رواية مفيش رحمه الفصل السادس والعشرون والسابع والعشرون والثامن والعشرون والتاسع والعشرون والثلاثون بقلم لولو محمد
رواية مفيش رحمه البارت السادس والعشرون والسابع والعشرون والثامن والعشرون والتاسع والعشرون والثلاثون بقلم لولو محمد
رواية مفيش رحمه الجزء السادس والعشرون والسابع والعشرون والثامن والعشرون والتاسع والعشرون والثلاثون بقلم لولو محمد
 |
((((((مفيش رحمه ٢))))))
الحلقه ٢٦
فى الشارع
اميره واقفه قدام المعرض امل تطلعلها
امل / استنيتى كتير
اميره / لا انا رنيتلك عالبوابه اصلا يلا نشوف تاكس
امل تمشى مع مامتها ست مليانه تخبط في امل
الست / مش تفتحى
امل / معلش عن اذنك
الست / انتى كمان مش مستعنيه تعتزرى عدل طب تعالى
الست توقع امل فى الارض و تنزل فيها ضرب اميره تيجى تحوش يطلع تلت ستات تانين يضربوا فى اميره سيد يطلع يجرى على صوت صريخ اميره و امل ميقدرش يحوش يجرى على جوه تانى
......................
فى المعرض
عبير / ايوه بس انا سالت النهرده و انا بجيبه عرفت انك لسه مدفعتهاش
عماد / بكره الصبح هدفعها حاجه تانى
عبير / انا هفتح المحل بتاعى تانى
عماد / و انا مالى
عبير / حاجتى اللى عندك
عماد / هههههههههههههههههههههههه انا خدت منك حاجه
عبير / و ماله خليهالك هجيب غيرها
عماد / ربنا يوفقك حاجه تانى
عبير / انت صحيح هتتجوز امل
عماد / ليكى فيه
عبير / بطمن بس
عماد / انتى متخيله كميه المعاناه اللى بحس بيها و انتى قدامى
عبير / ههههههههههههههه ليه وحشتك
عماد / لا مش طايق اشوفك و لا اسمع نفسك
عبير / يا حبيبى و انا كمان والله
سيد يدخل
سيد / اللحق يا عمده فى ستات بيتخانقوا مع الست اميره و امل
عماد يفتح الخزنه و ياخد مسدس و يسيب الخزنه مفتوحه و يطلع يجرى
عبير تاخد رزمتين و تحطهم فى شنطتها و تطلع وراه عماد يضرب اربع طلقات فى الهوا الستات يجروا ينطوا فى عربيه نص نقل بيضا منغير نمر و تطير بيهم عماد يجرى على امل فى الارض و هدومها مقطعه و هى فاقده الوعى و اميره بتنزف عماد يقلع قميصه و يلبسه لامل
عماد / اطلب الاسعاف بسرعه
عبير / طلبتهم طلبتهم
عماد يبص لعبير سيد يجرى جايب مفرش من جوه عماد يلف بيه امل و يحطها فى العربيه
و سيد يسند اميره معاه و يطلع بالعربيه جرى زينب تنزل تجرى
زينب / هو فى ايه يا مصيبتى ايه اللى حصل
سيد / محدش يعرف اربع ستات اتهجموا عليهم
زينب / يلهوى يا لهوى
زينب تبص لعبير
عبير / متقلقيش يا ماما باذن الله هتبقى بخير
تليفون عبير يرن
عبير / الو ... اسفه والله اتاخرت عارفه بس حصلت شويه ظروف كدا .... لا هاجى ثوانى بس مسافه السكه
سيد / انا اتصلت بالحاج محمد هو فى الطريق
زينب / انتى رايحه فين
عبير / عندى شغل مهم اوى معلش خلى محمود معاكى اى اخبار طمنينى
عبير تمشى جرى
زينب / انا هطلع اللبس و اروحلهم المستشفى
سيد / انا هدخل اقفل المعرض و اجى اوصلك
زينب / كتر خيرك يا سيد
سيد يدخل المكتب يلاقى الخزنه مفتوحه يقفلها و يقفل المكتب و يقفل المعرض
......................
فى كافيه
طارق قاعد عبير تقعد معاه
عبير / مش هتصدق اللى حصل النهرده
طارق / خير
عبير / امل و امها اتخانقوا مع شويه ستات شوارع عجنوهم مالضرب
طارق / لا اله الا الله ليه بس كدا
عبير / مستنى ايه يعنى من اتنين زى دول سيبك انت المهم كنت عاوزنى فى ايه و ايه اللى مينفعش فى التليفون
طارق / بصى بعد فتره تفكير طويله و اللحاح قررت انى اتجرا و افاتحك فى الموضوع
عبير / موضوع ايه
طارق / انتى عارفه ظروفى و عارفه انى ربنا مكرمنيش بالخلفه عشان ظروف ايناس و عارفه انها عملت عمليه و شالت الرحم
عبير / اللهم احفظنا الله يعينكوا
طارق / انا عارف انه مش وقته بس هى الحقيقه اتكلمت معايا و هى شايفه انه وقت مناسب
عبير / وقت مناسب لايه انا مش فاهمه
طارق / انا بقول يعنى لو تقبلى تكونى شريكه حياتى يبقى اكيد
عبير / طارق
طارق / انا عارف ان الظروف عندك و عندى و عارف انى متجوز و انى مش هقدر انفصل بس
عبير / لا لا مش الموضوع انا بس اتفاجئت يعنى انت حتى عمرك ملمحتلى حتى انك معجب بيا
طارق / انا فاشل فى المواقف دى الصراحه بس انا قولت اكلمك عشان احدد معاد مع والدتك
عبير / طب ايناس
طارق / مش هكدب عليكى هى اللى شجعتنى عالفكره و كانت بتعرض كمان ان هى اللى تبلغك
عبير / لا انا اقصد يعنى بص انا مبدئيا مقدرش ارفض شخصيه محترمه زيك كطارق يعنى بس الظروف فعلا موترانى يعنى انا مش عارفه هتبقى ازاى يعنى هتجيبلى شقه و تبقى تلت ايام عندى و تلاته عندها و لا ايه انا مش عارفه هو الكلام ده سابق لاوانه و لا لا و ابنى ظروفه هتبقى ايه انا مش عارفه انا ملخبطه اوى
طارق / انا عاوز اقولك انى مش هقدر اسيب ايناس تبات لوحدها فى البيت و لو ليله واحده
عبير / يعنى ايه
طارق / ايناس ملهاش غيرى و زى مقولتلك ايامها معدوده و مقدرش اسيبها فى اى وقت يجرالها حاجه انا مش عارف بس انا متاكد انك بنت اصول و هتفهمى
عبير / انتى عاوزنى انا و ايناس فى شقه واحده هى هتقول ايه
طارق / انا مبعرضش عليكى حاجه الا لو كانت ايناس موافقه
عبير / ايناس لازم هتوافق عشان ظروفها بس من جواها ايه
طارق / اللى اقدر اقوله ان اكيد هيبقى صعب تبقى لوحدها و ان ده الحل الوحيد انا كنت رافض فكره الجواز منغيرها بس هى مش قابله انى استنى و انا كمان مش هخبى عليكى لما بشوف الاطفال بتعب اوى
عبير / و اشمعن انا
...........................
طارق / عشان احنا اصدقاء احنا الاتنين فاهمين بعض و عارفين ظروف بعض عشان انتى هتفهمى اللى بحس بيه و مش هتظلمينى و لا تظلمى ايناس
عبير / انا مش عارفه ارد
طارق / خدى وقتك فى التفكير
عبير /انا لازم اقوم هتكلم مع ماما و ارد عليك
طارق / هستنى
عبير / عن اذنك
.....................
فى المستشفى
رحمه / ايه اللى حصل
عماد / تفتكرى ايه اللى حصل
رحمه / بيقولو اتخانقوا مع ستات فى الشارع
عماد / و انتى صدقتى هو انتى لو اتخانقتى مع واحده فى الشارع هيبقى كل همها انها تقلعك هدومك او تسقطك تفتكرى يعنى صدفه كل اللى حصل صدفه
زينب / قصدك ايه فى حد مسلط عليهم
عماد / ياترى مين يا ماما يا ترى مين له مصلحه فى اللى حصل النهرده
زينب / اوعى يا عماد اوعى تبصلى كدا انا ممكن اكره اه اشتم اه لكن اقتل لا لا يا عماد يابن بطنى لا انا بخاف ربنا
عماد / اهم حاجه يا امى اننا كلنا نخاف ربنا عشان هو الوحيد اللى هيحاسبنا
دكتوره تطلع من اوضه جوه
الدكتوره / الحله مستقره الحمد لله كلها كدمات و ردود سطحيه
رحيم / الحمد لله
عماد يجرى يدخل يلاقى امل بتعيط يجرى عليها
امل / ماما فين
عماد / هتبقى كويسه بيكشفوا عليها لسه
امل / لا ماما مش كويسه انا سمعتها بتصرخ بطنى لا
عماد / هتبقى كويسه ان شاء الله متخافيش انتى عامله ايه
امل / انا تعبانه اوى بجد مش قادره
رحيم يدخل و زينب وراه معاها رحمه
رحيم / الف حمدالله عالسلامه
امل تمسح دموعها
امل / الله يسلمك
رحمه / قلقت عليكى موت ايه اللى حصل
امينه تدخل و معاها مصطفى و محمد
محمد / ايه اللى حصل
امل / ضربونا جامد اوى يا بابا ضربونا اوى
محمد يبص لزينب
زينب / هو فى ايه كلكوا بتبصولى ليه و ربنا مانا و غلاوه عيالى مانا
محمد / و اتحمقتى كدا ليه محدش كلمك
زينب / مش لازم تكلمنى باينه اوى فى عنيك عن اذنكوا
امينه / ماما فين
عماد / لسه فى العمليات
امل تعيط بحرقه امينه تروح تحضنها و رحمه تطبطب عليها
عماد / هو مش المفروض بوليس يجى او اى منظر و لا ايه
مصطفى / مش عارف
..................
فى البيت تانى يوم
عماد و امينه مسندين امل و محمد و رحيم مسندين اميره مبتنطقش يدخلوا شقه رحمه
رحمه / الف حمدالله عالسلامه انا عمله غدى عشانكوا وقت متحبوا اغرف
امينه / متتعبيش نفسك احنا هنريح حبه و هنطلعهم على فوق
عبير تدخل
عبير / الف حمدالله عالسلامه الف حمدالله عالسلامه انا بجد مش عارفه اقول ايه منهم لله الستات دول انا مش متخيله ان فى حد بالوحشيه دى
امينه / حقيقى مش متخيله يكون فى حد بالقرف ده
عبير / انتوا مش بلغتوا البوليس و لا معملتوش محضر اديتوهم اوصاف الستات دول
عماد / انا بقول نطلع فوق احسن عشان ترتاحوا
اميره تهز راسها و الكل يطلع
.................
فى المعرض
عماد يدخل المكتب و يفتح الخزنه و يحط المسدس و يقفلها تانى سيد يدخل
سيد / ايه الاخبار
عماد / زى مانت شايف مفيش اخبار فى الشغل
سيد / الحمد لله فى كام اوضه اتباعوا و الوصولات موجوده و الفلوس فى الدرج معيش مفتاح الخزنه احطهم فيها
عماد / و لا يهمك يا سيد و لا يهمك انا هقفل الحسابات و اظبط الورق
سيد / تشرب حاجه
عماد / قهوه ساده
سيد / حاضر
عماد يقفل الحسابات و يفتح الخزنه و يطلع الفلوس و يعدها يلاقى الحساب ناقص يقعد يعيد تانى
........................
