رواية جبروت مرات ابني الحلقه الثانيه بقلم هويدا زغلول

رواية جبروت مرات ابني الحلقه الثانيه بقلم هويدا زغلول

وفي الوقت ده انا بصيت ليها وقولت

روحيه _ وابني عارف بالكلام اللي بتقوليه ده

اسماء _ بقولك يا حماتي هو اللي قايل لما

أهلك يطلعوا الزكاه اعملي حساب امي انتي

عارفه ظروفها

رقيه _ لا يا حبيبتي عرفي وقولي ليه في ناس

محتاجه الفلوس دي امك الحمد لله

عايشه بفلوسها ، وبعدها سبتها وخرجت

وقامت ام اسماء وقالت ليها

الام _ ممكن افهم اي اللي انتي عملتي ده

ازاي تقولي كده وبعدين هو انا كنت اديتك

فلوس علشان تعملي كده

اسماء _ سيبك منها يا ماما انا عايزه

اقطع رجلها من البيت هنا مش عايزه

تيجي هنا تاني

الام _ ازاي ده بيت ابنها بقولك اي يا اسماء

انا عارفه انك وحشه بس مش متخيله انك

كده

اسماء _ هي هتنكد علينا ساعه

الفطار ولا اي اقعدي كلي يا ماما

الام _ مش عايزه اكل اي بيتك لقمه يلا

بينا يا جماعه بعدها الكل مشي

وروح يوسف وكانت اسماء عامله تعيط

ودخل اقعد جمبها وقال

يوسف _ اي ده يا حبيبتي فيه اي مالك

اسماء _ مامتك لسه بطلع ليها الفلوس

واقولها خدي يوسف سايب لحضرتك

دول وكل سنه طيبه لقيتها اتحولت

وقالتلي هو ابني بيدني فلوس زكاه

يوسف _ اي ازاي الكلام ده

اسماء _ وفضلت تقولي أنا عارفه أن

ابني قاعد من الشغل ومش معاه فلوس

وفري فلوس أهلك يا حبيبتي انا مش محتاجه

حاجه

يوسف _ طيب اهدي يا حبيبتي والله

لجيب ليكي حقك ماشي يا ماما ، وبعدها

جه عندي وانا فتحت وقولت ليه

الام _ يوسف حبيبي تعالي وبعدها بص

لقاه طبق فول علي التربيزه وقالي

يوسف _ انتي بتحبي كده اكل الشحاتين ده

سبتي الفراخ واللحمه عندي وجايه تكلي فول

روحيه _ انا يا بني

يوسف _ اسمعي انتي حره في نفسك اعملي اللي انتي عايزه بس اول واخر مره تزعقي لمراتي

تاني انتي فاهمه ولا لا

روحيه _ طيب ممكن تقعد يا حبيبي وانا هفهمك

علي كل حاجه

يوسف _ مش عايز افهم هي غلطانه أنها

كانت عايزه تديكي فلوس علشان تعملي فيها

كده

روحيه _ تحرم عليا فلوسك وفلوس مراتك

ومش عايزه حاجه منك

يوسف _ انتي حره انا غلطان أن كنت عايز

اساعدك ب قرشين ، وبعدها مشي

وانا فضلت اعيط وفي شقه ابني دخل وكانت

اسماء وافقه

اسماء _ اي يا حبيبي عملت اي اكيد كدبت

وقالت ليك كلام محصلش

يوسف _ مش عايزك تزعلي يا حبيبتي انا

جبت ليكي حقك منها والله وعمري ما هقبل

حد يجي عليكي ويزعلك

اسماء _ ربنا يخليك ليا يا يوسف انا عارفه

انك سندي في الدنيا بس اوعي تكون

زعلتها دي برضه امك

يوسف _ معقول قلبك الابيض ده ربنا يكرمك

يا قلبي متعرفيش انتي غاليه عندي ازاي

اسماء _ حبيبي انا برضه لازم استحمل امك

مهما أن حصل المهم يلا بقي علشان تلحق

تتسحر قبل ما الفجر يأذن

يوسف _ يلا بينا يا حبيبي وبعدها عدا

كام يوم لقيت صاحب البيت طلع وانا فتحت

ليه الاوضه

روحيه _ صباح الخير يا حاج خير حضرتك طالع

بدري ليه كده

الراجل _ بصراحه مش عارف اقولك اي بس

انا هبيع العماره خلاص ويحاول امشي

الناس اللي عقدهم مده

روحيه _ ينهار ابيض يا حاج طيب انا هروح

فين انت عارف ان مليش مكان اروح فيه

الراجل _ وابنك الغالي راح فين دي مش مشكلتي بقي قدامك اسبوع وتسيبي الاوضه

روحيه _ حاضر يا حاج همشي بس ارجوك

خليني لبعد العيد انا مش هعرف اتصرف

الراجل _ لا الراجل جاي يشوف

العماره بعد الفطار ومش عايز مشاكل

معاه خليني ابيع العماره النحس دي

بقي ، وبعدها نزل وانا دخلت واقعد

ومش عارفه اروح فين وبعدها روحت

بيت يوسف وفتحت اسماء

اسماء _ يا خير عالصبح انتي يا وليه اي

مش بتشبعي من النكد جايه تنكدي علينا

