جميع الروايات كامله

 🔹️بسم الله الرحمن الرحيم🔹️

لا إله إلا أنت سبحانك إني كنت من الظالمين 

رواية قلوب حائره الفصل الحادي عشر والثاني عشر والثالث عشر والرابع عشر والخامس عشر بقلمي روز أمين 

رواية قلوب حائره البارت الحادي عشر والثاني عشر والثالث عشر والرابع عشر والخامس عشر بقلمي روز أمين 

                🦋 البارت الحادي عشر 🦋 

قالت مليكه جملتها وأتجهت ناحية الدرج وبدأت بالصعود ،،أوقفها صوتهِ القوي وهو ينادي عليها بكل شموخ

ياسين بقوه٠٠٠٠مليكه !!! 

إستدارت لهٌ وهي تأخذ شهيقاً وتخرجهٌ بهدوء لتستقبل تعنيفها علي ما تفوهت به أو علي الأقل رفضهٌ وأعتراضهْ !!!

ولكنها فوجئت بوجههِ مٌبتسم وبشوش قائلآ بحنان ٠٠٠٠٠مش عاوزك تقلقي من أي حاجه طول ما أنا موجود ،، 

وصدقيني مٌش هايحصل أي حاجه غير إللي إنتي عوزاها وبس،،

إللي حصل إنهارده ده محاوله مني بمساعدتك ووقوفي جنبك إنتي ومروان وأنس،،مش معقول هقبل علي نفسي إني أضايقك أو أسببلك عبئ نفسي بوجودي في حياتك ،، 

أمسك كتفها وربَتَ عليهْ بحنان تحت هزة نفور منها بجسدها،، عذرها هو عليها وتحدث مبتسماً برقه٠٠٠٠إطلعي علي أوضتك إرتاحي وأنا هبعتلك أنس مع مٌني علشان ينام في حضنك إنهارده ،،أكيد إنتي محتاجه لحضنه إنهارده بالذات  !!

ثم نظر لها بعيون حانيه وتحدث بحنان وأبتسامه جذابه٠٠٠٠تصبحي علي خير يا مليكه !!!!

إستدار بظهرهِ تاركها بشرودها من ردة فعله الغير متوقعه علي غضبتها تلك،،شردت للحظات في ذلك المٌبتسم وردة فعله الهادئه التي وبلحظات أدخلت علي قلبها الطمأنينه ،،،

نفضت رأسها سريعاً من تلك الفكره وأكملت طريقها بالصعود لغرفتها !!!

إقترب أباهٌ منه وربت علي كتفه وتحدثَ هامساً ٠٠٠٠أستاااااذ ،،أرفعلك القبعه يا سيادة العقيد،،البت دقيقه كمان كانت هتعيط وتترمي في حضنك وتقولك أرجوك متزعلش مني و سامحني !! 

إبتسم ياسين وأجاب بلؤم٠٠٠٠ظالمني يا باشا صدقني !!! 

إبتسم عز ونظر لهٌ نظره ذات مغذي ،،

إنسحب عز وطارق وسالم وشريف كٌل علي وجهتهْ !!!

دلف ياسين لغرفة ثريا وجدها تجلس بجانب يسرا والحزن والألم يسيطران علي ملامحها ،، إستدعي مٌني العامله بالمنزل وأمرها بأخذ أنس بعد إستئذان ثريا،، وصعدت بهٍ إلي مليكه ليغفي بأحضانها !! 

سحب الكرسي وجلس بمقابل ثريا وأمسك يدها وقبلها بحنان وتحدث٠٠٠٠٠أرجوكي يا أمي مش عاوز أشوف نظرة الحزن دي في عيونك أبدآ ،، 

وأوعي حضرتك تفكري إني مٌمكن في يوم من الأيام أسعي إني أخد مكان رائف الله يرحمه،،، أو إني أكون بديل عنه لأولاده ،،عمري يا ماما ما هعمل كده أبدآ، ،إطمني يا حبيبتي !!

ربتت علي يده الحاضنه كفيها برعايه وتحدثت بحب٠٠٠٠وأنا عمري ماأقلق من ناحيتك بأي شكل من الأشكال يا ياسين،،ده إنت عوض ربنا ليا عن المرحوم يا حبيبي،، 

أما بالنسبه لولاد رائف، ،مين إللي قالك إني مش عاوزاك تكون ليهم أب وسند ؟؟

بالعكس يا حبيبي،، أنا عاوزاك تعوضهم عن حب ورعاية أبوهم اللي إتحرموا منه بدري،،خلي بالك منهم وحبهم زي سيلا وحمزه يا ياسين ،،عاوزه أموت وأنا مطمنه عليهم يا أبني !! 

شهقت يسرا وتحدثت ٠٠٠٠بعد الشر عنك يا ماما أوعي تقولي كده !!! 

ياسين٠٠٠بعد الشر عنك يا حبيبتي،،ربنا يبارك في عمرك لحد ما تجوزيهم بنفسك،، وأكيد أنا مش محتاج توصيني علي أولاد رائف !! 

ثم أكملَ مٌعتذراً٠٠٠٠وأرجوكي متزعليش مني بخصوص إللي عملته مع نرمين، ،للأسف نرمين كانت هتهيج الدنيا وأنا كان لازم أعمل معاها كده علشان نخلص من الموضوع ده كله بسرعه ،،، وأنا يومين كده لما تهدي هروحلها بيتها وأراضيها وأجبهالك لحد هنا !!! 

تحدثت يسرا بحده وحزم٠٠٠٠ولا تروح ولا تيجي يا ياسين،،إنتَ مغلطش في حاجه ،،هي إللي راحت ل ليالي وطنط منال وولعت الدنيا واللي إنتَ عملته معاها ده أقل رد علي كل إللي هي عملته !!! 

نظرت لها ثريا نظرة عتاب وتحدثت ٠٠٠٠٠ ماتبقيش قاسيه علي أختك كده يا يسرا،،ماتنسيش إن نرمين كانت متعلقه ب رائف وأتصدمت في موته،، دي يا قلبي قعدت أكتر من شهر مابتتكلمش  من شدة حزنها عليه ،،رد فعلها كان طبيعي من حبها للغالي الله يرحمه !!! 

هزت يسرا رأسها بيأس !!! 

نظر لها ياسين نظره ذات معني خوفاً علي صحة ثريا ووجهَ حديثه إلي ثريا٠٠٠٠إهدي يا حبيبتي أكيد يسرا ماتقصدش،،وزي ماقولتلك يومين كده لما تهدي و هروحلها ،،

 

وقف منتصب الظهر وأكمل ٠٠٠٠أنا ماشي ولو عوزتوا أي حاجه إتصلوا بيا ،،تصبحوا على خير !!!

                ◇◇◇◇◇¤◇◇◇◇◇ 

بعد مده دلفَ ياسين من باب منزلهِ 

وجدَ والدهٌ يحتضن أيسل وحمزه وهما يبكيان،، أما منال كانت تجلس واضعه ساق فوق الآخري وتهزهما بتوتر وعصبيه !!!

نظر ياسين لأطفاله وزفر بضيق،، وألقي السلام عليهم ثم وقف بجانب أيسل ومد يدهٌ لها وأمسكها ،،وجلس وأجلسها بجانبهِ 

ثم إحتضنها وتحدث٠٠٠٠مٌمكن أعرف أميرتي الحلوه بتعيط ليه ؟؟

أجابتهٌ أيسل بدموع ٠٠٠٠يعني حضرتك مش عارف يا بابي بعيط ليه ؟؟ 

ياسين وهو يضع أناملهٌ علي وجنة إبنتهِ يمحي لها دمعتها ٠٠٠٠مش أنا قولتلك قبل كده مش عاوز أشوف دموعك دي طول ماأنا عايش على وش الدنيا ؟؟ 

تحدثت منال بتهكم رداً علي حديثهْ٠٠٠٠وعاوزها تعمل أيه وهي شايفه مامتها سايبه البيت وماشيه وهي حزينه ومكسوره،،وبدل بباها مايروح يراضيها ويرجعها بيتها لأولادها ،،رايح يتمم جوازه علي أمها ،،

ثم نظرت إلي أيسل وتحدثت ساخرتاً٠٠٠٠لا فعلآ غلطانه يا سيلا ،،المفروض تفرحي وتباركي لبابي علي جوازه من مليكه هانم !! 

تحدثَ ياسين وهو ينظر إلي منال بضيق ٠٠٠٠٠ماما من فضلك،،الكلام ده مايبقاش قدام الولاد !!

أجابتهٌ أيسل بدموع٠٠٠٠ليه يا بابي ،،هو حضرتك فاكرنا صغيرين ومش فاهمين،،أنا وحمزه فاهمين كل حاجه كويس أوي !! 

نظر لها ياسين وتحدثَ بإستفهام ٠٠٠٠وياتري بقا إللي إنتوا فاهمينوا ده ،،فاهمينوا من نفسكم ولا من مامي ونانا يا سيلا ؟؟

تحدثت أيسل بدموع وتهكم٠٠٠أيآ كان السبب إللي حضرتك إتجوزت علشانه إللي اسمها مليكه دي فهو ما يخصنيش ،،أنا كل إللي يخصني حضرتك هو مامي وبس !!

نظر لها ياسين غاضباً وتحدث بحده٠٠٠٠٠سيلاااا،،إتكلمي كويس عن مليكه،،مش معني إنك زعلانه منها تتكلمي عنها بقلة إحترام !! 

وقفت أيسل تنظر لوالدها بغضب وتحركت نحو الدرج وصعدت للأعلي سريعآ 

تحدث عز بهدوء بعد صمتهِ ٠٠٠٠٠بالراحه علي البنت يا ياسين  !!! 

تحدثت منال بسخريه٠٠٠٠أول القصيده كفر يا ياسين بيه،،من أولها كده بتزعل سيلا إللي مافيش أغلي منها في حياتك علشان الهانم،،

وأكملت بتهكم٠٠٠٠٠أومال لما ترضي عن سيادتك وتسمحلك بدخول غرفتها الملكيه،، هتعمل فينا أيه ؟؟

نظر إلي والدتهٌ بإستغراب قائلآ ٠٠٠٠٠من فضلك يا ماما،، يا ريت تتكلمي معايا بإسلوب أرقي من كده،،ومش معني إني بحب بنتي وبدللها إني ما أعلمهاش الأصول والإحترام وهي بتتكلم عن أي حد ،،

المشكله هنا مش في مليكه زي ما حضرتك شخصتيها ،،لا خالص حضرتك،،

لو كانت أيسل إتكلمت عن أي حد تاني بنفس الإسلوب كنت هعنفها بردوا ،،

علشان دي بنتي وما أقبلش أبدآ إنها تقلل إحترامها وهي بتتكلم عن أي حد ،،

أظن إنها بنتي وعليا جانب في تربيتها وإصلاحها،، ولا أيه يا منال هانم؟؟

أشاحت بنظرها عنهٌ ولوت فاهها بطريقه ساخره !!!

تحدث حمزه برجاء٠٠٠٠بابي ،،أنا عارف إن حضرتك إتجوزت طنط مليكه علشان تخلي أنوس ومروان يفضلوا عايشين معانا ومايروحوش مع جدهم سالم،،

وأكمل موضحاً٠٠٠٠جدو عز قالنا كده أنا وأيسل ،،وأنا مش زعلان من حضرتك علشان أنا بحب أنوس ومروان ومش عاوزهم يمشوا ،،

لكن بليز يا بابي روح صالح مامي وهاتها من عند جدوا !!!

نظر له ياسين بحنان وأشار لهٌ بيده ليأتي إليه أتي إليه وأرتمي بأحضانه قبلهٌ ياسين من جبهتهِ وملس علي شعرهِ بحنان 

ثم نظر له وتحدثَ بهدوء٠٠٠٠حبيبي،،،مش عاوزك تقلق خالص بخصوص مامي ،،مامي هي إللي إختارت تروح تقعد يومين عند جدو تهدي فيهم أعصابها وهتيجي تاني لوحدها زي ما مشيت !! 

إنتفضت منال ونظرت له بغضب ٠٠٠٠يعني أيه يا ياسين، ،أفهم من كلامك ده إنك مش هتروح تجيب ليالي ؟؟ 

ياسين وهو يقبل وجنة إبنهِ بحنان٠٠٠٠٠حمزه حبيبي ممكن تطلع عند أختك تقعد معاها وتراضيها ،،وزي ما قولتلك يا حبيبي،، مش عاوزك تقلق من أي حاجه ،،كل حاجة هتبقي كويسه إن شاء الله !! 

هز لهٌ حمزه رأسه بإقتناع وصعد بطاعه لغرفة شقيقتهٌ كما طلب منهٌ أباهٌ !!!

تحدث عز بحده موجهاً نظره إلي زوجتهِ٠٠٠٠إنتي إزاي تتكلمي بالطريقه دي مع ياسين قدام الأولاد ،،أيه إللي بتحاولي توصليه ليهم،،

إنتي عاوزاهم يكرهوا أبوهم يا منال ؟؟

تفاجأت بحديث عز وتحدثت بإستنكار٠٠٠٠أنا يا عز ،،أنا بحاول أكره الولاد في إبني ؟؟

ومين،، ياسين إللي بحبه أكتر من روحي وبتشرف بيه قدام الدنيا كلها ؟؟ 

تحدثَ ياسين ناهياً الحديث٠٠٠٠من فضلكم إهدوا يا جماعه ،،أنا مصدع لوحدي ومش متحمل أي نقاش تاني ،،أنا بجد تعبان ومحتاج أنام علشان عندي شغل بكره مهم وضروري في الوزاره !! 

وقفت منال وتحدثت بإستهجان٠٠٠٠٠يعني أيه يا ياسين الكلام ده؟؟

يعني مش هتروح تتكلم مع خالك وتتأسفله وتجيب مراتك ؟؟

 

أجابها ياسين بحده ٠٠٠٠٠لا يا ماما مش رايح ،،وبعدين هو أنا غلط في أيه علشان أتأسفله ؟؟ 

أنا أتجوزت علي سنة الله ورسوله وقدام العيله كلها ،،وقبل كل شيئ كلمت خالي وبلغته علي سبب جوازي ،، 

أينعم هو أعترض ورفض الموضوع لكن دي مشكلته هو مش مشكلتي،،أنا بالنسبالي عملت إللي عليا ،،

تصبحوا علي خير !!!

وصعد لغرفتهِ أخذ حماماً دافئاً وأرتدي بنطال خفيف للنوم وضل عاري الصدر ،،وجلس علي سريره يفكر في من ملكت قلبهٌ وتفكيره وجوارحهٌ 

حدث حاله٠٠٠٠متي مليكه؟؟

متي تشعٌرين بي وبقلبي وتأتين إليْ ترتمين داخل أحضاني بلهفه وشوق وتقولين لي ،،تعبت من عشقك ياسين ،،أٌريدك حبيبي،،أٌريدكَ وبشده،،

أهٍ مليكه ،،لو تعلمين كم أشتاقك أميرتي،،

لو تعلمين كم أتمني ضمك لصدري،،

أريد أن أسحق عظامك الرقيقه داخل أحضاني ،،أٌريدكِ مليكه،،أريدك ♡

زفر بشده أخرج لهباً من داخل صدره المشتعل بالإشتياق ،،لم ينم طيلة الليل ،،بات يتقلب بفراشه يتخيلها مجاورةً لهٌ نائمه علي ذراعيه بين أحضانه  !! 

أما مليكه التي إحتضنت صغيرها وباتت تبكي وتتذكر حبيبها بكل مراحل حياتها معه،، لقاء أول يوم جمعها به،،حتي يوم زواجهما ،،تذكرت كل لحظة حب جمعتها به وباتت تبكي علي حالها وما أولتها إليه الظروف،،حتي غفت بدموعها  !!! 

                ◇◇◇◇◇¤◇◇◇◇◇ 

بعد عدة أيام 

في إحدي الكافيهات الراقيه المٌطله علي البحر كان يجلس شريف مع حبيبتهٌ سالي وهو حزين 

سالي وهي تضع يدها علي يدهِ الموضوعه علي المنضده قائله  ٠٠٠٠أرجوك يا شريف حاول تٌخرج من حالة الحزن والإكتئاب إللي إنتَ حاطط نفسك فيها دي ،،إن شاء الله العلاقه بينك وبين مليكه هترجع أحسن من الأول كمان 

نظر لها شريف وتحدث بإنكسار٠٠٠٠عمر إللي بيني وبين مليكه ماهيرجع زي الأول تاني يا سالي،،

إنتي أصلك ماتعرفيش مليكه،،هي أه رقيقه وحنونه جدآ ،،لكن طول عمرها كرامتها فوق كل شيئ ،،وبعد إللي كلنا عملناه معاها أظن عمرها ما هترجع تاني زي الأول !!

وأكمل بخجل٠٠٠٠أنا خذلتها يا سالي ،،ما وقفتش معاها في مشكلتها،،لكن غضب عني والله ،،ماهو كمان ماكانش ينفع أقف في وش أبويا،،وخصوصآ إن أنا نفسي مقتنع جدآ باللي هو عمله وعارف إنه في مصلحتها !!! 

أجابتهٌ سالي بحنان٠٠٠٠أرجوك يا حبيبي إهدي،،صدقني الحكايه هتاخد وقتها وتعدي وكل حاجة هاترجع لطبيعتها ،،إنسي بقا وخليك معايا شويه ،،أيه ،،هو أنا مٌش وحشاك ولا أيه ؟؟

نظر لها بحب وتحدث ٠٠٠٠إنتي بتوحشيني وإنتي معايا يا سالي،،أنا أسف بجد ياروحي،،دوشتك بمشاكلي وإنتي ملكيش أي ذنب فيها،، 

أمسك بيدها ووضع قٌبلةً رقيقه وتحدث بهيام٠٠٠بحبك يا سالي،،بحبك أوي ،،أيه رأيك نروح سينما إنهارده بعد الهوا ،،أنا هخلص برنامجي الساعه 8 ،،نروح حفلة 9 قولتي أيه؟؟ 

سالي وهي تنظر لهٌ بهيام٠٠٠٠٠أنا موافقه علي أي حاجه تقولها،،طالما هانكون مع بعض يا حبيبي ♡

شريف بحب٠٠٠٠٠يا عيون حبيبك إنتي ♡ 

                ◇◇◇◇◇¤◇◇◇◇◇ 

داخل منزل المهندس أحمد العشري والد ليالي 

كانت تجلس ليالي بدموع وبجوارها والدها و والدتها السيده قِسمتْ،، وأبنتها الآخري داليدا ،،ومنال زوجة عز

تحدثت داليدا بحده وتعالي٠٠٠٠٠بقا كده يا عمتو ،،هي دي أخرتها ،،بقا ياسين يتجرأ ويتجوز علي أختي أنا ،،يتجوز علي ليالي العشري وحضرتك واقفه تتفرجي عليه من غير ما يكونلك أي ردة فعل  !! 

أجابتها منال بتبرير وسخريه ٠٠٠٠٠وأنا كان في إيدي أيه أعمله وماعملتهوش يا داليدا ،،أيه ،،كٌنتي عايزاني أسيب البيت أنا كمان وأجي أقعدلكم هنا ؟؟

تحدث أحمد بعقلانية ٠٠٠٠وعمتك أيه بس إللي بأديها تعمله يا داليدا،،ده ياسين المغربي إللي إسكندريه كلها بتعمله ألف حساب وبتهيبه ،،ده أبوه نفسه مايقدرش يجبره علي حاجه !!

تحدثت قسمت بكبرياء٠٠٠٠إذا كان هو ياسين المغربي وشايف نفسه أوي،،فاأنا بقا هخليه يندم وييجي يبوس إيدي وإيد بنتي علشان ترضي عنه و ترجعله،، وهذله علي ما أوافق إني أرجعهاله كمان،، هو كان يحلم يتجوز واحده زي ليالي  !! 

أجابتها منال بتهكم٠٠٠٠يبقي هتفضلي مستنيه عمرك كله يا قسمت ،،مش ياسين اللي تكسره واحده ست ويندم عليها ،،وبعدين يا هانم ما تنسيش إن إللي بتتكلمي عنه ده يبقي إبني،، ياريت تحطي ده في دماغك !! 

نظرت لها ليالي وتحدثت بدموع ولوم٠٠٠٠حضرتك زعلانه علشان كلمتين ماما بتقولهم من حزنها عليا،، ومش زعلانه علي إللي إبنك عمله فيا يا عمتو ؟؟

وأكملت بحده ٠٠٠إبنك خلاني سخريه لإسكندريه كلها،، أنا بقيت تسلية النوادي والكافيهات !!! 

حدثتها منال بجديه وعقلانيه٠٠٠٠بقولك أيه يا ليالي، ،سيبك من الكلام الفاضي ده كله ،،ياسين كتب كتابه عليها وجه البيت نام في أوضتك وعلي سريرك ،،يعني الجوازه طلعت علي الورق بجد زي ما قال،، 

أهو كاتب كتابه عليها من تلات أيام ،،

ومن يومها ما قربش منها ولا من أوضتها ،،بيروح يفطر عند ثريا زي ما كان بيعمل كل يوم،، وبعد المغرب بيروح يقعد شويه مع ثريا ويسرا والولاد،، 

ومليكه مابتنزلش من أوضتها طول ما هو موجود في البيت !! 

نظرت إليها داليدا وتحدثت بتساؤل ٠٠٠٠٠وحضرتك عرفتي منين الكلام ده كله يا عمتو ؟؟ 

أجابتها منال بثقه ٠٠٠٠أنا ليا مصادري الخاصه إللي بعرف منها كل حرف بيتقال عند ثريا،،إنتي فكراني نايمه علي وداني !! 

تحدثت قسمة بكبرياء٠٠٠٠عايزه ليالي تقبل وترضخ  بإللي مقبلتهوش علي نفسك زمان ليه يا منال ؟؟

نظرت لها منال بقوه وتحدثت بحده٠٠٠٠لا الزمن هو الزمن ولا ياسين زي عز يا قسمت،،

عز وقتها خاف من تهديدي ليه بالطلاق،،لكن ياسين قادر ومبيهموش،،

وبعدين ثريا بنفسها هي إللي رفضت جوازها من عز وأخواتها وقفوا معاها وساندوا قرارها والوضع كله كان مغربي في مغربي ،،

لكن مليكه لا حول ليها ولا قوة ،،

وأكملت بحده ٠٠٠٠٠فهمتي يا قسمت هانم ،، وبعدين بدل ما إنتي قاعده تحيي في إللي مات وأندفن إنصحي بنتك وخليها تشوف مصلحتها !!!!

ثم وجهت بصرها إلي ليالي٠٠٠٠٠شوفي يا ليالي،، خليكي قاعده هنا كمان كام يوم ريحي فيهم أعصابك،، 

وأنا لو ياسين نشف دماغه ومجاش يصالحك،، أنا هقوله وأجبره إنه يجيلك،، وإنتي بقا تتشطري كده وتتدللي عليه وترجعي بيتك لجوزك وولادك !! 

نظرت لها قسمت وتحدثت بإستهجان٠٠٠٠٠نعم ،،أيه إللي بتقوليه ده يا منال ،،إنتي عاوزاها ترجعله بسهوله كده بعد كل إللي عمله فيها ؟؟ 

أجابها أحمد بعقلانيه٠٠٠٠يعني هتعملي أيه يا قسمت،، بالعكس، ،منال بتتكلم صح،،إللي حصل حصل وخلاص ،،ليالي ترجع بيتها وتعيش حياتها مع جوزها ،،وكفايه إنه معيشها عيشة ملوك،،

ده مافيش ست فيكي يا إسكندريه عايشه ومتدلله زي بنتك ما هي عايشه !! 

تحدثت ليالي بإعتراض٠٠٠٠٠لا طبعاً يا بابي مامي بتتكلم صح أنا لازم أذله الأول وأخليه يندم علي اليوم إللي فكر فيه يتجوز علي ليالي العشري !!!

وقفت منال حامله حقيبة يدها وتحدثت بنبرة ساخره٠٠٠٠٠براحتك يا ليالي أنا عملت إللي عليا ونصحتك ،، 

إنتي بقا عاوزه تمشي ورا كلام مامتك إنتي حره ،،بس ياريت في الأخر ماتجيش تعيطي وتقوليلي إلحقيني يا عمتو !!

تحدثت قسمت بتراجع٠٠٠٠٠إستني بس يا منال رايحه فين مش لما نتفق الأول ،،بصي يا ستي أنا موافقه إنها ترجعله بس علي الأقل يحطلها مبلغ محترم في البنك تضمن بيه حقها وعيشتها معاه !!! 

نظرت لها بإستنكار متحدثه٠٠٠٠نعم ،،،أيه التخاريف إللي بتقوليها دي يا قسمت ،،إنتي عوزاني أروح أقول لإبني الكلام الفارغ ده،،

إهدي يا قسمت وخافي علي بيت بنتك أكتر من كده وأحمدي ربنا علي إللي بنتك فيه،،ده ياسين معيشها عيشه أنا نفسي مش عيشاها !!!

                  ◇◇◇◇◇¤◇◇◇◇◇ 

في منزل سالم عثمان ،،دلف من باب شقتهِ وجد زوجتهِ تبكي بمراره ،،زفر بضيق لرؤيتهِ لها هكذا !!! 

جلس بجانبها وتحدث بحزم  ٠٠٠٠٠مش هنخلص من النكد إللي معيشانا فيه ليل ونهار ده يا سٌهير ،،محسساني إن بنتك حصلها حاجه لاقدر الله، ،مش إتجوزت !! 

نظرت لهٌ ببكاء وهي تشهق قائله ٠٠٠٠٠جوازة الشوم والندامه يا سالم،،البنت مابتردش علي تليفوناتي من يومها ،،سلمي صاحبتها بتقولي إنها مش مبطله عياط وبتنام علي المهدأت !! 

