رواية حطمت حصون قلبي الفصل الثاني عشر والثالث عشر بقلم زهرة الربيع حصريه وجديده

رواية حطمت حصون قلبي الفصل الثاني عشر والثالث عشر بقلم زهرة الربيع حصريه وجديده

خطفتني من فرحي علشان تتجوز خطبتي..دا انا اخوك لو نفسك فيها قوي كده كنت قلي مكنتش هعزها عليك

عزيز قال بغضب وزعيق..مازن...انت بعد الي عملتو جاي تحاسبني كمان...وفاكر لما تيجي تزعق شويه وتعملي نفسك كنت مخطوف هتمشي عليا بقى وهصدقك ..انت من الاول ما كنتش عايز تتجوزها بس انا الي غلطت كان لازم احبسك في الاوضه لحد معاد كتب الكتاب

مازن بصلو بزهول وقال...انت ..انت بتكدب ليه..من امتى وانت بتخاف من حد اصلا علشان تكدب ..انا سامع رجالتك بودني بيقولو..عزيز بيه قال خلوه معاكم لحد ما الفرح يخلص والفرح خلص واتجوزها خلاص وسابوني امشي ..انا مش مصدق انت تعمل فيا كده..علشان البنت عجبتك تخطفني دا انا كنت هموت من الخوف

عزيز استغرب كل كلامو هو عارف مازن ممكن يكدب بس هو بيعرف كدبو من قبل ما يتكلم قال..طب..طب مين دول انت شوفت حد منهم

بس مازن قال بزعيق..ايوه...ابتدي في لعبتك الجديده على اساس بقى انك متعرفش اني مخطوف انت بجد فاكر ان كلامك ده هيمشي عليا

صبا كانت بتسمع كلامهم باستغراب شديد مش فاهمه اي حاجه وصفوان كان بيحاول يهديهم بس من غير فايده

عزيز مسك مازن من قميصه بغضب وقال..عارف لو ما بطلتش الكلام الاهبل ده هعمل فيك ايه

بس مازن مسكو نفس المسكه وقال.. هتعمل ايه اكتر من الي عملتو وريني كده هتعمل ايه ..انت تعمل فيا انا كده يا عزيز... انا اخوك تخطفني علشانها طب اشبع بيها يا عزيز ومن انهارده انسى ان ليك اخ ودفعو بقوه ومشي بغضب دخل اوضتو

عزيز كان بيبص لطيفه بزهول من عصبيتو وكلامو ول الي قالو شئ غريب جدا

مازن دخل الاوضه وبقى يكسر كل حاجه قدامو وقعد على السرير بعصبيه شديده وهو مش مصدق الي اخوه عملو فيه بس مكانش الي حصل هو الي معصبه..فكره ان صبا بقت مرات اخوه هيه الي معصباه ودي الحقيقه الي بيهرب منها

عزيز دخل اوضتو وقفل الباب بعنف وفضل رايح جاي بغضب..وبيفكر في الي مازن قالو اتنهد و قال...ازاي كده..مين ممكن يكون خطفو..ازي حصل كده

صبا بصتلو بسخريه وقالت ..وانت صدقتو..كل ده كدب.. اكيد قال كده علشان خايف منك و

بس عزيز قاطعها وقال بغضب..مازن اخويا انا الي مربيه..عارف كدبو وعارف صدقو وانا متأكد ان كل كلمه قالها حقيقه

صبا بصتلو باستهزاء وقالت...امممم مربيه..تمام..ولسه هتخرج عزيز شدها من ايدها وقال بعصبيه..رايحه فين

صبا قالت بضيق...نازله المطبخ هكون رايحه فين يعني

عزيز ضحك جامد وقال..لا والله رايحه المطبخ طب كبايه شاي معاكي بقى ..وبصلها بعصبيه وقال..من هنا ورايح مفيش شغل في المطبخ مفيش نزول على الاسطبل واي حد يطلب منك حاجه بخصوص شغل السرايا ممنوع تنفذيها..انتي بقيتي مرات عزيز الالفي وتتعاملي على الاساس ده طول ما احنا متجوزين وشغل الشرشحه ده تبطليه ويارب اسمع انك كسرتي كلامي والله لاكسر دماغك فاهمه

صبا نفضت ايده بعصبيه وقالت..لا مش فاهمه انا مش مراتك..اوعي تفتكر اني هتعامل على الاساس ده في يوم من الايام

