رواية عريس إيجار الفصل الثامن بقلم نور عصام رواية عريس إيجار البارت الثامن بقلم نور عصام رواية عريس إيجار الجزء الثامن بقلم نور عصام

رواية عريس إيجار الفصل الثامن بقلم نور عصام

رواية عريس إيجار البارت الثامن بقلم نور عصام

رواية عريس إيجار الجزء الثامن بقلم نور عصام

رواية عريس إيجار الفصل الثامن بقلم نور عصام

شهد اتخضت علي ادهم من اطالة سجوده اكتر من الازم وراحت عليه وبلهفه قالت ادهم ادهم ادهم

ادهم رفع راسه من السجود وكمل صلاته وسلم

شهد اتنهدت لما رفع راسه وبس سلم راحت عليه ورمت نفسها ف حضنه ودموعها نزلت

ادهم ابتسم وبعدين قالها اهدي يا روحي في ايه مالك لدا كله ليه كل الخوف والدموع دي

شهد اخدت نفس وبعدين علت صوتها وقالت انت ازاي تعمل فيا كدا كنت هتموتني من الخوف عليك

ادهم بمرح قالها والله يا بيه ما عملت حاجه

شهد كل دا ومعملتش

ادهم طبطب عليها وقالها ايه اللي حصل بس

شهد بنرفزة قالت حصل ان البيه ساجد اكتر من عشر دقائق ولا بيتحرك ولا حتي حسه بنفسه روحي كانت هتطلع والله كنت هموت من الخوف عليك وكل دا وانت ولا علي بالك

ادهم ببتسامه قالها واهو البيه قام ومماتش لسه عايش

شهد حطت ايدها علي شفايفه وقالت بعد الشر ليه كدا

ادهم قالها هو يعني انتي عوزاني انتي عوزاني التزم بالاتفاق هتفرق ايه بقا اكون موجود ولا لأ وبعدين اهو تبقي أرمله بدل مطلقه مش احسن بردو

شهد بدموع قالت بقا كدا يا اهم دي فكرتك عني يعني انا وحشه قوي كدا

ادهم قالها انا بس بقولك اني فاكر اتفاقنا وعلي وعدي ليكي ولو حتي روحي هتطلع هعملك اللي انتي عوزاه

شهد دموعها ذادت

ادهم طيب ليه كل الدموع دي والله مقدر عليها

شهد مش بتتكلم

ادهم طيب ممكن تهدي وتقوليلي بتعيطي ليه

شهد اتنهدت وقالت ادهم انا عرفه اني تفكيري غلط بس والله غصب عني بابا عقدني ف كل الرجاله خلاني اقول كلهم زي بعض مفيش راجل حنين

ادهم قاطعها وقالها بالعكس في رجاله حنينه كتير جدا وبتظهر دا للي موجودين ف حياتها وحواليها وفي رجاله بردو حنونه بس مش بتظهر حنيتها للي قدامها

شهد بس يا اهم

ادهم من غير بس انا عاوزك تفكري بقلبك وتشوفي الجزء الحلو والحنون ف ابوكي وف كل اللي حواليكي من قرايبك

شهد بحزن قالت للاسف مفيش

ادهم ازاي بقا وبعدين قالها طيب وشادي

شهد قالت دا احن اخ ف الدنيا

ادهم وخالك

شهد كتيير حنون وطيب

ادهم وعمك

شهد طيب وحنين وبيحبتي كتير ودايما حسه بحنيته عليا

ادهم ابتسم

شهد بتضحك ليه

ادهم علشان قولتلك فكري بقلبك وانتي هتشوفي كل اللي حوليكي كويسين وطيبين بس انتي اتسرعتي وفكرتي بعلقك وقولتي للاسف مفيش لكن لما سألتك قلبك علطول اشتغل وقال علي كل الحب والحنان اللي شافهم من الكل

