رواية هكذا يكون الحب الفصل الثالث والرابع والخامس بقلم ايمان جمال رواية هكذا يكون الحب البارت الثالث والرابع والخامس بقلم ايمان جمال رواية هكذا يكون الحب الجزء الثالث والرابع والخامس بقلم ايمان جمال

رواية هكذا يكون الحب الفصل الثالث والرابع والخامس بقلم ايمان جمال

رواية هكذا يكون الحب البارت الثالث والرابع والخامس بقلم ايمان جمال

رواية هكذا يكون الحب الجزء الثالث والرابع والخامس بقلم ايمان جمال

رواية هكذا يكون الحب الفصل الثالث والرابع والخامس بقلم ايمان جمال

الحلقة_التالتة

وقفنا لما فيروز ضربت مهاب(الجد) بالقلم

مهاب بغضب وبصوت الشركة كلها سمعته: انتي اتجننتي يابت انتي ازاي تعملي كدا؟

فيروز واقفة مرعوبة من صوته وخرج عبدالحميد على صوت مراد

عبدالحميد: في ايه؟

فيروز وقفت تتحامى في عبدالحميد

مهاب(الجد): انت مشغل عندك حيوانات

عبدالحميد: ماتغلطش فيها دي سكرتيرتي

مهاب(الجد): انت اتجننت انت بتقولي انا مغلطش في دي....وبيشاور عليها

عبدالحميد بص لفيروز اللي واقفة مرعوبة: اي اللي حصل يافيروز

مهاب(الجد): انت كمان هتسألها انت ترفدها حالا

عبدالحميد: مش انت اللي هتيجي تقولي ارفدها ولا لا وبعدين لازم افهم منها

مهاب(الجد) اضايق اوي منه وسابه ومشي وعيدالحميد اخد فيروز مكتبه

عبدالحميد: عاوز افهم ايه حصل

فيروز حكتله كل اللي حصل

عبدالحميد بصدمة: انتي ضربتي مهاب بالقلم؟

فيروز بتوتر: اه عشان ماينفعش يقولي كدا واسيبه

عبدالحميد ضحك بصوته كله: يخربيت عقلك يافيروز...ضربتي مهاب العمري

فيروز: يطلع مين دا يعني؟

عبدالحميد: انتي بجد متعرفهوش؟

فيروز ببرائة: لا بصراحة محصليش الارف😂 (الشرف😂😂) قبل كدا

عبدالحميد ضحك اووي: يخربيت كدا...انتي عارفة انه قريبي وصاحبي؟

فيروز: ازاي يبقى قريبك وصاحبك وعاوزة يسرق الملف؟

عبدالحميد اتنهد: بصي دا موضوع طويل اوي...المهم دلوقتي ان مهما يحصل مش هنتنازل عن المناقصة

فيروز: اكيد طبعا

عبدالحميد: والاهم من كدا انك لازم ماتمشيش لوحدك بعد كدا

فيروز بإستغراب: ليه؟

عبدالحميد: انتي شايفة ان اللي انتي عملتيه دا عادي؟......دي مصيبة ومهاب العمري مش هيسيبك في حالك بعد اللي حصل

فيروز: مش بخاف

عبدالحميد ضحك: ياجامد انت....انا بتكلم بجد انا هطلب من السواق يروحك بعد الشغل

فيروز: ماشي

فؤاد خبط ودخل وباين عليه انه قلقان

فؤاد لفيروز: انتي كويسة؟

فيروز: اه

عبدالحميد: اهي يافؤش هي كويسة اهي والله في ايه؟

فؤاد: الشركة كلها قاعدة تتكلم عاللي حصل

فيروز بصدمة: هو في حد شافني وانا بعلم عليه

عبدالحميد ضحك اوي: يخربيت شيطانك

فؤاد ضحك: يابنتي قولي مين مشافش

فيروز وهي بتمثل الصدمة: رحتي بلاش يافيروز

عبدالحميد ضحك اوووي: يالا يابت على مكتبك انتي لو فضلتي قاعدة ادامي كدا مش هبطل ضحك

فيروز ضحكت اوي: حاضر

فؤاد وفيروز خرجوا

#############

نيجي للندن، مهاب قاعد في الفندق ونزل اخد عربية خاصة وراح مدرسة داخلية، مهاب وصل ودخل المدرسة وقعد في اوضة المديرة

_الحوار مترجم_

المديرة: حمدلله على السلامة مستر مهاب

مهاب قعد: الله يسلمك، اين صافي؟

المديرة: ارسلت لها المشرفة

وبعد دقايق قليلة، دخلت بنت جميلة عمرها ١٨ سنة ملامحها حلوة اووي ، بشرتها بيضا وعيونها زرقا وشعرها اصفر وطويل لاخر ظهرها

صافي جريت على مهاب حضنته

صافي: كدا يا أبيه تسبني كل دا

مهاب: حقك عليا يابنت قلبي انا خلاص هاخدك معايا

صافي بفرحة: يعني انا هنزل Egypt (مصر)؟

مهاب: ايوا ياقلبي

صافي كانت فرحانة جداااا

(صافي اخت مهاب، بعد طلاق مامته من ابوه عرفت انها حامل وسافرت لندن وولدت صافي هناك وبعد خمس سنين من ولادتها توفت ومهاب ساعتها كان عنده ١٥ سنة وجده عبدالحميد اتفق معاه ان اخته تفضل في لندن في مدرسة داخلي، وكل خمس شهور كان بيزورها وكان بيخليها تتكلم عربي كتير وتتفرج على الافلام المصرية عشان ماتنساش لغتها)

مهاب خلص إجراءات مشي صافي من المدرسة، واخد اخته ورجع الفندق، وهي كانت فرحانة جدا انها خلاص هتعيش معاه

صافي: انا فرحانة اوي ان هاجي اعيش معاك

مهاب بحنية: انا فرحان اكتر منك انك خلاص هتكوني جمبي

صافي حضنته: بحبك اوي يا أبيه

مهاب: وانا بحبك اوي ياقلبي......احنا هنرجع كمان يومين

صافي قامت من حضنه: لا نرجع بكرة عشان خاطري....عشان عاوزة اشوف بابا

مهاب اضايق لان ابوه مايعرفش انها اصلا موجودة....مسك ايديها: اقعدي عاوز اتكلم معاكي شوية

صافي قعدت: في ايه يا أبيه؟

مهاب: بابا مايعرفش بوجودك

صافي بإستغراب: تقصد ايه؟!

مهاب: يعني بابا مايعرفش انك اتولدتي اصلا

صافي انصدمت وعيونها دمعت: انت بتهزر صح؟

مهاب: لا بتكلم بجد ياصافي

صافي دموعها نزلت وسكتت

مهاب بيمسح دموعها: محدش يستاهل دمعة من عيونك

صافي بعياط: يعني عاوزني افرح لما تقولي ان بابا مايعرفش اني اتولدت اصلا؟

مهاب: هيعرف ياصافي والله بس في الوقت المناسب....لازم جدك مهاب يندم عاللي عمله

صافي بعدم فهم: جدو عمل ايه؟

مهاب: هفهمك بعدين.....المهم دلوقتي انك هتكوني في ڤيلا جدك عبدالحميد

صافي مسحت دموعها وابتسمت: جدو عبده حبيبي

مهاب ضحك: شفتي انتي بتحبيه ازاي وكمان كان بيكلمك على طول يبقى خلاص

صافي: حاضر يا أبيه

مهاب باس دماغها: ومش عاوزك تخافي طول ما انا جمبك

صافي: حاضر

اليوم عدا عليهم ومهاب محبش يزعلها وحجز التذاكر ورجعوا مصر تاني يوم

عبدالحميد اخد اليوم دا اجازة وبيباشر الشغل وهو في الڤيلا وباسم راح لصافي ومهاب المطار

باسم: حمدلله على سلامة الصغنن بتاعنا

صافي بفرحة: الله يسلمك يا أبيه

باسم: لا أبيه ايه انتي عاوزة تكبريني

مهاب ضحك: ما انا مش هبقى أبيه لوحدي😂

صافي وباسم ضحكوا، وركبوا العربية وفي طريقهم للڤيلا ، بعد شوية وصلوا والكل كان في استقبالهم

عبدالحميد اول ماشاف صافي فتح ايده عشان يحضنها وهي جريت عليه: حمدلله على سلامتك ياحبيبتي

صافي: الله يسلمك ياجدو

شروق وخلود بفرحة: الصغنن وصل

صافي جريت عليهم: وحشتوني اوي، وكنت عاوزة انزل مصر من زمان عشانكم

شروق: خلاص بقيتي معانا

خلود: والبنات ذادوا بنت

باسم: لا قصدك المجانين ذادوا واحد

شروق وخلود في نفس واحد: باااااااااااسم

مهاب ضحك: قابل يامعلم

سراج: حمدلله على سلامتك ياقلب خالك

صافي حضنته: الله يسلمك ياخالو

ايمن: هو انا ماليش حضن انا كمان ولا ايه؟

صافي جريت حضنته: لا ودي تيجي باردوا

ليلى ووفاء سلموا عليها والكل كان فرحان بيها اوي

##################

فيروز خلصت الشغل ونزلت تستنى ضياء، وفؤاد كان واقف شايفها وقرب منها

فؤاد: واقفة لوحدك ليه؟

فيروز: لا ابدا مستنية واحد قريبي بيجي ياخدني كل يوم

فؤاد: طب كنتي خليتي السواق يوصلك ذي ماطلب مستر عبدالحميد

فيروز: ماحبتش ومش متعودة على كدا فقولت كدا احسن

وهما بيتكلموا ضياء وصل

ضياء: اتأخرت عليكي؟

فيروز: لا ابدا انا لسة نازلة

ضياء بص لفؤاد: اهلا انا ضياء قريب فيروز

فؤاد سلم عليه: اهلا بيك وانا فؤاد زميلها في الشغل.....بعد اذنكم

فؤاد مشي وضياء اخد فيروز ووقف تاكسي وركبوا

فيروز طول الطريق مضايقة من ضياء وبتكلم نفسها: دا حتى ماضايقش ان فؤاد كان واقف معايا.....فين غيرة الحب اللي بيقولها عنها اساس الحب...واتنهدت: مش لما يكون في حب انا خلاص حسيت اني بالنسباله ذي اي حد.....ولا حتى سألني يومي كان عامل ازاي

بعد شوية وصلوا عند البيت وكل واحد فيهم دخل شقته، فيروز دخلت شقتهم، غيرت هدوم اللبس بهدوم بيتي واتوضت ولبست اسدال الصلاة وصلت فرضها وبعد كدا دخلت تجهز اكل ليها