زفر سالم بحده وتحدث٠٠٠٠٠وأيه المشكله يا سٌهير ماأنتي عارفه بنتك حساسه وأي حاجه بتخليها تعيط،،شويه وهتهدي وتنسي ،،

بكره تفوق وتفهم و تٌشكرني إني سلمتها لراجل هيحافظ علي حقوقها وحقوق ولادها إللي كانت هتضيع بين نرمين ووليد ،،وما خفي كان أعظم ،، 

ده وليد بيه ماأستناش لما جثة أبن عمه تبرد في تربتها،،جه يجري ويلهث ويسأل في البنك علي حسابات رائف البنكيه رابع يوم وفاته،،وأصحابي بنفسهم اللي بلغوني بكده،،

والهانم المحترمه أخته ،،يدوب عدي تلات شهور وجريت التانيه تسأل وتدعبث علي الحسابات ،،وسألت علي حساب والدتها ومليكه والولاد ،، 

كنتي عاوزاني أشوف كل ده وأسكت لما ألاقي بنتي حقها وحق أولادها مٌمكن يتاكل قدام عنيا وأنا واقف مش قادر أعمل حاجه،، 

وأكمل ٠٠٠٠ياسين بالنسبالي كان طوق النجاه لبنتي وأولادها يا سٌهير ،،

ومش ندمان إني أخدت الخطوه دي،، ولو رجع بيا الزمن تاني هعيد نفس إللي عملته،،

كفايه إنها بقت في حماية راجل محترم هيصونها وعمره ما هايطمع فيها ولا ف حق ولادها  !!!! 

ردت عليه سٌهير بنبرة صوت مٌلامه٠٠٠٠٠طب كنت عَرفت بنتك بكل ده ،،مش يمكن كانت إرتاحت وعذرتك في تصرفاتك !!

أجابها سالم ٠٠٠٠وليه أقلقها وأخوفها من كل إللي حواليها،، وأظن الكلام ده ما بقاش ليه لزوم،، بعد جوازها من ياسين مافيش مخلوق هيقدر يقرب منها ولا من أولادها ،، 

وأكملَ مٌطمئناً ٠٠٠٠٠وإنتي إهدي وأجمدي كده،،وبنتك كلها إسبوع وقلبها يحن وتلاقيها قدامك هنا وبتترمي في حضنك ،، 

وقف منتصبآ قائلاً ٠٠٠٠٠سيبك من النكد ده يا سٌهير وقومي جهزيلي الغدا علي ماأدخل أخد دٌش،،أنا راجع جعان   !!! 

              ◇◇◇◇◇¤◇◇◇◇◇ 

بعد عدة أيام أخري 

في منزل ثريا عصراً ،،كان الجميع مٌجتمع علي سفرة الطعام لتناول وجبة الغداء،،كانت ثريا تٌجلس أنس فوق ساقيها وتطعمهٌ 

وتجاورها يسرا وإبنتها وولدها ومليكه ومروان 

دلف ياسين للغرفه بدون إستئذان قائلاً بمرح٠٠٠٠٠إوعوا تكونوا أكلتوا من غيري ؟؟

نظرت لهٌ ثريا وتحدثت بإبتسامه وترحاب٠٠٠٠٠تعالي يا حبيبي ،،لسه يادوب بادئين !! 

وقفت مليكه بإرتباك من دخولهٌ المفاجئ وهي بدون حجاب وترتدي منامه بيتيه مٌحكمه علي جسدها تٌظهر مفاتنها ،،

تحركت سريعاً للخارج تحت أنظار ذلك المسحور من رؤيتها بتلك الهيئة المهلكه لروحهْ !! 

عادت بعد مده قصيره مرتديه ثياباً مٌحتشمه بعد أن إستدعتها ثريا لإستكمال غدائها 

جلست مكانها بمقابل الناظر لها بغضب من تلك الفعله ،، أمازالت تلكَ المٌتعِبه تعتبرهٌ غريبآ عنها حتي بعد أن أصبحت زوجته ؟؟

تحدث ياسين موجهاً حديثهٌ إلي ثريا ٠٠٠٠٠بعد إذن حضرتك يا ماما،،أنا ناوي أنقل شوية حاجات خاصه بيا في الجناح إللي جنب مليكه !!! 

نظرت لهٌ بعيون تشتعل غضبآ قائله بحده٠٠٠٠حاجات أيه دي اللي هتنقلها يا سيادة العقيد ؟؟ 

وليه جنب جناحي أنا بالذات ؟؟ 

ياسين وهو ينظر لطبق طعامه ولم يعير غضبها وحديثها إهتمام وجهَ حديثهٌ لثريا قائلآ٠٠٠٠٠إنتي عارفه يا ماما إن العيله كلها عارفه إن أنا ومليكه متجوزين حالياً ،،

وبيتهيألي كمان إن كان إتفاقنا من الأول إن مافيش حد يعرف بشرط مليكه غيرنا !! 

فعلشان كده لازم كل شيئ يبان طبيعي علشان ماحدش ياخد باله،، وأنا شايف كمان إني لازم أبات هنا كام يوم في الأسبوع،، علشان ما نلفتش الإنتباه ،،ده طبعآ بعد إذنك يا حبيبتي !!! 

أجابتهٌ ثريا بهدوء بوجهِ بشوش٠٠٠٠تنور طبعاً يا حبيبي،،ده بيتك ومش محتاج تستأذن ،،هاخلي مٌني توضبلك الجناح حالاً،، وإبعت إنتَ الحاجات وأنا بنفسي هشرف علي رصها وتوضيبها !! 

تحدثت مليكه بغضب   ٠٠٠٠٠هو فيه أيه بالظبط يا ماما ،،يعني أيه حضرتك تسمحي لراجل غريب يٌسكن معانا في البيت وكمان هتديله الجناح إللي جنبي ؟؟

نظر لها بعيون كالصقر وتحدث بحده وعنف ٠٠٠٠٠أنا جوزك يا هانم لو مش واخده بالك،،ومش معني إني بسكت علي أفعالك وهرتلتك في الكلام إني موافق عليها،،

فياريت تخلي بالك من كلامك وأفعالك معايا بعد كده ،،لان صبري عليكي بدأ ينفد   !!!!

كادت أن تتحدث ولكن أسكتتها ثريا بنظراتها المتوسله قائله٠٠٠٠٠٠خلاص يا مليكه،،من فضلك إسكتي وخلي بالك إن الولاد موجودين ،،نبقي نتكلم بعدين !! 

وقفت بغضب وتحدثت ٠٠٠٠٠لا بعدين ولا دالوقتي،،،،،يظهر إن مابقاليش الحق حتي في الكلام والتعبير عن رأيي في البيت يا ماما ،،بعد إذنكم !!!

وقفت يسرا تنظر إلي طيفها وتذهب إليها٠٠٠٠٠مليكه،،إستني خلينا نتكلم !! 

زفر بضيق بعد رحيلها وتحدث٠٠٠٠أنا مش فاهم أيه إللي جرالها وخلاها بقت عنيفه معايا بالطريقه دي ؟؟ 

وأكمل مٌبرراً أفعاله٠٠٠٠٠هو أنا كده غلطان يا أمي علشان بحاول أحافظ علي شكلنا قدام الناس ؟؟ 

هي ناسيه إني راجل وعندي كرامه ولازم أحافظ علي شكلي ورجولتي قدام العيله،،إحنا مش عايشين لوحدنا يا عمتي !!! 

أجابته ثريا بوهن وضعف٠٠٠متزعلش منها يا ياسين،،غصب عنها يا أبني،،إللي بيحصل ده كله فوق طاقتها،، 

وإنتَ يا أبني عداك العيب في إللي بتقوله ،،أبعت حاجتك وأنا هرصهالك بنفسي يا حبيبي،،ومن ناحية مليكه أنا هتكلم معاها وأهديها !!!

دلفت لها يسرا داخل غرفتها  وجدتها ترتمي علي سريرها وهي تبكي بحرقه ،،جلست بجانبها وأخذتها بأحضانها !! 

وتحدثت بحنان ٠٠٠٠علشان خاطري بلاش تعيطي يا مليكه،، أنا عارفه إن إللي بيحصل ده كله فوق طاقتك،، وصدقيني دابحني أنا وأمي كمان ،،لكن قوليلي أيه إللي في إدينا نعمله،، 

أوعي يٌغرك تماسك ماما بالشكل ده،،صدقيني ده تماسك هش،،

ماما عاوزه تطمن علي مروان وأنس بأي طريقه،،وده حقها،،،،، 

وأكملت بتعقل٠٠٠٠وبصراحه ياسين عنده حق في كل إللي قاله ،،الراجل ما تعداش حدوده،،واحد غيره كان قال حطولي حاجتي في أوضة مليكه،،

وده حقه وماحدش يقدر يمنعه منه،، 

إنتي مراته شرعآ وقانونآ ،،لكن هو مراعي نفسيتك وحساسيتنا كلنا من الموضوع ده،،وعارف حدوده وبيتصرف علي أساس شرطك معاه !!!

أجابتها مليكه بدموع٠٠٠٠يا يسرا أنا ماحدش حاسس بيا وبألمي،،أنا بموت في اليوم ألف مره،،كل ما أتخيل إني خلاص بقيت علي ذمة راجل غير رائف بمووووت صدقيني !! 

أخذتها يسرا بأحضانها وظلت تبكيان سويآ علي ذكر إسم فقيدهم الغالي !!! 

                ◇◇◇◇◇¤◇◇◇◇◇ 

في اليوم التالي علي التوالي عند الغروب ،، 

أفاق من نومهِ وقت قيلولتهِ خرج للشرفه لإستنشاق بعض الهواء،،وجدها تتمشي بالحديقه كشمسٍ تٌنيرٌ كل ما حولها بسطوع ،،كانت بصحبة صديقتها المقربه سلمي،، 

إبتسمَ لرؤيتها الساحره،، كانت تتمشي بمواجهة شرفتهِ فوجدتهٌ واقفآ بشموخ وطله رجوليه مٌهلكه لأي أنثي،،، وبالطبع إلا هي ،،

واقفاً منتصب الظهر يضع يدهٌ بجيب سروالهِ البيتي المريح ويرتدي فوقهٌ تيشرت من اللون الابيض بدونِ أكمام يظهر كم رجولتهِ وعضلاتهٌ القويه لرجل المخابرات القوي ،،

إبتسمَ لها بتودد وأماء برأسه لها ول سلمي كتحيه ترحيب وإحترام منهٌ ،،لم تعيره إهتمام بينما أمائت سلمي له رأسها بإحترام وأشارت لهٌ بيدها

تحدثت بضيق ٠٠٠٠ما خلاص يا سلمي مش حكايه هي،،هزيتي راسك وخلصنا لزمته أيه تشاوريله كمان،،

ده مش بعيد تلاقيه جاي لازقلنا هنا دالوقتي بعد ترحاب سيادتك الحار بجلالته !!! 

أطلقت سلمي ضحكه عاليه تحت أنظار ذلك الناظر لهم بإبتسامه وتحدثت٠٠٠٠٠طب ياريت ينزل ويتمشي معانا ،،،هو حد يطول يتمشي مع ياسين المغربي بوسامته ورجولته وشخصيته إللي تخطف قلب أي ست  !!!

نظرت إليها مليكه بإستغراب وتحدثت بتهكم٠٠٠٠٠لا والله،،وده من أمتي يا ست سلمي ؟؟ 

أجابتها سلمي بحماس ٠٠٠٠تعرفي يا ليكه إن من ساعة إنتشار خبر جوازك من ياسين وكل ستات إسكندريه بتحقد عليكي وبتحسدك،،وأنا منهم طبعآ  !!!! 

أجابتها مليكه بحزن ٠٠٠٠علي أيه يعني،،يتفضلوه بالهنا والشفا !!! 

ضحكت سلمي ثم نظرت إلي مليكه وتحدثت بجديه٠٠٠٠لا بجد يا ليكه،،،،إنتي ليه ماتحاوليش تدي لنفسك فرصه تانيه ،،ياسين راجل ليه وضعه في البلد و تتمناه أي ست في الدنيا كلها،،

وإنتي لسه صغيره وجميله يا قلبي، ،مش معقول هتعيشي وتكملي من غير حب وراجل في حياتك !!!

تنهدت مليكه وتحدثت بحزن٠٠٠٠٠الكلام إللي بتقوليه ده كان ينفع لو لسه قلبي موجود معايا ،،لكن للأسف يا سلمي،،أنا قلبي مات وأتدفن مع رائف،،

صدقيني أنا الحاجه الوحيده إللي مخلياني مٌتماسكه وصابره علي إللي أنا فيه ده كله هما أولادي ،،أولادي وبس !!!

تنهدت سلمي وحزنت لأجل صديقتها ذات القلب الحزين وتمنت من الله أن يجعل قلب صديقتها يري الفرحه من جديد !!! 

🔹️بسم الله الرحمن الرحيم🔹️ 

رواية☆ قلوب حائره ☆

بقلمي روز آمين

                 🦋 البارت الثاني عشر 🦋 

بعد عدة أيامٍ أٌخرْ !!! 

صعدت لها مٌني العامله بالمنزل لتستدعيها تهبط للأسفل بناءً علي أوامر من ياسين،، 

هبطط من أعلي الدرج تحت أنظار جميع العائله المترقبه لوصولها حيث الجميع متواجد ومجتمع بطلب من نرمين ،، 

ألقت عليهم السلام فردوهٌ بإحترام  !!!! 

وقف ياسين سريعاً إحتراماً لها ومد يدهٌ وأجلسها بجانبهِ تحت إستغرابها من تلك المعامله ولكنها سرعان ما فسرتها كشكليات لمظهره أمام العائله !!!! 

تحدث عبدالرحمن قائلآ ٠٠٠٠٠يا جماعه إحنا مجتمعين هنا إنهارده بطلب من نرمين ،،نرمين لجأتلي علشان أكلملها عمها عز،، وعاوزانا نشوفلها حقها هي ويسرا في ميراث والدهم الله يرحمه !! 

تحدثت يسرا بلهجه غاضبه٠٠٠٠نرمين تتكلم عن نفسها وبس،،أنا عن نفسي ماطلبتش منها حاجه ولا إتكلمنا في الموضوع من الأساس !! 

نظر لها عز قائلآ ٠٠٠٠حقك معروف من زمان ومتصان يا نرمين،،ماكانش ليه لزوم توسطي بينا عمك عبدالرحمن،، كنتي جيتي قولتيلي يا بنتي وأنا كنت قولتلك إننا بالفعل حسبنالك ميراثك إنتي ويسرا وكتبنالكم بيه عقود لضمان حقكم  !!

أجابتهٌ نرمين بجديه٠٠٠٠مٌتشكره جدآ يا عمو،،وبعد إذنك ،،أنا عاوزه أعرف نصيبي في الشركه وأسجله بإسمي في الشهر العقاري،، وكمان أديره بنفسي أنا ومحمد جوزي،، 

وحولت بصرها إلي طارق وتحدثت بطريقه أمره مٌستفزه٠٠٠٠٠٠علشان كده عاوزاك تخصصلي  مكتب في الشركه يا طارق  !!

أجابها طارق رافضاً ببرود ٠٠٠٠أنا أسف يا نرمين،،لكن ماحدش هايدخل شركتي إللي أسستها أنا والمرحوم رائف وتعبنا فيها،،

حقك تعرفيه وتسجليه علي راسي،، لكن تدخلي الشركه وتديري ،،سوري مٌش هيحصل  !! 

إنتفضت نرمين وأجابتهٌ بغضب ٠٠٠٠مش من حقك تمنعني يا طارق !! 

أجابها طارق بعقلانيه٠٠٠٠لا من حقي يا نرمين،،أنا أملك 50% من أسهم الشركة ومليكه وولادها وعمتي ويسرا ليهم الأكثريه بعدي ،،، يعني لو حسبتي حصتك كلها مٌش هتكمل 4% يبقي علي أي أساس هيكونلك مكتب وتديري ؟؟ 

ردت نرمين بحده٠٠٠٠٠إنتَ بتقول أيه يا طارق،،4% أيه إللي بتقول عليهم ،،هو من أولها كده هيتاكل حقي عيني عينك !!

هٌنا تحدث عز بحده٠٠٠٠٠نرمين،،،،،،خلي بالك من كلامك،،عيب أوي اللي بتقوليه ده،،

كانت تجلس بجانبهٌ ويظهر علي وجهها علامات القلق والتشنج مما يقال،،

إقتربَ من أٌذنها وتحدث بهدوء وطمئنه٠٠٠٠إهدي ،،مش عاوزك تقلقي أبداً طول ماأنا موجود !!!! 

نظرت إليهِ سريعاً وكأنها كانت تنتظر تلك الكلمات لتهدئة روعها وشعورها بالطمأنينه،،،أمائت لهٌ بعينيها وأستكانت بجلستها !!

كان الجميع الحاضر الصامت،، كلًٌ يتحدث بإختصاصه وفيما يخصهٌ فقط ،،الكل يستمع وعندما يأتي ما يخص شأنه يتحدث،،

هكذا هي عائلة المغربي حيث الرقي والإحترام للبعض !!!

أكملت نرمين حديثها ببعض الهدوء٠٠٠٠أنا أسفه يا عمو لكن حضرتك يرضيك الكلام ده ،،معقوله هي دي نسبتي من ورث بابا ؟؟ 

تحدث وليد ٠٠٠٠إهدي يا نرمين لما نفهم علي أي أساس طارق حددلك النسبه دي ،،وبعدين نتكلم خلينا ما نسبقش الأحداث !!!! 

أجابهٌ عز بحزم٠٠٠٠٠طارق ماحددش حاجه يا وليد،،إحنا قعدنا مع محامي العيله والمحاسب وهما إللي حسبوا وقسموا كل حاجه بما يرضي الله،، 

ثم وجهَ بصره إلي نرمين مفسراً٠٠٠٠٠٠٠بصي يا نرمين،،الشركه دي بتاعت رائف الله يرحمه،،،عملها بشغله وفلوس ورثه ،،ومن طيبة قلبه يا حبيبي حب يدخلكم معاه في الخير إللي داخل منها ،،

فاأخد بعض من حقكم في الأرض إللي باعها ودخلكم بيه ،،لكن باقي ورثك إنتي ويسرا موجود في الفيلا دي وفيلا العجمي وأرض المعموره ،،وكل ده محسوب وهتاخديه بالمليم !!

هٌنا تحدثت ثريا بصوتٍ حازم ٠٠٠٠الفيلا دي بتاعت أولاد رائف يا سيادة اللوا،،ونرمين ويسرا ياخدوا فيلا العجمي !! 

نظر إليها عز بهدوء وتحدث بلطف٠٠٠اللي إنتي عاوزاه كله يا ثريا هيتنفذ بالحرف الواحد،،مش عاوزك تقلقي  !!! 

نظرت له وشكرته بإمتنان٠٠٠٠متشكره أوي يا سيادة اللوا !!! 

تحدثت نرمين ٠٠٠٠طب ده حقي في ورث بابا ،،عايزه كمان أعرف حقي في ميراثي من رائف !!!

نظر لها الجميع بذهول وتحدث ياسين مبتسماً بسخريه٠٠٠٠شكلك ما سمعتيش قبل كده عن الولد بتاع الكوتشينه إللي بيقٌش يا نرمين !! 

نظرت لهٌ نرمين بعدم فهم وتحدثت بإستفسار٠٠٠٠نعم،،تقصد أيه يا ياسين ؟؟ 

أجابها ياسين ببرود  ٠٠٠٠٠أقصد إن رائف سايب ولدين،،يبقي كده شرعاً ماحدش ليه الحق في ورثه غير عمتي و بس !!! 

أجابتهٌ ثريا بحزم٠٠٠٠وأنا متنازله عن الحق ده ل مروان وأنس !!! 

نظرت لها نرمين وتحدثت بإعتراض ٠٠٠٠لكن ده ظلم يا ماما،،حضرتك كده بتحرميني أنا ويسرا من حقنا فيكي،،مش كفايه كتبتي الأرض إللي ورثتيها عن جدوا لولاد رائف ؟؟ 

أجابتها ثريا بجديه٠٠٠٠٠أنا كتبتلهم جزء من ورثي يا نرمين وخليت عمك عز كتبلك إنتي وأختك قطعة الأرض التانيه ،،أنا مش ظالمه يا بنتي ،،ومرضاش علي نفسي أظلمك إنتي وأختك وأقابل ربنا وأنا ظالمه،،

لكن كمان من حقي أرفض ورثي في أخوكم،،ياستي إعتبريني أنا إللي مت الأول وهو إللي ورثني !!!!

يسرا بلهفه هي و مليكه وياسين بنفس التوقيت ٠٠٠٠بعد الشر عنك يا ماما !!! 

تحدثت نرمين بحده ٠٠٠٠٠طيب ،،تمام ،،أنا بقا عاوزه يبقالي الولايه علي ولاد رائف،،،

عاوزه أكون الواصيه عليهم علشان يبقالي الحق أراعي فلوس ولاد أخويا ويكونلي حق في إدارة حقهم في الشركه،، 

أظن أنا أكتر واحده هتخاف عليهم وتخلي بالها من أموالهم ،،خصوصاً إن ماما تعبانه ومش هتقدر تراعي أملاكهم !!!!

لم تتمالك مليكه حالها عندما تفوهت نرمين بتلك التخاريف كادت أن تتحدث ولكن سبقها الجالس بجانبها 

قائلآ ببرود٠٠٠٠٠الوحيده إللي ليها الحق في رعاية الاولاد والولايه عليهم هي مليكه،،أظن ماحدش هيخاف علي أولادها قدها !!!

تنفست الصعداء بإرتياح لما إستمعتهٌ منه ووقوفهٌ بجانبها وأرتخت بجلستها بهدوء !!!! 

تحدثت ثريا بإيماء٠٠٠٠وأنا موافقه ،،وزي ياسين ما قال ،،ماحدش هيخاف علي الولاد أد أمهم !! 

نظرت لها مليكه بإبتسامة شكر وعرفان !!!! 

أجابت نرمين بتلعثم وبعض الحده٠٠٠٠ سوري يا ياسين لكن مٌمكن أفهم بصفتك أيه تقرر قرار مصيري زي ده ؟؟ 

بيتهيألي أنا وماما ويسرا بس إللي لينا الحق في إختيار الوصي علي أولاد أخويا !!! 

أجابها ياسين مٌضيقاً عيناه وهو ينظر إليها ببرود٠٠٠٠بصفتي إن مليكه تبقي مراتي وإنها هي والولاد في حمايتي ورعايتي،،وبصفتي عم الأولاد،،بيتهيألي كل ده يديني الحق يا نرمين !! 

تلعثمت وأكملت ٠٠٠٠لكن مليكه ملهاش في الحسابات والإدارة ،،ومش هتعرف تدير نصيب ولادها كويس ،،ولا أيه يا مليكه ماتتكلمي !! 

أجابتها مليكه بإرتياح ٠٠٠٠٠أنا واثقه في طارق جداً يا نرمين،،هو إللي هيدير نصيبي أنا وولادي في الشركه،،ده عمهم وأكيد هيخاف عليهم زيي ويمكن أكتر،،وكمان ده شغله وهو أكتر حد يفهم فيه ويديره  !!! 

نظر لها طارق وتحدث٠٠٠مٌتشكر يا مليكه علي ثقتك دي ،،وربنا يقدرني وأكون أدها !!! 

تحدث وليد بغضب٠٠٠٠يعني أيه ولاية الأولاد تبقي في إيد واحده ست،،،سوري يا مليكه،،لكن عيب أوي في حقنا كارجالة المغربي إن العيلة يبقي فيها رجاله تسد عين الشمس وف الآخر ندي وصاية ولادنا للستات،،

لو إنت مش فاضي يا ياسين ،،أنا وبابا موجودين،،أنا مٌستعد أكون واصي علي الأولاد وأدير مصالحهم في الشركه  !!! 

أجابهٌ ياسين مضيقآ عيناه بإستفزاز ٠٠٠٠٠٠وأنا قولت مليكه هي الواصيه علي أولادها وعمتي موافقه وخلص الموضوع يا وليد ،، 

وأكمل بإحترام٠٠٠٠إلا إذا كان عز باشا أو عمي عبدالرحمن ليهم رأي تاني ؟؟ 

تحدثَ عز ٠٠٠٠أنا معنديش أي مانع طالما إنت شايف كده يا ياسين !!!! 

ردَ عبدالرحمن بتلعثم من حديث ولده ٠٠٠٠أنا كمان موافق يا أبني !!!

نظر ياسين إلي وليد نظرة مٌنتصر مما إستشاط غضب وليد ولكن كتمَ غيظه بداخلهٌ !!! 

تحدثت نرمين بحده٠٠٠٠٠طب حيث كده بقا أنا عاوزه أبيع حصتي في الشركه ،،طالما مش هدير يبقي هبيع !! 

نطقت مليكه سريعاً ٠٠٠٠وأنا هشتريه يا نرمين وأضمه لحصة أولادي !!! 

نظرت لها نرمين وتحدثت بتهكم ٠٠٠٠وإنتي بقا هتجيبي تمنهم منين إن شاء الله يا مليكه  ؟؟

تحدثت مليكه بهدوء٠٠٠٠هبيع مجوهراتي !!! 

رد عليها ياسين بلهجه حازمه٠٠٠٠مافيش خاتم واحد من مجوهراتك هتتباع يا مليكه !! 

ثم حول بصرهِ إلي طارق وتحدثَ بنبرة صوت جاده٠٠٠٠٠من فضلك يا طارق،، أقعد مع المحامي وشوف تمن أسهم نرمين وسجلهم بإسم مروان وأنس وأنا هدفع الفلوس من معايا ،، 

ردت عليهْ مليكه بإعتراض٠٠٠٠٠وأنا مش موافقه يا أبيه،،دي فلوس أولادك وأنا مستحيل أوافق إنك تكتبها لأولادي !! 

