القائمة الرئيسية

الصفحات

آخر الأخبار

رواية حياتك ثمن عذريتي الفصل الاول حتى الفصل الحادي عشر والاخير بقلم الكاتب محمد مالك

 رواية حياتك ثمن عذريتي الفصل الاول حتى الفصل الحادي عشر والاخير بقلم الكاتب محمد مالك 

رواية حياتك ثمن عذريتي الفصل الاول حتى الفصل الحادي عشر والاخير بقلم الكاتب محمد مالك 


الاولي 🔥🔥

مي نور الدين بنت زي القمر 

دكتورة نساء وتوليد عندها ٢٨ سنة 

وحيدة امها ابوها متوفي وهي لسة في اللفة وامها ربتها وكبرتها وعلمتها وخلتها دكتورة 

اد الدنيا وانهاردة يوم فرحها علي الدكتور وائل زهران دكتور باطني.. 

قصة حب من ايام الكلية وانتهت بالزواج وبعد فرح جميل وزفة محصلتش 

روحت مي وجوزها علي بيتهم الجميل عشان يبدأوا حياتهم مع بعض مي غيرت هدومها ولبست لبس عروسه يوم فرحها 

ووائل لبس البجامة الحرير بتاعته واثناء تناول العشاء فجأة باب الشقة بيخبط جامد 

مي ووائل اتخضوا جري وائل عشان يفتح الباب لقي الشرطة في البيت ومعاهم نجار مسلح اسمه عصفور واول ما دخل عصفور الشقة قال للضابط..

عصفور .. هي دي مي يا باشا .. شايف سعتك لابسة قميص نوم احمر بترتر كمان ودا شكله البقف اللي اتجوزته .. 

اخص عليكي تتجوزي واحد وانتي متجوزاني ؟!! 

دا انتي هتروحي في ستين داهيه .. 

اقبض عليها يا باشا وهي بقميص النوم

الضابط ..انتي مي نور الدين عثمان ؟

مي.. ايوا انا

الضابط ..  هاتوها

وائل .. استني عندك .. افهم ايه الحكاية ؟! ومين الحيوان ده اللي عمال يهرتل بكلام مش مفهوم ويغلط كمان..

الضابط . . دا عصفور حمدان جوز الست دي

مي بتعجب شديد .. ايه جوزي ؟!!

وائل .. جوزها ؟!! جوز مين يا حضرت الضابط ؟!! انا جوزها !!

الضابط .. الست دي متجوزة من الراجل ده من تلت شهور وتركت منزل الزوجية واختفت وجوزها بلغ عن اختفائها لحد ما وصلته اخبار انهاردة انها اتجوزت من شخص تاني وهي لسة في عصمته ودي جريمه واحنا معانا امر من النيابة بضبط واحضار المذكورة

وائل لا يصدق .. ايه الكلام اللي انت بتقوله ده ؟!! 

ازاي متجوزة من تلت شهور ؟!! 

الكلام دا محصلش اكيد في حاجة غلط

عصفور .. ايوة مراتي علي سنة الله ورسولة وادي صورة قسيمة الجواز .. 

بقي كدا يا مي تهربي من بيتك وجوزك حبيبك اللي صوتك الشتوي وحشه يابت 

تهربي عشان تتجوزي من بقف زي ده ؟!! 

دا انا هسجنك

مي..اخرص شتوي ايه وزفت ايه انت جيتلنا من انهي داهيه

وائل بنرفزة.. اخرص يا حيوان ويحاول ان يضربه فيمنعه الضابط

الضابط .. لو سمحت كدا غلط

وائل . مش سامع سيادتك ازاي بيغلط فيا وبعدين القسيمة دي مزورة

عصفور .. مزورة! هاهاااو 

!! مزورة ايه يا كابتن .. انا ورقي سليم ميه الميه انت اللي جوازك منها باطل وهتتسجن انت كمان

مي بدهشة واضحة .. لا انا مش مصدقة في حاجة غلط اكيد .. جوزي ازاي ده!! .. 

اتجوزته امتي وفين ؟!! واصلا اتجوز ازاي واحد بالمنظر والاسلوب ده ؟!!

الضابط .. قولي الكلام ده في القسم هاتوها وانت كمان (يقصد وائل) تعالي معانا

ويذهب الجميع الي قسم الشرطة وتتحول ليلة الدخلة الجميلة التي طالما انتظرتها مي بشوق ولهفة الي ليلة حزينة تكسوها الحيرة والدهشة والغموض لتكتشف بعد ذلك مفاجآت لم تكن بالحسبان ..

مي ووائل وعصفور داخل قسم الشرطة ماثلين امام الضابط ..

الضابط .. ايه الحكاية بقي يا دكتورة ؟!! 

في واحدة برضوا دكتورة خريجة طب تعمل اللي انتي عملتيه ده ؟!!

مي بغضب ملحوظ .. انا مش فاهمة حاجة خالص !! انا عملت ايه بالظبط؟!!

الضابط .. في واحدة متجوزة وعلي ذمة راجل تروح تتجوز راجل تاني ؟!!

مي .. انا مش علي ذمة حد وانا اول زواج ليا كان امبارح من الدكتور وائل زهران

الضابط .. يعني عصفور حمدان ده مش جوزك ؟!!

مي .. لاء طبعا .. مين ده اصلا ؟!! 

انا معرفهوش اساسا

الضابط .. يعني انتي اول مرة تشوفي الراجل ده ؟!!

مي .. ايوه اول مرة اشوفه في حياتي ..

وائل .. بعد اذن سيادتك دا مين وبيشتغل ايه؟!!

الضابط .. دا اسمه عصفور حمدان نجار مسلح

مي .. نجار مسلح !! وكمان طلع نجار مسلح !! يعني انا الدكتورة مي عز الدين عثمان معيدة بكلية الطب هتجوز من نجار مسلح .. 

دا كلام يعقل يا حضرة الظابط؟!!

الضابط .. انا هنا مش عشان اقول او يعقل او ميعقلش .. انا هنا ليا اثبات ودليل والراجل ده معاه وثيقة زواج رسمية

وائل .. اكيد مزورة

الضابط .. ما اظنش دي عليها ختم السجل المدني وبعدين ايه الدافع انه يزور عقد جواز ويقول انه متجوز من الدكتورة مي ؟!!

مي .. معرفش اسألوه هو السؤال ده ليه بيقول كدا ايه الدافع من ورا افترائه ده ؟!!

عصفور .. انا مش بفتري علي حد يا باشا .. 

انا معايا عقد رسمي .. 

مي مراتي علي سنة الله ورسوله والعقد علي ايد مأذون ابعتوا اسألوه واسالوا الشهود كمان .. 

الست دي مراتي وهربت من بيتي عشان تروح تتجوز من الكائن ده

وائل .. اخرص يا حيوان انت

عصفور .. سامع يا باشا بيشتمني .. 

يعني معتدي علي عرضي وشرفي وكمان بيشتمني اثبت دا في المحضر عندك يا باشا

الضابط ل وائل .. لو سمحت متتعداش حدودك تاني فاهم

وائل .. يا حضرة الظابط ارجوك تقدر موقفي اتنين مقبوض عليهم ليلة دخلتهم ونفاجأ ان في واحد منعرفوش ولا شفناه بيدعي انه متجوز مراتي

عصفور .. متقلش مراتي ياض

الضابط.. اخرص يا عصفور

عصفور .. لص الاعراض ده بيقول مراتي يا باشا !! عليا الطلاق هدبحه

الضابط .. قلت اخرص يا عصفور . فين قسيمة الجواز بتاعتك يا دكتور وائل

وائل .. اتفضل اهه.. يا فندم الموضوع كله مش راكب علي بعضه في حاجة غلط صدقني البني آدم  ده باين عليه مش مظبوط وليه غرض من ورا الادعاء ده

الضابط .. تمام انتوا هتشرفونا انهاردة وبكرة النيابة اللي هتقرر ..

مي .. يعني ايه هنبات في الحجز مع المجرمين ؟!!

الضابط .. والله احنا هنا قسم شرطة مش فندق خمس نجوم

وائل .. مينفعش سيادتك نروح البيت ونوعدك اننا هنكون في النيابة الصبح

الضابط .. آسف لازم تباتوا هنا لحد الصبح وهتترحلوا مع المساجين علي النيابة

وائل .. وكمان هنترحل مع المساجين ؟! 

يا حضرة الظابط ياريت تقدر ان احنا دكاتره برضوا

الضابط بنرفزة .. لا يا عم انا غشيم مبعرفش اقدر انتوا هنا متهمين .. عسكري خد التلاتة دول نزلهم الحجز

عصفور يهتف ويقول .. يحيا العدل يحيا العدل الضابط .. ايه البلاوي اللي بتتحدف علينا دي!! هو احنا ناقصينكم ؟!!

 اللي جاي هنكشفه سوا من الغموض .. 

لو لقيت تفااااعل حلووووو هكملها 🌿


الثانية 🔥🔥🔥

تفاااااااعلووو ولا مش عجباكم ياريت الكل يقول رأيه🥺


قضت مي ووائل ليلة قاسية جدا داخل حجرة الحجز بقسم الشرطة حيث قام المحجوزين في غرفة حجز الرجال بالتحرش بوائل بعد ان وجد عصفور صديق له مسجل خطر داخل غرفة الحجز فقام بتسليطه علي وائل وايضا فعلت المحجوزات داخل غرفة حجز السيدات نفس الشئ مع مي وفي الصباح تم ترحيل الجميع للعرض علي النيابة فدخل عصفور ووائل ومي للمثول امام وكيل النيابة للتحقيق في المحضر الوارد اليه من قسم الشرطة بناء علي البلاغ المقدم من عصفور حمدان ضد مي نور الدين ...

وكيل النيابة .. انا دخلتكم مع بعض لان الموضوع مرتبط بيكم انتم التلاته نبدأ الاول بالاستاذ مقدم البلاغ ويقصد عصفور .. 

اسمك وسنك وعنوانك

عصفور .. اسمي عصفور حمدان سني ٣٨ سنة ساكن من السيدة زينب سعتك

وكيل النيابة .. هل انت مقدم الشكوي محل المحضر رقم  .... قسم السيدة زينب

عصفور .. اه ؟!!!

وكيل النيابة .. انت اللي كاتب الشكوي دي؟!!

عصفور ..ينظر الي الشكوي .. لا مؤاخذة يا باشا انا امي مبعرفش اقرا ولا اكتب دا ابن خالتي اللي كاتبها وانا بصمت عليها عدم لا مؤاخذة

وكيل النيابة .. يعني انت ولا مش انت ؟!!

عصفور .. ايوا انا سعتك

وكيل النيابة .. انت بتقول في الشكوي يا عصفور ان يوم ١٦ /١ تركت السيدة زوجتك مي نور الدين عثمان منزل الزوجيه دون علمك او اذن منك ولم تعرف اين ذهبت حتي فوجئت يوم ٢٥ /٤ انها قد تم عقد قرانها علي السيد وائل زهران حسين وهي ما زالت في عصمتك حتي تاريخه .. مظبوط الكلام ده ؟!!

عصفور .. مظبوط

مي بغضب حاد .. مظبوط لا طبعا الكلام دا كله غلط ومحصلش 

وكيل النيابة .. لو سمحتي متتكلميش غير لما اسألك .. 

طيب انت لما مراتك سابت البيت وليها اكتر من تلت شهور متعرفش عنها حاجة مبلغتش ليه باختفائها بعد مرور ٤٨ ساعة للبحث ..

عصفور .. بصراحة يا بيه ناس كتير قالتلي اعمل كدا بس رجولتي ونخوتي منعوني اعمل كدا هروح ازاي اعمل بلاغ واقول ان مراتي طفشت دا الناس في الحتة تاكل وشي بقي عصفور اللي بتتهزله شناب مراته تطفش منه !!! لا مقدرتش اعمل كدا بصراحة وبعدين قلت هتقعد كام يوم وهترجع لبيتها وجوزها

وكيل النيابة .. ليه .. هي كانت بتسيب البيت قبل كدا

عصفور .. يوه كتير يا باشا بس كانت بتقعد اسبوع اتنين تلاته وبترجع علطول .. اه .. بس المره دي بقي خرجت ولم تعد

وكيل النيابه .. قلي يا عصفور .. هو في مشاكل بينك انت ومراتك؟

عصفور .. والله يا بيه انا من ناحيتي كافي خيري شري ومكفي بيتي من جميع التزاماته والحمد لله اصل انا راجل كسيب وليا اسمي وسمعتي في السوق لكن مي مكنش بيعجبها العجب علطول قرفانه مني ومش طايقالي كلمة وخناق وزعيق وشخط بدون سبب بس عشان هي حبيبتي ونور عيوني انا كنت بستحمل اهانتها .. اه .. مي دي موهجتي خرسانة قلبي من جوة 

وكيل النيابة .. هو انتوا عرفتوا بعض ازاي؟!!

عصفور .. ليه السؤال المحرج ده يا باشا

وكيل النيابة .. محرج في ايه؟!! جاوب

عصفور .. بصراحة انا عرفتها في شقة من اياهم

وكيل النيابة .. يعني ايه وضح كلامك

عصفور .. شقة يا باشا بس وشرف سعتك دا كان ايام الشقاوة قبل الجواز لكن بعد ما اتجوزت ربنا هداني والحمد لله وحجيت بيت ربنا مرتين

عصفور .. بس سعتك انا كنت بروح هناك وانا اتنين صحابي فسدانين وكنا كدا يا باشا .. 