*************

نروح شوية لمهاب، قاعد في جنينة الڤيلا وصافي جات قعدت جمبه

صافي: قاعد لوحدك ليه يا أبيه؟

مهاب بصلها وبإبتسامة جذابة: كنت زهقان قولت اجي اقعد هنا

صافي: ممكن اطلب طلب؟

مهاب: مش دلوقتي ياصافي صدقيني هتشوفيه بس مش دلوقتي

صافي بحزن: نفسي في حضنه، انا ماشفتوش غير في الصور بس

مهاب حضنها: يعني حضن اخوكي وحش

صافي ابتسمت: لا طبعا دا احلى حضن في الدنيا

مهاب: بكاشة

صافي ضحكت اوي: ابدا والله

مهاب قام وشالها: طب تعالي بقى نتجنن شوية

صافي: هتعمل ايه؟

مهاب قفز بيها في حمام السباحة

صافي: انت مجنون يا أبيه

مهاب ضحك بصوت: مجنون معاكي انتي يا احسن اخت في الدنيا

صافي كانت فرحانة بقرب اخوها، وبقية العيلة طلعوا على صوت ضحكة مهاب

عبدالحميد بصدمة 😮: انتوا سامعين اللي انا سمعته؟

باسم: سمعنا، طب شايفين اللي بيحصل دا؟

شروق وخلود في صوت واحد: سامعين وشايفين

سراج وايمن بيضحكوا عليهم....سراج: الصدمة صعبة صح😂

وفاء بصدمة: هو مهاب بيضحك؟

ليلى: ايه ياجماعة عادي

كلهم قربوا منهم وهما لسة في حمام السباحة

مهاب: ماتيجوا تنزلوا بدل ما انتوا واقفين كدا

باسم في ثانية كان في الماية، وشروق وخلود بصوا لبعض وزلوا هما كمان، مهاب قلع التيشرت وشايل اخته بين ايديه وفرحان بيها وكأنها امه رغم انها اصغر منه عشر سنين بس ملامحها نفس ملامح امها جدااااا

باسم قرب منه: اخيرا شفتك ضحكتك يامهاب

مهاب بص لأخته: هي السبب فيها ياباسم

باسم همسله: عقبال ماتيجي البنت اللي تخلي قلبك يدق وابتسامتك دايما على وشك

مهاب ابتسم وسكت

سراج نزل الماية وواقف جمب شروق بنته وخلود لوحدها (حمام السباحة واسع وكبير عشان كدا كل واحد في جمب)، باسم شايف خلود لوحدها وراح عندها

باسم: بتعومي لوحدك ليه؟

خلود اتفاجأت انه جمبها بس هي وعدت نفسها وقلبها انها تتعامل ببرود عشام تحافظ على كرامتها: ابدا انا حبيت اكون لوحدي

باسم: يعني امشي؟

خلود من جواها عاوزاه يفضل بس للأسف قالت: ياريت

باسم استغرب من ردها واضايق اوي وبعد عنها

خلود بتكلم نفسها: غصب عني اقولك كدا بس انا تعبت من تجاهلك وبعدك عني، وانا بحبك كحب العشاق لكن حبك ليا حب اخوات وبس💔

باسم بدأ يعوم لوحده وبعنف ويغطس ويخرج تاني ومضايق انها قالتله يمشي من جمبها وبيكلم في نفسه: هو انا زعلان ليه؟ مادا عادي يعني، وسكت شوية واتكلم: لا مش عادي عشان هي مكانتش كدا معايا......وبص عليها وهي اصلا مش مركزة معاه وبتعوم

اليوم عدا خلاص وتاني يوم عبدالحميد باردوا اخد اجازة بس طلب من فيروز انها تيجي الڤيلا بالملفات اللي عاوزة امضته

مهاب صحي واتوضى وصلى ركعتين ولبس تيشرت وبنطلون وجذمة ومشط شعره ورش من البرفيوم بتاعه ونزل تحت ، الكل كان في اوضة السفرة

مهاب دخل: صباح الخير

الكل: صباح النور

صافي: تعالى اقعد جمبي

مهاب ضحك: اكيد هاجي جمبك اصلا

مهاب قعد جمب اخته وعبدالحميد فرحان بيها لانها نفس ملامح بنته: انتي بتعرفي تسوقي ياصافي؟

صافي: لا ياجدو ماحضرتك عارف انا كتت في مدرسة داخلي ماكنتش بخرج غير في الايام اللي كان مهاب بيجي فيها

عبدالحميد: خلاص تتعلمي السواقة عشان يكون معاكي رخصة عشان يكون عندك عربية خاصة بيكي

صافي عملت حركة بإيديها 🤟: YES (نعم)

مهاب: فرحانة؟

صافي: جدا....وقامت باست جدها من خده

مهاب: ممكن ياجدو تسبني انا اللي اجيبهالها

عبدالحميد: عشان خاطري يامهاب انا اللي هجيبها

مهاب ابتسم: حاضر ياجدو.....وقام: يالا انا رايح الشركة

صافي جريت عليه: خدني معاك

مهاب ابتسم وهمسلها: اطلعي غيري هدومك

صافي بصدمة: بجد هتاخدني

مهاب: ايوا

صافي باسته وطلعت فوق بسرعة تلبس قبل مامهاب يغير رأيه

عبدالحميد بصله: انت ناويت تقولهم ولا ايه؟

مهاب: لا ياجدو بس انا عرفت من مهاب ان بابا هيجي الشركة النهاردة عشان في اجتماع مهم جدا ولازم بابا يحضره فأنا عاوز اشوف ردة فعله لما يشوفها

سراج: تقصد عشان هي شبه رباب الله يرحمها؟

مهاب بحزن: ايوا ياخالو، عاوز اشوف حبه ليها لسة موجود ولا لا.....سكت شوية واتنهد: انا عارف انه طلقها غصب عنه وانا مش زعلان منه لانه كان مكتفي بيها ومهاب اجبره يتجوز وصبر عليه سنين ولما ماتت وافق يتجوز غصب عنه.....وبص لجده: عارف ياجدو بابا مش بينام في اوضته الجديدة كتير ، دايما بينام في اوضته اللي كانت امي بتشاركه فيها

مهاب غصب عنه دموعه نزلت وقام من عالسفرة وخرج الجنينة وجده خرج وراه

عبدالحميد: بداري دموعك ليه؟

مهاب بدموع: وحشتني اوي ياجدو

عبدالحميد دموعه نزلت وحضنه: وهي كمان وحشتني بس هي في مكان احسن وعند الاحسن منا

مهاب: عارف بس محتاجلها اوي

عبدالحميد بهزار عشان يخرجه من حالة الحزن: لما تلاقي شريكة حياتك احتياجك دا هيروح

مهاب ابتسم: تفتكو هلاقيها؟

عبدالحميد: اكيد ياحبيبي

صافي جات من وراهم: وانا ماليش حضن ياسي جدو ولا ايه؟

عبدالحميد ضحك وفتح ايده ليها: انا حضني ليكم كلكم ياقلب جدك

بعد شوية مهاب وصافي في الطريق للشركة

مهاب: صافي عاوز اقولك حاجة؟

صافي: قول ياحبيبي

مهاب: بابا هيكون موجود في الشركة ولــ.....

ولسة هيكمل صافي قطعته: بجد يعني هشوفه؟

مهاب بهدوء: ايوا بس من غير مايعرف انك بنته

صافي بحزن: لحد امتى؟

مهاب: معلش ياحبيبتي انا بعمل كدا عشان جدك يعرف انه ندم لما بعد ماما عن بابا

صافي اتنهدت: حاضر يا أبيه

مهاب ابتسم وسكت وبيفكر في اللي جاى

*********

نيجي لڤيلا مهاب العمري، مهاب اخد ابنه فايز وفي طريقهم للشركة، وناني وريماس بنتها في الڤيلا قاعدين

ناني: مش عارفة توقعيه يعني؟

ريماس: اعمل ايه ياماما ما انتي شايفة بنفسك هو بيتعامل معايا ازاي.....ومعتبرني اخت وبس

ناني بحقد: لا لازم تكوني مراته....مهاب هو اللي هيورث كل حاجة من ورث جده وابوه

ريماس قامت واخدت شنطة خروجها: مامي انا مش فاضية للكلام دا لما توصلي لحل عرفيني ويالا باي عشان راحة النادي لإصحابي

ريماس خرجت وسابت امها لوحدها

ناني: ماشي يامهاب يا انا يا انت

_شركة مهاب العمري_

مهاب(الجد) وصل وفايز ابنه، والسكرتيرة دخلت لمهاب(الصغير)

اسماء: مستر مهاب، جد حضرتك ووالدك وصلوا وعاوزين حضرتك في مكتب مستر مهاب

مهاب(الصغير): ماشي

اسماء خرجت ومهاب بص لإخته: ذي ماتفقنا ماشي؟

صافي: حاضر يا أبيه

مهاب مسك ايدين اخته واخدها معاه في مكتب جده، ودخلوا سوا وفايز كان مشغول في ورق ادامه

مهاب(الجد) بيبص لصافي: مين دي؟

مهاب قعد وقعد صافي جمبه: دي صافي بنت خالتي منال

(منال: خالة مهاب دي مسافرة عمان مع جوزها وعندها بنتين توأم مي مرام وفي سن صافي بس مهاب(الجد) مايعرفش اسماء بناتها ايه)

مهاب(الجد): وجايا معاك تعمل ايه؟

صافي اضايقت من طريقة جدها وعرفت ان مهاب اخوها عنده حق في كلامه عنه

فايز بصلهم وركز اوي مع صافي ومستغرب الشبه اللي بينها وبين رباب مراته الله يرحمها وقرب منهم: دي مين يامهاب؟

مهاب بصله اوي: دي صافي بنت خالتي منال يابابا

فايز بيسلم على صافي ومبتسم: اذيك يابنتي

صافي فرحت من كلمة 'بنتي' وسلمت عليه وسكتت

مهاب(الجد) بص لإبنه: اقعد يافايز عشان نتكلم في الشغل

فايز قعد بس عينه على صافي اللي نسخة تانية من مراته اللي ماتت حتى عندها نفس الوحمة اللي كانت في رقبة مراته

مهاب (الصغير) فرحان ان ابوه لسة فاكر امه ولسة حبه ليها موجود

مهاب(الجد) قعد يتكلم معاهم عن الشغل وبدأوا يتكلموا ويركزوا معاه

**********

في شركة عبدالحميد هلال، فيروز جهزت الملفات اللي ناقصة امضة عبدالحميد وكلمت ضياء وقالتله انها هتروح لوحدها ومايجيش ياخدها وهو رده كان عادي خالص ( ماشي)

عبدالحميد بعت ليها السواق وهي ركبت ووصلت الڤيلا، ونزلت من العربية وشروق فرحت اوي اول ماشافتها

شروق: فرحت اوي لما جدو قال انك هتيجي

فيروز: وانا كمان عشان اشوفك

البنات دخلوا سوا ( والڤيلا كانت جميلة اوووووووي وفيروز اعجبت بيها بس اعجاب فيروز مش بالغنى ولا المال لا غناها بشكل البيت ونظراتها كلها حب وتواضع مش غل وحقد)

عبدالحميد شاف شروق داخلة مع فيروز وبيضحكوا سوا: انتوا تعرفوا بعض؟

شروق: ايوا ياجدو....فيروز صاحبتي الانتيم

عبدالحميد: بجد....وبص لفيروز: كدا ماتعرفنيش

فيروز: محبتش اقول لحضرتك لاني مش عاوزة اي واسطة في الشغل وعاوزة اثبت نفسي في الشغل من غير توصية من حد

عبدالحميد معجب بكلامها: ربنا يحميكي يابنتي ويوفقك......تعالي نقعد في مكتبي

فيروز دخلت مع عبدالحميد وقعدوا في المكتب سوا وخلاص الملفات اتمضت وفيروز كانت هتمشي

عبدالحميد: انتي مش هتمشي انتي هتتغدي معانا

فيروز بإحراج: لا انا همشي مش هقدر اقعد

عبدالحميد بجدية: لا مش هتمشي ولا عاوزة مديرك يزعل منك

فيروز ابتسمت: لا طبعا بســ.......

