رواية حب الفرسان الجزء الثالث الفصل الاول بقلم ريحانة الجنه رواية حب الفرسان الجزء الثالث البارت الاول بقلم ريحانة الجنه رواية حب الفرسان الجزء الثالث الجزء الاول بقلم ريحانة الجنه

 رواية حب الفرسان الجزء الثالث الفصل الاول بقلم ريحانة الجنه

رواية حب الفرسان الجزء الثالث البارت الاول بقلم ريحانة الجنه

رواية حب الفرسان الجزء الثالث الجزء الاول بقلم ريحانة الجنه

(((سلسلة عشق الرجال)))  (((الجزء الثالث))) (((حب الفرسااااان)))

🌹بقلم ريحانة الجنه🌹

قبل البداية عايزة اقولكم وحشششتوني اوي وبجد فترة بعدي عنكم هي بتكون اسوء اوقات حياتي انا بلاقي نفسي معاكم ووسطكم بس قدر وظروف بتحكمنا كلنا والحمد لله ☺☺☺

ان شاء الله هرجع ليكم زي ما وعدتكم بالجزء الثالث والنشر هيكون يوم ويوم ان شاء الله الاحد والثلاثاء والخميس الساعة 11مساء

ومن دلوقتي بقول وبعتذر عن اي تاخير في الايام او الساعة ممكن يحصل.لان زي ما انتم عارفين احنا في دراسة كمان انا ربي يعلم المجهود اللي بعمله علشان اخلص كل التزامات يومي كان ممكن ااجل تاني للاجازة بس انا مااقدرش اعمل كدة وازعلكم كفاية حبكم ليا وصبركم وانتظاركم الفترة اللي فاتت الاجازة خلصت مننا بسبب الظروف اللي حصلتلي واللي كلكم عارفينها وربي ما يكتبها علي حد ابدا والحمد لله علي كل حال.بس انا لو اتاخرت او اجلت اكيد لظروف قوية مش استسهال او تشويق ابدااا يعني رجاااااااااااااااء بلااااااش الكلام اياه من الناس اللي بجد مش بتفرق معاها الا الرواية وبس دول من دلوقتي معلش عذرااا ما تتابعوش بقي الا لما تخلص اما تعليقات مستفزة وكلام جارح بلااش الله يرضي عليكم..اللي هتقولي مافيش التزام وانتي بتشوقينا وانتي بتستغلينا هقولك معلش اعتبريني مش موجودة وتابعي حد تاني يا ست الكل ملتزم واقريله تمام 😊😊😊😊.

******************************************

نيجي بقي للرواية اولا انا مش ححدد ابطال معينة يكونوا هما الاساسين للرواية لان كل بطل وكل كابلز ليهم حكاية حلوة ومهمة وقوية وهبقي بظلم الباقي لو فضلت كابلز عنهم بس هو اشهرهم واهمهم چواد &مهرة..

هعيد عليكم الكابلز تاني علشان تعرفوهم وهيظهروا تباعااا خلال الحلقات ان شاء الله 

الابطال 💪💪💪

چواد&مهرة 😍😍😍

ريان&لمار 😍😍

فارس &ماسة😍😍

مالك&مليكة😍😍

أكمل&چنا😍😍

فراس&نجمة

ياسين&نغم

سامر &ديمة 

*************************************************

تعريف العائلات 

عائلة رعد الحديدي 

رعد& همس 

وولادهم شهاب..فادي...چوري...كارما

عائلة مهاب عز الدين 

مهاب&نغم

وولادهم أنس....تمارا...جودي

عائلة أكمل التهامي

أكمل & تسنيم

وولادهم چنا وماتت في نهاية الجزء التاني مهمة حب....وحمزة 

شهاب الحديدي &تمار مهاب عز الدين 

وولادهم چواد....لمار

فادي الحديدي & حلا عدي

وولادهم ياسين..مليكة....ماسة 

حمزة التهامي & فتون 

بنتهم چنا

أنس مهاب عز الدين & حياة 

وابنهم سامر 

مهاب سامح & چودي مهاب عز الدين 

وولادهم نغم وديمة 

مروان & ريما وابنهم أكمل 

مؤمن شرف& شيري

وولادهم ريان ونجمة 

كدة كل عائلة اتفسرت ووضحت اما باقي الابطال الدخلاء علي الرواية هتعرفهم في وقتهم 

******************************************************

تبدأ احداث الرواية دي مع صباح اول يوم من ايام عيد الفطر واللي متجمعة فيه كل العائلات دي في قصر الحديدي 

في المطبخ كانت همس وتسنيم ونغم وريما... قاعدين علي الترابيزة  بيجهزوا الاطباق والكل حاوليهم بيساعدوا...حلا وتمارا وچودي اختها وكارما وچوري وشيري وفتون..

