رواية عشق الحور الفصول الاخيره كامله بقلم مروه شحته

رواية عشق الحور الفصول الاخيره كامله بقلم مروه شحته

تزين القصر لاستقبال العيد ،،،، الجميع سعيد بعوده عائشه سالمه وبتوائمها الاربعه حور ضاحكا

#يكون في عونك ،،،، وانا اللي قلت التؤم تربيه صعبه

عائشه وهي تحتضن ساجد #حقه ياحور داانا بموت بجد

بسمه ضاحكه #مش كان نفسك تبقي ماما اشربي ياحبيبتي

زينب #ربنا يبارك فيهم ياعيشه المهم انتي تيجي هنا مش هينفع تقعدي في بيتك لوحدك ،،،،

عائشه #مش هينفع ياامي عشان سليم ،،،،

زينب #وايه المشكله عندك جناحين فوق خديهم انتي والعيال واهو تبقي في وسطنا

عائشه #لاء سليم مش هيوافق ،،،، ماما سيبيني علي راحتي ،،،،ماشي

زينب بحده #هو انا كلمتي معدتش بتتسمع في البيت ده ولاايه

حور #ماما سيبيها علي راحتها ،،، هي ادري بظروفها

جلست عائشه امامها #عشان خاطري متزعليش بس انا مش عاوزه سليم يتحرج ،،،

ربتت علي شعرها #يابنتي عاوزه اشبع من العيال وانتي لو رحتي البيت هتتلبخي فيهم ومش هشوفك

عائشه #طيب سيبيني انا اكلمه

زينب #طيب ياعيشه

قبلت حور خدها #احبك يازوزو ياعسل انتي

زينب ضاحكه #بطلي ياشقيه ،،،، ها رتبتوا كل حاجه

حور #كله تمام ،،، خلصنا وقلنا نقعد نتكلم شويه

بسمه #امال فين عشق ياحور

#راحت مع انيس ويحيي يتفرجوا علي الدبايح

بسمه بحنق #انا معرفش الواد ده جايب القلب الجامد ده منين ،،،،

#راجل زي ابوه

التف الجميع الي غيث الذي دخل من الباب وفي احدي يديه يحيي والاخري انيس وعشق اسرعت عشق لترتمي بين ذراع حور

# شكلها يخوف اوي ياماما

حور#هي ايه دي

يحيي ضاحكا #البقره اول ماعمو جاسر دبحها فضلت تصوت وبابا جبنا علي هنا

ضربت عشق قدمها بالارض وقالت بطفوليه

#بتتريق عليا يايحيي انا مخصماك

اسرع يحيي اليها وقال #طب خلاص متزعليش

كان الجميع منشغل في يحيي وعشق ولم يلتفت احد الي الصغير الذي تسلل ببطء ليحمل احدي التؤم الفتيات النائمه ليعلن انتصاره

#عمتو انا هاخد دي والنبي والنبي

التف الجميع الي انيس الذي يحتضن الصغيره

عائشه بلوعه #بنتي سيبها ياانيس

انيس بطفوليه #لاء دي بتاعتي

حور بخضه #بتعتك ايه هي قطه سبها يابني الله يهديك

انيس #لاء ،،، انا هخلي بالي منها

تقدم غيث نحوه لينتزع الصغيره من يده وتذهب حور نحوه لتضرب يده

#افرض كانت وقعت منك ،،،، اوعي تعمل كده تاني

سقطت دموع الصغير لتقترب منه عشق وتربت علي خده

انيس بتذمر #سجود بتعتي هه

قال جملته وتحرك ناحيه جناح والدته ركضا غيث ضاحكا

#هي دي سجود بجد

عائشه وهي تحتضن الصغيره #اه هي

غيث #طب الواد ده عرفها ازاي

بسمه # تصدق صح ،،،، دانا لسه مش بعرف افرق بينهم

زينب #حور ادخلي طيبي باخاطره وفهميه بالراحه

حور #حاضر ياماما

زينب #غيث علاء مأجاش

غيث بغيض #لاء لسه

#طب اتصل استعجلوا

تجمعت العائله علي طاوله الطعام الكبيره. علي رأسها جاسر وتجلس زينب في مواجهته تتامل اولادها واولادهم بعيون دامعه ،،،، جاسر