عبدالحميد قاطعها: مافيش بس هتقعدي يعني هتقعدي

فيروز: حاضر

شوية ومهاب وصل بالعربية عند الڤيلا هو وصافي

***************

الحلقة خلصت

ايه هيحصل لما مهاب(الجد) يعرف ان صافي تبقى حفيدته؟

ياترى ايه ممكن يحصل في اول مقابلة بين مهاب(الصغير) وفيروز؟

ياترى فايز هيعمل ايه لما يعرف ان صافي بنته؟

صاحب البيت اللي ساكنة فيه فيروز ياترى هيصبر

اللايك والكومنت وتوقعاتكم❤

الحلقة_الرابعة

رواية_هكذا_يكون_الحب❤

بقلم_ايمان_جمال❤

________________________

مهاب واخته وصلوا الڤيلا، وصافي نزلت من العربية بس مهاب لا

صافي: ايه دا انت مش هتدخل معايا؟

مهاب: لا ياحبيبتي انا رايح لباسم المعرض

صافي: ماشي يا أبيه

صافي دخلت الڤيلا ومهاب مشي

عبدالحميد كان قاعد هو والبنات واولاده وزوجاتهم في مدخل الڤيلا

عبدالحميد: امال مهاب فين ياصافي؟

صافي: وصلني وراح لباسم المعرض ياجدو

عبدالحميد: ماشي ياحبيبتي......وبص لفيروز: تعالي اعرفك على فيروز

صافي بإبتسامة حلوة زينت وشها: اسمك حلو اوي

فيروز بإبتسامة: انتي احلى

صافي قعدت معاهم وفيروز كانت فرحانة في وسطهم

سراج لفيروز: انتي عايشة لوحدك يابنتي؟

فيروز بحزن: ايوا ياعمي، بابا وماما اتوفوا من تلات سنين وانا من ساعتها لوحدي

ايمن: مش مخطوبة؟

فيروز بخجل: لا ياعمي لسة

وفاء: عارفة يافيروز حبيت فيكي ايه اول ماشفتك؟

فيروز: ايه ياطنط؟

وفاء: حجابك

البنات بصوا لبعض.....وخلود اتكلمت: يعني احنا وحشين كدا يافوفا

وفاء: لا ياحبيبتي مش وحشين انتوا ماشاء الله عليكم ملتزمين بالصلاة والدين وكل حاجة الا الحجاب.....وحجاب البنت فرض وواجب في الدين الاسلامي احنا محبناش نضغط عليكم عشان عارفين ان لازم تقتنعوا بيه الاول

شروق: نوعدك ياماما اننا هنلبسه بس نكون مستعدين للخطوة دي

ليلى: ربنا يهديكم يابنات

صافي: عارفين انا كنت عاوزة البس الحجاب من زمان بس كنت مستنية اما انزل مصر الاول

فيروز: بصي ياصافي قبل ماتاخدي القرار تكوني عارفة كويس ان القرار دا له احكام وشروط يعني مثلا تلتزمي بلبس الحجاب يعني شعرك مش يبان ادام اي حد ولد يعني مثلا ادام ابن خالك لا ابن عمك لا.....عمك وخالك اه لكن ولد غريب عنك لا غير لو كان جوزك ومحلل ليكي

عبدالحميد سامع كلامها ومعجب بيها اوووووي وكبرت في نظره

سراج بإعجاب: ربنا يحميكي يابنتي

وفاء: انتي بعد كدا تيجي هنا على طول

فيروز: حاضر ياطنط

ليلى: بصي يافيروز البنات وكل اللي هنا مش بيقولوا كلمة طنط دي ممكن تقولي لينا لولا وفوفا

فيروز بإحراج: لا ازاي ماينفعش طبعا

عبدالحميد: لا ينفع هما اصلا مش بيحبوا كلمة طنط ولا ماما عشان مايحسوش نفسهم كبروا

وفاء: اه احنا لسة شباب

ايمن ضحك: واضح

ليلى: ماشي يا ايمن ماشي

الكل ضحك وكانوا فرحانين

* في معرض العربيات *

مهاب دخل المكتب وباسم قاعد فاتح اللاب وبيتفرج على حاجة واول ماشاف مهاب قفل شاشة اللاب

مهاب بشك: انت قفلت اللاب ليه؟

باسم بتوتر: ها..عادي لاقيتك جيت قفلته

مهاب رفع حاجبه🤨: امممممم ياراجل

باسم: عاوز ايه يامهاب

مهاب قعد: انت بتحبها؟

باسم بتوتر: هي مين؟

مهاب: باسم بلاش لف ودوران وتعالى معايا دوغري

باسم اتنهد: مش عارف يامهاب

مهاب: يعني ايه مش عارف؟

باسم: يعني مش عارف حبي ليها دا حب اخوات ولا حب حبيب لحبيبته صدقني مش عارف يامهاب

مهاب مسك اللاب: طب وريني كنت بتتفرج على ايه

مهاب فتح شاشة اللاب وشاف ملف بإسم (خلود) وفيه كل صوارها

مهاب بصله: وتقولي مش عارف حبي ليها ايه

باسم ساكت ومش بيرد

مهاب قفل اللاب وبص لباسم: بص ياباسم اللي انا شايفه انك بتحبها حب عشاق مش حب اخوات خالص......وانت اللي بتكابر

باسم: مش بكابر يامهاب والله بس انا مش عاوز اقول حاجة وانا مش متأكد منها لازم احس ان حبي ليها دا حب عشاق مش اخواتي

مهاب قام: ماشي ياباسم

باسم: انت رايح فين؟

مهاب: رايح الڤيلا عند بابا

باسم: انت كنت جاي ليه؟

مهاب قرب منه: دا معرضي على فكرة ذيك

باسم ضحك: ياعم عارف بس انت مش بتجي هنا غير لما اقولك تعالى ومش دايما بتيجي من نفسك

مهاب ابتسم: كنت جاي عشان اعرف انت مخبي عني ايه

باسم ابتسم: مقدرش اصلا اخبي حاجة عنك وانت عارف كدا كويس

مهاب: ماشي ياسيدي وفكر وابقى قولي نويت تعمل ايه

باسم: ماشي

مهاب خرج وركب عربيته ورجع الڤيلا عند جده مهاب، وصل ونزل من العربية والحرس اخد منه مفتاح العربية يركنها، مهاب(الجد) وفايز ابنه وناني وريماس قاعدين بيتكلموا

مهاب دخل: مساء الخير

الكل: مساء النور

ريماس قربت منه: مهاب ممكن نخرج سوا النهاردة؟

مهاب بصلها: مش فاضي ياريماس

مهاب(الجد): مش فاضي ليه؟

مهاب(الصغير): هخرج مع اصحابي

مهاب(الجد): بس دي خطيبتك

مهاب(الصغير) بصله بغضب وحاول يتمالك اعصابه: ريماس اختي وبس

ريماس اضايقت من كلمة 'اختي' والدموع اتجمعت في عنيها: انا طالعة اوضتي.......وبصت لمهاب: انا اسفة يامهاب بس حتى لو كنت بتعتبرني كأخت ليك كنت على الاقل تخرج معايا

ريماس سابتهم وطلعت ومهاب حاسس انه قاسي اوي معاها وحاسس ان قلبها طيب عكس مامتها وقرر يطلع وراها يتكلم معاها

مهاب طلع عند اوضتها وخبط وهي فتحت

ريماس بإستغراب: مهاب!

مهاب: ممكن اتكلم معاكي شوية؟

ريماس: طبعا تعالى ادخل

مهاب دخل بس ساب باب الاوضة مفتوح وقعد على كرسي جمب السرير وهي على السرير

مهاب: ممكن ماتزعليش مني؟

ريماس: انا مش زعلانة منك يامهاب

مهاب: امال ليه دموعك دي؟

ريماس: عشان بحبك

مهاب بهدوء: مش يمكن الحب اللي جواكي ليا دا حب اخوات وبس

ريماس بتهز دماغها بلأ

مهاب: بصي ياريماس، ممكن الحب دا حب اخوات ذي ما انا بحبك كأخت وانتي مش حاسة بدا

ريماس بحزن واضح: بس انا عاوزة اكون معاك

مهاب: ومين قالك اني مش معاكي انا جمبك ومعاكي في اي وقت تحتاجيني فيه بس كأخ

ريماس زعلت وبصت في الارض: ماشي

مهاب مضايق انها زعلانة وحب يفرحها: مش كنتي عاوزة تخرجي؟

ريماس بصتله: ايوا

مهاب: طب يالا اجهزي ونخرج سوا

ريماس فرحت جدا ومهاب فرحان انها فرحت وقرر انه يقربها منه

مهاب دخل اوضته واخد دش وغير هدومه ونزل اخد ريماس وخرج وكلم باسم قبل ماينزل من اوضته وقاله يجيب البنات النادي ويأكد على صافي انها ماتقولش ادام ريماس انها اخته

وبعد شوية مهاب وريماس وصلوا النادي، ومهاب ركن عربيته ودخلوا سوا

ريماس: خلينا قاعدين جمب ال Pool (حمام السباحة)

مهاب: ماشي

وقعدوا جمب حمام السباحة وشوية وباسم والبنات وصلوا بعد ماوصلوا فيروز بيتها

باسم شاف مهاب وريماس قاعدين جمب حمام السباحة: يالا يابنات هما قاعدين هناك اهم

راحوا عندهم ومهاب اخد باسم بعيد عنهم

مهاب: كويس انك جيت

باسم: في ايه؟

مهاب: انا خارج غصب عني مع ريماس عشان مش عاوز ازعلها

باسم: طب يالا نروح نقعد معاهم

مهاب وباسم قعدوا وصافي عاوزة تنزل حمام السباحة بس مش بتعرف تعوم، صافي قاعدة جمب مهاب وبتهمسله: عاوزة انزل الـpool (حمام السباحة) يا أبيه

مهاب: انزلي ياحبيبتي

صافي: بس مش بعرف اعوم

مهاب ضحك: هنزل معاكي

صافي فرحت اوي وقامت هي والبنات يلبسوا مايو اسلامي وريماس مستغربة من قرب صافي من مهاب

ريماس: هي عندها كام سنة يامهاب؟

مهاب: ١٨ سنة

ريماس: يعني في ثانوية عامة؟

مهاب: ايوا

ريماس: مش هي كانت مسافرة؟

مهاب: اه وورقها اتنقل في مدرسة هنا

ريماس: اه ماشي

شوية والبنات لبسوا ومهاب وباسم غيروا هدومهم في اوضة اللبس الخاصة بالنادي ولبسوا كل واحد فيهم شورت بس وريماس رفضت تنزل الماية بس مضايقة من قرب صافي من مهاب؛ لأن مهاب شايل صافي في الماية عشان مش بتعرف تعوم

