رواية عشق الحور الفصل التامن والتاسع بقلم مروه شحته رواية عشق الحور البارت التامن والتاسع بقلم مروه شحته رواية عشق الحور الجزء التامن والتاسع بقلم مروه شحته

رواية عشق الحور الفصل التامن والتاسع بقلم مروه شحته

رواية عشق الحور البارت التامن والتاسع بقلم مروه شحته

رواية عشق الحور الجزء التامن والتاسع بقلم مروه شحته

٨مؤازره

غاضبه تشعر باشتعال صدرها وعيناها ترفض النوم هذا بالاضافه لانها خائفه من اختبار الصباح. ....عليها زياده التحصيل عليها ان تذاكر لتثبت للجميع انها قويه تري علي استطاع النوم بعيدا عنها انها الليله الاولي التي تقضيها بعيدا عنه .....كفاكي حماقه ...بالتاكيد ينعم الان بين ذراعي الفاتنه ....تمددت علي الفراش محاوله منها ان تغفوا ولكن صورته وهو يحتضنها ارقت مضجعها ....عليها ان تتعايش مع تلك النيران لاسبوع كامل .....صلت الفجر وارتدت ملابس تشبهه زيها الي حد ما ....ترجلت من غرفتها لتجده يهبط بطلته الوقوره للاسفل

#صباح الخير ياحور

همهمت فقط بالتحيه فلو تركت لنفسها العنان ستهجم عليه وتذيقه من اصناف العذاب مااذاقه اياها ...انتبهت لانه يقف في وجهها

#ممكن افهم بقي حضرتك كنتي بتعيطي ليه

اتسعت عيناها بذهول كيف علم بهذا

قالت بانكار

#مش بعيط وهيعط ليه يعني

#اكتر حاجه بكرهها في حياتي الكذب تمام ...

اشاحت وجهها وقالت باختناق

#انا عاوزه اروح اشوف امي واخواتي بعد الامتحان

#الامتحان هيخلص الساعه كام

#علي واحده كده

#تمام اتصلي بيا اول ماتطلعي وانا هاجي اوصلك

فركت يدها

#اصل مش معايا رقمك ووومش معايا تليفون

ربت علي خدها وقال بتشجيع

#خلاص هستناكي قدام المدرسه ونروح نجيب احلي تليفون لحور ماشي

لمعت عيناها

#ماشي

#بس تحلي كويس

قالت بتردد#هو ااانت هتوصلني صح

#ايوه يلا بينا

قالت بحماس #لسه بدري ومينفعش تخرج من غير فطار تعالي معايا اعملك الفطار في المطبخ

قالت جملتها وامسكت يده لتتحرك ناحيه المطبخ

#يابت انتي اعقلي الخدم قربوا يصحوا

وقفت علي باب المطبخ وقالت

#حد ليه عندنا حاجه

#لاء بس

#تعالي تعالي خلي البساط احمدي ....

تبعها تعد الافطار وتضع الاطباق علي الطاوله قالت بابتسامه

#فطار ملوكي اهوه اتفضل

جلس علي المقعد لتجلس امامه باسمه

#فاكر لما سرقنا اكل المطبخ الصبح سمعت لواحظ وصباح بيتخنقوا مين اللي اكل الجبنه

انفجر ضاحكا وتابعها تمسك قطعه توست لتضع عليها بعض الجبن وتقربها من فمه فياكلها افتقد اهتمامها الحاني ......هذه الصغيره ام بالفطره كان غارق حتي اذنيه في فتنتها الخاليه من اي اضافه وجهها الطفولي واصابعها الصغيره التي تطعمه كطفل

#ابيه جاسر اااانت بتعمل ايه في المطبخ

رفع عيناه لعائشه وهمهم

#ياخساره الهيبه اللي اتبعزقت

حور ضاحكه وهي تلتفت الي عائشه

#هلمهالك في كيس ......تعالي ياعيشه اصل انا ريحه الامتحان فقلت اعمل فطار وانت عارفه الابيه بتاعك قلبك حنين مهنش عليه افطر لوحدي

جلست عائشه وهي تكتم ضحكاتها

#انتي عارفه لوماما شافتنا هتعمل فينا ايه ياحور

تنهدت بقوه #عارفه ماما عمرها ماهتقول حاجه بالعكس ده يمكن تفطر معانا ...

هبت واقفه وبدات تتحرك بطريقه عزه وتقلد ها

#اييييه ضاااااه بتكلو في المطبخ ...

انفجرا الاثنين في الضحك عائشه

#يخرب عقلك ياحور قلبي هيقف

صنعت قطعه توست ووضعتها في فم عائشه

#من تواضع لله رفعه ...هو هواه نفس الاكل هتفرق في ايه المكان ...