انت عارف الباقي سعتك كلك مفهومية بقي .. بس المهم مي كانت واحدة من اياهم ومن حسن حظي انها كانت اول مرة ليها في الشقة دي ووقعت في قرعتي انا لما شفتها لقيتها قلقانه وخايفة وعرقها مرقها المهم هديتها عشان اعرف ايه قصتها لان كان باين عليها بنت ناس اوي المهم قالتلي ان دي اول مرة ليها وانها لسة عذراء والظروف دفعتها للطريق الوحش ده بصراحة صعبت عليا وحبتها من اول نظرة وعرضت عليها الجواز فوافقت واتجوزنا

مي .. اه يا سافل يا حقير يا واطي .. 

كداب يا فندم كل كلامه كدب انا ازاي اعمل كدا انا دكتورة ومعيدة في الجامعة!!

وكيل النيابة .. لو سمحتي يا دكتورة لما اسألك ابقي جاوبي ودي بقي يا عصفور الجواز ؟

عصفور .. ايوه يا باشا .. جواز شرعي علي سنة الله ورسوله وعلي ايد مأذون واسم المأذون عندك يا باشا ابعتله اسأله وبعدين خالها الاستاذ اسعد ماضي علي القسيمة وكيل للعروسة وهي كمان ماضية وباصمه قدام سعتك

مي بتعجب .. خالي !!!

وكيل النيابة.. تمام .. اسمك وسنك وعنوانك ومهنتك

مي .. مي نور الدين عثمان ٢٨ سنة معيدة بكلية الطب ساكنة ش سوريا المهندسين

وكيل النيابة .. ما هو قولك فيما هو منسوب اليكي بادعاء السيد عصفور حمدان انه قد تزوجك بموجب عقد زواج موؤرخ 

بتاريخ ١٣ /١١ قسيمة رقم ١٢٦٧ سجل مدني رابع جيزة

مي .. كدب والقسيمة دي مزورة

وكيل النيابة .. يعني دا مش توقيعك ولا دي بصمتك؟!!

مي .. هي شبه امضتي لكن دي اكيد مزورة انا متجوزتش حد غير الدكتور وائل زهران لكن البني آدم ده انا معرفوش ومشوفتوش ابدا قبل كدا وكل كلامه اللي قاله كدب ازاي دكتورة محترمة زيي ومعيدة في الجامعة تتعرف علي واحد زي ده وفي شقة مشبوهه لا وكمان اصعب عليه ويتجوزني !! 

هل دا كلام يعقل اصلا ؟!!

وكيل النيابة .. يعني انتي بتنكري معرفتك بيه وبتنكري جوازك منه ؟!!

مي .. طبعا لأن دي الحقيقة

وائل .. يا فندم الست دي مراتي انا وقسيمة الجواز قدام حضرتك والاخ دا ادعائه كله كذب وغير مقنع بالمرة دا انسان ملذوذ وحد قايلة يعمل كدا ومحفظه الكلمتين دول

وكيل النيابة .. طب ليه ؟!!

وائل .. منعرفش ايه الدافع انه يقول كدا بس حضرتك اكيد مع الوقت هتكتشف الحقيقة

وكيل النيابة .. تمام .. عصفور

عصفور .. افندم يا باشا

وكيل النيابة .. انت بعد ما انجوزت من الدكتورة مي دخلت عليها عاشرتها معاشرة الازواج؟!!

عصفور .. يووه .. كتير يا باشا عدم لا مؤاخذة الموضوع دا كان اساسي وبصفة يومية انا راجل بعرف ربنا وعارف ان دا حقها الشرعي وهي بصراحة في الحق دا بالذات مكنتش بتتنازل عنه ابدا

وكيل النيابة ينظر الي قسيمة الزواج الاخري .. بس في القسيمة التانيه مكتوب البكر الرشيد ..يعني ايه الكلام ده يا دكتورة؟!!

مي .. يعني اني انا ما زلت عذراء لاني لم يسبق لي الزواج واول زواج كان بالدكتور وائل ولسة حتي متمتش الدخلة

وكيل النيابة .. يعني عصفور ملمسكيش ولا تمت بينكم معاشرة قبل كدا ؟!!

مي .. انت بتقول ايه يا فندم ؟!! 

انت مصدق الهلفطة اللي بيقلها دي !! هيعاشرني بصفته ايه ؟!! 

لا طبعا محصلش وانا ما زلت عذراء

وكيل .. تمام يبقي الوثيقة دي هنتأكد من صحتها ولو طلعت سليمه وكلام عصفور صح هيبقي موقفك صعب جدا يا دكتورة

مي .. يا فندم بقلك ان الكلام دا كله كدب والراجل انا معرفوش وعمره ما لمسني

وكيل النيابة .. خلاص يبقي هضطر اعرضك علي الطب الشرعي عشان نتأكد اذا كنتي عذراء او لاء

مي بتعجب .. ايه!!! طب شرعي ؟!!

عصفور .. وكمان سيادتك عشان تتأكد ابعت هات الشهود اللي ماضيين علي القسيمة وكمان هات خالها اسعد شوشة ما هو كان وكيلها وماضي هو كمان

وكيل النيابة .. قلي يا عصفور هو انت عرفت منين ان الدكتورة مي اتجوزت من الدكتور وكان فرحهم امبارح؟!!

عصفور مرتبك .. ايه؟

الاحداث بدأت تأخذ شكل آخر واصبحت في غاية التشويق والاثارة .. 

 

الثالثة🔥🔥

فين التفااااعل تفااااعلووو وشجعوني ومتنسوش تعملوه لايك و20ملصق ممكن🤗


وكيل النياية .. هوانت عرفت ازاي ان امبارح كانت دخلة الدكتورة مي والدكتور وائل؟!! عصفور مرتبك .. دا .. دا .. دا الواد حسن اللي في شاعرنا شغال في محل الكوافير اللي راحت عنده حرمنا المصون عشان تتمكيج وتتزوق لراجل تاني ميجوزلهاش شرعا لما شافها جه قالي علطول رحت الفرح لقيتها هي مي مراتي .. مراتي اللي مرمغت شرفي في الوحل وخلت سيرتي علي كل لسان مي بغضب واضح .. انت اكيد مجنون مش طبيعي 

وكيل النيابة .. وانت ويقصد  وائل اسمك وسنك ومهنتك وعنوانك وائل ..وائل زهران عبد السلام .. ٣٤ سنة طبيب امراض باطنية ش سوريا المهندسين 

وكيل النيابة .. انت متهم بأنك قمت بعقد قرانك علي الدكتورة مي نور الدين مع العلم انها متزوجة بالمدعو عصفور حمدان وما زالت في عصمته حتى تاريخه

وائل .. محصلش .. الراجل دا كداب ونصاب ولا


يعقل ابدا ان في دكتورة واستاذة في كليةالطب هتتجوز من نجار مسلح مفيش اي مبرر لكدا اطلاقاً 

وكيل النيابة .. يعني انت بتشكك في اقوال المدعو عصفور وفي وثيقة الزواج المقدمة منه لنا ؟


وائل .. انا مش بشكك انا متأكد ان الكلام دا كله كدب والقسيمة دي مزورة وان وراه دافع عشان يعمل كدا وكمان بتهمه بالتزوير والتضليل


وتشويه سمعة زوجتي 

وكيل النيابة .. بس انت يا دكتور لما عقدت قرانك عليها مكنتش تعرف الموضوع ده ؟!! وائل .. لا طبعا .. الفيلم العربي دا كله اول مرة اعرف بيه لما جت الشرطة عندنا البيت واخدتنا

بهدوم البيت في الليل 

 وكيل النيابة .. عصفور هل لديك اقوال اخري ؟!! 

 عصفور .. نعم ؟!! وكيل النيابة .. عايز تقول حاجة تاني ؟ عصفور .. عايز اقول ان الست دي مراتي قدام ربنا وقدام الناس والقانون كمان وراحت

اتجوزت من راجل تاني وهي لسه علي ذمتي انا بتهمها بالزني وبطالب بتوقيع اقصي عقوبه عليها هي والكائن ده ويقصد وائل وكيل النيابة .. وانتي يا دكتورة عاوزة تضيفي حاجة؟


مي .. عاوزة اقول ان كلام البني آدم دا كدب وافتراء انا متجوزتش غير من وائل وبس وعاوزة اعرف هو ليه عمل كدا ومين اللي مسلطه عليا؟!!

وكيل النيابة .. دكتور وائل هتضيف حاجه في اقوالك؟


وائل .. زي ما قالت . ده راجل كداب وان في حد ورا الموضوع ده  وهو اللي قايله يعمل  الفيلم دا كله بهدف ايه ؟ معرفش وكيل النيابة .. هنشوف .. اكتب يابني امرنا نحن عصام المنياوي وكيل النائب العام اخلاء سبيل المدعو عصفور حمدان من سرايا النيابة وحبس كلا من المتهمه مي نور الدين عثمان ووائل زهران عبد السلام اربعة ايام علي ذمة التحقيق واستعداء كلا من السيد عبد الباسط خليل المأذون الشرعي ومحرر قسيمة عقد الزواج رقم ١٢٦٧ والمؤرخة بتاريخ ۱۲/۱۳

والسيد اسعد شوشة وكيل السيدة مي عز الدين


والسيد احمد حسين محمود والسيد محمد


همام مرسي الشهود علي قسيمة الزواج سالفة الذكر علي ان يتم استدعائهم للمثول أمامنا باكر

 وكيل النيابة .. امضوا حضراتكم

 مي .. طب انا عاوزة اعرف ايه لزمته حبسنا بقي انا ووائل اربع ايام علي ذمة التحقيق ؟! 

حضرتك افرج عننا ولما تطلبنا في وقت هنيجي  ونقف قدامك


وكيل النيابة .. معلهش  لصالح التحقيق

مي عشان ..  صالح التحقيق تحبسني انا وجوزي ليلة فرحنا بتهمه زور وتفرج عن الكداب النصاب ده .. هو ايه العدل اللي احنا بقينا فيه 


وكيل النيابة .. هو حضرتك جاية تعلميني افرج عن مين واحبس مين انا هنا وكيل النيابة واللي انا بشوفه لصالح التحقيق بعمله واذا كنتي حضرتك حاسة انك مظلومة اكيد هيبان


مي .. بس دا ظلم 

وكيل النيابة .. تاني ؟!! انا لولا مقدر موقفك كنت وجهتلك تهمة اهانة عضو من اعضاء النيابة

وائل .. خلاص يا مي . طب يا فندم مينفعش


تفرج عننا بضمان محل الاقامة او حتي بضمان مادي مش مشكلة


وكيل النيابة .. أسف .. واتفضلوا بقي . عشان اشوف غيركم ثم يضغط جرس الباب فيدخل العسكري ثم يقول .. خدهم يابني 


 مي بأسي وحزن عميق .. انا مش مصدقة اللي بيحصل ده .. ده اکید کابوس

 وائل .. انا مش عارف مين البني آدم ده وطلعلنا من انهي داهيه ومين مسلطه علينا وايه الدافع من ورا دا کله؟!! 

مي .. لازم اكلم ماما تشغلنا محامي

 وائل ينظر لعصفور نظرة غل وغضب 

عصفور .. ان ما حبستك يا كتكوت انت وهي مبقاش انا عصفور .. سلام يا ميمي .. ههههههه 

مي بغيظ .. شايف بيقول ايه؟!! 

وائل .. بقلك ملذوذ دت شخص اهبل وعبيط ومضحوك عليه وهيلبسها في الاخر 

مي .. ايه اللي بيحصلنا بس دا ياربي ؟؟!

امين الشرطة .. امشي يا استاذ انت وهي

انتم مفکرین نفسكم ماشيين ع الكورنيش عمالين تحكوا ؟؟!! انتوا هنا في سرايا النيابة يعني الزم الصمت !! 

وائل .. يا حول الله يارب .. حاضر يا سيادة الامين

 اتنطط انت كمان هي جت عليك يعني

 الامين .. بتقول ايه يا استاذ ؟!!

 وائل .. وكمان استاذ !!! مبقلش حاجة ادينا سكتنا


يخرج عصفور من سرايا النيابة بعد ان تم اخلاء سبيلة ويبدوا انه فرحا بما حدث ل مي ووائل ثم يتصل علي شخص ما


عصفور .. الو .. اه يا كبير .. الحلوين اخدوا حبس اربع ايام علي ذمة التحقيق .. تمام كدا ؟ مبسوط سعتك ؟ لا دا انت تؤمر يا باشا انا خدامك وخدام ورق البنك المركزي فئة ال٢٠٠جنيه  


البارت الرابع🔥🔥 والخامس 🔥🔥

فين التفااااعل تفااااعلووو وشجعوني ومتنسوش تعملوه لايك و20ملصق 🌿

يخرج عصفور من سرايا النيابة بعد ان تم اخلاء سبيلة ويبدوا انه فرحا بما حدث ل مي ووائل ثم يتصل علي شخص ما 

عصفور .. الو .. اه يا كبير .. الحلوين اخدوا حبس اربع ايام علي ذمة التحقيق .. تمام كدا ؟ مبسوط سعتك ؟ لا دا انت تؤمر يا باشا انا خدامك وخدام ورق البنك المركزي فئة ال٢٠٠ جنيه .. هههههه لا سعتك انا مش قصدي والله خيرك مغرقني يا كبير .. عيب يا كبير انا ماشي علي خطة سيادتك بالحرف .. اه .. هتيجي وتركع تحت رجليك وتطلب الرضا يا كبير .. بس اهم شئ اني في الاخر مرحش انا في داهية !! تمام انا مطمن طول ما انا مع سعتك .. حاضر يا باشا هعدي عليك بالليل .. مع السلامة .. ويغلق الخط ثم يحادث نفسه قائلا والله شكل البلية هتلعب معاك ياض يا عصفور وهتلعب بالفلوس لعب ..