شهد سكتت وماردت

ادهم قالها يا حبيبتي انا عاوزك تفهمي وتتأكدي ان فعلا مش كل الناس زي بعضها انتي بس علشان شوفتي جانب مفهوش كل اللي عوزاه تخيلتي ان كل الناس كدا لكن ابدا ياروحي ف كتير كويسين ويعرفو ربنا لكن بردو واجب علينا الحذر وخاصه ف زمانا هذا

شهد اتنهدت براحه وحضنت ادهم

ادهم بخبث قالها ايه بقا ممكن نكمل حياتنا كازوحين

شهد وشها احمر وبعدين غيرت الموضوع وقالت انا بقا عاوزه اعرف انت كنت مطول ف السجود كل دا ليه وبمرح قالت ايه ناوي توب ف ساجده واحده

ادهم ضحك وقالها والله كنت بدعي لحياتنا مع بعض

شهد اتوترت وقالت الأكل جاهز عالسفرة وقامت

ادهم خرج وراها وراح قعد عالسفره وقالها تسلم يدك ياقمر

شهد اكتفت ببتسامه

ادهم وشهد بعد ما خلصو ادهم قالها هتصل علي ماما علشان اشوفها لو هيتأخرو هروح اجيبها

شهد تمام لحظه اجيبلك الفون وبس جابته جرس الباب رن

ادهم قالها خليكي وانا هفتح وفتح وكان الكل

سحر ببتسامه قالت الف مبروك يا حبيبتي وحضنته

ادهم بادلها الحضن وشكرها

شادي اعرييييس الف مبروووك وحضنو بعض

عايده الف مبروك يا ادهم وطبطبت عليه

ادهم باس ايدها وشكرها

محمد بصوت اجش قال الف مبروك يا ادهم

ادهم الله يبارك فيك يا عمي اتفضلو

الكل دخل وباركو ل شهد وبعدين قعدو يتكلمو شويه ف الفرح وشويه بالمطعم

وبعد بعض الوقت

محمد بص لمراته علشان تدخل تطمن علي بنتها

عايده محرجه

ادهم لاحظ وبعدين قام ودخل الاوضه ونده ل شهد

شهد راحت لعنده

ادهم قالها طبعا ملاحظه ابوكي

شهد ايوا بس

ادهم من غير بس خليكي هنا وانا هخلي مامتك تدخلك

شهد بتسرع قالت وانبي وانا هقولها ايه ان شاء الله

ادهم رفع حاجبه وقالها مش انتي اللي عملتي فيها سبع رجاله ف بعض وقولتي انا هتحمل كل حاجه

شهد يعني ايه بقا

ادهم بغيظ فيها قالها يعني اتحملي بقا يا قلبي نتيجه عمايلك

شهد بقا كدا يا ادهم

ادهم ايون وراح عالباب علشان يطلع

شهد شدته من دراعه وقالت انت شريكي ف كل حاجه ولازم تتحمل معايا وتقولي اعمل ايه

ادهم هههههه دلوقتي بقيت شريكك

شهد علشان خاطري يا دومه

ادهم امممم طااايب اسمعي ياروحي

شهد بدون وعي قالت قول يا قلبي

ادهم فرح بكلمتها وبعدين قالها طبعا ماما هتيجي تسألك انتي كويسه وكلو تمام هتري عليها بكل بساطه وتقوليلها ايوا يا ماما الحمد لله انا كويسه مش محتاجه فقاقه يعني

شهد بس

ادهم ايوا طبعا

شهد وانا اللي كنت فاكره غير كدا وكنت حسه بغرق

ادهم هههههههه

شهد قالتله بتضحك وبعدين قالت وانا اش عرفني

ادهم مال عليها وباسها من خدها وقالها اطلعي عالشط واقعدي استني ست الحبايب ومشي وراح لعندهم وقال لحماته ماما شهد كانت بتنادي عليكي ممكن تدخليلها

عايده ابتسمت وقالت حاضر يا ابني ودخلت لبنتها

شهد قالتلها ماما حبيبتي تعالي

عايده حضنتها وقالتلها والله وحشتيني يا شوشو وحسه انو البيت فاضي عليا ودموعها نزلت

