رواية جبروت مرات ابني الحلقه الاولي بقلم هويدا زغلول رواية جبروت مرات ابني الفصل الاول بقلم هويدا زغلول رواية جبروت مرات ابني البارت الاول بقلم هويدا زغلول

 رواية جبروت مرات ابني الحلقه الاولي بقلم هويدا زغلول

رواية جبروت مرات ابني الفصل الاول بقلم هويدا زغلول

اسماء _ بقولك اي يا حماتي انزلي هاتي شويه خضار واقعدي في البيت نظفي اعملي بقلمتك 

الحما _ اخس عليكي يا اسماء ده انتي عارفه أن 

انا تعبانه يا بنتي وبدخل الحمام بالعافيه 

اسماء _ اعملك اي يعني علاجك غالي يا حماتي 

والمفروض تراعي ظروف ابنك شويه 

وقبل ما نبدا الحكايه اعرفكم بنفسي أنا روحيه 

ست كبيره ومعنديش الا ابن واحد يوسف وفاكره 

يوم ما دخل عليا وانا كنت قاعده في الصاله  وقالي 

يوسف _ ماما يا ماما انتي فين بقولك اي 

انا خلاص زهقت من أهل اسماء دول وناوي 

اخلي الفرح الاسبوع الجاي 

روحيه _ ازاي يا حبيبي ده كده هيكون فاضل 

علي رمضان اسبوع خليها في العيد احسن 

يوسف _ بس الله يخليكي يا ماما انا محتاج 

فلوس علشان اقدر اعمل الفرح بسرعه 

روحيه _ منين يا حبيبي هو انت مش قولت 

قدامك شهر لسه عقبال ما الفلوس ما تجيلك 

يوسف _ عندي فكره بس يارب توافقي 

عليها تعملي قرض وانا هاخد الفلوس وبعدها 

اول لما الفلوس تيجي هسد القرض 

روحيه _ معقول يا بني انت عارف ان يدوب 

المعاش بيكفني بالعافيه هجيب منين 

اسد القرض 

يوسف _ قولتك يا امي هو شهر بس 

وانا هاخد المكافاه وأسد انا القرض ارجوكي 

توافقي لو بتحبني 

روحيه _ ماشي يا حبيبي هعملك اللي انت 

عايزو وفعلا خلص الإجراءات بسرعه واخد 

القرض واتجوز اسماء ويوم الصباحيه روحت

ليها وفتحت ليا وانا كنت شايله صنيه الاكل 

روحيه _ الف الف مبروك يا عروسه ابني 

انا قولت اجيب ليكم فطار العرايس لولولولوي 

اسماء _ بس بس اي الصداع ده حرام عليكي 

انا واحده نايمه الفجر ومش عايزه صداع 

وبعدها روحت حطيت الصينيه وقولت ليها 

روحيه _ حقك عليا يا بنتي انا اسفه والله مكنش 

قصدي انا بس فرحانه ليكي 

اسماء _ وبعدين هو اي مافيش دم خالص كده 

جايه بدري ليكي ده امي معملتش كده 

روحيه _ عندك حق يا بنتي انا ماشيه وبعدها 

نزلت ونسيت البوك بتاعي جمب صنيه الاكل 

واخدها مشي لحد البيت ، وبعدها صحي 

يوسف من النوم وخرج وقال 

يوسف _صباح الخير يا حبيبتي مين اللي كان 

عالباب 

اسماء _ دي مامتك يا حبيبي وفضلت اتحايل 

عليها تقعد قالت لا انتو عرسان لازم امشي 

يوسف _ والله أمي دي حنيه الدنيا فيها 

ربنا يخليها ليا يارب طيب اي يلا ندخل 

اوضتنا بقي ، وبعدها دخلوا الاوضه وانا روحت البيت ولسه هقعد لقيت صاحب البيت بيخبط 

عليا وبيقولي 

الراجل _ مساء الخير يا ست ام يوسف بقولك 

اي انتي خلاص عقد الشقه قرب ينتهي ناويه 

تكلمي في الشقه ولا هتعملي اي 