#مش بتكلي ليه ياست الكل

ابتسمت زينب وهي تطعم غيث الصغير الساكن اقدامها

#باكل ياحبيبي ،،،، ربنا يتم علينا نعمته وتتجمعوا حواليا ديما

ليؤمن الجميع

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

٧٧موقف انساني

اسند جاسر راسه للاعلي ليعاد امامه حوار الصباح مع غيث

#انت بتقول ايه ياغيث

تنهد غيث وجلس امام مكتبه

#هوا اللي حصل ياجاسر ،،، عزه اللي كان بيحركها بيان ولما اتقبض عليها معرفتش تعمل حاجه ،،،، سافرت اسكندريه راحت لامها بس امها طردتها وهي علي الطريق السريع عملت حادثه

قطب جاسر وقال ،#وانت عرفت الكلام ده منين

#منها اتصلت بيا امبارح رحت شوفتها في المستشفي ،،،، شوف علي قد مانا مش طايق اشوف خلقتها بس بجد صعبت عليا ،،، عزه اتشلت ياجاسر

اغمض عيناه بالم #لااله الاالله ،،،

#هي اتصلت بيا غشان ابلغك رساله ،،، عاوزه تشوفك

زفر جاسر بقوه #هي لسه في المستشفي

#ايوه لسه هتشوف مكان عشان تقعد فيه ،،، انا هشوفلها شقه في البلد وربنا يسهل ايا كان برضه دي بنت عمنا مش هنرميها ياجاسر ،،، هاه هتعمل ايه

#مش عارف ،،،، حقيقي مش عارف

#لااااا داانت في دنيا تانيه

رفع عيناه لحور الجالسه امامه ابتسم بفتور

#كنتي بتقولي ايه

دفنت راسها علي صدره وقالت

#فيك ايه قلبي وجعني اووي

اعتنق وجهها وقال بعشق

#انا عملت ايه حلو في دنيتي عشان ربنا يكفئني بيكي

#حبتني ،،،،في اكبر من كده حاجه حلوه ،،،، قول بقي فيك ايه من ساعه مارجعت وانت متغير

حاول تغيير الموضوع هو موقن ان حور تقرأه ككتاب مفتوح

#عيشه قالت لسليم ولااقوله انا

تنهدت بقوه #لاء قلتله بس هو موفقش انت عارف سليم حاطط كرمته علي منخيره ،،،، علي فكره منستش قولي بقي في ايه

#عزه عملت حادثه

قالت بخضه #لااله الاالله ماتت

#لاء اتشلت

حور بتأثر #اتشلتلاحول ولاقوه الابالله ،،،، طب وانت هتعمل ايه

قال بانفعال # وانا هعمل ايه ربنا يلطف بيها

#انت عرفت منين

#اتصلت بغيث ،،،،،قص عليها ماقاله غيث ليختم كلماته

#بس وهي دلوقتي في مستشقفي ،،،،،،

تنهدت #روح شوفها ياجاسر انا عارفه انها لسه غاليه عليك

ضمها الي صدره #انا محدش غالي عليا قي الدنيا غيرك

رفعت عيناها اليه

#علي حور ياجاسر ،،،اذا كان انا زعلت عليها ،،،،،،،انا عارفه ان لسه جواك العشره ،،، مش سهله تتمسح ،،،، وهيفضل جواك للي كانت عليه عزه ،،، لوعاوزني اجي معاك ماشي

مكانه طالما طالبت تقابلك روحلها

ضمها الي صدره وهمس بانفعال

#ديما بتخرجي اللي جوايا من غير مااقوله ،،،، انا بعشقك ياحور

قبلت جبينه #انا بقي مش بعشقك لاء ،،، انا عايشه جوا القلب ده

طفلتي فاتنتي مهلكتي من علمتني العشق ،،،، زهره تتفتح لي وحدي ،،،، ريحانه جنه ،،،،اتنعم بعطرها ماحييت

منذ علم بأمر عزه وهو يشعر بالحزن ،،، عزه كما قالت هي ،،، مازال بقلبه ماكانت عليه ،،، طفله تربت معه انثي لم يري غيرها ،،،،وهي فقط من تداوي المه وجروحه ،،،،

