رواية زوج و4ضراير الحلقه الاولي بقلم هويدا زغلول
 |
الحما
اوعي تنسي اصلك يا بت ده انتي ب مكامله
تلفون بعتي أهلك وجيتي لابني يا بت لو كنتي نسيتي يا عين امك افكرك
هبه
حرام عليكي يا حماتي هو انتي كل يوم لازم
تفكريني بالموضوع ده
وقبل ما نبدا الحكايه اعرفكم بنفسي
أنا اللي بعت اهلي واشتريت حبيبي ب اسم
الحب وفي الاخر راح واتجوز عليا وفاكره
يوم ما روحت عند حماتي وخبط وهي قالت
الحما
يا ساتر يا رب مين اللي هيجيلنا في وقت زي ده افتح بسرعه يا محمود يا ابني
محمود
متخافيش يا ماما انا عارف مين اللي على
الباب وبعدها فتح ادخلي يا هبه بسرعه
الحما
ايه ده هبه انتي ايه يا بنتي اللي جايبك في وقت متاخر زي ده
هبه
ابويا بكره عايز يكتب كتابي علشان انسى محمود وانا مش هقدر اعيش من غير محمود
الحما
طيب يا بنتي وجايه لينا ليه هو احنا ناقصين مصايب
محمود
ارجوك يا امي بلاش الكلام ده انا اللي قولتلها انا لازم اتجوزها انهارده قبل النهار ما يطلع
الحما
انتم فاهمين يا ولاد انتوا هتعملوا ايه انتوا قد المشاكل اللي هتحصلكم اكيد يا بنتي ابوكي مش هيسكت لما يعرف
محمود
مش هيقدر يعمل معايا حاجه لان ساعتها هكون مراتي انا خلاص يا ماما قررت وهنزل اجيب الماذون وكان جارهم ماذون
وجه وكتب الكتاب وكان عامل يبص ليا نظرات
غريبه وبعدها مشي
الحما
طيب ابوكي لو جيتي دلوقتي هنعمل ايه
هبه
مش عارفه بس اهم حاجه ان انا مش هسيب محمود تاني ، وعدا كام ساعه وكلنا كنا
قاعدين في الصاله وفجاه الباب خبط
الحما
اهمجمه اهم شوفي المصايب بقى وهتقدر عليها ازاي يا استاذ محمود
محمود
خدي هبه وخشي جوه يا ماما مش عايز حد فيكو يخرج من الاوضه خالص ، وفعلا دخلنا وفتح
محمود وكان بابا
الاب
بنتي فين يا محمود لو عرفت ان انت عارف مكانها ومش عايز تقول ما تعرفش انا اعمل فيك ايه
محمود راح اقعد وحط رجل علي رجل وقال
ومين قالك ان انا هقولك مش عارف مكانها بنتك في اوضه نومي جوه
الاب
ويا خسيس انت ما تعرفش انا هعمل فيك ايه
محمود
اهدى بس يا عمي احنا لسه على الصبح كتخليش الجيران تسمع بينا انا كتبت على بنتك وخلاص هي بقت مراتي مش هتخرج من البيت ده
الاب
اه يا كلب تعمل فيها كده
محمود
والله بنتك اللي جات لحد عندي وقالت لي لازم اتجوزك اقولها لا يعني وقام وقف وقال شرفت يا عمي وجودك في البيت مش مقبول
الاب
طيب ارجوك يا ابني خليها ترجع معايا وانا موافق على جوازكم بس خليها تخرج من البيت قدام الناس كلها
محمود
لا مش هيحصل كده وهتمشي من غيرها
الاب
هو انت ليه يا ابني عايز تكسرني كده
حرام عليك قولتك خليها تيجي وهات الماذون
وتعالي
محمود
ماذون ايه يا عمي بقولك انا خلاص اتجوزت بنتك ماذوني ايه اللي انا هجيبه
الاب
وأنا مش هامشي من هنا الا لما اخد بنتي
ومهما يحصل بقي أنا مش هتحرك وبعدها
محمود قال
محمود
يا هبه يا هبه اخرجي تعالي ما تخافيش
وبعدها خرجت بابا عايزك تروحي معاه وقال يعني اجيب ماذون كده وكده واجي اطلبك منه انتي موافقه ، وفي الوقت ده حسيت نظره عين
ابويا بتقولي والنبي وافقي بس انا قولت
هبه
لا يا محمود احنا خلاص اتجوزنا وانا مش عايزه اخرج من البيت ده خالص
الاب
معقول يا هبه تعملي فيا كده يعني انا كنت غلطانه لما كنت خايف على مصلحتك يا بنتي ارجوك تعالي ومش هعملك اي حاجه والله هيجيب هو الماذون بالليل وهتمشي معاه
هبه
لا يا بابا خلاص انا و محمود اتجوزنا وانا مش هسيب بيته وامشي
الاب
براحتك يا هبه بس علشان اللي حصل ده انت ولا بنتي ولا اعرفك وانا عايزه اشوف وشك ثاني وحتى بعد ما اروح مش عايز تمشي في جنازتي
محمود
شرفت والله يا عمي طيب كنت اقعد اشرب شربات الفرح على الاقل ، وبعدها بابا مشي
وانا كنت حاسه انه هيقع وهو ماشي
هبه
تفتكر يا محمود لو كنت روحت معاه كان هيخليني فعلا اتجوزك والله انا حاسه انه طيب قوي في اللحظه دي
محمود
ده تمثيل والله يا حبيبتي لو كنت روحتي هناك كان هيفضل يعمل اي حاجه علشان يطلقني منك انت ترضي تعيشي من غيري برده
هبه
لا والله يا محمود بس ما تخلينيش اندم على الموقف اللي انا عملته ده
محمود
اخص عليك يا حبيبتي وانا ليه غيرك برده
وعدا يومين ولقيت حماتي داخله الاوضه وبتقول
الحما
ماتقومي يا بت الشقه عايزه تتروق بنت
اختي جايه عندنا ولازم تظبتي البيت كله
وانا قومت وقولت
مجمع الروايات الكامله من هناااا
إللي عاوز يوصله اشعار بتكملة الروايه يعمل إنضمام من هنا
تعليقات
إرسال تعليق