روحيه _ اه طبعا هفضل هنا هو انا ليا مكان اروح 

فيه 

الراجل _ تمام هبقي اطلع ليكي العقد الجديد 

بقي علشان تمضي عليه اه اصل انا ناوي 

اغلي الايجار شويه 

روحيه _ اللي تشوفه يا يا حاج انا معاك فيه 

وبعدها دخلت وشويه والباب خبط وفتحت وكان 

يوسف 

روحيه _ ينهار ابيض معقول يوسف انت 

ازاي هنا يا حبيبي انت مش المفروض 

عريس  ومينفعش تنزل من البيت 

يوسف _ شوفتي اللي حصل يا امي 

عماد صاحبي خلاني اخد اجازه الشغل ودخل 

للمدير وقالو علي حاجات كنت مآثر فيها 

في الشغل وبعدها المدير اتصل بيا وقالي أنه 

رفدني 

روحيه _ ينهار ابيض معقول يا بني طيب انت 

ناوي تعمل اي وناوي تسد القرض منين 

يوسف _ مش عارف افكر هو انا ليه يا امي 

مش عارف افرح لازم يحصل ليا حاجه تنكد عليا 

روحيه _ استغفر ربنا يا حبيبي بس متقولش 

كده اكيد ربنا ليه حكمه في كده 

يوسف _ المهم هنعمل اي دلوقتي انا مش 

معايا اسد القرض اللي عليا 

روحيه _ ولا تشيل هم يا حبيبي انا لسه 

مكلمه صاحب الشقه علشان هسبها الشقه 

بقت كبيره عليا اوي هشوف اوضه 

وهدفع القرض من المعاش 

يوسف _ والله يا امي ما عارف اقولك اي 

ربنا يخليكي ليا وما يحرمني منك ابدا 

روحيه _ روح لعروستك بقي يا حبيبي واياك تقول 

ل اسماء حاجه عن موضوع القرض ده 

يوسف _ ربنا يخليكي ليا يا امي وما يحرمني 

منك ابدا ، وبعدها روح البيت ودخل واسماء 

قالت ليه 

اسماء _ ها اللعبه دخلت عليها ولا حست منك 

ب حاجه 

يوسف _ لا يا اسماء تصدقت كلامي بس امي صعبانه عليا قوي دي ناويه تسيب شقتها وتقعد في اوضه صغيره 

اسماء _ كفايه عليها اوضه بقولك انا شوفت الورق في بوكها امك بتاخد معاش حلوه قوي ما تخليها هي تسد القرض نسده  احنا ليه

يوسف _ طيب ليه ما خليتنيش اخد البوك معايا اديهولها

اسماء _ يا حبيبي لو كنت عملت كده كانت 

هتعرف أنها لعبه كده احسن وكمان اللي يخليها تصدق ان انت روحت انهارده معقول عريس 

هيسيب عروسته يوم فرحها الا لو كان الكلام 

حقيقي 

يوسف _ عندك حق بس انا عايزه اقولك ان انا مش هسيب امي برده لو احتاجت اي فلوس انا هديهالها 

اسماء _ اخس عليك يا يوسف دي امك امي 

والله ولازم انا كمان اقف جنبها ربنا يخليها 

لينا يارب وعدا يومين وروحت لصاحب البيت شقته 

الراجل _. مساء الخير يا ست روحيه غريبه يعني لسه بدري على الايجار مش بعاده  انك تيجي للبيت عندي

روحيه _ عايزه اتكلم معاك شويه وبعدها 

دخلت واقعد وقولت ليه بقولك اي أنا 

فكرت كويس لقيت الشقه كبيره عليا أنا عايزه 

اسبها

الراجل _ معقول طيب ليه كده انتي ست كويسه .وانا عمري ما هلاقي زيك ولا زعلتي 

مني علشان قولتلك هزود الايجار شويه

روحيه _خالص والله ده حقك انك تعمل كده بس انا عايزه اوضه على قدي وبرده في نفس العماره عندك اديني الاوضه اللي فوق السطوح

