رواية مفيش رحمه الفصل السادس عشر والسابع عشر والثامن عشر والتاسع والعاشر والعشرون بقلم لولو الصياد
رواية مفيش رحمه البارت السادس عشر والسابع عشر والثامن عشر والتاسع والعاشر والعشرون بقلم لولو الصياد
رواية مفيش رحمه الجزء السادس عشر والسابع عشر والثامن عشر والتاسع والعاشر والعشرون بقلم لولو الصياد
 |
((((((مفيش رحمه ))))))
الحلقه السادسه عشر
رحيم / وصلتى لفين يا ماما
حياه تبص لرحمه نايمه و تبص لرحيم رحيم ياخد علبه الالوان و يروح مع حياه اوضه رحمه و يقفل عليها الباب
حياه / انا خلصت دى ايه رايك بقى
رحيم / فنانه والله يا ماما من يومك
حياه / ادينى شغل غيره يلا
رحيم استنى ثوانى
رحيم يروح اوضته و يجيب الشاسيه اللى رحمه كانت شغاله عليه و الاصلى بتاعها و يحطهم على سرير رحمه فى اوضتها
رحيم / كملى ده و انا هخلص تحبير اللوحه اللى شفتيها دى
.......................
رحيم / احنا كدا خلصنا لوحه كامله من خمسه باذن الله هننجز قبل التسليم
حياه / باذن الله بس انت متعبتش يابنى دانت صاحى من بدرى
رحيم / اعمل ايه بس يا ماما رحمه تعبت اوى فى المشروع ده و بجد كان حلو اوى و حرام تتظلم عشان حد متخلف بجد لو مسكته
حياه / انت عارف انى بحبك اوى يا رحيم
رحيم / و انا كمان بحبك اوى يا ماما
حياه / ايه اللى حصل بينكوا
رحيم / الشعريه اتحرقت هههههههه
.....................
رحيم بيدحك دحكه مكسوره و يكمل شغل حياه تسكت و تبدا تلوين و اول متخلص
حياه / اه يا ضهرى مش قادره
رحيم / كفايه يا ماما خشى انتى نامى
حياه / و هتفضل انت صاحى
رحيم / ارتاحى انتى بس و الصبح ابقى كملى
حياه / طب نام شويه يا حبيبى حرام عليك نفسك
رحيم / هنام هخلص و هشيل الشاسيه ده و انام هنا خشى انتى ارتاحى عموا هيجى الصبح مالسفر هيلاقيكى تعبانه هيزعل
حياه / زعله مش هيبقى اقل من زعله على رحمه و اللى حصلها
رحيم / نامى و كل حاجه هتبقى تمام
حياه / طب مش عاوزنى اساعدك فى حاجه اعملك حاجه
رحيم / تسلميلى خشى بس انتى ارتاحى
حياه تدخل اوضتها و تنام و رحيم يكمل شغل فى اللوحه اللى فى ايده و يخلصها و يكمل تلوين اللوحه اللى كانت عالسرير و اول ميخلصها يشيلها و يروح اوضته ياخد الشاسيه اللى كان عالترابيزه و الاصلى بتاعه و اول ميشيله رحمه تقوم تقف و هى بتتطوح رحيم يسيب اللوح بسرعه و يسندها
رحيم / ايه اللى قومك ارتاحى
رحمه و هى مسنوده على رحيم و لسه نايمه
رحمه بتتكلم و هى نايمه و راسها على صدر رحيم / انا مكنتش نايمه انا هقوم اكمل
رحيم مبتسم و ساكت
رحمه / هروح اغسل وشى افوق و اكمل
رحيم يرجعها السرير تانى
رحيم / ايوه كملى
رحمه تنام فى ثوانى رحيم يغطيها و هى مبتسم اوى
رحيم / كملى نوم ارتاحى
رحيم ياخد اللوح و يقفل الباب و يمشى
.......
الصبح رحمه تصحى تلاقى نفسها فى اوضه رحيم و الكل نايم تروح اوضتها تلاقى رحيم نايم فى سريرها و فى ايده قلم الالوان تاخده من ايده يصحى
رحيم / ايه فى ايه
رحمه / اهدى انا اسفه صحيتك نام شويه نام و ارتاح حبه
رحيم / لا خلاص صحيت هكمل
رحمه / لا نام حبه لحد الصلاه و انا هبقى اصحيك ارتاح حبه عشان تعرف تكمل
رحيم / قربت اخلص خلاص
رحمه / نام انت بس شويه يا رحيم انا غلطانه انى خدت القلم من ايدك عشان خاطرى نام نام و انا هصحيك
رحمه تزق رحيم ينام تانى تاخد علبه الالوان و تقفل عليه الباب و تمشى
رحمه تروح تحط لوحه رحيم الناقصه عالترابيزه و تقعد تفنن فيها لحد قران الضهر ميبدا رحيم يصحى يدور عليها يروح اوضته يلاقيها بتشيلها
رحيم / انتى بتعملى ايه
رحمه / ايه رايك مش احلى مما كنت انت هتعملها
رحيم / انتى ضيعتى وقت فى لوحتى ليه كان زمانك خلصتى حاجه من بتوعك
رحمه / كدا اشتغل بنفس و انت كمان مش هيهمك حاجه و هتشتغل بمزاج لان مشروعك خلص
رحيم / انتى اكيد مجنونه
رحمه / اه طبعا مجنونه بنفس جنونك امال مش ولاد عم
رحيم مبوز / خلاص اتفضلى شوفى هتعملى ايه على مدخل اخد دوش و انزل الصلاه
رحمه مبتسمه / حاضر
..........
فى اوضه رحمه
حياه / فاضل ايه يا حبيبتى اساعدك فيه
رحمه / تسلميلى يا ماما روحى انتى جهزى الغدى عشان بابا لما يجى و انا خلاص هكمل من هنا كفايه اوى اللى عملتوه امبارح عشانى
حياه / الواد رحيم نام امتى دا يا عينى كلنا نمنا و سبناه شغال لوحده
رحمه / نام شويه متخافيش عليه
حياه / الواد ده بيحبك بجد يا رحمه متتصالحوا يا بنتى و بطلى عند
رحمه / ماما ليه بتتكلمى فى الموضوع ده هو لو كان عاوز صلح مكان صالحنى من زمان بس هو مرتاح كدا و انا كمان خلاص بدات ارتاح
حياه / بتدحكوا على مين لانتى مرتاحه و لا هو مرتاح الا لما بتبقوا جنب بعض و كل واحد فيكوا راسه انشف مالحجر و فيكوا كبر السنين كل واحد مستنى التانى اللى يصالحه ليه يا بنتى على ايه ايامكوا الحلوه تعدى فى الهبل ده
رحمه / ماما ممكن ناجل الكلام فى الموضوع ده و تسيبينى اركز عشان اخلص
حياه / انا هروح اساعد ستك فى الاكل زمان ابوكى و عمك جايين مالسفر
رحمه / احسن برده
بعد الصلاه رحيم يدخل اوضه رحمه
رحيم / وصلتى لفين
رحمه / فاضل لوحه البلاين كامله باللاند سكيب بتاعها و انا بلون فى دى اهو و نبقى خلصنا
رحيم / ايه الحلاوه دى مش قولتلك هنلحق نخلص علاطول
رحمه / باقى اصعب واحده و اهم واحده
رحيم / انا هاخدها اوضتى و ابدا فيها لحد متخلصى دى تيجى تساعدينى
رحمه /لا حضرتك لازم تفطر الاول كفايه ترمس القهوه اللى شربته امبارح
رحيم / طب انتى فطرتى
رحمه / اخدت شيكولاتايه مالكيس اللى كان جنب سريرك بتاع عماد
رحيم / طب افصلى خمسه و قومى افطرى معايا و بعدين كملى
رحمه / مش هنيجى فى الاخر و نريح
رحيم / مش هاكل لوحدى انا قومى افصلى و هنكمل احنا خلاص خلصنا اهو
رحمه / اوك ماشى مفيش مشاكل
......
فى الصاله
عفاف / اخبار الفنانين ايه انا مرضيتش ادخل لحد دلوقت عشان معطلكوش
رحمه / دعوتك لينا كفايه
حياه / خلصتوا
رحمه / انا هروح احضر فطار لحسن انا و رحيم هنموت مالجوع
رحمه تدخل المطبخ
رحيم / فاضل لوحه و نص من اصل خمسه الحمد لله انجزنا امبارح
حياه / تصدق انا ضهرى لسه واجعنى من امبارح حتى لسه بقول لماما
رحيم / ماما حياه يا تيته بطله امبارح خلصت لوحتين لوحدها
حياه / و انت يا حبيب قلبى اللى فضلت واقف على رجليك طول الليل بتشتغل لوحدك
عفاف / راجل من يومه حبيب سته
رحيم / انا هدخل بقى اساعد رحمه فى الفطار عشان تنجز
فى المطبخ
رحمه / انا هعمل ساندوتشات
رحيم / ماشى تمام
رحمه / اعملك عصير
رحيم / لا اعمليلى قهوه عشان مصدع
رحمه / مفيش قهوه انت خدت نصيبك فيها لمده شهرين قدام هديك حبايه للصداع او خش نام حبه الصداع هيروح
رحيم / انتى كنتى عسل امبارح و انتى نايمه
رحمه / انا محستش بنفسى خالص عارف انا قولت هفرد ضهرى معرفش بقى ايه اللى حصل
رحيم / نفس اللى حصل معايا
رحمه / بس بجد منغيرك مكنتش عارفه هعمل ايه بجد شكرا
رحيم / شكرا حاف كدا
رحمه / لا معاها ساندوتشين بيض اتفضل افطر
رحيم / هاتى ياختى ده اللى بناخده منك
رحمه / ههههههههههههه
.........
عماد يدخل و معاه عبير
حياه / اهلا يا بنتى ازيك
عبير / ازيك يا طنط عامله ايه
زينب تدخل
زينب / انت كنت فين ياواد انت قلقت عليك و اتصلت عليك كنت غير متاح
عماد / ماما اعرفك بشمهندسه عبير معيده بتاعه رحيم و رحمه
زينب / اهلا يا قلبى ازيك
عماد / روحت اجيبها عشان تساعدهم فى المشروع
زينب / انا تقريبا شوفتك امبارح بس والله فكرتك صحبتها اصل شكلك صغير اوى
عبير / دا من زوقك بس يا طنط والله مال فين رحمه
رحمه و رحيم يطلعوا مالمطبخ
رحمه / انا هنا ازيك تعبتى نفسك و جيتى
عبير / متقوليش انكوا خلصتوا شكلك مبسوط
رحمه / يعنى تقريبا مش باقى غير شاسيه البلان و اللاند سكيب و تلوين شاسيه كمان و خلاص
عبير / ممتاز انتى كدا خلصتى
عماد / اقدر اساعد فى حاجه
رحيم / لا كفايه عليك تعبك امبارح احنا هنقوم بالباقى
عماد يزغد رحيم
عماد / انت متاكد انى مقدرش اساعد فى حاجه
رحيم / ازاى بس دانت الخير و البركه تعال
.........
رحيم و عماد و رحمه و عبير يدخلوا اوضه رحمه رحمه و رحيم ينقلوا اللوحه اللى عالترابيزه عالسرير و يحطوا واحده فاضيه عبير تلزق الشفافات عليها و تبدا هى و عماد يشفوها و اول ميخلصوا
عبير / كفايه عليك كدا انا هحبر بقى
رحيم / و احنا خلصنا و هنيجى نساعدك
عالعصر محمود و محمد يدخلوا
حياه / حمدالله عالسلامه ايه الاخبار
محمود / الحمد لله اشترينا الارض و اتفقنا مع مكتب دكتور اسماعيل من بكره هيبدا فى التراخيص و الرسومات و كل حاجه و هنروحله الشهر الجاى نشوف وصل لفين
محمد / امال فين العيال انا مش شايفهم
عفاف / حد ابن حرام بوظ مشروع رحمه فى الكليه فكلهم جوه شغالين عشان يخلصوا
محمود / ايه ده ازاى يعنى
حياه / جت امبارح و هى منهاره مالعياط
زينب / بس المعيده بتاعتها جت و فضلت معاهم و رحيم و عماد كمان ساعدوها خالص كنت بدخلهم شاى من شويه و تقريبا قربوا يخلصوا
محمود / انا هدخل اطمن عليها
فى اوضه رحمه
محمود / ازيك يا حبيبتى ايه اللى حصل
رحمه تجرى فى حضن ابوها
رحمه / شوفت اللى حصل يا بابا
عبير / متقلقيهوش بقى يا رحمه احنا خلاص ساعه بالكتير و نبدا و نخلص
رحيم / طب كدا مش ناقص اى حاجه تانيه
عبير / لا انا بصيت على كل اللوح زى الفل
رحيم / طب استاذنكوا امشى هروح اساعد رامى زمانه شغال لوحده من امبارح
عبير / طب متستنى تروحنى فى طريقك
رحمه / عماد موجود
محمود / يعنى انتوا خلصتوا خلاص
رحمه / اه يا بابا متقلقش انت
..........