عائشه # والله عندك حق ياحور ...

ولاايه ياابيه

جاسر #تمام بس مينفعش نتريق علي حد ياحور

حور #لاوالله مش بتريق دا انا بوريكوا رد الفعل بس ....

جاسر #طب يلا بقي عشان منتاخرش

حور #ادعيلي ياعيشه

عائشه #ربنا يوفقك ولو احتجتي مساعده انا موجوده تمام

قبلت خدها #ربنا يخليكي يااحلي اخت في الدنيا

ربتت علي كتفها تحركت للخارج وتبعها هو وقفت امام البوابه منذ دخولها هذا القصر لم تخرج منه يده التي وضعت علي كتفها جعلتها تنتبه

#هو انا ممكن ابقي انزل الجنينه

تحرك وهي معه وقال باسما

# اه طبعا

وصل للمراب لن تنكر انها سعيده لانه اهتم وسعيده بوجبتها معه ومرحه وضحكاته ولكن مازال قلبها متالم لانه تركها ...ولكن يكفي انه اهتم

#سرحانه في ايه خايفه

#يعني شويه

ربت علي كتفها

#انتي مذكره كويس سيبيها علي الله ومتقلقيش

وصل الي بوابه المدرسه ليري الجمع الغفير من البشر الموجود هناك نظرت اليه

#ادعيلي ماشي

#ماشي

ترجلت من السياره لتحاوطها مجموعه فتيات بالتاكيد زملائها سمع جزءمن التعليقات

#يخرب بيتك مين دا

حور #دا جوزي

احد الفتيات #كذابه بشكل انتي حتي مش لبسه دبله ياكذابه

فتاه اخري # والله ياحور لهقول لعمك انتي تعملي كده

بدون ذره تفكير واحده ترجل من السياره ليقف خلفها

#في حاجه ياحور مدخلتيش ليه

التفت لتواجهه بعيون دامعه

#هدخل اهوه ... بس كنت بسلم علي اصحابي

#طب لما هما اصحابك معزمتهمش في الفرح ليه

احد الفتيات #يعني هوا حضرتك جوزها بجد

#ايوه وممكن تسالوا عادي انا جاسر

الراوي

#يانهار طين

هذا كان تعليق الفتيات وهم ينصرفوا قال باسما

#هما خافوا كدا ليه

هزت كتفها وقالت بسعاده

#اصل اسمك مرعب ....انا متشكره اوي ربنا يخليك

#يلا خشي علي الامتحان وعاوز تركيز

هزت راسها موافقه وتحركت للداخل

ليركب سيارته وينطلق بعد قليل كان يجلس بمكتبه ليتفقد سير العمل

#منور الدنيا كلها ياكبير

رفع رفع راسه عن الاوراق ليتطلع لعلاء الواقف امامه بابتسامه

#تعالي ااقعد ياعلاء

جلس علاء علي الكرسي المقابل وقال بمرح كعادته

# هو كل اللي بيتجوز تاني بيحلو كده ...تصدق شكلي كده هفكر اعملها

قال باسما

#ايوه عشان ايناس تعلقك زي الدبيحه

التفتت حوله برعب مصطنع

#مين اللي جاب سيرتها دلوقتي

المهم بقي طمني ايه اخبارك

عدل الاوراق امامه

#تمام ....

#قلي بقي اخبار نقل الانتاج ايه

قال بجديه

#جاسر انا معرفتش اتكلم معاك من يوم جوازك ..انا عارف انك لسه بتحب عزه ووجود واحده تانيه في حياتك صعب انك تقبله ....يمكن تكون اول مره ااقولهالك عزه ميهمهاش غير الفلوس وبس ...مكنتش متوقع انك تتجوز بنت في سن حور ...بس يمكن هي دي اللي هتعيش معاها اللي انت معشتهوش .... حور لسه صغيره مشفتش حاجه من الدنيا سهل اوي انك تشكلها علي ايدك .... اللي اقصده انها مراتك مش معني انك تبقي معاها يبقي بتخون عزه

تنهد بقوه وقال

#علي فكره حور فعلا صغيره بس عندها شخصيه مستقله وعزه نفس وكرامه مشفوفتهمش علي رجاله بشنبات

#اه وصلني انها قلتلك لاء قدام الكل

لما ايناس حكتلي وانت عارف حاولت تطلع صحبتها مش غلطانه . بس انا عرفت كل حاجه من عيشه عارف الموقف دا فكرني بيك اوي ..

