقتش قدامي غير ياسين علشان أتعلق بيه وأعلق ولاد أبني في رقبته علشان يبقي سندهم وحمايتهم من غدر البشر والزمن !!!
أجابتها منال ٠٠٠٠٠طب ما ياسين وطارق وعز ما كانوش هيسبوهم وكانوا هيقفوا معاكي إنتي ومليكه والولاد ويربوهم،، بالظبط زي ماعملوا معاكي زمان ومن غير جواز ؟؟
أجابتها ثريا بنفي ٠٠٠٠٠هقولهالك تاني يا منال،،،،أنا ومليكه عٌمر ظروفنا ماكانت واحده ،،،أولاً مليكه أبوها ماكانش هيسيبها هنا وعز وياسين ماكنوش هيسمحوا لسالم إنه ياخد الولاد ،،دي أول حرب كٌنت هدخل فيها أولاد إبني !!
نيجي بقا للمهم ،،عز وعبدالرحمن لما وقفوا معايا في تربية ولادي كان واجب عليهم ،،وزي ما قلتلك دول لحمهم
لكن ياسين وطارق هيربوا ولاد رائف ويقفوا ف ضهرهم ليه؟؟
وأكملت بتعقل٠٠٠٠٠الدنيا بتلهي الناس يا منال ،،،وبعد عمرٍ سواء طويل أو قصير لما أحنا نفارق ونرجع لدار الحق ،،ياسين وطارق وولادهم هيبعدوا ومحدش يقدر يلوم عليهم،، دي سٌنة الحياه،،، دول هيبقوا مجرد أعمام ولاد رائف من بعيد
لكن إسمحيلي لما يبقي ياسين جوز مليكه هيبقوا الولاد مسؤلين منه شرعي ويفضل رابطهم بيت واحد !!!
وأكملت بغيمه من الدموع ٠٠٠٠٠٠وأرجوكي متزعليش مني،، ساعات الدنيا بتجبرنا وتحٌطنا قدام أختيارات كلها أصعب من بعض،، وتودينا لطرق عٌمرنا ما كٌنا نفكر إننا نمشي فيها وغصب عننا لازم نمشي ونكمل المشوار !!!
وأكملت بحزن٠٠٠٠أنا عارفه إني كٌنت أنانيه، ،بس لو رجع بيا الزمن تاني هعمل وأختار نفس إللي عملته،،سامحيني يا منال أرجوكي وأعذريني،،
دول ولاد الغالي ومكنش ينفع أقف وأتفرج عليهم وهما تايهين في الدنيا من غير ما أعمل حاجه،،وصدقيني وجعك إنتي وليالي من جواز مليكه من ياسين ميجيش 1% من وجعي علي إني أسلم مرات الغالي وحبيبتة بإيدي لراجل تاني،، حتي ولو كان مجرد جواز صوري،،،محدش حاسس بالنار اللي بتنهش ف قلبي من الموضوع ده غير رب العباد !!!
إبتسمت منال بقهر علي صدق مشاعر ثريا الذي وصلها، وألمها الظاهر بعيونها وهي تتحدث عن مصير أبناء غاليها،،وعن فقدان وحيدها !!
وتحدثت٠٠٠٠أنا أسفه يا ثريا ،،سامحيني إني مفهمتش موقفك ده ولا حتي فكرت فيه بإنسانيه،،إنتي معاكي كل الحق ويمكن أنا لو كنت مكانك كٌنت فكرت بنفس طريقتك !!!
تحدثت ثريا بلهفه٠٠٠٠بعد الشر يا منال،،ربنا ما يحطك مكاني ولا يدوقك إللي أنا دوقته أبداً ، بدعي من ربي دايماً يكون رحيم بالبشر وميخليش حد يدوق المرار إللي أنا دوقته ف وجعي علي وحيدي وعزيز عيني ، ،،
وأكملت بحزن وعيون مٌغيمه بدموع الألم ٠٠٠٠أصعب أختبار وأمر أحساس مٌمكن الست تحسه هو فقدان الإبن،، من كل قلبي متمناش لحد يعيش الشعور ده أبداً !!!
وأدمعت عيناها ومعها منال التي شعرت بالخزي من حالها علي عدم تفهم ثريا مٌنذٌ زمنٍ بعيد !!!!
◇◇◇◇◇¤◇◇◇◇◇
في مدينة لندن مدينة الضباب !!!!
كانت تجلس داخل مطعم بصحبة عاشق عيناها وشقيقها وزوجته يتناولونَ الطعام بشهيةٍ مفتوحه
تحدثَ سيف بإحترام ٠٠٠معلش يا سيادة العقيد،،المفروض العشا ده كان يبقي في البيت عندنا
ثم حول بصرهِ إلي شقيقهْ مٌتحدثاً بدعابه٠٠٠٠لكن هنعمل أيه بقا،،حكم القوي يا سيدي !!!
نظرت لهٌ بكشعريره مٌصطنعه٠٠٠٠ تقصد مين حضرتك بالقوي ده ؟؟
قهقه ياسين عالياً وتحدث ٠٠٠الدكتور أكيد يقصد القوي الناعمه يا حبيبي !!
إبتسمت لهٌ بحب
ثم نظر هو إلي سيف وتحدث٠٠٠٠ولا يهمك يا دكتور إن شاء الله تتعوض ،،وبجد مٌتشكر جداً علي العشا والوقت اللطيف ده !!
تحدثت نهي بوجهٍ بشوش ٠٠٠٠إن شاء الله هنستناكم تيجولنا زيارة وتكون الظروف أحسن من كده وتنزلوا عندنا في البيت !!!
أجابها ياسين بإحترام٠٠٠إن شاء الله يا أفندم ،،بس الأول عاوزين نشوفكم في إسكندرية قريب ،،
ثم أحال ببصرة إلي سيف وتحدث٠٠٠٠أنا ملاحظ إنكم مٌقلين أوي في نزولكم مصر يا دكتور ؟؟
أجابه سيف بعمليه٠٠٠٠ده حقيقي للأسف ،،أخر مره نزلنا فيها وقت وفاة رائف الله يرحمه،،
شعر بالغيرة ونظر لها حتي يستكشف ملامحها وجدها تنظر لهْ وقد شعرت به وبغيرته إبتسمت لهْ وأمائت بعيناها في إشاره منها ليطمئن قلبهْ فلم يعد لأحدٍ مكانٍ بجانبه داخل قلبها ♡
إرتخي بجلسته بإرتياح وتنهد براحه ♡
وأكملَ سيف٠٠٠٠٠الحقيقه الحياه هنا صعبه أوي وروتين الحياه وتيرته سريعه جداً ، تقدر تقول إن للأسف دوامة الشغل خدتنا حتي من نفسنا !!!
نظر لهٌ ياسين وتحدث بنبره جاده٠٠٠٠طب ليه ماترجعش مصر وتفتح مٌستشفي إستثماري هناك وتستقر بدل الغربه البارده دي ؟؟
المستشفيات الإستثمارية بتكسب كويس أوي ف مصر !!!
أجابهٌ سيف بعمليه٠٠٠٠٠٠فكرت ف ده فعلاً ،،لكن بصراحه كده إتراجعت تاني،،
خلينا واقعيين،،،الطب هنا ليه وضعه،، وأنا بقي ليا مكانه كبيره ومستقبلي هنا أحسن من مصر بكتير ،،
للأسف يا سيادة العقيد محدش بياخد كل حاجه، ،وأنا علشان أعمل إسم كبير لنفسي لازم أتحمل مرارة الغربه،،ودي الضريبة إللي لازم أدفعها !!!
وافقهٌ الجميع الرأي !!!
بعد إنتهائهم من العشاء إنطلقت أصوات الموسيقي الهادئه
وقف ياسين بكل رجوله أغلق زرار حِلتهْ،،ومد يدهٌ لها بإحترام يدعوها لرقصتها معهْ وتحدث برٌقي٠٠٠٠برنسس مليكه ،،تسمحيلي ؟؟
إبتسمت بسعاده من رٌقي تعامله معها وعشقهِ الواضح داخل عيناه،،نظرت لشقيقها وزوجته إبتسموا لها وأشاروا لها بالنهوض،،ونهضوا هما الأخرين،،
مدت يدها لهْ ناظره بعيناها الساحره وقفت،،، حاوط خصرها بإمتلاك وذهبا معاً للمكان المخصص للرقص !!!
مد يده محاوطاً خصرها وضعت رأسها فوق صدره وبدأت بخطوات رقصتهم بإحترافيه
تحدث بصوتٍ عاشق مٌترجياً إياها ٠٠٠٠٠مليكه،،أنا حابب أوي تباتي معايا إنهارده في الأوتيل،،،مٌمكن تعملي كده علشان خاطري ؟؟
هزت رأسها بإيماء وهي مازالت داخل أحضانه مٌغمضمة العينان سارحه في ملكوت عشقه وهمهمت بصوتٍ مٌغري٠٠٠٠أمممممم
أبعد رأسها وأمسك ذقنها رفع بصرها لمواجهة عيناه العاشقه وتحدث بلهفه٠٠٠٠حبيبي إنتي موافقه فعلاً ؟؟
هزت رأسها وتحدثت بحب٠٠٠٠أيوه يا ياسين،،أنا كمان حابه أنام في حضنك أوي إنهاردة ♡
أجابها بفرحه٠٠٠٠يا حبيبي، ،بحبك يا مليكه ♡
تحدثت بحب ٠٠٠٠٠أنا كمان بحبك أوي يا ياسين ♡
ووضعت رأسها مٌجدداً فوق صدرة لتستمع لدقات قلبه التي تنبض بعشقها !!
بعد مده تحدث هو ٠٠٠٠٠عرفتي إن ماما عامله حفله الإسبوع ده علشان رجوع عٌمر وعلشاني ؟؟
أبعدت رأسها ونظرت له ومازالت تتراقص بين يداه بهيام ٠٠٠٠يٌسرا قالتلي !!
تحدث هو بحماس ٠٠٠٠٠هاخدك بكره وننزل علشان أختارلك فستان يليق بالحفله !!
أجابته ٠٠٠٠ماأنتَ جبتلي كذا واحد إمبارح يا حبيبي، ،وكلهم أشيك وأجمل من بعض !!
أجابها بسحر٠٠٠٠٠تؤ،، دي حفلة جوزك ولازم تبقي أشيك واحده في الحفله كلها، ده بقا هنقهولك علي مزاج مزاجي !!!
تحدثت بتساؤل٠٠٠٠٠ياسين هو أنتَ مش المفروض هتسافر بكره أخر النهار ؟؟
أجابها بعمليه٠٠٠٠٠المفروض يا حبيبي، ،بس أجلتها يومين كمان ،،أطمن عليكم إنكم سافرتم وأنزل تاني يوم علطول !!
مدت شفاها بإستغراب ٠٠٠٠٠وهتقعد هنا تعمل أيه لوحدك إن شاء الله ماتنزل في نفس اليوم !!
إبتسمَ بتسلي وتحدث وهو يمرر لسانهْ فوق شفتاه ٠٠٠٠٠أنا شامم ريحة غيرة في الموضوع،،
ثم نظر لها بتساؤل وعيون عاشقه٠٠٠٠هو حبيب جوزه غيران ولا أيه ؟؟
تحدثت بدلال٠٠٠٠أه طبعً غيرانه ،،وأظن ده حقي ،،يا ياسين أنا بقيت بحبك لدرجة إني بغير عليك حتي من نسمة الهوا ♡
أجابها بعيون عاشقه ٠٠٠٠طب ولو قولتلك إن عيوني ما بتشفش حد غيرك أصلاً ،،هتغيري بردوا ؟؟
أجابته بإيماء٠٠٠٠أيوه هغير ولو مغيرتش عليك يبقي مش بحبك يا ياسين ♡
تحدث بمداعبه ٠٠٠٠هو أنا قولتلك إني بحبك قبل كده ؟؟
ضحكت بإنوثه وأجابت٠٠٠٠٠كتيرررررر !!!!!
ضحكا سوياً وأكملا رقصتهما !!!
◇◇◇◇◇¤◇◇◇◇◇
داخل حديقة عز !!
كانت منال وليالي يتحركان بكبرياء بصحبة فريق إحدي شركات تنظيم الحفلات !!
تحدثت منال مٌوجهتاً حديثها إلي المسؤول ٠٠٠٠٠عاوزاك بقا تستغللي المكان إللي جنب البول ده كله، عاوزاه يطلع ف أبهي صوره ليه ،،،ومفارش التربيزات عاوزاها باللون الأبيض !!
تحدث الشاب بإحترام وتساؤول٠٠٠٠وبالنسبه للزهور إللي هتكون علي التربيزات يا أفندم ياتري حاباها تكون بأي لون ؟؟
نظرت لهٌ بتيهه ثم وجهة بصرها إلي ليالي وتحدثت٠٠٠٠أيه رأيك في الموف يا لي لي ؟؟
إبتسمت ليالي وتحدثت برأسٍ مرفوع ٠٠٠جميل يا عمتو !!
هزت لها رأسها وتحدثت للشاب ٠٠٠٠أوكِ يبقي الموف !!!
أتي إليها عٌمر قبلها من وجنتها وتحدث ٠٠٠٠٠وحشتني حفلاتك منال هانم،،شكلك راجعه لمجدك القديم تاني وبقوه !!
تحركت ليالي بصحبة الفريق بعيداً عن منال وعٌمر
إبتسمت منال ببشاشه وتحدثت ٠٠٠٠أهلاً يا قلب مامي،،أنا هعملك حفله إسكندرية كلها هتقعد تحكي عنها شهور !!!
أجابها بغمزه من عينه٠٠٠٠أيوا بقا يا منول،، أنا سايبلك نفسي و عاوزك تدلعيني علي الآخر !!!
أكملت منال بتحذير٠٠٠٠٠أه يا حبيبي بس خلي بالك من ضيوفك إللي هتعزمهم ،،بباك إمبارح قالي أنبه عليك وأقولك تختار أصحابك إللي هتعزمهم وتبلغهم إنهم يخلوا بالهم من تصرفاتهم كويس أوي،،،
الروايات الاكثر قراءه👇👇👇
وأكملت ٠٠٠٠الحفله هتبقي فيها ناس مهمه جداً ،،تقدر تقول إن الحفله هيحضرها كريمة المجتمع الإسكندراني كله ،،قامات جهاز المخابرات عند بباك وياسين هيكونوا موجودين ،
فبجد ياريت تاخد بالك من النقطه دي يا عٌمر علشان متضايقش بابا !!
تأفأفَ عمر وتحدثَ بغضب٠٠٠٠يبقي مكنش ليه لزوم إن حضرتك تقولي إنك عامله الحفله علشاني،،
كنتي من الأول قولي إنك عملاها لسيادة اللوا هو وسيادة العقيد وكريمة المجتمع تبعهم،،
وأكملَ بإعتراض٠٠٠٠٠أحب أعرفك إن من الطبيعي إن أصحابي إللي بتتراوح اعمارهم بين 25,,,,24 سنه لما يحضروا حفله أكيد هيرقصوا وهيشربوا ويهيصوا،،غير كده بقا أعزمهم أنا ليه مٌمكن تقوليلي ؟؟
وضعت يدها علي وجنته وتحدثت بحنان ٠٠٠٠٠ متزعلش يا موري عدي الحفله علي خير وليك عليا هعملك حفله في فيلا المعموره لوحدك إنتَ وزمايلك إعمل فيها كل إللي إنتَ عاوزه !!
اماء لها بضيق وتحدث٠٠٠٠أوك مامي ،،يلا سلام علشان خارج مع أصحابي !!!
وأنسحب من المكان وأنضمت منال من جديد إلي ليالي وفريق التجهيز لتباشر التجهيزات !!!
◇◇◇◇◇¤◇◇◇◇◇
دلفت علياء إلي المطبخ وأتجهت إلي والدتها التي تقف أمام الحَوضْ تٌجلي الصٌحون وقفت خلفها وأختضنتها بسعادة وتحدثت ٠٠٠٠صباح الفل يا بسوم !!
تحدثت إبتسام وهي مازالت تٌجلي الصحون٠٠٠٠إنجزي وقولي عاوزه أيه ؟؟
ضحكت علياء عالياً وتحدثت ٠٠٠٠هو إنتي دايما قفشاني كده ؟؟
أجابتها إبتسام٠٠٠٠اللي ربي خير من اللي إشتري يا حبيبتي،،،وطالما قولتي بسوم وبدأتي كلامك بالدلع والأحضان تبقي عاوزه تطلبي حاجه،،، وحاجه كبيرة كمان، ،فياريت تنجزي وتجيبي من الآخر وتقولي عاوزه أيه بدل اللف والدوران ده كله !!
إبتعدت عنها ووقفت بجوارها ناظره إليها وتحدثت بفخر٠٠٠٠تعرفي أيه أكتر حاجه بحبها فيكي يا ماما،،فطانتك وسرعة بديهتك ،،
وأكملت بدٌعابه ٠٠٠٠٠ماشاء الله عليكي طلعالي !!
إنتهت إبتسام وجففت يداها ثم تحركت للمنضدة الموضوعه بوسط المطبخ وجلست ،،نظرت إلي إبنتها وتحدثت ٠٠٠٠هاتي إللي عندك وإتحفيني خليني أشوف !!
جلست علياء وتحدثت خجلاً٠٠٠٠٠٠ شريف عثمان،، مذيع الراديو إللي قولتلك إنه طلع أخو مليكه ،،موجود هنا ف أسوان بيقضي أجازتة فكنت يعني،،ده طبعاً لو تحبي،،، نعزمه هنا علي العشا إنهاردة !!
نظرت لإبنتها بإبتسامة وتحدثت ٠٠٠٠٠أه ،،قولتيلي،،شريف عثماااان،،وإشمعنا بقا سي شريف ماأفتكرش يقضي أجازته غير اليومين دول وبالتحديد هنا ف أسوان ؟؟
ثم ضيقت عيناها وأكملت بتساؤل ٠٠٠٠هي أيه الحكايه بالظبط يا لولو،،ماترسيني معاكي علي الحوار !!!
تنهدت علياء وتحدثت بحزن ظهر علي ملامحها٠٠٠٠٠لا حكايه ولا روايه يا ماما، ،،وعلشان ترتاحي شريف خاطب مذيعة معاه ف نفس الإذاعه !!
نظرت لها والدتها وتحدثت بتأثر ٠٠٠٠طب وإنتي زعلانه كده ليه يا قلبي ؟؟
إبتسمت علياء بألم لم تستطع مٌداراته وتحدثت٠٠٠٠٠وأنا أيه بس إللي هيزعلني ،،،المهم ماقولتليش رأيك ؟؟
أجابتها بترحاب٠٠٠٠٠٠ودي محتاجه رأي بردوا يا بنتي،،طبعاً يشرف وينور، ده كفايه إنه من ريحة مليكه الغاليه،،وأهي فرصه كمان نٌردله بعض من جمايل وعزومات والدته ليكي !!!!
وقفت علياء بسعاده ٠٠٠٠٠خلاص أنا هروح أبدل هدومي وأقابله وأفرجه شويه علي أسوان،، وأخر النهار أجيبه وأجي تكوني حضرتك جهزتي العشا !!!
جهظت عيناها وتحدثت بإعتراض ٠٠٠٠نعم يا ست هانم،، تكونيش فكراني الفلبينيه إللي جبهالكم الباشمهندس ،،بقي سيادتك تعزميلي البيه وتدبسيني معاه وكمان عاوزه تخرجي وتتفسحي وتسبيني ف الهم ده لوحدي ؟؟
نظرت لها بحزنٍ مٌصطنع وتحدثت٠٠٠٠علشان خاطري يا ماما توافقي، ،،أنا وعدت مليكه إني أخد بالي من أخوها كويس،، يرضيكي أطلع قدامها عيله ومش أد كلمتي ؟؟
نظرت لها إبتسام وصاحت بذهول ٠٠٠٠٠هو إنتي يابنتي فكراني هبله، مليكة مين دي إللي وعدتيها وأخوها مين ده كمان إللي هتاخدي بالك منه،،،علي أساس إن شريف ده عيل عنده أربع سنين ويا حرام خايفين عليه ل يتوه لوحده !!!!
