رواية رجال لايهابون الحياه مقدمه والفصل الاول بقلم سلمي سمير رواية رجال لايهابون الحياه مقدمه والبارت الاول بقلم سلمي سمير رواية رجال لايهابون الحياه مقدمه والجزء الاول بقلم سلمي سمير

 رواية رجال لايهابون الحياه مقدمه والفصل الاول بقلم سلمي سمير 

رواية رجال لايهابون الحياه مقدمه والبارت الاول بقلم سلمي سمير

رواية رجال لايهابون الحياه مقدمه والجزء الاول بقلم سلمي سمير

الاب ابراهيم ذهني صاحب مجموعة اقتصادية كبري

الابناء بالترتيب

احمد ابراهبم ذهني / رجل اعمال ومتخصص في البورصة

محمود ابراهيم ذهني/ مهندس ومسؤول عن مصانع المجموعه

يوسف ابراهيم ذهني/ طبيب ويدير مستشفي المجموعة

فرح ابراهيم ذهني/ خريجة اعلام والمسؤوله عن الدعاية والاعلان بالمجموعة

رائف منصور ذهني / مدير العلاقات العامة بالمجموعة 

مى علوى / صديقة للعائلة 

ابطال خارج العائلة واهالي الحارة

طارق خليل مهندس شاب مكافح 

رحاب سعد بنت الجيران

مريم خليفة صاحبة مشغل 

نجلاء رضوان طالبة بكلية طب الاسنان

المعلم حفني كبير الحارة

محروس عامل بالمشغل

انطلاقة

البارت الاول

_ _ _ _ _  _ _ _ _ _ _ __ __ __ _ _ _

كن لابنك معلما و هو طفل ، وصديقا حين يكبر، أحبب أولادك بقلبك وأدبهم بيدك  واجعل من نفسك صديق واخ لهم

هذا كانت كلمات ابراهيم ذهني الدائمة لابناءه الاربعة، والتي شابا علبها الي ان كبرو واصبحو رجالاً  يعتمد عليهم

من داخل فيلا العنود مقر افامة عائلة ابراهيم ذهني

سميت  الفيلا  بهذا الاسم نسبة الي والدة ابراهيم ذهني وقد اطلق ابراهيم هذا الاسم علي الفيلا اعترافا بحسن تربية امه له والتي عاشت ارمله  من اجل ان تربي اولادها بدون جميل من احد  ،فعملت في اعمال كثيرة وذاقت مر الفقر والاحتياج   الي ان كلل الله  تعبها في تربيتهم فاصبح منصور اخية الاكبر مهندس كبير وابراهيم  ثار من اشهر رجال الاعمال والاقتصاد   بالدولة وكل ذلك بدعاء امهم لهم 

في صباح احد الايام المشمسة كانت الفيلا بها حركة غير طبيعية بسبب اصابة ابراهيم مره اخري بازمة قلبية حادة

وبعد اجراء الاسعافات الاولية   تم نقله علي وجة السرعه الي المستشفي الخاصة لوضعه تحت الرعاية الصحية"

انتظره اولاده الاربعة وزوجته دولت خارج غرفة الرعاية لا يردون ان يبارحو مكانهم دون ان يطمئنو عليه 

خرج من عنده  الطبيب المسؤول عن حالته ليطمنهم "

للاسف كنت نفسي اطمنكم بس قلب والدكم تعبان جدا ومحتاج عملية زراعة قلب في اسرع وقت 

تقدم احمد ابنه البكر من الطبيب وعينه تملاءها الدموع وبرافقته اخية  يوسف الذي قال له بثقه وحزم "

اعمل اجراءاتك يا دكتور مختار ،وجهز بابا للجراحه القلب متوفر وان شاء الله هيوصل  خلال نص ساعه 

مسد  احمد كتفه اخية  بقوة واردف "

زي ما الدكتور يوسف قالك يا دكتور مختار ابدأ في تجهيز بابا وان شاء الله لمهارتك وخبرتك العملية تنجح 

ولو عايزنا نسافر بيه بره احنا مستعدين  طائرة طبية  خاصه مجهزه بكل ما يلزم بس انت اختار الاصلح لبابا

