روايه جديده وحصريه بقلم كوكي سامح (أنا وحمايا) كامله جميع الفصول على مدونة النجم المتوهج للروايات والمعلومات

روايه جديده وحصريه بقلم كوكي سامح (أنا وحمايا) كامله جميع الفصول على مدونة النجم المتوهج للروايات والمعلومات

وانا مع جوزى دخل علينا حمايا وفتح الباب انا شوفته وهو بيبص علينا لحد ما جه اليوم اللى قومت مفزوعه من النوم وانا حاسه بحد بيحسس على رجلى فتحت عينى لاقيت حمايا واقف قصاد السر*ير ولما حس انى شوفته جرى على بره وقفل الباب! ما احنا عايشين معاه فى نفس الڤيلا لأن جوزى رافض ان ابوه يعيش لوحده انا اتجننت مش اول مره من زمان وانا حساه بيبصلى بنظرات غريبه حتى وانا وجوزى بنهزر مع بعض كان بيضايق وكان بيغير من حبى لجوزى وحبه ليه بس كنت بكدب نفسى بجد الراجل ده مش طبيعى أب يعاكس مرات ابنه الوحيد فضلت احسبن عليه وقولت لنفسى اعمل ايه 😒 هو انا علشان فقيره يعمل فيه كده انا مضطره اسكت علشان خاطر اشرف جوزى طول النهار تعبان فى الشركه وشايلها على دماغه ومش هيستحمل حاجه على ابوه والكارثه اخاف يكدبنى ويقولى ان ابوه ميعملش كده ولو قالى كده هكرهه ومش هعيش معاه تانى ✋ انا أميره عندى 24 سنه بكالريوس تربيه على قدر من الجمال والاخلاق والحمد لله متربيه احسن تربيه اما اشرف جوزى 26 سنه بكالريوس هندسه وماسك شركه ابوه هو المسؤل عن كل كبيره وصغيره فالشركه بينزل من 8 الصبح ويرجع 12 بالليل انا عرفت اشرف من الشركه ما انا كنت بشتغل فيها فالسكرتاريه واول لما شوفت اشرف أعجبت بيه وهو كمان اول لما شافنى أعجب بيه وعلى طول اتقدملى وفى وقتها كانت لسه حماتى عايشه وكان اتفقنا ان انا ليه شقه لوحدى احنا اتخطبنا سنتين وحماتى ماتت قبل جوازنا بكام شهر وأشرف طلب من بابا وماما ان انا وهو نعيش مع باباه علشان يكون جمبه ما هو حمايا راجل كبير بس مش اوى هو عنده 55 سنه اه بس شايف نفسه صغير وبيصبغ شعره👌 وكانت نظراته غريبه بس عمرى ما اتوقعت انه هو يبصلى او حتى يفكر فيه ده انا مرات ابنه الوحيد😁 وفى يوم بعد جوازنا بكام شهر ما كلكم عارفين ان اول سنه فالجواز بتكون تعارف بين الزوجين كلها شد وجذب يعنى لسه بنعرف طباع بعض انا وأشرف اتخنقنا خناقه كبيره بسبب اخته سومه كانت جايه تزورنا فقالت انى نضفت ع حس اخوها واتعلمت اللبس من الاخر بتعايرنى، انا زعلت وكبرت الموضوع فى وقتها اشرف كلم بابا وماما علشان ياخدونى وفعلا مشيت وغضبت فى بيت أهلى وبعدها بكام يوم لقيت حمايا كلم بابا وقاله انه هو وأشرف جايين يصالحونى ولما جم وقعدوا حمايا فضل يقول كلام غريب انه على قد ما يقدر مش بيقعد معايا فى نفس المكان وحتى لما نيجى ناكل بياكل لوحده علشان يسبنى براحتى بس قولت لنفسى ليه يكدب وقولت ده راجل كبير مش مهم يمكن مش قصده بس بابا قاله انت ابوها رد وقال انه وقت قبل ما يسيب الشركه حصلت مشكله لواحد صاحبه ان مرات ابنه بتتهمه انه بيعاكسها بصراحه انا استغربت وبابا بس استهترت بكلامه وقولت يمكن كلام وخلاص بس دلوقتى اتأكد انه مش كلام ✋ حمايا بيعاكسنى وانا مرات ابنه الوحيد وأم حفيدته ده انا شيلاه من على الأرض شيل لما تعب انا اللى وقفت جمبه وقولت انه ابويا التانى حتى بنته مشغوله فى بيتها وكل كلامها انها متكله عليه طيب اعمل ايه يارب أواجه حمايا ولا اقول لأشرف بس اخاف يكدبنى ودلوقتى بعد ما قفل الباب وخرج اعمل ايه 😒 انا خايفه ومرعوبه من الراجل ده انا لو قولت حاجه هخسر بيتى وجوزى وبنتى وبيتى هيتخرب انا لازم أمشى من الڤيلا؟ بس هقول لأشرف ايه وكمان مش هيسيب ابوه لوحده وهيسألنى ليه؟!! ياربى الحل ايه انا حاسه انى هتجنن لازم اشغل عقلى واتصرف؟؟ وفضلت افكر ومش عارفه هعمل ايه وانا قاعده مكانى والتفكير شاغلنى الباب خبط خبطه متتسمعش يعنى لو نايمه مش هسمعها اكيد ده حمايا انا لازم اتصرف واعمل نفسى نايمه ايه ده؟ ده بيفتح الباب........

ج.2...

حمايا اتجنن خلاص وناوى على خراب البيت ايه ده! ده بيفتح الباب وعملت نفسى نايمه علشان اشوف اخرتها معاه ايه وفعلا لاقيته دخل عليه وانا نايمه وكرر نفس اللى عمله روحت اتحركت علشان لو طول على عن كده هرتكب فيه جريمه قام جرى بسرعه وقفل الباب وراه روحت قمت من مكانى ولابست بنطلون وتيشرت من خوفى منه مع انى كنت الأول بلبس عادى يعنى ترينج بيت عادى بس دلوقتى مبقاش ينفع وجريت على اوضه بنتى اطمن عليها ما انا خايفه عليها اوى مع انها حفيدته منه لله خوفنى وحسيت انى فى عالم غريب حسبى الله وكفى ده انا مرات ابنه فى مقام بنته ودخلت لاقيت بنتى نايمه ومعاها الداده بتاعتها واسمها عبير هى بنت الداده اللى ربت اشرف الموجوده هنا وحمايا بيقول دى عشره عمر وخرجت ونزلت على تحت اشوف حمايا العزيز بيعمل ايه ولما نزلت لاقيت الداده فوزيه مامت عبير وقالت مالك يا أميره وشك مخطوف ليه كده

اميره : نعم يا داده انا كويسه

الداده : احضرلك فطار يا بنتى

أميره : ياريت بس خفيف لو سمحت

الداده : حماكى عونى بيه بيفطر بره فالجنينه

اميره : بيفطر هو لاحق

وقولت فى سرى ده لسه كان خارج من اوضتى

الداده : هدخل احضر الفطار

اميره : بقولك يا داده انا اللى هحضر اللبن لحبيبه بنتى

الداده : حاضر

اميره : انا خارجه الجنينه لما تحضرى الفطار ابقى نادى عليه

وفعلا اميره خرجت الجنينه تشوف حماها ولقيته قاعد بيفطر ولا كأنه عامل اى حاجه ولسه هتكلمه هو قال صباح الخير يا اميره تعالى افطرى

أميره : قالت بغل الف هنا 😁

الحما : تعالى بس يا بنتى

اميره قالت فى سرها بنتك هو انا لو بنتك هتعمل فيه كده منك لله وقالت شكرا يا عمى الداده بتحضرلى فطار

وتليفون اميره رن وقالت ده اشرف ورددت عليه وقفلت معاه وقالت ده كان بيطمن عليه وعلى حبيبه وحضرتك

الحما : قوليلوا ابوك بمب 😂

اميره : ربنا يديك الصحه يا عمى

الداده : ستى اميره الفطار جاهز

اميره : حاضر انا جايه

الحما : ما قولتلك افطرى معايا

اميره : عن اذنك هروح افطر

وفعلا اميره سابت حماها بيفطر وراحت تفطر وعماله تفكر اعمل ايه انا خايفه اوى اوى

واول ما قعدت عالسفره ولسه هتاكل

عبير نازله جرى عالسلم وقالت الحقى يا مدام اميره حبيبه سخنه مولعه الحقى بسرعه

اميره سابت الاكل وجريت تشوف حبيبه فيها ايه وقالت لعبير روحى بسرعه هاتى مياه من الحنفيه وهى طالعه عالسلم ومخضوضه اتكعبلت عالسلم وقامت ودخلت اوضه حبيبه وراحت شيلاها وجستها وقالت فعلا البنت مولعه وسخنه نار وهى شايله البنت لقيت ايد مسكاها بصت وراها لقيت حماها وقالت عمى هو ايه ده انت بتعمل ايه بس هو رد وقال بساعدك يا بنتى هى مالها حبيبه بس اميره مردتش عليه وكانت مخضوضه على بنتها