كارما اخدت طبق وبتدوق هي لوحدها.

ريما بزهق: بنتك دي مافيش فيها فايدة سايبانا مشغولين وهي بتاكل ولا اكنها عيلة عندها 17سنة..

همس بغيظ: هو انتي مش هتكبري ابدا هتفضلي كدة زي العيال ما تخلصينا وساعدي اخواتك يا طفسة عايزين نجهز كل حاجة بسرعة ابوكي هيتضايق من التأخير.

كارما بتاكل بمتعة : يووووووه يا عمتو اييييه بصالي في اللقمة اعمل ايه مش بعرف اقاوم حكك الليدي  همس....اممممم الله يا هموسة ايه الحكك اللي يجنن ده مش ممكن انا من زمان قولتلك لو الملك بس يوافق كان زمانك عندك اكبر محل حلويات في الدنيا واسمك ترند كبييير كدة... 

تمارا ضحكت: ااااه غلبانة انتي اوي مش عارفة باباكي يعني هيتحمل حد يشكر فيها ده احنا كدة واسمنا العيلة متحملنا بالعافية عايزاه بقي يتحمل كام مليون يشتروا من المحل بتاعها ويقولوا الله علي الجمال ده كان زمانه مخلي عدد سكان مصر في النازل كل ساعة يقتله كام واحد 

كلهم ضحكوا..وهمس ابتسمت بسعادة: رعد! اااااه وهو فيه زي رعد وحنية رعد اشفهمكم انتم عمر ما حد في العالم هيحس ويعرف حنيته غيري علشان هو معايا بيكون رعد حبيبي وابو ولادي مش رعد الحديدي اللي بيرعبكم.

حلا غمزت چوري: شوفتي يا چوري الحب مافيش فايدة مش هيبطلوا يحبوا بعض ابداااا 

چوري ابتسمت وباست همس من خدها بحنان: ربنا يخليكم لبعض يا هموسة ويخليكم لينا انتم الاصل والاساس للعيلة دي.

تسنيم ابتسمت بحنين لحتة من روحها چنا : عارفين كل سنة في كل مناسبة واحنا متجمعين بحس انها حاولينا معانا بتحتفل وتفرح اااااه كان نفسي تحضر فرح اكمل وچنا....وحششتني اوي امتي بقي اروحلها امتي..

كلهم زعلوا منها ولاموها..

فتون بعتاب ودموع: كدة يا ماما عايزة تسبينا. احنا لينا مين غيرك بس...ما تقوليش كدة ارجوكي...

حياة قربت منها : حضرتك عارفة ان ده قدرها وربنا اكيد ليه حكمة في كدة ثم احنا كلنا واولادنا حاوليكي ومعاكي...

ريما بحنان: يا تسنيم چنا اكيد لو كانت عايشة ماكنتش هتعمل لاكمل اكتر من اللي انتي عملتيه معاه ولا هتفرحله اكتر منك انتي كمان امه مش بس جدته...

نعم: ليه بتقولي كدة ربنا يخليكي لحمزة و لاحفادتك وكمان هي سابتلك حتة منها ابنها اكمل واهو كبر وبقي راجل وعريس زي القمر وفرحه قرب خلاص اهو..افتكريها وادعيلها وبلاش الكلام ده علشان خاطرنا كلنا ممكن

شيري قربت من تسنيم وضمتها بحنية: انا حاسة بيكي وبالحنين اللي جواكي انا كمان مفتقدة ماما ابتسام الله يرحمها...موتها كان صدمة ليا ولمؤمن اللي بيموتله غالي مش بينساه مابالك بأغلي الغوالي..حتة منك كبرت علي ايدك وفجأة اتخطفت منك وخطفت قلبك معااها بس هنرجع  نقول قدر ونصيب ربنا مقدره وكل قضاء ربنا خير.

