رواية مفيش رحمه الفصل الأخير بقلم لولو محمد
رواية مفيش رحمه البارت الأخير بقلم لولو محمد
رواية مفيش رحمه الجزء الأخير بقلم لولو محمد
 |
((((((مفيش رحمه ))))))))
الحلقه الاخيره
رحمه / ابقى فكر فى الموضوع ده قبل متغلط بعد كدا
رحيم / بلاش تقل بقى يا رحمه انا تعبت
رحمه / اقولك عاوز تصالحنى خلى عماد يصالح امل
رحيم يقف و يحط ايده فى وسطه و يروح للباب و يرجعلها و يروح للباب تانى و يرجع
رحيم / انا ماشى
رحمه / مع السلامه يا رحيم
رحيم / بقولك همشى
رحمه / نورت يا رحيم
رحيم / دا اخر كلام يعنى
.............................
رحمه / دا اوله اخره عندك انت
رحيم / احنا مالنا
رحمه / اهو بقى حاول يكفيك شرف المحاوله
رحيم / ربنا يسهل انا اللى استاهل اصلا
رحمه / خد بالك من نفسك و انت سايق
رحيم يمشى و هو بيبرطم
رحيم / اياكش اتقلب و اخلص انا كان مالى انا
رحمه واقفه بتدحك على اخرها
........................
بعد يومين فى بيت هاله
زينب / انا اتفقت مع الدكتوره اللى هتعملك العمليه هتروحى بعد بكره الصبح الساعه عشره و انا هجيب محمود و نيجى عندكوا البيت ماشى
عبير / انا خايفه اوى متيجى معايا
زينب / هنعيده تانى
عبير / طيب طيب انتى متاكده ان الدكتوره دى شاطره
زينب / اه شاطره واحده صحبتى فى النادى شكرتلى فيها اوى حملت بالغلط و جوزها جبرها تنزله
عبير / ليه
زينب / انا مالى بس تقريبا عشان سنها او حاجه كدا معرفش
عبير / ماشى بعد بكره الساعه 10 تمام تمام
................
فى شقه زينب
رحيم / انت عنيد ليه كدا يا عماد
عماد / و انت مهتم اوى كدا ليه مانا حكيتلك كل حاجه
رحيم / ايوه مهو لانك حكيت انا اتاكدت ان الموضوع ميتساهلش مجرد وساوس فى دماغك و خربت عليك زى مخربت عليا
عماد / كنت فاكر زيك كدا لما هشام قالى
رحيم / هشام طليقها
عماد / اسمع بس
رحيم / يا عماد افهم امل عمرها مكانت علاقتها بيك فلوس امل عاشت معاك فى شقه ايجار متعملهاش فرح مطلبتش منك حتى فستان و لا طلبت مؤخر و لا مهر اللى انت قدمته رضيت بيه
عماد / بس طول الوقت ورثى من اخويا ورثى من اخويا
رحيم / حقها يا اخى هى مطلبتش اكتر من حقها طلبت منك تقف جنبها و ترجعلها حقها و ان كنت رفضت
عماد / يبقى ملهاش ضهر صح
رحيم / لا طبعا اكيد خانها التعبير يعنى و انت كنت مشحون من الاول
عماد / رحيم رحيم وفر جاز انا مرهق و عاوز انام
رحيم / هتندم يا عماد هيجى عليك يوم تتمنى فيه انك كنت راضيتها
عماد /ربنا يسهل عن اذنك
.....................
فى اسكندريه
رحمه / بتتكلمى جد
امل بتعيط/ عملت التحليل النهرده الصبح انا حامل
رحمه / و بتعيطى ليه دلوقت
امل / عشان خايفه
رحمه / انا هتصل بعماد و اقوله حالا
امل / لا لا
رحمه / عماد لازم يعرف
امل / مش عاوزاه يراضينى عشان لقانى حامل و ادبس فيا مش عوزاه يعيش معايا الفتره اللى عاشها مع عبير عوزاه يوم ميرجع دا لو رجع
رحمه / هيرجع
امل / لو رجع يبقى راجع عشانى مش عشان اللى فبطنى
رحمه / بس دا ابنه و من حقه يعرف
امل / هيعرف اكيد هيعرف بس لما اتاكد الاول انه بايعنى
رحمه / امل اديله فرصه يمكن ربنا كرمكوا بالنونو ده عشان
امل / ارجوكى يا رحمه انا قولتلك عشان انتى اختى لو ماما عرفت هتقولهم انا مش عوزاه يعرف دلوقت
رحمه / اوك بس بجد فكرى فى كلامى
...........................
