رواية الوسيم إبن الحاره والصهباء الفصل السادس والعشرون بقلم منة الله
رواية الوسيم إبن الحاره والصهباء البارت السادس والعشرون بقلم منة الله
رواية الوسيم إبن الحاره والصهباء الجزء السادس والعشرون بقلم منة الله
 |
فور دخولهما للمكتب أغلق الباب خلفه بعنف
يامن بصوت عالي جعلها تنتفض بفزع
=إيه اللي إنتي عملاه في نفسك ده
ليل بهدوء وابتسامة باردة
=أنا عايزة أتطلق
يامن بغضب شديد وصوت عالي
=لا أنا عايز أسمع تاني كده أصلي حاسس إني سمعت غلط
اقتربت منه بخطوات واثقة تلف يديها حول عنقة بنعومة شديدة بينما هو يراقب حركتها بعيون مترقبة
...قربت شفتيها من أذنه
ليل بصوت هامس ورقة شديدة
=عايزة أتطلق كده سمعت كويس
نظر لها بابتسامة مستفزة وهو يلف يده حول خصرها
ساحبا إيها نحو جسده بقوة فأصبحت ملاصقة له
وأنفاسة الدافئة تلفح وجهها
اقترب بشفتيه من أذنها يقلد حركتها
يامن بصوت هامس كفحيح الأفاعي
=وأنا مش هطلقك.... أكمل بهدوء بعد ابتعاده عنها ينظر لعينيها وهو ما زال محيطا بخصرها..... معنديش استعداد إني أدمر حياتنا وجوازنا بسبب جنانك وشكك اللي ملهوش سبب....
اقترب بشفتيه من خدها يطبع قبلة طويلة فوقه يستفزها بها
ابتعدت عنه بسرعة كأن أفعة لدغتها تخرج نفسها من تأثيره عليها
ليل بهدوء وهي تنظر له بألم
=وأنا معنتش هقدر أتحمل أي حاجة تانية مش هستنا اليوم اللي تجي تقولي فيه إنك مش عايزني في حياتك ،أنا مش عايزة أبقا عبئ عليك وإنت مش
مضطر تتحمل مشاكلي أو تتحمل وجودي في حياتك ،أنا بقيت شايفة نفسي في مكانة نوال بالظبط مفرقتش عنها حاجة زي هي ما كانت مرات بابا التانية وسبب دمار حياة مامتي أنا ممكن أبقا السبب في دمار حياتك وحياتها
زفر أنفاسه وهو يمرر يده في شعره بغضب لا يعلم كيف يقحم كلامه بداخل عقلها السميك علها تفهم أنها المرأة الوحيدة التي يريدها في حياته
يامن بحدة محاولاً إنهاء هذا النقاش وهو يقبض على ذراعيها بقوة فتألمت بشدة فجسدها يؤلمها بدون أي شيء وفعلته زادت من حدة ألمها
=ليل أنا اللي عندي قولته مفيش طلاق يعني مفيش طلاق واتفضلي اطلعي غيري هدومك .... وأكمل بصرامة... ودي آخر مرة تفتحي فيها الموضوع ده وإلا توقعي مني رد مش هيعجبك لو الموضوع ده اتفتح تاني إنتي مراتي وهتفضلي مراتي لحد آخر يوم في عمرك
محت كل ملامح الألم عن وجهها وهي تنظر له بهدوء
قاطعهم صوت طرقات الباب فابتعد عنها بهدوء
يامن محاولاً استجماع هدوئه
=ادخل
فتحت الباب بهدوء وهي تتجه للداخل بخطوات هادئة بينما لم تخفض ليل عينيها عنها تراقبها بهدوء
أشار لها يامن بالصمت ثم وجه حديثه لليل
يامن بهدوء وهو ينظر لعينيه
=اطلعي غيري هدومك
نظرت له بزهول هل يقوم الآن بطردها بطريقة غير مباشرة رأت نظرة السخرية التي احتلت عيني لبنى لم تمر ثانية إلا وهي كانت خارج الغرفة تسير بخطوات سريعة وهي تمنع نفسها من البكاء حسرة على كرامتها التي دهسها تحت قدمه أمام زوجته الأولى
بمجرد وصولها لغرفتها سمحت لدموعها بالهطول
وهي تنزع فستانها بغضب شديد حتى كادت أن تمزقه وقفت أمام المرآة تنظر لنفسها المحطمة
ذراعيها محمران بشدة مكان قبضته
مستحضرات التجميل قد فسدت بسبب دموعها فأصبحت أشبه بالمومياء
لم تتحمل رؤية نفسها بهذا الشكل المخزي فسحب زجاجة العطر تقذفها فوق المرآة فسقطت متهشمة لأجزاء صغيرة كحقيقة قلبها ،فقلبها أصبح مماثلاً لهذا الفتات لم تعد قادرة على تحمل أي شيء