شهد باست ايدها وقالتلها ربنا يخليكي ليا يا قلبي وميحرمني منك ابدا وبعدين ان شاء الله كلها كام يوم واجي لعندك يا ست الكل

عايده ربنا يسعدك يا بنتي بس خليكي وقت اجازتك ف بيتك وخلي بالك من جوزك ومن حماتك والله يا بنتي انا حساها طيبه قوي وبتحبك كتير ربنا يهديكو لبعض حبيبتي اوعي يا شهد تزعليها اعتبريها زي وحبيها وعامليها بما يرضي الله واللي ترضيه مرات شادي تعمله معايا اعمليهولها اوعي تعامليها وحش وإلا مرات اخوكي هتعاملني اسوأ من اللي انتي هتعمليه

شهد بعد الشر عنك وعنها يا ماما هي فعلا ماما سحر طيبه جدا وعندها كميه حنان متتقدر وبتحبني كتير متقلقيش يا ماما انتي عرفه بنتك وتربيتها

عايده طبطبت عليها وقالتها ربنا يحفظك يا بنتي وبعدين سكتت لحظات وقالت شهوده انتي كويسه طمنيني عليكي

شهد اتكسفت وبعدين قالت الحمد لله يا ماما انا بخير

ادهم كان معدي رايح يجيب ميه وسمع

عايده وادهم عامل ايه معاكي انا شايفه انو كويس وباين عليه ببحبك قوي بقلمي نور عصام

شهد فعلا يا ماما ادهم كويس جدا وحنين قوي وبيعاملني بكل بهدوء وفعلا بيحبني اوي يا ماما

عايده طيب وانتي

شهد احرجت وبعدين قالت انا ايه يا ماما

عايده شهد متلفيش وتدوري عليا كلميني وريحي قلبي

شهد عاوزه ايه يا ماما

عايده عاوزه اعرف بنتي حبيبتي مرتاحه ف الحياه اللي اختارتها ف يومين كدا ولا وقت وهيعدي

شهد بستغراب بصت لأمها

عايده اوعي يابت تكوني فكراني عيله صغيره ومش فاهمه بنت قلبي اللي ربتها

شهد ابدا يا ماما انتي عرفه غلاوتك عندي

عايده طيب ريحيني علشان حاطري يا بنتي

شهد بصراحه يا ماما انا مش عرفه ايه اللي بيحصلي اتجوزت ادهم وانا مرتحاله لاني بعرفه من زمان لكن مش قادره امنع نفسي عنه كل ما يقرب مني مش بقاومه بكون محرجه منه ومن كلامه وكنت حابه احط حدود بيني وبينه لكن مش قادره جوايا شئ بيشدني ليه مش عرفه ازاي دا حصل ومتقوليش بحبه علشان انا

عايده قطعتها وقالت علشان انتي بتحبيه جدا كمان

شهد ازاي يا ماما لا طبعا انا بس

عايده لا دا انتي بتحبيه وتحبيه وتحبيه ودا اللي شيفاه ف عيونك واللي واضح من كلامك واللي بان من قربكم لبعض بس مكنتيش شيفاه

شهد معقول يا ماما اكون كنت محتاجه حد حنين يعوضني حنان بابا وقسوته عليا

عايده انا مش هنكر ان ابوكي طول عمره شديد بس مش معني كدا اننا نرمي نفسنا لحد يضحك علينا بكلمتين ناعمين او يضحك علينا باسم الحب او لأي راجل يطبطب علينا لا طبعا لازم نكون حرصين جدا علشان ما نندم كل عمرنا وبعدين طبطبت علي شهد وقالتلها بس الحمد لله بنتي حبيبتي ربنا عوضها خير ادهم ابن حلال ويستاهل كل خير حبيبتي عيشي حياتك مع جوزك ومتزعلهوش انتي بتحبيه وهو كمان بيحبك ايه الي يمنع انكم تعيشو حياتكم طبيعين وتعوضو بعض بكل اللي ناقص ف حياتكم بمعني هو اتحرم من ابوه كوني ليه اب واخ وصديق وام وقت اللزوم لان امه موجوده وربنا يعطيها الصحه ودورها ف حياته ولا ستات الدنيا تعوضه وصدقيني يا بنتي هو كمان هيعوضك عننا وعن الدنيا كلها كمان