فى العياده
عبير / انا خايفه اوى يا سلمى
سلمى / انا خايفه اكتر منك فارجوكى امسكى نفسك ماشى انا اصلا مش عارفه ازاى وافقت اجى معاكى مشوار زى ده
عبير / لو جرالى حاجه خدى بالك من محمود
سلمى / بقولك ايه مفيش الكلام والله امشى
عبير / لا لا انا جاهزه شكه دبوس شكه دبوس
سلمى / كلو هيبقى تمام كلو هيبقى تمام
........................
فى شقه هاله
فى البلكونه هاله و زينب و محمود قاعدين
هاله / يا ست الكل انا بقولك للمره المليون عبير متجوزه
زينب / يعنى عاوزه اسالك بزمتك انتى مبسوطه بجوازه بنتك من الحيوان اللى اسمه طارق يعنى مش كفايه خرب عليها جاى دلوقت يتامر عليها بقالها كام يوم غضبانه ايه مش عارف يدخل عليها بهديه و يراضيها طب دا عماد مكنش مخلى فى جيبه مليم و كان مهنيها و على يدك
هاله / النصيب يا ست زينب النصيب
زينب / و نصيبها حلو ان شاء الله انا بقول ترجع تعيش فبيتها مع ابنها وسطينا و هما لما هيبقوا قصاد بعض الميه هترجع لمجاريها باذن الله
هاله / انا قلبى حاسس انك كلمتيها و متفقين و بتبلغونى مش بتاخدوا رايى
زينب / لا ازاى رايك مهم برده يمكن تكونى شايفه حاجه احنا مش شايفنها
جرس الباب يضرب
هاله / عن اذنك ثوانى اشوف مين
هاله تروح تفتح الباب تلاقيه واحده شايله صينيه
هاله/ اهلا يا ست احلام اتفضلى اتفضلى
زينب تبص مالبلكونه
هاله / تعالى يا زينب دى احلام جارتنا
زينب تطلع مالبلكونه و تسيب محمود جوه فى البلكونه عصفوره تقف عالحبل محمود يشوفها يطلع عالكورسى و يقعد عالصور و يمد ايده ياخدها
.................................
احلام / انا عملت شويه رز بلبن تاكلو صوابعكم وراهم قولت لازم تدوقى و تحكمى
هاله / لا ادوق ايه داحنا معانا الشيف هنا بذات نفسه دوقى يا ست زينب و اعملى حسابك احلام دى المنافسه الاولى ليا فى المطبخ
احلام / انا اجى جنبك حاجه
هاله / محمود فين
هاله و زينب يتحركوا عالبلكونه يلاقوه قاعد عالسور هاله تصرخ محمود يرتبك يقع فى الشارع زينب تقع فى مكانها و هاله تجرى عالصور تبص على محمود و هو فى الارض سايح فى دمه و الناس ملمومين عليه
......................
فى المستشفى
عبير نايمه عالسرير تفوق
عبير / ايه اللى حصل انا فين
سلمى تمسك ايدها و هى بتعيط
عبير / فى ايه يا سلمى ايه اللى حصل
سلمى / حصلت مضاعفات و نقلناكى المستشفى و اتصلت بطنط كتير محدش رد و انا معيش رقم طارق اكلمه
عبير / ايه اللى حصل يا سلمى
سلمى / شالولك الرحم انا اسفه اوى
عبير عنيها تتملى بالدموع و تلطم على وشها سلمى تحاول تهديها
سلمى / انا مش عارفه اقولك ايه انا بجد اسفه اوى
عبير تشاورلها تسكت و تغمض عنيها و الدموع عماله تنزل منها مبتقفش
.........................