چودي بمزاج: علي فكرة احنا في عيد مش فاهمة انا ايه غيتكم تيجوا في الاعياد والمناسبات الحلوة وتنكدوا علينا الله انتم بتخافوا تفرحوا ثم الحكك ده هنفضل ونتفرج عليه كتيير ولا ايه انا جوعت بجد..

تمارا : هتعيشي وتموتي همك علي بطنك.

چودي بعصبية : انا! انا برضوا اللي كنت باكل قبيلة بحالها وانا حامل ده انتي كنتي ناقص تاكلينا.

همس : باااس بطلوا نقار ايه خليتوا ايه لبناتكم انتم كبرتم وشوية وهتبقوا جدات كمان ولسة عيال كدة..

نغم ضحكت: والله ماحد عايز الكلمتين دول غير ابوهم كلوا كوم بقي وده كوم تاني تقولي لا بيروح عليه الزمن ولا بيجي هو هو مهاب عز الدين هيفضل مهاب عز الدين غاوي ستات وهما غاوينو ولسة بيناقر فيا وفي ولاده اكنه شاب في العشرين مش معترف بسنه ابدااا.

كارما اتنهدت: اااااه يا انطتي نعم...بس ان جيني للحق انكل مهاب يستاهل وعنده حق يفضل شباب ده انا بحسه اصغر من أمير جوزي يابختك بيه.

تمارا ابتسمت: حبيبي ابوب تلاقيه شرق دلوقتي من سيرته اللي مقطعينها دي ارحموه بقي هو مافيش غيره.ما كل الموزز دول لسة علي وضعهم واولهم اونكل رعد الملك...

حلا بتكتم ضحكتها : عارفين انا فادي كان هياكلني واحنا راجعين من صلاة العيد علشان بقوله هو اونكل أكمل ماله صغران كدة ليه ومحلوا كدة...قام رزعني كتف كان هيخلعلي كتفي والله قالي لو شوفتك بتبصيله تاني هخليها صلاة جنازة مش عيد ههههههههههه

كلهم ضحكوا وخصوصا همس: ههههههههههه فادي دي مجنون بس ان جيتوا للحق كل راجل عنده حق يغير من ان مراته تمدح راجل غيره حقه 

تمارا قربت منها بمكر: الا قوليلي يا هموسة عمرك ابدا ابدا ما عنيكي جات علي اي راجل وشوفتيه وعجبك!!!؟

همس عقدت حاجبها بإنكار: ياخبر انا عيني تشوف راجل تاني غير رعد مستحيل ابدااا.

.واتنهدت بإبتسامة عشق...عارفين انا من زماااان من يوم ما عنيا شافته اول مرة وانا عنيا ماشفتش رجالة بعده ولا لمحت ملامح راجل غيره انا بمشي وسط الناس مش بشوف منهم غير وشوش متكررة اجسام بتتحرك وبس اوقات ما بخدش بالي المكان اللي احنا فيه كان فيه كام راجل وكام ست...اللي تحب وتتحب من ملك زي رعد مستحيل يملي عنيها واحد من رعيته ابدااا ولا حتي رمشها يلمحه... رعد ده واخد قلبي وعقلي وعمري لو اطول اديله عمري علشان يعيش العمر كله اديهوله لو بس النسيم يتعبه قلبي يقف ما اتحملش عليه الهوا..

كلهم بيسمعوها بإعجاب وابتسامة حب كل واحدة سمعت الكلام عنها عن حبيبها عن بطلها عن زوجها هي كل واحدة شافت الكلام مرسوم علي حبيب عمرها..بس اللي حصل كمان رعد كان داخل يطمن علي همسته.وسمع كل كلمة قالتها قرب بهدوء وهما شافوه بس هو شاور لهم مافيش نفس ويسبوها تكمل 

همس بحنان اتنهدت: يمكن اي ست ممكن تشوف راجل غير جوزها يعجبها مممكن بس الاكيد مش انا مش اللي امتلكت قلب الجبل رعد...رعد ده عارفين زي ايه!!!..