فى شقه اميره
محمد / شوفتى انا جبتلك ايه
اميره تهز راسها
محمد / قدر الله و ما شاء فعل
اميره تهز راسها
محمد / الحمد لله انك قومتى بالسلامه
اميره تهز راسها
محمد / لعله خير يا اميره لعل الولد ده كان هيبقى سبب تعبنا انا و انتى او يمكن كنا هنموت و نسيبه لوحده
اميره / انا فرحانه ان ربنا خده فرحانه انه متولدش فى الجو ده
محمد / امال مالك زعلانه عشان مش هتخلفى تانى يا ستى الحمد لله عندنا بدل العيل خمسه
اميره / انا مش فاهمه اللى عملوا كدا استفادوا ايه انا و بنتى اذيناهم فى ايه
محمد / حقك عليا انا
جرس الباب يضرب امينه تفتح تلاقى عماد
امينه / ازيك اتفضل
عماد / امل كويسه
امينه / اه الحمد لله اناديهالك
عماد / لا انا عاوز بابا الاول ممكن
امينه / طب اقعد ثوانى اجيبه تشرب حاجه
عماد / انا مش ضيف
امينه تدخل و محمد يطلع
محمد / خير
عماد / هو حضرتك سحبت فلوس مالخزنه
محمد / لا
عماد / فى عشرين الف ناقصين انا عدت الحسابات اكتر من اربع مرات
محمد / قصدك ايه
عماد / مش عارف انا و حضرتك بس اللى معانا المفتاح و انا مبخدش جنيه الا لما بكتبه
محمد / انت شاكك فى حد
عماد / مش عارف
محمد / خلاص انا مش ناقص دماغى فيا
عماد / خلاص انا اسف انا هتصرف عن اذنك
محمد / انت ناوى تكتب على امل امتى
عماد / ايه ده بجد
محمد / ايوه
عماد / امبارح
محمد / خلاص اتكلم معاها و حددوا معاد فرحكوا هيبقى مع امينه و مصطفى
عماد / دا لسه شهرين
محمد / ههههههههههههه مستعجل اوى
عماد / يعنى هههههههههههه
محمد / كلمها بس الاول هى نفسيتها زفت و محتاجاك دلوقت
عماد / ممكن تناديها
محمد يهز راسه و يقوم يدخل امل تطلع
عماد / ايه هو انا موحشتكيش و لا ايه مبتساليش ليه
امل / وحشتنى
عماد / امال فينك
امل / موجوده
عماد / مالك يا بت مديانى الوش الخشب ليه
امل تعيط
عماد / ينهار اسود طب لو حضنتك و ابويا قفشنى دلوقت موقفى هيبقى ايه
امل تدحك
عماد / ايه ده خلاص كدا كنتى استنى اما احضن طيب كنت هبقى بصالحك
امل / بطل بقى
عماد / بتعيطى ليه يا هبله
امل / مخنوقه ماللى حصل
عماد / مخنوقه؟؟؟؟ انا هولع طب ايدى تقع على ابن الكلب اللى عمل كدا
امل / مهو ده اللى خانقنى انى مش عارفه مين اللى كارهنى اوى كدا عقلى هيتجن
عماد / شاكه فمين
امل / و دى المشكله انى مش هقولك زى مقولت للظابط مليش اعداء لا انا اللى بيكرهونى كتير هشام و احمد و فريده و
عماد / و ماما و عبير مش كدا
امل / انا مقولتش كدا
عماد / انا قولت بصى
امل تبصله
عماد / تتجوزينى
امل / وقتك انت
عماد / لا بجد تتجوزينى ايه رايك هنعمل فرح و نسافر شهر عسل محصلش هننسى كل اللى حصل
امل / انت فايق اوى
عماد / اى كان اللى عمل كدا افضل عقاب ليه انه يشوفنا سوا يشوفنا بندحك و مبسوطين و مش فارق معانا حاجه
امل / انا تعبت
عماد / انا بقول نكتب الكتاب الخميس الجاى وش كدا ايه رايك
امل / ماما يا عماد
عماد / هتكون وقفت على رجليها خليها تفرح و انا كمان والله نفسى افرح اوى
امل / استاذن بابا الاول
عماد / خلاص اتفقنا سلام
عماد يجى يمشى يرجع تانى
عماد / انا عارف انه مش وقته بس انتى اخر مره راجعتى الحسابات امتى
امل / اممم يوم الحادثه قبل ممشى انت دخلت و انا بقفلها
عماد / كان فى حاجه ناقصه ؟؟؟
امل / لا هو فى حاجه ناقصه ؟؟؟
عماد / مبلغ هايف بس مش دى المشكله
امل / امال ايه المشكله
عماد / المشكله انى مبحبش يبقى بينا حرامى يا امل
امل / قولتلك ركب كاميرا فى المكتب قولتلى بحب اخد راحتى
عماد / كان عندك حق ماشى يا قلبى خدى بالك من نفسك و انا هبقى اعدى عليكى بالليل
امل / خد بالك من نفسك
عماد / سلام
............................
يوم الخميس الصبح
اميره نازله عالسلم هى و بناتها
امينه / اسبقونى هخبط على رحمه يمكن تحب تيجى معانا
امل / ماشى
امل و اميره ينزلوا و امينه تقف لحد مينزلوا و تروح تخبط على زينب تفتح
زينب / اهلا خير
امينه / احنا رايحين للكوافير لو تحبى تيجى معانا
زينب / والله الواحد بقى يشوف العجب فى البيت ده هى امك لحقت تقوم مالسرير عشان تنزل عالكوافير
امينه / لا هو العجب انك متروحيش الكوافير يوم كتب كتاب ابنك و لا ايه يام العريس انا هروح بقى اشوف رحمه هتيجى و لا لا
امينه تروح تخبط على رحمه تفتحلها و زينب واقفه
امينه / هتيجى الكوافير
رحمه تبص على زينب
رحمه / مش هينفع يا امينه هزوق نفسى فى البيت و خلاص
زينب تبرق اكتر
رحمه / معلش روحوا انتوا
امينه / خلاص ماشى سلام
امينه تنزل و رحمه واقفه تبص على زينب زينب تدخل و ترزع الباب فى وشها
زينب / بقى كدا يا عماد دى اخرتها ماشى حقك يابنى حقك و حتى انت يا رحيم انت كمان بتعمل فى امك كدا ماشى خلاص ان كان دا اخر كلام عندكوا فانتوا لسه متعرفونيش زينب تجرى عالباب و تفتحه و تحط المفتاح فيه و تفضل تحركه لحد ميتقطم زينب تطلع البلكونه
زينب / سيد ... سيد
سيد يطلع مالعرض
زينب / المفتاح اتكسر فى الكالون يا سيد معلش تبعتلى حد يشوفه
سيد / ثوانى هجيب واحد تانى و اجيلك يا ست الكل
زينب / تعيش يا سيد
.....................
فى الكليه
رحيم / يعنى ايه مقولتلهاش يعنى ايه مش فاهم انا
عماد / معرفش بقى
رحيم / انت عبيط يا عماد وقت جنانك ده و ابوك فين من كل ده
عماد / بابا قالى ان هو اللى هيكلمها
رحيم / امتى بقى امتى اذا كان كتب الكتاب بعد العصر هيقولها امتى العصر انت و ابوك و عمايلكوا و انا اللى بروح فى الرجلين انا و رحمه
عماد / و انت مالك انت لسه عارف امبارح بالليل
رحيم / قال يعنى مكنتش مقصوده عشان ملحقش اقول لماما
عماد / عليك نور بنرفع من عليك الحرج
رحيم / اقولك يا عماد براحتك انا هاخد اذن و اروح لامى و افضل جنبها و اعملوا اللى يعجبكوا بقى
عماد / براحتك
....................
(((((((مفيش رحمه ٢)))))))
#لولو_محمد
الحلقه ٢٧
رحيم / يعنى ايه مقولتلهاش يعنى ايه مش فاهم انا
عماد / معرفش بقى
رحيم / انت عبيط يا عماد وقت جنانك ده و ابوك فين من كل ده
عماد / بابا قالى ان هو اللى هيكلمها
رحيم / امتى بقى امتى اذا كان كتب الكتاب بعد العصر هيقولها امتى العصر انت و ابوك و عمايلكوا و انا اللى بروح فى الرجلين انا و رحمه
عماد / و انت مالك انت لسه عارف امبارح بالليل
رحيم / قال يعنى مكنتش مقصوده عشان ملحقش اقول لماما
عماد / عليك نور بنرفع من عليك الحرج
رحيم / اقولك يا عماد براحتك انا هاخد اذن و اروح لامى و افضل جنبها و اعملوا اللى يعجبكوا بقى
عماد / براحتك
....................
فى البيت
زينب/ تسلم ايدك يا سيد والله منغيرك مش عارفه كنت عملت ايه
سيد / تؤمرى يا ست الكل اتفضلى المفاتيح
زينب / امال عماد فين مش كان طلع معاك
سيد / هو العريس فاضى الليله ليلته بقى
زينب / ههههههههههههههه الله يعنى هو اكمن كتب كتابه النهرده يقوم يسيب الشغل كلو على دماغك
سيد / والله يا ست الكل دا كانى انا اللى بتجوز و الله الست امل جدعه و بنت حلال و تستاهل كل خير
زينب / كتر خيرك يا سيد خد دول عشانك
سيد / عيب يا ست الكل انا خيرك سابق
زينب / خد يا سيد متكسفنيش دانا زى امك برضه
سيد ياخد الفلوس
سيد / كتر خيرك يا ست الكل بالاذن انا بقى
سيد ينزل و محمد نازل عالسلم
زينب / صباح الخير نموسيتك كحلى
محمد / صباح النور خير كان فى ايه
زينب / المفتاح اتكسر فى الباب نديت سيد يصلحه
محمد / خير مفعلتى كنت عاوزك
زينب / و انا فى ديك الساعه اتفضل اتفضل
محمد يدخل و زينب تقعد فى منتهى البرود
زينب / فطرت اعملك حاجه تشربها
محمد / كتر خيرك مش عاوز اتعبك انا عديت عليكى امبارح لقيتك نايمه
زينب / امتى ده
محمد / الساعه اتناشر و تلت كدا
زينب / اه ياخويا الصداع كان هيموتنى امبارح خدت حبايتين و نمت مصحيتش غير من شويه
محمد / كنا عاوزين نقولك ان عماد استاذنى يعنى يعمل كتب كتابه
زينب / على امل اه مانا عرفت الف الف مبروك انا حتى كنت هدخل اللبس و اروح للكوافير دا يوم المنى
محمد / بجد يا زينب
زينب / امال ياخويا دا ابنى الكبير هو انا عندى اغلى منه
محمد / ربنا يخليكى يا زينب و يهديكى و يبارك فيكى
زينب / انا بس كنت عاتبه عليكوا دانا امه اعرف اخر واحده
محمد / والله يا زوزو الموضوع جه فجاه احنا اتفقنا امبارح بالليل و حتى رحيم ميعرفش غير بالليل لما لقيتك نايمه و نزل الصبح بدرى عشان الكليه
زينب / ولا يهمك ياخويا
محمد / تحبى اوصلك الكوافير فى طريقى انا رايح اخلص شويه حاجات
زينب / مش عاوزه اعطلك انا لسه هلبس
محمد / و لا عطله و لا حاجه انا هنزل ابص عالمعرض على متلبسى
زينب / ماشى
محمد ينزل و زينب تدخل تلبس
.....................
قدام الكوافير
زينب / ايوه بس هنا
محمد / كلمينى اول متخلصى هاجى اخدك
زينب تبص فى شنطتها
زينب / يا خبر
محمد / خير
زينب / نسيت البوك فى البيت دا جواه الموبايل و الفلوس
محمد / الحمد لله انك اتاكدتى قبل متنزلى خدى خلى دول معاكى و خلى موبايلى كمان و انا هروح اخد موبايلك اخليه معايا
زينب / كتر خيرك ياخويا بس ملوش لزوم الموبايل خليه معاك اكيد الناس هتتصل عليك النهرده بالكوم و انت عارف مفيش شبكه جوه
محمد / خلاص هعدى عليكى على اتنين و نص كدا تكونى خلصتى
زينب / ان شاء الله و لو جد جديد هبقى اكلمك من تليفون اى حد و شكرا عالفلوس
محمد / انتى تؤمرى هو انا عندى كام زينب
زينب / سلام
زينب تنزل مالعربيه و تدخل الكوافير و محمد يمشى
......................
فى البيت
رحيم بيضرب الجرس على زينب محدش بيفتح رحمه تفتح
رحمه / انت جيت يا رحيم
رحيم / هى ماما مبتفتحش ليه
رحمه / نزلت مع عموا محمد راحت الكوافير
رحيم / بجد بالبساطه دى
رحمه / انا سمعتهم بيدحكوا عالسلم فتحت اشوف فى ايه قالتلى
رحيم / مش مرتاح
رحمه / و لا انا بس يمكن ربنا هداها و لا حاجه
رحيم / يمكن انا هكلمها فى التليفون اطمن عليها خشى خشى
رحيم يدخل و رحمه تقفل الباب و يتصل بمامته يسمع رنه التليفون فى الشقه يتصل بابوه
رحيم / ايوه يا بابا ازيك .... انا الحمد لله هى ماما صحيح فى الكوافير .... اصل موبايلها .... نسيته اه ...وصلتها بنفسك ... طب الحمد لله ..... لا لا انا بطمن بس اصلى رجعت مالكليه جرى اول معماد قالى انكوا مقولتولهاش .... يا سلام مش معقول ..... بالبساطه دى ..... ربنا يهدى .... لا ازاى الحمد لله طبعا الحمد لله ..... اه اشوفكوا فى الكافيه بقى سلام
.........................
فى كافيه كبير
امينه واقفه هى و رحمه و امل لابسه فستان ابيض سواريه سمبل اوى دانتيل بحزام دهبى و طرحه دهبى و بنات كتير تانين
امينه /سبقتينى يا كلبه
رحمه / صحيح مكنا عملناه النهرده و خلصنا
امينه / مصطفى مرداش قالى خليلنا يوم لوحدينا هو اصلا مش مقتنع ان النهرده هيعدى على خير
رحمه / بصراحه و لا انا
امل / عن اذنكوا
رحمه / شكلنا عكينا صح
امينه / لا دى بتكلم فى التليفون تلاقيها بتتصل بعمده
رحمه / انا كمان هروح اكلم رحيم معرفش اختفى فجاه
..................