عزيز بصلها بحده وقال..انا الكلام الي اقوله يتنفذ بالحرف وطول ما انتي على زمتي تحترمي رغبتي وكمان شعرك ده تغطيه كلو مش عاوز شعره تبان منو مفهوم

صبا قالت بضيق..بس انا مش محجبه اصلا

عزيز قال بحزم..هتتحجبي ومش زي ما بتحطي الطرحه وكل شويه تقع ويبان شعرك الي فرحانه بيه ده..لاني لو لمحتو في يوم مش هقصو هحلقهولك خالص ....هتتحجبي وانتهى

صبا لسه هتتكلم عزيز قال..اشششس انتي لسه متعرفنيش..لما اقول انتهي يبقى انتهى ولو فيه كلمه على لسانك تبلعيها سمعتي

عزيز قال كده وخرج من الاوضه بغضب وصبا ضربت على الارض بغضب وضيق وقعدت مكانها مرضيتش تنزل

في الاسطبل انور قام من النوم وكانت اسيل بتلبس هدومها... قال بابتسامه..صباحيه مباركه ياقمري

اسيل ابتسمت بكسوف وقالت..صباح الخير

انور قال..على فين بدري كده

اسيل قالت وهيه بتكمل لبس..همشي قبل ما حد يشوفني وهبقى اجيلك تاني

انور وقف وقرب منها وشدها عليه وقال....بس هتوحشيني... اصلا من دلوقتي وحشاني

اسيل ضحكت وقالت...هجيلك على طول يلا بقى لازم امشي لو حد شافني هتبقى مشكله وباستو من خده وقالت ..باي

انور شدها عليه تاني وباسها من شفايفها بقوه وبعد شويه وقال وهو مغمض باستمتاع..مينفعش تفضلي شويه كمان

اسيل ضحكت وزقتو بخفه وقالت..انا عارفه الشويه بتوعك... وبعدين انا منمتش خالص كفايه دلع بقى يلا هجيلك تاني وقبل ما تطلع قالت..انور ...انا بثق فيك اكتر من نفسي انت عارف اكيد

بقلمي..زهرة الربيع

انور ارتبك لما قالت كده واتنهد وحاول يبتسم وقال..عارف ..ومش عايزك تقلقي..انا ممكن اضحي بالدنيا كلها وانتي لا

اسيل ابتسمت بسعاده وطلعت جري على السرايا

انور اختفت ابتسامتو ونزلت دمعه من عيونه وقعد بحزن شديد وقال...اسف..اسف يا اسيل

..سامحيني..انتي احلى حاجه حصلت في حياتي بس انتي كمان فرصتي الوحيده..انا..انا ايه الي عملتو ده..البنت صغيره اوي

بس مسح دموعو بقوه وقال بغضب.وصبا كمان صغيره.. وملهاش غيري يرجع حقها ...وقف ولبس هدومو وقال بابتسامه جانبيه...هنتواجه يا ولاد الالفي هنتواجه

في السرايا جاسر راح لسمر ودخل الاوضه من غير ما يخبط وقال بعصبيه..برافو عليكي..بقى اقولك مش عايزها تتجوز مازن تجوزيها لعزيز

سمر كانت رابطه دماغها وبتبكي قالت بدموع وعصبيه..انا كنت فكراه هيلغي الفرح مش هيتجوزها سبني في حالي علشان انا هتجنن مش مصدقه الراجل الي طول عمري احلم بيه..واحده خدامه زي دي تلهفو على طبق من دهب وانا بايدي الي قدمتو ليها

جاسر قال بضيق..طب والعمل..دلوقتي نعمل ايه علشان يطلقو

سمر قالت..مش عارفه بقى..هو كده كده هيطلقها اول ما الناس تنسى الموضوع..بس قولي ايه الكلام الي مازن قالو ده

جاسر قال ...انا قولت بما انهم اتجوزو بسرعه كده نستفيد من خطفو خليت الرجاله فهموه ان عزيز خطفو علشان طمعان في البنت ممكن كده يتخانقو ويطلب منو يطلقها

سمر قالت بضيق..تمام..بس سبني السعادي مش قادره اتكلم يلا اخرج قبل ما حد يشوفك هنا

جاسر خرج من الوضه يتسحب وكانت صبا رايحه تشوف اسيل وشافتو طالع من عند سمر بطريقه مريبه استخبت علشان ميشوفهاش واول ما مشي طلعت على اوضه اسيل وهيه بتفكر ليه طلع بالطريقه دي من عند سمر