غضبها وحزنها يسيطران عليها بطريقة غير طبيعية
فراحت تحطم كل شيء حولها
بعد مدة جلست على الأرض باكية بإنهاك شديد
ولكن داهمها دوار شديد فسقطت مغشياً عليها
****......
فور خروج ليل من المكتب مدت لبنى يدها تعطيه الهاتف
لبنى بهدوء
=اتفضل ده اللي إنت طلبته
أومأ بهدوء وهو يسحبه من يدها تأمله لثوان قبل أن يتحدث
يامن بهدوء وهو يتفحص الهاتف
=بكره الصبح ترجعيه مكانه
أومأت بالموافقة ولكن الإستغراب بدا جليا على ملامحها فماذا يريد من هاتف والدها
أخرج هاتفه ليجري اتصالاً وهي مازالت واقفة في مكانها
أتاه الرد من الجهة الأخرى بعد ثواني معدودة
يامن بهدوء
=بقيت فين دلوقتي يا عادل
عادل بهدوء
=ساعتين بالظبط وهنبقا موجودين والخبير التقني موجود معايا
جذب انتباهه صوت تكسير الزجاج في البداية لم يعر الأمر اهتماما لظنه أن إحدى الخادمات كسرت شيئاً
يامن باستعجال
=تمام يا عادل بس ياريت متتأخرش علشان مش عايز مشاكل
عادل بهدوء
=متقلقش مش هنتأخر يا يامن بيه
فأومأ بهدوء وهو يغلق الخط مودعا إياه
ثم قام بتفكيك هاتف راغب ينزع منه البطارية وكذلك خط الإتصالات
لكنه تفاجئ بصوت تحطم شيء ما ولكن هذه المرة كان الصوت أعلى وأكثر وضوحا
يامن باستغراب
=هو إيه اللي بيحصل بره وإيه صوت التكسير ده
لبنى باستغراب هي الأخرى
=مش عارفة
وضع يامن الهاتفين في جيب سترته ثم توجه للخارج
متجهاً نحو قاعة الطعام
عندما دخل تفاجئ بمقعدها الفارغ وكذلك طعامها لم يلمس بينما جدته وعمه يتناولان الطعام بهدوء
يامن باستفسار
=هي ليل مش هتنزل تتعشا ولا ايه
الحاجة فاطمة بهدوء
=مش عارفة والله يا إبني ده هي حتى مكلتش أي حاجة من الصبح وساعة لما نزلت كان باين عليها إنها تعبانة اقعد إنت اتعشا وأنا هقول لواحدة من البنات تطلع ليها بالأكل
يامن بهدوء وهو يفكر في سبب غيابها
=مفيش داعي أنا هطلع أناديها بنفسي
توجه نحو الغرفة بخطوات سريعة لا يعلم لما شعر بانقباض قلبه خوفاً عليها
كان سيدخل للغرفة مباشرة ولكنه لا يعلم ما الذي دفعه لطرق الباب
طرق الباب لأكثر من مرة ولكن ما قابله هو الصمت
بدأ قلقه يتزايد عندما فتح الباب وقابلته قطع الزجاج المتناثرة على الأرض
يامن بصوت عالي متوتر وعينيه تبحث عنها في الغرفة
=ليل إنتي فين ،ليل
ظل ينادي عليها عدة مرات حتى وقع نظره على جسدها المرمي أرضاً وسط الزجاج والحطام وهي فاقدة وعيها ،الخوف ،الفزع،الرهبة كل تلك المشاعر احتلت كيانه خوفاً من أن يكون قد فقدها للأبد
اندفع نحوها بسرعة وفزع شديد
حمل جسدها بسرعة وهو يتأكد من سلامتها وأنها لم تصب نفسها بأي أذى
يامن بفزع وتوتر شديد
