صديقه برأس ثعبان الفصل الاول بقلم هويدا زغلول

صديقه برأس ثعبان الفصل الاول بقلم هويدا زغلول

صديقه برأس ثعبان البارت الاول بقلم هويدا زغلول

صاحبتي اول لما شافت بيتي حقدت عليا

وعلي عشتي وبعدها قالت لجوزي أن هدومي كانت في شقتها علشان جوزي يطلقني ويتجوزها

صديقه ب رأس تعبان

الحلقه الاولي

بقلم هويدا زغلول

ليلي _ بعد ما دخلتك بيتي عايزه تسرقي جوزي مني ادخل اوضه نومي القي هدومك فيها ، وفي الوقت ده احمد قالها

احمد _ اخرسي لسانك انا مراتي اشرف من الشرف

ليلي _ لا والله طيب اعرف الاول هي بتقول عليك ايه دي قايله للشله كلها ان عيب الخلفه منك انت وانا مستنيه بس شويه تاخد منك قرشين حلوين وتطلق منك

وقبل ما نبدا الحكايه اعرفكم بنفسي أنا مروه

لسه متجوزه جديد واتجوزت جواز صالونات بس

انسان محترم وفاكره يوم ما الباب خبط وفتحت

وكانت ساجدا وليلي اصاحبي ودخلوا اقعدو وقولت

مروه _والله العظيم منورين يا بنات ، وليلي فضلت تبص علي الشقه وبتقول

ليلي _معقول اللي انا شايفاه ده الشقه دي كلها انتس عايشه فيها ليه يا بنتي جوزك بيشتغل ايه

مروه _ اتش ار في شركه بترول كبيره بس بصراحه كويس جدا وبيحبني قوي

ساجدا _طول عمرك محظوظه يا بت يا مروه مش زينا كل واحده فينا اتجوزت زميلها في الكليه ويا دوبك مرتبه بيكفي شهر بالعافيه

مروه _ بس احمدوا ربنا انكم عيشتم قصه حب خدتوا اللي انتو بتحبوهم انا عمري ما حبيت حد ويومك جالي عريس جالي عريس صالونات

ليلي _والله انا لو يرجع بيا الزمن تاني وهيجي لي عريس مبسوط كده انا موافقه عليه

مروه _ ههههه طيب هقوم اشوف الصواني

اللي في الفرن وبعدها قومت وليلي قالت

ليلي _ انا مش قادره اصدق اللي انا شايفاه معقوله العز ده كله هي عايشه فيه

ساجدا _اكيد عروسه اكبر منها بكتير امال ايه اللي هيخليه يوافق على بنت زي دي مش فاكره بيتها اللي كان في الحاره كان عامل ازاي

ليلي _ بجد عايزه اشوفه شكله عامل ازاي قومي قومي تعالي نتفرج على شقتها وبعدها جم

المطبخ ومعاهم هدوم وليلي قالت

ليلي _ الله يا مروه لبسك حلو قوي انتي جايباه منين

مروه _ايه ده هو انتوا دخلتوا اوضه النوم هو انا لبسي جاي من بره احمد جايبه ليا

ساجدا _ ايه ده هو انتي زعلتي ان احنا دخلنا اوضه النوم ولا ايه انا قولت ان احنا اخوات وعادي يعني

مروه _اكيد طبعا مش زعلانه حبيبتي تمام ما فيش مشكله طيب اخرجوا وانا خلاص هخرج الغداء اهو

ليلي _ لا والله احنا مش قلالات الذوق علشان ناكل من غير جوزك هنستناه ونتغدى كلنا سوا

مروه _ احمد مش بيجي دلوقتي خالص هنتغدى مع بعض ولما يجي يا ستي نبقى ناكل معاه اي حاجه

ساجدا _ هو انتي ازاي شقتي كبيره قوي كده ومش جايبه حد يساعدك فيها

مروه _ لا بتجيلي واحده يومين في الاسبوع متروقه انما الاكل احمد بيحب ياكل الاكل من ايدي انا يلا بينا وبعدها خرجنا والوقت اتاخر ومشيوا وراحوا بيت ساجدا واقعدو وليلي قالت

ليلي _ اه يا دماغي مش قادره الصداع هيجنني

معقول الشقه دي كلها بتاعتها هي عايزه اعرف وقعت على الواد ده فين

ساجدا _ اسمعي بقى الكلام المهم انا وانت لازم نفضل صحابها ونرجع معاها زي الاول واحسن كمان يمكن تشوف وظيفه لجوزي ولا لجوزك

مع جوزها

ليلي _ انا من هنا ورايح موريش حاجه غيرها هي

مش هسبها

ساجدا _ برفوا ده اللي لازم يحصل

وفي شقتي احمد جه وكنت قاعده

احمد _ ازيك يا حبيبتي عامله ايه ايه كلمتي اصحابك وخليتيهم يجوا ليكي زي ما قولتي ليا

مروه _ الله يسلمك يا حبيبي اه جم ما تعرفش انا فرحانه ازاي والله بجد دول اغلى اثنين بالنسبه ليا

