رواية أحببت زين الصعيد الفصل الاول حتى الفصل العاشر جميع الفصول كامله
 |
الفصل الاول
هتتجوزيه غصب عنك علشان نخلصو من التار ده
هي بعياط : يا بابا حرام عليك حرام عليك
ابوها: اشمعنا انا وبعدين ازاي انا دكتور اتجوز واحد صعيدي جاهل
ابوها ضربها بالقلم و مسك شعرها: اخرسي هتتجوزيه يعني هتتجوزيه
اخوها: يابابا سيبها بالله عليك
ابوها زقها بغضب: هتتجوزيه و اعملي حسابك الفرح الخميس الجاي
سابته و طلعت فوق تعيط بحرقه
اعرفكم (فرح في تالته كليه صيدله مختمره و غايه في الجمال)
امها خبطت عليها: حبيبتي قومي كلي اي حاجه علشان خاطري متوجعيش قلبي عليكي
فرح بعياط جامد: يا ماما علشان خاطري خليه يرجع في قراره مش هيخليني اكمل تعليم يا ماما ابوس ايدك
امها بدموع علي حالتها: والله اتكلمت كتير يا حبيبت قلبي و مرضاش يسمعني بيقول انا خايف علي اخواتك الرجاله مش هيستحمل خسارة واحد
فرح بزعيق و عياط: يعني يستحمل خسارتي انا هيرميني انا هتسيبوني معاهم
انا مش مسمحاكم كلكم مش مسمحاكم
يتبع
الابطال
(فرح 21سنه تالته كليه صيدله مختمره)
(زين الهواري 30 سنه كبيره البلد عنده شركه في القاهره)
الفصل الثاني
امها طلعت و هي حزينه عليها و هي فتحت الاب توب بتاعها و كلمت صحابها و هي بتعيط
واحده من صحابها و اسمها سيرين بحزن عليها: يا حبيبتي بطلي عياط كل حاجه هتتحل والله
صاحبتها التانيه مي: طيب اتكلمي معاه تاني
فرح بعياط: مش راضي يسمعني حتي
قعدو يواسو فيها و هما زعلانين عليها
جه يوم الفرح و كان شغال الطبل و هي بتعيط في اوضتها لبست و استنت العريس
و شويه و طلع ابوها ياخدها علشان يسلمها ل جوزها جه يقرب منها يحضنها بعدت عنه
ابوها يحزن علي حالتها: عارف انك زعلانه بس غصبن عني والله التار مكنش هيخلص غير لما تتجوزيه
فرح بضحكت استهزاء: غصب اه تمام يلا
نزلو و هي حطت الطرحه علي وشها علشان دي العادات في الصعيد ركبو العربيه و هي مكنتش شافت العريس وصلو القصر بتاعه
العريس (زين الهواري 30سنه كبير البلد)
نزلو من العربيه و دخلت فرح جوه استقبلوها بالزراغيط و العريس وقف بره مع اهل البلد يرقصو
امه و اسمها سميحه: تعالي يا مرت الغالي
قربت فرح منها و هي حضنتها و قالتلها: نورت بيتك يا غاليه
فرح: ربنا يخليكي يا طنط
سميحه: طنط ايه بقا قوليلي ياما او يا ماما كيف ما زين بيقولي
فرح في نفسها: و كمان اسمه زين
فرح: حاضر يا ماما
زين جه و باس ايديها كيفك يا ست الكُل
امه: بخير يا قلب امك يلا خُد مرتك و اطلعو فوق و الوكل هيكون هيطلع ليكم
زين باحترام: حاضر ياما
يلا يا عروسه
امه سميحه: يلا فين يا ولدي شيل مرتك ل فوق يلا
زين: حاضر يا ام زين و شالها و طلع فوق
حطها علي السرير و ده كله و هو لسه مشافش وشها
الباب خبط و كانت مرات عمه: يلا يا ولدي الرجاله مستنيين تحت
زين: مستنيين ايه
مرات عمه:العادات يا ولدي
زين فهم قصدها و زعق و قالها: عادات ايه و زفت ايه العادات دي مش علي مرت زين الهواري
و قفل الباب
الخدامه طلعت تقوله امه بتنادي عليه نزل لامه
خبط و دخل: تعالي يا قلب امك
زين: نعم يا حجه
امه: مرت عمك نزلت قالتلي علي كل اللي قولته فوق ينفع اكده
زين بهدوء: ياما انا مش عايز كده
امه: طيب يا ولدي زي ما تحب بس دي العادات
زين بتهيده: حاضر ياما
امه: يلا اطلع ل عروستك يا قلب امك و نسيت اقولك ان ستك جايه الصبح من بدري قوي و انت عارفها و قول ل مرتك
زين بضحك: يا مرارك يا زين والله ياما انا خايف علي البت اللي فوق دي من حريم العيله
امه: هقولها عوايدنا يا ولدي متقلقش
زين باس ايديها: ماشي يا ست الكل تصبحي علي خير يا ست الكل
امه: و انت من اهله يا حبيبي
زين طلع فوق فتح الباب و وقف مصدوم..