=ليل ،علشان خاطري فوقي أنا ماقصدتش أزعلك
وضعها على السرير بهدوء وأخذ يهز جسدها علها تفيق لكنه تفاجئ بسخونة جسدها وحرارتها العالية
سحب هاتفه بسرعة وهو يتصل على الطبيب
بمجرد فتحه للخط لم يعطه يامن فرصة للحديث أو إلقاء التحية
يامن بتهديد وصوت عالي من فرط قلقه
=قدامك عشر دقايق وتبقى عندي في القصر وإلا والله ما هرحمك
وأغلق الهاتف وهو يرميه بعيداً دون سماع رده
نظر لها بقلق لكن جذب انتباهه في تلك اللحظة ملابسها فهي قد تخلصت من فستانها
جذب خصلات شعره بتوتر حتى كاد أن يقتلعها من مكانها فهو خائف من تأخر الطبيب لذا عليه أن يتصرف وبسرعة
توجه للحمام بسرعة يملئ حوض الاستحمام بالماء البارد فدرجة حرارتها تخطت التاسعة والثلاثين
حمل جسدها بسرعة وهو يتجه نحو الحمام بينما هي تأن بألم
وضع جسدها في حوض الاستحمام ولكنها شهقت بفزع من برودة المياه ،فتحت عينيها بإعياء شديد
وهي تحاول الخروج من حوض الاستحمام بسبب برودة المياه
مرر يده على ظهرها بحنان
يامن بهدوء وابتسامة مطمئنة
=اهدي يا ليلي شوية وهتتعودي على الميه
قام بفتح المياه الباردة لتتساقط على رأسها بينما هي تنتفض بسبب برودتها لم تعارض أو تبدي أي ردة فعل
فهي لم تكن قادرة حتى على تحريك إصبعها
بعد عشر دقائق كاملة تحت المياه الباردة كانت قادرة على فتح عينيه بالكامل وقد انخفضت حرارتها قليلا
أغلق صنبور المياه بهدوء
ثم اتجه لها يعاود حملها مرة أخرى ليخرجها من حوض الاستحمام بعدما قام بوضع مأزر الحمام فوقها
ليل بصوت مبحوح ضعيف
=أنا هقدر أمشي لوحدي وبعدين هدومك هتتبل
لكنه لم يبالي بكلامها وضعها على السرير بهدوء
واتجه نحو خزانته يبحث بين ملابسها عن منامة ثقيلة لتدفئتها
بعد دقائق اتجه لها بهدوء وهو يحمل ملابسها
اقترب منها محاولا نزع المأزر من فوقها وبقية ملابسها لكنها منعته
ليل بصوت ضعيف ووجهها محمر للغاية
=أنا أقدر أغير هدومي لوحدي
ابتسم يامن بلطف وهو يتأمل احمرار وجهها
يامن بحنان وهو يضع يده فوق خدها
=عارف إنك تقدري تغيري لوحدك بس إنتي تعبانة دلوقتي وبلاش عند كتير علشان متبرديش تاني
لم ترد عليه ولكن وجهها الذي أصبح بلون الفراولة
كانت إجابة كافية بالنسبة له ليبتسم بهدوء
اقترب منها يساعدها في تغيير ملابسها وهو يلبسها تلك المنامة الدافئة فأصبحت أشبه بالدب الصغير جلس خلفها بهدوء يصفف لها خصلات شعرها الناري وجمعه على هيئة ظفيرة لطيفة
بعد انتهائه اقترب بشفتيه من جبهتها يتحسس حرارتها
أما هي أغمضت عينيها وهي تشعر باضطراب أنفاسها
يامن بهدوء وابتسامة عاشقة
=الحمد لله الحرارة نزلت شوية الدكتور زمانه على وصول ارتاحي شوية على ما ييجي