قطب بين عيناه

#بيا ازاي يعني

#فاكر لما انا خربت العربيه وقلت لبابا انك انت اللي عملت كده وضربتني وقالك اعتذر لاخوك قلتله نفس الكلام بس انت جودت بعد ماضربك بالقلم وقفت تتحداه وقلتله انت ظالم ...

شرد بتفكيره علاءمحق لقد تصرفت مثلما كان يتصرف وهو طائش بعمرها

انتبه الي كلمات علاء

#يوميها قلت عرفت تختار نصك التاني ياجاسر ....

قال بابتسامه

#يااااه انت لسه فاكر الموقف ده

قال باسما

#طبعا داانا كنت بعمل فيك كل مقلب واخوه ...

#لاء بس عشان بابا كان بيحبك بزياده شويه وكان بيخاف عليك

#ماشي بس انت الحته اللي جوه بتاعه الحجه زينب وهو ابوك فلسع وسبلنا الحجه يعني انت اللي علي الحجر يااخويا

اتسعت ابتسامته وقال

#حقود ...امشي يلا شوف شغلك

هب واقفا #متقلقش وراك رجاله

#انا همشي علي الساعه واحده كدا

انحني علي المكتب وقال باسما

#مبلاش تروح بدري لهيتحفل عليك تحفيله فل

قطب بين عيناه

#تحفيله ايييه

#اصل وانا نازل سمعت عيشه بتحاول تهدي النفوس مع عزه وبتقولها انك فطرت مع حور وختها معاك وانت خارج اصلها وحشتك اوي انت عارف عيشه بتعشق عزه

حدق بوجهه وتنهد بقوه

#هتفرق معاها يعني

#طبعا ...هتفرق عشان هتتخيل انك هتفلت من ايدها ...مشكله عزه انها عارفه وواثقه انك متقدرش تستغني عنها

اشاح بيده ولكنه عقله يثبت كلمات علاء وتثبته تلك الجمله السخيفه التي قالتها عقب امتلاكه لها للمره الاخيره زفر بضيق

#انا اصلا مش مروح انا هعدي علي حور واخدها وهنروح بيتهم عاوزه تشوف اخواتها

قال باسما

# يسهلوااا ياعم ..... طب ماتخرجها هتلها هديه حلوه وردايه ...يعني

ضرب راسه وقال بغيض

#امشي بقي اطلع بره داانت صداع

تحرك علاء للخارج ليسبح مره اخري بافكاره اخيه الاحمق لايعلم انه يتمني لحظه قرب من الصغيره انه شعر بشعور الخيانه عندما تملك عزه وليس العكس ....لايعلم ان اخيه الوقور يتصرف بجنون مراهق تشتعل رغبته من صغيره ترتدي منامات مضحكه طفوليه ورغم هذا يراها هو مثيره وبشده ..... انه افتقد تسبيحها علي يده ونومتها علي صدره افتقد تحررها من سلطان النوم حتي تحتضنه بساقها ليشتعل هو علي اشتعاله ويتفلت كل شيء منه ليتلمس ذراعها عظمتي ترقوتها ليسرق قبله من شفتيها ... زفر بقوه ليتابع امور العمل الذي تركه لاسبوع

٩لحظه جنون

في الواحده كان ينتظر بالسياره امام المدرسه ليتابع الحركه الساكنه ثم تبدا بعض الفتيات في الظهور فيغض بصره كعادته ولكن عيناه تخونه وتتفلت من حصاره ليبحث عنها في هذا الجمع .... حتي تتلاقي العيون فتهرع الصغيره نحوه لتركب السياره