زي كهف دافئ ومنور..ضمني في ليلة باردة وضلمة..عمري ما انسي يوم ما كنت بجري من ناجي وخايفة ومرعوبة من الدنيا والايام اللي كسرتني وداست عليا ولقيته قصادي لما خبطت في حضنه يومها الصلابة اللي حستها في حضنه ما كنتش بالنسبة ليا لحم ودم وعضلات قوية لا لا كان صلابة جبل متين اكن ربنا وقفه قصادي علشان يحميني نظرة عيونه يومها قالتلي خلاص ماتخفيش امانك وحماكي قصادك حسيت وقتها اني مش خايفة واطمنت ومش عايزاه يبعد عني ياخدني في حضنه ويضمني..

ودمعت دمعة لذكري عمرها ما تنساها ....لما سبته ورجعت البيت حسيت اني كنت متغطية واتعريت اتكشفت قصاد الناس حسيت اني رجعت اخاف من تاني ومارجعش الامان الا لما رجعلي تاني وبقي من نصيبي...وبصت لتمارا وابتسمت بتساؤل:: تفتكري بعد كل ده يا تيمو عنيا تشوف غيره ولو حتي علي سبيل الغلط او الفجأة مستحيل..

في اللحظة دي همس لقت حضن دافئ بيضمها بحنان وايدين برغم قوتها الا انها احن وانعم من الحرير رعد ضمها بحنان وباسها من خصلات شعرها اللي برغم كبر سنها الا انها حريصة دايما يفضل بسواده ونعومته لسة اسود لون الليل اللي جمعها بيه ليالي طويلة وسنين كتيرة...

رعد ابتسم بحب: كل الكلام الحلو ده عني طب تفتكري انتي خليتي ايه ليا اقوله واحكيه يا همستي..

همس بخجل منه نظراتهم كلهم ليهم وخجل منه كمان ابتسمت وقامت وقفت قصاده : انت هنا من امتي ومش هتبطل تكسفني بقي  

رعد ضحك بغرور: لا انا هنا من بدري من اول الناس والنظرات وعيونك اللي مش بتشوف غيري ولحد اول حضن جمعنا وخوفك يومها ...لحد حب الملك ليكي وقلبه اللي ملكتيه ومابقاش ملكه من يومها بقي ليكي انتي  وبس يا ملكة قلبي...

كارما برومانسية :ااااااه يابختك يا هموسة بحب الملك مش بنشوف الرومانسية دي الا معاكي انتي وبس 

رعد ابتسم وضم ايديها وباسها برقة وعتاب:حبيبتي صممت تتعب نفسها زي كل سنة مش عارف مش عايزة تريحي نفسك ليه عندك شغالين برا تحت امرك موقفاهم برا وانتي وبناتك تتعبوا ده ينفع يا ملكة.

همس ابتسمت بحنان وملست علي خده بنعومة:انت عارف من يوم ما اتجوزتك وانا عاهدت نفسي مافيش حاجة ياكلها الملك الا من ايدي ثم ده عيدنا احنا وفرحتنا مع بعض عيلة واهل والمتعة كلها اننا نعمل كل حاجة مع بعض وبإيدينا وكفاية الللمة يا رعد وانا مش تعبانة انا زي القردة اهو..

رعد عقد حاجبه بعصبية: قردة!!! اوعي تقولي كدة انتي ملكة الستات واجملهم وارقهم واطعمهم تقوليلي قردة..

كلهم بصوا لبعض وضحكوا..

تمارا :ايوة احنا قرود مافيش مشكلة بس ربنا يخليكم انا هموت من الجوع وعايزة ادوق الكحك وشهاب برا انا عارفة ممكن ياكل اخواته عادي هاه كفااااية حب بقي تعبتوا اعصابنا.

رعد ابتسم بإستفزاز:هما مالهم غيرانين ليه كدة ولا اكلمنهم خلاص ماحدش بقي بيعبرهم.وسيادة اللواء شهاب يا هانم مابقاش بيدلعك ولا ايه.!!؟

تمارا ضغطت علي سنانها بغيظ: ابنك مشغول 24ساعة في24ساعة انا بتلم عليه لمعاد سيادتك تقولي دلع ده انا هخليه عيد مش فايت عليه ماشوفتش وشه بقالي يومين غير هنا وبعد صلاة العيد..

حلا بهدوء:غصب عنه يا تيمو جوزك  مسؤل كبير وده عيد ولازم ترتيبات كتير واحتياطات ده امن بلد بردوا معلش..