غضبه من عزه فاق الحد ولكن مجرد رؤيتها في تلك الحااه اصابه بوخزه بقلبه ،،،، اين عزه التي تتمتلئ بالغرور من تلك المنكسره الكسيحه الزليله

#جاسر متوقعتش انك تيجي ،،، بس طول عمرك اكرم مني يابن عمي

قال بتأثر #سلامتك ياعزه ،،،، شده وتزول

قالت بانكسار #انا راضيه ياجاسر اللي عملته مش قليل ،،، ربنا اراد اني اطهر قبل مااروحله

حدقها باستغراب

#انتي اتغيرتي اوي ياعزه

سقطت دموعها #صدقني ربنا جبلك حقك وزياده ،،،، انا شوفت الموت بعيني ،،، امي رمتني في الشارع والدنيا كلها بتتهرب مني ،،،، متلقتش قدامي باب مفتوح غيره

#طب انتي دلوقتي ناويه علي ايه

هزت رأسها بعجز #معرفش ،،، بس واثقه فيه انه مش هيسبني

تجاذبات عده تدور بداخله لم يتخيل ابدا ان تصل عزه لذلك

#انا تحت امرك ياعزه كل اللي انتي عوزاه انا متكفل بيه مهما كان انتي بنت عمي ووصيته قبل مايموت

قالت بتردد #يعني لوطلبت منك حاجه توافق

#اطلبي ياعزه

#عاوزه اعيش في وسطكوا ،،، انا معتش ليه حد مش عاوزه اموت لوحدي

عزه تريد الرجوع ،،،، ماذا عن الجميع ،،، ماذا عنه هو ،،، هل سيتقبلها ،،،،، انتبه من شروده علي صوتها

#عارفه اني زودتها بس انا كان كل املي مبقاش لوحدي في الحاله دي

#ولاد الراوي ميرموش لحمهم ياعزه انا موافق انتي هتخرجي امتي

#المفروض كنت خرجت من اسبوع ،،، بس استسمحتهم يسبوني لحد مااشوف مكان ،،، لما الدنيا ضاقت بيه اتصلت بعلاء ،،، ردعليا لكن مأجاش ملقتش قدامي غير غيث عشان يساعدني

#خلاص ياعزه انا هروح اخلص اوراقك ونمشي ،،،

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

دخلت حور غرفه زينب

#بعتيلي ياست الكل

#تعالي ياحور ااقعدي

جلست علي طرف الفراش لتنظر الي غيث الذي يداعب شعر زينب بحب

# والله انا بقيت حاسه ان الواد ده ميعرفنيش

ضمته زينب #غيث ده حبيبي انا

#طب خدي بالك للعيال بتغير منه ،،، نانا بتحب غيث اكتر مننا

قبلت جبينه #غيث دا حته من قلبي عشان هو حته من ابو جاسر ،،، المهم دلوقتي هتعملي ايه في موضوع عزه

#هو جاسر قالك

#لاء غيث اللي قلي

قالت بحيره #مش عارفه ،،،، بس حسيته محتار قولتله روحلها

زينب بترقب #طب مفكرتيش هيكون ردفعله ايه لما يشوفها بالشكل ده تنهدة وقالت #فكرت

#ووصلتي لايه

قالت باختناق #هيرجع لها ،،،، جاسر مش ندل ومش هيسبها في الظروف دي

#نص اللي قلتيه غلط والنص التاني صح

#يعني ايه

#اسمعي ياحور انا اعرف ولادي كويس اوي وعارفه تفكير كل واحد فيهم ،،،، الصح جاسر مش ندل ومش هسيبها ،،، لكن يرجعها علي زمته يبقي متعرفيش جاسر،،،، بس مش هيسبها

#مش فاهمه

#يعني عزه بنت الراوي واللي فهمته من غيث ان سهير رمتها ،،، جاسر مستحيل يسبها ،،، هيجبها هنا ،،،،هاه لوعملها هتعملي ايه