فى بيت رامى
رامى / انت بتعمل ايه هنا يابنى دانا بشتغل بايدى و سنانى عشان اللحق اخلص و اجى اساعدكوا
رحيم / تساعد مين يابنى داحنا بيت فنانين و كمان بشمهندسه عبير معانا ورينى اما اساعدك
رحيم يبدا يساعد رامى و بعد ساعتين تليفونه يرن
رحيم / الو ايوه يا عماد .... تيجى فين يابنى قولها تروح ترتاح ... لا طبعا اتجننت دى .... ايوه يا بنتى مينفعش تيجى هنا طبعا ...... انا مش هروح من هنا الا لما يخلص حتى لو طبقت معاه للصبح روحى انتى و ارتاحى .... متسمعى الكلام بقى ... لا .... متنرفزنيش يا بت .... اهو
رحيم يقفل السكه
رامى / فى ايه يابنى بتتخانق معهم كدا ليه
رحيم / عاوزه عنوانك بتقول خلصت و عاوزه تيجى
رامى / لا خليها ترتاح احسن كفايه توترها و تعبها بس بجد مش مصدق انكوا خلصتوا
رحيم / انا و رحمه و بشمهندسه عبير و عماد و ماما حياه كنا احنا الخمسه شغالين فى خمس لوح مرسومين اصلا و بننقلهم بس و الشفافات اللى كنا طبعينها للمشروع اصلا يعنى بننقش فمخدش وقت
رامى / طب اشتغل بقى على مامى تخلص الغدى نتغدى و نكمل
رحيم / ماشى يا خويا
..........
تانى يوم فى المناقشه
رحيم / انا هنزل اجيب نسكافيه مالكافيتريا لحسن بنام و انا قاعد
رحمه / متخشوا المسجد ناموا شويه انتوا شكلكوا مطبقين و لما الدور يجى عليكوا هناديكوا
رحيم / هتدخلى مسجد الرجاله
رحمه / هو حمام الرجاله خلاص يا سيدى هبقى ابعت انس
رامى / انا موافق انا مش قادر تعال
رحيم و رامى يقوموا و روقيه تدخل
روقيه / حبيبتى يا رحمه انا كان نفسى اوى اجى اساعدك بس مكنتش لحقت اخلص عملتى ايه
رحمه / خلاص بقى يا روقيه اللى حصل حصل المهم انتى عملتى ايه
روقيه / انتى عنيكى مش حمره كانك نايمه كويس
رحمه / مهو انا فعلا نمت كويس اصلى هسهر ليه
روقيه / طب و مشروعك اللى باظ انا قولت هتتفلقى مالعياط و هتطبقى اليومين دول شغل فيه
رحمه / سيبك انتى منى انتى عملتى ايه
روقيه / لا بجد فهمينى ايه اللى حصل انتى ازاى هاديه كدا دانا شوفت رحيم و رامى ميتين مالتعب و انا هموت مالتعب انتى معدتيش المشروع و هتدخلى بيه كدا دا بايظ خالص فهمينى
رحمه / هترتاحى لو قولتلك انى عيدته يعنى و خلصته كله امبارح المغرب
روقيه / مستحيل ازاى لحقتى
رحمه / اهو اصل ربنا مبيرضاش بالظلم فبيبعتلك ملايكه فى صوره بشر يساندوكى و بيديكى قوه تخلصى
روقيه / يا سلام
رحمه / مالك وشك قفل ليه كانك ادايقتى انى خلصت
روقيه / و انا ايه اللى يدايقنى
رحمه / متيجى اوريهولك زى الاولانى بالظبط و يمكن احسن كمان كل اللى شافه قال مفيهوش غلطه
روقيه / انا هنزل الكافيتريا اجيب ميه
رحمه / اوك هاتيلى معاكى لو سمحتى
روقيه تبص لرحمه بغل و تنزل
انس يطلع من اوضه المناقشه
رحمه / عملت ايه
انس / نفخونى اساله ايه ده ده لو تحقيق فى امن الدوله مش هيبقى كدا عملت ده ليه و ليه معملتش ده طب لو كنت عملت كذا مش كان يبقى احسن و كل صغيره و كبيره اساله امال مشروع التخرج هيعملوا ايه
رحمه / امال مسالوش يعنى فى الماكيتات خالص
انس / الدكتور اصلا مش طايق حد و كل اللى اتسالوا قبلى برده قالوا نفس الكلام
رحمه / ربنا يستر
انس / انتى صحيح عملتى ايه فى مشروعك
رحمه / الحمد لله رحيم ساعدنى كتير اوى
انس / هو فين صحيح
رحمه / نايم فى المسجد بعد مخلص معايا راح طبق مع رامى فى بيته مشوفتوش غير هنا الصبح
انس / و مشروعه
رحمه / جبتهوله معايا اخوه الكبير وصلنى بالمشروعين و طلعهم معايا
انس / طب الحمد لله انا هروح الكافيتريا اجيبلك حاجه
رحمه / روقيه هناك كلمها
انس / لا انا عاوز اتمشى اغير المود بتاع النكد اللى حصل جوه تحبى تيجى معايا
رحمه / انا متوتره جدا و رجلى مش هتشيلنى للباب حتى
انس / هههههههههه ماشى تحبى اجيبلك حاجه معايا
رحمه / شكرا بس خلى تليفونك معاك عشان لما يجى الدور على رامى و رحيم ارنلك تروح تصحيهم مالمسجد
انس / اتفقنا سلام
بعد ساعتين رحيم و رامى يدخلوا القاعه
رحمه / انتوا ايه اللى جابكوا دانا لسه كنت هبعت انس
رحيم / انا ظبطت المنبه بتاع الموبايل كدا كدا عشان لو جدت فى الامور امور
رحمه / انا متحركتش من جنب المشاريع مرعوبه حد يقربلهم
رامى / هو ايه النظام
رحمه / فى واحد لسه داخل و انت اللى بعده بس متقلقش بيطول اوى
رامى / و كدا مقلقش
رحمه / ههههههههههههه دى مجزره يا رحيم كل واحد بيدخل بيقعد و يطول و يطلع يشتم و ينفخ و مش طايق نفسه انا دمى نشف
رحيم / و تخافى من ايه انتى شغلك زى الفل و انتى اللى عملاه بايدك و مش مره مرتين يعنى تدخلى و تحطى رجلك فى وش الطخين و لو حد قالك ربع حرف نادينى و انا اكسرلك نفوخه
رامى / خلاص ياعم البلطجى
رحيم / متدخلش انت
رامى / امال روقيه فين
رحمه / جت بعد منتوا نزلتوا حطت مشروعها و نزلت الكافيتريا و مشوفتهاش من ساعتها
رامى / طب انا هرنلها اشوفها فين
رامى يمشى
رحمه / روقيه هى اللى عملت فلوحى كدا
رحيم / انتى بتقولى ايه عرفتى منين
رحمه / قلبى قالى ادايقت اوى لما عرفت انى خلصت و فضلت تسال انتى ازاى مش تعبانه انتى ازاى لحقتى
رحيم / عادى مكتير سالوكى كدا اشمعن هى
رحمه / قلبى قالى حسيت من عنيها
رحيم / بس برده ده مش دليل
رحمه / انا قولتلك اللى حسيته و مقولتش لحد
رحيم / طب بس عشان رامى راجع
رامى / مالكم
رحمه / مفيش ايه قالتلك ايه
رامى / قاعده فى الكافيتريا بتهدى اعصابها و جايه اهو
رحيم / طب اتفضل يا معلم الباب اتفتح
رامى / يا نهار اسود سلام ادعولى
رحمه / ربنا معاك
رحيم / انتى اللى بعده
رحمه / ربنا يستر
رحيم / لعلمك انتى هتكونى شريكتى الترم التانى و مش هقبل بحد غيرك مهما حصل
رحمه / باذن الله
...........
فى البيت
حياه / انا مرعوبه عالعيال اتصلت من بدرى مكنوش لسه خلصوا
محمود / انا كنت عاوز اكلمك فى موضوع بخصوص رحمه
حياه / بخصوص رحمه خير فى ايه
محمود / ابراهيم كان كلمنى من فتره اول مبدئوا فى المشروع ده و سالنى يعنى عن رحيم و رحمه
حياه / و قولتله ايه
محمود / هقوله ايه يعنى قولتله ان مفيش نصيب بينهم
حياه / ليه كدا يا محمود
محمود / المفروض اقوله ايه العيال بيلعبوا سوا فقرروا يفسخوا خطوبتهم و يقضوها صحوبيه و احنا بقرار جمهور قررنا نصهين عالحوار
حياه / و بعدين
محمود / لما عرف ان رحمه و رحيم سابوا بعض طلب ايد رحمه لمصطفى ابنه
حياه / و انت قولت ايه
محمود / قولتله انها مشغوله اوى فى المشروع بتاعها و لما تخلص نبقى نشوف
حياه / غلطان يا محمود انت عارف انك كان المفروض ترفض من الاول
محمود / ارفض شاب زى مصطفى ابن ناس و متربى مع عيالنا و عرفينه و عارفين عيلته كويس ليه شاب ميتعيبش
حياه / طب مرحيم كمان ميتعيبش و يزيد عن مصطفى بقى ان بنتك بتحبه و عمرها مهتكون مبسوطه مع حد غيره
محمود / يا حياه كفايه تشجعى العيال عالغلط هما كانوا صغيرين و ميعرفوش يعنى ايه حب و لا علاقه و لا يعرفوا حتى يعنى ايه مسؤليه و اديكى شوفتى اللى حصل
حياه / بكره يتصافوا و هتشوف اديهم انت بس شويه وقت
محمود / على العموم انا هكلم الراجل يجى و نشوف هى رايها ايه فى الموضوع ده
حياه / و لما ترفض بقى علاقتك بالراجل مش هتتاثر
محمود / و تتاثر ليه الجواز قسمه و نصيب و كل شئ بالخناق الا الجواز بالاتفاق
حياه / رحيم مش هيسكت
محمود / و اش دخل رحيم بالموضوع والله اللى اعرفه ان كل اللى بيربطه بببنتى انه ابن عمها اكتر من كدا ملوش عندى حاجه
حياه / بيحبها مشوفتوش ياعينى و هو واقف طالع عينه بيعملها المشروع
محمود / لو بيحبها يتجوزها شغل الصحبيه ده مش عاجبنى انا نازل المعرض
حياه / ربنا يستر
........
((((((مفيش رحمه ))))))
#لولو_محمد
الحلقه السابعه عشر
محمود / على العموم انا هكلم الراجل يجى و نشوف هى رايها ايه فى الموضوع ده
حياه / و لما ترفض بقى علاقتك بالراجل مش هتتاثر
محمود / و تتاثر ليه الجواز قسمه و نصيب و كل شئ بالخناق الا الجواز بالاتفاق
حياه / رحيم مش هيسكت
محمود / و اش دخل رحيم بالموضوع والله اللى اعرفه ان كل اللى بيربطه بببنتى انه ابن عمها اكتر من كدا ملوش عندى حاجه
حياه / بيحبها مشوفتوش ياعينى و هو واقف طالع عينه بيعملها المشروع
محمود / لو بيحبها يتجوزها شغل الصحبيه ده مش عاجبنى انا نازل المعرض
حياه / ربنا يستر
........
فى الكليه
رحمه / ها عملت ايه
رحيم / اتهريت اساله مش عارف بقى هعمل ايه
رحمه / باذن الله خير ايه رايك نروح نتغدى فى الكافيتريا لحد ميقولوا النتيجه
رحيم / مفتكرش ان النتيجه هتتعلق النهرده اصلا الساعه اتنين و لسه مخلصوش حرف الره اصلا
رحمه / انا هستنى لحد ميقولوا روحوا مش همشى عاوز تمشى انت براحتك
رحيم / لا امشى ايه تعالى الكافيتريا نقعد هناك شويه
.............
فى الكليه بعد اربع ساعات
عماد يدخل
رحيم / انت دخلت ازاى
عماد / مالبوابه عادى يعنى قولتلهم داخل اجيب الباشمهندسه عبير دخلونى ها طمنونى عملتوا ايه
رحمه / لسه منعرفش ادينا مستنين النتيجه
عماد / طب ايه فين عبير اتصلت بيها كنسلت عليا فجيت
رحيم / عماد فوق دى كليتنا بلاش استهبال هنا
عماد / لا شكلها المرادى جد
رحمه / كل مره بتقول كدا
عماد / متموتونى و ترتاحوا والله شكلكوا هترتاحوا
رحمه / انت بتحبها بجد و لا زى كل مره
عماد / بصى هو الموضوع ده مبيبانش بالسرعه دى بس كل اللى انا عارفه انى مبطلتش افكر فيها من امبارح
رحمه / و منه
عماد / منه دى زى اختى زيك بالظبط بحاول والله بس مش قادر فى بينى و بينها حواجز بالهبل
روقيه تدخل
روقيه / هاى ... احنا هنفضل مرزوعين كدا لحد امتى
رحمه / روحى و انا هقولك نتيجتك لما تبان
روقيه / لا طبعا اروح ازاى يعنى
رحيم / عماد اخويا روقيه زميلتنا فى الدفعه
روقيه / هاى تشرفنا
عماد / الشرف ليا
روقيه / سمعت رحيم بيتكلم كتير عنك بس الحقيقه مختلفه خالص عن الصوره اللى تخيلتها
عماد / اكيد الحقيقه احسن مش كدا
رحمه / اهدى يا عماد دانتوا اول مره تشوفوا بعض
روقيه / تعجبنى الثقه
عماد / هو مش ثقه على قد مانا متاكد ان رحيم مبيتكلمش عنى عدل
رحيم / ليه ياعم
روقيه / بالعكس رحيم شاب محترم اوى و مبيطلعش منه العيبه بجد شخصيه يونيك
عماد / يونيك ؟؟؟ امممم طب ايه يا رحيم مش هتودينى بقى المكان اللى قولتلك عليه و لا ايه
رحيم / اكيد تعال
رحيم و عماد يمشوا
رحمه / يونيك ؟؟؟
روقيه / ايه بجامله قدام اخوه يعنى
رحمه / اه اوك انا هطلع القاعه فوق هتيجى
روقيه / هو عماد ؟؟ صح اسمه عماد مش كدا
رحمه / اه ماله يعنى
روقيه / اكبر من رحيم بكام سنه
رحمه / تسعه ليه
روقيه / شكله اصغر من كدا بكتير
ريهام تدخل
ريهام / وحشتينى يا جزمه اخبار المشروع ايه
رحمه / طب انا طالع عينى مطبقه على اللوح انتى يا كلبه مفيش مره تطلعى المبنى و تدخلى تسلمى عليا
ريهام / اعمل ايه يا بنتى طالع عينى شيتات و كويزات و قرف و بخلص الكليه بنط فى اول تاكس و اروح اترمى عالسرير
رحمه / الله يعنى الحال من بعضه بقى و كل الاقسام تعب
ريهام / هانت كلها اسبوعين عالفاينال و اخد اجازه و انااااااااااااام
رحمه / على خير
روقيه / انا هعتبر نفسى شفاف
ريهام / تصدقى فعلا ولا شوفتك اصل رحمه كانت وحشانى اوى
روقيه / ليكى حق هو فى حد يقدر يبعد عن رحمه دى ادماااان
رحمه / ريهام وراكى ايه تعالى نطلع نبص عالقاعه نشوف النتيجه بانت و لا لا
............