الفصل الثالث
زين طلع فوق فتح الباب وقف مصدوم
لقي فرح طالعه من الحمام ولابسه بيجامه بيضه ستان و شعرها مفرود و كانت غايه في الجمال
فرح بخضه: انت ازاي تدخل من غير ما تخبط
زين فاق علي صوتها و قفل الباب و قال: والله اظن دي اوضتي
فرح: و اظن انك معاك واحده في الاوضه
زين باستهزاء: والله علي ما اعتقد الواحده دي مراتي و بعدين انا واقف اضيع وقتي معاكي ليه ابعدي من طريقي كده
راح جاب موس من الحمام و جرح رجله
فرح بصدمه: انت عملت اي يا مجنون
زين مردش عليها و جاب الملايه و مسح رجله و حدفها مش الشباك و فجأه انضرب نار كتير و فرح اتخضت و جربت مسكت فيه
فرح: هو هو في ايه
زين: بص علي ايديها اللي مسكاه و قال: ولا حاجه
فرح بعدت عنه و هو دخل الحمام يغير هدومه
طلع و هو لابس بنطلون بس
فرح اتخضت و غمضت عنيها: انت يا بني ادم البس هدومك
زين مردش عليها و نام علي السرير ف قالت هي: استغفر الله العظيم انت يا عم انا هنام فين
فتح عنيه و قالها: علي السرير
فرح: هو فين مفيش غير سرير واحد و انت نايم عليه اهوه زين بضحك و بصلها: ما حضرتك هتنامي علي السرير ده يا ست الدكتوره و في حضني كمان
فرح بخضه: في حضنك ايه يا قليل الادب انا هنام علي الزفته الكنبه
و سابته و راحت تنام علي الكنبه لقت الي بيرفعها
فرح بخضه: يخربيتك نزلي
زين نزلها علي السرير و هي لسه جايه تقوم شدها و حضنها جامد و قال: نامي بدل ما والله اقوم اعمل حاجه هموت و اعملها و غمزلها
فرح خبطت وشها و قالت بصوت واطي: قليل الادب
زين: سمعتك علي فكره و هقوم اقصلك لسانك لو منمتيش
فرح: انا نمت اهوه
زين ضحك عليها و حضنها و نامو
قامو الصبح مخضوضين من الخبط علي الباب
فرح بخضه و مسكت فيه جامد: في ايه
زين بزعيق: مين الغبي ده
راح فتح الباب و لقي عمته اول ما فتح زرغتط: صباحيه مباركه يا غالي يا ولد الغالي
زين: الله يبارك فيكي يا عمتي
عمته: اومال فين عروستنا قومو يلا ستك جات تحت
زين: ماشي نص ساعه و جايين
عمته: ماشي يا ولدي
نزلت و زين قفل الباب لقي فرح راحت في النوم تاني حاول يصحيها مكنتش بتصحي
شالها و فتح الدش عليهم
فرح بخضه و مسكت في رقبته: عاااا بغرق بغرق
زين بضحك: بتغرقي ايه بس
فرح بعصبيه: هو في حد يصحي حد كده
زين بحده: فرح صوتك ميعلاش تاني و بعدين بقالي ساعه بقوم فيكي و انتي زي الميت*ه
خمس دقايق و تكوني واخده دُش و طالعه و سابها و رزع الباب
فرح خدت دُش و طلعت لقاته قاعد علي طرف السرير بصلها و سابها و دخل
غيرت و لبست عبايه نبيتي و طرحه و استنت يطلع
اول ما طلع بصلها و قالها: ادخلي البسي خمارك يا فرح و متنزليش من غيره ابدا
فرح: العبايه وسعه علشان كده لبست طرحه
زين: قولت البسي الخمار يا فرح
دخلت لبست الخمار و هو خلص و نزلو
اول ما نزلو الزراغيط اشتغلت و هو مسك ايدها و راح عند جدته باس ايديها و قال: نورتي البلد كلها
جدته: منوره بيك يا ولد الغالي و بصت علي فرح
فرح قربت منها و عملت زي ما زين عمل
زين بصلها و ابتسم
جدته ل فرح: مبروك يا عروسه
فرح: الله يبارك في حضرتك
عمته حضنتها و قالت: كيف القمر يابتي زين ما اخترت يا ولدي والله
و كلهم سلمو عليها و هي كانت مبسوطه
بنت عمته جاات و قالت: هي دي اللي متجوزها علشان الت*ار مش بطاله
فرح بصت ل زين وعيونها دمعت
زين بزعيق: رباب احترمي نفسك دي مرت كبير البلد
كانت رباب هترد سبقته جدته: و هي قالت حاجه غلط مش دي الحقيقه ولا ايه و بصت علي فرح بقرف
فرح استأذنت و لسه هتطلع زين مسك ايديها: اللي هيتكلم نص كلمه علي مراتي هقطع لسانه سمعتوو و بعدين قال بزعيق: ام صلاح (الخدامه)
نعم يا ولدي
زين: طلعيلنا الوكل فوق
ام صلاح: حاضر يا ولدي
و خد فرح و طلع
امه ل رباب: هو انتي لو مكنتيش سكتي كان هيجري حاجه ليه تنكدو علي الغلبانه دي
حماتها بزعيق: سميحه
سميحه: انا مش هسمح ليكم تحرقو دم الغلبانه دي كل شويه دا مرت ابني الي معنديش غيره
و قامت و سابتهم
عند فرح و زين
اول ما طلعت اتفتحت في العياط
زين خدها في حضنه: احم معلش انا اسف
فرح كانت ساكته و متكلمتش لحد ما بطلت عياط و كانت نامت زين قلعها الخمار و عدلها و قعد يبص علي ملامحها و قد ايه هي جميله طلع من شروده علي خبط الباب وكانت…
الفصل الرابع
طلع من شروده علي خبط الباب و كانت امه
زين: تعالي ياما
امه: مرتك فينها يا ولدي
زين: اول ما طلعنا و هي نامت والله تعالي ادخلي هصحيها
امه: لا يا ولدي متصحيهاش سيبها نايمه و تعالي تحت عايزاك
زين باحترام: حاضر ياما
امه نزلت و هو دخل لبس و نزل
راح اوضة امه و خبط علي الباب
امه: تعالي يا ولدي
زين: مالك يا حجه
امه بحزن: قول لمرتك متزعلش يا ولدي حقها عليا