الراجل _معقول وهتقدري كل يوم تطلعي وتنزلي طيب وليه عايزه تعملي كده

روحيه _انا بقيت عايشه لوحدي هاخد شقه كبيره اعمل بيها ايه ارجوك توافق تديني الاوضه

الراجل _اللي يريحك انا اعمله ليكي يا ست روحيه وتحت امرك في اي حاجه ناويه تسيبي الاوضه 

أمتي 

روحيه _انت عارف ان رمضان كلها كام يوم وانا قولت انقل دلوقتي بكره باذن الله هطلع 

فوق بحاجتي 

الراجل _ اللي تشوفي انا هعمله ليكي وفعلا 

نقلت في الاوضه اللي فوق السطوح كانت 

صغيره وسبت العفش في شقتي لأن الاوضه 

كانت صغيره اوي وجه اول يوم رمضان 

في شقه يوسف 

يوسف صحي من النوم ودخل المطبخ وكانت 

اسماء وافقه فيه  قالها 

يوسف _ صباح الخير يا حبيبتي غريبه واقفه في المطبخ بدري كده لسه بدري علي الفطار 

اسماء _ اصل انا ناويه أعزم ماما وبابا عندي عالفطار اول يوم بقي متعوده اكون معاهم 

يا حبيبي 

يوسف _ والله كويس رمضان بيحب اللمه 

انا هبعت اجيب ماما كمان تفطر معانا 

انهارده ، وفي الوقت ده اسماء اتعصبت وقالت 

اسماء _نعم نعم يا حبيبي لا طبعا اول يوم ده 

لاهلي امك متجيش هنا يا يوسف عالاقل 

ان اهلي اللي جايين ليا الفطار ده وانا بعمله 

امك عملت اي بقي 

يوسف _ طيب خلاص يا حبيبتي ارجوكي ما تزعليش نفسك اهدي بس

اسماء _شوفت بقى انك خلتني اتعصب ازاي عليك يا حبيبي في أول رمضان حقك عليا بس انا 

مش هعرف اخد راحتي وأمك هنا والله 

يوسف _ اللي تشوفي يا حبيبتي انا معاكي فيه انا نازل اجيب تمر وحاجات وبعدها نزل 

وفي الوقت ده انا روحت عند اسماء وفتحت ليا 

اسماء _خير يا حماتي في حد بيروح عند حد اول يوم رمضان 

روحيه _خير يا حبيبتي انا كنت جايه بس اجيبلك شويه الحاجات دي قولت عشان تعمليها على الفطار  مع الاكل 

اسماء _انا اصلا ماما عازماني على الفطار عندها النهارده ومش هفطر هنا في البيت

روحيه _ ربنا يخليها ليكي بقولك اي يا اسماء

انا عايزه اتكلم معاكي شويه معلش 

اسماء _ادخلي يا حماتي خير وبعدها دخلت 

اقعد وقولت ليها 

روحيه _ انا لسه عارفه انهارده أن عندي السكر 

وبجد المعاش بتاعي يدوب بدفع ايجار

الاوضه وبسد منه فلوس عليا كنت عايزه 

اعرف منك هو يوسف لقاه شغل ولا لسه 

اسماء _ شغل ايه يا حماتي مش عايزه اقولك ان ماما هي اللي بتصرف على البيت ده هو ابني تلاقي ياكل يا حماتي  اسكتي خليني ساكته 

معرفش اي اللي حصل لينا 

روحيه _ علشان كده قولت اقولك انتي الاول 

يا بنتي كويس ان مش اتكلمت معاه 

في موضوع الفلوس انا ماشيه بقي 

اسماء _ هو العلاج غالي اوي يا حماتي ولا اي 

مش قادره تدفعي يعني 

روحيه _ ربنا قادر يابنتي علي كل حاجه باذن 

الله هيقف جمبي وبعدها أنا مشيت 

وشويه وطلع يوسف

اسماء _امال فين التمر والحاجه اللي انت كنت نازل تجيبها يا يوسف 

يوسف _عندي ليكي مفاجاه احسن من كده المفروض كنت هاخد المكافاه كمان شهر انا مكافاه اتصرفت ليا النهارده ولسه صارف الشيك دلوقتي ، وفي الوقت ده فرحت اسماء وقالت 