قدام القاعه
عبير / انت بتعمل ايه هنا
عماد / مش عارف بس انتى مبترديش على مكالماتى فجيت
عبير / انت بتهزر
عماد / ابدا والله بصى انا عارف انك هتفهمينى غلط بس والله ابدا
عبير / دا مكان شغلى و معنديش استعداد ان مخلوق يتكلم عنى نص كلمه و لعلمك يا عماد انا كنت بحترمك بلاش تخلينى اغير رايى فيك
عماد / و تغيرى رايك ليه على الاقل ادينى فرصه و اسمعينى يمكن كلامى....
عبير / و انت مين فهمك انى بتكلم مع حد معرفوش اصلا و لا حتى اتكلم معاك بصفتك ايه اسمع انا ان كنت سمحتلك توصلنى فدا كان عشان الوقت متاخر و ان كنت سمحتلك تيجى تاخدنى فدا لانى معيش رقم رحيم و لا رحمه يدونى العنوان فاوعى تفهم ده غلط و لا هو خير تعمل شرا تلقى
عماد / انا غرضى شريف والله ليه بس المعامله دى
عبير / انا ورايا شغل و ان كان غرضك شريف فانت عارف العنوان بلاش بقى شغل الحرميه ده و ادخل البيت من بابه سلام
عبير تدخل القاعه و رحيم يروح يقف مع اخوه
رحيم / من الواضح من وشك اللى جايب خمسين لون انها سكتك سكه عجب
عماد / انا شكلى هتجوز يا رحيم
رحيم / يلا عالبركه خليك تتلم شويه بقى
............
فى البيت
محمد / يا عينى على اللى حب و طب
عماد / يعنى هتيجى معايا تخطبهالى و لا لا
محمد / مش لما نسال عليها و نعرف اصلها و فصلها الاول
زينب / مانت شوفتها يا محمد لما جيت مالسفر فاكر البنوته العسل الى كانت بتساعد رحمه جوه
محمد / ايه ده طب مش كنتى تغمزينى اخد بالى
عماد / يا حج تاخد بالك من ايه انا اللى هتجوزها مش انت
زينب / اتلم يا وله كلم ابوك عدل
عماد / انا هحدد معاد يوم الخميس الجاى يمشى معاكوا و لا ايه
محمد / وماله عالبركه هو انا فى ديك الساعه اللى هفرح بيك فيها
زينب / بس والله صعبان عليا البت منه
محمد / مالها منه
زينب / بس على العموم ملحوقه انا سمعت طراطيش كلام ان مصطفى منمر على رحمه
رحيم / ايه
زينب/ الله هى مقالتلكش انه متقدملها و لا ايه
عماد / انتى بتقولى ايه يا ماما
زينب / بقول اللى سمعتوه الحج ابراهيم كلم عمك انه يجى يطلب ايد رحمه لمصطفى و محمود قالهم انها بتمتحن فهياجلوا الموضوع شويه لما تخلص المشروع
رحيم يقوم يروح شقه محمود
محمد / يعنى كنتى هتخسرى حاجه لو سكتى شويه
زينب / مهو كدا كدا هيعرف و بعدين كدا احسن حتى بيقولوا جواز القرايب بيجيب عيال معوقين
محمد / على رايك و احنا مش ناقصين معوقين فى البيت عن اذنك
محمد يقوم
زينب / هو يقصد ايه بمش ناقصين معوقين دانا عيالى زى الفل
.......
فى بيت رحمه
رحيم / يعنى الكلام ده صحيح
عفاف / دا مجرد كلام
رحيم / و رحمه رايها ايه
عفاف / رايها فى ايه هو كان جه اتقدم دا مجرد تلميح مع عمك
رحيم / مش فاهم
عفاف / يعنى رحمه متعرفش حاجه عن الموضوع ده و مش هتعرف الا لما يجوا و يتقدموا رسمى
رحيم / يجوا فين دانا اولع فيهم و فى البيت و فى نفسى هو لعب عيال و لا ايه
عفاف / هو ايه اللى لعب عيال و مالك اتحمقت كدا ليه هو انت مش سبتها
رحيم / انتى اللى بتقولى كدا يا تيته
عفاف / اسمع يا رحيم لو البت تلزمك اللحق نفسك قبل متطير من ايدك
رحمه تطلع مالاوضه
رحمه / انا هعمل نسكا... مالكوا فى ايه ... فى ايه يا رحيم مالك
رحيم يقوم يمشى
رحمه / هو فى ايه يا تيته ماله رحيم
عفاف / ملوش مخنوق شويه اكمن النتيجه مبانتش النهرده فتلاقيه متوتر حبتين
رحمه / ممكن اروح اشوف ماله
عفاف / روحى
.....
فى الصاله عند رحيم
رحمه / ازيك يا طنط
زينب / ازيك يا عروسه عامله ايه
رحمه / هو رحيم جوه
زينب / اه جوه عاوزه منه حاجه
رحمه / اه كنت عاوزه استلف منه طقم الالوان ممكن ادخله
زينب / ادخلى يا حبيبتى بيتك و مطرحك
....
فى اوضه رحيم
رحيم / افندم
رحمه / انت زعلان منى و لا ايه
رحيم / و ازعل منك ليه يعنى خير عاوزه ايه
رحمه / انا جايه اطمن عليك
رحيم / بمناسبه ايه فارق معاكى يعنى
رحمه / انت بتكلمنى كدا ليه انا الغلطانه اصلا عن اذنك
رحمه توصل للباب و ترجع تانى
رحمه / طب انا عملت ايه طيب
رحيم يضير يبص عليها يلاقى عنيها كلها دموع يتنهد
رحيم / معملتيش انا اللى مش فى المود حقك عليا
رحمه / انا شوفتك مدايق و انت قاعد مع تيته و قومت جرى فقولت اجى اطمن عليك
رحيم / انا كويس
رحمه / مالك بس حد قالك حاجه عماد كلم بشمهندسه عبير و قالتله اننا جبنا درجات وحشه
رحيم / لا يا رحمه
رحمه / امال مالك
رحيم / مخنوق ايه فيها ايه
رحمه / من ايه بس
رحيم / و انتى مالك
رحمه / تصدق انا اللى غلطانه انى جيتلك و لا عبرتك اصلا اولع
رحمه تمشى و ترزع الباب وراها و تروح اوضتها تلاقى تليفونها بيرن
رحمه / الو ... ايوه يا مصطفى ازيك ... اسفه مكنتش فى الاوضه فمسمعتوش .... ياريت والله انا فعلا مخنوقه و مش فى المود خالص ..... اوك هلبس و استناك
رحمه تقفل التليفون و تلبس الباب يخبط
رحمه / ادخل
رحيم يفتح الباب
رحيم / انتى لابسه كدا و رايحه فين
رحمه / خارجه
رحيم / انا كنت جاى اعتزرلك انى كلمتك وحش بس بجد انا مكنتش فى المود
رحمه / حصل خير
رحيم / انا كنت جاى عاوز اتكلم معاكى فى موضوع
رحمه / خير
رحيم / بصى انا عاوز اقولك انى .... اللى عاوز اقوله انك عارفه انى مبحبش حد يغلط فيا .... لا بصى انتى عارفه كويس انك يوميها ....
تليفون رحمه يرن
رحمه / دا مصطفى تحت
رحيم / و دا جاى يعمل ايه
رحمه / معرفش مصطفى اتصل و قالى لو تحبى تخرجى و انا كنت مخنوقه قولتله ماشى سيبك انت كمل انت عاوز تقول ايه انا مش فاهمه
رحيم / مفيش متشغليش بالك انبسطى عن اذنك
رحيم يمشى
............
فى مطعم فخم
مصطفى / ايه رايك فى المكان ده
رحمه / شكله حلو اوى اول مره اجيه على فكره
مصطفى / اخبارك ايه
رحمه / متوتره شويه يعنى بكره نتيجه المشروع
مصطفى / عموا محمود حكالى على اللى حصل معاكى بجد حركه واطيه اوى
رحمه / ايوه بس الحمد لله رحيم وقف جنبى اوى و ساعدنى كتير
مصطفى / محترم رحيم
رحمه / فعلا
مصطفى / انتى عارفه ليه جبتك هنا
رحمه / عشان بابا حكالك على المشروع فقولت تغيرلى المود
مصطفى / يعنى حاجه زى كدا
رحمه / تعرف ان رحيم ده اغبى مخلوق عالارض
مصطفى / ايه
رحمه / اه والله بنى ادم متخلف
مصطفى / ليه بتتكلمى عنه كدا
رحمه / ايه اللى يخلى واحد يسيب مشروعه و يشتغل فى مشروع واحده تانيه المفروض انه بيكرهها
مصطفى / انتى كويسه
رحمه / لا انا مخنوقه و مش طايقه نفسى
مصطفى / لو المكان مش عاجبك
رحمه / لا المكان حلو و بجد ميرسى ليك يا مصطفى انك جبتنى هنا كان زمانى باكل المخدات فى البيت
مصطفى / هههههههههه طب اللحق اجرى انا و لا ايه
رحمه / بطل رخامه انا قصدى بهرى و انكت فى نفسى
مصطفى / طب افتكرى الجمايل بقى
رحمه / مصطفى احنا متربين سوا صح
مصطفى / ايوه
رحمه / يعنى انت تعرفنى هو انا وحشه
مصطفى / لا طبعا انتى قمر
رحمه / لا مش قصدى انا قصدى طباعى صفاتى شخصيتى فاهم
مصطفى / اه
رحمه / اه وحشه
مصطفى / لا لا لا انا قصدى اه فاهم بصى محدش فينا كامل كل واحد فيه حجات حلوه و حاجات وحشه
رحمه / طب ايه الوحش اللى فيا يعنى انت لو بتحب واحده و لقيت فيها حاجه وحشه صفه مثلا او معرفش يعنى فيها حاجه بتدايقك هتعمل ايه
مصطفى / بصى انا مقتنع ان مفيش حد بيتغير و مشكله الحب انه مبيخليكيش تشوفى الصفات دى بوضوح
رحمه / يعنى مدام الانسان شاف عيوبك يبقى بطل يحبك
مصطفى / لا انا مقولتش كدا انا قصدى يعنى انه صعب الواحد يشوف عيوب حبيبه فى الاول ففى الغالب بتبان بالعشره و التعامل يعنى انتى فاهمه
رحمه / انا كنت عارفه بس قلبى مكنش راضى يصدق مهو ازاى يعنى ازاى
مصطفى / هو ايه اللى ازاى
رحمه / تعرف انا يمكن اكون عنديه شويه عصبيه شويه دلوعه شويه بس اكيد فيا حاجه حلوه على الاقل تخلى ...اكيد فيا ولو ميزه واحده صح
مصطفى / واحده بس دانا ممكن اعدلك عشره على الاقل
رحمه / بجد
مصطفى / انتى حلوه و عسوله و شاطره و مؤدبه و كلك طاقه عندك روح حلوه جدا تخلى اى حد فى الدنيا يتشدلك بسهوله اوى
رحمه / امال ليه بقى
مصطفى / ليه ايه
رحمه / انا عاوزه شوكليت ممكن
مصطفى / طبعا ثوانى حاضر
مصطفى ينادى الويتر يجى
رحمه / عاوزه اكتر حاجه فيها شيكولاته عندكوا لو نوتيلا كمان يبقى كتر خيرك
مصطفى/ خليهم اتنين
الويتر يمشى
مصطفى / قريت مره ان الشيكولاته ادمان للبنات
رحمه / انا بعشقها باكلها فى اى وضع و اى صوره و اى مكان مقدرش اعيش منغيرها اصلا
مصطفى / مع انك ميبانش عليكى خالص
رحمه / انا ممكن احرم نفسى مالاكل طول اليوم عشان اكلها بجد بتريحنى خصوصا الفتره الاخيره بجد انا اسفه اوى انت المفروض خارج تنبسط و انا نكدت عليك انا متاكده انك
مصطفى / بالعكس دا جزء مهم جدا من شخصيتك اول مره اشوفه
رحمه / و ياريتك مشوفته
مصطفى / بالعكس انا سعيد جدا انى قضيت الوقت ده معاكى حتى لو يعنى كنتى متوتره و مخنوقه و مفهمتش نص الكلام اللى قولتيه بس على الاقل قضيته معاكى
رحمه / انت مش متخيل انا كنت محتاجه الخروجه دى قد ايه بجد
مصطفى / بس كدا تؤمرى انتى بس فى اى وقت تحسى انك مخنوقه اتصلى بيا و انا افضيلك نفسى و اخرجك و اجيبلك معايا برطمان نوتيلا حجم عائلى كمان
رحمه / ههههههههههه شكرا يا مصطفى بجد شكرا
........