والله انا دمي حرقني علي الغلبانه دي و علي قهرتها
زين: انا صالحتها يا ست الكل والله متقلقيش
امه بحزن: منهم لله يا ولدي والله نكدو علي البت
زين باس ايديها: مش مشكله يا ست الكل و هي شويه و هتصحي و هجيبها و انزل
امه: ماشي يا حبيبي يلا اطلعلها
طلع لقاها صحت و قاعده علي السرير
قعد قدامها و قال: حقك عليا
فرح ابتسمت و عرفت انه حنين مش زي ما بييان للناس انه قاسي: ولا يهمك انا مش زعلانه
زين: طاب يلا يا عروسه قومي البسي علشان ننزل
فرح: حاضر
قامت لبست و رجعت لقاته بيلعب في التليفون بتاعه قالتله يلا رفع وشه و نفخ و قال بعصبيه: الخمار يا فرح الخمار
فرح بضيق: يا زين العبايه وسعه عادي لو لبست طرحه والله
بصلها بصه دخلت جري تلبس الخمار و نزلو لقوهم كلهم تحت ما عدا امه
فرح بهمس: احم زين ماما سميحه فين
زين: امي في اوضتها تعالي هوديكي
وداها اوضه امه و خبطت
فرح: ماما انتي صاحيه
سميحه: تعالي يا قلبي يا فايقه اهوه
فرح دخلت و قعدت جنبها علي السرير سميحه طبطبت عليها و قالت: متزعليش من اللي حصل يا مرت الغالي هما اكده
فرح بابتسامه: عادي يا ماما انا مش زعلانه والله
سميحه بابتسامه: ماشي يا حبيبت قلبي انتي
و قعدو يتكلمو لحد ما زين خبط و دخل
زين: من لقي احبابه نسي اصحابه بقا
امه بضحك و حضنت فرح: دي حبيبت قلبي
فرح: ربناا ما يحرمني منك ابدا يا ماما
سميحه: حبيبتي انتي بتعرفي تطبخي
فرح بسرعه: ايوا بعرف
سميحه: اصل العادات اهنه لازم العروسه تطبخ العشا اول يوم
فرح بحماس: طيب عايزاني اطبخ ايه
سميحه: هتطبخي لحمه يا حبيبتي
فرح: ماشي يا ماما وريني المطبخ بس
ده كله و زين واقف فرحان ان امه حبت فرح
سميحه: مالك يا ولدي واقف اكده ليه
زين: ولا حاجه ياما
انا هطلع بره اشوف مصطفي و انتو تعالي يلا
طلعو بره و امه ورتها المطبخ و الخدم كلهم طلعو بره و قالتلها علي اللي تعمله و كانت كمية اكل كبيره علشان هما بيت عيله
فرح خلصت و كانت تعبانه جامد و هدومها اتبهدلت طلعت بره زين بصلها و قال: معلش ياما خلي الخدم يحطو الوكل عبال ما اقول ل فرح حاجه و خدها و طلع
قعدت علي السرير بتعب و زين راح طلعلها عبايه
زين: ادخلي خدي دُش شكلك تعبان
فرح بتعب: انا عايزه انام بس
زين: معلش غيري بس و ناكل و نطلعو نامي
فرح بتهيده: حاضر
خدت العبايه و دخلت الحمام
شويه و طلعت لبست الخمار و نزلو
سميحه: يلا يا ولدي الوكل جاهز
و قعدو كلهم علي السفره و كان زين علي راس السفره و امه علي جنب و فرح من الجنب التاني
سميحه: الله تسلم يدك يابتي الوكل كيف العسل
فرح بابتسامه: ربنا يخليكي ياماما
جدته بصوت عادي: ام صلاح هاتي الملح الوكل عادب ناقصه ملح
فرح بصت ل زين و سكتت ف رد زين: الوكل حلو قوي تسلم يدك يا حبيبتي
فرح ابتسمت خلصو اكل وطلعو
عند زين و فرح فوق
فرح اول ما دخلت اترمت علي السرير
زين ضحك عليها: قومي غيري و نامي
فرح قامت لبست ببيجامه سوده و عليها باندا
و راحت نامت و زين دخل غير و راح نام و اخدها في حضنه
قامت الصبح لقت نفسها في حضنه بصت علي ملامحه و قالت:انت جميل اوي و باسته في خده
لقاته فتح عينيه و كان صاحي
زين بخبث: كنتي بتعملي ايه
فرح بتوتر: هاا ولا حاجه
زين بخبث: يعني انتي مبوستنيش علي خدي دلوقت
فرح بتوتر اكبر: ان انا لا انت باين كنت بتحلم
زين بضحك: اه اه
فرح: احم سيبني علشان اقوم الا الاقي جدتك هتكسر الباب زي امبارح
زين ضحك بصوت عالي: طول ما انا هنا ماتنزليش غير اما ننزل سوا و نامي لسه بدري اصلا
فرح: زين سيبني اقوم لو سمحت
زين فك ايده من عليها: قومي ياستي هه
قامت بسرعه دخلت الحمام
خلصت وطلعت و هو دخل بعدها و بعدين لبسو و نزلو و فطرو و زين دخل المكتب يخلص شويه شغل
بنت عم زين الصغيره: انتي مرت عمي زين
فرح بابتسامه: ايوا يا صغننه مالك
البنت: حلي معايا الواجب ده هما بيقولو انك دكتوره صح
فرح بضحك: ايوا دكتوره تعالي نحلو سوا يلا
جات امها و اسمها صباح و خدت البت منها و قالت بصوت عالي: اياكي تقربي من بتي يا بت البندر انتي فاهمه
فرح: بنتك جاتلي احل معاها الواجب هو انا عملت فيها حاجه
صباح بصوت عالي و الكل طلع علي صوتها: و انتي تقدري اياك تعملي فيها حاجه
فرح بصوت عالي: لاااا بقا انتي زودتيها اوي انا عملتلكم ايه من ساعت ما جيت و انتو واخدين اعتراضي دا انا بقالي يومين بس هنا
زين: فرح اطلعي فوق
فرح بصله و لسه هتطلع
جه عم زين قال: في ايه اهنه
صباح بمسكنه: بنت البندر بتزعقلي ياخوي
عم زين بزعيق: اما قليلة الربايه صحيح بتزعقي ل مرتي
فرح وقفت و قالت والله ما حد قليل الربايه غيركو انتو عالم مش محترمه و لسه بتكمل كلام زين جه و راح ضاربها بالقلم ..