فى مستشفى تانيه
هاله واقفه تعيط و محمد قاعد عالكرسى و ساند راسه عالحيطه وممرضه بتقيسله الضغط و عماد و رحيم يدخلوا جرى هاله تبص لعماد و محمد يقوم جرى ياخد عماد فى حضنه و يعيط جامد
عماد / ايه اللى حصل يا بابا مفهمتش حاجه فى ايه ماله محمود
هاله تبص لمحمد عماد يصرخ فيهم
عماد / ابنى جراله حاجه فين ابنى
دكتور يطلع من اوضه الكل يجرى عليه
الدكتور / البقاء لله
عماد واقف مسهم رحيم يحضنه
محمد / البقاء لله يا عماد سبقك عالجنه
عماد يقع فى الارض و يسند عالحيطه و الدموع مبتقفش رحيم يقعد جنبه و يسنده
رحيم / انت مؤمن و موحد يا عماد البقاء لله
عماد / ايه اللى حصل
هاله بتعيط / كنا قاعدين فى البلكونه و روحت افتح الباب نط عالصور ملحقتوش
عماد يبصلها و يغمض عينه يخبط راسه فى الحيطه وراه بالراحه مره و را مره و الدموع بتنزل منها و هو مبيتكلمش
رحيم / طب و ماما مالها
هاله / مستحملتش المنظر يا عينى
رحيم / طب هى عامله ايه دلوقت
محمد / لسه محدش طمنا ادينا مستنين
رحيم / انا هقوم اشوف الاجراءات ايه عشان محمود الله يرحمه
عماد يرفع عينه و يبصله و هو بيعيط رحيم يقعد جنبه تانى و ياخده فى حضنه
عماد / قولى ان ده كابوس قولى ان محمود كويس قولى انكوا بتعملوا فيا مقلب
رحيم / انت اقوى من كدا
عماد يتنهد و يعيط على اخره و رحيم كمان يعيط
...................
فى البيت
زينب داخله على كرسى متحرك مشلوله بيزقها رحيم محمد يساعده ينيموها على سريرها رحيم يبص لابوه و يتحركوا هما الاتنين ناحيه اوضه عماد حاضن ابنه و هو متكفن و بيعيط و ضامه لقلبه اوى
رحيم / سيبه يا عماد خليه يرتاح
عماد يضمه اكتر
محمد / اكرام الميت دفنه يابنى هو هيبقى فى مكان احسن
عماد / اكيد ربه هيبقى احن عليه مننا مش هيسيبه يموت و لا يتوجع و لا يهمل فيه زينا
رحيم / قدر الله و ما شاء فعل
محمد / سيب الولد يا عماد خلينا نصلى عليه و ندفنه
عماد / انا بس عاوز اخده فى حضنى لاخر مره
محمد / متصعبهاش علينا اكتر من كدا
رحيم يشد الولد من حضن عماد و كانه بيسحب منه روحه يتحرك ناحيه الباب يلاقى رحمه داخله بتجرى و هى بتعيط ووراها امل
رحيم يقرب من رحمه و هو شايل محمود رحمه تحضنه و تطبطب عليه و تمسح دموعها
رحمه / مكنش ينفع اسيبكوا فى ظروف زى دى
رحيم يهز راسه و الدموع نازله منه و يتحرك و يسيبها امل تدخل اوضه عماد و هو واقع فى الارض بيعيط تقرب منه و تقعد جنبه يبصلها
امل / شد حيلك انا جيت اول معرفت
عماد / قلبى اتسحب منى يا امل خدوا روحى منى
امل / انت مؤمن اجمد هو فى مكان احسن
عماد يرمى نفسه فى حضنها و يفضل يعيط و هى تعيط معاه
.................
فى اوضه زينب
زينب نايمه عالسرير رحمه تقعد جنبها و تنيم ادم فى حضنها و تمسك ايديها و تدفيها باديها
رحمه / البقاء لله
محمد / خير معملتى يا بنتى انك رجعتى
رحمه / اول معرفت رجعت علاطول على فكره امل حامل
محمد / ما اخذ الا ليعطيك
رحمه / كلو هيبقى تمام يا ماما زينب متخافيش انا مش هخليكى محتاجه حاجه انا هاخد بالى منك و هخدمك بنفسى لحد متقومى بالسلامه
محمد / اصيله يا بنتى اصيله
رحمه / لو سمحت يا بابا خلى امل هى اللى تبلغ عماد بنفسها بلاش حضرتك تقوله
محمد / فاهم يا بنتى فاهم
...................
