رواية زوج_ماجور_البارات_العاشر بقلم زهرة الربيع حصريه وجديده على مدونة النجم المتوهج للروايات والمعلومات

رواية زوج_ماجور_البارات_العاشر بقلم زهرة الربيع حصريه وجديده على مدونة النجم المتوهج للروايات والمعلومات

عمران ضحك بشده وقال.. حامل...وطلع السلاح بتاعو بسرعه وقال...لا نباركلك يا قلب اخوكي وضرب رصاصه على رائف بس حصلت مفاجئه صدمت الكل لما جلال جري وقف قدام رائف وقال برعب استني يا عمران اهد....

بس مكملهاش وكانت الرصاصه صابتو ووقع على الأرض بين ادين عليا ورائف

عليا صرخت برعب وقالت....رشيييييد...اخويا...حبيبي وبقت تصرخ جامد

نجوى كمان جريت عليه وبقت تلطم وتقول رشييييد يا حبيبي يا ابني ليه كده يا عمراااااان ليبيييييه يابني لييييه

الكل كان مصدوم وعمران وقع السلاح من ايده وبقى يترعش وهيقع من طوله ودموعه بقت تنزل بغزاره ومش قادر يتقدم عليه خطوه واحده حتى

روفان بقى صدمتها كانت قويه قوي قربت عليه وهيه مش عارفه عمل كده ليه ...وازاي ...وليه يحمي رائف او عمران اصلا ...دماغها كأنها اتشلت مش قادره تفكر ....نزلت جمبو على الأرض وبعدت الكل عنو وشدتو على رجلها وقالت بصدمه ودموع..رشيد...رشيد حبيبي...انا معاك متخافش ..تمام هتبقى كويس والله ...خد نفس يا قلبي

روفان كانت شايفه رشيد قدامها مش جلال لتاني مره تشوفو بيموت قدامها طبعا لان شكلهم واحد خلاها مش قادره تشوف غير جوزها قدامها

جلال بصلها بابتسامه وهو بيتألم ومسك في ايدها كانو بيطمن بيها روفان دموعها نزلت بغزاره قالت بصراخ...انتو هتفضلو كده اتصل بالدكتور فهمي وخليه يجيب حاجتو معاه يا رائف بسرعه

رائف كان مصدوم بطريقه شديده لدرجه انو مش قادر يتكلم بس اول ما قالت كده جري بسرعه مسك تليفونو وبقى يكلم الدكتور

روفان بصت لعمران بحده بس اتفاجأت بيه واقع على ركبو ومصدوم ومش بيتكلم رغم كل الي بنهم منظرو صعب عليها قالت بهدوء ..عمران قوم..قوم وصلو معايا اوضتو يلاا

بقلم...زهرة الربيع

بس عمران مكانش بيرد وفضل باصص لهم جامد ودموعه بتنزل على خدوده وبس فرح جريت عليه وبقت تحاول تشريو ميه وبقت تبكي وتقول ..عمران..عمران رد عليا يا حبيبي..كلمني يا عمران ارجوك ...وشدتو لحضنها وبقت تطبطب على ضهره وتقول..خلاص متبصلوش هو هيقوم.تمام..هيقوم ارجوك اهدى

روفان استغربتها جدا بس مكانش فيه وقت اخدت جلال هيه وعليا ورائف ودخلوه اوضتو

عمران بقى يبص لفرح بدموع ومرتاح جدا بكلامها وحط ايده بلا وعي على ضهرها وشدها عليه واستخبى اكتر في حضنها

سمر كانت واقفه بعيد بس اول ما شافت كده جريت ناحيتو وزقت فرح بقوه وقعتها في الارض وقالت .ابعدي عنو.. اياكي تقربيلو ده جوزي..انتي صدقتي نفسك ولا ايه..وحضنت هيه عمران وقالت...قوم ياحبيبي متزعلش نفسك

فرح بقت تبصلهم بدموع وعمران اتضايق من الي حصل بس متكلمش بعد سمر عنو وقام وراح ورا روفان يشوف اخوه وهو مش قادر يمشي خطوه

عند روفان بقت تقلع جلال القميص والرصاصه كانت تحت الكتف شويه وقالت..الحمد لله بعيده عن القلب هاتي مخده يا فرح ...فرح بقت تساعدها وجلال كان بيفتح عنيه ويغمضهم بتعب

وهنا دخل الدكتور وفتح شنطتو وابتدي يطلع الادوات جلال شاف الادوات..المقص والمشرط وادوات الخياطه الخوف بان على ملامحو وداس على ايد روفان وبصلها بزهول وقال...هو...هو هيعمل ايه...