فى الكوافير
محمد / مشيت امتى
بنت / هى اصلا كانت جايه ترسم مانيكير مخدتش عشر دقايق و مشيت
محمد / منكير ماشى شكرا عن اذنك
محمد يطلع قافل وشه يركب العربيه
رحيم /ايه لسه مخلصتش و لا ايه
محمد/ اطلع عالبيت
رحيم/ عماد بيتصل كل عشر دقايق يستعجلنا الماذون وصل
محمد / امك قعدت فى الكوافير عشر دقايق بس و مشيت
رحيم / الله انا قولت والله محدش صدقنى
محمد / تعرف تسوق و انت ساكت
رحيم يسوق عالبيت محمد ينزل يجرى و رحيم وراه يطلعوا الشقه يخبطوا محدش يفتح محمد يطلع مفتاحه و يحاول يفتح الباب ميتفتحش
رحيم / ميمكن قافله بالترباس
محمد / المفتاح مبيفتحش اصلا
محمد يمسك الموبايل
محمد / ايوه يا سيد انت صلحت الكالون النهرده .... غيرته خالص .... لا لا مفيش انا بس اتخضيت لما لقيت المفتاح مبيفتحش .... لا مفيش سلام ... سلام .... اكسر الباب يا رحيم
رحيم / بتقول ايه يا بابا
محمد / اكسر الباب بقولك
رحيم يخبط الباب كتف التانى التالت يتكسر يدخلوا يدوروا فى البيت محمد يدخل اوضه النوم يلاقى شكمجيه الدهب عالسرير مفتوحه و فاضيه و جواها ورقه رحيم يدخل و معاه موبايل
رحيم / لقيت تليفونها
محمد / زى معتبرتوا ان ملكوش ام انا كمان اعتبرت ان مليش ولاد و شكرا لحد كدا
رحيم / انا قولت انا قولت مستحيل
محمد / ماشى
محمد يتصل بالتليفون
محمد / ايوه يا عماد ....لا معلش ماما اتاخرت شويه فى الكوافير معلش
رحيم / بابا
محمد / لا متستنوناش متعطلش الراجل اكتر من كدا
رحيم / ميصحش كدا يا بابا
محمد يشاور لرحيم بغضب اسكت رحيم يطلع بره الاوضه و يدخل تانى و هو بينفخ
محمد / اسمع اللى بقولك عليه خلى ابراهيم وكيل امل و خلص يلا معلش الكوافير زحمه الخميس و انت عارف امك مكنتش حاجزه
رحيم واقف هيطق
محمد / سلام ... سلام
رحيم / انت بتتكلم بجد
محمد / لو امك فاكره انها هتلويلى دراعى فانا هكسرلها دماغها
رحيم / دى امى
محمد / خلاص روح وراها
رحيم يبص لابوه و هو مش مستوعب
محمد / انا ورايا فرح و لازم احضره و اللى مش هيحضر ميلزمنيش
رحيم / بابا انت بتتكلم جد
محمد / لما امك تشتغلنى و تدحك عليا و تلبسنى العمه يبقى تستلقى وعدها بقى انا هفضل ساكت للعب العيال ده لحد امتى
....................
فى الكافيه
الكل بيزرغط محمد داخل عماد و امل يروحوله يحضنهم و رحيم داخل ورا ببطئ رحمه تروحله
محمد / الف مبروك يا ولاد
عماد / ماما فين
محمد / اتخانقت مع الكوافيره و سابتها و مشيت و روحت
عماد / مجتش ليه
محمد / مانت عارف امك عايقه مبتظهرش فى المناسبات الا لو كانت عشره على عشره
عماد / كان المفروض نقولها من بدرى عشان تحجز صح
محمد / حصل خير الف الف مبروك ابقى راضيها لما تروح بقى
عماد يهز راسه
الناحيه التانيه مصطفى يروح لرحيم
رحمه / طب هتعمل ايه
مصطفى / خير فى ايه شكلك مش مظبوط
رحيم / ماما هربت تانى
مصطفى / هههههههههههه
رحمه / انت بتدحك
مصطفى / انا قولت لعماد اللى بتعمله مش هيعدى على خير بس هو مسمعش الكلام
رحيم / المرادى بابا شايط بيقول مش هتعدى بالساهل
مصطفى / لا الاكتر بقى يا حلو ان النهرده الخميس يعنى لازم تستنى لما البنك يفتح بقى عشان اشوف الكريدت
محمد يدخل
محمد / لا المرادى انا عاوزك توقفه
مصطفى / عموا
محمد / ايوه انا عاوز اى كريدت تبعى يتوقف
رحيم / طب نتكلم بعدين الناس هتاخد بالها
رحمه / مسكينه امل
رحيم / مسكين عماد
رحمه تطبطب على رحيم
رحيم / العيال فين
رحمه / هناك
...................
فى البيت
عماد / انتوا بتهزروا و لا بتتكلموا جد
رحيم / خش دور عليها بنفسك
عماد / بابا قول حاجه
محمد / بقولك ايه هى مش كل متتقمص تختفى و نقعد ندور عليها خلاص هتلاقيها بتستجم هنا و لا هنا
عماد / يا بابا انت ازاى هادى كدا ممكن جرالها حاجه
محمد / انا اللى هيجرالى حاجه من عمايل امك انا كنت فاكر انك اول واحد هتفهم
رحيم / انا بقى اللى بجد مش فاهم كل حاجه بتحصل فى البيت ده غلط و مع كدا محدش بيسمع
محمد / كان غلط لما اتجوزت و غلط لما مراتى حملت و غلط لما سقطت و شالت الرحم و غلط لما اخوك طلق مراته اللى بتخونه و حب واحده تانيه كل ذنبها انها بنت مراتى مش كدا
رحيم / لا يا بابا مش كدا
...........................
محمد / امال ايه
رحيم / الغلط ان حضرتك لما اتجوزت اتجوزت فى السر و فاجاتنا كلنا زى كل قراراتكوا سواء حضرتك او عماد هوب انا اتجوزت هوب مراتى حامل هوب عماد بكره كتب كتابه
عماد / انا بس قولت انى هخطبها اديك شوفت اللى جرالها
رحيم / و اديك اتجوزتها و شوفت انت اللى جرالنا
عماد / المطلوب منى ايه عشان اعيش هو انا لازم افضل ساكت لحد امتى ليه محدش عاوز يسمع الهانم الزباله هتتجوز و انا قاعد جنب امى بندب حظى يعنى هو ده المطلوب
رحيم / هانم مين
محمد / عبير هتتجوز
عماد / اه امها اتصلت بيا و قالتلى ان البيه المبجل سى طارق اللى مكنش بينهم حاجه و انا اللى ظالمها فجاه قرر انه يتقدم و يتجوزها بس ازاى انت اولى يابنى و عشان ابنك ميترباش فى حضن حد غريب و كلام هبل ملوش تلاتين لازمه
رحيم / تقوم انت تسبقها و تتجوز متولع عبير يابنى خلينا فى امك
عماد / امك مبقيه عبير علينا.... عليا ... لمجرد ان بقى فى عدو مشترك ليهم اتفقوا مع بعض اتفقوا عليا
رحيم / و اخرتها
محمد / اخرتها كل واحد ينام عالجنب اللى يريحه البيت ده مفتوح لاهله اللى عاوز يعيش فيه اهلا و سهلا و اللى مش عاوز الباب يفوت مليون جمل انا طالع انام انا لو منك يا عماد اطلع لعروستى دى غلبانه و يتيمه بلاش تبوظ فرحتها
محمد يطلع
رحيم / هو النهرده كان كتب كتاب و لا دخله فى حياتكوا اللى الواحد مش فاهم فيها حاجه
عماد / احنا مش هنعمل فرح قولنا كتب كتاب عالديق و خلاص
رحيم / والله طب كويس جدا انى عرفت انا بدات احس انى غريب عنكوا قولى كدا تانى هو انا اخوك اه اه معلش نسيت
عماد / يا رحيم افهم انا بحاول ابعدك عن المشاكل
رحيم / احسن برده البعد احسن تصبح على خير انا داخل انام
عماد / تصبح على خير
عماد يطلع و رحيم يدخل اوضته يلاقى رحمه قاعده عالسرير
رحمه / كل ده زعيق
رحيم / انا اتخنقت و بجد بفكر نعزل من هنا نروح فى اى حته تانيه
رحمه / هتسيب اهلك و تروح فين يعنى يا رحيم
رحيم / اى حته انا تعبت كلو بيعاند مع بعضوا و انا فى النص
رحمه / بس اخوك محتاجك
رحيم / مش باين
رحمه / لا محتاجك عماد مجروح كل حاجه ضده و هو واقف لوحده بيدارى ضعفه انا حاسه بيه
رحيم / وغلاوه العيال مفايقلك
رحمه / عماد بعد اللى عبير عملته مكنش قدامه غير امل هى اللى كانت فضياله و حسسته بان الدنيا احسن
رحيم / طب تانى كدا والنبى هو عماد عرف منين ان عبير بتكلم طارق مش من امل برده مين اللى كتبت ع قد كدا على ضهرها عشان تستفز عبير مش امل مين اللى اتصلت بسى زفت ده عشان يجى الفرح و عماد يشوفه فيشيط مش ست امل
رحمه / بس مراحتش لعماد جتلك
رحيم / والله انتى هتفضلى طول عمرك هبله
رحمه / يا رحيم حس بالناس مش كلهم وحشين
رحيم / انتى ازاى شايفه الكل ملايكه كدا من عبير لامل يا قلبى لا تحزن
رحمه / تفتكر اللى حصل مع امل و طنط اميره مامتك اللى عملته فعلا زى مهما فاكرين
رحيم / ايه الجنان ده مين اللى قال كدا انا امى عمرها متعمل كدا ابدا
رحمه / اصل متزعلش منى هى اكتر واحده مستفيده من سقوط طنط اميره
رحيم / يا شيخه و مين قالك ان المقصوده كانت طنط اميره ليه مش امل نفسها ميمكن سى زفت هشام هو اللى عمل كدا لما ملقاش فى امل منها و لا يمكن اخوها اللى زهق منها كل شويه تطلب فلوس
رحمه / لا احمد ميعملش كدا احمد بيحبها هو بس بيخاف من اخته التانيه تفتح عليه فاتوحه
رحيم / طب ميمكن اخته التانيه دى لما لقت امل كل شويه تطلب فلوس قررت تربيها اشمعن سبتوا كل دول و مسكتوا فى امى
رحمه / معرفش انا بقولك اللى حسيته من كلامهم كلهم
رحيم / انتى اصلا طيبه اوى و اى حاجه بتتقالك بتصدقيها
رحمه / انا كمان بدات اتوتر اوى يا رحيم الجو فعلا بقى مرعب
رحيم / سيبيها لله انا اصلا مش فايق للكلام ده دلوقت انا بفكر فى امى و اللى عملته ده
رحمه / متخافش عليها انا متاكده انها فى فندق زى المره اللى فاتت و هيطلع قلقنا عالفاضى
رحمه تلف و تنام و رحيم يبصلها
رحيم / و الله انا اللى مفيش حد حاسس بيا
....................
فى شقه عماد
عماد نايم عالسرير و ساند ضهره عالمخده و امل تدخل الاوضه و معاها عصير ليمون
امل / عملتلك لمون تروق دمك
عماد مبيردش و امل تحط العصير عالكوميدينو و تروح تقعد قدام المرايه تسرح شعرها
امل / ماما قالتلى انها عملت كدا قبل كدا و طلعت فى الاخر فى فندق
عماد يبص لامل و يتنهد امل تقوم تجرى تقعد جنبه
امل / انا اسفه
عماد يمسك ايدها
عماد / على ايه يا هبله
امل / انا مش عوزاك مدايق انا مش عارفه اقولك ايه انا عارفه احساسك كويس و مش اول مره احسه انا اصلى مش كفايه عمرى مكنت و لا هبقى كفايه عمرى مهملى عين اى ام انى اكون مرات ابنها
عماد / بطلى هبل ماما عملت بلاوى مع عبير و مع رحمه دا العادى بتاعها
امل / انت بتحبنى يا عماد
عماد / هههههههههه اه يا هبله بحبك و لو مش كل اللى انا فيه ده يثبتلك انى بحبك مش عارف ايه تانى ممكن يثبتلك الصراحه
امل / هو صحيح عبير هتتجوز
عماد / متولع انا مالى اقولك حاجه بينى و بينك
امل / اكيد
عماد / انا بقعد اراجع شريط حياتى كتير اوى بحاول الاقى مبرر اشمعن عبير
امل / بتهزر صح دى قمر
عماد / لا عادى الجمال مش كل حاجه تعرفى انا ظبطت بنات احلى من عبير بكتير بس يمكن هى مدتنيش وش الوقت نفسه كنت عاوز ارتبط كنت حاسس انى كبرت زن ماما و اهلى مش عارف بس السبب الاساسى لجوازى منها كان انى شايفها بت جدعه و شويه اوهام بنت كلب اول مفقت منها و عرفت انى لبست حياتى قلبت سواد و فى الوقت ده كانت ادبست بجد لان محمود كان جاى فى السكه و مفيش رجوع خلاص
امل / حاسس انك ظلمتها
عماد / لا .... بصى هو كان هيحصل هيحصل و بعدين جوازها من طارق اكبر دليل انى مظلمتهاش هى فعلا كان فى بينهم حاجه الخيانه مش سرير الخيانه انها تفكر فى اى بقف تانى غير جوزها
امل / ههههههههههههههه
عماد / اخرسى يا كلبه انا اقصد يعنى
امل / فهماك بس انت عاوز تفهمنى انك عمرك مفكرت فى واحده تانيه و هى مراتك عمرك مخنتها بمفهومك انت عن الخيانه
عماد / الوضع مختلف
امل / عشان انت راجل و هى ست صح
عماد / ايه العته ده احنا هنقضى ليله دخلتنا بنتكلم عن القرف ده
امل / لا طبعا بس كويس ان السيره اتفتحت لاننا اتاخرنا كتير اوى فى الكلام عنها بص يا عماد ملخص الليله انى مش هبله زى معملت فى عبير لو عملته معايا هاذيك
عماد / يا شتات الشتات يابا روشدى
امل / مبهزرش لو فكرت او كلمت او حتى هزرت مع اى واحده غيرى هتشوف امل اللى عمرك مشوفتها انا غيرتى سوده
عماد / يا خطر انت يا خطر
امل / انا بتكلم جد قولتلك
عماد يزغزغها من جنبها تقوم تصوت عماد يقوم وراها و هو بيدحك
امل / احنا بنتكلم جد متقلبهاش هزار
عماد / و هو فى جد اكتر ماللى هيحصل
امل / اتلم
عماد / تعالى لمينى
عماد يقرب من امل و هى بترجع لورا لحد متخبط فى الدولاب عماد يزنقها فى الدولاب
عماد / بحبك يا هبله
امل تتكسف
......................