شهد ابتسمت لأمها

عايده حضنت بنتها وقالتلها يلا نطلع اتأخرنا عليهم وابقي طمنيني بجد

شهد وشها احمر وبعدين طلعو

عايده اومئت لجوزها بالرضي

محمد اتنهد برتياح وبعدين قال يلا بينا نمشي ونسيب العرسان مع بعض

ادهم لسه بدري يا عمي

محمد بدري من عمرك يا بني خلي بالك من شهد

ادهم ف عيوني يا عمي

عايده طبطبت عليها وقالت بهمس بتحبك بس خايفه وبتكابر براحه عليها وربنا يسعدكم ويرزقكم الذريه الصالحه

ادهم ببتسامه حب قالها ربنا يخليكي لينا يا ست الكل

شادي بمرح قال ادهوم انا قاعد معاكو شويه

ادهم علي راسي يا حبيب اخوك

شادي هو مش علي راسك بظبط علي قلبكم

ادهم بهزار امشي يلا ومشوفش وشك تاني

عايده وادهم هههههه ههههههههه

شادي بقا كدا طب والله

ادهم والله ما انته حالف

شادي حضنه وقال الف مبروك يا جوز اختي عاوز ابقي خالو قريب

ادهم ان شاء الله يا خالو ومشيو

سحر باست شهد وقالتلها الف مبروك حبيبتي نورتي بيتك

شهد منور بيكي يا ماما

ادهم والله نوركم ساطع انتو الاتنين

شهد ليه الغيظ دا بقا

سحر لاحظ يا ادهم اننا بقينا اتنين

ادهم رفع ايده بستسلام

سحر وشهد ههههه ههههه وبعد بعض الوقت

ادهم قال انا هدخل انام شويه

سحر ماشي يا قلبي خد مراتك معاك

شهد لا يا ماما انا هقعد معاكي شويه

سحر لا روحي مع جوزك انا هصلي وانام شويه

ادهم قال عاوزة حاجه يا ماما

سحر لا يابني روحو انتو

ادهم دخل الاوضه وخلفه شهد

شهد محرجه ومش عرفه تعمل ايه

ادهم حس بتوترها قالها شوشو تعالي عاوزك ف كلمتين

شهد راحت وقعدت جنبه عالسرير وقالت خير يا ادهم

ادهم خير يا قلب ادهم وبعدين قالها شوشو انا من بكرا هنزل المطعم

شهد بكرا

ادهم قالها ايوا قاعدتي ملهاش لازمه يبقي ليه اقعد ونقفل المطعم انتي عرفه انو المطعم مقفول بسببنا

شهد بس ياداهم ميتفعش

ادهم هو ايه اللي مينفعش

شهد مينفع تنزل تالت يوم جواز الناس تقول ايه العروسه طفشتك من اول يوم ولا العروسه

ادهم قاطعها وقاله العروسه زي الفل وبعدين محدش له عندي حاجه بقلمي نور عصام

شهد دا بابا لو عرف انك نزلت هيموتني

ادهم ليه يعني اذا كنت انا راضي

شهد ادهم انت علي عيني وراسي وقبل الكل عندي بس بابا صعب وتفكيره هيروح لبعيد ومش هيسكت

