رواية امتلكني حبها البارت الرابع عشر بقلم رحمه محمد رواية امتلكني حبها الفصل الرابع عشر بقلم رحمه محمد رواية امتلكني حبها الجزء الرابع عشر بقلم رحمه محمد

رواية امتلكني حبها البارت الرابع عشر بقلم رحمه محمد

رواية امتلكني حبها الفصل الرابع عشر بقلم رحمه محمد

رواية امتلكني حبها الجزء الرابع عشر بقلم رحمه محمد

رواية امتلكني حبها البارت الرابع عشر بقلم رحمه محمد

ورد اول ما شافت الاوضه كانت وقفه مصدو.مه بصت لجابر: ه..هو كل دا ليه

جابر ضحك وهو بيقفل الباب ولسه شايلها: اومال لناصره يعني اكيد ليكي ي وردتي

كانت الاوضه كلها متزينه بالورد والشموع في كل مكان كانت الاوضه شكلها تحفه: الله حلوه اوي ي جابر عملت كل دا امتي

جابر نزلها علي السرير ونزل علي ركبتها قدامها : لما كنتي في المستشفي

ورد عيونها لمعت من الدمو.ع: شكرا اوي ي جابر

جابر اتريق عليها: شكرا اوي ي جابر اي دا بس كدا

ورد فهمته مثلة التعب: اهه دماغي مش قادره

جابر بخو.ف: دماغك مالها تحبي اجبلك ممرضه هنا تفضل معاكي عشان لو تعبتي

ورد ابتسمت بسرعه: لا لا ي حبيبي مش عايز....

قاطعها جابر بفرحه: قولتي اي

ورد استوعبت الي قالتله ابتسمت بكسوف: انا عايزه انام

ولسه هتنام مسكها جابر وشدها لحضنه: قولتي اي

ورد ابتسمت وطبعت قب.له علي خده: قولت حبيبي

جابر بص ليها بسرحان وهي فرحان من الي عملته والكلمه الي قالتها بصلها بتركيز: انا بحبك ي ورد

ورد بصتله بفرحه كبيره: بجد

جابر نام علي رجليها: ايوا ي ورد بحبك واتاكد اني بحبك اكتر لما شوفتك وقعه في الحمام كنت همو.ت من الخو.ف عليكي حسيت ان روحي بتروح مني اول مره احس اني عاجز ومش عارف اعمل اي (وبصلها وهو بيحضن وشها بايده ومسح دمو.عها الي نزلت بسبب كلامه) بس الحمدلله انك كويسه مش عايز اشوفك دمو.عك دي تاني ي ورد مفهوم

ورد مسحت دموعها وهي بتحرك راسها من فوق لتحت: ح.. حاضر

جابر بصلها ببتسامه وغمز: طب اي

ورد بدوم فهم: اي

جابر لسه هيقرب منها ورد بعدت وهي بتضحك: عايزه اغير هدومي

جابر جز علي سنانه وبعد: ودا وقته قومي ي ورد

ورد رفعت ايديها لفوق: شيلني ي جابر

جابر ضحك وشالها: انتي خدي علي كدا بقا

ورد ضحكت بصوت عالي: لا استحمل كدا دا لسه شهرين

جابر كان وصل قدام باب الحمام ونزلها وطبع قب.له علي شفا.يفها: مش شهرين وبس انا لو عليا اشيلك طول العمر ي وردتي

ورد ابتسمت بحب ودخلت الحمام تغير هدومها

اسلام وصل جاد وريم كمل جاد: شكرا جدا ي اسلام

اسلام ببتسامه: العفو علي اي

مشي جاد وريم لسه هتمشي وقفها اسلام: ر..ريم

ريم وقفت وبصتله بستغراب: نعم

اسلام: احمم انتي...انتي كويسه

ريم ابتسمت: ايوا وشكرا انك وصلتني المستشفى

اسلام ببتسامه: مفيش شكر طبعا

ريم ابتسمت ولفت عشان تمشي اسلام كان هيوقفها تاني بس مكنش عارف يقول اي فسابها تمشي وبعد ما دخلت البيت مشي هو

جاد اول ما دخل البيت سمع صوت شمس العالي جاي من المطبخ: بقولك اي ي ست ناصره ابعدي عن ورد

ناصره بسخر.يه: عشت وشوفت الخدم طلع ليهم لسان وبقا بيعرفو يردو كمان

شمس: وهتشوفي اكتر من كدا كمان لو مسكتيش

ناصره بغ.ضب: انتي بتهدديني ي بت انتي ولا اي

جاد دخل المطبخ بسرعه: في اي ي ماما انتي وشمس

ناصره بز.عيق : قال حتت بت بتهددني انا

شمس بصت لجاد: من اول ما جيت وهي عماله تقول علي ورد مما.تتش لي وريحتنا بعد الشر عليها (وبصت لناصره) ان شاء الله الي يكرهوها

ناصره شهقت: انتي بتدعي عليا ي بت

جاد بغ.ضب: بس انتو الاتنين وانتي ي ماما تقولي علي ورد كدا لي نفسي اعرف بتكرهيها لي كدا

