رواية روح الصقر الحلقه الاولي بقلم آيه أمير
 |
رواية روح الصقر الحلقه الاولي بقلم آيه أمير
في مكتب في القسم موجود فيه بنت و تلات شباب
روح ( لحد امتا هتفضل كل محاوله القبض علي الصقر بتأدي للفشل كده )
باسم ( مشوفتش مجرم زيه كده بقا مبيسبش اي دليل وراه بيطلع من اي قضيه زي الشعره من العجين )
روح ( وانا بقا المرادي اللي همسك الصقر بأيدي )
الظابط انور ( ده مش انسان سهل يا روح مش بسهوله هنقدر نقبض عليه )
روح ( وروح مافيش حاجه صعبه عليها وانتو عارفين ده كويس طالما قررت اقبض عليه هقبض عليه بأيدي و كمان بطريقتي لو هو ذكي نبقي احنا اذكي منه لو هو مجرم فا احنا الظباط اللي مع الحق و واجبنا أننا نمحي الفساد ولا اي يا رجاله )
عزام ( انا أتفق مع الرائد روح احنا هنقدر نعملها )
باسم ( اسكتوا بس انتو متعرفوش حاجه فاكرين نفسكم بتلعبوا مع عيل في الحضانه بقولك ده مجرم كبير ومش بسهوله هنقدر نمسكه غير بخطه مدروسه اوي )
روح ( وانا عندي الخطه المدروسة دي )
انور ( خطه اي يا روح )
روح ( فتحوا دماغكم معايا كده مش ناقصه غباء كفايه اللي عندي في البيت )
عزام ( هههههههه يلا ارغي )
روح ( في ظابط محترم يقول ارغي يا خساره فكرتي الطيبه فيك يا واطي )
عزام ( هههههه عشان تعرفي بس )
باسم ( خلاص كفايه هزار الخطه اي )
روح ( طلعوا ورقه وقلم و اكتبوا ورايا و اتعلموا يا شويه فاشلين )
كلهم ضحكوا و بدأت روح تقول علي الخطه بتاعتها والكل عجبته الخطه ماعدا باسم
باسم ( انا شايف دي مخاطره عليكي يا روح )
روح ( واي يعني لو خسرت حياتي مثلا )
باسم ( لا احنا كده بنسلمك تسليم أهالي )
روح ( انا عارفه انا هعمل اي كويس اوي )
باسم ( ولو حصل عكس توقعاتك )
روح ( مش هيحصل يا باسم)
باسم ( بس )
روح ( مافيش بس انا قررت خلاص و هقولكم ناويه اعمل كده امتا )
نروح عند الصقر
عفيفي ( بص يا صقر انا صفقه المخدرات دي حاطط فيها كل ما املك يعني تخلي بالك كويس )
صقر رفع وشه وهو بيدخن سيجارته و عينه اللي شبه الصقر فعلا و نظراته المخيفه عفيفي خاف من نظرات الصقر لي )
عفيفي / انا قصدي أننا ناخد بالنا )
صقر ( هو انت متعرفش انت قاعد مع مين دلوقتي و كمان بتشكك في شغلي وخايف مش كده لتصحيح معلوماتك انا الصقر اللي مينفعش يخسر في اي صفقه ابدا و لو شكيت اني هخسر يبقي اللي فكر يقف قدومي راحت عليه عشان هيكون مع الاموات مش صقر اللي يخسر )
عفيفي بخوف منه ( اه طبعا)
صقر طلع سلاحه و ضرب طلقه جت في ايد عفيفي ..عفيفي مسك ايده بوجع
عفيفي ( انا عملت اي )
صقر ( الطلقه دي عشان شككت في الصقر المره الجايه هتبقي في نفوخك مش في ايدك )
عفيفي خاف منه ( انا اسف )
ومشي عفيفي بسرعه صقر كان قاعد وباين عليه الثقه و الوقار قرب منه أحد رجالته
ايمن يقرب من الصقر وهو خايف وجسمه بيترعش الصقر بصوت حاد ( هو انا مش قولت مش عايز اي غلط )
ايمن ( أيوة يا زعيم بس )
صقر ( انا مش عايز بس ولا عايزه حوارات انا بكره الإنسان اللي بيحب يحور)
ايمن ( انا اسف مش هتحصل تاني )
صقر ( الغلط عندي بموت )
ايمن ( انا عندي عيال يا زعيم سامحيني )
صقر ( اوبشن المسامحه ده ممسوح من عندي )
ايمن ( طب اطلب مني حاجه تانيه مش هغلط والله )
صقر ( انا ماشي بمبدأ اللي يغلط مره فهو اتشال من قيمتي )
وضرب طلقه عليه جت في قلبه وقع ايمن سايح في دمه و اتكلم الصقر بصوت حاد و قوي ( اي حد هيغلط يبقي يقتل نفسه قبل ما يجيلي و اقتله انا مبدأ الصقر واضح و صريح
وطلع الصقر اوضته روحت روح علي بيتها واول ما فتحت الباب لقيت الدنيا ضلمه
روح ( اي المقلب بتاع انهارده يا استاذه )
ولقيت روح صواريخ بتفرقع تحت رجليها واتفتح النور
رزان ( هههههه اي رأيك عمرك شوفتي صاروخ يفرقع تحت رجل صاروخ )
روح ( انا هوريكي وطلعت تجري ورا رزان )
روح ( بقا كده يا جزمتي )
رزان ( اه يا بيئه استنضفي شويه قولي يا شوز مبلوعه )
روح ( ده انا اللي هبلعك دلوقتي يا رزان الكلب )
رزان ( ما تخلي قلبك بمبي يا بت )
روح ( بت )
قربت روح من رزان و ضربتها علي قفاها مسكت رزان قفاها بوجع ( وانا بقول قفايا عمال يطول لي اتاريه من كتر الضرب )
