القائمة الرئيسية

الصفحات

آخر الأخبار

انا وضرتي بقينا أصحاب الحلقه الاولي والثانية والثالثة والرابعة والخامسة والسادسه والسابعه والاخيره بقلم هويدا زغلول

 انا وضرتي بقينا أصحاب الحلقه الاولي والثانية والثالثة والرابعة والخامسة والسادسه والسابعه والاخيره بقلم هويدا زغلول

انا وضرتي بقينا أصحاب الحلقه الاولي والثانية والثالثة والرابعة والخامسة والسادسه والسابعه والاخيره بقلم هويدا زغلول

الحلقه الاولي 

بقلم هويدا زغلول

اميره 

برضه مكتوب عليا اكون مراتك في السر حتي بعد ما مراتك الاولي ماتت


عبدالله 

اعمل اي يا حبيبتي لازم اتجوز اخت مراتي لأنها 

خليتها هي الوصيه علي ورث العيال وانتي عارفه 

ان الشركه والعماره ب اسم مراتي لو أعلنت 

جوازي عليكي هرجع شحات تاني 


وقبل ما نبدا الحكايه اعرفكم بنفسي أنا 

اميره الزوجه الثانيه بس انا اللي علي حب

واتغصب أنه يتجوز بنت عمه وبعدها اتجوزني 

في السر وفي يوم عبدالله كان عندي وواقف 

في اوضه النوم ودخلت قولت


اميره 

يالله يا عبدالله الاكل جاهز ، ولقيته واقف 

بيلبس هدومه وقولت اي ده هو انت نازل 

من غير ما تاكل معايا ولا اي 


عبدالله 

معلش يا حبيبتي انتي عارفه مشيره مش 

بتاكل الا لما اروح ومش عايزها بقي تفتح 

معايا حوار كلت فين ومع مين 


اميره 

هو انا مش مراتك زيها ولا اي ومن حقي تاكل 

معايا مره ولا اي 


عبدالله 

اوعدك بكره هاجي أفطر معاكي قبل ما اروح 

الشركه يلا بقي لازم انزل دلوقتي باي بال حبيبتي خدي بالك من نفسك ، وبعدها سابني 

ونزل ولقيت الباب بيخبط وفتحت وكانت منه

جارتي وفتحت وقولت 


اميره 

منه تعالي كنت لسه هرن عليكي علشان تيجي 

وبعدها دخلت اقعدت وقالت 


منه 

شوفت جوزك نازل قولت لازم اجي اقعد معاكي 

اي عملتي اي اتكلمتي معاه في موضوع 

انك عايزه تخلفي 


اميره 

بصراحه لا كان جاي عامل يشتكي ليا من مراته 

التانيه بسبب أسلوبها ولقيته مخنوق قولت مينفعش اتكلم في حاجه 


منه 

خليكي انتي عبيطه كده ياختي هو معاها وهي 

مخلفه ومتهنيه وانتي عايشه لوحدك بين 

اربع حيطان 


اميره 

بالله عليكي بلاش الكلام ده دلوقتي انا بحب 

عبدالله أوي وبصراحه اول لما بشوفه بحس 

أن عايزه اعمل ليه اي حاجه ترضي 


منه 

يابنتي هو انا قولت ليكي اكرهي بس بقولك انتي ليكي حقوق ولازم تخديها بوصي علشان 

متقوليش أن بسخنك عليه انا مليش دعوه ،

وفي الوقت ده لقيت عبدالله بيرن 


اميره 

الو ايوه يا عبدالله اي ماتت ازاي طيب يا حبيبي 

والنبي خد بالك من نفسك وابقي طمني عليك 

وقفلت السكه وقولت 

الحقني مراته ماتت معقول خالص مشكلتي 

اتحلت 


منه 

اي ده ماتت ده ربنا بيحبك علشان كده لازم 

يتجوزك رسمي 


اميره 

بس مينفعش اتكلم معاه في حاجه دلوقتي 

بس عايزه اقولك والله العيال صعبانه عليا 

اوي 


منه 

طيب قومي قومي يلا البسي علشان تروحي

العزا وبعدها قامت وقفت وانا قولت 


اميره 

اهدي بس مش لسه في إجرائات وبعدين 

انا مينفعش اروح هناك أمه عارفه أن كنت زميلته 

وانا مش هينفع اروح 


منه 

يا عبيطه ده احسن وقت لازم تكوني جمبه 

فيه وبعدين يعني هو كده ملوش حجه 

بقي 


اميره 

تفتكري ممكن يقولي أنه مش هينفع يتجوزني 

انا خايفه يا منه اوي 


منه 

انتي لازم تروحي العزا وده راي وبعدها فعلا 

صبرت لحد ما عبدالله نزل بوست وبعدين 

روحت العزا واول لما دخلت لقيت مامته وروحت

سلمت عليها وقولت 


اميره 

البقاء لله يا طنط ربنا يجعلها اخر الاحزان وهي 

اول لما شافتني قامت. وقفت. قالت 


الام 

اي ده انتي ايه اللي فكرك بنا بقى دلوقت ده كله وانت عرفت العزا منين


اميره 

انا جايه اعمل الواجب يا طنط وبعدين عرفت من بوست عند عبد الله ولو انتي متضايقه انا ممكن  امشي عادي ما فيش مشكله


الام 

ماشي تفضلي اقعدي ما حدش يقدر يقولك حاجه وانتي جايه تعملي الواجب وطول ما هي قاعده كانت عماله تبص ليا وبعدها لقيت سماح اخت مشيره راحت لحماتي وقالت


سماح 

بعد اذنك يا طنط انا هودي الاولاد شقه ماما علشان خاطر ما يفضلوش قاعدين هنا كل شويه عمالين يسالوني عن امهم


الام 

خليكي انتي يا سماح وانا هابعت حد بهم وما ينفعش تسيبيه عزاء اختك وتمشي ، وبعدها 

خلص العزا ولقيت ام عبد الله بتقولي 


الام 

ايه مش خلاص عملتي الواجب تقدري حضرتك تتفضلي بقى ولا مستنيه حاجه


اميره 

كنت عايزه أعزي  يا عبد الله بس بعد اذنك برده طبعا ،. وفي الوقت ده لقيتها قربت مني.وقالت 


الام

 بتحلمي يا اميره لو فاكره ان مراته ماتت والدنيا فضيت ليكي  ابدا عمري ما هجوزهلك 


اميره 

نفسي اعرف عملت ليكي  ايه علشان تعامليني بالطريقه اللي انتي بتكلميني بيها دي وبعدين هو ده وقت اللي انت بتقوليه ده ،. وف الوقت 

ده لقيت عبدالله دخل وقال


عبدالله 

ماما عمي عايزك برا  وبعدها لقاني وافقه قال   ايه ده اميره هو انت جيتي  هنا ازاي


الام 

اللي ما عندهاش دم فاكره ان خلاص مراتك راحت وهي جايه ترمي الشبكه عليك


اميره 

انا اسفه اني جيت يا طنط وبجد مش هاستحمل منك كلمه ثانيه 


عبدالله 

اخرج انتي  بس  يا ماما شوفي عمي 

عايزاك ليه ،. وفعلا الام خرجت ولقيته بيرد 

بعصبيه وقالي 


عبدالله 

هو انتي جايه هنا  بتعملي ايه انتي اكيد بتهزري صح مش انا قولت مش عايز احد يشوفك


اميره 

فيه اي أنا قولت لازم اقف جمبك في موقف 

زي ده بعدين مش مامتك كده كده هتعرف 

أننا متجوزين فيها أي أنها تشوفني ، وكانت 

الصدمه لما. رد وقالي 


انا وضرتي بقينا أصحاب 

الحلقه الثانيه

بقلم هويدا زغلول

عبدالله 

يوووو قولتك مش وقته امشي بقي مش 

عايز حد يشوفك هنا ارجوكي روحي وانا هجيلك 

بليل 


اميره 

ماشي يا عبدالله هستناك وبعدها مشيت 

وفي الوقت ده امه راحت وفقت جمبي 

وقالت 


الام

عايزه اعرف البنت دي جاءت هنا ليه وازاي

بقولك اي انت اكيد مش هتفكر 

في البيت دي تاني 


عبدالله 

وهو ده وقته يا امي برده


الام 

ايوه وقته يا عين امك انت والد هتعملهم عليا انا عارفه كويس اوي ان انت ما كنتش بتحب امراتك