فى البيت فى اوضه رحيم
عماد / مالك يابنى انا بقالى ساعه قاعد جنبك منطقتش بكلمه
رحيم / هو الحريم بوجه عام يعنى بياعين اوى
عماد/ بص هو اصلا معروف عنهم انهم بينكروا العشير فغالبا اه
رحيم / ايوه صح بس مش بالسرعه دى يعنى ايه بالبساطه دى
عماد / هو فى ايه مالك
رحيم / تفتكر رحمه بتحب مصطفى
عماد / ههههههههههههه اه قول بقى كدا
رحيم/ اطلع بره انا مش ناقصك
عماد / مدام انت هتموت عليها اوى كدا سايب طريقها فاضى ليه الله يرحم لما كنت بتتخانق مع اى حد ينفخ بس جنبها
رحيم / اطلع بره
صوت البوابه بيتقفل رحيم يقوم يجرى يلاقى رحمه طالعه عالسلم
رحيم / مبدرى يا هانم
رحمه / الساعه 10 و مصطفى مستاذن من بابا فى ايه
رحيم / انبسطتى يعنى اهم حاجه تكونى مبسوطه
رحمه / اه انبسطت مصطفى شخصيه زوق جدا و محترم
رحيم / بجد والله و ايه كمان
رحمه / فى ايه يا رحيم انت بتكلمنى كدا ليه
رحيم / بكلمك ازاى
رحمه / انا تعبانه و عندى كليه الصبح و داخله انام تصبح على خير
رحيم / متنسيش تتصلى بمصطفى تطمنى انه روح
رحمه / هتصل
رحمه تدخل الشقه و ترزع الباب رحيم يرفع ايده عالباب و يمسك نفسه فى اخر ثانيه و يجز على سنانه و يدخل شقته و يرزع الباب
.........
تانى يوم فى الكليه
رامى / انتوا اتخانقتوا تانى و لا ايه مالك قاعد بعيد عنها كدا ليه
رحيم / انا روحى فمنخيرى مش طايق حد
رامى/ اعطس
رحيم / تصدق انا هقوم من جنبك مش ناقص فقعه
رامى / هههههههههه استنى بس
رحيم يروح لرحمه
رحيم / تروحى الكافيتريا
..........................
((((((مفيش رحمه )))))))
#لولو_محمد
الحلقه الثامنه عشر
رحيم / انا روحى فمنخيرى مش طايق حد
رامى/ اعطس
رحيم / تصدق انا هقوم من جنبك مش ناقص فقعه
رامى / هههههههههه استنى بس
رحيم يروح لرحمه
رحيم / تروحى الكافيتريا
..........................
رحمه /ماشى
رحيم و رحمه بيتمشوا فى صمت تام
رحيم / روحتوا فين امبارح
رحمه / مطعم
رحيم /و طلبتى ايه
رحمه / كيك نوتيلا باسكريم الشيكولاته
رحيم / كويس انبسطتى يعنى
رحمه / انا زعلانه منك على فكره
رحيم / بجد طب والله كويس كدا نبقى خالصين
رحمه / و انا كنت عملت ايه عشان تزعل يعنى
رحيم / انتى خرجتى مع مصطفى اصلا بمناسبه ايه
رحمه / لو مكنتش عاوزنى اخرج معاه كنت قولى متخرجيش و انا كنت هعتزر
رحيم / لا بتسمعى الكلام اوى و بعدين دا على اساس انك جيتى تستاذنى منى انك تخرجى معاه انا لو مكنتش جاى اصالحك مكنتش عرفت انك خارجه معاه اصلا و بعدين يقربلك ايه هو عشان تروحى معاه مطعم لحد الساعه 10
رحمه / انت كنت جاى تصالحنى
رحيم / لا كنت جاى احرق دمى اكتر مهو محروق امال انا بحاول اعمل ايه
تليفون رحيم يرن
رحيم / الو ... ايوه يا رامى ... اتعلقت انا جاى حالا .... تعالى نرجع القاعه عشان النتيجه اتعلقت
رحمه / لو ناوى تصالحنى لازم تلحق قبل ميجى مصطفى بالليل
رحيم ميسمعهاش و يسبقها بكام خطوه يضير لها
رحيم / ايه مش هتيجى يلا تعالى
رحمه تهز راسها و تحصله
..........
فى القاعه
عبير / مبروك يا رحمه انا شرحت للجنه انك عدتى المشروع تانى انا كنت متاكده انهم هيعوضوكى مبروك يا رحيم
رحمه مش فرحانه
عبير / مالك زعلانه ان رحيم جاب اعلى منك دول اربع درجات بس عشان اللاند سكيب بتاعه كان احلى
رحمه / ابدا والله انا فرحاناله اوى بس انا مرهقه النهرده هروح انام
عبير / ماشى ارتاحى عشان تجهزى للفاينال
رحمه / باذن الله
رحيم / سلام
........
فى العربيه
رحيم / انتى عارفه ان انك لو مكنتيش خلصتيلى لوحتى مكنتش جبت اعلى منك
رحمه / و انت لو مكنتش ساعدتنى مكنتش نجحت اصلا
رحيم / تحبى نروح فى اى حته نحتفل سوا
رحمه / لا انا تعبانه ممكن نروح
.....
فى البيت
رحمه تدخل البيت تغير هدومها و تدور يمين و شمال متلاقيش حد تروح شقه رحيم متلاقيش حد و رحيم بيتكلم فى التليفون
رحمه / هما راحوا فين
رحيم / ماما زينب و ماما حياه راحوا مع عماد يجيبوا شويه حاجات و تيته مع عموا محمود عند الدكتور المتابعه بتاعتها النهرده و بابا تحت فى المعرض
رحمه / امممم طيب
رحمه تروح بيتها و رحيم وراها
رحيم / ماما عامله سبانخ
رحمه / و احنا كوسه انا هطلع بانيه مالفريزر و اعمل مكرونه اعملك معايا
رحيم / فى موضوع مهم اوى عاوز اكلمك فيه
رحمه / خير اتكلم
رحيم / انتى عارفه ان مصطفى جاى النهرده يخطبك
رحمه / انت عرفت اه قالى امبارح فى المطعم
رحيم / و انتى رديتى قولتيله ايه
رحمه / مرديتش
رحيم / يعنى ايه مردتيش
رحمه / يعنى مرديتش يا رحيم سكت
رحيم / دا رايك يعنى
رحمه / رايى على ايه بالظبط
رحيم / و لا حاجه انا هطلب دليفرى متتعبيش نفسك سلام
رحيم يمشى و يقفل الباب وراه
......
بعد شويه رحمه تدخل اوضه رحيم و فى فايدها صينيه اكل
رحيم / قولتلك متعمليش حاجه انا طلبت دليفرى خلاص
رحمه / و انا تعبت فى الاكل ده و اتلسعت مالزيت فهتاكله غصب عنك
رحيم / انا قولتلك متعمليش ومش هتاكلينى على مزاجك انا طلبت بيتزا و زمانها جايه
رحمه / و المفروض اعمل ايه فى الاكل ده بقى
رحيم / اعملى اللى تعمليه براحتك متفرقش معايا ان شالله حتى ترميه فى الزباله
رحمه / انا مبرميش نعمه ربنا فى الزباله اتفضل انت ارميه
رحمه تزق الصينيه فى صدر رحيم يشيلها و يحطه على باسكت الزباله
رحيم / ارتحتى
رحمه وشها يحمر و عنيها تتملى دموع و تنط عليه تفضل تضرب فيه بوكسات و هو يمسك ايدها
رحيم / اهدى بس بس اهدى بقولك اهدى
رحمه مبتوقفش و تحاول تشد ايدها من ايد رحيم و هى عماله تعيط
رحيم / خلاص انا اسف اسف بس اهدى
رحمه / سيب ايدى
رحيم يسيبها و يروح ناحيه السرير تسكت ثوانى و تروح تزقه يقع عالسرير و تحاول تضربه تانى يمسكها تانى يبصلها بغضب يلاقيها عماله تعيط
رحمه / انا بكرهك بكرهك اكتر مالكوسه و السبانخ بكرهك يا متخلف
رحيم يسيب ايدها تحط راسها على صدره و تعيط
رحمه / انا بكرهك اوى
رحيم / خلاص اهدى انا استاهل بس بطلى عياط
رحمه / انت كمان بتكرهنى مش كدا
رحيم / ياريت كنت اقدر ابطل احبك حتى
رحمه / امال ليه سبتنى
رحيم يشدها بعيد عنه
رحيم / افندم انتى اللى سبتينى و لا نسيتى
رحمه تزق ايده و تحضنه تانى
رحمه / طب انا اتنرفزت فمره تدبحنى يعنى عارف كام مره نمت معيطه بسببك
رحيم / مش انتى بتقولى انى مش راجل
رحمه / كنت بغيظك عشان سبتنى و مشيت
رحيم / خلاص حقك عليا
رحمه تقوم تقعد / انا كنت فاكره انى لما هقولك ابعد عنى هتقولى انا مقدرش ابعد عنك كنت فكراك هتتمسك بيا
رحيم / و انا عمرى مكنت متخيل انك هتعرفى تقوليها اصلا
رحمه / كنت مستنى ايه عشان تصالحنى
رحيم / انا حاولت و كتير على فكره بس تقولى ايه بقى فى المخ الصعيدى
رحمه / مش انشف من مخك
رحيم / انا راجل لكن انتى بنت المفروض ....
رحمه/ يعنى ايه انت غلطت انت فاهم و لا لا انت الغلطان
رحيم / ههههههه معاكى حق انا الغلطان خلاص اهدى بقى
رحمه تعيط
رحيم / ايه تانى
رحمه / انا زعلانه منك اوى انا بجد بكرهك
رحيم / طب عينى فى عينك كدا
رحيم يشد رحمه تبصله و هى تزقه و تبص الناحيه التانيه
رحمه / اوعى كدا انا زعلانه منك
رحيم / مانا بصالحك اهو
رحمه / بعد ايه بعد مجيتلك و عيطتلك خلاص اتاكدت انك انت الاقوى و كسرتنى
رحيم / لا طبعا معاش و لا كان اللى يكسرك
رحمه / لا لو كنت بتحبنى مكنتش قدرت على زعلى كنت صالحتنى
رحيم / كام مره حاولت اصالحك و انتى صديتينى كام مره
رحمه / انت لسه بتحبنى
رحيم / اكيد طبعا بحبك و بموت فيكى يا بت هو انا اقدر ابص لغيرك
رحمه / انا تعمل معايا كدا انا
رحيم / مخلاص بقى يا بت انتى هتسوقى فيها و لا ايه
رحمه / اعمل حسابك انك لو كررتها تانى عمرى مهصالحك و اقولك انا هتجوز اول واحد يتقدملى حتى لو مش بحبه حتى لو هعيش طول عمرى تعيسه
رحيم / طب و لو انتى كررتيها
رحمه / تيجى تصالحنى
رحيم / ههههههههه يعنى تبقى غلطانه و اجى اصالحك تشتمينى و اجى اصالحك دا ايه الجباروت ده
رحمه / ان كان عاجبك
رحيم / عاجبنى هو انا اطول
رحمه تدحكله
..............
عماد يدخل
عماد / انت طالب دليفرى ....ايه ده انتى هنا و هما دايخين عليكى هناك
رحيم / خير
عماد / جايبنلها حاجات و عاوزينها تقيسها
رحمه / انا هروحلهم
رحيم / استنى
رحيم يفتح الدرج و يطلع منه علبه الدبل و يلبس دبلته و يلبس رحمه بتاعتها
عماد / يا حلاوه
رحمه /سلام
رحمه تعمل باى باليمين و هى بتحرك صابعها اللى فيه الدبله بابتسامه عريضه و تمشى
عماد / انتوا رجعتوا امتى
رحيم / من خمس دقايق
عماد / و مصطفى
رحيم / يولع انا مالى دا اصلا حسابه معايا بعدين لما افوقله
عماد / استر يارب دا باينه يوم زى الفل باذن الله
.............
