رواية انثي من نار الفصل الرابع بقلم مرفت السيد رواية انثي من نار البارت الرابع بقلم مرفت السيد رواية انثي من نار الجزء الرابع بقلم مرفت السيد

رواية انثي من نار الفصل الرابع بقلم مرفت السيد

رواية انثي من نار البارت الرابع بقلم مرفت السيد

رواية انثي من نار الجزء الرابع بقلم مرفت السيد

رواية انثي من نار الفصل الرابع بقلم مرفت السيد

دخلنا بخطوات مترددة وخالي راح جنبها وقالها بناتك هنايامنى

كنت بحاول ابصلها حتى باحاول اتغاضى عن اخر ذكرى سابتها

اتفاجئنا بيها هزيلة ومريضة جدا فتحت عنيها بصعوبة اول ماشافتنا بكت رغم مرضها كان وجهها منور

وقالت بصوت يكاد يكون مسموع : حلا حبيبة قربوا مني

قربت انا وحبيبة واحنا ماسكين ايد بعض بابا راح وقف بعيد وهو بيهز راسه بيشجعنا نقرب منها

بقلم مرفت السيد

مسكت ايدي انا وحبيبة وفضلت تبوس فيها وتبكي وتقول: الحمد لله عشت لحد. ماشفتكم عرايس الحمد لله شوفتكم قبل مااموت الف حمد وشكر ليك يارب

ومسكت وشي وفضلت تتأمله ونفس الشيء مع حبيبة

مقدرتش امسك نفسي من العياط وحبيبة كمان

حضنتها قالتلي سامحيني ياحلا وانتي ياحبيبة سامحني يامنير انا غلطت وتوبت

كفاية اني اتحرمت منكم والنبي يامنير قولي مسامحك

كانت بتعاني وهي بتتكلم

بابا قالها المسامح ربنا يامنى ربنا يسامحنا ويغفرلنا

قالتله: طول عمرك قلبك. كبير

وبصت لاخوها وقالتله: ايمن ناولني الشنطة

اخدتها منه وطلعت ورق في ظرف كبير

وقالت: خد يامنير امسك

بابا: ايه دة

ماما: دول عقود بيع وشرا ورثي من ابويا في الارض كتبته للبنات الارض دي بتاعتي وايمن هو الي بيزرعها وبيديلي مكسبي منها بما يرضي الله وفي شيك بكل فلوسي في حساب باسمكم ياحبايبي والعلبة دي فيها دهبي من امي الله يرحمها شيلتهولكم

ونازلت ظرف لاخوها وقالتله: وانت ياايمن دة تنازل مني عن نصيبي في البيت والجرار والمحل ربنا يخليك لولادك

بكى ايمن وقالها: ليه كدة بس ربنا يطول بعمرك

قولتلها: احنا مش عايزين حاجة قومي بس انتي وشدي حيلك

حبيبة عيطت وحضنتها وقالت: ايوة هاتخفي بإذن الله

ابتسمت وقالت: انا دلوقتي هاموت وانا مرتاحه بس سيبوني مع منير

حضناها وقبلنا ايديها وخرجنا مع خالي

خرجت انا وحبيبة واتفتحنا بالعياط دي امي مهما كان

خالي فضل يهدينا

بابا قالها: متجهديش نفسك بالكلام

منى وهي تنهج بشدة وضعف: اسمعني انا معنديش وقت كبير انا غلطت بحقك بس ورحمة ابويا دي كانت مرة وضعفت بس محصلش بينا حاجة هو جه على غفلة وأنا كنت فاكراك.انت الى بتخبط مش هانكر اني كنت هاضعف بس انا جيت وحصل الي حصل انت كنت بتسافر كتير وهو استغل وحدتي انا عشت من يومها باستغفر

وباتوب وربنا يعلم حجيت وعشت بدون جواز حتى بناتي مارضتش اطلب رؤيتهم عشان انفذ اتفاقنا باني ابعد وانساهم. مقابل انك تسترني وكتر خيرك سترتني قدام. اهلي لما اتصلو بيك وسألوك عن سبب الطلاق واحنا ارياف وكنت خايفة بس ربنا رحيم وسترني