حزن وجه علياء ونظرت أرضاً ،، شعرت والدتها بحزنها فتحدثت بإستسلام٠٠٠٠خلاص روحي،،بس خدي رؤوف معاكي ماتروحيش تقابليه لوحدك !!!
نظرت لها علياء وتحدثت بإعتراض وتذمر٠٠٠٠٠روؤف أيه بس إللي أخده معايا،،هو حضرتك شيفاني عيله قدامك،،، وبعدين روؤف مش هيوافق ما حضرتك عارفه إبنك ورخامته،، ده غير إن عنده مذاكرة ومش هينفع يسيبها،،
وأكملت بحزن٠٠٠٠٠وعلي فكرة بقا يا ماما،،، المفروض حضرتك تكون عندك ثقه فيا أكتر من كده !!!
تحدثت والدتها بتأكيد ٠٠٠٠أنا ثقتي فيكي ملهاش حدود،،لكن بابا لو عرف هيزعل منك أوي يا عاليا !!!
أجابتها ٠٠٠٠وهو حضرتك فكراني هخرج من غير إذن بابا،،لو علي الباشمهندس سيبي موافقته عليا !!!
وقبلت والدتها وهاتفت والدها وأستأذنته ثم هاتفت شريف وبعد أقل من ساعه كانت تنتظره ف إحدي الكافيهات الشهيرة بالمدينه
دلف للمكان يبحث عنها بنظرات مٌتلهفه ،،
رأته يدلف للمكان بطلتهِ الساحرة المٌهلكه لقلبها الصغير ،، دق قلبها بأعلي وتيره له ،،
تحاملت علي حالها ووقفت وأشارت لهْ
نظر لها وشعر بإحساس غريب عليه،،ولأول مرة يزورهُ ذلك الشعور،، رعشه صابت جسده بالكامل، حلاوة اللقاء،، لهفة النظرات،،
إقترب عليها ومد يدهٌ مٌسحوراً بجمال عيناها وسحرهما الفريد،،
تحدث بإشتياق ٠٠٠٠عاليا،،،إزيك !!!
لم يكن حالها بأفضل منه مدت يدها وتلامست الأيادي وأحتضنت العيون أشتياقاً وتحدثت ٠٠٠٠الحمد لله أنا تمام !!
حاولت لملمت شتاتها وتحدثت بترحاب وأبتسامه جذابه بأسنانها اللؤلؤ،، قضت بها علي ما تبقي من حصونه ٠٠٠٠٠نورت أسوان يا شريف ،،إتفضل أقعد واقف ليه !!!
جلس بمقابلها وتحدث٠٠٠٠٠أنا نورت أسوان وحضرتك ضلمتي إسكندريه بعد ما هربتي !!!!
إرتجفت وتحدثت بهلع أسعدهُ٠٠٠٠٠أيه يا حضرت هربت دي،،إنتَ أد الكلام الكبير ده !!!
نظر داخل مِقلتيها وتحدث بحنان٠٠٠٠مشيتي ليه يا عاليا ؟؟
إرتبكت بجلستها وتحدثت ٠٠٠٠مانا قولتلك يا شريف !!
إبتسم بتسلي وأجابها٠٠٠٠هحاول أعمل نفسي مصدقك !!!
تحدثت كي تٌخرج حالها من حصاره لها ٠٠٠٠علي فكرة يا حضرة الباشمذيع الواعد ماما عزماك إنهاردة علي العشا،،جهز نفسك هتدوق أحلا بط بالتوابل الأسوانيه ،،وعلي فكرة بقا البط الأسواني ملوش زي،،
وأكملت بدعابه ٠٠٠٠لا تقولي بقا جمبري ولا سبيط ولا الكلام ده كله !!!
إبتسم لها وتحدثَ بنظرة أربكتها٠٠٠٠مش بس البط الأسواني إللي ملوش مثيل ،، كل حاجه ف أسوان ملهاش زي وأولهم إنتي يا عاليا !!
إرتبكت وأرتجف داخلها لكنها حاولت الثبات وتحدثت بدعابه٠٠٠٠خلي بالك من كلامك يا حَضرتْ ،، وياريت متنساش إنك قاعد قدام الباشمحاميه،،،يعني ممكن أعتبر كلامك ده تحرش بيا وأتمرن علي قضيتك وألبسك محضر تمام،،، وبدل ما تتفسح وسط النيل والمعابد تتفسح علي البورش يا خفيف !!!!
أطلق ضحكات من أعماق قلبه بصوتٍ عالي وتحدث من بين ضحكاته٠٠٠٠أيه يابنتي الكلام إللي إنتي بتقوليه ده،،،عاوزه تفسحيني علي البورش مرة واحده،، لا بجد ونعم الكرم الأسواني !!!
ضحكت وتحدثت بخفه٠٠٠٠أنا بس حبيت أنبهك علشان تكون علي درايه من أولها ،،، أه لتفكر حضرتك إن بنات أسوان سهله ولا حاجه !!
نظر لها وتحدث بصوتٍ حنون٠٠٠٠٠بنات أسوان دول أجدع وأحلا بنات شفتهم ف حياتي كلها !!!!
نظرت له وحدثت حالها٠٠٠كفيَ شريف أرجوك،،كٌف عني تلك النظرات والإبتسامات المٌرهقه لقلبيَ المِسكين،،،،أتركني بشأني ولا تٌعلقني بك أكثر،،،،فقلبيَ الجريح لم يعٌد لديهِ القٌدرة علي التحمٌلِ بعد !!
شعر بحيرتها وألمها الساكن عيناها فأراد أن يخرجها من تلك الحاله ٠٠٠٠٠أكيد هتيجي إسكندريه تحضري حفلة عز باشا !!
إبتسمت له وتحدثت ٠٠٠٠مش عارفه،،،عمو عز كلم بابا من يومين وعزمنا ،،لكن الباشمهندس لسه ماقررش !!!
نظر لها بعيون هائمه أرهقتها وتحدث مٌستعطفاً إياها ٠٠٠٠بس أنا عاوزك تكوني موجوده يا عاليا،،،لسه فيه أماكن كتير ف إسكندريه حابب نروحها سوا،،
ونظر لها بتساؤل وصوتٍ حنون٠٠٠٠هتيجي ؟؟
تاهت داخل نظرت عيناه وسحرها هزت رأسها بإيجاب وكأنها مسحورة وتحدثت بصوتٍ هائم ولأول مرة يستمع إليه ٠٠٠٠٠حاضر يا شريف ،،هاجي !!!
إقشعرَ جسدهِ وأنتفض قلبهْ لسماع إسمهِ منها بكل تلك الرقه والإنوثه إضافتاً إلي سحر عيناها،،،
☆وأهٍ من سحرْ عيناكيِ عَاليتيْ ☆
كان يشعر معها بأحاسيس ولأول مرة تجتاح عالمه،،، أكملا حديثهما بين نظرات وهمسات وإبتسامات
ودلفا معاً وخطي خطوتهما الأولي إلي عالم العشاق الصامت ♡
_________________________________
جاء المساء كان شريف يجلس حول طاولة الطعام داخل منزل عائلة حسن،،كان يشعر بسعادة لم يشعر بها من قبل ،،فتلك العائله لها هاله غريبه تحوم حول كل من يدخل دارِهم ،،
تحدث شريف ناظراً إلي إبتسام بإحترام ٠٠٠٠بجد تسلم إيد حضرتك، الأكل حلو جداً !
ثم نظر إلي علياء وتحدث ٠٠٠٠أما بالنسبه للبط ده لوحده حكايه !!
إبتسمت له وتحدثت ٠٠٠٠٠مش قولتلك هتاكل أحلا بط من إيد الأستاذه إبتسام !!!
إبتسمت لهٌ إبتسام وتحدثت ببشاشة وجه٠٠٠٠بألف هنا علي قلبك !!
تحدث حسن بوجهِ بشوش٠٠٠٠٠ياريتك جبت بابا معاك يا شريف،،حتي كان فصل من ضغط الشغل شويه !!
أجابه شريف بإحترام ٠٠٠٠٠٠حضرتك أدري مني بضغط شغل البنوك اليومين دول،،،تتعوض إن شاء الله !!
هز له حسن بإيماء
نظر لهٌ إسلام بإنبهار وتحدث ٠٠٠٠علي فكرة يا أستاذ شريف،، أنا بحبك أوي وكل يوم لازم أسمع البرنامج بتاعك !!
إبتسم له شريف وتحدث٠٠٠٠حبيبي يا إسلام،، وعلي كده بقا بتتصل بالبرنامج ولا مٌستمع صامت ؟؟
ضحكت إبتسام وتحدثت إليه٠٠٠٠٠مش كفايه عليك لماضة الباشمحميه ف البرنامج،،،هيبقي إسلام كمان،،،دول مجنني معاهم ،،،يومياً قبل برنامجك ما يبدأ بربع ساعه بيقلبوبلي البيت طوارئ،،،
ونظرت إلي إسلام٠٠٠٠٠٠الأستاذ ياخد الفون بتاعه ويخرج علي الجنينه علشان يسمعك بهدوء،،،
أما بقي الأستاذه فا ليها طقوسها الخاصه،،، أولاً تحضر لنفسها مج النسكافيه التمام،،وبعدها تقفل علي نفسها أوضتها وتشغل جهاز الراديو إللي شرياه مخصوص لبرنامجك ومشوفش وشها برة الأوضه غير بعد ما يخلص البرنامج !!!
كانت تنظر لهٌ خجله لذكر والدتها تفاصيلها ضحك هو وتحدث٠٠٠٠دانا شكلي أنا وبرنامجي عاملين لكم إزعاج كبير أوي ف البيت ؟؟
نظر لهٌ روؤف بإبتسامه٠٠٠٠٠وأنا هلحقهم إن شاء الله لكن أخلص من كليتي الأول وبعدها أفضالك !!!
تحدث حسن ٠٠٠٠٠علي فكرة يا شريف أنا وإبتسام من قدامي المستمعين للإذاعه،،،الإذاعه دي يا أبني عالم من الخيال والسحر بيشدك لبعيد،،، وليها جمالها ورونقها الخاص ،،
وبعد التحديث اللي طرئ عليها مؤخراً بقت متنوعه وفيها كل ما يحتاجه الإنسان، من برامج دينيه، ،ثقافيه ،،سياسيه،،توعويه،، ترفيهيه ،،بجد الإذاعه بقت موسوعه كامله !!
تحدث روؤف٠٠٠٠ هي بصراحه نفعت سكان القاهرة أكتر حاجة،،،الناس اللي بتقف ف الإشارات بالساعات بيشغلوا البرامج ويتصلوا،،، منه يتسلوا ويكسروا الملل وميحسوش بالوقت،،ومنه بينبسطوا بمشاركة أرائهم عبر البرامج !!!!
رد عليه شريف بموافقه٠٠٠٠٠معاك جدا ف كلامك ده يا روؤف،،إحنا معظم مٌتصلينا بيكونوا فعلا من داخل الإشارات !!!
تحدثت علياء ٠٠٠٠٠٠أنا حقيقي بشفق علي سكان القاهرة من كل قلبي،،،ودايماً بسأل نفسي ،،هما إزاي قادرين يتحملوا الزحمه وأصوات كلكسات العربيات طول الوقت !!!
أجابها شريف٠٠٠٠٠مش يمكن إتعودا علي كده وحبوا نمط الحياه بالطريقه دي ؟؟
هزت كتفها وتحدثت بإبتسامه٠٠٠٠ممكن،،ليه لاء !!!
وجهَ حسن حديثهٌ إلي شريف٠٠٠٠٠ما تجيب حاجتك يا شربف وتيجي تقعد معانا هنا ،،البيت زي ما أنت شايف كبير ووجودك أكيد هيسعدنا ويشرفنا !!!
أجابهٌ شريف بإحترام٠٠٠٠٠مٌتشكر جداً لحضرتك يا باشمهندس،،بس الحقيقه أنا هكون مرتاح أكتر ف الأوتيل !!!
أجابهٌ حسن٠٠٠٠٠علي راحتك يا أبني مش هضغط عليك ،،،،لكن طبعاً إنتَ مش محتاج أقولك إن البيت بيتك وف أي وقت تشرفنا ،،،وروؤف وإسلام تحت أمرك ف أي حاجه تحتاجها طول ما أنتَ هنا !!!
أماءَ له بإحترام وأجاب٠٠٠٠أكيد طبعاً حضرتك !!!
أكملاَ عشائهما وسهرتهم المريحه وسط ضحكات وسرد الحكايات من حسن وحكاياته الجميله التي يعشقها الجميع !!!!
◇◇◇◇◇¤◇◇◇◇◇
تمللت بفراشها وهي تمد يدها بجوارها تبحث عنه إنزعجت حين وجدت جوارها فارغ،، أفتحت عيناها تبحث عنه داخل الغرفه لم تجده،، تحركت لتبحث عنه داخل ال Suite وجدته يقف بشرفته يشعل سيجارتهْ وينفث بها بعنف،، ذهبت إليه مٌستغربه
وتحدثت وهي تدفن حالها داخل أحضانه ٠٠٠٠ياسين،،أيه إللي صحاك يا حبيبي ؟؟
حاوطها بذراعه وشدد من إحتضانها وتحدث ٠٠٠٠مجاليش نوم قومت أشرب سيجارة ،،
ثم مال علي شفاه وضع قبله سريعه وتحدث ٠٠٠٠إنتي أيه إللي صحاكي يا حبيبي ؟؟
أجابتهْ بوجهٍ عابس ٠٠٠٠إنتَ فاكر إنك لما تقوم وتبعد عن حضني وتسيبني مش هحس بغيابك وهكمل نومي كده عادي ؟؟
تنهد وتحدث وهو يطفئ سيجارته ويتخلص منها ٠٠٠أنا أسف يا مليكه،،مكنش قصدي أقلقك صدقيني !!!
نظرت لهْ مٌضيقتاً عيناها وتسائلت٠٠٠٠٠مالك يا ياسين،،إنتَ فيه حاجه مضيقاك ؟؟
نظر أمامه وزفر بضيق محاولاً تهدئة حاله٠٠٠٠٠بصراحه يا حبيبي أنا متضايق أوي من الوضع إللي إحنا فيه،،
نظر لها بتمعن وتحدث بتمني٠٠٠٠٠مليكه أنا نفسي الناس كلها تعرف إننا بنحب بعض،،نفسي أمشي وسط الناس وأنا حاضن إيدك من غير ماتتكسفي ولا تسحبيها علشان محدش يحس بحبنا !!!
وزفر بضيق وغيرة ظهرت بمقلتيه وتحدث بصوتٍ يملئهٌ الغضب رغم محاولتهِ ل مٌداراته والسيطره عليهْ٠٠٠٠٠٠نفسي أغير أوضة النوم يا مليكه،،،مش حابب أبداً فكرة إننا نبقي مع بعض ف نفس أوضة رائف الله يرحمه، ،
وأكمل بضيق٠٠٠٠أنا راجل بحب مراتي وبغير عليها ومن حقي يكونلي حياة جديده معاها بكل تفاصيلها ،،
وأكمل وهو يسحب بصره بعيداً عن مقلتيها٠٠٠٠٠مش قابلها علي نفسي يا مليكه،،مش حابب الأوضه،،مش طايق فكرة نومك لسه علي نفس سريره !!!
ثم نظر لها وتحدث بتساؤل وعيون مٌتألمه٠٠٠٠إنتي فهماني يا مليكه ؟؟
إبتلعت لٌعابها بمرارة لما تشاهدهٌ من كم الألم الذي يظهر بعيناه ويمتزج بصوتهْ
حاوطت وجههٌ بكفيها بعنايه وتحدثت بنبرة رقيقه وهادئه٠٠٠٠طبعاً فهماك يا ياسين،،،ومين غيري يقدر يفهمك،،
وأكملت بتمني٠٠٠٠بس أنا مش حابه أبداً أشوفك في الحاله دي،،إنتَ ياسين المغربي القوي إللي مافيش حاجه في الدنيا كلها تقدر تهزه،،،
وكل إللي ممكن أقولهولك وأطمنك بيه،،هو إن مبقاش فيه حد في حياتي غيرك إنتَ يا ياسين،،
أنا قلبي وروحي بقوا ملك أديك إنت وبس،،،
وأكملت بتعقل٠٠٠٠٠بس أنا عاوزاك تتصالح مع نفسك أكثر من كده يا حبيبي،، ومتنساش إن رائف هيفضل موجود ف حياتنا بحكم درجة القرابه إللي بينك وبينه،،وبحكم ولادي ،،وبحكم ماما ويسرا ووجودنا معاهم في نفس البيت،،
وأكملت بحب لطمئنته٠٠٠٠أنا يمكن حبيته قبل منك وهو حبني قبل منك،،،،لكن صدقني حبك محي جوايا أي حاجه عشتها قبلك ♡
وأكملت بغرام٠٠٠٠إنت جوزي وحبيبي ونور عيوني،،، عاوز أيه تاني أكتر من كده ♡
أمسك وجهها بتملك ونظر داخل عيناها وتحدث بعيون ترقرق بها قطرات الدمع قائلاً ٠٠٠٠فيه حاجه لازم تعرفيها يا مليكه،،،
نظرت له بإهتمام وترقب،، وأكمل هو
☆أنا حبيتك قبله،،بس هو وصلك قبلي ☆
ضيقت عيناها وتحدثت بعدم فهم٠٠٠٠٠أنا مش فهماك يا ياسين،،تقصد أيه،،ياريت توضح أكتر !!!
أجابها بقلبٍ موجوع ونظرات مٌتألمه٠٠٠٠ أنا شٌفتك وحبيتك قبل رائف يا مليكه ♡
شفتك ومن أول نظرة عيونك صابت قلبي بسهم عشقك♡ دوبت فيكي وعشقتك من أول نظره،،عشقتك وقلبي إنصاع لأمر الهوي ومشيت ورا حبك وأنا مسلوب الإرادة ♡
وأكملَ مفسراً٠٠٠٠٠وقتها كنتي في الجهاز عندنا في زيارة تدريب تبع كليتك ،،دخلتي عليا الأسانسير وأنا نازل إنتي وصاحبتك كنتوا ناسيين حاجه وطلعتوا تجبوها وباص الكليه كان هيفتكم ويمشي،،
وقتها عٌمر الظابط المٌساعد بتاعي إعترض علي إنكم تنزلوا معانا،،وأنا قولتله سيبهم يا عٌمر ،،
وأكملَ بتأثر وعيون مغيمه عاتباً عليها٠٠٠٠إزاي قدرتي تنسي نظرة عيونك لما دوبتيني وإنتي بتبٌصيلي بحنان وتقوليلي ميرسي بجد أنا مٌتشكرة أوي ليك ،،
يمكن كانوا كلمتين بساط بالنسبالك،،،بس كانوا بالنسبالي الكلمتين والنظرة إللي عِشت أصبر نفسي بيهم العمر بحاله،،،
وأكمل مٌعاتباً عيناها بحنان٠٠٠٠٠نستيني إزاي يا مليكه،،إزاي قدرتي تنسي عيوني إللي عشقتك من أول نظرة ♡
لما شفتك في الخطوبه ومديتلك أيدي علشان أسلم عليكي،،إزاي معرفتنيش ؟؟
إزاي يا مليكه ؟؟
وأكمل مٌتأثراً بصوتٍ مهزوز٠٠٠٠وأكتر حاجه دبحتني ووجعتني أوي لما سلمتي عليا بكل برود ولا كأنك شٌفتيني قبل كده !!