احمد _ ربنا يسعدك يا حبيبتي المهم اوعي تقولي ان انتي اكلتي من غيري

مروه _اكلت معاهم حاجه بسيطه يا حبيبي عشان نعرف ناكل سوا مكنش ينفع يجوا البيت وما ياكلوش يعني

احمد _ تمام يا قلبي حطي الاكل

،،،،،،،،،،،،،،،،،،،،،،،،،،،،،،،،،،،،،

وفي شقه ليلي كانت قاعده وجوزها محمود

جه من برا وهي كانت رابطه دماغها وقالها

محمود _ يا ساتر يا رب مالك يا ليلى في ايه قاعده كده ليه

ليلي _ اسكت على اللي حصل مروه اللي ما كانتش حد بيعبرها في الكليه ولا بيرضى يقف يسلم عليها اتجوزت واحد انما ايه

محمود اقعد وقال _ ربنا يسعدها في حياتها وانت مالك بحياتها كل واحد حر

ليلي _ اه ما انت ليك حق تقول كده ما انت معيشني في مقلب زباله وانا مجبره ان انا اعيش واسكت

محمود _ شكرا ل اصلك يا ليلي في اكل

في الليله دي ولا الواحد هيدخل ينام

ليلي _ اعمل حسابك مش هعمل اكل

طول ما المطبخ بتاعي عامل كده لازم اغيرو

وبعدها قامت ودخلت

محمود _ ربنا يهديكي وتاني يوم لقيت

الباب بيخبط وفتحت وكانت ليلي

مروه _ ليلي تعالي يا حبيبتي خير فيه اي

ليلي _ هنتكلم من علي الباب كده

مروه _ معلش يا حبيبتي اتفضلي اصل اتخضيت احنا لسه بدري ولقيتك جايه خوفت ، وبعدها

دخلت اقعدت وقالت

ليلي _ انا اسفه بس والله انا معرفتش انام من امبارح وقولت لازم لما اصحي اجيلك

امبارح ساجدا طول ما احنا ماشين عامله

تتكلم وتقول معقول كل ده يكون عندها

ازاي طيب ليه

مروه _ طيب ليه كده ما كل واحد بياخد

نصيبه

ليلي _ اوعي تدي الامان لحد ولا ليا أنا

كمان يا بنتي العين وحشه والله

مروه _ الكل بيبص للي ظاهر قدامه ميعروفش المخفي عنهم انا احمد مش بيخلف ولا بحقن

مجهري

ليلي _ اي ده معقول وانتي ازاي توافقي

علي كده

مروه _ حبيته وهو طيب كمان وبعدين ممكن

نتكفل طفل

ليلي _ الله يكون في عونك يا حبيبتي ويبعد

عنك عين الناس الوحشه بقولك اي اوعي

هي تعرف الكلام ده اه اصل مش

عايزه مشاكل معاها

مروه _ اكيد مش هقول ليها با حبيبتي متخافيش ، وبعدها قومت وقفت وقولت

هعمل فطار نفطر سوا انا وانتي

ليلي _ وانا جايه اساعدك الا هو جوزك

مش موجود ولا اي

مروه _ لا نزل بدري * وهي كانت عايزه

تشوف شكله وقالت

ليلي _ طيب انا عايزه اشوف صور فرحك

نفسي اشوفك في اليوم ده كنتي عامله

ازاي

مروه _ اه ثواني اجيب ليكي اللبوم الفرح وفعلا

روحت جبته وقولت اتفضلي اتفرجي عليه

عقبال ما اعمل الفطار ، وبعدها دخلت وهي قالت

ليلي بحقد _ يخربيتك اي الجمال ده يابنت

المحظوظه فلوس وجمال ده انتي واخدا

كل حاجه عايزه اي من الدنيا تاني

وفي شقه ساجدا كانت قاعده وخرج أشرف

جوزها من الاوضه وقال

اشرف _ بقولك اي انهارده هنبقي نروح

لماما علشان عايزنا ساجدا يا ساجدا مالك

عامله ليه كده

ساجدا _ مش قادره انسى شقه مروه من امبارح بجد شقتها حلوه قوي

اشرف _ ربنا يبارك لها فيها يا ساجده احمدي ربنا على عيشتك غيرك مش لاقي العيشه دي

ساجدا _ اصل انت ما شفتش جمال الشقه عامله ازاي

اشرف _ كل واحد بياخد نصيبه في الدنيا

ممكن يكون عندها كل ده بس مش عندها

راحه البال وبعدين صحبتك بعتت ليكم

علشان تكون فرحانه معاكم مينفعش تكوني

كده

ساجدا _ عندك حق والله كفايه عليا أن

ربنا كرمني ب واحد زيك يا حبيبي

اشرف _ كنت عارف انك عاقله اسمعي

يا ساجدا قبل ما تفكري في اللي عند

الناس فكري في اللي عندك الأول

ساجدا _ ماشي يا حبيبي يلا روح شغلك

بقي علشان متتاخرش وانا هبقي

اروح لمامتك واستناك هناك

وفي شقتي دخل احمد وكانت ليلي قاعده وأنا

في المطبخ

احمد _ مساء الخير مين حضرتك ، وليلي

قامت وقفت وقالت

ليلي _ازيك يا استاذ احمد انا زميله مروه انا اسفه والله دلوقتي سرقنا مع بعض وما مشيتش