((((((مفيش رحمه ٢)))))))
#لولو_محمد
الحلقه ٢٨
امل / مبهزرش لو فكرت او كلمت او حتى هزرت مع اى واحده غيرى هتشوف امل اللى عمرك مشوفتها انا غيرتى سوده
عماد / يا خطر انت يا خطر
امل / انا بتكلم جد قولتلك
عماد يزغزغها من جنبها تقوم تصوت عماد يقوم وراها و هو بيدحك
امل / احنا بنتكلم جد متقلبهاش هزار
عماد / و هو فى جد اكتر ماللى هيحصل
امل / اتلم
عماد / تعالى لمينى
عماد يقرب من امل و هى بترجع لورا لحد متخبط فى الدولاب عماد يزنقها فى الدولاب
عماد / بحبك يا هبله
امل تتكسف
......................
فى شقه محمد
اميره / انت لسه منمتش يا خويا
محمد / بفكر فى محمود اخويا الله يرحمه لما كان عايش كان لاممنا كان الكبير بتاعنا من يوم ممات و كل واحد بيتصرف على هواه تعبت و الحمل زاد عليا
اميره / مفيش بيت مبيخلاش مالمشاكل
محمد / انا تعبت بجد يا اميره مش قادر عيالى تايهين و مش قادر اللمهم
اميره / كدا يا محمد كل ده عشان ابنك اتجوز بنتى
محمد / مقصدش يا اميره و انتى فاهمه قاصدى بس امهم مشتتاهم بدل مكل واحد يحاول يبنى مستقبله و مستقبل عياله مشغول فى حل مشاكل مكنلهاش لازمه تبقى موجوده مالاول لو كانت امهم واحده تانيه واحده زيك مثلا عقلها كبير و بتعرف تلم الامور و تحتوى اللى حواليها
اميره / زينب مش وحشه دى معاك بقالها سنين احنا اللى حطيناها فى الموقف ده
محمد / انتى متعرفيهاش زيى هى لو كانت مريحانى كنت اتجوزت عليها دانا شوفت ايام
اميره / معلش يا خويا كلو عند ربنا مبيروحش
محمد / والله انتى اميره يا اميره اهى لو هى كانت مكانك كانت فضلت طول الليل تسخن فيا عليها بس والله اللى عملته ده مهيعدى
اميره / ياخويا كلو بيعدى بس انت متحطش فى دماغك
محمد يهز راسه
.......................
فى شقه هاله
تليفون عبير يرن
عبير / الو مين معايا
زينب / انا زينب يا عبير ازيك
عبير / الحمد لله ازيك يا طنط
زينب / انتى عند امك و لا فى بيتك
عبير / لا عند ماما انتى عوزانى اكون فى بيتى فى يوم زى ده ليه يعنى
زينب / اسمعى يا عبير بكره الصبح ترجعى بيتك انا سبت البيت و عاوزاكى تبقى عينى هناك
عبير / بقولك ايه يا طنط انا عماد معدش يلزمنى و اكيد حضرتك عرفتى انى هتجوز خلاص
زينب / بتدحكى عليا و لا على نفسك هتسيبى الخايبه دى تاخده منك بالبساطه دى
عبير / امل مش خايبه دى لعبتها صح و صح الصح كمان و حلال عليها اللى خدته منى و على راى امى اللى رمته الهانم تاخده مساحه السلالم
زينب / بلدى اوى يا عبير فوقى يا بت انتى عارفه انه اتجوزها عند فيكى عشان حوار طارق و اتجوزها بسرعه عشان يبقى اتجوز قبلك لما قولتى انك هتتجوزى
عبير / طب خلاص بقى يا طنط هتعب نفسى و احرق دمى ليه هو يشوف حياته و انا اشوف حياتى
زينب / و ابنك يا خايبه
عبير / ماله ابنى مهو فى حضن ابوه بشوفه وقت معوز و اللعب معاه وقت معوز
زينب / و هتامنى لامل عليه
عبير / والله لو اتلمس منه شعره ساعتها هاخده غصب عنه
زينب / و هتستنى لما ابنك يتاذى
عبير / فى ايدى ايه اقدر اعمله
زينب / تسمعى اللى هقولك عليه و تعمليه بالحرف الواحد و بكره تقولى ماما زينب قالت
.......................
فى شقه رحيم الصبح بدرى
رحمه تصحى تلاقى رحيم بيلبس
رحمه / على فين بدرى كدا
رحيم / هنزل ادور على امى
رحمه / هتدور فين يعنى
رحيم / انتى ازاى بارده اوى كدا انتى بجد مش حاسه باللى انا فيه
رحمه / لا حاسه انا اكتر واحده حاسه اكتر من طنط اللى حطتك فى الاحساس ده
رحيم / انا كنت عارف ان اللى بيحصل غلط و ممنعتوش
رحمه / انتى ليه محسسنى ان عماد اجرم لما اتجوز كنت عاوز منه ايه اذا كانت عبير نفسها اللى مامتك بتدافع عنها بالرغم من كل اللى حصل هتتجوز و مين الراجل اللى كان سبب فى طلاقها
رحيم / تولع عبير انا ليا بامى يا رحمه امى انا
رحمه / ماشى بس قولى هتدور عليها فين
رحيم / هلف عالاقسام و المستشفيات
رحمه / مش هتلاقى حاجه مامتك هربت مش اختفت فى فرق
رحيم / يعنى اقعد حاطت ايدى على خدى و اغنى ظلموه
رحمه / لا يا رحيم تهدى و ترتاح عشان تعرف تفكر
رحيم يقعد عالسرير
رحمه / يا رحيم يا حبيبى طنط خدت فلوس معاها و سابت الموبايل عشان منعرفش نوصلها و الغلطه اللى غلطتها المره اللى فاتت انها تستخدم الكريدت كارد اكيد مش هتغلطها تانى اهدى عليها شويه هى هترجع هى يعنى هتروح فين
رحيم / يا برودك يا شيخه هى لو كانت امك كنتى هتستنى
رحمه / من امتى انت بتقول امى و امك امى الله يرحمها عمرها مكانت هتحطنا فى موقف زى ده و انت ادرى
رحيم / يووووه انا قرفت انا نازل
رحمه / ترجع بالسلامه
رحيم يمشى و يرزع باب الشقه وراه و رحمه قاعده عالسرير زعلانه
.........................
عالسلم
رحيم نازل يجرى يقابل عبير فى وشه
عبير / صباح الخير
رحيم ميردش و يمشى
عبير / و ماله يارب دايما
عبير تطلع تخبط على رحمه رحمه تجرى تفتح الباب و اول متشوف عبير علامات خيبه الامل تبان على وشها
عبير / كنتى مستنيه حد معين و لا ايه
رحمه / اتفضلى
عبير / اسفه انى جيت بدرى كدا بس بصراحه قولت حرام تشيلى العيال كلها لوحدك يعنى
رحمه / محمود فوق مع طنط اميره
عبير / يا سلام بالبساطه دى
...........................
رحمه / والله عموا محمد قال انه هيفضل معاه لحد معماد و امل يرجعوا من شهر العسل
عبير / ايه ده هما سافروا و لا ايه
رحمه / المفروض كانوا هيسافروا
عبير / حتى منغير ميطمنوا على طنط زينب
رحمه / ايه
عبير / هو مش انتوا برده متعرفوش مكانها و لا ايه
رحمه / و عرفتى منين
عبير / مفيش حاجه بتستخبى انا لو كانت طنط هنا كنت اطمنت على محمود و سبته انتى عارفه انى عروسه و بجهز نفسى بس بما انها مش موجوده فانا اولى بابنى من اى واحده غريبه
رحمه / والله فيكى الخير انك افتكرتيه اصلا
عبير / مقبوله منك انا هطلع بقى اخده و بالمره اصبح عالعرسان سلام
رحمه / نورتى
.................
فى شقه عماد
عماد نايم وواخد امل فى حضنه جرس الباب يضرب بشكل غبى عماد و امل يتفزعوا
عماد / خليكى انا هشوف مين
عماد يقوم يفتح يلاقى عبير
عبير / قولت لازم اكون اول واحده تصبح عليك
عماد / اللهم طولك يا روح
عبير تدخل تقعد
عبير / امين يا عماد امين دانت برده ابو ابنى بص انا جايه اخد ابنى مدام طنط زينب مش موجوده انا مينفعش اسيب ابنى مع واحده غريبه
عماد / انتى عبيطه و لا بتستهبلى عالصبح انا مش فايقلك
امل تطلع مالاوضه مخضوضه على صوت عماد
عبير / صباحيه مباركه يا عروسه انا قولت انقط قبل متسافروا عبير تفتح شنطتها و تطلع ظرف و تحطه عالترابيزه
عماد / عاوزه حاجه تانى انا عاوز انام
عبير / يا سيدى استحملنى انا برده ضيفه و فبيتك دا بدل متاخدنى تفرجنى على شقه العروسه
عماد / انجزى عفاريت الدنيا بتتنطت فى وشى
عبير / اقرى ايه الكرسى اصرفهم و اهدى انت عريس جديد و عاوز تتهنى حرام عليك ترمل الاموره دى بدرى
عماد / اللهم طولك يا روح
عبير / خلاص خلاص بص مالاخر كدا انت عارف انى هتجوز الشهر الجاى بس انت عارف ان طارق مراته عيانه و كدا يعنى فانا عرضت عليه انى اتجوز فى شقتى لحد منرتب امورنا و بعدين ننقل او يمكن نرتاح و نستقر هنا
عماد / عيدى تانى كدا انتى عاوزه ايه
عبير / انا مرضتش افاجئك بوجوده و قولت اقولك من بدرى عشان ترتب نفسك
عماد / اه انا كدا فهمتك بصى بقى يا شاطره لو البيه عتب باب الشارع مش البيت انا هكسرله رجله البيت ده بيت عيله الصياد و ان كنت كتبتلك الشقه فعشان لابنى فى الاخر
عبير / انا معايا عقد تمليك لشقتى و من حقى ابيعها و ببساطه اوى ممكن ابيعها لطارق و ساعتها لا انت و لا غيرك هتمنعوه يدخل بيته
عماد / ماشى اعمليها يا عبير و دينى و ما اعبد لتشوفى منى وش عمرك مشوفتيه
عبير / بالراحه على نفسك ليطقلك عرق انت عارف كويس انك متقدرش تعمل حاجه بص انا الشهر الجاى هتجوز و مش هينفع ادخل مع مراته فياما هنتجوز فى شقتى ياما هبيعها و اشتريلى شقه فى حته تانيه قدامك للاسبوع الجاى لو عاوز تشتريها بحكم الشفعه يعنى انت اولى خلاص مش عاوز بقى هبيعها لطارق و برده هاجى اعيش فيها هنا فى حمايه الحكومه و اعلى مفخيلك ابقى اركبه يا عمده
عماد / انا قولت اللى عندى و حزرتك
عبير / اعملى لعريسك لمون يا امل خليه يهدى شويه انا هروح اخد الواد لحد مطنط ترجع بالسلامه
عماد / دا لما تشوفى حلمه ودنك الواد مش هتشوفيه تانى
عبير / ههههههههههههههه انا كدا كدا هاخده و لا اقولك خليهولك انا جاياله بنفسى سلام يا عمده
عبير تنزل و عماد يرزع وراها الباب و يقعد عالكنبه و هو هيطق
امل / انت كويس
عماد / دى بلاء انا بكفر بيها عن ذنوبى
امل / اهدى بس
عماد / ناولينى التليفون
امل / حاضر
امل تروح تجيب الموبايل لعماد و هو بيغلى و بيفرك
عماد / صباح الخير يا بابا اسف انى صحيتك .....لا لا امل بخير انا كنت عاوزك فى حوار ضرورى معلش تعال شويه .....ماشى سلام
عماد يقفل السكه و يتصل بحد تانى
عماد / ايوه يا رحيم ممكن تطلعلى ...... بره فين ..... طب معلش تعالى دلوقت و بعدين هننزل انا و انت و بابا و كلنا بس انا محتاجك دلوقت ...... هشرحلك لما تيجى يلا بسرعه مستنيك فى شقتى سلام
امل / هو فى ايه انا قلقت
عماد / انا اسف جدا بصى خشى انتى نامى و انا شويه و هحصلك
امل / انام ازاى و انت فى الحاله دى
باب الشقه يخبط امل تفتح تلاقى محمد و اميره
محمد / فى ايه يا عماد قلقتنى
اميره / فى ايه يا امل انتوا لحقتوا تتخانقوا
امل / والله مانا يا ماما
عماد / طنط مفيش حاجه انا بس كنت عاوز بابا فى حوار كدا
امل / تعالى يا ماما معايا جوه لو سمحتى
اميره / خير يا بنتى استر يارب
امل و اميره يدخلوا جوه و محمد يقعد مع عماد و باب الشقه مفتوح
محمد / خير يا عماد وقعت قلبى
عماد / انا هرتكب جنايه
محمد / فى ايه يابنى انا مش ناقص ايه اللى حصل امل قلتلك حاجه
عماد / يا بابا امل دى نسمه البلوه اللى اسمها عبير عملى الردى
محمد / عبير و دى ايه جاب سيرتها دلوقت
عماد / مهى لسه ماشيه حالا يا بابا
محمد / و دى كانت عاوزه ايه البلوه دى
عماد / عاوزه تتجوز هى و سى زفت فى شقتى