للدرجادي مشفتنيش،،للدرجادي مقابلتنا مأثرتش جواكي ولا سابت فيكي أي علامة،،،للدرجادي مشفتيش عيوني ولهفتي عليكي ،،للدرجادي محستيش بقلبي إللي إتخلع من مكانه وخدتيه وإنتي خارجه من الأسانسير،،دنا عشت بعدك من غير قلب يا مليكه،،،قضيت عمري جسد وروح من غير قلب،،
وأكملَ بقلبٍ يتمزقٌ ألماً٠٠٠٠٠وكل ألمي إللي فات كان كوم، واللحظه إللي مديتي إيدك فيها وقولتيلي أهلاً يا أبيه كانت كوم تاني !!!
كانت تسمع له ودموعها تنهمر علي خديها كشلالاتٍ تنظر له تاره بحزن وتارة بإبتسامة ألم ووجع
تحدثت بقلبٍ يتمزق ٠٠٠٠٠ياسين ،،،،إنت بتقول أيه ؟؟
أجابها بدمعه أفلتت من عين الصخر ،، الجبل الذي لن يهتز طوال حياته إرتعش ونزلت دموعه أمام جبروت عشقها وأجاب٠٠٠٠أنا حبيبك إللي عاش عمره كله دافن حبك جوه ضلوعه،،
أنا إللي عِشت عمري كله أنكوي بنار حبك الضايع ،، أنا إللي عشت عمري كله أداري نظرة ألمي وأنا شايف حب عمري جوه حضن غيري ،،أنا حبك المفقود،،أنا إللي عشت أنكوي بنارك يا مليكه،
☆ أنا إللي حبيتك قبله بس هو إللي وصلك قبلي ☆
بكت بقلبٍ يحترق علي حبيبها العاشق وتحدثت٠٠٠٠٠ياااااه ياياسين،،،يااااه يا حبيبي،،وطول السنين دي وإنت شايل في قلبك كل الوجع ده وساكت،،إزاي قدرت تتحمل كل الوجع ده،،إزاي يا حبيبي ؟؟
سحبها وضمها لصدره بكل قوه وتملك كاد أن يكسر عظامها من شدة ضمتهِ وتحدث٠٠٠٠بس إنتي خلاص يا مليكه، خلاص بقيتي معايا وبتحبيني،،بقيتي في حضني ومحدش هيقدر ياخدك من حضني تاني ،،
وأكملَ بتمني٠٠٠٠أوعديني إنك مش هتبعدي عن حضني تاني وتسبيني،، أوعديني يا مليكه !!!
شددت هي أيضاً من إحتضانه وهي تتلمس ظهرهِ بحنان وتحدثت ٠٠٠عمري ما أقدر أسيبك يا ياسين،، عمري ما أقدر أسيبك أبداً !!!
ثم سحبت حالها من بين أحضانه ونظرت له بإبتسامة من بين دموعها الغزيرة وتحدثت بحنين ٠٠٠٠إحكيلي الحكايه من اولها،،عاوزه أسمع قصة غرامي الضايع من بدايتها،،،
وأكملت بألم ودموع٠٠٠٠٠عاوزه أعرف أد أيه أنا كنت غبيه وضيعت من إيدي حب أسطوري بالشكل ده ،،عاوزه أعرف كل حاجه يا ياسين، أرجوك أحكيلي !!!!
إبتسم لها بمرارة وعيون مٌغيمه قائلاً٠٠٠٠٠أنا كمان عاوز أحكيلك يا مليكه، ،عاوز أخرج وجع السنين اللي محبوس جوا ضلوعي وتاعبني
وبدأ بالحديث٠٠٠٠٠٠٠٠٠
🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية☆ قلوب حائره☆
بقلمي روز آمين
🦋البارت الثاني والثلاثون🦋
عوده إلي أكثر من عشرة سنوات !!!!
كان يتحرك بجديه داخل مقر عمله تحرك أمامه الظابط المساعد له وفتح له باب المصعد ليتحركوا للأسفل للذهاب إلي مهمة خارج المقر !!!
دلف لداخل الأسانسير ووقف بكل شموخ ووقف بجانبه عٌمر الظابط المٌساعد وكاد باب المصعد أن يٌغلق حتي تفاجأ بفتاة تضع يدها لتمنع إغلاق المصعد وهي تنظر لهما بنظرات مٌستعطفه
كانت فتاه في مقتبل عمرها حوالي التاسعة عشر ترتدي حجاباً ماذادها إلا جمالاً وعفه ونوراً،،ثيابها محتشمه تحمي جسدها من نظرات البشر،، وجهها منير كقمرٍ ف ليلةٍ مٌظلمه،،عيناها بلون العسل شفتاها تشبه الكرز ف موسم حصادهْ !!
كانت بصحبة صديقتها نظرت إليه بعيون مٌترجيه كقطةٍ شيراز صغيره تتمسح بمربيها بدلال !!!
تحدث عٌمر الظابط المجاور لياسين بلهجه بالغة الحده٠٠٠٠٠ممنوع يا أنسه !!!!
نظرت هي لعين ياسين وصوبت سهم عشقها الذي توجه لقلبهِ مباشرةً إخترق حصونهٌ المانعه،،، شعر بقشعريرة تسري بجميع أنجاء جسده ،،إنتفض قلبه وأنتفضَ جسدة بالكامل
وتحدثت هي بإستعطاف ونظرة ترجي مع إبتسامة مٌهلكه هزت كيانه ٠٠٠٠٠من فضلك،،، الباص بتاع كليتنا هيتحرك وهيفوتنا لو منزلناش حالاً ،، بليز !!!
تحدث عٌمر بحده ٠٠٠٠٠٠قولت مش هينفع يا أنسه !!
جاهد ياسين بإخراج صوتهِ وذلك بفضل حالة إرتباكه وسحرهٌ من تأثير عيناها الصائبه وتحدث ناظراً لها ٠٠٠٠٠سيبهم يا عمر !!!
دلفت سريعاً هي وصديقتها داخل المصعد ثم نظرت له وتحدثت بإبتسامة شكر وعرفان أذابت بها ما تبقي من قلبهْ ٠٠٠٠٠ميرسي أوي لذوق حضرتك !!!
نظر لها بعيون مسحورة وإبتسم وأماء لها برأسهِ بإحترام !!
تحدثت صديقتها بلوم٠٠٠٠٠ربنا يستر ونلحق الباص قبل ما يتحرك،،يعني كان لازم تنسي الفون بتاعك يا تايهه هانم !!!
تنهدت وتحدثت بيقين٠٠٠٠٠قدر الله وماشاء فعل !!!
كانت تقف بمقابلة وجهه وتنظر للأسفل،،عيونها تشع حياه وروحها مفعمه بطاقه إيجابيه هائله حتي أنها وبمجرد دلوفها المصعد إنتشرت تلك الهالة ونشرت حالة سعادة أسعدت بها قلبه ♡
نظر لوجهها وأنتفض قلبهْ وشعر بهزه عنيفه داخل أوصاله،،وبدأت دقاته تعلو في شعور ولأول مره يغزو رَوحهْ ،،تعلق بصرهِ بعيناها التي تنظر أسفل قدميها علي إستحياء أثارهْ،،،
نظر لملامح وجهها البرئ الذي يخلو من مساحيق التجميل التي أصبحت مٌنتشرة في زمننا هذا
إنتفض قلبه وأرتعب حين توقف المصعد وخرجت هي وصديقتها بلمح البصر وأخذا بالرقض السريع علهما يلتحقا بباص جامعتهم
خرج من المصعد ينظر إليها وتسوقهٌ ساقيه خلفها كالمسحور ،،،
نظر علي تلك التي سرقت قلبه وغادرت دون أن تٌبالي بحاله ولا حتي تٌلقي عليه نظرة الوداع ♡
إستقلت الباص وجلست بجوار النافذة ،،تحرك الباص تحت أنظار ذلك المسحور المٌطل علي حوريته وهي تبتسم وتنظر للمكان وكأنها تودعه
تحمحمَ عٌمر وتحدث علي إستحياء من حالة ياسين فأراد أن يخرجه من تلك الحاله التي لا تليق برجل بمركز ياسين
وتحدث ٠٠٠٠٠هو فيه حاجه يا باشا ؟؟
أفاق ياسين علي صوت عٌمر ولكنه لم يجبه وتحرك إلي وقوف رجال أمن الحراسه وتحدث٠٠٠٠تبع أيه الباص إللي لسه متحرك ده يا رجالة ؟؟
أجابهٌ أحد الرجال بإحترام ٠٠٠٠٠دول طلبه كلية إعلام جايين في زيارة تدريب تبع كليتهم للإدارة يا باشا !!!
حك ياسين ذقنه وتحدث بإهتمام٠٠٠تبع جامعة أيه يا أشرف ؟؟
أجابهٌ الرجل٠٠٠٠جامعة إسكندريه حضرتك !!
نظر ياسين إلي عٌمر قائلاً بطريقه أمره٠٠٠٠٠عٌمر عاوز أجي بكرة ألاقي تقرير مٌفصل علي مكتبي بأسماء وصور وأماكن سكن كل الطلبه إللي حضروا التدريب إنهاردة ،،مفهوم يا عٌمر !!!
أجابه عمر بطاعه٠٠٠٠إعتبرة حصل يا باشا !!!!
___________________________
ليلاً داخل الإستراحه الموجوده بحديقة فيلا رائف
كان يجلس ياسين بصحبة رائف وطارق يحتسون مشروباً ساخناً ويتسامرون !!
نظر طارق إلي رائف وهو يغمز بعينه ويٌشار بها !!
نظرا إثنتيهم إلي ياسين الجالس فوق المقعد مٌبتسم علي غير العاده بعيون سارحه ف الملكوت
تحدث رائف بتساؤل ٠٠٠٠٠٠مالك يا ياسين من ساعة ما قعدنا وإنتَ مبلم ومٌبتسم ومزبهل كده لدرجة إن إللي ميعرفكش يقول عليك بتحب ؟
نظر إلي رائف وأبتسم ووضع يداه خلف رأسه ناظراً أمامه بشرود وتحدث٠٠٠٠هو ممكن الواحد يحب واحدة من مجرد نظرة لعنيها ؟؟
إعتدل طارق وتحدث بتسلي٠٠٠٠ده شكله الموضوع كبير بقا ،،هو الباشا بتاعنا وقع ولا أيه ؟؟
إبتسمَ لأخاه وتحدث بعيون لامعه نابضة بالعشق٠٠٠٠ والله شكلي وقعت ولا حدش سمي عليا يا طروق !!
وأكمل بعشق ٠٠٠٠عارف لما تبقي ماشي ف ليل ضلمته مابتنتهيش وفجأه وبدون سابق إنذار تلاقي شمش طلعت ونورتلك طريقك وحياتك كلها !!
وبدأ بقص ما حدث وما شعر به قلبهِ المسكين من حوريته الجميله !!
وأكمل بنبرة حماسيه ٠٠٠٠من بكره هقلب إسكندرية كلها عليها لحد ما ألاقيها ووقتها بس محدش هيقدر يخرجها من حضني ،،هاخليها تحبني وتدوب فيا زي ما دوبتني فيها
ثم أبتسم وأكملَ بثقه ٠٠٠٠ده إذا ماكانتش دابت فيا أساساً،،نظرت عيونها حلوه،،حلوة أوي وبتشع حياه ♡مش معقول هكون إتهزيت وحسيت بالشعور الجبار ده لوحدي،،أكيد هي كمان سهم عيوني صاب قلبها ،،،أكيد إن شاء الله !!
تحدثَ رائف بتعقل٠٠٠٠٠هو أنت فعلاً خلاص هتطلق ليالي يا ياسين ؟؟
تحدث ياسين بطريقه عمليه٠٠٠٠ليالي دي غلطة نتيجة تسرعي وتهوري ف إختيار الشريك الغلط يا رائف،،أنا خيرتها بين إنها تلبس الحجاب وبين الطلاق وللأسف إختارت الطلاق !!!
ثم إلتفت بجسده لرائف وتحدث بأسي٠٠٠٠٠٠تخيل يا رائف إنها وافقت تديني سيلا بعد الإنفصال كده عادي،،بشرط إني أئمن لها مستقبلها بقرشين علشان تقدر تكمل علي نفس المستوي،،،،،
تفتكر واحده بتستغني عن بنتها إللي لسه مكملتش 3 سنين قصاد حريتها ولبسها المتحرر وشعرها،، تستاهل إني أعمل حسابها ف حياتي أساساً،، ولا دي عقليه أقدر أئمن علي نفسي وبنتي معاها،،دي بنت فاضيه من جواها أهم حاجه عندها جمالها وحياة الرفاهيه إللي عايزة تعيشها علي حسابي !!!
ثم تحولت عيناه بلحظه لنظرات هيام وأكملَ حديثه بصوتٍ حنون٠٠٠٠ وبعدين يا رائف أنا بجد حبيت،،أنا أول مرة قلبي يدق وأعرف يعني أيه حب ،،وكل ده من نظرة واحده أومال لو إتكلمت معاها وبصت ف عيوني وقالتلي بحبك ،ولا ،،،،
وأبتسم وأنار وجهه ولمعت عيناه بحب وأكمل٠٠٠٠ولا ضمتها ف حضني تفتكر وقتها هحس بأيه ؟؟
وأبتسم بسعاده وأكمل٠٠٠٠ده أتاري الحب ده طلع حاجه حلوة أوي بيدخل قلوبنا بيغسلها من أخطائها وينورلنا ضلمة حياتنا إللي عيشنا فيها كتير !!!
تحدث طارق بأسي٠٠٠٠٠مش عاوزك تاخد الأمور ببساطه كده يا ياسين،،منال هانم مش هتسيب موضوع ليالي يعدي من بين أديها بسهوله كده،،
أنا سمعتها بوداني إمبارح بتقول لأبوك علي جثتي لو الطلاق ده حصل،،،عز باشا قالها البنت مستهترة ومش هتنفع تكمل مع ياسين ،،،قالتله دي لسه صغيرة بكرة تعقل وتعرف مصلحتها وانا هفضل وراها وهعلمها !!!
أجابهُ رائف بإعتراض٠٠٠٠٠بس يا طارق،،،الحب بيجيلنا مرة واحده ف حياتنا وإن ما مسكناش وتبتنا فيه أوي نبقي أغبيه وبنخسر نفسنا وحياتنا إللي جايه كلها،،
ثم نظر إلي ياسين وأكملَ مٌحفزاً إياه٠٠٠٠٠وأنا إللي حسيته من كلامك واللي شفته ف عيونك وإنت بتحكي عن البنت بتاعت الاسانسير دي بيقول إنك عشقت ودوبت يا باشا،،،فنصيحتي ليك إنك تدور عليها وتتجوزها وعيش إللي جاي من حياتك معاها،،علشان إنتَ بجد تستاهل تحب وتتحب يا ياسين !!
ثم حولَ بصرهِ إلي طارق وتحدث٠٠٠٠خلينا صٌرحه مع بعض يا طارق ،، ليالي وياسين زي الشروق والغروب الإلتقاء بينهم صعب ومستحيل،،،
ياسين راجل شديد وحكيم ومنظبط ف حياته ،،وبحكم شغله الصعب محتاج لست لينه وهاديه تحبه وتقدرة وتقف ف ظهرة،،ست لما يرجعلها أخر اليوم تمتص تعبه وتنسيه إللي شافه بره،،،مش تكون عاتق علي ضهرة
وأكملَ ٠٠٠٠٠٠ليالي واحده مخلفه بنت ومتعرفش عنها أي حاجه أصلا وكلنا شايفين ده بعيونا،،، سيباها لعمتها وللناني وطول الوقت ياإما ف النادي مع صحباتها أو بتعمل شوبنج ،،،،
ده طبعاً غير خناقاتهم إللي مابتخلصش علشان سفرها لوحدها إللي عاوزه تروحه مع صحباتها وياسين بيمانع ،،يبقي العقل بيقول إن الخسارة القريبه مكسب يا طارق ،،أخوك مش هيفضل مكمل حياته ف مناوشات وخناقات ليالي اللي مابتخلصش،،،
ثم نظر مٌبتسماً لياسين الذي ينظر له بإبتسامة ونظرة إعجاب لتفكيرة الناضج الذي يسبق سنه وتحدث رائف٠٠٠٠٠٠أنا عن نفسي مش هتجوز غير عن حب ويوم ما ألاقيه همسك فيه ومش هسيبه غير بموتي !!!!
تحدث طارق بطريقه عقلانيه٠٠٠٠٠طب لو ماما صممت علي رجوع ليالي ؟؟
أجابهٌ ياسين ببرود٠٠٠٠تتفضل ترجع أنا مش ممانع،، بس هترجع زوجه تانيه،،هتجوز إللي حبيتها وهعيش حياتي معاها،،أنا عمري هعيشه مرة واحده ولازم أدور علي راحتي مع واحده بحبها وبتحبني ،،مش هربط حياتي أنا بواحده أنانيه كل إللي يهمها راحتها وسعادتها هي وبس !!!
ثم وقف بإنتشاء وتحدث ٠٠٠٠أنا طالع أنام وبكرة الصبح هعرف كل حاجه عن حبيبتي ،،،تصبحوا على خير !!!!
______________________________
اليوم التالي علي التوالي كان يجلس فوق مقعد مكتبه،،يٌمسك بيده تقريراً عن فتاته التي إخترقت قلبهِ بسهم عِشقها !!!
نظر لصورتها وتحدث بهيام وأبتسامة حب٠٠٠٠٠مليكه سالم عثمان،،،أهلاً بكِ مليكتي داخل قلبي العاشق ،،،أنرتي حياتي غاليتي،،أه مليكه،،كم بريئًٌ وجهكِ يا فتاه،،ساحرةً عيناكي ومبتغاي،،
أشعر أنكي ستكونين لي داري ومقداري،،سكني وسكينتي،،هدوئي وجنوني،،سأعيش معكي عمريَ الضائع قبلك،،سأجعلكي تذوبين عشقاً بي،،ستعشقينني مليكه،، وهذا وعدي لكي أميرتي ♡
أفاق من شروده علي خبط فوق باب مكتبه أمر الطارق بالدخول ،،دلف للداخل صديقً له يدعي أمير
جلس أمير وتحدث٠٠٠٠٠جهز نفسك ياباشا،،لسه جاي من مكتب رأيس الجهاز وقالي أبلغك إننا هنسافر بكره علي السويد،،ف المأمورية إللي كان بلغنا بيها من كام يوم
إقشعر وجه ياسين وتحدث بضيق٠٠٠٠٠٠يا نهار أبيض،،داأنا نسيت الموضوع ده خالص،،أكيد السفر بكره ؟؟
أجابهُ أمير بإيماء٠٠٠٠طبعاً يا ياسين أكيد،، بقولك لسه خارج حالآ من مكتب الريس،،وأكيد هيبلغك بنفسه دالوقتي،،المشكله دلوقتي مش ف السفر يا ياسين،،المشكله ف المده،،الريس قالي إحتمال المدة توصل ل أربع شهور أو أكتر !!!
زفر ياسين بضيق وأقشعرت ملامحه ودق بقلمه علي مكتبه !!!
