رواية حارة الأعيان الفصل الثاني بقلم إسراء علي رواية حارة الأعيان البارت الثاني بقلم إسراء علي رواية حارة الأعيان الجزء الثاني بقلم إسراء علي

رواية حارة الأعيان الفصل الثاني بقلم إسراء علي

رواية حارة الأعيان البارت الثاني بقلم إسراء علي

رواية حارة الأعيان الجزء الثاني بقلم إسراء علي

رواية حارة الأعيان الفصل الثاني بقلم إسراء علي

تنقلت بـ بصرها بين المتواجدين وهي ترفع حاجبيها بـ تعجب بـ الرغم من بوادر الشك التي زُرعت بـ قلبها أن شقيقتها ما هي إلا عروس ولكن كيف وهي لم تتم الساعبة عشر!!

نهض رافعي ثم قال وهو يرمق أنغام بـ تفحص غريب

-أنتِ مين يا أستاذة!...

هرولت إليها أُمنية ترتمي بـ أحضانها وهي تقول بـ سعاد بالغة وكأنها طوق النجاة من تلك المأساة

-أبلة أنغام وحشتيني...

ربتت أنغام على ظهرها ثم قالت وهي تنظر إلى الشخصين الغريبين

-وأنتِ كمان يا حبيبتي...

تقدم والدها من إبنتيه بـ حرج ثم قال وهو يُعرفها عليهم

-دي بنتي الكبيرة..أنغام هي كانت بتشتغل فـ مدرسة بعيد عن هنا

-وضع رافعي يده على صدره وقال:منورة يا أستاذة...

أومأت بـ رأسها وهي تتجه إلى والدتها تُعانقها ثم همست بـ صوتٍ خفيض

-إيه اللي بيحصل يا ماما!

-همست والدتها بـ دورها:بنقرأ فاتحة أُختك...

عفويًا إنتقلت بـ أنظارها إلى الشاب ظنًا منها أنه "العريس" والذي قابل نظراتها بـ أُخرى جامدة ولكنها لم تأبه..ثم توجهت بـ كل ثقة إلى أحد المقاعد وجلست هاتفة بـ شقيقتها

-تعالي يا أُمنية جنبي...

هرولت شقيقتها تجلس على أحد المقاعد..ثم قالت بـ صلف وهى تتوجه بـ حديثها لضيفين الغريبين

-إتفضلوا واقفين ليه!...

إرتفع حاجبي بدر بـ ذهول ما لبث أن تحول إلى غضب ولكنه إحترم والده لينظر إليه فـ أشار أن يجلس بـ هدوء فـ لا حاجة لهما بـ إفتعال المشاكل..جلسا وظل بدر ينظر بـ غضب إلى أنغام التي قابلته بـ برود تُحسد عليه بـ الرغم داخلها الذي يرتعد

بدأ رافعي الحديث وهو يقول

-مش يلا نقرأ الفاتحة يا حج قدري ولا إيه!

-تلعثم قدري وهو ينظر إلى أنغام:طـ..طبعًا...

نظرت أُمنية إلى شقيقتها بـ إستغاثة لتُرسل إليها نظرة مُطمئنة..عقدت ذراعيها ثم نظرت إلى رافعي وقالت

-لحظة واحد يا أستاذ

-نهرتها والدتها بـ حدة:أُستاذ إيه!..دا المعلم رافعي سيد الحتة كُلها...

قالت العبارة بـ شيئٍ من الفخر..ليرتفع حاجبي أنغام أكثر وهي ترى إنتفاخ صدره من مُجرد تملق زائف..ولكنها أجبرت نفسها على الحديث بـ هدوء

-ومالو..بس مش برضو فيه أصول يا معلم..مثلًا رأي العروسة

-رد بدر نيابةً عن أبيه:وهي العروسة هتلاقي زي الحج فين!!...

ثانية وإثنان لتستوعب ما قيل..أو ما وصل إلى عقلها أن ذلك الشاب الأرعن ليس "عريس الغفلة" بل والده "الحاج"..إرتفع حاجبي أنغام دهشة..لم تلبث أن تحولت إلى غضبٍ عارم وهي تنتفض هاتفة

-اللي فهمته إن حضرتك جاي تخطب أختي لأبوك!