ريماس مسكت فونها واخدت كام صورة ليهم

صافي: انا فرحانة اوي يا أبيه

مهاب باسها: يارب دايما ياقلب أبيه

باسم قرب منهم: خف شوية عشان ريماس شكلها مش مطمني

مهاب بص على ريماس وبص لباسم: مايمهنيش

خلود وشروق جمب بعض بيتكلموا

خلود: مش كانت فيروز جات معانا تغير جو

شروق: ما انتي شفتي بنفسك رفضت ازاي

خلود: ماتعرفيش اخبار عن نتيجة الترم الاول؟

شروق: المفروض انها بانت في الكنترول وهروح بكرة اشوفها

خلود: خلاص هروح معاكي انا كمان وبالمرة اشوف نتيجتي

شروق: خلاص ماشي ونقول لفيروز وتروح معانا

********

نيجي لڤيلا مهاب العمري، قاعد في الجنينة وبيتكلم في التليفون

مهاب(الجد): يعني هي كانت عنده النهاردة؟

.....: ايوا ياباشا

مهاب(الجد): تمام انا عاوزك تتابعها واوعى تاخد بالها ان في حد ماشي وراها

.......: حاضر ماتقلقش

مهاب(الجد): عاوزك كمان تعرفلي مين اللي مع مهاب الفترة دي، هو بيقول انها بنت خالته بس حاسس بحاجة غريبة

.......: حاضر ياباشا كل حاجة هتكون عندك خلال يومين

مهاب(الجد) خلص المكالمة وبيكلم نفسه: ياترى مين دي يامهاب......بس مش دا المهم الوقتي المهم هي البت اللي شغالة عند عبدالحميد

*********

فيروز قاعدة في بيتها وبترن على ضياء وبيكنسل عليها

ضياء قاعد فوق ومعاه سلمى زميلته في الشغل

سلمى بدلع: فرحت اوي لما وافقت اني اجيلك

ضياء بيقرب منها: قولت عشان نكون على راحتنا

سلمى بدلع اكتر: وعشان كدا انا جيت

ضياء قرب منها وللاسف خان فيروز معاها (ماهو واحد ذي دا اكيد الخيانة في دمه)

فيروز باردوا بترن عليه وهو مش بيرد

فيروز لنفسها: رد بقى ياضياء...ياترى انت فوق ولا بارة

وفضلت تفكر انها تطلعله بس في الآخر قالت لا ماينفعش (جدعة يابت)

شوية وتليفونها رن وكانت فاكراه ضياء بس كانت شروق

فيروز: الو ياشوشو

شروق: جهزي نفسك بكرة عشان نروح نشوف النتيجة

فيروز: انا هكون في الشغل ابقي شوفيهالي انتي

شروق: لا هتيجي معايا وبعدين هستأذنلك من جدو

فيروز: لا ياشروق انا مش عاوزة كدا وبعدين انا خايفة اروح اجيبها

شروق: يابنتي خايفة ايه انتي ماشاء الله عليكي كل سنة بتجيبي تقدير امتياز وبتكوني الأولى

فيروز: يارب السنادي كمان اكون كدا

شروق: ان شاء الله

فيروز: شوفيهالي انتي ياشوشو عشان خاطري

شروق: ماشي ياحبيبتي خلاص هشوفها انا وهقولك

فيروز: ماشي ياقلبي......انتوا لسة بارة ولا ايه؟

شروق: ايوا مش كنتي جيتي معانا

فيروز: لا ياستي كدا حلو وبعدين لو كنتي انتي وخلود وريماس كنت وافقت لكن انتوا خارجين مع اخوكي وابن عمتك فخلاص

شروق: خلاص احنا فيها بكرة بعد الشغل وبعد مانطمن على النتيجة نروح النادي

فيروز: ماشي موافقة

شروق خلصت مع فيروز وخلود كانت لسة في الماية هي وباسم بس بعيد عنها ومهاب قاعد على كرسي حمام السباحة ومركز مع باسم، ومهاب بيصفرله وباسم بصله بغضب ومهاب ضحك عليه

باسم قرب منه وهو لسة في الماية: ماتبطل رخامة ياعم انت

مهاب: ماتروح ياعم جمبها

باسم: لا يامهاب المرة اللي فاتت قالتلي امشي المرادي بقى هتقولي ايه

مهاب: مش بقولك بتحبها

باسم بصله بغضب وكمل سباحة وقرب من خلود: امشي ولا عاوزة تفضلي لوحدك

خلود بصتله: لو انت عاوز تفضل افضل

باسم قرب منها: ليه بقيتي بعيدة من اخر مرة اتكلمتي معايا فيها؟

خلود: بحاول احافظ على كرامتي

باسم مضايق انها زعلانة منه: بس انا ما هنتش كرامتك ياخلود

خلود بصتله بحزن: لا ياباسم اهانتها من غير قصد وكمان وجعت قلبي.....وسكتت شوية: بس عادي ياباسم خلاص حصل خير

خلود خلصت كلامها وبعدت عنه وخرجت من حمام السباحة وهو واقف مكانه مضايق، وبعد شوية طلع وقعد معاهم

بعد شوية مهاب رجع ريماس الڤيلا وراح عند جده عبدالحميد في الڤيلا وقعد معاهم وكانوا فرحانين

_ في المساء_

مهاب طلع اوضته واتوضى وصلى العشا وقعد يقرأ قرآن وصوته حلو جدا في تلاوة القرآن

فيروز في بيتها خلصت صلاتها وقعدت تقرأ الورد القرآني وشوية وجرس الباب رن، وظبطت حجابها وقامت تفتح وكان ضياء

فيروز بحزن: لسة فاكرني

ضياء: حقك عليا، بس كنت مشغول ( ياكداااااااااب بصوت البت الافريقية اللي كانت في فيلم افريكانو😂)

فيروز: ماشي ياضياء

ضياء: انا كنت عاوز اقولك ان خلاص بجهز ورق السفر والاسبوع اللي جاي هسافر

فيروز دموعها نزلت غصب عنها: يعني هتسيبني؟

ضياء: ماقولتلك يافيروزتي انا بعمل كدا عشانا

فيروز بدموع: ليه مش عاوز تفضل هنا ونكمل بعض

ضياء: قولتلك ماينفعش

فيروز بحزن كبير: ماشي ياضياء

ضياء: هتستنيني؟

فيروز بصتله: هو انا ليا غيرك عشان اكون لغيرك؟

ضياء بخبث: ولا عمرك هتكوني لغيري

فيروز استغربت من كلامه بس قالت عادي وبصتله وسكتت

ضياء: مش هتخليني اشرب معاكي شاي قبل ما اسافر؟

فيروز بصتله: مش قولنا ماينفعش

ضياء: مرة بس ياقلبي وبعدها هقعد سنة من غير ماتشوفيني

فيروز وافقت وبحسن نية: ماشي

ضياء بخبث: لما اعرف اليوم اللي هسافر فيه، نبقى نقعد

فيروز: ماشي ياضياء

ضياء نزل وهي دخلت وقفلت الباب وفضلت تعيط جامد عشان هتكون لوحدها وصلت ركعتين وفضلت تدعي ربها

تاني يوم الصبح، شروق وخلود راحوا الجامعة والنتيجة ظهرت وكل واحدة فيهم نجحت بتقدير خلود وشروق بتقدير جيد وفيروز بإمتياز (ذي كل سنة)، وشروق قررت انها تروح ليها الشركة وتفرحها، بعد شوية شروق وخلود وصلوا الشركة وطلعوا

شروق وهي عاملة زعلانة: فيروز النتيجة ظهرت

فيروز بقلق: انتي زعلانة ليه هي وحشة؟

شروق بفرحة: يابنتي إمتياز طبعا ذي كل ترم

فيروز بفرحة حضنت شروق: خضتيني حرام عليكي

شروق: سلامتك من الخضة ياقلبي

خلود: مبروك ياصاحبة الامتياز

فيروز ضحكت: ايه الاسم دا

خلود: اكتر اسم لايق عليكي

فيروز فرحانة اوي وعبدالحميد كان خارج من مكتبه واتفاجئ بالبنات

عبدالحميد: خير يابنات؟

شروق: نجحنا ياجدو وبتقدير كمان

عبدالحميد بفرحة: مبروك ياحبايبي......وبص لفيروز: انتي عملتي ايه يافيروز؟

فيروز كانت لسة هترد بس خلود ردت: دي ياجدو اسمها صاحبة الامتياز واحنا جيد

عبدالحميد بفرحة بيهم: مبروك يابنات ويالا بينا نحتفل

الشركة كلها بتباركلهم وفرحانين بيهم

فؤاد قرب من فيروز: مبروك يافيروز

فيروز بإبتسامة: الله يبارك فيك يافؤاد

فيروز بعدت عن الكل ورنت على ضياء ورد عليها

ضياء: الو

فيروز بفرحة: ضياء انا نجحت

ضياء: مبروك ياقلبي نجحتي بتقدير؟

فيروز: اه إمتياز

ضياء: مبروك يافيروزتي

فيروز: الله يبارك فيك

فيروز خلصت المكالمة وعبدالحميد قرر انه ياخد البنات ويتغدوا سوا وكلم ريماس في الڤيلا وطلب من السواق يروح يجيبها

عبدالحميد: عاوزين تروحوا فين؟

شروق وفيروز في صوت واحد: مطعم 7Sky

عبدالحميد: اشمعنا المطعم دا؟

شروق: مكانا المفضل ياجدو

عبدالحميد: موافق يالا

عبدالحميد اخد البنات ومشي ووصلوا المطعم وبعت السواق يجيب صافي، وبعد شوية جات

خلود: الله ياجدو بقالنا كتير ماخرجناش كدا

عبدالحميد: ان شااء الله هنخرج كدا على طول

فيروز: ايه رأيك في المطعم يامستر عبدالحميد؟

عبدالحميد: بصي بقى اسمي جدو وبس

فيروز بإحراج: ازاي بس ماينفعش

عبدالحميد: ها انا مش بعيد كلامي

فيروز: حاضر ياجدو

عبدالحميد: ايوا كدا

ريماس: انتي جميلة اوي يافيروز

فيروز بصتلها وابتسمت: انتي اجمل ياحبيبتي

خلود ماسكة تليفونها وعاوزة تكلم باسم تقولوا انها نجحت وتفرحوا ذي كل سنة بس مترددة وفيروز لاحظت دا

فيروز: كلميه ياخلود

خلود: قلقانة

فيروز: كلميه يابنتي وبعدين انتي كدا كدا بتكلميه كل سنة بعد النتيجة

خلود اقتنعت بكلام فيروز وقامت تكلم باسم في التليفون وباسم رد بسرعة

باسم: مبروك

خلود بإستغراب: عرفت منين؟

باسم: كنت عندك في الكلية وعرفت

خلود بفرحة: يعني انت كنت رايح تشوف نتيجتي؟

باسم: ايوا ونجحتي ذي كل سنة مبروك

خلود بفرحة: الله يبارك فيك

باسم سامع صوت الهوا حواليها وكأنها في مكان جمب البحر: انتي عالبحر؟

خلود: احنا في مطعم جمب البحر والقلعة

باسم: مع مين؟

خلود: مع جدو والبنات

باسم: طب اجي؟

خلود بفرحة: تعالى

باسم: خلاص ابعتيلي العنوان في رسالة

خلود: حاضر

خلود قفلت مع باسم وكانت فرحانة وراحت قعدت مع جدها والبنات

شروق بتهمسلها: قالك ايه مفرحك كدا؟

خلود: باسم جاي

شروق: بجد

خلود: اه والله

وبعد شوية باسم وصل وقعد معاهم

عبدالحميد: ماجبتش مهاب معاك ليه؟

باسم: رنيت عليه كتير ماردش فأكيد عامل تليفونه صامت

شروق: اكيد في اجتماع

صافي لجدها: جدو ممكن اتكلم معاك شوية؟

عبدالحميد: طبعاً ياقلبي

عبدالحميد اخد ريماس ونزلوا عند البحر

عبدالحميد: خير ياحبيبتي؟

صافي: عاوزة بابا يعرف بوجودي

عبدالحميد بهدوء: مش مهاب قال نستنى شوية؟

صافي: ايوا ياجدو بس كان نفسي يعرف اني بنته لما رحت الشركة مع مهاب نظراته ليا كلها حب وشوق وحنية

