رواية مفيش رحمه الفصل الحادي والعشرون والثاني والعشرون والثالث والعشرون والرابع والعشرون والخامس والعشرون بقلم لولو محمد
رواية مفيش رحمه البارت الحادي والعشرون والثاني والعشرون والثالث والعشرون والرابع والعشرون والخامس والعشرون بقلم لولو محمد
رواية مفيش رحمه الجزء الحادي والعشرون والثاني والعشرون والثالث والعشرون والرابع والعشرون والخامس والعشرون بقلم لولو محمد
 |
رواية مفيش رحمه الفصل الحادي والعشرون والثاني والعشرون والثالث والعشرون والرابع والعشرون والخامس والعشرون بقلم لولو محمد
الحلقه الواحد و العشرون
عماد / مش انتى دلوقت قدام المرايه
عبير / عرفت منين
عماد / عشان شايفك فى خيالى شكلك زى القمر
عبير / انت عارف انا عاوزه اقولك ايه دلوقت
عماد / انا عاوز اقولك انى بحب كل ذره فيكى
عبير / و انا كمان بحبك اوى
عماد / يلا تصبحى على خير انا دلوقت اقدر انام بقى و انا مبسوط
عبير / ربنا يخليك ليا
............
تانى يوم
فى اوضه رحمه رحمه تتصل بعبير
رحمه / الو ازيك يا هندسه
عبير / ازيك يا رحمه زعلانه منك كدا متساليش عليا
رحمه / مانا بسال اهو
عبير / عملتى ايه فى الامتحانات
رحمه / الحمد لله عدت و خلصت المهم انا بكلمك عشان اشوف لو ناقصك حاجه انزل معاكى او اساعدك فيها
عبير / ربنا يخليكى عماد قايم بالواجب هو اصله الصراحه مبيخلينيش عاوزه حاجه خالص
رحمه / هو عماد شاب كويس و يستاهل كل خير
عبير / بس على العموم لو انتى ناقصك اى حاجه انا ممكن اساعدك
رحمه / ربنا يخليكى انا امبارح اشتريت الفستان فاضل الاكسيسوريز و الطرحه
عبير / هو انتى و رحيم نزلتوا جبتوا الشبكه و لا لسه
رحمه / لا والله لسه رحيم مشغول طول الوقت فى التمرين مانتى عارفه
عبير / طب و انتى مبتروحيش تتفرجى عليه و هو بيتمرن و لا ايه
رحمه / والله كان نفسى بس هو مبيحبنيش اروح بيقول انه مبيعرفش يركز و انا موجوده هههههههههههههه
عبير / الله امال بيركز ازاى فى البطوله
رحمه / ههههههههههههههه بيقولى انه بيتخيل اللى قدامه واحد بيعاكسنى فبيموته
عبير / هههههههههههههه شكله بيحبك اوى
رحمه / اكيد مش قد مبحبه
عبير / ربنا يخليكوا لبعض
رحمه / على فكره يا عبير انا طول عمرى كان نفسى اوى يكون ليا اخت بنت اتكلم معاها و تقف جنبى و انتى فاهمه
عبير / و انا كمان انتى عارفه ان انا كمان معنديش اخوات لا بنات و لا صبيان فبجد فرحانه بيكى انتى و رحيم اوى
رحمه / تحبى تخرجى النهرده و لا وراكى حاجه
عبير / والله معرفش هو عماد كان قايل احتمال لو خلص بدرى هياخدنى يفسحنى
رحمه / خلاص على العموم انا كنت خارجه اشترى شويه حاجات لو لاقدر الله عماد لغى ابقى كلمينى
عبير / هتخرجى ازاى لوحدك عماد عنده شغل و رحيم فى التمرين
رحمه / عادى صحباتى هيعدوا عليا و هنتمشى سوا او ناخد تاكس
عبير / الله امال مختيهمش معاكى ليه و انتى بتشوفى الفستان امبارح
رحمه / عشان كنا بالليل و ماما مش هتوافق انى اخرج بالليل لوحدى لكن احنا لسه الصبح فهرجع قبل المغرب فهتوافق انا معرفش هما ليهم تحكمات غريبه كدا
عبير / انا بسال عشان اطمن عليكى بس
رحمه / اكيد المهم شوفى امورك و كلمينى و لو ناقصك حاجه قوليلى انا اختك الصغيره
عبير / طبعا يا حبيبتى يلا سلام
رحمه / سلام
...............
يوم الخطوبه
فى البيت عند رحيم
عماد / ايه رايك يا معلم
رحيم / لا تنفع شكلك فاجر
عماد / و انت كمان شكلك حلو اوى
تليفون عماد يرن
عماد / الو .. ايوه يا بيروا انا جاهز والله اهدى انتى بس .... حاضر مسافه السكه و هكون عندك ... سلام
رحيم / خلصت
عماد / اه خلصت و بتقولى قاعده زهقانه يلا و لا ايه
رحيم / اسبقنا انت عالكوافير و انا هاخد عربيتى و اروح اجيب رحمه و ماما و ماما حياه مالكوافير و نتفابل عند الاستوديو
عماد / انت مش هتمشى فى الزفه و لا ايه
رحيم / ياعم هحصلك و انا معاك عالتليفون بس اعمل ايه
عماد / ماشى يلا بينا
...............
قدام كوافير رحمه
رحيم واقف و ماسك بوكيه ورد احمر و لابس جرافاته حمرا وواقف قدام الكوافير تطلع مامته و حياه و رحمه لابسه فستان احمر و فرمه رقيقه و تاج رقيق اوى على راسها
رحيم / ايه الحلاوه دى ممكن اتعرف
رحمه / سورى محجوزه
رحيم / يا خساره اتاخرت بس انا لو منك احلقله انا احلى و و احسن منه و صدقينى هعجبك
رحمه / انا اسفه بس اللى سبق اكل النبق
رحيم /فكرى تانى ...
زينب فى العربيه / يلا ياولاد عاوزين نلحق الزفه
رحيم / حاضر ... اركبى ياختى انتى تطولى اصلا
رحمه / ههههههههههههههههه
.............
فى الاستوديو
رحيم فى التليفون / انت فين يابنى .... ايوه وصلت ملقيتش حد .... اوك ماشى ياعم
زينب / هما فين
رحيم / بيلفوا فى الزفه شويه
رحمه / طب ادينا مستنين
رحيم / نستنى مين انزلى يا بنتى اما نلحق نتصور قبل ميجوا
حياه / انا جايه اتفرج
فى الاستوديو رحيم يحجز اللبوم كامل زى اللبوم العروسه و يدخلوا يتصوروا كانهم عريس و عروسه توصل عبير و عماد
زينب / اتاخرتوا كدا ليه
عماد / الشباب كانوا بيفرحوا
عبير / هو احنا هنستنى كتير
زينب / رحمه و رحيم بيتصوروا جوه استنى بقى لما يخلصوا دا لما لقاكوا اتاخرتوا حجز اللبوم كبير و لا بتاع العرايس اقعدى ارتاحى بقى
ثوانى و الباب يفتح
زينب / كل ده امال سبتوا ايه للعروسه بقى انجز بقى يا عماد ابوك بيستعجلنا الناس مستنينا فى القاعه
عبير تدخل الاستوديو و هى متنرفزه
عماد / مالك يا بطتى
عبير / هتكروت بقى عشان مستعجلين
عماد / انتى العروسه و الناس تستنى واللى مشعاجبه يروح و يبقى فاته العشا و ادحكى بقى عشان يبقى اللبومك حلو
عبير / خلاص ماشى
................
فى القاعه
الزفه داخله عماد و عبير و ورا خالص رحيم و رحمه يروحوا لصحابهم فى الكليه
ريهام / واو ايه الحلاوه دى يا بنت الايه
رحمه / حلو بجد
رنا / دى بتسال
رامى / لا بس انت مولعها يا عريس
رحيم / من بقك لباب السما دانا واخد النهرده اجازه مالتمرين بالعافيه
روقيه / لا البدله تحفه اوى الصراحه
رحيم / بجد زوق رحمه هى اللى نقتها انا مكنش عندى وقت ابص ورايا اصلا
رامى / طب اقعد بقى يا معلم
رحمه / انا هروح ابص على تيته و اسلم عالناس و ارجعلكوا
رحيم / انا جاى معاكى
رحيم و رحمه يروحوا عند عفاف و روقيه تبص عند الكوشه تلاقى زينب لابسه فستان ازرق وواقفه جنب عماد و بتتصور و تبوسه
روقيه عن اذنكوا ثوانى
ريهام / رايحه فين
روقيه / ثوانى و راجعه
زينب تنزل من عالكوشه و تيجى تروح لترابيزه رحيم و رحمه روقيه تقابلها فى السكه
روقيه / هاى
زينب / اهلا يا قلبى
روقيه / انا معلش كنت عاوزه اسالك عن فستانك التحفه اوى ده جيباه منين بجد انتى احلى فستان فى الحفله
زينب / كلك زوق يا حبيبتى انتى قريبه العروسه
روقيه / لا انا صاحبه رحيم
زينب / انتى مع رحيم ابنى فى الكليه
روقيه / هو حضرتك والده رحيم لا اكيد بتهزر حضرتك صغيره اوى
زينب بفرحه / مانا اصلى اتجوزت صغيره شويه
روقيه / بس بجد فستانك تحفه مقولتليش جبتيه منين
زينب / انا مفصلاه عند خياطه بتاعمل معاها بس ايديها تتلف فى حرير ايه ده احنا هنفضل واقفين تعالى اما اعرفك بعيله رحيم
روقيه / طبعا دا شئ يشرفنى
......................
عند ترابيزه عفاف
عفاف / ياخواتى عليكوا تجننوا
زينب تدخل و معاها روقيه
رحيم / روقيه ؟؟؟
زينب / انت مش المفروض تعرفنا بصحباتك الجمال دول و لا انت بتخبيهم عننا
عفاف / مين ؟؟؟
روقيه تسلم على عفاف
زينب / دى جده رحيم ماما عفاف
رحيم / استاذنكوا انا بقى اللحق رقصه الكابلز قومى يا ريرى يلا
رحمه تقوم مع رحيم و تسيب البوكيه على الترابيزه روقيه تمسكه
زينب / تعالى اقعدى يا روقيه يا حبيبتى تعالى اقعدى جنبى
محمود / قومى يا حياه منرقص معاهم
حياه / احنا كبرنا عالكلام ده يا محمود
محمود / قال كبرنا قال فشر طب دانتى اللى يشوفك يقول اصغر من بنتك قومى يا شيخه قومى
روقيه / هو عموا محمد فين مش هيقوم يرقص معاكى
زينب / رقص ايه و كلام فاضى ايه انا بتاعه رقص برده
روقيه / والله معاكى حق اتنين عمالين يتهزوا فى مكانهم حاجه ممله جدا
.........
رحيم بيرقص مع رحمه فوسط الناس
رحمه / انا حاسه ان الناس كلها بتبص علينا
رحيم / حاسه مش متاكده
رحمه / و ايه اللى مخليك واثق اوى كدا
رحيم / عشان انا برقص مع اجمل و احلى ورده فى بستان البنات النهرده دانتى احلى مالعروسه نفسها
رحمه / بس لحسن اصدق
رحيم / متصدقى انا بقولك اللى انا شايفه بعينى و قلبى
رحمه / ربنا يخليك ليا
رحيم / و يخليكى ليا يا اجمل رحمه فى الدنيا
رحمه / بحبك يا رحيم
رحيم يحضن رحمه و يلف بيها الكل يبطل رقص و يبصوا عليهم
محمود / الله يسهلوا
الكل يكمل رقص
رحيم / تحب تبدل
محمود / ابدل مين ياض هو انت تلاقى مزه زى اللى معايا دى حتى فى احلامك
حياه / ههههههههههه بس يا محمود
رحيم / لقيت ياعموا هذا الشبل من ذاك الاسد
عبير لعماد / شكلهم كان حلو اوى و هو حاضنها و بيلف بيها
عماد / بس كدا
عماد يشيل عبير و يلف بيها
رحيم يصفرله / ايوه بقى
روقيه قاعده بتتفرج عالرقصه و فى ابتسامه على وشها رامى يجى
رامى / تحبى ترقصى
روقيه / انا اسفه يا رامى انا مبرقصش
زينب / متقومى يا روقه و فكى كدا عن نفسك و انبسطى
روقيه / ازاى بس يا طنط انا مقدرش احضن واحد غريب عنى يحط ايده عليا لا طبعا انا انكسف
زينب / والله و نعم التربيه انا عارفه ابنى ايه اللى صابه
روقيه / بتقولى حاجه يا طنط
زينب / انا مبحبش طنط دى خالص يا روقه قوليلى يا ماما زيزى علاطول
روقيه / هههههههه بس كدا ماشى يا زوزه
.................