مي تتصل علي امها لتخبرها بما حدث والام تصاب بالصدمة 

الام .. بتقولي ايه يا مي نيابة ايه اللي انتي فيها !! وحبس ايه اللي اخدتيه انتي وجوزك؟!!

مي .. ماما مفيش وقت عشان اوضحلك انا بتكلم بالعافية من تليفون الامين احنا جت الشرطة بالليل بعد الفرح علطول اخدتني انا ووائل ورحنا القسم ومن القسم علي النيابة .. في واحد اسمه عصفور نجار مسلح مدعي انه متجوزني من تلت شهور ومتهمني اني هربت من البيت واتجوزت من وائل وانا لسة علي ذمته

الام بدهشة .. مين عصفور دا يا بنتي ؟!!

مي .. معرفوش يا ماما دا واحد شكله شمام وبلطجي وكداب 

الام .. ودا ماله بيكي يا بنتي اللي خلاه يقول عليكي كدا؟!!

مي .. معرفش يا ماما بس شكله ملذوذ من حد

الام .. ومين اللي مسلطه يا بنتي احنا طول عمرنا في حالنا !! ومفيش مشاكل بينا وبين حد

مي .. انا بصراحة خطر في بالي خالوا اسعد 

مي .. وماله اسعد بالموضوع ده يا مي؟!!

مي .. اللي اسمه عصفور ده بيقول انه خالوا اسعد موقع علي قسيمة الجواز اللي معاه باعتباره وكيلي وانتي في مشاكل بينك وبينه بسبب حتة الارض الورث اللي برك عليها ورفض يديكي حقك فقلت ممكن يكون عمل كدا عشان ينتقم منك او يضغط عليكي فتتنازلي عن القضية

الام .. لا يا بنتي اسعد مش وحش اوي كدا وبعدين عشان زعلان معايا يقوم يجوزك للي اسمه عصفور ده من غير علمك !! لا لا يا مي دا انتي بنت اخته والخال والد يعني تعبيه قبل ما تعبيني .. 

مي .. امال مين بس اللي ورا الموضوع ده ؟!! وقصده ايه من دا كله ؟!! ماما شوفيلنا محامي انا ووائل 

الام .. حاضر يا بنتي وانتي هيوديكي فين دلوقتي ؟!!

مي . مش عرفة .. احنا كلمنا الظابط عشان يخلينا قاعدين في القسم عشان منتبهدلش وهو قال هيكلم المأمور

الام تبكي .. يا عيني عليكي يا بنتي اتبهدلتي يوم فرحك .. انا قلتلك وائل دا وشه نحس ومش مرتحاله

مي .. وائل ملهوش دعوة يا ماما ما هو متبهدل معايا هو كمان.. المهم اعملي اللي بقلك عليه .. سلام

الام .. سلام يا بنتي يارب جيب العواقب سليمة وينصرك يا مي انتي وجوزك ويكفيكوا شر ولاد الحرام ..

ويأتي صباح اليوم التالي ويحضر المأذون والشهود واسعد لأخذ اقولهم ويقر المأذون انه محرر قسيمة الزواج محل المحضر ويقر الشهود ايضا انهم فعلا قاموا بالتوقيع كشاهدي عدل علي نفس القسيمة وياتي دور اسعد شوشة ليدخل ويمثل امام وكيل النيابة

وكيل النيابة .. اسمك وسنك ومهنتك وعنوانك

اسعد .. اسعد حسين شوشة ٦٨ سنة وبشتغل وكيل وزارة الري وحاليا بالمعاش وساكن في حدايق القبة

وكيل النيابة .. ما هو قولك فيما هو منسوب اليك من ادعاء السيد عصفور حمدان بأنك قد وقعت علي قسيمة عقد الزواج رقم  ١٢٦٧ المؤرخ بتاريخ ١٣ /١٢ باعتبارك وكيل عن السيدة مي عز الدين عثمان

اسعد ينظر الي القسيمة ويدقق النظر ثم يرفع رأسه ويقول ..

اسعد .. ايوه طبعا دا توقيعي انا كنت وكيل مي اثناء عقد قرانها علي عصفور حمدان 

وكيل النيابة .. يعني دا توقيعك ؟؟

اسعد .. مظبوط سيادتك .. ليه هو فيه بالظبط سيادتك ؟!!


البارت الخامس 🔥🔥


اسعد بدهشه .. يا ساتر .. 

ازاي مي تعمل كدا ؟!! 

دي جريمة ضد الشرع والقانون

وكيل النيابة .. بس بنت اختك انكرت انها متزوجة من المدعو عصفور حمدان وانها عمرها ما قابلته ولا شافته 

اسعد .. ازاي ؟!! 

امال عقد الجواز دا يبقي ايه والمأذون والشهود اللي ماضيين وانا كمان ما كنت الوكيل بتاعها ساعة العقد واقريت لحضرتك ان دي امضتي وبعدين هي نفسها موقعة وباصمة ع العقد .. لاني انا فاكر ان المأذون ساعتها اصر يمضيها ويبصمها

وكيل النيابة .. بس بنت اختك انكرت ان دا توقيعها او دي بصمتها وان العقد دا كله مزور 

اسعد .. حضرتك ابعت للمأذون والشهود واسألهم 

وكيل النيابة .. حصل وكلهم اقروا ان العقد سليم وان دي توقيعاتهم 

اسعد .. ما هما لازم يقولوا كدا لأن دي الحقيقة يا فندم

وكيل النيابة..انا هبعت كمان للسجل المدني اتاكد من صحة العقد وانه فعلا مقيد في السجل المدني

اسعد .. يا فندم العقد سليم ميه في الميه وكل اللي ماضين ع العقد ما انكروش

وكيل النيابة .. طيب اشمعني بنت اختك هي اللي بتنكر صحة العقد وبتنكر معرفتها بالمدعو عصفور حمدان من اساسه وبتقول انه كذاب وان دا افتراء باطل وانه ملذوذ من شخص معين

اسعد بدعشة .. مي قالت كدا !!! غريبة 

وكيل النيابة .. هو انت كنت تعرف ان مي تزوجت امس من المدعو وائل زهران

اسعد .. لا للأسف انا متفاجأ من سيادتك بصراحة

وكيل النيابة ينظر له في تعجب شديد ويبدوا انه يريد التوضيح اكثر

اسعد .. ما هو اليومين دول العلاقة بيني وبين الست اختي متوترة شوية ومخاصمين بعض

وكيل النيابة .. ليه ؟!!

اسعد .. مشاكل عائلية سيادتك يعني نزاع علي ميراث وكدا .. وبعدين انا لوكنت اعرف اكيد كنت همنعها تعمل الجريمة دي .. وبعدين مش عارف مي عملت ليه كدا ؟!! وازاي امها الست العاقلة اللي حاجة بيت ربنا تسمح بحاجة زي دي ؟!!

وكيل النيابة .. هي امها تعرف انها كانت متزوجة من المدعو عصفور حمدان ؟!!

اسعد .. طبعا يابي .. ماهي اللي اتصلت بيا وقالتلي تعالي بسرعة عايزاك ولما رحت عرفت انها عاوزة تجوز مي ل عصفور ولما عرفت ان عصفور نجار مسلح انا استغربت ورفضت .. لكن لما عرفت ان الموضوع وراه مصيبة ولازم يتلم وافقت ع الجواز

وكيل النيابة .. ما هو ده السؤال اللي بعد كدا .. عصفور نجار مسلح ومي دكتورة ومعيدة في الجامعة .. ازاي الاتنين اتقابلوا واتجوزوا كمان ؟!!

مش غريبة دي

اسعد .. غريبة جدا كمان .. بس الظروف اللي حطتنا في الموقف ده .. الله يسامحها مي كانت علي علاقة صداقة ببنت مش كويسة وياما حذرناها منها لكن مفيش فايدة مي كانت مصرة انها متقطعش علاقتها بالبنت دي وفي مرة ضحكت عليها وسحبتها علي شقة من اياهم قام البوليس هاجم علي الشقة واخد كل اللي فيها ومنهم مي ومن حسن حظها انها كانت في الوقت ده مع عصفور قام عصفور عشان شافها بنت ناس ومش وش بهدله قام اقترح انهم يعملوا عقد جواز عرفي وبتاريخ قديم وقالوا في النيابة ان مي مراته وانهم كانوا رايحين يتفرجوا ع الشقة لانها كانت معروضه للبيع وكان معمولها اعلان في الجورنال .. بس فالنيابة افرجت عنهم وبعد كدا خلوا العقد رسمي علي ايد مأذون عشان منظرهم قدام الناس 

وكيل النيابة .. تمام .. طب انت تعرف ان مي كانت بتطفش من بيت جوزها وسابته اكتر من مرة 

اسعد .. ايوا

وكيل النيابة .. ليه ؟!! وكانت بتروح فين؟؟

اسعد .. هي كانت حاسة ان جوازها من عصفور تم بصورة غير كويسة وان مش هو دا الانسان المناسب لا اجتماعيا ولا علميا فكانت عايزة تطلق منه بس كان هو رافض.. 

وكيل النيابة .. وكانت بتروح فين ؟

اسعد .. عند امها 

وكيل النيابة .. طيب ع العموم يا استاذ اسعد امضي علي اقوالك وانا لو عزت تاني هبعتلك

اسعد .. وانا تحت امرك ..

وبعد ذلك يستدعي وكيل النيابة مي لمواجهتها بأقوال المأذون والشهود واسعد خالها وايضا خطاب السجل المدني الذي ورد ردا علي النيابة يفيد بأن قسيمة الزواج صحيحة ومقيدة بالسجل المدني ..

المواجهة الساخنة بين مي ووكيل النيابة.

تقف مي امام وكيل النيابة وبصحبتها اثنان من كبار المحامين..

وكيل النيابة .. ايه رأيك بقي يا دكتورة ان قسيمة الجواز دي طلعت سليمة ومش مزورة زي ما انتي بتقولي

مي .. مش معقول !! يعني ايه ؟!!

وكيل النيابة .. يعني انتي حرم المدعو عصفور حمدان

مي بعصبية شديدة .. انا مش حرم سي زفت .. انا قلت لسيادتك اني معرفش البني آدم ده ولا عمري شفته

وكيل النيابة .. انتي لسة مصرة علي الانكار !! بقلك انا استعلمت عن القسيمة في السجل المدني وطلعت فعلا مثبته بالرقم والتاريخ المدون عليها دا غير الشهود اللي بعت استدعيتهم واقروا ان التوقيعات دي بتاعتهم بالاضافة الي الاستاذ اسعد شوشة خالك جه واكد ان دا توقيعه وانه كان وكيلك ساعة كتب الكتاب

مي بدهشة .. خالي انا جه وقال انه كان وكيلي وان ده توقيعه؟!!

وكيل النيابة .. ايوه .. واكد كمان كل كلام عصفور اللي قاله وانه اتعرف عليكي في شقة مشبوهه وانه اتقبض عليكم كمان وان هو عالج الموقف بأنه ادعي انك زوجته بموجب عقد عرفي وكنتوا جايين تتفرجوا علي الشقة عشان كانت معروضة للبيع وبعد كدا خليتوا الجواز رسمي علي ايد مأذون ج

مي .. انا خالي جه وقال الكلام دا كله؟!!

وكيل النيابة .. ايوه 

مي .. خلاص يبقي خالي اللي مسلط الراجل ده عليا

وكيل النيابة .. وهيسلطوا ليه عليكي ؟!! ايه مصلحته؟!!

مي .. خالي باع حتة ارض كانت ورث بينه وبين ماما عن المرحوم جدي .. باعها بملايين من غير ما يقول ل ماما ولما عرفنا بالصدفه ماما طالبته بنصيبها الشرعي رفض يديها مليم فاضطرت انها ترفع عليه قضية وحاليا هما مبيكلموش بعض

وكيل النيابة .. يعني انتي بتتهمي خالك ان ممكن يكون جَوّزك للمدعو حمدان بدون علمك؟!!

مي .. ما دام جه وقال الكلام ده يبقي اكيد هو اللي ورا الموضوع ده .. قاصد يضغط علينا عشان ماما تتنازل عن القضية اللي رفعاها عليه

وكيل النيابة .. بس مش شايفة انها وسيلة مش شريفة للضغط عليكم زي ما بتقولي !! كان ممكن يضغط عليكم بطريقة احسن بكتير من ده وخصوصا دا خالك اللي يمسك يمسه

مي .. لا متوقعش انه يكون بيفكر بطريقة شريفه هو لو يهمه اخته وبنت اخته مكنش اكل ميراثها وهو عارف اننا ملناش حد بعد ربنا ومحتاجين الفلوس دي اوي وخصوصا ماما محتاجة تعمل عملية زرع كلي ومنتظرة الموت في اي وقت لأن معناش فلوس نشتري كليه او حتي نعمل العملية 

وكيل النيابة .. طيب انا همشي معاكي واحدة واحدة .. لنفرض ان خالك جَوّزك ل عصفور بدون علمك طيب مش دي امضتك ودي بصمتك اللي علي القسيمة ؟!!