محمد / دا على جثتى هى البت دى فجرت و لا ايه مش لاقيه حد يلمها مهو ده اللى ناقص انت الغلطان انك بعتلها شقتك
عماد / مكنش قدامى حل تانى عشان ارجع محمود ابنى مهو كان كلو على يدك
محمد / انا مش عارف اقولك ايه بس مش هيحصل دانا هنادى للواد سيد يغير كوالين البيت كلها و يركب جنازير و مش هتعتبها و لا بالطبل البلدى
عماد / بتقول قدامنا اسبوع يا نشترى الشقه احنا يا هتبيعها لطارق و كدا هتدخلها بيه بالقانون
محمد / عند امها القانون ده هو فى ايه هو احنا هنشترى حاجه اصلا بتاعتنا و بعدين طليقتك دى كلبه فلوس عمرها مهتبيع الشقه لطارق متخافش
عماد / طب و بعدين
محمد / انت شايف ايه
عماد/ انا شايف اننا نشترى الشقه
محمد / انت بتهزر يا عماد مهو كلو على يدك المصاريف الفتره اللى فاتت كانت عامله ازاى امك و قرفها و طليقتك و قرفها و توضيب الدور ده بس لو فى حد هيقدر يساعدك يبقى اختك رحمه
رحيم يدخل
رحيم / خير فى ايه
عماد / الخلاصه عبير عارضه شقتى اللى تحت للبيع و لازم نشتريها قبل محد غريب يدخل بينا
رحيم / و دى عرضاها بكام الزباله بنت الزباله دى
عماد / مش عارف المشكله ان المعرض تحت بيسد ديونه بالعافيه و انا و ابوك عالحديد المجيد
رحيم / رحمه ملمستش فلوسها هعرض عليها و اشوف لو تحب تشترى الشقه
عماد / بص انا هنزل انا اقنعها
رحيم / انا بصراحه كنت بفكر اصلا انقل انا و رحمه فى شقتها اللى اشترتها و احنا متخانقين اللى جنب عموا ابراهيم هناك
عماد / قصدك ايه
رحيم / انا عارف ان الموضوع ده مش وقته و ان المشاكل اللى احنا فيها كبيره كفايه بس انا تعبت مالضغط النفسى ده حياتى بتدمر فى حاجات مليش فيها اى ذنب
عماد / و انت لما هتعزل هتبعد عننا و ترتاح مالمشاكل
رحيم / مش عارف انا فعلا مش عارف
محمد / بص يا رحيم خلينا نرتب الاولويات اولا محدش هيلومك على اى قرار هتاخده انت ومراتك ده اصلا معدش بيت عيله زى زمان دا بقى اى حاجه تانيه غير انه يكون بيت عيله
رحيم / انا مبنمش يا بابا و ربنا
عماد / طب الاول نشوف موضوع الشقه اللى تحت دى لو الكلب ده هوب هنا انا هقتله وربنا هقتله
رحيم / لا باذن الله محلوله رحمه مش هتقول حاجه هاخدها هى و المحامى و نخلص الشقه مع عبير
عماد / يبقى عملتوا فيا جميل العمر
رحيم/ و لا جميل و لا حاجه انت عبيط المشكله الاكبر بقى امك
محمد / انا مليش دعوه بالحوار ده ....يا اميره يا اميره
رحيم / يعنى ايه ملكش دعوه يا بابا هى مش مراتك
محمد / تحب اطلقهالك عشان ترتاح بص يا رحيم ان كنت تعبت مالبيت و مشاكله فانا بقولك اهو امك هى سبب كل المشاكل دى
اميره و امل يطلعوا من جوه
رحيم / دلوقت بقت امى هى السبب ماشى هى البلوه اللى كلنا هنرتاح لما تموت بس طول مهى عايشه ربنا يديها طوله العمر هتفضل امى و امك انت كمان يا عماد و مش هنيجى فى الاخر و نقل معاها
عماد / معاك حق بس تقدر تقولى نقدر نعملها ايه
رحيم / ندور عليها نسال الناس
عماد / منعمل اعلان فى الجرنال احسن
رحيم / وماله
محمد / انت اتجننت خلاص انت عاوز تفضحنا اكتر ماحنا مفضوحين
رحيم / دى امى يا ناس
عماد/ مهى امى انا كمان اهدى انت بس و هى هترجع لوحدها هى يعنى اول مره تعملها
رحيم / معاك بس افرض جرالها حاجه و هى لوحدها افرض اى حاجه حصلت هنعمل ايه بس
محمد / تبقى هى اللى جابته لنفسها امك مش صغيره و هى اللى قررت و نفذت تشرب بقى ........يلا يا اميره
محمد ياخد اميره و يروحوا شقتهم
رحيم / بص انا مقدر ظروفك انا هسيبك مع عروستك دلوقت تهدى كدا و تروق و ترتاح و انا و رحمه هنخلص حوار الشقه ده خالص و لو عرفت اى حاجه عن ماما هبلغك متقلقش انت
عماد يهز راسه
رحيم / حقك علينا يا عروسه معلش بس انتى ادرى مننا بالقرف اللى احنا فيه
امل تهز راسها و رحيم يمشى و عماد يقفل الباب و يسند عالكنبه
امل / انت كويس
عماد / انتى شايفه ايه
امل / لا مش كويس
عماد / انا تعبت يا امل انا افتريت كتير بس مكنتش متخيل انى افتريت اوى كدا
امل / اهدى بس مالموضوع اتحل فى ثوانى اهو
عماد / تعرفى زمان عبير كانت بتتخانق معايا على اتفه الحاجات بس كان اكتر حاجه تافهه مستفزه انها دايما بتقولى اخوك هيبقى عنده كل حاجه و انت معندكش و لا حاجه
امل / ايه الهبل ده
عماد / مش كدا هبل صح بس تصدقى انى للحظه دلوقت حسيت انى معنديش اى حاجه البيت كلو معدش ليا فيه حاجه لا و كمان الشقه اللى عايش فيها بالايجار بتاعه اخويا برده
امل / انت اللى بتقول كدا يا عماد
عماد / لا طبعا مقصدش بس انتى شايفه الوضع انا معملتش اى حاجه لنفسى
امل / قدامنا العمر طويل يا حبيبى تعمل و تتهنى متفكرش فى الفلوس انت اللى بتعملها مش هى اللى بتعملك و بعدين انت من امتى بتفكر كدا مش دا عماد اللى اعرفه
عماد / و لا انا اعرفه
.......................
فى شقه عبير
رحمه / مش شايفه ان السعر اوفر اوى
عبير / انتى مهندسه و عارفه الموقع عامل ازاى
رحيم / بس مش للدرجه دى متشوفى متر الشقق بكام فى المنطقه و احسبى
عبير / والله الموضوع عرض و طلب و كل واحد يشوف مصلحته
رحيم / انتى كدا بتخسرى الكل على فكره
عبير / اللى هما مين اللى هخسرهم معلش بص يا رحيم انا كدا بامن مستقبل ابنى
رحيم / ابنك والله انتى شايفه اللى بتعمليه ده بتامنى بيه مستقبل ابنك
رحمه / ماشى يا عبير انا موافقه بس ادينى فرصه كام يوم اظبط المبلغ
عبير / انتى بتعملى كدا ليه
رحمه / بعمل ايه
عبير / يعنى بتحاولى تثبتى لنفسك ايه
رحمه / مبحاولش بس انا اتربيت على ان الفلوس متساويش اننا نحرق دمنا عشانها بابا الله يرحمه كان دايما يقول حط الفلوس تحت رجليك تعلى لكن لو حطيتها فوق راسك هتغرق و ده اللى هعمله و زى مقولتى الفلوس فى الاول و الاخر رايحه لمحمود ابنى
عبير تسقف / اوسكال اجمد ممثله
رحيم / انتى عاوزه ايه يا عبير مش عاوزه تمن الشقه حاضر ملوش لازمه بقى حرق الدم
عبير / ماشى يا رحيم قدامكوا فرصه لبكره الصبح الفلوس تتحول على حسابى فى البنك و نمضى العقود و الا هبيعها بعد الضهر
رحيم / اقولك حاجه بيعيها
رحمه / انت بتقول ايه يا رحيم
رحيم / بقولها تبيعها اكتبيها باسم طارق بس لو طارق نفسه معاه المبلغ ده و اداهولك خير و بركه يبقى هو اولى كسبتى الشقه و كسبتى الفلوس لكن بقى لو هتبيعيهاله عند فينا فاللبسى يا بطه عشان خارجين ضيعتى الشقه و الفلوس
رحمه / رحيم
رحيم / احنا كنا غلطانين لما جينا نتفاوض معاها اصلا بصى يا عبير اعلى ما فخيلك اركبيه تمن الشقه اللى قولنا عليه جاهز عوزاه تستلمى بكره و تبيعى مش عوزاه و بتعملى حركه فبراحتك و زى معماد قالك البيت ده بيت عيله الصياد و لو مستغنيه عن حبيب القلب خليه يفكر يخشه و احنا اصلا الغلطانين فى كل مره طاطينا فيها ليكى لحد مفتكرتى انك حاجه
عبير / خلصت
رحيم / يلا يا متر اسفين على تضيع وقتك يلا يا رحمه
.........................
فى البيت
رحمه / مش هتفهمنى ايه اللى انت عملته ده
رحيم / بقولك ايه انا عملت اللى حسيت انه صح
رحمه / و عماد
رحيم / يا ستى بالفلوس اللى كنا هنديها للست هانم لمجرد انها متدخلش واحد غريب بيتنا ممكن ببساطه نشترى ارض و نبنى بيت جديد بعيد عن المشاكل و القرف يا رحمه يا حبيبتى بصى كويس البت دى بتعمل حركه و خلاص
رحمه / بص انت بقى ابقى فهم الكلام ده لعماد
رحيم / البت دى زى مقولت كلبه فلوس و عمرها مهتدى البيت لطارق هى لو لقت طارق ربع جنيه هتحطه فجيبها مش هتديله الشقه دى باعت ابنها عشان الشقه هتديها لحبيب القلب يا شيخه فوقى
رحمه / تعملها لو عشان تنتقم من عماد تعملها
رحيم / تبقى تعملها ساعتها يحلها مليون حلال
رحمه / انت و اخوك بقى انا هروح اعمل الغدى
......................
فى شقه عماد
محمد / خد مراتك و سافر و ملكش دعوه
عماد / طب و ماما
..............................
((((((مفيش رحمه ٢))))))
#لولو_محمد
الحلقه ٢٩
رحمه / بص انت بقى ابقى فهم الكلام ده لعماد
رحيم / البت دى زى مقولت كلبه فلوس و عمرها مهتدى البيت لطارق هى لو لقت طارق ربع جنيه هتحطه فجيبها مش هتديله الشقه دى باعت ابنها عشان الشقه هتديها لحبيب القلب يا شيخه فوقى
رحمه / تعملها لو عشان تنتقم من عماد تعملها
رحيم / تبقى تعملها ساعتها يحلها مليون حلال
رحمه / انت و اخوك بقى انا هروح اعمل الغدى
......................
فى شقه عماد
محمد / خد مراتك و سافر و ملكش دعوه
عماد / طب و ماما
..............................
محمد / مراتك ذنبها ايه فى كل ده البت غلبانه و شافت كتير يا عماد و لو على امك متقلقش انت عارفها كويس و الحركات بتاعتها دى قدمت كانت المفروض تغير
عماد/ حتى لو مقتنع قلبى مش مطاوعنى
محمد / صدقنى امك قريبه مننا و لما هتلاقينا عايشين عادى هترجع لوحدها و بكره تقول ابويا قال
عماد / هو رحيم عمل ايه فى حوار الشقه
محمد/ خد مراتك و سافر يا عماد و انسى خد دول معاك انا عارف ظروفك
عماد / انا مش محتاج فلوس كتر خيرك
محمد / دى نقطه عروستك يا اهبل خدها
عماد ياخد الفلوس محمد يحضنه و يمشى عماد يقفل الباب و يدخل يلاقى امل نايمه عالسرير حاضنه المخده ينام جنبها و يحضنها من ضهرها
عماد / بزمتك مش انا احلى مالمخده دى
امل تسيب المخده و تلفله
امل / ايه الاخبار
عماد / تحبى تسافرى فين
امل / و النبى انت فايق و رايق
عماد / عليا يا بت بقى فى واحده نايمه برده تتانتك كدا
امل / على الله نعجب بس
عماد / دانتى تعجبى الباشا
امل تتكسف / لا بقولك ايه متاخدنيش فى توكه احنا بجد هنسافر
عماد / بصراحه محتاجه اوى هنا مش عارف انام تعالى نسافر ننسى كل العيشه دى
امل / و مامتك و عبير
عماد ينام على ضهره و يبص للسقف و ينفخ
امل / انا اسفه انى دايقتك
عماد يبصلها و يمسك ايدها و يبوسها
امل / هتسافر فين
عماد / مكان متحبى
امل / بقولك ايه متيجى نروح شقتنا فى اسكندريه
عماد / متاكده مش عاوزه تروحى اى حته تانيه
امل / بلاها مصاريف بكره لما الظروف تتحسن ابقى ورينى الدنيا كلها
عماد / ملكيش دعوه بالظروف الظروف دى مش شغلتك ماشى دى شغلتى انا
امل / و انا و انت ايه مش واحد
عماد / اصيله يا ست البنات
...................
