سكريبت لانك محبوبي الفصل الاول بقلم نشوه عادل
 |
"اذكروا الله وصلوا على سيدنا محمد 🌺"
-اعملى حسابك من النهاردة مفيش نزول للكلية تانى انتى هتيجى تشتغلى فى قصر المهدى من بكرة
= الكلام ده تقوله لما تكون انت اللى بتصرف عليا يا جوز امى ومتنساش نفسك انت قاعد هنا فى شقة ابويا الله يرحمه وطول ما انت ضيف هنا متتشرطش عليا
رفع ايده وكان هيضربها بالقلم لكنها مسكت ايده وقالت: لاااااا يا عم فوزى فوق لنفسك البنت اللى زمان كانت بتضرب وتسكت خلاص ماتت وادفنت من هنا ورايح الوضع اتغير قرارى من دماغى بدل ما اطردك من هنا
فوزى بغضب: انتى بتهددنى يا بنت سميحة
= اعتبره تحذير اخر تحذير وبعد كده هنفذ ع طول اصل انت مش واخد بالك ان بابا كان كاتب ليا الشقة باسمى ودلوقتى انا عمرى بقى 21 سنة يعنى بلغت السن القانوني ومحدش بقى واصى عليا يعنى عاوز تفضل هنا مع مراتك اهلا وسهلا مش عاوز اتفضل خدها وامشى
فوزى بتهكم: شايفة تربيتك يا ست سميحة وصلت لفين
سميحة: حقك عليا والنبى يا اخويا انا فعلا معرفتش اربى عليك العوض ومنك العوض يارب بقى انتى يا بنت امبارح بتهددى الراجل اللى فى مقام ابوكى!
=متقوليش فى مقام ابوكى انا لو ابويا الله يرحمه كان عايش مكنتش هتبهدل واتذل وانزل اشتغل من وانا فى اعدادى واشيل مسؤلية نفسى وفى الاخر الباشا جاى يقولى ع اخر الزمن انى هشتغل خدامة فى البيوت لييييه؟ وانتى يا امى يا اللى الجنة تحت رجليكى عمرك ما فكرتى فيا ولا اهتميتى بيا كل تفكيرك كان فى نفسك وبس روحتى اتجوزتى بعد ابويا ما مات بست شهور ودخلتى عليا راجل غريب وياريتك عرفتى تختارى.. المهم انا قولت اللى عندى من هنا ورايح محدش ليه دعوة بيا منكم انتم الاثنين سامعين
سابتهم الاثنين بيبصوا لبعض بدهشة من تصرف روضة .. دخلت ع غرفة اختها الصغيرة الغير شقيقة ذات السبع اعوام وكانت اسمها رنيم وهى احب الناس لقلبها احتضنتها بشدة
رنيم: مالك يا يوضة(روضة) كنتى بتزعقى ليه؟
روضة بابتسامة: ابدا يا حبيبتى مكنتش بزعق ولا حاجة بصى كده جيبتلك ايه!
رنيم بفرحة: الله شوكلت بابلى ... باستها من خدها وقالت: احلى يوضة بالدنيا كلها حيبك اد البحى بسمكاته
روضة: وانا بحبك اد السما بنجومها يالا بقى يا قمر تعالى اوديكى الدرس وانا رايحة الشغل ولما الدرس يخلص ترجعى ع البيت ع طول اتفقنا!
رنيم: اتفقنا
اخذتها روضة ونزلت من البيت اما فوزى بعد ان غادرت دخل الى غرفته وعمل اتصال
فوزى: رفضت يا باشا
مجهول: يعنى ايه رفضت؟ انت مش قولتلى انك تقدر تخليها تشتغل فى القصر غصب عنها؟!
فوزى: والله حاولت بس اتفاجئت بيها النهاردة........... وحكى له ما حدث
مجهول: امممممم حلو اوى ع العموم اقفل وانا هتصرف
اغلق المجهول المكالمة وتوعد: مش انا اللى اعوز حاجة وتستعصى عليا يا ست روضة
فى كافيه وصلت روضة عشان تستلم الشيفت بتاعها وكانت لديها صديقة اسمها حنين مقربة ليها جدا اخدتها ع غرفة تبديل الملابس فارتمت روضة بأحضانها وظلت تبكى الى ان اكتفت
حنين: خدى اشربى المياه وقوليلى ايه اللى حصل؟
حكت لها روضة كل شئ فأكملت حنين: برافو عليكى والله هو ده اللى كان لازم يحصل من زمان انك توقفيه عند حده بس تعالى هنا جيبتى الجرأة دى منين ها (وغمزت ليها)
روضة بتوتر: يعنى ايه تقصدى ايه بالظبط؟
حنين بخبث: يا بت ع ماما يعنى كابتن اياد ملوش تأثير كده ولا كده 😂
روضة: بطلى رخامة وخلينا نطلع لشغلنا قبل ما مستر عاطف يطردنا احنا الاثنين
بالفعل اتجهوا لعملهم ... فى المساء ع احدى الطاولات بالكافيه جلس شاب فى بداية الثلاثينات من عمره يراقب روضة بابتسامة ثم همس لواحد من الجرسونات: عاوز واحد اسبريسو وياريت تخلى الانسة اللى هناك دى اللى تجبيه
الجرسون ويدعى غازى: حاضر يا فندم
احضر غازى القهوة وقال لروضة: معليش يا روضة خدى القهوة دى وديها ع ترابيزة 8
روضة: وانا مالى يا ابنى انا معايا اوردر بنزله
غازى: هاتى ام الاوردر ده انا هوديه وانتى ودى القهوة زى ما طلبت منك
روضة بعدم فهم اخدت منه القهوة وراحت حاطتها امام هذا الشاب اللى قال: حلوة اوى القهوة
روضة رفعت عيونها وبصدمة: انت😳وووووو......
ياريت يا جماعة بدل الكومنتات بأب او تم تكون ذكر لله او صلوا ع الرسول ﷺ بكده تاخدوا حسنات وتعطونى برضه وكمان رأيكم مهم جدا لانه بيحفزنا ككتُاب اننا نكمل❤
مجمع الروايات الكامله من هناااا
تعليقات
إرسال تعليق