عزيز بقى راح لمازن وخبط على الباب

مازن قال بغضب..مين

عزيز قال بضيق...افتح يا مازن ده انا

مازن اتنرفز وقال بصوت باكي..مش هفتح وامشي من هنا مش عايز اتكلم معاك

عزيز قال بضيق..افتح يا مازن بلاش شغل الاطفل ده افتح خلينا نتفاهم

مازن مسح دموعو وقام فتح وقال بنرفزه..عايز ايه انا قولت الي عندي جاي ليه

عزيز دخل وقعد على السرير وقال..بس انا مقولتش الي عندي ممكن تهدي بقى وتسمعني انا امبارح معرفش مين الي اخدك من البيت مش انا الي خطفتك انا عمري ما اعمل كده انت عارف اني ضد الجواز ومش عايز ارتبط طول حياتي وانت كنت معايا في اذمتي من اولها وفاهم كده كويس

مازن قال بعصبيه..انا سمعتهم بوداني و

بس عزيز قاطعو وقال..وحيات تمار بنتي ماليه دخل ابدا..وانت عارف اني في حياتي ما حلفت بيها ها مصدقني ولا لا

مازن قعد جمبو لما قال كده وقال..امال مين يعني ليه مصلحه ان انت الي تتتجوز مش انا

عزيز قال ...هعرف وحياتك هعرف انا اصلا متأكد انو مش هيجبها لبر..و اول ما ابتدي حب يفرق بنا

مازن قال..قصدك جاسر

عزيز قال..مين ممكن يكون غيره..الي خطفك من السرايا حد منها والا مكانش عرف يخرجك ابدا على العموم سبلي الموضوع ده انا جايلك في موضوع اهم..ايه حكايه صبا معاك رد عليا ومتتكسفش انسى حكايه انها بقت مراتي دى لان دي رسميات قدام الناس مش اكتر

مازن قال بفرحه..صحيح يا عزيز يعني انت مقربتش منها

عزيز ابتسم باستهزاؤ وقال..ولا عمره هيحصل..كأنك متعرفش اخوك انت عارف اني عمري ما هفكر في اي واحده بعد الي حصلي ها بقى انت ..بتحبها

مازن قال ..لا حب ايه.. مش لدرجادي..انا بس تقريبا معجب بيها..افتكرت ان ممكن بعد الجواز تطور علاقتنا بس ..خلاص بقى ..ملناش نصيب مع بعض

عزيز ابتسم وقال..انا اتمنى انك تحب وتتجوز وتستقر ويبقالك اولاد هكون ابوهم اكتر منك ..متقلقش..انا هتجوزها فتره كده لحد الناس ما تنسى شهر بالكتير وتكون نتيجه الانتخابات ظهرت والوضع استقر وهطلقها واجوزهالك على طول

مازن حضنو وقال..ربنا ما يحرمني منك

عزيز قال ..ولا يحرمني منك انت ابني يا مازن..انا لو اعرف انك كنت مخطوف كان لايمكن افضل مكمل الفرح واكون هادي كده بس افتكرت انك عملتها معايا وهربت ...يلا كفايه بقى كلام انا هنزل اشوف تمار مش بترضى تفطر من غيري عن اذنك

عزيز فتح الباب ولسه هيطلع التفت لمازن وقال..مازن صبا مستقبلها معاك وهتكون ليك في يوم من الايام بس حاليا هيه مراتي..وعلى زمتي...مش عايزك تتعرض لها لحد ما اطلقها..ولا تقرب منها حتى لو برضاها..انا واخد ضربه في نص قلبي من اقرب الناس ليا ومش هستحمل الضربه تيجي منك انت بذات

مازن قال بسرعه..انت بتقول ايه..صبا زي اسيل لحد ما تطلقها..انا مش اخوك يا عزيز..انت ابويا ومستحيل اخونك اطمن

عزيز ابتسم وطلع من عندو وراح يفطر مع تمار

اما صبا كانت عند اسيل... واسيل قالت..طب بيحب ياكل ايه او العصير مثلا بيحب اي نوع

صبا بصتلها باستغراب وقالت بضحك...فيه ايه يا اسيل..من ساعت ما قعدنا وانتي بتسألي على انور بيحب ايه وبيكره ايه..وغمزت لها وقالت..هو فيه حاجه انا معرفهاش ولا ايه