عالصبح ، وانا بصيت ليها ومش عارفه اتكلم وبعدين قولت ليها

روحيه _ لا انا جايه اعتزر ليكي علي طريقه

الكلام اللي اتكلمت معاكي بيها انا

اسفه يا اسماء

اسماء _ ادخلي ادخلي فيه اي وبعدها

دخلت واقعد وقولت ليها

روحيه _ انا اسفه يا اسماء ومش عايزكي تزعلي

مني انتي برضه زي بنتي ، وبعدها خرج

يوسف وقال

يوسف _ صباح الخير يا ماما شوفتي

يا اسماء مش انا قولتك ماما مش بيهون عليها

زعلي واهي جت لحد عندك علشان تعتزر

ليكي ، وبعدها اقعد وحطت رجل علي رجل

وقالت

اسماء _ مافيش حاجه يا حماتي انا قلبي

طيب برضه ومش بعرف ازعل من. حد

يوسف _ اعملي حسابك يا ماما هتقعدي

معانا انهارده تفطري مش هينفع

تمشي

اسماء _ ومالو طبعا لما اقوم اطلع

الفراخ من التلاجه لازم تكلي اكله حلوه يا حماتي

وبعدها دخلت

يوسف _ كنت متوقع انك هتعملي كده

ربنا يخليكي ليا يا ست الكل وما يحرمني

منك ابدا

روحيه _ انا جيت هنا علشان مش لاقيه

مكان اروحه وانت عارف المعاش كله

رايح للقرض صاحب البيت مديني فرصه اسبوع

علشان امشي ومش عارفه هعمل اي

يوسف _ اه قولي كده بقي وانا بقول

برضه انتي اي الحنيه اللي نزلت عليكي دي

جايه ترسمي انك تقعدي هنا

روحيه _ انت ابني واللي انا فيه ده بسببك

ومش لاقيه مكان اروح فيه معقول هتسيب

امي ، وفي الوقت ده خرجت اسماء وقالت

اسماء _ ومالو يا حماتي طبعا لازم ابنك

يشيلك هو انتي ليكي غيرو

روحيه _ كتر خيرك يا بنتي.وانا هعيش

هنا بفلوسي اللي هتفيض من المعاش

اسماء _ مش وقته الكلام ده ادخلي

ريحي شويه يا حماتي في اوضه الاطفال

روحيه _ شكرا يا حبيبتي وبعدها دخلت ويوسف

قام وقف جمب اسماء وقالها

يوسف_ هو اي اللي انتي عملتي

ده انا قولت ليها كده لان عارف انك هتكوني

مضايقه

اسماء _ دي برضه امك يا يوسف ومينفعش

تعمل كده هتروح فين يعني وبعدين

يا حبيبي دي فتره عقبال ما تخلص

لينا موضوع القرض

يوسف _ بجد أنتي ملاك يا قلبي ربنا

يخليكي ليا

اسماء _ يلا بقي علي شغلك هتتاخر

يا حبيبي هستناك يا حبيبي وبعدها مشي

يوسف ولقيت اسماء داخله ليا وبتقولي

اسماء _ بقولك اي يا حماتي انا ماما عايزني

اروح لها ما تقومي بقي تورينا أكلك

كده عامل اي

روحيه _ حاضر يا حبيبي هقوم

اسماء _ بس فيه شويه حاجات ناقصه من

البيت معلش شوفي اي الناقص.وابقي .هاتي

انتي مش لسه معاكي فلوس برضه

روحيه _ حاضر يا اسماء وبعدها نزلت وانا

دخلت ملقتش فيه فراخ ولا حاجه

وبفتح البوك بتاعي مش لقيت الا 20 جنيه

قلعت الحلق بتاعي ونزلت وفي شقه رحاب

صاحبه اسماء دخلت اسماء عندها

رحاب _ اي ده يا بنتي فينك من اول

رمضان كده مش عارفه ، وبعدها دخلت و

اقعد وقالت

اسماء _ يوووو مكنتش اعرف ان الجواز

خانقه كده بصراحه زهقت

رحاب _ هو انتي لحقتي يا بنتي حرام عليكي

ده انتي لسه متجوزه ههههه

اسماء _ أمه جايه تقعد عندي وانا بصراحه

مش بطيق الست دي

رحاب _ حماتك عندك الله يكون في عونك

وبعدها دخل اشرف اخو رحاب وقال

اشرف _ اي ده معقول اسماء عندنا ازيك

عامله اي

اسماء _ بخير يا اشرف عامل اي وفضلنا

ساكتين ورحاب قامت وقفت وقالت

رحاب _ اه هتفضلوا متنحين كده طيب ادخل

انا بقي أنا هدخل اقعد جوا شويه علشان تعرفوا تتكلموا ، وبعدها

دخلت

اشرف _ قوليلي انك جايه هنا علشان تشوفني

عرفني انك مش قادره تنسيني

اسماء _ هيفرق معاك في حاجه يا اشرف

مانت سبتني ومشيت كل ده علشان مش عارف تجيب شقه نتجوز فيها

اشرف _والله غصب عني يا اسماء ان شايفه ظروفي عامله ازاي

اسماء _ولو انا طلقت انت ممكن تتجوزني يا اشرف

اشرف _انتي بتقولي ايه اكيد طبعا هوافق اتجوزك بس اعمليها بس برده احنا في نفس المشكله هجيب شقه وافرشها ازاي

