رواية خطوه عزيزه الحلقه الاولى بقلم_هيام_ختعن حصريه وجديده على مدونة النجم المتوهج للروايات والمعلومات

رواية خطوه عزيزه الحلقه الاولى بقلم_هيام_ختعن حصريه وجديده على مدونة النجم المتوهج للروايات والمعلومات

في احدي العمارات كانت تجلس فتاه بسيطه الجمال تمسك هاتفها تتصفح فيه

عزيزه.: ايوه ي ست نجلاء طالعه اهو

نجلاء.: صباح الخير ي عزيزه

عزيزه.: صباح الفل ع عيونك ي ست نجلاء اومريني عايزه اي

نجلاء.: الامر لله وحده اومال فين ام عزوز

عزيزه.: في البلد بتبص ع بيتنا هناك

نجلاء.: تيجي بسلامه امسكي الورقه دي فيها الطلبات اللي انا عايزاها هاتيهلي

عزيزه.: عنيه ي ست نجلاء هجيبهالك مع العيش بتاع الاستاذ معتز

ونزلت عزيزه تجيب الطلبات اللي كانو عايزينها وطلعت خبطت ع معتز

عزيزه.: وهي بتخبط معتز بيه معتز بيه رغيف العيش ب 2 جنيه

معتز.: وهو بيفتح الباب وكان لابس شورت وحاطت الفوطه ع كتفه قي اي مالك بتخبطي كده لي

عزيزه.: عيب ي معتز بيه استر نفسك

معتز.: انتي مالك اي الدوشه اللي ع الصبح دي

عزيزه.: جبت للك العيش

معتز.: بياخد منها كيس العيش وبيبص له دول 5 بس انا قايللك عايز 10

عزيزه.: ماانا لاقيت الرغيف ب 2 جنيه جيبت 5 واخدت الباقي توصيل

معتز.: يعني انتي اخده 10جنيه ن توصيل ع دول

عزيزه.: ايوه ماالدنيا غاليه واي مشوار بروحه باخد عليه توصيل

معتز.: ماشي خلاص ابقي قولي لام عزوز تبقي تطلع تنضف الشقه

عزيزه.: امي مشوهنا في البلد

معتز : ماشي وقفل الباب

عزيزه. لنفسها راجل قليل الزوق يلا اروح اطلع للست نجلاء طلباتها

وطلعت عزيزه عند نجلاء وطلعت لها الطلبات ودخلت ترص الحاجه في التلاجه وكانت بتتكلم مع نجلاء

نجلاء.: قولي لي ي عزيزه انتي عندك اخ اسمه عزوز

عزيزه.: لا انا ماعنديش اخوات

نجلاء.: اومال لي بيقولو لمامتك ي ام عزوز

عزيزه.: اصل ابويا كان نفسه في ولد ولما عرف اني بنت زعل فامي قالتله نسميها عزيزه ومن يومها الكل بيقولي ي عزوز وطلع ع امي ام عزوز والنبي ي ست نجلاء كرهوني في عيشتي وغير بقي ي ست نجلاء كل ما بروح مكان لازم حد يموت بيقولولي وشك خير ع الاماكن بس الحمد لله ليا اسبوع معاكم هنا في العماره وماحصلش حاجه

وفي الوقت دا سمعو صوت حد بيصوت وبصت نجلاء لعزيزه

نجلاء.: ربنا يستر

وقامو يشوفو في اي

عزيزه.: في اي ي ست ي ميسون

ميسون.: بابا مات

عزيزه.: لا حول ولا قوه الا بالله البقاء لله

ميسون : البقاء لله وحده

نجلاء.: انتي هتسافري لوحدك

ميسون : لا علي هيجي ياخدني

نجلاء طيب ي حبيبتي

وفي الوقت دا نادت هايدي ع عزيزه

عزيزه.: ايوه ي ست هايتي

هايدي.: اسمي هايدي ي عزيزه بال د مش بال ت

عزيزه.: ماشي ي ست هايتي

هايدي.: انا مش هتعصب اهدي يا هايدي هي ميسون بتصوت لي

عزيزه.: اصل ابوها مات

هايدي.: لا حول الله ي رب ربنا يصبرها بقولك روقي التلاجه ونضفيها وانا هروح اجيب الولاد من التمرين