ضحك وليد الجالس بشماته علي تلك الكلمه التي تفوهت بها من دون وعي ،،فرصتهٌ وجائت ليده ليأخذ ثأرهٌ من ذلك الياسين المتعجرف !!!! 

وتحدث ساخراً٠٠٠٠٠أبيه،،،،،شكلك كده مش مٌقنع ومش عارف تسيطر كويس يا سيادة العقيد،،ينفع كده،،،،بقا يا راجل عدي أكتر من إسبوعين علي كتب كتابكم ولسه أبيه،، وقهقهَ ساخراً وهز رأسه يميناً ويساراً  بشماته !! 

كاد أن يفتك برأس ذلك الوليد لكنهٌ إكتفي بسخريتهٌ منه أمام الحضور قائلآ بحده٠٠٠٠بيتهيألي التفاهه ليها وقتها يا وليد بيه،،ولا أيه ؟؟ 

وأكمل بجديه وصوتٍ جهوري٠٠٠٠٠إكبر بقا وبلاش شغل المراهقين بتاعك ده،،ولو مش أد قعدات الكبار يبقي متحضرهاش  !! 

تعرق وليد خجلاً من حديث ياسين المٌميت لرجولتهِ،، ونظر له والدهٌ ساخطاً عليهِ بغضب ،،أما الجميع إكتفوا بإبتسامه ساخره علي ذلك الوليد الذي أصبح أشبه بفرخٍ مبلول  !! 

إبتلعت هي لٌعابها بخجل مما تفوهت به دون قصد !! 

ثم تابع ياسين حديثهٌ ناظراً لها بجديه ومهنيه قائلاً ٠٠٠٠الفلوس دي هتكون زي قرض مني وهاستردها تاني من أرباح الأسهم،،يعني يعتبر بديل عن إنك تبيعي مجوهراتك ،، 

بيتهيألي كده ده حل مرضي ليكي ومٌرضي ليا أنا كمان،،مهو مش علي أخر الزمن مراتي تبيع مجوهراتها وأنا واقف أتفرج !!! 

شعرت بقشعريره تسري بجسدها من نطقه،، مراتي،،

لم تدري وصف لشعورها الذي أصابها،،أهو رهبه أم خوف ،،أم ماذا؟؟

لكنه بالتأكيد لم يعد ضيق وأشمئزاز كالسابق ،،خصوصاً بعد وقفتهِ بجانبها ومساندتها هي وأطفالها بكل طاقتهِ سواءً معنوياً أو حتي مادياً !!!

تحدث مٌحمد زوج نرمين الجالس مٌستشاط غضباً من ما يراه أمامه من إحتواء ياسين لمليكه وظهورهٌ أمامها بصورة الفارس الهٌمام حامي الحميَ !!! 

نظر مٌحمد إلي نرمين وتحدث ٠٠٠٠٠لكن أنا من رأيي إنك تهدي شويه وتفكري في موضوع بيع حصتك دي يا نرمين،،

إحنا لسه ماقررناش هنعمل أيه بالفلوس دي وهنستثمرها إزاي ،،فبالتالي من رأيي تنسوا موضوع البيع ده لما نراجع نفسنا !!!

ياسين وهو يحك ذقنهِ بيده وينظر لهٌ مضيقاً عيناه قائلآ بتهكم٠٠٠٠٠أنا أسف في إللي هقوله يا محمد بيه،،،

أنا من أول ما دخلت ولاقيتك موجود إستغربت وجودك وقولت لنفسي المفروض دي جلسه عائليه وهنتكلم في أمور خاصه جداً بالعيله ،،

لكن فوت وقولت يمكن حابب تكون جنب مراتك،،، مع إني مش شايف داعي لده كمان لإنها وسط أهلها وناسها ،،،، 

وأكملَ مٌعترضاً بصوتٍ حاد٠٠٠٠لكن سوري ،،،،،إللي مش مسموح بيه هو كلام حضرتك وتدخلك في شؤنا ،،أظن كمان مش من الأصول إننا نتكلم وننهي خلافاتنا ونتفق وتيجي حضرتك بكل بساطه تنهي كلام الرجاله ،،

وأكملَ متهكماً٠٠٠٠٠٠إلا إذا حضرتك بقا مش شايفنا قدامك رجاله من الأساس !!!

إرتبكَ مٌحمد من حديث ياسين الهادئ شكلياً ولكنه يحمل في باطنه معاني تهديد وسخريه وتهكم عليه !! 

فتحدث متلعثماً٠٠٠٠٠العفو يا ياسين باشا،،إنتوا رجاله ورجاله أد الدنيا كمان،،وأنا طبعاً ماأقصدش أبداً المعني إللي وصل لحضرتك !!! 

تحدثت نرمين لإرضاء زوجها ٠٠٠٠٠خلاص يا ياسين،،أنا هعمل زي محمد ما قال وأخد وقت أفكر !!! 

هٌنا تحدث ياسين بحده معلناً بها عن ثورة غضبهِ القادمه وجز علي أسنانه بغضب٠٠٠٠٠نرمين ،،،،،الموضوع إنتهي ،،مش كلام عيال هو ،، 

ثم حولَ بصرهِ إلي طارق وتحدث أمراً ٠٠٠٠٠طارق ،،أعمل إللي إتفقنا عليه،، وبكره تكون مسجل أسهم نرمين بإسم مروان وأنس !! 

ثم نظر لها وتحدثَ بنبرة أمره٠٠٠٠٠٠٠٠وأنا هحولك الشيك بإسمك في البنك وإنتهي الكلام !!!

إبتلع مٌحمد لعابهٌ وتحدث٠٠٠٠خلاص يا نرمين،، إللي أمر بيه ياسين باشا يتنفذ !!! 

نظر لهٌ ياسين بعين كالصقر قائلآ وهو يجز علي أسنانه٠٠٠٠٠مٌتشكر يا محمد بيه !!

تحدث عز ناهياً حالة الشحن المتواجده بنفوس الجميع٠٠٠٠خلاص كده يا نرمين ولا عاوزه حاجه تانيه ؟؟ 

أجابتهٌ نرمين بغصه وعدم إرتياح٠٠٠٠مٌتشكره لحضرتك يا عمو !! 

ثم نظر إلي يسرا قائلآ ٠٠٠٠وإنتي يا حبيبتي هتعملي أيه في أسهمك !! 

أجابتهٌ يسرا بوجهِ بشوش ٠٠٠٠هتفضل زي ما هي مع طارق يا عمو هو بدل رائف بالنسبالي،، 

وأكملت بحنان٠٠٠٠٠ربنا يباركلنا في حضرتك وياسين وطارق وعمو عبدالرحمن،،إنتوا رجالتنا وحمايتنا بعد بابا ورائف الله يرحمهم !!

نظر لها عبدالرحمن وتحدث بحب٠٠٠٠ربنا يكملك بعقلك يا حبيبتي،،وأنا وعمك عز موجودين ،،أي حاجه تعوزيها بس تأشري بصباعك الصغير تكون تحت رجليكي ،، 

ثم نظر إلي نرمين وتحدث٠٠٠٠والكلام ليكي إنتي كمان يا نرمين،،إنتوا من ريحة الغالي الله يرحمه !!

تحدث عز مؤكداً علي حديث أخيه٠٠٠٠أكيد طبعآ يا عبدالرحمن وهما مش محتاجين نقولهم الكلام ده ،،هما أكيد عارفينه كويس ،،

ثم حول بصرهِ إلي مليكه وتحدثَ بحنان٠٠٠٠٠وإنتي كمان يا مليكه ،،أكيد مش محتاجه تعرفي إنك بنتنا زيك زيهم وإننا في ضهرك وحمايتك إنتي وولادك ولو إحتاجتينا في أي لحظه أكيد هتلاقينا !!!

نظر لها تحت أنظار الجميع وأمسك يدها الموضوعه علي ساقيها تحت رعشه منها بجسدها بالكامل وأستغراب ثم قبلها برقه تحت أنظار الجميع المتفاجأون 

ونظر إليها بإحترام وود وتحدث٠٠٠٠بالنسبه لمليكه عايزكم ترتاحوا من ناحيتها خالص،،مراتي في حمايتي وتحت رعايتي،،وأنا كفيل بكل طلباتها،،هي بس تأشر وأنا عليا التنفيذ !! 

إبتلعت لٌعابها وأبتسمت بمجامله ثم سحبت يدها منهٌ بسلاسه ولا تدري ما أصابها من تلك اللمسه ،،

والتي بالتأكيد لم تكن نفوراً كالسابق ،،فسرت تغير إحساسها هذا،،كشكرٍ منها علي موقفه المشرف والمساند لها ♡ 

نظرت ثريا إلي عز وعبدالرحمن وتحدثت بعرفان٠٠٠٠ربنا يخليكم لينا ودايماً واقفين في ضهرنا وساندينا،،،

إنتوا نعم الإخوات ليا ووجودكم جنبي أنا وولادي من يوم وفاة أحمد الله يرحمه عمره ما حسسني إني لوحدي !!! 

نظر لها عز وأجابها بحنان٠٠٠٠إنتي مش بس مرات أخونا وأمانته يا ثريا،،إنتي بنت عمنا الغاليه علي قلوبنا كلنا !!! 

شكرته ثريا بود !!! 

إنتهت الجلسه ووقف الجميع لغرفة الطعام حيث صنعت لهم ثريا سابقاً بمساعدة عَليه ومليكه ويسرا جميع أصناف الطعام المحبب لهم،، تناولوا  طعامهم  ثم أنصرفَ كٌلِ بإتجاهه 

              ◇◇◇◇◇¤◇◇◇◇◇ 

خرج عز وعبدالرحمن يتمشيان سوياً علي شاطئ البحر حيث الهدوء والراحه النفسيه والهواء النقي !!!

نظر عبدالرحمن إلي عز بإبتسامه قائلاً٠٠٠٠ياسين فكرني بيك إنهارده وهو بيدافع عن مليكه وواقف بيحميها زي الأسد ،،كنت ببصله وشايفك فيه وكأن الزمن بيعيد نفسه يا عز !!! 

إبتسم عز ساخراً وتحدثَ بحٌزن٠٠٠٠٠ ياسين راجل بجد يا عبدالرحمن عمره ما كان زيي،،عارف هو عاوز أيه بالظبط وبيعمله غصب عن عين أي حد،،لكن أنا أيه إللي عملته ؟؟ 

نظر له عبدالرحمن بحزن وتحدث٠٠٠٠ظروفك كانت غير ظروفه يا عز،،والزمن كان غير الزمن 

٠٠٠٠٠٠٠٠٠٠٠٠٠ 

عوده للماضي قبل حوالي أربعونَ عاماً 

أمام البحر ليلاً !!!! 

تحدثَ عبدالرحمن بغضب٠٠٠٠يا عز لازم تتكلم وتقول لأبوك إنك بتحب ثريا وعاوزها يا إما تسيبني أنا إللي أكلمه،،كده كده أحمد مش فارق معاه الموضوع صدقني !!!! 

تحدث عز بإنفعال٠٠٠أوعي تعمل كده يا عبدالرحمن،،الموضوع إنتهي بالنسبالي ،،أبوك شايف إن أحمد أنسب واحد ليها وخلص الكلام  !! 

وأكمل بغصه مريره داخل حلقه٠٠٠٠ده أنا شوفت في عنيها فرحه لما أبوك فاتح جدك وعمك في الموضوع عمري ما شفتها في حياتي كلها من يوم ما وعيت علي الدنيا وحبيتها،، 

تحدث عبدالرحمن٠٠٠٠بس إنتَ بتحبها ؟؟ 

أجابهٌ عز بألم٠٠٠٠٠وهي بتحبه هو ،،وهتبقي سعيده معاه هو !!

عبدالرحمن ٠٠٠٠ أحمد مبيحبهاش يا عز ،،أحمد فرحان بحبها ليه ، صدقني لو عرف إللي في قلبك ناحيتها هيروح لجدك ويطلبهالك بنفسه !!!

صاح عز بغضب ٠٠٠٠خلاص يا عبدالرحمن ، الموضوع بالنسبالي إنتهي وثريا أصبحت محرمه عليا من إنهارده والكلام ده هتوعدني إنه هيندفن هنا بينا وللأبد ،،فاهمني يا عبدالرحمن ،،أوعدني !!! 

أجابهٌ عبدالرحمن بحزن وألم ٠٠٠٠أوعدك يا عز  !!!

٠٠٠٠٠٠٠٠٠٠٠٠٠٠ 

قبل بضعة ساعات من ذلك الحوار 

دلف عز إلي منزل العائله عائداً من عمله بعد غياب ثلاثة أيام لسفره مأموريه تبع عمله كظابط في المخابرات 

وجدها تنزل من الدرج مٌسرعه بمرحها ووجهها المٌنير الذي يعشق تفاصيله 

نظر لها وأبتسم بعشق وتحدث بقلبٍ يتراقص لرؤيتها٠٠٠٠أزيك يا ثريا،،عامله أيه ♡ 

وقفت وأبتسمت بوجهها البشوش ٠٠٠٠أزيك يا عز حمدالله على السلامه !!! 

أجابها بعيون لامعه٠٠٠٠الله يسلمك،،أيه،، نازله بتجري كده ليه رايحه فين ؟؟ 

أجابته وهي تهز كَتِفها بلا مبالاه٠٠٠٠أبداً ،، كنت نازله المطبخ أشوف ماما ومرات عمي ليكونوا محتاجين مني حاجه، ، 

ثم تحدثت بسعاده ٠٠٠هاروح أقول لمرات عمي إنك جيت دي هتفرح أوي !!!

اوقفها عز قائلاً٠٠٠٠ثريا،،أنا كٌنت جيبلك معايا هديه وأتمني تعجبك 

نظرت له بسعاده وتحدثت وهي تشير علي حالها٠٠٠هديه ليا انا يا عز ؟؟ 

أجابها وهو يخرجها من حقيبته وينظر لها بهيام ٠٠٠أيوه يا ثريا ليكي إنتي ♡ 

ومد يدهٌ ليعطيها إياها كانت عباره عن قلاده فضيه رقيقه للغايه !!

أمسكتها ونظرت لها بإنبهار وتحدثت ٠٠٠٠الله يا عز جميله أوي،،متشكره أوي يا عز ،،هدخل أبلغ مرات عمي بوصولك !!!

وذهبت وظل هو ينظر لأثرها بسعاده حتي خرجت له والدته تحتضنه بشده وترحاب !!!

٠٠٠٠٠٠٠

  

جاء المساء !!! 

كان الجميع يجلس داخل منزل العائله الجد والجده والأبناء،،، 

الإبن الأكبر٠٠٠محمد المغربي وزوجته وأبنائه الثلاثه وترتيبهم ٠٠٠٠عز ،،،أحمد،،، عبدالرحمن 

الإبن الأصغر ٠٠٠صلاح المغربي وزوجته وأبنائه وترتيبهم ٠٠٠علي،،فريد ،،،ثريا ،،،حسن،،، 

تحدث مٌحمد وهو ينظر لإبنهِ أحمد وإبنة شقيقهٌ ثريا التي تبلغ من العمر الثامنة عشر،، وهما يختلسان النظر لبعضهما بنظرات يكسوها العشق والغرام ♡ 

إبتسمَ قائلاً  ٠٠٠٠ من بعد إذنك يا حاج،،أنا بصراحه كده مستخسر ثريا تطلع بره العيله وكنت عاوز اخطبها لحد من ولادي !!

نظر لهٌ عز بفرحه عارمه كادت أن تقتلع صدره من مكانه ثم نظر إلي عبدالرحمن الذي بادلهٌ نظرة السعاده لتوقعهما أن يطلب أباهم يد ثريا إلي إبنه البكري عز فهذا هو الطبيعي أن يحدث !!!

نظر عز إلي ثريا وجد وجهها يشع إحمراراً وخجلاً 

تحدثَ محمد ٠٠٠٠وأنا شايف إن أنسب واحد من ولادي لثريا هو أحمد !!! 

نزلت كلمة والدهٌ كالصاعقه المٌدمره لقلبهِ العاشق،،نظر لها سريعاً ليري ردة فعلها حتي يقف ويعترض علي قرار والدهٌ ويصرح عن نيته المٌسبقه لخطبة ثريا !!!!

ولكنه صُعقُ لما رأت عيناه من عشق ثريا الواضح وضوح الشمس للجميع ،،حيث كانت تنظر إلي أحمد بعيون عاشقه هائمه سعيده ،،ويبادلها أحمد تلك النظره بفخر وكبرياء  !!! 

تحدثَ الجَد بإستغراب ٠٠٠٠أحمد؟؟ 

أنا إفتكرتك هتطلبها ل عز يا محمد،،مش هو الكبير والأصول بتقول إنك تجوزه هو الأول ولا أيه يا أبني ؟؟

جرت ثريا سريعاً إلي الداخل خجلاً وأبتسم الجميع علي خجلها !! 

تحدث مٌحمد ٠٠٠٠بصراحه يا حاج أنا شايف إن أحمد وثريا ميالين لبعض 

ثم نظر إلي ولدهٌ وتحدثَ ٠٠٠ولا أيه يا أحمد ما تتكلم يا أبني ؟؟ 

تحدث أحمد بإبتسامه٠٠٠٠اللي تشوفه حضرتك وجدي وعمي يا حاج أنا موافق عليه !! 

تحدث صلاح بإبتسامه ٠٠٠٠وأنا أديها لأحمد بطيب خاطر يا محمد،،أحمد راجل محترم وأي راجل يتمني يناسبه وأنا مش هبقي مطمن علي بنتي غير معاه !!! 

نظر الجد إلي عز الصامت وتحدث٠٠٠٠٠ بس الأول لازم نفرح بسيادة المقدم ونجوزه وأنا بقا عارفله عروسه تشرف بجد،، 

ثم نظر إلي مٌحمد وتحدث بنبرة صوت جاده٠٠٠٠أيه رأيك في بنت مدحت العشري ،،بنت زي القمر شفتها في فرح أخوها وسألت عليها عرفت إنها مش مخطوبه،، بنت جميله وتليق بسيادة المقدم بجد !! 

نظر مٌحمد إلي عز وتحدث مٌتسائلاً٠٠٠٠إنتَ أيه رأيك يا عز في كلام جدك ؟؟ 

وقف عز وتحدث بجديه وقلبٍ مٌحطم٠٠٠٠اللي تشفوه صح أعملوه !!! 

نظر لهٌ عبدالرحمن وتحدث بإعتراض ٠٠٠٠إنت بتقول أيه يا عز ما٠٠٠٠٠

نظر لهٌ عز بحده وقطع حديثهٌ وتحدثَ بأمر٠٠٠٠أسكت يا عبدالرحمن،، إللي أبوك وجدك أمروا بيه هيتنفذ  ،،بعد إذنكم 

وخرج مسرعاً من المكان وألتحقَ به عبدالرحمن !!!

تحدث الجد٠٠٠٠علي خيرة الله ،،كده نخطب ل عز ويتجوز السنادي،،وأحمد وثريا معاهم !!! 

تحدث صلاح٠٠٠٠بعد إذنك يا حج ،،ثريا لسه صغيره أنا بقول كمان تلات سنين تكون تمت واحد وعشرين سنه وكمان تكون عدت تلات سنين من كليتها علشان منضغطش عليها  !!! 

تحدث الجد ٠٠٠٠علي خيرة الله ربنا يعمل إللي فيه الصالح إن شاء الله !!! 

٠٠٠٠٠٠٠٠٠٠٠٠٠٠٠٠٠٠٠٠٠

عوده للحاضر !!!!!

عز بصوتٍ يملئهٌ الحنين والتأثر٠٠٠٠الله يرحمك يا أحمد كان أكتر واحد يستحقها فعلاً ،،حبها وخلاها أسعد واحده في الدنيا طول المده إللي عاشتها معاه ،،علشان كده قررت تعيش إللي باقي من عمرها علي ذكري حبه  !!! 

تحدث عبدالرحمن٠٠٠٠الله يرحمه ويرحم أمواتنا جميعآ  !!! 

ثم ربتَ علي كتف أخاه بحنان وأكملا سيرهما 

                  ◇◇◇◇◇¤◇◇◇◇◇ 

في أخر الليل 🦋 

خرجت لشرفتها تستنشق الهواء النقي وجدتهٌ في شرفتهِ المجاوره لها مباشرتآ حيث كان يقف بشرفة الجناح الملصق بجناحها حيث الشرفتان متلاصقتان و لا يفصلهما سوي سور حديدي قصيرً جداً،،، 

دلفت للداخل سريعاً وأخذت وشاحاً وضعتهٌ علي رأسها وجسدها بالكامل حتي تحجب مفاتنها عن ناظريهِ ،،

لكنها كانت سعيده ولا تدري لما إنتابها شعور السعاده بمجرد رؤيتهِ !!! 

خرجت مرةً أٌخري وتحمحمت ،،إنتبه لوجودها نظر لها بحب وأبتسم 

نظرت لهٌ بإبتسامه عذبه ساحره أثرت بها قلبٌهْ وقالت بإبتسامه خجوله ذادتها جمالاً٠٠٠٠علي فكره،،،،،،،،،مِيرسي ليك بجد علي وقفتك معايا إنهارده !! 

طار قلبهٌ بتلك النظرات الساحره وهمس صوتها العذب ،،تمالك حالهٌ من الانهيار أمام عيناها وتحدث بمرح  ٠٠٠٠٠ علي فكره، ،،،،،،،،،العفو،،، مع إني شايف إن ما فيش داعي للشكر لاني ماعملتش حاجه أستاهل عليها شكرك ده !!! 

نظرت له بعرفان وتحدثت سريعاً٠٠٠٠إزاي بقا،،ده لولا وقفتك معايا ف موضوع الوصايه علي أولادي ،،ماكانش حد سمحلي بده أبداً،،

أنا نفسي ماكانش في بالي أبداً إني أخد ولايتهم لنفسي،،لولا كلامك إللي أنا متأكده إنهم وافقوا عليه بس علشانك وعلشان بيثقوا في أرائك ،،

وكمان حصة نرمين إللي نقلتها لأولادي ،،بجد ميرسي !! 

إبتسم لها بسعاده ثم تحدث٠٠٠٠٠٠وقفتي جنبك ومساندتي ليكي واجب عليا يا مليكه،،إنتي خلاص،، بقيتي مسؤله مني رسمي،،وبالنسبه للولاد دول ولاد أخويا وواجبي إني أختارلهم إللي في مصلحتهم  !!! 

ثم تحدث بمكر قائلاً ٠٠٠٠لكن حيث إنك شايفه إني فعلآ أستاهل الشكر،،،ومٌصره ،،،فاأنا ماعنديش مانع من إنك تشكريني بحاجه حلوه ،، حاجه ملموسه يعني  !! 

إبتلعت لٌعابها بصعوبه ونظرت للأسفل وأشتعلَ وجهها إحمراراً مما يدل علي خجلها وحزنها معاً 

شعر بحزنها وخجلها فا أراد أن يخرجها منه بمراوغه منه في الحديث كعادتهٌ٠٠٠٠٠أنا قصدي فنجان قهوه من إيدك يظبطلي دماغي ويعوضني عن الصداع والرغي إللي كٌنا فيه ده !!!

نظرت لهٌ سريعاً بفرحه ووجهِ سعيد وتحدثت بلهفه ٠٠٠٠بس كده،،،إديني خمس دقايق ويكون عندك أحلا فنجان قهوة في الدنيا كلها !!! 

إبتسم لسعادتها المفرطه وتحدث بتمني٠٠٠٠طب من فضلك خليهم إتنين علشان مابحبش أشرب قهوتي لوحدي !! 

هزت لهٌ رأسها بإيماء وسعاده وتحركت سريعاً للأسفل ودلفت المطبخ صنعت لهما معاً قدحين من القهوه وقد صنعتها بكل الحب وكامل الرضي !! 

صعدت لهٌ وجدته يستمع إلي فيروز ،،،عندي ثقه فيك،،،من هاتفه ،،

إبتسمت وقدمت لهٌ فنجانهْ بسعاده ووجهِ بشوش ،،

أسعدهٌ رؤيتها بتلك الهيئه التي لم يرها عليها منذ وفاة رائف 

تحدثَ ياسين بإبتسامه جذابه وهو يستلم منها فنجانهْ٠٠٠٠٠تسلم إيدك !! 

وبدأ بإرتشاف القهوه تحت نظرها،،،وهو مغمض العينين ويشتم رائحة القهوه بمزاجٍ حسنْ ،، 

ثم نظر لها وتحدث٠٠٠٠تعرفي إني شربت قهوه في أكبر كافيهات في العالم كله مش بس في إسكندريه،،لكن الغريب إني عمري ما دوقت قهوة زي إللي بشربها من إيدك !!! 

إبتسمت برضي وتحدثت بهدوء٠٠٠بالهنا والشفا،،القهوه بالذات لازم تتعمل بحب علشان تطلع حلوه،، 

ثم أكملت بتلعثم٠٠٠٠٠٠أقصد يعني تتعمل برضي ونيه صافيه،،وتكون مبسوط وإنتَ بتعملها علشان تطلع سعيده وحلوه !! 

إبتسمت وأبتسم هو أيضآ وهما يرتشفان القهوه وينظران للسماء الصافيه والليل الساحر بنجومهٌ اللامعه،، وكأنهٌ يحتفل بهما معاً لأول هدنه لهما بعد عذاب وأيام حزينه !!!