فى بيت رحمه
حياه / هى تيته لسه مجتش يا رحمه
رحمه / لا انا جيت ملقيتهاش
زينب / خدى الفستان ده اللبسيه كدا عاوزين نشوفه حلو و لا لا
رحمه تمد ايدها اليمين و تاخد الفستان زينب تمسك فى ايدها
زينب / ايه ده
رحمه / دبلتى مالها؟؟؟
حياه / هو ايه اللى مالها لبستيها امتى
رحمه / النهرده حلوه صح كانى اول مره بلبسها
زينب تقوم تقف و هى متنرفزه
زينب / هو ايه لعب العيال ده
رحيم يدخل
رحيم / فى ايه يا ماما بتزعقى ليه
حياه / انت كمان لبست دبلتك طب والله كويس طب و العريس اللى جاى النهرده هنقوله ايه معلش اصل العيال قرروا يتصالحوا فجاه
رحيم / والله احسن من انها ترتبط بواحد و هى بتحب واحد تانى و لا ايه يا ماما
زينب / انت عارف اللى عملتوه ده ممكن يعمل مشاكل قد ايه
رحمه / المشكله الحقيقه ان مصطفى يفكر فى واحده مخطوبه اصلا
عفاف و محمود يدخلوا
عفاف / ياربى عالتعب كان لازم الكشف النهرده .... مالكوا واقفين كدا ليه
حياه تسند عفاف / ارتاحى يا ماما
محمود / فى ايه مالكوا
رحيم / هو ينفع واحد يتقدم لواحده مخطوبه
محمود / لا
رحيم / امال ازاى مدى معاد لمصطفى و عموا ابراهيم يجوا النهرده
محمود / انا بنتى خطوبتها مفسوخه من سنه و لا انت ليك راى تانى
عفاف / زينب وحياتك تناولينى كوبايه ميه عشان اخد نفسى
زينب / حاضر يا طنط
عفاف / انتوا اتصالحتوا
محمود / هو ايه لعب العيال ده
عفاف / ايه يا محمود مصطفى اتقدم و البت رفضت و خلاص هو الجواز بالعافيه و الحاجات دى قسمه و نصيب
محمود / يعنى هى قالت النهرده
رحمه / وهو كان حد عبرنى و سالنى اصلا انا عرفت من مصطفى امبارح اللى لو كنت اعرف انه جاى يتقدملى النهرده مكنتش خرجت معاه اصلا
محمود / انتوا شايفين كدا
رحيم / انا و رحمه لبعض اتخانقنا اتصالحنا ملناش تالت
محمود / والله بمزاجكوا هو تسيبوا بعض و ترجعوا و تخرجوا و تدخلوا و تهيصوا و لا كان فى اهل تعبروهم
رحيم / احنا مبنعملش حاجه غلط احنا كل حاجه بنعملها قدامكم و ان كنا غلطنا مره فده مش مبرر انكوا تفرقونا
عفاف / و لا مخلوق فى الدنيا يقدر يفرقكوا لو انتوا عاوزين بعض
محمود / ماما ؟؟؟
عفاف / اللحق اتصل بابراهيم و اعتزرله
محمود / ملوش لزوم
حياه / محمود ؟؟؟
محمود / دى حركه عملتها انا و مصطفى و ابراهيم عشان زهقت من دلعهم كنت عارف انهم مش هيتصالحوا الا لما يتاكدوا انهم هيضيعوا من بعض
رحمه / انت بتتكلم جد يا بابا و لا بتهزر
محمود / امال مصطفى خرج معاكى امبارح ليه عشان يتاكد انك بتموتى فالواد الرخم ده
رحمه تبتسم
رحيم / لا صايع يا عموا
عفاف / رحيم عيب
رحيم / اسف والله هى طلعت كدا
محمود / ههههههه انتى عارفه يا حياه انتى لما حكيتى على اللى رحيم عمله عشان مشروع رحمه اتاكدت انه لسه بيحبها و بنتك ام دماغ جزمه قديمه دى مش هتنخ و حكيت لابراهيم و اتفقنا على كل حاجه
عماد يدخل
عماد / ايوه يا عموا بس انا برده ساعدت
رحيم/ انت بتشتغلنى انت كمان يا جزمه انت
عماد / امال يعنى امك هتعرف ازاى المهم بقى نركز انا مش هفضل سنجل كتير و الواد الدؤرم ده خاطب ماشى
محمود / دا يوم المنى يوم منلمك
عفاف / رحيم تعال سندنى ادخل اوضتى ارتاح
محمود / تعالى يا ماما
عفاف / انا عاوزه رحيم
محمود / وماله هسندك معاه و هسيبكوا جوه
عفاف / لا رحيم هيسندنى لوحده هو قدها و قدود مش كدا يا رحيم
رحيم / اللى تشوفيه يا تيته
رحيم يسند جدته للاوضه
عفاف / اقعد يابنى
رحيم يقعد جنبها
عفاف / انت عارف غلاوتك عندى صح
رحيم / طبعا يا تيته
عفاف / انا معنديش فى الدنيا اغلى من رحمه دى جت بعد شوقه سنين و تعب و شيلتهالك امانه فى رقبتك تاخد بالك منها و تصونها و تراعى ربنا فيها عشان ربنا يرزقك
رحيم / طبعا يا تيته
عفاف / اللى حصل المره اللى فاتت دى ميتكررش الزعل بينكوا ميطلعش عليه نهار تراضيها تراضيك تعاتبها تعاتبك ان شالله تولعوا فى بعض المهم تتراضوا
رحيم / حتى لو هى الغلطانه
عفاف / هى مغلطتش لوحدها انت كمان غلطت
رحيم / انا
عفاف / اه هى مخنوقه مكتئبه زهقانه فيها العبر حتى لو مجنونه مين غيرك يستحملها مين غيرك يحتويها و يحن عليها
رحيم / بس هى قالت كلام بيجرح
عفاف / عمركش شوفت اسد مجروح اهى كانت كدا بتخربش فى اى حد مهى قالتلى انى بحبك اكتر منها و بظلمها بس انا مخدتش كلامها جد انت عارف هقولك الكلام ده عشان تتعلم تتعامل مع البنات بوجه عام البنت و هى متعصبه لسانها بيتعوج
رحيم / هههههه ازاى يعنى
عفاف / يعنى لو قالتلك بكرهك بتبقى عاوزه تقولك بحبك لو قالتك ابعد عنى بيبقى قصدها اوعى تسيبنى لما تقولك مش هكلمك تانى بتبقى بتقولك عاوزه اسمعك يتمنعن و هن الراغبات يا اهبل متبقاش انت غبى بقى و متصدق
رحيم / و انا هستحمل الجنان ده
عفاف / طول عمرك لو منتش قدها من دلوقت قول
رحيم / بس انا كمان هيجى عليا وقت ابقى مخنوق و مدايق هيجى عليا وقت راجع مالشغل تعبان و محتاج ارتاح و مش هبقى فايق للجنان ده
عفاف / انت فاكر الجواز ده زى الافلام تدخل من بره تلاقى مراتك على سنجه عشره تجرى عليك تقلعك البدله و الجزمه و تلبسك البجامه لا يا حبيبى فوق و بص لامك طول النهار فى المطبخ و طول الليل موطيه فى الارض بتلم مطرح زبالتك انت و اخوك
رحيم / بس ماما حياه
عفاف / و ماله تخيل راجل يشيل مراته اللى مبتخلفش فى عنيه عشر سنين عشر سنين يا رحيم حاطتها فى عنيه لا بيجرحها بكلمه و لا بيسمح لحد يكلمها الكل حتى انا و هى قولناله و اتحايلنا عليه يتجوز بس لا ان مكنش ابنى من مراتى اللى بحبها مش عاوزه و صبر و وقف جنبها فى ضعفها لما ربنا جزاهم هو ده يابنى الجواز
رحيم ساكت
عفاف / ههههههههه ايه اتصدمت
رحيم /تعرفى يا تيته انا حاولت اصالح رحمه كتير بس هى دايما كانت ...
عفاف / بعد الجواز المصالحه هتكون اسهل لما تلاقيها بقت عصبيه كدا و بتهلفط بالكلام خدها فى حضنك و بوسها و ادعيلى
رحيم يبتسم
عفاف / هتزقك و تقولك متدحكش عليا بكلمتين انت جاى تاكل بعقلى حلاوه قولها و هو انتى يتشبع منك يا حلو انت يا حلو
رحيم / هههههههههههههههههههههه
عفاف/ عمرها مخيبت مع جدك كان يعمل كل مصيبه و التانيه و كنت اتراضى بالكلمتين دول شوف حفظتهم و برده كنت بفرح بيهم و انسى الزعل
رحيم / الله يرحمه
عفاف / الله يرحمه قوم بقى سبنى انام و متنساش تحط الامانه بتاعتى فى عنيك اوعى تزعلنى منك
رحيم / فى قلبى يا تيته
عفاف / تسلملى انت و قلبك يا روح قلبى انت يلا اطلع و اقفل الباب وراك
رحيم يطلع و يقفل الباب وراه يلاقى رحمه واقفه
رحمه و هى مبتسمه / كنتوا بتقولوا ايه كل ده
رحيم / كانت بتقولى لو زعلتك تانى اقطم رقبتها و اكسر للبت ضلع يطلعلها اربعه و عشرين و يلا يابت اتجرى اعمليلى شاى
رحمه تبوز و رحيم يدحك
رحيم /بهزر معاكى بتوصينى عليكى قال يعنى انا محتاج توصيه عشان اخد بالى من قلبى
رحمه تبتسم
............
فى الكليه تانى يوم
رامى / طب والله كنت حاسس
رحيم / يا سلام
رامى / كان باين عليكوا اوى الفتره اللى فاتت رجعتوا زى زمان
روقيه / بس انتوا امبارح كنتوا مدايقين انا متاكده ان فى حاجه حصلت امبارح خلتكوا ترجعوا لبعض
رحيم / خفت تضيع منى
رحمه / انت اللى خفت برده و لا انا اللى صالحتك
روقيه / يعنى انتى اللى صلحتيه فى الاخر
رحيم مبتسم/ انا و هى واحد
روقيه / لا اتنين لو مكنتش صالحتك كنت هتصالحها
رحيم جد/ اه كنت هصالحها انا اصلا حاولت اصالحها اكتر من مره من ساعه متخانقنا انا اساسا مكنتش معتبر اننا متخانقين كانت فتره راحه عشان نجدد حياتنا يعنى من يوم متولدنا سوا فقولنا نجرب نبعد
رحمه تزقه و عبير تدخل
عبير / رحمه ممكن اتكلم معاكى ثوانى
رحمه / عن اذنكوا
رحمه و عبير يروحوا لوحدهم
رحمه / خير فى ايه
.....................
(((((((مفيش رحمه )))))))
#لولو_محمد
الحلقه التاسعه عشر
روقيه / يعنى انتى اللى صلحتيه فى الاخر
رحيم مبتسم/ انا و هى واحد
روقيه / لا اتنين لو مكنتش صالحتك كنت هتصالحها
رحيم جد/ اه كنت هصالحها انا اصلا حاولت اصالحها اكتر من مره من ساعه متخانقنا انا اساسا مكنتش معتبر اننا متخانقين كانت فتره راحه عشان نجدد حياتنا يعنى من يوم متولدنا سوا فقولنا نجرب نبعد
رحمه تزقه و عبير تدخل
عبير / رحمه ممكن اتكلم معاكى ثوانى
رحمه / عن اذنكوا
رحمه و عبير يروحوا لوحدهم
رحمه / خير فى ايه
.....................
عبير / بصى انا عارفه ان كلامى معاكى غريب بس انا و انتى صحاب صح
رحمه / انتى اكتر من اختى دا اللى عملتيه معايا حتى الاخوات مبيعملوهوش مع بعض
عبير / طب انتى عارفه ان عماد اتصل بيا و حدد معاد يوم الخميس عشان يكلم ماما و خالو
رحمه / اه عارفه
عبير / بصى انا معرفش عماد مشوفتوش غير عندكوا لكن هو ابن عمك و انتى تعرفى عيوبه
رحمه / بصى انا مش هغشك عماد راجل اوى و صاحب صاحبه و احسن اخ فى الدنيا حتى اسالى رحيم من واحنا صغيرين و هو بياخد باله مننا و بيتحشر فى مشاكلنا بس هو شقى شويه
عبير / شقى ازاى يعنى بتاع بنات
رحمه / بصى على قد علمى هو اخره كلام معاهم يعنى لكن مفتكرش انه عمر الموضوع ماتطور عن كدا بس على العموم اطمنى عماد عمره مطلب يتقدم لحد ابدا
عبير / معقوله عمر مواحده عجبته
رحمه / عماد بيخاف مالجواز بيقول انه سجن مؤبد و لو قررت ادخل السجن طول عمرى لازم على الاقل اختار شريك يريحنى
عبير / ماشى
رحمه / بصى متشغليش بالك قدامك فتره خطوبه تعرفوا بعض
عبير / شكرا صحيح انا مختش بالى غير دلوقت انتى اتخطبتى امتى
رحمه / لا احنا قارين فاتحه بس و دا كان فى الصيف اللى قبل اللى فات بس انا و رحيم كنا متخانقين و الحمد لله اتصالحنا
عبير / رحيم تصدقى كان قلبى حاسس ان نظراتكوا مش بريئه
رحمه / هههههههههه احنا هنبتدى شغل السلايف بدرى كدا و لا ايه
عبير / اخوات يا رحمه مش سلايف
رحمه / باذن الله
عبير / باركى لرحيم بقى بدالى عشان عندى سيكشن
رحمه / سلام
..............
فى القاعه
روقيه / خير
رحمه / مفيش كلام بنات
روقيه / على اساس انى بشنب قدامك
رحمه / لا بس فى رجاله قاعدين و لا انتى مش واخده بالك
روقيه / مش ده اللى قولتيله انت هتعمل نفسك راجل عليا برضه و لا واحد تانى
رامى / متهدى يا بوتجاز انتى
رحيم / البنت لما بتبقى متنرفزه بتقول عكس اللى فى قلبها يعنى وهى بتقولى انت هتعمل نفسك راجل هى قصدها خليك راجل ليا مش عليا
رحمه تبتسم
رحيم / قاموس البنات ده غريب اوى يا جدع
رامى / كويس انك قولتلى على كدا نص بنات الدروس زمان كانوا بيحبونى اصلى سمعت شتايم بالهبل
الكل يدحك
...........
يوم الخميس فى بيت عبير
عماد و مامته و ابوه و عمه قاعدين و مامتها و خالها
خالها / منورين
محمود / دا نورك
محمد / بص يا حج منغير مقدمات احنا جاين نطلب ايد البشمهندسه عبير لابنى الباشمهندس عماد
مامتها / هو انت مهندس يابنى
عماد / هو الحقيقه انا مش مهندس من هندسه انا اصلا فنون تطبيقيه بس تخصصى تصميم اثاث و كدا
زينب / الباشمهندس عماد هو اللى رئيس المصممين عندنا فى المصنع و المشرف الاول على كل معارضنا
مامتها / ربنا يزيده
خالها / قومى يا هاله نادى لعبير تسلم عالضيوف
هاله تقوم
خالها / نتكلم فى الجد بقى
محمد / والله اللى هتقولوا عليه ماشى
خالها / على راسى يا استاذ محمد بس برده كلو بالاصول دى فى الاول و الاخر بنتنا و بنشرفها
عبير تدخل شايله صينيه العصير و تعزم عليهم و تروح تقعد جنب مامتها
زينب / بصوا منغير رغى كتير احنا مش عاوزين منكوا حاجه احنا شارين العروسه بشنطه هدومها و حتى دى ملهاش لازمه احنا نجيبلها من اغلى المحلات فيكى يا بلد دا كفايه انها هتبقى مرات عماد ابنى
عماد / ماما قصدها اننا شارين و اللى تقولوا عليه ماشى
زينب / مهو ده اللى انا قولته مش محتاجه مترجم يعنى دى حته مهندسه و المفروض تكون زكيه شويه
خالها / الاستاذ عماد ....