مي .. انا قلت لحضرتك قبل كدا انها شبه امضتي ومش صعب انها تتقلد يعني

وكيل النيابة .. يعني انتي لسة مصرة علي الانكار؟!!

مي .. استغفر الله العظيم .. حضرتك عايزني اعترف بحاجة معملتهاش ؟!! هو انت معايا ولا معاهم؟!!

وكيل النيابة بغضب شديد .. انا مع الحق مع الاثبات والدليل وانتي لحد الان الادلة كلها ضدك ومعكيش دليل واحد يثبت العكس وياريت تحاسبي علي كلامك عشان انا ممكن اوجهلك تهمة اهانة عضو نيابة واحاسبك بالقانون 

المحامي .. انا بعتذر يا فندم بالنيابة عن مدام مي وارجو من حضرتك تقدر موقفها اللي فيه

وكيل النيابة .. ماشي يا متر .. انا معاكي للنهاية يا دكتورة . . اكتب يابني امرنا نحن عصام المنياوي وكيل النائب العام احالة السيدة مي نور الدين عثمان الي ادارة مباحث التزييف والتزويير لمضاهاة توقيعها وبصمة الابهام الايمن لها بالتوقيع والبصمة الموجودين علي قسيمة الزواج محل التحقيق وافادتنا بالنتيجة 

المحامي الاخر .. كما ارجو من سيادتك ان تفرج عن موكلتي بضمان محل اقامتها زي ما انت شايف حضرتك البهدلة اللي هي فيها ودي دكتورة واستاذة جامعية 

وكيل النيابة يفكر قليلا ثم يقول .. كما امرنا بالافراج عن كلا من السيدة مي نور الدين عثمان والسيد وائل زهران عبد السلام بضمان مالي قدرة عشرة آلاف جنيه لكلا منهما مع عدم السماح لهم بمغادرة الاراضي المصرية الا بعد الرجوع الينا وباذن رسمي منا واقفل المحضر في ساعته وتاريخه .. امضي يا دكتورة ..

مي تنظر الي وكيل النيابة في غيظ شديد ثم توقع علي المحضر ويقوم المحاميان بانهاء اجراءات الافراج وتذهب مي وزوجها الي منزلهما وبمجرد وصولوهما للمنزل تتلقي مي مكالمة تليفونية من رقم مجهول ..

مي .. الو .. مين

المجهول .. هههههههه .. اه اتعلمتي الادب ولا لسة ؟!!

مي .. مين حضرتك وعايز مين ؟!!

المجهول .. مش انتي مي نور الدين عثمان

مي .. ايوه

المجهول .. يبقي انا مغلطتش في النمرة .. 

مي .. ايوه عاوز ايه مني ؟!!

المجهول .. عايز اكسرك واذلك واحط مناخيرك في الارض 

مي .. انت مين يا حيوان 

المجهول .. اهو الحيوان ده هو اللي هيجيبك زاحفة علي ايديكي ورجليكي لحد عنده عشان تطلبي منه السماح

وائل يخطف التليفون من مي 

وائل .. انت مين ؟!!

المجهول .. ههههه .. اكيد انت الدكتور وائل .. اسأل مراتك وهي تقلك انا مين يا جعر 

وائل .. انت سافل وقليل ادب ولو اتصلت هنا تاني انا هبلغ البوليس

ثم يغلق الخط وينظر ل مي في تعجب 

وائل .. مين ده يا مي ؟!!

مي .. صدقني معرفوش اكيد حد تبع عصفور وعايز يكمل التمثيلية 

وائل .. ولا يهمك يا حبيبتي .. غمه وهتعدي .. مش عايزك تفكري في حاجة ابدا 

مي تبكي .. انا مش قادرة اصدق اللي بيحصل ده يا وائل .. انا حاسة اني عايشة في كابوس 

وائل يضمها الي حضنه .. متخفيش يا حبيبتي انا جمبك مش هسيبك ابدا

مي .. اوعي تسيبني يا وائل ارجوك.

أسعد في حيرة وقلق يحاول الاتصال اكثر من مرة بنفس الشخص المجهول الذي كلمه عصفور من قبل ليخبره بأنه قد قام بتنفيذ المطلوب منه ولكن الموبيل غير متاح وفجأة يرن موبيل اسعد ويكون هو الشخص المجهول

اسعد يجيب بلهفة وتوتر .. الو .. ايوه يا ريسنا برن عليك من الصبح تليفونك غير متاح .. 

انا نفذت المطلوب مني في النيابة

الاحداث تزداد تشويقا واثارة 

البارت السادس🔥🔥


أسعد في حيرة وقلق يحاول الاتصال اكثر من مرة بنفس الشخص المجهول الذي كلمه عصفور من قبل ليخبره بأنه قد قام بتنفيذ المطلوب منه ولكن الموبيل غير متاح وفجأة يرن موبيل اسعد ويكون هو الشخص المجهول

اسعد يجيب بلهفة وتوتر .. الو .. ايوه يا ريسنا برن عليك من الصبح تليفونك غير متاح .. انا نفذت المطلوب مني في النيابة

المجهول .. عرفت .. كدا تمام

اسعد .. طيب الدور عليك بقي تنفذ وعدك ليا

المجهول .. وانا وعدتك بإيه ؟!!

اسعد .. وعدتني انك تديني الفيديوهات بتاعة بنتي لما انفذ المطلوب مني

المجهول .. انا مقلتش كدا .. انا قلتلك اني مش هعمل حاجة بالفيديوهات دي لو نفذت المطلوب منك .. وانت نفذت المطلوب بالحرف يبقي كدا خلاص الفيديوهات دي هتفضل سر بينا

اسعد .. يعني ايه مش هتديهاني ؟!!

المجهول .. لا طبعا الفيديوهات دي هتفضل معايا الموضوع لسة مخلصشي .. بعد ما ينتهي الموضوع خالص هديهالك لأن ساعتها مش هيبقي ليها لزمة معايا 

اسعد .. يعني ايه ؟!! هنفضل انا وبنتي تحت رحمتك تذل فينا براحتك وتبتزنا وقت ما انت عايز لحد ما الموضوع يخلص

المجهول .. اسمع يا اسعد طول ما انت بتنفذ المطلوب منك هتبقي في امان ودا وعد مني .. لكن هتلعب كدا ولا كدا هشير الفيديو .. تمام؟!!

اسعد .. خلاص مش هينفع العب كدا ولا كدا انا رحت وقلت في محضر رسمي اني كنت وكيلها وانها مرات عصفور  وان دا توقيعي ..

المجهول .. معلش .. ممكن ضميرك يصحي في وقت وتروح تغير اقوالك .. لكن طول ما الفيديوهات عندي هضمن اني ضميرك لو صحي تقدر تنيمه تاني

اسعد .. ضمير ايه بقي ؟!! هو انا بعد اللي عملته ده وهيبقي عندي ضمير .. صدقني انا عمري ما احتقرت نفسي اد اللحظة اللي انا فيها دلوقتي ومكسوف من نفسي ومن اختي وبنتها .. بقي اسعد شوشة اللي طالع معاش بدرجة وكيل وزارة يكدب ويزور عشان يضر بنت اخته؟!!

المجهول بسخرية .. هههههه .. مش احسن ما تدمر بنتك وسمعتها وسمعتك انت كمان ولا انت نسيت الفيديوهات دي فيها ايه ؟!!

اسعد .. مش ناسي صدقني وكل ما افتكر ببقي عايز اولع في مني بنتي هي اللي حطتني في الموقف  ده 

المجهول .. مصائب قوم عند قوم فوائد .. هههههه

اسعد .. انا نفسي اعرف انتوا ليه بتعملوا كدا في مي ؟!! ليه عاوزين تدمروها ؟! وانتوا مين اصلا وتبع ايه؟!!

المجهول .. ميخصكش تعرف احنا مين وعاوزين ايه .. انت تنفذ التعليمات وبس .. لو في جديد هكلمك 

ثم يغلق الخط واسعد في غاية الاسي والندم ويحادث نفسه قائلا .. منك لله يا مني انتي السبب .. انتي اللي خلتيني اعمل كدا وتذهب والدة مي الي منزل ابنتها وزوجها للأطمئنان عليهما بعد الافراج عنهما من سرايا النيابة

مي .. ماما !! وحشتيني اوي

الام .. وانتي وحشتيني اوي يا بنتي حمد الله ع السلامة

مي .. تعالي اتفضلي

الام .. ايه يا بنتي فهميني ايه اللي حصل؟!!

مي .. انا عن نفسي مش فاهمة حاجة!! في يوم وليلة طلعت متجوزة ومن نجار مسلح لا وايه اتعرف عليا في شقة مشبوهه واتجوزني عشان يسترني!! والمصيبة ان خالي اسعد راح اكد الكلام ده !! حتي السجل المدني اكد ان القسيمة مظبوطة ومتسجلة عندهم.. انتي كلمتي خالي ؟!!

الام .. بكلمه مبيردش 

مي .. لا كلميه تاني لازم اعرف هو ليه عمل كدا ؟!!

وتتصل الام بأسعد فيجيب هذه المرة

الام .. ايه يا اسعد رنيت عليك مليون مره مبتردش ليه؟!!

اسعد مرتبك .. كنت مشغول ومش سامع الموبيل

الام .. اه .. طيب ايه اللي انت عملته ده؟!!

اسعد .. عملت ايه ؟!!

الام .. ازاي تروح تشهد علي بنتي في النيابة وتقول انها متجوزة من اللي اسمه اسعد ده وانك كمان كنت وكيلها 

اسعد .. ليه مش هو ده اللي حصل ؟!!

الام .. ايه هو اللي حصل ؟!!

اسعد .. انتي مش كلمتيني من كام شهر وقلتيلي تعالي عشان نستر البنت ونلم الفضيحة اللي هتحصل ولما رحت عرفت ان بنتك مسكوها في شقة مشبوهه مع اللي اسمه عصفور وعايزة تجوزهاله عشان تلمي الموضوع!!

الام .. انا حصل مني كدا ؟!!

اسعد .. ايوه

الام .. اغص عليك راجل .. عيب اوي لما تبقي في السن ده وكداب .. هو انت مين مسلطك علي بنتي وخلاك تقول كدا ؟!! اتكلم يا اسعد

اسعد .. انا محدش مسلطني انا قلت الحقيقة وعيب اوي لما تبقي بنتك متجوزة من واحد وتروحي تجوزيها من واحد تاني دا ضد الشرع والقانون

الام .. لا لا انا مش مصدقة اسعد اخويا اللي بيقول كدا ؟!! وانا استغرب ليه ما انت قبلت حقي في ميراث ابويا واكلته نار في بطنك يبقي اكيد هنتظر منك الاسوأ .. وليه ميكنش انت اللي ورا القصة دي كلها عشان تضغط عليا اتنازل عن القضية اللي رفعاها ضدك ؟!!

اسعد .. بلاش كلام فاضي .. القضية بتاعتك دي فشنك ابوكي كاتب الارض دي بأسمي قبل ما يموت يعني انتي ملكيش فيها حاجة وبدال ما عماله تتهميني روحي شوفي بنتك ما هي ماضية وباصمة علي القسيمة .. يعني عندها علم بكل شئ

الام .. بنتي ممضتش علي حاجة وانتوا مزورين خطها 

اسعد .. يا سلام !!.. هنشوف

الام .. ليه كدا يا اسعد ؟!! ليه كدا ؟!! دا انت عندك بنت خاف عليها واتقي ربنا فيها ومتظلمش .. لو حد ضاغط عليك فهمنا .. قول الحقيقة

اسعد .. الحقيقة ان بنتك عملت جريمة ولازم تتعاقب

الام .. مقدرش اقول غير حسبنا الله ونعم الوكيل 

مي تخطف التليفون من امها 

مي .. الو .. ايه اللي انت عملته ده يا خالوا؟!!

اسعد .. هنقول تاني يا مي؟!!

مي .. هتقول ايه وتعيد ايه بعد اللي انت عملته ؟!! مين عصفور ده ؟!! وانا اتجوزته امتي وفين ؟!! وانت كنت وكيلي ازاي ؟!!

اسعد .. انا اسف مضطر اقفل عشان مشغول ثم يغلق الخط مي .. قفل السكة

الام .. معلش يا بنتي ربنا مش هيسيبه وهيظهر الحق .. ان ربك لبالمرصاد يا بنتي والظلم اجله قصير ولازم هيظهر الحق

مي .. انا في كابوس يا ماما 

الام .. امال فين جوزك ؟!!

مي .. جوزي اعصابه تعبانه ومتلخبط نزل عند مامته شويه يغير جو

الام .. منهم لله يا بنتي اللي عملوا فيكم كدا وعكننوا عليكم يوم فرحكم .. قليلي انتوا دخلتوا؟!!

مي .. لا طبعا .. اولا الظرف مش مناسب .. ثانيا مينفعش ندخل لاني معرضه لكشف العذرية في اي وقت 

الام .. ربنا يستر يا بنتي

وتذهب مي لعمل اختبار الخطوط ويستدعيها بعدها وكيل النيابة ..

وكيل النيابة .. اه يا دكتوره .. تقرير مباحث التزييف والتزوير جه وبيقول ان التوقيع والبصمة اللي علي القسيمة محل التحقيق يخصوكي .. ايه رأيك؟!!

مي بتعجب شديد .. نعم !! بتقول ايه ؟!!