عبدالحميد: انا عارف انه هيحبك وانه طيب وحنين ومتأكد كمان انه مستغرب الشبه اللي بينك وبين امك الله يرحمها

صافي: ايوا ياجدو انا لاحظت كدا باردوا حتى جدو مهاب باردوا لاقيته مستغرب وسأل مهاب عني

عبدالحميد: بصي ياريماس احنا نستنى شوية لحد مايجي الوقت المناسب

صافي: ماشي ياجدو

عبدالحميد: يالا نروح للبنات

رجعوا واتغدوا كلهم سوا وباسم بيسرق نظرات لخلود وفيروز ملاحظة دا وحست ان باسم بيحبها بس قالت انها مش هتقولها غير لما تتأكد عشان مش تديها امل عالفاضي

عدا اسبوعين والعام الدراسي التاني بدأ والبنات رجعوا الكلية، ومهاب لسة ماتقابلش مع فيروز ومهاب(الجد) لسة بيتابع فيروز، وضياء سفره اتأجل وهيسافر بعد اسبوع، وفيروز خلاص معاها المرتب واخيرا صاحب البيت وافق انها تدفع الفلوس على مرتين

_ في الجامعة_

شروق وفيروز قاعدين في كافيه الكلية وعندهم محاضرة بعد ساعة

شروق: ضياء ناوي يعمل ايه؟

فيروز اتنهدت: ولا اي حاجة هيسافر سنة وهيجي نتجوز

شروق: تفتكري هيوفي بوعده؟

فيروز: تصدقيني لو قولتلك اني مابقتش فارقة، انا موجودة معاه ذي مش موجودة ساعات بيكون حلو معايا وساعات لا

شروق: انتي بتحبيه اوي يافيروز ودا غلط

فيروز اتنهدت واتكلمت بحزن: اعمل ايه ياشروق غصب عني ماليش غيره وانا حبيته اوي

شروق: عارفة بدعيلك بإيه بإن ربنا يرزقك بواحد احسن منه وارجل منه

فيروز بغضب: بتدعي عليا يارخمة

شروق ضحكت: دا انا بدعيلك

فيروز: ماشي يارخمة يالا ناكل عشان المحاضرة هتبتدي

نيجي لخلود قاعدة في الكلية بتاعتها في الكافيه وولد زميلها قرب منها

وائل: صباح الخير

خلود بإبتسامة: صباح الخير ياوائل

وائل: قاعدة لوحدك ليه؟

خلود: ابدا البنات قاموا يطلبوا الاكل

وائل: ممكن اقعد معاكوا

خلود: اه يا ابني عادي ما احنا زمايل

.........: لا حلو اوي اللي بيحصل دا

خلود بصت على صاحب الصوت وكان باسم

خلود بفرحة: باسم

باسم بغضب وبيبص لوائل: دا مين؟

خلود: دا وائل زميلنا

وائل: انا وائل الشهاوي زميل خلود

باسم بيضغط على سنانه: اهلا

وائل استأذن ومشي وباسم واقف بغضب ومضايق

باسم: انتي ازاي تسمحيله يقعد معاكي؟

خلود بإستغراب: وفيها ايه يعني دا زميلي

باسم: يعني انتي شايفاها عادي؟

خلود: اها عادي

باسم: ماشي عالعموم انا كنت جايلك عشان جبتلك الجدول بتاعك......خرج ورقة من جيبه: اهو

خلود اخدت الجدول منه وسابها ومشي، خلود مستغربة من تصرفاته بس قالت عادي دا حب اخوات وقعدت وبعد شوية دخلت المحاضرة

نرجع لفيروز وشروق خلصوا المحاضرة والمعيد الجديد نده على فيروز

فيروز: ايوا يادكتور

احمد: انتي فيروز الاولى على الدفعة مش كدا؟

فيروز: اه

احمد: ماشاء الله عليكي...وان شااء الله ليكي مستقبل كويس

فيروز: شكرا اوي لحضرتك

احمد: ربنا يوفقك

فيروز: يارب

(دكتور احمد: معيد جديد عنده ٢٥ سنة كان متفوق في دراسته وعشان كدا بقى معيد اول ماتخرج على طول، شاب محترم جدا وعيونه خضرا وشعره بني غامق وبشرته بيضا، وطويل)

احمد مشي وشروق بتغمز لفيروز

شروق: شكله وقع

فيروز: بس يارخمة هو يعني قالي ايه

شروق: اممممم مش يمكن هو عمل حجة الامتياز دي وانك الاولى عالدفعة في التلات السنين اللي فاتوا عشان يفتح كلام معاكي

فيروز: بس ياماما ويالا عشان هروح الشركة

فيروز راحت الشركة وفؤاد شافها

فؤاد: فيروز

فيروز: في حاجة يافؤاد؟

فؤاد: كنت عاوز اسألك عن يومك النهاردة في الجامعة كان عامل ازاي؟

فيروز: كان حلو اوي الحمدلله

فؤاد: يارب دايما يارب......لو احتاجتي اي حاجة انا موجود

فيروز: شكرا يافؤاد ربنا يخليك

فيروز دخلت لعبدالحميد: مساء الخير

عبدالحميد: مساء الورد

فيروز ابتسمت: جاهز عشان الاجتماع كمان نص ساعة

عبدالحميد: اه جاهز بس قلقان

فيروز: طول ماحضرتك معاك الحق ماتقلقش.....وبعدين اللي اسمه مهاب العمري دي تلاقيه كان بيهدد بس بالكلام وخلاص

عبدالحميد بتنهيدة: مهاب طلاما صمم انه ياخد المناقصة يبقى هياخدها

فيروز: بس هو محاولش يعمل حاجة تانية من ساعة اخر مرة لما طلب مني الملف

عبدالحميد: دا اللي قالقني لان انا اكتر واحد عارفه

فيروز: سلم امرك لله ياجدو

عبدالحميد ابتسم: بحب كلامك اوي ليا وانك بتطمنيني

فيروز ابتسمت: انا اللي بحبك اوي بجد وبحمد ربنا على حضرتك وانك اعتبرتني ذي احفادك

عبدالحميد: انتي بنت طيبة ومحترمة وعشان كدا اعتبرتك حفيدتي

مهاب خبط ودخل وهما قاعدين يتكلموا

عبدالحميد: حبيبي تعالى

مهاب دخل وهو مضايق وما اخدش باله من فيروز: بص عشان انا اتخنقت اللي اسمه مهاب دا انا زهقت منه

عبدالحميد بص لفيروز: اطلبي واحد ليمون يافيروز وسبينا شوية

فيروز: حاضر

فيروز خرجت وسابتهم ومهاب قاعد مضايق

عبدالحميد: ممكن تهدى وتقولي ايه حصل؟

مهاب بغضب: كل اما يشوفني يقولي عاوزك تتجوز

عبدالحميد: عنده حق

مهاب بسله: جدو والنبي بلاش كدا

عبدالحميد: ليه بس يامهاب، انا فعلا عاوز افرح بيك

مهاب وقف: انا همشي احسن

عبدالحميد: اقعد يامهاب انا بتكلم معاك مش بتخانق

مهاب: اقعد ليه ياجدو عشان اسمع نفس الكلام اللي هو بيقولوا؟

عبدالحميد: لا يامهاب انا مش هقولك ذيه بس عاوزك تشوف نفسك وحياتك....انت مقضي كل وقتك شغل وبس

مهاب: يعني ياجدو انا لاقيت البنت اللي تخطف قلبي وقولت لا

عبدالحميد: والله هتلاقيها ان شاء الله

مهاب: يبقى خلاص لما الاقيها هتجوز

عبدالحميد: ماشي ياحبيبي

شوية والساعي دخل بالليمون

عبدالحميد: اشرب الليمون وروق دمك

مهاب: هو اللي يعيش مع مهاب يشوف روقان

عبدالحميد: باردوا مش ناوي تقوله ياجدو

مهاب: لا يعني لا

عبدالحميد: ماشي يامهاب

الاسبوع عدا خلاص وضياء هيسافر بكرة، لبس ونزل لفيروز رن جرس الباب وهي فتحت

ضياء: مسائو فل

فيروز بإبتسامة هادية: مساء الخير

ضياء: ها هتسبيني واقف عالباب كدا؟

فيروز سمحتله يدخل: ادخل

ضياء دخل وقعد في البلكونة وفيروز عملت الشاي

ضياء: فيروزتي هاتيلي كوباية ماية

فيروز: حاضر

فيروز دخلت تجيب الماية وبعد شوية خرجت وقعدت مع ضياء وبيشربوا الشاي وفضلوا سهرانين سوا

نيجي لمهاب سهران في الجنينة لوحده وصافي جات قعدت جمبه

صافي: مالك يا أبيه؟

مهاب: مافيش ياقلبي....قوليلي عاملة ايه في مذاكرتك؟

صافي: الحمدلله والمدرسين هنا كويسين اوي

مهاب: ذاكري كويس عشان تجيبي مجموع كويس

صافي: حاضر ويالا عشان تطلع تنام

مهاب ابتسم: ماشي

*******

تاني يوم الصبح، عند فيروز صحيت من النوم وكانت الصدمة...........