#مش عارفه يازينب هتحمل انها تكون موجوده قدامي ولالاء

ربتت علي كتفها #طيب فكري ورتبي دماغك علي كده

قالت بحنق #هو انتي ليه متاكده اووي كده

#عشان انا عارفه ولادي ،،،، سليم موفقش يقعد معانا مش كده

#والله ياامي سليم ده ليه دماغ لوحده ،،، بس قال هيجبها يومين في الاسبوع ،،، معلش ياامي

تنهدت #عارفه اهو سليم ده حدودته ،،، علي قد مابتخنق علي قد مابحترمه ،،،،سليم راجل ياحور انا مطمنه علي بنتي معاه بس ده ميمنعش ان احنا برضه نساعدهم بس من غيرمانجرحه

#طب ازاي هنعمل ايه

#دلوقتي انتي عندك مربيه بتراعي العيال الصغيره مضبوط

يعني معنتيش محتاجه زهره بفكر ابعتهالها اهي تشيل عنها شويه ايه رأيك

# هي فكره كويسه ،،، صراحه الله يكون في عونها دي عايزه جيش يساعدها

#خلاص يبقي ابعتيها من النهارده ولو سليم نطق ابعتيهولي بقي

#قلبك ابيض يازوزو ،،،، دا سليم غلبان والله

#امشي يابت يلا

خرجت حور وفي عقلها الاف التجاذبات حاله جاسر بالامس حديث زينب عن امكانيه رجوع عزه هل ستتحمل هذا

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

٧٨تعب لذيذ

تمددت عائشه علي الفراش لتطلق تأوه متالم ،،،،تتمني النوم فقط ،،،، فقط النوم اصبح امنيه بعيده المنال ،،، اولادها لايكفون عن البكاء ،،، ماان يصمت احدهم حتي يبكي الاخر ،،،، لم تكن تعلم ان الامومه مرهقه لهذا الحد ،،،، نعم مرهقه بشده فهي تكاد تموت من الارهاق والتعب ولكن ،،،، ممتعه ،،،، لقد تمنت طفل ،،، طفل يتوج عشقها لسليم ،،، اغدق الله عليها برحمته باربعه دفعه واحده ،،،، وان شكرتم ارتسمت علي وجهها ابتسامه وهمهمت #الحمد لله

قبله ناعمه علي جبينها لتفتح عيناها السوداء

#تستهلي الحمد ،،، ربنا يجعلنا من الشاكرين يارب

كادت ان ترتفع ليعدلها

#خليكي زي ماانتي ،،، نامي ياحبيتي انا هسهر النهارده مع العيال

#لاء انت عندك كليه الصبح

قبل جبينها #انا اخت اجازه يومين ،،، انا عارف انك تعبتي اوي من ساعه مارجعنا ،،،، وعارف ان انا ظلمتك عشان قلت نرجع هنا

وضعت اصابعها علي شفتيه

#اوعي تقول كده تاني انا راحتي في المكان اللي انت فيه ،،، وبعدين مطنتش هرتاح هناك ،،وهبقي خايفه حد من ولاد اخواتي يشيل العيال زي ماعمل انيس

قرب وجهه منها #اممم الواد ده بيبصبص لبناتي وانا رجل حمش لن اقبل

انفجرت ضاحكه ليهمس

#وحشتني ضحكتك اوووي

تعلقت بعنقه وهمست #انا عارفه ان انا مأثره

قبل جبينها #انتي عمرك ماتأثري ،،،، انتي ماليه قلبي وعنيه

يلا نامي بقي قبل ماولادك يعلنو الحرب

ارتاحت علي الفراش وقالت باسمه

# ولادك انت كمان علي فكره

رفع عليها الاغطيه واطفأ الاضاءه ليترك غزالته الجميله التي انهكها التعب تحرك بهدوء ليعد نفسه كوب من القهوه ورفع احد مراجعه ليجلس بغرفه الاولاد ،،، ماهي الادقيقه وبدات سيمفونيا البكاء تتالي رفع ساجد الباكي

#اششش امك نايمه شوف يابني انت راجل ولازم تسمع كلام ابوك ومتعيطش ماشي ،،، الرجاله متعيطيش ،،، تعالي بقي نعمل الرضعه سوا