أما هي فكانت شاردة في عالم آخر لما كل هذا الحنان بعد إهانته لها ألم يطردها منذ دقائق من مكتبه مسبباً انهيارها بهذا الشكل المخزي
حملها بهدوء ليضعها فوق الوسادة ثم دثرها جيدا بالغطاء وتأمل نظرة عينيها لثواني معدودة
فنظراتها كانت مختلفة باردة،مضطربة ،متألمة
لم تكن تلك النظرة الحانية أو العاشقة التي اعتاد رؤيتها في عينيها
قاطع تفكيره صوت طرقات الباب
الخادمة من الخارج
=الدكتور وصل يا يامن بيه وبيقول إن حضرتك طلبته
اتجه يامن لفتح الباب لكنه فوجئ بوجود جدته والطبيب يقف بجوارها
يامن بهدوء وهو يشير له بالدخول
=اتفضل هي جوه على السرير
فاتجه الطبيب للداخل وتبعه يامن ثم من خلفهم جدته
صعقت الحاجة فاطمة من منظر الغرفة والزجاج المتناثرة على الأرض
الحاجة فاطمة بصوت منخفض وهي توجه حديثها ليامن
=هو إيه اللي حصل هنا
فرك عنقه بغضب وتوتر
يامن بصوت منخفض
=مش عارف أنا طلعت أنادي عليها لقيتها مغمى عليها
وحرارتها كانت عالية أوي
أومأت الحاجة فاطمة بهدوء وقبل أن ترد عليه
قاطعهم الطبيب
الطبيب بهدوء يوجه حديثه ليامن
=واضح إنها واخدة دور برد شديد وكمان الضغط والسكر مش مظبوطين واضح إنها مكلتش حاجة من الصبح لإن السكر بتاعها واطي جدا
نظر لها يامن بعتاب لإهمالها لصحتها بهذا الشكل
يامن بهدوء موجها حديثه للطبيب
=تمام يا دكتور أنا هاخد بالي بنفسي من أكلها
مد الطبيب يده بروشتة الدواء فأخذها يامن منه بهدوء
الطبيب بهدوء
=ياريت تاخد الدوا في مواعيده أنا كاتب قدام كل نوع كام مرة في اليوم والمواعيد بتاعته
يامن بهدوء وهو يمد يامن بمبلغ كبير من المال
=اتفضل يا دكتور
للطبيب بحرج
=ميصحش كده يا يامن بيه وبعدين أنا باخد مرتب من الحاجة فاطمة أول كل شهر
يامن بهدوء وهو يضع المال في يد الطبيب
= إنك تيجي لجدتي وتكشف عليها حاجة وإني أطلب منك تيجي علشان تكشف على مراتي حاجة تانية خالص ..... ثم وجه كلامه للخادمة..... وصلي الدكتور لحد الباب وخلي واحد من الحرس يجيب الدوا ده وخلي واحدة من البنات تطلع العشا بسرعة
أومأت الخادمة بهدوء وهي تتجه للخارج وخلفها الطبيب.....
اقتربت الحاجة فاطمة منها بخطوات هادئة
الحاجة فاطمة بحنو وهي تربت على يدها
=ألف سلامة عليكي يا بنتي
ليل بابتسامة هادئة وصوت ضعيف
=الله يسلمك يا نينا
الحاجة فاطمة بهدوء
=أسيبك ترتاحي شوية وأنا بكره الصبح هاجي أتطمن عليكي
أومأت ليل بهدوء بينما اتجهت الحاجة فاطمة نحو الباب ولكنها قبل خروجها اقتربت من يامن
الحاجة فاطمة بصوت منخفض
=خلي بالك من مراتك يا يامن ومتزعلهاش
يامن بهدوء
=حاضر
فأومأت برضى ثم توجهت لأسفل.......