فى المعرض بعد تلت ايام
عبير تدخل و محمد قاعد فى المكتب
عبير / ازيك يا عموا
محمد / افندم
عبير / انا جايه اشوف محمود
محمد/ مع ابوه فى اسكندريه كان المفروض تتصلى قبل متيجى اهو نوفر عليكى المشوار
عبير / مانا اتصلت لقيته غير متاح عالعموم ملحقوه انا عاوزه اوضه النوم فى الصوره دى تتكلف كام
محمد / لفرحك ؟؟؟
عبير / انتوا اولى مالغريب
محمد / قالوها زمان اللى اختشوا ماتوا
عبير / الله يرحمهم عن اذنك
...................
فى اسكندريه
عماد واقف فى مول بيجيب طلبات هشام يقابله
هشام / اما صحيح الدنيا صغيره
عماد / مساء الخير
هشام / انا اسف طبعا انى بتطفل عليك بس بصراحه كان لازم اجى اباركلك عرفت مالفيس ان انت و امل اتجوزتوا
عماد يسيب اللى فى ايده و يلفله
هشام / انا عارف رايك فيا و اكيد سمعت عنى قرف ميتحكيش بس على العموم لما هتكون مكانى هتعزرنى
عماد / الله يبارك فيك عن اذنك
عماد يحاول يمشى هشام يناديله
هشام / اكيد لسه مزنتش عليك فى موضوع ورثها من اخوها
عماد يمشى يلم فى الطلبات و هشام وراه بيكمل كلام
هشام / على الاقل اعرف انت داخل على ايه
عماد / بص ياض انت اخر حاجه مستعد اسمعها هى اى كلام اهبل عن مراتى و خصوصا من عيل زباله زيك
هشام / معاك حق فعلا بس تفتكر فى واحد يضحى باهله عشان واحده و يخونها و يضربها بالبساطه دى مكنت طلقتها و رجعت لاهلى مكنت رميتها فى الشارع و لا عبرتها و حتى لو ده صحيح تفتكر لو كنت ابن كلب وزباله زى محكولك عنى كانت هتحاول ترجعلى
عماد / انا بحاول امسك نفسى على قد مقدر عشان مضربكش قدام الناس و تبقى فضيحه بس انت مصر تستفزنى
هشام / امل كان كل همها توصل لورثها و لما معرفتش اجيبه كانت بتضغط عليا باكتر حاجه توجع اى راجل عجزه عن انه يحققلها طلباتها اللى مبتخلصش و تعايره بفقره بطلت الحبوب و حملت عشان تورطنى فى مصاريف زياده عشان اروح اتخانق مع اخوها امل معهاش اى ورق يثبت حقها و احمد معاه ورق بيع و شرا احمد مستف ورقه من و امل فى اللفه
عماد / خلصت
هشام / انا لما رجعت رجعت عشان كان معايا فلوس ساعتها بس واضح انها لقت واحد اغنى منى بس لما فلوسك تخلص يا عماد هتصدقنى
عماد / شكرا عالنصيحه غور من وشى بقى
هشام يمشى و موبايل عماد يرن
عماد / الو
امل / ايوه يا حبيبى وحشتنى ميدو عاوز يسلم عليك
عماد يبتسم / ازيك يا صايع
محمود الصغير / بابا
امل / هاتلنا حلويات بقى يا بابا و انت جاى
عماد / خلاص هحاسب و اجى اهو
امل / مالك صوتك ماله
عماد / مفيش يا قلبى ارتحت كتير لما سمعت صوتكوا
امل / مستنياك يا قلبى
....................
فى البيت
امل تستقبل عماد بالحضن يحط الحاجه عالارض
عماد / حوده فين
امل / نام يا قلبى جوه
عماد / اقعدى اقعدى
امل / ها جبتلنا ايه بقى
عماد / تعالى بس اقعدى
امل / خير يا حبيبى فى ايه
عماد / مش انا قابلت هشام فى الماركت
امل / هشام مين ... هشام ؟؟؟
عماد يهز راسه امل تقوم تقف و تتعصب
امل / و كان عاوز ايه ده ميبعد عننا بقى
عماد / لا دانا قابلته صدفه و بيباركلنا عالفرح
امل / بجد
عماد / تخيلى
امل / و كان الماضى عمره مهيسيبنا
عماد / كبرى مخك بصى يا امل انا راهنت الدنيا عليكى و معنديش اى استعداد انى اخسر
امل / قصدك ايه
عماد / قصدى انى بحبك يا امل بحبك
امل / و انا والله يا عماد عمرى محبيت و لا هحب حد قدك و بجد اى يوم بعيد عنك مبحسبوش من عمرى
عماد / ربنا يخليكى ليا يا قلبى قومى بقى شوفى جبتلك ايه
........................
فى البيت فى مصر بعد كام يوم
زينب داخله البيت محمد يقابلها عالسلم
محمد / على فين
زينب / طالعه بيتى
محمد / لا يا هانم الست اللى تبات بره بيتها فى مكان جوزها ميعرفوش متلزمنيش اتفضلى من سكات مطرح مجيتى
زينب / انا معايا عقد تمليك بشقتى فمن سكات انت خلينى اطلع بدل مروح اجيب البوليس و ادخل بيتى غصب عنك
محمد / انتى بتتحدينى يا زينب
زينب / لا ابدا يا محمد انا بس برد على كلامك و بعدين هكون فين يعنى هكون اتجوزت عليك مثلا متخافش اللى تعيش مع خاين زيك و تربى عيال زى عيالك تكره جنسك كلو
محمد / اصيله يا بنت الاصول
رحيم ينزل جرى عالسلم يحضن زينب
رحيم / ماما قلقتينى عليكى انا لفيت البلد حته حته سالت فى كل الاوتيلات و المستشفيات و الاقسام ليه تعملى كدا يا ماما مصعبتش عليكى
زينب / والله اصيل يا رحيم انت اللى فيهم مش اخوك التانى اللى مسالش عن امه و بيدلع مع مراته يلا اياكش يتهنى مهو ابنى برده
محمد / اخر كلام عندى يا زينب ملكيش مكان هنا ارجعى مطرح مجيتى
رحيم / ايه اللى بتقوله ده يا بابا
محمد / اللى سمعته تقدر تقولى امك كانت فين الفتره اللى فاتت
زينب / كنت مكان مكنت لو مش عاجبك طلقنى
محمد / لا يا ست الكل مش بالبساطه دى
زينب / يا محمد و ابسط من كدا بص يا ابن الناس انا لحد اللحظه دى صاينه العشره اللى انت مصونتهاش
رحيم / احنا تقريبا فى الشارع اطلعوا طيب فوق
محمد / انا قولت كلمه ملهاش دخول البيت ده يعنى ملهاش دخول
رحيم / لو سمحت يا بابا مينفعش كدا
اميره تنزل
اميره / صوتكوا جايب لفوق
زينب / ازيك يام العروسه
اميره / كدا يا زينب دى عمايل واحده عاقله برده
زينب / هههههههههههههههههههه و انتى مال اهلك
محمد / يلا يا زينب من هنا مش عاوزين مشاكل
زينب / المشاكل دى انت اللى هتجيبها لروحك لو مشيت من هنا
زينب تطلع ورقه من شنطتها
زينب / دى صوره من عقد تمليك الشقه هطلع عالقسم
رحيم / يا جماعه استهدوا بالله لو سمحتى يا ماما بعد اذنك يا بابا اتفضلى عندى لو سمحتوا
محمد يبص لرحيم رحيم يحط ايده على صدره عشان خاطرى محمد يسيب الباب لزينب تدخل و تطلع مع رحيم و هى طالعه بمنتهى الفخر و محمد واقف ينفخ و اميره تطبطب عليه
......................
بالليل فى شقه رحيم
زينب / منور يا حج ابراهيم
ابراهيم / انا زعلان منك يا ست زينب
زينب / زعلك على راسى خير
محمد / الموضوع ده خلص يا ابراهيم خلينا فى المفيد
ابراهيم / يا سيدى كله مفيد بصى يا ست زينب انتى اختى الصغيره و لو انتى مش بتعتبرينى اخوكى بجد يبقى دى مشكله
زينب / ابدا والله ياخويا انت عارف غلاوتك
ابراهيم / امال كل شويه تقلقينا عليكى ليه كدا
زينب / بص يا اخويا مالاخر كدا لو هتفتح الموضوع ده يبقى انا اللى ليا الحق مش انتوا لما تبقوا كلكوا عارفين بالكارثه اللى هتحصل و انا محدش يعبرنى و كان رايى ميهمش يبقى خلاص محدش يلومنى و لما ابنى البكرى اخيره بينى و بين واحده و يختارها ميجيش يدور على امه انا مخلفتش غير عيل واحد
رحيم / طب و العيل ده يا ماما كدا تقلقيه عليكى
رحمه تدخل بصينيه شاى تحطها و تمشى
زينب / جبت اخرى
محمد / و اخرك ده فادك فى حاجه الا قوليلى صحيح و انتى بتلمى دهبك كان ده اقصى طموحك يعنى يا زينب بصى انا بعاتب ليه صحيح خلاص معدتش تفرق
زينب / على قولك
ابراهيم / شيطان يا جدعان و انتوا مش صغيرين عالكلام ده
زينب / وربنا انت مفى منك يا خويا شوف انت مراتك ماتت من كام سنه مفكرتش تدخل ست بيتك لكن نقول ايه على ولاد الاصول اللى صانوا العشره و العيش و الملح اللى بيراعوا ربنا و بيخافوه فى مراتتاهم يلا كلو متسجل عند ربنا
محمد / انا مخالفتش شرع ربنا
زينب / ربنا ادرى بشرعه و بكره كل واحد ياخد حقه
ابراهيم / و اخرتها يا جماعه
زينب / خير يا خويا خير الموضوع ده خلص انا بس كنت بعيد حساباتى بشوف اللى ليا واللى عليا كنت بهدى بعيد عن الجو ده و الحمد لله رجعت بس رجعت و انا عارفه كويس مين حبيبى من عدوى
ابراهيم / كل اللى فى البيت ده حبايبك يا ست الكل
زينب / تعيش يابن الاصول
ابراهيم / بصوا انا مهما كنت غريب و انتوا مع الايام هتتصافوا انتوا الاتنين ملكوش الا بعض و احنا عشان نقرب المسافات كنت جاى اقرب معاد فرح مصطفى و امينه
زينب / و انا الموضوع ده دخلى بيه ايه دا بينك و بين محمد و اميره امينه متخصنيش
ابراهيم / بس مصطفى يخصك
زينب / يكرم اصلك والله
...........................
ابراهيم / ام العريس لازم تبقى حاضره وواقفه جنبه فيوم زى ده
رحيم / والله انت بتقول كلام زى الفل يا عموا
الباب يخبط رحيم يفتح يلاقى عماد يدخل زينب تلف وشها عماد يسلم عالكل ماعدا مامته يعديها
ابراهيم / اهلا بالعريس كدا ياض تسافر منغير ماجى اباركلك
عماد / الله يبارك فيك يا عموا انا جيت علاطول اول مكلمتونى
عماد يبص لمامته و هى تبصله و تلف وشها
ابراهيم / كنا لسه بنقول نعجل بفرح امينه و مصطفى كل حاجه جاهزه
عماد / والله فكره كويسه جدا اهو الواحد يفرح والله
ابراهيم / خلاص الخميس اللى بعد الجاى كويس
محمد / انا بقول نشوف راى العروسه
ابراهيم / يا محمد هو انا تلميذ مصطفى مظبط كل حاجه
زينب/ على رايك هو بنات اليومين دول بيسيبوا حاجه للظروف
ابراهيم / امينه بنت حلال و محترمه و تستاهل كل خير
زينب / اه طبعا امال ايه
ابراهيم / امال فين عروستك يا عمده
عماد / طلعت على فوق هى و حوده
ابراهيم / يا خبر دانا اتاخرت
محمد / جرا ايه يا ابراهيم انت لسه قعدت
ابراهيم / والله يا محمد قعدتك مبيتشبع منها بس انا عندى معاد مهم الساعه تسعه و نص و الساعه تسعه و كدا هتاخر نورتى يا ست الستات
زينب / دا نورك يا خويا
ابراهيم / هكلم العريس بقى ابشره انك وافقت يا محمد و يادوب كل واحد يرتب اللى وراه
محمد / على بركه الله
عماد / هوصلك يا عموا
ابراهيم يمسك ايده و يغمزه على امه عماد يهز راسه فى ديق ابراهيم يمشى
رحيم / انا هقوم ابص على رحمه خلصت العشا و لا لا عن اذنكوا
رحيم يقوم و زينب تطلع موبايلها الجديد و تبص فيه عماد يقعد جنبها
عماد / هنت عليكى
زينب متعبروش
محمد / انا طالع ابشر امينه عن اذنكوا
محمد يمشى و عماد يشد الموبايل من ايد مامته
عماد / تويتر ما شاء الله اتطورتى خالص يام عماد
زينب / انا ام رحيم
عماد / هونت عليكى يا امى
زينب / اسال نفسك مش انت اللى اخترت
عماد / اخترت ايه يا ست الكل اخترت انى اجيب ام لابنى و لا اخترت انى احاول ابدا حياتى اللى ادمرت من تانى
زينب / مع دى
عماد / امل كويسه يا امى مهياش وحشه انتى بتحكمى عليها لمجرد انها بنت ضرتك
زينب / لا يا سى عماد فى مليون سبب
عماد / بحبها
زينب / مانت حبيت عبير
عماد يتنهد
زينب / مش قولتلى نفس البقين دول على عبير
عماد / اه عبير اللى حضرتك بتقفى فى صفها ضدى و بتفكريلها كمان ازاى تنتقم منى
زينب / انا عمرى مهاجى مع واحده غريبه على ابنى
عماد / ماشى
زينب / بكره لما تبان على اصلها الواطى هتجيلى تعيط
عماد / بس يارب الاقى بابك مفتوح يا امى
زينب تبصله و تبص الناحيه التانيه
عماد / هونت عليكى تكسرى فرحتى هونت عليكى تسبينى كدا
زينب / مانا هونت عليك متغلطنيش و الغلط راكبك بقولك ايه يا عماد انت ابن ابوك اى كلام معاك مش هيفيد سيب الايام هى اللى توريك مين حبيبك من عدوك
عماد يبوس ايد امه و هى بتسحبها
عماد / نورتى بيتك يا ست الكل قوليلى حوده وحشك انزلهولك شويه
زينب / لا انا مليش خلق لعيال حد دلوقت لما اروق هقولك تنزله
عماد/ اللى تشوفيه يا ست الكل عن اذنك
زينب تهز راسها عماد يمشى رحيم يطلع على صوت قفل الباب يقعد جنب مامته ساكت
زينب / ايه مش عاوز تقول اى حاجه انت كمان
رحيم / اقول ايه
زينب / اى حاجه مجتش عليك يعنى
رحيم / وحشتينى يا ست الكل
زينب / ربنا يخليك انا هقوم اسيبك ترتاح
رحيم / ارتحت لما اطمنت عليكى
زينب / اصيل هو ده بقى المفتاح الجديد
رحيم / اه احنا غيرنا الباب كلو
زينب / احسن يلا بالاذن
رحيم / لو عوزتى حاجه يا امى كلمينى
زينب / ماشى يابنى
.....................