تنهد الطبيب مختار وابتسم لهم بود"

تمام انا هطلب من الفريق الطبي المختص لاجراء الجراحه  يستعد وهنبدا فوراً بعمل كل التحاليل اللازمة ، لحين حضور  تلاجة  نقل القلب 

ليشير اليهم  بيده اتجاه الاستراحه هاتفا بجدية"

اتفضلو انتو  انتظرو في الاستراحه،  علشان نقدر نشوف شغلنا وقفتكم هنا ملهاش لازم

لتشهق فرح ببكاء شديد وانهيار تام "

ارجوك يا دكتور قولي ان بابا هيقول ليتا بالسلامه،  

احتضنها اخيها محمود بقوة دافعاً راسها في صدره"

بابا هيقوم بالسلامه يا فرح متقلقيش ، ياما عدت عليه محن وصعاب وعداها بسهوله المهم اننا كلنا نفضل ايد واحده ندعيله يقوم لينا بالسلامه 

يلقي نظرة علي امه الساكته بوجوم وحزن كبير ولا تبكي  او لتعبر عن حزنها  او تخرج ما بداخلها من الم فشعر عليها ابنها بالقلق خوفا من انهياره فجاة ليقول لاخته برجاء"

عايزك تبقي قوية علشان خاطر ماما مش عايزين نخسرها 

كفكفت  فرح دموعها وقبلت خد اخيه بحب"

حاضر يا محمود انا هروح اقعد معاها، وان شاء الله بابا هيخرج لينا بالسلامه صح يا محمود قلبي بيقولي ان هيقوم لينا، وانا عندى ثقه  في قلبي ربنا  كبير اوووي

زينت محياه الوسيم شبه ابتسامه حزينه وقبل مفرق شعرها"

ان شاء الله با حبيبتي يلا روحي خدى ماما وصلو ركعتين لله  وادعو لبابا بالشفا 

تركته فرح لتجلس بجوار امها الشاردة في ذكرياتها مع زوجها الحبيب ابراهيم الشاب العصامي الذي كون ثروته من العدم

لتعود الي ثلاثين عاما خلت حين تقدم ابراهيم  الي ابيه طالبا يدها  وهو مازال طالب بكلية التجارة 

وذلك خوفا من ان يزوجهها ابيها الي ابن اخية الذي يعمل في الخليج، وقد تقدم اليه اثناء اجازته السنوية يريد ان يتزوجها وياخذها معها لتعيش بالخارج 

كانت دولت لاتزل تدرس هي الاخرة وحين عرض عليها ابيها الامر رفضت لحجتها اكمال تعليمها

ليضح ابن عمها حجتها ووعدها ان تكمل تعليهم في ان تنزل سنويا لاداء امتحاناتها ، علي وعد  بان تكمل كيفما تشاء من التعليم، ليوافق ابيها علي هذا الاقتراح 

لتتاكد دولت انها لن تستطيع ان تخرج من هذا الورطة لتلجأ الي حبيبها ابراهيم الذي سبق وعدها بالتقدم اليه بعد تخرجها

لكن تاتي الرياح بم لا تشتهي السفن ويرغم ابراهيم علي التقديم اليه حتي وهو لا يزال يدرس  لا يزوجها ابيها الي ابن اخية الجاهز مادياً 

لم تنسي كيف كان رجل وتمسك بها  وتحدى ابيها ووهدده بان لم تكن له لن يسمح تكون لغيره، وسيجمعهم الموت سويا 

_ _ _ _ _   _ _ _ _ _ _ __ __ __ _ _ _

فلاش باك..........