اسيل اتوترت وقالت..لا طبعا حاجه ايه..انا بس بشوفو دايما لوحدو في الاسطبل ومش بيرضى ياكل من اكل الخدم الي بنوديه فقولت يعني اعملو حاجه ياكلها مش اكتر

صبا قالت بحزن..هو مش بيرضى ياكل الاكل علشان من السرايا وهو مش عايز ياخد اكتر من حقو مبيحبش حد يمن عليه علشان كده بيشتري من الفلوس الي اشتغل بيها ..يلا سيبك كنت عايزه اسألك على حاجه

اسيل قالت... قولي

صبا قالت..هو الي اسمو جاسر يقرب ايه لسمر مرات عمك احمد

بقلمي..زهرة الربيع

اسيل استغربت وقالت..ابوه الله يرحمو اخو عمي احمد يعني ابن اخو جوزها ..ليه بقى

صبا قالت باستغراب...لا ابدا بس لقيتو خارج من عندها كده يتسحب فقولت ايه القرابه الي بينهم بس...طب بقولك معلش سؤال كمان...هو ايه الي بينو وبين عزيز...سمعتو لما اتخانقو كان بيقول مراتك وراحت لاخويا ومعرفش ايه

اسيل قالت بتوتر..ده موضوع قديم...وحساس اوي..ومقدرش اجاوبك فيه..وياريت كمان متجبيش سيره لعزيز بيه لانو بيتنرفز و

بس قطعت كلامها على صوت عزيز بيزعق جامد ويقول...اهدي ازاي يا بابا اهدي ازااااي ورحمه امي لاقتلها هشرب من د*مها الخا*طيه الحيو*انه وطلع جري بيقول..اسييييييييل....انتي يا فا*جره

اسيل وقفت بخوف شديد وعزيز كسر باب الاوضه ودخل وقال... اه يا حيو*انه يا فا*جره وهجم عليها مسكها من شعرها بشده وبقى بضربها جامد ويقول..هقتلك..والله لشرب من د*مك

صبا بقت تبعدو عنها وتقول..فيه ايه اهدى اهدى بس

وجيه مازن على صوتهم وحاولو يبعدوه هو وصبا ومازن شد اسيل عليه وحضنها وكانت بتبكي جامد وتشهق وقال لها..عملتي ايه..عملتي ايه يا اسيل

اسيل قالت ببكا.. والله ما اعرف مش عارفه مش عارفه

عزيز فتح تلفونو وقال..مش عارفه..خدي اعرفي..قرفك يا فا*جره..

اسيل ومازن مسكو التليفون واسيل حطت ايدها على بقها بصدمه شديده ومازن شد التليفون من ايدها وكان هيقع من طوله لما شاف مقطع ليها مع انور ووووو

عر*يانه معاه وهو ساترها في احضانو ابشع صوره ممكن يشوفها اخ لاختو اترعش التليفون في ايده وبص لاسيل وقال بتهتهه..ايه..ايه ده..ها ..ازاي...انور..مع السايس

عزيز قال وهو في قمه غضبو...هيه دي المشكله لو مكانش سايس كان عادي وشد اسيل من شعرها واخدها وهو بيجرجرها بكل قوتو وبيقول..عشيقك...بعت صورك معاه ياخا*طيه بيهدد ينشرهم كمان علشان تعرفي انتي كنتي مع مين في الحرام بعتهملي وبيهددني

اسيل اول ما قال كده بصتلو بزهول وصدمه وقالت ببكا..لا لا مستحيل يعمل كده لا لا

عزيز ضربها قلم قوي وقال..لا والله ميعملش كده اهو عمل يا مغفله..عمل يا هبله ..لعب بيكي علشان ينتقم مني وادتيلو الفرصه..فاكره ايه يا غبيه كنتي فاكره ايه

اسيل نزلت دموعها وبقت ترتعش وقالت ببكا وصراخ..لا..لا مستحيل مستحيل ..انور..انور بيحبني..بيحبني اوي..انت بتقول كده..علشان بتكرهو

عزيز مسكها جامد من شعرها وقال...يا متخلفه. انا هجيب الفديو ده منين يا حما*ره و

بس اتفاجأو كلهم لما وقعت من طولها واغمى عليها

صبا جريت عليها وعزيز قال بتوتر بيحاول يداريه..اسيل..اسيل بلاش الحركات دي

بس صبا صرخت فيه وقالت..حركات ايه البنت اغمى عليها شلها..دخلها اوضتها

عزيز شالها ودخل بيها وهو بيقول لصبا..انتي واخوكي الحيو*ان هدفعكم التمن..اصلا متعرفوش لعبتو مع مين