روفان ابتسمت بدموع وقالت..متخافش...ده هيطلع الرصاصه و هيخيط الجرح بس

جلال قال بالعافيه...يا حلاوتك...بس..لا..لا مش عايز انا بقيت تمام

ولسه هيتحرك روفان ثبتتو وقالت...وبعدين اجمد بقى انت بتنز،ف

وبصت للدكتور علشان يبنجو وجلال كان بيحاول يقوم بيقول بخوف زي الاطفال ...لا لا يا عم مش عايز...انا كويس

الدكتور ادالو الحقنه الي فيها البنج وجلال قال برعب وألم ..ااااه...الله يخرب بيتك..وبيتها...ااااه ...بقولكم اناتمام .. خفيت..والله خفيت..بقولك خفيت...خف...خف....خفرع

روفان ابتسمت لما لقتو خلاص اغمى عليه من تأثير البنج وقالت...تمام...يلا ابتدي يا دكتور

وفعلا الدكتور ابتدى والكل خرج مقدروش يستحملو المنظر بس روفان كانت واقفه معاه وبتساعد الدكتور

بعد شويه خرجت مع الدكتور وكتب لها شوية تعليمات ومشي

روفان كانت لسه هتدخل تاني عند جلال وعليا جريت هتدخل معاها بس وقفو على صوت عمران قال بحده...استني عندك

روفان وعليا بصولو وعمران بص لعليا بغضب وقال..رايحه فين

عليا قالت بدموع...هدخل اشوف اخويا و

بس عمران قاطعها وقال بغضب رهيب...انتي ملكيش اخوات هنا....لا ليكي خوات ولا ام ولا بيت ولا عيله...احنا منعرفكيش وميشرفناش يكون عندنا اخت ذيك...من انهارده هتخرجي من الباب ده ومش عايز المحك لو بالصدفه ...سامعه

عليا بقت دموعها تنزل بحسره.. ونجوى قالت بسرعه..ايه الكلام ده يا عمران و

بس عمران قاطعها وقال..لو سمحتي يا امي ...الكلام منتهي

نجوى قعدت وحطت اديها على راسها وبقت تبكي جامد

وعليا حاولت تتكلم وقالت..طب خليني اطمن عليه بس وهمشي عل...

بس عمران قاطعها وقال بغضب...قولت اتفضلي حالا..وكفايه الي حصل بسببك...انتي ملكيش مكان هنا بعد انهارده ...يلا غوري احسن ما اخلي الحرس يرموكي

هنا رائف اتقدم عليه بغضب ومسك ايد عليا وبصلو بحقد وقال....فعلا هيه ملهاش مكان في بيت فيه واحد ذيك..ومتقلقش يا عمران بيه عمرك ما هتشوفها تاني لان بيت جوزها مستنيها...ملكه فيه

رائف قال كده وشد عليا من ايدها ولسه هيطلع بس عمران وقفو وقال..متفرحش قوي انها بقت عندك ...لان الي معاك دلوقتي دي مبقتش اختي ولا تهز شعره فيا ومسك فرح بقوه وغضب من ايدها وفرح قالت ...اااااااه

رائف بصلو لما سمعها وعمران ابتسم بطريقه تخوف وقال....بس انت بقى لسه ليك عندي حاجه...اظن انها لسه تهمك...واوعدك...هخليك تتحسر عليها

رائف بقى يبص لفرح وهيه بتتألم من مسكتو ودموعه نزلت بس مقدرش يتكلم ابدا خرج من المكلن بدموع وحزن شديد

عمران شد فرح من ايدها وزقها في اوضه من الاوض وقفل عليها بالمفتاح ولسه هيتحرك لقا روفان في وشو وقالت بغضب...افتح لها...حالا

عمران بصلها بحده وقال..ولو مفتحتش

روفان طلعت سلاحها وقالت...هفتح انا دماغك وهحشيهالك اي صنف تحبو

عمران ضحك بقوه وقال....مشكلتك انك انتي واخوكي الواطي لسه مش عارفين بتلعبو مع مين...وقرب عليها وقال بغل..وحياة كل الي حصلنا...وحيات اخويا الي راح للموت مرتين بسببكم...واختي الي خلتوني اطردها من بيتها..لادفعكم التمن حسرة وندم مشفتوش زيو ولا هتشوفو

عمران قال كده بغل شديد ولسه هيمشي روفان قالت بسخريه..اخوك ....اخوك راح للموت مرتين مش بسببك انت ...و بايدك انت...المره الاولى لما دبرتلو حادث علشان تخلص منو ...والمرادي قتلتو عيني عينك قدام الكل...انا كشفاك يا عمران....مش انا الي تمثل عليها