عزيزه.: حاضر ي ست هايتي

ونزلت هايدي وسابت عزيزه ودخلت عزيزه فتحت التلاجه وطلعت الكل وبدات تاكل واتصلت ع فوزيه صحبتها واخدت باقي الاكل ونزلت وقعدو في مدخل العماره ياكلو وبعد وقت جات هايدى وطلعت البيت علشان تحضر الاكل لاقيت التلاجه فاضيه خالص نادت ع عزيزه

هايدي.: عزيزه عزيزه

عزيزه: ماسكه عضمه بطه بتاكلها ايوه ي ست هايتي

هايدي.: بتبص لها فين الاكل الي في التلاجه

عزيزه.: بكل براءه اكلته

هايدي.: كله

عزيزه.: ايوه ماانتي قولتي روقي التلاجه فروقتها

هايدي.: بتحط ايديها ع راسها انتي اكلتي اكل اسبوع لوحدك

عزيزه.: في اي ي ست هايتي ماتقولي الف هنا انا عزمت البت فوزيه اكلت معايا وبتديها عضمه البطه خدي مصمصي دي

هايدي.: بتبص لها بقرف روحي ي عزيزه شوفي اللي وراكي

وقفلت الباب وكانت عزيزه بتكلم نفسها

عزيزه.: مالها دي هو حد كلمها قالت روقي التلاجه روقتها وفي الاخر يبص لنا في اللقمه اللي بيدوهالنا ناس عرر

ونزلت عزيزه وقفت ع باب العماره واول ماعنيها جات ع عوض بصت له وضحكت ونادت عليه

عزيزه.: عوض ي عوض

عوض.: نعم ي عزيزه

عزيزه.: تعال ركب لي الانبوبه

عوض: امك هنا

عزيزه.: لا ي عوض مش هنا

عوض.: يبقي ماينفعش ادخل البيت وامك مش هنا

عزيزه.: لي ي عوض هو انا هاكلك

عوض.: مايصحش ي عزيزه

عزيزه.: لا يصح ي عوض دي مساله انسانيه وبعدين انا بقولك ركب لي الانبوبه مش بقولك تعالي اقعد معايا في اوضه النوم

عوض.: هاجي بس بشرط

عزيزه.: اي هو ي عوض

عوض.: تسيبي الباب مفتوح

عزيزه: ماشي

ودخل عوض مع عزيزه عشان يركب لها الانبوبه وكانت بتديله المفتاح بتاع الانبوبه

عوض.: هو بيمسك كده صح

عزيزه.: بتبص له بةستغراب هو انت مابتعرفش تغير الانبوبه ي عوض

عوض.: الشهاده لله ي عزيزه لا بس قولت ابقي شهم واجي احاول اغيرها

عزيزه.: عشان تعمل شهم ي عوض تفجر منطقه كامله دا انت لو كنت ارهابي مش هتعمل كده

عوض.: استري عليا ي عزيزه قدام البت فوزيه اصل انا بحكلها ع بطولاتي في تغير الانابيب

عزيزه.: بطولاتك دا انت طلعت خيبه ي عوض وبعدين انت مالك بالبت فوزيه

عوض.: بحبها ي عزيزه قوي

عزيزه.: بتضحك ضحكه عشان تداري دمعتها وهي تعرف

عوض.: لا ماهي بتحب الواد سيد وهو بيحبها

عزيزه.: انت مهزا ي عوض بتحب واحده مرتبطه

عوض.: القلب بقي ي بت عمي ومايريد

عزيزه.: انت لو ابن عمي ي عوض كنت اتبريت منك

وفي الوقت دا جات ام عزوز واول ما شافت عوض في البيت خبطت ع صدرها

ام عزوز.: ي مصيبتي بتعمل اي هنا ي عوض

عوض.: بغير الانبوبه ي خالتي

ام عزوز.: بتبص لعزيزه بدخلي راجل غريب وانا مش في البيت ي عزيزه دي اخرت تربيتي فيكي