فى اوضه رحمه
رحمه / حمدالله على سلامتها
رحيم / الله يسلمك ابقى روحى الصبح اطمنى عليها و شوفى لو كانت محتاجه اى حاجه
رحمه / منغير متقول كنت ناويه اعمل كدا
رحيم / تسلمى يا ست البنات
رحمه / انت كلمت عماد
رحيم / عالشقه يعنى لا
رحمه / انا خايفه يا رحيم
رحيم / البيت ده بقى منحوس انا لو منهم نعزل كلنا معدش فى فى البيت ده غير زكريات النكد و القرف
رحمه / اخص عليك طب دا كل ركن فى البيت ده فى زكريات جميله اوى بس انت اللى نسيت معقول نسيت لما كنت بلعب انا و انت و احنا صغيرين و لا فاكر لما كنا بنزاكر سوا هنا عالسرير ده و عالمكتب ده
رحيم يبتسم
رحمه / فاكر كل مره كنا بنتقفش فيها
رحيم / المشكله اننا كنا بنتقفش فى حاجات هبله اوى بس تعرفى اوضتى هناك لما مشروعك باظ و نمتى
رحمه / اشمعن يعنى ايه المميز فى الموضوع ده
رحيم / دخلت اجيب الشاسيه و انتى قومتى فجاه و كنتى بتتكلمى و انتى نايمه و انا حضنتك كداهوا
رحيم ياخد رحمه فى حضنه
رحيم / و نيمتك تانى فى سريرك كنت فرحان اوى يوميها
رحمه / احنا كنا متخانقين اياميها
رحيم / كنتى بتدلعى دانا شوفت معاكى ايام سوده
رحمه / يا راجل انت اللى شوفت معايا ايام وحشه
رحيم يتعدل / قصدك ايه يا بت
رحمه / قصدى انك اكيد شوفت ايام هنا
رحيم / يلهوى و اى ايام حلوه انا كل ذكرياتى الحلوه معاكى
رحمه / بحبك و انت رايق
رحيم / معدناش عيال يا رحمه معدش اكبر همى انى اجيب تقدير بنكبر و مشاكلنا بتكبر
رحمه / طول ماحنا مع بعض هنقدر نحلها و بعدين الف حمد و شكر ليك يا رب احنا فى نعمه يا رحيم
رحيم / معاكى حق الحمد لله بخصوص موضوع الخلفه
رحمه / انا مش عاوزه اتكلم فى الموضوع ده احنا الحمد لله عندنا بشرى و ادم هنعوز ايه تانى
رحيم / انتى كنتى ....
رحمه / بص انا بحبك انت و بعدين انت كان معاك حق مش وقت عيال
رحيم / انتى مش بتبصى فى عينى ليه و انتى بتكلمينى هو فى حاجه
................................
((((((مفيش رحمه ٢)))))))
#لولو_محمد
الحلقه ٣٠
رحمه / بحبك و انت رايق
رحيم / معدناش عيال يا رحمه معدش اكبر همى انى اجيب تقدير بنكبر و مشاكلنا بتكبر
رحمه / طول ماحنا مع بعض هنقدر نحلها و بعدين الف حمد و شكر ليك يا رب احنا فى نعمه يا رحيم
رحيم / معاكى حق الحمد لله بخصوص موضوع الخلفه
رحمه / انا مش عاوزه اتكلم فى الموضوع ده احنا الحمد لله عندنا بشرى و ادم هنعوز ايه تانى
رحيم / انتى كنتى ....
رحمه / بص انا بحبك انت و بعدين انت كان معاك حق مش وقت عيال
رحيم / انتى مش بتبصى فى عينى ليه و انتى بتكلمينى هو فى حاجه
................................
رحمه / هو احنا المفروض نطلع نبارك لامل و عماد و لا الموضوع ده ....
رحيم / انتى بتغيرى الموضوع ليه
رحمه / مبغيروش
رحيم / فى ايه يا رحمه
رحمه / فى ايه انا توهت
رحيم / انتى لسه بتاخدى الحبوب
رحمه / لا بطلتها بقالى كذا شهر ارتاحت
رحيم / بطلتيها من ورايا
رحمه / لا مش من وراك بص
رحيم / انتى قصدك ايه قصدك يعنى
رحمه / انا مقولتش حاجه متقولنيش بص انا قولتلك الحمد لله احنا فى نعمه
رحيم / هو مش الدكتور قال انى بقيت كويس مش قال قدامك
رحمه / انت ليه بتحب تفتح على نفسك فواتيح الحاجات دى بايد ربنا بس
رحيم يقوم يسيب رحمه و يمشى و هى تنفخ و تدخل تبص على ادم و تنام جنبه
........................
فى شقه طارق
ايناس /انا مش فاهمه انت عاوز تقول ايه
طارق / عبير عاوزه تتجوز فى شقتها
ايناس / لا يا طارق انت عارف ان دى كانت شقه جوزها و فبيت عيلته انت كدا بتدخل عش الدبابير
طارق / قولتلها كدا المشكله انها يعنى
ايناس / مش عاوزه تعيش معايا صح عاوزه شقه لوحدها
طارق / انتى عارفه يا ايناس انى رافض المبدء
ايناس/ هو حقها طبعا
طارق / انا معنديش استعداد انى ابعد عنك انتى عارفه
ايناس / يا حبيبى انت بتقول ايه بص خلينى اتكلم معاها يمكن لما تشوفنى الوضع يختلف
طارق / لا انا مش عاوزك تقابليها
ايناس / مانا كدا كدا هشوفها و بعدين متخافش انا عارفه انها حلوه
طارق / انتى بتقولى ايه
ايناس / ايه خايف لما هى تشوفنى اصعب عليها يعنى
طارق / مقصدش
ايناس / يا حبيبى قولها بس اعزمها عندنا هنا عالغدى اهو نتعرف على بعض مهو ميصحش انى اقابلها اول مره فى الفرح يعنى
طارق / انتى متاكده ان اللى بعمله ده صح
ايناس / فاضل اسبوع عالفرح يا طارق و انت عمال تاجل فى كل حاجه مهمه
طارق / لانى تايه
ايناس / مش وقته يا طارق مش وقت توهان دلوقت طارق انا تعبانه و عاوزه انام
طارق / ماشى يا قلبى اللى تشوفيه اهم حاجه بس ترتاحى دلوقت و كلو هيبقى تمام
طارق يغطى ايناس و يقوم يتكلم فى التليفون
طارق / اسف كان صامت
عبير / انا اتصلت خمسين مره انا لازم اشوفك
طارق / مش عارف
عبير / هو فى ايه فاضل اسبوع عالفرح بص لو انت مش لزماك الجوازه دى قولى من دلوقت اللحق اللغى
طارق / قدرى ظروفى يا عبير
عبير / قدر انت ظروفى بص انا نص ساعه و هبقى فى الكافتريا تحت البيت عندك بيتهيالى مش هتلاقى مكان انسب من ده تتقابل فيه و تبقى جنب المدام الا لو جيتلك بقى الشقه و اتعرفت عليها
طارق / ههههههههههههههه
عبير / انت بتدحك انت بتحاول تستفزنى
طارق / اصل سبحان الله هى بتقولى ابقى اعزمها عالغدى فيوم اتعرف عليها
عبير / ايه ده بجد
طارق / انا هلبس و هستناكى تحت
عبير / انا فى الطريق سلام
.....................
فى كافيه
امينه / دى لسته بالحاجات اللى ورانا قبل الفرح المفروض بقى ان حضرتك تفضيلى نفسك خالص عشان نلحق نخلصها
مصطفى / انا بقول ناجل الفرح احسن انتى بتهزرى يا امينه ايه كل ده
امينه / يا سلام
مصطفى / مهو انا مش هينفع انزل معاكى فى كل صغيره و كبيره مره انا مره منه مره مامتك مره امل كدا يعنى وزعى
امينه / و اشمعن انا انزل فى كل الحاجات
مصطفى / بصى انا فاضى جمعه و سبت اربعه و عشرين ساعه اقولك بكره هعدى عليكى بعد الصلاه نقلب البلد و مش هتروحى غير و انتى مخلصه نص اللسته دى ارتاحتى
امينه / انت فاكرها سهله اوى كدا
مصطفى / قولى بس يارب ها تحبى تتعشى ايه
......................
فى عربيه رحيم سايق و هو مخنوق تليفونه يرن
رحيم / ايوه يا ساره .... لا كنت هاجى خير .... موجود فى الملف على جهازى ..... نص ساعه و هاجى حاضر ... سلام
.....................
فى كافيه
طارق / يا عبير انتى عارفه ظروفى مالاول و انا متاخرتش فى حاجه
عبير / ظروفك و متاخرتش انت بتناقض نفسك على فكره
طارق / قوليلى المطلوب و انا اعمله انتى حددتى معاد الفرح و انا قولت ماشى مع انك مقدرتيش تحددى هتتجوزى فين و لعلمك احنا كنا متفقين مالاول اننا هنعيش مع ايناس
عبير / معترضتش بس على الاقل من حقى كام يوم بتوعى فى الاول
طارق / طيب هو عشان كام يوم عاوزه شقه و عفش و الحاجات دى كلها
عبير / انا عروسه و من حقى فى اوضه نوم جديده
طارق / حقك بس مش هحطها هناك انا انا مقدرش ادخل بيت الصياد انا كدا بستفز عماد
عبير / انت خايف منه
...........................
طارق / لا مش خايف منه و عارف انه اتجوز و عارف انه اتجوز نفس البنت اللى وقعت بنكوا بس احنا المفروض نبعد عنه بقى و ننسى اللى فات احنا هنبدا حياه جديده بلاش نبداها بمشاكل يا عبير انا لا عارف اركز لا فى بيتى و لا فى شغلى
عبير / و انا السبب
طارق / لا طبعا و كمان ايناس مش السبب بس انا متشتت فمليون جبهه ارجوكى مش عاوز افتح على نفسى جبهات جديده
عبير / يعنى انت عاوز ايه دلوقت
طارق / بصى يا عبير عاوزه شقه لوحدك من بكره هاجرلك شقه شهر مفروشه و بعدها تيجى تعيشى معايا انا و ايناس
عبير / انا بصراحه مش عارفه ايناس هتقبلنى و لا لا
طارق / بصى بكره تيجى تتغدى معانا و تقابليها و تتعرفوا على بعض و ربنا يقدم اللى فيه الخير اتفقنا
عبير / و بعدين
طارق / هو ايه اللى و بعدين مانا قولتلك اللى اقدر عليه و يمكن يا ستى لما تقابليها كل حاجه تتغير
عبير / ربنا يسهل انا هنزل بكره اشوف الفستان بعد الغدى هتيجى معايا
طارق / حاضر من عنيا حاجه تانى
عبير / تسلم عنيك
..................
فى المكتب
ساره / مالك مكشر ليه كل ده عشان خليتك تيجى تفتحلى الباسورد كان ممكن تمليهونى فى التليفون و تبقى تغيره
رحيم / لا انا كدا كدا كنت جاى
ساره / بجد يا رحيم مش هتقولى مالك
رحيم / مالى مانا كويس اهو
ساره / لو قدرت تكدب على نفسك مش هتقدر تكدب عليا
رحيم يرفع حاجبه
ساره / سورى يعنى لو كنت تجاوزت حدودى
رحيم / انا هقوم اشوف على عن اذنك
ساره / بشمهندس على مجاش النهرده
رحيم / يبقى هروح سلام
..................