عبير : المياه اهى يا مدام

أميره : خلاص انا هروح الدكتور ولا اقولك هاتى طبق ومنديل قطن وانا هعملها كمادات وفعلا عبير حضرت طبق ومنديل قطن واميره عملت كمادات لحبيبه لحد ما السخونيه نزلت وحماها واقف وساكت واول لما عبير خرجت من الاوضه حماها قرب من اميره وقالها متقلقيش يا حبيبتى حبيبه هتبقى زى الفل

اميره : ان شاء الله عن اذنك انا داخله اللبس واخد حبيبه للدكتور

الحما : لا انا هتصل بالدكتور يجى لحد هنا

اميره : اوك

حماها مسك التليفون واتصل بالدكتور وفعلا بعد نص ساعه والدكتور كان موجود وكشف على حبيبه وقال عندها احتقان فالزور واميره خدت الروشته وادتها لعبير تروح تشترى العلاج وفعلا عبير راحت متأخرتش ورجعت بسرعه وادت لحبيبه العلاج وحبيبه نامت واميره قاعده جمبها وعدى وقت كبير لحد ما الساعه دقت 7 بالليل وأشرف وصل

اميره : اشرف انت جيت اسكت حبيبه كانت تعبانه اوى

اشرف : انا خلصت بدرى النهارده مالها حبيبه هى فين

اميره : الحمد لله السخونيه نزلت ونايمه ع كده من الصبح

اشرف : فين بابا

اميره : فى اوضته لسه طالع فوق

الداده : هحضر العشا

اشرف خد اميره وطلعوا يطمنوا على حبيبه وبعد ما اطمنوا وكانت عبير مع حبيبه

وأشرف دخل اوضته يغير هدومه واول لما دخل الاوضه حضن اميره بس اميره كانت بتعيط

اشرف : بتعيطى ليه حبيبه هتبقى كويسه

اميره قالت فى سرها انا بعيط ع ابوك الواطى مش عارفه هعمل ايه

اميره : ان شاء الله هتبقى كويسه بقولك يا اشرف انا عاوزه شقه بره

اشرف : اكيد بتهزرى

أميرة : اه بهزر 😁

الباب خبط واميره قالت اكيد الداده وفعلا قالت العشا جاهز ونزلوا ولقت حماها قاعد عالسفره واول لما قعدوا وابتدوا ياكلوا اشرف كان بيتكلم مع باباه واميرة كانت مستمعه وفجأه حست برجل وبتحسب اشرف وفضلت تلمس رجله وفجأه تليفون اشرف رن وقام من على السفرة وقالت يا نهار اسود دى رجل حمايا وبصت وقالت حاسب رجلك يا عمى

الحما: رجلى وجعانى

اميره : انا قايمه عن اذنك 😁😁

اشرف : اميره فين يا بابا

الاب: طلعت انا قايم انام

اشرف : بدرى كده تصبح ع خير

الاب : وانت من اهله

وأشرف طلع ع اوضته واميره كانت بتطمن ع حبيبه ولما اطمنت دخلت ع اوضتها والوقت عدى والساعه دقت 12 بالليل وأشرف نام بس اميره بتفكر تقول لاشرف ع ابوه ولا لا وقالت لما اقوم اطمن ع حبيبه وقامت تتسحب من جمب اشرف ودخلت ع اوضته حبيبه ولاقت حماها فى حضن عبير وقالت حمايا وعبير....

ج 3و4...

لاقيت حمايا فى ح*ضن عبير يا نهار اسود حمايا الراجل الكبير ده ووقفت اتسمرت اتصرف ازاى وقولت لازم اخليهم يشوفونى بس فكرت شويه وقولت لأ وانا مالى المهم يبعد عنى وعملت نفسى عبيطه بس سمعت صوت عبير بتقول ارحمني انا زى بنتك روحت دخلت غصب عنى واول لما شافنى قام وقف واتجنن وزعق فيه وقال ايه اللى دخلك هنا مش المفروض تخبطى بصيت بقرف وقولت يا عمى دى اوضه بنتى وانا داخله اطمن عليها دى مش اوضتك وبعدين ايه اللى بيحصل ده وبصيت لعبير لاقيتها بتعيط وقالت والله يا مدام انا كنت نايمه لاقيته اتهجم عليه ومش اول مره وماما الله يجازيها انا اشتكيت كتير وهى مش مصدقه وبتجبرنى عالشغل هنا انا تعبت وزهقت والله صدقينى لاقيت نفسى بقول لعبير خلاص كفايه لحد كده شغل ياريت متجيش تانى بس حمايا مسكتش وقالى هو بيتك علشان تتحكمى فيه بقولك ايه انتى هنا زى اى حد ويلا خودى بنتك وروحى اوضتك...

حسيت انى اتكسفت وحسيت انه فعلا مش بيتى خدت بنتى وخرجت مكسوره الجناح وروحت اوضتى وسبت عبير معاه وسمعت صوتها وهى بتقولوا كفايه حرام عليك

انا حسيت انى ضعيفه ولازم أمشى من هنا فى اسرع وقت بس اعمل ايه 😒 ده غصب عنى.. دخلت اوضتى وأشرف صحى لما دخلت وقالى حبيبه فيها حاجه وانا بصراحه مش عارفه اقول ايه قعد عالسرير وحبيبه ع ايدى وقولت لأشرف عاوزه اتكلم معاك بس اشرف قالى الصبح نتكلم انا عاوز اكمل نوم مش قادر بجد وفعلا نام وانا فضلت قاعده جمب حبيبه وبفكر هعمل ايه انا مش مرتاحه هنا ومفيش امان وحاولت انام ولما نمت قومت ع كابوس

اشرف : اميره اصحى مالك

اميره : انا حلمت حلم وحش بس لا ده كابوس مش حلم

اشرف : خير

اميره : انا خايفه انا احلامى بتتحقق

اشرف : يا بنتى متخافيش بس وخودى اشربى مياه

اميره : مش عاوزه انا هنام

اشرف : انتى حلمتى بأيه

اميره : حلمت انى واقفه فى مكان غريب معرفوش وبابا غرق فالبحر ومطلعش منه بس

اشرف : وده معناه ايه

اميره : ربنا يستر

اشرف : هو ده الحلم خير يا بنتى

اميره قالت فى سرها وابوك كمان كان معاه يارب عديها ع خير

اشرف : بتكلمى نفسك

اميره : لا انا هنام

وفعلا اميره خدت حبيبه فى حضنها ونامت وأشرف كمان نام وفى صباح اليوم التالى اشرف صحى وساب اميره نايمه جمب حبيبه لانه حس انها تعبانه ونزل يفطر وخلص فطار وراح شغله

واميره صحيت من النوم على صوت زعيق ونزلت تشوف فى ايه لقيت حماها بيتخانق مع عبير وطبعا اميره عارفه انه بيتلكك وقالت فى سرها اكيد البنت دى مظلومه انا عرفت حمايا ده راجل مش طبيعى اذا كان بيعاكسنى انا

اميره : هو فى ايه يا جماعه

الداده : مش عارفه يا مدام عونى بيه النهارده مزاجه مش حلو

اميره : مين مزاجه يعنى ايه

الحما : خلاص يا ست اميره البنت غلطت وخلصنا

اميره : حاضر انا طالعه اشوف بنتى

وفضلت افكر ازاى يوصل مع عبير لدرجه دى ده راجل غريب ربنا يهدى المهم احافظ ع بيتى وجوزى وبنتى

الداده : انا حضرت الفطار تعالى يا بنتى افطرى

اميره : انا هاخد فطارى فوق

الداده : ايه حكايتك متفطرى هنا مع حماكى يا بنتى

الحما : خليها ع راحتها

عبير : انا طالعه اشوف حبيبه

اميره : بنتى فى حضنى هى قاعده معايا

الداده : عبير خودى طلعة الفطار فوق لمدام اميره

عبير : حاضر

وعبير خدت الفطار وطلعت عالفوق على اوضه اميره وحطت الفطار وخرجت وراحت قعدت فى اوضه حبيبه

اميره دخلت اوضتها لقت الفطار على الترابيزه وعبير مش موجوده وقالت اكيد فى اوضه حبيبه انا لازم اتكلم معاها قبل ما حد ياخد باله وراحت ع اوضه حبيبه ولقت عبير قاعده بتعيط ...