وعارفه كمان ان انت مش زعلان عليها


عبدالله 

بس زعلانه على عيالي يا امي مش عارف من بعد امهم انا هعمل ايه واتصرف ازاي


الام 

بس انا عارفه كويس وي انا هعمل ايه وهتصرف ازاي 


عبدالله 

امال فين العيال يا امي انا عايزه اشوفهم واقعد معاهم شويه


الام 

العيال مش هنا سماح اخدتهم

علشان ميفضلوش يسألو عن امهم 


عبدالله 

طيب انا رايح مشوار شويه وراجع عالطول 

وبعدها عبدالله جه عندي وكان طالع 

علي السلم منه كانت وافقه قدام شقتها 

واول لما شافته قالت 


منه 

البقاء لله يا استاذ عبد الله هو انا ينفع اتكلم معاك شويه


عبدالله 

ونعمه بالله ايوه طبعا تحت امرك تفضلي

عايزه اي 


منه 

ما ينفعش الكلام على السلم هنا تعالي جوه شويه عندي انا عايزاك


عبدالله 

بس اصل مينفعش انتي عايشه لوحدك 

وانا مينفعش ادخل عندك خالص 


منه 

عيب عليك تقول كده ربنا يعلم أن بعملك 

زي اخويا بالظبط وبعدين احنا اخوات يعني 


عبدالله 

ماشي اتفضلي وبعدها دخل عندها الشقه 

وقالت 


منه 

انا عرفت ان اميره جت العزا انهارده انا حاولت امنعها جدا لان قولت لها مش وقته بس هي صممت انها تروح


عبدالله 

انا عارف ان هي بتسمع كلامك وبتحبك يا ريت تقنعيها انها تهدا الفتره دي مش عايزه اقول لك امي مش بتطيقها خالص وانا عايز احببها

فيها الفتره دي 


منه 

والله انا هعمل اللي اقدر عليه بس علشان خاطرك انت انا مش عايزه يكون لك مشاكل مع والدتك الفتره دي


عبدالله 

ربنا يخليك يا منه بجد مش عارف ا

شكرك ازاي 


منه 

بس انا عايزه اقول لك على حاجه انت لازم تسمع كلام مامتك في اي حاجه تقول لك عليها مامتك بتحبك وساعات بتكون شايفه حاجات انت مش شايفها اصلا


عبدالله 

اقصدك ايه يعني مش فاهم كلامك


منه 

يعني على الاقل لو رفضت ان اميره تكون امراتك اميره لازم تكون امراتك في السر ما تعملش مشاكل معها


عبدالله 

ربنا يقدم اللي فيه الخير بعد اذنك علشان عايزه ادخل  لاميره 


منه 

اه بس يا ريت بلاش تقول لها ان تكلمت معك في حاجه علشان ما تزعلش مني يعني


عبدالله 

اكيد من غير ما تقولي طبعا هعمل كده بعد اذنك تصبح على خير ، وبعدها خرج ودخل عندي 

واول لما شافني قالي 


عبدالله 

ممكن افهم بقى اللي انتي عملتيه النهارده ده كان ليه مش قادره تصبري على الاقل شهر وبعدين تبقي تيجي


اميره 

وطي صوتك يا عبد الله وانت بتتكلم معايا واظن انا ما عملتش حاجه غلط يعني حتى لو انا المفروض كنت زميلتك واكيد لما شوفت البوست ده هاجي واعزي


عبدالله 

انت عارفه ان هو مش بتحبك وانا لازم أقنعها 

بيكي


اميره 

بقولك ايه يا عبد الله انا مش هستحمل كده كثير الاول كانت امراتك ودلوقتي امك انا خلاص زهقت


عبدالله 

وفرضت امراتي مكنتش ماتت كنتي هتعملي ايه ما انتي كنت هتفضلي ساكته برده


اميره 

واهي  ماتت خلاص بقى انا زهقت ان انا افضل الزوجه اللي في السر انا حبيبتك يا عبد الله انت ناسي ولا ايه حب الجامعه 


عبدالله 

اسمعي يا اميره انا مش عايز مشاكل الفتره 

دي ارجوكي لو بتحبني بلاش تعملي 

اي تصرف غلط ارجوكي الفتره دي بس ، وبعدها 

انا قولت ليه وكان كل يوم بيبات عندي 


اميره 

حاضر يا عبدالله هعملك اللي انت عايزو وعدا 

شهر وبعدها ام عبدالله بعتت ليه اول لما 

دخل الشقه قالت 


الام 

هو انا ممكن اعرف بقى انت كل يوم بتنام فين

ده مافيش ليله واحده عرفت انك بايت مع العيال  ، وفي الوقت ده عبدالله اقعد وقال 


عبدالله 

طيب قولي ازيك الاول عامل اي ، وبعدين عايزاني ابات في الشقه ازاي وسماح على طول بايته مع العيال أنا قولت اسيب ليها 

الشقه برحتها 


الام 

مهو أنا بعتا ليك يا حبيب امك علشان كده 

مهو أنت برضه لازم تكون معاه العيال 

عالطول 


عبدالله 

مش فاهم كلامك يا امي وضحي اكثر لو سمحت


الام 

انا كلمت سماح خلاص وقولت ليها ان انت عايز تتجوزها والبنت مش ممانعه علشان خاطر عيال اختها ، وفي الوقت ده عبدالله قام وقف 

وقال 


عبدالله 

هو في ايه يا امي هو انا عيل صغير بالنسبه لك الاول جوزتني مشيره ودلوقتي

 عايزه تخطبي ليا سماح هو انا ما ليش شخصيه كده اوي أنا لازم اختار شريكه حياتي 


الام 

اللي هي مين بقى يا عبد الله شريكه حياتك وبعدين هو انت ما عرفتش باللي حصل المحامي اكيد مقلكش يعني ان كل حاجه باسم العيال الشركه والبيت وكل حاجه


عبدالله 

لا عارف يا امي ان كل حاجه باسم العيال بس ايه المشكله في كده مش فاهم


الام 

المشكله يا حبيبي ان مشيره خلت اختها هي الوصيه على العيال يعني لو انت اتجوزت 

اي وحده غير سماح مش هيكون 

ليك حق في الشركه ولا فيه اي حاجه 


عبدالله 

معقول يا امي الكلام ده طب ازاي المحامي  مقاليش عن الموضوع ده


الام 

اه يا عين امك هو اللي حصل وروح واساله وشوف بقى ناوي تعمل ايه هتسيبي الشركه وتسيب كل حاجه ولا هتتجوز سماح