بعد ساعتين كان يجلس بمقعد سيارته أمام جامعتها،،ينتظر خروجها ليراها ويٌخمد أنين قلبه الذي لم يصمٌت لحظه مٌنذ البارحه حين ألتقاها داخل المصعد ،،
كان مصوبً عيناه علي بوابة الخروج وفجأه ظهرت أمامهٌ بجمالها وبلحظه صنعت هاله من السحر حولها ،،،
إنتفض قلبه وأرتعش جسدهِ بسعاده،،قفز قلبه من مكانه ودَ لو يتركه ويطير إليها يحتضنها ويشدد من ضمتها ليهدئ ولو قليلاً ♡
كانت تخرج وسط صديقاتها وتبتسم بسحرٍ لم يري مثله بكامل حياته
☆مميزةٍ أنتي محبوبتي ☆
كانت ترتدي ثوباً فِضفاضاً ممتزج من اللونين الأبيض والأزرق وترتدي حجاباً أبيضً ف مظهر أظهرها كملاك لهٌ هاله وطله،،،
تنهد براحه وأنتشاء وهو ينظر لعيناها الساحره ،،،ياالله،،كم أنتي بريئه معشوقتي،،ماذا فعلتي بي أيتها الصغيرة ؟؟
من أين لكي كل هذه السلطه كي تضعي قيودكِ فوق قلبيَ وتجعليه مسكيناً ومنصاعاً هكذا لأمر عشقك،،،أحبك صغيرتي أحبك♡ بل أعشقك،،كيف ومتي حدث هذا ؟؟
أنا لا أدري ؟؟
تحركت بخفه ورشاقه تحت أعين ذلك العاشق المسكين،،إستقلت سيارة مستأجرة كانت تنتظرٌها ومكثت بالمقعد الخلفي بجانب النافذة،، وأنطلق السائق
♡ وأنطلق ياسين خلفها مٌنساقاً لأمر قلبهٌ العاشق ♡
إقترب من سيارتها وجدها سانده برأسها علي زجاج النافذه،، وقد بدأت السماء بنزول قطرات المطر الجذابه
إبتسمت بسعاده فائقه وأنزلت زجاج النافذه ونظرت بفرحه ومدت يدها بحركه طفوليه تستقبل بها قطرات المياه العذبه،،
كان كل هذا يحدث أمام ذلك المٌبتسم سعيد القلب والوجه
ودَ لو يوقف سيارتها ويندفع إليها وينزلها ويحتضنها ويرفعها بين يداه ويدور بها تحت قطرات المطر بسعاده ،،،لكنه تمالك من حاله بصعوبه،،
وأجل لحظات جنونه لحين عودته من سفره المفاجئ الذي لم يكن بالحسبان !!!!
ضل يراقبها حتي توقفت سيارتها ونزلت منها وتحركت لداخل عقار سكنها ودلفت وبلحظه أختفت عن عيناه !!!!
حينها صرخ قلبه مٌطالباً إياه بالهروله خلفها،،تمالك حاله لأبعد الحدود،، وقاد سيارته عائداً إلي منزله كي يحضر حقيبة سفره المفاجئ،، تحت صياح منال التي طالبتهٌ بإرجاع ليالي قبل سفره لكنه كعادته لم يٌعِرْ حديثها إهتمام وأبلغها أنه أنتوي طلاق ليالي حين عودته من سفره !!!
سافر ياسين ومكث بسفره هذا ما يقارب علي الأربعةِ أشهر،،
وطيلة هذه المدة لم تغب فتاته عن خاطرة كانت صورتها محفورة بذاكرته إبتسامتها الجذابه ، عيناها الساحراتان ،،صوتها العذب،،رقتها الغير معهودة لديه ،،
وطيلة هذة المدة كان يذهب لصانع جواهر فريده إستمع بوجوده هناك،،وطلب منه صنع خاتم فريد النوع حتي يٌقدمه لخطبة فتاة أحلامه،،بعد أن إستعلمَ عن مقاسها بطرقهِ الخاصه !!!!
إنتهي ياسين من مهمته بنجاح باهر كالعادة ورجع إلي أرض الوطن ،،،وكالعادة لم يٌخبر أحد بموعد رجوعه لسرية وحساسية موقعه
هبط هو ورجاله من طائرتهم الخاصه بالجهاز إستقل سيارته التي كانت داخل جراج المطار،،
لم يستطع صبراً علي رؤيتها،،فكفي علي قلبه البعاد،،فقد تحامل كثيراً عليه وحان الآن أن يلبي ندائاته وصراخه المستديم مطالباً برؤيتها وأحتضان قلبها، ،
إنتوي أن يتحدث معها اليوم ،،قرر أن يقف أمامها وبكل جرأة يعلن لها عن ما فعلته به تلك الساحرة الصعيرة ويطلبها لكي تصبح شريكته بمشوار حياته !!!
وصل إلي مقر جامعتها إنتظر وأنتظر حتي جاء موعد خروجها
وهلت شمس الحياة مرةً أخري عند رؤياها ،،
كانت تشبه ملاك بطلتها البريئه البهيه،،نظر عليها وصرخ قلبهٌ مٌطالباً إياهٌ بالذهاب إلي حضرتها،،، إبتسمَ طلقائياً وأنتفضَ داخله،،،إرتعش جسده ودقَ قلبهْ بأعلي وتيرة لهْ،،
همَ بالنزول وكادَ أن يفتح باب سيارته،،لكنه تسمرَ مكانه وتخشبَ جسده عندما رأي رائف يقترب عليها بعيون سعيده ووجهٍ مبتسم،،
قابلتهٌ هي بنظرة عين لفتاةٍ عاشقه حتي النخاع،،مد لها يده وأحتضنت الأيادي وتقابلت العيون وتحدثت بلغة العاشقين،،
كل هذا كان يحدث أمام ذلك المصدوم مما تراهٌ عيناه،، ضل ساكناً الجسد والملامح ينظر عليهما بقلبٍ مٌمزق وعقلٍ مشوش يرفض تصديق ما تراهٌ عيناه !!
بعد مرور بعض الوقت صعدت مليكه سيارة الأجرة التي تستقلها يومياً تحت أنظار رائف العاشقه !!!
إنسحبَ من المكان بخببة أمل مما رأتهٌ عيناه،،ولكن بقي داخلهٌ جزء يرفض التصديق ويمدهٌ بالأمل الكاذب،،
رجع لمنزله وصعد لجناحه أخذ حماماً ساخناً وجلس يفكر فيما رأه بقلبٍ حزين !!!
_______________________
داخل مسكن ليالي كانت تجلس منال وشقيقها أحمد وقِسمت زوجة أحمد وليالي
تحدثت ليالي بكبرياء ونبرة متعاليه٠٠٠٠ريحوا نفسكم رجوع تاني لياسين أنا مش هرجع ،،أنا أصلاً خلاص مبقتش طايقه العيشه معاه،،
ده واحد مغرور وعاوز الدنيا كلها تمشي علي مزاجه،،أنا خلاص أتفقت معاه هيأمنلي مستقبلي وياخد بنته يربيها براحته من غير مشاكل !!!
تحدثت منال بغضب٠٠٠٠٠إنتي مش مكسوفه من نفسك وإنتي بتقولي بنته ؟؟
أشارت لها بيدها بتأفأف !!
تحدث أحمد بعقلانيه ٠٠٠طب أنا عندي إقتراح،،أنا شايف إنك تلبسي الحجاب لحد مايهدي وبعدها إبقي إقنعيه واخلعيه عادي !!!
نظرت لهٌ قِسمت وتحدثت بإستعلاء٠٠٠٠أيه التخاريف إللي إنتَ بتقولها دي يا أحمد،،أنا بنتي تلبس القرف ده وتدفن جمالها وشبابها تحت حتة قماشه،،،وليه ده كله،، علشان ترضي راجل عينه زايغه وكل يوم والتاني ف حضن واحدة شكل !!!
نظرت منال بغضب إلي ليالي التي إبتلعت لُعابها بخجل وتحدثت بحده٠٠٠٠أوام جيتي بخيتي سمك وحكيتي لمامتك، والله عيب عليكي !!
تحدث أحمد مٌستفهماً ٠٠٠٠هي أيه الحكاية بالظبط ؟؟
أجابتهْ قِسمت بإستهزاء٠٠٠٠٠الحكايه إن بنتك أجرت واحد من شركة أمن كبيرة علشان تشوف البيه المحترم بيقضي معظم وقته فين وسايبها ،،وأكتشفت إن البيه عنده شقه سريه وشهرياً علي الأقل بيتجوز فيها واحده عرفي !!!
إنتفضت منال بغضب وتحدثت ٠٠٠٠٠طب ولما بنتك جت وقالتلك علي السر الخطير ده ،،مسألتهاش جوزك بيعمل كده ليه وأيه اللي باعده عنك كده ؟؟
وأكملت بقوة٠٠٠٠٠أنا بقا أقولك يا قسمت ،، الهانم طول الليل حاطه ماسكات ولفه شعرها وجايبه البنات يعملولها باديكير ومانيكير علشان تخرج تاني يوم في أبهي صورة قدام صحباتها وتبهرهم بجمالها إللي مالوش زي،،
الهانم اللي مقضيه وقتها ما بين النوادي والشوبنج وعندك هنا وراميه بنتها للشغالين ،،الهانم متعرفش حاجه عن جوزها ولا بتشوفه غير لما تحتاج فلوس لطلباتها إللي مبتخلصش،،
وأكملت بغضب عارم٠٠٠٠٠إبني عمره ما كان كده،، إبني معملش كده غير بعد ما عاشرك،،وكأنه بيدور علي الست اللي ملقهاش فيكي ،،ياسين بيدور علي الحب والإهتمام إللي للأسف ملقهوش عندك ،،
وإنتي بدل ما تفوقي بعد إللي عرفتيه وتحاولي تصلحي من نفسك وتقربي من جوزك جايه تفضحيه وتفشي سره عند مامتك ؟؟
ثم نظرت لها ول قِسمت وتحدثت٠٠٠٠٠٠ونصيحه مني يا قسمت إنتي وبنتك ،،بلاش ترغوا ف الكلام ده علشان ياسين لو عرف أنا نفسي مش هقدر أقف قدام غضبه واللي هيعمله معاكم !!!
وقفت قسمت وتحدثت بكبرياء٠٠٠٠٠إنتي بتهدديني يا منال !!
وقفت منال وحملت حقيبتها وتحدثت بحده ٠٠٠٠إحسبيها زي ما أنتي عاوزه !!
ونظرت إلي ليالي وتحدثت ٠٠٠٠٠يظهر إني غلط من الأساس إني رشحتك لإبني وشكرتله فيكي وغشيته،، بس ملحوقه ،،،مش عاوزه تطلقي ،،،إنهارده ورقتك هتكون عندك وأنا بنفسي إللي هبعتهالك علي هنا ،،ويكون في علمك أنا إللي منعت ياسين إنه يطلقك طول الفترة اللي فاتت !!!
تحركت وكادت أن تخرج جرت خلفها قسمت وتحدثت بتراجع٠٠٠٠إهدي يا منال الأمور متتاخدش بالطريقه دي ،،وبعدين طلاق أيه إللي بتتكلمي عنه، إحنا مش عاوزين طلاق ،،كل اللي عاوزينه إن ياسين يهدي علي البنت شويه ويسيبها بحريتها ويتراجع عن فكرة الحجاب دي كمان !!!
إبتسمت ساخرة وتحدثت٠٠٠٠قصدك إنتي وبنتك عاوزين راجل تحركوه بالريمود كنترول ،،للأسف يا قِسمت،، الراجل اللي بتدوروا عليه مش ياسين المغربي خالص !!!
تحدث أحمد بإنكسار ٠٠٠٠٠ويرضيكي بنت أخوكي تاخد لقب مطلقه وهي لسه في أول حياتها ،، إنتي كده بتقضي علي مستقبلها يا منال !!!
نظرت لهٌ بإستغراب وتحدثت٠٠٠٠٠أنا يا أحمد اللي بقضي علي مستقبلها،، دي بنتك من جبروتها ياسين بيهددها علشان تتراجع وتسمع كلامه وبيقولها لو إطلقنا سيلا هتبقي معايا ،،
ردت عليه بكل برود وجبروت قدام عز وقالتله وأنا موافقه لكن بشرط تأمنلي مستقبلي،،دي خلت رقبتي أد السمسمه في وسطهم وف الأخر تقولي انا إللي بدمر مستقبلها ،،دأنا ربنا يعلم بعمل أيه علشان أغطي علي فشلها قدام ياسين وإهمالها في بنته !!!
بعد ذهاب منال دلفت قسمت غرفة ليالي وجدتها تستمع إلي موسيقي غربي وتتراقص وتتمايل بجنون أغلقت قسمت مٌشغل الموسيقي وتحدثت لإبنتها٠٠٠٠٠فوقيلي كده وأسمعي الكلام إللي هقولهولك ده،،،كلمة طلاق دي مش عاوزه أسمعها منك نهائي،،مفهوم، ،،بقا عاوزه تسيبي العز ده كله وتيجي تقعديلي هنا !!!
تأفأفت ليالي بملل وتحدثت٠٠٠٠٠يووو يا مامي متزهقنيش بقا ،،صدقيني إللي إسمه ياسين ده ميطقش،،، ده تٌقله ومغرور وكفايه إنه حارمني من المتعه الوحيده اللي بحبها وهي السفر مع صحباتي،،
يا مامي أنا طول الوقت حاسه إني أقل من صحباتي،، ممنوع أسافر زيهم ممنوع أسهر لوحدي معاهم،،، يا مامي حسي بيا أنا مخنوقه أوي ،،لا وكمان عاوزني أقعد وأكون خدامه لبنته،،
وأكملت بإشمئزاز٠٠٠٠٠ده أنا لحد إنهاردة مش قادرة أنسي أنه أجبرني أرضع أيسل من صدري وبوظلي شكله وشكل جسمي كله،،وقعدت فترة طويله أتمرن لحد مارجعت جسمي لشكله تاني،،بجد يا مامي العيشه معاه صعبه جداً
تحدثت قِسمت بجديه٠٠٠٠٠يمكن ياسين صعب وراجعي ومتحكم شويه،،،لكن مش هتلاقي واحد يحققلك كل أحلامك ويصرف عليكي بالبزخ ده زيه،،وبعدين متنسيش إنك لو إطلقتي فرصتك في الجواز من حد كويس هتكون ضئيله جداً
وكمان بنتك إللي إنتي سيباها دي،،أيه مفكرتيش فيها،،مبتحنيلهاش ،،أنا مش فاهمه أصلاً إزاي قادرة تقعدي من غيرها كده ؟؟
زفرت بضيق وتحدثت٠٠٠٠ما عمتو بتجيبهالي كل فترة أشوفها يا مامي،،دأنا يمكن بشوفها هنا أكتر ما كنت بشوفها هناك !!!
تحدثت قسمت بحزم ٠٠٠٠٠ليالي ،،إعقلي بقا وفكري ف مصلحتك ومصلحة بنتك ،،ده ياسين المغربي يعني المستقبل والفلوس كلها ،،،ده بيترقي بسرعة الصاروخ،،ولا مكافأته وأمتيازاته اللي شغله مديهاله ،،، أخر كلام مفيش طلاق وهترجعي معاه وأنا هخلي بابي يقنعه بإنه يلغي فكرة الحجاب دي !!!
زفرت ليالي بغضب وتحدثت٠٠٠٠٠وبالنسبه لجوزاته اللي عرفتها دي كلها لو أتعرفت للناس،،تقدري تقوليلي شكلي هيكون عامل إزاي،،،هيقولوا لي لي العشري بجمالها وسحرها جوزها سايبها ورايح يبص لغيرها ؟؟
أجابتها قسمت بحذر٠٠٠٠٠٠تعاملي مع الوضع ولا كأنك عرفتي حاجه،،،أولاً لان ياسين لو عرف هيخرب الدنيا زي ما عمتك قالت، ، متنسيش انه ف مركز حساس وأنتي وبكل غباء روحتي سلمتي كل بيناته وتحركاته لشركة أمن خارجيه وبسهوله جداً ممكن توصل كل اللي عرفته عنه للجهات عندهم،،إنتي أصلاً المفروض تحمدي ربنا إنه معرفش !
ثانياً بقي وده المهم ،،إن ياسين حريص جداً يعني محدش يعرف بعلاقاته دي ولا هيعرف،، وبكده تطمني من جهة شكلك قدام الناس وترجعي تعيشي ملكه وتستفادي علي أد ما تقدري بمركز ياسين وفلوسه وده أخر كلام عندي يا لي لي فاهمه ؟؟
زفرت بضيق وهزت رأسها بإيماء مٌجبر !!!!
____________________________________
مساءً
كان ياسين يجلس داخل حديقتهِ بعقلٍ شارد يفكر بقلبٍ مٌمزق فيما شاهده،،وجد رائف أمامه وقف وأحتضنه بتيهه
وتحدث رائف بإبتسامتهٌ البريئه ٠٠٠٠٠أيه يا أبني فينك ،،من وقت ما وصلت جتلك مرتين وسألت عليك قالولي نايم، أيه مكنوش بينيموك هناك ولا أيه ؟؟
كان ينظر له بقلبٍ يتوجع من شدة الألم كاد أن يسأله ولكن رعبهٌ من تأكيد ما رأهٌ بأم عينه منعه،،
جلس رائف وتحدث بنصف عين ٠٠٠٠مالك يا ياسين ،،فيك حاجه متغيرة ،،إنت تعبان ؟؟
أجابهٌ ياسين بإقتضاب٠٠٠٠مفيش ،،مرهق شويه من الشغل !!!
أجابهٌ رائف بإهتمام٠٠٠٠٠سلامتك يا حبيبي !!!
ثم إبتسم رائف بسعاده وبلحظه لمعت عيناه وأمسكَ يدهٌ وتحدث٠٠٠٠لقيتها يا ياسين،،لقيت نصي التاني !!
نزلت الكلمه علي قلبهِ المِسكين قطعتهٌ إرباً ومزقتهْ جاهدَ في إخراج صوته وتحدث٠٠٠٠عرفتها إزاي وأمتي يا رائف؟؟
أجابهٌ رائف بعيون لامعه٠٠٠٠بعد ما أنتَ سافرت بحوالي إسبوعين،،كان عيد ميلاد واحده صاحبتها،،كنت يومها سهران ف الكافيه اللي فيه العيد ميلاد وببص حوليا لاقيتها واقفه،،لما عيني جت ف عنيها حسيت بكهربا لمست ف جسمي كله ♡
ثم أكملَ بهيام٠٠٠٠عيونها حلوة أوي يا ياسين،،عيونها سحرتني وشدتني لدنيا عمري ما عرفتها غير معاها،،عيون مليكة ♡
نزلت كلماته كصاعقة كهربائيه علي قلبه تمالك من حاله وتحدث٠٠٠وهي بتحبك ؟؟
أجابهٌ بعيون عاشقه٠٠٠٠ما بتنامش غير لما تسمع صوتي،،وجودي بقا بالنسبالها الحياه ♡
ثم أكملَ٠٠٠٠٠كنت مستنيك ترجع علشان أحكيلك،،عاوزك تبقي معايا وأنا بكلم عمي عليها،،
أكملَ رائف٠٠٠٠بعد شهرين أخوها هييجي من السفر و ونروح نخطبها ،،بقيت بحلم باليوم إللي تكون فيه ملكي يا ياسين،،أخوك داب وعشق ولا حدش سمي عليه ♡
تمالك حالة ووقفَ وأمسك يده وسحبهٌ داخل أحضانه وربتَ علي ظهرةِ بحنان قائلاَ ٠٠٠٠مبروك يا حبيبي، ،مبروك يا غالي !!!
_____________________________
في اليوم التالي علي التوالي ضغطت منال علي ياسين وعز حسب الإتفاق مع شقيقها وذهبوا جميعاً إلي منزل أحمد !!
تحدث ياسين بحده ٠٠٠٠أنا لسه عند طلبي يا خالي ،،شرطي للرجوع إنها تلبس الحجاب ومفيش نوادي وسهر برة البيت تاني،،وتقعد ف البيت زيها زي أي أم طبيعيه وتهتم ببنتها !!!