الجزء_الرابع

اميره قالت لعبير ممكن افهم علاقتك ايه بحمايا وازاى وصلتوا لكده ومن غير كدب

عبير : احنا فقرا ومش قد حماكى هحكيلك على كل حاجه حاضر على فكره يا مدام اميره انا كنت بشوف حماكى وهو بيبص عليكى من الباب وشوفته كذا مره وعارفه انه بيعاكسك

اميره : احكى عندى فضول اعرف

عبير : هقولك انا ماما بتشتغل هنا من زمان وانا كنت صغيره كنت ع طول معاها ولما كبرت شويه وشديت حيلى بقيت اساعدها فى شغل الڤيلا لحد ما جه اليوم إللى كنت بروق اوضه عونى بيه وكنت فرحانه اوى مش عارفه ليه فتحت الدرج لقيت برفان روحت رشيت منه على هدومى والبرفان ده كان حريمى وفضلت اروق ومبسوطه واليوم ده مكنش حد موجود فالڤيلا خالص حتى ماما كانت نايمه فى اوضتها وهى نومها تقيل واليوم ده كنت قاعده ع راحتى خالص ولابسه ملابس داخليه

اميره : داخليه ازاى يعنى

عبير : زى الناس ما هو مكنش حد هنا

وفضلت اروق وفجأه لاقيت عونى بيه بيحضنى وفضلت اتوسل اليه وحلفته بالغالين بس مكانش فى قلبه رحمه وفقد عذريتى وتعبت نفسيا بعدها وبعدين اتعودت ولا اققولك خوفت منه

اميره : مع انك كنتى بتقولى ارحمنى ازاى وانتى متعوده يعنى مش اول علاقه انتى كلامك مش منطقى

عبير : صدقينى كل مره بفتكر انها اول مره انا ساعات بحس انى بحلم انا تعبانه

اميره : بلاش دموع عموما أمشى من هنا وريحى نفسك

عبير : ماما مش بترضى

اميره : انا هتصرف

وتليفون عبير رن بس عبير ارتبكت وبعدت وراحت ترد على التليفون بعيد عن اميره بس اميره مش بالها اللى يهمها ازاى تظبط حياتها ولا تمشى من البيت ده وتخلص المهم ان بيتها ميتخربش

اميره دخلت اوضه حبيبه وفضلت تفكر تعمل ايه مع حماها وقالت لازم اكلم اشرف فالمصيبه دى بس لما يرجع لازم اعرف حمايا الأدب وبعد ما فطرت خدت الصينيه ونزلت ولقيت حماها قاعد بيشرب قهوه ودخلت المطبخ وحماها دخل وراها ولمس جسمها بس اميره قالت بقولك ايه يا عمى انا مش بتاعه الكلام ده انا مرات ابنك وبنت ناس ياريت تحترم نفسك معايا انت فاهم مش كفايه البنت الغلبانه دى اتجوزها وريحنا يأما ودينى هقول لأشرف على كل حاجه بس حماها قال هههه انتى انا هعرفك ازاى هههه اشرف ده ممكن اطرده فى اى وقت

راحت اميره قالت كده بقى اللعب على المكشوف انا كنت بحترمك وبعتبرك بابا إنما من النهارده لو ضايقتنى هتزعل منى اوى وخرجت على بره

والوقت جرى والساعه دقت 10 بالليل واميره قاعده وشايله حبيبه ويدوب لسه حبيبه بتخف والسخونيه نزلت واتحسنت

وحماها بجح وقال لأميره قومى اعملى قهوه انتى بتعمليها حلو بس اميره قالت فى سرها انت راجل بجح فعلا ربنا يهدى

بس حماها مش ساكت وطلب من اميره تانى تعمل قهوه وفعلا اميره عملت القهوه وحماها شرب منها وكان حالف لأميره انه هيوريها لأنها هددته وبعد ما اميره عملت القهوه خرجت وحماها شربها وبعد ما شربها مسك بطنه وفضل يصوت وفى نفس، دخله اشرف وكان بيقول اميره سممتنى الحقونى اشرف جرى عليه واميره راح زق اميره بغباء وقالها عاوزه تموتينى بس اميره انهارت وحماها قال بهزر يا بنتى وأشرف قال لابوه تهزر ايه بس راحت اميره طلعت ع اوضتها لمت هدومها وأشرف مسك فيها وهى مرضيتش وقالت هروح ع بيتنا انا تعبت هنا وأشرف مش فاهم حاجه وفعلا خدت حبيبه ومشيت وراحت ع بيت ابوها وفضلت قاعده هناك وأشرف فضل يلوم ابوه انه غلطان فى حق مراته واميره غابت عن البيت اسبوع وأشرف تعبان نفسيا وخصوصا بعد ماراح يصالح اميره وطلبت شقه بره يأما تطلق بس اشرف بقى يحاول مع ابوه علشان يصلحها وابوه رافض وفى يوم كان اشرف فى شغله وابوه اتصل بأشرف وقاله انا هروح اجيب اميره اسبقنى ع هناك نجيب مراتك وطبعا اشرف مش فاهم اى حاجه غير انه هزر مع اميره وهى زعلت وفرح جدا من موقف ابوه وفعلا ابوه ركب العربيه وراح ع بيت اميره وأشرف سبقه ع هناك وأشرف قاعد فى بيت حماه ساعتين مستنى ابوه واتصل بيه والفون مغلق لحد ما تليفون اشرف رن بس اشرف استغرب وقال عبير خير ورد عليها بس لاقاها بتعيط وبتقول الحق يا اشرف بيه عونى بيه ابوك العربيه اتقلبت بيه ومات...

ج5..

اشرف انهار لما عرف ان ابوه ما.ت واتقلبت بيه العربيه وأميره سمعت الخبر وجريت مع أشرف وحماه واسمه كمال وراحوا كلهم على المستشفى وأشرف اتصل ب عبير علشان يعرف اى مستشفى ولما عرف المستشفى راحوا كلهم على هناك واول لما اشرف دخل الاستقبال وسأل على ابوه الممرضه قالت أكدت انه اتوفى ومدير المستشفى عاوز اشرف بس اشرف كان منهار وفضل يعيط بس حماه ابو اميره عمل الإجراءات كلها بس قال لاشرف مش هينفع نطلع تصريح دفن غير بأمر النيابه بس اشرف استغرب وقال نيابه ايه هو فى ايه يا عمى كمال

كمال : والله يا ابنى انت كنت منهار ومعرفتش ابلغك

اشرف : تبلغنى ايه 😒🤔

كمال : الحاد*ثه بفعل فاعل عونى بيه مات مقتول الفرامل كانت مقطو*عه

اشرف : ايه ابويا اتقتل طيب ازاى ومين وليه يقتله والفرامل كمان وبفعل فاعل اكيد فى حاجه غلط

كمال : بص يا ابنى إكرام الميت دفنه احنا نعمل الإجراءات الدفن وطبعا وكيل النيابه فهمنى انه بعد تشريح الج*ثه وبعدها هناخد تصريح الدفن ارجوك يا ابنى فوق كده وان شاء الله النيابه هتحقق وهتعرف الفاعل

كمال : اشرف يا ابنى احنا دلوقتى ملناش لازمه هنا النيابه هتحقق وهيشرحوا الجثه ولو فى جديد هيكلموك

اشرف : حاضر يا عمى

اميره : يلا يا اشرف بقولك تعالى نقعد فى بيت بابا ايه رأيك الفتره دى

اشرف : لا انا لازم اخد عزا بابا الأول

اميره : دى قضيه ومسأله إجراءات يلا يا حبيبى

وفعلا اميره اخدت اشرف وابوها وراحوا على الڤيلا وكانت حبيبه بتزن وكأنها حاسه باللبيحصل

واول ما دخلوا الڤيلا عبير كانت قاعده هى والداده وكان واضح على وشها الفرحه والشماته

الداده : 😭 عونى بيه ربنا يصبرنا يارب

عبير : ااااه يا عونى بيه الله يرحمك ويصبر قلوبنا على فراقك😂

اميره : خلاص يا جماعه معلش اشرف تعبان عاوز يرتاح عن اذنكوا هو طالب الرحمه والمغفره وبس اكتر من كده لأ يلا يا اشرف تعالى يا حبيبى نطلع على فوق