عبدالله 

انا مش قادره افكر في اي حاجه يا امي دلوقتي انا نازل ، وبعدها نزل وخرجت سماح 

وقالت 


سماح 

انا مش موافقه علي الكلام ده يا طنط هو مش 

عايز يتجوزني وكمان كام مغصوب علي جوازه 

اختي 


الام 

اسمعي يا بنتي والنبي أنا مليش غيرك 

دلوقتي لازم تقفي جمبي أنا مش عايزه 

يتجوز البت اللي اسمها اميره دي 


منه 

وانا ذنبي اي واختي كمان ذنبها اي 


الام 

لو مش عايزه تعلمي كده علشان خاطري أنا 

اعملي علشان خاطر عيال اختك ترضي 

أن يجي ليهم مرات اب ، وبعدها فضلت 

وافقه ساكته وفق شقتي دخل عبدالله 

وقولت 


اميره 

والله انت ابن حلال أنا عامله ليك الاكل 

اللي بتحبه وكنت لسه كلمك علشان تيجي 


عبدالله 

انا هتجوز سماح يا اميره 


 انا وضرتي بقينا أصحاب 

الحلقه الثالثه 

بقلم هويدا زغلول


وانا اتفجأت من كلامه وقولت 


اميره 

انت بتقول اي أنا مش قادره اصدق اللي بسمعه 

ده 


عبدالله 

اسمعي بس يا حبيبتي انا مش هطلقك 

انتي برضه هتكوني مراتي هو أنا اقدر 

استغني عنك يا اميره برضه بس هيكون زي 

ما احنا دلوقتي 


اميره 

برضه مكتوب عليا اكون مراتك في السر حتي بعد ما مراتك الاولي راحت 


عبدالله 

اعمل اي يا حبيبتي لازم اتجوز اخت مراتي لأنها 

خليتها هي الوصيه علي ورث العيال وانتي عارفه 

ان الشركه والعماره ب اسم مراتي لو أعلنت 

جوازي عليكي هرجع شحات تاني 


اميره 

انت اي يا اخي كل اللي يهمك الفلوس 

وبس لا يا عبدالله مش موافقه 


عبدالله 

والله ياريتني اعرف اشتغل حاجه غير 

شغلي في الشركه كنت عمري ما فكرت 

في الموضوع ده


اميره 

برحتك يا عبدالله اعمل اللي انت عايزو 

بس انا زهقت من اني اكون الاستبن 


عبدالله 

ده انتي حب حياتي اللي مقدرش ابعد عنه وفي الوقت ده لقينا الباب بيخبط وعبدالله 

راح فتح وكانت منه 


منه 

أنا اسفه أن جيت دلوقتي بس صوتكم 

كان عالي اوي ، وفي الوقت ده انا روحت 

جنبها وقولت 


اميره 

تعالي شوفي البيه بيقول اي برضه 

مصمم ان اكون مراته في السر انا عملت 

اي في دنيتي علشان يحصل فيا كده 


منه 

اهدي بس طيب يا عبدالله انزل انت دلوقتي 

وبعدين ابقي تعالي لحد ما تهدي بس 


عبدالله 

طيب ارجوكي خليكي جنبها اوعي تسبيها

وهبقي اكلمك علشان اطمن عليها 


منه 

ماشي حاضر ، وبعدها نزل عبدالله 

وانا اقعد علي الكرسي وقولت 


اميره 

هو ليه بيعمل في كده يا منه علشان ضامن وجودي معاه 


منه

علشان انتي عبيطه قولتك كذا مره انتي لازم تحمليه وانت ما سمعتيش الكلام


اميره 

ما كنتش عايزه اعمل له مشاكل والله يا منه 

انا بحبه اوي 


منه 

يعني هو اللي مش بيحبك لازم تفكري 

في نفسك زي ما هو بيفكر في نفسه انتي تكلميه وتقولي ليه  موافقه على كلامه لحد ما تخلفي وبعد ما يبقى معاكي عيل منه غصبا عنه هيخليك مراته قدام الناس كلها


اميره 

عندك حق انتي كلامك مضبوط وانا هعمل كده

وعدا كام يوم وعبدالله كان في شقته

ودخلت سماح وقالت 


سماح 

ايه ده هو انت يا عبد الله معلش انا اسفه  معرفش والله


عبدالله 

اه يا سماح هنا من بدري انا عايزه اتكلم معاكي شويه ممكن ، وهي قعدت وقالت 


سماح 

خير يا عبد الله تحت امرك


عبدالله

طبعا انتي هيجي يوم اللي هتتجوزي في يوم مش معقول هتكوني قاعده مع العيال على طول وانا مش عايزه اجيب لهم مرات  اب تكون مفتريه عليهم ايه رايك ان انا اكلم والدتك ونتجوز انا وانتي


سماح 

لا عبد الله انا مش موافقه انا كده كده هخلي بالي من العيال بس بصراحه جواز انا مش هاقدر


عبدالله 

ارجوكي فكري في العيال يا سماح انا عارف ان انتي بتحبيهم وكنت بتحبي اختك الله يرحمها

وانا هكون سعيد جدا لما نتجوز 


سماح 

طيب ايدني وقتي افكر معلش الخطوه 

دي خطوه كبيره وانا مش عارفه بصراحه 

هقدر اعملها ولا لا 


عبدالله 

خذي وقتك وبعدين ابقي ردي عليا سكت شويه وبعدين قال لها طيب انا كنت عايزه اسالك سؤال هو انا كده هقدر اروح الشركه برده ولا ايه لان عرفت ان انتي اللي بقيتي مسؤوله عن كل حاجه


سماح 

مسؤوله على الورق بس انما اي حاجه معاك انت يا عبد الله ما فيش اي مشكله خالص

، وفي الوقت ده انا رينت عليه وهو قال 


عبدالله 

طيب بعد اذنك يا سماح معي مكالمه شغل وبعدها قام ودخل الاوضه ورد عليا وقالي 

معقول انتي بتتصلي بيا والله انا بحبك يا اميره 

ومش عايزك تزعلي مني انا بس عايز اعرف 

اقف علي رجلي وبعدين والله هطلقها 


اميره

انا لما قعدت بيني وبين نفسي عرفت يا عبد الله ان انا ما اقدرش اعيش من غيرك انا موافقه ان انت تتجوز واكون امراتك في السر


عبدالله 

بجد علشان انتي قولتي كلمتين دول ما تعرفيش انا هعمل معاكي ايه اي حاجه هتطلبيها مني هاعملها معاكي 


اميره 

الفتره دي ولحد ما تتجوز تيجي وتبات معايا كل يوم


عبدالله 

بس كده انتي تؤمري يا حبيبتي وفعلا فضل 

شهرين يبات معايا وانا بطلت اخد وسيله 

منع حمل وجه يوم ودخل عليا وقالي 


عبدالله 

بجد انا مش عارف اقولك ايه بس سماح وافقت اني اتجوزها وفرحنا هيكون الاسبوع الجاي 

وانا اقعد وحطيت رجل علي رجل وقولت 


اميره 

وايه المشكله يا عبد الله الف مبروك وربنا يكمل ليك على خير انت عملت اللي انت عايزه وانا كمان عملت اللي انا عايزاه


عبدالله 

مش فاهم كلامك يعني قصدك اي باللي  انتي عملتي اللي انتي عايزاه


اميره 

حبيبي انا روحت النهارده للدكتور وقالي ان انا حامل مبروك يا عبد الله ، وفي الوقت 

ده هو قام وقف وقال 


عبدالله 

اميره انت اكيد بتهزري وما عملتيش كده صح


اميره 

بطل بقى انانيه انت عايز كل حاجه عايز الزوجه الحبيبه وعايز الفلوس وعايز تاخذ كل حاجه وربنا ما بيديش كل حاجه يا عبد الله


عبدالله 

ماشي يا اميره لينا كلام بعدين علي اللي 

انتي عملتي ده وانا مش هسكت 


اميره 

بس بقى وبطل تهديد ليا اي  مش هتسكت هتعمل ايه يعني انا صبرت معاك كثير بس غلطه غلطتي انا متجوزه واحد متجوز