لم يعلم كيف يبدأ حديثه معها فبعد خروج الجميع لفهما صمت مريب بين توتره وقلقه عليها يقابله هدوئها وصمتها كأنها فقدت الرغبة للحديث
ظل يتأملها بهدوء عله يفهم ما بها أو ما الذي يدور برأسها
بعد ربع ساعة من الصمت المثير للأعصاب تعالت صوت طرقات الباب فتح الباب بهدوء
الخادمة بهدوء
=العشا يا يامن بيه
أومأ لها بهدوء وهو يأخذ صينية الطعام من يديها وعلب الدواء
ثم توجه للداخل....
جلس بجوارها بهدوء وهو يضع الطعام على ساقه
يامن بهدوء وهو ينظر لها
=يلا علشان تاكلي وتاخدي الدوا
ليل بهدوء بدون أن تنظر له
=مليش نفس عايزة أنام
نظر لها لثوان ثم قال بهدوء
=مش بمزاجك لازم تاكلي ولو حاجة بسيطة
انتهى من كلامه وهو يقرب الملعة من شفتيها
فتحت فمها بهدوء متجنبة هذا الجدال العقيم فهي تعلم نهايته جيداً ....كانت تختلس النظر له من حين لآخر بدون أن يلاحظ تتأمل ملامحه المتنشجة
لا تعلم سبب اهتمامه بها الآن
ليل بصوت هادئ
=كفاية شبعت
نظر لكمية الطعام التي تناولتها فكانت أشبه بوجبة طفل رضيع كاد أن يعترض لكنه لم يرد أن يضغط عليها فأومأ لها بهدوء
بعد انتهائه من إطعامها مد يده بمنديل يمسح لها شفتيها من بقايا الطعام
فالتقت عيناه بنظرتها الحانية مع عينيها الشاردة
لم يفهم سبب شرودها المستمر .....
حمل صينية الطعام يضعها على الطاولة بجواره
ثم مد يده بالدواء وكوب الماء فأخذته بهدوء
بعد انتهائه دثرها جيدا بالغطاء ثم قبل جبينها بهدوء
أما هي فكانت بالكاد قادرة على فتح عينيها فما هي إلا لحظات حتى غطت في نوم عميق......