وقف ابراهيم امام ابيه متحديا بعد رفض طلبه "

عمي رفعت انا مش جاي اطلب بنتك كاي شاب بيطلب بنت ويقدم لها كل المغريات والامال

انا جاي اقدم ليها مستقبل شاق ومشاركة في حياة قادمه من الطموح والامال ،، لو وافقت انا مش هطلب منك غير انك تسعدني بالزوجة اللي تشاركتي نجاحي وبناء مستقبل مشترك علي الحلوة والمرة، لو شايف ان استحقها وانا الراجل اللي هيصون امانتك اللي هتودعها عنده

وافق واوعدك مش هتندم ، لكن لو رفضت ده حقك ومش هلومك لانك اب واكيد هتختار الاصلح ليها ولحياتها من وجهة نظرك،لكن في كلمة اخيرة لازم تعرفها واعذرني فيها 

لاني بدافع عن حياتي ومستقبلي باللي هعمله

لو اصريت علي رفضك وفكرت تجوزها لغيري، انا هضحي بمستقبلي واحلامي وهخدها للموت اللي هبجمعاً للابدا 

حدبه الاب بنظرة غاضبه حادة وصاح فيه"

انت بتهددني يا ابراهيم وفي بيتي، طيب عليا الطلاق بالثلاثه

يضع ابراهيم يداه علي اذنه كي لا يسمعه حكمه عليه بالموت بتحريم بنته عليه 

ليسمع ضحكة ابيها تعلو صاخبة"

بتهددني وخايف ياتري من قراري ولا من نفسك لانك متقدرش توفي بوعدك وتقتل بنتي بيدك

مسد ضهره بقوة وحنان"

انت راجل يا ابرهيم ومفيش حاجه بيتمناها الاب غير انه يدى بنته لراجل يحافظها ويصوتها ويقدرها 

طالعه ابراهيم بعين زائغة وانفاس مقطوعه من فرط الحماس لثناء ابيها عليه ليسالها بحيرة"

افهم من كده انك موافق، لو فعلا موافق كنت بتحلف بيمين الطلاق ليه

غمغم  في الكلام واكمل قائلا "

والله يا عمي  انا فعلا الموت اهون عليا من ان دولت تكون لغيري، لو عايز تحطمني وتدمرني افتلني ارحم من انك تحرمني منها ...

جلس ابيها وقال بهدوء حذر"

انت لو صبرت كنت ارتحت انا حلفت بمين الطلاب علشان اقولك اني بنتي مش هتكون غير  ليكي 

انا موافق يا ابراهيم علي زواجك من دولت ، وانا واثق فيك انك مش هتخليني اندم علي قراري  مهما حصل

بس هو سؤال انا عارف ان اخوك منصور عايش هو مراته معاكم غير والدتك معقول هتجوز وتعيش معاهم انت كمان

ابتسم ابراهيم بثقه "

لا طبعا يا عمي ، انا اتفقت مع صاحبي علي يأجر ليا شقته

لحد ما اشوف مكان ليا غيره، وقبل ما تسال وعلي هيروح فين هجاوبك، علي سافر الصعيد مش هيرجع غير وهو متجوز ومخلف يعني اقل حاجه سنه، هكون اتخرجت وهقبض مرتب كامل من المصنع اللي كنت شغال فيه نص دوام علشان كده كنت بقبض نص المرتب

القي ابراهيم نظرة ثاقبه علي حماه يستشف منه راية ليراه مكفهر الوجه حزين يرتبك ويقول بتردد"

لو شايف ان  فيه ظلم لدولت، انا كل اللي بطلبه منك ست شهور اخلص دراستي واستلم شهادتي وبعدها اوعدك هنفذ اللي يرضيك علشان تضمن مستقبل بنتك حتي لو علي حسابي انا كل اللي يهمني دلوقتي رضاك عليا

لانت ملامحه واؤما اليه بطريقة تبعث عن الرضي واردف"

اسمع يا ابراهيم انا معنديش غير دولت بعد اخوها حسين ما سافر ويا عالم هيرجع ولا لاء ، وبصراحه انا مقدرش استغني عنها هي كمان ، من رأى تتجوزو وتعيشو معايا بدل ما اعيش لوحدى الباقي من عمري

صحيح كنت موافق اجوزها ابن عمها وتسافر معاه ،بس كنت شايف ده لمصلحتها كل اللي كان يهمني اعطيها لراجل يصونها واطمن عليها معاه

وابن عمها كان اولي بيها حتي لو اتحرمت منها

لكن مدام لقيت الراجل اللي يستحقها ليه احرم نفسها منها واني اكون جزء من  مستقبلها معاك

جلس وطلب من ابراهيم ان يجلس بجواره ليكمل حديثه"