تحدث أحمد٠٠٠٠ خلاص يا أبني ليك عليا انها متخرجش كتير من البيت وتهتم ببنتها
تحدث ياسين موكداً٠٠٠والحجاب قبل كل ده يا خالي !!!
تحدثت قسمة بتحدي٠٠٠٠٠أنا مش فاهمه يا ياسين أيه إللي طلع الموضوع ده ف دماغك مرة واحده كده،،أظن إنك لما جيت تخطبها مكانتش محجبه وكنت موافق ومرحب،، ممكن تقولي أيه بقا إللي إتغير ؟؟
أجابها ياسين٠٠٠٠٠ربنا نور بصيرتي حضرتك وفهمت ديني كويس،،مش عيب إننا نغلط ونذنب،،العيب هو إننا نستمر ف الغلط وإرتكاب الذنوب ومنتراجعش عنها ،،ولا أيه رأي حضرتك ؟؟
تحدثت ليالي بضيق وتحدي ٠٠٠٠٠وأنا مش مستعدة أفقد جمالي وأخبيه تحت قماشه ملهاش أي قيمه عندي لمجرد تحكمك فيا !!
نظر لها ياسين ببرود وتحدث٠٠٠٠٠يبقا نتطلق يا ليالي !!
نظرت لهٌ منال وتحدثت بغضب ٠٠٠٠٠مفيش طلاق هيحصل يا ياسين ،،إهدي كده وخلينا نتفاهم بالعقل !!
أجابها ياسين٠٠٠٠مفيش تفاهم ف الموضوع ده يا أمي ،،الموضوع أساساً بالنسبالي محسوم ومش محتاج نقاش !!!
كان عز ينظر لهم ويستمع بصمتٍ تام !!!
نظرت له ليالي وتحدثت بغضب ٠٠٠٠هو أنتَ كمان إللي بتتشرط وبتهدد بالطلاق،،مش كفايه إني متحمله عصبيتك وتحكماتك الفاضيه وشخصيتك الغريبه ،،إنتَ المفروض تشكرني إني متحملاك أصلاً !!!
صاح بها ياسين وتحدث ساخراً٠٠٠٠٠٠إنتي اللي متحملاني،،يابنتي أنا لولا أمي وخالي كنت طلقتك من تاني شهر إتجوزنا فيه،،إحنا يعتبر متجوزين علي ورق يا ماما،،،
بلاش إهمالك ليا أنا قادر عليه،،تقدري تقوليلي بنتك فين من حياتك ؟؟
ثم نظر للجميع وتحدث ٠٠٠٠هو فيه أم طبيعيه تسيب بنتها اللي مكملتش 3 سنين خمس شهور وهي متعرفش عنها حاجه؟؟
إرتبكت ليالي وتحدثت٠٠٠٠لا طبعا بشوفها عمتو بتجبهالي كل إسبوع مرة !!
ضحك ساخراً وتحدث ٠٠٠٠لا والله كتر خيرك،،تعبينك معانا إحنا يا مدام،،،
ونظر إلي أحمد مٌتحدثاً ليٌنهي تلك المسرحيه الهزليه بالنسبةٍ له٠٠٠٠٠٠٠خالي،،، أنا هطلق،،، شوف طلبات حضرتك أيه وأنا تحت أمرك ف أي حاجه !!!
صاحت منال بغضب ٠٠٠٠٠قولتلك إنسي موضوع الطلاق ده خالص يا ياسين،،إنتَ عاوز تشمت الناس فيا،،،،
ثم أحالت بصرها إلي عز وتحدثت٠٠٠٠٠ماتتكلم يا عز إنتَ قاعد ساكت ليه ؟؟
تحدث عز بلامبالاه٠٠٠٠أتكلم أقول أيه يا منال راجل ومراته بيتكلموا أنا أيه دخلي !!!
تحدثت بغضب ٠٠٠٠بقا كده يا عز ،،
وأكملت بتهديد ٠٠٠٠طب يكون ف علمك يا ياسين ،،طلاقي من بباك مرتبط بطلاقك من ليالي ،،أيه رأيك بقا ؟؟
تحدث عز غاضباً٠٠٠٠٠إنتي إتجننتي يا منال أيه التخاريف إللي بتقوليها ده ؟؟
صاحت بغضب ودموع كاذبه ٠٠٠٠٠اللي سمعتوه بقا،، ما انا مش هقعد أتفرج علي بيت إبني وهو بيتهد وأقف ساكته !!!
بعد مناقشات ومناورات كثيره إتفق خاله علي انه سيتحمل ذنب عدم إرتداء إبنتهِ الحجاب أمام الله ،،
ورغم عدم إقتناع ياسين بهذا الحديث إلا أنه وافق بعد ضغط عز ومنال عليه حتي ينهوا هذه المناقشه الغير مجديه بالنفع ،،ورجعت ليالي إلي منزلها بعد مكوثها بمنزل أبيها الذي طالَ لمدة خمسة أشهر
_____________________________
بعد شهرين !!!
كانت خطبة رائف ومليكه
إقتربَ ياسين من مليكه وهو ينظر لها بقلبٍ ممزق
تحدثَ رائف بإبتسامه وهو يٌشير إلي ياسين٠٠٠٠أعرفك بقا بأخويا الكبير وأبويا الروحي ،،ياسين باشا المغربي،،وحش المخابرات إللي مشرفنا ف كل مكان !!
مدت مليكه يدها بإبتسامه جذابه وتحدثت بإحترام٠٠٠٠أهلاً يا أبيه،،،ده طبعاً لو حضرتك تسمحلي أقولهالك ؟؟
غرست كلمتها كالخنجر البارد داخل قلبهٌ المسكين ومد يدهٌ وهو يبتسم وتحدث٠٠٠٠إنتي تقولي إللي إنتي عوزاه يا مليكه،،مبروك !!
أجابتهٌ بإبتسامه ساحرة ٠٠٠٠٠ميرسي كتير لحضرتك !!!
تمزق داخله وإنصدمَ من عدم معرفتها له ،،كيف لكي أن لا تتعرفي لتلك العينان التي ذابت عشقاً عند رؤياكي ،،كيف مليكه ،،،كيف ؟؟
_____________________
عوده للحاضر !!!
كانت تستمع له ودموعها تنذرف من عيناها بغزارة وهي تٌشاهد ألمه ودموعهٌ المحتجزه داخل مقلتيهِ تأبي النزول إمتثالاً لكبريائها،، وهو يتذكر ويخرج ألم السنين الذي دفنهٌ داخل صدرة أعوامً وأعوامْ !!!
إقتربت عليه وتحسست وجنتيه وتحدثت بتأثر وأسي وأسف٠٠٠٠أنا أسفه يا حبيبي، ،سامحني يا عمري،،أنا غبيه،، إزاي مقدرتش أشوف حبك وألمك ده كله إزاي ؟؟
وأنت يا ياسين، ليه مقولتليش أول ما أتجوزنا ،، ليه يا حبيبي ليه ؟؟
هز رأسه وتحدث ٠٠٠٠مكنش ينفع يا مليكه ،،مكنش ينفع قبل ما أتأكد من حبك ليا الأول،،وإلا كنت هبقي ببتز عواطفك،، وساعتها كنت هصعب عليكي وتشفقي عليا،،، وده اللي عمري ما كنت هقبله علي كرامتي أبداً !!
ثم نظر لها بأسف وندم وتحدثت٠٠٠٠٠علي فكرة يا مليكه أنا مش وحش والله،،أنا عمري ما كنت راجل شهواني ،، بدليل إني عمري ما لمست ست قبل ليالي،،أنا كتت بدور علي إللي ناقصني صدقيني،،
وهز رأسهٌ بنفي قائلاً ٠٠٠٠ومقصدش أبداً المعاشرة،،،خاااالص،،أنا كنت بدور علي السكن والسكينه،،كنت بدور علي الراحه والهدوء والحب إللي ملقتهومش عند ليالي واللي ربنا يعلم أنا حاولت معاها أد أيه علشان تبقالي سكني وأكون لها وطن،،،،
لكن للأسف ليالي عامله زي أله إلكترونيه وعارفه ومحدده ف حياتها أيه هي أولوياتها ،،ماشيه بمبدأ نفسي ثم نفسي ثم يذهب الجميع إلي الجحيم،،
وأكملَ ٠٠٠٠أنا كنت بدور علي الحب إللي لو كنت لقيته ف واحده من إللي كنت بتجوزهم كنت كتبت عليها رسمي وأعلنت جوازنا وعشت معاها ورضيت،،، بس للأسف ملقتهوش ف ولا واحده منهم،،
كنت بهرب من ليالي ألاقي ليالي تانيه قدامي،،لدرجة إني إبتديت أشك إن ممكن يكون فيه ست بتحب راجل لشخصه وقلبه مش ماله ومنصبه،،
ونظر لها بعيون مغيمه وتحدث٠٠٠٠ دورت كتير وكتير،،، وأتاريني كنت بدور عليكي يا مليكه،،كنت بدور عليكي بينهم،،،
ثم أحاط وجهها بكفيه وقبل شفاها بقبله سريعه وأعتدل ونظر بعيناها ومازال مٌحتضناً وجهها بعناية وتحدث بصدق ٠٠٠٠٠أنا من يوم ما شفتك ف الأسانسير وأنا حرمت عليا جنس الستات وأكتفيت بيكي ف قلبي ،،حتي بعد ما أتأكدت إنك بقيتي محرمه عليا زي تفاحة أدم،،إكتفيت بحبك وخبيته بين ضلوعي بعيد عن كل العيون، حبك كان كافي يعيشني إللي باقي من حياتي ف سلام،،
إحتضنته بشده ودموع وتحدثت ٠٠٠٠خلاص يا ياسين،،كل الألم والحزن عدي خلاص واللي جاي كله سعادة وفرحه لينا،،هعوضك عن كل لحظة ألم عشتها ف بعدي عنك،،من هنا ورايح أنا سكنك وسكينتك،،هدوئك وجنونك،،أنا عشقك المولود من جديد يا ياسين،،،
إحتضنها بشده وضمها لصدرة ليريح قلبهٌ العاشق لضمتها وضلا معاً يتسامران بكلام الغرام ،،وضل يٌسقيها من عشقهٍ المٌميز لها
♡عشق الياسين لمليكته ♡
◇◇◇◇◇¤◇◇◇◇◇
داخل مدينة أسوان !!!
كانت تستقل قاربً صغيرً يتصل بشراع عالي ويجاورها ذلك العاشق الحيران، مابين قلبه الذي ينبض بعشقها البرئ الذي يٌشبه ملامِحٌها ،،،وبين العقل الذي يٌرجح بقائهٌ مع تلك السالي حتي يفي بوعده لها وألا يطعنها بخنجر الخيانه مثلما يحدثهٌ ضميرة،،
كانت تقف مٌمسكه بالحبال ونسمات الهواء المنعشه تداعب رموش عيناها السمراء الكثيفه
نظر إليها كالمسحور كعادتهِ بحضرتِها وتحدث٠٠٠٠٠ حلو أوي المركبه أم شراع دي !!
نظرت له بإبتسامتها الجميله وتحدثت٠٠٠٠أول مرة تركب مركب بشراع ؟؟
إبتسمَ لها وأجاب٠٠٠٠٠الحقيقه أه،،،أنا أساساً كنت فاكرها إختفت من زمان،،عمري ما شوفتها غير ف الأفلام الأبيض وأسود !!
ضحكت بوسامه وتحدثت بفخر ٠٠٠٠عندنا تلاقي كل شيئ لسه أصيل، الأرض أصيله والنيل أصيل ولسه مايته صافيه وزرقا ماأتلوستش،،
والناس لسه الطيبه ساكنه قلوبهم والحب ساكن ملامحهم ،،عندنا تلاقي الفلاح الأصيل والأرض العفيه إللي بتطرح خير يكفي ولادها ويفيض،،وتلاقي الفلاحه الأصيله وريحة خبيزها اللي بياكل منه كل شارعها،،
وأشارت بيدها وضحكت مٌكملتاً٠٠٠٠٠٠والمركب لسه بشراعها وبتمشي بفخر جنب اليخت الفاخر والمطعم العائم ،،من غير ما تتكسف ولا حتي تستخبي !!!
كان ينظر لها بسحر وتحدثَ بإنبهار٠٠٠٠إنتي إزاي روحك جميله أوي كده ،،إزاي بتقدري توصفي كل حاجه وتضيفي عليها لمستك إللي بتحليها وتخليها غير،،،
وأبتسم وتحدث٠٠٠٠٠إنتي حلوة أوي يا عاليا،،،إنتي فعلاً عاليا !!
إبتسمت خجلاً وتحدثت ٠٠٠٠طب يلا بينا علشان نرجع،،إسلام وماما مستنينا هنروح أرض خالو اللي علي حدود النيل،، هأكلك أحلا دره مشوي وأحلا شاي عصاري دوقته ف حياتك ،،شاي أصلي معمول علي القوالح،،،، مش شاي الكاتيل اللي ملوش لا طعم ولا ريحه !!
وبالفعل بعد قليل كان الجميع يجلس وسط الخضرا والماء والوجوه الحَسِنه ،،
كان مٌمسكً بكوباً من الشاي يتذوقه ويشتم رائحتهْ وهو مغمض العينان من شدة إستمتاعه !!
تحدثت إبتسام بدعابه٠٠٠٠٠أيه رأيك بقا ف الشاي بتاعنا يا أستاذ شريف !!
أجابها وهو مبتسم وسعيد٠٠٠٠بصراحه طعمه وهم،، الفحم مديله رونق ونكهه فريدة من نوعها ،،،أنا أول مرة أشرب شاي بالطعامه دي !!
وقفت علياء بسعاده وتحدثت بمرح٠٠٠٠٠٠أنا هروح أقطف حبة يوستفندي من الشجر يا خالوا لحد ما تشويلنا الدره !!!
وقف سريعاً ولم يبالي بمن حوله قائلاً ٠٠٠٠٠هو أنا ممكن أجي أقطف اليوستفندي معاكي !!!
تحدث خالها بترحاب٠٠٠٠٠روح يا ولدي الأرض أرضك والجنينه وأصحابها تحت أمرك !!!
أماء له بإحترام مٌتحدثاً بشكر ٠٠٠٠٠٠٠العفو حضرتك،،،بجد مٌتشكر جدا !!
وتحرك بجوار تلك المنطلقه المليئه بالحياه وبدأ بقطف الثمار معاً
كانت تقف علي أطراف أصابعها وتعلو بقامتها ف محاوله منها بالتمكن من بعض الثمار
أمٌسكَ بفرع الشجرة المملوء ببعض الثمار وقربهٌ منها حتي إلتصقت يداها بالثمار ،،،
نظرت له وتاها معاً ف بحور عيناهما الساحرة،، ضلا ينظران إلي بعضهما نظرات هائمه ودقت القلوب وتناغمت علي أوتار عشقهما الوليد،،
كان قلبهٌ ينبض بشده مطالباً إياهٌ بمصارحتها بعشقها الذي غزيْ قلبه ،،
فقد.أعلن القلب عصيانه وتمردَ علي العقل
وما كانَ حالها بأفضلِ منهْ،،فصرخ قلبها مطالباً إياهٌ بالرحمه،،الرحمة بالله،،،ألم يشفق عليْ قلبك الطاغي،،تحدث،،قل لي ما يراود خاطرك ،،أحبك شريف،،، بل أعشقك رجٌلي ورجٌلْ أحلامي،،،قولها لي وأرح قلبي العاصي،،،نعم،،،فقد عصاني ذلك القلب وعصي عقلي وأنجرف وراء مشاعري فعشقكَ بجنون،،
كان يشعر بها وبحيرتها وعيونها المتسائهله ولكن هو ليس بالشخص الذي يوعد بشيئٍ لم يتأكد بعد من حدوثه،،
حدثتها عيونه٠٠٠٠كٌفي عني عيناكٍ غاليتي،،، فليس لدي القدرة علي تحقيق مٌرادِك الغالي،،،،فلم يحٌن الأوان بعد ،،الصبر عليائي ،،فقط أطالبكي بالصبر صغيرتي،، فلتتحملي معي،،فلم يعد يتبقي سوي القليل وهذا وعدي لكي عليائي !!!
فاقا إثنتيهم بإرتباك من تلك النظرات والعيون المٌتحدثه علي صوت إسلام وهو يتحدث٠٠٠٠٠كل ده بتقطفوا حبة يوستفندي،، أومال لو هتجمعولنا قفص كنتوا عملتوا فينا أيه ؟؟
إبتسمت علياء وتحدثت خجلاً ٠٠٠٠أنا هروح أغسلهم وهحصلكم
تحركت سريعاً وتحركَ شريف بجانب إسلام
وبعد قليل كان الجميع يتناولون ثمار اليوستفندي وحبات الذرة بسعاده وأنتشاء مع إطلاق الضحكات لتلك القلوب البريئه التي لم تستطع هموم الدنيا علي تلويثها
قضا جلستهم بين ضحكات ومرح ونظرات عاشقه منتظرين غدٍ أفضل بإذن الله
إنتهي البارت
إعترفَ ياسين بعشقهِ الخفي منذ الكثير،، فهل بهذا الإعتراف تنتهي ألامهم وعذابهم ويبدأ حصاد سنوات الرخاء ؟؟
أم أن للحزن بقية داخل تلك القلوب الحائره؟؟
🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية قلوب حائره #
بقلمي روز آمين
🦋البارت الثالث والثلاثون🦋
عادت مليكه بأطفالها إلي أرض الوطن بإشراقه وطله جديدة عليهم،،،فسرها الجميع إلي راحتها عند شقيقها وأهتمامه بحالتها النفسيه والمزاجيه،، كانت عائدة مٌحملةً بالهدايا الثمينه للجميع ،،
وبعدها بيومان رجع ياسين مٌشتاقاً لإمرأة حياته التي لم يعٌد يٌطيق الإبتعادٌ عنها حتي ولو دقائق ،،كان يشتاقها حد الجنون حتي أنهٌ قضي ليلتهِ الاولي بأحضانها وكانت حجته هي إشتياقه للصغير الذي غفي داخل أحضانه من شدة إشتياقه له،،، وبعدها إستدعي ياسين مٌني حتي توصلهٌ لثريا ليغفي داخل أحضانها !!
وقضي ياسين ليلته داخل أحضان مليكته فوق أريكتهٌ الخاصه بهْ لحين إيجاد طريقه يٌخبر بها ثريا عن نيته لتغيير الغرفه بل والجناح بأكمله،، وهذا بعدما إستعطفته مليكه بأن ألا يٌعلن عن زواجهما علي الأقل ف الوقت الراهن مراعاتاً لحالة ثريا،، وأطاعها كعادته لنول رضاها الذي تمناهٌ طيلة عٌمرٍ بأكمله،،
__________________________
كانت ليالي تدور حول حالها كالمجنونه تحادث والدتها ف الهاتف٠٠٠مقالش يا مامي،،كل اللي قاله مفيش سفر السنادي وأقعدي إهتمي بولادك،،بقوله لازم أروح الدكتور مأكدلي علشان ميعاد حقن الخطوط الرفيعه اللي ف وشي ،،
تخيلي البارد يرد عليا ويقولي أنا حابك ومتقبلك علي كده،،حرق دمي ،،
عارفه أيه أكتر حاجة حارقه دمي يا مامي،،إنه فضل منيمني لحد ما دخلت الموقع وحجزت ميعادنا عند الدكتور حتي تذاكر الطيران لما حجزتها،، كان فاضل بس أدفع وأأكد الحجز !!
وصاحت بغضب٠٠٠٠٠تخيلي إنه محوليش علي الكريدت كارد غير مصروفي الشخصي اللي بالعافيه يكفيني مشاريب أو غدا برة !!
