رواية فيروزة الفهد الفصل الحادي عشر والثاني عشر بقلم سلمى محمود رواية فيروزة الفهد البارت الحادي عشر والثاني عشر بقلم سلمى محمود رواية فيروزة الفهد الجزء الحادي عشر والثاني عشر بقلم سلمى محمود

رواية فيروزة الفهد الفصل الحادي عشر والثاني عشر بقلم سلمى محمود

رواية فيروزة الفهد البارت الحادي عشر والثاني عشر بقلم سلمى محمود

رواية فيروزة الفهد الجزء الحادي عشر والثاني عشر بقلم سلمى محمود

رواية فيروزة الفهد الفصل الحادي عشر والثاني عشر بقلم سلمى محمود

فيروزة شافت طيارة ورقية لما نزلت من السفينة شدتها بإبتسامة وقالت: كإن إنهارده اخر يوم في حياتي أنا فرحانه اوي

فهد: بعد الشريا سلطانة فيروزة بتقولي ليه كده

فيروزة: مش عارفه حاسه كإن آخر يوم ليا في الحياة

فهد حضنها وشدها قبلها بحنان: وأنا اسيبك هتفضلي في حضني وهتخلفي ليا ولي العهد ونكبره سوا ونجيب عيال تاني وتالت ونعجز سوا وهفضل احبك يا سلطانة

فيروزة بإبتسامة قربت منه وباست إيده: بحبك يا فهد

فهد: وأنا بعشقك يا شقيقة الروح

فيروزة ابتسمت ليه وكانت بتجري وهو بيجري معاها وشدها لحضنه كانوا بيبصوا للطياره سوا وهي جريت كان شعرها بيفر مع الهوا وهي بتضحك حضنها فهد وهي سابت الطياره مشيوا سوا على شط البحر خلعت جزمتها وكانت ماشيه على الرمله بإبتسامة كان ماشي جمبيها وصرخ: بحبك يا سلطانة

حل المساء فهد كان ماشي في غابة حولين القصر وخالع الجزمه وهي زيه وماشيين بكل عشق وحب خدها في حضنه وهي كانت لابسه الطقية وجاكيت ازرق قعدوا قدام البيت اللِ شبيه عربة سندريلا ونام على الأرض نامت جمبه وكانوا باصين للسماء

فيروزة: شايف النجمة

فهد كان باصصلها ومش متكلم

فيروزة بإبتسامة: عارفه إنك بتبص عليا

فهد: وإيه كمان

فيروزة هي وبتلف ليه: وبتحبني

فهد: وايه كمان

فيروزة: وأنا بحبك

فهد ضحك بصوت عالي وابتسم ليها: فيروزة

فيروزة: نعم يا فهد

فجأة رن عليه (عاشِق)

(عاشق شقيق فهد بشرته بيضاء وشعره الأشقر الطويل وعيونه الخضراء وذقنه الأشقر الذي يزيده جمالًا وذات جسم رياضي يمتاز بالطول والثقة في النفس)

فيروزة: مين عاشق

فهد: أخويا

فيروزة: احنا كبرنا سوا

فهد: هحكيلك قصته

عاشق: فهد

فهد بإبتسامة: وحشتني يا بوب

عاشق: أنا قدام القصر نزلت من لندن فينك أنا مع تيته فخرية

فهد: جاي أهو اقفل

قامت معاه فيروزة: هو أخوك بجد

فهد: ده من أمي وكان عايش مع فخرية علمته وكبرته وسفرته بلاد بره علشان ياخد تعليمه هو دلوقتي ٢٤ سنه دخل كلية أكاديمية الشرطة

فيروزة هزت راسها: يعني واحد بيسرق وشغال في شغل الحرام وواحد ظابط

مشيت قدامه

فهد: فيروزة

فيروزة: امشي يا فهد إمشي

مشيوا من قدام البيت ووصلوا للقصر لكان كانوا واقفين كلهم قدام الباب ونبيلة بتبكي وسعاد بتبكي فخرية كانت واقفهومنزله راسها للأرض وقمر واقفه بعيد وعاشق جمبهم فيروزة كانت مبتسمة لكن ابتسامتها اختفت شافت تابوت في الأرض مقفول والشرطة متجمعة حولينهم