عاوزاك تخلي بالك عليهم وتدعيلي وتخليهم يزورو قبري

ربناةيسترك زي ماسترتني

بكى منير وقالها: انتي ام بناتي وكنتي نعم الزوجة وربنا غفور رحيم وان شاءالله تقومي وتخفي وتجوزيهم

ابتسمت وهمست ياحبيبي ياالله وسكنت

وانطلقت صافرة الاجهزة وسارع الطاقم الطبي لانعاشها

بقلم مرفت السيد

خرج بابا واحنا اتخضينا من الي بيحصل

وكان دامع العين واحنا بنبكي

لحد ماالدكتور اعلن. عن وفاتها

مكنتش متوقعة اني هانهار كدة انا وحبيبة

خالي حضنني وبابا حضن حبيبة

بابا وخالي خلصو الاجراءات

وخالي استضفنا عنده لحد تاني يوم دفنوها وعملو عزا بالليل

وخالي اصر نقعد عشان نشوف الارض ونتعرف بالعيلة

ولكن بابا قاله زي ماهي استأمنتك بناتي مستأمنينك ولنا عودة بالاجازة البنات يتعرفو باهلهم ولكننا مرتبطين بدراسة وامتحانات وانا عندي شغل

وفعلا رجعنا للبيت واحنا مرهقين استقبلنا جدي بالاحضان وواسانا بوفاة امي هو واعمامي وفادية الي قالتلنا ان منال مشيت بأمر من جدي

طلعنا شقتنا كان لازم تراجع عشان الامتحانات ولكن. حبيبة كانت حزينة وبتعيط ومنار اصرت تبات معاها عشان يذاكرو سوا

قعدت معاها وقولتلها: شوفي يابيبة انتي عارفة انك بنوتي وانا عاوزة افتخر بيكي ماما ماتت نقرالها قران وندعيلها ونفرحها بالنجاح

حبيبة: انا بس عاوز اعرف سابتنا ليه

: شوفي يابيبة الجواز والطلاق نصيب هي وبابا كانو بيحبو بعض ولكن الشيطان ظايما بيحب يخرب اي علاقة زوجية ودة الي حصل وهي خافت تيجي تشوفنا بابا او اي حد. هنا يتخانق معاها كانت بتتصل تطمن علينا من بابا وبعدين احنا نركز بقى بدراستنا ياللا يامنار عالمذاكرة

منار: استني بس عاوزة اقولك على حاجة

: قولي ياسوسة

عارفة عدي:؟

:اه ماله

سألني عليكي

: ليه

مش عارفة قالي هي حلا بتحبك وبتطلعي عندهم قوليلي بقى معندهاش صحاب ولا في حد. متقدملها طب هي عاوزة تدخل كلية ايه

فاكرني هبلة وهاقوله😁😁

: وعملتي ايه يالي مش هبلة

ماقولتش حاحة الا لما اخدت منه فلوس

😂😂😂

: ذاكري يابت يامصيبة وبطلي لوكلوك😒😄

خرجت وسيبتهم يذاكرو

لقيت بابا بيستعد للخروج وقالي: تعالي ياحلا انا عاوزك تعرفي ان امك كانت ست كويسة. مفيش حد فينا معصوم عاوزك تركزي بدراستك وتنسي اي حاجة وحشة حصلت زمان

: صدقني يابابا خلاص انا بادعيلها ومبسوطة اننا شفناها وان حضرتك سامحتها

: ربنا يكملك بعقلك في حاجة كمان دهبك انتي واختك معايا شايله ليكم لحد ماتتجوزو وفلوسكم نفس الشيء واي فلوس خالك هيبعتهالكم هتتشال ليكم وباذن الله هانقضي اجازتكم. هناك عشان تغيرو جو وتتعرفي بعيلتك

حاضر يابابا الي تشوفه

خرج بابا وعملت نسكافيه ليا وسندوتشات للبنات ولسة هاذاكر لقيت الباب بيخبط

بصيت من العين السحرية قبل ماافتح مالقتش حد

او تقريبا حد استخبى على جنب عشان ماشوفش هو مين

توقعت انه باسم لان بيتنا مبيدخلهوش حد غريب ودي حركاته

فتحت وانا بقول قفشتك ياباسم

لقيت قدامي............

😳😳😳😳😳😳😳😳😳😳

الفصل الخامس والسادس من هنا

بداية الروايه من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