جميع الروايات كامله

 رواية جوازه بالغصب الفصل الاول بقلم هويدا زغلول 

رواية جوازه بالغصب البارت الاول بقلم هويدا زغلول 

رواية جوازه بالغصب الجزء الاول بقلم هويدا زغلول 

بعد اختي ما راحت جوزها فضل ورايا علشان يتجوزني ولما قولت لا انا بحب خطيبي 

يوم فرحي خطفني واتجوزني غصب 

جواز بالغصب

الحلقه الاولي

بقلم هويدا زغلول

سيهام _ هو انتي عايز ايه مني ارجوك سيبني النهارده فرحي

يوسف _ هو النهارده فعلا فرحك بس فرحك عليا انا انا اللي هتجوزك يا سيهام 

مش خطيبك انا جوز اختك وانا الاحق اني اتجوزك

وقبل ما نبدا الحكايه اعرفكم بنفسي

انا سيهام مخطوبه وانهارده عزا اختي 

كريمه اللي راحت وعندها بنت وولد 

وبعد العزا جه يوسف جوزها وقالي 

يوسف _ معلش يا سهام انا رايح الشقه ينفع تخلي العيال معاكي النهارده علشان خاطر 

مش عايزهم يشوفني كده 

سهام _ طبعا يا يوسف خد يوم هنا وانت كمان ايه اللي هيخليك تروح شقتك خليك قاعد معايا

يوسف _ لا محتاجه اروح هناك حاسس ان اكون مع كريمه وهتحس بيا 

سهام _ ربنا يصبرك يارب وبعدها مشي ولقيت 

خطيبي هشام قرب وقالي 

هشام _ ممكن اعرف كان بيقولك ايه وليه كنت واقفين على جنب كده

سهام _ ايه الكلام الفارغ اللي انت بتقوله ده كان بيقول ان هو عايز يسيب العيال معايا

هشام _ اه ولحد امتى بقى المفروض ان كلها كام شهر ونتجوز العيال 

هتفضل معاكي برده

سهام _ اتجوز ازاي هشام انت مش شايف اختي ايه اللي حصل لها لا طبعا احنا هناجل فرحنا

هشام _ دي رابع مره ناجل فيها وانا مش هاجل تاني واللي عندك اعملي 

سهام _ هو انت شايف ان ده وقته علشان خاطر نتكلم في الكلام ده 

هشام _ على العموم براحتك بس عايزه اقولك ان انا مش هاجل فرحنا تاني ، وبعدها مشي 

وبليل كنت علي سريري وافتكرت اختي 

وفضلت اعيط وبعدها تلفوني رن 

سهام _ الو ايوه يا هشام خير في ايه

هشام _ حقك عليا يا سهام انا اسف والله في الكلام اللي قلته بس ما تعرفيش بجد دي رابع مره ناجل فيها فرحنا وانا متضايق

سهام _ انا مش زعلانه منك بس عايزاك تحس بيا شويه انا برده زعلانه على اختي اللي راحت دي لسه صغيره

هشام _ خلاص انا مش هاين عليا انام وانتي زعلانه مني ارجوكي ما تزعليش

سهام _ مافيش مشكله والله خلاص 

وبعدها فضل يوسف كل يوم يجي 

البيت بحجه العيال وفي يوم دخل المطبخ 

وقالي 

يوسف _ بالله عليكي يا سهام حطي الاكل بسرعه علشان ورايا مشوار مهم لازم اروح

سهام _ معلش يا يوسف هشام خلاص قرب علينا علشان ناكل مره واحده كلنا سوا ، وفي 

الوقت ده لقيته اتعصب وقالي

يوسف _ هي ايه الحكايه بالظبط هو كل يوم لازم تعزميه هنا مش فاهم يعني 

سهام _ امال انت عايز افضل انا وانت لوحدنا  في شقه ولا ايه انت عارف ان ما فيش حد عايش معايا لازم خطيبي يبقى موجود 