صبا ولا كانها سمعاه كانت مشغوله على اسيل استنتو حطها على السرير وقالت..اطلب دكتور بسرعه وبقت تحاول تفوقها بالبرفان وقاست لها النبض واسعفات اوليه كده من الي درستو

عزيز مسك التليفون وبيطلب الدكتور بس ابتدت اسيل تفتح عنيها بتعب واول ما شافتهم حواليها افتكرت الي حصل ونزلت دموعها بوجع

صبا حضنتها وقالت..كل حاجه هتكون تمام ..متقلقيش اهدي

عزيز بصلها بسخريه وغضب وقال..اهي فاقت خلاص مش محتاجين دكتور مع انك لو كنتي متي كنتي ريحتينا كلنا ..ومشي من الاوضه بغضب رهيب

اسيل اتملت عيونها دموع لما قال كده وحضنت صبا وبقت تبكي جامد وصبا اتأثرت بدموعها وبقت تطبطب عليها وتهديها

اما عزيز فنزل زي الاعصار على الاسطبل ومازن وصفوان وكل الي شافوه بقو ينادو عليه ويجرو وراه خايفينو يعمل مصيبه بس هو ولا سائل فيهم كان مش شايف قدامو

جاسر شافو راح لسمر الي كانت حاضره الي حصل وقال..فيه ايه مين الي معصبه كده

سمر قالت ..لو شوفت الي حصل اخو الخدامه..كان مقضيها مع الست اسيل..واحنا ولا في الدنيا

جاسر اتفاجا وقال بضحك....دي شكلها هتولع

في الاسطبل كان انور بينضف فيه وبيشتغل زي العاده وسمع صوتهم بينادو على عزيز ..وعزيز بيقول بمنتهى الغضب ...روحو انتو محدش يجي ورايااا

انور ابتسم بانتصار وقال بهمس..تعالى يا عزيز بيه مستنيك

عزيز اول مادخل ...انور قال..اهلا بالباشا عايز الحصان بتاعك افكو

عزيز اتقدم عليه وضربو بوكس قوي جدا وشدو بقوه ونزل فيه ضرب جامد وقعو في حوض الميه وكمل عليه لحد ما كان هيغرقو

انور بقى يكح جامد وكان بيحاول يبعدو عنو بس عزيز كان زي المجنون ومش حاسس وبقى يقول بغضب رهيب...انا هعلمك ازاي تتجرأ على اسيادك يا كل*ب يا و*سخ وطلعو من الحوض ورماه على الارض وطلع السلاح بتاعو وصوبو عليه

عند صبا كانت بتدي اسيل ميه وبتهديها واسيل قالت وسط شهقاتها..ان..انور...انور مستحيل..مستحيل يعمل كده..اكيد..اكيد بيضحكو..عليا..هو..هو مستحيل يكون...يكون صورني..وبيهددنا..لا لا ميعملهاش هو بيحبني..بيحبني يا صبا هو.. هو قلي كده لا لا مش مصدقه لا

صبا نزلت دموعها لانها عارفه الغل الي في قلب اخوها وكانت بتتمنى انو يكون معملش كده قالت..اهدي يا اسيل..اكيد يا حببتي في سبب و

بس قطع كلامهم دخول سمر وقالت باستهزاء..انتو نايمين هنا والمصايب قايمه بسببكم

صبا بصت لها بضيق وقالت..فيه ايه

سمر قالت بسخريه..ولا حاجه يا عمري جوزك راح يقتل اخوكي بس كده

بقلمي...زهرة الربيع

صبا شهقت برعب واسيل جريت لتحت وصبا وراها واسيل بقت تنادي وتقول..يا عزيز..عزيز..لا...لا يا عزيز ووصلت وهيه بتنهج جامد ودخلت جري لقت عزيز مصوب سلاحو على انور وانور باصصلو بابتسامه مستفزه... جريت وقفت قدام انور وقالت برعب..لا لا..ابعد عنو ملكش دعوه بيه

عزيز مسكها من ايدها بغضب وقال بنظره مرعبه..وليكي عين..كمان تقفي قدامي يا فا*جره يا خا*طيه وضربها قلم قوي وقعها على الارض

