القائمة الرئيسية

الصفحات

آخر الأخبار

مني وعلي الفصل الاول والثاني والثالث والرابع والاخير بقلم احمد محمود

مني وعلي الفصل الاول والثاني والثالث والرابع والاخير بقلم احمد محمود


مني وعلي الفصل الاول والثاني والثالث والرابع والاخير بقلم احمد محمود

 جوزي المحترم الأستاذ علي مدرس الانجليزي بيخوني بعد عشرين سنه جواز ..ومع مين مع عيلة في 3 ثانوي من دور عياله وأمها كمان 

انا وعلي اتجوزنا بعد قصة حب كبيرة 

هو ابن خالي واكبر مني بخمس سنين 

من يومنا واحنا مكتوبين لبعض ، كل الناس الأهل

والقرايب كانوا شايفين ان منى ل علي وعلي ل منى 


انا كمان كنت شايفاه صاحبي واخويا وسندي

في المواقف الصعبه ..ياما اتخانق عشاني واحنا عيال 

وكان بيضرب اي حد يفكر يزعلني 

كان بيوفر من مصروفه عشان يجيلي اللعب اللي بحبها

في عيد ميلادي العاشر جاب لي عروسه هديه حلوه اوي 

لسه محتفظه بيها لحد دلوقت 


كبرنا وكبر حبنا لبعض ..خلص جامعه وجيش 

وفصل يتنقل من شغلانه لشغلانه ..لحد ما ربنا كرمه

واشتغل مدرس في مدرسه خاصه 


كنت في الوقت دا في الجامعه ..كان بياخدني 

ويروحني كل يوم ..وساعات كنا بنحرج نتفسح 

وفي يوم حد عاكسني ولسن عليا

علي بالكلام اتخانق معاه وبهدله 


وقالي احنا لازم نتخطب عشان كلام الناس 

كنت هطير من الفرحه ..ياااه اخيرا نطقتها يا علي 

سامحيني يا منى هي اتأخرت شوية 

بس مكنتش هقدر اخد الخطوه دي الا لما

اكون واقف على ارض صلبة واقدر اتقدم 

وانا مالي ايدي أن جوز عمتي مش هيعترض 

وانا مكنتش هاخد حد غيرك 


وانا مكنتش هسيبك تضيعي من إيدي 

اتخطبنا سنتين وبعد ما خلصت جامعه

كان جهز شقته واتجوزنا فيها 


كانت في منطقة بعيد شويه عن اهلنا 

بس مش مهم المهم اننا مع بعض 


عشنا أجمل سنين عمرنا مع بعض


وربنا رزقنا بولد وبنت زي القمر ملوا علينا حياتنا ..انشغلت انا بيهم وبتربيتهم

وجوزي انشغل بشغله والمدرسه ..واما المصاريف زادت 

قرر انه يدي دروس خصوصيه 


وفاتت الأيام والسنين وولادنا كبروا ..البنت دخلت الجامعه

واخوها في 3 أعدادي


الحياه كانت هادية وجميلة لغاية ما وصلوا العماره

سكان جداد ست أرملة في أواخر التلاتينات 

ومعاها بنتها 3 ثانوي 


سكنوا في الشقه الفاضية اللي قصادنا 

والدور اصلا شقتين 


في الأول مهتمتش بيهم لاني دايما في حالي 

ومش بحب أختلط بالجيران والناس عموما


بس لاقيت في يوم الباب بيخبط بالليل متأخر 

كانوا العيال نايمين وأنا وعلي سهرانين قدام التليفزيون 

جري بسرعه جوزي وفتح الباب واتصدمت لما لاقيت 

جارتي واقفه بشعرها و بهدوم بيتي خفيفه ومبينه جسمها


جوزي استغرب وسألها خير يا ست هالة في حاجه 

ارجوك يا أستاذ علي الحق بنتي سها قاطعة النفس خالص 


يا ساتر يا رب 


طب اسبقيني وانا جاي وراكي حالا 

وبعدها حصل اللي كنت خايفه منه ...