-وضع بدر ساق على أُخرى ثم قال بـ غرور:حاجة زي كدا...

إشتعلت جمرتي عينيها بـ غضب سيطيح بـ الأخضر واليابس..لاحظ والدها أنا إبنته الكُبرى ستنفجر لا محالة حاول تهدئة الأوضاع ولكنها ردت بـ صرامة لا تقبل الجدال +

-أسفة معنديش إخوات للجواز

-نهض رافعي بـ عنف وقال:الله الله..إيه هو دا!!..إيه يا حج قدري هتسيب حرمة تتدخل فـ كلام الرجالة

-رد قدري بـ تلعثم:آآ أنا..الحقيقة

-قاطعته أنغام بـ غضب:أولًا مسمحلكش تتكلم معايا بـ الأسلوب دا

ثانيًا أختي لسه صغيرة وحضرتك مش ملاحظ فرق السن

-رد عليها بـ غلظة:الراجل ميعيبوش غير جيبه

-ثارت براكينها وهي تقول:أنا مش مستوعبة أنت بتقول إيه!..بس جواز!!!..مفيش وإتفضلوا من هنا أنا راجعة من السفر تعبانة..شرفتوا...

كاد أن يصفعها بدر ولكن يد والده منعته وهو ينظر إلى والدها ثم إلى أُمنية

-الكلام مخلصش لحد هنا يا حج قدري..أنا بس مراعي إن الأستاذة راجعة تعبانة وأعصابها مش مستحملة..لكن السنيورة الصغيرة..هتكون مراتي غصب عن عين التخين...

ضرب على صدر والده الذي يرمق تلك الفتاة التي أهانتهم للتو بـ شرر ثم قال

-بينا يا بني...

ألقى بدر نظرة تهديدية لأنغام ثم رحل مع والده..ما أن سمعوا صوت صفع الباب حتى إنفجرت والدتها قائلة

-أنتِ إية اللي هببتيه دا!!..أنتِ عارفة دا مين!

-صرخت أنغام بـ المُقابل:ميهمنيش..لكن جواز لأُمنية اللي لسة مخلصتش تعليمها دي..وربي ما هيحصل..بلاش جهل وتخلف

-نهرها والدها بـ حدة:أنغام!!..إتعدلي وأنتِ بتكلمي أمك

-إلتفتت إلى والدها قائلة:بابا..أنا مش هسمح بـ المهزلة دي..الراجل ميقلش عن خمسين سنة وبنتك فـ عمر أحفاده..بلاش ظلم...

تنهد والدها بـ حزن وهو يقترب منها ثم قال

-إحنا مش عايشينلكم طول العمر

-ردت عليه بـ تهكم:وهو دا اللي هيعيشلها!!..بابا الله يرضى عليك دا مش موضوع للنقاش أصلًا

-تشدقت والدتها بـ حسرة:يا بنتي الراجل شاري

-أشاحت بـ يدها هادرة:لا شاري ولا بايع..الموضوع دا إتقفل..ولو هو مفكر إني هرجع فـ كلامي فـ دا مش هيحصل..ولو خاييفن تتكلموا معاه أنا هروح وأقنعه..لحد هنا والموضع إتقفل..تصبحوا على خير...

ثم تركتهم وإتجهت إلى غُرفتها التي تتشاركها مع شقيقتها التي ركضت خلفها تحتضنها قائلة بـ إمتنان

-شكرًا يا أبلة أنغام..كنت عارفة والله إنك هتكوني أماني..ومش هتسبيني

-عانقتها أنغام بـ دورها قائلة بـ حنان:طبعًا يا مُنمُن..مقدرش يا حبيبتي أعمل فيكِ كدا..دا إنتحار..متخافيش أنا مش هسمح بدا يتم...

فتحت حقيبتها التي أخذتها معها إلى الغُرفة لتُخرج منامة لها..فـ سألتها أُمنية

-أنتِ هتفضلي هنا صح!