نظر لها وجدها لم ترتشف سوي رشفتين من فنجانها 

فتحدثَ بتمني٠٠٠٠مٌمكن لو مافيهاش إزعاج،،أكمل أنا فنجان القهوه،،بصراحه فنجاني خٌلص والقهوه تحفه،، 

وشايفك مشربتيش فنجانك أو ملكيش مزاج ليها ،،فلو يعني 

لم يكمل جملتهٌ وجدها تبتسم لهٌ بخجل وتعطيه فنجانها ،، 

إبتسمَ لها وتناولهٌ منها ووجههٌ لفمهِ حيث موضع شفاها عليه،، لمس بشفاه موضع شفاها وأغمضَ عيناهٌ بتأمل وعشق وهو يتخيل حالهٌ يلمس شفاها الملتهبه بنار عشقهْ،، ويقبلها برقه،، 

كانت تقف بجواره ناظره للسماء شارده لم تري ذلك المتوهج بعشقها الواقف بجوارها وكل ذره بجسده تتمناها ،، 

تنفست براحه وتحدثت وهي مازالت ناظره للسماء ٠٠٠٠مش ملاحظ إن نرمين إتغيرت أوي ؟؟

أجابها وهو يرتشف قهوتهٌ بتلذذ ٠٠٠٠إذا حضرت الفلوس،،تغيرت النفوس،،الفلوس ياما بتغير يا مليكه !!

مليكه وهي تنظر له بإعتراض علي حديثه ٠٠٠٠مش دايماً يا أبيه،،ما أنت شوفت بعيونك يسرا أد أيه متسامحه ومسالمه وأخر حاجه بتهتم بيها هي الفلوس !!

أجابها ياسين وهو يبتلع غصه من مناداتها لهٌ بأبيه ٠٠٠٠٠يسرا حنينه وطيبه،،وأهم حاجه عندها العلاقات الإنسانية،، وده إللي مخلينا كلنا بنحترمها وبنحبها ونقدرها !!! 

ثم أشاح بصرهٌ عنها وتحدث بغصه واضحه في صوته ٠٠٠٠٠مليكه ،،،  هو أنا مٌمكن أطلب منك طلب !!! 

ردت علي الفور ٠٠٠٠٠أكيد طبعاً يا أبيه !!! 

تنفس الصعداء من جديد وحاول السيطره علي كبح غضبه وحزنه أمامها وتحدث بهدوء عكس ما يدور داخله٠٠٠٠٠ياريت بعد إذنك متندهليش ب أبيه تاني،،،أديكي شوفتي إنهارده إللي إسمه وليد وتهكمه عليا وسخريته ،،،أرجوكي بلاش تحطيني في موقف زي ده مرة تانيه !!! 

أشاحت ببصرها للأسفل بخجل وهي تعض علي شفاها وتحدثت بأسي٠٠٠٠أنا أسفه بجد،،ماكانش قصدي صدقني،،لكن والله غصب عنى،، أنا إتعودت علي كده وصعب إني أندهلك بإسمك !!!

نظر لها ياسين  وحدثها بتمني٠٠٠٠حاولي يا مليكه،،علي الأقل علشان شكلنا قدام الناس ،،مش معقول واحده تقول لجوزها يا أبيه ،،،

ثم أكمل بمرح٠٠٠٠٠إنتي كده بتسوئي سمعتي علي فكره وأنا بحذرك !! 

إبتسمت لهٌ وقالت ٠٠٠٠٠هحاول صدقني !! 

أجابها بمرح ٠٠٠٠٠طب يلا سمعيني كده علشان نتدرب 

إبتسمت بخجل وتحدثت برقه أذابت بها قلبهْ٠٠٠٠تصبح علي خير يا ياسين !! 

قالتها ودلفت سريعاً للداخل وتركتهٌ لإنتفاض جسدهِ وأشتعالهٌ بالكامل ،،،كان كالأبله ينظر لطيفها وهو شاغر فاههٌ ببلاهه ويراجع صوتها داخل عقله ويتسائل،، 

حقآ قالت إسمي دونَ تكليف،،أحقآ قالت ياسين بتلك الرقه،،يالك من مسكين أيها الياسين،،

تصبحين علي خير حوريتي الجميله وإلي لقاء أخر بجولات عشقيه أٌخري أميرتي ♡♡ 

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية ☆قلوب حائره☆ 

بقلمي روز آمين

                      🦋البارت الثالث عشر 🦋 

صباح اليوم التالي علي التوالي 

أفاقَ ياسين بسعاده ونشاط لمجرد مكوثهٌ مجاوراً لغرفة معشوقتهْ،،دلف إلي المرحاض أخذ حماماً دافئاً لينعش بهِ روحه وجسدهْ،، إرتدي ملابسهٌ وخرجَ بنشاط إلي الممر في طريقهٌ إلي الدرج المؤدي للأسفل،،

مر علي جناح مليكه وتسمرَ حينها تنهدَ بإشتياق 

وحدثَ حاله ٠٠٠٠متي تحني مليكتي وتسمحي لي بدلوفي لبئر عسلٌكِ الريان ♡لنغوصَ بهِ معاً بحنان ♡صغيرتي،،أولم يحٌنٌ الأوانِ ؟؟ 

أخرجهٌ من شروده صوت يسرا وهي مٌصطحبه إبنتها 

وتحدثهٌ بإبتسامه صافيه٠٠٠٠واقف كده ليه يا ياسين،،مالك فيك حاجه ؟؟ 

أفاق من شروده نظر إليها بتيهه وتحدث٠٠٠٠مافيش يا حبيبتي سلامتك،،،،أنا بس سرحت في الشغل شويه ،، 

ثم وجه بصرهِ إلي ساره إبنة يسرا وتحدث بإبتسامه٠٠٠٠أيه الجمال ده كٌله يا ساره،،أيه يابنت،، مالك كل يوم بتحلوي كده ليه ؟؟

أجابتهٌ ساره بخجل ووجهِ متورد٠٠٠٠٠٠ميرسي يا عمو ،،ربنا يخلي حضرتك !!! 

هٌنا إستمعوا جميعاً وألتفتوا لصوتها العذب المبهج ٠٠٠٠صباح الخير !!! 

نظر لها بعيون مٌتلهفه وقلبٍ نابض بعشقها يكاد يتركهٌ ويرتمي بأحضانها أجابها بصوتٍ حنون ٠٠٠٠٠صباح النور يا مليكه !!! 

تحدثت يسرا مٌداعبتاً إياها٠٠٠٠نموسيتك كٌحلي يا ليكه،،أيه ،،ناسيه إن إنهارده الجمعه وده ميعاد لمة العيله والفطار المتين ولا أيه ؟؟ 

أجابتها مليكه بضحكه ساحره٠٠٠٠٠والله نسيت يا يسرا ،،أصلي نمت متأخر وما حسيتش بنفسي غير من حبه صغيرين ،هي ماما جهزت الفطار ؟؟ 

ردت يسرا بإبتسامه ٠٠٠٠٠من بدري ،، أنا وماما وعَليه جهزناه ،،عن إذنكم هانزل أشوف ماما لتكون محتاجه حاجه ،،وأخذت طفلتها وأتجهت ناحية الدرج !!! 

ما زال ينظر إليها كالمسحور من جمال ضحكتها ورقتها ٠٠٠٠قوليلي بقا نمتي متأخر ليه ؟

وياتري أيه إللي كان شاغل بالك أوي كده ومانع عن عيونك النوم ؟؟ 

إبتسمت لهٌ برقه أذابتهٌ ٠٠٠٠مفيش ،،كٌنت بقرا روايه،،،،،،ياسين !! 

أجابها كالمسحور من نطق إسمه من بين شفاها ويالجمالهٌ٠٠٠٠يا نعم ♡ 

خجلت ونظرت للأسفل من نظرة عيناه ،،ثم أجابتهٌ مٌبتسمه٠٠٠٠٠هو إنت ليه ماروحتش صالحت ليالي وجبتها علشان الولاد ؟؟ 

إختفت بسمتهٌ وزفرَ بضيق ثم نظر لها بتساؤل٠٠٠٠هو أنا كٌنت زعلتها علشان أصالحها ؟؟

زي ما الهانم مشيت لوحدها وكسرة كلمتي ترجع بردوا لوحدها !!! 

مدت شفتاها بإستغراب ناظرةً لهٌ وتحدثت بتهكم٠٠٠٠٠٠لا طبعاً مازعلتهاش ،،إنت يادوب إتجوزت عليها بس،،،،إنتَ بتهرج يا أبيه ؟؟ 

أممممممم ،،همهمَ بها بغضب مٌصطنع ونظر لها بتحذير٠٠٠٠إحنا قولنا أيه ؟؟

إبتسمت بطريقه ساحره قائله ٠٠٠٠٠أسفه يا ياسين،،لسه ما أتعودتش ،،أرجوك إديني وقتي !!

إلتفتت سريعاً علي صوت الصياح الأتي من خلفها لذلك المشاكس الصغير وهو يجري سعيداً مٌبتسماً فاتحاً ذراعيهِ لها وهو يناديها ،، 

طار قلبها فرحاً بعزيز عيناها وفرحتها ،،ثمرة عشقها الأولي من حبيبها الأبدي، ،،جثت علي ركبتيها وأطلقت ذراعيها بالهواء محتضنه طفلها بحب ومرح 

نطقَ مروان بسعاده٠٠٠٠٠٠يا مامي ،،صباح الخير !! 

كانت تفرق قٌبلاتها علي وجههِ ويداه بشغف وحب ٠٠٠٠٠صباح النور يا قلب مامي ♡ 

نظر لهٌ ياسين وهو يغمز لهٌ بعينيهْ بمرح ،،جري عليهِ مروان ومن جانبهِ إلتقطهٌ ياسين وحملهٌ بخفه وثبتهٌ داخل أحضانه !

 

تحدثَ مروان بسعاده وهو ينظر لوالدتهِ ٠٠٠٠٠ مامي ،،عمو ياسين قالك علي المفاجأه إللي عملهالي إمبارح في المدرسه ؟؟ 

نطقت مليكه وهي تضيق عيناها مٌستفهمه٠٠٠٠مفاجأه؟؟مفاجأة أيه دي يا مارو ؟؟ 

أجابها مروان وهو يغمز لياسين ويضرب كفهِ الصغير بقبضة ياسين بمرح مٌتبادل٠٠٠٠٠عمو ياسين عملي مفاجأه حلوه أوي، ،وأنا كنت هقولك إمبارح لكن نانا خلت الناني طلعتنا فوق كلنا علشان إجتماع العيله ،،، 

ثم أكمل الصغير بسعاده ٠٠٠٠٠عمو ياسين بعتلي فريق من ماك معاه هدايا كتييير أوي،،، قدمتها لكل مدرسيني وأصدقائي ،،كمان كان فيه أكياس كبيره كتير جداً متعلقه في الشجر وكانت مليانه ملبس وشيكولا كتيرررررر أوي،، 

وأكملَ الصغير بإنبهار ٠٠٠٠٠٠وفضلت أضرب فيهم بعصاية الهوكي لحد ما أتفتحوا ،،وقعدنا نلم الشيكولا أنا وأصحابي وضحكنا كتير أوي ،،بجد كان يوم واااو،،ميرسي يا عمو بجد !!! 

غمز لهٌ ياسين بعينه مبتسماً٠٠٠٠أي خدمه مروان باشا،،عاوزك بعد كده تعتبرني الفانوس السحري بتاعك أي حاجه تخطر علي بالك تقولي علطول،، مروان باشا يأشر وإحنا علينا التنفيذ الفوري !!!

نظرت لهٌ بعيون مٌمتنه شاكره لكل ما يفعلهٌ لإسعاد صغيريها والوقوف بجانبها قائله ٠٠٠٠ميرسي أوي يا ياسين،،بجد كتير أوي إللي بتعمله معانا،،مش عارفه أشكرك إزاي !! 

نظر لها بإستنكار وتحدث٠٠٠٠أيه إللي إنتي بتقوليه ده،،شكر أيه وكلام فاضي أيه،،دول ولادي ومسؤلين مني زيهم زي سيلا وحمزه بالظبط،، وده مش واجب عليا بعمله وخلاص ،،لا أبدآ،،،،أنا بعمل ده وأنا سعيد من جوايا ومشاعري كاأب هي اللي بتحركني !! 

أمائت بعيناها لهٌ بإمتنان وأبتسامة شكر وعرفان ،، 

ثم تحركت سريعاً أمامهٌ تنزل الدرج بدلال تاركه خلفها من يشتعل عشقاً ،،

تحركَ خلفها حاملاً الصغير وهو يتأوه ويتنهد بعشقٍ خَافت ،،

نظر لهٌ مروان واضعاً كفهٌ الصغير علي وجنتهِ بحب قائلآ ببرائه٠٠٠٠٠مالك يا عمو،،هو حضرتك تعبان ؟؟ 

أوي،،،،، أوي يا مارو٠٠٠٠قالها ياسين وهو ينظر لمليكتهِ 

أجابهٌ مروان ببرائه٠٠٠٠٠أنا مٌمكن أخلي مامي تعملك أعشاب تريحك،،مامي دي ساحره،،كمان بتعمل مساج حلو أوي مٌمكن تعملك علي فكره !! 

تحدث ياسين بإستسلام٠٠٠٠٠أووووووف ،،مسااااج ،،،،،،، إسكت يا مروان،، إسكت يا أبني الله يرضي عليك أصلها مش نقصاك !! 

وبسرعة البرق إختفت من أمامه ودلفت للمطبخ ،،

وخرج هو للحديقه حيث التجمع العائلي وجد والدهٌ ووالدتهٌ وطارق وزوجتهٌ وأبنائهما معاً وعمهِ عبدالرحمن وزوجتهٌ وأبنائهم 

ألقي ياسين عليهم التحيه بوجهِ ضاحك بشوش،، ردوها بإحترام !!!

أفلت الصغير من يدهٍ وجريَ ليلعب مع باقي أطفال العائله،، 

سحب مقعداً بجانب والدهٌ وجلس عليهِ بإرتياح !! 

نظر عليهِ عز وتحدث وهو يغمز له بعينهِ بصوتٍ خَافِت ٠٠٠٠٠٠صباحيه مباركه يا عريس،،شكلك رايق ومٌنشكح ،،علي الله تكون رفعت راسنا !!! 

أطلقَ ضحكه رجوليه قائلاً له بخفوت ٠٠٠٠طول عمري وأنا رافع راسك يا باشا،، المسأله مسألة وقت مش أكتر !! 

عقد عز حاجبيهِ بتساؤل٠٠٠٠٠مسألة وقت ؟؟

أومال نافشلي ريشك علينا علي الصبح كده ليه؟؟

لا وطول الوقت عاملي فيها قاهر النساء إللي مافيش ست بتستعصي عليه،،بقي مش قادر علي حتة عيله زي مليكه ،،،يلا ده أنتَ ياسين المغربي،،يعني المفروض تخليها تجيلك زاحفه لحد باب أوضتك وتترجاك تنول شرف عشقك ورضاك،، ولا أيه يا سيادة العقيد ؟؟ 

ياسين وهو يحرك لسانهِ علي شفاه بتسلي٠٠٠٠٠هيحصل يا باشا ،،،هيحصل وقريب أوي ،،،مش عاوزك تقلق من الناحيه دي ؟؟

عز بتفاخر٠٠٠٠٠وحش يلا طالع لأبوك !!!

وضحكا سويآ بتفاخر !! 

نظرت لهما منال بحنق وتحدثت بضيق ٠٠٠٠٠إنت عمال تتوشوش إنت وإبنك في أيه علي الصبح ؟؟ 

أجابها عز بمكر٠٠٠٠شغل يامنال،،بنتكلم عن الشغل ،،هنكون بنتكلم عن الستات مثلاً !!! 

ضحك ياسين وهز رأسه بإستسلام !!! 

تحدث طارق الجالس بجوار والدتهٌ مٌداعباً إياها٠٠٠٠٠سيبك منهم يا منول وخليكي معايا أنا،،،أنا طروق حبيبك !!! 

نظرت لهٌ منال وتحدثت بتهكم ٠٠٠٠٠ما أنت كمان زيهم يا روح منول،،كلكم عاملين حزب عليا مع أبوكم وكأني مش مامتكم !!! 

قبل يدها بدلع ٠٠٠٠وأحنا نقدر بردو يا منول،،دانتي الخير والبركه يا موزه !!

بعد قليل إنتهي عمال المنزل من وضع ورص جميع الأطعمه التي صنعتها ثريا ويسرا وعَليه علي طاولة الطعام وأتي الجميع 

وجلسوا بإبتسامات مختلفه منهم الإبتسامه الصافيه ،،ومنهم المرحه ومنهم الإبتسامه الصفراء،،ومنهم المجامله ،،كٌلًٌ لهٌ وضعه !!!

تحدثت راقيه زوجة عبدالرحمن بإبتسامه مزيفه٠٠٠٠٠إزيك يا مليكه ،،أخبارك أيه ؟؟ 

أجابتها مليكه بوجهِ بشوش ٠٠٠٠٠الحمدلله يا طنط أنا كويسه !! 

أمائت لها راقيه وتحدثت بتخابث٠٠٠٠٠ما هو باين يا روحي،،أنا شايفه ده بعيوني ،،من زمان أوي ماشفتكيش بتضحكي ووشك منور كده يا ليكه !!! 

إبتلعت غصه بقلبها وأنطفت إبتسامتها بلحظه من تلميحات تلك السيده السخيفه ! 

تحدثت ثريا بنبرة صوت حاده٠٠٠٠والمفروض إن ده شيئ يبسطك يا راقيه ،،يعني بعد الحزن والألم إللي عشناه طول الفتره إللي فاتت المفروض تفرحي لما تشوفيها مبسوطه !!! 

أجابتها راقيه بتخابث٠٠٠٠٠طبعاً مبسوطه علشانها يا ثريا،،لكن مستغربه وكنت عاوزه أعرف السبب مش أكتر !! 

ثم حولت بصرها إلي ياسين لتبخ سمها به هو الآخر ٠٠٠٠٠مش ناوي ترضي عن ليالي وترجعها لأولادها بقا ولا أيه يا سيادة العقيد !!!! 

ضيق ياسين عيناه من تطفل تلك المتحشره وتحدث بتهكم٠٠٠٠٠أرضي عنها وأرجعها ،،،،،،،، ليه حضرتك هو حد قالك إني غضبان عليها ولا كنت طردتها ؟؟ 

وأكمل بنبرة صوت جاده ٠٠٠٠كل الحكايه إن بباها ومامتها وحشوها وحبت تقعد معاهم شويه مش أكتر !!! 

لوت فاهها وتحدثت بنبرة ساخره٠٠٠٠شويه؟؟

دي ليها تلات أسابيع سايبه بيتها يا سيادة العقيد ؟؟ 

رمقها عبدالرحمن بنظرات غاضبه من تطفلها !!!

وهٌنا لم تتحمل منال الصمت علي تلك المٌتحشره أكثر فتحدثت بحده٠٠٠٠٠٠جري أيه يا راقيه،،مالك قايمه من النوم مٌتقمصه دور المحقق علينا كده ليه،،

ماتخليكي في نفسك شويه وأهتمي بأمور بيتك،،هو حد فينا كان أتدخل في حياتك قبل كده وجه قالك مرات إبنك مشيت ولا سايبه بيتها من شهرين ليه ؟؟ 

أجابتها راقيه بحزنٍ مٌصطنع ٠٠٠٠الحق عليا إللي بتطمن عليكم يا منال ،،هو إنتم مش أهلي ولا أيه ؟؟ 

تحدثَ عز بحده وصوتٍ حازم ناهياً تلك المناوشات ٠٠٠٠٠صباحكم خير يا جميلات العيله،،،أنا بقول تاكلوا أحسن من قصف الجبهات المٌتبادل إللي علي الصبح ده،، وخلونا إحنا كمان نستمتع بالأكل إللي شكله يفتح النفس ده !! 

ونظر إلي ثريا قائلاً بعرفان٠٠٠٠٠تسلم إيدك يا ثريا،، الأكل فعلاً تحفه !!

ردت عليه ثريا بإبتسامه هادئه٠٠٠٠٠بالهنا والشفا يا سيادة اللوا !!! 

إغتاظت منال من رقة زوجها المفرطه أثناء حديثهٌ مع ثريا أمام راقيه،،أما راقيه إكتفت بالنظر إلي منال ولوت فاهها وأبتسمت بطريقه ساخره !! 

كان يتناول طعامه ويختلس النظر لها بين الحين والأخر حتي يشبع عيناه برؤياها التي تٌسعد قلبه ♡ 

بعد الإنتهاء من الافطار جلس جميع أفراد العائله يتسامرون ويهتمون بالأطفال ويتناولون المأكولات والمشروبات المحببه لديهم،، 

حتي جاء موعد صلاة الجمعه فذهبَ الرجال للصلاه بالمسجد القريب أما النساء فتفرقن كٌلهن ذهبن بمنزلهن لأداء الصلاه،،،

 

                ◇◇◇◇◇¤◇◇◇◇◇ 

داخل النادي الإجتماعي !!!

كانت تجلس بجوار والدتها وشقيقتها 

تحدثت ليالي بإنفعال ٠٠٠٠وبعدين يا مامي،،هنعمل أيه مع البيه إللي راميني ولا معبرني ولا حتي جيت علي باله ،، ده أنا قربت أكمل تلات أسابيع سايبه البيت ولا حتي فكر يتصل بيا ويقولي إرجعي،،

وأكملت بوعيد٠٠٠٠٠ماشي يا ياسين !!! 

أجابتها قسمت بغل ٠٠٠٠٠فعلاً صدقت منال لما قالت عز حاجه وياسين حاجه تانيه خالص ،، ده طلع شيطان وقادر ومفيش أي حاجه بتكسره،،، 

ده حتي الولاد إللي قولنا هيضغطوا عليه ويجبروه يجيلك لحد عندك ويعتذر بلفهم وخدهم في صفه،،كل يوم والتاني فسح وخروج وغدا بره البيت،، لما خلي الولاد قربوا ينسوكي أساساً !!! 

تحدثت داليدا بتعقل ٠٠٠٠ ياسين طلع راجل ذكي ومش سهل أبداً يا ماما ،،علشان كده لازمله تخطيط من نوع خاص ،،تخطيط يليق بذكاء عقل مخابراتي زيه !! 

أجابتها قسمت بإستسلام٠٠٠٠ولا تخطيط ولا حاجه يا دولي،،ياسين ده زي التعبان ملوش ماسكه وهنتعب نفسنا معاه علي الفاضي،، 

ثم حولت بصرها إلي ليالي وتحدثت٠٠٠٠أنا شايفه إن ليالي بعد ماترجعله تحاول تاخد منه فلوس علي أد ماتقدر وتعمل حساب بنكي كبير لنفسها ،،علشان لو غدر بيها ف أي وقت تكون مأمنه مستقبلها بعيد عنه !!! 

أجابتها ليالي بإستغراب٠٠٠٠٠فلوس أيه بس يا مامي إللي حضرتك بتفكري فيها ؟؟

أنا بكلمك عن كرامتي وكبريائي إللي إتبهدلت قدام الناس وحضرتك تقوليلي فلوس؟؟ 

وعلي فكره بقا ياسين كويس جداً معايا في موضوع الفلوس،،

ده في عز ما هو زعلان مني وسايبني ومش بيكلمني أول ما الشهر بدأ حولي علي ال credit card ضعف المبلغ إللي كان بيحولهولي شهرياً وأنا في بيته !!! 

تحدثت داليدا بإستغراب٠٠٠٠أهو الموضوع ده بالذات خلاني أحتار جداً في شخصية إللي إسمه ياسين ده،،واحد غيره مكنش بعت ولا جنيه وكان عند وقال لنفسه خلي بباها إللي جريت وراحتله ينفعها ويصرف عليها ؟؟ 

أجابتها قسمت بتخابث٠٠٠٠٠ده تخطيط علي مستوي عالي من إبن منال علشان محدش يقدر يمسك عليه غلطه ،،مش بقولكم دماغه سم !!! 

تحدثت ليالي بطريقه نادمه٠٠٠٠٠٠يظهر إني ماكانش لازم أبداً أسمع كلام عمتو ونرمين وأسيب البيت،،ياسين مش هيعديهالي بسهوله أنا عارفه،،،وخصوصاً إننا قعدنا إتكلمنا وأتفقنا علي كل حاجه،،وكل حاجه قالي عليها فعلاً حصلت والدليل إن عمتوا قالت إنه رجع نام في جناحي وعلي سريري !!!! 

                   ◇◇◇◇◇¤◇◇◇◇◇

بعد مده عاد عز وياسين وطارق من الصلاه،، وجدوا منال تجلس في بهو المنزل تضع ساق فوق الآخري وتهزهما بعصبيه والغضب يظهر علي وجهها ،،،، 

رأت ياسين إنتفضت من جلستها ووقفت ووجهت حديثها لهٌ بغضب ٠٠٠٠٠ياتري عاجبك تلقيح إللي إسمها راقيه دي علي مراتك يا ياسين بيه ،،مستني تسمع أيه تاني علشان تروح تصالح مراتك وترجعها لبيتها ؟؟ 

أجابها ياسين بصوتٍ حاد ٠٠٠٠٠ماما أرجوكي،،قولت لحضرتك بدل المره عشره أنا مزعلتش حد علشان أصالحه،،،ولو الهانم عاوزه ترجع لبيتها وهاممها أوي ولادها تتفضل ترجع ،،أنا مش مانعها !!! 

صاحت منال بحده ووعيد٠٠٠٠٠٠قسمآ بالله يا ياسين لو ما رحت جبت مراتك لاسيبلكم البيت وأروح أقعد عند أخويا وماهتشوفوا وشي تاني !!! 

وقف طارق بجانبها وهو يقبل رأسها مراضياً لها٠٠٠٠٠إهدي يا حبيبتي أرجوكي ماتعمليش في نفسك كده !!! 

ذهب إليها عز وأمسك يدها محاولاً تهدئة الوضع ٠٠٠٠إهدي يا منال،، أيه بس الكلام إللي بتقوليه ده،،،ياسين هيعمل كل إللي إنتي تؤمري بيه بس هدي نفسك وتعالي أقعدي !!! 

رد ياسين بإعتراض٠٠٠٠لكن يا باشا أ٠٠٠٠ 

لم يكمل باقي حديثهٌ حيث هدر بهِ عز مٌتصنعاً الغضب لإرضاء زوجته٠٠٠٠٠٠وبعدين معاك يا ياسين، ،،أنا قولت تسمع كلام ماما وتروح تجيب مراتك وأنتهي الأمر !!!