دخل المطبخ ليعد له واحده من زجاجات الرضاعه وواحده اخري تحسبا لاستيقاظ احدهم. ،،، نجحت مهمته الاولي لتبدا سجود بتتبع خطي اخيها

#حلو داانتو بتسلموا بعض بقي ،،، يكون في عونك ياعيشه

،،،،،بعد مرور ساعه كان انهك بالكليه بالفعل ،،،، جلس علي المقعد لينظر لاولاده النائمون ،،، ليتمتم #سبحان الله

بالفعل تلك الكائنات الصغيره جزء منه ومن حبيبته ،،، لقد استغرق شهران كاملان حتي يفرق بينهما ،،،،نعم يحاول بكل الطرق محاوله ادخار جزء من المال ليرده لعائشه ،،،ولكن التزامته الماديه زادت ،،،،، ولكن يعلم ان الفرج قريب ،،، لحظه غفت عيناه لتبدا تسبيح البكاء تلك المره رفعها بين ذراعيها

#طب ايه ،،، انتي لسه اكله ،،، ايه بقي ،،،

طرق الباب جعله يتحرك وهو يحمل الصغيره فتح الباب لتقابله خديجه

# جيتي في وقتك ياست الكل

ناولها الفتاه الباكيه

#البت دي انا لسه مأكلها وبتعيط

ضحكت خديجه #عايزه تغير ياسليم امال فين عيشه

#صعبت عليا قلتلها تدخل تنام شويه

ربتت علي كتفه #ربنا يبارك فيك يابني ،،، عيشه دي مفيش زيها ،،،، بس مش عايزه تفهم ان كل واحد ليه طاقه

سليم # لاء ياامي انتي اللي مش فاهمه عيشه ،،،، عيشه عاوزه تفهمني انها تمام ومش محتاجه مساعده عشان متشيلنيش فلوس ادفعها لمربيه ،تساعدها ،،،بس انا كلمت كام واحد يشوفولي واحده

اراحت خديجه الفتاه علي الفراش وبدات تبدل ثيابها

#للدرجادي ،،، بس بتيجي علي نفسها اوي ياسليم

#عارف ياامي ربنا المستعان انا عارف ان انتي كمان تعبتي معانا اوي

#اخص عليك ياسليم ،،، دي عيشه في غلاوه حور وبسمه

#بس انتي مرحتيش كده لحد فيهم لاحور ولابسمه

اراحت الطفله بفراشها وقالت باسمه

#تعالي معايا المطبخ وانا هفهمك

#انتي هتعملي ايه في المطبخ دلوقتي

#يابني هطبخلكم لقمه ،،، انت اكيد لسه مأكلتش

تابعها سليم ليبتسم وهو يراها تعد الطعام خديجه دوما كانت بمثابه الام الحنون له ولبسمه علي حد سواء ،،، انتبه من شروده

#هاه مقلتيش بقي

#شوف ياسليم ،،، حور وبسمه قاعدين في قصر الراوي يعني بيخدمهم بدل الواحد عشره ،،،، حور ولدت تلت مرات ،،، يمكن مرحتلهاش غير المره الاخيره وكنت بطمن بس،،، ربنا مايعودها ايام ،،،،، ،،، عشان انا عارفه ان عندها اللي يخدمها وبسمه شرحه ،،،مراتك بقي سابت قصر الراوي واجت بيت الدسوقي يبقي منكرمهاش ياسليم

سليم بامتنان#ربنا يخليكي لينا ياامي

#يلا روح ريح جنب مراتك ساعتين كده وهصحيكوا وامشي

#طب ليه بس متبيتي معانا النهارده

خديجه بحنق #متسوقش فيها يابن محمود ،،، انا قلت للواد يونس يجي هيعد معايا لحد ماتصحوا ،،، وابقي ااقعدوا مع بعض بيهم بليل ،،، يلا يابني خليني اخلص اللقمه قبل مايصحوا تنهد بقوه عائلته نعم فقيره ولكنها نعمه حقيقيه ،،، ترجل للغرفه ليحتضن جميلته التي تغط في النوم وينام