الفصل الخامس
زين ضرب*ها بالقلم و قال بزعيق: يلا فوق قولتلك
فرح طلعت و هي بتعيط جامد بعد ما طلعت زين قال بزعيق: قسما بالله اللي هيتكلم حرف واحد عن مراتي لاقطع لسانه و اوعكم تفكرو اني ضرب*تها علشان غلطت فيكم لا انا مراتي مغلطتش انا ضرب*تها علشان هي علت صوتها في وجودي و مسمعتش كلامي و لو اي حد غلط فيها ميلومش الا نفسه سمعتووو و سابهم و طلع من البيت كله
فرح فوق بتعيط انه ضرب*ها قدامهم و هي مغلتطش
جه الليل و زين مرجعش و فرح قاعده زي ما هيا تعيط عدي ساعه و لقاته جه و دخل غير هدومه و نام
و هي قامت غيرت هدومها و راحت علي الكنبه تنام
زين بص عليها و قال: تعالي نامي هنا
فرح مردتش عليه قام مسك ايديها و قالها: انا بقولك تعالي نامي هنا
فرح بصتله و زقت ايده و راحت نامت علي السرير و هو نفخ و راح نام جنبها و حضنها و همس جنب ودنها: انا اسف
فرح بصتله بدموع و غمضت عنيها و نامت و هو كمان نام
قام الصبح ملقهاش جنبه لقاها طالعه من الحمام و مبصتلوش قام هو كمان دخل الحمام و خلصو و نزلو
فرح كانت ساكته طول اليوم متكلمتش مع حد غير ام زين و كمان متكلمتش معاها كتير
سميحه امه: زين تعالي عايزاك يا ولدي
زين قام راح معاها و دخل اوضتها
امه: انت ومرتك متخانقين صح
زين بتنهيده: ايوا ياما
امه: انت الغلطان هي مش غلطانه و لو النهارده مصلحتهاش والله لازعل منيك و مش هكلمك ابدا
زين باس ايدها: حاضر يا ام زين
امه: يلا خدها و اطلع
و طلعو قعدو شويه و هو قالها: تعالي يا فرح عايزك
طلعت معاه من غير ولا كلمه
زين: هنفضل متخاصمين كتير
فرح بصتله و سكتت ف اتكلم هو و قال: بصي انا عارف مكنش ينفع امد ايدي عليكي بس انتي مكنش ينفع تعلي صوتك في موجودي و كمان اقولك اطلعي فوق تعاندي
فرح انفجرت فيه: يعني كان ينفع عمك يقولي انتي قليلة الادب و كمان مراته تتبلي عليا و انا معملتلهاش حاجه انا بقالي يومين بس هنا و هما مش رحمني انا عملتلهم اي و كمان تمد ايدك عليا قدامهم
و قعدت علي الارض تعيط نزل علي الارض و خدها في حضنه: انا اسف حقك عليا والله
و بعدين طلعها من حضنه و مسك وشها و باسها: انا اسف
فرح اتكسفت و بعدت عنه و قامت دخلت الحمام و هو قام نزل و فرح طلعت من الحمام و نزلت برضو
عدي اليوم و فرح طلعت لقت بوكس علي السرير
فتحته لقت شوكولاتات كتير و ورقه مكتوب عليها “اسف ”
فرحت بيهم و قعدت تاكل و هو دخل لقاها بتاكل و مش واخده بالها انه واقف بترفع عينها لقاته بيبص عليها هو قرب منها ف هي بعدت وشها فقالها: اسف بقا ميبقاش قلبك اسود و بعدين طلاما كلتي الشوكولاته اللي انا جايبها يبقي متصالحين
فرح: خدي اهيه مش عاوزه
زبن بضحك: خلاص بهزر يلا قومي عايز انام علشان ورايا شغل الصبح
فرح بسرعه: انت هتمشي و تسيبني معاهم هنا دول ياكلوني
زين بضحك: لا لا مش هياكلوكي اقعدي مع امي
فرح: خلاص ماشي
زين اخدها في حضنه و نامو كالعاده
زين قام قبلها و باسها و دخل الحمام ياخد دش طلع لقاها بتفرك في عنيها
زين:صباح الفل يا قمر
فرح بكسوف: صباح الخير
زين: يلا قومي خدي دش علشان ننزل
فرح: حاضر
و قامت دخلت الحمام و بعدين طلعت لبست و نزلو و زين ماسك ايديها
اول ما نزلو امه ابتسمت و هو راح عليها باس ايديها
زين: صباح العسل ياما
امه: صباح الفل يا قلب امك
و فرح عملت زي ما زين عمل بالظبط
سميحه بهمس ل زين: باين كده اتصالحتو
زين: اومال دا انا زين برضو انا راضيتها متقلقيش
امه بحنيه: ربنا يراضيك يا حبيبي يارب يلا ناكلو
قامو كلهم ياكلو
جات اخت زين و اسمها ريم: ابيه عايزه اخد فرح و نشتري شوية حاجات اكده
زين: تشترو ايه
ريم: حاجات ياخوي
زين: ماشي يا ريم
ريم بفرحه: يعني اخدها
زين بص علي فرح لقاها بتهز راسها بمعني انها عايزه تروح فقال: ماشي يا حبيبتي خديها بس خدو السواق معاكم يلا انا همشي و باس راس امه يلا سلام عليكم
زين: تعالي يا فرح عايزك
امه: قومي يابتي مع جوزك
فرح راحت معاه لحد الباب طلع مفتاح اداهولها و قال: ده مفتاح الدولاب فوق فيه فلوس علشان لو هتشتري حاجه مع ريم
فرح: لا لا مش هشتري حاجه
زين: خدي المفتاح اهوه و خدي فلوس قولتلك
فرح: ماشي