رد ياسين بطاعه رغم غضبه ٠٠٠٠حاضر يا باشا،،إللي حضرتك تؤمر بيه إنت وماما هنفذه !!! 

جرت عليهِ أيسل بفرحه وهي تحتضنه٠٠٠٠بجد يا بابي،،يعني خلاص هترجع مامي،،طب أنا هروح أغير هدومي بسرعه علشان أجي مع حضرتك !! 

أمسك ياسين وجهها بحب قائلاً٠٠٠٠خليها لبكره يا سيلا،،كلمي مامي وبلغيها إني هروحلها بكره علشان تستعد وتجهز !! 

نظرت لهٌ منال وتحدثت بتهكم٠٠٠٠٠وليه سيادتك ما تكلمهاش بنفسك وتبلغها يا ياسين بيه،،،ثم لزمته أيه التأجيل لبكره وإستعداد أيه إللي بتتكلم عنه،،

هي هتسافر لندن،،دي راجعه بيتها !!! 

أجابَ ياسين بقلة صبر وغضب مكتوم ٠٠٠٠وأنا قولت هروح بكره يا ماما مش فاهم حضرتك مستعجله علي أيه،، إللي حضرتك أمرتي بيه هيتنفذ ،،

لكن أمتي بقا دي بتاعتي أنا ،،ودالوقتي بعد إذنكم أنا طالع أنام ومش عاوز إزعاج لو سمحتم !!! 

أوقفتهٌ منال بصوتٍ غاضب ٠٠٠٠ طب ده في إللي يخص ليالي يا ياسين،،ممكن بقا تقولي أيه موضوع أسهم نرمين إللي سيادتك إشتريتهم بفلوس ولادك وكتبتهم لولاد مليكه ؟؟

نظر إليها عز وتحدثَ بصوتٍ حاد ينمٌ عن مدي غضبهِ العارم٠٠٠ما أسمهمش ولاد مليكه يا هانم،،إسمهم ولاد رائف المغربي ده أولاً !!! 

ثانياً وده الأهم يا سيادة الأم الفاضله والمربيه العظيمه ما ينفعش تتكلمي مع إبنك في موضوع زي ده قدام أولاده !!! 

إبتلعت لٌعابها من هيئة عز وتحدثت مٌفسرتاً موقفها٠٠٠٠أنااااا أنا طبعاً ماأقصدش خالص يا عز دي زلة لسان مش أكتر،، ثم صمتت !! 

زفر ياسين وحرك رأسه بيأس وتحدثَ بهدوء موجهاً حديثهٌ لأطفاله٠٠٠٠سيلا،،، خدي أخوكي وإطلعوا الجنينه كلمي مامي وبلغيها إننا رايحنلها بكره وخليها تجهز !!! 

أجابتهٌ طفلته بإيماء وسعاده ٠٠٠٠حاضر يا بابي !!!

تحدثَ ياسين بهدوء كاتماً غيظه داخله حتي لا يٌحزن والدتهٌ ويٌغضب ربٌهْ ٠٠٠أمي من فضلك،،، ياريت،، يااااريت بعد إذن حضرتك ماتتكلميش في أي مواضيع قدام ولادي تاني،، 

أنا طول الفتره إللي فاتت وأنا بحاول بقدر الإمكان إني أبعدهم عن أي مشاكل حواليهم،،وحضرتك شايفه ده بعيونك،،

 

وأكملَ ٠٠٠٠أما بقا بالنسبه للكلام إللي أنا عارف ومتأكد كويس أوي مين إللي وصلته لحضرتك وأيه هي نيتها،، 

فاأحب أقولك إن مليكه تبقي مراتي ولو حضرتك ترضيها علي رجولتي إني أسيب مراتي تبيع مجوهراتها فاسمحيلي أنا مرضهاش علي نفسي !!!

صاحت بإستهجان٠٠٠٠مراتك ؟؟ 

تحدث بصوتٍ هادئ وثقه٠٠٠أيوه مراتي يا ماما،،ومهما كان السبب إللي إتجوزنا علشانه فهي مراتي وليها عندي كل الإحترام وواجبها عليا إني أحميها وأكونلها سند هي وولادها إللي هما أساساً أولاد أخويا ،، 

وأكملَ مٌفسراً٠٠٠٠٠لكن يظهر إن إللي بلغت حضرتك بالموضوع تعمدت ماتقولكيش إني هسترد الفلوس تاني من أرباح الشركه،، 

يعني أنا ماأخدتش فلوس ولادي وأديتها لاولاد رائف الله يرحمه زي ما حضرتك بتقولي ،، 

ثم أكملَ مٌنسحباً بهدوء٠٠٠٠٠ ودالوقتي إسمحيلي أنا تعبان ومحتاج بجد إني أنام !!!

صعد للأعلي بضيق أما منال فجلست بأرتياح بعد أن نجحت في إجبار ياسين علي إرجاع ليالي ،،وعلمت أنهٌ سيسترد ذلك المبلغ التي لم تخبرها نرمين حين أخبرتها بالموضوع بتلك النقطه لتٌشعل منال أكثر من ناحية ياسين !!!! 

نظر لها عز بيأس وخرج إلي الحديقه ليٌجلس مع صغار أبنائه ويتسامر معهم كعادته ♡ 

____________________:_____________________ 

خرجت مليكه للحديقه بعد أداء صلاة الظهر أمسكت هاتفها وهي تأخذ شهيقاً وتزفرهٌ بقلق، ،فقد قررت أن تحادث والدتها وتكسر الصمت السائد وتلك المٌقاطعه التي دامت أكثر من إسبوعين ،، 

كانت سٌهير تجلس مع سالم وشريف يحتسون مشروباً

رن هاتفها أمسكتهٌ بإهمال تنظر لتري من المٌتصل ،،

شغر فاهها مٌبتسماً وهي تردد بسعاده٠٠٠٠دي مليكه،،مليكه بتتصل بيا يا سالم !! 

إعتدل سالم من جلستهِ بسعاده قائلآ لها بنبرة صوت مٌتلهفه ٠٠٠طب ردي ،،،ردي بسرعه قبل ماتقفل يا سٌهير 

أجابت سٌهير علي الفور بلهفه٠٠٠٠مليكه،،يا حبيبتي وحشتيني أوي ♡ 

إستمعت مليكه لصوت والدتها الحنون المٌتلهف للحديث معها كانت خجله للغايه ولا تدري من أين تبدأ بالحديث 

فقالت بصوتٍ مٌرتجف ٠٠٠٠٠٠إزيك يا ماما !!! 

أجابتها سٌهير بصوتٍ مٌختنق بالدموع٠٠٠٠أزيك إنتي يا قلب ماما،،عامله أيه ومروان وأنس ،،طمنيني عليكي يا ضي عيوني !! 

هٌنا لم تستطيع مليكه التماسك أكثر من ذلك فبكت وتحدثت بشوقٍ عارم٠٠٠٠٠٠ماما إنتي وحشتيني ،،وحشني حضنك وكلامك،،وحشتني دعواتك ليا ولأولادي،، وحشتني حنيتك عليا !!! 

بكت سٌهير وتحدثت٠٠٠٠٠٠طب تعالي يا قلبي،،لو أنا فعلآ وحشاكي كده،،تعالي علشان أشوفك وأملي عيوني منك إنتي والأولاد !!! 

أجابتها مليكه بإيجاب٠٠٠٠٠حاضر يا ماما،،صدقيني بكره هاجيلك أقضي معاكي طول اليوم ،،أنا أستأذنت من ماما ثريا وبكره إن شاء الله هجيلك أول ما أقوم من النوم ،،إتفقنا !!! 

وأكملت بمرح كي تخرج والدتها من تلك الحالة٠٠٠٠يلا بقا يا سو جهزي كل الأكلات إللي بحبها، ،أنا مشتاقه أوي لأكلك وريحته !! 

تحدثت سٌهير بحب٠٠٠٠٠٠عيوني ليكي يا قلبي، ،،هقوم حالاً أجهزلك كل حاجه بتحبيها إنتي وحبايب قلبي !!!

ثم نظرت إلي سالم ولنظرة الحنين والشوق التي سكنت عيناه عندما إستمع لإسم غاليته 

سٌهير بترقب٠٠٠٠٠٠مليكه،،بابا عاوز يسلم عليكي !!! 

إبتلعت مليكه لٌعابها بإرتباك ولكنها تمالكت حالها وقالت٠٠٠٠أنا كمان عاوزه أسلم عليه يا ماما !!! 

أعطت سٌهير الهاتف بفرحه إلي سالم الذي تحدث بصوتٍ مخنوق٠٠٠٠٠إزيك يا مليكه،،عامله إيه يا بنتي !!! 

أجابتهٌ مليكه بصوتٍ خجول٠٠٠٠٠الحمدلله يا بابا أنا كويسه ،،،،،،،

صمت دام لثواني ولكنها مرت كدهر،،،،،،،،، 

تشجعت هي وكسرته٠٠٠٠٠٠بابا إنتَ وحشتني أوي ! 

هٌنا بكت مليكه ولم يتحمل سالم بكائها 

قال بتماسك ٠٠٠٠٠٠خلاص يا حبيبتي،،إهدي يا بابا،،،متوجعيش قلبي عليكي يا مليكه !!! 

تحدثت من بين شهقاتها٠٠٠٠سلامة قلبك يا حبيبي،، 

أراد أن يخرجها من حالة الحزن تلك فأكمل بدعابه ٠٠٠٠٠قوليلي بقا حابه تاكلي أيه بكره علشان أنا إللي هعملك الأكل بنفسي !!! 

إنطلقت ضحكة ساخره عاليه منها وعلي الجانب الآخر ضحكت سٌهير وشريف رغم تأثرهما الشديد بذلك المشهد لكنهم لم يتمالكوا حالهم عندما تحدث سالم عن إستعداده لطهيهِ الطعام

تحدثت مليكه من بين ضحكاتها ٠٠٠٠٠حرام عليك يا بابا،،أنا عاوزه أجي أزوركم وأقضي وقت لطيف معاكم ،،مش نقضيه صحبه كلنا في المستشفي ،،، 

هو حضرتك ناسي المره اليتيمه إللي دخلت فيها المطبخ لما ماما كانت مسافره عند تيتا،،،وقتها بدل ما تحط في الأكل توابل حطيت بودرة الصراصير إللي ماما كانت شيلاها في درج المطبخ،،،حصلنا تسمم وقعدنا كلنا يومين في المستشفي ،،، 

ضحك سالم بسعاده فائقه لسماع صوت صغيرتهٌ مرحاً وتحدث مازحاً٠٠٠٠بقا كده يا مليكه،، طب أنا بقا لغيت الفكره ومش داخل المطبخ عقاباً ليكم

أجابتهٌ بمرح ٠٠٠٠٠أرجوك !! 

ضحكوا جميعآ بسعاده وتناسوا همهم الذي مضي ليستقبلوا غداً أفضل بإذن الله !!!

                     ◇◇◇◇◇¤◇◇◇◇◇ 

أفاق ياسين من قيلولتهِ عند الغروب،، أخذ حماماً وأرتدي ملابسهٌ وخرج للشرفه يراقب حبيبتهٌ علهٌ يراها ويختلس النظر لعيناها الساحره ،، 

بالفعل وجدها تخرج من باب الفيلا مٌتجهَ ناحية شاطئ البحر،، تحرك سريعاً بسعاده مٌفرطه،، نزل الدرج سريعاً و بسرعة البرق كان يقف أمامها

وينظر لها ويتحدث بإدعائهٌ الإستغراب٠٠٠٠٠مليكه،،أيه الصدفه الحلوه دي،،شكلك كده إنتي كمان خارجه تتمشي علي البحر ؟؟ 

إبتسمت بسعاده قائله٠٠٠٠٠أهلآ يا أب٠٠٠قصدي يا ياسين !!

هز رأسهٌ بإستسلام وضحك !!! 

مطت شفاها وضيقت عيناها في حركه أذابت حصونهٌ وأهلكتهٌ قائله برجاء٠٠٠٠٠٠٠أكيد مش هتعود من يومين،، إديني إسبوع،،،،،هو إسبوع واحد بس،،وهبقي شطوره وهمحي كلمة أبيه دي من قاموسي خااااالص !!! 

كان يستمع لها بقلبٍ هائم وعيون عاشقه ودَ لو يسحبها بعنف ويرتدم جسدها الرقيق بصدره العريض ويضمهٌ بشده ليٌشبع رغبة قلبهٌ المٌولع والمٌشتاق بعشقها الحاااار،،،

ويٌخمد صراخهْ المٌستديم في حضرتها !!! 

أجابها بعيون عاشقه وصوتٍ هائم ٠٠٠٠أنا أستناكي العمر كله يا مليكه مش بس إسبوع !! 

سرعَ قلبها بدقاتهْ ولا تدري تفسير ما ذلك الشعور ،،أهو خوف أم خجل ،،أم ماذا ؟؟ 

أكملْ حديثهٌ هو عندما رأي تلك الحيره بعيونها٠٠٠٠٠تحبي أتمشي معاكي ،،ولا حابه تتمشي لوحدك ؟؟ 

لا خاااالص بالعكس٠٠٠٠قالت جملتها بلهفه ونفي سريع ،،مما جعلها تستغرب حالها وتخجل وتسحب بصرها عن مرمي عيونهٌ السعيده التي باتت أن تتأكَلها !!

ثم تحركا بإتجاه طول البحر وبدأو الإستجمام والإستمتاع بأصوات المياه وهي ترتدم بالصخور بصمتٍ تام ،،

 

كان ينظر لها بقلبٍ هائم وهي مٌغمضة العينان ترفع وجهها لأعلي تستنشق هواء البحر النقي ورائحة اليود التي تعشقها وتزفرهٌ براحه وأستمتاع مما جعلها جذابه ورائعه بطريقةٍ مبالغ بها !! 

توقف العالم بأكملهِ بنظرهِ إلا منها ،،كان ينظر لها بشوقٍ هائم ويتحرك بجانبها بصمتٍ تام كي لا يٌزعجٌها بلحظات هدوئها وصفاء ذهنها ،،

أفتحت عيناها ومازالت تتحرك بهدوء بجانبهِ 

وتحدثت براحه دون النظر لهْ٠٠٠٠٠تعرف يا ياسين،،أنا بحب البحر أوي وبعتبره صديقي الوفي،،هو الوحيد إللي بجيله وبيستقبلني في كل حالاتي،،،

لما بكون سعيده بجيله وأفرح معاه وألاقيه بيضحكلي وبيداعبني بكل حنيه ،،

وأكملت بإنتشاء وهي تنظر لهْ٠٠٠٠٠وبيهزر معايا كمان ويحدفني ب مايته المٌنعشه بكل حنان ،، 

ثم زفرت وتنهدت بصدرٍ مٌحمل بالهموم ٠٠٠٠٠وفي عز ألمي ووجعي بلاقيه بيواسيني ويحضني ويطبطب عليا ،، 

بشتكيله ويسمعني بكل هدوء ،،عمره ما غلطني ولا عنفني وجه عليا زي البشر ما بيعملوا،،

دايمآ واقف في صفي وبيأذرني،،، 

بيسبني أصرخ وأبكي وأخرج كل إللي جوايا من غضب ،،ويسمعني للأخر وبعدين ياخدني في حضنه ويطبطب عليا بحنيته،، عمره ما سابني أمشي غير وأنا مرتاحه وراضيه،،،بياخد مني كل همي ويحتويني بسحره ♡ 

كان يستمع لها مٌبتسماً وسعيد لبداية إرتياحها له والفضفضه معه،،

تحدث مبتسماً٠٠٠٠٠يا بخت البحر بيكي،،كل ده حب ليه،،،أنا كده هبتدي أحقد عليه وأغير منه !!! 

أطلقت ضحكه سحرت بها قلبهٌ العاشق ٠٠٠٠٠مش أوي يعني،،دأنا طول الوقت تعباه معايا وقرفاه بمشاكلي !!! 

تحدث َياسين ٠٠٠٠طب أيه رأيك أنا ماعنديش مانع أشيل عنه كل ده !!! 

نظرت لهٌ مليكه وتحدثت بألم ٠٠٠٠٠طب إزاي وأنا كل شكوتي وحزني كانت منك يا ياسين،،معقول كٌنت هاشكي ليك منك ؟؟ 

أجابها بصدق ومداعبه٠٠٠٠٠مش إحنا خلاص خدنا هٌدنه وإتصالحنا،،إنسي بقا كل المشاكل إللي فاتت وتعالي نبتدي مع بعض صفحه جديده،،

صفحه من غير أي هموم ولا مشاكل يا مليكه،، 

وأكملَ مٌتأثراً٠٠٠٠٠أظن إحنا تعبنا الفتره إللي فاتت بما فيه الكفايه ،،بيتهيألي من حقنا نرتاح شويه،،ولا أيه ؟؟

إبتسمت لهٌ ومدت يدها بمداعبه قائله٠٠٠٠إتفقنا ،،،ناخد هدنه !! 

مد لها يده يحتضن بها كف يدها الرقيق ويحتويه بداخل كفهٌ ويدوب معها بأول لمسه بدون نفور منها لهٌ ولا خوف كالسابق،،،متأملآ بغدٍ أفضل من البارحه،،

سحبت يدها بخجل بعد ضمت يدهٌ وهو يضغط عليها بمنتهي الرقه والحنان ♡ 

عاودت النظر للبحر مرةً أٌخري وهي مٌبتسمه بسعاده وأكملت تحركها بصحبته !! 

تحركا معاً ومشيا كثيراً لم يشعرا بالوقت وهما يتثامران بأحاديثهما المٌتبادله المٌمتعه لكليهما !!! 

بعد مده شهقت مليكه ونظرت له بعيون مٌتسعه ٠٠٠٠ياخبر ،،إحنا بعدنا أوي يا ياسين !!! 

أجابها بإبتسامه ٠٠٠٠٠ده حقيقي،، إحنا بعدنا عن العمار كتير،،تصوري إني ماحسيتش خالص بالوقت !!! 

إبتسمت برقه ونظرت للمكان بحنين وعيون مغيمه بدموع الإشتياق ناظره لهٌ قائله٠٠٠٠٠أقولك علي سر !!!

طااار قلبهٌ فرحاً كان يتأمل وينتظر إعترافها بحبه ،،أو علي الأقل شعورها بالإرتياح لهٌ ،،أو حتي مجرد إعجاب،، لكنها وللأسف أفحمت قلبهٌ المٌعلق بكلمه منها بحديثها القاتل !!! 

نظرت لهٌ مليكه بعيون مغيمه بدموع وقلبٍ مفطور٠٠٠٠٠أنا رائف وحشني أوي !!! 

أدلت بكلماتها تلك ونزلت دمعة حنين من عيناها ،،،بينما صرخ قلبهٌ طالباً الرحمه ،، 

ألا تشعرين بنيران قلبي المٌحطم،،،الرحمه مليكةٌ قلبي !!

أرجوكي غاليتي لا تضعي يودك علي جرح قلبيَ النازف !! 

☆ رٌحماكِ مليكه رٌحماكِ ☆ 

أكملت هي ولن تبالي بصاحب القلب المٌحطم المجاور لها وكأنها لم تراهٌ من الأساس،،،

أو كأنه مجرد سراب٠٠٠٠٠وحشني حضنه وحنانه،،وحشني كلامنا طول الليل ،،ضحكنا إللي كان نابع من القلب،،

مفتقده وجوده في حياتي أوي ،،وحشتني ضحكته وضمته ليا،،،وحشتني ريحته ،،صوته،،،نظرة عيونه،،

وحشني كله ،،،وحشني كله ! 

كان نفسي أوي يبقي معايا هنا دالوقتي،،ياما سرحنا في مشينا وكلامنا لحد ما لاقينا نفسنا هنا،، في نفس المكان ده ،،

 

ثم نظرت لهٌ وجدته يتألم وعيونهٌ مغيمه تلاشت ألمهٌ وأكملت بكل جبروت ودموعها تنهمر بغزارة٠٠٠٠٠هو أنا ليه مش قادره أنساه يا ياسين ؟؟ 

ليه مش قادره أتأقلم علي غيابه وأعيش وأكمل؟؟

ليه دايماً حاسه إني عايشه من غير روح ؟؟ 

أنا تعبانه أوي يا ياسين،،تعبانه أوي من بعده !!! 

لم يشعر بحاله إلا وهو يجذبها بحنان لداخل أحضانه ويضمها بشده علهٌ يضمد جرح قلبهٌ النازف من أثر كلماتها المٌميته ،،،،

إحتضنها بشده وهو يتألم ،،،لا يدري إن كان ألم قلبهٌ هذا لأجلها،،أم لأجله هو !! 

الغريب في الأمر أنهٌ وجدها تبكي بشده وتحتضنهٌ بل وتضع يدها علي ظهره وتضمهٌ بإحتياج وتشدد من إحتضانه وكأنها وجدت ملاذها داخل أحضانه ،،، 

إنتفض جسدهٌ بالكامل فرحاً بأول حضن لها ،،وأي حضن،،،، إنه مٌتبادل ،،، 

أااااااااه قلبي سيتوقف فرحاً ياالله،،، 

ياإلهي،،،،، ما هذا الشعور الرائع الذي إخترقني ،،،أهذا مايسمونهٌ العشق ياسين ؟؟

لا أدري ماذا يسمي هذا الشعور الذي ينتاب قلبي ولأول مره،،

لكني سعيدًٌ جداً ولا أريد ترك ضمة حضنها أبداً،،،أريد أن أكمل ما تبقي من عمري هٌنا ،،داخل ضمتها تلك ♡ 

جنَ جنونهٌ وكاد يفقد عقله حين شعر بها وهي تذيد من تشدد تمسكها به وتعلقها الشديد،،، 

حتي أنه تجرأ ورفعها بين أحضانه مما جعل ساقيها معلقتين بالهواء وألتصق جسديهما بشكلٍ مٌثير ،، والغريب في الأمر أنها لم تعد تبكي وأستكانت بأحضانه ،،بل وبدأت بالتأوه الخافت والتعلق أكثر وهي مغمضة العينين ويبدوا علي وجهها الإستمتاع بما تفعلهْ !!! 

تري ماالذي حدث إلي مشاعر مليكه؟؟

أحقآ ما يحدث معها هي بداية قصة عشق بينهما ؟؟

أم ماذا ياتٌري ؟؟

وما هي ستكون ردة فعل ياسين علي تلك المشاعر الجارفه التي تجتاح عالمهٌ ولأول مره ؟؟ 

كل هذا وأكثر سنتعرف عليه في البارت القادم !!! 

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية ☆قلوب حائره☆

بقلمي روز آمين

                     🦋البارت الرابع عشر🦋 

كانت تشدد من إحتضانهٌ وهي تتخيله رائف حبيبها الراحل،، إندمجت معهٌ لأبعد الحدود ،، 

كان سعيداً كاد قلبهٌ أن يتوقف من شدة سعادته 

أبعد وجهها عن حضنهِ وأمسك ذقنها ومال برقه علي شفاها بإستمتاع ،،،وضع قبله رقيقه أذابتهْ وأخبرته كم هو مسكين وأنهٌ وبرغم تعدد علاقاته إلا أنهٌ لم يتذوق شهد قبلة العشق،،فهي حقاً تختلف بمذاقها،، 

جن جنونهٌ كاد أن يلتهم شفاها بنهم ويذوبٌ معها أكثر وأكثر،، 

حتي أفتحت عيناها بعشق لتنظر إلي رائف حبيبها  ،،ولكنها نظرت لهٌ بصدمه وأستغراب ،،

وفجأه أفلتت حالها من بين أحضانهٌ بحده ودفعتهٌ عنها بعنف ،،أولتهٌ ظهرها خجلاً ووضعت كفيها فوق عيناها وبكت بكت بندم وحٌزنٍ وخِزي ،، 

إنصدم من ردة فعلها العنيفه،،لقد هدمت أحلامهٌ بلحظه،،

تحركَ إليها ببطئ ولمس كَتِفها ليطمئن عليها،،،،إقشعر بدنها وأنتفضت برعب رافضتاً تلك اللمسه  !!! 

ثم إستدارت ونظرت لهٌ بندم وخزي وتحدثت بإرتياب ٠٠٠٠٠أنا أسفه ،،،أنا مش عارفه ده حصل إزاي،،أرجوك يا أبيه تسامحني ،، أنا مش فاهمه إزاي للحظه تخيلتك رائف،، أنا أسفه ،،،بجد والله أسفه !!! 

كان ينظر لها بعيون مصدومه وداخلهٌ يصرخ ويتمزق ،،لم يعد لقلبهِ التحمل رفضها لهٌ بتلك الطريقة المٌهينه لرجولتهِ 

نظر لها بحده وأستغراب وتحدث بتهكم٠٠٠٠أسفه،،،،،،أسفه علي أيه يا مدام،،،

المفروض إنك مراتي وإن إللي حصل بينا من شويه ده طبيعي جدآ إنه يحصل ،،لكن إللي مش طبيعي يا هانم إنك تتأسفيلي،، 

وأكمل بصياحٍ عالي٠٠٠٠٠ وكمان تقوليلي وبكل بجاحه،،، أسفه أصلي تخيلتك رائف ،، 

وأكمل بصراخ أرعب أوصالها٠٠٠٠٠٠٠بتتأسفي لجوزك وبكل جرأه وبجاحه بتعترفي إنك كنتي بتتخيليه راجل غيره ،،،،يا بجاحتك وجبروتك،،،

صفق بيداه ساخراً٠٠٠٠٠برافو يا مدام ،،،لا بجد زوجه محترمه ومتربيه  !!! 