عبدالله 

ماشي يا اميره حاضر وبعدها نزل وراح شقته 

وكانت سماح قاعده مع العيال واول 

لما شافت عبدالله قامت وقفت وقالت 


سماح 

معلش انا كلمت الناس علشان يجوا يشلوا 

العفش انهارده اي ده مالك شكلك عامل 

ليه كده 


عبدالله 

ابدا مافيش حاجه اعملي اللي انتي عايزه 

دي شقتك وانتي حره فيها وفي الوقت ده 

موبيل عبدالله رن وقالها بعد اذنك 

هدخل ارد جوا ، وفي الوقت ده لقيت 

باب شقتي بيبخبط وفتحت وكانت 

سماح 


اميره 

ايوه مين حضرتك.، شكلك مش غريب 

عليا 


سماح 

انا سماح يا اميره اخت مشيره وعايزه 

اتكلم معاكي شويه ، وبعدها دخلت 

اقعدت وانا قولت 


اميره 

خير فيه اي حضرتك جايه هنا ليه 


سماح 

جايه اقولك خلي بالك من اللي بطنك وحرصي 

من منه صحبتك ، وفي الوقت ده انا قومت 

وقفت وقولت 


اميره 

اي ده انتي تعرفي منه منين وعرفتي 

منين ان انا حامل 


انا وضرتي بقينا أصحاب 

الحلقه الرابعه 

بقلم هويدا زغلول

وفي الوقت ده سماح اقعدت وقالت 


سماح 

بصراحه كده سمعت عبد الله وهو بيكلمها في التليفون وعارفه أنه متجوزك ، وانا اتفجات وقومت وقفت وقولت 


اميره 

جواز ايه و من مين  حضرتك انتي كلامك غلط مش مضبوط على فكره


سماح 

اقعدي يا اميره انا عايزه اتكلم معاكي على فكره اختي ولا كتبت وصيه ولا خليتني مسؤوله عن فلوسها ولا اي حاجه خالص من الكلام ده


اميره 

ايه معقوله كان عبد الله بيضحك عليا وبيقول ليه كده


سماح 

لا عبد الله ما ضحكتش عليكي   ده فعلا  الكلام اللي امه قالته له بعد ما اتفقت معايا على الكلام ده بس انا ما عرفت ان انت متجوزه عبد الله صعبتي  عليا بصراحه


اميره 

انا مش فاهمه منك حاجه وبعدين انتي سمعتي اي بالظبط وبعدين عرفتي منين أنها منه 

جارتي 


سماح 

انا هقولك علي كل حاجه ، وبدأت تقولها 

الكلام اللي سمعته لما عبدالله دخل الاوضه 

وكان فاتح الاسبيكر 


                   #فلاش باك 


عبدالله 

ايوه يا منه على فكره ما ينفعش تتصلي بيا كل شويه انا خلاص هتجوز ومراتي لو شافتك وانتي بتكلميني مش هيحصل كويس


منه 

يعني انا غلطانه يعني ان متصله عشان احظرك من اللي اميره  عملته


عبدالله 

تقصدي موضوع الحمل انا عرفت مش عارفه اتصرف ازاي 


منه 

بس انا هعرف اتصرف يا عبد الله انا عمري ما اشوفك واقع في مشكله واسيبك ابدا انت عارف ان هي بتامن  ليا على كل حاجه عادي يعني بايدين نخليها تنزله


عبدالله 

في الموضوع ده بالذات مش هتسمع كلامك وتنزله


منه 

ومين قالك اصلا ان انا هقولها على كده شغل مخك معايا يا عبد الله انا مش هخلي مزاجها على فكره


عبدالله 

ممكن اعرف انتي ليه بتعملي معايا كل ده وانتي 

اصلا المفروض انك جارتها وبتحبيها وهمك 

عليها 


منه 

بس بحبك انت اكتر ومستعده اعمل اي 

حاجه علشان خاطر اشوفك فرحان ومبسوط 

لو علي حساب اي حد 


عبدالله

اي معقول كلامك ده انا مش قادر اصدق 


منه 

لا صدق أنا عارفه انك عمرك ما هتفكر فيا 

ولا هتتجوزني بس انا مش عايزه اشوفك 

غير فرحان ومبسوط 


عبدالله 

طيب شوفي هتعملي اي في موضوع اميره 

وبعدين نتكلم في موضوعك انتي ولو عرفتي 

فعلا تخلصني من الكابوس ده هيكون 

في بينا كلام تاني ، وفي الوقت ده سماح 

كانت وافقه علي الباب وسمعت كل حاجه 


                  #رجوع 

سماح

وفضلت ورا لحد ما عرفت بيتك هنا وشوفته 

امبارح وهو طالع وبعدها قولت لازم اجيلك 

وسالت البواب علي شقتك 


اميره 

بس هو مجاش عندي امبارح معقوله كان طالع عندها معقول هي تعمل في انا كده 


سماح 

انتي غلطتي لما امنتي ليه على كل حاجه ناويه تعملي ايه دلوقتي


اميره 

والله مش عارفه اعمل ايه ولا اتصرف ازاي بجد مش عارفه اقولك ايه على اللي انتي عملتيه ده لاني اصلا مش مصدق ان انت عملتي كده


سماح 

انا مش وحشه يا اميره بس بامانه ده انسان واطي وما يستاهلش حبك ليه


اميره 

يعني انتي ناويه متتجوزيهوش بس انا مش هينفع اسيبه ازاي واللي في  بطني ده


سماح 

بصي مش هكدب عليكي انا مش هاسيبله جنيه من فلوس اختي فانا لازم اتجوزه لان انا معيش ورق رسمي يثبت الكلام اللي انا قلته له دي كذبه احنا عملتها انا ومرات عمي 


اميره 

طيب انا هتصرف ازاي دلوقتي والمفروض اعمل 

اي 


سماح 

حطي ايدي في ايدك ومش هتندمي والله عشان انا هاعمله بس اسمعي كلامي كويس اوي ، وبعدها فعلا اتفقت عليه معاها وجه يوم فرحها 

وبعد ما دخلت سماح الشقه وكانت حماتها 

وافقه وقالت


الحما 

الف مبروك يا حبيب امك الف مبروك يا سماح ربنا يكمل لكم على خير انا هاخذ العيال بقى عندي النهارده


عبدالله 

الله يبارك فيكي يا امي ماشي حبيبتي خليهم معاكي وفي الوقت ده انا دخلت وقولت 


اميره 

لولوللوي الف الف مبروك يا عريس 

معلش ما قدرتش اجيلك القاعه الحمل كان 

تاعبني ، ولقيت حماتي بصت ليا وقالت


الحما 

واحنا ما لنا يا اختي حملك تعباك ولا مش تعابك وانتي تيجي الفرح ليه اصلا هو انتي كنتي معزومه ولا معزومه


اميره

 مش فرح جوزي يا حماتي وكنت لازم اجيء وابارك له فيه وانت ما تعرفيش يا عروسه ان العريس متجوز عليكي ، والكل اتفاجأ من كلامي

وقال 


الحما 

انتي بتقولي ايه يا بنت انتي معقوله ابني انا متجوزك انت ده حصل امتى وازاي ده ما ترد يا عبد الله في ايه 