اسماء _انا ناوي اخد كل حاجه من يوسف الشقه بالعفش واطلق منه انا مش عارفه احبه خالص يا اشرف

اشرف _والله يا اسماء لو عملت كده انا مستعد اعيش تحت رجليك انتي ما تعرفيش انا بحبك ازاي

اسماء _طب اديني فرصه بس اعرف اخد منه الشقه هخليه يكتبها باسمي وبعد كده هطلب

الطلاق

اشرف _ربنا يخليكي ليا يا حب عمري طيب

اي بقي مش هينفع نتقابل برا ولا اي انتي

وحشاني اوي

اسماء _ بعد رمضان يلا بقي أنا لازم امشي

دلوقتي ، وبعدها مشيت اسماء وخرجت

رحاب وقالت

رحاب _هو الكلام اللي سمعته ده صح انت ممكن ترجع ليها تاني بعد ما سابتك

اشرف _ ارجع لمين انا لازم ارد ليها اللي

عملته فيا عمري ما هسيب حقي

رحاب _ ابعد عنها احسن يا اشرف البت دي مش

كويسه هي اخ صحبتي بس ملهاش امان والله

اشرف _ هرد ليها ايه اللي عملته معايا وبعد كده هسيبها انا يمكن اسيب حقي انتي ما تعرفيش انا كنت بحبها ازاي

رحاب _اللي انت شايفه اعمله يا حبيبي بس الاصح انك ما ترجعش ليها تاني ، وفي شقه

يوسف كنت وافقه في المطبخ وعملت

الاكل كله ودخلت اسماء وقالت

اسماء _بسم الله ما شاء الله ما انت معاكي فلوس كثير اهو تجيبي الاكل ده كله امال عامله علينا فقيره

روحيه _حبيبتي انا بعت الحلق اللي كنت لابساها علشان خاطر انزل اجيب طلبات البيت دي زي ما قولتلك انا عايزه اعيش هنا بفلوسي

اسماء _ايوه يا حماتي جدع والله انتي شايفه الظروف صعبه ازاي وابنك لسه نازل شغل جديد يعني ما فيش مرتب

روحيه _ ربنا يفتحها في وشه يا حبيبتي ويكرمه

وبعدها خرجت وكنا قاعدين علي الفطار

واسماء قالت

اسماء _ايه رايك في الاكل يا حبيبي ما تعرفش طلع عيني ازاي عقبال ما خلصت الاكل ده كله

يوسف _تسلم ايدك يا اسماء نفسك بقى عامل زي نفس ماما في الاكل بالظبط مش كده يا ماما

روحيه _وانا هاجي جنبها ايه يا حبيبي تسلم ايديها على الاكل ده كله

يوسف _ ربنا يخليكم ليا يارب صحيح يا ماما

انا روحت لصاحب البيت علشان اتكلم معاه

وبعدها قولت ليه أنه لازم يديكي المقدم

اللي دفعتي

روحيه _ اي دن هو انا ينفع اخد

المقدم طيب ارجوك يابني ابقي هاته

ليا علشان عايزه ضروري

اسماء _ عايزه فيه اي يا حماتي مانتي قاعده

عامله تكلي من غير فلوس اهو الفلوس

دي هتتحط في مصروف البيت

روحيه _ اللي انتي عايزه اعملي بعد اذنكم انا

داخله انام ، وبعدها دخلت

اسماء _ لازم يعني تقولها كده امك شبطه

وعايزه تاخد منا اي فلوس

يوسف _ معلش والله ما كنت اعرف

اسماء _عايزه اقولك على حاجه صحيح انا روحت لرحاب صاحبتي النهارده وقالتلي ان انا ينفع اعمل قرض زي ما قولتلك علشان تعمل مشروع اللي نفسك فيه بس قالتلي اني لازم يكون في حاجه باسمي علشان خاطر اقدر اخد القرض

يوسف _اشمعنى انتي يا حبيبتي ما هي ماما عملته مكانش في حاجه باسمها

اسماء _مامتك عملته علشان بتاخد معيش ففي مرتب سابت انما انا بقى ما فيش اي حاجه فكنت عايزك تكتبلي الشقه دي باسمي عقبال

بس ما ناخد القرض وبعدها قالها

الحلقه الاخيره من هنا

بداية الروايه من هنا

قبل ماتخرجوا اتفضلوا الروايات الكامله من بداية الروايه من هنا

هنا 👇❤️👇❤️👇

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

روايات كامله وحصريه

🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹

1- روايةبداية الروايه من هنا

اتجوزت جوزي غصب عنه