زينب / الباشمهندس
صمت لثوانى و تبادل للنظرات
خالها / الباششمهننندسسس عماد عنده شقه
زينب / بدل الواحده اتنين و تلاته و هى تنقى
محمد / له شقته فوقينا تلت اوض و حمام و مطبخ و صاله و صالون و بلكونه و جاهزه بس العروسه تنزل تنقى السيراميك و البياض و العفش مالمعرض و تبدا من بكره
خالها / و احنا باذن الله علينا النجف و الستاير و السجاد و الاجهزه و المطبخ و المفروشات زى معملت انا مع بناتى
زينب / و ايه لزمته ماللى هتدفعوه فى كل ده مش هيجى حاجه فى اللى كنا هنجيبولها و اهو على الاقل ....
مامتها / انا بنتى معيده فى كليه الهندسه و مرتبها كبير دا غير مرتبى و معاش ابوها فمتقلقيش اوى مش هنجيبها حاجات اى كلام
عماد / ماما متقصدش هى تقصد يعنى
محمد / بص يا استاذ سعيد مالاخر كدا عشان واضح ان فى سوء تفاهم احنا بنتحايل عالواد ده من سنين انه يتجوز بس هو مغلبنا و لما جه و قال انه لقى عروسه بنت ناس و اخلاق و عاوز يتجوزها كنا هنتجنن مالفرحه و بنتكوا متتقالش لا بالدهب و لا بالماس و عارفين انها بنت اصول و عز و البيت فى الاول و الاخر بيت ابننا و بنتنا هما يقعدوا سوا و يتفقوا بالراحه على اللى مملكتهم و يبنوها سوا و اللى يقدر على حاجه يعملها و ميقدر عالقدره الا ربنا خلص الكلام
صمت ثوانى و تبادل نظرات
خالها / نقرا الفاتحه
زينب تزرعط
............
فى البيت
محمد / انا عاوز اعرف لما الرجاله بتتكلم انتى بتتحشرى ليه
زينب / هو فى ايه يا محمد و هو انا قولت ايه غلط الحق عليا انى بقول فى حق البت كلمتين حلوين
محمد / يا ستى متقوليش
زينب / وواخدنى معاك ليه لما عاوزنى اقعد ساكته
محمد / الست جابت اخوها عشان يتكلم مع الرجاله و مفتحتش بقها الا لما لقتك بتتكلمى
زينب / خلاص يا محمد انا الغلطانه انا اصلا مبعجبش و لا عمرى هعجب
محمد / انا مش قصدى
زينب / و لا قصدك غيرك بيشيل مراته على راسه و فيها العبر و انت مش طايقلى كلمه وواقفلى عالواحده تعبت منك يا اخى ربنا يخدنى عشان ترتاح
زينب تمشى و رحيم يدخل يقف جنب ابوه و يحط كوعه على كتفه
رحيم / الترجمه اهتم بيا شويه و تعال ورايا صالحنى جوه
محمد يبص لرحيم
رحيم / خد منى انا عارف خد منى و روح وراها
محمد / اوعى اما اشوف اخرتها فى بيت المجانين ده
محمد يروح ورا زينب يصالحها
............
فى اوضه عماد
رحيم و رحمه يدخلوا يلاقوه بيتكلم فى التليفون و موطى صوته ينطوا جنبه عالسرير و يغلسوا
رحمه / بتكلم مين
عماد يبص لرحيم / خد خطيبتك و اطلعوا بره
رحمه / مش هطلع الا لما اعرف بتكلم مين
عماد / بكلم عبير و انا غلطان انى مقفلتش الباب بالمفتاح مالاول
رحمه تخطف التليفون
رحمه / ازيك يا عبير والله بنت حلال كنت لسه هكلمك ..... ههههههههههههه اه حاجه زى كدا لازم نعمل الواجب ......... يا سيدى يا سيدى طب انا كنت عاوزه اسالك فى لما كنتى بتستخدمى مكنه التهشير و المصمار يعلق صلحتيه ازاى ..... هههههههههه اه بالظبط كدا
عماد / خفى يا خفه
رحمه / اسقط يعنى اسقط .... ايوه يا عبير معاكى .... واطيه خدى معاكى اهو
رحمه تدى لعماد التليفون و تشد رحيم
رحمه / بتقولى لو مبطلتوش رخامه انا اللى هسقطكوا
رحيم / هههههههههههه يلا سيبيه يعيشلوا يومين
رحيم و رحمه يطلعوا بره الاوضه و عماد يقفل الباب وراهم بالمفتاح
عماد / ههههههههه معلش اصلى ياما رخمت عليهم لازم يعملوا معايا كدا .0000 هههههههههه اهو بقى الدنيا دواره
.......
فى اوضه رحيم
رحمه / و احنا بقى مش هنعيش يومين و لا ايه
رحيم / مش لما تصالحينى الاول
رحمه / افندم انت هتستهبل و لا ايه
رحيم / لا انا زعلان والله
رحمه / ليه بقى ان شاء الله
رحيم / انا اضمن منين انك مش هتجنى تانى و تبعدى عنى انا مش غاوى عزاب و عياط ووجع قلبى ياختى
رحمه / بقى كدا
رحيم / ايوه
.........
رحمه / طب و انا ايه يضمنلى
رحيم / انا مستعد اوعدك و ابصم بالعشره انى بحبك و عمرى مهبعد عنك تانى
رحمه تطلع ورقه و قلم مالدرج و تديهم لرحيم
رحيم / ايه ده
رحمه / اكتب و ابصم انك بتحبنى و عمرك مهتبعد عنى ابدا
رحيم / و هو انا هخاف يعنى اتفضلى اقسم انا رحيم محمد الصياد و انا بكامل ارادتى و كامل قواى العقليه و بدون التعرض لاى ضغط او تعذيب سواء نفسى او جسدى
رحمه / ههههههههههههه
رحيم/ انى بحب البت الموزه العسل رحمه محمود الصياد و انى مقدرش ابعد عنها ابدا و انى هفضل احبها تحت اى ظرف طول العمر و ان حبها فى قلبى مش هيقل ابدا ابدا ابدا التوقيع رحيم الصياد اتفضلى يا ستى
رحمه / فاضل ختم النسر و توقيع اتنين موظفين
رحيم / انتى هتستهبلى يا بت
رحمه / الله مش عشان يبقى اقرار رسمى
رحيم / و اجيبلك الحاجات دى منين حتى لو لقيت شهور هجيب ختم النسر منين يا هبله
رحمه / اتصرف
رحيم / شوفى كيد النسا ابقى عاوزك انتى تصالحينى تقلبى الدفه فى ثانيه و انا اللى امضى على الاقرار يرضى مين ده يارب ربنا عالظالم و المفترى
رحمه / خلاص خلاص هبدل ختم النسر بامضه اتنين شهور كمان يعنى خلى اربع رجاله يمضوا الورقه دى
رحيم / و انا هاخد ايه بقى فى المقابل
رحمه / لما تخلص هتعرف انا فى اوضتى لما تخلص ابقى تعالى
رحيم / مش مرتاحلك يا بت
رحمه تدحك و تمشى رحيم يروح اوضه عماد و يفضل يرزع عالباب عماد يفتح و هو متعصب
عماد / عاوز ايه يا زفت
رحيم / امضى عالورقه دى
عماد / ورقه ايه دى انا مش فاضيلك
رحيم / مهو مش بمزاجك مهو يا تمضى ياما اقسم بالله مهتتهنى عالتليفون ثانيه قولت ايه بقى
عماد / هات ربنا ياخدك ايه ده ههههههههههههههههههههههه يا مجانين استنى هات القلم
عماد يمضى و يدى لرحيم الورقه و يقفل الباب
عماد / مش هتصدقى رحيم عاوزنى امضى على ايه
............
فى المعرض تحت
رحيم / بابا ممكن تمضى عالورقه دى
محمد / فيها ايه الورقه دى يا رحيم
رحيم / اقرار اعمل ايه حكم القوى
محمد يقرا الورقه
محمد / ههههههههههههههه يا سيدى يا سيدى يا محمود تعال تعال
رحيم / مش عاوز تلم العمال بالمره رحمه عاوزه امضه اربع رجاله
محمود يدخل
محمود / فى ايه دحكونى معاكوا
محمد يدى لمحمود الورقه يقراها
محمود / هههههههههههه و ادى امضتى يا سلام هو احنا فى ديك الساعه
محمد / و ادى امضتى فاضل امضه قولتلى عاوزه اربعه صح
رحيم / هطلع امضى تيته
محمود / لا تيته ست و شهادتها بنص
رحيم / يا سلام همضى ماما حياه كمان
محمد / اه اهم حاجه تبعد عن امك بدل متولع فيا لما اطلعلها
رحيم / هههههههههههههه
عماد يدخل و فى ايده ورقه
محمد / خير انت كمان
عماد يبص لرحيم / امضولى عالاقرار ده حسبى الله و نعم الوكيل
رحيم / ههههههههههههه كان لازم تتسحب من لسانك و تقولها اهى دبستك يا حلو
عماد / اسكت و امضى بدل مديك بونيه اخلى منخيرك فى قفاك
رحيم يمضى و يطلع على فوق من سكات
...........
فى اوضه رحمه
رحيم / اتفضلى بابا و عموا و عماد و تيته و ماما حياه كلهم مضوا و مش هتصدقى عماد قال لعبير على الاقرار كتبته واحد تانى و بيمضى امك و ستك بره
رحمه / هههههههههههههه شكرا انا هحتفظ بالورقه دى
رحيم / ماشى انا اثبت و انتى هتثبتى ازاى
رحمه / غمض عنيك
رحيم يبرق
رحمه / لا العكس غمض مش فتح غمض
رحمه تعدى ايدها من على عنين رحيم تقفلهم و تقرب بالراحه و تبوسه من خده يفتح
رحمه / انت تالت راجل بعد بابا و عمه اللى اعمل معاه كدا و مش هعمل كدا مع حد تانى ابدا بس خليه سر بينا بقى عشان متعلقش
رحيم ساكت و مندهش
رحمه / ايه مش عاجبك
رحيم / لا خدى التانى زعلان و عمال يعيط
رحمه / هههههههههههه انت بتحلم يا حلمى انسى يا بابا
رحمه تزق رحيم بره الاوضه
رحيم / طب استنى بس هقولك حاجه .... يا بنتى بس اسمعى
رحمه تقفل الباب رحيم يحط رجله
رحيم / هعتبرك مديونالى بواحده الناحيه التانيه و هناجل الدين ده شويه بس هاخده يعنى هاخده اوعى تفكرى ان الموضوع ده هيعدى بالساهل
رحمه وشها احمر و سانده ضهرها عالباب و مبتسمه بخجل رحيم يسحب رجله و الباب يتقفل
..................
فى المعرض تحت
محمود / ايه هتمضينا على حاجه تانى
رحيم / هو احنا مش بقالنا فتره طويله مخطوبين و لا انت ايه رايك يا عموا
محمود / انت لحقتوا تتخانقوا الله يحرقكوا دانتوا مبقالكوش غير يومين
رحيم / لا يا عموا ربنا ميجيب خناق انا بتكلم عن المرحله الجايه بقى
محمود / مرحله ايه
رحيم / انا بقول اننا قعدنا فتره حلوه مخطوبين ايه راي حضرتك لو كتبنا الكتاب
محمود / ههههههههههههههه
رحيم / طب دحكنى معاك طيب
محمود / تكتب كتاب ايه يا رحيم انت يادوب قارى فاتحه
رحيم / يعنى ايه
محمود / بص انا مش هخبى عليك انا بحبك بس دى بنتى
رحيم / برده يعنى ايه
محمود / انت عارف يعنى ايه انى اكتب كتابكوا و انتوا فى السن ده و فى الدراسه و الظروف دى
رحيم / يعنى ايه بقى
محمود / انا اهم حاجه عندى مستقبلكوا
رحيم / انا بقولك نكتب الكتاب مقولتش دخله و مش هقول لانى مش عاوز اصرف على مراتى من مصروفى
محمود / طب سبنى افكر فيها شويه بس متعشمش نفسك انى هوافق انت سالت ابوك
رحيم / لا حضرتك اول واحد
محمود / طب سبنى اخد و ادى مع ابوك شويه و نشوف اللى فيه الصالح
رحيم / ماشى عن اذنك
...........