اسماء _بجد اخص عليك يا يوسف زي ما تقوليش على خبر حلو كده كنت نزلت معاك على الاقل بقولك ايه يا حبيبي بقى انا عايزه اقولك على حاجه اي رايك نجمد الفلوس في دهب احسن 

يوسف _ حبيبتي انا هعملك اللي انتي عايزاه بس على الاقل شهر رمضان ده ادفع القرض لماما 

قسط واحد بس علي الاقل 

اسماء _اخس عليك يا حبيبي هو انت فاكر 

ان ممكن اقولك لا طبعا انا هعزمها عندي 

وهديها الفلوس وزياده كمان 

يوسف _ربنا يخليكي ليا يا حبيبتي طول عمرك قلبك طيب وعدا كام يوم ولقيت اسماء 

بتتصل بيا وبتقولي 

اسماء _ازيك يا حماتي عامله ايه اخبارك ايه ما حدش بيسمع صوتك يعني من اول رمضان

روحيه _الحمد لله كويسه يا اسماء انتي اخبارك ايه ويوسف عامل ايه

اسماء _بخير والله يا حماتي بقولك ايه يوسف كان عازمك النهارده على الفطار عندنا ياريت 

متتاخريش بقي 

روحيه _لا يا حبيبتي باذن الله جايه لكم وانا 

قفلت السكه وكنت فرحانه اوي ان مش هفطر لوحدي وفي شقه يوسف دخل 

يوسف ل اسماء وقال 

يوسف _اسماء انا هتصرف ازاي دلوقتي طالبيني في الشغل ان لازم اروح دلوقتي ومش هينفع 

اكون موجود علي الفطار 

اسماء _حبيبي ما ينفعش تخسر شغلك لازم تروح طبعا

يوسف _طيب وماما هتقولي ليها ايه مش هي عارفه ان انا قاعد من الشغل

اسماء _هقولها اني جات ليك مقابله شغل ورحت تشوفها يلا روح شغلك بقى ، وفعلا نزل وهي اتصلت علي بنات عمتها وامها يجيوا 

عندها وروحت لقيت عندها ناس كتيره وقولت 

روحيه _مساء الخير يا اسماء امال يوسف فين هو خرج ولا ايه 

اسماء _اه يا ماما تعالي بقى جاتله مقابله شغل 

معلش يا ماما انا اسفه والله بس بنات عمتي 

جم فجاه وانتي شايفه المكان ضيق ازاي هينفع تاكلي في المطبخ 

روحيه _وماله يا بنتي اي مكان المهم الضيوف 

اسماء _عندك حق هما ضيوف انما  حضرتك صاحبه بيت طبعا ودخلت لقيت الاكل محروق 

وفي طبق واحد قومت وقولت ليها 

روحيه _انا ماشيه يا اسماء وما يجي يوسف سلميلي عليه يا حبيبتي

اسماء قامت من الاكل وقالت 

اسماء _ايه ده يا ماما بسرعه كده هو انتي لحقتي خلصتي اكل طيب اصبري دقيقه واحده خليكي واقفه عايزاكي في حاجه ، وبعدها راحت 

جابت فلوس وقالت خدي يا ماما الفلوس 

دي ليكي 

روحيه _ فلوس اي دي يا حبيبتي 

اسماء _ ذكاه رمضان اصل احنا عارفين 

ان ظروفك وحشه والاقربون أولي بالمعروف 

وبصيت لقيت أهلها كلهم بيبصوا عليا وقولت 

الحلقه الثانيه من هنا

قبل ماتخرجوا اتفضلوا الروايات الكامله من بداية الروايه من هنا

 هنا 👇❤️👇❤️👇

 🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

  روايات كامله وحصريه