بعد الرقصه رحمه و رحيم يروحوا يقعدوا مع رامى و صحابه
ريهام / يخواتى انا اكيد اكيد حسدتكوا و انتوا بترقصوا اوعدنى بقى يارب هو الرجاله خلاص عميوا
رامى / ههههههههههههههههههههه اهدى يا بنتى الناس تقول عليكى ايه
رحيم / هى روقيه لسه قاعده مع ماما
رنا / معرفش هى قامت و مرجعتش هى راحت قعدت مع مامتك
رنا و ريهام و رحمه بيتبادلوا النظرات
رامى / انا جاى و عامل حسابى على عشا
رحيم / اوبن بوفيه ياعم
رامى / ياسيدى عالعز
ريهام / عز ايه دانت هتشوف فضايح للصبح
رحمه / لا باذن الله هتعدى على خير و الناس هتستر
مصطفى يدخل
مصطفى / انتوا هنا و انا دايخ عليكوا
رحيم يسلم عليه و يضغط على ايده جامد
مصطفى / هههههههههه مقبوله منك مع انك مديونلى
رحيم / امال عموا ابراهيم فين اما اسلم عليه
مصطفى / قاعد هناك جنب ترابيزتكوا
رحمه /استنى اما اعرفك دول ريهام و رنا صحباتى من ايام المدرسه و دا رامى صاحب رحيم و دا مصطفى ابن عموا ابراهيم اعز و اقرب صديق لبابا و اخو واحده من اهم صحباتى
مصطفى / اهلا شباب
ريهام / هاى لحظه واحده هو انت اللى عملت التمثيليه مع عموا محمود على رحيم عشان تصالحوه على رحمه
رحمه / و عليا كمان اوسكار احسن ممثل هههههههههههههههههه
مصطفى / والله كانت نيتى خير
رحيم / ابقى كررها و انت عارف
مصطفى / انا مش هكررها بس انتوا بطلوا هبل ماشى
رحمه / يلا نروح نسلم على منه لحسن دى وحشانى موت
رحمه تمشى و رحيم وراها و مصطفى يحط ايده حوالين رقبته و يحضنه فرحيم يحضنه و يبتسموا لبعض و يمشوا
............
ابراهيم / بسم الله ما شاء الله ايه الجمال ده
رحمه / متحرجنيش بقى يا عموا
منه / ازيك يا رحمه
رحمه / وحشانى موت اخص عليكى انا كلمتك كتير الفتره اللى فاتت و مردتيش عليا
منه / والله يا بنتى كان بيبقى صامت طول الوقت عشان مشغوله فى الامتحانات و لما كنت ببص كان بيبقى الوقت متاخر متزعليش انتى
رحمه / انا مزعلش منك ابدا
زينب / متقوموا تتصوروا مع العرسان متيجى معانا يا روقيه
روقيه / لا يا زوزه انكسف
رحيم / زوزه ؟؟؟
رحمه / يلا احنا يا رحيم
رحيم و رحمه و منه و مصطفى يروحوا يتصوروا
منه تسلم على عبير و تبسوها و يقفوا جنبها و يتصوروا و زينب تشد روقيه و تاخدها يروحوا يتصوروا
.........
فى البيت بعد اسبوع فى بيت رحيم
عبير / اجمعوا اجمعوا جبنا صور الخطوبه تعالوا اتفرجوا يلا
زينب / استنى اما انادى طنط عفاف و حياه و رحمه استنى
الكل يتجمع حوالبين عبير و عماد و يتفرجوا عالصور
زينب تمسك الصوره اللى فيها منه جنب عماد
زينب / البت منه طالعه قمر بس مقولكش يا عماد عروستك احلى تصدق زوقك احلى من زوقى
عبير / تسلمى يا طنط
زينب / اصل انا كنت منقياله منه دى بس انتى احلى طبعا ورينى الصوره دى كدا
عبير / اتفضلى يا طنط
زينب / البت روقيه دى قمر بجد و زوق و تربيه ايه رايك فيها يا عبير
عبير / هى كمان شاطره و فنانه يا طنط يعنى اكيد ليها مستقبل كمهندسه
زينب / عيب انا ليا نظره برده فى البنات ورينى بقى اللبوم الاستوديو
رحيم يدخل / ايه ده مش كنتوا تستنوا اما ارجع مالتمرين اتفرجتوا على الصور من غيرى
عماد / انت صحيح ياض منبه على الاستوديو ميسلموش الالبوم بتاعك لحد غيرك
رحيم / لا خالص انا اصلا مكنتش اعرف انه خلص و لا انكوا رايحين
رحمه / اصلا الوصل معايا و هما مبيسلموش منغير الوصل
عبير / اصلنا لما كنا هناك فكرنا يعنى نستلمه بدالكوا و نوفر المشوار مرضيوش خالص
رحمه / كنتى كلمينى و انا اقوله يديهولكوا لو ينفع
زينب / حصل خير اتفرجوا اتفرجوا عالعرسان يخواتى عليك يابنى قمر و لا نجوم السيما
عماد / شكرا يا ست الكل
الكل يتفرج على الصور وشويه
رحيم / انا هستاذنكوا انا بقى انام عشان راجع ميت مالتمرين
عبير / اخبار التمرين ايه طمنا
رحيم / والله طالع عينى هانت كلها يومين و الدراسه تبدا و ترجع كل حاجه لوضعها
عبير / متتعشمش اوى كدا الترم التانى اصعب
رحيم / الله يطمنك اخش انام بقى قبل مقع منكوا
زينب / طب استنى اعملك لقمه تاكلها
رحيم / لا مش جعان هاكل لما اصحى تصبحوا على خير
عبير/ انا كمان لازم امشى الوقت اتاخر يلا لموا الصور عشان اللزقها فى الالبوم و ابقى ابعتهالكوا تانى مع عماد
رحمه / الصوره دى ليا انا و رحيم بس ممكن اخدها
عبير / انا هحط كل الصور فى الالبوم اصلى بحب احتفظ بالصور اوى
رحمه / طب ممكن اطلع عليها و ارجعها
عماد / طب انتوا شاغلين بالكوا ليه ادى الفلاشه عليها سوفت كوبى من كل الصور
رحمه / ربنا يخليك ليا يا عماد ثوانى هنزلها على اللاب و اجيبهالكوا حالا
عماد / انتى تؤمرى يا قمر
رحمه تاخد الفلاشه و تجرى تفتح اللاب و تنسخ الصور
عبير / طب انا اتاخرت اوى هتوصلنى و لا هتقعد تستنى فلاشتك
عماد / لا ازاى هوصلك اتفضلى
عبير / مع السلامه يا ماما
زينب / سلام يا قلبى
.............
فى العربيه
عبير / حلوه منه على فكره
عماد / مش احلى منك اكيد
عبير / لا بجد
عماد / بجد منه بالنسبالى زى رحمه بالظبط هما الاتنين اخواتى الصغيرين مش اكتر
عبير / بس طنط قالت
عماد / قالت انه زوقها مقالتش انه زوقى
عبير / ماشى
عماد / المهم انتى كنت قمر فى الصور عاوزين شطارتك فى الشقه بقى عشان نتجوز بدرى بدرى و لا ايه
عبير / ربنا يسهل بكره ننزل ننقى السيراميك
.............
تانى يوم بالليل
رحيم يرجع مالتمرين و يروح يفتح شقه رحمه و يدخلها الاوضه يلاقيها نايمه يلعب فى دقنها متصحاش و تتقلب الناحيه التانيه
رحيم / نفسى اعرف ازاى بتنامى زى القتيل كدا دانتى لو البيت وقع مش هتصحى
رحيم يعدل الغطى و يفضل قاعد جنبها يروح فى النوم شويه عفاف تدخل تشده يصحى مفزوع
عفاف تبرقله / انت بتعمل ايه هنا
رحيم ياخد عفاف بره
رحيم / انا كنت جاى اقعد مع رحمه شويه اصلها وحشتنى
عفاف / انت اتهبلت فى مخك و لا احنا اللى دلعناك زياده عن اللزوم افرض ان عمك هو اللى قلق و دخل و شافك نايم فى اوضتها يقول ايه
رحيم / يا تيته انا والله مكنت بعمل حاجه هى وحشتنى فقولت اجى اقعد معاها انا معتش بشوفها خالص يا تيته
عفاف / امشى على اوضتك مش عاوزه اسمع منك كلام و استنى هات مفتاح الشقه دى
رحيم / اتفضلى
عفاف / امشى من وشى
(((((((مفيش رحمه ))))))
#لولو_محمد
الحلقه الثانيه و العشرون
عفاف تبرقله / انت بتعمل ايه هنا
رحيم ياخد عفاف بره
رحيم / انا كنت جاى اقعد مع رحمه شويه اصلها وحشتنى
عفاف / انت اتهبلت فى مخك و لا احنا اللى دلعناك زياده عن اللزوم افرض ان عمك هو اللى قلق و دخل و شافك نايم فى اوضتها يقول ايه
رحيم / يا تيته انا والله مكنت بعمل حاجه هى وحشتنى فقولت اجى اقعد معاها انا معتش بشوفها خالص يا تيته
عفاف / امشى على اوضتك مش عاوزه اسمع منك كلام و استنى هات مفتاح الشقه دى
رحيم / اتفضلى
عفاف / امشى من وشى
..............
تانى يوم الصبح رحيم بيلبس و نازل
عفاف / اللى حصل النهرده هيفضل سر بينى و بينك
رحيم يسكت
عفاف / انا عارفه انك بتحبها و انها وحشاك و انك تعبت وراحت عليك نومه بس كل ده معدش حد بيفهمه فى الزمن ده
رحيم / و انا ذنبى ايه
عفاف / ذنبك انك تعرف ان الدنيا مش بطهاره و برائه حبك انت و رحمه الناس بتاكل فبعض يابنى فوق فوق عشان الناس متدوسش عليك و تجرحك القوه مش فى العضلات يا رحيم الناس ممكن تكسرك بكلمه و الكلمه مفيش اسهل منها و لا ايه يابنى
رحيم / هانت هى مش الدراسه بكره و كل يوم هيبقى وشى فوشها طول الوقت
عفاف / انت هتنزل تجيب شبكتك امتى
رحيم / ربنا يسهل هنتفق انا و هى و ننزل
عفاف / انا عاوزه اجى معاكوا
رحيم / انا مكنتش ناوى اخد حد غيرك اصلا يا تيته
عفاف / ليه
رحيم / انا لو كنت بفهم فى الدهب كويس مكنتش هاخد حد
عفاف / بقى كدا
رحيم / مقصدش يا تيته بس انا نفسى حياتى انا و رحمه تبقى قايمه على اختياراتى انا و هى بس مش عاوز اى حد ياثر على قراراتنا انا عارف اننا مبنفعهمش فى كل حاجه بس احنا مش هنتعلم غير من غلطنا و احنا لما هنحتاج مساعده هنطلبها و لا ايه
عفاف / والله دا فكر يحترم و محدش يقدر يلومك عليه
رحيم / لا انتى عارفه ان ماما هتلومنى و هتعمل حوار و تتقمص و مشكله
عفاف / امك طيبه اوى يا رحيم هى بس ليها ظروفها
رحيم / انا بحس انها حاطه رحمه فى دماغها
عفاف / هى رحمه لوحدها حتى عروسه اخوك مقولكش عامله فيها ايه دى مطلعه عينها نزلت معاهم و هما بيشتروا السيراميك و كل مالبت تنقى حاجه تعيب عليها و فى الاخر اتخانقوا و عماد رجع كفران امبارح
رحيم/ بتتكلمى جد يا تيته
عفاف / زى مبقولك و العروسه قفلت الموبايل و عماد دب خناقه مع امك و فى الاخر كل واحد دخل حبس نفسه فى اوضته مقموص
رحيم / شوفتى اهو ده بقى اللى انا مش عاوزه
عفاف / ملكش دعوه انت خد قرارك و انا فى ضهرك
رحيم / ربنا يخليكى يا تيته سلام بقى لحسن هتاخر عالتمرين سلام
عفاف / ربنا يوفقك
............
فى الكليه تانى يوم
روقيه / ايه ده انا عاوزه اتفرج على صورتى فى الفرح مليش دعوه
رحمه / خلاص هبعتلك الصور اللى انتى طالعه فيها عالفيس لما اروح
روقيه / اوك
عبير تدخل
روقيه / اهلا بالعروسه
عبير / اهلا ... رحمه ممكن اتكلم معاكى ثوانى
رحمه / اكيد
عبير / تعالى معايا على المكتب لو سمحتى
رحيم / خير
رحمه / اوك مفيش مشكله جايه
.........
فى المكتب
رحمه / خير شكلك مدايق اوى
عبير / انا بفكر افسخ الخطوبه
رحمه / ليه بس ايه اللى حصل
عبير / بصى يا رحمه انا مش عارفه اقولك ايه بس معرفش هستحمل الوضع ده طول حياتى و لا لا انا رفضت عرسان كتير قبل كدا على فكره عشان انا مش من النوع اللى بيعرف يقدم تنازلات
رحمه / و مين طلب منك تقدمى تنازلات
عبير / انتى ازاى بتعرفى تتعاملى مع حماتك
رحمه / طنط زينب هههههههههههههههه
عبير / يابنتى انا بجد تعبت كل حاجه تدخل فيها و مش عاجبها اى حاجه
رحمه / هههههههههههههههههه
عبير / انتى بتدحكى
رحمه / بصى هى مامتك مش بتقولك رايها فى الحاجات اللى بتنقيها
عبير / ايوه بس مبتحاولش تفرضه
رحمه / طب اعتبريها زى مامتك بصى يا بنتى انتى بس مش واخده على اسلوبها و حاطه حساسيات بينك و بينها
عبير / قصدك ايه
رحمه / على فكره هى بتعمل معايا كدا و مع ماما و مع تيته و معانا كلنا دا طبعها بتحب تقول رايها هو ساعات بيكون غريب شويه بس دا مش معناه انك مجبره تنفذيه
عبير / يا سلام
رحمه / بصى انا و رحيم متفقين من واحنا فى اللفه ان راينا من دماغنا بنعمل كل مصيبه و التانيه مقولكيش
عبير / و محدش بيزعقلكوا
رحمه / كل واحد بينصحنا و يدينا رايه و احنا بنقى الراى اللى يناسبنا
عبير / اها
رحمه / انتى اتكلمى مع عماد و اتفقوا سوا
عبير / يابنتى انا اصلا مش طايقه عماد ازاى يسكت من الاساس
رحمه / دى امه يا بنتى مينفعش يتخانق معاها انتى اسمعى من هنا و فوتى من هنا و مدام انتى و عماد كويسين خلاص كبرى مخك بقى
عبير / شكرا انا انبسطت كتير بكلامى معاكى
رحمه / انتى اختى الكبيره كان المفروض انتى الى تنصحينى بس شوفتى بقى يوضع سره فى احسن خلقه
عبير / طب اللحقى بقى لحسن الدكتور شكله جه و هتتاخدى غياب
رحمه / يا خبر عن اذنك
.............