عبدالله

ايه اللي جابك دلوقتي يا اميره وعايزه ايه بالضبط تعالي معايا على جنب لازم نتكلم 


سماح 

على جنب ليه  تكلم قصادنا دلوقتي هنا يا عبد الله هي فعلا مراتك ولا ايه


عبدالله 

الله يسامحك يا اميره ايه اللي انتي عملتيه ده بالضبط ايوه يا جماعه مراتي


الحما 

يالهوي كنت عارفه ان هي هتضحك عليك بعد مراتك ما راحت ارمي عليها مين الطلاق دلوقتي


اميره 

طلاق ايه يا حماتي باقول لك حامل منه وبعدين انا متجوزه وهو كان متجوزا مشيره


الحما 

ارمي من الطلاق يا عبد الله مش هتقعد على ذمتك دقيقه واحده


اميره 

اهدي بس كده يا حماتي وقولي هديت وقبل ما تودي ابنك في داهيه بوصي الاول على الورقه دي وكانت المفاجاه لما كان مكتوب في الورقه


ياتري اي اللي مكتوب في الورقه ده اللي هنعرفه

الحلقه الجايه 


انا وضرتي بقينا أصحاب

الحلقه الخامسه

بقلم هويدا زغلول

وفي الوقت ده حماتي اخدت الورقه وقالت 


حماتي 

ينهارك اسود انت يا واد انت ماضي ليها 

وصل امانه علي بياض ، وعبدالله اتفجأ من الكلام وقال 


عبدالله 

والله ما حصل الكلام ده يا امي قولي ليا بالضبط يا اميره الورقه دي ازاي


اميره 

مش مهم ازاي المهم ان انت لو هتطلقني انا هاكتب المبلغ اللي انا عايزاه المهم بقي ما ينفعش جوزي حبيبي يكون عنده شقه وعايش في شقه ايجار هاخد انهي اوضه في دول ،وسماح 

جت جمبي وقالت 


سماح 

نعم نعم يا حبيبتي وانتي ناويه تقعدي هنا ولا ايه الشقه دي او انا مش باسم جوزك ده باسم اختي ما تتكلم يا عبد الله ، 


عبدالله 

طب ادخلي جوه يا اميره في اي اوضه معلش يا سماح انا عايزه اتكلم معاكي شويه


اميره 

ما تتاخرش علي يا حبيبي عشان انا كمان عايزاك في موضوع وبعدها دخلت وعبدالله قال 


عبدالله 

والله العظيم انا ما كنت عارف ان هي ندله كده اوي كده  ارجوكي اتفق معها دي يا قرشين واخذ فلوس ووديها لها ونخلص من موضوع ده خالص واكون لك لوحدك وبس


سماح 

وانا مش موافقه ان فلوس اختي تروح كده على الفاضي بقى يا راجل تكون متجوز على اختي وهي على ذمتك وامراتك كمان حامل وبتفكر في


حماتي 

ارجوكي يا بنتي انا مش عايزه البنت دي تفضل على ذمته دقيقه واحده خليه يدفعلها الفلوس وتمشي من هنا


سماح 

وانا مش موافقه يا طنط بعد اذنكم انا داخله اوضتي ، وبعدها دخلت الاوضه وحماتي قالت 


حماتي 

شايف يا موكوس اللي عملته فينا ايه اللي خلاك تعمل حاجه زي كده وتتجوز البنت دي


عبدالله 

اعمل ايه ياما انت عارفه ان انا كنت باحبها وانت كنت غضبانه على جوازه مشيره بس مش عارف اتصرف ازاي دلوقتي 


حماتي 

مش كل حاجه باسم عيالك خالص يا والد يعني الحاجه بتاعتك انت وملكك انت


عبدالله 

ما ينفعش يا امي اتصرف الكلام ده سيبيني اتكلم مع اميره شويه 


حماتي 

روح اتكلم معاها لما نشوف اخرتها اي فهما أنها 

تاخد قرشين وتمشي من هنا


عبدالله 

ماشي يا امي وبعدها دخل عبدالله عندي وقالي 

عمري ما كنت صدق انك كده بس عايزه اعرف هو انا امتى مضيت على الواتس اللي معاكي  ده


اميره 

انا اللي غريبه يا عبد الله انا اللي رضيت باي حاجه علشان خاطر انت تكون سعيد ومبسوط دلوقتي جاي تلومني وطبعا اكيد مش هقولك الوصل  ده انت مضيت عليه ازاي


عبدالله 

ما هو انت كده ناويه تهدي كل حاجه انا مش هينفع اطلق سماح


اميره 

وانا ما قلتش ليك انك انت تطلقها سيبها على ذمتك بس انا كمان هافضل امراتك وقاعده بذمتك قدام الناس كلها


عبدالله 

بس هي مش هتوافق ان يكون لها ضره واظن بقى ده حقها


اميره 

امشي اطلع بره يا عبد الله بدل ما اعمل حاجه ده انا هاندم ان انا عملتها امشي من هنا مش عايز اشوف وشك 


عبدالله 

ماشي حاضر بس بكره تندمي علي الكلام ده 

وبعدها خرج ودخل عند اميره واول لما 

اميره شافته قالت 


اميره 

هو انت لك عين تدخل الاوضه دي بعد اللي انت على اللي انت عملته  امشي اطلع بره مش عايزه تشوف وشك 


عبدالله 

هو في ايه هو انا كل ما ادخل عند واحده تقول الكلمه دي انتم كانوا حافظينها انتم الاثنين ولا ايه اقصد يعني والله اللي حصل ده كان غصب 

عني وبجد انا بحبك وندمان علي اللي أنا عملته 


سماح 

عاوزني اصدقك يا عبد الله في الكلام اللي انت بتقوله ده تكتب ليا كل حاجه بيع وشراء 


عبدالله 

نعم يا سماح لا طبعا مش موافق ازاي اعمل حاجه زي كد


سماح 

شوفت ان انت وطلعت معايا عشان خاطر الفلوس وبس لو انت معايا علشان حب اكيد هتكون واثق فيا


عبدالله 

اقصد يعني ما انت كده كده الوصيه على كل حاجه يعني ما فرقتش كثير يعني يا سماح بس 

انا مش هقدر ادفعلها فلوس من معايا 

انا كده هكون شحات 


سماح 

 امال عايز ايه يا عبد الله اديك فلوس يعني وده مش هيحصل وبعد اذنك بقي علشان أنا عايزه 

اغير هدومي 


عبدالله 

بجد انا مش عارف عملت ايه في حياتي علشان يحصل ليا كل ده


سماح 

مش انت كنت متضايق ان امك غصبتك  على جوازك من اختي  وسبت حب عمرك بيتك دلوقتي يا عبد الله انك تسيب الفلوس كلها وترجع الحب عمرك


عبدالله 

مبقاش ينفع مش بعد ما جربت العيشه اللي انا فيها دلوقت ارجع للفقر ثاني 


سماح 

خالص عيش زي ما انت عايش بقي وخلاص 

وفعلا عشنا مع بعض بس كل واحد كان في حاله وفي يوم الباب خبط وانا روحت فتحت 

وكانت منه 


منه 

مصدقتش نفسي يا بنتي اللي ما اتصلت بي وقلت انك موجوده هنا وعايزه تشوفيني والله العظيم وحشاني اوي يا اميره ايه فينك


اميره 

تعالي ادخلي يا حبيبتي اقعدي عايزه اتكلم معاكي  شويه وفعلا دخلت اقعدت وقالت 


منه 

ايه ده امال فين عبد الله هو فين امراته وعامله ايه معهم يا بنتي انتي ايه الجبروت اللي انتي عملتيه ده ازاي تعيشي معاهم في شقه واحده


اميره 

عريس وعروسه يا ستي بقى وسافروا شهر العسل بس عايزه اشكرك على كل حاجه عملتيها معايا انك خليتيني احمل لان عمري ما كنت هفكر في كده ولا اني ازعل عبدالله مني 


