رواية جواز صالونات (حب من اول نظره) الحلقة الثالثة والرابعه والخامسه بقلم شهد أحمد

رواية جواز صالونات (حب من اول نظره) الحلقة الثالثة والرابعه والخامسه بقلم شهد أحمد

محمد. يلا بقا ي حبيبتي قوليلي مين العروسه اللي عايزه تجوزيها ل يزن

ام يزن. بنت وحده صحبتي إنما اي ي محمد أدب اي وأخلاق اي

محمد. المهم انها تعجب ابنك طيب ما تكلميها وناخد معاد ونروح نشوفها الاول

ام يزن. حاضر ي حبيبي

عند عشق كانت بتكلم مع ورد في التليفون

ورد. بت ي عشق انتي مش ناويه تاخدي خطوه في انك تتجوزي

عشق. وبعدين معاكي ي ورد اي السيره دي ما احنا كنا بنتكلم عادي ومفرفشين لي السيره اللي تحزن دي

ورد. تحزن اي ي بت هو في احلا من الجواز وفارس الاحلام

عشق. فارس الاحلام واحلا من الجواز بت روحي نامي واتغطي كويس مفيش الحاجات دي في الواقع كلهم مصطفى ابو حجر وقلبهم زي الحجر

ورد. اي ده ي عشق ده اللي هيقعد يتكلم معاكي في الجواز ويسمع منك اللي بتقوليه مش هيتجوز

عشق. ي اختي انا غلطانه اللي عايزه انقذك بدل ما تخدي علي عينك ده انا بنور بصيرتك ههه

ورد. قال بتنور بصيرتي قال ده انتي بتطفيها

عشق. اتصدقي انا غلطانه

ورد. يعني لو انقدملك حد هتوافقي ولا لا ي عشق و اي موصفات الشخص اللي انتي عايزاه

عشق. امم بصي ي ستي بالنسبة لي لو حد اتقدم وكده وهوافق ولا لا ف سبيها ل وقتها وبالنسبه ل المواصفات انا مش طالبه كتير انا عايزه يكون بيصلي دي اول حاجه ويكون شخص كويس وبسيط ويكون بيحب أهله ويراعي ربنا فيهم لانه زي ما هيعمل مع أهله هيعمل معايا يعني ويتقي ربنا فيا بس كده يعني.

ورد. ان شاء الله ي قلبي ياجي فارس احلامك وبمواصفاتك

عشق. ان شاء الله يلا بقا باي هروح اشوف اكل

ورد. ههه روحي ي اختي علي طول همك علي بطنك كده

عشق. اعمل اي طيب هو الوحيد اللي بيسليني اكمني مليش حبيب ولا قريب وكده يعني هههه

ورد. بكره ياجي ي اختي بس علي الله تبطلي انتي اكل بس ههه يلا باي.

ام يزن اتصلت على ام عشق وقالت إنها عايزه تاجي هيا وابنها يزن يشوفوا عشق ولو حصل نصيب وكده يتجوزوا

ام عشق. تنوري ي حبيتي البيت بيتك

ام يزن. تسلمي ي قلبي يناسب معاكم بكره بعد العصر

ام عشق. اكيد ي حبيبتي هستناكي.

ام يزن. تمام .

يزن رجع من بره وقال ازيك ي لولو

ام يزن. الحمد لله جهز نفسك بقا علشان هنروح نشوف العروسه بكره بعد العصر

يزن. اي ده بسرعه دي كده طيب ما كنتي اجلتي اسبوع ولا حاجه استريح من السفر وكده

محمد. معاه حق ي حبيبتي خلي الولد ياخد نفسه شويه

ام يزن. ي محمد محسسني أنها هتكتم نفسه ده بالعكس يعني هتهون عليه وكده وبعدين ي يزن انت رجعت في كلامك ولا اي

يزن. لا ي امي اللي تشوفيه

ام يزن. يبقا علي خيره الله جهز نفسك بقا علي الميعاد

يزن. حاضر. ،، وطلع اوضته

محمد. ي حبيبتي ما تهدي علي الولد شويه ده لسه جاي من السفر واكيد تعبان يعني

ام يزن. ي محمد عايزه افرح ب ابني وعلشان مش يسافر تاني ويسبنا لما يتجوز اكيد هيقعد هنا ومش هيسافر

محمد. تفتكري ي لولو

ام يزن. اكيد ي حبيبي .