فى القاعه
الدكتور يدخل و رحمه تدخل بعديه
الدكتور / اتاخرتى ليه انا قولت مليون مره محدش يدخل بعدى
رحمه / اسفه انا كنت فى المكتب مع بشمهندسه عبير
الدكتور / ماشى ادخلى و متتكررش فاهمه و لا لا
رحمه / فاهمه فاهمه
رحمه تدخل تقعد جنب رحيم و تبصله و تبتسم رحيم يكتب على ورقه و يباصى لرحمه
رحمه / لو زعلك انزل انيمله العربيه عالارض ...ههههههه
رحمه تشخبط عالكلام و تكرمش الورقه و ترميها
.............
فى البيت عند رحيم
زينب قاعده بتقطع سلطه قدام التليفزيون و التليفون يرن
زينب / الو مين معايا
عبير / ازيك يا طنط
زينب / اهلا يا بنتى عامله ايه عماد فى المعرض تحت
عبير / الحقيقه يا ماما ممكن اقولك ماما صح
زينب / طبعا طبعا نادينى زى مانتى عاوزه
عبير / انا يا ماما بتصل اعتزر لحضرتك على اللى عملته فى المعرض لما سبتكوا و مشيت انا بجد اسفه اوى انا كنت غلطانه
زينب / بجد دانا كنت ناويه ... اه ايوه و بعدين
عبير / بصراحه انا اتكلمت مع رحمه فى الكليه و هى اللى فهمتنى غلطى
زينب / رحمه ؟؟؟؟
عبير / ايوه هى قالتلى شويه نصايح انا اكيد هعمل بيهم فى حياتى عشان انا و عماد نبقى سعدا زيها هى و رحيم
زينب / و ممكن اعرف ايه هى النصايح دى و لا دا سر بينكوا
عبير / مفيش اسرار عليكى يا ماما
زينب / طب قولى يمكن افكر اعمل بيها انا و محمد
عبير / هههههههههههههه يا ماما دانتى الاصل و منك احنا بنتعلم
زينب / اهو الواحد يطور من حاله احكى احكى
عبير / قالتلى ان اهم حاجه فى سعادتها هى و رحيم ان تفكيرهم من دماغهم و مبيسمعوش كلام حد
زينب / بجد و ايه كمان
عبير / ايوه هى قالت انهم بيسمعوا للنصيحه و يطلعوها مالناحيه التانيه و بكدا مش بيزعلوا حد منهم و فى الاخر بيعملوا اللى فى دماغهم هما
زينب ملامحها تقفل / بقى كدا
عبير / و بصراحه انا شايفه ان ده حقك طبعا يا ماما انك تنصحى و انا اسفه انى كنت فكراكى يعنى انك بتفرضى رايك علينا
زينب / معاكى حق انا مكنش قصدى ابدا انى افرض رايى انا بس كنت بنصحك لمصلحتك انتى و ابنى
عبير / اسفه يا ماما انا فهمتك غلط
زينب / و لا يهمك ..... سلام
............
فى البيت بعد الكليه
رحيم و رحمه طالعين يدحكوا عالسلم زينب تقابلهم
زينب / اتارى البيت منور
رحيم / ازيك يا ماما عامله ايه وحشتينى
زينب /متشوفش وحش يابنى تعالوا عوزاكوا انتوا الاتنين
رحيم و رحمه يدخلوا ورا زينب جوه البيت تقعد عالكنبه و هما يقعدوا عالكراسى جنبها
زينب / ناوين تنزلوا تجيبوا شبكتكوا امتى
رحيم / لسه محددناش معاد
زينب / انتوا بتاجلوا ليه انجزوا فى الموضوع ده بقى عشان نلحق نحجز القاعه و نفرح بيكوا
رحيم / باذن الله يا ماما بقولك ايه انا شامم ريحه سمك مقلى كل و برقلى و لا ايه
زينب / اكيد و سلطه خضرا و سلطه طحينه و رز احمر اللى انت بتحبه
رحيم / طب انا واقع مالجوع
زينب / بس كدا على متغير هكون غرفتلك تاكلى معانا يا رحمه انتى بتحبى السمك المقلى مش كدا
رحمه / اه بحبه اوى تسلم ايدك
زينب / طب روحى غيرى و تعالى بسرعه
رحمه / حاضر
.............
فى البيت عند رحمه
عفاف / بجد
رحمه / ايوه يا تيته طنط زينب عزمتنى عالغدى فهروح اكل معاهم
عفاف / طب دانا عملالك المكرونه بالبشاميل اللى بتحبيها بايدى
رحمه / طب ايه رايك اخد حتتيتين معايا و انا رايحه هناك الكل بيحب مكرونتك و اكيد هتبقى حركه حلوه يعنى و لا ايه رايك
عفاف / بس كدا انا هسخنهالك على متغيرى هدومك
رحمه / ماشى
...........
فى بيت رحيم
الكل متجمع عالسفره و رحمه داخله و فى ايدها صينيه عليها مكرونه بشاميل متقطعه قطع تحطها فى وسط السفره
رحمه / لقيت تيته عامله مكرونه بشاميل قولت اجيب معايا الكل بيحبها مش كدا
رحمه تروح تقعد جنب رحيم
زينب / و انتى مين علمك تاكلى يا رحمه فى حد فى الدنيا حد بياكل مكرونه بشاميل مع سمك مقلى
رحيم / انا كان نفسى اوى فى الاتنين هاكل من ده نص بطن و من ده نص بطن
محمد / انا عن نفسى هاكل السمك سخن و هخلى المكرونه اتعشى بيها
زينب / هتتعشى بشاميل غلط على صحتك يا حبيبى
محمد / انتى فكرانى عجزت و لا ايه نسيتى اما كنتى تعمليلى المحمر و المشمر عالعشا نسيتى
زينب / دا كان زمان يا راجل
محمد / هههههههههههههههههههههه
زينب / على العموم اللى ياكل على درسه ينفع نفسه اللى عاوز ياكل سمك ياكل و اللى عاوز مكرونه ياكل هو انا يعنى اللى بطنى هتوجعنى و لا يمكن كان قصدك يا رحمه انك تجيبى معاكى اكل عشان يعنى اكل قصاد اكل و متبقيش كلتى عندنا حاجه
رحمه / لا طبعا يا طنط مكنش دا قصدى خالص
زينب / طب كلى كلى
رحمه تبص لرحيم و تبص فى الطبق ينزل ايده تحت الترابيزه و يمسك ايدها تبصله يبتسملها فتبتسم و تاكل
زينب / بقولك يا محمد
محمد / خير
زينب / بما ان رحيم و رحمه مشغولين طول الوقت ايه رايك انا و انت يعنى ننزل ننقيلهم شبكه حلوه هديه مننا و نخلصلهم حوار القاعه و الحاجات دى ايه رايك
محمد / والله يا زينب انا كمان مشغول خالص و طالع عينى بين هنا و اسكندريه و عماد اللى كنت معتمد عليه انشغل مع خطيبته
زينب / اممممم خلاص اشوف حياه و لما ماما عفاف و لو محدش رضى ينزل معايا انزل انا بقى لوحدى مانا برضه زوقى حلو و لا ايه يا رحمه فى اقتراحى
رحيم / انا مش موافق
زينب / طب على الاقل اسمع راى رحمه يمكن يكون لها راى تانى
رحيم / ميهمنيش رايها فى حاجه حتى لو هى وافقت انا مش موافق
زينب / ليه مش عاجبك زوقى و لا ايه الحق عليا انى عاوزه اشيل من عليك الهم ده عشان تركز فى اللى وراك
رحيم / انى انزل انا و خطيبتى و ننقى شبكتنا و قاعتنا دا مش هم لو حاجات مهمه زى دى بالنسبالى هم و مش قادر اعملها لوحدى امال هنكمل باقى حياتنا ازاى
زينب / انا بقول عشان ننجز وقت بس
رحيم / ربنا يخليكى يا ست الكل بس شبكه رحمه هديه منى انا و انا عاوز انقيها بنفسى
زينب تاكل معلقه رز و تبرطم / قال يعنى دافع تمنها من جيبك
رحيم يزق الطبق / انا شبعت عن اذنكوا
رحيم يقوم و رحمه تقوم وراه جرى
محمد / نقول ايه بس الطبع يغلب التطبع و لا ايه يا زوزو انا كمان شبعت تسلم ايدك الاكل يجنن
محمد يقوم يروح اوضه رحيم
............
فى اوضه رحيم
رحمه / مالك بس ياعم اتعصبت كدا ليه
رحيم / مفيش انا اصلا يادوب ساعتين انزل عالتمرين فيادوب يادوب اخلص الاسكتشات بتاعتى
رحمه / طب يعنى ايه مش هتساعدنى فى استكتشاتى و لا ايه
رحيم / ازاى بس الوعد وعد روحى خلصى اللى تقدرى عليه و شوفى اى حاجه تقف معاكى تعاليلى علاطول و انا اول مرجع بالليل مالتمرين هعدى عليكى اشوف وصلتى لفين
رحمه تروح تقعد جنبه / لما ترجع ايه يا حبيبى هو انت لما بترجع بتبقى قادر تصلب طولك حتى
رحيم / لا الوضع اختلف طبعا كتير عن الاجازه هرجع قادر زى زمان يلا يا بت متضيعيش وقتى و روحى شوفى اللى وراكى
محمد يدخل
رحمه / انا ماشيه بقى
محمد/ ايه اذا حضرت الشياطين ذهبت الملايكه و لا ايه
رحمه / معقول يا عمه انا كدا كدا كنت ماشيه عن اذنكوا
رحمه تمشى
محمد / مالك يا معلم شكلك مدايق ماللى امك قالته
رحيم / هى معاها حق عشان كدا انا قررت انى مش هجيب شبكه رحمه دلوقت انا هجيبها من فلوسى
محمد / يا راجل هو انا و انت ايه مش واحد و بعدين انت ليك عندى زى اخوك بالظبط ده حقك و حق ربنا
رحيم / لا
زينب تدخل
زينب / ايه اتقمصت منى خلاص ليك حق والله مانا كلمتى و رايى بقوا بيقفوا فى الزور
رحيم / ليه بتقولى كدا يا ماما
زينب / لا خلاص متاخدش فى بالك انا كنت متوقعه انكوا هتعملوا كدا فعلا انا كدا اتاكدت ماللى سمعته
رحيم/ و سمعتى ايه بقى يا ماما
زينب / سمعت ان الست السنيوره راحت لعبير خطيبه اخوك و قالتلها انى رايى ملوش لزمه و نصحتها تدخل من هنا و تطلع مالناحيه التانيه
رحيم يقوم يقف / ايه الهبل ده مين اللى قالك الكلام الفارغ ده
زينب / مش مصدقنى روح هات الست هانم و اسالها قدامى قولها قولتى الكلام ده لعبير و لا هى بتتبلى عليكى
محمد / هى عبير قالتلك ان رحمه قالت كدا
زينب / امال انا بتبلى عليها
رحيم / هو عماد فين
زينب / و ماله عماد ومال الموضوع ده و لا انت مش هتقدر على ست رحمه فهتتشطر على اخوك
رحيم / وهو عماد قادر على الست هانم اللى لسه بنقول يا هادى و بدات توقع بينا و شغل السلايف ده
محمود و عماد يدخلوا
محمود / فى ايه صوتكوا جايب للمعرض تحت
زينب / الست هانم بنتك المتربيه بتقول لعبير انى طيشه
رحيم / عبير دى كدابه رحمه عمرها مهتقول كدا ابدا
زينب / طب متنادى الست هانم و تورينى
رحيم / مش لما عماد ينادى عبير الاول
عماد / طب ممكن واحده واحده افهم ايه اللى حصل و انتى شوفتى عبير فين يا ماما
زينب / مالاول عشان الكل يفهم عبير اتصل بيا و اعتزرتلى على اللى هى عملته لما كنا بنقى السيراميك و قالتلى ان رحمه شرحتلها الوضع و نصحتها ازاى تكمل حياتها ازاى بقى انها تعتبرنى طيشه تدخل كلامى من هنا و تطلعه من هنا
رحيم / بزمتكوا رحمه تقول الكلام ده و لا الحيوانه دى بتتبلى عليها
عماد / رحيم اللزم ادبك
رحيم / لا يا شيخ ده اللى قدرت عليه
رحمه و عفاف و حياه يدخلوا
رحمه / انتوا بتزعقوا ليه كدا
زينب / اهى جت الست هانم
عفاف / فى ايه يا ولاد مالكم
محمود / انتى اتكلمتى مع عبير النهرده
رحمه / ايوه ليه ايه اللى حصل
عماد / قولتيلها ايه بالظبط لو سمحتى
رحمه / كانت مدايقه فحاولت اهديها قولتلها مدام عماد كويس متدايقش نفسها و انها تتفق معاك انت على حياتكم ازاى تمشوها و محدش هيعترض مدام انتوا متفقين
عماد / يعنى مقولتيلهاش تدخل كلام ماما من ناحيه و تطلعه من ناحيه تانيه
رحمه / لا طبعا انا قولتلها الجمله دى فعلا بس مش على طنط والله
زينب / يعنى قولتيها
رحمه / لا انا قولتلها النصيحه اللى متعجبكيش محدش هيجبرك تنفذيها دخليها من ودن و طلعيها مالناحيه التانيه
رحيم / شوفتوا تحوير الكلام شوفتوا قله الادب دى بدات بدرى اوى يا اخى
عماد / مقولتلك اللزم ادبك
رحيم / انهى ادب و الهانم قاعده فى بيتها هناك و قايده بيتنا حريقه اسمعى يا رحمه البت دى متكلميهاش تانى و اسمع يا عماد انت اخويا و على راسى بس لو مش عارف تلم خطيبتك و انتوا لسه فى اول الخط شوف بقى لما هتدخل هنا و تحط رجليها فوشنا و تركب و تركبنا كلنا
عماد يضرب رحيم قلم على وشه و رحمه تصرخ
رحيم / انت عارف انى اقدر اردلك القلم ده عشره
عماد / انا اسف انا مقصدتش انا مش عارف انا عملت كدا ازاى
رحيم يسيب المكان و يمشى و الكل مذهول ماللى حصل عماد بيبص لرحمه يلاقيها بتعيط
عماد / انا مقصدتش هو اللى استفزنى انتى عارفه انى عمرى مكنت همد ايدى عليه
عفاف / برافو يا زينب عرفتى تربى
الكل يمشى و عماد قاعد عالسرير مصدوم و زينب واقفه جنبه بتعيط
زينب / العيب مش عليك العيب عليا انا
عماد / هى عبير قالتلك ايه بالظبط
زينب / قالتلى اللى قولته
عماد / ماشى انا ليا كلام تانى معاها
زينب / ايه ناوى تخسرها هى كمان
عماد / انا مخسرتش اخويا انا مفيش حاجه فى الدنيا هتفرق بينا و ان كان على اللى حصل فانا هبوس رجله عشان يسامحنى هو عارف كويس انها لحظه نرفزه غلطه الشيطان دخل بينا
زينب تطبطب على كتف عماد و تمشى و عماد يمسك التليفون
...........