زين باس راسها و قال: يلا ادخلي و متتاخروش يلا سلام
فرح: حاضر سلام
دخلت و ريم اخدتها و دخلو اوضتها
ريم بتطلع هدوم: بصي اطلعي البسي عبال ما البس
فرح: ل لا انا بخاف اطلع لوحدي خلصي و نطلعو سوا
ريم بضحك: حاضر
خلصت ريم لبس و طلعت مع فرح تلبس و راحو يشترو حاجاتهم
السادس والسابع
الحلقة السادسة
راحو يشترو حاجاتهم و الوقت سرقهم و بقو باليل
زين رن علي فرح كتير و مكنتش بترد رن علي امه قالت انهم لسه مرجعوش
فرح و ريم وصلو البيت
فرح بخوف: ريم زين جه
ريم بخوف هي كمان: ايوا جه يلا ندخلو ربنا يستر
دخلو لقوهم كلهم قاعدين
ريم بتحاول تتكلم: السلام عليكم
كلهم بصولهم و سميحه اتكلمت بحده: فرح اطلعي جوزك فوق
فرح بخوف: حاضر
طلعت و هي بتدعي في سرها ان الموضوع يعدي علي خير دخلت الاوضه لقاته قاعد و بيشرب سجاير
فرح بخاف: ز زين
مردش عليها و قام نزل تحت
فرح: يالهوي استرها يارب
زين نزل و راح علي اوضة ريم خبط و دخل
زين: كنتو فين من الضهر لحد المغرب
ريم بخوف: والله ياخوي كنا بنشتري حاجات و قعدنا نقيس و كنا بنتأخر
زين: تمام مفيش خروج تاني و سبها و طلع
دخل اوضة امه و نام علي رجليها
امه: متقساش عليهم هما غلطو بس الوقت سرقهم
زين: انا مش هقسي عليهم بس مش مكلمهم الاتنين ياما علشان يتربو شويه
امه بتنهيده: ماشي يا ولدي
زين باس ايديها: انا هطلع انام علشان عندي شغل و خلي ام صلاح تطلع الوكل فوق
امه: ماشي يا ولدي
زين طلع و دخل الاوضه من غير ما يبصلها و هي خايفه من سكوته راح خد هدومه و دخل الحمام ياخد دش خلص و طلع و ده كله وفرح قاعده علي الكنبه عايزه تكلمه و خايفه
الباب خبط و هو فتح اخد الاكل و قعد ياكل من غير ما يعبرها
فرح: زين
مردش عليها و قام دخل الحمام يغسل ايده
فرح: لو سمحت كلمني
مردش عليها نفخت و قامت اخدت هدومها و دخلت الحمام
طلعت و نامت علي السرير راح مديها ضهره
فضلت تتقلب
زين بحده: اثبتي بقا عايز انام عندي شغل
فرح بدموع: حاضر انا هريحك مني
و قامت نامت علي الكنبه
زين بص عليها و نفخ بعصبيه و قام راح عندها و شالها حطها علي السرير خدها في حضنه و هي متكلمتش خالص و نامت علي طول هو بص عليها و ابتسم: شكلي حبيتك و بقيت ضعيف قدامك ولا ايه بالظبط انتي اول واحده تدخل قلبي
و انتهد و نام هو كمان
صحت فرح قبله و قعدت تبص عليه و ابتسمت و قالت: انا شكلي حبيتك ولا ايه
فتح عينه و هي اتوترت
زين عمل نفسه لسه زعلان و بعدها عن حضنه و قام دخل الحمام
فرح: اوف ياربي اصالحه ازاي ده احسن حل اسأل ماما سميحه و قعدت تكلم نفسها لقاته طالع من الحمام قامت هي تدخل و خلصو و نزلو
ريم بهمس ل فرح: هو عمل فيكي ايه
فرح بهمس: ملكمنيش خالص انا خايفه من السكوت ده
ريم: ربنا يستر
سميحه: بتتحدتو في ايه يا بت انتي و هيا
ريم: ولا حاجه ياما
سميحه: طاب يلا الوكل جاهز
قعدو كلو و زين خلص اكل و باس راس امه و راح عند فرح و باس راسها هي كمان و مشي
خلصو اكل و فرح راحت عن سميحه الاوضه: احم ماما كنت عايزه منك طلب
سميحه: اللي انتي عاوزاه كله يابتي
فرح: احم دلوقتي ابنك زعلان و مش راضي يكلمني اعمل ايه
سميحه بضحك: عايزه طريقه يعني
فرح: ايوا
سميحه بخبث: دلعيه الرجاله بتحب الدلع
فرح بكسوف: خلاص يا ماما خلاص مش عايزه حاجه
سميحه: اباي دا جوزك يابتي عتتكسفي من جوزك
فرح سكتت ف ردت سميحه: والله دي الطريقه لو مش عاوزه تعملي كده بلاش بس البت السلعوه اللي بره دي تسرقه منيكي بقا
فرح بسرعه: ل لا خلاص هعمل اللي تقولي عليه
سميحه بضحك: ايوا اكده تعالي بقا اقولك
و قعدو يتكلمو فتره كتير
سميحه: يلا قومي اعملي اللي قولتلك عليه زمانه علي وصول
فرح: ماشي
و طلعت فوق
شويه و زين جه و دخل عند امه الاول باس ايديها و بعدين طلع فوق بيفتح الباب…
يتبع
: الحلقة السابعة
زين جه و دخل عند امه باس ايديها و بعدين طلع فوق بيفتح الباب وقف مصدم
لقي فرح لابسه قميص و واقفه بتفرك في ايديها قربت منه و حاوطت رقبته: حمدلله علي سلامتك
زين في نفسه اكلك ولا اعمل اي منك لله عمل نفسه زعلان و نزل ايديها بالراحه: الله يسلمك
و دخل وسابها
فرح بضيق: عنيد اعمل فيك ايه