ناصره بحز.ن وعياط مصطنع: بتزعق لامك عشان البتين دول ماشي ي جاد

جاد اتنهد: وانتي ي ماما الي عملتي في ورد مش قليل برضو هي عملت اي لكل دا

شمس بض.يق: انا ماشيه

ولسه هتخرج من المطبخ وقفها جاد: استني ي شمس (وبص لناصره بعتا.ب) كرهك لورد هيخسرك كل حاجه ي ماما..انتي عارفه ان مفيش سبب عشان تكر.هيها اوي كدا عايزه تطلقيها من جابر وتجوزيه لريم صح وانتي عارفه انك لو عملتي اي مستحيل دا يحصل جابر حب ورد وريم نصبها جاي.. وبسبب كر.هك دا هتخسريني انا وريم وبابا وجابر والبيت دا كمان

وخد شمس ومشي وساب ناصره وسط تفكيرها وفعلا سالت نفسها هي لي بتكر.ه ورد بالطريقه دي لدرجه انها عيزاها تمو.ت هي طول عمرها نفسها جابر يتجوز ريم بس هي طول عمرها رفضه يعني مش ذنب ورد (فكرت في كلمه هتخسر كل حاجه) وهي فعلا بتخسر منصور وجابر وولادها هما مش هيفضلو يستحملو افعالها دي كتير

وكانت لاول مره ناصره دمعتها تنزل بجد من احاسسها انها تخسر ولادها وجوزها وبيتها وفجاه دخل عليها منصور: مالك ي ناصره

ناصره مسحت دمعتها بسرعه: مليش انت مش كان عندك شغل طول النهارد

منصور: جيت اول ما عرفت ان ورد في المستشفي هي كويسه

ناصره حركة راسها بالايجاب: ايوا طلعها جابر ترتاح

منصور حرك راسه بالايجاب: طب الحمدلله (حس ان طريقتها غريبه قرب منها) مالك ي ناصره

ناصره بصتله: لسه بتحبني ي منصور

منصور استغرب من سؤالها بس ابتسم: طبعا لسه

ناصره مسحت دمعتها الي نزلت بسرعه: يعني مش هطلقني زي ما قولت قبل كدا

منصور اتنهد : انتي قلبك طيب ي ناصره وعشان كدا بحبك واطلقك كيف وانتي ام عيالي مع ان افعالك هتجيب اجلي في يوم

ناصره ضحكت وحضنته بحب واتنهدت: بعد الشر عليك ي حبيبي

دخلت ريم المطبخ بسرعه: قفشتكم (وغمزت) طب مش في المطبخ كدا عيبب

ناصره بعدت بسرعه: اتلمي ي بت

ريم قربت من منصور وغمزت: بقولك ي حبيبي

منصور ضحك علي افعال ريم

ناصره اتكسفت: يلا اقعد ي منصور عشان تتغدي

ريم: اي دا ناصره اتكسفت ي بابا

ناصره خبطتها بخفه علي دماغها: ي بت اتلمي بقا

وضحكوا كلهم

_______مر اسبوعين________

كانت ناصره بدات تعامل ورد وشمس كويس ودا كان كله مستغربه ما عدا جاد حس انه كلامه فعلا اثر فيها وورد وجابر كانو قربو من بعض اوي.. وجاد وشمس طول الوقت بيتخا.نقو وريم تسكتهم.. واسلام كان بيتحجج باي حاجه عشان يروح لجابر ويشوف ريم بس مكنش بيحاول يتكلم معاها

ورد: خلاص بقا ي ماما بطلي عياط هنبقي نجيلك

ناصره بحز.ن: خلي بالك من اختك ي جاد

جاد حضنها: متخا.فيش عليها ي ماما ريم في عيني

ريم حضنت ناصره ومنصور وقربت من شمس حضنتها وشافت ورد جابر شايلها ونازل بيها علي السلالم جريت نحيتها: هتوحشيني ي ورد

جابر نزل ورد قدام ريم وحضنو بعض: وانتي كمان

جاد قرب من جابر وحضنه

شمس كل دا كانت بصه لجاد بحز.ن مكنتش عارفه لي زعلانه اوي انه هيمشي ولا فاهمه اي الشعور الي جواها دا كان نفسها تطلب منه يفضل معاها وقاطع تفكيرها جاد: سلام ي مو لسانيين

شمس ابتسم ابتسامه بسيطه: سلام

جاد اتنهد وهمس ليها: خالي بالك من نفسك ي شمس

شمس حركة راسها بالايجاب: وانت كمان

جاد بصلها ببتسامه وهو كمان بدلته ببتسامه ومشي ريم وجاد

جابر وطي وشال ورد تاني: يلا عشان ترتاحي

ورد بوظت: انا زهقت من القعده ي جابر خليني شويه هنا وانت مش هتروح معاهم

جابر اتجه نحيت السلالم: اسلام هيبقا معاهم

ورد: خليني هنا شويه مع شمس

جابر: ولا شمس ولا قمر هتفضلي معايا وفي حضني ومش هتتحركي لغايت ما تبقي كويسه

وطبع قب.له علي جبينها ورد بصتله ببتسامه وسكتت

عدي بش.ر: خلاص اجهز عشان بكرا هنعمل الي اتفقنا عليه

: بس انا يبقا ليا من الحب جانب بقا