الاحداث ما زالت مشتعلة والغموض يزداد يوما بعد يوم  الرواية لنحاول ان نكشف هذا الغموض .. 


البارت التاسع🔥

فين التفااااعل تفااااعلووو وشجعوني ومتنسوش تعملوه لايك و20ملصق 🌿


مي ماثلة امام وكيل النيابة ومعها المحاميان الحاضران للدفاع عنها وقد اتي تقرير خبير الخطوط يفيد بأن البصمة والتوقيع اللذان علي القسيمة هما بصمتها وتوقيعها

مي .. نعم !! انت بتقول ايه؟!!

وكيل النيابة .. بقول اللي انتي سمعتيه دلوقتي يا دكتورة .. البصمة والتوقيع اللي علي القسيمة دي بتوعك انتي .. يعني مفيش مجال تاني للأنكار

مي .. استحاله .. انا لا مضيت ولا بصمت علي قسايم غير علي قسيمة واحدة بس اللي هي قسيمة جوازي من الدكتور وائل زهران لكن القسيمة دي مزوره

وكيل النيابة .. لا حول ولا قوة الا بالله !! انا عاوز ايه الداعي من اصرارك الرهيب علي الانكار !! مع ان كل الادلة والاثباتات تؤكد ان القسيمة دي سليمة ١٠٠٪وانك حرم المدعو عصفور حمدان .. افضل ليكي يا دكتوره ان تعترفي بالحقيقة لأنك كدا كدا انتي مدانه وهتتحولي للمحاكمة

مي .. هتحول للمحاكمة !! هتحاكموني بتهمة ايه ؟!!

وكيل النيابة .. اقدامك علي الزواج من شخص آخر وانتي ما زلتي في علاقة زوجية قائمة لم تنتهي سواء بالطلاق او الوفاه

مي .. بقلك محصلش .. محصلش .. الكلام دا كله كدب وتلفيق انا معرفش اللي اسمه عصفور ده ولا عمري شفته .. في لغز في الموضوع وانا مش عرفه احله للأسف

وكيل النيابة .. للأسف انا مضطر اقدمك للمحاكمة يا دكتورة انتي والدكتور وائل زهران

احد المحامين .. بعد اذن سعتك احنا لسه قدامنا فرصة تاني لأثبات صدق موكلتي وان ادعاء السيد عصفور من زواجه بموكلتي ادعاء كاذب

وكيل النيابة .. ازاي ادعاء كاذب !! دا معاه وثيقة رسمية وخبير الخطوط اثبت ان الدكتوره ماضية وباصمة عليها

المحامي الاخر .. انا مع سيادتك يا فندم ان الوثيقة طلعت رسمية ومستوفاه لجميع الاركان الشرعية والقانونية .. لكن دا ميبعدش فكرة ان ممكن يكون المدعو عصفور حمدان قد حصل علي تلك القسيمة بطريق غير شرعي بغرض النيل من موكلتي وتشويه سمعتها والحاق الضرر المادي والمعنوي بها

وكيل النيابة .. ليه ؟! ولنفرض انه يكون حصل علي القسيمة دي بطريق غير شرعي زي ما بتقول مع اني ما اظنش يعني .. ايه مصلحته في كدا ؟!!

المحامي الاول .. دا اللي بنبحث وراه حاليا سعتك وهنوصل اكيد للحقيقة والسبب اللي خلاه يعمل كدا

وكيل النيابة .. وايه المطلوب دلوقتي يا اساتذه؟!!

المحامي الاخر .. عرض موكلتي علي الطب الشرعي لاثبات انها ما زالت عذراء ولنفي ادعاء السيد عصفور حمدان والذي اقر امام سيادتكم بأنه قد دخل بموكلتي وعاشرها معاشرة الازواج وهذا دليل واضح علي الادعاء الكاذب للمدعو عصفور حمدان ويرسخ اعتقادنا بأنه قد حصل علي قسيمة الزواج محل التحقيق بطريقة غير شرعية

وكيل النيابة يفكر قليلا .. ولو عرضناكي يا دكتوره علي الطب الشرعي واثبت انك مش عذراء .. يا تري هتعترفي وتخلصيني ولا لسة ناوية تتعبيني معاكي ؟!!

مي بغضب .. انا محدش لمسني لحد الآن

وكيل النيابة .. حاضر .. اكتب يا سيدي .. قررنت نحن عصام المنياوي وبناء علي طلب المتهمه ومحامياها بعرضها علي الطب الشرعي لتوقيع الكشف الطبي عليها والتأكد من صحة ادعائها بأنها ما زالت عذراء ولم تمارس اي علاقة جنسية من اي نوع افقدتها عذريتها .. وقعي علي اقوالك يا دكتوره

مي .. حاضر

وكيل النيابة .. علي فكرة دي آخر فرصة ليكي ويارب تكوني صادقة .. اتفضلي

تخرج مي من سرايا النيابة لتنتظر موعد عرضها علي الطب الشرعي وقد سأت حالتها النفسية هي وزوجها .. فوائل قد تغيرت معاملته لها اصبح يشك في الامر وفيما يحدث حوله لا يجد مبررا لذلك.. عقله يفكر في الامر علي انه من الجائز ان تكون تلك الحقيقة التي تخفيها مي عنه ولما لا فكل الشواهد تؤكد علي صدق ادعاء عصفور حمدان ولكن قلبه يحدثه ان مي لا يمكن ان تفعل ذلك وان هناك لغز ما في الموضوع فقد احتار وائل بين عقله وقلبه وفي الصباح تدخل مي غرفة النوم لايقاظ وائل الذي ظنت انه ما زال نائما وقد تأخر في الاستيقاظ عن موعدة المعتاد ولم يذهب الي المستشفي التي يعمل بها فتفاجأ بأنه مستيقظ ومستلقي علي السرير ويدخن سيجارة..

مي .. انت صاحي يا وائل !! وانا اللي مفكراك لسة نايم ؟!!

وائل بنبرة حزن وصوت خافت .. اه .. صاحي من بدري

مي .. طب قوم انا جهزت الفطار

وائل .. افطري انتي ماليش نفس

مي .. قوم افطر عشان تروح المستشفي انت اتأخرت عن ميعادك

وائل .. لا مش رايح انهاردة

مي .. ليه ؟!!

وائل .. تعبان شوية

مي تقترب منه وتجلس بجواره

مي .. ايه ده !! انت بتدخن سجاير يا وائل؟!!

وائل .. اه

مي .. بس انت مبتشربش سجاير !! وبعدين التدخين هيضر صحتك دا المفروض انك دكتور وعارف اضرار التدخين

وائل .. يوووه وبعدين معاكي يا مي اهي سيجاره بفش فيها غلبي وخلاص

مي .. بتزعق ليه يا وائل ؟!! انا خايفة عليك

وائل معتذر .. انا اسف يا مي .. معلش انا اعصابي تعبانه شوية اليومين دول والتفكير هيقتلني

مي .. مش لوحدك صدقني بس مش هينفع نستسلم للتفكير .. احنا بكدا هندمر نفسنا

وائل .. مي .. ممن اسألك سؤال ؟

مي .. اتفضل

وائل .. انتي فعلا متعرفيش اللي اسمه عصفور ده ولا عمرك قابلتيه؟!!

مي .. قصدك ايه يا وائل ؟!! انت شاكك فيا ؟!!

وائل .. متفهمنيش غلط...

مي تقاطعه.. لا انا فاهمه صح .. انت بدأت تشك ويمكن كمان بتقول لنفسك ان جايز كلام عصفور يطلع صح واني انا ممكن اكون مراته زي ما بيقول.. صح ؟!!

وائل .. انا اسف يا مي .. بجد انا اعصابي تعبانه من اللي بيحصل دا كله دا احنا بقينا حديث الموسم والجرايد كلها مش وراها غير القصة دي كل يوم مانشيت جديد بالبونت العريض زي ما يكون مفيش غيرنا ويتكلموا عليه

مي .. وماله يتكلموا براحتهم .. بكره هيظهر الحق وزي ما نشروا الكدب هينشروا الحقيقة كمان وهيترد اعتبارنا

وائل .. امتي بس تظهر الحقيقة انا بقيت مكسوف انزل المستشفي مش طايق نظرات الدكاترة ولا التمريض ليا دا غير تلقيحهم بالكلام .. حتي العيادة كرهت انزلها بالليل عشان نظرات العيانين ليا

مي .. اكبر غلط يا وائل لازم نواجه لان احنا الصح .. الهروب مش حل

وائل .. علي فكره في جواب جالك من الجامعة امبارح

مي .. جواب ايه؟!!

وائل .. مجلس ادارة الكلية قرر ايقافك عن التدريس مؤقتا لحد ما الموضوع ده ينتهي ويشوفوا هل لصالحك او لضدك

مي بأسي وحزن .. كنت متوقعة انهم هيعملوا كدا .. مش مشكلة ربنا عالم اني مظلومة وهينصرني اكيد وهرجع الكلية وانا راسي لفوق..

ونذهب الي اسعد حيث يكون جالسا حزينا نادما علي ما فعل وما حدث له بسبب ابنته مني وتأتي مني وتجلس بجواره ..

مني .. بابا .. انا اسفة سامحني .. مكنش قصدي اعمل كدا

اسعد ينظر لها بغضب ولا يبالي لحديثها

مني .. يا بابا انا اعترفت اني غلطت بس انا انضحك عليا باسم الحب

البارت العاشر🔥


انا انضحك عليا باسم الحب .. انا مش عرفه ازاي طاوعت حازم ووافقت انه يتجوزني عرفي من وراك .. جايز لأني حبيته بجد ومكنتش اعرف انه واطي وندل

اسعد .. اهو اللي انتي بتحبيه ده وفرطتي في نفسك عشانه قطع ورق الجواز العرفي اللي معاكي واللي معاه وانكر انه كان متجوزك من اساسه وكل حاجة دارت بينكم ع السرير اتصورت صوت وصوره وبقينا بنتهدد بالفيديوهات دي وقاعدين علي اعصابنا وخايفين ل تتشير ع النت .. انتي دبحتيني يا مني

مني تبكي .. يا بابا انا غلطت وبتعرف بغلطي ومكنتش اعرف انه بالسفاله دي .. صدقني انا ندمت ومش عرفه اعمل ايه !! لو عايز اولع في نفسي حالا هولع يابابا .. عشان تسامحني وكمان ارتاح من العذاب اللي انا فيه

اسعد تدمع عيناه ولا يملك الا ان يحتضن ابنته الوحيدة ويقول .. مسامحك يا بنتي .. بس عمري ما هسامح نفسي علي انا عملته في مي وامها .. قليلي انا عاوزك تحكيلي كل حاجة عن اللي اسمه حازم ده عرفتيه ازاي وفين وابن مين وابوه بيشتغل ايه بالظبط لأن جوايا شك كبير من ناحية الولد ده وحاسس انه له علاقة بالراجل اللي بيكلمني ده وخلاني اعمل كدا مع مي

مني .. بابا !! انا افتكرت حاجة مهمه؟!!

اسعد .. ايه !! قولي

ثم نذهب الي مي وقد حانت ساعة الصفر وتلك هي المحاولة الاخيرة لاثبات برآتها فقد ذهبت لتخضع للفحص الطبي لكشف العذرية وبعدها بآيام استدعاها وكيل النيابة ليقول لها ..

وكيل النيابة ينظر ل مي نظرات ذات معني تعبر عن التعجب والاستفار .. اظن دي كانت آخر محاولة بالنسبة لك لاثبات برآتك .. لكن للأسف المحاولة اتحولت لدليل ادانه آخر ضدك

مي .. مش فاهمه؟!!

وكيل النيابه .. تقرير الطبيب الشرعي بيأكد قد تم فض غشاء البكارة منذ اكثر من ثلاثة اشهر تقريبا من خلال معاشرة جنسية وانك لستي عذراء

مي .. لا .. لا مش معقول .. كدب .. كل الكلام دا كدب .. انتوا عاوزين تدمروني .. حرام عليكم انا معملتش حاجة لحد .. بتعملوا فيا ليه كدا ؟!! ليه .. ليه ثم تسقط مغشيا عليها ....

الاحداث ما زالت مشتعله والغموض ما زال قائما ولكننا سنقوم بكشف الحقيقة وذلك بالاجزاء المتبقية


البارت العاشر🔥قبل الاخير


مي يحدث لها انهيار عصبي شديد وتم نقلها وبناء علي طلبها الي مستشفي خاص للطب النفسي تابعة للبروفسيور فؤاد لاشين استاذ الطب النفسي وهو من اساتذة مي بالكلية وهو صاحب عدة براءات اختراع لعقاقيير طبية ساعدت كثيرا في العلاج النفسي والادمان وقللت كثيرا من حالات الانتحار وتعتبره مي بمثابة القضوه والمثل الاعلي في التفوق العلمي في مجال الطب النفسي وهو الان يدخل عليها بعد ان هدأت اعصابها قليلا

فؤاد .. ايه اخبار عروستنا انهاردة ؟!!

مي .. تعبانه جدا يا دكتور فؤاد مش قادرة استوعب ولا اصدق اللي بيحصل ده؟!!

فؤاد .. لا شدي حيلك .. الاستسلام مش حلو .. لازم تقاومي لأخر نفس .. فين مي العنيدة القوية ؟!!