زين طلع من الحمام و قعد علي الكنبه و فتح الاب توب و هي لسه واقفه و مبصلهاش برضو
فرح اتنفست: زين ممكن نتكلم
زين و هو مركزفي الاب توب: مش فاضي
فرح شالت الاب توب و قفلته و قعدت جنبه: لو سمحت خلينا نتكلم
زين بصلها: نعم
فرح: بص هو والله العظيم احنا الوقت سرقنا خالص و كنا بنقيس حاجات و علشان كده اتأخرنا
زين: و تليفون حضرتك مكنش معاكي
فرح: لا مخدتوش والله بص انا اسفه و مش هتتكرر تاني بالله خلاص و كلم ريم كمان علشان هي زعلانه
زين: تمام
فرح: يعني مش زعلان
زين: لا
فرح:طيب مكشر في وشي و مش بتبصلي ليه
زين رفع وشه و غمزلها: ابصلك حاضر
فرح بكسوف و لسه جايه تقوم شدها: خلينا ابصلك بقا زين شالها وفرح خبت وشها
زين همسلها بحب: بحبك
و نسيبهم علشان كده عيب 😂😂
قامت الصبح لقت زين بيبصلها ابتسمت بكسوف فقال هو بحب: صباح الجمال يا عروسه
فرح بكسوف: صباح الخير
زين: يلا هقوم اخد دش علشان عندي اجتماع
فرح بزعل: هتمشي خليك النهارده معايا بالله
زين بضحك: دا الجميل يؤمر بس خليني النهارده و نخرج كمان
فرح: بتهزر هقوم البس بسرعه
زين ضحك عليها و هي قامت جري علي الحمام
لبسو و خلصو
زين بغمزه: طاب ما تخلينا و نطلع يوم تاني يا قمر انت
فرح: بالله لا عايزه اطلع
زين: ما انتي طلعتي
فرح بزعل: زين بالله خلاص بقا
زين: خلاص يا جميل ولا تزعلي يلا ننزلو
نزلو لقو جدته قاعده و وشها مقلوب
فرح في سرها: استر يارب اصبحنا و أصبح الملك لله
جدة زين بصوت عالي: والله عال ما لسه بدري اتأخري كمان
فرح بهمس ل زين: في ايه مالها
زين بصوت واطي: والله منا عارف اسكتي و انا هتكلم
زين بصوت عالي: صباح الخير يا ستي
جدته بصوت عالي: انا بكلم مرتك
زين: وهي مراتي عملت ايه
جدته: هي ازاي لسه نازله دلوقت اومال اهلها مجوزينها علشان ترتاح
زين: ستي مراتي مش خدامه و طول منا فوق هي مش ملزومه تنزل و مسك ايد فرح و طلعو بره البيت ركبو العربيه
فرح: شكرا
زين: علي ايه بس
فرح: علشان دافعت عني انا معرفش هي بتكرهني ليه
زين مسك ايديها و باسها بحب: متشغليش بالك بكل ده يلا خلينا نستمتع بقا هفسحك حته فسحه تحلمي بيها
فرح بضحك: يلا اما نشوف
الحلقة الثامنة
زين خدها و نزل القاهره و عرف امه انهم هيقعدو يومين في القصر بتاعه هناك
اول ما وصلو
فرح بانبهار: الله دي دا حلو اوي يا زين
زين بحب: مش احلي منك يا قمر انت
فرح اتكسفت و نزلت وشها و خدوها احمرت و هو ضحك عليها
زين: تعالي يلا ندخل
خدها و دخلو لقو الداده و الخدم في انتظارهم
الداده امينه: نورت بيتك يابني
زين بابتسامه: ربنا يخليكي يا داده احب اعرفك فرح مراتي
امينه: بسم الله ماشاء الله ايه الجمال ده كله
فرح بابتسامه: ربنا يخليكي
زين: معلش يا داده حضريلنا الاكل عبال ما نغيرو علشان انا واقع من الجوع
الداده : حاضر يابني يلا بسرعه
زين مسك ايد فرح و طلعو فوق فتح الباب
فرح انبهرت من الاوضه كان متعلق صور ليهم و كانت مترتبه بطريقه حلوه
فرح: واو اي الجمال ده يا زين ياربي علي الجمال
زين: عجبتك
فرح: جميله اووووي
زين:طيب اتفرجي عليها براحتك و هدخل اخد دش طلعيلي هدوم
فرح: عيوني
زين دخل الحمام و هي طلعتله هدوم
زين: يلا ادخلي انتي كمان
فرح دخلت و خلصت افتكرت انها مش معاها هدوم
فرح: يالهوي عليا انا معييش هدوم اعمل اي
فرح قعدت تلف حوالين نفسها: زين
زين: نعم يا حبيبتي
فرح: مفيش هدوم ليا اعمل اي مش كنت تقول اننا جايين هنا
زين: طاب افتحي الباب كده
فرح: افتح ايه يا قلي*ل الاد*ب
زين: بغض النظر عن اني هقص*لك لسان*ك اما تطلعي بس انا جايبلك هدوم
فرح: طيب هات
زين اداها الهدوم لقاته اداها قميص
فرح وشها احمر و قالت بغيظ: زييييين
زين: نعم
فرح: هات هدوم عدله
زين: مفيش غير دي و اطلعي انجزي و بعدين ما انتي لبستي قبل كده و ضحك
فرح بكسوف و قالت في نفسها: منك لله يا زين و لبسته و طلعت
زين قرب شالها و غمزلها و قال: احنا نكنسل علي الغداء
“و نسكت بقا علشان كده عيب 😂”
بعد شويه لقي تليفونه بيرن: مين الرخم ده
لقاها ريم فتح عليها و كانت بتعيط: زين ماما تعبانه جامد و احنا رايحين المستشفي
زين بخضه: ايي انا جاي