فى اوضه رحمه
رحمه / انا كنت عارفه انى هلاقيك هنا
رحيم / انا مخنوق و مش طايق روحى و لو نزلت الشارع هصور قتيل ممكن تقفلى الباب و تسيبينى لوحدى شويه
رحمه تروح تقعد جنبه و تلعب فى شعر
رحيم / لو كان حد تانى وال
(((((((مفيش رحمه )))))))
#لولو_محمد
الحلقه الثالثه و العشرون
فى اوضه رحمه
رحمه / انا كنت عارفه انى هلاقيك هنا
رحيم / انا مخنوق و مش طايق روحى و لو نزلت الشارع هصور قتيل ممكن تقفلى الباب و تسيبينى لوحدى شويه
رحمه تروح تقعد جنبه و تلعب فى شعر
رحيم / لو كان حد تانى والله
………………………
رحمه تحط ايدها على بقه و تهز راسها رحيم يسكت
رحمه / انت غلطت فيه على فكره لما زعقت فى وشه و قولتله ان عبير هتركبه
رحيم يبصلها
رحمه / انا عمرى مهنصره عليك و مفيش حد غيرنا هنا
رحيم يقوم يقعد
رحمه / انا عارفه انه غلط و غلطته كبيره بس دا اخوك الكبير ياما انضرب بسببنا و ياما عمل حاجات كتير اوى عشانا مينفعش لما يغلط نشيل منه
رحيم / انا مش مصدق انه عمل فيا كدا
رحمه / تفتكير عبير كانت قاصده فى اللى عملته
رحيم / مش عاوز اسمع اسمها تانى
رحمه / ازاى تساعدنى فى مشروعى و تتعب معايا و فى نفس الوقت تقولنى كلام بالشكل ده
رحيم / ايه يعنى ماما بتكدب
رحمه / لا مقولتش كدا يمكن عبير قالت الحوار لطنط بحسن نيه و طنط فهمته غلط او يمكن انا غلطت فى اللى قولته انا معرفش
رحيم / و يمكن حورت الكلام عشان توقع بينا و مش بعيد على فكره تكون هى اللى كبت النسكافيه على لوحك عشان تعمل حركه مجدعه
رحمه / دا على اساس انها كانت عارفه ان عماد هيشوفها و يحبها بلاش خيالك الواسع ده
رحيم / على الاقل تعرفى ان اللى حوالينا مش ملايكه و تاخدى بالك منها بعد كدا الموقف ده مينفعش باى حال مالاحوال انه يتكرر
رحمه / انا اصلا مش هتكلم معاها تانى لوحدنا ابدا
.............
فى اوضه رحيم
عماد بيتكلم فى التليفون مع عبير
عماد / يعنى انتى مقولتيش لماما انها طيشه و لا رحمه قالتلك تدخلى كلامها من ودن و تطلعيه مالتانيه
عبير / اكيد لا طبعا انا زى محكيتلك هو ماما فهمت كلامى غلط و لا ايه
عماد / لا محصلش حاجه هكلمك بعدين
عبير / فى ايه يا عماد صوتك مش مظبوط و من اول المكالمه و انت نازل فيا تحقيق
عماد / انتى لما تقولى لماما الحوار اللى دار بينك و بين رحمه كنتى متوقعه ايه يعنى البيت عندنا والع يا عبير
عبير / صدقنى مكنش قصدى ابدا
عماد / اسمعى يا عبير لو سمحتى من هنا و رايح انا مبحبش نقل الكلام باى كانت النيه خصوصا لو لماما اى كلمه تسمعيها من امى او عليها متقوليهاش لمخلوق غيرى و لو مقولتيهاش تانى و نسيتيها يكون افضل ماشى
عبير / عادى يعنى و انا هيفرق معايا فى ايه اللى تشوفه
عماد / انا كدا احبك
رحيم يدخل الاوضه
عماد / هكلمك بعدين سلام
عماد يقفل السكه و يقوم يبوس راس اخوه
رحيم / انا اسف انى زعقت فيك
عماد يدى لرحيم خده و رحيم يزقه
رحيم / تتقطع ايدى ياهبل قبل متتمد على اخويا الكبير
عماد / ياريتها كانت اتقطع حقك عليا
رحيم يحضن اخوه
عماد / انا كلمت عبير و الواضح ان امك هى اللى فهمت الكلام غلط
رحيم / ماشى
عماد / انت عارف ماما كويس فدى حاجه مش غريبه عليها و دى مش اول حريقه فى البيت بسبب ماما و فهمها الغلط و تحويرها فى الكلام
رحيم / قولتلك خلاص ماشى
عماد / و انا نبهت على عبير ان اى كلام هتسمعه من امى او عليها متعيدوش تانى و الموضوع خلص
رحيم / حصل خير
عماد/ تحب نخرج نغير جو
رحيم / انا كدا كدا نازل رايح التمرين
عماد/ لسه بدرى
رحيم / معلش انا كنت جاى اللبس و نازل عشان مخنوق شويه
عماد / انت لسه زعلان منى
رحيم / انت ضربتنى قدام رحمه على فكره
عماد / انت مزعلتش انى ضربتك و زعلت انى ضربتك قدام رحمه
رحيم يبصله و يرفع حاجبه
عماد / تحب اروح اعتزرلك قدامها
رحيم / لا مفيش داعى انا شويه و هفك لوحدى
.............
بالليل
رحمه قاعده تزاكر فى اوضتها رحيم يدخل عليها
رحمه / ازيك جيت امتى
رحيم / لسه واصل ها عملتى ايه فى الاسكتشات خلصتيها
رحمه / فى اخر واحد و انت
رحيم / هاكل لقمه و ابدا فى اول واحد
رحمه / تحب اساعدك
رحيم / خلصى الاول و بعدين حصلينى على الاوضه
رحمه / اوك
.........................
فى اوضه رحيم
رحيم قاعد بيرسم فى اسكتش رسم ابوه يدخل عليه و فى ايده كيسه سوده
محمد / بتعمل ايه يا رحيم
رحيم / بزاكر يا بابا
محمد / طب خد دول
رحيم / ايه ده
محمد / دى الفلوس اللى دفعتها لاخوك فى خطوبته بالجنيه انا كاتب التفاصيل فى ورقه
رحيم / انا قولتلك يا بابا انى مش عاوز
محمد / براحتك خدهم و عينهم بكره تحتاجهم دول كدا كدا حقك انا هخش انام بقى اسيبك تزاكر
رحيم / تصبح على خير يا بابا
محمد يطلع و رحمه تدخل
رحيم / خلصتى بالسرعه دى
رحمه / عيب عليك دانا استاذه ايه اساعدك
رحيم / بابا ادانى فلوس للشبكه
رحمه / كويس
رحيم / انتى رايك اخدها
رحمه / براحتك
رحيم / انا مش عاوز اكون الواد اللى ابوه عمله كل حاجه وهو حاطت ايده فى جيبه
رحمه / اولا بص حواليك كل الناس كدا مفيش واحد فى سنك شايل بيته
رحيم / لا اكيد في
رحمه / دول ليهم ظروفهم وبعدين انت بتتعب فى حاجات تانيه و اسمع بقى بطل الحساسيات دى وركز فى المهم
رحيم / خدى الاسكتش ده و اعمليلك فاديه رغى رغى رغى
رحمه / هتنضرب
رحيم / مهى هاصت
رحمه / ايه مقدرش
رحيم / بصى خلينا نخلص اللى فايدنا و بعدين نبقى نضرب بعض زى ماحنا عاوزين
...............
بعد اسبوع فى بيت رحيم
عبير معزومه على العشا هى و مامتها و رحمه و اهلها
هاله / المهم انتوا ناوين امتى
رحيم / احنا بندور على وقت فاضى والله يا طنط بس زى محضرتك شايفه احنا مطحونين
عبير / ايوه بس الدهب كل يوم بيزيد المفروض تلحقوا نفسكوا
رحيم / ماحنا جبنا الشبكه خلاص براحتنا بقى
عبير / جبتوا الشبكه
زينب / امتى
رحيم / تانى يوم مبابا ادانى الفلوس روحنا مع تيته و ماما حياه و جبناها انتوا متعرفوش و لا ايه
زينب / و احنا حد بيقولنا حاجه
رحيم يبص لعفاف
عفاف / هما لقوا نفسهم فاضين قالولنا احنا نازلين و انتى يوميها كنتى عند الكوافير باين فنزلنا معاهم و مخدوش راينا فى اى حاجه و نقينا الحاجه فى ساعتين زمن و رجعنا علاطول
زينب / و ليه محدش قالى
رحيم / والله انشغلت فى المشروع و كنت فاكر ان تيته قالتلك
عفاف / و انا مفتحتش الموضوع كنت فاكراه قلك والله
زينب / و انت كنت عارف يا محمد
محمد / اه محمود قالى بس مشوفتهاش لسه
محمود / محدش شافها
زينب / و ياترى هنول شرف شوفتها و لا احنا مش قد المقام يا ست حياه
رحيم / احنا كنا ناوين نوريهالكوا بعد الاكل بما اننا كلنا متجمعين يعنى
زينب / انت ليه مقولتليش ان ابنك جاب الشبكه
محمد / زينب
زينب تقوم من عالترابيزه
زينب / يبقى صحيح بقى بتثبتولى انى طيشه و مليش راى و حتى انكوا تعرفونى اخر اخباركوا دى حاجه ملهاش اى لزمه فى ايه بيحصل فى البيت ده
..........
رحيم / هاتيها يا رحمه دلوقت لو سمحتى
رحمه تقوم تجرى على اوضتها تطلع اربع علب دهب واحده على شكل قلب لونها احمر وواحده مستطيله لونها ازرق اتنين صغيره واحده لونها احمر و التانيه زرقه و تروح عند الجماعه
رحمه / ادى الشبكه
عبير / كل دول
عبير تبص لعماد
رحمه تفتح العلبه القلب و تطلع طقم يهبل
هاله / بسم الله ما شاء الله حلو اوى
عفاف / رحمه زوقها رقيق مش كدا
رحمه تفتح العلبه المستطيله جواها غوايش و اساور و خواتم
عفاف / اتبقى شويه فلوس من تمن الشبكه نقولهم شويه حاجات و حياه جابتلهم كام حاجه هديه
عبير / و العلبتين دول فيهم ايه
رحمه تفتح العلبه الحمره جواها خاتم تحفه
رحمه / دا هديه من بابا لقيناه جايبها و عاينها عنده من فتره اما بقى اخر علبه فدى هديه منى انا و رحيم لست الكل طنت زينب
زينب / ليا انا
رحيم / طبعا يا ست الكل انا عارف انتى بتحبى الغوايش قد ايه فانا و رحمه من مصروفنا والله اشتركنا و جبنالك التلاته دول اتفضلى
زينب تقيسهم و هى مبسوطه اوى
زينب / والله زوقكم حلو اوى ايه رايك يا محمد
محمد / عرفتى بقى انا مقولتلكيش ليه عشان مبوظش المفاجاه
زينب / يا سلام لو كل المفاجات كدا
رحيم / ادعيلى انا بس ربنا يرزقنى و انا اظبطك
عماد / جرا ايه يا عم رحيم خف متوقعنيش فى مشكله ست الكل انا مش لسه جايبلك سلسله فى عيد الام اللى فات
زينب / اخص عليكوا يا ولاد و انا الحاجات دى بتفرق معايا برده
عفاف / هههههههههههههه ربنا يهنيكوا يا ولاد
عبير قاعده ساكته
عماد / صحيح انتى مشوفتيش الالبوم اللى عمله رحيم و رحمه فى خطوبتنا
عبير / مانت حكيتلى
عماد / اه بس مشوفتيهوش متقومى يا رحومه توريه لعبير
عبير / والله كويس بتدلع اسم رحمه و انا تقول اسمى عادى
عفاف / هههههههههههههه جرا ايه يا ولاد
عماد / برئ والله يا تيته انا بس شايف ان حرف الره مسيطر فى البيت و انا بدلعها ريرى فخفت رحمه او رحيم ياخدوها عليهم
رحيم / نعم ياخويا
عماد / ايه نسيت و لا ايه مش و انت صغير كنت بدلعك و اقولك يا ريرى
زينب / يلهوى الكلمه دى كانت بتخلى رحيم يعيط و يشتكى و ممكن يضربوا بعض كمان
رحيم / ايه ريرى دى انت شايفنى بضفاير قدامك انا مبحبش حد يدلعنى
رحمه تدخل و معاها الالبوم
عبير / و لا حتى رحمه
رحمه / و لا حتى انا ايه
عبير / انتى مبتدلعيش رحيم
رحمه / لا طبعا بيدايق جدا و ممكن يقلبها غم
عبير / ازاى يعنى مبتدايقيش لما تلاقى نفسك بتستخدمى نفس الاسم اللى كل الناس بيستخدموه
رحمه / لا مهو انا بينى و بينه مبستخدمش نفس الاسم
عماد / ايوه احنا عاوزين نحط ايدنا عالاسم ده بقى
رحمه تبص لرحيم
رحمه / ساعات بقوله روحى
رحيم / و ساعات حبيبى و حياتى و نور عنيا كدا يعنى
عماد / يا سيدى عالدلع شايفه الدلع يا هانم انا عاوز من ده
عبير / مانا ساعات بقولك كدا برضه
عماد / انا بهزر معاكى
رحمه تدى الالبوم لعبير
عبير / دا تقريبا زى اللبومى
عبير تفتح تقلب فى الصور تلاقيهم حلوين اوى مع بعض و هما رومانسين اكتر كمان
عماد / و معاه مج و مخده عليهم صورتهم
عبير / حلو اوى عقبال اللبوم الفرح بقى
رحيم / ربنا يخليكى
...............