احمد _ اهلا بحضرتك ما ينفعش تقولي كده ده البيت بيتك منورانا ، وبعدها خرجت من المطبخ

مروه _ انت جيت يا حبيبي حمد لله على سلامتك ادخل يلا غير هدومك عقبال نحط الاكل على السفره هناكل سوا احنا الثالثه

احمد _ تمام يا حبيبتي وبعدها دخلنا وكنا

قاعدين علي الاكل وأحمد قال

بجد مش عارف النهارده كان يوم صعب قوي السكرتيره بتاعه مكتبي مشيت مش عارف اتصرف ازاي

مروه _ ازاي تمشي يا حبيبي من قبل ما تجيب حد بديل علشان خاطر تعلمه شغله

احمد _ اللي حصل والله يا مروه مش عارفه اتصرف ازاي بصراحه كنت مرتاح معاها لانها كانت واخده بالها من شغلها جدا ، وفي الوقت ده ليلي قالت

ليلي _ حضراتك لو لسه محتاجين واحده انا ممكن اجي انا كنت شغاله سكرتيره قبل كده قبل ما اتجوز وعندي خلفيه بالشغل

مروه _ على فكره يا احمد ليلى كويسه جدا وشاطره في شغلها قوي وهتفيدك كثير

احمد _ على العموم هبقى ابعت عنوان الشركه لمروه تبعته ليكي وتيجي بكره وتعملي مقابله

ليلي _بجد مش عارفه اشكرك ازاي انا كنت نفسي اشتغل بدل فراغ اللي مالي حياتي

احمد _ ربنا يوفقك باذن الله

ليلي _ يا خبر دلوقتي اتاخر جدا معلش انا لازم امشي بقى

مروه _ تمام يا حبيبتي وانا هبقي استناكي

تاني وهبقي ابعتلك العنوان كمان

ليلي _ انشاء الله وبعدها مشيت وروحت

اقعد

مروه _ مالك يا احمد في ايه اول مره تبقى قاعد على الاكل ساكت كده وحاسه ان في حاجه مغيراك موضوع السكرتيره ده شغلك قوي

احمد _ خايفه اقولك الحقيقه تزعلي انا مش مرتاحه للبنت دي خالص حاسس كده بنظرات غريبه من ناحيتها، وانا قومت وقفت وقولت

بزعيق

مروه _ الكلام اللي انت بتقوله ده على فكره انا صاحبتي محترمه جدا

احمد _ على فكره يا حبيبتي انا ما اقصدش ازعلك والله انا اقصد ان انا حاسس بنظرات عينيها اني مستكتره عليكي العيشه اللي انتي فيها

مروه _ لا يا حبيبي ليلي عمرها ما تكون

كدم متخافش ، وبعدها روحت ليلي

البيت وكان قاعد محمود ودخلت وقالت

ليلي _ ايه ده في ايه مالك قاعد كده ليه هو انت جيت امتى اصلا من الشغل

محمود قام وقف وقال _ ممكن اعرف الهانم كانت فين لحد دلوقتي وشقه زي ما سايبها رجعت لقيتها هو انتي ما روقتيش الشقه انهارده

ليلي _ ومن هنا ورايح مش هروق الشقه لاني انا هنزل اشتغل هنبقي نجيب واحده بقي

محمود _ ومين اللي قالك ان انا عايزك تساعديني وتنزلي تشتغلي

ليلي _ لا يا حبيبي شكلك فهمت الموضوع غلط خالص انا مش نازله اساعدك انا نازله اجيب فلوس علشان اقدر اجيب الحاجه اللي نفسي فيها لحضرتك مش عارف تجيبهالي انا ناقصني حاجات كثيره جدا

محمود _ ليلى غيري اسلوبك وارجعي ليلى بتاعه زمان علشان خاطر ما تحصلش مشاكل بيني وبينك

ليلي _ هيحصل اي يعني هطلقني برحتك

اسكت يا محمود مش انا عرفت ان

عشيتك دي مش عيشه اسكت

احسن أنا والله علي أخري ، وبعدها

دخلت الاوضه وتاني يوم راحت

الشغل ب لبس قصير ومكيب

كتير ودخلت مكتب احمد

احمد _ ايه ده يا ليلي ايه المظهر اللي انتي فيه ده على فكره صاحب الشركه ما بيحبش الناس تكون كده

ليلي _ انا اسفه والله بس كل اللي انا اعرفه انه في شغل السكرتيره بالذات بتبقوا عايزين المظهر

احمد _ ايوه طبعا المظهر المطلوب بس المظهر المحترم انا اسف بس ما اقصدش يا ريت متجيش كده تاني

ليلي _ حاضر يا احمد اقصد يا استاذ احمد