اسمع يا ابراهيم انت المطلوب منك تجيب ليها اوضة نوم جديد وانا هجهز الشقه وباقي العشف هدية مني ليكم، وتجهز نفسك علي ان زفافكم هيكون بعد امتحاناتك 

عايز افرح بيكم وباولادك ،وكفاية انك هتكون قريب من اهلك تودهم وتبر بامك ومراتك بعد الجواز تروح وتخدمها لو احتاج الامر، المهم ان يكون علاقة النسب ببنا فيها موده ورحمة

وافق ابراهيم مرحبا بعرض حماه السخي له ،يكفيه ان حبيبته ستصبح زوجته وشريكة عمره

وتمر الايام وينتهي ابراهيم من امتحانات السنه النهائية ،ويتم الزفاف وبعد فترة تظهر النتيجه نجاح بتفوف

ليلتحق بالعمل باحد مكاتب المحاسبة ،وبالمبلغ الصغير الذي كان يدخره من عمله اثناء الدارسة اشتري بيهم بضع اسهم في البورصة وصبر عليهم طويلا وتناسهم في خضم الحياة ، وبعد

ثلاث سنوات من زواجه، قد رزق الله خلالهم بابنه البكري  احمد ، وبعده بسنه رزقها الله بولده محمود الذي كان يوم وولادته بداية الخير

حين زف اليه خبر الاسهم التي اشتراها من سنوات وصلت الي  سعر خرافي بالبورصه ومن هذا اليوم اصبح الثراء حليفه،

وكان يشترو  الاسهم الجديدة ويصبر الي ان  تعلي وتكون ذات نفع ويقوم ببيعها وبعد مرور خمس سنوات كون المليون الاول  الذي كان اصعبهم لتزيد الملايين وبعد عشر سنوات زواج  كان الله رزقه بيوسف وفرح ليشكر الله علي عطاءه

في ان وهبة المال والبنون

وبدا بعدها في تاسيس اول شركات مجموعتة الاقتصادية وبعد مرور ٢٥ سنه اصبح من اقوى رجال الاعمال واكثرهم تاثير علي الاقتصاد المصري بمجموعات شركاته

وفي اثناء طموحه تدهورت صحته وعاتي قلبه من المجهود الكبير الذي جعله في ضغط كبير طول سنوات لينهار  فجاة 

بازمة قلبيه حادة  علي اثارها اكتشف ان قلبه في حالة سيئة لتبدا عملية البحث عن متبرعه لزراعة قلب ومن يومان فقط عثرو علي قلب متطابق لكن  ابراهيم تعرض لازمة اخري اشد وطأ

فهل سينجو باحراء الجراحه ام تفقد دولت شريك حياتها هذا ما ستجيب عنها الاحداث ..... باك

عادت دولت الي الواقع علي صوت ابنها يوسف الذي كان يرتدى زي العمليات بسبب حضوره اجراء الجراحه لوالده

نظرت البه دولت بعبن تملاءها الدموع لتساله برجاء"

طمني يا يوسف  العملية نجحت وبابا عامل اية

يجلس يوسف امامها بوضع القرفصاء ليريح راسها علي يدها يبكي بحرقه، جذبت دولت يدها من تحت راسه وصرخت بالم

لاء لاءلاء ابراهيم مماتش فاهم  ابراهيم مماتش

ثم صرخت صرخه خلعت قلوب كل من سمعها وجعلته يرتجف من شدة وجعها والالمها "

ابراهيم.......

لتنهار فجاءة ويغشي عليها ا وينقذها يوسف قبل ان تقع ارضا، وبحملها وقلبه ملتاع علي حزن امه الحبيبة....