فى كافيه تانى يوم
عبير / انا مش فاهمه اشمعن رحمه و رحيم شبكتهم اكبر مننا
عماد / لا هى نفس التمن والله بابا عادد الفلوس قدامى بالعكس انا كنت محوش فلوس و زودت من معايا
عبير / ايوه منطقى لانك بتشتغل لكن رحيم
عماد / رحيم ايه يا بنتى رحيم اه بياخد مصروف بس بابا بيديله جايزه حلوه على البطولات اللى بياخدها و على فكره و احنا صغيرين رحيم كان بيحط فلوسه فى حصاله و كل متكمل اللف ماما تحطهالها فى البنك
عبير / و انت
عماد / لا انا كنت بصرف مصروفى عاللعب و اللبس لكن هو رحمه كانت بتجيبله الحاجات دى هديه هههههههههههههههههه دا غير ان بابا اداله مبلغ محترم لما كسب البطوله السنه اللى فاتت
عبير / اه يعنى رحيم زود من معاه تمن الغوايش لمامتك و علبتين كمان
عماد / انتى مكنتيش مركزه و لا ايه مهما قالولك الخاتم هديه من باباها و العلبه التانيه نصها هديه من مامتها
عبير / اه انت بتقول بقى انى اهلى هما اللى مجابوليش بقى و ان اهلى هما اللى مقصرين
عماد / لو ناويه تقلبيها نكد قولى من اولها
عبير / انا نكديه صح
عماد / للمره المليون انا مكنتش بتاع جواز و اخترتك لانى شوفت فيكى الجانب الجدع بس لو ناويه تورينى الجوانب التانيه ياريت على الاقل تبقى ذكيه و تخليها لما نتجوز
عبير / قصدك ايه يعنى
عماد / راحت فين عبير اللى يوم مكنا بننقى الشبكه بتقول اللى تختاروه يا جماعه و كفايه اوى كدا دا كتير والله دلوقت شبكتك بقت قليله بصى عشان لو هنبتديها مقارنه بينى و بين رحيم و بينك و بين رحمه ففى معلومه لازم تعرفيها من دلوقت
عبير / انا مش هرد على كلامك ده
عماد / كل اللى انتى شايفاه ده بتاع بابا و عموا بالنص مش بتاع بابا لوحده يعنى رحمه ليها زى اللى ليا بالظبط بعد عمر طويل فحطى اللى ليها على اللى لرحيم و اقلمى نفسك من دلوقت
عبير / انت بتكلمنى على انى بنت ماديه بفكر فى الفلوس بس لو حضرتك شايفنى وحشه اوى كدا مكمل معايا ليه
عماد / باختصار لانى فاهم كويس ان اللى قدامى دى مش انتى
عبير / يا سلام
عماد / انا شوفتك على حقيقتك يوم مكنتى فى بيتنا و بتتعبى منغير مقابل عشان تنقذى مستقبل واحده مهياش قريبتك اصلا واحده كانت بتتعب و هى مش متعرفش انى هاجى اخطبها او هيبقى فيوم من الايام فى اى علاقه بينها و بين البنت دى
عبير / كويس انك عارف
عماد / انا معرفش مالك الفتره اللى فاتت بقيتى عصبيه و بتقارنى بينك و بينها كتير و بقينا بنتخانق كتير ليه كل ده
عبير / اصلى نكديه ووش غم
عماد / لا انتى مش كدا انتى لو كنتى كدا مكنتش حبيتك على فكره
عبير / مش انت اللى بتقول
عماد / انا بقول ان فى حد بيحط افكار وحشه فى دماغك واحده صحبتك واحه قريبتك الله اعلم
عبير / على فكره انا مبسمعش لحد و افكارى من دماغى ماشى
عماد / يمكن شيطان وحش بيحاول يفرق بينا بصى يا عبير انتى لو بتحلمى باى حاجه انا هعمل كل اللى اقدر عليه عشان انفذها بس لو كل همك فى الحياه انك تدخلى فى منافسه مع رحمه و رحيم تبقى غلطانه و هتضيعى ايامنا الحلوه فى انك تبصى على غيرك
عبير / انا مببصش على حد على فكره انا بس اهم حاجه عندى العدل مبحبش حد يستغفلنى
عماد / متشيليش هم الموضوع ده انا مش هسمح لحد انه يستغفلك و لا حتى انا و حقك وخداه تالت و متلت و فوقيه مليون بوسه كمان
عبير / ماشى ممكن نروح بقى
عماد / هو بمزاجك و لا ايه انا خارج معاكى عشان ننبسط و ملامح وشك دى مفيهاش اى علاقه بالانبساط فممكن تفكيها بقى و نقعد نحب فى بعض شويه
عبير / هههههههههههههه
عماد / ايوه بقى اخيرا فهمت يا وديع
عبير / انت عارف انى بحبك صح
عماد / و انا كمان بموت فيكى والله يا بت امال مستحمل غلاستك دى ليه
عبير / غلاستى
عماد / اه غلسه واحده خارجه مع خطيبها بدل متقعد تسبله عماله تكلمه عن شبكه اخوه انا مالى انا
عبير / هههههههههههههههههههههه انا مبعرفش اسبل على فكره
عماد / انا بعرف سيبيلى نفسك انتى بس و انا هثبت امك النهرده
عبير / هههههههههههههه
...............
فى الكليه تانى يوم
عبير قاعده مع واحده صحبتها
عبير / بس و قعد يقولى بقى قد ايه بيحب شعرى و انه بيغرق فى عنيا
صاحبتها / يا سلام كل عقلك بكلمتين
عبير / و انا هعمل ايه بس مهو على يدك
صاحبتها / واحد غيره كان على الاقل لما عرف انك زعلانه اوى كدا ان شبكتك اللى كنتى طايره بيها اوى طلعت قليله كان على الاقل جابلك حاجه دهب هديه عشان يراضيكى
عبير / على فكره انتى عارفه كويس ان الدهب ميفرقش معايا يا سلمى
سلمى / يا خبتك بصى يا بنتى انتى مش قد الناس دول يعنى لو فى يوم مالايام طلع واد ابن كلب زى طليقى هتخرجى مالمولد ده كلو منغير حتى شويه حمص فى جيبك
عبير / على فكره فى فرق كبير بين عماد و سامح
سلمى / لا يا حبيبتى كلهم فى الاول بيبقوا زى بعض لحد متتجوزيه و يبقى متاكد انك بقيتى فى ايده خلاص يروح بقى يدور على صيده تانيه انتى فاكره عماد ده لو كنتى اديتله وش هنا فى الكليه كان فكر يتجوزك دا واد لعبى و انتى عارفه
عبير / هو مش زى مانتى فاكره على فكره
سلمى / الرجاله كلهم زى بعض عندك رحيم اوعى تكونى فاكره انه هيموت على رحمه دى لله فى لله دا واد خبيث و بيرسم على تقيل و عماد بنفسه قالهالك
عبير / قال ايه
سلمى / يابت مش انتى لسه حكيالى انه قالك ان رحيم له الربع و هى ليها الربع فقال بقى يتجوز البت بدل مالفلوس دى تروح لحد بره و يحط ايده لوحده على اكتر من نص الفلوس و ساعتها حبيبك سى عماد هيبقى تحت ايده
عبير / لا طبعا عماد هو اللى ممشى الشغل كله
سلمى / بالظبط كدا عماد هو اللى هيطلع عينه فى الشغل و فى الاخر مش هينوبه غير لقمه مالليله و الباقى هيروح فى جيب رحيم و رحمه و باقى العيله و انتى هتمصمصى صوابع فى الاخر
عبير / يا بنتى ايه الهبل ده و بعدين ده حقهم
سلمى / انا بوعيكى عشان بكره هتلاقى ست رحمه اللى انتى ساعدتيها دى سكنه فى فيلا و انتى لسه فى الشقه اللى فوق حماتك انا هقوم بقى عشان عندى سيكشن سلام
.............
فى القاعه
رحمه بتشتغل فى اللوحه و عبير بتعدى تبص و تدى ملاحظات و راحت وقفت عند رحمه
رحمه / ايه بعمل حاجه غلط
عبير / لا مفيش حاجه شغاله كويس
رحمه / اوك
عبير تروح تقف عند رحيم
عبير / فين الابعاد
رحيم / هحطها فى الاخر
عبير / ماشى بس متنساهاش
رحيم / انتى كويسه شكلك مش مظبوط لو مسموحلى اسال يعنى
عبير تبتسم / انا كويسه يمكن مرهقه ولا حاجه
رحيم / تحبى اروحك احنا مواراناش حاجه
...............................
(((((((مفيش رحمه ))))))
#لولو_محمد
الحلقه الرابعه و العشرون
عبير / فين الابعاد
رحيم / هحطها فى الاخر
عبير / ماشى بس متنساهاش
رحيم / انتى كويسه شكلك مش مظبوط لو مسموحلى اسال يعنى
عبير تبتسم / انا كويسه يمكن مرهقه ولا حاجه
رحيم / تحبى اروحك احنا مواراناش حاجه
...............................
عبير / لا متتعبش نفسك انا هتصل بعماد عشان رايحين كدا كدا مشوار
رحيم / اوك مفيش مشكله
عبير تروح تقف عند روقيه
روقيه / اخبار العروسه ايه
عبير / ههههههههههه انتى لسه فاكره مخلاص بقى
روقيه / انتى عارفه انا لسه امبارح كنت بتفرج تانى على صور الخطوبه بتاعتك بجد كنتى اموره اوى
عبير / دا من زوقك يا روقيه عقبالك
روقيه / لا بجد انا بتكلم جد انتى متعرفيش رحمه هتعمل خطوبتها يوم ايه انا سمعت انها هى و رحيم كانوا بيلفوا عالقاعات امبارح
عبير / لما يرسوا على قاعه اكيد هعرف حجزوا امتى
روقيه / ايه ده يعنى متعرفيش انهم حجزوا امبارح خلاص
عبير / لا الحقيقه انا مبحبش ادخل فى اللى مليش فيه ياريت تبقى زيى
روقيه / من عنيا
عبير ترجع للوحه رحمه
عبير / اوعى تنسى الظل
رحمه / اوك حاضر
عبير / سمعت انكوا حجزتوا القاعه امبارح ايه الاخبار
رحمه / لا والله لسه مرسيناش على قاعه معينه احنا كنا بنلف بس نتفرج
عبير / محتاجه اى مساعده
رحمه / تعيشى اول مهحتاج حاجه اكيد هتكونى اول حد افكر فيه
عبير / اوك
رحمه / على فكره انتى اكيد هتكونى اول حد يعرف لما نحجز متقلقيش يعنى
عبير / و انا ايه اللى يقلقنى انا بس بحكى معاكى
.............
فى كافيه
عماد / ايه يا هندسه انا قولت هتقفلى الشقه فى اسبوعين و لا انتى مش مستعجله عالجواز و لا ايه
عبير / هو انت يا عماد ايه طموحك
عماد / طموحى ؟؟؟
عبير / اه طموحك
عماد / بسيطه عاوز تلت اربع عيال مشكلين
عبير / عيال ايه و مشكلين ايه يا عماد انا بتكلم عن طموحك
عماد / ايوه انا طموحى انى اكون زوج صالح و اب ناجح
عبير / و فى شغلك
عماد / انا والله نفسى معارض الصياد تبقى فى كل انحاء الجمهوريه
عبير / منفسكش بدل معارض الصياد يبقى اسمها مثلا معارض عماد الصياد و اولاده
عماد / الحقيقه عمرى مفكرت فى الموضوع ده اصل اللى عنده امبراطوريه كبيره مينفعش يقسمها لامارات صغيره كدا سهل يتاكل و لا انتى ايه رايك
عبير / ايوه بس انت مش حاسس انك بتتعب عالفاضى اقصد يعنى بتقف طول الليل و النهار فى المعارض و تصمم فى العفش للمصنع و ساعات بتشيل و تحط مع العمال كل ده و غيرك بياخد و هو قاعد مبتدايقش
عماد / بصى انا مبعملش حاجه فى المعرض لوجه الله محدش بيعمل ماشى فاى نقطه عرق بتنزل باخد عليها اجر و اجر محترم كمان عشان تكونى عارفه و دا شغلى و مستقبلى و رزقى و رزق عيالى بعديا
عبير / يا حبيبى فاهمه بس تفتكر لو الايه معكوسه و رحيم مكانك هيعمل عشانك كدا
عماد / انتى متعرفيهوش على فكره رحيم اجدع منى يعنى انا لو مت مش هبقى قلقان على عيالى عشان واثق و متاكد ان رحيم هيتقى ربنا فيهم
عبير / بحب اوى علاقتك باخوك تحس انكوا شخص واحد بس الزمن ده معدش فيه حاجه تضمن يا عماد يعنى اش ضمنك انكوا مش هتخسروا بعض عالورث بعد عمر طويل زى مبسمع عن ناس كتير اوى لما الفلوس بتدخل بينهم بيخسروا بعض
عماد/ باختصار المتربى عالعز يشم ايده يشبع و بعدين متشيليش هم عمر الشقى بقى و انا من اشقى خلق الله
عبير / هههههههههههههههه ربنا يخليك ليا
عماد / انتى ليه شايله الهم بدرى اوى كدا يعنى انتى المفروض تبقى قلقانه ان النقاش مخلصش و المصنع هيخلص العفش اللى نقيتيه و هنضطر نحطه فى المخزن حاجات من دى ياترى فستان الفرح هيبقى عامل ازاى و هنجيب كام عيل و هنسميهم ايه مش الورث و الهبل ده
عبير / معاك حق انا بس نفسى اشوفك حاجه كبيره اوى
عماد / احنا هنكبر ببعض يا عبير انتى هتساعدينى و انا هساعدك
عبير / ان شاء الله
.........