-أومأت قائلة:طبعًا يا حبيبتي..خلاص إتنقلت مدرسة هنا

-قفزت أُمنية بـ سعادة هاتفة:يااه أخيرًا يا أبلة أنغام..هتفضلي معايا زي زمان

-أيوة يا حبيبتي..بصي أنا هغير وأنام لحسن مش قادرة والطريق كان طويل أوي...

-عليا النعمة ما هسيبها..هي مفكرة نفسها مين!

-هدر والده بـ صرامة:بدر!!..خلاص من إمتى بسيب حاجة أنا عاوزها..بس مش كل حاجة تتاخد قفش ودراع... +

صرخ بدر بـ غضب وهو يركل باب منزلهم خلفه

-البت طردتنا

-حك رافعي ذقنه وقال بـ خبث: بكرة تندم

-بس

-قاطعه رافعي:دي حُرمة يا بدر..إيدينا متتدمش على ستات أبدًا...

وصل إلى طابق زوجته الأصغر ثم قال وهو يفتح باب المنزل

-إطلع أنت شقتك..محتاج أريح نفسي بعد اللي حصل دا!!

قبل أن يدلف إلى شقته ظهرت والدة بدر تهتف بـ فضول

-إيه الأخبار يا سيد الناس!

-نظر إليها بـ إزدراء ثم قال لـ بدر:خد أمك وأطلع يا بدر..خدها بدل أما أطلقها

-هتفت والدة بدر بـ تذمر:الله هو أنا قولت حاجة!

-سحبها بدر وهو يُغمغم:مش وقته يا شوقية..المعلم مزاجه مش رايق...

تمتمت شوقية تلك المرأة البسيطة الهيئة شرسة الطباع خبيثة الملامح بـ إمتعاض لما تعرض له من قهر ولكن فضولها غلب عليها وهي تسأل إبنها

-إيه اللي حصل يا واد!

-قَبّل رأسها وقال:تصبحي على خير يا شوقية...

ثم صعد إلى شقته التي خصصها له والده وترك والدته ظلت تسب وتلعن ثم دلفت إلى شقتها لتهتم بـ ولديها الآخرين

نزع عنه قميصه بـ عنف ثم قذفه وصورة تلك القزمة وهي تطردهم لا تُبارح خياله..قزمة لا تكاد تصل إلى صدره ذات عينان سوداوين كـ خاصته ولكنها بـ الطبع لا تحمل نظرات بدر

جسدها!!..لا يُنكر أنه أول ما جذب عيناه..بـ الرغم من ثوبها المُحتشم ولكن إمتلاءه المُتناسق جعل عيناه تتركز على مناطق بـ عينها..ولكن كل ذلك تبخر وهي تتصلف وتطرد لتعود نظرته الشرسة بـ الظهور

جلس على فراشه يتكئ بـ ظهره إلى الفراش ويده تنقبض على شكل قبضة وداخله يتوعد لها بـ أسوء عقاب..إرتسمت على وجهه إبتسامة ماكرة وهو يقول

-مش عُقلة زيك تطرد بدر رافعي...

*********************************

في صباح اليوم التالي

نهضت أنغام من سُباتها المؤقت لتجد شقيقتها نهضت وأعدت الإفطار و وضعته على طاولة الغُرفة..خرجت لتغتسل و تؤدي صلاة الضُحى لتجد والديها يتحدثان عما حدث أمس ولكنها لم تلقَ لهما بالًا ودلفت إلى المرحاض

بعد دقائق خرجت وصلت ثم تناولت الإفطار وإتجهت لتجلس مع والدها بعدما أعدت كوبين من الشاي وهتفت

-بص يا بابا اللي حصل إمبارح دا هننساه كُلنا وأنا هتصرف مع الراجل دا..إطمن

-لا يا بنتي أنتَ متعرفيش حاجة..أنتِ بقالك مدة بعيد ومتعرفيش اللي جد..مبنرضاش نحكيلك على أساس إنك مش هترجعي

-عقدت حاجبيها وقالت:إيه اللي بتقوله دا يا بابا؟

ربت على كفها وقال:يمكن يا بنتي علامي على أدي..بس الفترة اللي فاتت دي علمتني حاجة وأنا بشوف الفوضى اللي ملت المنطقة

-طب إحكيلي يا بابا

-أخذ نفسًا عميق وقال:كنت عاوز أبعد بيكوا من زمان..بس لما جالك شغل وسافرتي إرتحت شوية..بس السنتين دول قلبوا الموازيين...