فى المستشفى عند عبير
عبير نايمه عالسرير عنيها وارمه و الدموع مبتقفش و جنبها امها منهاره مالعياط و ايناس و
طارق واقفين
ايناس / طلبتى تشوفينى
عبير / انا عرفت دلوقت ليه طارق متمسك بيكى تعرفى انا طلبت اشوف كل الناس اللى اذيتهم فى حياتى بس للاسف محدش جالى غيرك
ايناس / البقاء لله طارق قالى على اللى جرالك شدى حيلك
عبير / انا عاوزاكى تسامحينى انا ربنا عاقبنى اشد عقاب خدلك حقك منى خدلك حقك قدام عينك ارجوكى تسامحينى عشان معدش عندى اللى ادفعه
ايناس / انتى بتقولى ايه
عبير / مش عارفه اقولك ايه اتبترت على نعمه ربنا و حاولت اقتلها ربنا حرمنى منها عايرتك بمرضك اتغريت فى انى بخلف و انتى...... كنت فاكره ان ده كفايه ان طارق يحبنى بس الحقيقه انا عمرى محبيت طارق لا الحقيقه انى عمرى محبيت حد انا طول عمرى بدور على حد يحبنى بس مكنتش اعرف ان مفيش حد هيحب واحده زيى
عبير تنهار مالعياط و ايناس تمسك ايدها
عبير / انا مش عارفه ربنا عاقبنى العقاب ده ليه عشان اتبترت على نعمته و لا عشان ايناس و لا عشان ....
باب الاوضه يتفتح و تدخل اميره و امل و امينه و رحمه و رحيم عبير تبص لاميره
عبير بتعيط / انا ربنا عاقبنى عشانك انتى بنفس اللى عملته فيكى انتى
عبير بتشاور على اميره و بتصرخ
هاله / اهدى يا بنتى
رحمه / اهدى يا عبير انتى مؤمنه
عبير / انا اللى اجرت الستات يسقطوها انا اللى اجرتهم يضربوهم و يسحلوهم فى الشارع انا اللى دفعتلهم الفلوس بايدى دى اياكش كنتى تتشلى كنتى تتشلى
عبير تمسك ايدها و تفضل تخبطها فى السرير اميره تجرى تمسكها مع هاله و رحيم يطلع بره
امل / وحدى الله يا عبير اهدى
عبير / محدش حبنى محدش بيطقنى عشان انا وحشه انا زباله حتى ابنى مستحملش يقعد معايا سبنى و مشى ياريتنى كنت سبته لابوه هو احن عليه منى
عبير تدور بينهم
عبير / مرضاش يجى يشوفنى له حق له حق يكرهنى انا قتلت ابنه بايدى قتلته يوم مقتلت ابنك يا طنط قتلته يوم مطاوعتها منها لله حسبى الله و نعم الوكيل فيها حسبى الله و نعم الوكيل فيها
رحيم يدخل و معاه دكتور و ممرضه تمسك عبير و هى عماله تصرخ
عبير / انا اللى قتلته انا اللى قتلته
الدكتور يدى لعبير حقنه تنام
الدكتور / ياريت نسيبها ترتاح من فضلكوا
عبير بتهلوس/ انا مجرمه انا اللى قتلته انا اللى قتلتهم كلهم
الكل يطلع بره
امينه / اللهم لا شماته
اميره / الله يعينها مش سهله ابدا
امينه / الله يعين بابا فى البيت و لا عماد
رحيم / انا بقول نروح وجودنا هنا مفيهوش فايده
رحمه / انا معاك
.................
فى شقه زينب
رحمه بترتب المخدات تحت ضهر زينب و هى مشلوله رحيم يدخل رحمه تبصله يروح يقعد جنب مامته عالسرير و يبوس راسها رحمه تلف حوالين السرير ناحيه الباب و اول متقرب من رحيم يمسك ايدها
رحيم / اقعدى لو سمحتى
رحمه تقعد رحيم يبص لامه
رحيم / لو فيوم قالولك انك لو وقعتى رحمه هى اللى هتاخد بالها منك و ترعاكى كنتى هتصدقى يا امى
رحمه / ياما رعتنى و انا صغيره و قله الاصل مش فطبعى
رحيم / اكيد
رحمه / انا رجعت عشان البيت هنا محتاجنى ظروف عموا و طنط و عماد
رحيم / و انا مصعبتش عليكى فى كل دول يا رحمه
رحمه تبص لزينب و هى متابعه الحوار
رحمه / مصعبتش انا عليك
امل تدخل الاوضه و فى ايدها كوبايه عصير
امل / متتعدلى بقى يا بت هى ناقصه دلعك انتى كمان كلنا فينا اللى مكفينا مش وقت قمصتك انتى رخره
رحيم / هههههههههههههههههههه
رحمه / ممكن تخليكى فى حالك
امل / انا اديت لعموا الدوا و نام هطلع العصير ده لعماد فوق يا قلبى محطش حاجه فى بقه من امبارح
رحمه / ماشى
امل / اتعدلى و احمدى ربنا عالنعمه و انت قسما عظما لو كررت حركات عيلتكوا المجنونه دى لغزك فاهم
رحيم / هههههههه حاضر
رحيم يبص لرحمه و فى ابتسامه مكسوره بينهم و امل تطلع فوق
رحيم/ و رحمه محمود الصغير تسامحينى
رحمه / الله يرحمه قطع بينا كلنا خد روحنا معاه
رحيم يسكت ثوانى
رحيم / ارجوكى يا رحمه اوعدك ان دى اخر فرصه هطلبها منك اوعدك انى عمرى مهظلمك تانى
زينب تعمل صوت رحيم و رحمه يبصولها
رحيم / حتى ماما بتقولك سامحيه
رحمه تهز راسها اه رحيم يقوم يحضنها
رحمه / بس تعمل حسابك ان دى اخر فرصه
رحيم / والله العظيم اخر فرصه
.....................