_ _ _ _ _  _ _ _ _ _ _ __ __ __ _ _ _

استفاقت دولت لتري اولادها جميعا يلتفون  حولها، وعلي ملامحم تجسد الخوف والفزع  وشئ اخر لم تفهمه، تفحصت نظرات الساكنه  بريبة وسالتهم"

انتو هنا ليه ،بتعملو ايه ولبه محدش منكم طمني علي بابا

وانت يا يوسف قولي كنت مع باباك بغرفة العمليات عملت فيه ايه ، سابيته يضيع منك كده بسهوله

جثت فرح بجوار سريرها واخذت يدها وقبلتها بقوة واردفت"

ماما بابا بخير والحمد لله  العملية نجحت ، وانت بقالك ٣ ايام في غيبوبة، وكل خوفنا كان من ان  بابا بفوق ويسال عنك

ممكن يا ست الكل تقومي لينا بالسلامة ،كفاية الرعب اللي عشنا فيه مرة بمرض بابا ومره بمرضك 

ابتسمت دولت وحاولت ان تنهض ليساعدها محمود واحمد ووضع  يوسف خلفها وسادة لتتاك عليها ،تشبثت بيوسف وامسكت يده وسالته"

يوسف انت عمرك ما كذبت عليا قولي ان بابا بخير زي ما فرح بتقول ،واكد ليا انه مش كلام وبس  بتقوليه فرح علشان اخف

قبل يوسف يدها وشد عليها بحرارة"

والله يا ماما بابا بخير ومش كده وبس الدكتور اكد ان لما يقوم بالسلامه،هيبقي ولا ابن شاب في العشرين

ليضحك بصخب ومرح"

خلي بالك بقي ليتجوز عليكي يا جميل وانت عامله تعبانه 

قرصته من اذنة وجذبته الي حضنه ونزلت دموعها الساخنه علي راسه واردفت"

مش مهم اي حاجه لو عايز يتجوز هجوزه بس يقوم لينا بالسلامه وينور حياتنا من جديد

ام انت عايز الضرب لانك السبب في اللي حصلي لما جيت ليا  بالاستراحه وعيونك كلها دموع خليتني اقول بابا مات

رفع يوسف راسه عن صدر امه ونظر اليه بثقه"

ياماما انا كنت فخور بنفسي اني ساعدت في انقاذ بابا ، مش ان شر صابه ملحقتش ازف ليكي خبر سلامته وانهارتي 

ضمها يوسف الي صدره واشارات الي اخوته لينضم  اليهم لتحتضنهم جميعا شاعرة بالسعادة لنجاة زوجها من الموت

_ _ _ _ _  _ _ _ _ _ _ __ __ __ _ _ _

بعد اسبوع  خرج ابراهيم من غرفة الرعاية واتاح للجميع زيارته،وكانت الافضلية لاسرته بعد ان  استطاع اولاده منع نشر اي خبر عن حالته الصحية 

كان اول يوم زيارة  لقاء ساخن بين دولت وابراهيم الذي تحدى كل التحذيرات الطبية واحتضانها بقوة ورفض ان يتركها وطلب بوضع سرير لها بغرفته، لتصبح دولت  مصدر سخرية ابناءه بسبب حب ابيهم الجارف له 

وبعد اسبوعين من الاجهاد النفسي والضغط الغصبي بسبب القلق والخوف ، يعود ابراهيم الي فيلا العنود

لكي تجتمع الاسرة اخيرا  من جديد وكان معهم  ابن اخيه رائف الذي كان  زائراً دائما اليهم 

اجتمع ابراهيم بابناءه وقد طلب منهم ذلك كي يضع النقاط علي الحروف في مستقبل هذا العائلة

جلس ابراهبم خلف مكتبه وطلب من زوجته وشريكة عمره ان تجلس بجواره لانه بيستمد قوته من وجودها بجواره

ليقول لابناءة المنتظرين علي عجل معرفة سبب الاجتماع"

انا جمعتكم النهاردة لان تعبت ٣٠ سنه من الشقاء والسعي لتحقيق ثروة وكيان للعيله وجه الوقت انكم تكملو المسيرة

نهض احمد وقال لابيه "

بابا انت بتقول كده ليه ، وجودك هو الدافع لينا للنجاح، كلامك بيقول انك هتتخلي عن مكانك في ادارة المجموعة  ممكن نعرف السبب وليه دلوقتي بعد ما استقرت حالتك الصحية وبقي في تحسن واضح 

احتضن زوجته رفيقة عمره من كتفها وضمها الي صدره"

محتاج اعيش حياتي مع الانسانه اللي تعبت معايا كتير، نفسي ارتاح واتتمتع معاها الايام او السنين اللي فضاليلي من عمري