وتاني يوم الصبح

ام عشق. بت ي عشق يلا قومي

عشق. في اي ي امي علي الصبح

ام عشق. قومي ي بت نظفي البيت عايزاه بيلمع كده

عشق. حاضر علي الظهر كده هقوم وهعمل اللي انتي عايزاه

ام عشق. قومي ي بت ظهر اي فيه ضيوف جايين بعد العصر كده مش هنلحق نجهز حاجه

عشق. ضيوف مين بس ي ماما اللي جايين

ام عشق. عريس ي حبيبتي جاي يشوفك

عشق. 😳😳😳😳

ي ترا رد فعل عشق اي واي اللي هيحصل 🤔

رواية جواز صالونات (حب من اول نظره) الحلقة الرابعة

عشق. بصدمه 😳 انتي بتقولي اي بس ي امي

انتي اكيد بتهزري صح قولي انك بتهزري

ام عشق. بأبتسامه وهو الكلام ده فيه هزار ي عشق يلا ي حبيبتي قومي روقي البيت وجهزي نفسك علشان تقبلي العريس

عشق. بس ي ماما انا مش عايزه اتجوز علي الاقل دلوقتي

ام عشق. ي حبيبتي شوفيه الاول وبعدين يبقا قولي رئيك مش جائز يعجبك

عشق. 😏 يعجبني طيب لما نشوف اخرتها بس عندي شرط

ام عشق. انتي تأمري ي قلب امك

عشق. قلب امك اي ده اي ده

ام عشق. في اي ي بت

عشق. من امته الحب ده كله

ام عشق. ي بنت الهبله انا بحبك علي طول يلا قولي اي الشرط

عشق. لو معجبتنيش يبقا مفيش نقاش يبقا هو لا

ام عشق. طيب يلا بس روحي انجزي

عشق. حاضر. وراحت ترتب البيت وجهزت نفسها وحان الوقت أن يزن وأهله يوصلوا

وشويه و وصلوا وأم عشق رحبت بيهم وبعد سلامات وكلام حان الوقت أن عشق تطلع

ام عشق. راحت عند عشق واخدتها وطلعت

عشق. لما طلعت وبتبص لقت طنط ام يزن صديقه مامتها

اتصدمت اي ده لي ماما مش قالت إنه العريس يبقا ابن صاحبتها معقول تجبرني اتجوزه وجو الافلام والروايات ده ولو مش وفقت تقولي انا قلبي مش راضي عنك ولا انتي بنتي ولا اعرفك كل ده كان بيدور في دماغ عشق واخيرا فاقت من الصدمه علي صوت ام يزن اللي قالت عامله ايه ي عشق ي حبيبتي

عشق. سلمت علي ام يزن وقالت الحمد لله ي طنط وسلمت علي محمد ابو يزن وقعدوا يتكلموا بقا وكده

عشق. كانت بتخطف نظره ل يزن

ويزن كذلك وكان فيه تبادل نظرات من تحت ل تحت من غير ما حد يحس

يزن. شاف أن عشق بنت جميله وأنها علي طبيعتها ومش متصنعه وكانت هادئه ورقيقه وخطفت قلب يزن وقال إن دي هيا شريكه حياتي وكان بيدعي أنها توافق

عشق. كانت شايفه يزن أنه وسيم وأعجبت ب شخصية وأنه بيتكلم ويهزر ومش معقد وكانت بتقول أنه ماشي حاله يعني

المفروض أنه اي عريس بيتقدم ل عروسه بيقعدوا لوحدهم يتكلموا بس دول كانوا مختلفين ومحصلش كده

وهما قاعدين المغرب إذن ف يزن استأذن منهم ونزل علشان يصلي

عشق. لما شافت كده وأنه بيصلي وكده كمان كانت مقتنعه بيه وكانت من جواها حاسه انها مرتاحه وكده

واخيرا جات لحظه الوداع وهيا أنه يزن وأهله يمشوا

وبعد ما يزن وأهله وصلوا البيت

ام يزن. قولي ي حبيبي عشق عجبتك

يزن. ايوه ي ماما علي خير الله يبقا بكره علي بليل قولي أنه موافقين.

ام يزن. لولوي لولوي الف مبروك ي نور عيني

محمد. الف مبروك ي حبيبي ربنا يتمملك على خير

يزن. ي رب تسلمولي وراح حضنهم

عند عشق.

