رواية بنت بنوت الفصل الرابع والخامس بقلم محمد عصام

رواية بنت بنوت الفصل الرابع والخامس بقلم محمد عصام

رواية بنت بنوت البارت الرابع والخامس بقلم محمد عصام

الفصل الرابع

قضية_رأي_عام

-او يمكن تكون عملية ترقيع يا دكتور

إنصدمت وداد وقفت في خوف علامات الفرحه في عيون الشيخ اتحولت لصدمه ليرد الدكتور

-يمكن ... العمليه دي دلوقتي بقينا مبنعرفشي نفرق بيها

قعد الشيخ في صدمه و وداد اتحركت في خوف وخرجت وقفت ورا ابوها وشها جاب الوان ليرد الشيخ بحزن

-أي عملية الترقيع دي!

-دي عمليه بترجع البنت زي ما هي بنت بنوت

وقف الشيخ مره تانيه ...غريزة الشك اتحركت فيه قرب منها وبص لعينها بس ... انصدم. ..ليه مفيش دموع في عينيها ...كل اللي ظاهر عليها علامات دهشه قال بخوف

-شهدت عليكي اللي لا بيغفل ولا بينام يا بنت صلبي

قعد علي الكرسي مره ثانيه وهي واقفه مصدومه ... قفلت عينيها

*******فلاش باك ********

قرب بليغ عليها بس هي صرخت حاولت تهرب بس هو منعها

-يا الحلال ... يا ال. ..

-ابوس إيدك ...لا

مسك بلوزتها وللأسف قطع جزء منها وهي صرخت جامد

-لا لا لا لا

حاولت تهرب بس هو قطع جزء بسيط من هدومها و ابتسم .... حاولت تستر نفسها وبعدت عنه بخوف

-أبوس أيدك أرحمني

-عاوزك

-واللي يعوز حد يعمل فيه إكده ...ابعد عني هدعي عليك

-بركاتك يا طاهره

قرب عليها بس هي قعدت تصرخ كتم فمها حاولت تبعده بس فشلت

-هتيجي معايا

-لا

بس هو حاول يشدها وبالفعل شدها من ايدها وركب عربيه ومشي .... هي حاولت تصرخ بس كان ماسك المسدس فكانت خايفه ... وصل لمكان اعلي جبل كانت الصحرا محاطه بيه... بيت يشبه قصر... هو نزل بس هي كانت خايفه تنزل بس شدها من شعرها ودخل البيت هي قعدت مكانها دموعها نازله علي خدها ....هو ابتسم ومسك تليفونه ورن علي صديقه

-الو. ..... عاوزك تجيبلي مأذون وتيجيلي دلوقتي متتأخرشي وهات معاك قميص نوم أحمر. ... اها أحمر ... متسألشي كتير خلص .....اها قميص حريمي... واللي مطلوب وكده اظنك فاهم

بس وداد كانت مصدومه من اللي بيقوله اي تصرفات الجنون دي .. بليغ قفل التليفون كان كل نظراته ليها بتحركها في خوف

-أبوس أيدك سيبني

-أسيبك؟! ... انتي مجنونه .... انتي وقعتيلي من السما

قرب عليها ومسكها من شعرها وهي قعدت تصرخ بس هو قطع ده كله وقال بتعصب

-دلوقتي المأذون هيسألك موافقه ولا لأ ... بطاقتك تطلعيها وتقولي موافقه وإلا هقتلك وأقتله وأقتل اللي يقربلك او يتشددلك انتي سامعه

قعد علي الطاوله. .. اشعل سيجاره بشراسه اخرج مشروب نبيت خاص بيه وقعد يشرب وهي نظرات الخوف اتحولت لصدمه. .. هو بيعمل اي ...بعد ساعات انصدمت لما سمعت صوت الباب بينفتح ..دخل زميله ودخل وراه مأذون وهو كان في عالم غير العالم بيتمتم بكلام غير مفهوم

بليغ بتعصب : اكتب يا شيخنا

الشيخ اتحرك في صدمه ...شاف وداد بتبكي و ملابسها مقطعه.... نظرات وداد كانت للمؤذون بخوف ...سألها الشيخ بتعجب