قبل البطوله باسبوع
محمد / هو الواد رحيم فين بقالى يجى اسبوع مشوفتوش
زينب / ياخويا و لا انا بيصحى الصبح يروح الكليه يجى يروح النادى و يسهر طول الليل فى اوضه الست رحمه و يجى ينام و يصحى يستحمى و ينزل بيقولوا عندهم مشروع يتسلم الاسبوع الجاى قبل البطوله بيومين
محمد / تفتكرى قسينا عالواد بالشرط اللى حطيناه
زينب / هو فى حد بيتحطله شروط غير ابنك هى تنام و ترتاح لكن هو يشقى و يتعب ليه يعنى
محمد / عشان يعرف قيمه الحاجه اللى فايده
زينب / يا سلام و هى يعنى مش المفروض تعرف قيمه النعمه اللى فى ايدها هى تطول اصلا
محمد / شكلك نسيتى يا زينب لما كنت رايح جاى تحت بيتكوا مستنى تبصيلى بس
زينب / و دى حاجه تتنسى
محمد / و انتى تشيشى الشباك عشان تشوفينى و انا ابقى مش شيفك
زينب / كنت بتكسف الله
محمد / اموت انا فى كسوفك
..................
فى البيت عند رحمه بعد البطوله
زينب / لولولولولولولولولى
عفاف / لولولولولولولولولولولولولولولى كدا بقى ملهمش حجه ادى البطوله خدتها و لا ايه يا محمود
محمود / فاضل نتيجه التيرم يا ماما احنا متفقين
عفاف / بطلوا افترى الواد اتهرى
محمود / احنا متفقين و لا ايه يا سى رحيم
رحيم / و انا عند اتفاقى يا عموا و باذن الله انا و رحمه هنجيب تقدير السنادى كمان
عفاف / طب ايه مش هنحتفل بالبطوله و لا ايه يا سى رحيم السنه اللى فاتت اجلت الحفله شوفت اللى حصل
رحيم/ هنحتفل فى القاعه احنا حجزنا يوم الخميس اللى بعد الجاى
زينب / انتوا مش قولتوا ماكدتوش التاريخ
رحيم / ايوه انا كنت مستنى اخد البطوله امال يعنى هحتفل بخسارتى
رحمه / بعد الشر انا كنت متاكده انه هيكسب لانه تعب بجد
رحيم / انا هروح النهرده انا و رحمه لو لقينا القاعه لسه فاضيه ندفع العربون و نتفق على كل التفاصيل
زينب / ممكن اجى معاكم اتفرج عالقاعه
رحمه / انتى خلصتى فستانك يا ماما
زينب / خلصان ياختى من يوم خطوبه عماد و استلمته امبارح
رحمه / و احنا برده اللى بنخبى عليكى ماشى انا مشوفتوش على فكره
زينب / ورينى فستانك اوريكى فستانى
رحيم / ههههههههههههههههه مش لما ننزل نجيبه الاول الفستان ده اما يا بت لو كان زى مبتخيل
حياه / و بتتخيله ازاى بقى يا رحيم
رحيم / عاوزه زى فستان سندريلا
رحمه / لا انا عوزاه تايبست
رحيم/ نتكلم فى الموضوع ده بعدين
زينب / اى كان لازم تعملى حسابك ان فستانى احمر فنقى لون تانى ياختى
حياه / كدا كدا مينفعش الاحمر مهى لبسته فى خطوبه عماد
رحيم / احنا هنضطر نسيبكوا عشان خارجين
حياه / طب مش تتغدوا طيب
رحمه / هناكل بره يلا سلام
رحيم و رحمه نازلين عالسلم يقابلو عماد و عبير
عبير / على فين يا بطل دانا جايه مخصوص اباركلك
رحيم / انا اسف والله احنا اصل ورانا معاد مع الراجل بتاع القاعه
عبير / ايه رسيتوا على يوم خلاص
رحيم / هنروح نشوف اهو
عبير / متيجى نروح معاهم يا عماد و من هناك نطلع كلنا عالسينما فى فيلم جديد جامد
عماد يبص لرحيم
عماد / انتى هتعزميهم فى خروجتنا انا مبصدق استفرد بيكى
عبير / عماد ؟؟؟ يفهموا ايه هما
عماد / ميفهموا اللى يفهموه اطلعى يلا نسلم على ماما قبل منطلع نبص عالشقه
عبير / النقاش خلص امبارح شوفتوا الشقه
رحمه / لا مستنينك تفرجينا
عبير / طب تعالوا بسرعه بقى عشان افرجكوا
عماد / شكلنا مش هنستنى كتير و الصيف ده مش هيعدى الا و احنا متجوزين
رحيم / ماشيه معاك حلاوه ياعم الله يسهلوا
عماد / قل اعوذ برب الفلق طريقك اخضر امشوا بلا قر
...............
فى الشقه
زينب / حلوه بس انا مش عاجبنى لون اوضه الاطفال بلدى اوى مش كنتوا عملتوه ورق حيطه احسن طب دانا من كان يوم كنت بزور واحده صحبتى بنتها ولدت و عامله الاوضه ورق عليه رسومات بتنور فى الضلمه
عبير / يا ماما الاوضه دى لسه مخلصتش الحيطه ساده عشان احنا لسه مش عارفين البيبى اللى جاى نوعه ايه
زينب / ايه يعنى لو بنت بمبى و لو واد لبنى قدمت اوى يا عبير الحاجات دى
.........
عبير / لا يا ماما مهى برجامون اهى انا اقصد يعنى الحيطه دى هيتعمل عليها اسم البيبى فى رسمه كلو بيتعمل دلوقت عالكمبيوتر طباعه و بتتلزق عالحيطه
زينب / يا سلام يعنى هتمشى على الاربع جدران تكتبى اسم البيبى
عبير / يا ست الكل صبرك بس لما الاوضه تتفرش و رايك ده هيتغير خالص
زينب / براحتكوا انا نازله بقى لحسن تعبت مالوقفه
عماد / ثوانى و هنحصلك
زينب / هتحصلونى؟؟؟ طويب
زينب تنزل
عبير / قال لون بلدى قال
عماد / احم احم
عبير / عاجبك يعنى
عماد / احم احم
عبير / نعم
عماد يطلع علبه من جيبه و يفتحها فيها خاتم حلو اوى
عبير / الله حلو اوى
عماد / مسالتيش ايه المناسبه يعنى
عبير / هو انت كمان محتاج مناسبه عشان تهادينى
عماد / لا بس النهرده مناسبه مهمه اوى
عبير / خير
عماد / النهرده خلصت اتفاقيه كبيره على فرش فندق بحاله و قبضنا العربون و خدت الكومشن بتاعتى شوفتى بقى انى باخد على تعبى اجر جامد اوى
عبير / الف مبروك يا عماد و يارب دايما من نجاح لنجاح
عماد / ايوه كدا بقى ادعيلى المهم العفش هيخلص عالاسبوع الجاى عاوزين نفضى نفسنا ننجز فى الستاير و النجف و السجاد و الحاجات دى بقى همتك بقى
عبير / بص يا عماد انا بصراحه الموضوع ده هيتاخر شويه
عماد / ليه بس
عبير/ بص الكلام ده بينى و بينك ماشى
عماد / اكيد يا بنتى خير
عبير / اصل انا و ماما عاملين جمعيه و هنقبضها كمان شهرين مانا مكنتش عارفه ان الشقه و العفش هيخلصوا بالسرعه دى
عماد / يا ستى و لا تزعلى نفسك و لا تشيلى هم انزلى هاتى كل اللى نفسك فيه و ربنا يسهل فى الفلوس
عبير / ازاى يعنى
عماد / انا محوش قرشين و باذن الله يكفو اللى انتى عوزاه و اكتر
عبير / لا انا مبحبش حد يدفعلى حاجه و بعدين لو حد من عندكوا عرف بقى يعايرنى او يكلمنى انا هستنى الشهرين دول و مش هيحصل حاجه
عماد / هو انا حد يا عبيطه انتى مهو كلو فى شقتى فى الاخر
عبير / يا عماد ارجوك متحرجنيش
عماد / بصى الموضوع ده هيبقى سر بينى و بينك مش هقول لحد و لما تقبضى الجمعيه ابقى حطيها فى حاجه تانيه و ربك بيرزق احنا مش متفقين مالاول ان اللى يقدر على حاجه بشيلها و انا مستعجل
عبير / طب سبنى افكر
عماد / مفيش الكلام ده دى الكريدت كارد بتاعتى و الباس 5052 سهله عيشى
عبير / انت بتهزر صح
عماد / ليه هو مش انتى هتبقى مراتى يعنى كدا كدا اللى معايا معاكى
عبير / انا اسفه يا عماد مقدرش اخدها
عماد / طب الجمعيه بكام
عبير / عشرين الف انا عشره و ماما عشره
عماد / خلاص بكره هروح البنك و احاول ادبرلك المبلغ و بعدين انتى هتجيبى النجف و السجاد و الستاير ب 20 يعنى اكيد اقل
عبير / و نسيت الاجهزه و الفرش اصلا يارب يكفوا
عماد / متشيليش هم هتدبر المهم انا عاوز الشقه دى تبقى جاهزه للجواز فى خلال شهرين بالكتير
عبير / قولتلك سبنى افكر
..............
فى الشقه تحت
زينب / ايه خدتوا راحتكوا فوق
عماد / كنا بنتفق عالستاير و الحاجات عشان عبير تنجز فيهم
زينب / تمام انا بس بطمن عليكوا يعنى انا مرضيتش حد يطلعلكوا فوق عشان تبقوا على راحتكوا
عماد / مكنلوش لزوم اللى كان عاوز يطلع يتفضل الشقه مفتوحه احنا نازلين هتعوزى حاجه
زينب / انتوا لحقتوا تنيجوا لما تنزلوا
عبير / احنا كنا جايين نبص عالشقه و نبارك لرحيم
زينب / شوف و انا اللى قولت انك حنيتى و فكرتى تسالى على حماتك
عبير / ازاى بس يا ماما هانت كلها كام شهر و اجى اقعد معاكى لحد متزهقى منى و ساعتها انتى اللى هتكرشينى و تقوليلى اطلعى على شقتك
زينب / بكره نشوف ياختى
عماد / هتعوزى حاجه يا ماما سلام بقى
زينب / سلام
..............
فى العربيه
رحيم / القاعه و الكوافير و الاستوديو فاضل ايه يا ستى محجزناهوش
رحمه / الفستان و البدله يا استاذ
رحيم/ طيب نبدا بالبدله عشان مش هتاخد وقت و نخلى الفستان ده يوم لوحده عشان انا عارفك
رحمه / اوك تمام يلا بينا
................
فى البيت
عفاف / خلصتوا
رحيم / مش فاضل غير فستان العروسه و كلو يبقى تمام قدامها بقى من النهرده ليوم الخميس بعد الجاى تنقى براحتها
رحمه / براحتى جدا على اساس انى مورايش مشروع يتسلم يعنى
عفاف / هى المشاريع دى مبتخلصش و لا ايه
رحمه / لا بتتكاثر ذاتيا زى المواعين بالظبط
حياه / هههههههههههههه قدها و قدود والله لولا ان المده قليله كنت قولتلك ننقى ديزاين مالنت و نفصله بس انتوا اللى بتحبوا تزنقوا نفسكوا
رحمه / انا بكره التفصيل و انتى عارفه
حياه / ليه مهو عامل لزينب فساتين تحفه و انا و ماما كمان
رحمه / هو مش فرحى انا حره انا عاوزه اقيس و اللى يعجبنى اشتريه مش يمكن الموديل اللى هنقيه يبقى مش حلو عليا
رحيم / و هو فى حاجه بتبقى وحشه عليكى دانتى اللى بتحلى اللبس يابنتى
عفاف / صحيح و مين يشهد للعروسه
رحيم/ لا بجد انا بشوف نفس الاطقم اللى على رحمه على بنات تانيه مبتبقاش حلوه زيها
رحمه / عشان عينك حلوه بس فشايفنى حلوه
رحيم / اخبار عماد و عبير ايه خلصوا الشقه و لا لسه
عفاف / انا عرفت ان النقاشه خلصت و العفش هيوصل الاسبوع الجاى و من بكره هيلفوا عالنجف و السجاد و الستاير ربنا يسهل بقى
رحيم / تمام والله شغالين بمعدل عالى انا بفكر ابدء فى شقتى بقى بعدهم و لا ايه رايكم
حياه / بدرى اوى يا رحيم انتوا لسه على الاقل سنتين على متتجوزوا
رحيم / و بتقوليها فوشى كدا طب هاتيها واحده واحده مهديهالى انا زى ابنك برده
حياه / انت ابنى ياوله مش زى
رحيم / ربنا يخليكى يا ست الكل
.....................