#هاه طمنيني عملتي ايه

قالت بسعاده

#عيب عليك داانا بيذكرلي جاسر باشا الراوي بجلاله قدره

انفجر ضاحكا لتقطع ضحكته احد الفتيات بشعر اصفر وتضع الكثير من مستحضرات التجميل

# ايه ياحور مش تعرفينا

التفت اليه لتنزع يدها عن السياره وتقول بغيض

#واعرفك بمنسبه ايه ياست ايه ... شوفيلك سكه ياماما

بمياعه قالت

# اصل بصراحه مش مصدقه ان القمر ده يبقي جوزك

قالت بغضب وهي تفتح باب السياره لتدفع الفتاه وتقول بغضب

#الله اكبر في عينك ...والله ماهسيبك ياايه

امسك ذراعها قبل ان تنزل وقال

#انت ريحه فين يامجنونه انتي

قالت بغيض

#سيبني ياجاسر انا هنزل اربيها عديمه الربايه دي

مد يده ليغلق بابها وانطلق بالسياره لتقول بعصبيه

# بجاحه وقله ادب

رمقها بنظره سريعه وقال

#ممكن تهدي شويه محصلش حاجه عشان دا كله

التفتت اليه وعقدت ذراعيها

#قلتلي بقي تلقيك فرحان بنفسك عشان قلتلك قمر ... مش كده

ضحك بقوه ولايعرف سبب ضحكاته من ثوره الصغيره التي اكملت بغضب

#ايوه مهو انت غاوي حجات ملزقه وملونه

اوقف السياره علي جانب الطريق

#تقصدي ايه بقي

اشاحت بوجهها وقالت باختناق

# اقصد ست زفته اللي بتعكسك كده عيني عينك وانت بتضحك عادي بدل ماتنزل وتديها جوزين اقلام ... عجبتك المسخره والمياصه مش كده

سعيد لن ينكر هذه الصغيره عكس عزه في كل شيء ادار وجهها ليفاجيء بدموعها

#طب بتعيطي ليه دلوقتي ... انا اصلا مشوفتهاش ربنا امرنا بغض البصر انا دورت وشي اول ماقربت

قالت بلهفه

# بجد

#اه بس انتي قلتي ملزقه وملونه نرجع بقي نشوفها وربنا غفور رحيم

ليفاجيء بالمجنونه تقفز ليصبح نصف جسدها فوقه وتضربه بقبضتها الصغيره وهي ترعد

# متبصش لواحده غيري فاهم ولالاء

كان يضحك بقوه حتي قالت جملتها الاخيره ليحتضن وجهها ويهمس

# يعني عاوزاني مشوفش غيرك

#اه ..ومتكلمش غيري ووو

امتلئت عيناها دموع ...علم الان سبب بكائها بالامس فهمس

#ودي اسميها ايه بقي غيره

سقطت دموعها وقالت بانكسار

# انا زودتها ودا مش من حقي انا اسفه

كانت في سبيلها ان تعتدل ولكنه سحبها لتصبح علي ساقيه وهمس

#بس مراتي من حقها تغير عليه

رفرفت عيناها بروعه وهمست

#بجد ..

تعلقت عيناه بشفتيها اشتاق لشعور دفئها همس وهو يقترب منها

#عشان كده كنتي بتعيطي امبارح

#غصب عني ...عارف حسيت بوجع هنا

امسكت يده لتضعها علي قلبها المرتجف كعصفور صغير حركتها عفويه بشده يعلم هذا جيدا ولكن اشعلت كل شيء بداخله ...مفتون مسير وليس مخير ليتناول شفتيها بقبله مثيره بشده ....ليهمس بصوت متحشرج من العاطفه

#سلامه قلبك ياحوريتي

لتحدق المعتوهه بوجهه وترفع اصابعها الصغيره لتداعب خصلات شعره ..وتمس بصوت هامس

# عشان جاسر لحور وبس

.لتتعالي انفاسه بقوه هو علي وشك الغرق في فتنتها لولا بوق سياره تسلل لاذنه ...اللعنه هذه الصغيره تفقده عقله بالكليه جيد جدا انه علي الطريق السريع المؤدي للمدينه همهم بخفوت

#عجبك كده احنا في الشارع يامجنونه انتي

شهقت بقوه تقفز علي مقعدها وتدفن راسها بين كفيها مرر اصابع مرتعشه في خصلات شعره يحاول استجماع تشتته .... الصغيره بعثرته باتقان .... اشعلته بلمسه .... زفر الهواء بقوه عده مرات .... ليدير السياره وينطلق بها .....توقف امام احد المحلات كانت لاتزال تدفن وجهها بيديها قال بضيق

#محصلش حاجه ياحور عشان دا كله

لترفع وجهها الاحمر وتهمس باختناق

#انا اسفه

لايعلم لما غضب من اعتذراها لايجب ان تعتذر لقد غرق بتصريحها ولمستها اشاح وجهه وقال بعصبيه وهو يفتح الباب

#يلا ياحور انزلي

ترجل من السياره ليغلق الباب بقوه افزعتها وادمعت عيناها ....لتنزل تتحرك بجواره بانكسار لهذا الحد لايطيقها هو يريد فاتنته وحسب طلب لها احدث الهواتف ليضع به خط جديد ويناوله لها همهمت بضيق

#شكرا

#هو مش عجبك

#لاء حلو بس مش هعرف استعمله

# معاه كاتلوج ياحور اقريه وانتي هتعرفي يلابينا

زفر بقوه وتركها بالمحل وخرج لتتبعه لقد قسي عليها بشده يراها تتحرك ناحيه السياره بانكسار