الحلقة خلصت

ياترى ايه حصل مع فيروز؟

مهاب(الجد) ناوي على ايه؟

ياترى حياة فيروز اللي جايا هتكون ازاي؟

ياترى ضياء لما يرجع من السفر هيتجوز فيروز ولا هيكون ليها نصيب مع واحد احسن منه؟

يالا تفاعل وتوقعات كتير ولايك❤❤

الحلقة_الخامسة

رواية_هكذا_يكون_الحب❤

بقلم_ايمان_جمال❤ __________________________

فيروز صحيت وانصدمت، ضياء كان نايم جمبها وكانوا الاتنين في وضع مش كويس خالص، فيروز انهارت وعيطت بصوت، وضياء صحي على صوته(هو اصلا عامل نفسه نايم)

ضياء عامل نفسه مصدوم وانه ازاي يعمل كدا وبدأ يهدي فيها: اهدي يافيروز

فيروز بهيسترية: اهدى ازاي، انت مش شايف اللي حصل

ضياء: انا مش عارف دا حصل ازاي

فيروز بصتله وانهارت: انا قولتلك ماينفعش نقعد لوحدنا......وسكتت شوية بتحاول تفتكر اللي حصل بس مش قادرة: انا مش قادرة افتكر اللي حصل

ضياء بيمثل انه عنده صداع ومسك دماغه: ولا انا

فيروز بإنهيار كبير: يعني ايه؟ يعني انا كدا ضعت

ضياء بيحاول يهديها: ضعتي ازاي وانا جمبك ومش هسيبك يافيروز

فيروز بعياط: ازاي وانت اصلا مسافر، وبعدين ليه محسسني ان اللي حصل حاجة عادية يعني اوي كدا

ضياء بتوتر: لا هي مش عادي بس انا مش وحش عشان اسيبك واستغنى عنك بعد اللي حصل

فيروز بصتله اوي: يبقى تكتب كتابنا قبل ماتسافر

ضياء: ازاي بس وانا طيارتي كمان ساعتين ويدوبك الحق اروح المطار

فيروز: لا مش هتسافر غير لما تكون كاتب الكتاب

ضياء: صدقيني هيحصل والله اول ماهسافر هعمل توكيل لإبن عمي ويكتب كتابنا

فيروز كلام ضياء هداها بس هي للأسف كرهت نفسها وحياتها بعد اللي حصل

ضياء: اوعدك ان مش هتخلى عنك مهما حصل، وانا دايما جمبك وهتكوني مراتي وام عيالي

فيروز سكتت خالص بس دموعها نازلة بشدة ومش بتتكلم نهائي وضياء قلق عليها بجد

ضياء: عشان خاطري ردي عليا

فيروز: ارد عليك اقولك ايه؟......ما انا خلاص معتش ليا قرار ولا هعرف اقولك اي حاجة انا بقيت عايشة من غير روح

ضياء بحزن واضح وبجد: صدقيني انا جمبك

فيروز عيطت اوي: ياريت ماتسافرش

ضياء: غصب عني واوعدك ان والله كل حاجة هتكون تمام، وهكلمك على طول وهعمل التوكيل ذي ماقولتلك

فيروز بصتله: اطلع بارة

ضياء بإستغراب: ليه؟!

فيروز بسخرية: عشان تلحق تروح المطار

ضياء للأسف سابها ومشي وهي قعدت منهارة وتكلم نفسها: ازاي دا يحصل، يارب سامحني انا مش عارفة دا حصل ازاي وانا عمري ماهقبل بكدا يارب سامحني ياارب

فيروز فضلت تدعي ربنا وتصلي وتعيط ومنهارة جدا

ضياء طلع شقته وبيجهز شنطته وبيفتكر في اللي حصل امبارح

*فلاش باك*

ضياء: هاتيلي كوباية ماية يافيروز

فيروز: حاضر

فيروز دخلت تجيب ماية وضياء طلع اقراص منومة وحط في كوباية الشاي بتاعة فيروز قرص واحد وبعد شوية فيروز جابت الماية وبدأت تشرب الشاي

فيروز وحست بإن راسها تقلت: انا حاسة اني عاوزة انام ليه؟

ضياء قرب منها: تحبي تنامي في حضني؟

فيروز للأسف نامت وضياء شالها ودخل بيها الاوضة وحصل اللي حصل

*العودة من الفلاش باك*

ضياء قاعد على السرير: سامحيني يافيروز كنت لازم اعمل كدا عشان ماتفكريش تكوني لغيري

بعد شوية تليفونه رن وكانت سلمى

ضياء: ايوا ياحبيبتي (يابرودك ياخاين)

سلمى: حبيبي انا خلاص جهزت انت فين؟

ضياء: انا خلاص جهزت شنطتي وهخرج من البيت اهو وهجيلك

سلمى: ماشي ياحبيبي

ضياء نزل ووقف ادام باب شقة فيروز وخبط عليها وبعد شوية فتحت وعنيها حمرا من العياط

ضياء: عشان خاطري مش عاوز اشوفك كدا وانا مسافر

فيروز بصتله بهدوء: ماتشغلش بالك سافر انت وانا هتصرف

ضياء: صدقيني مش هسيبك

فيروز: حاضر ياضياء هصدقك

ضياء ودعها ونزل وقف تاكسي وراح لسلمى ووصلوا المطار سوا

نيجي لڤيلا عبدالحميد هلال، قاعدين يفطروا في اوضة السفرة، وشوية وتليفون عبدالحميد عمل نغمة الرسايل وكانت رسالة من فيروز

(انا اسفة ياجدو مش هقدر اجي الشركة النهاردة عشان تعبانة شوية)

عبدالحميد بص لشروق: شروق خلصي اكلك وتروحي لفيروز

شروق: ليه ياجدو؟

عبدالحميد: هي بعتتلي رسالة دلوقتي وقالتلي انها تعبانة ومش هتقدر تيجي الشركة النهاردة فروحي شوفي مالها وابقي طمنيني عليها

شروق: حاضر ياجدو

خلود: وانا هاجي معاكي

صافي: ممكن وانا كمان؟

شروق: طبعا ياصافي

باسم ومهاب كانوا خرجوا من بدري

سراج: بابا انا خلصت لحضرتك الورق اللي طلبته مني

عبدالحميد: ماشي سراج.......وبص لأيمن: جهز نفسك يا ايمن عشان هتسافر انت وسراج فرع الشركة اللي في دبي

أيمن: ماشي يابابا انا جاهز ماتقلقش

وفاء: حابب تتغدى ايه عالغدا ياعمي؟

عبدالحميد: اي حاجة من ايديكم حلوة

خلصوا فطار والبنات طلعت تلبس عشان تروح لفيروز، وفي الطريق خلود طلبت من شروق انها توقفها عند المعرض بتاع باسم

خلود دخلت المعرض وقبلت حمادة اللي بيشتغل في المعرض

خلود: باسم موجود؟

حمادة: ايوا يا انسة خلود قاعد في مكتبه فوق

خلود طلعت مكتبه وخبطت ودخلت وهو كان قاعد فاتح اللاب واستغرب اول ماشافها بس ما تكلمش

خلود قعدت: باسم

باسم بصلها وساكت مش بيرد

خلود: انت زعلان مني ليه؟

باسم قفل اللاب وقام وقعد ادامها: مش زعلان

خلود: لا زعلان انت مش بتتكلم معايا من ساعة ماكنت عندي في اول يوم في الجامعة

باسم: طب انتي شايفة ان في حاجة حصلت عشان اكون زعلان منك؟

خلود: عشان كدا مستغربة انك زعلان

باسم بغضب وبصوت عالي: طلاما مش شايفة ان في حاجة حصلت جايا ليه

خلود زعلت من زعيقه عليها وغضبه ودموعها نزلت غصب عنها وساكتة ومش بترد خالص

باسم: ماتردي عليا، طلاما شايفة نفسك صح جايا ليه؟

مهاب كان وصل المعرض وسمع كل الكلام ودخل المكتب

مهاب: في ايه ياباسم صوتك عالي ليه؟......وبص لخلود اللي واقفة منهارة من العياط: خلود مالك؟

خلود ساكتة ومش بترد وباسم واقف مضايق وغضبان

مهاب: ماتقولوا مالكم

باسم: مافيش يامهاب

خلود اخيرا اتكلمت: انا ماشية....واخدت شنطتها ونزلت ومهاب نزل وراها

مهاب بيجري وراها: استني ياخلود

خلود وقفت: نعم يامهاب

مهاب: انتي راحة فين تعالي اروحك

خلود بدموع: لا يامهاب انا مش هروح دلوقتي انا عاوزة اكون لوحدي شوية

مهاب: طب هتروحي فين؟

خلود: هقعد عالبحر

خلود سابته ووقفت تاكسي وراحت تقعد عالبحر عشان تحكيله اللي مضايقها كالعادة، مهاب طلع لباسم اللي قاعد مضايق

مهاب: ممكن تفهمني ايه اللي حصل؟

باسم حكاله عن اللي حصل في الجامعة

مهاب بهدوء: انت غيران عليها ياباسم صح؟

باسم بصله: ايوا يامهاب انا بغيير عليها استريحت

مهاب ابتسم: يبقى بتحبها حب حبيب لحبيبته ياباسم

باسم اتنهد: قولتلك مش متأكد

مهاب وقف وبغضب: خليك كدا مش متأكد لحد ماتضيع من ايدك وصدقني ساعتها هتندم

مهاب كان لسة هيخرج بس باسم وقفه

باسم: انت رايح فين؟

مهاب بصله: وانت مالك

وهما واقفيني تكلموا حمادة دخل

حمادة: مستر باسم فيه واحد تحت عاوز حضرتك

باسم: لو كان عميل وعاوز عربية اتصرف انت معاه

حمادة: لا يافندم هو عاوز حضرتك في مسألة شخصية

باسم: ماشي خليه يطلع.....وبص لمهاب: وانت ماتمشيش خليك قاعد عشان نشوف دا عاوز ايه

مهاب قعد والشاب اللي كان عاوز باسم طلع وكان مين؟.....وائل زميل خلود في الجامعة وباسم اول ماشافه انصدم

وائل: السلام عليكم

مهاب: عليكم السلام....اتفضل

وائل قعد وبص لباسم: حضرتك طبعا عارفني....وبص لمهاب: انا وائل زميل خلود في الجامعة

مهاب: اتشرفنا

وائل بإبتسامة: متشكر

باسم بهدوء: جاي ليه؟

مهاب بصله بغضب و وائل رد: كنت جاي لحضرتك عشان عاوز اتقدم للأنسة خلود

باسم انصدم ومهاب بيبصله عاوز يشوف ردة فعله ايه

باسم بهدوء: وهي تعرف انك جاي؟

وائل: لا ومحبتش اقولها غير لما اقابل حضرتك لان اخر مرة كنت موجود في الجامعة حسيت ان حضرتك اضايقت لما شفتني واقف معاها وقولت اجي لحضرتك وبعد كدا اتقابل مع والدها....وعاوز اعرف رأي حضرتك

باسم: والله الرأي رأيها هي وباباها

مهاب مستغرب من رد باسم وبيبصله اوي وباسم بيتعامل ببرود

وائل: طب ممكن رقم تليفونه؟

باسم طلع كارت بإسم عمه أيمن و وائل اخده منه

وائل: طب انا هستأذن انا

مهاب: ازاي وانت ماشربتش حاجة

وائل: اكيد هنشرب ان شااء الله الايام جايا كتير

وائل نزل وهو خارج خلود شافته بس هو ركب عربيته ومشي وهي كانت راجعة عشان نست تليفونها وطلعت فوق

خلود دخلت: هو وائل كان هنا بيعمل ايه؟

باسم استغرب انها رجعت بس ما اتكلمش

مهاب: انتي رجعتي ليه؟

خلود: نسيت تليفوني.....بس ماقولتوش وائل كان هنا بيعمل ايه؟

باسم بهدوء: كان جاي يتقدملك

خلود اتفاجأت: يتقدملي؟

مهاب: اه.....ايه رأيك؟

خلود بصت لباسم اللي مركز معاها عاوز يعرف ردها: طب انتوا قولتولوا ايه؟

مهاب: باسم قاله ان الرأي رأيك انتي وباباكي ووائل اخد منه كارت باباكي اللي فيه ارقامه

خلود زعلت اوي ان باسم قاله كدا وكمان عرفه رقم باباها: ماشي يامهاب

خلود اخدت تليفونها وكانت لسة هتخرج بس وقفت على جملة باسم

باسم: ماقولتيش رأيك ايه

خلود بصتله اوي: عاوز تعرف رأيي ياباسم؟

باسم بهدوء: ايوا

خلود قربت منه وبصتله اوي: موافقة

باسم اضايق اوي وحس ان قلبه وجعه بس بيحاول يبان طبيعي: مبروك ياخلود

باسم قال جملته دي واخد مفاتيح عربيته ونزل

مهاب بص لخلود: ليه وافقتي وانتي بتحبي باسم؟

خلود استغربت ان مهاب عارف

مهاب ابتسم: ماتستغربيش عشان باسم حاكيلي

خلود قعدت ودموعها نزلت: انا وافقت عشان قلبي واجعني اوي يامهاب وكفاية اوي كدا انا حبيته وهو رافض حبي يبقى اشوف حياتي