كتير عليا، ده غير انكم بقيتو رجاله  وكل واحد معاه بدل الشهادة اتنين وثلاثه واظن ان الاوان  تتحملو المسؤولية 

_ _ _ _ _   _ _ _ _ _ _ __ __ __ _ _ _

نهضو جميعا ليقبلو يد ابيهم ويشكروه لثقته فيهم ويتعاهدون علي ان يكون له رجالاً يتحملون المسؤولية بحق

ترك ابراهيم لابناءه كل مقاليد العمل في مجموعة شركاتهم

واخذ زوجته وسافر للاستجمام بحياته التي اضاعها سنواتها في التعب والاجتهاد في سبيل تحقيق طموحه ونجاحه

كان اعتزاله للعمل  بسبب تحذير الاطباء من تدهور حالته الصحية مره اخره بسبب الضغوط النفسية والعصبية التي تخلقها ضغوط العمل لذلك فضل ان يترك كل ثروته لاولاده  وهو حي حتي يكون لهم المرشد وقت الحاجة

وبعد مرور ثلاث اشهر عاد ابراهيم الي  ارض الوطن لكي ينصدم بان ابناءه كادو ان يضيعو  كل تعبه وشقاؤه في بناء عمله الذي  اصبح علي شفير الانهيار ذلك لعدم خبرة ابناءة واعتمادهم الكلي علي شهادتهم العلمية دون تجارب تعطيهم الخبرة اللازمة لادارة ثروة كبيرة كثروة ابيهم  متناسبن ان  الخبرة عامل اساسي لانجاح اي عمل مهما كان حجمه

 ما ان وصلت جمعهم للمرة الثانية وكانت حاسمه حين واجههم باخطائهم وكيف كانت السبب في تدهور وضع شركاته قائلا له كلمته الشهيرة

الخبرة ليست نتاج التعليم، إنما هى نتاج مسيرة طويلة من الإحاطة بالحياة.

لكي يتفاجاء بان ابناءة لا يعترفون بالخبرة كعامل للنجاح ليعنفهم ويضرب  لهم امثله كثير  تؤكد كلامه

لكن العناد والمكابرة كانت  ردهم عليه، عندها رأئ  ان ابناءه فقدو القدرة علي التفرق  بان  نجاح النفس وتقويمها يجب ان يكون الدافع للنجاح في العمل ، هذا ما جعله يقول لهم موضحًا  أراءة الحكبمة  بدرس لم يتعلنوه في حينه !؟

طالبا منهم الصبر علي انفسهم وان يستزيدو من خبراتهم  ومهاراتهم، بان  يثتسمرو في انفسهم قبل عملهم ، مؤكدا 

انه  لا يوجد أعظم من الاستثمار في النفس.،

لهذا كان قراره الذي ضربهم في مقتل حين قال بتصميم"

من النهاردة كلهم.......

••••••••••••••••••••••••••••••••••••••••••••☆

الفقير ليس بالضرورة من لا يملك المال، فهناك فقراء تربية، وعقل، وأخلاق.

كان صدمت ابراهيم في ابناءه فوق تصوره ليقرر ان يتركو كل مناصبهم واعمالهم في مجموعته وبعود الي وضعهم السابق

وزاد علبهم بان جردهم  من كل ما يملكون كان شرطه الاساس  للعودة الي مناصبهم  اثبات نجاحهم بشهادتهم وان فشلو  سيكون فشل نسبي لانهم سيكتسبون الهبرة من معترك الحياة

ثار الابناء علي ابيهم  لجفاء معهم وعدم اعطاءهم الفرصة لاثبات نجاحهم 

ليكون رد الاب اكثر حسم وشدة حين قال لهم"

انا خدت قراري ومش هرجع فيه اللي عايز يكون ابني وفي يوم يورث ثروتي او يكون جزء من العيله لازم ينفذ طلبه

تقدم احمد.اكبر ابناءه ونظرات التحدى تملاء عبناه ويقول"

وايه هو طلبك اللي بيه نكسب رضاك قبل ثروتك

ابتسم الاب بفخر لثقة ابنه في نفسه وحبه الخالص له ليقول.....

الفصل الثاني من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