-موافقه تتجوزيه

اول ما المأذون قال الجمله قام بليغ ماسك المسدس .... خافت وداد واتحركت في صدمه

***** عوده ******

فتحت وداد عينيها لتتقاجئ ...الشيخ مغشي عليه والممرضه والدكتور بيفوقوه

-ابا ... مالك

نزلت وداد علي الارض ومسكت ايد الشيخ وصرخت جامد ... الدكتور حاول يفوق الشيخ بس معرفشي .... نظرات الدكتور لوداد كانت كلها أسف

-ابويا ماله يا دكتور

-شدي حيلك

-لا ... ابويا ماله

صوتها كان كله دموع ..كانت بتتكلم كأنها بتصرخ بس الدكتور قطع تنهيدها

-العلامات اللي ظهرت عليه دي ... علامات جلطه في المخ

دموعها زادت .... اخذت الشيخ علي صدرها واخذت في البكاء

اليوم التالي

الشيخ في المستشفي في العنايه المركزه بين الاجهزه و وداد قاعده خارج الحجره .... بتبكي وبتدعي بخوف

-يارب في يوم وليلة حياتي أتغيرت انا لو خسرت أبويا هتسوح انا مفيش حد في الدنيا دي غيره ينجدني يارب

قطع دعائها دكتور .... قامت وقفت ومسحت دموعها واتكلمت مع الدكتور بخوف

-ابويا يا دكتور

-الشيخ قاسم حالته مستقره دلوقتي بس لازم تدفعي الرسوم بتاعت المستشفي علشان هيدخل العمليات

-حاضر

اتحركت للخزينه كانت بتجري ووصلت وانصدمت لما قالولها 50 الف اتحركت في صدمه قالتلهم انها هتتصرف وهترجع بالفلوس خرجت من الخزينه وقالت داخلها

-ابويا سايب 40 الف في البيت من بقيت بيع االارض ... هدفعهم وهحاول أكمل الفلوس

افتكرت ميراثها من بليغ بس رجعت تاني في كلامها وقالت

-لا مستحيل أعالج ابويا بفلوس حرام

خرجت من المستشفي كانت مش عارفه هتروح فين او هتيجي منين قربت من العماره اللي ساكنه فيها وهي ماشيه في الشارع شافت إعلان موجود فيه

- " مطلوب نساء للعمل في المنازل بمرتبات مجزيه "

بس مفكرتش كتير طلعت شقتها جابت الفلوس ونزلت بسرعه ...راحت المستشفي ودفعت الفلوس بس انصدمت لما قالولها

-والدك هيدخل عمليات دلوقتي ومحتاجين 3 الالف جنيه زياده

-عمليات.... عمليات اي ما انتوا معاكم 40 ألف اهو

-تركيب صمام للقلب تكلفتها 30 الف غير انه 5 ايام عنايه مركزه

خرجت من الخزينه مصدومه هتعمل أي دي دفعت كل حاجه معاها بس أفتكرت ان هي شافت إعلان موجود فكرت في الموضوع ....حاولت تاخد القرار وبالفعل راحت المكتب وعرض عليها الشغل انها تشتغل خدامه .... وافقت واخد منها البطاقه رهان ومضت علي الوظيفه ب7 ألاف في الشهر ....واخدت 4 الاف مقدم واخدت الفلوس ورجعت المستشفي ودفعتهم لأبوها بس مجبوره تروح الشغل دلوقتي وإلا ترجع لصاحب الشغل ال4 الألف وبالفعل سألت الدكتور

-العمليات امتي يا دكتور

-هيدخل العمليات 3 الفجر ان شاء الله

-هروح مشوار وأكون جيت

-تمام بس أكتبي إقرار علي نفسك

كتبت الإقرار ورجعت الشغل راحت العماره اللي قال لها عليها اتفاجاءت بالبوابه فتاه عمرها 20 عام تسمي "بثينه" دخلت العماره

-استني عندك راحه فين مفكرها عماره من غير بوابه ولا أي لا ده انا صاحيه ومركزه كمان😌

-اسفه والله ما شوفتك ... طالعه فوق

-ولا يهمك هخهخهخه بضحك معاكي ...أللا قوليلي طالعه عند مين

-طالعه عن...

-الست سميحه صاروخ؟!

-لا طالعه عند....