انور جري عليها وقال بدموع... اسيل .. انتي كويسه

اسيل بصتلو بدموع وقالت..مش مصدقاهم انا..مش هصدقاهم ابدا..انت بتحبني..مش كده انت قولتلي..قولتلي انك بتحبني مستحيل تعمل فيا كده صح

انور حاول يتحاشا نظراتها ووقفها ومردش عليها وبص لعزيز بغضب وقال..امتى هتتعلم الرجوله وتبطل تتشطر على الحريم

عزيز بصلوبغضب ولسه هيرد دخلت صبا وقالت...بزعيق وانت يا سيد الرجاله..عايز تاخد حقك بنفس طريقتهم الو*سخه..انت كده راجل ..اول ما ابتديت ابتديت بالغلبانه دي

اسيل قالت بزعيق..لا..لا يا صبا هو..هو مستحيا يكون عمل كده..انا متأكده ووقفت قدام انور وابتسمت ودموعها بتنزل على خدودها وقالت..انور...الي قالو كدب مش كده انت مبعتش الفيديو لينا..ولا هددتو..انت بتحبني..بتحبني اوي..معملتش كده علشان تنتقم صح..قولهم..قولهم ان في حاجه غلط..قولهم وانا هصدقك

انور نزل راسو بحزن وحاول يقوى وقلبو حرفيا بيتقطع ورفع راسو بدموع وقال بقوه مصتنعه..لا..كل الي قالو صح..انا الي بعت الفيديو.....ولو منفذش شروطي..الفيديو ده هتشوفو كل البلد

اسيل كانت هتقع من طولها رجعت لورا بصدمه حقيقيه.. وضربتو قلم بضعف وقالت بتهتهه...ود..وديني اوضتي..وديني اوضتي ياصبا لو سمحتي..خديني..خديني من هنا

انور قال بدموع..اسيل..اسيل انا..

اسيل قالت بدموع ..انت حيو*ان..انت سا*فل..انا...انا حبيتك...حبيتك اوي....منك لله..منك لله ومشيت مع صبا ودموعها كانت بتنزل على خدودها بغزاره

صبا بقت تسندها ووقفت قدام عزيز وقالت...جيبو على السرايا وتعالو مينفعش تتكلمو هنا الخدم والناس بره عايزين يعرفو فيه ايه هاتو على السرايا وهنحلها

عزيز استغرب انها مش فرحانه وانها مهتمه بسمعت اسيل هز راسو بالموافقه وقال..احم..تمام

صبا اخدت اسيل وطلعت بيها على السرايا وعزيز قال لانور بغضب مكبوت..اطلع قدامي هنروح السرايا نعرف طلباتك

انور حاول بتمالك نفسو ويحبس دموعو واظهر القوه وقال..ماشي..معنديش مانع بس ثانيه اقلع الهدوم الي حضرتك بوظتها

عزيز طلع وانور غير وراح وراه على السرايا.

عزيز اول ما دخل كانت اسيل قاعده في الصالون و صبا بتديها ميه بصلهابغضب وقال..عاجبك الي احنا فيه يا هانم..عاجبك يا بنت الاكابر الوضع الي حطيتينا فيه..والاشكال الي هنضطر نقعد معاهم بفضلك يارب تكوني مبسوطه لما سلمتي شرفنا لواحد سايس حق*ير وسا*فل زي ده

صبا كانت متغاظه من كلامو جدا بس ساكته علشان حاله اسيل... واسيل كانت منهاره وبتبكي جامد

عزيز قرب عليها وقال بفحيح مرعب...كنت فاكر ان الستات تفرق عن بعض وان مش كلهم غدارين وسف*له..وكنت بقول..ادي اسيل اختك قدامك بنت بميت راجل ومستحيل تفرط في نفسها..لاكن لا..طلعتو كلكم صنف واحد حتى انتي طلعتي حيو*انه زيك زي غيرك

اسيل بكت جامد وصبا حضنتها وبصتلو بغضب وقالت..كفايه بقى البنت تعبانه انت حتى مفكرتش تسمعها..