 الجزء الثاني 


لاقيت في يوم الباب بيخبط بالليل متأخر 

كانوا العيال نايمين وأنا وعلي سهرانين قدام التليفزيون 

جري بسرعه جوزي وفتح الباب واتصدمت لما لاقيت 

جارتي واقفه بشعرها و بهدوم بيتي خفيفه ومبينه جسمها


جوزي استغرب وسألها خير يا ست هالة في حاجه 

ارجوك يا أستاذ علي الحق بنتي سها قاطعة النفس خالص 


يا ساتر يا رب 


طب اسبقيني وانا جاي وراكي حالا 

قبل ما جوزي يتحرك ..قولتله على فين ؟


انتي مش شايفه 


اه شايفه شايفه كل حاجه ...الست هاله لابسه

هدوم تكشف اكتر ما تستر 


يا ستي هي في ايه وانتي في ايه 

اكيد من لهفتها على بنتها مخدتش بالها هي لابسه ايه

وسبيني بقى اروح اشوفهم ..دول ولايا ومفيش معاهم راجل


طيب روح يا شهم ...روح


بعدها بثواني قولت ايه الهبل دا 

هو انا هسيبه كدا ..رجلي على رجله 

وروحت وراهم ..دخلت الشقه عندهم 

ولقيت البنت واقعه ع الأرض وبتتشنج 


جوزي شالها من ألارض وقال هي فين اوضتها

اهي من هنا اتفضل 


دخل قدامها ولسه هتمشي وراه 

مسكتها من دراعها 


هو انتي مش واخده بالك من لبسك 

بصت لنفسها وقالت ..يوووه معلش مخدتش بالي 

هدخل احط الشال على كتفي 


دخلت ورا جوزي الأوضة ولقيته بيحاول 

يفوق البنت ..

وطلب من مامتها برفان 


جات جري وهي حاطه شال على كتفها 

وخايفه وقالت اتفضل يا أستاذ علي 


رش عليها شوية وبعدها مسح على وشها

والبنت فتحت عيونها وهديت


بس بصت لنا بأستغراب 


متخافيش يا حبيبتي 

دا عمو الأستاذ علي جارنا 

ومراته طنط منى ..


حمدلله على سلامتك يا سهى 

انا مش عارفه اشكرك ازاي 

لا شكر على واجب الناس لبعضها 


سألتها 

هي الحالة دي اول مره تجيلها 


لا هي جات لها كام مره قبل كدا بس على فترات متباعدة 


طب وايه السبب 


الدكتور قال ضغط عصبي وارهاق بسبب الثانوي 

اصلها في 3 السنه دي 


جوزي قالها 

ماشاء الله ربنا يوفقك يا سها

انا مدرس انجليش على فكره لو احتجتي اي مساعده

او في حاجه وقفت قدامك في المنهج انا موجود 


متشكر اوي يا مستر علي ..معلش تعبنا حضرتك 


مفيش تعب ولا حاجه ..المهم انها بخير 


بعد اذنكم تصبحوا على خير 


بعد ما رجعنا شقتنا 


قولتله 


معزمتهمش ليه ع الغدا بكره بالمره 


ليه يعني ؟

اصلي شايفاك مهتم اوي بست هالة وبنتها كدا 


عادي يعني 


عادي أزاي ؟

عادي يعني عادي ..دول ناس جيرانا ولوحدهم

وبعدين الناس لبعضيها ....ويلا بقى عشان ننام 


ليلتها معرفتش انام وحسيت أن وجود الست دي 

وبنتها في حياتنا مش مطمني ..وكان عندي حق 


بعد كام يوم كنت قاعده في الصاله بجهز الغدا 

زمان جوزي على وصول 


سمعت صوت خطواته ع السلم 

انا عارفه انه هو ..جوزي بقى وبحس بيه 


بس قبل ما يوصل... باب شقة هالة جارتي اتفتح

وسمعتها  بتقوله 


حمدلله على السلامه يا أستاذ علي 

الله يسلمك يا ام سها ..طمنيني سها عامله ايه دلوقت 


لا الحمدلله بخير ..ربنا يبارك في عمرك 

ما تتفضل عندنا...انا عامله غدا هتاكل صوابعك وراه


 يجعله عامر يا ست هالة متشكر 


ايه هو انت بخيل ولا ايه 


لا أبدا....