فى شقه عماد فوق
فى اوضه محمود عماد قاعد عالسرير و حاطت لعب محمود حواليه و بيلعب بهدومه امل تدخل و معاها كوبايه عصير
عماد / ربنا خدلك حقك
امل تحط ايدها على بقه
امل / متكملش .....عشان محمود مكنش ابنك لوحدك و انت عارف غلاوته عندى انت عارف كان بالنسبالى ايه
امل تعيط و عماد يبصلها بحزن
امل / انا عمرى مفكرت فى حمل لانى كان عندى ابنى اللى مالى عليا البيت لسه صوت دحكته بترن فى ودنى كنت حالفه مرجع لحد متيجى و تراضينى بس اول مسمعت الخبر كنت اول واحده فى القطر مكنتش عارفه لما اوصل هحس بايه هتطردنى و لا هترحم ضعفى و دموعى على ابنى اللى راح
لحظه صمت لثوانى عماد يبص لامل و هى تمسح دموعها و تبصله و تبص فى الارض و تتنهد
امل / انا عارفه ان اللى جاى عمره مهيعوض اللى راح بس
عماد / ترجعيلى ؟؟؟
امل تبصله
عماد / انا محتاجك اوى جنبى انا عارف انك رجعتى و انك هنا بس انا محتاج اترمى فحضنك زى العيل الصغير و افضل اعيط لما اطلع كل اللى جوايا انا محتاجك اوى يا امل ارجوكى ارجعيلى
امل تبصله و عنيها كلها دموع عماد يمسح دموعها باديه امل تهز راسها اه و هى ماسكه ايديه على وشها و تقربها من بقها و تبوسها عماد يحضنها
امل / انا عارفه ان اللى جاى عمره مهيعوض اللى راح و لا حتى هيملا ربع مكانه بس .... انا حامل يا عماد
عماد يبعدها و يحط عينه فى عينها و هو ماسك ايديها
امل / انا مكنتش عاوزه اقولك الا لما تيجى تراضينى كنت عوزاك تردنى عشان انت عاوزنى مش عشان انت عاوز اللى فبطنى
عماد يعيط على اخره و يترمى فى حضنها
عماد / انا اسف سامحينى
امل / متبعدش عنى تانى يا عماد
عماد / اوعى تسبينى يا امل اوعى
عماد يحضن امل اوى
عماد / لو ربنا كرمنا ببنت هنسميها حياه
امل / و لو ولد هتسمبه ايه
عماد / محمد على اسم بابا
امل / انا بحبك اوى يا عماد
عماد / و انا والله بحبك يا امل
.......................
النهايه
قبل ماتخرجوا اتفضلوا الروايات الكامله من هنا 👇❤️👇❤️👇
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
روايات كامله وحصريه
🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹
1- روايةبداية الروايه من هنا
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
100- سكريبت جمعتنا الشكولاته الساخنه
101- سكريبت سيف وغزل
102- رواية حب الفرسان الجزء الثالث
104- رواية رعد والقاصر
105- رواية العذراء الحامل
106- رواية اغتصاب البريئه
107- رواية محاولة اغتصاب ليالي
108 - رواية ملكت قلبي
109 - رواية عشقت عمدة الصعيد
110- رواية ذئب الداخليه
111- رواية عشق الزين الجزء الاول
112- رواية زوجي وزوجته
113- رواية نجمة كيان