تأمل وجهها الشاحب للحظات يلوم نفسه على قسوته عليها فلم يتوقع أن تصبح حالتها هكذا
قاطع تفكيره صوت هاتفه يعلن وصول رسالة
فوجدها رسالة من عادل يخبره فيها بأنه بانتظاره أمام البوابة
ألقى عليها نظرة أخيرة خوفاً من أن ترتفع حرارتها
مرة أخرى
لكنه طمئن نفسه بأنه سيعود بسرعة ولن يتأخر عليها ثم توجه للخارج
*****..…....
جلس الجميع بهدوء يفكرون في حل لتلك المعضلة
يامن بهدوء وهو يمد يده بهاتف راغب للخبير التقني
=أحمد عايزك تنقلي كل الملفات اللي على التليفون ده على التليفون اللي إنت جايبه معاك وعايز أي اتصال قبل ما يوصل لراغب يكون واصل للتليفون اللي معاك ويتسجل
أحمد بهدوء
=تمام
عادل باعتراض
=بس ده مينفعش يا يامن ممكن تجيلنا مشاكل كتير بسبب الموضوع ده وأبسط حاجة ممكن يعملها إنه
يرفع عليك قضية تجسس
يامن بنظرة حادة وغضب
=والمفروض أستنى لحد ما لقيه جاي وبيحاول يقتلني تاني
زفر عادل أنفاسه بحنق فالوضع أصعب مما كان يعتقد
قاطع تفكيرهم صوت هاتف يامن
يامن باستغراب وهو ينظر للرقم
=مين ده اللي بيتصل دلوقتي وكمان رقم غريب
نظر الإثنان له باستغراب
يامن بهدوء وقد وضع الهاتف على وضع مكبر الصوت
=ألو مين معايا
أتاه الرد من الجهة الأخرى بعد ثواني من الصمت
=أنا جابر وقبل ما تتكلم أو تغلط إعرف إني عندي أمانة تخصك
فور سماعه للإسم وضع المكالمة على وضع التسجيل
وهو يشير للجالسين بالصمت
يامن بهدوء وهو يضغط على أسنانه بغضب
=وإيه هي الأمانة دي بقا إن شاء الله
جابر بسخرية لاذعة
=لا لا شكلك مش مصدقني أنا هخليك تكلمها بنفسك
بمجرد اقتراب الهاتف من هايدي
هايدي بصراخ وفزع
=يامن إلحقني والله ده بني آدم مجنون قتل سامي
وهو اللي حاول يقتلك
أشار جابر بغضب للحارس بوضع اللاصق على فمها
وهو يصفعها بقوة على وجهها
جابر بغضب
=اسمعني قدامك يومين تقرر فيه يا إما تيجي وتسلمني نفسك ومعاك عشرة مليون جنيه يا إما تودع حبيبة القلب
ثم أغلق الهاتف
تأهبت كل حواسه بغضب وهو يجذب خصلات شعره
السوداء بعنف يدور حول نفسه كأسد حبيس في القفص بينما أحمد وعادل ينظران له يترقب
عادل بهدوء
=أنا من رأيي إن تسجيل المكالمة اللي معاك دي دليل كافي إحنا ممكن نوديه للقسم وهما يتصرفوا
يامن بخبث وابتسامة واسعة كأنه وجد خلاصه
=إحنا هنروح لحازم اللي في القسم القريب من هنا
هو هيخلص كل حاجة
عادل بهدوء
=خلاص بكرة الصبح هنروحله ونشوف هنعمل ايه
أحمد باستفسار
=طيب وموضوع التليفون لسه زي ما هو ولا ايه
يامن بهدوء وابتسامة قاسية
=ابدأ من دلوقتي لإني مش هسيب حقي وراغب هيدخل السجن قبل جابر
أومأ أحمد بهدوء وهو يبدأ عمله بينما الإثنان يراقبان ما يفعله بصمت
****........
فتحت عينيها في اليوم التالي لكنها تفاجأت بمكانه بجوارها كما هو أي أنه لم ينم هنا أو كما أتى في عقلها أنه قضى ليلته عند غريمتها لم تبدي أي ردة فعل بل اكتفت بالصمت مع ابتسامة ساخرة
توجهت للحمام لتغير ملابسها وتنزل للأسفل فهي لن تحبس نفسها طوال النهار تفكر به بينما هو مشغول عنها......
في الأسفل
راغب بغضب وصوت عالي للخادمات
=التليفون فين بدور عليه من الصبح مين شاله من مكانه
الخادمة بتوتر
=والله ما حد شافه يا بيه
راغب بغضب
=ما هو لو ماحدش شافه يبقى أكيد في واحدة سرقته
أتت لبنى على صوته العالي بسرعة
لبنى بهدوء وهي تشير للخادمة بالذهاب
=روحي إنتي شوفي شغلك وأنا هتصرف
راغب باستغراب
=إنتي بتعملي ايه
لبنى بهدوء وهي تمد يدها بالهاتف
=لقيته امبارح على السفرة بعد العشا ووقتها كنت نمت فخدته معايا وقولت أديهولك الصبح