-الست ندي البخيله الجلده

-لا ...اسمعيني للاخر. ..طالعه عند

-اوعى تقولي طالعه عند المشكوك ع عينه استاذ بدوي ومراته العقربه

اتحركت وداد في خوف لما سمعت كلام بثينه وقالت في تعجب

-اها هما

قامت بثينه لفت لفه حوليها ومسكت طرحتها ولبست نضاره سمرا وابتسمت

-وانتي بقي يا حلوه جايه هنا ليه

-جايه اشتغل خدامه

قالت وداد الجمله بكسره وحزن. ..قربت بثينه منها ووضعت ايدها ع كتفها

-وبتقوليها وانتي زعلانه لي ...كلنا ولاد تسعه يا بت وبعدين انا بحترم الخدمات اللي زيك اها والله بتصرفي علي نفسك يا خدامه ...عندك انا اهو ...اللي اعدمه خالي مشغلني معاه وانا جايبه تقدير عام في الثانويه العامه 60% ومرضوش يدخلوني كليه .... وشغولني معاه ...معاكي بثينه البوابه بتاعت العماره ومعايا 75 جنيه😌😎لو احتاجتي اي حاجه قوليلي متخافيش

-الشقه انهي دور

-الدور الثالث بس عاوزه ااقولك حاجه ...ركزي شويه معايا .. .. الراجل اللي انتي طالعه له ده مش سهل لا ده كذا واحده طفشت قبلك وكذا واحده فضحته ... بيقولوا عليه ايده طويله

-ايد مين اللي طويله

انصدمت وداد لما قالت الجمله دي

يتبع

#الفصل_الخامس

-إيد مين اللي طويله

الدهشه زادت ...هي بتقول أي يمكن تقصد ان هو بيضرب الخدم بس بثينه ابتسمت وقالت

-خافي علي نفسك وخلاص ومتقعديش معاه في الشقه لواحدكم انتي سامعه ولو حصل وقعدتي نادي قولي بت يا بثينه هتلاقيني رهوان عندك

خافت وداد وطلعت لمصيرها دخلت الشقه لقت واحد لابس سروال وتي شيرت عمره يقترب من الخمسيين قاعد علي كرسي متحرك وماسك سيجاره الإلكتروني. ..وداد عينيها منزلتش من عليه كانت بتتفقد المنزل بتشوف هل في حد تاني أصل مش معقول واحد معاق علي كرسي ويطلع منه حاجه كدا او كدا. ..المهم قربت وقعدت ودخل بالكرسي المتحرك ودخلت خلفه زوجته امراءه علامات الغضب والقسوه على وجهها ...وداد كانت خايفه بس اتمالكت اعصابها وقالت

-انا وداد ...انا اللي استاذ عبدالعاطي باعتني لحضراتكم

رد عليها بدوي بأبتسامه صاخبه وتحدث برفق

-أنا استاذ بدوي مدرس تاريخ سابق و دي ...دي سميحه مراتي

اتعجبت وداد شخص زي ده بيتكلم بأحترام اكيد بثينه بتكدب.... قطعت تفكيرها سميحه زوجته

-وأنتي أشتغلتي قبل كده

-لا اول مره

رد بدوي بأبتسامته اللي علي وشه من ساعة ما دخلت

-انتي منين يا وداد

-من قنا

ضحك وقفل سيجاره الإلكتروني واتحرك قليل اليها

-اومال فين اللهجة الصعيدي بتاعتك

-مش كل الصعايده بيتكلموا بلغة زي اللي بتعرفوها عننا او الافلام صورتهالكم

خلص الحوار بعد فتره طويله بس كان في شرط ان وداد تكمل الشهور وهي تنام هنا في البيت بسبب ان سميحه هي كمان مريضه ... وداد وافقت ونسيت كلام بثينه ... طلبت منهم إنها تاخد اليوم ده اجازه والصراحه هما وافقوا

***

بثينه داخله العماره بتتسحب متخفيه وفي ايدها (كانزايه بيبسي ) دخلت بثينه وهي بتحاول تخبي الزجاجه وقعدت في جنب السلم