نغم :حلا معاها حق يا تيمو لما انتي اللي كنتي في نفس المكان وعارفة مشاكله وكل مسؤلياته تقولي كدة انا كنت اعمل ايه زمان مع انشغال ابوكي عني ولا اختك تقول ايه ما جوزها مع جوزك في نفس الدوامة دي 

رعد بهمس :شكلهم كلهم ماحدش عيد غيرك يا همستي.

همس بخجل كتمت ضحكتها:باااس وطي صوتك..هتفضحنا..

چوري قربت منهم : خييير بتتوشوشوا علي ايه...عايزة اسمع

رعد بجدية :خاليكي في حالك وياللا بقي جهزوا كل حاجة انا مستنيكم برا...

وباس همس من جبينها  :همستي شغليهم هما بقي وانتي كفاية عليكي تعب لحد كدة..وبغيييرة عقد حاجبه...ااااه الكلام للكل كل واحدة تقول لجوزها ما اسمعش نفسه اللي هيفضل يقولها تسلم ايدك الحكك حلو الحكك زفت هطفحه اللي كله انا بقول اهو ما اسمعش نفس حد منهم...وبص لنغم بغيظ...وخصوصا جوزك اللي ما بيكبرش ده وفاكر نفسه صغير وبيتعمد يستفزني هو حر هقتله..

كلهم ضحكوا علي غيرته عليها لحد دلوقتي بقوا احفادها رجالة وهو لسة بيغير عليها علشان كدة لما قولت ان حبه حب ملوك وانه مش مجرد حب لواحدة حلوة في صغرها وشبابها وبس كنت اقصد كدة اقصد ان مهما السنين مرت والعمر حفر امضته علي ملامحها الا انها في نظره لسة همس البنت الجميلة الرقيقة اللي خطفت قلبه من اول نظرة...ومش بس كدة ده كمان محسسها بكدة لسة مخليها راسها لفوق وعزة حبها عالية وواثقة انها الوحيدة اللي تملي قلبه وعقله مافيش غيرها مهما كانوا اصغر منها او اجمل منها هي هتفضل في مكانتها لحد ما حد منهم يموت...

وقرب رعد منها بحنان وغيرة:وغطي شعرك كويس وانتي خارجة يا همس ممكن..علشان انتي اوقات بتنسي 

همس ما تقلقش انا فعلا بحكم السن بقي ساعات بخرج كدة وبلف الطرحة كدة وخلاص مش لازم محكمة كدة..انا كبرت يارعد

رعد بغيظ وغيرة:  كبرتي ولا لا انتي هو انتي تغطيه كويس ومافيش خصلاة واحدة تبان مفهوم.

همس بتكتم ضحكتها :حاضر والله ماتقلقش مافيش حاجة هتبان اطمن 

خرج رعد ليهم برا وهما كملوا كلام وضحك علي رعد وهمس وعشق رعد وغيرته عليها حتي بعد السنين دي كلها..

**********************************************بقلم ريحانة الجنه🌹

خرج رعد وقعد معاهم برا 

أكمل الكبير:كل سنة وانت طيب يا رعد ودايما مجمعنا حاوليك كدة.كل سنة وانتم طيبين جميعااا 

رعد ابتسم: وانت طيب يا اكمل والف مبروك لاكمل الصغير وچنا ربنا يتمم بخير يارب.

الف مبروك يا مروان لاكمل..وانت يا حمزة مبروك لچنا

حمزة اشكرك يا رعد باشا ومستنينك في الفرح اكيد

مروان ابتسم بحنين لوجود چنا معاه  واتمني انها كانت تشاركه الوقت فرحة جواز اكمل ابنهم..

مروان بهدوء: الله يبارك فيك يارعد عقبال باقي الاحفاد ان شاء الله.

أكمل بفرحة:الله يبارك فيك يا 

رعد ماهم احفادك بردوا ولا ايه!؟

رعد :طبعااا كل احفاد العيلة دي احفادي انا قبلكم..وبص لمهاب عز الدين..وبمكر..ولا ايه يا هوبا!!؟

مهاب لوي شفايفه يتهكم: والله ما عارف مين اللي مديك الحق ده انت ليك احفادك مالك باحفادنا احنا مش كفاية فيه احفاد مشتركة...انت مش هبطل نفخة كدابة..

كلهم ضحكوا عارفين رعد ومهاب مستحيل يتفقوا...