قام بسرعه فرح قومي البسي بسرعه هننزل الصعيد
فرح بخضه: في اي يا زين
زين: ماما ماما تعبانه
لبسو و نزلو بسرعه بعد فتره وصلو المستشفي في الصعيد
نزل جري طلع فوق شاف ريم: في اي امي فين
عمه: اهدي يا ولدي هي بقت زين دلوقت
زين: الدكتور قال اي و اي اللي حصلها انطقو
عمه بتوتر: مفيش حاجه يا ولدي
ريم بغضب: مفيش حاجه ايييه انتو كنتو هتخلونا نخسر امي بسببكم
زين بعدم فهم: في ايه يا ريم انطقي
ريم بزعيق: ستك و مرت عمك كانو بيتعاركو معاها و انت عارف لما بتزهق بتتعب و كانت هتم*وت بسببهم
زين بغضب: حسابكم تقل يا عمي ولازم يتصفي
اتدخلت عمته: مش وقته الحديت ده يا حبيبي ادخل اطمن عليها
زين دخل و لقاها نايمه و متركب ليها محلول: والله لادفعهم كله التمن غالي و طلع
لقا فرح واخده ريم في حضنها قرب منهم و قال: فرح السواق هيروحكم يلا
ريم: لا مش همشي
زين بحده: ريييم قولت امشو
فرح: حاضر حاضر خلي بالك من ماما و من نفسك
زين: ماشي ي حبيبي نامي مع ريم تحت علشان متخافيش
فرح بابتسامه: حاضر يلا باي
و روحو البيت
فرح: ريم معلش تعالي نامي معايا فوق
ريم: طيب يلا
طلعو فوق نامو و ام زين طلعت من المستشفي و روحت البيت قابلتها فرح و حضنتها: حمدلله علي سلامتك يا ماما
سميحه: الله يسلمك يا حبيبت قلبي
لسه هيدخلو لقو حد بيقول: والله اشتقتلك كتير يا زينو
زين تنح..
الحلقة التاسعة
لسه هيدخلو لقو بنت بتقول: والله اشتقتلك كتير زينو
زين بص وراه و تنح و البنت جات حضنته: اشتقتلك كتير اجيت لمصر مخصوص كرمال شوفك
ده تحت نظرات فرح الغاضبه
زين بتوتر: ازيك ماري اخبارك ايه
ماري: كتير منيحه
اتدخلت ريم: احم يلا ندخلو نكملو تعارف جوا يا زين
فرح نفخت و سابتهم و دخلت و هما دخلو بعدها
ماري: انا اجيت لمصر يومين و برجع تاني تسمحولي اقعد عندكم هون
زين: طبعا تنوري اعرفكم دي ماري صديقتي و دي امي و شاور علي سميحه و دي مراتي و شاورلها علي فرح يا ماري
ماري: كتير حلوه طول عمرك زوقك حلو
زين ابتسم و بص علي فرح لقاها هتولع
ماري: معلش زينو بدي اطلع ارتاح تعي وصلني
زين : حاضر
زين خدها و طلعها وبعدين دخل امه اوضتها و طلع اوضته لقي فرح قاعده علي السرير و هتفرقع منه
فرح قامت وقفت قدامه و قالت بصوت عالي: ما لسه بدري ما تبات معاها تحت احسن
زين: فرح صوتك عالي
فرح: هو ايه اللي صوتي عالي مين دي
زين باستفزاز: و انتي مالك غيرانه ليه
فرح: علشان جوزي و علشان شكلي قدامهم
زين بخبث: بس
فرح بتوتر: اها طبعا
و بعدين الكلام معاك مفيش منه فايده انا نازله ل ماما و سابته و نزلت و هو فضل يضحك عليها
نزلت خبطت و دخلت لامه و قعدت ساكته
سميحه بضحك: مالك يا بت
فرح بضيق: مليش يا ماما مليش
سميحه: في ايه يابتي بس
فرح بغيظ: شايفه ابنك مين زفته دي يا ماما
سميحه بضحك: والله منا عارفه بس متجيش جنبك حاجه دا انتي قشطه
فرح بضحك و حضنتها: انتي حبيبتي حبيبتي
ريم خبطت
سميحه: مالك يا بت
ريم بتوتر: احم كنت كنت
فرح: في ايه
ريم: البنت اللي جات دي في اوضتكم
فرح قامت وقفت: نعمممم اوضة مين وسعي كده وطلعت فوق جري لقت الباب مفتوح وقاعدين علي الكنبه
فرح: خير يا حبيبتي انتي ايه جابك اوضتي و قاعده جنب جوزي لازقه فيه كده
ماري: لا انا كنت جايه بس نتكلم في كام شغله
فرح بغضب: طيب يا حبيبتي عايزه جوزي في كلمه
ماري: اوكي هنتظرك تحت زينو و طلعت و فرح رزعت الباب وراها
فرح بغضب: ممكن افهم بس ده و دي ايه جابها اوضتي
زينو و هو باصص للاب توب: كنا بنتكلمو في الشغل زي ما قالت
فرح: تمم تمم يا زين و سابته و دخلت الحمام
الباب خبط و الخدامه قالتلهم علي الاكل جاهز و نزلو جات ماري قعدت جنب زين مكان فرح
فرح بصت و سكتت و هي من جواها بتغلي سابتهم و طلعت مكالتش و زين خلص و طلع لقاها لابسه قميص و قاعده بتلعب في التليفون
زين في نفسه: يخربيت ده جمال يا شيخه قشطه
غير هدومه و جه نام جنبها و لسه هياخدها في حضنه زقت ايده و قامت راحت الكنبه
زين: والله ايه شغل الاطفال ده
فرح مردتش عليها
زين اتنفس بغضب و قام راحلها: بكلمك علي فكره
فرح: و انا مش هرد عليك و روح ل ست ماري
زين بغضب..