وفعلا اميره اخدت اشرف وحبيبه وطلعت على فوق وقالت لعبير تحضر اوضه لأبوها علشان هيبات معاهم وعبير جريت وحهزت اوضه وكمان حضرت عشا ودخلت عليه وقدمت العشا وقالت عاوز حاجه تانيه يا بيه ومسكت ايده

كمال : فى ايه يا بنتى عيب كده ده انا قد ابوكى

عبير : قد ابويا ههههه ده انت فى عز شبابك وليه مش راجل يعنى

كمال قام مسك عبير من ايدها وخرجها بره الاوضه وقالها انه مش هيتكلم لأنها زى بنته

وعبير خرجت مكسوره الخاطر وقالت ايه 😒 ده انا حتى مغريه😉 فينك يا عونى بيه مكانتش بتاخد فى ايدى غلوه 😆 هههههههه وقالت فى سرها انا لازم اضر*ب على الحديد وهو سخن وراحت على اوضتها نامت

وفى صباح اليوم التالى الكل صحى وفطر وأشرف قال عمى كمال معلش هتعبك معايا ممكن تيجى معايا النيابه نتابع الإجراءات بس، كمال قاله انت ابنى وان شاء الله ربنا هيطمن قلبك ونعرف الحقيقه

وراحوا على النيابه وكانت الصدمه ان بعد التحقيقات القضيه اتقيدت ضد مجهول المجنى عليه مكانش لى اعداء والنيابه امرت بتصريح دفن الج*ثه والإجراءات خلصت وعونى ادفن وادفن معاه سره ومحدش يعرف مين القاتل وبعد يوم شاق وطويل بين دفن وترب وحزن اشرف راح هو وحماه واول ما دخل الڤيلا لاقى سومه اخته قاعده وبتعيط وقالت

سومه : كده يا اشرف تدفن بابا من غيرى

اشرف : اهدى كده يا حبيبتى انتى مكنتش هنا ومكناش نقدر نستنى وخصوصا بعد تصريح الدفن وتشريح الجثه كل ده اخد وقت

سومه : تشريح ايه هو بابا ماله

اشرف : بابا اتقتل الفرامل كانت مقطو*عه 😭

سومه : يا نهار اسود ابويا يتقتل يا حبيبى يا بابا ليه كده منك لله يلى حرمتنى من ابويا يارتنى ما كنت سافرت وسبتك يا حبيبى

عبير قالت فى سرها مفيش انسب من الوقت ده لازم اضرب عالحديد وهو سخن وقالت اشرف بيه

اميره وابوها وسومه وأشرف والداده بصوا لعبير وأشرف قال خير يا عبير مال صوتك عالى كده ليه فى ايه بتزعقى ليه

عبير : انا ليه حق هنا انا حامل من عونى بيه.......

ج. 6..

عبير رمت القنبله وقالت إنها حامل من عونى وأشرف اتجنن وقال ازاى حامل انتى يا جربوعه هيكون ليه اخ منك راح مسك ايدها وقدام الكل سومه ومراته وحماه والداده وجرجرها لحد بره الڤيلا وهنا الداده قالت ايدك يا اشرف يا ابنى على الاققل احترمنى ده انت متربى على ايدى

سومه : هو ايه اللى بيحصل ده عاوزه افهم مين حامل من مين ابويا انا عونى بيه يكون على علاقه بحته بت خدامه

اميره : براحه يا جماعه عاوزين نفهم كل حاجه فى حاجه غلط

عبير : ما تتكلمى يا مدام اميره وقولى للكل انتى شوفتى ايه😒 وشوفتى عونى بيه عمل فيه ايه ابوس رجلك قولى انا هروح فى داهيه انا واللى فى بطنى

أميره : اه انا شوفت عونى بيه وهو كان معاها فى اوضه حبيبه وكانوا فى وضع وحش اوى

اشرف : وازاى متقوليش يا اميره

اميره : حبيبى انا اسفه ده يخص عمى هو مش صغير يعنى

اشرف قعد على الأرض وحط ايده ع خده وقال ياريتك كنتى قولتيلى خلاص احنا كده اتفضحنا وسمعتنا راحت فالأرض

سومه : بابا معقووول يخون ماما ده طول عمره عايش على ذكراها ليه بس كده يا بابا 😭

الداده خدت عبير وقالت إنها هتمشى لحد ما الدنيا تهدى وتحاول تفهم من عبير كل حاجه والداده خرجت من ڤيلا ووقفت فى الجنينه ولأول مره من سنين تسيب الڤيلا وتمشى وخرجت حزينه من عمايل بنتها عبير وفى نفس الوقت زعلت من عونى لأنها كانت شيلاه من على الأرض شيل وفضلت تقول كده يا عونى بيه ضعيت مستقبل بنتى ولقت عبير جايه تمسك ايدها وقالت انتى بتعيطى يا ماما ده انا هعيش فالعز وهما ماشين اميره نادت على عبير وقالت

اميره : تعالى يا عبير لو سمحت عن اذنك يا داده

وخدت عبير ووقفوا على جنب ومسكت ايدها وقالت انتى يا بت انتى احنا متفقناش على كده ايه موضوع الحمل ده يا روح ماما

عبير : ههههههه ايه زعلانه انى حامل وهاخد فلوس واعيش ذيكم

اميره : لا مش زينا وانتى عارفه كويس مش دى مشكلتى خالص بس انتى مش حامل من الأساس وقسماً بربى هفضحك واقول انك مش حامل من الأساس وخلى بالك اشرف هيعمل تحليل دى ان ايه وهتروحى فى داهيه احنا اتفقنا على القتل بس وهتاخدى قرشين وتمشى من هنا اهو انا ارتحت من قرفه وانتى كمان ارتحتى إنما تقولى حاما وحوارات علشان تورثى وتجبيى عيل من الشارع شوفى مين ضحك عليكى وجايه فالاخر تشاركى جوزى وبنتى فالميراث لأ يا حبيبتى انا ميضحكش عليا خودى الفلوس اهى وغورى من هنا مشفش وشك تانى فاهمه

عبير : بس انا مقتلتوش ولا قطعت فرامل.......

ج. 7و8..

اميره اتصدمت ومسكت عبير من ايدها وزقتها وقالت مين يا اختى بتقولى ايه ازاى انتى مقتلتهوش اومال مين ان شاء الله يبقى انا 😂🤔

عبير: والله ما انا يا مدام اميره مش انا صدقينى اه انا اتفقت معاكى فعلا

اميره : يا داده لو سمحت تعالى عاوزاكى

الداده : نعم يا بنتى

اميره : بصى يا داده ادخلى اوضه البواب دلوقتى هى فاضيه هتلاقى فيها شنطه لو سمحت هاتيها

الداده : حاضر

والداده راحت ع اوضه البواب واميره كانت بتوزعها علشان تتكلم مع عبير بس سومه اخت اشرف خرجت وقالت لأميره انتى واقفه بتعملى ايه مع البنت دى

اميره : ها اه انا بس بسألها على مواعيد رضعه حبيبه

سومه : انجزى وانتى يا ست عبير مشفش وشك هنا فعلا قليله الأصل مطمرش فيكى المعروف

الداده : مدام اميره مفيش شنط فالأوضه

الداده : يلا يا عبير يا بنتى حقنا عند ربنا

بس عبير قالت حاضر يا ماما بس انا مش هسيب حق اللى فى بطنى

اميره : عبير استنى منى تليفون هكلمك اوك

عبير : ماشى

عبير : يلا يا ماما

وعبير والداده خدوا بعضهم ومشيوا وفضلت اميره تكلم نفسها وتقول ازاى عبير مقتلتهوش اومال مين اكيد البت دى كدابه وانا مش هسبها اقسم بربى مش هسبها بس لما اكلمها وهشوف حكايتها ايه ياااا لما ادخل جوه علشان الدنيا زمانها مولعه بسبب المصيبه اللى قالتها عبير

وخدت بعضها ودخلت وشافت سومه بتتكلم فالفون واميره واقفت تتسنط عليها وقالت هى لحقت تتكلم فى التليفون هى بتكلم مين دلوقت لما اشوف كده بتكلم مين وسمعت سومه بتكلم جوزها وبتقولوا اوعى تيجى دلوقتى انا اللى هاجى البيت خليك مكانك انا عارفه انك عندك شغل وقفلت معاه وكان وشها مخطوف وشافت اميره فى وشها وقالت قولت اكلم جوزى اه ما انا خوفت ياجى ويشوف فضايحنا 💔 بقى بابا حته بت خدامه زى دى تضحك عليه 😭 اه يا حسرت قلبى عليك يا بابا وعلى المصيبه اللى حطتنا فيها