ادهم انتي عاوزه ايه يا شهد دلوقتي

شهد بقلة حيله قالت مش عوزاك تنزل المطعم دلوقتي علي الاقل طول فتره الاجازة

ادهم فكري يا شهد شويه ولاحظي ان ماما عايشه معانا

شهد فهمت عليه وسكتت لان معه حق ف كلامه

ادهم قالها انا هنام شويه يا شهد وباذن الله بكرا هروح المطعم

شهد اتنهدت وزعلت من نفسها وبعد شويه خرجت وراحت عن امها سحر اوضتها

سحر حبيبتي تعالي

شهد قعدت جنبها عالسرير وقالت ممكن اقعد مع القمر شويه ولا ايه

سحر بهزار قالت ايه

شهد ههههه

سحر قالتلها حبيبتي فيكي ايه وليه سايبه جوزك وجايه

شهد ابدا يا ماما حبيت اقعد معاكي شويه ونتعرف اكتر علي بعض

سحر قالتلها حبيبتي الايام جايه كتير وبعدين بصتلها بنظرة ام حنونه وقالتلها ادهم طيب وابن حلال قربي من جوزك واكسبيه ليكي ولحبك ولقلبك لازم تقربي منه علشان حياتكم تستمر انا عرفه انو جوازكم جه بسرعه ودا طبعا هو اللي مخليكي بعيده عن ادهم لكن انتي بنتي وهو ابني ويهمني راحتكم وسعدتكم روحي يا قلبي وقربي من جوزك

شهد ف نفسها بتقول سبحان الله بتتكلمي وكأنك عرفه كل حاجه بس انا متأكده انك متعرفيش

سحر شهد روحتي فين

شعد معاكي ياماما

سحر قالتلها الست الذكيه العاقله هي اللي تشوف جوزها عاوز ايه وتعمله وتحاول قدر الامكان تسعده علشان ما يبص لغيرها وطبعا بحبها ليه وثقتها فيه هتسعد نفسها قبله

شهد يعني انا اللي لازم اروح انا اللي ابتدي واقرب

سحر اولا مش عيب ومش مهم مين الباديء المهم النتيجه الصح اللي هتسعد الجميع

شهد سكتت وماردت

سحر طبطبت عليها وقالتلها انا اكيد بحبك واخاف عليكي وعلي حيائك كابنت بس صدقيني مجرد دخولك وقربك هيفرق كتير ف حياتك وبمرح قالت انتي بس قربي

شهد وشها بقا الوان

سحر هههههه وبعدين قالتلها يلا يا بت اومي من هنا روحي لجوزك وبعد تسع شور عاوزه حفيد وممكن سابعه عادي انا اصلا مستعجله

شهد ضحكت وقامت باست ايدها ومشيت راحت اوضتها قعدت جنب ادهم وفكرت بكلام امها وكلام امها سحر وكلام ادهم ليها وبعد سراع مع نفسها راحت غيرت لبسها ولبست قميص نوم بينك مفتوح من فوق ولبست عليه الروب واتنهدت وراحت عند ادهم وقالت ادهم ادهم انت نمت

ادهم كان حاسس بكل حركتها بس استعبط طبعا مادا طبع الرجاله 🤨 وخصوصا وهي اللي رايحه 😊 بس مننكريش ان معظمهم طيبين وحنينين المهم ادهم عامل نايم لكن هيتجنن عليها

شهد طلعت عالسرير جنبه وقالت ادهم اصحي عاوزه اتكلم معاك ايه يعني انت لحقت تنام

ادهم اممم سبيني يا شمس انام شويه

شهد خبطه علي صدرع وقالت شمس مين ان شاء الله اللي اسيبك معها شويه نهارك اسود انت بتحلم ولا حكايتك ايه بالظبط

ادهم ااااه يا مجنونه كل دي خبطه ف ايه

شهد فيه انك بتحلم انك مع واحده تانيه طيب مقولتش ليه من الاول وبزعل قالت خلاص روح اتجوز تاني

ادهم بخبث قالها مش لما اتجوز اول ابقي اتجوز تاني

شهد يعني ايه حضرتك

ادهم يعني اما اتجوزك انتي الاول ابقي افكر ف غيرك

شهد لفت وشها الناحيه التانيه وزعلت

ادهم حط ايده علي ضهرها وقالها ايه القمر دا وليه زعلان هو انا قولت حاجه تزعل

شهد مش بترد

ادهم بهزار قال ياربي وانا كان مالي بس ومال الجواز منا كنت قاعد ف حالي