كانت تستمع لهٌ ودموعها تنهمر علي وجنتيها وتضع يدها علي فمها وتهز رأسها بإستنكار من حديثه الغير مٌقنع لها ٠٠٠٠٠أنت بتقول أيه ٠٠٠٠٠٠ 

نظر لها بإشمئزاز وهدر بها بقوه وحده٠٠٠٠٠٠إخرسي يا مليكه،،،،مش عاوز أسمع صوتك ولا حتي طايق أشوفك قدامي،،،

ثم أشار لها بيدهِ لمقدمة الطريق ٠٠٠٠٠٠إتفضلي قدامي يا محترمه علشان تروحي لأولادك ،،،،،،يلااااااااااا 

إرتعبت أوصالها وأنتفض جسدها خوفاً من لهجتهِ وصراخهٌ عليها ،،،

تقدمت أمامهٌ وتحركت بصمتٍ تام وهي تجفف دموعها وتتنفس الصعداء حتي تٌهدئ من روعها قبل الرجوع لمنزلها كي لا يراها أحدآ وهي بتلك الهيئه المٌزريه !!!! 

كانت تتحرك بجانبهِ بصمتِ تام وسخطاً عليه من حديثهٌ التي إشمئزت منه،،،

حتي أقتربا من دلوف الممر المؤدي إلي موضع سكنهم ،،وجدا دكتور أحمد حسين المغربي والدهٌ إبن عم عز المغربي يتمشي بصحبة زوجتهِ الشابه دكتوره مٌني وبالمناسبه هما يمتلكان مشفي خاص بالنساء والتوليد حيث مجالهما ،،، 

وقفا الثنائي إحتراماً لهما ،،ألقيا عليهما التحيه ردت مليكه وياسين بإبتسامات مٌزيفه !! 

تحدث دكتور أحمد بإستفسار٠٠٠٠إنتوا كمان كنتوا بتتمشوا ،،غريبه أوي،، ماشفناكمش يعني ؟؟ 

تحدث ياسين مٌفسراً ٠٠٠٠٠كٌنا بنتكلم وسرحنا شويه في الكلام وبعدنا عن المكان  !!! 

نظرت مٌني إلي مليكه وتحدثت بوجهِ بشوش ٠٠٠٠٠٠إزيك يا مليكه،،أيه يا بنتي مابقاش حد بيشوفك ليه ؟؟ 

أجابتها مليكه بإبتسامه ٠٠٠٠٠إزيك إنتي يا مٌني ،،موجوده،،بس إنتي عارفه بقا الولاد ومشاغلهم  !!! 

تحدثَ ياسين بعمليه حتي ينهي هذا اللقاء الغير مناسب علي الإطلاق ٠٠٠٠٠طب ما تتفضلوا معانا يا جماعه !! 

أجابهٌ دكتور أحمد ٠٠٠٠٠مٌتشكرين ياسين باشا،،،

ثم حول بصرهٌ إلي مليكه بإبتسامه ذو مغذي٠٠٠٠٠٠عاوزين نشوفك عندنا قريب يا مليكه !!! 

إبتسمت لهٌ بخجل من تلميحاته ٠٠٠٠٠إن شاء الله يا دكتور ،،بعد إذنكم !! 

وتفرقا كٌل ثنائي إلي إتجاهه 

مٌني وهي تضرب كتف أحمد بمعاتبه  ٠٠٠٠٠ده كلام تقوله بردوا ،،إنت مالك !! 

ضحك أحمد وأجابها بلا مبالاه٠٠٠٠أيه المشكله في كده،،أنا عاوز أفرح بإبن عمي ونكتر نسل العيله !!! 

إبتسمت مٌني وتحدثت بدعابه٠٠٠٠٠ثئيل 

رافق ياسين مليكه حتي دلفت من باب الفيلا تحت أعين الحرس المتواجدون أمام البوابه ،،،دلفت هي ولم تنظر لذلك الواقف ينظر عليها بغضب بجسداً مٌشتعل ،وقف حتي تأكد من دلوفها لباب الفيلا الداخلي ثم أنصرفَ وبداخلهِ ثورة غضب كفيله بتدمير كل ما يواجههٌ 

صعدت لغرفتها وجرت مسرعه إلي المرحاض،، إنتزعت عنها ثيابها وألقتها أرضاً بغضب وعنف ،،وقفت تحت صنبور الماء وفتحتهٌ عليها وبدأت بغسل فمها وجميع جسدها بإشمئزاز وهي تبكي بهيستريا ضلت تضع سائل الإستحمام علي شفاها وتحكها بعنف علها تٌزيل عنها أثر قٌبلة ذلك الياسين !!! 

حدثت حالها ببكاء٠٠أه مليكه،،ماذا دهاكي يا فتاه،،أجننتي لهذه الدرجه،،أتتخيليه رائف ؟؟

مابال ذلك برائف أيتها الغبيه،،يا ويلي ماذا فعلت بحالي،،سامحني رائف،، سامحني حبيبي فلم أفي بوعدي الذي قطعتهٌ علي حالي بأن لا أكون لغيرك مهما حدث،،، 

                   ◇◇◇◇◇¤◇◇◇◇◇ 

أما ياسين فقد صعد لغرفتهٌ وأخبرهم أنه لا يريد الإزعاج وقضي معظم الليل وهو يجوب الغرفه إياباً وذهاباً والغضب يتأكل جسده،،وهو يفكر كيف سينتقم منها ويرد لها الصاع صاعين ،،علي إهانتهٌ بتلك الطريقه المٌهينه لرجولته ورفضها له !!! 

                    ◇◇◇◇◇¤◇◇◇◇◇ 

مساء اليوم التالي

ذهب ياسين بصحبة أيسل لإرجاع  ليالي منزلها وسط فرحة منال وسعادة أطفاله ،،، 

أيضآ ذهبت مليكه بصحبة طفليها لمنزل والدها وقضت اليوم بالكامل مع عائلتها !!! 

صعد ياسين مع إبنته لمنزل ليالي سلم علي خالهِ وزوجته ثم نزل سريعاً وأنتظرهم  ،، بعد مده قليله نزلت ليالي بصحبة أيسل وأستقلت السياره بجوار ذلك الجالس بوجهٍ عابس لم ينظر حتي لها أدار مقود سيارته وتحرك عائداً لمنزلهِ بوقتِ مٌتأخر ،، 

وصل أمامَ منزلهِ وجدها تدلف بسيارتها لداخل الفيلا نظر عليها وجدها بصحبة طفليها فقط،، جن جنونهٌ وأشتعلَ غضباً ،،علي خروجها دون إستئذانه ،،، 

دلف للداخل سريعاً نزل من سيارتهِ علي عجل ويبدو علي وجههِ الغضب والإنزعاج !!! 

حدثتهٌ ليالي بإستغراب من حالتهِ٠٠٠٠٠رايح فين يا ياسين ،،مٌش هتركن العربيه في الجراج وتدخل معانا  ؟؟ 

نظر لها علي عجل وهو يخرج من باب الفيلا٠٠٠٠٠سبيها مكانها،،لما أرجع هركنها ،،إدخلي إنتي وأيسل جوه يلا !! 

ناداهٌ طارق الذي كان خارجاً من الفيلا لإستقبالهم ٠٠٠٠٠رايح فين يا ياسين ،،،فيه حاجه ولا أيه ؟؟ 

لم يجبهٌ وأنطلق سريعاً وعلامات الغضب تظهر علي ملامحهْ 

تحدثت ليالي بنبرة صوت لائمه ٠٠٠٠٠شفت أخوك وعمايله يا طارق،،،هي دي مقابلته ليا بعد كل الغياب ده ؟؟طب حتي كان دخلنا الفيلا !! 

أجابها طارق علي عجل وهو ينطلق خلف أخاه ليري ما به ٠٠٠٠معلش ياليالي ،،إدخلي جوه وأنا هروح أشوف فيه أيه !!! 

دلف لداخل الفيلا ووجههٌ لايبشر بخير وجد الصغيران يجلسان بين أحضان ثريا تقبلهما بنهم كما لو كانا غائبان منذ عدة أسابيع وليس بضعة ساعات فقط ،، 

ووجدها تقف تنظر لهم بوجهِ مٌشرق مٌبتسم وسعيد !!!

هدر بها بصوت عالي أرعب الأطفال جميعاً مٌتناسياً وجودهم من شدة غضبهْ ٠٠٠٠٠٠حمدالله علي السلامة يامدام،،والهانم بقا  كانت فين إن شاء الله و راجعه أخر الليل لوحدها كده ؟؟

 

إنتفض الصغير،، إحتضنتهٌ ثريا وتحدثت موجهتاً نظرها إلي ياسين٠٠٠٠٠٠فيه أيه يا ياسين ،،براحه يا بني فزعت الولاد !!! 

لم ينظر لها ولا لحديثها وهدر بصوته مٌنادياً ٠٠٠٠٠مٌني،،إنتي يا مٌني !!

أتت مٌني علي عجل وتحدثت وهي ترتجف ٠٠٠٠٠٠تحت أمرك يا ياسين باشا !!! 

أشار لها بيده علي أطفال رائف وأطفال يسرا أيضاً٠٠٠٠٠خدي الولاد وطلعيهم أوضهم فوق وخليهم مع الناني بتاعتهم ،،،بسررررعه 

أمائت لهٌ برعب وهي تحمل الصغير وتسحب بيدها باقي 

الأطفال تحت إستغراب الجميع من تلك الحاله ،،، 

دلف طارق سريعاً للداخل وقف بجانب أخاه دون حديث فوجههٌ يتحدث عنهْ !!! 

وبعد أن إطمئن علي صعود الأطفال أكمل صياحهْ٠٠٠٠٠٠مابترديش عليا ليه يا هانم،، ولا القطه بلعت لسانك ؟؟ 

أجابتهٌ بإستغراب وبلاهه٠٠٠٠٠فيه أيه يا أبيه ،،،أيه إللي حصل وليه حضرتك بتكلمني بالطريقه دي  ؟؟ 

صاح هادراً بها بعيون تطلق شزراً ٠٠٠٠٠٠أنا مٌش أبيه يا مدام،،،،أنااااااا مش أبييييه،،، 

وأخر مره أسمعها منك وإلا قسماً بالله هتشوفي مني وش مش هيعجبك أبداً،،، إنتي فاهمممممممه !!! 

إنكمشت علي حالها وأقشعر وجهها من شدة صٌراخه 

وأكمل هو ٠٠٠٠٠ سؤالي ما أتجاوبش عليه لحد دالوقتي ليه ،،،كنتي فييييييين !!!! 

أجابتهٌ ثريا مٌفسرتاً٠٠٠٠٠كانت عند بباها يا أبني ،،هتروح فين المسكينه يعني ؟؟ 

حول بصرهِ إلي ثريا وتحدثَ ٠٠٠٠٠وأنا هعرف منين يا ماما،،،ما الهانم مستغفلاني ومعتبراني كيس جوافه مش جوزها !!! 

أجابت مليكه بإنكماش وعيونها ترقرق بالدموع ٠٠٠٠٠أنا أخدت الإذن من ماما ثريا !!! 

هدرَ ياسين بغضب وحده٠٠٠٠٠نعم يا اختي،،،، وهو أنتي كنتي متجوزه ماما ثريا علشان تاخدي الإذن منها ؟؟ 

وأكملَ مٌتهكماً٠٠٠٠٠ولا أهلك ما علموكيش إن بنت الإصول لازم تستأذن جوزها قبل الخروج، ،ده حتي من أصول الدين يا متدينه يا محترمه !!! 

ذهب لهٌ طارق ووضع يدهٌ علي كتفه بحرص خشيةً غضبة ياسين ٠٠٠٠٠بالراحه يا ياسين،،مايصحش كده !!!

نظر له بغضب وتحدث ٠٠٠٠٠أومال أيه إللي يصح يا طارق باشا،،إستغفال الهانم ليا وأبقي أخر من يعلم بخروج مراتي من البيت هو ده إللي يصح ف نظر سعادتك  ؟؟ 

أنا مش مراتك ٠٠٠٠٠٠٠قالتها مليكه بغضب ودموع وضعف !!! 

وأكملت وهي تجفف دموعها ٠٠٠٠٠مصدق نفسك إنت أوي وداخل تزعق وتهين فيا براحتك ولا كأنك جوزي بجد،،

فوق يا ياسين بيه،،،،،،إللي بينا مجرد إتفاق ولو كٌنت ناسي أفكرك !!! 

ولو علي الدين والشرع والإصول فانا متربيه وعارفاهم كويس أوي ،،

لكن بستعملهم في مكانهم الصحيح ،،،وأنا عملت إللي عليا وبلغت الست إللي عايشه معاها وف خيرها ،،غير كده أنا مش مطالبه بأي شكليات فارغه !!! 

وجهت ثريا لها الحديث بهدوء٠٠٠٠إهدي يا مليكه ،،ويلا إطلعي فوق لأولادك !! 

نظر لها ياسين مصدوماً من ردة فعلها وتحدث بلهجه حاده٠٠٠٠٠إهدي يا مليكه؟؟

وبساطه كده حضرتك بتقوليلها تطلع فوق ؟؟ 

وأكملَ بنبرة صوت لائمه٠٠٠٠ده بدل ما تقوليلها عيب إحترمي جوزك وأعتذريله فوراً !! 

تحدثت يسرا بتعقل٠٠٠٠٠٠ياسين من فضلك إهدي،،،،أنا أول مره أشوفك عصبي بالطريقه دي !!! 

نظرت له ثريا بعيون مٌترجيه٠٠٠٠٠خلاص ياياسين علشان خاطري يا أبني ،،بجد الموضوع مش مستاهل كل الثوره إللي إنتَ عاملها دي،،،ووعد مني أنا مليكه مش هتخرج من باب البيت بعد كده غير بإذنك !! 

نظرت لها بإستنكار وتحدثت بعناد ٠٠٠٠٠بتقولي أيه يا ماما،،مين دي إللي تستأذنه ،،

وأكملت برفض٠٠٠٠لا طبعآ ،،الكلام ده عمره ما هيحصل !! 

إشتعل جسدهٌ من حديثها المٌثير للأعصاب،،ذهب إليها وأمسك يدها بعنف  تحت نظرة رعب منها وتحدث٠٠٠٠٠شكلك كده مش ناويه تجبيها لبر إنهارده ،،أنا بقا هعرفك إزاي تحترمي كلمتي وتسمعيها ومن غير نقاش !! 

جري عليه طارق وثريا ويسرا وأفلتت ثريا يد مليكه من قبضته وتراجعت بها للخلف وتحدثت بحده بالغه٠٠٠٠٠إنت إتجننت يا ياسين،،فيه أيه ياأبني،،مالك ؟؟ 

جذبهٌ طارق من ذراعهِ وسحبهٌ بعيداً وتحدث بنبرة صوت حاده٠٠٠٠٠جري أيه يا ياسين،،هي وصلت لكده ؟؟

إبتلع لٌعابهٌ وأنتفض جسده حين رأي دموع الألم والإنكسار بعيونها وهي تنظر لهْ برعب من هيئتهْ 

تحدث مٌتلعثماً ٠٠٠٠٠أااااانا،،،،أنا ماكٌنتش ها أذيها يا جماعه،،إنتوا فهمتوا غلط أنا بس إتعصبت من كلامها ،،،

ثم نظر لها بحسرة قلب،،بادلتهٌ إياها بجسدٍ مٌنتفض ودموع ونظرة إنكسار ورعب،،

حدثها بعيون نادمه ونبرة صوت هادئه٠٠٠٠أنا ماكٌنتش هأذيكي،،،  صدقيني  !!! 

نظر لحالتها وخرج مٌسرعاً،، 

تحرك طارق نحو مليكه الباكيه بحزن ورؤيتها التي تٌدمي القلوب متحدثاً بأسف  ٠٠٠٠٠حقك عليا أنا يا مليكه،،ياسين طيب والله وعمره ما كان همجي أو عصبي بالطريقه دي ،،أكيد فيه حاجه في الشغل مضايقاه ومخلياه عصبي ومش طايق نفسه بالشكل ده !!! 

هدرت يسرا بغضب٠٠٠٠٠علي نفسه يا طارق ،،غضبه وعصبيته يخرجها علي نفسه مش علي المسكينه دي،،،أيه ،،،مش كفايه إللي هي فيه هييجي عليها هو كمان ؟؟

تحدثت ثريا بحده وهي تحتضن مليكه وتربت علي ظهرها بحنان ٠٠٠٠٠خلاص يا يسرا إللي حصل حصل ،،،خدي مليكه طلعيها أوضتها وخلي مٌني تحضرلها حمام دافي علشان ترتاح شويه 

ثم أخرجتها من حضنها ومسحت لها دمعتها بحنان قائله٠٠٠٠إطلعي يا حبيبتي إرتاحي في أوضتك ،،وأنا بقا ليا كلام تاني مع سيادة اللوا  !!! 

هزت لها رأسها بموافقه وأنكسار ودموع ،،ورافقت يسرا للصعود للأعلي !!! 

جلست ثريا بشرود وحزن 

وجاورها الجلوس طارق الذي تحدث بتعقل ٠٠٠٠من فضلك يا عمتي إهدي وماتزعليش نفسك،،،صحتك يا حبيبتي،،ومن فضلك بلاش تبلغي بابا باللي حصل ده ،،،أنا متأكد إن دي غلطه من ياسين ومش هتتكرر تاني ،،

أنا هتكلم معاه وأفهم منه هو ليه عمل كده !!! 

تحدثت ثريا بنظرات حزن وقلة حيله ٠٠٠٠٠بذمتك إللي حصل من البنت يستاهل إللي أخوك عمله فيها ده يا طارق ؟؟ 

هي دي أمانة رائف إللي أخوك طلب أنه يصونها،، 

وأكملت بحده٠٠٠٠٠لا ،،،،لو فاكر إنها علشان طيبه ومحترمه تبقي ضعيفه ويبهدل فيها براحته،، لاء،،،،،،،يبقي غلطان ،، 

ساعتها أنا إللي هقفله بكل قوتي،،مليكه مش أرملة إبني وأم أحفادي بس لاء،،،،،دي بنتي التالته وأنا كفيله إني أحميها من ياسين واللي أقوي منه كمان ،،

وياريت يا طارق تبلغ أخوك بالكلام ده !! 

نظر طارق بإستغراب من ردة فعل ثريا القوي٠٠٠٠أيه يا عمتي الكلام إللي بتقوليه ده ؟؟

إللي بتتكلمي عنه كده يبقي ياسين يا عمتي،،،ياسين،،، إبنك إللي إنتي مربياه،،إبنك البكري زي ما دايماً بتقوليله  !!! 

أجابتهْ ثريا بحده٠٠٠٠٠٠لحد مليكه ولا يا طارق ،،إبني وحبيبي علي عيني وراسي بس إلا مليكه،،إللي هيمسها بسوء هيشوف ثريا تانيه غير إللي قدامكم دي ،،،، 

نزلت دمعة ضعف منها وأردفت٠٠٠٠٠٠٠٠دي مليكه،،حبيبة الغالي وكانت نور عيونه،،،دانا بشم ريحته في ريحتها وبشوف سعادته في وسط ضحكتها !!! 

أخذها طارق بين أحضانه بألم وقبل رأسها قائلاً ٠٠٠٠حقك علي راسي يا عمتي،،حقك عليا،،،أرجوكي يا حبيبتي إهدي ،،كل إللي تؤمري بيه أنا هعملهولك بس من فضلك إهدي  !!! 

                ◇◇◇◇◇¤◇◇◇◇◇ 

داخل غرفة ليالي !!! 

كانت تجوب المكان بغضب بعد رؤيتها دلوف ياسين من البوابه الخارجيه مٌستقلاً سيارتهٌ بغضب وخروجهٌ مٌسرعاً للخارج ولم يعير وجودها أمامهٌ أية إهتمام !!!

تحدثت ليالي وهي تفرق يديها ببعضهما بعصبيه٠٠٠٠٠شفتي يا عمتو البيه إبنك ،،ده حتي ما عبرنيش ولا دخل معايا حفاظاً علي شكلي قدامكم ،،،نفسي أفهم أيه إللي حصل ،،كنا داخلين عادي جداً وفجأه دخل هنا وأتحول !!!

تحدثت أيسل بخفوت وقلق٠٠٠٠أنا عارفه أيه إللي غير بابي كده يا مامي !!! 

جرت عليها منال وليالي وأمسكاها بإهتمام تحدثت منال٠٠٠٠٠إنتي تعرفي حاجه إحنا ما نعرفهاش يا أيسل ؟؟ 

أجابت أيسل بحزن خشيةً من أذية مشاعر والدتها ٠٠٠٠وإحنا راجعين بابي كان مبسوط وعادي جداً وكان عمال يبصلي في المرايه ويضحكلي ،،

لحد ما كنا داخلين من باب الفيلا بابي بص ورا وهو بيدخل من الباب ،،

لاقي مليكه جايه بعربيتها ،،أنا كٌنت ببص علي بابي في المرايا لما لاقيته مره واحده ملامحه إتحولت لغضب،، بصيت ورا لاقيت مليكه داخله الفيلا بعربيتها !!! 

ليالي وهي تنظر إلي منال بجنون وأستفهام ٠٠٠٠٠يعني أيه الكلام ده يا عمتو ،،مش فاهمه ؟؟ 

أجابتها أيسل ٠٠٠٠أكيد زعل علشان خايف عليها من السواقه لوحدها يا مامي !!! 

منال وهي تضيق عيناها بغموض ٠٠٠٠٠ما أظنش إن ده السبب يا أيسل ،،،علي العموم كويس إنك قولتلنا علي الموضوع ده يا حبيبتي ،،،روحي إنتي دالوقتي علي أوضتك !!! 

أيسل وهي تذهب لوالدتها بإعتراض ٠٠٠٠لا يا نانا ،،،أنا هقعد مع مامي !!!

تحدثت ليالي بشرود٠٠٠٠٠إسمعي كلام نانا يا سيلا ،،ماتقلقيش عليا يا قلبي أنا كويسه !!! 

قبلت إبنتها وخرجت الطفله 

وأنفجرت ليالي بغضب قائله٠٠٠٠٠٠مٌمكن بقا تفهميني معناه أيه الكلام ده،،،مش حضرتك قولتيلي وأكدتيلي إن ما حصلش بينهم حاجه ،،،يبقي أيه إللي قلبه وغيره كده ومن أيه؟؟

أنا هتجنن !!! 

تحدثت منال بتذكر٠٠٠٠وإحنا قاعدين ناكل في نفسنا هنا ليه،،إنتي مش بتقولي إن طارق راح وراه،،يعني أكيد عارف إللي حصل ،،أنا هنزل أسأله !! 

أسرعت عليها ليالي ٠٠٠٠أنا جايه معاكي،،  ما أنا مش هقعد هنا لوحدي علشان أتجنن !!! 

نزلا الدرج وجدا جيجي وطفلها يجلسان سوياً تقرأ لهٌ قصه ،،،

نظرت لها منال وتحدثت بتساؤل ٠٠٠٠٠أومال فين طارق يا جيجي ،،داأنا قولت هلاقيه قاعد معاكم !! 

أجابتها جيجي  ٠٠٠٠٠٠طارق لسه ما رجعش من وقت ما خرج مع ياسين يا طنط !!! 

نطقت العامله وهي تضع كوب الحليب للطفل علي المنضده٠٠٠٠٠طارق بيه في الجنينه حضرتك،،،تقريبآ بيتكلم في التليفون !!

تحدثت جيجي بإستغراب٠٠٠٠٠غريبه أوي ،،،طب ما دخلش ليه لما هو في الجنينه ؟؟ 

إندفعت ليالي للخارج وتابعتها منال 

إقتربت ليالي علي طارق وتحدثت بتساؤل ٠٠٠٠٠٠ياسين فين يا طارق  ؟؟ 

نظر لها طارق وهو يرفع كتفيهِ بإستسلام ٠٠٠٠٠مش عارف يا ليالي ،، مشي وهو متنرفز وعمال أحاول أتصل بيه بيكنسل عليا ،،

بعتله فويس يارب يشوفها ويرد  !! 

منال وهي تسحبهٌ لأريكة الإرجوحه وتجلسهٌ وتسألهٌ بإستجواب أكثر منه إستفسار٠٠٠٠٠٠٠أقعد هنا وقولي إللي حصل بالحرف الواحد ،،أخوك أيه إللي حصل بينه وبين مليكه؟؟ 

أجابها طارق بإستغراب٠٠٠٠٠صدقيني يا ماما أنا نفسي ما أعرفش أيه إللي حصل ووصل ياسين لحالة الجنون إللي شفته عليها دي،،،

وكل ده ليه،،علشان مليكه خرجت وراحت قضت اليوم في بيت بباها من غير ما تقوله !! 

ثم قص عليهما كل ما حدث 

نطقت ليالي بشرود ٠٠٠٠٠٠٠يعني أيه يا طارق الكلام ده،،هو مٌمكن يكون ياسين بيحبها ؟؟ 

ضحك طارق بإستخفاف٠٠٠٠٠أيه التخاريف إللي بتقوليها دي يا ليالي،،

ده ياسين مسكها من إيدها وشويه وكان هيضربها لولا عمتي ويسرا وأنا،،،

كمان ياسين أعقل من إنه يعمل ف نفسه كده،، هو عارف ومتأكد إن مليكه عمرها ما هتبصله ولا تشوفه جوزها الفعلي،،، 

دي قالتهاله في وشه وقدامنا كلنا ،،،،،ده مش جواااز يا سيادة العقيد  ،،ده إتفاق ،،،، 

وأكمل بحسب ما يفهمهٌ٠٠٠٠٠٠٠كل الحكايه إن ياسين عنده مشاكل في شغله ومعرفش يطلع ضغطه في ليالي لانه طبعاً بيحبها ومايستحملش زعلها،،، 

قام جابها في المسكينه دي،،بما إنه ما يفرقش معاه زعلها من رضاها،،

إرتفعت قامة ليالي تفاخراً بتفسير طارق المقنع لها ،،لقد إقتنعت بالتفسير وأرضي غرورها وكبريائها وصعدت لغرفتها بعد إطمئنانها !!!! 