صاحت قسمت علي الهاتف والغل يتأكل من صدرها٠٠٠٠اتجنن ده ولا أيه،،والهانم عمتك رأيها أيه ف عمايل إبنها السودا دي ؟؟
أجابتها ليالي ٠٠٠٠٠عمتو مش موجوده،،معزومه علي العشا هي وعمو عز عند رئيس الجهاز ولسه ماقولتلهاش !!!
صاحت قسمت وتحدثت بغل٠٠٠٠طبعاً الهانم خارجه ولا علي بالها وسايبه إبنها يبهدل فيكي براحته ،،
ليالي،، إنتي لازم تشوفيلك حل مع ياسين، إحنا لازم نسافر السنادي،،إنتي ناسيه إن فرح بنت أميرة عصمت صاحبتي قرب،، و لازم نحضره وإحنا ف أبهي صورنا ،،
وأكملت بأمر٠٠٠٠٠راضيه يا ليالي،، شوفي أيه مزعله منك ولو وصلت إنك تتأسفيله أعملي كده !!
ضلَت تتحدثان والغل يتأكل داخلهما من صفعة ياسين لليالي التي لم تَعيِ حتي الأن أنها رداً علي غبائها !!
________________________________
مرت الأيام وجاء موعد الحفل الصاخب التي أشرفت منال علي تجهيزة ليٌظهر للعلن بأعلي مستوي يليق بسيادة اللواء عز المغربي ونجلة سيادة العقيد ياسين المغربي،،
وصل الحضور جميعاً عدا مليكه التي مازالت بمنزلها تتزين بأبهي صورها بثوبها الأنيق الفريد الذي أختارهٌ ياسينها بعنايه فائقه،،
نزلت الدرج وجدت شريف بإنتظارها علي أحر من الجمر ليذهب ليري عليائهٌ التي مَنعت عن عيناه النوم ،،
ولكن وللأسف كانت تجاورهُ سالي التي بَعثَ لها عز بطاقة دعوه لكونها خطيبت شريف
نظرت سالي علي الهابطه من فوق الدرج وكأنها حوريه نزلت من الجنه ،،والحقد يتأكلٌها !!
نظر لها شريف بإنبهار وتحدث ٠٠٠٠٠واااااو ،،،أيه يا بنتي الجمال والأناقه والشياكه دي كلها،،معقوله جمالك ده يا ليكه ؟؟
وصلت إليه وهي تقبله وتحدثت ٠٠٠٠٠عيونك الحلوين يا حبيبي !!
ثم أحالت وجهها إلي سالي وتحدثت بمجامله وهي تمد يدها دون تقبيلها ٠٠٠٠أهلا يا سالي ، نورتي حي المغربي !!
إبتسمت بسماجه وتحدثت بمجامله٠٠٠ميرسي يا مليكه !!!
تحدثت عٌليه ٠٠٠٠٠٠بسم الله الله أكبر ،،ماشاء الله عليكي يا ست البنات،، إللي يشوفك يقول رجعتي لورا عشر سنين ع الأقل !!
إبتسمت مليكه لذكر عَليه عشر سنوات وتحدثت ٠٠٠٠حبيبتي يا داده ،،أومال فين ماما ويسرا ؟؟
أجابتها عَليه بإحترام،،،، كلهم مشيوا وسبقوكي علشان يكونوا مع منال هانم ف إستقبال الضيوف !!
تحدثت مليكه بإهتمام٠٠٠٠طب من فضلك يا داده خلي بالك كويس من الولاد، هما فوق كلهم ومعاهم أيسل وسارة فياريت كل شويه تشوفيهم ليكونوا محتاجين حاجه،، وياريت تبعتي هدي تقعد مع الناني وتساعدها ف رعايتهم علشان ميغلبوهاش !!
تحدث شريف ٠٠٠٠٠يلا يا بنتي إتأخرنا،، ده ياسين كلمني من بدري وقالي أعدي عليكي أجيبك علشان معاه ناس مهمه ومش هينفع يسيبهم،، وقالي لما أقرب عند البوابه أرن عليه يطلعلك !!!
أما داخل الحفل خرجت ليالي من باب الفيلا كالعادة مٌتأخرة ظناً منها أنها أميرة الحفل المتوجه التي لابد أن تظهر مؤخراً،، كانت أنيقه وجميله كعادتها
نظرت إلي ياسين وجدته يقف مع رئيس الجهاز وزوجته ذهبت إليه بكل كبرياء،، نظر ياسين إليها وأبتسمَ لها وأمسك يدها بإحترام تقدمت هي بكل ثقه وألقت السلام بإبتسامة مجامله علي رئيس الجهاز وزوجته، ،
رن هاتف ياسين أخرجهٌ من جيب سٌترته نظر به وأبتسمَ وتحدث ٠٠٠٠٠٠بعد إذن سعادتك يا باشا،،البيت بيت حضرتك !!!
وذهب بإتجاه البوابه تاركاً ليالي مٌستغربه ردة فعله
خرج من البوابه نظر لها وإذ بقلبه يرتجف من شدة إنبهارة بجماله الأخاد،،
أمسك يدها وهو يقبلها بهيام مٌتناسياً تواجد شريف وتلك السالي التي تكاد تٌصاب بذبحه صدريه من شدة ضيقها !!
أفاق علي حالهْ فمد يدهٌ بإحترام إلي شريف مٌتحدثاً٠٠٠٠مذيعنا العظيم،،شرفتنا !!
هز له شريف رأسه بحب فقد بدأ بتقبله بل وبمحبته وذلك لإهتمامه الذائد بشقيقته
تحدث شريف ٠٠٠٠٠الشرف ليا ياسين باشا !!!
ثم حول بصره الي الواقفه تنظر إليه بإبتسامه وتحدث ٠٠٠٠أستاذه سالي،،،نورتي حي المغربي يا أفندم ونورتينا !!!
إبتسمت بسعاده حقيقيه وتحدثت٠٠٠٠ميرسي يا ياسين باشا !!
سبقهم شريف وسالي إلي الدخول
_________________
كانت تقف بجانب شقيقها تٌسلط بصرها بلهفه علي البوابه الرئيسيه لتراهٌ فقد إشتاقت رؤياهُ حد الجنون،،وما أن رأته وبجوارهِ تلك التي تتأبط ذراعهْ وتجاورهٌ بتفاخر،، حتي غزي الإحباط والحزن داخلها ،،، حولت بصرها بخيبة أمل إلي الجهه الأخري !!
وبعد قليل دلف ياسين مٌحاوطاً أميرتهٌ من خصرها ف حركه تملكيه ،،،
تحولت الأنظار جميعاً إلي تلك الساحرة وطلتها البهيه وهالتها التي حاوتطها وجعلت منها أميرة،،،
كانت كاملكه متوجه بذلك الثوب الذي أقل ما يٌقال عنه أنه صممَ خصيصاً لتلك الحوريه لتظهر بكل هذا السحر،، كانت ترتدي خاتمها الفريد الذي لم ترتديه إلا بعد رجوع ياسين مٌدعيه أنهٌ هديتها منه،،
وأيضا ذلك العٌقد الثمين الذي أهداها إياه ليلية الاوتيل بعد الحادث،،،كانت جميله جذابه وكأن العشق صنعَ وجعلَ منها مليكه جديده منطلقه جميله ،،،
نظرت لهما ليالي وأبتدي داخلها ف الاشتغال وخصوصاً أن هذا يحدث أمام صديقاتها وأصدقاء زوجها وزوجاتهم ،،بالعلاوة إلي جميع الأقرباء والمعارف !!!
كان يحاوطها ويتحرك بهاويظهر علي وجهه كم التفاخر والعشق الذي يكنهما لها داخلها،،
وصل بها إلي مكان الفرقه العازفه ثم أمسكَ المايك وتحدث٠٠٠٠مساء الخير علي ضيوفنا الكرام إللي شرفونا بحضورهم الكريم،،
ثم نظر للجميع وتحدث بفخر٠٠٠٠كلكم طبعا عارفين مراتي الأولي وأم أولادي ليالي هانم العشري وألتفت لها وأشار إليها بإبتسامة وأماءَ برأسهِ كتحيه لها وإحترام ،،
ردتها هي بإبتسامة مجامله تداري بها إشتعالها الداخلي الذي كاد أن يٌشعل الحفل بأكمله،،
وكانت جميع صديقاتها يتهامزون فيما بينهم
ثم نظر لمليكته بعشق ظهر بعيناه وتحدث بفخر وأعتزاز٠٠٠٠ حابب إنهاردة أقدملكم مراتي التانيه،،مليكه هانم المغربي !!
تهامس البعض بينهم فبعض المعازيم مثل زوجات زملائه بالعمل لم يكن لديهم علم بزواجهٌ الثاني
وتحدث بدعابه لطيفه٠٠٠٠٠حبيت بس أوريكوا أنا أد أيه راجل محظوظ،، مش بس كده،،لا ومسيطر كمان، وغمز بعينه لأبيه !!!
ضحك الجميع وأمائوا لهٌ وصفق الجميع كتحيه له ولإمرأتيه شديدتان السحر والجمال
نظر له عز وأشار بأيديه كتحيه منه
نظرت يسرا لوالدتها بترقب ،، أمائت لها ثريا بإبتسامه وتحدثت٠٠٠٠أنا كويسه يا حبيبتي ماتقلقيش !!!
أما داليدا التي حدثت والدتها بوجهِ كاد أن يشتعل من غضبه٠٠٠٠الوضع ده ما بقاش يتسكت عليه يا مامي،،ياسين خلاص بيتصرف ع أساس ان البنت بقت مراته بجد،، أنا حاسه إنه تمم جوازه منها !!!
أجابتها قِسمت بغل٠٠٠٠٠٠ياسين خلاص أعلن الحرب علي أختك وأنا شايفه إن لازمله وقفه !!!
وبلحظه إشتغلت الموسقي علي غنوة أمال ماهر ،،أنا بعشق الغني قدام عنيك ،، أمسك يدها وتحركَ بها للمكان المخصص بالرقص ولف يدهٌ حول خصرها وأمسك يدها بيدهِ الأخري !!
تحدثت هي خجلاً٠٠٠٠٠أرجوك يا ياسين بطل إللي بتعمله ده،،إنتَ كده بتكسفني أوي علي فكرة !!
أجابها بحب ٠٠٠٠ فيه حد يتكسف من جوزه بردوا،،، !!
وأكملَ بحب ليٌخرجها من خجلها٠٠٠٠تعرفي إني ندمان أوي إني إشتريتلك الفستان ده !!
تحدثت بقلق٠٠٠٠٠ليه يا ياسين ،،هو للدرجادي مش حلو ؟؟
أجابها بنفي ٠٠٠٠تؤ،،هو للدرجادي يهوس،،للدرجادي يجنن،،للدرجادي بان جماله وأناقته لما لبسته مليكه الحلوة !!
لدرجة إني غيران منه عليكي وقررت خلاص انه مش هيتلبس تاني برة أوضة النوم !!
إبتسمت له وتحدثت برضي ٠٠٠٠٠اللي إنتَ عاوزه كله أنا هعملهولك يا ياسين !!
تنهد وتحدث بحب٠٠٠٠الله يكون ف عونك يا ياسين يا مسكين !!
__________________
كانت تقف بجوار بعض أصدقائها تحدثت إحداهنَ ٠٠٠٠٠هو مش المفروض الرقصه الأولي دي تبقي مخصصه علشانك يا لي لي ؟؟
تحدثت أخري ساخرتاً ٠٠٠٠٠٠٠ هو المفروض يا ديما تبقي الأولي والأخيرة وده بناءً علي كلام لي لي إنها مجرد جوازه صوري مش أكتر !!
ثم نظرت لها بتساؤل خبيث٠٠٠٠ولا هي خلاص مبقتش صوري يا لي لي ؟؟
تحدثت ليالي بكبرياء وتعالي وثقه مٌصطنعه ٠٠٠٠تفتكروا إن ليالي العشري بجلالة قدرها كانت هتقبل بوضع زي ده لو مكانتش فعلا مش أكتر من مجرد عقد إتفاق ؟؟
ثم تحدثت بغرور ٠٠٠٠٠ياسين بيحاول يداري حقيقة الأمر علشان يا حرام شكلها ما يبقاش وحش قدام المعازيم،،وهي دي كل الحكايه مش أكتر !!
وقالت بإنسحاب ٠٠٠٠بعد إذنكم هروح أشوف باقي المعازيم !!
ضحكن جميعهن بعد ذهاب تلك المغرورة وتحدثت إحداهنَ ساخرتاً٠٠٠٠٠قال صوري قال،،مبقاش ديما الصراف إن ما كانت ليالي هي اللي بقت مجرد جوازه صوري،،والدليل علي صحة كلامي إنه لما جه يقدمهم للمعازيم قدم ليالي ولقبها بالعشري،،لكن لما جه يقدم مليكه قال مليكه المغربي،،،ف إشارة واضحه وصريحه منه للجميع إنها أصبحت ملكيه خاصه ،، !!
ضحكن جميعهن وتحدثت إحداهن بتأكيد٠٠٠٠وأنا رأيي من رأيك يا ديما،،ده الباشا هياكلها بعنيه وهي جنبه،،يا بنتي ده بيبصلها بصه أول مرة أشوفها جوه عيونه !!
ضحكت إحداهن وتحدثت بخٌبث٠٠٠٠دانتي مركزة بقا مع عيون الباشا لدرجة إنك حافظه وعارفه كل نظراته !!
أجابتها بمكر ودعابه٠٠٠٠٠هاتيلي ست فيكي يا إسكندريه كلها مش مركزة مع ياسين المغربي وعيون ياسين المغربي !!!
ضحكن بصوتٍ عالي وأكملن نميمتهن !!!
_________________________
إنتهت الرقصه أخذها بكل فخر ووصل بها إلي حيثٌ جلوس ثريا وسٌهير ويسرا وأبتسام
وتحدث ببشاشة وجهْ وسعادة٠٠٠٠٠٠معقوله جمال هوانم المغربي ده كله،،سبتوا أيه لباقي ستات إسكندريه يا هوانم !!
إنسحبت مليكه خجلاً من قبضة يده المحاطه بخصرها بتملك وتحركت وجاورت يسرا بالجلوس
إبتسم هو وعذر حيائها !!
وتحدثت سٌهير بإعتراض مٌصطنع٠٠٠٠٠٠طب وياتري إللي مش من المغربي زيي أنا ومدام إبتسام نظامه أيه معاك يا ياسين باشا ؟؟
إبتسم وتحدث بإحترام٠٠٠٠٠يا أفندم جمال حضرتك وإبتسام هانم خارج المقارنه أساساً،،لانه مع إحترامي للجميع ملوش زي !!
تحدثت إبتسام بدعابه٠٠٠٠طب وياتري مليكه كده معانا خارج الحسبه هي كمان ؟؟
إبتسم لها وتحدث٠٠٠٠مين قال،،،مليكه بقت مغربي قلباً وقالباً !!
إبتسمت خجلاً وسحبت عيناها بعيداً عنه
أما شريف الذي تحركَ بخطيبته إلي مقر جلوس والدته وترك سالي بصحبتهم بعد إلقاء التحيه إليهم وخاصة إبتسام التي رحب بها بحرارة
تحركَ نحو تواجد علياء التي كانت تضحك بإنوثه مغريه بالنسبة له وهي تتحدث مع شقيقها إسلام
إقترب عليهم وتحدث بترحاب٠٠٠٠٠٠ ده أيه النور ده كله،،، إسكندريه كلها نورت يا شباب !!!
نظر له إسلام بإنبهار وتحدث ٠٠٠٠إسكندريه منورة بأهلها مذيعي المفضل !!
نظر إليه بإحترام وتحدث٠٠٠٠٠ حبيبي يا إسلام.
ثم أحال ببصرة علي تلك الواقفه ولم تعيرهٌ أية إهتمام وتحدث بهيام فقد إشتاقها حد الجنون٠٠٠٠إزيك يا عاليا ،،أخبارك أيه ؟؟
نظرت له بفطور وتحدثت بنبرة باردة ٠٠٠٠٠أهلا أستاذ شريف !!
إستغرب حالها وتسائل داخله،،لما تلك المعامله عاليتي ؟؟
ف نفس التوقيت جاء عٌمر وتحدثَ ٠٠٠٠منورين يا شباب !!
إبتسمت له علياء ورمقتهٌ بنظرة جذابه وتحدثت ٠٠٠٠عٌمر أزيك،،زعلانه منك علي فكرة،،بقا أبقي موجوده ف إسكندريه من إمبارح ومتفكرش حتي تعزم عليا بخروجه زي المرة إللي فاتت ،،
إستغرب عٌمر من طريقتها وتحدثَ بسعادة وغرور ظهرا عليه٠٠٠٠برنسيس عاليا تؤمر ،،ليكي عليا هسهرك بكرة سهرايه هتعيشي باقي عمرك كله وإنتي مش قادرة تنسيها !!
أجابته بإبتسامه ودعابه ٠٠٠٠أرجوك !!!
وضحكا إثنتيهم
كان يقف والغيرة تتأكل وتنهش داخلهْ
حدث حاله،،، ،،أجننتي يا فتاه،، ماذا تفعلين أيتها الغبيه،،أقسم بربي علياء إن لم تكٌفي عن تلك الأفعال الصبيانيه،،لأفعل ما لا يٌحمد عقباه وليكن ما يكون !!!
فاق من تفكيرة وغضبه علي يد سالي التي أتت وإحتضنت يده بتملك وهي تنظر لعلياء بغرور وكبرياء قائلتاً٠٠٠٠٠أزيك يااااا،، إسمك أيه مٌمكن تفكريني ؟؟
نظر لها إسلام بضيق وتحدث بإعتزاز٠٠٠٠إسمها حضرة الأستاذه المحاميه علياء حسن المغربي،، بنت الباشمهندس حسن المغربي !!!
نظر شريف سريعاً إلي إسلام وتحدث مٌعتذراً ٠٠٠٠٠أكيد سالي متقصدش يا إسلام !!
ثم رمقها بنظرة غضب وتحدث٠٠٠٠٠هي بس خانها التعبير ليس إلا ،،مش كده ولا أيه يا سالي ؟؟
إرتبكت من حدة صوت شريف فتحدثت بلطفٍ مٌصطنع٠٠٠٠أكيد يا حبيبي طبعا،،
ثم نظرت إلي علياء الواقفه بفخر وعلي وجهها إبتسامة نصر وتحدثت سالي٠٠٠٠٠إزيك يا عاليا ، أخبارك أيه ؟؟
إبتسمت لها بطريقه ساخرة وتحدثت ٠٠٠٠٠أنا تمام،، إنتي بقا إللي أخبارك أيه ؟؟
تحدثَ عٌمر هامساً لشريف بصوتٍ هادئ ٠٠٠يا أخي البنات الشرقيين دول عليهم حركات، مقضينها طول الوقت قصف جبهات وغيرة،، ويمكن ده اللي بيخليهم مميزين ويجذبوا الواحد ويشدوة ليهم !!
رمقه شريف بنظرة غاضبه رفع عمر يداهُ بإستسلام ثم وجه بصره إلي علياء حين إستمع بدأ الموسيقي وتحدث ٠٠٠٠مٌمكن الليدي علياء المغربي تسمحلي بالرقصه دي ؟؟
نظر لهٌ بحقد لاحظته سالي بقلبٍ مٌشتعل ثم حول بصرة بجنون علي تلكَ المٌبتسمه بدهاء
وتحدثت٠٠٠٠٠سوري يا عمر ما برقصش،، لكن ممكن أتمشي معاك لحد البوفيه وتعزمني علي عصير فريش !!