منه 

انتي  بتقولي ايه يا بنتي ده انتي اختي ولازم طبعا كنت اقف جنبك امال انتي عايزاه هو اللي يفضل مبسوط وعايش حياته وانتي لا ايوه كان لازم تحملي وتخلفي منه وفي الوقت ده خرج 

عبدالله وقال 


عبدالله 

معقول انتي السبب في كل ده انا مش قادر 

اصدق انك كده 


انا وضرتي بقينا أصحاب

الحلقه السادسه 

بقلم هويدا زغلول


لو البوست جاب 500تعليق هنزل 

الاخير انهارده 


وفي الوقت ده قامت منه وقالت 


منه 

اي ده عبدالله اسمعني بس والله انت فاهم 

غلط دي 


اميره

دي اي هو انتي ازاي كده بجد انا مش قادره

اصدق معقول ده انا كنت بقول عليكي 

اختي تعملي فيا كده انا مش مصدقه 


منه 

ارجوك اسمعني يا عبدالله أنا والله مكنش قصدي اقول الكلام ده خالص 


عبدالله 

امشي اطلعي برا مش عايز اشوف وشك

هنا تاني يلا ، وبعدها خرجت وانا روحت 

جمبه وقولت 


اميره 

عايزه اشكرها من كل قلبي علشان هي اللي

خليتني قويه وخليتي اقدر اقف قدامك يا عبدالله 


عبدالله 

انا بحبك والله يا اميره وانتي عارفه أن 

عمري ما حبيت حد غيرك بس انتي عارفه انا 

مع سماح ليه 


اميره 

مبقتش اكل من الكلام ده خالص انا معاك 

علشان اللي في بطني وبس ، وفي الوقت 

ده خرج عبدالله من الشقه وجت سماح جنبي 

وقالت 


سماح 

والله يا بنتي انا لو عارفه أن عبدالله 

ده انسان كويس كنت بعت عنه وسبته 

ليكي وعارفه انك هتربي عيال اختي كويس 


اميره 

والله مش قادره اصدق ان ده الإنسان اللي 

انا حبيته معقول دن طلع اناني جدا وكل 

اللي همه الفلوس 


سماح 

يبقي انتي كمان لازم تفكري في مصلحتك 

وهي الفلوس وبس علشان خاطر ابنك 

اللي في بطنك ده 


اميره 

انا تعبانه اوي اه مش قادره مش عارفه 

ليه بطني وجعاني اوي الحقني ارجوكي 

يا سماح ، وفي الوقت ده سماح اخدتني 

علي المستشفي وكنت مش حاسه بنفسي 

وبعد ما فوقت قولت 


اميره 

اي ده هو اي اللي حصل يا سماح انا بطني وجعاني اوي هو حصل اي 


سماح 

مش عايزكي تتعبي نفسك اهدي شويه 

بس وكله هيكون تمام 


اميره 

هو اي اللي حصل يا سماح بالظبط أنا فيا 

اي واللي كان في بطني فين 


سماح 

اسمعي بقي انتي ملكيش نصيب فيه وربنا

عمل كده علشان مش عايز حاجه تربطك ب عبدالله لانه هو مش يستهلك ، وفي الوقت ده انا قولت ليها وانا بعيط 


اميره 

متعرفيش أنا كان نفسي اكون ام ازاي 

ضيعت حياتي كلها علشانه 


سماح 

احمدي ربنا أنه كشفه ليكي علي الحقيقه 

المهم انتي لازم تقفي علي رجلك ولازم

تعرفي هتخدي حقك منه ازاي 


اميره 

انا عايزكي تكوني جمبي يا سماح اوعي 

تسبني بالله عليكي


سماح 

انا جمبك متخافيش ، وروحنا البيت وقعد عبدالله 

اسبوعين عن أمه مش بيجي البيت خالص وفي 

يوم سماح دخلت وقالت 


سماح 

بقولك ايه انا يدخل الشركه كلمت الامن هناك انه لو روحي يمنعه من الدخول


اميره 

تفتكري هو هيعمل ايه لما يعرف ان انتي عملتي كده اكيد مش هيسكت طبعا


سماح 

يعمل ايه اللي يعمله يعني عاجبك يعني قعاده عند امه وسايبنا احنا كده


اميره 

تصدقي لحد النهارده معرفش ان اللي بطني نازل وفي الوقت ده دخل عبدالله متعصب وكان 

معاه أمه وقال 


عبدالله 

ممكن افهم بقى يا استاذه سماح ايه اللي انتي عملتيه ده بالضبط وانتي قائله للموظفين  ان انا مدخلش الشركه هناك


سماح 

مالك كده حد يدخل يقول الكلام ده الناس

تدخل تقول السلام عليكم حد يدخل 

يزعقك كده ، وفي الوقت ده انا 

دخلت المطبخ وحماتي قالت 


حماتي

اعملي حساب أمه عالاقل يبقي ابن عمك 

قبل ما يكون جوزك من يوم ما البت اللي اسمها اميره دي جت هنا وانتي اتغيرتي


سماح 

اميره ملهاش دعوه يا مرات عمي وبعدين اقعد في البيت وليك مصروف كل شهر ده علشان 

خاطر مشيره اختي وعيالها 


عبدالله 

يعني اي يا سماح انا مش فاهم عايزني 

اقعد في البيت واخد المصروف منك ولا 

اي أنا مش موافق علي كده طبعا 


سماح 

خلاص برحتك يا حبيبتي طلقني وبلاش تاخد المصروف مني علشان كرمتك مش تنقح عليك ، وفي الوقت ده حماتي ردت وقالت 


حماتي 

عيب عليكي يا بنتي جوزك تعملي فيه كده ده أن مكنش 

علشانه يبقي علشان خاطري أنا 


سماح 

اسكتي يا وليه يا سهتانه وبعدين انتي هنا 

بتعملي اي ما تروحي شقتك بقي ، وفي الوقت 

ده خرجت أنا من المطبخ وقولت 


اميره 

بقولك اي يا سماح انا بعمل شاي اعملك معايا البرقوق ده حلو اوي تسلم ايدك 


سماح 

تسلمي يا عمري  وبعدها بصت ل عبدالله وقالت ها قولت اي الشركه  مش هتروحها تاني ي أما مش هكون علي زمتك دقيقه واحده 


عبدالله 

اتفقتوا عليا انتو الاتنين وربنا لوريكم ، وبص لامه وقالها ازاي الحال مبسوطه ياختي باللي عملتي فيا