بعد صعود ليالي نظرت منال إلي طارق وتحدثت بترقب٠٠٠٠وثريا ما قالتلكش هي ناويه علي أيه ؟؟ 

أجابها طارق بشرود٠٠٠٠مش عارف يا ماما،،لكن لو شفتيها هتصعب عليكي بجد !! 

تحدثت منال بتهكم وحقد٠٠٠٠٠٠ما يصعبش عليك غالي يا حبيبي،،،خليها تشرب من جبروت ياسين وعصبيته المجنونه،،

كانت فاكره أيه،،فاكره إنها سحبته عندها وبقا حامي الحما بتاعها هي ومليكه هانم وبقا خاتم في صباعها ،،،يلا بالشفا علي قلبها !!!! 

تحدثَ طارق وهو ينظر لها بإستغراب ٠٠٠٠٠ليه كل الشماته دي في عمتي يا ماما،،،عمتي ماتستاهلش منك كده أبداً !! 

أجابتهٌ منال بحقد٠٠٠٠٠٠أومال تستاهل أيه يا طارق بيه،،دي واحده إختارت خراب بيت أخوك علشان تعمر بيتها وما يتقفلش ،،

دي حقوده وحربايه وماحدش فاهمها غيري،،خايل عليكم كهنها ووش الملاك البرئ إللي رسماهولكم وأنتوا زي الهٌبل ومصدقينه !!! 

تحدث طارق بهدوء٠٠٠٠أرجوكي يا ماما ماتتكلميش كده علي عمتي،،عمتي مش كده أبداً،،وكمان أنا مش جابب أشوفك كده،،حضرتك أرقي وأنضف من التفكير والشماته في الناس بالطريقه دي !!! 

في تلك الأثناء أتت عليهم جيجي وقفت منال وتحدثت ٠٠٠٠أنا طالعه أوضتي وأنت أوعي تجيب سيره لأبوك عن إللي حصل من ياسين، ،ملناش دعوه وخليها هي منها لياسين هما أحرار مع بعض !!! 

جلست جيجي بجانب طارق وتحدثت بإستفهام٠٠٠٠٠ هو فيه أيه يا طارق،،طنط وليالي مالهم ،،وفين ياسين ؟؟ 

أخبرها طارق بكل ما حدث وبعد مده تحدثت جيجي بشرود٠٠٠٠تفتكر ياسين يكون بيحب مليكه ؟؟ 

ضحك طارق عالياً وتحدثَ٠٠٠٠هو أنتوا جرالكم أيه إنهارده،، كل إللي طالع عليكم إن ياسين بيحب مليكه،،يابنتي ياسين أعقل من إنه يحط نفسه في وضع حساس زي ده،،

هو عارف ومتأكد كويس أوي إن مليكه قفلت قلبها علي رائف ومش هتسمح بوجود أي راجل مكانه مهما كان هو مين !!!! 

أجابتهْ جيجي ٠٠٠٠ومال الحب ومال الحسبات يا طارق،،القلب لما بيدق بيلغي وجود العقل من الأساس !!! 

نظر لها طارق وتحدثَ بتأكيد٠٠٠إسمعي مني،، ياسين أخويا أساساً معندوش قلب ولا مشاعر علشان يحب بيهم مليكه أو غيرها !!! 

وأكملَ بشرود٠٠٠٠هي مره يتيمه قلبه دق لما شاف واحده بالصدفه كانت في زياره مع وفد من كليتها عندهم في الجهاز،،شافها في الأسانسير ومعرفش هي مين أساساً ،،

كانت وقتها ليالي زعلانه عند بباها وياسين كان مٌصر علي الطلاق بسبب موضوع الحجاب،،حب البنت من أول نظره زي ما بيقولوا ،،،

وقتها جه حكالي أنا ورائف الله يرحمه وقال إنه هيدور علي البنت ويسأل عليها ويتجوزها،،لكن بعدها جاله سفر تبع شغله وغاب مده طويله 

أجابته جيجي٠٠٠٠٠أنا فاكره إنك حكتلي الموضوع ده قبل كده،،بس مكملتليش هو ليه مدورش عليها وأتجوزها  ؟؟ 

تحدث طارق٠٠٠٠مش عارف يا جيجي ،،كل إللي فاكره وقتها إنه لما رجع من السفر ماما أجبرته إنه يرجع ليالي وحطت شرط طلاقها قصاد طلاق ليالي علشان تجبر ياسين يرجعها،، 

بعدها بمدة سألت ياسين عن البنت قالي إنه شال الفكره من دماغه ونسي البنت أساساً ،،،علشان كده بقولك إن ياسين معندوش قلب أصلاً علشان يعرف يحب بيه !!!! 

نظرت له وتحدثت بإستفهام٠٠٠٠٠ أه بالمناسبه،، إنتَ قولت أيه ل ليالي خلاها داخله مبسوطه ونافشه ريشها علينا كده،،إللي كان يشوفها وهي خارجه تدور عليك والغضب مالي وشها مايشوفها وهي داخله بكل غرور وكبرياء وملامحها رايقه ومرتاحه !!! 

ضحك بطريقه ساخره وتحدث٠٠٠٠مافيش،، بلفتها بكلمتين هي وماما بس شكل الكلام دخل عليها أوي وأرضي غرورها  !!! 

إبتسمت جيجي وتحدثت ٠٠٠٠ وياتري قولتلها أيه أشجيني وأطربني  ؟؟ 

أردف طارق ساخراً٠٠٠٠بصي ياستي،،أنا لاقيتها شايطه هي وماما ومقومين الدنيا علي ياسين،، هديتهم بكلمتين وقولتلهم إن ياسين شكله عنده مشاكل في الشغل فحب يطلعها علي مليكه بدل ما ييجي ويضايق ليالي ويجرحها وهو مايقدرش علي زعلها ،،،لا واللي يجنن إنها صدقت !!! 

إبتسمت جيجي رغماً عنها وتحدثت٠٠٠٠إنتَ،،، ده أنت داهيه،، ياخوفي يا طروق لكلام الغرام إللي مغرقني فيه ليل ونهار يطلع بكش وتكون بتبلفني بيه أنا كمان !!!! 

نظر لها بعيون يكسوها العشق قائلاً بصدق بصوتٍ حنون٠٠٠٠طب لو فرضنا إن لساني مابيقولش الحقيقه وده طبعاً مش صحيح،، معقول إللي في قلبي وظاهر في عيوني مش واصلك يانور عيون طروق ♡ 

إبتسمت جيجي لزوجها ونظرت لهٌ بعيون عاشقه وتحدثت بهيام٠٠٠ربنا يخليك ليا يا طارق ،،،بحبك ♡ 

                ◇◇◇◇◇¤◇◇◇◇◇ 

في مكانِ بعيد حيث الأجواء الصاخبه والأنوار الخافته والموسيقي العاليه كان يجلس ياسين يحتسي مشروباً ويظهر علي وجههِ قمة الغضب،، ينظر بشاشة هاتفهِ ويغلقهٌ دون النظر به،، ضل علي وضعه بضعة ساعات حتي أوشك الليل علي الإنتهاء،،

إستقل سيارتهٌ وأدار محركها وتحرك حتي وجد حالهٌ يقف بسيارتهِ أمام شرفتها وينظر لظلمتها وهو يتسائل ٠٠٠٠٠٠ 

كيف أصبحتي غاليتي،، أٌخبريني عن حالك ،،،

إنا أتألمٌ لأجلكِ مليكتي،،أرجوكي إصفحي عني وأحبيني ♡أحبيني مليكه،،أرجوكي،،، 

فليس من العدل أن لا تشعري بي وبقلبي بينما أذوب عشقآ أنا ♡ 

قاد سيارتهٌ ودلف بها للداخل صفها بالجراج وخرج 

وجد طارق أمامه يضع يدهٌ داخل جيب بنطاله وينظر له،،

سأله طارق بترقب٠٠٠٠٠ياسين إنتَ كويس ؟؟ 

نظر لهُ بوجهٍ شاحب مُتعب قائلآ ٠٠٠٠٠٠إنتَ أيه إللي مصحيك لحد دالوقتي ؟؟ 

رد طارق بنبرة صوت ساخره ٠٠٠٠ما هو لو سيادتك كنت رديت علي تليفوناتي وطمنتني عليك كنت إرتاحت وطلعت نمت،،  بدل ماأنا واقف متذنب كده و مستني حضرتك !!! 

أشار لهُ بيدهِ ليسكتهُ مهمهماً٠٠٠٠٠٠٠ششششششش خلاص ،،إنتَ هتفتحلي تحقيق !!!! 

رمقهُ طارق بنظرات إستغراب وهو مضيقاً عيناه بتساؤل ٠٠٠٠ياسين،،،،،إنتَ شارب ؟؟

أزاحه عن طريقه وهو يترنح كاد أن يسقط لولا أسندهُ طارق بيدهِ قائلآ ٠٠٠٠يانهارك إسود يا ياسين،،ده لو أبوك شافك هتبقي مُصيبه،،تعالَ أدخلك مكتبك نام فيه علي الكنبه للصبح،،،لو طلعت ل ليالي كده يبقي فضيحتك هتلف إسكندرية كلها في مسافة يومين !!!! 

وبالفعل أدخلهُ مكتبه بهدوء تام حتي لا يشعر بهما أحد وساعدهُ بخلع سترة بدلتهِ ،،ألقي ياسين بجسدهِ بإهمال علي الأريكه،،وأستسلم للنوم بسرعة البرق ،،أما طارق فاصعد بهدوء لغرفتهِ بعد الإطمئنان علي أخيه ،، 

____________________ 

في الصباح !!! 

أفاقت نرمين بتكاسل وهي تتمطئ بعد سماعها صوت المنبه،،نظرت لزوجها وأبتسمت ،،أمالت عليه بحب وقبلتهُ ثم أخذت هاتفها ونزلت للدرج لتشرف بنفسها وتتأكد أن العامله قامت بتجهيز وجبة الإفطار قبل أن تصعد مرةً أخري وتٌيقظ زوجها للذهاب لعمله وطفلها لمدرسته !!! 

دلفت للمطبخ وجدت العامله بالفعل تقوم بتحضيره ،،إستعجلتها ثم أمسكت هاتفها لتفتحهُ وتتصفح المواقع لتري ما الجديد ،،، 

وجدت فيديو علي تطبيق الواتساب من رقم مجهول إقشعر جبينها وضيقت عيناها بإستغراب 

ثم شرعت بفتح الفيديو لتري ما بداخله جحظت عيناها برعب ووضعت يدها علي فمها وهي تردد٠٠٠٠٠٠يااااادي المصيبه،،،يادي المصيييييبه !!! 

إرتعبت العامله نظرت لها وتحدثت بلكنه رديئه٠٠٠٠خير مادام،،،أي مٌصيبه !! 

نظرت لها برعب وصرخت بها وهي تدفعها بعنف٠٠٠ غورررري من وشي الساعه دي !!!! 

ثم جلست علي الكرسي وأخذت بالخبط علي ساقيها بوجهٍ يكسو ملامحهِ الرعب٠٠٠٠٠يادي المصيبه ،،،روحتي في داهيه يا نرمين  !!!!! 

تُري ما محتوي هذا الفيديو الذي أرعب نرمين بتلك الطريقه ؟؟

هذا ما سنتعرف عليه في البارت القادم !!!! 

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية ☆قلوب حائره☆

بقلمي روز آمين 

                   🦋البارت الخامس عشر 🦋   

كانت جالسه علي المقعد تندب حظها العثر وهي تٌشاهد الفيديو الخاص بذلك اليوم المشؤم ،،يوم وفاة رائف وحديثها الوقح معهٌ ،،

حدثت حالها،،،،،،من أين ظهر ذلك الفيديو الملعون بعد مرور كل تلك المده،،لقد مر أكثر من سنه ؟؟ 

أكان رائف يضع كاميرات تسجيل في مكتبهْ،،لما لم يكن لدي علم بذلك؟؟

،،غبيه نرمين،،غبيه،،،،،ياالله،،،

لقد إنتهيتي نرمين،،لقد هٌلكتي يا فتاه،،

تٌري من يقتني هذا الفيديو الملعون،،ومن أين عثر عليه،،ولما بعثهٌ لي ؟؟

ماذا يريد مني ذلك اللعين !!! 

في تلك الأثناء سمعت صوت زوجها الغاضب يأتي من أعلي الدرج وقفت لملمت شتاتها برعب وأغلقت هاتفها بيدٍ مرتعشه خوفاً من أن يتصل بها ذلك المجهول في حضرة زوجها ،،، 

دلف مٌحمد وهو يضع رابطة العنق بضيق وتحدث بوجهٍ عابس٠٠٠٠٠إنتي قاعده هنا ولا علي بالك يا هانم وسايباني نايم كل ده ،،،عاجبك كده،، أديني إتأخرت علي شغلي !! 

جرت عليه بإرتباك وتحدثت بتلعثم ٠٠٠٠٠٠٠٠معلش يا حبيبي،،أصلي سرحت شويه وأنا بقلب في الفيس بوك !!!

رمقها بنظرة إشمئزاز قائلاً٠٠٠٠٠لا برافو عليكي يا مدام،،،سيادتك سرحتي في الفيس بوك والنتيجه إني إتأخرت علي شغلي وإبنك كمان ضاع عليه اليوم الدراسي،،،لا بجد شابوه !!! 

وتوجهَ سريعاً بإتجاه الباب ليخرج 

جرت عليه تمسك ذراعهٌ بتساؤل٠٠٠٠٠طب إفطر الأول يا محمد،،هتخرج من غير فطار؟؟ 

رمقها بنظرة إشمئزاز ولم يعير حديثها أي إهتمام وخرج وصفق خلفهٌ الباب بشده كادت أن تخلعه ،،،

 

دبت بأرجلها الأرض ونفضت يديها في الهواء بغضب ولعنة حظها العثر ،،عادت مٌسرعه للمطبخ وأمسكت هاتفها 

صعدت لغرفتها وأغلقت بابها ،،، وبدأت بالإتصال علي الرقم الذي بٌعثَ منهٌ الفيديو 

أجابها صوتٍ لرجل يبدوا عليهِ الشباب قائلاً بنبره واثقه وهادئه٠٠٠٠٠٠كٌنت عارف ومتأكد إنك هتتصلي ،،،لكن بصراحه ماتوقعتش يكون بالسرعه دي،،،أيه،،،،للدرجادي مرعوبه  ؟؟ 

حاولت تماسك حالها وأظهرت عكس ما يدور بداخلها من رعب قائله بنبرة صوت حاده ٠٠٠٠٠٠إنتَ مين يا حيوان إنتَ وعايز مني أيه؟؟ 

هدر بها وتحدث بصوتٍ حاد ٠٠٠٠مش عايز قلة أدب وطولة لسان علي الصبح،،إنتي تسمعيني كويس وتنفذي كل طلباتي وإنتي زي الجزمه القديمه،،،،وإلاااااااا

وإلا أيه ؟؟٠٠٠٠٠٠قالتها برعب !! 

أجابها بصوتٍ ساخر  وتسلي ٠٠٠٠٠٠وإلا الفيديو الجميل ده هيكون منور علي تليفونات عيلة المغربي واحد واحد،،علشان يشوفوا بنتهم المصون المحترمه وهي بتشكك أخوها في مراته لحد ما جننته وخلته يا حراااام ،،،جري وساق عربيته بجنون ،،،يعني،،،،، 

كاد أن يكمل لكنها قاطعتهٌ لا تريد الإستماع للمذيد من كلماتهٌ المٌجلده لذاتها٠٠٠٠٠٠٠٠٠٠٠طلباتك أيه ؟؟ 

تحدث بتسلي٠٠٠٠٠٠٠أيوووووا،،،أنا عاوزك شطوره كده وبتسمعي الكلام،،،أحب أنا أوي إللي يقول حاضر ،،،،بيريح ويستريح،،

وأكمل بهدوء٠٠٠٠٠وعلشان تعرفي إني براعي ظروفك فضلت قاعد مستني الفتره دي كلها ،،لحد ما أستلمتي ورثك وحولتي فلوسك في البنك ونمتي عليهم،،قولت لنفسي يا واد كده عداك العيب وأزح  !!! 

تحدثت بصياح وصوتٍ غاضب٠٠٠٠٠قولي عاوز أيه وأرحمني بقااااا  !!! 

5 مليون جنيه  ٠٠٠٠٠نطق بها ببرود  !!! 

فتحت فاهها وشهقت وتحدثت بغضب ٠٠٠٠٠٠نعم ياروح أمك  !!! 

أجابها ببرود قاتل ٠٠٠٠٠٠تؤ تؤ تؤ تؤ ٠٠٠٠مش أنا قولت ما بحبش قلة الأدب، ،،طب علشان قلة أدبك وطولة لسانك دي أنا خليتهم 6 مليون،، وكلمه كمان وهخليهم 7  !! 

تحدثت بدموع ٠٠٠٠٠٠إنت أكيد مجنون،،أنا هجبلك المبلغ ده كٌله منين؟؟

داأنا كل ورثي أول عن أخر ما يكملش نص المبلغ ده ؟؟

تحدث بكل ثقه٠٠٠٠٠إحنا هنكدب من أولها كده،،مش عيب عليكي تستغفليني وتكدبي عليا،،،داأنتي نصيبك إللي طلعلك من الشركه بس عامل 3 مليون ،،غير حسابك إللي عمران بقاله سنين،، ده طبعآ غير الأراضي والعقارات  !!! 

صاحت بهِ بإرتعاب ٠٠٠٠٠إنتَ مين؟؟ 

وعرفت عني كل المعلومات دي إزاي ؟؟ 

ضحكَ ساخراً وتحدثَ بفحيح٠٠٠٠٠أنا عملك الإسود في الدُنيا يا نرمين وجاي علشان أحاسبك علي إللي فات كله !!! 

تحدثت بترجي٠٠٠٠٠طب لو سمحت إسمعني وخلينا نتكلم بالعقل،،،،المبلغ إللي إنتَ طالبه ده هو كل إللي حيلتي في البنك ،،يعني لو سمعت كلامك وأدتهوملك،،، هقول لجوزي وأمي وديتهم فين ؟؟ 

وبعدين أنا ماحلتيش غيرهم،،وباقي الورث أرض وفيلا وممنوع كمان أبيعهم إلا لحد من العيله،،ده قانون عيلتنا ،،،وقتها لو إحتجت فلوس لأي ظرف هقولهم هبعهم ليه ؟؟ 

وأكملت بإستعطاف وخٌبث٠٠٠٠٠٠٠أرجوك،،، إنت شكلك محترم ومٌتفهم ،،،خلينا نتفق علي مبلغ معقول أقدر أدهولك من غير ما يسببلي مشاكل ،،

وأكملت بثقه٠٠٠٠٠٠أيه رأيك أنا هديك  100 ألف جنيه،، هااا،،قولت أيه ؟؟ 

إنفجر ضاحكاً بسخريه مما أغضبها وتحدث قائلآ ٠٠٠٠٠بصي يا بنت الناس،،،أنا هقفل دالوقتي وهكلمك كمان يومين علشان تقوليلي إن ال 6 مليون جاهزين،، وساعتها هبلغك بميعاد التسليم،، تسلميني فلوسي،،أسلمك الفيديو والديتا بتاعته،، غير كده بقااااااا،،،ماتلوميش إلا نفسك !!! 

وأغلق الهاتف بدون إنتظار ردها،، 

وصرخت هي بشده كالمجنونه وباتت تٌلقي  بكل ما تطالهٌ يدها في عرض الحائط بعنف وغضب حتي هدأت وجلست لتفكر فيما ستفعل بتلك المصيبه !!!!

_________________________ 

أفاق علي صوت أبيهِ مضيقاً عيناه وهو ينظر حولهٌ للمكان بإستغراب ويفرق عيناه بنعاس،،ثم إعتدل جالساً ينظر إلي أباه بتيهه 

تحدثَ عز ساخراً٠٠٠٠٠٠ياتري البيه أيه إللي مسيبه أوضته ومنيمه بالشكل ده علي الكنبه وبهدومه كمان  ؟؟ 

نظر للأعلي ووضع يدهٌ علي فمهٍ بتتاؤب ونٌعاس،،ثم وضع يدهٌ علي شعرهِ علهٌ يهندمهٌ ولو قليلآ،،، فاياسين يهتم لمظهرهِ حتي وهو بأسوء حالاتهْ 

أجاب والدهٌ بكَذِب وتحدث بصوتٍ مٌتحشرج٠٠٠٠كان عندي شغل مهم في الجهاز يا باشا،،،ورجعت متأخر جداً وكنت تعبان وماحبتش أقلق ليالي فدخلت نمت هنا !!! 

نظر لهٌ عز بعدم تصديق قائلآ٠٠٠٠٠ومن أمتي الحنيه دي كلها يا حبيبي؟؟

ماطول عمرك بترجع وش الصبح وتطلع عندها وترزع وتخبط في البيبان  وتاخد شاور ولا بيهمك حد،،، 

ثم أكمل ٠٠٠٠٠٠شفلك حجه غير دي يا حنين علشان ما دخلتش عليا !!! 

وقفْ بوجه أباه ورفع يدهٌ بإستسلام قائلآ برضوخ٠٠٠٠٠صباحك فل يا باشا !!! 

نظر لهٌ عز بوجهٍ عابس من رائحة الكحول التي تفوح منه وتحدث ساخراً ٠٠٠٠٠صباح الخير يا أخويا،،إطلع خدلك دش يضيع الريحه والتلزيق إللي إنتَ فيهم دول ويلا علشان تلحق تروح مكتبك ياااااا،،،يا سيادة العقيد !!! 

تحرك موالياً أباه ظهره ولكن أوقفه صوت أباه الغاضب٠٠٠٠٠ياسين،،أول وأخر مرة أشوفك بالمنظر ده ،،مفهوم !!! 

أماء رأسهٌ بطاعه وخجل وإنسحب بهدوء من أمام والده الساخط عليه !!! 

خرج من المكتب وجد طارق ينزل من أعلي الدرج وقف بوجهه وتحدث بدعابه٠٠٠٠٠٠وشك بيقول إنك أتقفشت وأتروقت علي الصبح من الباشا الكبير !!!

أجابهٌ بوجهٍ عابس وهو يصعد الدرج علي عجل٠٠٠٠٠طارق ،،،مش ناقصه روشنتك علي الصبح !!!

ضحك طارق وتحدث٠٠٠٠يبقي حصل يا باشا ،،،علي العموم أحمد ربنا إنها جت علي أد الباشا الكبير !!!!

ترك أخاه وصعد للأعلي ودلف للمرحاض،، أخذ حماماً ودلفَ لغرفة الملابس إرتدي ثيابهٌ وخرج ليكمل إرتداء إكسسواراته من ساعه إلي أزرار بدلته ،،

صففَ شعرهٌ بعنايه فائقه ونثر عطرهٌ،، 

ثم ألقي نظره علي تلك الغافيه بثبات ولا تشعر بوجوده من الأساس،، إبتسمَ بسخريه علي حاله معها،، 

وأنطلق إلي مقر عمله دون المرور عند فيلا ثريا كاكل يوم،،،أراد أن يأخذ هٌدنه ليرتب كيف سيعتذر من ثريا علي بذائاته تلك الليله !!!!

_________________________ 

في حديقة ثريا ظهراً !!!! 

كانت تجلس هي ومليكه ويسرا يتناولون الإفطار  

كانت تجلس معهما بوجهِ حزين وخاطرٍ مكسور وعيون مٌنتفخه دلالتاً علي شدة البكاء وعدم النوم براحه،،،، فهي لم تتجاوز ما حدث بالأمس بعد !!! 

تحدثت يسرا بهدوء٠٠٠٠٠عَليه قالتلي إن ياسين رجع ليالي البيت إمبارح بالليل !! 

إستغربت ثريا وتحدثت ٠٠٠٠٠وعَليه عرفت منين ؟؟ 

أجابتها يسرا ٠٠٠٠٠هنيه قالتلها في التليفون ،،ماأنتي عارفه إنهم أصحاب ،،هنروح نسلم عليها ولا هانعمل أيه يا ماما ؟؟ 

تنهدت ثريا بأسي قائله٠٠٠٠٠٠مش عارفه يا يسرا ،،،منال في الفتره الأخيره بتتعامل معانا علي إننا أعدائها ،، 

دي جت يوم الجمعه في الفطار مانطقتش كلمه واحده،،،

لكن في نفس الوقت لو ما روحناش هتستغل الموقف وتقول زعلانين إن ليالي رجعت بيتها ،، 

ثم أكملت بتعقل٠٠٠٠٠بصي يا يسرا إحنا نروح علشان ليالي ،،،،نسلم ونقعد عشر دقايق مش أكتر ونستأذن !!! 

تحدثت يسرا ٠٠٠٠تمام يا ماما ،،،نروح بعد مانفطر وطبعاً مليكه هاتيجي معانا !!! 

أجابتها ثريا بنفي سريع٠٠٠٠٠لا طبعاً، ،،أنا ما أضمنش ليالي ممكن تعاملها إزاي،،

وأنا لو أي حد إتعرضلها بأي كلمه تأذيها مش هاسكٌت،،يبقي علي أيه المشاكل يا بنتي  ،،ماتروحش أفضل !!! 

نظرت لها مليكه بعرفان وتحدثت٠٠٠٠٠ربنا يخليكي ليا يا ماما،،،أنا كمان تعبانه جداً ومش قادره أتحرك،، هاقعد هنا في الشمس شويه مع أنس وبعدين هاطلع أنام شويه علشان منمتش كويس بالليل وعندي صداع  !!! 

أجابتها ثريا بحنان٠٠٠٠براحتك يا حبيبتي !!!! 