ام عشق. اي رئيك ي عشق في يزن

عشق. بصي ي ماما انا شايفه أنه كويس بس بس

ي ترا عشق هتوافق ولا هترفض 🤔

رواية جواز صالونات (حب من اول نظره) الحلقة الخامسة

ام عشق. كويس بس اي ي عشق

عشق. بصي علشان مش أحكم وخلاص اديني وقت افكر فيه واقولك إذا كنت هوافق أو هرفض

ام عشق. وهو يزن يترفض ي عشق

عشق. اه قولي بقا كده علشان ابن صحبتك وكده تقوليلي وافقي وإلا انتي بنتي ولا اعرفك وبعدين انتي مش قولتي ليه أن العريس ابن طنط أم يزن هاا. الاقيكي كنتي عايزه تحطيني قدام الأمر الواقع صح صح قولي

ام عشق. اي الهبل اللي انتي بتقوليه ده ي بت انتي اتجننتي وبعدين أنا أعمل فيك كده ما هو هقول اي ما هو اخره المسلسلات التركي اللي بتتفرجي عليها اثرت عليكي وخلت حياتك شبه المسلسلات غوري من وشي وفكري وهو اصلا خساره فيكي اي رئيك اديه ل ورد يتجوزها

عشق. ورد اي ي حجه هو جاي ليا انا ومحدش هيتجوزه غيري قال ورد قال

ام عشق. ههههه ي خربيت الهبل وعلي هبلك ي شيخه

عشق. نننييي ده انا قمررر قمررر

ام عشق. قمر بالستر المهم اقول اي ل يزن وعائلته موافقه ولا لا واخر كلام

عشق. بكسوف احم موافقه وبعدين هو هيلاقي زي فين أنا مفيش مني اثنين

ام عشق. ههه طبعا ي روحي تعالى في حضن امك ي بت الف مبروك

عشق. ادخل في حضن اخوك ي فواز الله يبارك فيك ههه

ام عشق. ده انتي مصيبه الله يكون في عونه يزن ههه

عشق. شكرا لا شكرا بجد انتي امي ولا أمه ولا انتي لقيتني علي باب الجامع

ام عشق. امشي ي بت روحي شوفي هتعملي اي

عشق. هعمل ايه يعني هروح اكل واكلم البت ورد

ام عشق. طيب

عشق. وهيا بتاكل الو ورد

ورد. طيب بلعي الاول وبعدين يبقا كلميني

عشق. اذا كان عجبك ي بت

ورد. 😒 طيب ي اختي اتصلتي عايزه اي

عشق. اتقدملي عريس ي بت

ورد. بجد الف مبروك وبعدين قالت استني ي بت مقولتيش ليه أنه في عريس متقدملك واحنا كنا بنتكلم مع بعض امبارح وكده

عشق. ي اختي اهدي معرفتش الا انهارده الصبح وجاه انهارده ولسه ماشي من شويه

ورد. اهااا ولي طنط مقلتش ليكي من قبلها

عشق. معرفش بقا ي وردتي

ورد. طيب هاا وافقتي ولا عملتي اي

عشق.بكسوف وافقت

ورد. لولوي لولوي الف مبروك ي روحي واخيرا بقا

عشق. ههه اهدي وداني وجعوني

ورد. ههه الف مبروك ي قلبي فرحتلك اوي واخيرا

عشق. الله يبارك فيك ي ورد وعقبالك أن شاء الله

ورد. تسلميلي

عشق. يلا باي بقا هروح اكمل اكل

ورد. ههه روحي باي.

عند يزن.

يزن. بقولك أي ي لولو

ام يزن. قول ي قلب لولو

يزن. ما تحكيلي شويه عن عشق وكده يعني

ام يزن. بس كده حاضر اسمع ي سيدي

عشق. عندها 22 سنه وفي كليه هندسه ومعندهاش اخوات زي ما انت شوفت وملهاش حد غير مامتها وهيا بنت جميله وهاديه وتدخل القلب كده بسرعه اول ما شوفتها حبتها واتمنيت أنها تكون من نصيبك

يزن. كان بيسمع وبكل تركيز

ام يزن. بس ي سيدي عايز تعرف حاجه تاني

يزن. لا بقا يبقا اعرف الباقي منها لو حصل نصيب وكده

ام يزن. ان شاء الله ي حبيبي تبقا من نصيبك

يزن. في سره ي رب

وفجاه محمد دخل عليهم و قال …….

يزن و ام يزن 😳😳

تكملة الرواية من هنا

بداية الروايه من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

خلصتوا قراءة الفصل إتفضلوا جميع الروايات الكامله من بداية الروايه لاخرها من هنا 👇❤️👇💙👇❤️👇

1- روايةاتجوزت جوزي غصب عنه