مي .. مي انكسرت خلاص

فؤاد .. لا متقوليش كدا .. مي قويه واقوي من كل اللي بيحصل ده

مي .. انا مش عرفة اللي بيحصلي دا ازاي وليه ؟!! ومين اللي ورا دا كله ؟!! وازاي حصل ده كله وانا مش فاكرة منه حاجة ؟! انا هتجنن يا دكتور .. هتجنن

فؤاد .. اهدي .. ان شاء الله هتعرفي الحقيقة وهترتاحي

مي .. هرتاح ازاي ؟!! دا انا حياتي ادمرت وبطريقة غريبة فجأة كدا طلعت متجوزة من نجار مسلح والمصيبة الاكبر اني طلعت مش عذراء !! ازاي كل ده حصل ؟!! انا مش فاكرة حاجة من دا كله !! زي ما كون كنت مغيبه !! الاول كنت متأكدة ان كل دا كدب ومجرد افتراء لكن امبارح اكتشفت ان كل ده حصل فعلا !! ازاي وامتي وليه ؟!! مش عرفه .. مش عرفه يا دكتور .. هتجنن بجد

فؤاد .. اهدي .. ارجوكي

ثم تدخل الام منزعجة وقلقة

الام .. ايه الاخبار يا دكتور ؟!! فاقت ؟

فؤاد .. فاقت الحمد لله بس ياريت متتكلميش معاها في اي حاجة تضايقها .. تمام؟!!

الام .. ماشي يا دكتور حاضر .. طب هي عندها ايه

فؤاد .. انهيار عصبي شديد

الام .. يا كبد امك يا بنتي .. كان مستخبيلك دا كله فين ؟!!

فؤاد .. معلش .. شدة وتزول .. بعد ازنك

الام .. اتفضل ثم تتوجه نحو ابنتها

مي .. شوفتي اللي حصلي يا ماما ؟!!

الام .. شفت يا بنتي ومش قادره اصدق

مي .. انا مش قادره افهم حاجة ؟!! ازاي دا كله حصل ؟!! ازاي.. حد يفهمني

الام .. العلم عند الله .. المفروض انتي اللي تجاوبي علي الاسئلة دي يا مي .. طب والراجل اللي اسمه عصفور وقلنا ان نصاب وحد مسلطه عليكي .. طب وامضتك وبصمتك طلعت ازاي سليمة؟!! وتقرير الطب الشرعي قال انك مش عذراء يا مي !! يعني كلام الراجل ده طلع سليم

مي .. قصدك ايه ؟!! قصدك ان عصفور ده ممكن يكون جوزي فعلا !! اتجوزته وانا مش حاسة ؟!!

الام .. مش عرفة يا بنتي بقي .. انا هتجنن والله

مي .. استحاله .. انا مي نور الدين اتجوز واحد زي عصفور !! طب ليه ؟!! وحصل امتي وازاي ؟!!

الام .. اهدي يا بنتي خلاص .. الدكتور قال النرفزة مش حلوة عشانك

مي .. كل اللي بيحصلي ده وبدون تفسير !! وعايزاني اكون هادية ؟!! وائل فين ؟!! مجاش معاكي ليه ؟!!

الام ترتبك .. وائل .. وائل .. ااااا

مي .. في ايه يا ماما ؟!! وائل ماله ؟!!

الام .. وائل خلاص يا مي خرج من حياتك

مي .. يعني ايه؟!!

الام .. وائل طلقك


ونعود الي مني والتي اخبرت ابيها بشئ عجيب ..

اسعد .. واحده واحده كدا عشان افهم .. حازم ده يبقي اخ توأم لبنت زميلتك

مي .. ايوا اسمها ماجي الله يرحمها اتوفت

اسعد .. اتوفت ازاي؟

مني .. بيقولوا انها عملت عمليه وبعدها تعبت اوي وقعدت فتره متجيش الكلية وبعدها سمعنا انها ماتت

اسعد .. طب ايه نوع العملية اللي عملتها؟!!

مني .. الله اعلم .. بعدها بصيت لقيت حازم اخوها ابتدي يظهر في الكلية عندي .. طبعا انا عزيته في اخته وهو كان متأثر جدا وحزين اوي علي اخته .. المهم لقيته بقي يتردد كتير عندي ويقلي انه تعبان من ساعة ما اخته ماتت وانه بيرتاح جدا لما بيشوفني ويتكلم معايا .. في الاول كنت بواسيه عادي لكن بعد كدا وبطريقة مفاجأة لقيتني متعلقة بيه وبفكر فيه دايما وهو كمان كان بيقلي انه دايما مشغول بيا لحد ما جه في مره وطلب مني نتجوز .. بصراحة انا فرحت لأني فعلا كنت نفسي ارتبط بيه بس اتفاجأت انه عايز يتجوزني عرفي .. انا قلتله لا مينفعش .. راح قالي الظروف في البيت عنده متسمحش بسبب وفاة ماجي واول ما تتحسن الظروف هنخلي الجواز شرعي .. انا بصراحة كنت رافضة في الاول .. بس بعد كدا وافقت ازاي معرفش ؟!! واتجوزنا وحصل اللي حصل

اسعد .. اها .. بس ظهور الولد المفاجئ دا في الكليه عندك وتردده عليكي معناه ان كان ناوي معاكي علي حاجة زي كدا وانتي بسذاجتك ساعدتيه ان ينول غرضه منك .. الواد ده متسلط يعمل كدا والدليل الفيديوهات اللي وصلت لأيد الراجل المجهول اللي بيكلمني .. بس مين ورا الولد ده وطلب منه يعمل كدا ؟!!

مني .. علي فكره حازم ابوه استاذ كبير في كلية الطب مع مي

اسعد .. ايه ؟!!

: اسعد .. ابوه استاذ في كلية الطب !! مع مي؟!!

مني .. اه .. اسمه فؤاد لا شين .. استاذ كبير في الطب النفسي

اسعد .. ايوه انا اسمع عنه .. عنده مركز كبير للأمراض النفسية وكان بروفيسير في جامعات اوروبا .. طب ازي ابن راجل عالم واستاذ جامعي يعمل حاجة زي دي ؟!!

مني .. مش عرفه يا بابا انا ليه حاسة ان اللي اسمه فؤاد لاشين ده له علاقة باللي حصلي وحصل ل مي

اسعد .. مش معقول !! جايز يكون ابنه ده بيشتغل ل حساب حد تاني .. لكن ابوه العالم المحترم ده هو اللي يكون مسلطه .!! لا لا طب هيخليه يعمل كدت ليه ؟!!

ونعود الي عصفور الذي يتصل بالمجهول

عصفور .  اه .. يا كبير اسبوع فات وحضرتك لا حس ولا خبر ؟!

المجهول .. عاوز ايه ؟!!

عصفور .. عاوز ايه !! عاوز بقيت حسابي .. انا نفذت المطلوب مني بالحرف .. فين باقي فلوسي؟!!

المجهول .  لما تخلص القضية ومي تاخد حكم

عصفور .. نعم !! وانا هستني لحد ما تخلص القضية ؟!!

المجهول .. مش جايز تغير اقوالك ؟!!

عصفور .. ازاي اغير اقوالي .. يعني هروح اقول اني انا كداب سعتك !! طب ما هيسبوها هي وهيحبسوني انا !!

المجهول .. مش عاوز كلام كتير .. مي تاخد حكم .. هتصل بيك اديك باقي فلوسك

ثم يغلق الخط

عصفور .. بقي كدا .  ماشي يا باشا .. براحتك خالص ..

ونعود الي مي التي سأت حالتها بعدما علمت خبر طلاقها من وائل وتجلس امامها امها لتواسيها

الام .. متزعليش يا بنتي .. كل شئ نصيب

مي .. وازعل ليه يا امي .. اي حد تاني غير وائل هيعمل كدا .. عنده حق.. انا اللي معرفتش اثبت برأتي قدامه وقدام الناس او علي الاقل قدام نفسي

الام .. والعمل يا بنتي ؟!! عندك جلسة في المحكمة الاسبوع الجاي .. والمحامي بيقول موقفك ضعيف جدا واحتمال كبير يحبسوكي

مي .. يحبسوني !! طب ما يحبسوني .. هي جت ع الحبس يعني ؟!! ما انا حياتي كلها ادمرت ومستقبلي ضاع خلاص ..

الام .. لسة مفتكرتيش اي حاجة ؟!!

مي .. ولا حاجة .. زي ما يكون اللي حصل ده .. حصلي وانا فاقدة الذاكرة وبعد ما رجعتلي الذاكرة نسيت كل اللي حصل

الام .. لا حول ولا قوة الا بالله

ثم يدخل الدكتور فؤاد للأطمئنان علي مي

فؤاد .. ايه الاخبار النهاردة ؟

الام .. مفيش جديد يا دكتور .. البنت كل يوم نفسيتها بتتعب اكتر

فؤاد .. معلش .. واحدة واحدة وهتبقي زي الفل

مي .. علي فكرة يا ماما الدكتور فؤاد لاشين استاذي في كلية الطب وصاحب عدة براءات اختراع ادوية عملت طفره في مجال الطب النفسي وقللت معدل الانتحار .. دا اللي دعاني للمؤتمر الاخير في اليابان

الام .. اه .. اهلا وسهلا

فؤاد .. اهلا بحضرتك .. مي دي تلميذتي الشاطرة بس عيبها انها عنيدة شوية وعندها ده ممكن يدمرها

وبعد ان يقوم الدكتور فؤاد بفحص مي ينسي تليفونه المحمول وينصرف .. وفجأة يرن اسعد علي التليفون

مي .. ايه ده !! الدكتور فؤاد نسي تليفونه .. ثم تمسك بالمحمول فتجد المتصل خالها اسعد .. مي تصاب بالدهشة

مي .. ماما .. مش دي نمرة خالوا اسعد ؟!

الام .  ايوه هي

مي .. طب وده يعرف الدكتور فؤاد منين ؟!

الام .. الله اعلم

ثم تفتح مي الخط وتسمع اسعد دون ان تنطق بحرف واحد

اسعد .. يا باشا رد عليا .. عيب اوي كدا بصراحة دا انا راجل وكيل وزارة واتبهدلت علي آخر الزمن والسبب بنتي الله يسامحها .. معلش انا كان عندي سؤال .. هو انت تعرف واحد اسمه حازم ؟!! حازم فؤاد لاشين ابن الدكتور فؤاد لا شين استاذ الطب النفسي المعروف .. ما هو اصل الولد ده هو اللي ضحك علي بنتي واتجوزها عرفي وصورها الفيديوهات اللي انت بتهددني بيها دي وبعد كدا خلع .. اكيد تعرفه واكيد انت اللي مسلطه علي بنتي عشان يعمل كدا معاها عشان تصغط عليا واشهد ضد مي بنت اختي وانا نفذت .. اديني بقي الفيديوهات دي عشان ارتاح والبنت ترتاح .. وعوضنا علي الله في شرف بنتي .. قلت ايه .. الو .. هو انت مبتتكلمش ليه .. الو

مي تغلق الخط .. ماما انا عرفت مين اللي عمل فيا كدا !!!😱😱

 وووو


البارت الحادي عشر🔥

الاخيره


مي تغلق الخط .. ماما انا عرفت مين اللي عمل فيا كدا !!!

ثم تتذكر مي موقف قديم حدث بينها وبين الدكتور فؤاد ..

: فمنذ عدة اشهر استدعاها دكتور فؤاد الي مكتبه بالكلية

مي .. خير يا دكتور فؤاد حضرتك طلبتني؟!!

مي .. اتفضلي يا دكتوره اقعدي عاوز اتكلم معاكي في موضوع خاص جدا

مي .. تحت امرك .  اتفضل

فؤاد .. بصي يا مي انا طول عمري بعتبرك زي بنتي نهلة وعمري ما بخلت عليكي لا بعلم ولا معلومة حتي رسالة الماجستير والدكتوراه ساعدتك فيهم لحد ما اخدتيهم

مي .. اكيد يا دكتور .. حضرتك صاحب فضل عظيم عليا وانا بقول دا في كل موقف وكل مناسبة

فؤاد .  تمام .. انا بنتي اتجوزت عرفي للأسف واحنا دلوقتي طلقناها من الولد ده لأنه غير مناسب بالمره .. المهم البنت حامل في اربع شهور وكنت عاوزها تنزل البيبي وبصراحة مش هلاقي احسن منك .. انتي دكتورة امراض نساء وتوليد شاطرة وبعدين هتحفظي السر

مي .. حضرتك ايه المطلوب مني بالظبط؟!!

فؤاد .. تنزلي البيبي

مي .. نعم !! لا طبعا .. اولا الاجهاض ضد الشرع والقانون وبعدين بنتك عندها القلب والاجهاض في الفتره دي من الحمل خطر عليها .. وبعدين ازاي بنت الدكتور فؤاد لاشين المهندسة المحترمه تتجوز عرفي؟!!

فؤاد .. مفيش حد معصوم من الخطأ يا دكتورة !!

مي .. بس دا كان شئ متوقع يا دكتور لأن حضرتك دلعتها اوي

فؤاد .. مي .. انا مش باعتلك عشان تديني درس حكم ومواعظ انا طالب منك تساعديني في حل المشكلة دي

مي .. اسفة يا دكتور .. مش انا اللي اعمل كدا

فؤاد .. بس دا اول طلب اطلبه منك !! وانا ياما وقفت جمبك

مي .. معلش سؤال .. هو حضرتك ليه طلقتهم من بعض ؟!!