منى وعلي الجزء الثالث 


ليلتها معرفتش انام وحسيت أن وجود الست دي 

وبنتها في حياتنا مش مطمني ..وكان عندي حق 


    

..


بعد كام يوم كنت قاعده في الصاله بجهز الغدا 

زمان جوزي على وصول 


سمعت صوت خطواته ع السلم 

انا عارفه انه هو ..جوزي بقى وبحس بيه 


بس قبل ما يوصل... باب شقة هالة جارتي اتفتح

وسمعتها  بتقوله 


حمدلله على السلامه يا أستاذ علي 

الله يسلمك يا ام سها ..طمنيني سها عامله ايه دلوقت 


لا الحمدلله بخير ..ربنا يبارك في عمرك 

ما تتفضل عندنا...انا عامله غدا هتاكل صوابعك وراه


 يجعله عامر يا ست هالة متشكر 


ايه هو انت بخيل ولا ايه 


لا أبدا ...بس مراتي والولاد مستنيني ع الغدا 

عن اذنك 


جريت بسرعه ودخلت المطبخ عشان جوزي 

ميحسش اني سمعت حاجه 


بس من ساعتها وانا حاسه أن الست دي بتلعب لعبه على جوزي..وشكلها كدا عينها منه 


راجل طول بعرض ويقدر يفتح بدل البيت 3 

وهي ست جميله ولسه في عز شبابها 

وعايزه راجل في حياتها هي وبنتها 


اكيد مش هتلاقي حد مناسب أكتر من جوزي 


بس لأ ..دا انا صحيالها اوي  

خطافة الرجاله دي


بعدها باسبوع جات تزورنا هي وبنتها 

وطلبت من جوزي انه يقعد مع بنتها سها شوية عشان يشرحلها شوية في الجرامر 


وبرغم انه كان جاي مرهق من بره 

لكنه معترضش وقالها تعالي معايا في أوضة المكتب 

دخلوا جوه عشان يشرحلها 


وقعدت انا مع مامتها بره في الصاله 

وقالت معلش احنا هنتقل على الاستاذ علي 

بس دا من عشمنا يعني 


اه ..وانتوا جبتوا العشم دا منين ؟

ها ...لاننا جيران والنبي وصى على سابع جار 


اللهم صلي عليك يا نبي ..اعملك شاي 

لا متشكره انا راجعه شقتي عندي غسيل

ولما سها تخلص ابعتيها على طول..سلام 


بعد نص ساعه كنت عملت قهوه ولسه هدخلها لجوزي 

وبفتح الباب لقيت سها مقربه اوي منه 

وسرحانه فيه وفي ملامحه وهو بيشرح

اول ما دخلت اتنفضت وبعدت شوية 

وهو قالي متشكر اوي يا روحي تسلم ايدك


في وقتها 


ودا عصير عشانك يا سهى اتفضلي يا حبيبتي 

ومن جوايا بقول الهي تطفحيه يا بعيده 


سحبت كرسي وقعدت جنبهم


ايه دا اتنتي ناويه تحضري الحصه معانا ولا ايه يا طنط

اه في مانع يا روح طنط 


ها.لا لا أبدا مفيش طبعا 


بعدها بخمس دقايق بنتي ندهت عليا 

خرجت اشوفها عايزه ايه وقفلت باب المكتب ورايا مخصوص


وانا راجعه بصيت من عين الباب ولمحت

سهى بتقرب من جوزي اوي 


وهو بيحاول يركز في الشرح 

والبنت بتحط إيدها على كتفه ورجلها بتلمسه من تحت

وساعتها حسيت اني هعمل مصيبه  وقررت افتح الباب 

واجيبها من شعرها....