عمران اتسعت عنيه بزهول وبصلها وقال ..انتي...انتي بتخرفي تقولي ايه...انا اقتل رشيد ...انا دبرتلو حادث...رشيد...اخويا

روفان ابتسمت بسخريه وقالت...بلاش تمثيل يا عمران..قولتلك كشفاك..ومن اول يوم...بس بما انك اتكلمت وهددت ووعدت يبقى تسمع ردي ..جوزي...الي كنت هتموتو بس لمجرد انو كشف شغلك الزبا،له...هدفعك تمن كل نقطة دم نزلت منو...وكل دقيقه غابها عني...واختي الي جوه دي كمان هتدفع تمن عذابها..وخوفها..واخويا الي قهرتو ومشيتو من بيتك كمان هتتحاسب عليه...بس عيزاك تصبر عليا يا عمران...الصبر حلو يا ابن العامري

روفان قالت كده ومشيت وعمران استغرب جدا الجديه الي في كلامها واصرارها انو قتل رشيد فعلا...فضل واقف لثواني بيفتكر كلامها الي مش قادر يحدد وصلها ازاي اصلا.. لحد ما سمع فرح بتخبط على الباب وبتقول..يا عمران افتح...يا عمران عيب عليك كده انا مالي طيب

عمران غمض عنيه بضيق ومردش وفرح قالت ببرائه...طب انا عايزه ادخل الحمام..اعملها على هدومي يعني ولا ايه

عمران ضحك بخفه على الحجه العبيطه الي بتقولها لان كل اوضه فيها حمامها.. ابتسم ومشي من غير ما يرد عليها

عند روفان كانت جمب جلال واول ما فتح عنيه ابتسمت وقالت ...حمد الله على السلامه يا بطل

جلال قال بتعب...الله يسلمك

روفان قالت... حاسس بايه احسن دلوقتي

جلال رد على سؤالها بسؤال تاني وقال ...ايه الي حصل ...عمران هدي شويه

روفان ابتسمت وقالت باستغراب..انا مش قادره افهمك ابدا..حيرتني قوي يا جلال.وانا مفيش راجل قدر يحيرني

جلال ابتسم وقال بتعب...ولا رشيد

روفان قالت ...ولا رشيد...رشيد كان واضح جدا معايا..انما انت بالنسبالي لغز..مبقتش عارفه..اذا المفروض اشكرك على موقف انهارده ..ولا المفروض اشك فيك

جلال بلع ريقه بارتباك وقال..تشكي فيا...ليه انا عملت ايه

روفان قالت ...عملت ايه..عملت الي محدش يعملو ابدا...ازاي ترمي نفسك كده قدام رائف وتحميه...يهمك في ايه...ويا تري بتحميه هو ولا بتحمي عمران وخايف يتحبس..وليه تعمل كده اصلا ...هتجنن من ساعت الي عملتو ..اتكلم يا جلال عملت كده ليه

جلال اتنهد وحاول يقعد بالعافيه وروفان ساعدتو بسرعه وبقت تعدلو ضهره واتلاقت عيونهم لاول مره كانو قريبين لدرجة ان انفاسهم واحده ..جلال ابتسم وبلع ريقه وهو بيبص لعيونها الجميله بس روفان بعدت بسرعه واتوترت قوي وقالت...احم...اديك قعدت ممكن تقولي وقفت قدام رائف ليه..وكنت بتحمي مين

جلال ابتسم وقال...ولا اي حد...كل الحكايه غشامه افتكرت ان الي اسمو عمران ده بيهوش ومش هيضرب نار فقولت اقف قدامو قال يعني بمنعو وكده على اساس اني اخو الي اسمها عليا دي كمان..لاكن بقى خربت على دماغي وطلع مبيهزرش

روفان بصتلو بشك اكبر وقالت...اممم...تمام...على العموم..انت دلوقتي عملتلي اكبر خدمه لما انقذت اخويا شكرا من قلبي..وطبعا لو عايز تذود اجرك معنديش مانع

قالت كده ولسه هتمشي جلال مسك ايدها وقال بدهشه..انتي...انتي شايفه اني بعمل كل ده علشان الفلوس...مفيش اي حاجه تاني لفتت نظرك

روفان ابتسمت وسحبت ايدها براحه وقالت..انا الي لفت نظري كتير اوي يا جلال...والاحسن ليك يكون كلو غلط...انت هنا مجرد اجير...وياريت نركذ على هدفنا

جلال اتضايق جدا و لسه هيتكلم الباب خبط ودخل عمران وقال..احم...ممكن اتكلم معاك يا رشيد