___________________ 

بعد حوالي ساعتان ،،في فيلا عز جلست ثريا ويسرا في بهو الفيلا مع سيدات المنزل بعد الترحاب بعودة ليالي 

تحدثت ثريا بوجهِ بشوش ٠٠٠٠حمدالله علي السلامه يا ليالي ،،نورتي بيتك يا حبيبتي !! 

تحدثت ليالي بتفاخر وبرود٠٠٠٠ميرسي لحضرتك يا طنط !! 

تحدثت يسرا بإبتسامه صافيه ٠٠٠٠٠والله وحشتيني يا لي لي ووحشني كلامنا وقعدتنا مع بعض !!! 

نظرت لها ليالي بضيق وتحدثت بإستفزاز٠٠٠٠٠بجد يا يسرا وحشتك؟؟ 

وعلشان كده ما جتيش تزوريني عند بابا ولو مره واحده ؟؟ 

أجابتها يسرا بإحراج٠٠٠٠أنا أسفه بجد لو قصرت معاكي ،،لكن إنتي كنتي شايفه الظروف إللي كنا فيها،،،إوعي تفتكري إن إللي حصل أذاكي لواحدك،،بالعكس ،،،أنا وأمي ومليكه أكتر ناس إتأذينا في الموضوع ده ،،إحنا يومها بس حسينا إن فعلاً رائف مات  !!!! 

تنهدت جيجي بأسي وهي تنظر لتأثر ثريا السلبي بحديث يسرا وكم الألم الذي ظهر بوجهها ٠٠٠٠خلاص يا يسرا لو سمحتي،،،ملوش لازمه الكلام ده علشان صحة طنط !!!

نظرت لها منال ولوت فاهها بسخريه وتحدثت بتهكم٠٠٠٠٠أحلي حاجه بحبها فيكي هي حنيتك المفرطه دي يا جيجي !!! 

وأكملت بتفاخر٠٠٠٠٠ملوش لازمه فعلآ الكلام ده يا يسرا ،،وبعدين الموضوع خلاص إنتهي وخصوصاً إن كلنا فاهمين ظروف الجوازه دي وسببها ،،،

وكلنا عارفين أد أيه ياسين بيعشق ليالي ويتمني رضاها !!! 

وأكملت بشماته ٠٠٠٠٠أه بالمناسبه يا ثريا،،أنا زعلت جداً من ياسين علشان إللي عمله في مليكه إمبارح،،مايصحش البهدله إللي بهدلهالها دي كلها،،، 

وحتي ولو كان متضايق من جوازه منها ومش طايقها مينفعش ،،،ده طارق بيقولي إن وصل بيه الأمر إنه كان هيضربها !! 

أجابتها ثريا وهي تبتسم بإستفزاز من كلماتها اللازعه ٠٠٠٠٠وياتري طارق قالك كان هيضربها ليه يا منال ؟؟

أجابتها ليالي بكبرياء وتعالي٠٠٠٠مش مهم السبب يا طنط ،،المهم الحدث !! 

تحدثت ثريا بحده وحزم ٠٠٠٠علي العموم ربنا يهدي سرك يا بنتي،،،

أما بقا بالنسبه ل ياسين فهو ليه حدود في بيتي ،،والحدود دي حطهاله مليكه بنفسها ،،واللي حصل إمبارح ده غلطه وأنا هاعرف إزاي أخليها ماتتكررش تاني ،،، 

وأكملت بعتاب٠٠٠٠بس ما كٌنتش أتمني إن طارق ييجي ويقولكم علي إللي حصل في بيتي ،،

وخصوصاً إني كنت هكبر الموضوع وأوصله لسيادة اللوا وطارق بنفسه إللي إترجاني وخلاني إتراجعت !!!

وأكملت وهي تقف ومعها يسرا ٠٠٠٠٠نستأذن إحنا ،،ولتاني مره نورتي بيتك يا ليالي !!! 

وقف الجميع ومعهم منال التي وقفت علي غضض ليودعوها بإحترام هي ويسرا 

كادت أن تتحرك وجدت عز وياسين يٌدلفان من الباب 

تهللت أسارير عز عندما رأها وتحدث بسعاده٠٠٠٠٠٠يا أهلآ يا أهلآ يا ثريا،،،وأنا أقول البيت منور كده ليه ،،ده أيه المفاجأه الحلوه دي !!! 

إبتسمت لهٌ وتحدثت بود٠٠٠٠أهلآ بيك يا سيادة اللوا،،البيت منور بأصحابه وبيك !!! 

أسرع الخطي إليها ووقف أمامها وبنظرات مٌعتذره وعيونهٌ تطلب السماح ،،،

نظرت لهٌ بعتاب فقبل رأسها وأخذها بين أحضانه بحب وأخذ يقبل جبينها ويديها بأسف دون كلام ،، 

كل هذا ومنال وليالي داخلهما يستشيطا غضباً !!! 

نظرت لهٌ بعيون مٌحبه وربتت علي ظهره بحنان ومسامحه ،،،إبتسم لها بصفاء كطفلِ سعد لإرضاء أمهِ الغاضبه من تصرفهٌ الخطأ 

تحدثَ عز بإبتسامه٠٠٠٠٠ده أيه الرضا ده كله يا ثريا،،،ده ياسين شكله راضي عنك أوي !!! 

ثريا بحب وهي تنظر إلي ياسين٠٠٠٠ياسين ده إبني البكري ،،ربنا يبارك فيه ويحميه من كل شر !! 

تحدثَ ياسين وهو يقبل يدها بإحترام٠٠٠٠ ويخليكي ليا يا حبيبتي !!!! 

تحدث عز مٌبتسماً ٠٠٠٠خليكي قاعده معانا يا ثريا وأنا هبعت اجيب مليكه والولاد ونتغدا كلنا مع بعض !!! 

أجابتهٌ ثريا بإبتسامة شكر وود٠٠٠٠٠مره تانيه يا سيادة اللوا !!! 

تحدثت منال علي غضص لأجل مظهرها أمامهم ٠٠٠٠وليه مره تانيه إحنا فيها،، جيجي تنده لمليكه وللأولاد ونتغدي كلنا مع بعض !!! 

إبتسمت لها ثريا وتحدثت ٠٠٠٠بالهنا والشفا علي قلوبكم يا منال،،بس بجد مش هينفع خالص إنهارده،، مرة تانيه ان شاء الله !!! 

_____________________ 

في فيلا رائف أتت نرمين بعد مغادرة والدتها ويسرا مباشرتاً كانت تجلس هي ومليكه في حديقة المنزل تنتظر يسرا علي أحر من الجمر 

نظرت نرمين إلي مليكه وحدثتها بتساؤل وقلق ٠٠٠٠هي ماما هتتأخر ؟؟ 

تحدثت مليكه بهدوء ٠٠٠٠ماأظنش ،،، هي قالت ربع ساعه وهتكون هنا،،هما لسه ماشيين حالاً لو قدمتي دقيقتين بس كنتي لحقتيهم ،،

وأكملت بتعقل٠٠٠٠طب ما تقومي تروحلهم وبالمره تسلمي علي ليالي !! 

هزت رأسها بنفي ويبدو علي وجهها القلق وهي تنظر بساعة يدها ٠٠٠٠أنا مصدعه ومش عاوزه أشوف ولا قادره أتكلم مع حد !! 

نظرت مليكه لها بترقب وسألتها ٠٠٠٠مالك يا نرمين،، إنتي عندك مشكله ولا حاجه ؟؟ 

إرتعبت نرمين وأبتلعت لٌعابها بصعوبه وردت بحده٠٠٠مالي يعني مانا كويسه أهو،،وبعدين مشكلة أيه دي إللي هتكون عندي ،،هو أنتي قاعده تتكلمي وتألفي وخلاص  !! 

ردت مليكه بإستغراب من حدتها ٠٠٠٠خلاص خلاص حقك عليا،،أنا غلطانه إني قلقت وقولت أسألك وأطمن عليكي !!!

تحدثت نرمين بحده وضيق ٠٠٠٠لا يا حبيبتي خليكي في حالك،،، ولا تسأليني ولا أسألك !!! 

نظرت لها مليكه بإستغراب وحدثت حالها،،،،،أيعقل أن تكون تلك الشمطاء إبنة إمرأه لينه جميله مثل ثريا أو شقيقة يسرا ذات اللسانٌ العذب،،،ورائف رحمة الله عليه ذات القلب اللين ؟؟ 

يا حفيظ من لسانك السليط أيتها الكئيبه ذات المزاج والوجه العَكِر !!!!

دلفت ثريا من البوابه الخارجيه إبتسمت بحنان حين رأت صغيرتها فمهما كانت جاحده بعض الشيئ وقلبها قاسي،،إلا أنها تزال فلذة كَبِدها وغاليتها الصٌغري !!! 

نظرت لها ثريا بإبتسامه وترحاب٠٠٠٠٠وأنا أقول الجنينه نورها ذايد ليه كده،،،أتاري حبيبة ماما منوراها !!! 

وقفت تحتضن والدتها بحنان وإبتسامه مزيفه لتداري بها القلق الذي ينهش بقلبها ويتأكلهٌ منذٌ الصباح !!

تحدثت نرمين٠٠٠٠وحشتيني يا ماما،،،عامله أيه يا حبيبتي طمنيني عليكي وعلي صحتك  !!! 

أجابتها ثريا بعتاب٠٠٠٠أنتي لو تهمك صحتي بجد كنتي تجيلي تسألي عليا وتشوفيني !! 

أجابتها نرمين بإعتذار ٠٠٠٠غصب عني والله يا ماما ،،إنتي عارفه شغل محمد والبيت وعلي ومدرسته ومذاكرته ،،صدقيني لو كنت قريبه منك كنت جتلك كل يوم !!! 

تحدثت ثريا بنبرة عاتبه٠٠٠ما أنتي كنتي ساكنه جنبنا يا بنتي ،،،مش عارفه أيه إللي طلعها في دماغك وسبتينا وروحتي تٌسكني في أخر الدنيا !!! 

ألقت السلام علي يسرا وأتخذتها داخل أحضانها وهي توشي بأٌذنها ٠٠٠٠٠يسرا ،،أنا واقعه فى مٌصيبه ومحتجالك أوي !! 

أخرجتها يسرا من أحضانها ناظره لها بهلع بينما تابعت نرمين وهي تنظر لوالدتها 

وتتحدث بإبتسامه مزيفه ٠٠٠٠ماما معلش،،هاخد منك يسرا لمدة ساعتين بس،، هنروح معرض أدوات منزليه أصلي بشتري شوية حاجات نقصاني في المطبخ وإنتي عارفه بقا إن يسرا شاطره في الحاجات دي !!! 

أجابتها ثريا بحب٠٠٠٠وماله يا حبيبتي ربنا يخليكم لبعض ،،محتاجه فلوس ؟؟ 

أجابتها نرمين بإستعجال٠٠٠٠مٌتشكره يا ماما ،،معايا يا حبيبتي ،،يلا يا يسرا علشان ألحق أشتري وأروح قبل محمد ما يرجع من شغله !!! 

ردت عليها يسرا بشرود وقلق ٠٠٠٠٠يلا أنا لابسه وجاهزه !!! 

ذهبتا معآ بسيارة نرمين 

أما مليكه كانت تجلس بموضع المشاهد الصامت لكل ما يحدث ،،وبعد ذهابهما جلست ثريا وأخذت الصغير أجلستهٌ بأحضانها وهي تقبلهٌ وتحتضنه بشده 

ناظره إلي مليكه بتساؤل٠٠٠٠أومال فين مروان يا مليكه؟؟ 

أجابتها مليكه بهدوء٠٠٠٠٠بيتفرج علي أفلام كرتون مع ساره وياسر !!

أخبار ليالي أيه يا ماما،، كويسه ؟؟ 

تنهدت ثريا بضيق وتحدثت ٠٠٠٠٠كويسه يا مليكه،،لكن ياريت ماتحاوليش تحتكي بيها هي ومنال بعد كده،،طريقة تعاملهم وكلامهم بقت صعبه أوي !!! 

أجابت مليكه بطاعه٠٠٠٠٠حاضر يا ماما !! 

كانت تتطلع بالمكان بملل وجدت من يقف بشرفتهِ مصوباً نظرهٌ عليها بإهتمام، ،،

إنه ياسين،، ومن غيره عاشق عيناها وروحها،،فلقد صعدَ لغرفتهِ لتبديل ثيابهْ وأخذ حماماً حتي إنتظار موعد وجبة الغداء 

إنتفضت من جلستها بغضب وهي تنظر لهٌ بحده تحت أنظار ثريا التي صوبت نظرها لتري ما الذي أغضبها هكذا وجعلها بتلك الحاله ،،وجدت ياسين إبتسمت بحسره حزناً علي مليكه !! 

ثم تحدثت مليكه٠٠٠٠٠أنا طالعه أرتاح في أوضتي يا ماما،،تعبانه ومحتاجه أنام شويه !! 

أجابتها ثريا بتفهم ٠٠٠٠إطلعي يا حبيبتي والولاد معايا ماتقلقيش عليهم ،،كمان ساعه كده هاخلي مني تندهلك علشان الغدا !!! 

أجابتها مليكه  ٠٠٠٠تمام يا حبيبتي،،بعد إذنك !!!

وذهبت تحت أنظار ذلك النادم ذات القلب الهائم الموجوع لأجلها ولأجله  !! 

دلفت ليالي ووقفت بجانبه تترقب ماينظر إليه ،،تنهدت بإرتياح حين وجدت ثريا تجلس بصحبة الصغير فقط 

وجهت حديثها لهْ بحده بالغه٠٠٠٠مٌمكن أعرف سيادتك نمت فين إمبارح ؟؟ 

ضل ناظراً أمامه وتحدثَ ببرود٠٠٠٠ ليه هما جواسيسك إللي ماليين البيت وطلقاهم عليا في كل حته إنتي ومنال هانم مبلغوكيش  ؟؟ 

قال كلمته وتركها تشتعل غضباً ونزل للأسفل  !!!!!!

   

_______________________ 

أما نرمين التي صفت سيارتها علي الرصيف،، ودموعها تنهمر علي خديها بعدما قصت ماحدث علي شقيقتها،،  في حين باتت يسرا تحاول تهدئتها

وتحدثت ٠٠٠٠ممكن تبطلي عياط وتهدي وخلينا نفكر في المصيبه دي وإزاي هنحلها ؟؟ 

تحدثت نرمين بدموع مٌمسكه بيد شقيقتها برجاء ٠٠٠٠أرجوكي يا يسرا ماتتخليش عني،،أنا مبقاليش حد غيرك ألجأله !! 

أنا لو إديته الفلوس محمد هيعرف وهيسألني راحوا فين ووقتها هيبهدلني،،  بعدين دي فلوس إبني ومعنديش غيرهم وفي نفس الوقت لو ماأدتهوش الفلوس أكيد هينفذ تهديده ،،وأنا وقتها ممكن أموت نفسي !!! 

نظرت لها يسرا وتحدثت بحده ٠٠٠٠بطلي الهبل إللي بتقوليه ده وإن شاء الله هنلاقي حل ،، 

وأكملت بحزن٠٠٠أوعي تفتكري إني هساعدك وأقف جنبك علشانك يا نرمين،،،لاء،،أنا بساعدك علشان المسكينه إللي لو عرفت حاجه زي دي هتقع من طولها ومش هنلحق حتي نوديها المستشفي !!! 

نظرت لها نرمين بحزن وظلت تبكي 

ثم نظرت لها بشك وفركت ذقنها بيدها وتحدثت ٠٠٠٠تفتكري مين ده إللي الفيديو موجود معاه وبيهددك بيه،، وأزاي قدر يوصله أصلآ !! 

أجابتها نرمين بشرود٠٠٠٠أكيد حد من جوه مكتب رائف،،إحتمال تكون السكرتيره ،،،أو حد مسؤل عن الكاميرات وصيانتها، ،وو،،،،

وهنا جحظت عيناها ونطقت بهلع٠٠٠٠٠وممكن يكون طارق !! 

نظرت لها يسرا بإستهزاء وتحدثت٠٠٠٠٠طارق ؟؟

لا دانتي إتجننتي رسمي،،طارق لو شم خبر بالفيديو ده كان زمانا بنترحم عليكي ،،طارق ممكن يقتلك بدون رحمه لو عرف إنك كنتي سبب غير مباشر للي وصله رائف الله يرحمه !!! 

وأكملت بإستفهام ٠٠٠٠قوليلي،،  الصوت إللي كلمك ده صوت حد سمعتيه قبل كده ؟؟ 

هزت رأسها بنفي٠٠٠٠خالص،،، أنا أول مره أسمع نبرة الصوت دي !!!!

إنتفضت يسرا بحماس قائلتآ ٠٠٠٠٠خلاص يا نرمين ،،أنا لقيت الحل !! 

تٌري ما الحل الذي وجدتهٌ يسرا ؟؟

ومن هو الشخص الذي يهدد نرمين ؟؟

ومن أين عثرَ علي الفيديو؟؟ 

كل هذه الأحداث سنتعرف عليها في البارت القادم بإذن الله 

تكملة الرواية من هنا

بداية الروايه من هنا

 🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

1- روايةاتجوزت جوزي غصب عنه

2- رواية ضي الحمزه

3- رواية عشق الادهم

4 - رواية تزوجت سلفي

5- رواية نور لأسر

6- رواية مني وعلي

7- رواية افقدني عذريتي

8- رواية أحبه ولكني أكابر

9- رواية عذراء مع زوجي

10- رواية حياتك ثمن عذريتي

🌺🌺🌺🌺🌺🌺🌺🌺🌺🌺🌺🌺🌺🌺🌺

🌺🌺🌺🌺🌺🌺🌺🌺🌺🌺🌺🌺🌺🌺🌺

11- رواية صغيرة الايهم

12- رواية زواج بالاجبار

13- رواية عشقك ترياق

14- رواية حياة ليل

15- رواية الملاك العنيد

16- رواية لست جميله

17- رواية الجميله والوحش

18- رواية حور والافاعي

19- رواية قاسي امتلك قلبي

20- رواية حبيب الروح

21- رواية حياة فارس الصعيد

22- سكريبت غضب الرعد

23- رواية زواجي من أبو زوجي

24- رواية ملك الصقر

25- رواية طليقة زوجي الملعونه

26- رواية زوجتي والمجهول

27- رواية تزوجني كبير البلد

28- رواية أحببت زين الصعيد

29- رواية شطة نار

30- رواية برد الجبل

31- رواية انتقام العقارب

🌺🌺🌺🌺🌺🌺🌺🌺🌺🌺🌺🌺🌺🌺🌺

🌺🌺🌺🌺🌺🌺🌺🌺🌺🌺🌺🌺🌺🌺🌺

32- رواية الداده رئيسة مجلس الإدارة

33- رواية وقعتني ظبوطه

34- رواية أحببت صغيره

35- رواية حماتي

36- رواية انا وضورتي بقينا اصحاب

37- رواية ضابط برتبة حرامي

38- رواية حمايا المراهق

39- رواية ليلة الدخله

40- سكريبت زهرة رجل الجليد

41- رواية روح الصقر

42- رواية جبروت أم

43- رواية زواج اجباري

44- رواية اغتصبني إبن البواب

45- رواية مجنونة قلبي

46-  رواية شهر زاد وقعت في حب معاق

47-  رواية أحببت طفله

48- رواية الاعمي والفاتنه

49- رواية عذراء مع زوجي

50- رواية عفريت مراتي

51- رواية لم يكن أبي

🌺🌺🌺🌺🌺🌺🌺🌺🌺🌺🌺🌺🌺🌺🌺

🌺🌺🌺🌺🌺🌺🌺🌺🌺🌺🌺🌺🌺🌺🌺

52- رواية حورية سليم

53- رواية خادمه ولكن

54- سكريبت لانك محبوبي

55- رواية جارتي وزوجي

56- رواية خادمة قلبي

57- رواية توبه كامله

58- رواية زوج واربع ضراير

59- نوفيلا في منزلي شبح

60- رواية فرسان الصعيد

61- رواية طلقني زوجي

62- قصه قصيره أمان الست

63- قصة فتاه تقضي ليله مع شاب عاذب

64- رواية عشق رحيم

65- رواية البديله الدائمه

66- رواية صراع الحموات

67- رواية أحببت بنت الد أعدائي

68- رواية جبروتي علي أمي

69- رواية حلال الأسد

70- رواية في منزلي شبح

🌺🌺🌺🌺🌺🌺🌺🌺🌺🌺🌺🌺🌺🌺🌺

🌺🌺🌺🌺🌺🌺🌺🌺🌺🌺🌺🌺🌺🌺🌺

71- رواية أسيرة وعده

72- رواية عذراء بعد الاغتصاب

73- رواية عشقتها رغم صمتها

74- رواية عشق بعد وهم

75- رواية جعله القانون زوجي

76- رواية دموع زهره

77- رواية جحيم زوجة الابن

78- رواية حين تقع في الحب

79- رواية إبن مراته

80- رواية طاغي الصعيد

81- رواية للذئاب وجوه أخري

82- رواية جبل كامله

83- رواية الشيطانه حره طليقه

84- حكاية انوار كامله

85- رواية فيروزة الفهد

86- قصة غسان الصعيدي

87- رواية راجل بالاسم بس

88- رواية عذاب الفارس

89- رواية صليت عاريه

90- رواية صليت عاريه

91- رواية زين وليلي كامله

92- رواية أجبرني أعشقه

93- رواية حماتي طلعت أمي

94- رواية مفيش رحمه

95- رواية شمس العاصي الجزء الاول كامله

96- رواية الوفاء العظيم

97- رواية زوجوني زوجة أخي

98- قصص الانبياء كامله

99- سكريبت وفيت بالوعد

100- سكريبت جمعتنا الشكولاته الساخنه

101- سكريبت سيف وغزل

102- رواية حب الفرسان الجزء الثالث

103- رواية رهان ربحه الأسد

104- رواية رعد والقاصر

105- رواية العذراء الحامل

106- رواية اغتصاب البريئه

107- رواية محاولة اغتصاب ليالي

108 - رواية ملكت قلبي

109 -  رواية عشقت عمدة الصعيد

110- رواية ذئب الداخليه

111- رواية عشق الزين الجزء الاول

112- رواية زوجي وزوجته

113- رواية نجمة كيان

114- رواية شوق العمر

115- رواية أحببتها صعيديه

116- رواية أحتاج إليك كامله

117- رواية عشق الحور كامله

118- رواية لاعائق في طريق الحب

119- رواية عشق الصقر

120- قصة ليت الليالي كلها سود

121- رواية بنت الشيطان

122- رواية الوسيم إبن الحاره والصهباء

123- رواية صغيرتي الجميله

124- رواية أخو جوزك

125- رواية مريض نفسي

126- رواية جبروت مرات إبني

127- رواية هكذا يكون الحب

128- رواية عشق قاسم

129- رواية خادمتي الجميله

130- رواية ثعبان بجسد امرأه

131- رواية جوري قدري

132- رواية اجنبيه بقبضة صعيدي

133- رواية المنتقبه أسيرة الليل

134- رواية نجمتي الفاتنه

135- رواية ليعشقها قلبي

136- رواية نور العاصي

137- رواية من الوحده للحب

138- رواية أحببت مربية ابنتي

139- رواية جوزي اتجوز سلايفي الاثنين

140- رواية شظايا قسوته

141- نوفيلا اشواق العشق

142- رواية السم في الكحك

143- رواية الصقر كامله

144- رواية حب مجهول المصدر

145- قصة بنتي الوحيده كامله

146- رواية عشقني جني كامله

147- رواية عروس الالفا الهجينه الجزء الثاني

148- رواية أميرة الرعد

149- رواية طفلة الأسد

150- نوفيلا الجريئه والاربعيني

151- رواية أحببت مجنون

152- قصة أخويا والميراث

153- رواية حب من اول نظره

154- رواية اغتصاب بالتراضي

155- رواية صعيدي مودرن

156- رواية أصبحت خادمه لزوجي

157- رواية ورطه مع السعاده

158- قصة فيروز كامله

159- رواية رجال لايهابون الحياه

160- رواية ليالي الزين

161- رواية عروسه وضورتها يوم فرحها

162- رواية عروس رغماً عنها الجزء الاول

163- رواية أحببت طريدتي

164- رواية اغتصاب ولكن

165- رواية عريس ايجار

166- رواية خيانه زوجيه

167- رواية امتلكني كبير الصعيد

168- رواية عشق صعيدي

169- رواية ضحية الشهوات

170- رواية انتقام قاسي

171- رواية البايره والعقيم

172- رواية فريسه في أرض الشهوه

173- رواية الفتاه التي فقدت شرفها

174- رواية حماتي حامل

175- رواية وريث الذئاب

176- رواية حوريه في قلب الليل

177-  رواية اعمي ولكن

178- اسكريبت تاج

179- رواية أحببت صعيديه

180- رواية عازف بنيران قلبي

181- رواية قدرك عشقي

182- رواية درب الحرام

183- رواية ماذنب الحب

184- رواية حبيسة عشقه

185- رواية عشق الزين الجزء الثاني

186- رواية لولا التتيم كامله

187- رواية انثي من نار

188- رواية ملاك في عالم الشياطين

189- رواية التحدي المستحيل

190- رواية طبيبة الشيطان

191- رواية عشريني متخصص أرامل

192- رواية حارة الأعيان

193- رواية المحترم البربري

194- رواية طليق اختي

195- معلومات مفيده جدا

196- رواية صدفه جعلتني أحبه

197- رواية الاربعيني الاعزب

198- رواية عشق رجال الصعيد

199-  رواية فرعون كامله

200- رواية الضابط والمجنونه

201- رواية جبروت معقده

202- رواية صديقه برأس ثعبان

203- رواية أرض زيكولا

204- رواية وداد الأدهم

205- رواية جوزوني عجوز

206- نوفيلا حلم العمر

207 - رواية جواز بالغصب

208- رواية قلوب حائره

تعديل المقال