الجزء الرابع والأخير 


لقيت ابني خرح من اوضته ورايح ع التليفزيون 


انت بتعمل ايه 

هشوف المسلسل يا ماما 

ودا وقت تليفزيون ..هو انت مش عندك مذاكرة ؟

منا خلصتها طيب 

برضو لأ مفيش تليفزىون وعلى اوضتك يلا 


يووه بقى 


في الوقت دا كان خرج جوزي من المكتب 

وهي وراه وقالت طيب عن اذنك يا طنط منى 

ومتشكره جدا ع الشرح يا مستر 


كان نفسي أمسكها وارنها علقه

بس مسكت نفسي على اخر لحظه عشان الولاد


اتخانقت انا وجوزي في اوضتنا 

وقولتله تقطع علاقتك بالست دي هي وبنتها 

ليه جرا ايه 

مش عارف يعني ؟

لا معرفش

انت مش واخد بالك من البنت وعمايلها 

ولا مامتها اللي في الطالعة والنازله بتعزم عليك

تتفضل عندهم 


وبعدين بقى ما تفكك من الاوهام دي 

اوهام ..كل دا وأوهام ..ولا انت عايزني أستنى 

لما الست دي وبنتها يخطفوك مني 


هو انا عيل صغير ..ايه الكلام دا 


دا اخر كلام عندي 


انا عايزاك تقطع علاقتك بيهم ..والا 


والا ايه ؟

والا انا بقى هتصرف 


تصبحي على. خير شكلك فايقه ورايقه 

وانا هموت من التعب


تاني يوم قررت اروح أزورها في بيتها 

واول ما شافتني رحبت بيا 


اهلا وسهلا يا ست منى ..خطوه عزيزه 


ممكن اعرف انتوا عايزين ايه مننا 


مش فاهمه 

انتي وبنتك عايزين ايه من جوزي 


هنعوز ايه يعني كل خير 


لا مش واضح ..انتي بتلعبي لعبة كبيرة 

وانا جايه احذرك واقولك جوزي وبيتي خط أحمر

ابعدوا عننا ومتقربوش لينا ولا لجوزي من تاني 

والا متزعليش من اللي هعمله


هتعملي ايه يعني ..انا مبخافش 

هتشوفي


سبتها ومشيت وانا حاسه بحرقة دم


واول ما جوزي رجع لقيته داخل شايط 


ممكن افهم ايه اللي انتي قولتيه دا ل أم سهى 


هي لحقت تشتكيلك وكمان بتسخنك عليا 


ماهو لازم تقولي اللي بتعمليه دا مش صح

وهو الصح اني اسيبك ليهم وبيتي يتخرب 

هكون مبسوطه كدة وكل شي بنيته بيتهد قدام عيني

وعايزني اسكت


ولا انت البت وامها حليوا في عنيك ومش قادر تستغنى عنهم


ضربني بالقلم وقالي اخرسي ولا كلمه بعد كدا 


انهرت من العياط وحسيت أن القلم نزل على قلبي 

وكسرني 

اول مره تمد ايدك عليا يا علي ..وعشان مين 

عشان دول 


انا ..مقصدتش انتي اللي استفزتيني 


تمام انت اللي اخترت انا رايحه بيت أهلي 

وياريت تبعتلي ورقة الطلاق على هناك


استني بس ..يا منى استني 


امين هدومي و

سبته وخرجت والولاد رجعوا ع البيت ملقونيش 

وجولي على بيت جدهم 


حاول يصالحني ويراضيني فترة طويلة وأنا رافضة 

وبعد شهر جه بيت أهلي بس انا كنت لسه زعلانه منه جامد ومقررة الطلاق 

لأول مرة يمد إيده عليا وعشان مين عشان ناس متستاهلش


حقك عليا سامحيني ..انا مش قادر اعيش من غيرك 

البيت ملوش طعم ولاحس في غيابك 


انت اللي عملت فينا كدا ووصلتنا للحاله دي 


انا اسف بجد 


اسف على ايه ولا ايه 


انت خلاص كتبت نهاية قصتنا


انا عارف اني غلطت ويمكن اكون ضعفت 

بس صدقيني فوقت وندمت اشد الندم 

وعرفت اني مش هلاقي اطيب ولا اجمل واحن 

منك في العالم كله 


برضو لأ 


طب اعمل ايه عشان ارضيكي 


لو فعلا ندمان لازم نعزل من البيت دا خالص 

موافق ..ومن بكره الصبح 


بس ترجعي وكفايه بعاد ..لازم تنوري بيتك من تاني 

واوعدك ان دي غلطة لا يمكن افكر اكررها طول حياتي

تمت

تعليقات

CLOSE ADS
CLOSE ADS
close