جلال ابتسم بالعافيه وقال..اكيد..اتفضل يا عمران

روفان بصتلو بضيق وقالت..انا هطلع اطمن طنط نجوى عليك يا رشيد وهجيلك تاني

روفان قالت كده وطلعت وعمران قعد قصاد جلال وقال..بقيت احين دلوقت

جلال ابتسم وقال..الحمد لله انا تمام متقلقش

عمران بصلو بدموع وقال..انت طبعا اكيد عارف اني ...اني مكنتش اقصدك انت ..وان انت الي وقفت في اللحظه الاخيره والرصاصه كانت اضربت مقدرتش اوقفها صدقني لو قدرت اعمل حاجه كنت عملتها انا معنديش اغلى منك و

بس جلال قاطتو ومسك ايده وقال..اكيد عارف...مفيش داعي تبرر الي حصل اصلا

عمران قال ..يعني..يعني انت مش مصدق كلام مراتك عني..انت اكيد عارف اني مستحيل اذيك..انا ربيتك كأنك ابني مش اخويا وبحبك اوي يا رشيد انت اكيد عارف صح

جلال استغرب كلامو وقال...انا متاكد ان انت متأذيش اخوك ابدا ...ومستحيل اصدق اي حد يقول حاجه غير كده

عمران ابتسم وسط دموعه وقال...انت اغلى حد عندي يا رشيد ..والله اغلي من نفسي

عند روفان كانت بتحاول تفتح لفرح ومش عارفه تفتح الباب وبتحاول تكسرو وقالت....ابعدي عن الباب يا فرح انا هكسرو

فرح قالت بسرعه..لا لا متكسرهوش قولتلك سبيني يا روفان انا تمام والله..انا مستنياه هنا مش محبوسه ولا حاجه

بقلم...زهرة الربيع

روفان اتعصبت وضغطت على اسنانها بغيظ وقالت...يا قدري الاسود بلاش تخليني اضرب نفسي رصاصه واريحك على الاخر ابعدي عن الباب بدال ما اكسرو فوق دماغك

فرح بعدت بخوف وروفان رجعت لورا ولسه هتتقدم تفتحو عمران وقف قدامها وقال بغضب...ايه هتكسري باب اوضه نومي كمان...انتي فاكره نفسك مين..لازم تفهمي انك هنا لفتره مؤقته وكلها كام يوم وهخلي رشيد بنفسو يرميكي بره القصر وبكره تشوفي

روفان ابتسمت باستفزاز وقالت...فعلا كلها كام يوم..بس الي هيحصل بعدهم مش هحكهولك هتتفرج عليه بنفسك ومش هتقدر توقفو ...بس كل الي اوعدك بيه انو مش هيعجبك ابدا يا عمران

عمران ايتسم بسخريه وقال..طب يا حلوه انا شايف ان الاحسن تروحي تشوفي جوزك..وكفايه تهديد..لاني مصدع وعايز اخد مراتي في حضني وانام

روفان لسه هتتكلم نجوى جريت عليها وقالت...يا بنتي علشان خاطري كفايه الي حصلي انهارده ارجوكي روحي لجوزك ربنا يهديكي ومتخافيش اختك هتبقى بخير صدقيني

روفان كانت بتبص لعمران بحقد رهيب بس شافت انها مش هتقدرتعمل حاجه لان فرح مراتو اتنهدت بخنقه ومشيت من قدامو وهيه هتتجنن

عمران ابتسم بسخريه ودخل وقفل الباب وراه واتقدم على فرح بعصبيه وبصلها من فوق لتحت وهو مش شايف قدامو وكل الي بيتكرر قدامو صوره عليا وهيه بتقولو انها حامل من رائف ولما طلعت معاه من البيت قدامو

فرح كانت بتفرك في اديها بتوتر من شكلو وقالت...انت كويس يا عمران

عمران ابتسم بطريقه تخوف وقال...انا تماااام...تمام جدا...اختي ...اختي طردتها من بيتها...اختي الي ربتها على اديا اخوكي ..اخوكي اخدها مني

فرح خافت من شكلو وعيونه الي بتطلع شرار وبقت ترجع لورا برعب بس عمران شدهاعليه بقوه وقال..بس مش مشكله..انا كمان اخدتك منهم...و...وقررت ان ملوش لزوم استني اكتر من كده...خلاص كفايه الليله عايز حقوقي الشرعيه منك...الليله

فرح قالت بسرعه وخوف....خدها... انا اصلا مش عيزاها

عمران بصلها باستغراب وقال..هيه ايه الي مش عيزاها

فرح قالت ببرائه...هيه الحقوق المتشرعه دي...بس قولي هيه ايه وانا اديهالك على طول ووووو

البارت الحادي عشر من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