اميره قالت فى سرها ابوكى ده دكان بيبصلى وقرفنى فى عيشتى بس يا ترى مين اللى قتله وريحنى منه 😁 هتجنن؟!! ونفسى اعرف مين 🤔

سومه شاورت بإيدها على وش اميره وقالت ايه انتى بتكلمى نفسك ولا ايه

اميره : لا بفكر بس هنعمل ايه وكمان حاله اشرف وحشه اوى عن اذنك يا سومه هطلع اشوفوا واحاول اخليه ياكل حاجه ياااااا بابا فين هو راح فين

سومه : باباكى مشى يا بنتى من بدرى انتى محستيش بيه ولا ايه

اميره : لأ كفايه الغلب اللى انا فيه هبقى اكلمه عن اذنك يا سومه هطلع اشوف اشرف وانام وطبعا البيت بيتك مفيش كلام تصبحى على خير

سومه : وانتى من اهله

واميره طلعت على اوضتها وكانت حبيبه بتعيط واول ما دخلت لقت اشرف قاعد على السرير ماسك التليفون ومحسش بيها خالص

اميره : حبيبى شد حيلك ربنا يصبرك

اشرف : ها اميره تعالى يا حبيبتى هى مالها حبيبه

اميره : والله شكلها حاسه باللى احنا فيه

اشرف : هى عبير مشيت خلاص

اميره : اه وانا قولتلها لو شوفت وشها هنا تانى وقالت كلام مالوش لازمه زى اللى قالته ده هتعرف شغلها

اشرف : كلام ايه 🤔 دى بتقووول حامل 🤰 يعنى وقعتنا سووده؟! 😒بس انا هوريها ازاى وهعرفها شغلها حتى لو اضطريت احبسها ولا هسلط عليها اتنين ستات يسقطوها ونخلص....

الجزء_السابع

اميره يا نهار اسود يا اشرف تسقطها بس اشرف قال انا قولت لو اضطريت مش هقبل بالفضيحه دى تحصل دى مهزله او ممكن اديها قرشين كويسن وتسكت بس لو مرضيتش تاخد فلوس وفضلت تقول ميراث وحق هضطر اسقطها 😁

اميره : اللى تشوفوا بقولك يا حبيبى مش هتاكل انتى مأكلتش حاجه من الصبح

اشرف : انا عاوز انااااااااااام

اميره : نام يا حبيبى انا هنيم حبيبه وهنام

اشرف : تصبحى على خير يا حبيبتى

اميره : وانت من اهله

وأشرف راح فالنوم واميره نيمت حبيبه وقامت تتسحب ونزلت تحت ولقت سومه قاعده بتتكلم مع جوزها وفاتحه فيديو وبيكلموا بعض ولما شافتهم رجعت وطلعت على فوق ودخلت اوضه حبيبه بنتها وطبعا الاوضه فاضيه واول ما دخلت قالت اول مره احس بحريه فالبيت ده لأنى بجد كنت زهقت وفتحت الشباك وبصت للسما وقالت يارب سامحنى علشان اتفقت على قتل حمايا بس كان غصب عنى انت العالم بس انت فعلا كبير يارب لأن خطتى فشلت وعبير مقتلتهوش لأنك عالم انى طيبه وقفلت الشباك وقالت اومال مين اللى قتله وقالت لما اكلم ست عبير وافهم منها حصل ايه وخرجت وراحت على اوضتها ودخلت نامت جمب اشرف واول لما نامت على المخده قالت يااااه اول مره احس انى نايمه فى امان ومحدش بيبص عليه ولا بيفتح الباب عليه وراحت فالنوم واتكرر معاها نفس الحلم وقامت مفزوعه وأشرف قام وقالها قومى يا اميره مالك فى ايه

اميره : اه نفس الكابوس بابا شوفتوا

اشرف : اشرف شوفتى ايه

اميره : فاكر الكابوس اللى حكتلك عليه هو انا وقتها مقولتش ان باباك كان مع بابا بس المره دى مشفتش بابا

اشرف : اومال ايه اطمنى يا حبيبتى كله خير

اميره : فضلت تعيط وقالت شوفتك انت وحضنته وقالت انا خايفه عليك اوى

اشرف : هههههه يا حبيبتى دى احلام كملى نومك

واميره نامت بس كانت مفزوعه وخصوصا شافت اشرف فالحلم

وفى صباح اليوم التالى اميره وأشرف صحيوا ونزلوا وأشرف لاقى سومه نايمه فالصالون وماسكه الفون فى ايدها

اشرف راح لحد سومه وصحاها من النوم وسومه قامت واميره دخلت المطبخ تحضر فطار وسابت حبيبه مع أشرف وسومه وخدت معاها الفون واتصلت بعبير واتفقوا يتقابلوا فى كافيه قريب من عبير

واميره حضرت الفطار وهما التلاته قعدوا على السفره وأشرف قال الله يرحمك يا بابا وحشتنى اومال الجاى ازاى ده انت وحشتنى من اول يوم فراق وسومه قالت ربنا يرحمه بس عمل فينا مقلب زى الزفت مش عارفه يا اشرف هنعمل ايه مع البت النصابه دى ولا نفترض انها صادقه هتبقى مصيبه

اشرف : اسكتى خالص انا هتصرف مع الأشكال دى

وبعد ما فطروا اميره استأذنت اشرف انها هتشترى شويه طلبات وخرجت وخصوصا ان الداده مش موجوده وفعلا خرجت واتجهت على الكافيه وعبير مستنياها هناك واول لما دخلت الكافيه لقت عبير قاعده وبتضحك وقالت لأميره اتفضلى يا اميره اققعدى

اميره : شكرا يا عبير هانم 😎

عبير : ههههه انا مش هانم بس خلاص انا مش بشتغل عندكوا يعنى الروس اتساوت يا اميره وبكره اللى بطنى هيبقى زيه زى اشرف بيه فاهمه

اميره : بقولك اهدى كده ع نفسك انا عارفه انك مش حامل والشغل ده تعمليه ع ناس تانيه 😉 ناس عبيطه فاهمه يا روح ماما 😆

عبير : عموما مش دى مشكلتنا انا مشكلتى مع أشرف بيه انا بس جايه اققولك انا مقتلتش عونى بيه

اميره : عاوزه اعرف التفاصيل اتفضل قولى

عبير : لما انا اتفقت معاكى ع قتله فضلت افكر اققتله ازاى وملقتش طريقه غير انى اسممه لأنها أسهل طريقه وخوفت بصراحه لان ماما اللى بتعمل الأكل وفضلت افكر وطبعا انتى مشيتى وكنتى غضبانه فى بيت اهلك وانا تفكيرى اتشل معرفتش اعمل ايه لحد ما هو قرر يروح يرجعك بيتك وطبعا ده بعد الحاح من اشرف بيه وعرفت ان العربيه اتقلبت بيه ومات وارتحنا كلنا

اميره : اه تقومى حضرتك تقولى انك حامل

عبير : اه انا حامل 😂 مش عجبك

اميره : انا هقوم أمشى انا مبحبش الأسلوب ده فالكلام عن اذنك

بس عبير مسكت اميره من ايدها وقالت لها بقولك ماما عاوزاكى ضرورى فى حاجه مهمه

اميره : ماما مين؟

عبير : اه الداده ماما امى الداده فهمتى

اميره : حاضر لو الداده هروح لها لحد عندها من عنيه انا هاجى معاكى دلوقت وفعلا اميره راحت مع عبير لحد بيتها تشوف الداده عاوزه ايه واول ما دخلت بيت الداده لاقيته بيت قديم وشقه تراث قديم اوى والغريب فيه انه كان فيه حصان انتيكه ونفس الحصان ده كان فى زيه فالڤيلا وقالت فى سرها ده غالى جدا ازاى يكون فى زيه هنا فى بيت الداده وعبير قالت لاميره هدخل اقول لماما انك جيتى انتى فى بيتنا يعنى ضيفه واول لما عبير قالت إن اميره موجوده بره الداده خرجت على طول ومن غير سلام قالت لأميره بصى يا بنتى قولى لجوزك أشرف بيه ان حق بنتى يرجع يأما هقلب الدنيا وخراب يا دنيا عمار يا دماغى انتوا من النهارده اعدائى 🤨😏 واللى يعادى بنتى يعادينى انا✋ وكمان قوليلوا ان حق بنتى يرجع هى واللى فى بطنها