فؤاد .. عشان ولد صعلوك والبنت اتجوزته غصب عني

مي .. يعني بنتك بتحبه

فؤاد .. للأسف

مي .. طب خلاص كنت سيبتهم يتجوزوا رسمي ما دام بيحبوا بعض وكنت خلتها تولد ابنها مادام هي عاوزاه

فؤاد .. بقلك صعلوك .. ولد دون المستوي .. طمعان فيها وفي فلوسها .. انتي مبتفهميش ؟!!

مي .. اسفه .. مس هقدر اشارك في الجريمة دي وانصحك متحاولش تجهضها بالعافية لأن دا في خطر عليها

فؤاد .. يعني دا اخر كلام عندك؟!!

مي .. ايوا يا دكتور .. بعد ازنك ؟!!

فؤاد .. مي .. الكلام اللي دار بينا دا محدش يعرفه

مي .. اكيد .. بعد ازنك

ثم تنصرف وفؤاد محادثا نفسه

فؤاد .. ماشي يا مي بتديني درس في الاخلاق !! وترفضي طلبي .. حاضر

ثم بعدها تخضع نهلة لعملية اجهاض تموت علي اثرها وبعدها يرد الي مسامع فؤاد ان احد اساتذة طب النساء والتوليد بالكلية يتحدث عن قصة زواج نهلة العرفي وانها ماتت نتيجة عملية اجهاض فظن ان مي هي التي اخبرته بهذا السر فأشتعل غضبه وقرر الانتقام منها علي طريقته الخاصة

 فؤاد يستدعي مي لمقابلته داخل مكتبه

مي .. البقاء لله يا دكتور فؤاد

فؤاد .. حياتك الباقيه

مي .. اينعم الاعمار بيد الله .. لكن انا حذرتك من موضوع الاجهاض ده وقلتلك فيه خطر علي بنتك

فؤاد .. مش مشكلة .. نهلة اخطأت وخطأ كبير وكان لازم تدفع التمن .. اصل انا اللي اعرفة ان اللي بيغلط في حق فؤاد لاشين استاذ الطب النفسي وصاحب اعظم  براءات اختراع لادوية غيرت من مفاهيم العلاج في الطب النفسي ويحاول يهد تاريخه ومجده يبقي لازم يدفع التمن

مي .. وحضرتك بتبصلي اوي ليه كدا وانت بتقول كدا ؟!!

فؤاد .. لأنك انتي التانيه غلطتي في حقي

مي .. انا !! ازاي ؟!

فؤاد .. مين اللي عرف الدكتور مفيد اني بنتي كانت متجوزة عرفي وماتت بسبب اجهاض الجنين؟!

مي .. مش انا طبعا!!

فؤاد .. بس محدش يعرف الموضوع غيري انا وانتي يا دكتورة !!

مي .. وانا بقلك مقلتش لحد انا بمجرد ما خرجت من مكتبك نسيت الحوار اللي دار بينا اصلا

فؤاد .. ع العموم بنتي اخطأت في حق نفسها وفي حقي ودفعت التمن

مي .. هو انت فرحان ان بنتك ماتت؟!!

فؤاد .. ايوه طبعا

مي .. يا حول الله .. ماشفتش اب ابدا بيبقي فرحان ان بنته ماتت!!

فؤاد .. اديكي شفتي .. وزي ما قلتلك اللي يحاول يهد كيان فؤاد لاشين بيدفع التمن غالي اوي

مي .. منطق غريب ورد فعل اغرب .. علي فكره بنتك ضحيتك انت مش ضحية حد تاني وذنبها في رقبتك انت .. لأن انت اللي اديتها المساحة الجامدة من الحرية وخليتها تاخد قرارات في امور المفروض انها ترجعلك فيها .. وبدال ما تحل الموضوع بسياسة وهدوء وبدون خساير اخدت الموضوع علي انه مساس بشموخك ومكانتك ففرقت بين بنتك وجوزها وحرمتها من ابنها وكمان قتلتها بدم بارد

فؤاد .. الموضوع انتهي خلاص يا مي

مي .. بعتذر عن اسلوبي الحاد في الكلام بس انا صعبان عليا اللي حصل ل نهلة

فؤاد .. المهم .. في مؤتمر في اليابان لمدة اسبوع وانا رشحتك عشان تحضريه معايا

مي .. امتي ؟

فؤاد .. كمان اسبوع

مي .. تمام .. انا معاك

فؤاد .. استعدي .. بالتوفيق

فؤاد .. بعد ازن حضرتك

وبعد ان تنصرف فؤاد محادثا نفسه

فؤاد .. ان ما دفعتك التمن مبقاش انا فؤاد لاشين .. لسة متخلقش اللي يهد كياني يا مي نور الدين

: وبعد ان تخرج مي من مكتب فؤاد تقابل وائل

وائل .. ايه يا دكتوره  .. سألت عليكي قالولي في مكتب الدكتور فؤاد .. ماله عاوز منك ايه؟!

مي .. لا دا كان بيقلي ان في مؤتمر في اليابان ومرشحني اسافر معاه

وائل .. هتسافري مع ده ؟!!

مي .. اه .. اشمعني يعني؟!

وائل .. يا بنتي دا مش طبيعي وعنده جنون العظمة ومغرور جدا

مي .. بس متنكرش انه استاذ كبير وعالم ومخترع كمان

وائل .. وايه فايدة دا كله وهو انسان مغرور ومتكبر .. دا ربنا بيقول ولا تمشي في الارض مرحا .. ومن تواضع لله رفعه

مي .. دي مشكلته هو .. انا ليا استفاد بعلمه

وائل .. بس انتي استاذ نساء وتوليد .. مالك ومال الطب النفسي؟!!

مي .. يا دكتور فروع الطب كلها مرتبطه ببعضها وبعدين الطب النفسي مجال كبير وواسع والحقائق اثبتت ان في امراض كتير منشأها نفسي .. صح؟

وائل .. اكيد

مي .. انا بقي حابه افهم واتعمق في التخصص ده هيفيدني كتير في التعامل مع المرضي بتوعي

وائل .. وهتسافري امتي ؟!!

مي .. الاسبوع الجاي

وائل .. وهتقعدي اد ايه؟

مي .. اسبوع

وائل .. مع انك هتوحشيني بس هنعمل ايه ! ما باليد حيلة وخصوصا مع دكتورة مجتهدة زيك وبتحب الاطلاع والدراسة في كل شئ

وتستعد مي للسفر وقبل السفر بليلة يتصل بها الدكتور فؤاد

: فؤاد .. مساء الخير يا دكتورة

مي .. مساء النور يا دكتور

فؤاد .. كنت محتاج اقعد معاكي قبل السفر عشان انا ناوي اعلن في المؤتمر عن اكتشافي للعقار الجديد

مي .. طب وحضرتك محتاجني في ايه بالظبط ؟!

فؤاد .. نقعد مع بعض ونرتب هنعمل ايه .. هو انتي مش طالعة معايا المؤتمر ولا ايه يا دكتوره؟!

مي .. ان شاء الله

فؤاد .. خلاص تعالي نشوف هنعمل ايه وبالمره تعرفي اكتشافي الجديد .. العقار اللي هيقلب الموازين كلها

مي .. اوك .. تحب اجي لحضرتك البيت؟

فؤاد ..ياريت عشان نعرف نتكلم براحتنا .. في انتظارك سلام

وتذهب مي الي منزل فؤاد الذي يستقبلها بحفاوة بالغة مما اثار دهشة مي ثم قدم لها عصير جريب فروت وقد اضاف اليه كمية من العقار السائل الذي اكتشفه وكان يقوم بتجربته علي مرضاه في المركز النفسي الذي يملكه وهذا العقار له القدرة علي تغييب العقل دون ان يفقد الانسان وعيه فيجعل من يتناوله يشعر بفقدان مؤقت للذاكرة فيصبح الانسان مشوش لا يستطيع التفكير او تذكر بعض الامور او الشخصيات او الاحداث التي مر بها بل ويزيد عنده الشعور بالاقتناع فيقتنع بسهوله بأي امر يعرض عليه ويصدق اي شئ يقال له علي انه فعلا قد حدث له او مر به .. فهذا العقار يعمل علي عدة مراكز في المخ واذا استمر تعاطيه لفتره طويلة يمكن ان يؤثر علي تلك المراكز ويفقدها وظيفتها وكان فؤاد يعلم ذلك ويستخدم هذا العقار لمرضي الاكتئاب الشديد والذين يفكرون في الانتحار فعندما يتعاطون هذا العقار ينسون فكرة الانتحار بل وينسون انهم مرضي من الاساس ويقتنعون بأنهم اصحاء اقوياء وغيرها من الامور التي تقال لهم او تُعرض عليهم وتناولت مي هذا المشروب وبعد دقائق شعرت مي بثقل في الرأس ورعشة وبرودة في الجسم ..

فؤاد .. مالك يا دكتورة في ايه ؟!!

مي .. مش عرفة .. راسي تقلت فجأة وجسمي كله بيترعش !!

فؤاد .. قلقانة من المؤتمر ؟!!

 مي .. مؤتمر ايه ؟!!

علم وقتها فؤاد ان الدواء قد بدأ في احداث تأثيره

فؤاد .. المؤتمر اللي احنا مسافرين نحضره مع بعض في اليابان

مي . اه .. صح احنا مسافرين مع بعض مؤتمر .. امتي ؟

فؤاد .. بكرة يا دكتورة

مي .. صح بكرة معلش انا نسيت ..

فؤاد .. لا ولا يهمك ..

مي .. هو انا فين ؟!!

فؤاد .. انتي عندي هنا في فيلتي يا دكتورة

مي .. اه .. وانت مين؟

فؤاد ..انا الدكتور فؤاد .. لا شكلك تعبانه اوي .

مي .. انا عايزة اروح

فؤاد .. طب استني عريسك جاي ياخدك دلوقتي وهتروحوا مع بعض

مي .. عريسي ؟!! هو انا هتجوز

فؤاد .. اه.. هتتجوزي الانسان اللي بيحبك وبتحبيه

مي .. بيحبني وبحبه ؟!!

فؤاد .. طبعا

مي .. فعلا .. كلامك صح .. طب هو مين

فؤاد .. حالا يجي وتقابليه

ثم نسمع جرس باب الفيلا ويذهب فؤاد ليفتح الباب فنري عصفور واسعد ومعهما المأذون والشهود

اسعد .. مي جت ؟!

فؤاد .. ايوه .. زي ما اتفقنا؟

اسعد بأسي .. يا حول الله يا رب .. ماشي .. بس هتديني الفيديو ؟

فؤاد .. مش وقته .. ادخل

عصفور .. مساء الفل يا باشا .. وانا متنسانيش في القرشين اللي اتفقنا عليهم

فؤاد .. قلنا مش وقته .. يلا عشان نخلص بسرعة

اسعد .. سامحني يارب

ثم يدخل اسعد وعصفور والمأذون والشهود

: مي تضحك بهيسترية شديدة .. انت اكيد العريس وتقصد اسعد

فؤاد .. لا يا مي عريسك اهوه اسمه عصفور

مي .. عصفور !! وانت ايه اللي نزلك مع علي الشجرة ؟!!

عصفور .. حلوة ودمها خفيف

فؤاد .. خلص يا عم الشيخ

ويكتب المأذون كتب الكتاب ويرحل

فؤاد ل اسعد .. يلا وريني عرض كتافك وتليفونات بعد كدا

اسعد .. طب والفيديو ؟!!

فؤاد .. مش وقته بعدين احنا لسة مشوارنا طويل وحسك عينك تنطق بأي كلمة من اللي حصل هنا .. انت عارف انا ممكن اعمل ايه

اسعد .. لله الامر من قبل ومن بعد .. ثم يرحل

عصفور .. وانا يا باشا اروح ؟

فؤاد .. روح يا عصفور .. وخد دوا احد ما نتحاسب وبرضوا اللي بينا تليفونات واوعي حد يعرف بأي حاجة حصلت هنا

عصفور .. استحالة يا باشا .. سلام

ويرحل الجميع ولم يبقي سوا فؤاد ومي

مي .. ايه ده .. العريس مشي ؟!! طب انا مين هيروحني دلوقتي؟!!