عوض.: لا ي خالتي انا مش غريب

ام. عزوز.: اومال انت مين ي روح خالتك

عوض.: انا عوض ي خالتي مش غريب

عزيزه.: غريب دا تعبير مش اسم بني ادم ي غبي

عوض.: بيضحك ههه كل الناس اللي عندنا في البلد بتقول عني اني غبي

عزيزه.: وانت مالك فاخور كده لي

عوض.: اكيد لازم ابقي فخور مابيشكورو فيا

عزيزه.: انت معاك اي

عوض.: معايا الستر والصحه

عزيزه.: معاك شهاده اي ي عوض

عوض.: اشهد ان لا اله الا الله محمد رسول الله

عزيزه.: انا بسالك انت متعلم ي عوض روحت مدرسه يعني

عوض.: ماتقولي كده ووضحي اسئلتك ايوه معايا 3 ابتدائي

عزيزه.: كنت متوقعه كده بالمخ السميك دا

عوض.: يلا بخاطرك ي خالتي لو احتاجتو حاجه ابقو نادوني

ام عزوز.: ماتحرمش ي ابني

وطلع عوض وكانت ام عزوز بتزعق لعزيزه

ام عزوز.: الناس تقول علينا اي وانت مدخله عوض عندنا وانا مش موجوده

عزيزه.: ماالانبوبه عايزه تاركب وكنت سايبه الباب مفتوح ودا عوض مش غريب

ام عزوز.: احنا مالناش غير اسبوع هنا وفي بلد غريبه والناس هنا ي بنتي مش شبهنا

عزيزه.: ماتكبريش الموضوع ياما انا ماعملتش حاجه غلط وبتديها مفتاح الانبوبه امسكي ابقي ركبيها اصل عوض مابيعرفش يركب انابيب اه صحيح استاذ معتز عايزك تنضفي له الشقه

وسابت عزيزه امها وطلعت قعدت ع باب العماره وكانت عنيها ع عوض اللي كان بيبص ع فوزيه وكانت مضايقه

عزيزه لنفسها حتي عوض المعفن اللي معهوش غير 3 ابتدائي مابص ليكي وباصص لفوزيه ناقصك اي ي عزيزه عشان تلاقي اللي يحبك زي باقي البنات جميله ومعاكي دابلوم قد الدنيا دا انتي في البلد الواد سعيد كان يتمني التراب اللي تمشي عليه بس سبحان الله ماكنتش بطيقه ديما احنا كده اللي بيحبنا مش بنحبه يلا بقي نعمل اي مسيرك ي عوض تحس بيا وبقلبي

وفاقت ع صوت واحده بتكلمها وكانت رقيقه اوي بنت شعرها اصفر وعنيها خضرا وكانت ملامحه جميله وكانت لابسه بنطلون جينز وتيشرك كت

يسر.: هو معتز ساكن في الدور الكام

عزيزه.: التالت مين حضرتك

يسر.: انا يسر صاحبه معتز

عزيزه.: بس الاستاذ معتز مش هنا

يسر.: طيب معاكي رقمه

عزيزه.: مش بتقولي صحبته ازاي مش معاكي رقمه باين عليكي بت من بتوع الحوارات جاي ترمي بلاكي ع الراجل وتلبسيها فيا لما يبلغ عنك والحكومه تسالك جيبتي الرقم منين تقولي عزيزه وتطلعي انتي زي الشعره من العجينه وانا عزيزه الغلبانه اللي تلبس القضيه

يسر.: بس بس اي دا كله انتي اي السناريو الي بتقولي دا انا كنت مسافره بره مصر ولسه راجعه والارقام اتمسحت

عزيزه.: بس تبقي حامل منه وجايه تقوليه عشان يعترف بالواد اللي في بطنك

يسر.: اي الهبل دا انتي باين عليكي بتتفرجي ع افلام كتير

عزيزه.: ايوه بسمع مسلسل الحقيقه والثراب لما الست مي عز الدين كانت حامل من الواد المزدا وماكنتش عارفه تعمل اي

يسر.: طيب خليكي في مسلسلاتك وهاتي رقم معتز

عزيزه.: لا يافالحه سيبي انتي رقمك وانا ابقي اخليه يكلمك

هستنا تعلقتكم

يتبع

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