نظرت بكبرياء إلي الواقف يستشيطٌ غضباً وتلك المجاوره لهْ وتحدثت ٠٠٠٠بعد إذنكم ،
ثم نظرت لأخيها متحدثه بدٌعابه٠٠٠٠بعد إذنك صديقي العزيز !!!
أماءَ لها إسلام وتحركت بصحبة عٌمر تحت أنظار ذلك الذي سيصاب بذبحه صدريه لا مٌحال !!
إنسحبَ إسلام معتذراَ
أحالت بصرِها لذلك الناظر بغضب علي تلك العلياء وتحدثت سالي بغضب٠٠٠٠هو فيه أيه بالظبط يا شريف ؟؟
نظر لها وتحدث ٠٠٠٠تقصدي أيه يا سالي؟؟
أجابته بغضب٠٠٠٠أقصد أجازتك اللي أخدتها ف غير ميعادها ، وسفرك لأسوان إللي بالصدفه عرفته من مامتك،،
سؤالي المهم بقا لحضرتك ،،،إشمعنا أخدت أجازة ف الوقت ده وبالتحديد لأسوان وكل ده بعد البنت دي ما ظهرت ف حياتنا؟؟
نظر لها بضيق وتحدث٠٠٠٠٠٠أظن ده لا وقت خناقات ونكد ولا ده وقت أسأله،، وأتفضلي قدامي علشان أوصلك لمكان ماما ومليكه،،علشان أروح أسلم علي سيادة اللوا !!
أوصلها ووقفْ بعيداً وداخلهِ يحترق وهو ينظر عليها وهي تٌجاور عٌمر وتتحرك بدلال تحتسي مشروبها وهما يتحدثان ويضحان بسعاده ظاهره علي وجوههما !!!
_________________________
أمسكَ طارق يد جيجي وتحدث ٠٠٠٠٠ليدي جيجي،، تسمحيلي بالرقصه دي ؟؟
إبتسمت له بعشق وتحدثت ٠٠٠٠بس عاوزه رقصه فرفوشه يا طارق، حاسه نفسي مبسوطه إنهاردة وعاوزه رقصه كده تفرفشني !!
أجابها بتساؤل٠٠٠٠إنتي تؤمري يا قلبي، ،قوليلي حابه ترقصي علي أيه ؟؟
تحدتث بتفكر٠٠٠٠٠أممممم نانسي عجرم الدنيا بتحلي وأنا وياك !!
وبالفعل طلب طارق غنوة جيجي وبدأ بالرقص بمرح وسعادة أبهر الجميع وبلحظه نشر حالة من السعادة الهائله بالمكان ، بدأ الكابلز بالتجمع علي الإستيدج والرقص حول تلك الثنائي المنطلق ،،
_________________________
كان يقف بجانب والده يختلس النظر إليها، فهمس عز بجانب أذنه مٌتحدثاً ٠٠٠٠يا أبني أتقل شويه مش كده،، دنا قولت بعد إسبوع العسل بتاع لندن هترجع هادي وعاقل ومستكفي !!
أجابهٌ بدعابه٠٠٠٠هو فيه حد بردوا بيكتفي من شهد العسل يا باشا ؟؟
إبتسم عز وأجاب ٠٠٠٠براحتك أنا بس خايف عليك من مواعة النفس،،
ثم نظر إلي ليالي وتحدث ٠٠٠٠٠لازم تحدق شويه علشان تعمل توازن ف حاسة التذوق،، ولا أيه ؟؟
ضحك ياسين برجوله وتحدث ٠٠٠٠أوامر سعادتك يا باشا، وماله نحدق منحدقش ليه !!
نظر له عز وتحدث بجديه ٠٠٠٠مش ناوي تعلن عن الموضوع ؟؟
أجابه ياسين بضيق٠٠٠مليكه خايفه وقلقانه علشان عمتي،،بتقولي إنها مش هتقدر تتحمل الخبر ولا هتتقبله !!
تحدث عز بعقلانيه٠٠٠٠٠طبيعي يا أبني إن ثريا مش هتتقبل الوضع بسهوله ويمكن كمان تتصدم ف الأول،،، لكن كمان ثريا ست مؤمنه وأكيد لما تهدي وتفكر هتتقبله بالتدريج،،وبعدها الموضوع هيتحول لأمر واقع للجميع !
وغمز بعينه وتحدث ٠٠٠٠٠٠٠ أنا بس خايف ليكون جايلنا ضيف جديد قريب وساعتها هتضروا مرغمين تعلنوا،، وشكلكم هيبقي وحش أوي بصراحه !!!
إبتسم ياسين بسعاده وأجاب ٠٠٠٠٠طب ياريت ،، دنا كل صبري عليها وعلي تأجيلها الغير مبرر إن فعلاً الموضوع ده يكون حصل،، وقتها هحطها قدام الأمر الواقع علشان تبقي تعارضني بعد كده تاني !!!
نظر له بتساؤل٠٠٠٠طب وأمك وليالي هتعمل معاهم أيه ؟؟
أجاب بثقه وقوة٠٠٠٠ساعتها الكل هيتحط قدام الأمر الواقع،،أنا راجل ومارست حقي الشرعي مع مراتي،،ده حق مكتسب ليا لا هو عيب ولا حرام علشان حد يتجرأ ويقف يقولي إنتَ عملت كده ليه !!
إبتسم عز وتحدثَ بتفاخر ٠٠٠٠جبروت يا أبني والله !!!
أجابه بفخر ٠٠٠٠تربية معاليك يا باشا وليا الفخر !!!
تحدث عز ٠٠٠٠٠٠لا تربيتي أيه بقا،،،دانا بفكر أخد عندك درس وأتربي من جديد !!
ضحكا إثنتيهم وتابع حديثهما !!!
_______________________
كانت تجلس بجانب يسرا السعيدة بوجهها المٌنير تحدثت بدعابه٠٠٠٠مفيش حاجه عاوزه تقوليهالي ؟؟
أجابتها يسرا بإبتسامه ٠٠٠٠حاجه،،حاجه زي أيه مثلا ؟؟
أجابتها مليكه بمداعبه٠٠٠٠مثلاً،،،زي سيادة القبطان إللي فجأة ظهر عندك ف الأصدقاء ومابيسبش بوست غير لما يعمل لاف عليه،،،ده غير بوستات وفيديوهات الحب إللي بدأ ينزلها علي صفحته !!!
إرتبكت يسرا وتحدثت ٠٠٠٠٠٠أااا،،أنا كنت هقولك إنه بعتلي طلب صداقه ودخلي سألني ع ياسين أيام الحادثه،،بس نسيت صدقيني !!!
نظرت لها مليكه وتحدثت ٠٠٠ما تيجي نتمشي شويه !!!
وبالفعل وقفا وتحدثت مليكه بحب٠٠٠٠٠يسرا،،،مٌمكن تفتحيلي قلبك وتحكيلي علي إللي جواه،، أنا أكيد هفهمك وصدقيني كل إللي هتحكيه هيبقي سر بينا محدش هيعرفه غيرنا إحنا الإتنين !!!!
نظرت لها بتيهه وتحدثت٠٠٠٠بحبه يا مليكه بس خايفه،، خايفه أخوض التجربه دي تاني،، خايفه من نظرت ولادي ليا،،،ماما وأنتوا وعيلة جوزي ،، خايفه من الكل يا مليكه،،
وف نفس الوقت بحبه وأتعلقت بيه،،أمتي وإزاي ده حصل مش عارفه،، لكن أهو حصل وخلاص،،المشكله إنه فاتحني ف جواز !!!
إبتسمت مليكه وأجابتها٠٠٠٠طب دي خطوة بيثبت بيها مدي إحترامه ليكي قبل نفسه،، سليم بطلبه ده أثبت إنه راجل محترم يا يسرا،، إنسي عقلك شويه وأديله أجازه وأمشي ورا قلبك وشوفيه هيقولك أيه !!!
أجابتها بتوتر ٠٠٠٠٠٠أيوة يا مليكه،،بس ده عاوزني أعيش معاه أنا وولادي ف أسوان وهيجيب إبنه يعيش معانا !!!!
تحدثت مليكه٠٠٠٠٠طب وأيه المشكله ف كده يا يسرا ما هو ده الوضع الطبيعي إنك هتعيشي معاه،، ولا إنتي مٌعترضه علي وجود ابنه ؟؟
نفت سريعاً ٠٠٠٠بالعكس يا مليكه،،الولد زي الملاك يا حبيبي وكمان يتيم يعني هيكون إبني التالت أكيد،،،
حتي ولادي سليم بعتلهم أد وفكرهم بنفسه أيام الرحله وأتصاحب عليهم جداً ،،وهما كمان حبوة أوي وبيكلموني دايماً عنه !!!
ردت مليكه بعيون ووجهٍ بشوش٠٠٠٠طب والله برافو عليه إنه قرب للولاد بالشكل ده، بس بردو مش فاهمه أيه هو سبب خوفك وقلقك ؟؟
تنهدت يسرا وأردفت٠٠٠٠٠أولاً لو سافرت أسوان ده معناه إني هسيب ماما، وأنا مقدرش أبعد عنها يا مليكه،،ماما مبتقدرش تقعد لحظه واحده من غيري،،،
ثانياً لو إتجوزت أهل جوزي ممكن ياخدوا الولاد مني،،،ولو ده حصل وقتها أنا ممكن أموت فيها !!!
أجابتها بطمئنه٠٠٠٠٠أول حاجه بالنسبة لماما ملكيش حق خالص إنك تقلقي عليها لان أنا وياسين والولاد معاها ،،، ثانياً بقا أهل جوزك مين دول إللي تقلقي منهم،،
وأجابت بفخر ٠٠٠٠٠أكيد ياسين مش هيسمحلهم بحاجه زي كده !!
كانت تنظر لها وفجأة وبدون شعور حزن داخلها من فرحة عيناي مليكه وهي تنطق لإسم ياسين بعيون عاشقه وصوتٍ هائم
نظرت لها يسرا وتسائلت ٠٠٠٠٠مليكه هو أنا مٌمكن أسألك سؤال ؟؟
أمائت برأسها بموافقه٠٠٠٠طبعاً يا يسرا ،، إتفضلي !!!
تحدثت يسرا علي إستحياء٠٠٠٠٠٠هو أنتي حبيتي ياسين ؟؟
إبتلعت لعابها وشحب وجهها وسحبت بصرها خجلاً
أمسكت يسرا يدها لتٌطمئنها وأبتسمت بمرارة وتحدثت ٠٠٠٠٠يلا بينا نقعد مع ماما !!!
________________________
إقتربت ليالي من ياسين الواقف مع أحد أصدقائه وتحدثت بدلال٠٠٠٠ممكن أمير باشا يسمحلي أخد منه ياسين دقيقه !!
أجابها بإحترام٠٠٠أكيد يا أفندم،،بعد إذنكم !!!
نظرت له بإبتسامه مٌصطنعه كي لا يلاحظ الحضور وتحدثت ٠٠٠٠ممكن البيه يفهمني أيه إللي حصل من شويه ده،،إنت إزاي تسمح لنفسك تمسك وسط الهانم وتتحرك بيها كده وكأنها مراتك بجد،،،لا وكمان ترقص معاها رقصتك الأولي،،
أيه إللي عاوز توصلهولي من تصرفاتك دي يا ياسين،، عاوز تخليني أغير مثلاً،،بس ده بُعدك ،،مش ليالي العشري إللي تغير من واحده زي دي،،أنا فين وهي فين يا بيه !!
وأكملت بتساؤل وحيره٠٠٠٠٠٠٠أنا مش فاهمه إنت بتتصرف معايا كده ليه،،خليك صريح وواضح وقولي سبب تصرفاتك دي أيه،،، الأول تمنعني من السفر ومتحوليش فلوسي بتاعة كل شهر ،،ودالوقتي تحرجني وتخلي إللي يسوي واللي مايسواش يبصلي علي إني الست إللي جوزها متجوز عليها فعلا،،مش مجرد حتة ورقه !!
كانت تتحدث بغضب عارم ظهر بصوتها ولكنها تحاول كتمهْ،،
إستمع إليها بإبتسامه هادئه وبرود مٌميت ثم تحدث٠٠٠٠خلصتي كل كلامك ولا لسه فيه كلام تاني عاوزه تقوليه،،علي العموم مش وقت كلام،،لما يتقفل علينا باب أوضتنا نبقي نتكلم ونحاول نعالج مشاكلك العميقه ونشوف حل لشكل سيادتك إللي مبقاش تمام قدام الناس !!
ثم إبتسمَ ساخراً وتحرك تاركاً إياها تستشيط غضباً !!!
________________
كان يقف بعيداً عن الضوضاء ليستعيد نشاط ذهنهِ ولو قليلا
إقتربت منه وتحدثت بنبرة ملاطفه٠٠٠٠٠مساء الخير علي الناس إللي نسيتنا وأوام نسيت عشرتنا ،،بقي زعلان من ثريا ومقاطعها يا سيادة اللوا ؟؟
نظر لها نظرة إشتياق رغم تحكمه بحاله حتي يظهر أمام عيناها بثبات و تحدث ساخراً٠٠٠٠٠قولت أريحك مني خالص علشان وجودي ما يسببلكيش أي إزعاج وماأكونش تقيل عليكي،،وما أظنش إن بعادي فارق معاكي ف حاجه !!
نظرت له وتسائلت ٠٠٠٠٠تفتكر إنه فعلاً مش فارق معايا يا سيادة اللوا ؟؟
أجابها بثقه٠٠٠٠٠مش أفتكر،، أنا متأكد من ده !!!
أجابته بإبتسامه خفيفه٠٠٠٠٠تبقي غلطان ومتعرفش معزتك وغلاوتك ف قلوبنا أد أيه !!
نظر لها بعتاب وتحدث بنبرة مٌلامه ٠٠٠٠٠أنا لو فعلا غالي عندك مكنتيش عملتي فيا كده يا ثريا، مكنتيش رضيتي بظلمي البين علي أديكي طول السنين دي كلها !!
تنهدت بألم وتحدثت٠٠٠٠٠الدنيا مبتديش للإنسان كل حاجه يا عز،،،وإحنا كفايه علينا لمة ولادنا وسعادتهم حوالينا
وإحنا يا ثريا٠٠٠٠قالها بألم يمزق داخله
أجابته بإبتسامة رضي٠٠٠٠٠ما إحنا كويسين أهو والحمدلله،،، عيلتنا بخير ومترابطه ومتماسكه،، وقلبنا علي قلب بعض وأحفادنا حوالينا ضحكتهم بتضوي وتنور ليالينا، هنعوز أيه تاني أكتر من كده ؟؟
ونظرت له وتحدثت بملاطفه وأستسماح ٠٠٠٠جالك قلب تزعل مني وتقاطعني ، ، طب بذمتك موحشكش فطار ثريا ،،طب والله طول الفترة اللي فاتت وأنا شايله همك علشان عارفه إنك أكيد بتروح شغلك من غير فطار !!!
أجابها بمعاتبه مرحه ومٌداعبه٠٠٠٠٠٠لو شايله همي بجد كنتي عملتيلي شوية محشي ولا شوية ملوخيه وجوزين حمام وبعتهوملي بدل أكل منال إللي نشف معدتي طول الفترة اللي فاتت !!!
ضحكا إثنتيهم وتحدثت هي ٠٠٠٠٠بس كده،، إنت تؤمر يا سيادة اللوا ،،، بكرة هجهزلك سفرة من بتوع أمي وأمك الله يرحمهم وكل يا سيدي وعوض معدتك عن فترة الجفاف والحرمان إللي فاتت !!!
حدثها بعيون عاشقه وصوتٍ لأول مرة يٌظهرهُ لها ٠٠٠٠٠ثريا ،،،أنا روحي بترد فيا لما بسمع إسمي من بين شفايفك ،،،مٌمكن متحرمنيش من المتعه دي،،،
وأكملَ مٌترجياً ٠٠٠٠٠أنا عارف إنه خلاص مبقاش ينفع نصيبنا يتلاقي ونتجمع،، بس علي الأقل متحرمنيش من نظرة عنيكي ولا نطق شفايفك لإسمي، ممكن تعملي كده علشان عز يا كٌل حياة عز ♡
إبتلعت لٌعابها وأهتز كيانها من نظرة ذلك العاشق المسكين وحزن داخلها لأجله ولأجل حرمانه الظاهر بصوته،،
أمائت له بإبتسامه هادئه وأنصرفت سريعاً من أمامه حتي لا يتجرأ ويطلب المذيد وتضعف هي !!!
أما هو فكان ف عالمه الخاص،،فاليوم هو أسعد ليالي حياته فلقد رأي ضحكتها وسمع إسمه من بين شفتاها وهي تنظر داخل عيناه،،فماذا سيتمني بعد ♡
مسكينً عز أيها العاشق الذي أدمي الهوي قلبه
أما منال التي كانت تتحرك بين المعازيم وتشعر بحالها وكأنها الملكه الأٌم ،، غير مباليه بما يجري من حولها من ياسين،،أو عز،،أو ليالي
___________________________
بعد قليل،، كانت تخرج من المرحاض ف طريقها للخارج وجدت من يسحبها بيده بعنف ويشدها داخل غرفه مغلقه،،
نظرت لهٌ بقوه وتحدثت ٠٠٠٠٠أيه الهمجيه إللي إنت فيها دي يا أستاذ،،،إنت إزاي تسمح لنفسك تشدني وتدخلني هنا غصب عني وكمان تقفل الباب،،،يظهر إني كنت غلطانه ف نظرتي بالحكم عليك !!
كادت ان تتحرك أسرع ووقف خلف الباب وأغلقهٌ بجسدهِ العريض مانعاً إياها من الخروج
قائلاً بشرار يتطاير من داخل عيناه٠٠٠٠إنتي فاكرة نفسك هتخرجي من هنا قبل ما تفهميني وتشرحيلي أيه الهبل اللي بتعمليه برة ده ؟؟
وأكمل بغضب وعيون تشتعل ناراً٠٠٠٠إنتٍ إزاي تسمحي لنفسك يا محترمه تتكلمي مع الزفت اللي إسمع عٌمر بالطريقه المايعه دي، ،لا وكمان تروحي تقفي لوحدك معاه وتشربوا عصير،، أنا بجد مصدوم فيكي ومش قادر أستوعب تصرفاتك معاه !!
ربعت يداها فوق صدرها وتحدثت ببرود أعصاب٠٠٠٠٠وحضرتك تضايق وتتصدم ليه إن شاء الله، ،،أنا اللي بجد مستغربه ردة فعلك وحمقتك دي،، تكونش قريبي وأنا مش واخدة بالي،،ده أحنا حتي ما نعرفش بعض للدرجة اللي تسمحلك تكلمني بالطريقه دي !!!
أجابها بغضب ٠٠٠٠٠عاااااليا،،ما تحاوليش تستفزيني وتخليني أخرج غضبي عليكي !!!
ردت بغضب٠٠٠٠٠نعم يا أستاذ،، غضبك عليا،، وإنت تكونلي أيه إن شاء الله علشان تغضب عليا ؟؟
أمسك يدها وتحدث بثقه٠٠٠٠٠إنتي عارفه كويس أوي أنا أبقالك أيه وإنتي بتمثليلي أيه !!
صاحت به وهي تنفض يدها عنه ٠٠٠٠لا والله مش عارفه،،وأحب إنك تعرفني ؟؟
إقتربَ منها ونظر داخل عيناها بهيام وأمسك يدها وتحدث بحب ٠٠٠٠٠إنتي حبيبتي وأنا حبيبك يا عاليا،، إنتي حلمي اللي كنت بدور عليه وأخيرا لقيته،،،
وأنا حبيبك إللي عشقي مدوب قلبك ف غرامه،، حبيبك اللي عيونك الحلوة فتنت عليكي من أول مرة شفتك وقالتلي علي كل اللي جواكي ،،،بحبك يا عاليا،،بحبك ♡
كادت أن تضعف أمام سحر عيناه ورعشة شفتاه وهو يتحدث بصدق يظهر بصوته،،، لكنها عادت لرٌشدها سريعا فهي علياء العاليه ذات الأصل الشامخ !!!