كملوها ال 1000 لايك وهنزل اللي بعدو ع طول أن شاء الله
الحلقه العاشره
زين بغضب: فرح اتعدلي في كلامك احسلك
فرح بعند: مش هتعدل
زين بغضب: متختبريش صبري اقسم بالله اكسر دماغك سامعه و سابها و راح نام هي بصت عليه بزعل و نامت علي الكنبه و لما نامت زين شالها حطها علي السرير و خدها في حضنه و نامو
قامت الصبح لقت نفسها في حضن زين بصت عليه بزعل و هو فتح عينه بصلها و قام دخل الحمام
فرح بغيظ: غلطان و كمان زعلان والله ناس عجيبه لقت تليفونها بيرن و كانت واحده صحبتها
فرح: عااااا وحشتوني
مي: وانتي كمان وحشتينا اوي هتيجي الامتحانات ولا ايه
فرح بصدمه: هي امتا
مي: كمان اسبوع يا بنتي انا قيلالك علي الواتس
فرح: بت انتي بتهزري انا مذاكرتش حاجه
مي: هتلحقي بس هتيجي ازاي من الصعيد ل هنا و جوزك
فرح بتنهيده: والله معرفش يا مي انا متكلمتش معاه خالص
مي: عموما هنستناكي يلا باي يا جميل
فرح: باي يا حبيبتي
زين طلع من الحمام مدهاش اهتمام و هي قامت وقفت قدامه
فرح: زين مردش عليها و هي اضايقت
زين ممكن ترد انا عايزاك في موضوع
زين: خير ان شاءلله
فرح: ممكن نقعد نتكلم
زين من غير ما يبصلها: مش فاضي اتكلمي و انا بلبس
فرح خدت نفس و قالت: انا امتحاناتي كمان اسبوع
زين: و انا مالي يعني
فرح: مالك ازاي عايزه انزل القاهره احضر امتحاناتي
زين بصلها و قال باستفزاز: لا مفيش امتحانات مش هتروحي
فرح بصدمه: يعني ايه مش هروح
زين باستفزاز: زي ما سمعتي
فرح: زين لو سمحت انا عايزه اروح امتحاناتي
زين بصلها و سابها و فتح الاوضه و طلع و هي طلعت وراه بالقميص بتاعه
زين رجع و مسك ايديها و دخلها الاوضه و رزع الباب
زين بغضب اعمي و مسك دراعه جامد: انتي اتجننتي ازاي تطلعي كده انتي عايشه هنا لوحدك
فرح بدموع: زين سيب ايدي انت بتوجعني والله انا مخدتش بالي
زين زقها و نزل دخل اوضة امه باس ايديها
سميحه: مالك يا حبيبي
زين: مليش ياما
سميحه بحنان: شكلك غضبان قوي يا ولدي انت متخانق مع مرتك
زين بتنهيده: لا يا ست الكل احنا كويسين و لسه بيكمل كلامه لقي فرح داخله باست ايد امه و سكتت
سميحه بصتلهم: في ايه انتو متخانقين صح
الاتنين بصو لبعض و سكتو
سميحه: في ايه انطقو
فرح بعياط: يا ماما امبارح شدينا بسبب موضوع ست زفته ماري دي و النهارده صحبتي كلمتني و قالتلي ان الامتحانات الاسبوع الجاي قولتله اني عايزه انزل امتحن سابني و مشي طلعت وراه والله مكننش واخده بالي انا لابسه ايه و زعقلي جامد
سميحه بصتله بعتاب: حقك علي راسي انا يا بنتي و انتي امسحي دموعك و اطلعي حضري معاهم الفطور و انا هتحدت معاه
فرح هزت دماغها: حاضر و طلعت
امه بعتاب: يا ولدي والله انت قاسي عليهم قوي فيها ايه لما تروح جمعتها
زين: ياما والله كنت هنزلها انا عارف انها شاطره بس بتعاند معاهم بسبب كلامها امبارح
سميحه: والله يا ولدي البنت دي غلبانه كفايه ستك عليها و لسه بتكمل لقو صوت زعيق زين طلع يجري بره لقي…
تابعوني وانضموا معنا علي تليجرام لتكملة الروايه
تعليقات
إرسال تعليق