#حور استني

توقفت مكانها ولكنها لم تلتفت فوقف قبالتها

#متزعليش عشان اتنرفزت حقك عليه

#محصلش حاجه

امسك يدها وقال باسما

#طب تعالي نلف في السوق شويه

تحركت بجواره وعقلها شارد لقد تجاوزت كل الخطوط بفعلتها .هو لايريدها حتي لو قبلها ...هو لايراها امراه دخل بها احد المحلات ليس لديها اي فضول لرؤيه ماحولها لم تنتبه الاعندما امسك يدها ليضع بها خاتم زواج نظرت الي يدها واليه باستغراب

#هاه ايه رايك في دي

هذا الخاتم يثبت انه لها حمقاء هذا الطوق يثبت انها له وليس العكس وبدون وعي سقطت عيناها علي يده التي تحمل طوق عزه ..لتمتليء عيناها دموع ... ليغتال حزنها بلحظه عندما يناولها مجموعه ويعلق

#انا اخترت بتعتك اختاري انتي بقي بتعتي

قالت بلهفه

#وهتلبسها

لدغ خدها #لاء انتي اللي هتلبسهالي

بحثت بحماس وعيون لامعه لتنزع واحده من البلاتين الاسود وتضعها بخنصره فوق الاخري الباهته بيده ليرفع يده ويتاملها

#زوقك حلو ياحور

#يعني عجبتك

#اممم يلا بقي قدامك المحل اختاري اللي انتي عوزاه

تحركت امام المعروضات وبجوارها موظفه المحل انتقت سلسه بمصحف كبير نوعا ما وواحده بها قلب رقيق واخري فارغه قال باستغراب

#هتلبسي تلت سلاسل فوق بعض

قالت بعفويه اربكته

#لاء الكبيره دي لماما الحاجه ودي لعيشه

امسك الفارغه وقال

# ودي بقي لمين

قالت بخجل #ليه بس هجيب فيها حرفين حرفي وحرفك عشان يبقوا مع بعض

غريبه هي حقا .. امامها ذهب والماس وكل ما لفت انتباهها سلسه بسيطه ورغما عنه امتليء تقدير لها تذكرت امه واخته الصغيره تصر علي بعثرته كالعاده تناول مجموعه الخواتم وبدا ينتقي لها قالت بحده

#بتنقي لمين

حدق بندقها المشتعل وقال

#ليكي واضح انك مكسوفه

انطفيء اشتعال عيناها وقالت

#لا والله ابدا اصل انا مش بحب البهرجه يعني . ...

بعد اصرار منه لم تنتقي الصغيره سوي خلخال وسلسه مفاتيح انيقه من الفضه وبعد مشاجره دفعت ثمنها. لتعطيها له

#اصل سلسله مفاتيحك شكلها مش حلو دي احلي

هذه الفتاه ستذهب بعقله تماما انه علي وشك ضمها بين ذراعيه ولكنه اكتفي باحاطه كتفيها بذراعه ليهمس

#طب يلا بقي عشان تشوفي هتجيبي ايه لامك واخواتك ..شوفي المول اللي هناك ده هنتلاقي فيه كل حاجه

فراشه محلقه تفرد جناحيها لتنشر السعاده كانت تنتقي لكل واحد هديه بعد ان تسال علي ثمنها ..وقفت داخل محل العطور ظن انها ستنتقي لها واحد ولكن الصغيره دوما تفاجئه ترفع يدها امام انفه

# ايه رايك

تشممه وقال #دا رجالي جيباه لعمك

#لاء ليك ...هاه ايه رايك

#روعه

دفعت الحمقاء ثمنه بكل النقود التي تحملها علم الان لما سالت علي ثمن الثياب ....لتردها بالعطر لم يري في حياته امراه تحمل هذا القدر من الكبرياء كانت تتطلع الي محل الزهور هل تحب الصغيره الزهور مثله تقدم ناحيه المحل واشتري زهره توليب واحده تشبه الصغيره بندرتها وروعتها

تعلقت عيناها به منذ خروجه ناولها لها لتلمع عيناها وتقول بانفعال

#هي دي عشاني

هز راسه موافقا لتقفز الصغيره وتتعلق بعنقه

#ربنا يخليك ليه انا فرحانه اوي

ابعد ذراعيها وهمس برفق

#طب خلي الجنان دا اما نبقي لوحدنا

رفرفت عيناها بقوه ليشتعل وجهها

#كل الفرح دا عشان ورده .

احتضنت الزهره

#اصل انا بحب الورد اوي

#طب مش محتاجه حاجه تانيه

#لاء ربنا يخليك