فى اوضه عفاف
رحيم / هو انا بطلب حاجه غلط
عفاف / لا يا حبيبى بس ليه السربعه انت خايف تتخانق معاك تانى
رحيم / لا بس عندى اسبابى
عفاف / اسباب ايه يا وله متقلقنيش
رحيم / مفيش يا تيته و متقلقيش انا مش وعدتك انى مش هحط ايدى عليها غير و هى على زمتى
عفاف / اااااه عشان كدا عاوز تكتب الكتاب اه يا نمس
رحيم / هو ايه اللى اه يا نمس فى ايه يا تيته انا عاوز اكتب الكتاب عشان انا عاوز احس ان رحمه مراتى مش عشان اللى فبالك
عفاف / طب و هيفرق كتب الكتاب فى ايه يا ناصح
رحيم / ابقى ماسك ايدها براحتى على الاقل مبقاش حاسس انى غريب فاهمه ولا ايه
عفاف / اه مهى بتبتدى بمسكه ايد و تنتهى بعيل
رحيم يبص لسته
عفاف/ انا بهزر معاك رحمه رايها ايه
رحيم / مقولتلهاش
عفاف / يعنى انا و محمود بس اللى قولتلنا
رحيم / اه و شكلى مش هقول لحد تانى مش ناقص اسمع كلامكوا اللى زى ال....عسل
عفاف / بقى كدا
رحيم / انا رايح اقعد مع رحمه حبه عن اذنك
عفاف / روح يا اخويا
........
فى اوضه رحمه
رحمه / مالك زعلان ليه
رحيم / انتى مش حاسه انك عملتى حاجه تزعلنى يعنى
رحمه / ااااااااه انت بقى بتعمل حركه عشان ابوسك تانى صح انسى
رحيم / لا طبعا انا مدايق جدا ماللى حصل
رحمه / ايه
رحيم / ايوه الحاجات دى مينفعش واحنا مخطوبين انتى عارفه
رحمه / خلاص انا اسفه هى كدا كدا مش هتتكرر
رحيم / ايوه بس انا اخدت منك حاجه مش من حقى و ميصحش
رحمه / يعنى اعملك ايه يعنى
رحيم / المفروض ارجعهالك
رحمه / لا يا راجل
رحيم / الحق حق
رحمه / هههههههههههههههه انا يا سيدى مسمحاك
رحيم / بس انا عمرى عمرى مهسامح نفسى ابدا يرضيكى اموت و انا مديون
رحمه / هههههههههههههههههههههههههه بطل بقى يا رحيم
رحيم / انتى عارفه انا طلبت ايه من عموا النهرده
رحمه / ايه
رحيم / قولتله نكتب الكتاب
رحمه / بتهزر
رحيم / لا مانا مضمنش جنانك
رحمه / و قالك ايه
رحيم / قالى هيفكر
رحمه تقعد عالسرير / يبقى بيسكتك يا فالح
رحيم / مانا روحت لتيته ازقها عليه
رحمه / انسى مش هيوافق برده
رحيم / و انتى ايه رايك
رحمه / انت عارف رايى
رحيم / مش هيضر لو سمعتوا تانى
رحمه / انا مش هيفرق معايا كتب الكتاب فى حاجه انا عاوزه الفرح الكبير علاطول
عماد يدخل
عماد / بابا عاوزك
رحيم / حاضر
..........
(((((((مفيش رحمه ))))))
#لولو_محمد
الحلقه العشرون
رحيم / و انتى ايه رايك
رحمه / انت عارف رايى
رحيم / مش هيضر لو سمعتوا تانى
رحمه / انا مش هيفرق معايا كتب الكتاب فى حاجه انا عاوزه الفرح الكبير علاطول
عماد يدخل
عماد / بابا عاوزك
رحيم / حاضر
..........
رحيم يروح بيته
الكل قاعد محمد و محمود و عفاف و زينب و حياه
رحيم / متجمعين عند النبى باذن الله خير
محمد / اقعد يا رحيم
رحيم يقعد
محمد / انت عاوز تتجوز رحمه دلوقت صحيح
رحيم / انا قولت نكتب الكتاب و ناجل الفرح شويه بس لو عاوزين الفرح حد يقول للفرح لا
محمود / احنا اتكلمنا مع بعض و فكرنا
رحيم / هاه؟؟؟
زينب / شوفوا الواد مستعجل على ايه
محمد / احنا اتفقنا معكوا اتفاق زمان و قولنا انكوا لو جبتوا مجموع فى الثانوى هنقرا الفاتحه و انت صيعت و جبت الدبله و احنا سكتنا و قلعتوها و لبستوها و سكتنا بس احنا المرادى لينا شروط
رحيم / ايه الدخله دى يا بابا متوقعش قلبى
محمود / احنا موافقين بس لينا شروط
رحيم يقف / يس .... اللى تقولوا عليه
محمود / احنا هنعمل خطوبتك انت و رحمه فى اجازه نص السنه مع عماد و عبير
زينب / دا طبعا لو عبير وافقت
محمد / عماد هيكلمها و هتوافق باذن الله
رحيم / و كتب الكتاب
محمود/ ههههههههههههههه فى الصيف بعد النتيجه لو جبتوا تقدير عالى
رحيم / دا اخركوا يعنى
محمد / دا اسرع معاد فى السوق حتى اسال بره ههههههههههه
رحيم /ماشى يا حج ادحك ادحك
محمود / احنا لينا كمان شرط
رحيم / خير
عفاف / انت معدتش بتروح التمرين زى زمان و ريحت
رحيم / اريح ازاى بس يا تيته مانتى شايفه الكليه و الدراسه هعمل ايه بس
عفاف / ملناش فيه نظم وقتك المهم انك تاخد البطوله السنادى زى السنه اللى فاتت بالظبط
رحيم / ماشى موافق
محمد / تعجبنى بس شوف انت و عروستك فاضين امتى تنزلوا تنقوا شبكتكوا
رحيم / ماشى هروح بقى ابلغ رحمه
محمود / استنى يا رحيم انا عاوز اقولك حاجه قدام ابوك و امك
رحيم / خير
محمود / انا مش قصدى اجرحك بكلامى ده بس عاوزك تعرف النعمه اللى انت فيها
رحيم / مش فاهم
محمود / انت عارف كويس ان اى اب فى الدنيا خصوصا لو زيى محلتوش غير بنت واحده و جت بعد شوقه سنين اكيد مش هيكون عاوزلها غير احسن حاجه
رحيم / اكيد
محمود / عشان كدا انت لازم تكون احسن حاجه لازم تفهم كويس انى مش مبسوط ان جوز بنتى ابوه و امه هما اللى جهزوه و جابوله الشقه و الشبكه و هو متعبش فى حاجه و انا مؤمن ان اللى بيجى بسهوله بيروح بسهوله
رحيم / بس ....
محمود / اسمعنى للاخر انا عارف انك راجل و انك قد المسؤليه و بتحبها و هى بتحبك و عارف و متاكد انى لو لفيت الدنيا مش هلاقى احسن منك لبنتى بس اهو اعتبر الشروط دى مهر رحمه ايه خساره فيها
رحيم / ابدا رحمه تستاهل اكتر بكتير و انا على فكره مكنتش ناوى اعيش انا و هى على مصروفى انا ناوى اشتغل فى الصيف
زينب / تشتغل ... جديد الكلام ده تشتغل ايه بقى ان شاء الله
محمد / اكيد هيشتغل معانا فى المعرض يعنى امال هيشتغل فين
رحيم / لا يا بابا انا متفق مع دكتور عندنا فى الكليه اتمرنت فى شركته السنه اللى فاتت و لما شاف مشاريعى الترم ده عجبته و هيشغلنى معاه فى الاجازه
محمود / انت بتتكلم جد
رحيم / طبعا
محمد / عالبركه هنقول ايه تانى روح فرح عروستك يلا روح
...............
فى اوضه رحمه
رحمه / انت عارف انهم بيعجزوك على فكره
رحيم / هما فاكرين كدا ماشى خلينا وراهم
رحمه / انت مروحتش التمرين من اكتر من اسبوعين و الامتحانات الاسبوع الجاى و يادوب نزاكر يعنى اسبوعين كمان منغير تمرين هتعمل ايه
رحيم / ياربى عليكى متجيبى لترين جاز و تولعى فيا احسن
رحمه / بعد الشر يا متخلف انا بقولك هتعمل ايه
رحيم / هعمل ايه يعنى الاهم فالمهم هركز فى الامتحانات و لما اخد الاجازه هضاعف ساعات التمرين عشان اعوض
رحمه / انا هروح اتكلم مع تيته هقولها ان كدا كتير عليك
رحيم / لا استنى عموا محمود قال ان ده مهرك و انا مش هقلل منك
رحمه / مهر ايه و هبل ايه
رحيم / بصى خلى كل حاجه بوقتها نركز الاول فى الترم ده و نسيب اى حاجه تانيه لوقتها
رحمه / انت ...
رحيم / هششششش رغى رغى رغى افصلى التلاجه بتفصل
رحمه / انت بتقارنى بالتلاجه
رحيم / ايه هتتخانقى احنا لسه فيها
رحمه / لا و على ايه الطيب احسن
.................
فى كافيه
عبير / لا يا عماد ميصحش كدا
عماد / طب اهدى محدش هيجبرك لو مش عاوزه خلاص
عبير / انت عارف ان رحمه و رحيم زى اخواتى بس ده يومى انا و ليلتى انا و انا بصراحه عاوزه اكون انا العروسه و الاهتمام يكون كلو ليا انا مش هتخطب كل يوم
عماد / و دا حقك طبعا و انا هبلغهم
عبير / تبلغهم ايه انت عاوز تروح تقول ان عبير وحشه و مش عاوزه تشارك رحمه فى خطوبتها صح
عماد / يا بنتى دا حقك و محدش يقدر يجبرك على حاجه مش عوزاها
عبير / لا كان المفروض ترفض انت من الاساس مش تورطنى و تحطنى فى الموقف ده انت عارف رحمه ممكن تزعل
عماد / لا طبعا ايه اللى هيزعلها بالعكس كدا هيبقى ليها يوم لوحدها اكيد كل البنات بيفكروا زى بعض يعنى هى كمان اكيد عاوزه يوم يكون كل الاهتمام بيها هى بس و محدش تانى يشاركها فيه و لا ايه
عبير / معرفش بس انت غلطت
عماد / خلاص متشيليش هم هقولهم انى اتكلمت معاكى و انتى وافقتى بس انا اللى مش مرتاح
عبير / لا طبعا محدش هيصدقك عشان انت قولتلهم من الاول ماشى هسال عبير
عماد / يا ستى انتى مكبره الموضوع ليه انا هقولهم انى احرجت و كنت فاكر ان عبير هترفض فتيجى منها و ابقى بعيد عن الصوره و لما لقيتها موافقه قولت مبدهاش بقى متخافيش هتبقى بعيد خالص عن الصوره حلو كدا
عبير / هى هتحجز نفس القاعه اللى احنا حاجزينها و نفس البروجرام
عماد / معرفش بقى دى مشكلتها هى و رحيم بقى احنا مالنا
عبير / لا عادى مفيش انا بسال بس
عماد / بصى متشغليش بالك باى حاجه غير انك تجهزى نفسك عشان ننزل تنقى شبكتك و فستانك و تخلصى البلاوى اللى وراكى
عبير / بجد مش هيحصل مشكله
عماد / اكيد يا بنتى
........
فى البيت
زينب / هى موافقتش و لا ايه
عماد / يا ماما انا قولتلك انى انا اللى مكنتش راضى مالاول و قولت اشوف هى هتعمل ايه
زينب / واد يا عماد انا امك لو كدبت عالدنيا كلها انا فقساك
عماد / عاوزه ايه يا ماما
زينب / انا قولتلك مالاول انها هترفض و لا لا احنا ستات زى بعض و كلنا بنفكر زى بعض انا عمرى مكنت هقبل ان حياه تشاركنى فى يوم زى ده
عماد / ماشى يا ستى انتى بتعرفى فى كل حاجه بس هنعمل ايه دلوقت
زينب / ولا حاجه اخوك بقى ينزل هو و سنيورته و يلفوا لفتك انت و عبير على قاعه ليهم
عماد / هتقولى لرحيم ايه
زينب / عادى هقوله يدبر نفسه
عماد / طب و مزاكرته و امتحاناته
زينب / الله مش هو عاوز يتجوز و اللى بيشيل قربه مخرومه ...
عماد / هو انتى مش عجباكى الجوازه دى و لا ايه يا ماما
زينب / بص يا عماد انت و اخوك كل واحد فيكوا له راس و اللى ليه راس ما يحتاس
عماد / مش فاهم
زينب / هو انت و لا اخوك بتفكروا تشرونى فى اى حاجه فى حياتكوا انا على راى المثل فى الفرح منسيه و فى الغم مدعيه
عماد / مش صح على فكره
زينب / انا مفيش دماغ اجادل انا يادوب اجهز نفسى و انزل اشترى قماش تانى و ابعته للخياطه عشان تفصلى فستان تانى لخطوبه اخوك و لا انت فاكرنى هحضر الاتنين بنفس الطقم
محمد يدخل
محمد / فى ايه
زينب / انا هدخل ادخل الغسيل الدولاب عن اذنكوا
محمد / فى ايه يا عماد فى مشكله و لا ايه
عماد / احنا مش هينفع نخلى خطوبتى انا و رحيم فى يوم واحد
محمد / امممم و احنا مش هينفع نعزم الناس مرتين كل واحد فى اسبوع لوحده
عماد / طب هنعمل ايه
..........
محمد / مش عارف سبها لله انا هفكر فيها و اشوف مع عمك و نفكرلها فى تصريفه
عماد/ هتقول لرحيم حاجه
محمد / اوعى و انا هنبه على امك كمان متجيبش سيره هو دلوقت مركز عشان الامتحانات مش عاوز حاجه تشغل تفكيره
عماد / ماشى حاضر عن اذنك
........