شهاب بضحك:كل سنة وانتم طيبين يا بشوات احنا في عيد ربنا يخليكم مش عايزين نقار ولا خناق..

فادي بثبات:هو انت معترض علي ايه يا سيادة اللواء ماهو فعلا الملك هو كبير العيلة دي ايه الجديد.

مهاب ضحك بسخرية: كبير عليك يا خويا مش عليا انا طول عمري كبير نفسي واتهد انت وابوك بقي بدل ما اخد ولادي واحفادي وامشي  واخليه عيد مهبب علي دماغكم..

مؤمن بيكتم ضحكه هو وشهاب ومهاب الصغير

مؤمن: احمممم روق ياسيادة اللواء حضرتك علي راسنا كلنا ورعد باشا كمان انتم كلكم كبار العيلة دي واسمحولي اني بعتبر نفسي واحد من العيلة طبعااا 

رعد :طبعااا يا ابني انت من العيلة انتم كلكم اخوات يا مؤمن 

مهاب بغيظ: طب ده تلميذي انا وبيكلمني انا انت مالك ولا انت كدة حاشر نفسك دايما كدة بلزمة او من غير لازمة كدة

رعد بعصبية:تصدق انت لسانك ده عايز يتقص انت بتكبر وتتجنن ربنا يهدك

مهاب الصغير: ابوس ايديكم احنا في عيد كفاااية يا جماعة شهاب انا جعان شوف اليوم ده هناكل ايه هموووت.

انس لمهاب ابوه : يا بابا ارجوك استهدي بالله كدة وقول هديت...

رعد باستفزاز: هههههه  ما تقلقش انت فيه ناس تانية هتموت مجلوطة دلوقتي..وبص لمهاب عز الدين.

مهاب عز الدين بمكر: الجلطة للي كبر وعجز وماحدش بيبص في وشه ولا يعبره اصلا انا النسوان حواليا طول عمري يا عجوز

كلهم ضحكوا..ورعد ضحك بقوة: ههههههههههه  نسووان مين يا جدع انت اكبر بقي واحترم سنك ثم دول بيضحكوا عليك مش اكتر..

شهاب قام وقف:  لا ارجوكم بقي كدة انا لازم اعمل هدنة رسمية بينكم علشان ده هيبقي عيد الاستقلال بجد حرام عليكم ارحمونا......

*************************************** بقلم ريحانة الجنه🌹

في صالة البيلياردوا في قصر الحديدي كل الاحفاد الرجالة واقفين بيلعبوا ماعدا ياسين ابن فادي واقف بعيد شوية بيشرب سيجار.. قرب منه ريان بهدوء وثبات كعادته ووقف جنبه وربع ايده وبص بعيد وبمنتهي الثبات والثقة..

ريان : يا تري السجاير دي سادة ولا بالمكسرات..!!؟

ياسوو. بصله بغيظ وعقد حاجبه: انت تقصد ايه بقي بكلامك ده!!؟

ريان اتنهد بهدوء : مشكلتك انك ناسي او متناسي اني ظابط في مكافحة المخدرات يعني اشمها علي بعد 1000كيلو..

ياسوو. اتعصب ولف لريان : اسمع بقي ظابط دي علي نفسك مش عليا ثم ما تنساش انا مين وكمان فرق السن بينا ايه يا ريان.

ريان حط ايده في جيبه بلامبلاه من زعيق ياسووو ولفله وقرب منه بقوة وبصله بتحدي: انت اللي نسيت انت مين وابن مين وشايل اسم عيلة مين...حتي السن اللي بينا وكلهم ما يجوش 6او7سنين بس مش هتفرق لان الكبير كبير عقل ومقام مش سن ابداااا..وانا بقولك اهو انا مش هسيبك ولا هسيب اللي كان ورا اللي انت فيه وضيعك كدة احط ايدي عليه وانا وربي اخليه يندم علي اليوم اللي امه ولدته فيه.

ياسييو زق ريان بقوة وغضب: انت بتتحداني انت مين انت... انت تبعد عن طريقي احسن والله..