ليله الخطوبه بالليل
العمال عمالين يطلعوا فى العفش و رحيم و عماد معاهم و عبير واقفه
عبير / حوطوا الفوتيه ده هنا لو سمحتوا لا البونسوار ده كدا معوج بس كدا تمام
عماد / كفايه يا عبير حرام عليكى يعنى يوم نشيل و يوم نرص
عبير / ايه يا عماد عشان نلحق نشوف لو فى مكان فاضى و لا حاجه
رحيم / ده اخر كورسى فى العربيه تحت كدا كلو تمام
عبير / ميرسى اوى يا رحيم تعبناك
رحيم / تعبكوا راحوا لو متعبتش عشان عمده هتعب لمين انت هتعوز منى حاجه يا معلم
عماد / انت خالع و لا ايه
رحيم / يادوب استحمى و امشى ورايا بلاوى لبكره
عبير / كنت فكراك خلصت كل حاجه
رحيم / فاضل التاتشات الاخيره بس هو مشوار ساعتين زمان و هرجع باذن الله
عبير / انا هنزل بقى ابص على رحمه تكون محتاجه حاجه كدا و لا كدا
عماد / والله فكره زى الفل اهو على الاقل مفيهاش لا شيل و لا حط
..........
فى اوضه رحمه
روقيه و رنا و ريهام و سها مشغلين اغانى و بيرقصوا و حياه و زينب و عفاف قاعدين يسقفوا
عبير / اجى و لا ايه
رحمه تجرى تحضنها
رحمه / طبعا يا بنتى تعالى ايه خلصتوا و لا ايه
عبير / اه اخيرا طلعنا العفش بعد بكره بقى لو فينا حيل نخلص رص لحسن عماد و رحيم فستكوا منى النهرده خالص
روقيه / الف مبروك يا هندسه عقبال الفرح
عبير / هانت باذن الله
زينب / جرا ايه يا بنات انتوا هتقفوا تحكوا و لا ايه
رحمه تشغل الاغانى تانى و عبير تروح تقعد جنب زينب
زينب / ايه يا عبير متقومى كدا تحركى الدمويه
عبير / مليش فيه والله يا طنط معلش
زينب تبصلها كدا و تبص الناحيه التانيه
زينب / ايوه يا روقيه هو ده الشغل
رحمه تشد عبير و عبير تقوم معاها
عبير / مش بعرف
رحمه / اندمجى بس هزى كدا كلنا بنتعلم حاولى حاولى
زينب / يا رحمه متكسفيهاش مبتعرفش ترقص ياميله بختك يا عماد
عفاف تزغد زينب
زينب / الله
عبير / عن اذنكوا
عبير تطلع مالاوضه و رحمه وراها فى الشقه التانيه محمد و محمود و عماد قاعدين عبير تدخل ووشها مقفول
عبير / انا مروحه هتوصلنى و لا اخد تاكس
رحمه / فى ايه يا بنتى متهدى شويه
محمد / هو ايه اللى حصل يا بنتى عاوزه تمشى ليه دانتى حتى مسلمتيش علينا حد زعلك و لا ايه
عبير / عماد ممكن توصلنى و لا ايه
عماد / اكيد ممكن بس على الاقل قوليلى فى ايه ايه اللى حصل يا رحمه
عبير / خلاص انا ماشيه
عماد / استنى يا بنتى طيب هوصلك هوصلك يلا بينا
عبير تنزل عالسلم و عماد و رحمه و راها عماد يلحقها و يمسكها
عماد / قولت خلاص هوصلك ممكن تهدى
رحمه / انا مليش دعوه على فكره انا كنت فكراكى هتفرحى معايا انا بكره خطوبتى
عبير / يا ستى اطلعى و ارقصى عشان تعجبى و ساعتها يا بخته رحيم و يا سعده يا هناه اصلها بتتقاس بالرقص
عماد / انا مش فاهم حاجه
عبير / بص يا عماد انا خلاص اتخنقت و جبت اخرى امك على عينى و راسى بس لكل انسان طاقه و انا خلاص مش قادره
عماد / طب ماما قالتلك ايه بس دايقك
عبير / بقولها مبعرفش ارقص تقولى يا ميله بختك يا عماد ماشى روحى بقى دوريله على رقاصه يتجوزها سى عماد
عماد / ههههههههههههههههه يا ستى عماد راضى اقولك انا اللى هبقى ارقصلك ممكن تهدى بقى
...........................
((((((مفيش رحمه ))))))))
#لولو_محمد
الحلقه الخامسه و العشرون
عبير / يا ستى اطلعى و ارقصى عشان تعجبى و ساعتها يا بخته رحيم و يا سعده يا هناه اصلها بتتقاس بالرقص
عماد / انا مش فاهم حاجه
عبير / بص يا عماد انا خلاص اتخنقت و جبت اخرى امك على عينى و راسى بس لكل انسان طاقه و انا خلاص مش قادره
عماد / طب ماما قالتلك ايه بس دايقك
عبير / بقولها مبعرفش ارقص تقولى يا ميله بختك يا عماد ماشى روحى بقى دوريله على رقاصه يتجوزها سى عماد
عماد / ههههههههههههههههه يا ستى عماد راضى اقولك انا اللى هبقى ارقصلك ممكن تهدى بقى
...........................
رحمه / ههههههههههههههههه
عبير / انتوا بتدحكوا انا مش طايقه نفسى
رحمه / خلاص يا ستى اهدى انا هعلمك ازاى ترقصى و اهو ينوبنى ثواب فى الغلبان ده
عبير / والله انا مبعرفش ارقص عاجبه عاجبه مش عاجبه هو حر
عماد / عاجبنى اهدى بقى احنا تقريبا فى الشارع يلا استهدى بالله و اطلعى يلا مامتك فى المحله هتروحى تقعدى لوحدك استنى يا ستى لما ترجع
عبير / انا مخنوقه اوى
عماد / خلاص اطلعى انتى يا رحمه و انا هاخد عبير و اغيرلها مودها و نرجع اطلعى انتى عشان صحباتك
رحمه / اوك
..............
فوق
رحمه تدخل
زينب / ايه كل ده بتعملوا ايه
رحمه / مشيت مع عماد
زينب / وش غم يلا اهى غارت
روقيه تروح تقعد جنب زينب
زينب / ايه يا حبيبتى قعدتى ليه
روقيه / ايه يا زوزه تعبت دانا من ساعه مجيت مقعدتش
زينب / طب دانا لما كنت فى سنك مكنتش بقعد من اول الليله لاخرها و مفيش واحده تقدر تقف قدامى و انا برقص
روقيه / احنا جيل فستك يا زوزه انتى هتقارنى نفسك بينا المهم نسيت اقولك مش انا روحت للخياطه بتاعتك اللى اديتينى رقمها
زينب / و بعدين
روقيه / قالتلى بعد شهر يا خساره فى الفرح بقى اللحق
زينب / ايوه شهر دا كدا تبقى مستعجله اصل الشغل عندها كتير اوى ضرب نار
روقيه / خت بالى بس هى حلوه و شغلها حلو شوفت صور لشويه موديلات انما ايه و هم و كمان اللى نفذته كان احلى بكتير مالجاهز بجد برافو عليها
زينب / هو انا بتعامل مع اى حد
روقيه / لا طبعا امال انا ماشيه وراكى ليه
..............
فى العربيه
عماد / يا ستى هو انتى يعنى دخلتى هندسه بتعرفى تصممى و ترسمى مكل حاجه فى الدنيا بنتعلمها
عبير / انا حره مش هتعلم عند هو ايه يعنى الرقص بقى مقياس يعنى
عماد / والله يابنتى المواقف اللى بتحصل بينك و بين امى دى و لا حاجه بين اللى بتحصل بينها و بين رحمه
عبير / يا سلام على الاقل انا مبكونش موجوده اسمع لا انا و لا صحباتى يعنى اى كلمه بتقولها بتتردم لكن انا اتهزقت النهرده قدام الكل فاهم و لا لا
عماد / معاش و لا كان اللى يهزقك دانا هتهنى
عبير / كل بعقلى حلاوه كل
عماد / بتكلم جد متزعليش انا عارف ان ماما صعبه بس هى امى برده كفايه ان هى اللى ربتنى و كبرتنى تخيلى لولاها كنت اطلع عيل شمام و لا صايع و لا منحرف كنتى هترضى بيا ساعتها
عبير / انا مكنش المفروض امشى صح
عماد / لا هى قالت الكلمه بتشوف هتدايقى و لا لا لو مكنتيش ادايقتى كانت سكتت و عديتى الليله و يمكن مكنوش خدوا بالهم دلوقت بقى كل واحده عماله تسال هى البشمهندسه عبير مشيت ليه هو حماتها قالتلها كدا ليه
عبير / انا مخنوقه اوى
عماد / بصى ايه رايك نروح اى حته ناكل حاجه حلوه و نقعد شويه و نخدلهم حاجه حلوه ونرجع ايه رايك
عبير / ارجع ايه لا طبعا
عماد / يا بنتى طب مهما هيشوفوكى بكره فى الخطوبه هتعملى ايه ساعتها
عبير / معرفش بقى انا مخنوقه و لو مامتك قالتلى اى كلمه تانى بجد مش هيحصل كويس
عماد / لا و على ايه الطيب احسن تعالى نقعد فى اى حته لحد متهدى و نشوف
...............
تانى يوم فى البيت
عماد / انا هروح اخد عبير مالكوافير و نطلع على الكوافير بتاع رحمه حد عاوز حاجه
محمود / ملسه بدرى يابنى رحمه متصلتش
عماد / معلش يا عموا انت عارف انها زعلانه من اللى ماما عملته من امبارح فلو اتاخرت انت عارف
محمد / امشى يا حبيبى ربنا معاك
عفاف / انا جاهزه يا ولاد
محمد / ماشى يلا نطلع احنا عالقاعه يا محمود
محمود / يلا
قدام البيت عربيه رحيم واقفه
عفاف / ايه ده هو رحيم موداش العربيه تتزوق و لا ايه هو
محمد / ملناش دعوه انا قولتله الصبح يروح يزوقها او يشوف هيتزف بانهى عربيه قالى انه مجهز كل حاجه من امبارح و انى مشغلش بالى خلاص ملناش دعوه يلا بينا احنا عشان نستقبل المعازيم ................
قدام كوافير
عماد يركن العربيه و عبير و مامتها يطلعوا مالكوافير لابسه فستان اسود جميل
عماد / ايه الحلاوه دى
عبير / بجد حلوه
عماد/ قمر الاسود منورك خالص
عبير / احنا خلصنا بدرى اهو زى مطلبت هنروح بقى نطلطعلهم فى القاعه لما يخلصوا
عماد / عيب عليكى دانا حجزتلك اللبوم انقح ماللى عملوه فى خطوبتنا و محدش احسن من حد عشان تعرفى ان زعلك غالى اوى عندى
عبير / ربنا يخليك ليا
................
قدام الكوافير عند رحمه
عربيه ليموزين بيضه واقفه و رحيم لابس بدله سيلفر وواقف قدام الباب و فى ايده بوكيه الورد رحمه تطلع لابسه فستان بنفسجى وهم رحيم يقف مسهم
رحمه / ايه مالك
رحيم / انا بقول نطلع عالماذون احسن
رحمه / هههههههههههه
رحيم / انا بجد مش لاقى كلام يوصف جمالك النهرده
رحمه تنكسف
رحيم يفتحلها الباب تركب هى و عفاف و حياه و يطلع بالعربيه ووراه اسطول العربيات و يوصلوا الاستوديو يلاقوا عماد هناك هو و عبير و مامتها
رحيم / انا برن عليك مبتردش ليه
عماد / كنا بنتصور خشوا يلا
عماد يبص بره هو و عبير يلاقوا الليموزين واقفه و عربيات كتير
عماد / ايه ده كلو
زينب / اخوك فاجانا انه حاجز ليموزين و عزم كل صحابه مخلاش واحد عنده عربيه ميمشيش فى الزفه مقولكش ازيك يا عبير معلش مشوفتكيش
عبير / الحمد لله ازى حضرتك
زينب / انا ياختى كويسه الدور و الباقى عالمقموصين اللى شايفينى و مرضيوش يسلموا
هاله/ والله انتوا اللى جايين علينا المفروض تيجى تسلمى علينا
زينب / بجد والله
عماد / جرا ايه يا جماعه وحدوا الله فى قلوبكوا كدا داحنا حتى فى فرح مش كدا يعنى
زينب / مش شايف حماتك بتقول ايه
عماد / الليموزين غيرتك يام عماد
زينب / انت ليك نفس تهزر
عماد / ياما دى خطوبه رحيم الصغير لو ايه حصل باللذى لازم ننبسط هو انتى عندك غيرنا يا حاجه
زينب / من رحمه لعبير يا قلبى لا تحزن
هاله تبص لحياه حياه تبتسملها فتسكت و شويه و رحيم و رحمه يطلعوا من جوه
رحيم / هتتصوروا و لا ايه
عماد / انا حاجز كام كارت نتصور عائلى تعالى يا عبير
عماد و عبير و رحيم و رحمه يتصوروا سوا و بعدين يطلع ينادى على هاله و حياه و زينب يقفوا يتصوروا معاهم
عماد / اخلع انت بقى يا عريس اما اخد صوره مع امى و حماتى و عروستى
رحيم / و كارت على كارتك لاخد كارت معاهم انا كمان و انت احسن منى فى ايه
رحيم يطلع يحجز كارت و يدخل تانى عبير و عماد و هاله يطلعوا بره و رحيم و رحمه و زينب و حياه ياخدوا كارت و يطلعوا
عماد / قلدونا بقى مفيش شخصيه خالص كدا
رحيم يدحك
...............