اميره : فى ايه يا داده ايه نظام التهديد ده بنتك مش حامل ياريت تعرفى انتى بتقولى ايه كويس مش حلو علشانكم ✋ عموما اعتبرى الرساله وصلت

واميره خرجت مضايقه اوى وراحت على الڤيلا جرى ودخلت الڤيلا لقت اشرف وسومه بيتكلموا وقالت لأشرف عاوزاك ضرورى تعالى

وطلعت على اوضتها وكانت مضايقه من كلام وتهديد الداده ليها وأشرف طلع وراها ولاقاها فى اوضه حبيبه وقالها مالك يا اميره فى ايه بالظبط

اميره : فى حاجه حصلت كده مضيقانى اوى

اشرف : فى ايه ما تنطقى

اميره : عارف انا كنت فين دلوقتى انا لسه راجعه من عند الداده

اشرف : الداده انتى روحتى من غير ما تقوليلى

اميره : ارجوك مش وقته اسمعنى الأول وافهم كويس فى حاجه انا مش فاهماها خالص الداده بتهددك وقالتها فى وشى صريحه انك لازم ترجع حق بنتها واللى فى بطنها يأما تخرب الدنيا

اشرف : هى قالت كده

اميره : اه وكانت بتهدد فى ايه يا اشرف ارجوك انا مش فاهمه حاجه

اشرف مسك اميره وقالها سيبك منها دى بتقول كلام وخلاص وقال لأميره تحضر غدا لانه خارج

وخرجت بره الاوضه وأشرف مصدق ان اميره خرجت واتصل برقم عبير وسأل على الداده واميره واقفه بره وقالت اشرف بيتصل ب الداده يبقى اكيد فى حاجه معرفهاش ونزلت تحضر غدا بس اشرف قلق 😧 اوى ونزل وقال لأميره انه خارج وفعلا ركب عربيته وراح ع بيت الداده واميره قالت اكيد اشرف راح لداده انا هروح وراه وهسيب حبيبه مع عمتها وفعلا راحت وراه وأشرف وصل بيت الداده وطلع وخبط والداده فتحت بنفسها وقالت تعالى يا اشرف بيه اتفضل

اشرف : خير عاوزه ايه وحق ايه اللى بتتكلمى عنه

الداده : حق بنتى واللى فى بطنها

اشرف : بنتك كدابه واتأكدى بنفسك لو حامل انا هديها حقها إنما ده مش حقها

الداده : وايه يعنى لما ميكونش حقها

اشرف : ازاى يعنى انتى بتستعبطى بقى انا هعذرك علشان ست كبيره تمام 👌

الداده : ههههههه كويس انك عارف انى كبيره بس احب اقولك انى عشت من العمر ارذله انت فاهم وعارفه كل حاجه وعارفه انك مش من حقك تورث اصلا واكيد انت عارف ليه يا اشرف بيه

اشرف : اسكتى بقولك اسكتى

وأشرف مسك بوق الداده وابتدى يكتم نفاسها مش عاوزها تكمل الكلام واميره كانت وصلت عند البيت وطلعت السلم وخبطت عالباب والداده جريت عالباب وفتحت بسرعه وقالت الحقى جوزك هيموتنى عارفه ليه علشان اشرف مش ابن عونى يا اميره هانم.......

ج. 9..

اميره واقفت مذهوله وهى سامعه الداده بتقول ان اشرف مش ابن عونى وأشرف بيقول للداده اسكتى بقولك اسكتى واميره قالت انتى بتقولى ايه يا داداه معقول اشرف جوزى مش ابن عونى وقعدت مذهوله

الداده : زقت اشرف وقالت سيب ايدى يا اشرف ابعد عنى

اشرف : بقولك اسكتى مش عاوز اسمع صوتك

الداده : حاضر يا بن الأصول

اميره : انا مذهوله وعاوزه افهم فى ايه يا اشرف ممكن تفهمنى ارجوك

اشرف : مفيش حاجه ولا كأنك سمعتى حاجه انا ابن عونى

الداده : ههههه انت فرحان انك ابن الكلب ده اللى ضحك على بنتى

اشرف : بنتك ايه يا ست دى بنتك تلعب بالبيضه والحجر وخلى بالك كتير حاولت معايا واما ملقتش منى فايده لعبت على الراجل الكبير الخرفان ههههه بتاع الستات وضحكت عليه

اميره مسكت الداده من ايدها وقالت ارجوكى عاوزه افهم ازاى اشرف مش ابن عونى

اشرف : اميره اتفضلى أمشى من هنا دلوقتى ممكن

اميره : لا عاوزه افهم

بس اشرف مش ساكت ومسك ايد اميره وقالها بقولك يلا نمشى من هنا وفعلا خدها ومشى وقبل ما يمشى قال للداده بقولك يا ست انتى حسك عينك حد يعرف الموضوع ده انتى فاهمه قسما بربى انتى متعرفى هعمل فيكى ايه 😁✋

الداده : انا عاوزه حق بنتى يا اشرف بيه

اشرف : قولتلك لو ليها حق هتاخده

الداده : خلاص كل واحد لى حق ياخده وانت مالكش حق فى ثروه عونى الثروه دى كلها من حق سومه هانم ده حقها الشرعى

اشرف : خلاص خلصنا عبير هتاخد اللى مش من حقها 👌👎 ومش عاوز كلام كتير فالموضوع ده عاوزك تخرسى

الداده : تشكر يا بن الأصول

وأشرف خد اميره ومشى وفالطريق اميره قالت لأشرف معقول انت مش ابن عونى وعارف وساكت وازاى انا معرفش موضوع زى ده

اشرف : بقولك انا مش فايق دلوقتى ودماغى تعبانه ومش عارف افكر وخلاص زهقت من كل حاجه

اميره : انت متأكد ان محدش يعرف الموضوع ده غير الداده

اشرف : اه بس معرفش معرفش معرفش 😭😁

اميره : تعالى نقعد فى اى كافيه بعيد عن الڤيلا عاوزه اتكلم معاك لوحدنا انت عارف سومه قاعده هناك

اشرف : تعالى

وفعلا اشرف خد اميره وقعدوا فى اول كافيه فى طريقهم واول ما قعدوا فضلوا ساكتين وبيبصوا لبعض لحد ما طلبوا ليمون وابتدى اشرف يتكلم وقال لأميره صدقينى انا عمرى ما حسيت ان عونى ابويا وعلى طول كان بيعاملنى من صغرى معامله سيئه وكان بيزلنى وانا لوحدى وعلى طول كان بيهددنى ان هيقول لسومه ولماما انى مش ابنه لدرجه فكرت ان لو سومه وماما عرفوا اموت نفسى انتى طبعا عارفه سومه بالنسبه ليه ايه ربنا العالم انها هى وماما كانوا كل حاجه ليه لحد ما ماما ماتت وكل حاجه اتغيرت وبعد موقف معين هو اتغير معايا وبقينا كويسين وياريت متسأليش دلوقتى علشان مش قادر احكى

اميره : هى حماتى كمان متعرفش نسيت مرات عونى بيه

اشرف : لأ متعرفش

اميره : طيب ازاى

بس اشرف قال لأميره بعدين انا مش قادر اتكلم اصل الموضوع كبير والدنيا متلغبطه كلها فوق دماغى يلا نمشى وفعلا خد اميره وراحوا على الڤيلا ولاقى المحامى قاعد مع سومه وأشرف قال لسومه ايه ده هو المحامى بيعمل ايه هنا دلوقت

سومه : كنت عاوزاه فى موضوع كده يخص احمد جوزى

اشرف : ماشى انا طالع فوووق

وفعلا طلع على اوضته واميره اخدت حبيبه وطلعت وراه لأنها عارفه ان اشرف مضايق وتعبان نفسيا ودخلت على أشرف الاوضه وقالت لأشرف هنيم حبيبه بس اشرف نام بهدومه وكان تعبان من يوم مرهق والباب خبط واميره قامت تفتح لاقت سومه فى وشها

سومه : ايه فى ايه مالكم دى الساعه لسه 9 بالليل وبعدين انتى سبتى الاكل فالمطبخ ومشيتي ورا جوزك هو انتوا كنتوا فين كل ده بس اميره ارتبكت وقالت لسومه انا معرفش اشرف راح فين إنما أنا جالى تليفون ان ماما تعبت شويه وروحت عليها على طول وكلمت اشرف يجى ياخدنى