چواد قرب بقوة ووقف بينهم وقاطع ياسسو: انت بتعلي صوتك ليه وبتحلف علي مين احنا اخوات وعيلة واحدة عملك ايه ريان لكل ده!!؟

ياسوو بعصبية : ما اعرفش اسال البيه الظابط جاي يعمل عليا انا ظابط هنا ثم عيلة مين اللي منها هو مين اصلا ده حيالله صاحبك

چواد بصوت چاهوري وغضب: ياااااسيين ما تنساش انت اللي بتكلم مين انا چواد واوعي تتخيل انك علشان اكبر مني هسكت علي غلط منك في حقي او حق ريان انا انت فاهم..

قرب اكمل الصغير : خير يا جماعة مالكم فيه ايه صوتكم عالي ليه كدة..

سامر كان بيتكلم في الفون سمع الصوت والزعيق قفل بسرعة وقرب منهم بلهفة: خير يا جماعة مالكم بس في ايه!!؟

ياسسو بعصبية : انا ماحدش ليه دعوة بيا ولا يتكلم معايا كل واحد يخليه في حاله انتم سامعين!؟

سامر: مالك بس يا ياسوو احنا طول عمرنا اخوات ايه اللي حصل..

ريان انسحب بهدوء وخرج الجنينة ووقف يبص بعيد شاف البنات كلها بتتكلم وتضحك وشاف وردته الصغيرة وسطهم اجمل واصغر ونعم وردة لمار....ابتسم بهدوء 

رياان: ااااااه يا لمار بقي انا احبك انتي وانتي طايشة ومجنونة كدة ليه بس اتعلق بيكي وانتي ولا علي بالك ريان اصلا....

چواد خرج ووقف جنبه وخبطه في كتفه بخفة ومزاج: روق بقي يا ريان ده ياسووو حد يزعل من ياسووو..

ريان اتنهد: صدقني انا زعلان عليه مش منه

چواد عقد حاجبه: ازاي مش فاهم هو حصل ايه

ريان اتنهد: مافيش بعدين احكيلك المهم كنت عايزك في موضوع بخصوص العملية اللي جاية..بص بقي..

***************************************بقلم ريحانة الجنه🌹

البنات كلهم في الجنينة بيضحكوا 

لدار: اممم يعني كلنا وصيفات العروسة البرنسيس چنا وهنلبس نفس اللون طب استقروا علي لون بقي تعبتوني

ماسة : امممم.انا بقول كشمير بعشقه..ايه رئيكم...

ديمة : تؤتؤ انا بقول نلبس كلنا  اسود بس چين جديدة دي ولا سوراية ولا تكتيفة ووجع قلب ايه رئيكم.

نغم : حسبي الله فيكي قولتي اسود قولت بتفهم عكتيها انتي اصلا ايه اللي دخلك في كلام البنات وانتي واحدة بتركب ريس زي اجدعها شاب اخرسي.

نجمة : طب ايه رئيكم في الزهري لون جميل!!!

چنا بصت لمليكة : هاه يا مليكة ايه رئيك اختاري 

مليكة بهدوء كاعادتها: مش عارفة انتم اختاروا وانا معاكم اي حاجة بس المهم يكون لون هادي مش بحب الالون الفاقعة.

لمار بمكر ابتسمت:_باااس يبقي احمر 

مليكة بصالها بفيظ: احمر يا مستفزة!!

ماسة بإقتناع: والله البت دي بتفهم احمر انا عجبني

چنا : وانا هيليق عليكم كلكم.

نجمة :  بموت فيه موافقة

نغم: وانا كمان موافقة 

ديمة قربت من مليكة وبهمس: اسمعي مني بس دول عيال مسهوكة تعالي نضربهم قاضية ونلبس چينز انا وانتي

مليكة بزهق وغيظ: يارب العيلة دي كلها مجانين انا تعبت

وبعد شوية اجتمعوا كلهم مع بعض وكان فعلا عيد ..عيد اللمة والعيلة والصحبة...العيلة دي هتمر بمصاعب ومشاكل وحب وكره وغيرة ووجع حاجات كتييير اوي بس يا تري مين وفين وازاي اتمني الاحداث اللي جاية تمتعكم دي كانت تجميعة وافتتاحية الابطال والرواية وكل عيلة اتفسرت واتعرفوا ومع الوقت هتعرفوهم كلهم 

الفصل الثاني من هنا

قبل ماتخرجوا اتفضلوا الروايات الكامله من هنا 👇❤️👇❤️👇

 🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

  روايات كامله وحصريه