اقتباس من رواية لولا التتيم بقلم ناهد خالد

اقتباس من رواية لولا التتيم بقلم ناهد خالد 

 ومين قالك إني معرفش إن جوزي كان بيحبك!، انا عارفه وأنتِ مصدمتنيش دلوقتي زي ما توقعتي.

_ وياترى تعرفي انه لسه بيحبني ؟

ابتسمت لها باقتضاب وهي تضغط على نفسها كي تتحكم بأعصابها وقالت :

_ ليه هو قالم انه لسه بيحبك؟!، اصل طول الوقت بيقولي انه بيحبني ولو كان بيحبك مكنش قالها لي.

ابتسمت لها بسخرية تسألها :

_ وأنتِ مصدقاه؟! 

جلست تضع قدم فوق الآخرى وهي تردد بسخرية :

_ جوزي وابو ابني.. مصدقوش ليه!.

طالعتها بأعين واثقة قائلة:

_ بصي يا صفية.. من غير دليل أنا وأنتِ عارفين كويس اوي إن يوسف لسه بيحبني ومحدش دخل قلبه غيري.. وأنا متأكده إنك واثقة من ده... يلا همشي انا باي يا حبي.

انهت حديثها خارجة من الشقة بأكملها دون كلمة اخرى.. 

ضغطت على شفتيها بقوة تمنع عبارتها المتجمعة في عينيها من السقوط.. وبكل أسف حديث غريمتها صحيح.. وبنفس الأسف حديثها هي مجرد كذب.. منذ متى وقد اخبرها يوسف بحبه لها!؟، متى حدث هذا سوى في أحلامها!... حتى كذبتها لم تكون قوية أمام غريمتها التي انهت الحديث بانتصارها. 

" لقد ارهقني حبك يا يوسف!".. جملة تتردد في عقلها بعد كل موقف يذكرها بأنها ليست مالكة قلبه.. وبالفعل لقد ارهقه حبها حتى أصبح ينال منها الكثير... ولا تعلم لمتى ستتحمل!. 

#يوسف_صفية

#لولا_التتيم

_ جوزك ده عاوز يعيش دور سي السيد ولو موقفتيهوش عند حده هيسوق فيها!.

_ بس هو بيحبني.. انا اوقات بحس انه مش قاصد يتحكم هو بس بيخاف عليَ و...

قاطعتها بسخرية وهي تقول لاوية فمها:

_ أنتِ الي خايبه يا لليان .. بقولك ايه هي بتبدأ كده وبعدها بتقلب تحكم وخنقة ومتقدريش تقوليله على حاجه لأ، وميبقاش ليكِ شخصية.

اهتزت حدقتيها بتوتر لا تعلم اهي من معها الحق بتفكيرها ام صديقتها؟، هي تشعر انه لا يقصد التحكم بها هو فقط يخشى عليها ويحاول أن يحيطها برعايته وحبه، ولكن حديث صديقتها يشوش عقلها حتى أصبحت لا تدري ما الصواب وما الخطأ!؟

______________

_ تعبت خلاص مبقتش متحمل كم المشاكل الي بقت في حياتنا..

رد الآخر ساخرًا :

_ بقت؟ انتوا من بعد جوازكوا باسبوع وانتوا بتتخانقوا! ده انتوا اتخانقتوا في شهر العسل يا جدع!.

نظر له بجانب عينيهِ وقال نازقًا :

_ أنتَ بتخنقني اكتر!!؟

نفى برأسه وهو يجيبه:

_ لا.. بس بفكرك يعني إن ده شيء مش جديد بينكوا.. انا لو منك والله كنت طلقتها من شهر الفرح.

_ يوووه..

صرخ بها بضيق بعد أن نهض من مكانه ليهتف تاليًا وهو يلتقط هاتفه ومفاتيحه:

- انا غلطان اني جيتلك..

وقف " ناصر" هو الاخر وهو يحاول اللحاق بهِ مناديًا عليهِ بصوتٍ عالٍ :

_ يا بدر استنى بس مش قصدي.. يا بدر.

وقف حين استقل  " بدر" سيارته وتحرك بها غير عابئًا بهِ ليزفر بضيق وهو يردد :

_ يخربيت لليان زفت الي منكده عليك كده.

#بدر_لليان

#لولا_التتيم

#قريبًا

انتفض من مجلسه مقتربًا منها وهو يسألها بلوعة:

-وليه لأ؟ ليه متدنيش فرصة تانية ؟ أنا غلط عارف بس حتى أنتِ غلطي ووالدتك سامحتك ليه أنتِ كمان متسامحنيش.

ابتسمت بوجع وهي تقول:

-في فرق شاسع, الأم مهما قسيت عمرها ما تقدر متسامحش ولادها مهما عملوا, لكن أنتَ مش ابني يا عاصم عشان يبقى عندي القدرة الرهيبة لمسامحتك, أنا حاولت.. صدقني حاولت بس مش قادرة, وجودنا مع بعض هيخليني طول عمري بفتكر ذنبي وغلطي في حقي وفي حق ربنا, هيخليني طول الوقت بفتكر وجعك ليا وتخليك عني, عارف.. لو كملنا حياتنا عادي وحملت في يوم هرجع لذكريات اليوم إياه بكل تفاصيله, فرحتي مش هتبقى طبيعية بسبب ذكرياتنا السيئة سوا, الموضوع صعب واحنا بنضيع عمرنا في تجربة فاشلة, أنا مش بلومك ولا بشيلك ذنب بالعكس أنتَ من حقك تعيش حياة طبيعية مع مراتك وتستقر بقى لكن أنا مش هقدر أوفرلك الحياة دي.

سألها بحذر وقلبه تسارعت دقاته حتى كادت تصم أذنه:

-قصدك ايه؟

سقطت دمعة وحيدة من عيناها قبل أن تقول بنبرة مخنوقة:

-احنا لازم نطلق, احنا حاولنا نكمل بس فشلنا, خلي كل واحد فينا يبدأ من جديد على نضافة ويتخلص من عار الماضي يمكن ننجح .

وكان رده ابتسامة غريبة زينت ثغره وهو يردد:

-لو كنت تخيلت للحظة قبل جوازنا العرفي إني هعيش كل ده وهتعذب كدة, كنت قطعت لساني قبل ما اعرض عليكِ الجواز ده وقتها, قولتلك لازم نكون مع بعض بدل ما نستنى 4 سنين ... ياريتنا استنينا 10 سنين بس من غير كل العذاب ده عالأقل وقتها كنا قدرنا نكمل باقي حياتنا سوا.

وهل جملته الأخيرة توحي بانتهاء القصة؟ وهل اتخذ عاصم قراره كما اتخذت ريهام قرارها!؟

عاصم_ريهام

لولا_التتيم

المقدمه والشخصيات من هنا

 🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