بعد كدا يوم فى اوضه رحيم
رحيم نايم على سريره ال120 سم و رحمه تدخل فجاه
رحمه / رحيم رحيم قوم قوم
رحيم يصحى / صحيت فى ايه
رحمه تقعد جنبه / سمعت اللى حصل
رحيم / خير فى ايه
رحمه / عبير مرضيتش نعمل خطوبتنا معاهم
رحيم / عارف احسن
رحمه / عارف و ساكت و مقولتليش ليه طب هنعمل ايه
رحيم يقوم يقعد / انتى ليه شايله هم الدنيا كلها سيبيها لله لما نخلص امتحانات هنشوف
رحمه / طب انت مين اللى قالك
رحيم / هههههههههههه انتى اللى بتسالى السؤال ده ماما طبعا
رحمه/ طب عماد رايه ايه
رحيم / يا بنتى تصدقى و تؤمنى بايه
رحمه / لا اله الا الله
رحيم / انا فرحان كدا احسن
رحمه / بجد
رحيم / طبعا انا و انتى ناقصنا ايه عشان ميكونلناش يوم يخصنا هى ليها خيالها و احنا لينا خيالنا دا هما الخسرانين والله
رحمه تبتسم
رحيم / ايوه بقى خلى الشمس تطلع
رحمه / انا سمعت بابا و تيته بيتكلموا عن اننا ناجل كتب الكتاب ترم و نعمل الخطوبه فى اجازه اخر السنه
رحيم / بصى هى على عينى بس هعمل ايه انا اتكلمت مع عماد على فكره هو مينفعش هو اللى يارجل عبير هى اللى نقت القاعه و حجزت الفقرات و رتبت نفسها و مينفعش فجاه نقولها احنا هناخد اللى اخترتيه ده ميمكن اصلا ميعجبناش نعمل ايه ساعتها
رحمه / ايوه بس احنا اترمينا اربع شهور بحالهم
رحيم / انا والله بفكر منعملش خطوبه و نعمل كتب كتاب على طول او خطوبه و كتب كتاب مره واحده لو وافقوا تمام
رحمه / مش هيوافقوا هما اصلا قالوا حوار اننا نعمل مع بعض و هما عارفين انها هترفض عشان ناجل كتب الكتاب على قد ميقدروا
رحيم / بينى و بينك و من ورا قلبى
رحمه / قول
رحيم / هما معاهم حق
رحمه / انت بتقول ايه بس
رحيم / احنا فى اولى و هنكتب الكتاب و لسه قدامنا تلت سنين كاملين على الفرح و انتى مزه و الشيطان شاطر و الانسان دعيييف
رحيم يقوم يقرب من رحمه و رحمه تزقه بعيد
رحمه / بطل هزارك ده
رحيم / ايه هو انتى هتتلككى انا رجلى كانت منمله فبعدلها
رحمه / يا سلام
رحيم / وحياه عبد السلام ياختى
رحمه / طب هما كسبوا ايه يعنى ترم هى هياها برده هيبقى فاضل سنتين و نص عالجواز و حتى لو اتحايلنا نتجوز فى الدراسه عمرهم مهيوافقوا على اكتر من ترم يعنى لسه فى سنتين فى النص واقعين
رحيم / تيجى نتخانق و نفسخ الخطوبه سنه كمان
رحمه / تصدق فكره صبرنى يا رب انا غلطانه انى جايه اكلمك اصلا
رحمه تقوم و رحيم يقوم وراها و يلحقها
رحيم / ههههههههههههه طب بس بس استنى انا بهزر معاكى بصى اى كان نوع العلاقه اللى بتربطنى بيكى انا مبسوط بيها و بحمد ربنا ليل نهار عليها فبلاش تضيعى اجمل ايام حياتنا فى التوتر و القلق
رحمه / انهى احلى ايام دى معلش ضهرى اللى اتقطم فى النوم عاللوحه بالتمن ساعات متواصل عشان اتمرن عالفاينال و لا توترى ان لو انا او انت مجبناش تقدير كل احلامنا هتبقى بخ و لا توترى الاكبر على بطولتك اللى يا عالم هتعرف تلحق اللى فاتك و تعوض و لا لا
رحيم / بصى انتى مش مسؤله عنى و لعلمك انتى بتغنى و تردى على نفسك انتى من شويه قولتى انهم كدا كدا مش هيجوزونا غير بعد سنتين عالاقل و مع كدا بتقولى لازم نجيب تقدير عشان نتجوز ايه يعنى لو جبت جيد و لا مقبول هيفسخوا خطوبتنا يعنى لا
رحمه / يا سلام
رحيم / ايوه يا بنتى احنا بس بنعمل اللى علينا عشان نثبت لنفسنا قبلهم اننا نستاهل بعض
رحمه / بس انا بجد خايفه
رحيم / اخص عليا تخافى و انا جنبك دانا اروح اولع فى نفسى اسهل
...........
اول يوم فى الاجازه بالليل
رحمه / عماد هو انت وراك حاجه بكره
عماد / انا رايح اجيب بدلتى ليه عاوزه حاجه
رحمه / ممكن اتقل عليك تاخدنى بكره او بعده اللف على فستان انت عارف ان رحيم طول الوقت فى التمرين دا حتى امبارح طلع مالامتحان على النادى و رجع نام للصبح و صحى نزل و انا خايفه الوقت يزنقنى
عماد / اممم والله مش عارف سيبيها لله هحاول اظبط اللى ورايا بدرى بدرى بكره و افضيلك نفسى مش الساعه 6 يناسبك
رحمه / ربنا يخليك ليا يا احلى اخ فى الدنيا والله لو مكنش بابا و عموا فى اسكندريه مشغولين فى المعرض الجديد كنت خليت السواق يوصلنى بس هعمل ايه
عماد / يا ستى انتى تؤمرى هو انا اطول اسوق للهانم
.............
تانى يوم بالليل
تليفون البيت يرن و زينب ترد
زينب / الو مين معايا
عبير / ازيك يا طنط انا عبير اخبار حضرتك ايه
زينب / كويسه الحمد لله انتى عامله ايه
عبير / كويسه بحس حضرتك هو عماد عند حضرتك
زينب / اه شوف و انا اللى كنت فكراكى بتتصلى تسالى عنى يلا لا يا حبيبتى خرج مع رحمه هو مقالكيش و لا ايه
عبير / لا مقاليش انه خارج انا اصلى اتصلت بيه كتير و هو غير متاح
زينب / يمكن قافله مش عاوز ازعاج
عبير / ايه ؟؟؟
زينب / مهو لولا انى متاكده انه كان حاطه فى الشاحن طول الليل كنت قولت انه فصل بس يمكن يعنى المكان اللى هو فيه مفيهوش شبكه
عبير / يمكن
زينب / اخبار فستانك ايه صحيح طمنينى
عبير / اه جبته الحمد لله
زينب / اصل عماد خد رحمه يفسحها و يجيبلها فستان تحضر بيه خطوبتكوا بس انا مستغربه هو مقالكيش ليه انتى يا حبيبتى كبيره على انك تغيرى انه واخد خطيبه اخوه يفسحها و بعدين اكيد يعنى معيده زيك عمرها مهتتخانق و لا تعمل مشكله عشان هو يعنى خرج و هى معرفتش توصله اصله مش عيل صغير عشان ياخد منك الاذن يعنى و لا ايه يا حبيبتى
عبير / اكيد يا طنط على العموم ياريت لما يجى يبقى يكلمنى
زينب / والله لو افتكرت هبقى اقوله اصلك عارفه السن بقى
عبير / متقوليش كدا يا طنط دانتى لسه صغيره
زينب / ماشى ياختى حاجه تانى
عبير / مع السلامه يا طنط
زينب تقفل السكه
.................
عماد نايم فى السرير و بيتكلم فى التليفون
عماد / ممكن اعرف انتى ايه اللى منرفزك
عبير / انا اتصلت بيك اكتر من عشر مرات حضرتك غير متاح
عماد / للمره المليون قولتلك المحل مكنش فيه شبكه
عبير / انا مالى انا ان رحمه عاوزه تشترى فستان تحضر بيه خطوبتنا هو انت خلفتها و نسيتها هو مش رحيم عنده عربيه
عماد / يا حبيبتى رحيم احنا معدناش بنشوفه بقاله شهر مراحش التمرين و الكابتن نافخه دا بيجى يترمى عالسرير و ينام
عبير / و انا مالى يعنى انا مقولتلكش تيجى معايا تنقى فستانى و الاقيك رايح تنقى مع رحمه
عماد / دى اختى يا عبير انتى هتقارنى نفسك باختى
عبير / تصدق معاك حق اجى ايه انا فى الست هانم
عماد / انا مش قصدى كدا على فكره انا قصدى انك حاجه و هى حاجه تانيه خالص و مينفعش ابدا تقارنى حبيبتى و روح قلبى باختى يعنى
عبير / طب ليه مقولتليش انك خارج معاها
عماد / هو انا من يوم معرفتك قولتلك انا رايح فين و لا جاى منين و لا حتى انتى عمرك سالتى
عبير / ايوه بس كنت بعرف الاقيك
عماد / انا والله مكنتش اعرف ان موبايلى فاصل شبكه بس اختى و طلبت منى خدمه ينفع ارفض
عبير / يا بختها خطيبها شايلها من عالارض و خطيبى كمان شايلها و انا ياعينى منسيه
عماد / انتى عارفه يا عبير انا عرفت بنات بعدد شعر راسى و ماما كانت بتجيبلى كل يوم عروسه عمرك سالتى نفسك اشمعن انتى اللى اخترتك و صممت عليكى
عبير / والله لو ندمان احنا لسه فيها تقدر تروح لملكات الجمال اللى كانوا محاوطينك
عماد / محدش منهم يملى عينى غيرك انتى يا بيرو
عبير / كل بعقلى حلاوه يا خويا
عماد / ليه انتى عيش فينو ههههههههه
عبير / بايخه
عماد / لا والله حلوه بصى انا اخترتك عشان انتى بت جدعه و بتحبى اخواتى و عمرك مهتبعدينى عنهم و هتساندينى لما اتعب مش هتحطى احمال و هموم فوق كتافى
عبير / يعنى انت شايف انى حمل و هم كمان
عماد / انت كدا هتخلينى اخاف منك و افكر فى كل كلمه بقولهالك لتفهميها غلط
عبير / فى فرق انك تخاف منى و انك تخاف على زعلى يا عماد
عماد / حبيبك يبلعلك الزلط يا عبير و انا بحبك
عبير / انا عاوزه احس انك بتاعى لوحدى يا عماد
عماد / انتى عارفه يا بت انا قضيت نص عمرى سهران برغى مع بنات فى ام المخروب ده من يوم مخنرعوه و نزل مصر بس عمرى مكان يهمنى زعل حد فيهم كانت اللى تقفش بسيبها تولع بس انتى لا انتى غاليه عندى و يصعب عليا تنامى و انتى شايله منى عارفه ليه
عبير / ليه
عماد / عشان انتى مراتى بتاعتى
عبير / انا كمان عوزاك تبقى بتاعى انا لوحدى
عماد / منا بتاعك لوحدك يا هبله هو اكمن اختى طلبت خدمه ابقى خلاص هتجوزها يابت دانا ياما هدومى غرقت منها هى و الكلب رحيم الله يرحمها الكوافيل مكنتش بتستر
عبير/هههههههههههههههههههههههههههه
عماد / اه والله مكنتش اشيل حد فيهم الا لما يبهدلنى رياله بقى ترجيع حمام مكنوش مخلين فى نفسى حاجه الصراحه
عبير / ههههههههه بحاول اتخيلك شكلك فظيع
عماد / نفسى اوى اشوف وشك دلوقت
عبير / ليه
عماد / اصلى بحب دحكتك اوى
عبير تسكت
عماد / و بحب خجلك لما وشك و منخيرك يحمروا
عبير تقوم تجرى تقف قدام المرايه تلاقى وشها و مناخيرها حمر
عماد / ها اتاكدتى
عبير / اتاكدت من ايه
عماد / مش انتى دلوقت قدام المرايه
عبير / عرفت منين
عماد / عشان شايفك فى خيالى شكلك زى القمر
عبير / انت عارف انا عاوزه اقولك ايه دلوقت
عماد / انا عاوز اقولك انى بحب كل ذره فيكى
عبير / و انا كمان بحبك اوى
عماد / يلا تصبحى على خير انا دلوقت اقدر انام بقى و انا مبسوط
عبير / ربنا يخليك ليا
............
قبل ماتخرجوا اتفضلوا الروايات الكامله من هنا 👇❤️👇❤️👇
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
روايات كامله وحصريه
🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹
1- روايةبداية الروايه من هنا
4 - رواية تزوجت سلفي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
13- رواية عشقك ترياق
14- رواية حياة ليل
16- رواية لست جميله
20- رواية حبيب الروح
22- سكريبت غضب الرعد
24- رواية ملك الصقر
29- رواية شطة نار
30- رواية برد الجبل
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
32- رواية الداده رئيسة مجلس الإدارة
35- رواية حماتي
36- رواية انا وضورتي بقينا اصحاب
41- رواية روح الصقر
42- رواية جبروت أم
46- رواية شهر زاد وقعت في حب معاق
47- رواية أحببت طفله
51- رواية لم يكن أبي
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
52- رواية حورية سليم
53- رواية خادمه ولكن
56- رواية خادمة قلبي
57- رواية توبه كامله
61- رواية طلقني زوجي
63- قصة فتاه تقضي ليله مع شاب عاذب
64- رواية عشق رحيم
67- رواية أحببت بنت الد أعدائي
69- رواية حلال الأسد
🌺🌺🌺🌺🌺🌺🌺🌺🌺🌺🌺🌺🌺🌺🌺
🌺🌺🌺🌺🌺🌺🌺🌺🌺🌺🌺🌺🌺🌺🌺
71- رواية أسيرة وعده
76- رواية دموع زهره
79- رواية إبن مراته
82- رواية جبل كامله
86- قصة غسان الصعيدي
89- رواية صليت عاريه
90- رواية صليت عاريه
94- رواية مفيش رحمه
95- رواية شمس العاصي الجزء الاول كامله