شدت يدها من بين يده وتحدثت بكبرياء٠٠٠٠٠والله أنا كل اللي أعرفه إن سيادتك خاطب وجاي الحفله وبكل جبروت وحاطت إيدك ف أديها !!
أمسك يدها من جديد وتحدثَ بحب ٠٠٠٠إنهاردة هنهي كل حاجه بيني وبينها،،مش هيكونلها أي وجود ف حياتي من إنهاردة !!
إقتربَ من عيناها كامسحور وتحدث٠٠٠٠٠ عاليا،، موافقه تكوني شريكة حياتي،،أنا عاوزك تكوني أم ولادي يا عاليا !!!
أخذ صدرها يعلو ويهبط
لم تشعر بحالها إلا ودموعها تهبط من عيناها من هول ما إستمعت ،،فكم تمنت وحلمت وسرحت بخيالها أن تستمع لتلك الكلمات التي بها حياة قلبها ♡
نظر لها بحنان ومد يدهُ وجفف لها دموعها وتحدث ٠٠٠٠ دموعك غاليه عليا أوي يا عاليا،،،هقبلها بس المرادي علشان عارفها دموع الفرح،،
وتحدثَ بتأثر ٠٠٠٠تتجوزيني يا عاليا ♡
إبتسمت بدموع وهزت رأسها بإيماء وسعاده ♡
تحدث بلهفه مٌحاوطاً وجهها بعنايه٠٠٠٠٠بحبك يا عاليا، بحبك أوي ♡
ضحكت بسعاده وتحدثت ٠٠٠٠إتمنيت كتير أسمعها منك وأستنيتها،،مع إني كنت شيفاك حلم بعيد ومستحيل يتحقق،،، بس دايمآ قلبي كان بيطمني ويطبطب عليا ويقولي متقلقيش، شريف ليكي وإنتي ليه يا عاليا،،سنتين وأنا قلبي بينكوي بنار حبك،،مكلش ولا مل ولا فقد الأمل ♡
إبتسم لها وتحدث٠٠٠٠٠هعوضك يا حبيبي،،صدقيني هعوضك عن كل حاجه عيشتيها ف بعدي !!!
ثم جفف لها دموعها وتحدث ٠٠٠يلا أخرجي علشان محدش ياخد باله ونبقي نتكلم بالليل !!
وبالفعل خرجا ولكن بقلوب بالحب هائمه،،بالعشق نابضه ♡
كان يقف بجوار شقيقتهِ ينظر إلي علياء بشرود ووجهِ مبتسم حدثته مليكه٠٠٠٠٠شريف،،أنت عاوز أيه من عاليا بالظبط ؟؟
نظر لها وأبتسم وأردفَ ٠٠٠٠٠هتجوزها يا مليكه،،بحبها وهتجوزها !!
أجابته مليكه بعيون سعيده ٠٠٠٠بجد يا شريف،،،تعرف إن من وقت ما أتصلت بيا وطلبت رقمها وأنا أتمنيت إنها تكون من نصيبك !!
نظر لها بإستغراب وتحدث٠٠٠٠تصوري افتكرتك هتعترضي وتقعدي بقا تفحميني بمثلياتك الهبله وتقوليلي مينعش تغدر بسالي بعد ما أمنتلك والكلام بتاعك ده !!
إبتسمت بمرارة وأردفت ٠٠٠٠حكايتك مع سالي مسيرها للفشل،،يبقي تنتهي دالوقتي أحسن ما يكون فيه بيت وولاد وبردوا هتنتهي ،،وربنا يسهلها بعيد عننا !!
نظر لها بإستغراب وتحدث٠٠٠٠هو أنا ليه ليا فترة حاسس إنك بتتجنبي أي حديث معايا عن سالي،،حتي دالوقتي،،حسيت انك مبسوطه باللي حصل !!!
تحدثت ٠٠٠٠بصراحه يا شريف حصل منها موقف قفلني منها أوي وخوفني منها عليك !!
وقصت له ما جري
تحدث هو بغضب٠٠٠٠٠وإنتي إزاي يا مليكه تسمحيلها تتكلم معاكي بالطريقه دي،،إنتي من أمتي بقيتي سلبيه كده ؟؟
ف تلك اللحظات كان يأتي إليها عاشقها الذي أشتاقها حد الجنون ،،ولكن مجاملت الضيوف والتحدث إليهم أخذ منه الكثير من الوقت،،، وجد شريف يحتد ف حوارة معها
تحدث مٌنزعجاً ٠٠٠٠فيه أيه يا جماعه ،،مالك يا شريف؟؟
نظرت لأخاها تستعطف نظراته،، زفر شريف من تصرفاتها وتحدث ٠٠٠٠مفيش يا سيادة العقيد،،أنا عندي مشكله كده وكنت بحكي لمليكه عليها ،،بعد إذنكم
كاد أن يتحدث ولكن قاطع صوته صوت ليالي ف المايك وهي تناديه بدلال ٠٠٠٠حبيبي ، مٌمكن تطلع علي الاستدج علشان غنوتنا لرقصتنا سوا هتبدأ !!!
نظر لها بإستغراب ثم حول بصرة لتلك المٌشتعله داخلياً وقلبها المتألم وتحدث٠٠٠٠٠حقك علي قلبي،،والله غصب عني !!
إبتسمت له بمرارة وتحدثت كي لا تحزنه٠٠٠٠ولا يهمك يا حبيبي، ،أنا مش زعلانه،، يلا روحلها !!
تحرك إليها بإبتسامة مٌزيفه من أجل الحضور وبدأت رقصتهم،، وضعت ليالي رأسها فوق كتفه ولفت ذراعها بدلال حول عنقه مع إشتعال مليكه بنارها الحارقه لقلبها العاشق !!
إقتربَ أحدهم من مليكه ويبدوا عليه عدم الإتزان وتحدث٠٠٠٠هو الجميل واقف لوحده ليه،،متيجي أعزمك علي الرقصه دي !!
إرتعبت مليكه من حالته وتحدثت بتوتر٠٠٠٠٠مٌمكن تبعد لو سمحت !!!
أجابها وهو يقترب عليها مٌمسكاً بذراعها ٠٠٠٠٠أبعد أيه بس وإنتي قمر كده ،،أنا بقول تيجي معايا نكمل سهرتنا ف شقتي،،هتعجبك أوي صدقيني !!
تحدثت مليكه وهي تنفض يدها برعب٠٠٠أيدك يا حيوان !!!
لم تٌكمل جملتها ووجدت من يسحبه بعنف ويلكمهٌ علي أنفه عدة لكمات جعلت أنفه ينزف بغزارة،،،
ثم أشار لرجال الأمن الذين تجمعوا وتحدث بعنف ٠٠٠٠الزباله ده يترمي ف أوضة الجنيني ويتربط زي الحيوان لحد الحفله ما تخلص علشان أربيه بإيدي !!!
حالة هرج ومرج أصابت الجميع وأمسك شريف ذلك المتحرش ولكمهٌ وتحدث٠٠٠٠لا ده يخصني يا باشا،،ده لازم يموت من الضرب إنهاردة علشان يحرم يمد إيده ويلمس أسياده بعد كده !!
كان ياسين مٌحتضن تلك المرتعشه بين يديه ،، تحدث إلي شريف بلهجه أمرة٠٠٠٠٠شريف ،،،مش وقته علشان الناس الموجوده ،،تعالي معايا ندخل مليكه جوه !!!
وبالفعل تحرك ياسين وهو مٌحتضناً إياها برعايه وكأنه محتضن طفلته الصغيرة ودلفا للداخل ودلف خلفهم سٌهير التي إرتعبت علي صغيرتها وثريا ويسرا وعلياء، وأبتسام،،،
حاوط وجهها بكفيه وتحدث ٠٠٠٠إهدي يا حبيبي وما تخافيش ،،قسما بربي لأخسف بيه ورا الشمس وما هخلي الدبان الأزرق يعرفله طريق !!
هزت لهٌ رأسها وهي تبكي وتهتز من شدة رعبها جرت عليه سٌهير شدتها من بين يديه وأدخلتها أحضانها وتحدثت ٠٠٠٠إهدي يا قلبي،،أنا معاكي يا ماما متخافيش !!
خرج ياسين للخارج وجد ليالي مٌتخشبه مكانها بعدما تركها وجري إلي مليكته بعدما وجد أحدهم يقترب من وقفتها ،،،
تحرك بجانبها وتحدث سريعاً٠٠٠٠ إنزلي اقعدي مع مامتك ومتقفليش كده !!
وذهب إلي المايك وأمسكه وتحدث بإبتسامه هادئه عكس ما يدور داخله ٠٠٠٠معلش يا بشوات،، أنا أسف ع المشهد إللي حصل من شويه وأتمني تنسوة وتكملوا حفلتكم عادي،، مشرفينا يا جماعه !!!
أماءَ له الجميع بموافقه وأنطلق الحفل من جديد
دلف عٌمر للداخل ويبدوا عليه أيضاً عدم الإتزان ولكن مٌتماسك إلي حد كبير وتحدث إلي مليكه الجالسه باحضان سٌهير ٠٠٠٠سوري يا مليكه علي إللي حصل بس أكيد جو ما كانش يقصد إللي فهمتيه،، إنتي بصراحه كبرتي الموضوع أوي، وكمان ياسين عامل جو بهمجيه غير مقبوله !!
تحدثَ شريف بغضبٍ عارم٠٠٠٠إنتَ إتجننت يا بني أدم إنتَ ،،هي مين دي إللي كبرت الموضوع، ،وهمجية أيه اللي بتتكلم عنها،،الهمجيه دي أنا هوريهالك علي حق لما الناس إللي برة دي تمشي !!!
تحدثَ عٌمر ببرود٠٠٠لا ده يظهر إن مش بس ياسين إللي همجي !!!
تحدثت علياء بغضب٠٠٠٠بذمتك مش مكسوف من نفسك ،،بقا أنت راجل ومحسوب علي رجالة المغربي ؟؟
نظر لها بتسلي وتحدث بوقاحه لا متناهيه٠٠٠٠علي فكرة بقا،،أنا راجل وراجل أوي وأعجبك كمان ،،تحبي تجربي ؟؟
وقف شريف وبدون مقدمات لكمهٌ علي أنفه وتحدث٠٠٠شكلك كده يَلاَ ناقص ربايه ،، وأنا بقا نويت أكملهالك !!
وقفت ثريا هي وأبتسام وأبعدا عٌمر من قبضة يد شريف وتحدثت ثريا٠٠٠إخص عليك الله يكسفك ،،أد كده بلاد الغرب جعلت منك مسخ،،يا خسارتك يا أبن سيادة اللوا !!!
دلفت منال وجدت عٌمر أنفه ينزف وثريا تعنفه بالكلام تحدثت بغضب ٠٠٠٠هو أيه إللي بيحصل هنا بالظبط،،
وجرت علي صغيرها وهي تحاوط وجهه بهلع وتحدثت ٠٠٠مالك يا موري ؟؟
مين إللي جتله الجرأه يعمل فيك كده يا حبيبي ؟؟
كاد أن يتحدث دلف ياسين للداخل وأمسكهٌ من يدها بعنف وتحدث٠٠٠٠٠هي دي الأشكال إللي عازمهالنا ف حفلة اللوا عز المغربي يا محترم ؟؟
أجابهٌ عٌمر ببرود٠٠٠نزل أيدك يا ياسين وبطل الهمجيه بتاعتك دي وأتعامل زي الناس المتحضرة الراقيه،،وبعدين إنتَ عارف إللي بتتكلم عنه ده يبقي إبن مين ؟؟
أجابهٌ ياسين ومازال مٌمسكاً بتلابيب حلته ويهزه بعنف٠٠٠٠أكيد إبن راجل تافه مش فاضي يربي إبنه وبلا المجتمع بشبه المذكر ده !!
شدت منال عٌمر من بين قبضة ياسين٠٠٠٠إهدي يا ياسين،،مينفعش تعامل أخوك كده قدام الناس !!!
أجابها ياسين بغضبٍ عارم٠٠٠٠٠هو ده كل اللي يهم جنابك يا منال هانم،،الناس وكلام الناس،،،وشكلنا اللي بقي يكسف من الاشكال الضاله اللي إبنك مدخلها بيوتنا،،
البيه اللي واقفه تدفعيله شارب هو وأصحابه يا منال هانم، ،
البيه مدخل خمور وسجاير محشيه ف حفلة فيها رئيس جهاز المخابرات وجميع قامات الجهاز إنتي متخيله حجم المصيبه والإحراج إللي إبنك حطنا فيه ؟؟
أشاح بيده بتأفف وتحدث٠٠٠٠٠يا أخي قرفتنا بقا بكلامك ده،،وبعدين هو جو كان عمل أيه يعني ،،انتوا اللي عالم مقفل وراجعي،،أنا مش فاهم فيها أيه لما يمسك ايدها ويطلبها للرقص ؟؟
جري عليه ياسين وأمسكه من تلابيبه وتحدث بعنف٠٠٠٠٠هي حصلت تتكلم كده علي مرات أخوك يا عديم النخوه يا عرة الرجاله !!
جرت ثريا ومنال وأبتسام عليه ليسحبوة من قبضة يده أما شريف ضل جالساً يشاهد ما يفعلهٌ ياسين بذلك البارد بإستمتاع
دلفت ليالي ونرمين يهرولوا إلي ياسين ليفضوا ذلك الإشتباك تحت رعب مليكه ودموعها وقلقها علي ياسين !!!
تحدث عٌمر بغضب وصفاقه٠٠٠٠٠ كل الثورة إللي إنتَ عاملها دي علشان مليكه،،أومال لو كانت معتبراك جوزها بجد وقدرتك كراجل ونولتك المراد كنت عملت فينا أيه ؟؟
نزلت الكلمه علي قلبها كالصاعقه حزناً لأجل رجٌلها وحبيب حياتها !!
لم يشعر بحاله إلا وهو يصفعه علي وجهه عدة صفعات متتاليه تحت صريخ منال ومحاولة جذب ثريا ويسرا عٌمر من بين يديه ،،ولكن هيهات فقد تملكَ منهٌ الغضب ولم يستطع أحد فكاك قبضته من علي عٌمر
تحدثت ثريا ونرمين ٠٠٠٠سيبه يا ياسين،،سيبه ماينفعش كده !!
صاح بهما بغضب ٠٠٠٠أوعي حد منكم يقرب ،،ده قليل الأدب ومحتاج يتربي من جديد،،
وسحبهٌ ودلف بهِ داخل الغرفه تحت صياح منال وتوسلاتها ٠٠٠٠أبوس أيدك يا ياسين تسيبه ،،ده مش ف وعيه يا أبني ومش عارف هو بيقول أيه !!!
كاد أن يغلق الباب وتحدث بغضب٠٠٠٠ماما،،إبعدي لو سمحتي وأوعي حد يحاول يتدخل !!!
جرت عليه بإرتعاب قبل أن يغلق باب الغرفه عليهما وأمسكت يده برعب ونظرت لهٌ متوسله ٠٠٠٠٠سيبه يا ياسين،،
نظر لها وتحدث بحده ٠٠٠٠إبعدي يا مليكه وملكيش دعوه بالموضوع ده !!!
تحدثت بتوسل وهي مٌمسكه بيده بترجي ودموع وخوف٠٠٠٠أرجوك يا ياسين سيبه،، علشان خاطري سيبه !!
نظر لها ولم يستطع مٌجابهة توسلات عيناها له،،،وخوفها الشديد
تركه بعنف أوقعهٌ أرضاً وخرج لوالده وطارق لإكمال الحفل وأستقبال الضيوف !!!
تحت نظرات الجميع المستغربه من تأثير مليكه الهادئه علي ذلك الثائر الهائج بتلك البساطه !!!!
جرت منال علي ولدها وهي تحتضنه وتقبله ثم نظرت إلي مليكه وتحدثت ٠٠٠٠متشكرة يا مليكه،،متشكرة أوي !!
تحدثت ليالي بغل ٠٠٠٠٠بتشكريها علي أيه ،،ماهي كل المصايب إللي حصلت دي بسببها هي !!
نظرت نرمين بغل علي مليكه !!
صاحت سٌهير بها ٠٠٠٠حاسبي علي كلامك يا ليالي ومتغلطيش وإلا هحاسبك علي كل حرف هتنطقيه ف حق بنتي !!!
دلف طارق وجد الداخل مٌشتعل تحدث مٌهدئاً للوضع ٠٠٠٠٠إهدوا يا جماعه من فضلكم،،ماما من فضلك خدي عمتي وليالي والبنات وأخرجوا بره علشان الناس بتسأل عليكم علشان الحفله انتهت والناس هتبتدي تمشي !!!
وأنت ياشريف من فضلك أخرج أقعد برة ومليكه وطنط ويسرا هيفضلوا هنا لحد ما الناس تمشي !!
ثم تحركَ إلي عٌمر الذي بدأ يترنح من مفعول الخمر وجذبه من يد والدته وتحدث ٠٠٠٠٠وأنتَ يا بيه تعالي أطلعك أوضتك علشان تنام شويه قبل متدخل علي ليفل الوحش وتتحاسب حساب الملكين !!
إنتهي الحفل ودلف عز واعتذر من مليكه وسالم وسٌهير وشريف ،،ذهبت مليكه بصحبة والدتها التي أصرت علي المبيت وأخذ إبنتها داخل أحضانها وهذا ما أزعج ياسين كثيراً ،،
وأنصرف الجميع
هل ياسين سيقف مٌتكتف الأيدي بعدما حدث وخصوصاً حديث عٌمر المهين لكرامته ورجولته ؟؟
أم أنه سيعلن عن إتمام زيجته بها حتي ولو إعترضت هي وليحدث ما يحدث ؟؟
كل هذا سنتعرف عليه في البارت القادم بإذن الله
 |
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
100- سكريبت جمعتنا الشكولاته الساخنه
101- سكريبت سيف وغزل
102- رواية حب الفرسان الجزء الثالث
104- رواية رعد والقاصر
105- رواية العذراء الحامل
106- رواية اغتصاب البريئه
107- رواية محاولة اغتصاب ليالي
108 - رواية ملكت قلبي
109 - رواية عشقت عمدة الصعيد
110- رواية ذئب الداخليه
111- رواية عشق الزين الجزء الاول
112- رواية زوجي وزوجته
113- رواية نجمة كيان
114- رواية شوق العمر
115- رواية أحببتها صعيديه
118- رواية لاعائق في طريق الحب
119- رواية عشق الصقر
121- رواية بنت الشيطان
122- رواية الوسيم إبن الحاره والصهباء
123- رواية صغيرتي الجميله
124- رواية أخو جوزك
125- رواية مريض نفسي
127- رواية هكذا يكون الحب
128- رواية عشق قاسم
129- رواية خادمتي الجميله
131- رواية جوري قدري
133- رواية المنتقبه أسيرة الليل
134- رواية نجمتي الفاتنه
135- رواية ليعشقها قلبي
136- رواية نور العاصي
137- رواية من الوحده للحب
139- رواية جوزي اتجوز سلايفي الاثنين
140- رواية شظايا قسوته
141- نوفيلا اشواق العشق
142- رواية السم في الكحك
143- رواية الصقر كامله
147- رواية عروس الالفا الهجينه الجزء الثاني
148- رواية أميرة الرعد
149- رواية طفلة الأسد
150- نوفيلا الجريئه والاربعيني
151- رواية أحببت مجنون
152- قصة أخويا والميراث
153- رواية حب من اول نظره
155- رواية صعيدي مودرن