نظر لها بشك لثواني
ولكنه قال في النهاية بهدوء وهو يأخذه منها
=ماشي مع إني مش فاكر إني خدته معايا وأنا نازل
ثم توجه للخارج بدون إضافة أي كلمة
بمجرد خروجه من باب القصر زفرت أنفاسها براحة شديدة
****......
كانت جالسة في الحديقة تفكر بشرود في أحداث اليومين الماضيين فهي لم تراه منذ الليلة التي اعتنى بها فيها
فغيابه بهذا الشكل المفاجئ يثير أعصابها فهي تشعر بالقلق عليه
يخرج من الصباح الباكر قبل استيقاظها ويعود في وقت متأخر وفي وقت الفجر غالبا لكنه يتناول وجبة الغداء فلاحظت أنه دائماً شارد والإرهاق يظهر جلياً على ملامحه وجهه
ما يؤكد على عودته للغرفة في المساء رائحته العالقة في وسادته وعلى جسدها ومكانه الغير مرتب بجوارها
ولم تفهم سبب هذا الجفاء والتجاهل الذي أصبح من ناحيته فهو يتجاهلها بشكل تام ولا يهتم بإخبارها بأي شيء
شعرت بثقل يوضع على صدرها يطبق فوق أنفاسها
عندما تذكرت رؤيته خلال اليومين الماضيين لأكثر من مرة يقف مع لبنى يتحدث معها بصوت منخفض
لم تفهم سبب هذا التقارب بينهما لكنها حرصت على
الظهور بمظهر الأنثى القوية ،الغير مبالية تتخذها
ستارا لتخفي غيرتها وضعفها
****.........
بداخل القسم جلس الجميع بتوتر فاليوم هو يوم التنفيذ
حازم بهدوء
=إحنا كده معانا كل الأدلة اللي بتدين راغب وجابر ومعانا مذكرة بأمر القبض عليهم
يامن بهدوء وهو يشعر بألم يحتل صدره بسبب تلك المواجهة المحتومة فالمتضرر الوحيد سيكون جدته
=تمام يلا نتحرك بس أهم حاجة عرفت موقع هايدي ولا لا
حازم بهدوء
=قدرنا نحدد مكانها بتتبع مكان جابر هي موجودة في واحد من المخازن بتاعته ومن شوية الظابط اللي اتواصلنا معاه من القاهرة اتحرك هو والعساكر....وأكمل في نهاية كلامه...... هو المفروض الميعاد اللي كنت هتروح تقابله فيه كان الساعة كام
يامن بهدوء
=المفروض الساعة واحدة بليل
حازم بجدية
=تمام كده أوي هو أكيد معملش حسابه لسه
يامن بصوت هادئ ونبرة قوية وقد وقف متجهاً نحو الباب
=أظن إن إحنا المفروض نتحرك دلوقتي قبل ما جابر يتصل براغب علشان يحذره.....
أومأ بهدوء وتوجه الجميع للخارج بينما كان القلق يعلو وجه يامن خوفاً من أي انتكاسة صحية قد تحدث لها
*****.........
تحرك الجميع بخطوات هادئة وكل فرد يحمل سلاحه
الضابط بهدوء وهو يشير برأسه للناحية الخلفية
=اتوزعوا مش عايز ولا غلطة
اتجه جزء من العساكر ناحية الجهة الخلفية بخطوات حذرة
بينما توجه هو ومجموعة العساكر الباقية ناحية الباب الأمامي
وقعت عينيه على الحارس الواقف أمام الباب فأشار للعساكر بيده بعدم الحركة بينما تسلل بخطوات حذرة
وفي اللحظة التي لاحظ فيها الحارس وجوده ضربه بالجزء الخلفي من سلاحه بقوة فسقط الآخر فاقدا للوعي
أشار للعساكر بالتقدم فتحرك الجميع بخطوات هادئة
عند وصوله للداخل وجد عددا من الحرس لكنه لم يكن كبيراً
فرفع سلاحه وهو يقول بصوت عالي
=كله يسلم نفسه
بينما العساكر خلفه يوجهون الأسلحة نحوهم
كانوا في حالة من الذعر والتوتر فلم يتوقعوا هذه المداهمة
جابر بغضب وهو يرفع سلاحه وهو يطلق أول رصاصة