فى عربيه الزفه
عبير / هو مش انت قايلى ان باباك مبيدفعش جنيه لرحيم الا لما بيديك زيه
عماد / حقيقى
عبير / و انت بتاخد مرتب و مصروف و رحيم مصروف بس
عماد / حصل
عبير/ رحيم اجر ليموزين ازاى
عماد / حضرتك ناسيه ان رحيم واخد البطوله معداش عليها شهر و قايلك ان رحيم لما بياخد بطولات بابا بيديله فلوس و برده متنسيش ان ممكن اوى عموا محمود يكون مزود حاجات من عنده عشان بنته و بعدين احنا اتكلمنا فى الموضوع ده كتير و اتفقنا اننا نقول الحمد لله و نبطل نبص صح و لا ايه رايك يا ماما هاله
هاله / والله يابنى غلبت معاها عمر الطبع ده مكان فيها انا عارفه ايه اللى جرالها اكيد عين و بتدخل بينكوا تقلبها كدا
عبير / ايه اللى بتقوليه ده يا ماما
هاله / يابنتى استهدى بالله عماد مش مقصر فى حاجه و ان كان عالمصاريف فرحيم لسه قدامه سنتين على ميتجوز لكن عماد اللى فى جيبه فى بيته على يدك و لا ايه
عبير / ايوه ده اللى انا كنت عامله حسابه يسلفنى الفلوس عشان فى الاخر يقول هو اللى بيعمل كل حاجه
000000000
عماد / يا مفتريه بزمتك انا قولت كدا و بعدين انا مسلفتكيش حاجه انا حطيت الفلوس فى بيتى قبل ميكون بيتك ماشى و فكيها بقى احنا فى زفه يعنى المفروض تفرفشى و ليكى عليا يا ستى فى الفرح هجيبلك ليموزين تزفنا خلاص
عبير / ربنا يسهل
...............
فى القاعه
قاعه مستطيله طويله و رحيم و رحمه ماشين فى اضاءه خافته و كل ميتحركوا خطوتين بوسترين واحد عاليمين و التانى عالشمال ينزلوا لصور ليهم بارتفاع القاعه و نور متسلط عالبوسترين بس و يمشوا خطوتين تانين بوسترين تانين و هكذا لحد ميوصلوا للدانس فلور مدافع ورد من الاربع اركان تحدف عليهم و الكل يصفر و تبدا اغنيه سلو رحيم يحط ايده حوالين رحمه
رحمه / ايه هتفضل ساكت كتير
رحيم / تصدقى و تؤمنى بايه
رحمه / لا اله الا الله
رحيم / انا سهران طول الليل حاضن ام المخده و عمال بتمرن على كلام رومانسى جامد اقولهولك و احنا بنرقص دلوقت
رحمه / امال ايه اللى حصل
رحيم / اول مبصيت فعنيكى نسيته طار بخ اتبخر كله
رحمه / ههههههههههههههه
رحيم / انتى بتدحكى انا بتكلم جد انا ببذل مجهود رهيب انى اجمع جمله واحده رومانسيه مش عارف
رحمه / انت محسسنى انها اول مره نرقص سلو
رحيم / مش عارف بس انتى النهرده عامله زى الملاك الرقيق اوى طالعه حلوه بزياده انا مش عارف حتى اشيل عينى من عليكى
رحمه / ميرسى انت اللى عنيك حلوه و شايفنى حلوه
رحيم / بصى مالاخر كدا انا بحبك و فرحان ماشى
رحمه / ههههههههههههه ماشى ياسطى
عماد يقرب / عماد من الارض ينادى حول الاغنيه خلصت يا باشمهندسين
رحيم و رحمه يبصوله بصه طويله و يبصوا لبعض و يدحكوا ان الاغنيه فعلا خلصت و هما لسه مكملين رقص الدى جاى ينادى اصحاب العريس و العروسه يرقصوا معاهم
............
على ترابيزه ورا
رامى / انا قايم حد فيكوا جاى معايا
ريهام / انا طبعا
رنا / استنونى انا جايه
رامى / ايه يا روقيه مش جايه
روقيه / ازاى انا بس بدور على حد اعرفه اسلم عليه الاول
ريهام / لو بتدورى على طنط زينب قاعده هناك اهى مع تيته عفاف روحيلها سلمى عليها
روقيه / لا الحقيقه كنت بدور على بشمهندسه عبير
رامى / هناك عالدانسفلور اهى
رنا / انتوا هتقفوا ترغوا انا رايحه
الكل يروح الدانسفلور و روقيه تروح لزينب
............
زينب / اهلا اهلا انا عماله ادور عليكى من ساعه مجيت
روقيه / انا كمان والله معرفتكيش بالفستان ده والله افتكرتك واحده من صحبات عبير
عفاف/ بقولك ايه يا حياه
حياه / ايوه يا ماما
عفاف / ناولينى كوبايه الميه يمكن اعرف ابلع
زينب تبص لعفاف و تطنش و تبص لروقيه
روقيه / انا مش شايفه حاجه من هنا ايه رايك نقرب منهم
رحيم و رحمه يسيبوا الدانس فلور و يجوا يشدوا زينب و حياه و يسيبوا روقيه واقفه جنب عفاف
عفاف / اقعدى يا حبيبتى واقفه ليه
روقيه / ميرسى يا طنط
عفاف / انتى تعرفى رحمه و رحيم من امتى
روقيه / مالكليه
عفاف / اه امال مروحتيش مع صحابك جمبهم ليه
روقيه / انا اصلى مليش فى الزحمه
عفاف / ملكيش فى الزحمه طب خلاص خليكى جنبى هنا بقى فى الروقان انا اصلى مبحبش اقعد لوحدى
روقيه / طبعا يا طنط دا يشرفنى
زينب و حياه يرجعوا
عفاف / هو الرقص خلص بالسرعه دى
زينب / التورته يا طنط هيقطعوا التورته
عفاف / طب اقعدى خلينى اتفرج
تدخل القاعه تورته كبيره حلوه اوى و الاستاف يقطع و يدى لرحيم ياكل رحمه و رحمه تاكل رحيم و بعدين يعمل شوكه واحده و رحمه مترضاش تقرب رحيم ياكلها لوحده و يدحك
زينب / ياختى متاكلى و تخلصينا
عفاف / اصل الحياء نعمه يا زينب
زينب / طبعا طبعا مانا عارفه
.............
فى البيت
رحمه / انا رجلى نااااااااااار مش طيقاها
عفاف/ و لما انتى مش قد الكعب بتلبسيه ليه
رحيم/ القصر يحكم يا ماما
رحمه / ماشى يا فرع
رحيم / و افتخر على العموم بكره تكبرى و تطولى
رحمه / و انت بتسيب لحد حاجه يا راجل دانت حتى يوم الولاده طمعت فيه
رحيم / ههههههههههههههههههههههه
عفاف / حقيقى جيت ابن سبعه عشان حلقت لانت اللى تيجى الاول
رحيم / يا سلام الحق عليا مش احسن مكنت ابقى اصغر منها بشهرين و اسيبها تعنس يعنى انا ضحيت بشهرين فى بطن امى قاعد اكل شارب نايم مانتخ عشانك
رحمه / ياعينى عالتضحيه هههههههههههههههههههه
محمود / انتوا ناوين تكملوا السهره و لا ايه انا ميت مالتعب انا داخل انااام
محمد / انت بتقول فيها متيلا بينا يا زينب
زينب / مش هتستنوا عماد و لا ايه
محمد / زمانه جاى هو بيوصل خطيبته و هيجى علاطول
زينب / ماشى ايه يا رحيم دى خطوبه مش دخله مش ناوى تيجى معانا
رحيم / ناوى بس رجلى مش مطوعانى
رحمه / هههههههههههههههههه حاسه بيك اوى انا بقالى ساعه بحاول اقوم مش عارفه
عفاف / ههههههههههههههه يخيبكوا يا ولاد امال هتعملوا ايه فى الفرح
رحيم / هى الصحه بتيجى لوحدها بقى يا تيته
محمود / طب خليها تيجى ياخويا و قوم بدل مهنام و انا قاعد
عفاف / ربنا يكتر مالفرحه يارب و يبعد عننا الحزن و الهم و الغم و الناس اللى معندهاش دم
عماد يدخل
عماد / انتوا لسه قاعدين ايه انا جاى ميت
زينب / مستنينك يلا تصبحوا على خير
عفاف / و انتوا من اهله
...................
اخر يوم فى الامتحانات
رحمه / ياااااااااه اجازه انا بجد تعبت موت الترم ده
رحيم / ياختى قال اجازه قال انا رايح المكتب تانى عند دكتور اسماعيل
رحمه / طب السنه اللى فاتت روحتله عشان كنت ناوى تخش مدنى فروحت تتمرن لكن السنادى هتروح ليه هتستفيد ايه لما يبعتك الموقع
رامى / ازاى يا بنتى هو مش احنا فى الاول و الاخر مهندسين لازم على الاقل يكون عندنا فكره عن التنفيذ و دا طبعا هيفيدنا اكتر
رحمه / مش مقتنعه
رحيم / متشغليش بالك انتى هو مش كنتى ناويه تاخدى دورات فى الفوتوشوب و الماكس
رحمه / انت مش هتيجى معايا و لا ايه
رحيم / والله هحاول اما نشوف حسب المواعيد
روقيه / خلصتوا كلام فى الهبل ده ممكن بقى تشوفولنا فسحه عدله نغير بيها جو و لا حضراتكوا ملكوش غير فى المزاكره
رحمه / لا النهرده انا باس انا يادوب افرد ضهرى عالسرير و انام
روقيه / و انت يا رحيم
رحيم / شرحه
رامى / ايه الناس دى متبطلوا قفلان بقى
رحيم / معلش يا رامى متعوضه
رامى / ماشى ياعم صح
...........
فى البيت
رحيم و رحمه يدخلوا يلاقوا عبير و هاله قاعدين و فاتحين اللاب
عبير / ايه اخبار الامتحان
رحمه / انا ضهرى اتقطم تمن ساعات عاللوحه ليه يعنى
رحيم / انا كان فاضلى عشر دقايق و اقول احد احد يا جدعان
عبير / لتكونوا فاكرينها بالساهل تعالوا قولولى رايكوا يا بشمهندسين دا ديزاين للاوض عندى بعد محطيت العفش و رسومات الستاير عشان هروح بكره للراجل اديهاله ينفذها
رحمه تروح تلزق فى عبير و تتفرج
رحمه / حلو اوى الرسمه دى و كمان هتليق مع لون العفش بتاعك و السيراميك
زينب / الا صحيح يا ست ام عبير انتى عامله حسابك على كام فى الستاير
هاله / تطلع زى متطلع المهم الحاجه تطلع كويسه
زينب / اصل فى واحد معرفه بيعمل ستاير حلو اوى هو غالى شويه بس مفيش حاجه تغلى على عماد ابنى
هاله / الراجل اللى بنتعامل معاه عارفينه من زمان و عامل لكل بنات صحباتى و كمان صحبات عبير
زينب / ايه ده هو صحبات عبير فى منهم متجوزين
عبير / اه فى منهم اللى اتجوزوا و هما فى الكليه كمان ليه
زينب / ايه ده يعنى انتى اللى كبيره دانا كنت فاكره ان بنات هندسه كلهم بيتاخروا فى الجواز
عماد / دا من حسن حظى يا ماما و لا ايه
زينب / انا هقوم اعمل شاى
عبير تبص لعماد يبتسملها و يهزلها راسه
رحمه / انتى عارفه الصوره دى ناقصها ايه و تبقى تحفه فازتين كبار هنا و لا اقولك لامبدير فاكر يا رحيم للامبدير اللى شوفناه بيتهيالى يبقى تحفه هنا دى حاجه زى الفازه كدا كبيره مليانه لمض ليد بيبقى شكله تحفه كان بكام يا رحيم
رحيم / اللى سالنا عليه كان ب 2000 بس فى رسومات كتير اوى و اسعار كمان
عبير تبص لعماد
رحمه / تعرفى انا كنت محتاره اجيبلكوا ايه هديه خلاص ايه رايك يا رحيم
رحيم / والله فكره جامده خلاص احنا اللى هنجيبهم بس يارب يعجبكوا زوقنا
رحمه / انا هستاذن بقى لحسن انا هموت مالتعب عن اذنكوا
رحمه تقوم
رحيم / انا كمان هدخل انام عن اذنكوا
رحيم يجى يقوم و زينب تدخل
زينب / انت رايح فين مش هتتغدى
رحيم / لما اصحى تصبحى على خير
رحيم يمشى
عبير / طب احنا كدا خلصنا هتوصلنا يا عماد
زينب / مستعجله على ايه مانتوا قاعدين
هاله / معلش اصل لسه هنلف عالنجف
...............................
قبل ماتخرجوا اتفضلوا الروايات الكامله من هنا 👇❤️👇❤️👇
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
روايات كامله وحصريه
🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹
1- روايةبداية الروايه من هنا
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
100- سكريبت جمعتنا الشكولاته الساخنه
101- سكريبت سيف وغزل
102- رواية حب الفرسان الجزء الثالث
104- رواية رعد والقاصر
105- رواية العذراء الحامل
106- رواية اغتصاب البريئه
107- رواية محاولة اغتصاب ليالي
108 - رواية ملكت قلبي
109 - رواية عشقت عمدة الصعيد
110- رواية ذئب الداخليه
111- رواية عشق الزين الجزء الاول
112- رواية زوجي وزوجته
113- رواية نجمة كيان