مهاب: يعني انتي كدا مش بتوجعي قلبك؟

خلود بصتله: يعني اعمل ايه يامهاب؟ اروح اتحايل عليه اقوله حبني كحبيبة مش كأخت ولا اقوله ايه بس ولا اعمل ايه؟

مهاب بتفكير: انا هقولك تعملي ايه

********

نيجي لفيروز، شروق وصافي وصلوا ليها وخبطوا وفتحت وكان باين عليها الحزن اووي

شروق بقلق: مالك يافيروز في ايه؟

فيروز اول ماشافت شروق عيطت وحضنتها اوي

البنات دخلوا وقعدوا سوا

صافي: مالك بس بتعيطي ليه؟

فيروز: مافيش

صافي حبت تسيبهم لوحدهم وخرجت البلكونة

شروق: احكيلي بقى ايه اللي حصل

فيروز حكتلها كل اللي حصل

شروق بصدمة: ازاي دا حصل؟

فيروز بإنهيار: مش عارفة ياشروق ولا فاكرة اي حاجة

شروق: يبقى اكيد حطلك حاجة في الشاي

فيروز: ازاي

شروق: اكيد لما قومتي عشان تجيبي ماية هو عمل كدا

فيروز: لا

شروق: لسة بتقولي لا بعد اللي عمله؟

فيروز عيطت اوووي: انا ضعت ياشروق خلاص

شروق حضنتها اوي: انا جمبك وماتقلقيش

فيروز: اوعي حد يعرف حاجة ياشروق

شروق: عيب عليكي استحالة حد يعرف طبعا

فيروز: ربنا يخليكي ليا يارب

شروق: ويخليكي ليا ياقلبي

صافي دخلتلهم وقعدت معاهم

فيروز: فرحت اوي لما شفتكم

صافي: جدو اول ماقال انك تعبانة جينا على طول

شروق: بقولك ايه يافيروز عاوزة اقترح عليكي اقتراح

فيروز: اقتراح ايه؟

شروق: تيجي تعيشي معانا في الڤيلا

فيروز: لا

صافي: ليه بس؟

فيروز: كدا انا هقعد في بيتي وبعدين انا بقالي تلات سنين عايشة لوحدي فعادي بقى

شروق: عاوزاكي تكوني معانا

فيروز وقفت: لا ياشروق

البنات قعدوا مع فيروز وهونوا عليها شوية بس للأسف اللي حصل مافيش اي كلام ولا أي حاجة تهون عليه

************

نيجي لباسم، قاعد سرحان عالبحر وبيتكلم مع نفسه: انت زعلت ليه؟ مش انت بتقول انك بتحبها كأخت ومش متأكد من مشاعرك تجاهها عاملة ازاي؟ طب ليه زعلت بقى لما وائل قال عاوز يتقدملها.......تقدر تقول لنفسك ايه سبب زعلك

باسم قاعد مضايق ومشاعره متلخبطة جواه ومتردد ومش فاهم في ايه

******

مهاب وخلود كانوا لسة في المعرض

خلود: يعني انت عاوزني اتخطب لوائل؟

مهاب: ايوا، وبعدين انتي قولتي انك موافقة

خلود: ايوا قولت كدا فعلا لان دا رد فعلي لما عرفت ان باسم قاله ان الرأي رأيي ورأي بابا وكمان عرفه رقمه

مهاب: طب ما اخدتيش بالك ان باسم اضايق انك قولتي موافقة وعشان كدا سابنا ومشي

خلود: مش عاوزة اخد بالي يامهاب وادي لنفسي امل عالفاضي

مهاب: صدقيني باسم مش عارف ياخد قرار

خلود: خلاص يامهاب انا هوافق بس صدقني لو مالقتش منه اي ردة فعل هكمل حياتي مع وائل....وسكتت شوية وبصتله: بس انا كدا هوجع وائل

مهاب: انتي مش هتتخطبي رسمي دلوقتي، انتي عليكي تقولي لوائل ان باباكي رافض لحد ماتخلصي الترم دا وانتي طول الترم دا تخلي باسم يحس انك خلاص معتيش بتحبيه

خلود: ماشي يامهاب انا هعمل اللي انت بتقوله وياريت الاقي نتيجة

مهاب: هتلاقي ان شااء الله.....وبعدين قوليلي انتي كنتي جايا لباسم مخصوص ولا كنتي بارة؟

خلود: انا كنت راحة مع البنات عند فيروز

مهاب: فيروز مين؟

خلود: دي صاحبة شروق الانتيم وصاحبتي انا كمان وهي تبقى السكرتيرة الخاصة بجدو

مهاب: طب انتي قولتي مع البنات هي صافي مع شروق ولا ايه؟

خلود: اه وطلبت من شروق انها تنزلني عند المعرض وهبقى اروح ليهم

مهاب: طب هتروحي تيجي اوصلك ولا هتعملي ايه؟

خلود: لا هرجع الڤيلا

مهاب: طب يالا انا كدا كدا اصلا مارحتش الشركة وكنت جاي للأستاذ بس هو سابنا ومشي

خلود: طب كلمه وعرفه انك هتمشي عشان يجي يقعد في مكتبه

مهاب: ماشي هكلمه

مهاب رن على باسم وقاله انه هيرجع مع خلود الڤيلا، خلود رجعت مع مهاب ووصلوا الڤيلا

شروق وصافي نزلوا من عند فيروز، وهي قعدت لوحدها وانهارت من تاني وفضلت تصلي وتدعي وتقول يارب وبتقرأ قرآن

في شركة عبدالحميد هلال، فؤاد استغرب ان فيروز مجاتش الشغل، فؤاد خبط ودخل

عبدالحميد: ايه يافؤاد

فؤاد: هي فيروز مجاتش النهاردة؟

عبدالحميد: اه اصلها تعبانة شوية

فؤاد بقلق: مالها؟

عبدالحميد بشك: مالك مهتم بيها ليه كدا؟

فؤاد بتوتر: ها...لا ابدا يعني زمايل وبنسأل على بعض

عبدالحميد ابتسم: ماشي يافؤش عالعموم هي كويسة الحمدلله احفادي البنات كانوا عندها وطمنوني عليها

فؤاد: ماشي يافندم

عبدالحميد: يالا روح خلص الشغل عشان الاجتماع كمان نص ساعة

فؤاد: حاضر

فؤاد خرج وعبدالحميد ابتسم لانه فهم ان فؤاد معجب بفيروز

بعد نص ساعة كان الاجتماع والكل قاعد في اوضة الاجتماعات، كل واحد قاعد ادامه ورق وعبدالحميد قاعد على رأس ترابيزة الاجتماع

عبدالحميد: كلها يومين ونعرف نتيجة المناقصة وعاوز تركيز لان الشغل اللي جاي كله مهم عن الاول بكتير

فؤاد: كل حاجة جاهزة يافندم بس ناقص التصاميم بتاعة المشروع

عبدالحميد: موجودة معايا.....مسك ملف ادامه: اهو وبكدا يبقى كل حاجة جاهزة

محمد(مهندس في الشركة): طب كدا ناقص بس اننا نطبق التصاميم دي

عبدالحميد: اول مانكسب المناقصة ان شااء الله كل حاجة هتتعمل

فؤاد: ماشي يافندم

بعد شوية الاجتماع خلص، وبعد ساعتين عبدالحميد رجع الڤيلا وكان الوقت دا وقت صلاة الظهر واول مادخل شاف منظر عجبه اووووووووووي

مهاب واقف إمام في الصلاة وباسم واقف وراه هو وسراج وايمن والبنات وليلى ووفاء وراهم، صوت مهاب في تلاوة القرآن جميل اوي

عبدالحميد واقف فرحان بيهم وقعد يستنى يخلصوا، بعد دقايق خلصوا صلاة

عبدالحميد: حرما ياحبايبي

الكل: جمعا ياجدو ان شآء الله

عبدالحميد: ان شآء الله ياحبايبي

اليوم عدا عادي وضياء وصل عمان بس لسة ماكلمش فيروز وهي قاعدة مخنوقة وبتدعي ربها وفكرت تنتحر وترجع تقول استغفر الله، فيروز قررت تكمل لوحدها حياتها وتعيش وتنجح وتوصل لأعلى المناصب

تاني يوم الصبح فيروز راحت الجامعة الاول عشان كان في محاضرة مهمة والدكتور احمد هو اللي كان بيشرحها، وطول المحاضرة هي بتشارك معاه رغم انها موجوعة واللي حصلها مش سهل بس دراستها مهمة ليها

المحاضرة خلصت واحمد كل يوم اعجابه بيها بيزيد

فيروز وشروق خرجوا من المدرج ودكتور احمد وقفهم

احمد: اخبارك ايه يافيروز؟

فيروز: الحمدلله يادكتور

احمد: انا مبسوط منك النهاردة عشان بتشاركي في المحاضرة ومركزة

فيروز ابتسمت: متشكرة اوي

شروق: فيروز اصلا شاطرة يادكتور وبتحب دراستها

احمد: عشان كدا بقول انها تكون معيدة في الجامعة

فيروز بتفكير: لسة ما أخدتش قرار والله بس بفكر في الفكرة وان شاء الله هعمل استخارة الأول بس بعد ما اتخرج بإذن الله

احمد بإعجاب: ان شاء الله

فيروز: بعد اذن حضرتك

فيروز مشيت هي وشروق

فيروز: انا هروح الشركة بقى وانتي كملي بقية المحاضرات

شروق: ماشي، وكدا كدا لسة ساعة عالمحاضرة التانية فهروح اشوف البت خلود واجي

فيروز: وابقي عرفيني اخر الأخبار

شروق: ماشي

فيروز مشيت وسابتها ووقفت تاكسي وركبت وفي طريقها للشركة سرحت وبتتكلم مع نفسها: انا بحاول اعيش يومي واتعامل عادي فيااارب ابعد عن بالي فكرة الانتحار عشان انا مش عاوزة اعصيك بس غصب عني كل مابفتكر اللي حصل بمووت، اللي حصل من يومين مش سهل عليا ولا على اي بنت وانا فكرة الانتحار مسيطرة عليا اوي فيارب ابعد الفكرة دي عن بالي وقوي ايماني ياااارب وابعد عني اي وحش

فيروز فضلت طول الطريق سرحانة مفاقتش غير لما السواق قالها انها وصلت

فيروز دخلت الشركة وفؤاد اول ماشافها جري عليها: كنتي تعبانة مالك انا قلقت عليكي اوي

فيروز بإبتسامة بسيطة: كان شوية برد بس الحمدلله كان خفيف

فؤاد: الف سلامة عليكي

فيروز: الله يسلمك، بعد اذنك لما ادخل لمستر عبدالحميد

عبدالحميد قاعد في مكتبه وبيتكلم في التليفون

عبدالحميد: يعني انت متأكد من اللي بتقوله دا؟

......: ايوا يافندم اللي لاحظته في فترة مراقبتي ليها ان مستر مهاب باعت حد يراقبها