روح ( هههههههه قفاكي بس اللي بيطول انتي كلك بتطولي ورغم كل ده لسانك اطول منك )
رزان ( هههههه عشان تعرفي اني كامله )
وقعدوا في الصاله رزان ( قوليلي يا روح عملتي اي مع الصقر اللي بتقولوا عنه ده )
روح ( لسه مافيش جديد )
رزان ( تعرفي اني نفسي اشوف المجرمين علي حقيقتهم اوي )
روح ( ههههه متشوفيش وحش ياختي انا قاعده معاهم اربعه و عشرين ساعه )
رزان ( هههههه طب هو المجرم اللي في الحقيقه شبه مجرم الروايات كده مز خالص )
روح ( هههههههه قراءه الروايات مقصره علي نفوخك ليه )
رزان ( طب الصقر ده مثلا شكله اي )
روح ( يابنت المجانين هو انا امه انا اعرف منين شكله اي انا لسه معرفش شكله و أول مقابله بينا هتكون قريب اوي )
رزان ( يعني تفتكري مز فحت ولا عنده بشله و الموس تحت لسانه و اوعي يابت احسن اغزك)
روح ( اول ما اشوفه هقولك )
رزان ( ههههه طب ما تخدي معاه سلفي أو خديني معاكي وانا اخد سلفي معاه ياها هطلع تريند )
روح ( المراره اتفقعت منك يلي تنشلي ناويه تعملي فيا اي تاني ضغط و جالي منك حاسه هيجيلي النقطه )
رزان ( هههه متقلقيش تجيلك النقطه وانا احط تحت منك جردل عشان متغرقيش الدنيا الواحد.مش قادر يمسح الصحه بقيت علي القد )
مسكت روح المخده و حدفتها في وش رزان
رزان( بقا كده يا فوزي )
روح ( اه يا قلب الفوزي )
رزان ( لا لا مقدرش علي كده ابدا )
ومر اليوم علي الجميع عادي من غير احداث جديده في مكان ما واقف الصقر بيسلم الصفقه
صقر ( كله مظبوط )
عوض ( ده انت الصقر يعني تمام التمام )
صقر ( تمام )
عوض ( انت اه كلامك قليل لكن افعالك كتير )
صقر ( الصفقه خلصت خلاص )
كان الصقر هيمشي خلاص وقفه صوت عوض وهو موجه السلاح علي صقر
عوض ( انا متعود اخد الاتنين الفلوس و شحنه المخدرات وانا ماشي ...شغل سلم و استلم ده ميأكلش معايا عيش ) )
الصقر حط ايده في جيبه بكل ثبات ولف له )
صقر ( هههههههه شايفني ماشي بحرس مثلا زيك و محمي بيهم زيك كده تؤ تؤ انت شكلك متعرفش الصقر واللي ميعرفنيش اعمل معاه اي لازم اعرفه عليا وعشان اعرفه عليا لازم اعمل)
وطلع صقر سلاحه بحركه غير مفاجاه و ضرب كل رجاله عوض اللي حواليه عوض أتصدم لما لاقي نفسه لوحده ومع الصقر
صقر( اهو كده بقا نتعامل ازاي راجل لراجل ولا عيب اقولك راجل خلاص انثي مع راجل هاه )
عوض ( انت كده هتلعب في عداد عمرك يا صقر )
صقر ( ههههههههه عداد عمري انا حتي موتي انا اللي هكتب السيناريو بتاعه )
عوض ( انت كده فتحت عليك نار جهنم يا صقر )
صقر. ( هههههه متعرفش اني معايا مفتاح جهنم ولا اي ولو في حد هيمشي من هنا معاه الفلوس و المخدرات فهو انا )
عوض ( اقرا الفاتحه حافظها ولا لا بس صح اللي زينا ميعرفش حتي اول سطر فيها هتموت ودلوقتي )
صقر وجه السلاح علي دماغ عوض وعوض كان لسه هيضرب صقر بطلقة ضربه صقر طلقه جت في دماغه وقع عوض غرقان في دمه خد الصقر شنطه الفلوس و شنطه السلاح ومشي بكل ثقه و ركب عربيته )
نرجع عند باسم
في المكتب و كلهم موجودين
باسم ( لسه مصممه يا روح علي خطتك )
روح ( اه )
عزام ( احنا كده كده كلنا هنكون في ضهرها)
روح ( المهم الفتره دي تخلوا بالكم من رزان )
باسم ( حاضر يا روح دي في عنينا )
انور ( اختك حرام الواحد عمل اي في دنيته بس )
روح ضحكت جامد و بدأوا يجهزوا هيعملوا اي و كانوا قاعدين قدوم كاميرات مراقبه
روح ( انا دلوقتي هروح اجهز نفسي و اجهز للخطه )
ورجعت روح بيتها
روح ( رزان حبيبتي هغيب عنك الفتره دي بس)
رزان ( خلي بالك من نفسك يا روح )
رزان حضنت روح جامد اوي و نزلت دموعها
روح ( بتعيطي ليه دلوقتي يا كلب البحر )
رزان ( عشان خايفه عليكي )
روح ( اختك بميت راجل يابت )
رزان ضحكت ( ربنا معاكي حبيبتي و تحققي العدل )
روح ( خليكي متواصله مع باسم أو أي حد من الشباب )
روح جهزت نفسها و نزلت
نروح عند الصقر
صقر وهو ماشي بعربيته يخبط في فتاه من غير ما يحس و يتلموا الناس عليها صقر ينزل يبص علي البنت دي وهنا تبقي المفاجاه
وبكده خلص الجزء ده
بقلمي أية أمير
تعليقات
إرسال تعليق