سومه : وطنط كويسه دلوقتى

اميره : الحمد لله

سومه قالت طيب يا حبيبتى انا هنزل وياريت تنزلى تقعدى معايا شويه

اميره : هو اشرف نام وانا هروح اطمن على ماما علشان ارجع قبل 10ومعلش هسيب معاكى حبيبه

سومه : طيب روحى وسلميلى عليها وانا هخلى حبيبه معايا

اميره خدت بعضها وسابت سومه تنيم حبيبه وراحت عند الداده وعندها حب فضول وعاوزه تعرف كل حاجه وخصوصا ان الشك دخل قلبها ان اشرف قتل عونى وده اللى كان مخوفها واول ما وصلت بيت الداده خبطت ولاقت عبير فى وشها والداده وقاعدين والداده قالت لأميره انا كنت عارفه انك هتيجى تعالى وقالت عبير روحى اعملى شاى واميره قعدت وقالت للداده اكيد انتى عارفه انا عاوزه ايه والداده رددت عليها وقالت اه عاوزه تعرفى حكايه اشرف وأمه الحقيقيه حاضر وانا هريحك وياريت تريحينى وابتدت تحكى لأميره وقالت من سنين كتير قوى فوق ال 26 سنه كان عونى لسه شاب وكان زى القمر وكان ابوه لسه عايش وطبعا عونى كان لسه شاب وطايش وفى يوم نشأت بينه وبين ست قال لأبوه انها مطلقه ومعاها ولد وطبعا ابوه رفض وبشده لأنها مطلقه ومعاها ولد وكمان مش من مستواهم وطبعا عونى مسكتش كان اتعلق بيها لحد ما جه اليوم اللى......

ج. 10

والداده بتكمل لأميره وقالت لحد ما جه اليوم اللى عونى دخل علينا الڤيلا وفى ايده الست المطلقه وابنها وقال انه اتجوزها وكانت طبعا ام اشرف وأشرف كان لسه طفل على ايدها وعاشت معانا فالڤيلا وعونى كان بيحبها اوى وطبعا ابو عونى بيه زعل واضايق بس استسلم للأمر الواقع وفى يوم عونى نزل يصوت زى المجنون وقال انه مش لاقيها وهربت وسابت الولد وعونى اتأثر وبعدها بفتره ابو عونى بيه عرف انها ماتت فى حادثه وقال لازم اجوز عونى وعجبته بنت اللى هى ام سومه هانم وكانت زى القمر وبنت ناس وكانوا ناس كبار فالبلد كانوا بهاوات وطبعا ابو عونى بيه قال بس الكارثه فالولد هعمل فيه ايه وهقول لأهل العروسه ايه لحد ما قال انا هكتبه بأسم عونى ونعمله شهاده ميلاد وبكده العروسه تعرف انه لى اصل وفصل ونقول ان امه اتوفت وفعلا قالوا كده ولما دخلت ام سومه ست روقيه هانم الڤيلا كانت قدم السعد حبت اشرف اوى وبعدها بفتره خلفت سومه وشيلتهم فى عينيها وعمرها ما فرقت ما بينهم لحد ما توفاها الله

اميره : اممم يعنى سومه تعرف ان اشرف اخوها من الاب

الداده : اه طبعا من لحمها ما هو من الأب يعنى من دمها ولو عرفت عكس كده هتحصل بلاوى ومصايب

اميره : بقولك سيبك من أسلوب التهديد ده انا بس عاوزه أسألك فى حاجه

الداده : قولى

اميره : عونى كان بيعامل اشرف ازاى

الداده : ما انتى شوفتى بنفسك اهو ماسك كل حاجه يعنى بيعامله كويس

بصى يا بنتى انا هقولك حاجه فالأول وده كان من زمان طبعا عونى بيه الله يرحمه كان مضايق من والدة اشرف لأنها هربت وسابته وطبعا هو كان بيحبها لا ده كان بيعشقها 🤚

اميره : يعنى عاوزه اعرف كان بيعامله ازاى

الداده : ما انا بقولك اهو فالأول كان بيعامله بقساوه لحد ما جه اليوم اللى عونى تعب جامد وبصراحه اشرف شاله والله اكتر من بنته نفسها ومسك الشركه وبصراحه كان قد المسؤليه ومن وقتها عونى اتغير ومفرقش بين سومه وأشرف بل بالعكس كان بيعامل اشرف احسن من سومه كمان بصرف نظر على اللى كان بيعمله معاكى هو بقى كان ده عيبه كانت عينه زايغه واهو خد جزاءوه

اميره : طيب يا داده ممكن سؤال اخير

الداده : قولى يا بنتى

اميره : انتى تشكى ان اشرف يقتل عونى

الداده : الصراحه لأ.... انا بس قولت ان مش ابن عونى تهديد علشان حق بنتى يرضيكى دى وليه زيك يا بنتى

اميره : ولو قولتلك ان بنتك ملهاش حق تصدقينى

الداده : بصى يا بنتى احنا غلابه

عبير : اتفضلوا الشاى وبعدين فى ايه لكل ده مش كفايه كده يا اميره هانم انتى ايه قاعده ع ودان امى بتغسليها

اميره : ياريت تتكلمى بإسلوب احسن من كده

الداده : اسكتى يا عبير دلوقتى بقولك يا اميره انا قولت كل اللى عندى خلاص يا بنتى وحق بنتى مش هسيبه

اميره : انا همشى يا داداه عن اذنكم

وفعلا اميره مشيت وراحت على الڤيلا ولقت سومه قاعده لوحدها وقالت هى فين حبيبه

سومه : فوق نايمه جمب اشرف

اميره : اوك انا طالعه اشوفها عاوزه حاجه

سومه : لا لا شكرا ي حبيبتى

اميره : بكره اول خميس ع عمى واكيد الناس هتيجى تعزى

سومه : دى بدع وعموما اللى يجى يتفضل الڤيلا مفتوحه للكل

اميره : تصبحى على خير

وفعلا اميره طلعت ولقت اشرف وحبيبه نايمين وحاولت تنام معرفتش خالص لحد ما طلع الصبح والكل صحى من النوم وأشرف نزل واميره وسومه وقعدوا يفطروا وهما بيفطروا وقاعدين دخل البواب يجرى ويقول فى بوليس بره ودخلوا عليهم الڤيلا وقالوا ان عبير بتتهم اشرف بقتل ابوه لأنه عرف ب علاقتها بأبوه وواجهه وابوه واتخانق معاه علشان هى حامل وده سبب مقنع ان اشرف يقتله وقبضوا على أشرف بتهمه قتل عونى

واميره وسومه انهاروا وفضلوا يقولوا كذب كذب

وأشرف متكلمش ولا كلمه ومشى معاهم واميره وسومه واقفين وحالهم يصعب على الكافر

وسومه قعدت على كرسى فى الصالون وقالت اشرف اخويا لأ ميقتلش بابا اكيد البت عبير دى بتتبلى عليه وانا مش هسبها وقالت لأميره انا هكلم المحامى وفعلا كلمت المحامى وكلهم راحوا على النيابه وبسؤال وكيل النيابه لأشرف واتهامه بقتل عونى...

اشرف كذب التهمه الموجهه اليه وقال انه مش هيتكلم غير لما المحامى يكون موجود وفعلا المحامى حضر التحقيق بس التهمه ثابته على أشرف لان الداده قالت إن اشرف مش ابن عونى والتهمه ثبتت على أشرف وكيل النيابه طلب سومه للسؤال ومواجهه اشرف واول لما شافت اشرف حضنته وقالت اشرف اخويا ومن دمى ولحمى وانا عمرى ما حسيت انه مش اخويا طول عمره الراجل الحنين على الكل وانا اهو ابن عونى بقول اشرف بريئ ومش قاتل الا اخويا بس أشرف كان بيعيط من كلام سومه وقالها مش انا والله ما قتلته واتحبس اشرف اربع ايام ع ذمه التحقيق واتجددوا 15 يوم كمان

وبعد اسبوع من حبس اشرف 15 يوم تجديد كان المحامى بتاع العيله ماسك القضيه وابتدى يشتغل عليها وكان متحير من وضع اشرف وبلغ اميره وسومه ان القضيه مش سهله وكبيره وثابته على أشرف