حماتي 

انت بتقول ان العيب عندي أنا دلوقتي حد 

قالك تتجوز اللي اسمها اميره دي 


عبدالله

امشي قدامي وانتو الاتنين والله لوريكم 

وبعدها نزل وراح البيت وأمه قالت 


الام

سامحني يا بني والله ما كنت اعرف انهم 

ممكن يعملوا كده 


عبدالله 

ارجوكي سبني في حالي أنا عايز 

اقعد لوحدي شويه وبعدها دخلت والباب خبط 

وراح فتح وكانت منه 


عبدالله

اي ده انتي جيتي هنا ازاي وعايزه مني اي 

تاني وانتي السبب في كل اللي حصل


منه 

طيب دخلني وانا عندي الحل في كل اللي انت

فيه ، وبعدها دخلت وعبدالله قال 


عبدالله 

ده ازاي بقي وانتي فاكره أن ممكن اصدقك 

تاني بعد اللي حصل 


منه 

اكيد هتصدقني وكمان هتقولي والنبي 

يا منه اقفي جمبي شوف لقيت اي

في شقه مراتك ، وكانت المفاجاه 

لما عبدالله شاف 

انا وضرتي بقينا أصحاب

الحلقه السابعه

بقلم هويدا زغلول

وفي الوقت ده عبدالله قال 


عبدالله

اي الورق ده مش فاهم أنا دي روشتات وتحاليل بتاعت مين 


منه 

مراتك اميره هي كانت سيباه ليا مفتاح شقتها 

من فتره  علشان لو حصلها حاجه اقدر 

ادخلها الشقه ودخلت امبارح ولقيت 

الورق ده ب اسمها ولما سالت عرفت 

انها عندها مشكله كبيره في الخلفه 


عبدالله

انتي بتقولي اي لايمكن الكلام ده يكون 

حقيقي اميره عمرها ما تعمل كده 


منه 

نفسي افهم هي عامله ليك اي اميره اميره 

دي بشر عادي عالفكره وكانت بتكدب 

عليك في كل حاجه وبرحتك بقي لو عايز تصدقها 

برحتك مش عايز انت حر 


عبدالله 

ماشي يا منه انا مش قادر اتكلم دلوقتي 

لو سمحت انا عايز اقعد لوحدي 


منه 

ارجوك انا بحبك اوي ولو عملت حاجه ضيقتك 

دي حصلت غصب عندي والله 


عبدالله 

قولتك مش عايز كلام بقي أنا عايز اقعد 

لوحدي ، وفي الوقت ده هي مشيت وجت 

امي وقالت 


الام 

اياك تسمع كلام البت دي أنا حاسه مش سهله 

والله وبعدين ممكن تكون اميره اللي عملت 

كده وبعتت البت دي علشان عامله لعبه عليك 


عبدالله 

بقولك اي اكبر غلطه في عمري ان سمعت 

كلامك بعت حب عمري علشان الفلوس 

خليتني انسان اناني مشيره عاشت عمرها 

كله معابا عمرها ما سمعت كلمه حلوه مني 


الام 

اخس عليك انت جاي تلومني دلوقتي ده انا كنت عايزك تعيش عيشه كويسه بدل القفر اللي 

كنا عايشين فيه 


عبدالله 

واديني هرجع للفقر تاني بس بعد اي 

يا امي بعد ما اخد علي العيشه دي 


الام 

سامحني يابني والله ما كان قصدي اعمل 

كده خالص بس اوعدك ان هصلح كل حاجه

حصلت 


عبدالله 

ارجوكي بلاش تعملي اي حاجه تاني خليكي 

في حالك يا امي وسبني أنا اتصرف ، وفي 

الشقه كنت قاعده أنا وسماح وقولت ليها 


اميره 

ها هنعمل اي يا سماح دلوقتي هو انتي هتعرفي

تتصرفي في الشركه دي 


سماح 

بصراحه لا انا مش فاهمه اي حاجه في شغل اختي خالص وحاسه ان هتوه بجد 


اميره 

ايدي في ايدك وباذن الله هتكبر كل حاجه بس 

عايزه اعرف انتي ناويه تعملي اي مع عبدالله 


سماح 

مش عارفه بس كل اللي اقدر اقولوا ليكي 

أن خلاص كلمت المحامي علشان اكون 

انا اللي وصيه علي عيال اختي لأن قدمت 

ورق أن عبدالله مستهتر ومش هيقدر 

يخلي باله منهم 


اميره 

عندك حق طيب احنا لازم نروح الشركه ونعرف

كل حاجه فيها علشان نقدر نفهم الشغل 

كان ماشي ازاي 


سماح 

تمام اول لما احس انك بقيتي كويسه هنروح 

انتي ناسيه انك لسه برضه متقدريش تعملي 

اي مجهود دلوقتي 


اميره 

انا بقيت كويسه وبصراحه مش قادره اقعد 

في البيت اكتر من كده انا عايزه اقف علي 

رجلي من تاني ، وفي الوقت ده الباب خبط 

وبعدين فتحت سماح وكان عبدالله 


سماح 

خير يا عبدالله اي اللي جابك دلوقتي 

و عايز مننا اي تاني 


عبدالله 

هو انتي ناسيه انك مراتي واللي جوا 

دي كمان مراتي ولا اي ودخل وبص ليا 

وقالي 


عبدالله 

اي يا اميره عامله اي والحمل عامل معاكي 

اي دلوقتي ، وانا قومت وقفت وقولت ليه 


اميره 

وانت مالك بالحمل يا عبدالله اظن مبقاش 

يخصك بعد ما بعتني 


عبدالله 

الله دي بنطك اساسا مبقتش موجوده 

وانا اللي كدبت منه اي نسيتي تحطي 

المخده انهارده ولا اي 


اميره 

اي كلامك ده مهو أنت لو بتسال كنت 

عرفت أنه نزل وبعدين مال منه بالحوار 

ده أنا مش فاهمه 


عبدالله 

انا اللي فهمتك علي حقيقتك وبجد ندمان 

إن كنت في يوم بحبك انتي انسانه مش تستهلي 

حبي ليكي ، وفي الوقت ده سماح جت جنبه وقالت 


سماح 

بقولك اي امشي اطلع برا ياما تتكلم علي طول 

وتقول انت اقصدك اي ، وفي الوقت ده طلع عبدالله الورق وقال 


عبدالله 

فيه أن الهانم مكنتش حامل وكانت بتكدب 

عليا والورق اهو اللي يذبت بالكلام ده


اميره 

انت فاهم غلط والله الموضوع مش كده 

منك لله يا منه انا مش عارفه انتي 

ليه ورايا ورايا وكل شويه عايزه 

تعملي ليا مشكله 


سماح 

الورق ده مزور وأنا كنت معاها لما الحمل 

نزل والدكتور قال الكلام ده بنفسه 


عبدالله 

انتي واحده كدابه زيها وبقولك اي انتي 

وهي أنا ليا نصيب في الشركه ومش هسييبه

انتي سامعه ولا لا ، وبعدها خرج وسماح 

قالت 


سماح 

انا مش فاهمه منه دي بتعمل ايه كده معقول 

علشان بتحبه تعمل كده دي انسانه كدابه 

بس هي ليه زورت الورق ده ، وفي الوقت ده انا 

اقعد وبعدين قولت 


اميره 

الورق ده مش مزور الورق ده حقيقي بس انا 

الحمد لله اخد العلاج وفعلا كنت حامل 

بس مش عارفه هي ازاي اخدت الورق ده 


سماح 

مش وقته الكلام ده اسمعني كويس اوي 

عبدالله دلوقتي مش هيسبنا في حالنا 

احنا لازم نقف جمب بعض ونحط ادينا في 

ايد بعض ، وفعلا روحنا الشركه وعرفنا 

كل حاجه وبقينا نساعد بعض وفي يوم 

روحت بيت حماتي واول لما فتحت قالت 


حماتي 

مين اميره خير فيه اي جايه تاني عايزه مننا 

اي ، وانا دخلت واقعد وقولت 


اميره 

انا جايه اتكلم معاه جوزي في كلمتين انتي 

مش عارفه يا حماتي أن انا لسه مراته ولا اي 


حماتي 

سبوا بقي باللي هو فيه حرام عليكم 

عايزين منه اي 


اميره 

والله انا جايه لمصلحته يا حماتي ، وفي الوقت 

ده خرج عبدالله وقال 


عبدالله 

خير عايزه اي مني يا اميره مش اخدته نصبيكم

من الشركه ولا اي 


اميره 

ايوه يا حبيبي وجايه علشان ابيعه ليك سماح 

دلوقتي مش بتيجي كل يوم الشركه وانا 

اقدر امضيها علي ورق واخليك انت رئيس مجلس

الاداره 


انا وضرتي بقينا أصحاب

الحلقه الاخيره 

بقلم هويدا زغلول

وفي الوقت ده حماتي فرحت وقالت 


حماتي 

معقول يا بنتي انتي تعملي كده والله انتي 

بنت اصول صحيح طول عمري بقول 

عليكي بنت ناس ، وانا بصيت ليها وقولت 


اميره 

معقول يا حماتي من القلب للقلب رسول 

والله وفي الوقت ده هو بص ليا وقالي 


عبدالله 

معقول انتي ممكن تعملي معاها كده مناطمن منين انها مش لعبه منك انتي وهي


اميره 

تضمن عمري اني ضيعته معاك يا عبد الله وانا مراتك في السر وعمري ما كنت بقدر اخرج معاك ولا اروح معاك في حته كنت راضيه عشان بحبك ولسه لحد دلوقتي بحبك وما اقدرش اعيش من غيرك