عبدالحميد بقلق: اوعى تبعد عن عينك، ولو حصل اي حاجة تكلمني

........: حاضر يافندم هي لسة دلوقتي عند حضرتك في الشركة لانها لسة طالعة

فيروز دخلت وعبدالحميد كمل مكالمته: ماشب خلاص اقفل انت دلوقتي

عبدالحميد قفل المكالمة وبصلها: الف سلامة عليكي يابنتي

فيروز بإبتسامة: الله يسلمك ياجدو

عبدالحميد بيبصلها اوي: اقعدي يافيروز

فيروز قعدت وعبدالحميد اتكلم: مالك؟

فيروز: مافيش انا كويسة

عبدالحميد: انا حاسس انك مش كويسة

فيروز بتحاول تخبي حزنها: انا كويسة والله ياجدو ماتقلقش عليا

عبدالحميد: ماشي يابنتي، عاوزك تقعدي مع فؤاد عشان تراجعوا الملفات سوا ولو عندك اي اقتراح تقولوه

فيروز: حاضر، جدو كنت عاوزة اخد رأيك في حاجة

عبدالحميد: قولي يابنتي

فيروز: انا محتارة في حاجة، دلوقتي انا ادامي ترم واتخرج ومش عارفة اذا كنت اكمل واكون معيدة في الجامعة ولا لا

عبدالحميد: طب مادا مستقبلها حلووو جداا

فيروز: عارفة بس محتارة يعني افضل في شغل الشركة ولا أكون معيدة

عبدالحميد: طب ماهو عادي لما تكوني في الإتنين

فيروز: انا كنت مش حابة موضوع التدريس في الجامعة وكدا بس دكتور احمد المعيد الجديد مشجعني جدا وكل شوية يتكلم معايا في الموضوع دا

عبدالحميد: بصي انتي تخلصي الترم دا وساعتها تشوفي انتي مرتاحة لإيه

فيروز: ماشي ياجدو.....انا هروح لفؤاد عشان نراجع الورق

عبدالحميد: ماشي

**************

مهاب(الصغير) في الشركة وقاعد بيخلص تصاميم مهمة وشوية ودخلت عليه صافي

مهاب اتفاجئ بيها: صافي!

صافي: حبيت اعملك مفاجأة واجيلك

مهاب وقف حضنها: يعني انتي جايا عشان تعمليلي مفاجأة ولا عشان تشوفي حد؟

صافي بصتله وسكتت

مهاب: سكتي ليه؟...عالعموم هو مش هنا لانه مش بيجي الشركة غير لما يكون في اجتماع مهم

صافي: وحشني وعاوزة اشوفه

مهاب كان لسة هيرد بس السكرتيرة خبطت ودخلت

اسماء: مستر مهاب، والد حضرتك لسة واصل الشركة وعاوزك في مكتبه

مهاب: حاضر

اسماء خرجت ومهاب بص لصافي وهي فرحت ان باباها هنا

مهاب: تعالي

مهاب اخد صافي وراحوا سوا مكتب باباهم واول مادخلوا فايز اتفاجئ ان صافي هنا وكأنه اصلا كان جاي عشانها

مهاب: معقول فايز بيه بنفسه هنا في الشركة

فايز ضحك: زهقت من قاعدة البيت

مهاب: براحتك ياحبيبي...وبص لصافي: اقعدي ياصافي

فايز عنيه على صافي وكل شوية يسأل نفسه ازاي هي شبه رباب مراته الله يرحمها رغم ان مهاب قاله انها بنت خالته بس ازاي الشبه دا

فايز لمهاب: انت قولت صافي تبقى بنت خالتك منال صح؟

مهاب بتوتر: ايوا يابابا

فايز وهو عينه على صافي: بس معقول الشبه دا يامهاب

مهاب بص لصافي اللي عنيها كلها باقت دموع وخلاص هتضعف

مهاب وقف ومسك ايديها عشان يخرجوا وفايز وقفه: في ايه يامهاب؟

مهاب: مافيش يابابا انا هقعد بس صافي في مكتبي وهاجي

فايز: لا مش هتخرجوا من هنا غير لما افهم في ايه وليه هي بتعيط

صافي دموعها نزلت فعلا وخلاص مش قادرة، مهاب مش عاوزها تضعف: اصلها تعبانة النهاردة وانا اللي صممت تيجي معايا الشركة

فايز بشك: مش مصدقك يامهاب

مهاب: في ايه يابابا دا كله عشان عيطت وبقولك تعبانة؟

فايز قرب من صافي وبيبصلها اوي: هو انتي بنت رباب؟

صافي اتفاجأت بجملة باباها اللي معناها انه فاهم ان امها اتجوزت من بعده، مهاب انصدم هو كمان وكان لسة هيرد بس صافي هي اللي اتكلمت: لا انا بنت اختها ياعمو فايز.....وبصت لمهاب: انا همشي يامهاب

مهاب: استني انا هنزل معاكي...وبص لأبوه: بعد اذنك يابابا

مهاب وصافي خرجوا ونزلوا تحت عند العربية

صافي: معقول يامهاب يكون يقصد بكلامه ان ماما اتجوزت بعده؟

مهاب بتوهان: مش عارف بس ازاي هو يفكر كدا وهو عارف ومتأكد انها كانت بتحبه اوي

مهاب تليفونه رن وكان ابوه وهو بدل مايقفل عليه فتح الخط وما أخدش باله وكمل كلامه

مهاب: بابا مستغرب من الشبه اللي بينك وبين ماما وانا بعذره على دا لانك نسخة تانية منها

صافي بعياط: انا كنت خلاص هقوله انا بنتك انت وبنتها بس لما لاقيته قالي انتي بنتها حسيت انه فاكر انها اتجوزت من بعده

مهاب: بابا لو كان يعرف ان ماما كانت حامل فيكي قبل مايطلقها مكانش سمع كلام جدك مهاب وطلقها

صافي بإنهيار: هفضل بعيدة عنه لحد امتى يامهاب؟

مهاب حضنها: اوعدك ان خلاص هيعرف بس نصبر شوية

فايز سمع كل كلامهم ودموعها نزلت غصب عنه على حبه لمراته اللي لسة في قلبه وبعده عن مراته بسبب ابوه وكمان بعده عن بنته، فايز قفل المكالمة قبل ما مهاب ياخد باله، واخد مفاتيح عربيته ونزل وصل عند محل ورد اخد بوكيه ورد حلو جدا ذي الورد اللي رباب كانت بتحبه وراح عند القبر بتاعها، فايز واقف ادام قبرها ودموعها نازلة ومش قادرة حتى يتكلم وبعد شوية قعد على الأرض وبدأ يتكلم معاها كأنها ادامه: وحشتيني اوي ووحشني كلامك وضحكتك وجمالك....وسكت شوية وابتسم: جمالك اللي بنتك ورثته عنك، ليه خبيتي عني يارباب ليه؟ صدقيني كنت ساعتها هتحدى العالم عشانها....انا اه سمعت كلام ابويا اللي ظلمني وبعدني عنك بس كنت بقول ان مهاب راجل وهيكون معاكي.....مهاب مابيحبش ابويا ولا حتى بيقوله كلمة جدو دي خالص.....مهاب بعد وفاتك قرر يجي يعيش معانا انا ساعتها استغربت بس اللي انا حسيته ان مهاب عاوز ينتقم من جدو عشانك وانا والله ماهقوله لا عشان ابويا غلط زمان وبعدني عنك بقسوته وبجبروته وباردوا ماتغيرش نهائي وانا بجد محتاج لولادي جمبي

فايز فضل يتكلم كتيييييير معاها ويعيط وبعد كدا رجع الڤيلا وناني مراته كانت قاعدة في داخلة الڤيلا هي وريماس بنتها

فايز دخل من غير اي كلام

ناني: طب قول مساء الخير حتى

فايز: مساء الخير ياناني

ناني: مالك شكلك تعبان

فايز: لا ابدا انا كويس

ناني: طب تعالى اقعد عاوزاك

فايز قعد جمبها: خير

ناني: هي مين البنت اللي مع مهاب دي؟

فايز اتفاجئ بكلامها: بنت مين؟

ناني مسكت تليفون ريماس اللي عليه الصور اللي ريماس صورتها لمهاب وصافي لما كانوا في حمام السباحة: البنت دي

فايز مسك التليفون وشايف الصور وفرحان ان مهاب قريب من اخته وبيعوضها عنه ودموعه خلاص هتنزل بس بيحاول يتحكم في نفسه: دي بنت خالته

ريماس: بس يعني ياعمو بنت خالته وقريبة منه اوي كدا

فايز: عادي ياريماس وبعدين مهاب ابني وانا عارفه، هو بيتعامل مع بنات اخواله وخالاته كدا وكلهم اخواته

ريماس: لا ياعمو هو قريب اوي من البنت دي يعني خلود وشروق مش معاهم كدا خالص

فايز قام: معلش انا تعبان شوية وهطلع انام

فايز سابهم وطلع وناني مستغربة من الشبه هي كمان وبدأ التفكير يسيطر عليها

***************

عدا اسبوع، وابطالنا حياتهم كويسة، شركة عبدالحميد كسبت المناقصة كالعادة ومهاب العمري مضايق وغضبان ولسة بيراقب فيروز وبدأ يدور ورا مهاب حفيده بخصوص البنت اللي معاه (صافي)، ضياء بيكلم فيروز بس مش كتير وكل كلامه عادي ومأنه بيهرب من موضوع كتب الكتاب، وهي بدأت تلاحظ انه بيهرب، خلود وباسم لسة ذي ماهما بس باسم مش بيتكلم معاها وهي كمان ودا مضايقه اوي، صافي مركزة في المذاكرة عشان تجيب مجموع وتدخل كلية الألسن اللي بتحلم بيها، شروق هي كمان بتذاكر وكل حاجة كويسة معاها

في يوم شروق وفيروز في الجامعة وقاعدين شوية سوا في الكافيه قبل بداية المحاضرة التانية وفجأة وصلت رسالة لفيروز كانت رد ضياء على رسالتها لما قالتله ناوي تكتب كتابنا امتى ورسالته كانت عبارة عن

( اصبري عليا شوية انا لسة واصل من شهر والشغل هنا شاغلني اوي ولسة مش عارف اتصرف اول ما اكون فاضي ومافيش ضغط شغل هنفذ وعدي على طول، وبلاش كل شوية تضغطيني انا بجد زهقت ) رسالته كانت تأكيد لفيروز انه فعلا بيتهرب وكمان رسالته رجعت ليها فكرة الانتحار من تاني

فيروز لشروق: هدخل الحمام واجي

شروق: ماشي ياحبيبتي

فيروز سابت شروق ودخلت الحمام وطلعت من شنطتها مشرط صغير ودموعها نزلت واتكلمت: يارب سامحني........وقطعت شراينها

**********

الحلقة خلصت

فيروز هيحصل معاها ايه؟

ايه اللي ناوي عليه فايز بعد ماعرف ان صافي بنته؟

ياترى ايه ردة فعل مهاب(الجد) لما يعرف ان صافي تبقى حفيدته؟

تكملة الرواية من هنا

بداية الروايه من هنا

قبل ماتخرجوا اتفضلوا الروايات الكامله من بداية الروايه من هنا

هنا 👇❤️👇❤️👇