فى شقه رحيم
رحمه / حمدالله عالسلامه احطلك تتعشى
رحيم / لا مليش نفس
رحمه / روحت المكتب
رحيم / اه روحت بس مكنليش مزاج اعمل اى حاجه روحت علاطول
رحمه / انت زعلان منى فى حاجه
رحيم / لا
رحمه / رحيم هو ايه اللى جرالنا
رحيم يبصلها باهتمام
رحمه / كل حاجه فى حياتنا مبقالهاش طعم حياه روتينيه ممله مفيهاش اى حاجه جديده حلوه
رحيم / معلش
رحمه / انت طول الوقت مشغول و انا طول الوقت مشغوله كنت فاكره لما نبقى مع بعض فى كل حاجه هنلاقى وقت سوا بس مبيحصلش حتى و احنا مع بعض مش فاضيين لبعض
رحيم / انتى عاوزه ايه
رحمه / واحشنى يا رحيم محتاجاك
رحيم / دا على اساس انى كنت مهاجر مثلا مانا معاكى علاطول
رحمه / لا مش معايا على الاقل رحيم بتاعى مش معايا
رحيم / لا والله و النبى انتى فايقه و رايقه
رحمه / و فيها ايه كتير عليا لما اروق هو انا لازم ابقى متوتره طول الوقت تعبت يا اخى تعبت
رحيم / يعنى هو انا اللى مرتاح اوى اولعلك فى نفسى عشان ترتاحى اقولك انا الغلطان انى رجعت ابو اليوم اللى الواحد اتجوز فيه يا شيخه
رحيم يرزع باب الشقه وراه و يسيب رحمه بتعيط
...........
فى شقه عماد
امل / شوفت الواطيه هتاخد مصطفى معاها و انا اللى كنت مستنيه اليوم ده عشان انزل انقى معاها فستان الفرح
عماد / يا شيخه ريحتك هو نفسه هيقول ياريتها خدت امل معاها
امل / جوايا احساس برده بيقول انها ريحتنى يعنى مهو انت عارف انا ملبستش فستان فرح
عماد يقوم يلزق جنب امل و يمسك ايدها و يبوسها و يحضنها
امل / ايه يا عم الجو ده عادى يعنى كلو كان بمزاجى محدش غصبنى على حاجه لو كنت عاوزه كنت جبت المنفوش ده فى كتب كتابنا
عماد يبصلها و هو مبتسم
امل / فاكر زمان لما قولتلك انى نفسى يوم فرحى ابقى زى سندريلا
عماد / اه فاكر
امل / كان نفسى فى حاجات كتير اوى اياميها بس الحمد لله ربنا عوضنى بحاجات كتير اوى احسن
عماد / نفسك فى ايه
امل / ههههههههههههه كان نفسى ابقى دكتوره
عماد / ههههههههههههههههههههه و انا كان نفسى ابقى ظابط كلها طموحات و امانى
امل / طب انا معرفتش عشان مجبتش مجموع انت بقى ليه
عماد / انا مقدمتش اصلا
امل / ههههههههههههه
عماد / اه والله كان نفسى و انا صغير بس لما دخلت اعداديه و بقيت بنزل طول الوقت المعرض و اشتغل مع بابا حبيت المجال اوى و لما دخلت ثانوى مكنتش الدراسه بتشدنى كنت بحب اشتغل جدا
امل / حلو لما تبقى حابب شغلك بيقولوا لما الواحد بيشتغل الحاجه بحب الحاجه دى هتديله
عماد / اه بحس بكدا انا كمان على الاقل مش هتبقى شايل هم كل يوم الصبح و انت نازل شغلك لانك بتعمل حاجه بتحبها
امل / و انت كمان فنان اوى بصراحه
عماد / تعرفى يا امل انا نفسى تبقى اسعد واحده فى الدنيا نفسى ربنا يكرمنى معاكى و ابدا دنيا تانيه خالص
امل / باذن الله
عماد / عاوزك تعرفى انى هعمل كل اللى اقدر عليه عشان اسعدك عاوزك تسامحينى لو فيوم قصرت و تعرفى انى حاولت و انه كان اكيد غصب عنى
امل / يابنى انا مش عاوزه اى حاجه فى الدنيا غيرك جنبى
عماد / انا بحبك بجد
امل / و انا بموت فيك
باب الشقه يخبط
عماد / انا هشوف مين
امل / خير يارب
عماد يفتح يلاقى رحيم
عماد / خير فى ايه
رحيم / ممكن تخرج معايا شويه مخنوق محتاج اتكلم
عماد / اه ثوانى هغير و انزلك
رحيم / هستناك فى العربيه
..................
فى العربيه
عماد / ايه التفاهه دى طب هى ذنبها ايه طيب
رحيم / ذنبها انها مش قادره تفهم
عماد / انت بقيت قاسى عليها اوى كدا ليه يابنى افهم رحمه ملهاش غيرك لو انت قسيت عليها مين هيطبطب
رحيم / وانا مين هيطبطب عليا انا تعبان كل حاجه فى حياتى عملالى ضغط عصبى تعبت يا اخى
عماد / انت مدايق انها بطلت الحبوب منغير اذنك و لا انها محملتش مع انها مبطله الحبوب
رحيم / قصدك ايه
عماد / قصدى انك خايف
رحيم / افتى بقى افتى
عماد / مبفتيش انا اكتر واحد حاسس بيك
رحيم / الاتنين هى فاجاتنى مش عارف فى مليون حاجه فى دماغى انا المفروض انى بقيت كويس هو مش قال قدامك كدا
عماد / ايوه بس هى كمان كانت بتاخد ادويه و بطلتها يمكن ده السبب يمكن ادم كان هديه من ربنا و اصبر لما تيجى هديه تانيه و حتى لو مجتش يا رحيم حتى لو خلاص كدا ربنا كرمكوا عاوزين ايه تانى اسمع يا رحيم مش بكلمك انى اخوك الكبير اخوك اللى بجد طلعت روحه حافظ على مراتك اللى بتحبك مهما كلفك لانها اكبر نعمه بجد والله
رحيم / انت بتوصينى انا على رحمه تصدق انا غلطان يلا ياض انا مروح
عماد / صبرنى يارب
رحيم / امين
................
فى شقه رحيم
رحمه نايمه رحيم يقعد جنبها تصحى و تقوم تقعد
رحيم / انا اسف مكنش المفروض انى اتنرفز عليكى كدا
رحمه / انا مكنتش فارق معايا اجيب بيبى
رحيم / امال بطلتى الحبوب ليه
رحمه / تصدقنى لو قولتلك وحشنى اهتمامك بيا فقولت يمكن لو حامل هتقربلى اكتر
رحيم / انتى هبله
رحمه / انت مش شايف نفسك انت مش معايا لا لا بص انا مش هفتح السيره دى تانى كفايه اوى انك ندمت انك اتجوزتنى
رحيم / لا ارجوكى افتحيها انا اسف انى مسمعتكيش انا بجد الفتره اللى فاتت انتى شوفتى عماد و ماما و بابا و مراته و حملها و سقوطها و امل كل حاجه يا شيخه كل حاجه حتى الشغل و عبير و الكليه كل حاجه حوليا انا مرهق محتاج
رحمه / طب متيجى نسافر ناخد الاولاد و نطلع نغير جو نفصل
رحيم / ماشى بعد الفرح
رحمه / فاضل اسبوعين نسافر و نرجع عالفرح ايه رايك
رحيم / مش عارف و الشغل و الكليه
رحمه / اممم مش عارفه بقى انا زهقت
رحيم / سيبيها لله بكره نروح الكليه و نحاول نقدم على اجازه و لا نشوف هنعمل ايه
رحمه / اوك ماشى
........................
يوم الفرح
فى اوضه فى فندق عبير قاعده على سرير
طارق / طالعه زى الملايكه
عبير/ ميرسى
طارق / قبل اى حاجه كنت عاوز اعتزرلك
عبير / على ايه
طارق / اى حاجه كل حاجه الصراحه انا مش عاوز اتكلم فى حاجات وحشه فى ليله زى دى بس قبل متبدئى حياتك معايا عاوزك تعرفى انى هعمل كل اللى هقدر عليه عشان اصونك و ان اى تقصير هيبقى غصب عنى
عبير / قبل مبدء حياتى معاك انا عمرى هيبتدى معاك يا طارق كل اللى قبلك مش هحسبه اوعى تضيع اللى جاى
طارق يهز راسه لا وهو مبتسم
......................
فى شقه عماد
عماد واقف فى البلكونه و ماسك كوبايه الشاى و حاطت الهاند فرى فودانه امل تدخل عليه و تحط ايدها على كتافه بحنيه يلف و يمسك ايدها و يبوسها و تقف جنبه و يوقف الاغانى
عماد / نام
امل تهز راسها اه و هى مبتسمه
عماد / فاكره الوقفه دى
امل / وقفه ايه
عماد / وانا واقف كدا شغلت اغانى و افتكرت لما كنا بنتكلم بالاغانى انتى لحقتى تنسى
امل / على فكره انا مكنتش بكلمك انا كنت
عماد / مبتعرفيش تكدبى على فكره
امل / انت رخم اوى على فكره
عماد / ههههههههه عارف اسمعى الاغنيه دى كدا انا لقيتها بالصدفه عالساوند كلاود بس كل كلمه فيها بغنيهالك
امل / طب متغنيهالى
عماد / ليه الاحراج ده انا صوتى وحش
امل / هسمعك بقلبى
عماد / طب استنى
عماد يشغل الاغنيه و يبدء يغنى هو رامى جمال اوعدينى
عماد /اوعدينى لو زعلتى مره منى تعرفينى لو جرحتك غصب عنى تحسسينى متشيليش جواكى حاجه تحكى ليا كل حاجه لما هفهم هبقى احسن صدقينى لا لا صوتى وحش اوى
امل / كمل و النبى
عماد / اوعدينى لو نسيت يا حبيبتى نفسى تفوقينى لو خدتنى الدنيا منك رجعينى لو فى لحظه زاد غرورى اشتكى لومى و ثورى بس اوعى فيوم تروحى و تسبينى
امل / اوعدك
عماد / انتى قلبى و انتى روحى و انتى عينى حد عايز اعيش معاه لاخر سينينى انتى بالنسبالى مش حب فى حياتى انتى كل حياتى فعلا افهمينى
امل / يا لهوى دا فى الاغنيه
عماد يدحك و يحضنها اوى
عماد / لسه مخلصتش اسمعى اسمعى
امل / اشجينى
عماد / اوعدينى لو فيوم الخوف ملكنى تطمنينى لو ذكائى فى مره خانى تفهمينى لما اقسى فى يوم تحنى و لما اغلط غصب عنى قبل مغلط غلطه تانيه ترجعينى اوعدينى لو يبعنى الكون بحاله تشترينى تبقى اقرب منى ليا تكملينى تبقى اختى تبقى امى تجرى فيا جوا دمى لما اكون تعبان تضمى و تداوينى
امل تحضن عماد اوى
عماد / انا بحبك يا احلى حاجه حصلتلى فى حياتى
امل / انا بموت فيك انا مش عارفه عاوزه اعيط بس خايفه تقول عليا نكديه بس بجد مش قادره امسك دموعى بجد غصب عنى
عماد / لا لا لا ابوس ايدك كلو الا دموعك
عماد يحضن امل اوى و يدخل معاها جوه
.........................
فى شقه زينب
زينب / انت قلقان من ايه يا رحيم اللى يخلف مره يخلف تانى هو بس تلاقى موانع الحمل دى لسه مخرجتش مانت عارف هو انا اللى هقولك
رحيم / انا خايف اعيش اللى حصل تانى
زينب / بس يا اهبل اللى فات مات هى عارفه ظروفك دلوقت و بعدين معاكوا ادم و مدام خلفت منك مره يبقى انت اكيد كويس دى سبحان الله جابته منغير حقن و لا ادويه ولا ايه حاجه فاكر و لا افكرك جيت اجازه يوم و سافرت رجعت لقيتها حامل
رحيم يرفع حاجبه باستغراب و يرجع بضهره و يسرح
.......................
فى شقه اميره
امينه / كدا مش ناقص حاجه كل اللى فى الورقه اتجاب
اميره / خلاص يا محمد شوفلنا كام عربيه تنقل الحاجات دى الشقه نفرشها و اهو نشوف لو حاجه ناقصه نلحق نجيبها
محمد / بكره الصبح هتلاقى عربيه المعرض تحت البيت و الرجاله هتنزل كل حاجه لمى انتى بس الحاجه فى كراتين عشان مفيش حاجه تتنطور كدا و لا كدا
امينه تليفونها يرن
امينه / دى منه هقوم ارد
امينه تقوم تدخل جوه
امينه / الو ايوه يا واطيه
...........................
قبل ماتخرجوا اتفضلوا الروايات الكامله من هنا 👇❤️👇❤️👇
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
روايات كامله وحصريه
🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹
1- روايةبداية الروايه من هنا
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
100- سكريبت جمعتنا الشكولاته الساخنه
101- سكريبت سيف وغزل
102- رواية حب الفرسان الجزء الثالث
104- رواية رعد والقاصر
105- رواية العذراء الحامل
106- رواية اغتصاب البريئه
107- رواية محاولة اغتصاب ليالي
108 - رواية ملكت قلبي
109 - رواية عشقت عمدة الصعيد
110- رواية ذئب الداخليه
111- رواية عشق الزين الجزء الاول
112- رواية زوجي وزوجته
113- رواية نجمة كيان