-ححححح يخرب بيتك يا بثينه عماله تدلعي في نفسك لحد ما هتخربي بيت اللي جابوكي

فتحت الزجاجه مع صوت طرقعة فتحت الزجاجه

-يخرب بيتك هتفضحيني .... الناس لو شافوني بشربك هيدوني عين تجيبني الأرض شششش أكتمي

قعدت تتفقد المكان يمين وشمال وشربت شويه

-حححححح حاميه قوي .... بس لازم ادلع نفسي

سمعت وداد نازله قامت حاطه الزجاجه تحت الاريكه(الكنبه ) وقعدت مكانها نزلت وداد ووقفت معاها

-اي هتكملي ولا أي

-ايوه ان شاء الله بكره هبدأ

-ع الله تعمري ومتعمليش زي اللي قبلك

اتحركت وداد في خوف .... قربت من بثينه

-واللي قبلي حصل لها أي

-بيقولوا أنتحرت

-نعم

سمعت وداد الجمله اتحركت مكانها ...مسألتش عن سبب انتحار البنت بس مشيت لان ميعاد عملية ابوها قرب . .... ركبت تاكسي وذهبت المستشفي اتفاجئت بالدكتور في انتظارها

-خير يا دكتور ابويا .... دخل العمليات ولا أي

-في حاجه حصلت دلوقتي

اتحركت وداد في خوف علامات الدهشه زادت ...لفتره صغيره خافت ليكون وفاة والدها

-أبويا كويس يا دكتور؟!

-أنا ملحقتش اعمل العمليه

-نعم

-في واحده لابسه لبس رجاله صعيدي بتقول ان هي أسمها مصدوقه

-قصدك عمتي مصدقه

اخذت وداد انفاسها بقوه ...قبضت علي ايدها جامد

-اخذت والدك تحت تهديد سلاح وقالت ان هي أخته وسيبالك معايا بتقول " معندناش حريم يمشوا مشي بطال .... ومن الليله دي تارك في أيدي وموكله حد يخلصنا منك ... واخويا في حفظ اخته وهتصونه " ده تهديد

-ابويا

تحركت وداد في صدمه ثم اغشي عليها

****فلاش باك*****

خرج المأذون هو وصديقه وظل بليغ و وداد في المنزل بمفردهم .... قفل بليغ الباب وابتسم وظل ينظر لوداد

-أحلويتي في لحظه كده ليه

اخذت وداد انفاسها بقوه وحاولت تقف بس تمالكت اعصابها

-حرام عليك .... والنبي ما تعمل حاجه

-الليله ليلتي وبعدين هنقضي ليله واحده بس و بعدين كل حي فينا يروح لحاله

صرخت بقوه بس هو كان بيقرب حاولت تبعده بس مفيش شئ قعدت مكانها

-ابوس ايدك حلفتك بأغلي حاجه عندك وغلاوة امك يا شيخ ما تقرب

-بقولك أنتي ملكي الليله دي

-ربنا يسترك لا لا لا

بس رد فعله كان غريب هو قرب وقبلها من رأسها وابتسم وابتعد تاني وضحك وقال

-أنا لو كنت عاوز اعمل معاكي كده كنت عملته معاكي من اول لحظه شوفتك فيها من قبل ما اجيبك هنا .... بس أنا مش هعمل كده انا فعلا عاوز مساعدتك

دموعها وقفت نظرات الصدمه والدهشه والتعجب زادت كل نظراتها صدمه

*****عوده****

في المستشفي في حجره وداد علي احدي سرير في المستشفي وشخص واقف بجانبها حاولت وداد تاخد انفاسها بس مش قادره في شخص بيكتم أنفاسها حاولت تصرخ بس مش قادره... تمالكت شئ بجانب السرير وقامت بضربه علي رأسه بقوه فوقع علي الارض فصرخت ووقفت مسرعه وخرجت من المستشفي تجري علي قدميها

-حد يلحقني ... هيموتوني

الي اللقاء في الفصل القادم

رحله وداد بدأت فيها ولسه بطل القصه مظهرشي

ظهور البطل في مكانه. .... وقضية راي عام هتحرك مصر بحالها

تفاعلكم ياحلوييين

تكملة الرواية من هنا

بداية الروايه من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

1- روايةاتجوزت جوزي غصب عنه

2- رواية ضي الحمزه

3- رواية عشق الادهم