رواية صراع الحموات الحلقه الاولي بقلم هويدا زغلول
 |
ايهاب_اي كلامك ده عايزني اقول لامي
امشي من بيت ابنك
ريهام _لا خلاص خليها بس امي كمان مش هتمشي شقه بنتها وهي حره فيها
وقبل ما نبدا الحكايه اعرفكم بنفسي أنا ريهام
كنت بحب احمد زميلي في الشغل اوي
وفاكره يوم فرحنا لما دخلنا الشقه وقال
احمد _الف مبروك يا حبيبتي والله متعرفيش
انتي كبرتي في نظري ازاي لما وقفتي جمبي
وتساعدتني اجيب الشقه دي
ريهام _هو انا ليا غيرك يا حبيبي ربنا يخليك ليا وما يحرمني منك ابدا
احمد _والله انتي بنت اصول اوي يا ريهام
وبعدها عدا اسبوع ولقيت الباب بيخبط وفتحت
وكانت حماتي وقولت
ريهام _ايه دا حماتي تعالي اتفضلي مين منى
ادخلي يا قلبي اي شنطه الهدوم دي
وبعدها دخلوا واقعدو ومني قالت
مني _والله يا ريهام مش عارفه اقولك اي
بس صاحب البيت مشنا اول امبارح ومش
لاقين مكان نروحه
ريهام_وده ليه يعني عملتوا اي علشان يعمل
كده
حماتي _عايز الشقه علشان يجوز فيها ابنه
وشقتي مش ملك يا حبيبتي فمن حقه انه ياخدها اداني قرشين وخرجني
ريهام _اه تمام قرشين تمام ماشي لما ادخل
اصحي احمد بقي ، وبعدها مني قالت
مني _قولتلك يا ماما نشوف مكان نقعد فيه هي مش هترضى نقعد معاها ما تنسيش انها دافعه مبلغ اكبر من احمد في الشقه دي
الام _اقعدي ساكته انتي القرشين انا اخذتهم يا دوبك اكمل بقيه جهازك بيهم وانتي كلها شويه وهتتجوزي انا *وبعدها خرج احمد
احمد _صباح الخير يا ماما ازاي الراجل ده .يعمل
كده وبعدين مش لازم يديكي وقت ترتبي
حياتك فيه
الام عامل يقول يا بني أنا عايز الشقه بسرعه
لأن هجوز ابني فيها اوعدك يا بني شويه
وامشي من هنا خلاص
احمد _هو انتي بتقولي ايه بس يا امي ربنا يخليكي لنا يا ست الكل لو مكنتش انا هشيلك مين اللي هيشيلك يعني
مني _ربنا يخليك لنا يا احمد بس يا رب يكون ريهام مش متضايقه ان احنا هنقعد معاكم هنا
احمد _على فكره ريهام طيبه جدا واكيد هتقدر الموقف اللي انتو فيه ادخلي يلا يا ماما اوضه الاطفال ريحي فيها
الام _حاضر يا حبيبي بس اسمع أنا هصرف في البيت هنا من المعاش بتاعي كتر خيرك يابني
انك اصلا هتقعدني معاك
احمد _مش وقته الكلام ده يا امي اتفضلي ادخلي يلا بعدين نبقى نشوف هنعمل ايه
مني _بعد اذنك يا احمد انا دماغي مصدعه جدا انا هقوم اعمل كوبايه نسكافيه
احمد _البيت بيتك يا حبيبتي قومي اعملي اللي انتي عايزاه وبعدها دخلت المطبخ وانا دخلت
وقولت
ريهام _هو انتي بتعملي ايه في المطبخ يا منى
مني _معلش حسيت ان دماغي مصدعه شويه قولت اعمل نسكافيه تحبي اعمللك معايا
ريهام _اه تمام بس معلش بلاش تاخدي كوبايات من هنا خدي من اللي هناك دي كوبايات الضيوف تقدري تشربي منه معلش اصل انا بقرف جدا والله
مني _اه تمام ماشي مافيش مشكله خالص
وبعدها دخلت الاوضه عند احمد
احمد _انا عارف والله انتي هتقولي ايه بس حقك عليا امي هرميها في الشارع يعني
ريهام _انا لسه عروسه يا احمد وامك واختك يجوا يقعدوا معانا ازاي يعني وكمان اللي عرفت ان هما يعيشوا حياتهم هنا طب ليه
احمد _ما فيش الكلام ده اصبري بس شويه وانا هاجر لهم شقه يعيشوا فيها بس صاحبي بيت مشاهم
ريهام _بقولك ايه يا احمد انا كنت عارفه ان شقتكم ايجار قديم فاكيد ادا امك فلوس يعني علشان يخرجها من البيت
احمد _والله ما عارف اقولك اي بس ارجوكي مش وقته مشاكل اليومين دول
ريهام _واكيد كده احنا مش هنسافر المصيف اللي انت قولت عليه صح
احمد _ازاي يعني يا حبيبتي ده احنا سافرنا بكره هنسافر بكره باذن الله
ريهام _لا طبعا أنا لا يمكن اسيب حد في شقتي وامشي منها انا بخاف على حاجتي جدا يا احمد واظن ده حقي
احمد _طيب ممكن ناجل للسفر بس شويه وانا هخلي ماما تروح تقعد عند خالتي الفتره اللي هتكون مسافرين فيها لازم مش هينفع تيجي عندي النهارده واقولها امشي
ريهام _ما اقدرش اقول حاجه غير ماشي يا احمد انا بحبك وما اقدرش ازعلك مني
احمد _ربنا يخليكي ليا يا حبيبتي ، واتنسي شهر
العسل وهما بقوا عايشين معايا وعدا شهر
وكلمت ماما في التلفون وقولت
ريهام _مش عارفه اخذ راحتي البيت يا ماما مش عارفه يكون لقمه كويسه اعمل ايه بس
الام _عرفي جوزك يا حبيبتي ان انتي ليكي في الشقه دي زي ما هو ليه بالظبط ومش من حقه يعمل كده
ريهام _بصراحه اخاف ان هو يزعل مني ما تعرفيش انا بحب احمد ازاي يا ماما
الام _خليكي يا عبيطه كده ما هو الحب ده اللي هيوديكي في 60 داهيه بقولك ايه اقفلي السكه انا هتصرف ، وعدا ساعه ولقيت جرس الباب
بيرن وفتحت
ريهام _ايه ده ماما ايه المفاجاه الحلوه دي تعالي اتفضلي ادخلي
الام _ازيك يا حبيبتي عامله اي معلش شيلي
الشنطه عني تقيله اوي
ريهام _ايه ده هو انتي مسافره و
لا ايه يا ماما ايه الشنطه الكبيره دي
الام _معلش يا ريهام انا اسفه يا حبيبتي بس هقعد عندك الفتره دي لاني شقتي المجاري طفحت فيها مش لاقيه مكان اروح
ريهام _انتي بتقولي يا حبيبتي البيت بنتك وتنوري في اي وقت ولقيت مني خرجت وقالت
مني _ازيك يا طنط عامله اي
الام _اهو عايشه يا حبيبتي
ريهام
معلش يا منى بقى هتنامي انتي على الكنبه هنا علشان يا دوبك اوضه الاطفال سرير لمامتي وسرير لمامتك لان ماما ناويه تعيش هنا
يتبع
تعليقات
إرسال تعليق