والمحامى صبرى بلغ سومه واميره ان جلسه اشرف اتحددت خلاص

وفى ڤيلا عونى سومه واميره قاعدين وما باليد حيله

اميره : انا تعبت يا سومه وخايفه ع اشرف بس والله ما قتل

سومه : ومين سمعك انا حاسه ان تفكيرى هيتشل الا اشرف ربنا يخرجه منها على خير

اميره : كله من عبير منها لله

سومه : دى كذابه اصلا

اميره : ممكن اقولك حاجه بصراحه انا شوفت عمى قصدى عونى بيه فى وضع مش كويس

سومه : بابا معقول؟ قصدك تقولى انها فعلا حامل منه

اميره : معرفش بصراحه عموما ربنا يظهر الحقيقه

سومه : بكره الجلسه يارب أظهر الحق

اميره : يارب

وفى صباح اليوم التالى سومه واميره وابو اميره والمحامى وراحوا على المحكمه واول اميره لما شافت اشرف فى قفص الاتهام فضلت تعيط وهو كمان وطلب حبيبه بس قالت هى مع ماما فالبيت

وابتدت المرافعه والمحامى طلب شهاده عبير وبمواجهه عبير المحامى اثبت ان عبير تعرف واد من منطقتهم وبيحبوا بعض وعرف من البواب انه على طول بيوصلها وكانت على علاقه بيه وطلب تعمل تحليل تثبت انها حامل وهنا عبير قالت إنها مش حامل بس كانت عاوزه تاخد حقها من عونى لانه كان بيضايقها وقالت إن اميره اتفقت معاها يقتلوا عونى بس هى معرفتش وبسؤال القاضى ليها قالت إن عونى كان بيضايق اميره والقاضي طلب اميره للشهاده بس اميره كذبت عبير وبين شد وجذب ما بينهم القاضى حبسهم بتهمه قتل عونى بس اميره قالت انا مقتلتوش وكانت عبير بتردد نفس كلامها انا مقتلتوش والقضيه اتعقدت اكتر والداده قالت انا عارفه مين اللى قتل سومه اللى قتلت والمحكمه كلها كانت فى ذهول والقاضى قال للداده عندك دليل ان سومه قتلت

الداده : اه يا بيه فى يوم طلبت منه فلوس وهو مرضيش وقالت إن شاء الله تموت واورثك

سومه : ده كلام بينى وبين بابا كنت مضايقه إنما مش هقتله علشان كلمتين عبط

والقاضى أمر بحبس اميره وأشرف وعبير بتهمه قتل عونى ورفعت الجلسه

وابو اميره بقى يقول بنتى بريئه وسومه كانت بتصوت على أشرف واميره والداده بتصوت وتقول صدقونى سومه القاتله بنتى مظلومه وبعد شهر من حبسهم المحامى صبرى راح الڤيلا لسومه

سومه : اتفضل يا صبرى باشا اخبارك

صبرى المحامى : تمام 👌 ع فكره جلسه الحكم قربت ولسه محدش يعرف مين القاتل

سومه : طيب هقوم اعملك حاجه تشربها وبعدين نتكلم يا استاذ صبرى

وفعلا سومه قامت تعمل حاجه يشربها ودخلت المطبخ وتليفون صبرى رن وقام وقف ورد عليه وهو بيتكلم لاقى مكتب عونى مفتوح ودخل يشوف المكتبه اللى جوه وخلص المكالمه وقعد على كرسى المكتب وقال ايه التراب ده كله شكل كده محدش بيدخل المكتب ولا ايه؟ وفتح الدرج ولاقى دوسيه وفتحه وشاف كارثه وقال انا عرفت مين قاتل عونى دلوقتى؟

يتبع التعديل اللغز بعد ساعه... مين قتل عونى؟؟؟

الجزء الأخير لحل لغز القصه كلها

وصبرى لما فتح درج المكتب لاقى دوسيه وعرف ان محدش بيدخل مكتب عونى خالص ولما فتح الدوسيه شاف وصل امانه على أحمد جوز سومه ويستحق الدفع من شهرين وهو عارف ان عونى بطبعه مش بيسكت وماسك على ايده والكل عارف كده وقام مشى وخد معاه وصل الامانه وقال ازاى عونى انا المحامى بتاعه وازاى ميتكلمش معايا عن وصل الامانه ده فى حاجه غلط انا لازم اكلم أحمد واعرف فى ايه وفى نفس الوقت سومه خرجت من المطبخ قالت هو المحامى صبرى مشى بس يا ترى مشى ليه وقالت المهم يخرج اشرف واميره ربنا كريم

ومن ناحيه تانيه المحامى عمل تحريات عن احمد جوز سومه واتأكد انه القاتل

وسومه كلمت المحامى علشان تتأكد من ميعاد الجلسه وعرفت انها بعد يومين

وعدى اليومين وسومه راحت عالمحكمه والمحامى وابو اميره ولأول مره احمد يروح معاهم بس المره دى مطلوب الشهاده وكانت سومه مستغربه وبدأت الجلسه والمحامى قال انه معاه دليل اتهام لأحمد جوز سومه والقاضى طلب احمد للسؤال وأشرف واميره وعبير فى قفص الاتهام وكلهم وحتى سومه فى حاله ذهول علشان أحمد مطلوب الشهاده وكانت مستغربه طيب ليه وقام احمد والمحامى ابتدى يستجوبوا ولما صبرى سأله على وصل الامانه احمد ارتبك وقاله ان الوصل يستحق السداد من شهرين بس احمد قال انا دفعت الفلوس وسددتها لعونى بيه بس صبرى واجهه وقاله ده مبلغ كبير ب 2 مليون جنيه ولما انت سددته ازاى عونى بيه ميعملش إيداع بيهم وكمان انتى ازاى متاخدش الوصل ده حقك يا راجل بس احمد فضل يكدب صبرى بس صبرى استدعى البواب للشهاده ولما البواب دخل وبمواجهه البواب لأحمد جوز سومه البواب قال ان احمد كان قبل ما عونى بيه يخرج بالعربيه احمد كان مع عونى بيه فالمكتب وقعد معاه في بعدين انا للاسف روحت اشترى طلبات للداده بس لما رجعت لقيت عونى بيه خارج لوحد بس المحامى قال للقاضى وده يدل ان احمد خرج قبل عونى وفك فرامل العربيه وطبعا البواب مكانش موجود

المحامى : انت اللى قتلت يا احمد

احمد انهار وقال اه قتلته كان راجل بخيل اوى قبل الحادثه ب 3 شهور بعت سومه تطلب فلوس سلف المبلغ اللى فالوصل ورفض وسومه رجعت البيت مضايقه اوى وبعدها انا كلمته ووافق بس طلب وصل امانه ولو مدفعتش هيحبسنى وانا وافقت وكتبت وصل الامانه ومن يومها وانا مش مرتاح ومكنتش بنام وخصوصا بعد ما المشروع خسر روحتله وبوست رجله وهو مرضاش وقال يا الدفع يالحبس وفاليوم ده سمعته بيكلم صبرى المحامى فالفون وقاله انه عاوز يكتب لأشرف الشركه انا اتجننت وكنت هموت وحلفت ان لازم اتخلص منه وقتلته قتلته علشان يستحق القتل وانهار احمد والقاضى حكم عليه بمؤبد وسومه اتجننت على أحمد وطلبت الطلاق لانه مهما حصل ده ابوها وأشرف وعبير واميره خرجوا براءه والحياه اتغيرت تماما الداده اخدت عبير على بيتها وأشرف ادها مبلغ نهايه خدمه وطلع مبلغ لجهاز عبير على روح عونى وان ربنا يغفرله وسومه استقرت مع اميره وأشرف فالڤيلا وعاشت معاهم اميره : اشرف عاوزه اقولك ع حاجه

اشرف : قولى يا قلب اشرف

سومه : قولى شوقتينى

اميره : انا حامل 😍

اشرف : حبيبتى الف مبروك

سومه : مبروك يا ميرو

وعاشوا فى سعاده واميره خلفت ولد وسومه اشتغلت مع أشرف فالشركه واحمد اخد عقابه وعونى مات وخد عقابه وانتهت القصه 😍 استنونى فالجديده ان شاء الله

اللى مالوش خير فى اهله مالوش خير فاللى حواليه اذا كان اهل ولا أصحاب الاهل سند وضهر ومهما حصل اوعوا مشاكل الدنيا تفرقكوا

فى مثل بيقول يا مربى فى غير ولدك يا بانى فى غير ملكك ده مثل الناس الجاهله للأسف 🤚😁

الأطفال زى الزرعه الجميله ياريت تزرعوعا صح علشان هتزرع صح هتحصد صح الصح 😍

ربنا يسعدكم ويعينكم ويصلح حالكم جمعيا

تمت

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