=إنتم واقفين يا بهايم اتحركوا
فجأة أصبح المكان يضج بصوت إطلاق النار يتبادلون اطلاق النيران
فاستغل جابر انشغالهم وهو يتراجع للخلف ناحية الغرفة التي يحتجز بها هايدي
لاحظ الضابط حركته فتحرك بحذر شديد متفاديا الرصاص يتبعه بخطوات هادئة تاركاً أمر الحرس للعساكر
جابر بغضب وهو يحاول فك وثاقها
=خلصي اتحركي
هايدي بفزع
=إنتي واخدني على فين
لم يجيبها بل اكتفى بجرها من يدها بقوة وقسوة
صعق عند رؤيته للضابط وهو يوجه سلاحه ناحيته
الضابط بتهديد
=سلم نفسك يا جابر إحنا معانا مذكرة بالقبض عليك إنت متهم بجريمة القتل ،محاولة القتل العمد وكمان الخطف فمتزودش جرايمك
وضع السلاح على رأسها وهو يقف خلفها ويلف ذراعه فوق عنقها ليثبتها
جابر بتهديد
=سيبني أمشي وإلا هموتها
وجه الضابط سلاحه ناحيته ولكن باغتتهم الرصاصة التي أتت من خلفه مصيبة هايدي في بطنها
تناثرت دمائه فاندفع جابر للخلف بفزع
اتجه له الضابط بسرعة مباغتا إياه بلكمة قوية
اندفع العساكر ناحية الغرفة ليتم القبض على جابر
ونقل هايدي للمشفى
****.........
صعقت ليل من عدد سيارات الشرطة التي دخلت القصر فرأت يامن وهو يتجه للداخل بخطوات واثقة قوية يتبعه بعض العساكر والضباط
تبعته ليل بسرعة وهي تتجه للداخل لتفهم ما سبب هذه الجلبة ولما أتت الشرطة معه
فتحت الخادمة الباب بهدوء لكنها ما لبثت أن تراجعت للخلف وهي تشهق بفزع وصوت عالي
توجه يامن بخطوات ثابتة نحو قاعة الجلوس فوجد جدته جالسة بينما عمه جالس في ركن بعيد يراجع بعض الأوراق
الضابط بصوت عالي
=إحنا معانا أمر بالقبض على راغب الأنصاري .....
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
100- سكريبت جمعتنا الشكولاته الساخنه
101- سكريبت سيف وغزل
102- رواية حب الفرسان الجزء الثالث
104- رواية رعد والقاصر
105- رواية العذراء الحامل
106- رواية اغتصاب البريئه
107- رواية محاولة اغتصاب ليالي
108 - رواية ملكت قلبي
109 - رواية عشقت عمدة الصعيد
110- رواية ذئب الداخليه
111- رواية عشق الزين الجزء الاول
112- رواية زوجي وزوجته
113- رواية نجمة كيان
114- رواية شوق العمر
115- رواية أحببتها صعيديه
118- رواية لاعائق في طريق الحب
119- رواية عشق الصقر
121- رواية بنت الشيطان
122- رواية الوسيم إبن الحاره والصهباء
123- رواية صغيرتي الجميله
124- رواية أخو جوزك
125- رواية مريض نفسي
127- رواية هكذا يكون الحب
128- رواية عشق قاسم
129- رواية خادمتي الجميله
131- رواية جوري قدري
133- رواية المنتقبه أسيرة الليل
134- رواية نجمتي الفاتنه
135- رواية ليعشقها قلبي
136- رواية نور العاصي
137- رواية من الوحده للحب
139- رواية جوزي اتجوز سلايفي الاثنين
140- رواية شظايا قسوته
141- نوفيلا اشواق العشق
142- رواية السم في الكحك
143- رواية الصقر كامله
147- رواية عروس الالفا الهجينه الجزء الثاني
148- رواية أميرة الرعد
149- رواية طفلة الأسد
150- نوفيلا الجريئه والاربعيني
151- رواية أحببت مجنون
152- قصة أخويا والميراث
153- رواية حب من اول نظره
155- رواية صعيدي مودرن