فؤاد .. هروحك انا .. بس بعد ما نقول كلمتين مهمين

مي .. قول

فؤاد .. لا مش هنا فوق في اوضة النوم

مي .. طب يلا بس بسرعة عاوزة اروح .. انت قلتلي اسمك ايه؟

فؤاد .. انا الدكتور فؤاد

مي .. ايوه الدكتور فؤاد .. طب يلا قول الكلمتين ع السريع

وتصعد مي مع فؤاد ليعتدي عليها ويسلبها اعز ما تملك تحت تأثير العقار الذي اخترعة وكل ذلك انتقاما منها لنفسه وكبريائه وغروره فأراد معاقبتها علي رفضها اجراء عملية الاجهاض لابنته وايضا ظنه بأنها قد فضحت امر ابنته في الكلية مع انها لم تفعل ذلك وهذا ما سنعرفه بعد ذلك ولكن الذي تأكدنا منه ان هذا الطبيب غير سوي ويعاني من اضطراب حقيقي في الشخصية ومشكلة مرضية جعلته يفكر في تدمير كل من يحاول ان يقدم له النصيحة او يرفض مساعدته وبعد ان فعل فعلته طلب من مي ان تعود الي المنزل ولا تتحدث مع احد ابدا وخاصة امها ووائل وان تستعد للسفر معه الي اليابان وبالفعل عادت مي الي المنزل واحست الام ان ابنتها ليست بخير فقد ذهبت مباشرة الي النوم ولم تتحدث معها او تخبرها بما حدث وفي اليوم التالي سافرت مي مع فؤاد الي اليابان وفي المؤتمر عرض فؤاد اكتشافة الذي قوبل بالرفض التام من اساتذة واطباء الطب النفسي حول العالم لاعتقادهم الراسخ بأن اضرار هذا العقار اكثر من نفعه وان بمجرد نزوله الي السوق سوف يستغل في اغراض اخري سيئة سوف تعود عواقبها الوخيمة علي المجتمع وطوال تلك الفترة كان فؤاد يعاشر مي تحت تأثير هذا المخدر دون ان تعي ما يحدث ومضت ايام المؤتمر وعادت مي الي مصر وقد ذهب عنها تأثير هذا العقار الخبيث .. هذا ما حدث ولكن مي ايقنت ان فؤاد هو الذي فعل ذلك ولكن لم تتذكر كيف ومتي ؟ ودخل فؤاد الي حجرة مي بالمركز

فؤاد .. معلش انا نسيت التليفون بتاعي

مي .. اتفضل  .. انا عاوزة اخرج من هنا حالا

فؤاد .. ازاي!! انتي لسة تعبانه يا دكتورة

مي .. انا عاوزة اخرج من هنا حالا

الام .. يابنتي استني شوية

مي .. اسكتي يا ماما .. ثم تنظر الي فؤاد نظرة ذات معني .. انا قلت عاوزة اخرج حالا وكتر خيرك اوي علي اللي عملته معايا يا دكتور فؤاد

فؤاد متعجبا .. براحتك يا دكتورة

وتخرج مي وتذهب الي خالها اسعد وابنته للمواجهه

 مي نظرة عتاب والم والدمع في عينيها .. انت ليه عملت كدا؟!

اسعد .. مي !! انتي اللي جابك؟!!

مي .. عايزه اعرف الحقيقة يا خالي !! ياللي سلمتني بإيدك لفؤاد عشان يدمرني وجوزتني لأنسان انا معرفهوش وعمري ما هقبل حتي انه يمسح جزمتي .. انت ليه دمرتني بإيديك مع ان المفروض انك تدافع عني وتبقي معايا مش ضدي .. انت ليه عملت كدا؟!!

اسعد .. انا مش عارف انتي بتتكلمي عن أيه !! وبعدين اللي حصل كله انا قلته في النيابه ..

مي .. انت اللي قلته في النيابه كله كدب ومحصلش .. انا عاوزه اعرف ايه اللي حص بالظبط وايه الفيديوهات اللي ماسكها عليك فؤاد لاشين وبيهددك بيها؟!

اسعد .. مين فؤاد لاشين اللي انتي عمالة تجيبي في سيرته ؟!! وبعدين فيديوهات ايه اللي انتي بتتكلمي عليها ؟!

مي .  فؤاد لاشين دا اللي انت بعت بنت اختك ليه وبتتصل بيه عشان يديك الفيديو اللي بيهددك بيه .. متحاولش تهرب انا سمعت كل كلمة قلتها لما اتصلت عليه من ساعتين

اسعد .. يا حول الله يارب .. بصي يا بنتي انا في عذاب ضمير ما يعلم بيه الا ربنا ومن ساعة الموضوع ده انا مش بنام الليل لا انا ولا بنتي مني .. انا هقلك يا بنتي علي كل حاجة ..

ويقص اسعد علي مي ما حدث

مي .. الكلب الواطي .. صلط ابنه الحقير اللي زيه عشان يوقع بنتك في الغلط ويعمل معاها زي ما اتعمل مع بنته بالظبط ويصورها ويستغل ده في انه يضغط عليك عشان تجوزني لأنسان انا معرفهوش ودون المستوي عشان يعرف يكسرني ويذلني ويدمرني وللأسف نجح في خطته

اسعد .. بس انتي يا مي كنتي موافقة ومبسوطة جدا ودا اللي كان مخليني مستغرب

مي .. انا كنت مغيبة .. الدكتور المحترم كان ساقيني مادة مخلياني مش في وعيي وفاقدة السيطرة علي تفكيري وذاكرتي تماما

اسعد .. وانا اقول البنت مالها متلخبطة ومش مظبوطة ليه انا فكرتك شاربة خمرا لما شفتيني وفكرتيني العريس وبعد الموضوع ده قابلتك مرة لقيتك بتكلميني عادي جدا .. فأستغربت .. بس هو ليه عمل فيكي كدا؟!! انتي أذيتيه في أيه خلتيه ينتقم مننا كلنا بالطريقة البشعة دي؟!!

مي .. صدقني يا خالي انا عمري ما أذيت حد في حياتي .. بس هو انسان معقد وبيدّعي انه استاذ طب نفسي وهو اكتر انسان معقد ومريض ومغرور وعنده استعداد يدمر اي حد يعترض طريقة او يعارض قرار اخده او يرفض طلب هو طلبه منه

اسعد .. اكيد يا بنتي بعد اللي اتعمل فينا وفيكي فعلا دا انسان مش طبيعي انا مكنتش اعرف انه دكتور واستاذ جامعي غير لما قعدت واتكلمت مع مني .. انا كان بيكلمني ومكنتش اعرف هو مين .. هو اللي ارغمني امضي علي عقد جوازك واشهد ضدك بالزور .. لكن انا دلوقتي مش خايف منه وعايز يشير الفيديو يشيره .. انا هروح المحكمة معاكي وهقول اللي حصل بالظبط انا ومني بنتي .. بس ارجوكي يا مي سامحيني

مي .. للأسف يا خالي مقدرش اسامحك ..

ثم تتركه وتذهب بحثا عن عصفور حتي تجد مكانه وتحدث بينها وبينه مواجهه ساخنه فقد استطاعت ان تحصل علي مسدس وفاجأت عصفور حمدان اثناء عمله كنجار مسلح بأحدي الابراج السكنية ..

عصفور .. دكتورة مي !! انتي هتعملي ايه؟!!

مي .. انا هقتلك .. يا جوزي يا حبيبي ياللي اتعرفت عليا في شقة دعارة واتجوزتني عشان تستر عليا ودخلت عليا اكتر من مرة .. مش دا اللي حصل ؟!!

عصفور .. لا .. محصلش .  انا هقلك علي كل حاجة بس ارجوكي بلاش تقتليني انا عندي عيال بربيهم

مي .. خايف علي عيالك ومخفتش علي مستقبل انسانه بريئة متعرفكش ولا تعرفها .. دمرتني وضيعت مستقبلي وحتي شرفي اعتديت عليه يا واطي

عصفور .. اقسم بالله ما لمستك .. انا هقلك اللي حصل بالظبط

: عصفور.. انا كنت شغال نجار مسلح في العمارة اللي بيبنيها الدكتور فؤاد وجه في وقالي خد تعالي عاوزك .. قلتلة تحت امرك يا باشا .. قالي تاخد ١٠٠ الف جنيه وتعمل مقلب صغير في واحدة غيظاني ؟! انا استعجبت بصراحة وقلتله مقلب ايه يا باشا ؟!! مقلب زي رامز جلال وكدا ؟!! فراح ضحك وقالي اعتبره مقلب زي رامز جلال بالظبط منها تضحكني وتخليني اشفي غليلي ومنها تاخد ١٠٠ الف جنيه ايه رأيك ؟!! بصراحة انا قلت لو مقلب زي ما بيقول بسيطة انا الكسبان وبصراحة شغلتنا دي يوم في وعشره مفيش ودا مبلغ كبير وصعب يترفض  والحوجة وحشة بعيد عنك والبيت والعيال عاوزين حاجات كتير نفسهم فيها وانا مش قادر اجيلها المهم قلتله موافق قالي هتنفذ المطلوب منك من غير ما تسأل ولو حبيت تفهم او غيرت كلامك انا هقتلك .. قلتله ماشي .. بس راح جابني ومضاني علي عقد جواز وقالي بعد فتره اطلع اعمل بلاغ في القسم وقول الكلمتين اللي انتي سمعتيهم دول .. بس هي دي كل الحكاية واداني عشر تلاف جنية ومدوخني ع الباقي لحد الان وبعد انا حسيت ان الموضوع كبير ودخل في الجد ومش مجرد مقلب وبقت قضية رأي عام ومن ساعتها وانا خايف .. اقسملك مش علي نفسي علي مراتي وعيالي اللي هيتبهدلوا لما تتعرف الحقيقة واتسجن

مي .. اه يا واطي يا وسخ تبهدلني وتبهدل سمعتي وشرفي عشان ١٠٠ الف جنيه ؟!! انا لازم اقتلك

عصفور .. ارجوكي انا هروح النيابة واقول كل حاجة وهبرأك من كل اللي قلته بس وحيات ربنا ما تقتليني

مي .. عاوزاك تقول كل اللي قلته دا تاني

عصفور .. حاضر ..

وتسجل مي حوار عصفور صوت وصورة ثم تتركه علي وعد منه بالحضور الي المحكمة وقول الحقيقة

اما فؤاد فكان هو هدف مي الرئيسي لأنه هو المدبر والمنفذ لكل ما حدث لها فأرادت ان تنتقم منه علي نفس طريقته فأتفقت مع احد زملائها المخلصين بالجامعة ان يضع له نفس العقار الذي شربت منه في فنجان القهوة وشربه فؤاد واصبح حاهزا للتعامل معه فذهبت الي منزلة

فؤاد .. انتي مين ؟!!

مي تضحك بصوت عال .. كويس انك مش فاكرني .. يا تري دا من تأثير الدوا ولا تأنيب الضمير ؟!! مع ان اللي زيك عمر ما صميرة يأنبه ابدا!! انا مي اللي دمرتها يا فؤاد لأن خسارة فيك كلمة دكتور .. انا عاوزة اعرف انا عملتلك ايه عشان تعمل فيا كدا !! عشان قلتلك نصيحة غرورك وكبريائك خلوك متتقبلهاش تقوم تبهدلني بالطريقة دي وتاخد مني اهم حاجة تمتلكها البنت .. عذريتي .. بس انا عذريتي تمنها غالي اوي .. تمنها حياتك يا فؤاد

فؤاد يضحك بهيستيرية .. ايه ده !! انتي هتقتليني ؟!!

مي .. انت لازم تموت لانك مصدر للشر وتدمير المجتمع كل همك الشهرة والمجد والفلوس حتي لو حساب الناس وألمهم وتعبهم .. انت هتموت يا فؤاد .. وعندما تصوب المسدس في وجهه لتقتله يدخل وائل

وائل .. لا يا مي اوعي تقتليه .. اوعي تضيعي مستقبلك عشان انسان حقير زي ده

مي .. مستقبلي ؟!! هو فين مستقبلي يا وائل ؟!! كله اتخلي عني وراح وانت اولهم

وائل .. انا اسف يا مي مكنتش اعرف الحقيقة لكن خالك اسعد جه وقال الحقيقة وانا رديتك تاني لعصمتي انا بحبك يا مي

مي .. مي خلاص مبقتش تنفعك يا وائل .. مي ضاعت خلاص

وائل .. لا مي عمرها ما تضيع .. مي قوية واقوي من كل حاجة ..اوعي تضعفي او تنهزمي مش دي دايما نصيحتك ليا ؟!! ايدي في ايدك يا مي وتعالي ننسي اللي فات ونبدأ حياتنا من جديد .. المستقبل لسة قدامنا وسيبي الحقير ده ياخد جزاته بالقانون .. واثناء الكلام يخطف فؤاد المسدس من مي ويضحك

فؤاد .. هههههه .. اخدت منك المسدس .. انا هقتلكم انتم الاتنين

مي .. انت مش هتقدر تقتلني .. انت هتقتل نفسك عشان لو مقتلتش نفسك هيتقبض عليك وهتتحاسب علي كل اللي عملته وهتتسجن وهيضيع المجد والشهرة وهيلاحقك الخزي والعار .. يعني ببساطة كل اللي عملته السنين اللي فاتت هيتهد علي دماغك يا فؤاد .. عشان كدا لازم تموت قبل ما يتقبض عليك .. المسدس في ايدك يلا .. الحق بسرعة قبل البوليس ما يجي .. وتبقي فضيحتك بجلاجل وسيرتك علي كل لسان

ولأن فؤاد تحت تأثير الدواء ويعتبر مغيب ولا يدري

فؤاد .. كلامك صح .. انا فؤاد لاشين اعظم طبيب في التاريخ وهفصل فؤاد لاشين وفجأة يطلق النار علي نفسه ... وتحضر الشرطة وفي المحكمة يذهب عصفور واسعد ليقولوا الحقيقة وبعد الادلة واقتناع المحكمة تقضي ببراءة مي من كل ما هو منسوب اليها ومعاقبة اسعد بالسجن ثلاث سنوات مع الشغل ومعاقبة عصفور بخمس سنوات مع الشغل اما فؤاد فتسقط عنه العقوبة للوفاه ويتصدر الخبر عناوين الصحف والمجلات وتتوالي العروض علي استضافة مي ببرامج تليفزونيه لتحكي للرأي العام مأساتها وتعود الي الكلية ويتم تكريمها من مجلس الجامعة وتعود الي احضان وائل لتكمل معه مشوار حياتها محاولةً ان تطوي تلك الصفحة الاليمة من حياتها والتي كان عنوانها حياتك ثمن عذريتي .. انتهت قصتي ولم تنتهي محبتي .


تمت

تعليقات

CLOSE ADS
CLOSE ADS
close