يوسف _ انا قريبك انما هو ما يبقاش بالنسبه ل ليكي  حاجه 

سهام _ كنت قريبي انت كنت جوز اختي واختي خلاص راحت 

يوسف _ عندك حق انا اسف انا حاسس ان انا متطفل عليكي انا هاخد العيال وامشي 

سهام_ اللي يريحك اعمله يا يوسف ثواني 

ادخل احضر شنط العيال ، وبعدها اخد العيال 

ومشي وجه هشام  واقعد وقال 

هشام _ انا مش فاهم ايه لازمه ان كل يوم نيجي نتغدى عندك هنا 

سهام _ هو اخذ عياله ومشي ولو عايز 

متجيش برحتك 

هشام _هو في حاجه حصل بينك وبينه ولا ايه شكلك متضايق ليه كده اوعى يكون زعلك في حاجه

سهام _لا والله بس صعبان عليا العيال بس انا عارفه ان هو مش هيهتم بيهم 

هشام _معلش يا سهام هي سنه الحياه واكيد هو بكره هيتجوز 

سهام _ عارف لو كانت ماما الله يرحمها لسه عايشه كانت عمرها ما هتوافق خالص ان هو ياخد العيال ويمشي 

هشام _ ربنا يرحمها عالعموم أنا لازم 

امشي دلوقتي ما ينفعش اكون معاكي هنا لوحدنا لو عوزتي اي حاجه كلميني

سهام _هشام حاول تخلص في شقه بسرعه  لان خلاص ممكن شهر ونتجوز باذن الله

هشام _ بجد يا حبيبتي ما تعرفيش انتي فرحتيني ازاي حاضر انا هحاول اخلص كل حاجه ، وبعدها 

مشي وانا اتصلت ب يوسف 

يوسف _ خير يا سهام عايزه ايه تاني

سهام _ مازن بكره عنده تمرين لازم توديه الساعه 3:00 فقلت افكرك 

يوسف _ لا خلاص بقى انا مش فاضي الكلام اللي انتي بتقولي عليه ده ولا في مدرسه ولا في تمارين ولا في اي حاجه

سهام _ ده ازاي ان شاء الله الولد متفوق جدا وما ينفعش الكلام اللي انت بتقول عليه ده 

يوسف _ خلاص لو عايزهم يكملوا تعلميهم 

لازم أنا وانتي نتجوز انا بحبك وبصراحه كده مش عايزه اتجوز حد غيرك 

سهام _ دي شكلي هيتجنن انا اتجوز جوز اختي 

يوسف _ اختك راحت خلاص فكري في كلامي كويس قوي مستقبل عيال اختك هيكون في ايدك انتي 

سهام _ ودول عيالك برده وبراحتك ، وبعدها 

قفلت السكه وبطلت اطمن عليه 

وفي يوم كنت في كافيه انا و هشام وقالي 

هشام _ مالك يا حبيبتي في ايه شكلك متغير ليه كده 

سهام _ مخنوقه قوي يا هشام انا بقالي كام يوم ما اعرفش حاجه عن العيال وخايفه عليهم بجد

هشام _ سهام العيال مع ابوهم واكيد هو مش هيعمل فيهم حاجه يعني ،. وبعدها لقيت 

تلفوني بيرن وكان مازن ابن اختي 

سهام _ الو ايوه يا مازن يا حبيبي ازيك عامل ايه

مازن _ الحقيني يا خالتو انا جعان جدا وبابا مش بيحطلنا ناكل ورحمه كمان بقالها كم يوم مش غيرت البامبرز بتاعها 

سهام _ ازاي الكلام ده حصل طيب انا جايلك دلوقتي حالا يا حبيبي ، وبعدها روحت ليه 

وفتح ليا يوسف 

سهام _ انت عندك قلب انت حرام عليك ايه اللي انت بتعمله في العيال ده 

يوسف  _ ايه ده مالك في ايه عملت ايه في العيال ما هما كويسين قدام منك اهو معلش اعمل ايه بقى شغلي واخدني ارفعي عليا قضيه وخدي العيال 

هشام  _ انا فاهم لعبتك يا يوسف   بس ريح نفسك مش هيحصل اللي في دماغك 

يوسف _ والله لو العيال صعبانين عليكم خذوهم ولا ايه كلامك يا سهام 

هشام  _ لا عمرهم هيصعبوا علينا قد ما المفروض يصعبوا عليك يلا بينا 

سهام _ اصبر بس يا هشام  وبعدها حصل 

ولحد هنا تكون خلصت حلقتنا

الفصل الثاني من هنا

تعديل المقال