٧٩النهايه

صدمت ماان وقعت عيناها عليها ماكانت تتخيل ابدا ان تري عزه بتلك الحاله قعيده مقعد متحرك الوهن والضعف يملئ جسدها والدموع ،،،للمره الاولي تري دموع حقيقيه في عيون عزه الجميع صامت وكأن علي رؤسهم الطير بسمه غيث زينب وحتي جاسر ،،الذي يمتلئ وجهه الم ،،، صوت واحد فقط استطاع ان يكسر حاجز الصمت انيس

#ماما مين دي

جمله عاديه لطفل في السابعه ولكن اصابتها بوخزه الم ،،،، تطلعت لحمزه الصغير بين يديها لتمسك بيد انيس وتتحرك تجاهه لتتلاقي العيون حوار تعرف كنهه ،،، حوار تستطيع فك طلاسمه وترجمته بسهوله بجمله واحده ليس بالقلب غيرك وصلت اليها لتضع الصغير علي اقدامها لتحدقها عزه بذهول لتربت علي كتفها

# حمدلله علي سلامتك ياعزه

جمله واحده كانت كافيه ان تفك حصار الجميع

عزه #حور انااااا

حور #متقوليش حاجه ،،، شوف ياانيس دي عمتو عزه ،،، بنت عم بابا

انيس #هو حضرتك ليه بتعيطي

عزه #انا مش بعيط بس فرحانه

زينب #حمدلله علي سلامتك ياعزه

عزه #انا اسفه ليكوا كلكوا ،،،،

غيث #نورتي البيت ياعزه

بسمه #ازي حضرتك

جاسر #صباح حضري الجناح الغربي للست عزه وابعتي لواحظ تفضل معاها وتشوف طلباتها

صباح #امرك

تابع جاسر انصراف صباح ليقول بجديته المعهوده

#عزه بنت الراوي هتفضل في بيت الراوي

نظرت حور لعين زينب التي ابتسمت بدورها ،،،،

زينب #وبيت الراوي يلم عياله

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،بعد عشر سنوات

فتحت حور عيناها مع بدايات الفجر كعادتها تأملت جاسر بجوارها لتتسلل ببطء من الفراش وقفت امام النافذه تتطلع لواجهه القصر ،،،، سته عشر عاما مضت وهي بقصر الراوي ،،،،

دخلت فتاه مقهوره مجبره علي للزواج برجل ضعف عمرها حياتها تهدمت بالكليه ومستقبلها انتهي لتصبح جاريه ،،،، والان ماذا هي ،،،،،، هي عمود هذا القصر احد ركائزه الاساسيه ،،،، حظيت بعشق ماتمنته امراه حتي بخيالها ،،،، رجل انساها الدنيا لتذكره هو فقط ،،،،خمسه اطفال هم النعيم المقيم ،،،،، لقد تبدلت حياتها بالكليه ماعادت الفتاه الصغيره العاشقه ،،، كبرت لتصبح امراه مكتمله الانوثه به ومن اجله ،،ليس وحدها من تبدلت حياتها ،،،،جميع عائله الدسوقي قد نالهم التغير ،،،، بسمه التي تنعم بعشق مجنون مع غيث الذي لايعقل علي مر السنوات ،،، يحيي الذي يكبر ليصبح صوره من غيث بوجهه بسمه ،،،،، يونس وتغريد ،،، سليم غارق بفتنه عائشته ،،،روعه اطفالهم ،،،،،، ضمها الي صدره لينتزعها من شرودها

#صاحيه بدري ووقفه تبصي من البلكونه بتفكري في ايه

التفت بين ذراعيه لترفع يدها تداعب شعره الابيض

#فيك ،،، وفي الدنيا ،، عارف ياجاسر انا كل يوم اقول خلاص انا وصلت لاخر الحب بس لما بيبدأ يوم جديد بتلاقي نفسي بحبك اكتر

#دا ايه الكلام الجامد ده ،،،

#توء دا مش كلام ،،، دي حقيقه

اقترب منها ليسند جبهته علي جبهتها

#انا بقي مش كل يوم لاء دا كل دقه قلب بتدق بتقول حوريتي ،،،، ياااه ياحور ،،، اللي مشفش الحب ماعاش وانا حياتي في عشقك ،،،، عشق الحور ،،،،،،،

تمت

بداية الروايه من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

1- روايةاتجوزت جوزي غصب عنه