عزيز قال بغضب..اسمعها..اسمع ايه..ها اسمع ايه...ما انا سمعت الفيديو كفايه..ولا علشان المقطع صغير مش كفايه و

قاطعو انور وقال وهو داخل السرايا..الفيديو اكتر من نص ساعه..لو حابب تسمعو كامل ده الي قدرت اصورو بقى ..انا بعتلك الي عقلك يستحملو بس لو حابب ابعتهولك كامل ميغلاش عليك

عزيز غمض عنيه وضم اديه بغضب وبصلها وقال..سامعه..سامعه الوسا*خه...طيب..ابكي بقى..ابكي يمكن تغسلي ذمبك

اسيل كانت حرفيا مش مصدقه والي جارحها جدا ان كل حاجه طلعت كدبه طلعت مجرد وسيله لانتقام

عزيز قرب من انور وقال بغضب..على فكره انا ممكن اخلص عليك حالا ولا هيبقى فيه فيديو ولا اي حاجه

انور ضحك وقعد على الكرسي وحط رجل فوق التانيه وقال...اكيد يعني عامل حسابي هو انا اهبل لدرجادي..انت لو قتلتني مجرد ما اما اموت الفيديو ده هيملا البلد والعالم كمان انا حاطو عند حد مجرد ما يسمع خبر موتي هينشرو بس متخافش ده شخص موثووق بس لو انت عايزني امسحو هو والي معايا تنفذ شروطي من غير ولا كلمه والا بقى هينزل اجمل فيلم يبسط البلد كلها بعنوان.. شاهد فضيحه اخت النائب مع ...ابن البواب..الي مكانش عاجبك يا زيزو

عزيز قعد على الكرسي ومسك دماغو وقال بتعب..طلباتك...

بقلمي..زهرة الربيع

انور قال ..طبعا انت سيد العارفين..ان اختك دي

خلاص كده مش هينفع تتجوز غيري..وطبعا حضرتك عايز الموضوع يخلص بسرعه وانا موافق بس

لاكن اسيل وقفت وقالت بغضب وبكا وصراخ.. انا مش موافقه مستحيل اتجوز الحيوان ده اخرج بره بيتنا اطلع من هنا يا حق*ير يا سا*فل

انور كان كلامها وصدمتها فيه ونظرات عيونها بيقتلوه بس دي كانت فرصتوالوحيده انو ياخد حقو من عزيز واخوه

مازن قال بغضب..هيه معاها حق..مستحيل تتجوز واحد زي ده نقول ايه للناس و

عزيز قال بغضب وزعيق..اخرسو..اخرسو بقى ..وبص لاسيل بغضب وقال..ليكي عين تتكلمي وتتشرطي يا هانم المفروض حاليا تبقى بتحمدي ربك الف مره انك لسه عايشه

جاسر كان واقف على جمب وسامع كل الكلام قال باستفزاز..معاه حق كان المفروض نخلص عليكي..لولا الفضايح الي بتيجي واحده ورا التانيه الاول فضيحه مرات اخوكي الكبير وبعدين اخوكي الصغير مع الخدامه ودلوقتي حضرتك مع السايس..حاجه عار بجد

الكل بصلو بغضب ومازن قال بعصبيه..انت تخرس خالص انت بتدخل ليه اصلا

بس عزيز اتحولت ملامحو لغضب فظيع وقال وهو بيضغط على كل حرف بيقوله..لوسمعت نفس حد فيكم هخلص عليه مفهوم..مين ماكان هقتلو...وطلع سلاحو وحطو على الطاوله وقال لانور..خلصني قول طلباتك

انور اتنهد بانتصار وقال بابتسامه مستفزه .. اولا اختك دي لما اتكرم واتجوزها ..هتجوزها في بيت عمي مش هنفضل في السرايا ده مبدأيا

مازن قال بعصبيه..انت بتقول ايه اختي انا تقعد في المزبله بتاعتكم ده مستحيل

انور بصلو بابتسامه مستفزه جدا وقال..اختك كانت دخلتها امبارح في الاسطبل على الأرض بتهيألي معندهاش مشكله في بيتنا عمره ما هيكون اسوء من اسطبل البهايم

اسيل شهقت بزهول ونزلت دموعها بشده وحست بنار جواها من كلامو عزيز كان هيتجنن من كلامو بس بص لمازن بغضب وقال..انا قولت..ايه مش قولت محدش ينطق..اخرس...ورجع بص لانور وقال..وايه كمان

انور قال بحزم .... ثانيا والاهم ..انت واخوك..تعتذرو لصبا وتترجوها تسامحكم وووووووو

الفصل الرابع عشر والخامس عشر من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

رواية حطمت حصون قلبي