عبدالله

اه والله لو عملت اللي انتي بتقوليه ده لاشيلك فوق راسي يا اميره طول العمر 


اميره 

ده علشانك اعمل اي حاجه يا عبدالله ربنا 

يخليك وما يحرمني منك ، وعدا اسبوعين 

وبعت ل عبدالله وأمه في شقتي 

وسماح قالت 


سماح 

اي ده انتو اي اللي جابكم هنا امشوا اطلعوا 

برا ، وفي الوقت ده انا خرجت وقولت 


اميره 

اي يا ماما بتمشي من بيته هو حر يجي 

وقت ما هو عايز هو وأمه تعالي يا حماتي 

ربنا يخليكي لينا ، وفي الوقت ده سماح اتفاجات 

من كلامي وقالت 


سماح 

اي ده معقول انتي اللي بتقولي كده انا

مش قادره اصدق اقصدك اي انتي ناويه 

تقعدي هنا تاني 


اميره 

ملك مراته يا حبيبتي ويقعد زي ما هو 

عايز الله 


سماح 

اخته اللي كان بيضحك عليها وخلاها تروح 

في عز شبابها 


اميره 

الله يرحمها بقي بس انا اقصد مرانه 

حبيبه عمره اللي هو أنا انتي متعرفيش 

انك مضيتي ليا علي كل حاجه بيع وشراء


سماح 

انتي كدابه الكلام ده محصلش انتي بتقولي 

اي 


اميره 

كلمي المحامي يا حبيبتي وانتي تعرفي كل 

حاجه امشي اطلعي برا بقي مش عايزه 

اشوف وشك هنا تاني 


سماح 

اميره ليه عملتي فيا كده بعد ما وثقت فيكي 

ليه جيتي عليا يا اميره ده انا قولت عليكي 

اختي 


عبدالله

خلاص بقي اخرجي برا ومش عايز 

اشوف وشك تاني ، وبعدها مشيت سماح 

وهي عامله تعيط وحماتي جت جمبي وقالت 


حماتي 

مش عارفه اشكرك ازاي يا مرات ابني بجد 

يا واد انت كنت شايف حاجات أنا مش شيفاها 


عبدالله 

طيب انتي ليه مكتبتيش ليا الحاجه بيع وشراء 

زي ما قولتي 


اميره 

وانا وانت ايه مش واحد يعني حاجه ب اسمي  كانها باسمك بالضبط ولا انت عندك كلام ثاني


عبدالله 

لا طبعا يا حبيبتي ده افرش الدنيا كلها تحت رجليكي 


اميره 

طيب انا راي تكتب ليا نصيبك لأن هي اكيد 

مش هتسكت وهتفكر تقوم محامي 


عبدالله 

ازاي يعني انتي عايزه ميكنش فيه 

حاجه ب اسمي ولا اي 


اميره 

هو انت عندك شك فيا بعد اللي عملته 

ده أنا لو كنت عايزه اخد الفلوس كنت اخد 

نصيب سماح ومشيت 


الام 

عندها حق بنت عمك سماح مش سهله 

وهي اكيد مش هتسكت اكتب الحاجه 

ب اسم اميره دلوقتي بس برضه هي 

تمضي ليك علي وصل امانه ولا اي يا بنتي 


اميره 

عشر وصلات يا حماتي ده جوزي هو ممكن 

يعمل فيا حاجه برضه ده انا ادي عنيا 


عبدالله 

ماشي موافق وبعدها قولت 


اميره 

هدخل اعمل الاكل بقي علشان ماما حبيبتي 

تاكل معانا وبعدها دخلت وحماتي قالت 


الحما 

انت واثق يا واد من الكلام اللي انت قولته 

ده يعني فعلا مكنتش لعبه 


عبدالله 

المحامي أكد ليا انه اخد مليون 

جنيه علشان يكتب الحاجه ب اسم اميره 


الحما 

يبقي ربنا لسه بيحبك يا واد وفعلا هو 

باع ليا الشركه وانا مضيت علي وصل امانه 

وفي يوم كان رايح الشركه ولقاه سماح 

هناك وقال


عبدالله 

انتي هنا بتعملي اي امشي اطلعي برا وانا 

طلقتك خالص 


سماح 

هو انت فاكر أن اميره ممكن تبعني والله 

عبيط يا عبد الله ولسه بيضحك عليك 


عبدالله 

انا مش فاهم حاجه هي كانت لعبه منكم ولا اي 

وفي الوقت ده انا دخلت وقولت 


اميره 

هو انت فاكر أن كل الناس زيك احنا 

علشان عارفين انك خاين وممكن تبيع 

ابوك عملنا اللعبه دي بس أنا عمري ما ابيع 

حد وثق فيا 


عبدالله 

معقول انتي يا اميره يطلع منك كل ده 

والله لحبسك ب وصل الامانه اللي معايا 


اميره 

هههههههههههه علشان تعرف برضه انك 

مش ذكي أنا بكتب ب ايدي الشمال 

ويوم ما مضيت عملت كده ب ايدي اليمين 

مش قولتك انك مش ذكي 


عبدالله 

لا أنا اروح فيكم في داهيه أنا مش هرجع 

فقير تاني وطلع مسدس وضرب سماح بالنار 


اميره 

انت مجنون ازاي تعمل كده وبعدها الكل 

جه علي صوت الرصاص وبعدين مسكوا 

عبدالله وبلغوا عنه وانا وديت سماح المستشفي 

وكنت عامله اعيط 


سماح 

متخافيش يا بت كده ده قدر ومكتوب بس 

بالله عليكي خدي بالك من عيال اختي 

هما ملهمش حد 


اميره 

هتكوني كويسه ومحدش هياخد باله منهم 

غيرك وبعدها عملت العمليه وخرجت 

ولما روحنا البيت قالت ليا 


سماح 

تعرفي عمري ما كنت اصدق انك كده لما 

كتبت ليكي الشركه بيع وشرا كنت خايفه 

والله مش علشاني علشان عيال اختي

بس طلعتي بنت اصول 


اميره 

والله انتي اكتر حد بنت اصول انتي اللي 

شلتي الغمامه اللي كانت علي عيني 

انا كنت بحب عبدالله لدرجه الجنون وكنت مستعده اعمل اي حاجه علشانه اهو 

اخد نصيبه 


سماح 

الحمد لله علي كل حال وبعدها بفتره 

عرفت ان حماتي ماتت وعبدالله اتجنن بسبب 

الفلوس كان كل كلامه جوا السجن عنها 

وانا واميره فضلنا مع بعض نربي 

عيال اختها وبعد فتره جه ليها عريس وانا 

فضلت مع العيال وكنت بحبهم اكتر زي ما يكونوا عيالي بالظبط 


الفلوس مش كل حاجه واياك تفرط في حد 

بيحبك الفلوس بتذول انما الحب اللي بيفضل 


تمت


تابعوني وانضموا معنا علي تليجرام لأروع الروايات 

من هنا

تعليقات

CLOSE ADS
CLOSE ADS
close