صمت قليلًا ثم أكمل وهو ينظر إلى الحركة بـ الشارع

-جت فترة والمنطقة حالها إتقلب..شوية سرقة وشوية قتل وشوية هتك عرض بنت..بس المعلم رافعي ظهر كدا فجأة هو وشوية بلطجية وظبط المنطقة..ومن ساعتها والناس مسمياه سيد الحتة بـ إعتبار إنه أنقذهم ومحدش يقدر يردله طلب...

ظلت أنغام تستمع بلا معالم واضحة ولكنها هتفت بـ خفوت

-وأنت كان عليك الدور تبيعله بنتك!..رد جميل مثلًا!..لا يا بابا مينفعش..لو هو عمل الخير يبقى يكمله للنهاية..بس هو إستغل جميله وقوته وسيطر عليكوا...

تنهدت أنغام ثم نهضت وقالت

-أنا نازلة أشتري حاجة مهمة من تحت وجاية

-أردف والدها سريعًا:إوعي تكوني ريحاله!

-ضحكت بسخرية وقالت:مش ع الصبح كدا..بس أنا فعلًا نازلة أشتري حاجة مهمة وجاية...

ثم تركت أبيها وإتجهت إلى الخارج وقبل أن تُغلق الباب أتاها صوت والدتها

-رايحة فين يا أنغام؟

-نازلة أشتري حاجات يا ماما...

ثم أغلقت الباب وهبطت الدرج..حتى وصلت الشارع..تطلعت حولها لم تتغير المنطقة كثيرًا بـ إستثناء البشر..توجهت إلى الصيدلية لتجلب دواء مُعين

تبادلت أطراف الحديث مع الفتاة الموجودة ولكنها إنتفضت وهي تشعر بـ ظل خلفها وأنفاس غاضبة تلفحها..لم تستدر وقد تيبس جسدها الخوف..سمعت صوته يهتف بـ الفتاة

-إطلعي وإقفلي الباب وراكِ..مش عايز حد يدخل...

أومأت الفتاة بـ خوف وطاعة ثم فعلت ما أمره بها

ما أن سمعت أنغام ما تفوه به حتى إلتفتت إليه بـ غضب هاتفة من بين أسنانها

-أنت إزاي تعمل كدا!...

ظل ينظر إليها بـ تسلية وعينان وقحتان تتفرسان معالمها بـ جرأة جعلتها تشهق بـ فزع لتعود خطوتين إلى الخلف حتى إلتصقت بـ الصندوق الزجاجي خلفها..ليتقدم هو ويُحاصرها بـ وضع يديه على جانبيها يتكئ بهما على الزجاج خلفها

إبتلعت ريقها وهي تنظر إلى طوله الفارع والذي أصابها بـ الرعب وكأنه مارد ضخم..رفعت عيناها إلى عيناه السوداوين , العميقتين كـ هوة ساحقة..تلك النظرة الشرسة والمُتسلية تجعل قلبها يتقافز رُعبًا..ثم إرتفعت عيناها إلى حاجبه الأيمن المشقوق طوليًا وأسفله جُرح عرضي أضفى على مظهره الكثير من الخطر والعنف +

إبتلعت ريقها ثم هتفت بـ تلعثم

-كـ..كدا..ميصحش..لو..لو سمحت إبعد...

قهقه بدر بـ سُخرية ليقترب منها بـ رأسه ثم همس بـ خفوت خطير

-غزال وقع فـ عرين أسد...

الفصل الثالث من هنا

إللي عاوز الروايه من اولها من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

1- روايةاتجوزت جوزي غصب عنه

2- رواية ضي الحمزه

3- رواية عشق الادهم

4 - رواية تزوجت سلفي