فهد بحزن: فيروزة

فيروزة بدموع زاحت إيده وقربت من التابوت بتفتح التابوت شافت أبوها مدبوح

فيروزة بصدمه بصت ليهم الكل كان منزل راسه للأرض

عاشق: إهدي

فيروزة بصدمه: بابا

فهد مسك إيدها:فيروزة

فيروزة صرخت بقوة: بابا

فهد شدها لحضنه وكانت بتبكي

عاشق بحزن: مسن اللِ عمل كده

_معرفش يا باشا بنحاول نوصل للقاتل

فهد: فيروزة قومي معايا

فيروزة بإنهيار: اسككككككككككت

بعدت عنهم وصرخت: كلكم ظالمين إبعدوا عني قتلتوني بالحياء وأنا عايشه

الشرطة اخدت الجثة ومشيت فيروزة وقعت على الأرض وعاشق راح تجاها: هجيب حق اشرف القِناوي

فيروزة: تجيب حقه إزاي والقاتل واقف قدامك فخرية عملتها

فخرية: أنا خطفته لكن مقتلتهوش

قمر: تيته معاها حق

فهد: اخرسوا كلكم أسكتوا

فهد مسك إيدها فيروزة شدت المسدس من جيبه وحطته على راسها: أنا مستحقش العيشة دي

فهد: فيروزة لا

فيروزة: هقابلهم لما اروحلهم سيبني أمشي

فهد: مستحيل ده مستحيل

فيروزة: يبقى سيبني ارتاح

عاشق: اهدي نزلي السلاح

فيروزة بدموع: سامحوني

ضغطت على الزناد ودخلت الطلقة في راسها

وقعت فيروزة والدم كان سايل على الارض

فهد بصراخ: فييييييروووزة

عاشق بصدمه: فيروزة

فهد حضنها قبل ما توقع لكن خلاص كان فات الآوان فخرية وقعت من ايدها العصاية والكل صرخ نبيلة وقعت في الارض تبكي عليها

فهد: فيروزة

عاشق قرب منها وحط إيده على نبضها: لسه عايش عايشه

فهد بعد عنها وكان بصدمه وكان بيبكي ومصدوم

عاشق شالها من بين يديه وحطها في العربية: فهد، فهد

فهد مكنش بيرد دخل في هالم تاني كان بيفرفط في الارض

عاشق جري قصاد العربية وطلع على العربية فخر كان بيسوق لـ المستشفى عاشق كان باصص ليها خلع جاكيت بدلته حطها على راسها كانت بتنتفض وطلعت دم من بؤها عاشق دمعته نزلت وصرخ: بسرعة يا فخر

اول ما وصلوا

عاشق بصراخ: دكتووووور بسرعة

جريوا عليه هو وشايلها وكانوا بيجروا في الطرقات

الدكاترة بتصرخ: جهزوا اوضة العمليات بسرعة

دخلوها الاوضة

عاشق قعد وكان حاطط ايده على راسه هو وباصص ليها وحالتها الحزينة ودراعها اللِ لسع متجبص وصرخ بقوة: اااااه يارب

...........................

دخلوا القصر بتاع ضياع سوا وضياع كان شايلها: بقيتِ بخير

رنا: ده بيتك

ضياع: ده قصري

رنا: نزلني يا ضياع

ضياع نزلها وقالت: وديني بيت جدو

ضياع: ليه أنتِ مراتي وده من حقك

رنا: بس ده من فلوس حرام صح

ضياع: وتفرق إيه ما كنتي عايشة معاه وقابله الحرام على نفسك

رنا بدموع: ربنا يرحمه وبعدين لا مقبلتهوش

كانت بتمشي وتعرق

ضياع شدها لـ حضنه: رنا ادخلي الليلة بس وهنمشي الصبح

رنا: عايزه أمشي دلوقتي

ضياع: رنا اتقي شر غضبي

شالها بين يديه وهي صرخت: هتجبرني

ضياع: معنديش حل

زق الباب برجله ودخلوا القصر بتاعه رنا سكتت لما شافت صورها على حيطان القصر وذكرياتها معاه وصورها هي وصغيرة: كل ده علشاني

ضياع مكنش متكلم وطلع بيها اوضته حطها على السرير بكل راحه رنا زُهلت من جمال القصر والاوضة

ضياع: هدومك في الدولاب اخدتهم مرات البةاب وجابتهم

رنا: يعني

ضياع: برضاكي غصب عنك هنفضل هنا مش هنرجع البيت تاني لانه يعتبر مهجور وأنا مش هستنى لما تحصلك حاجه تاني علشان اللِ إيده في المياه مش زي اللِ في النار

طلع برا الاوضة رنا مسحت دموعها وقالت في نفسها: للدرجة دي بيحبك يا رنا مش ناسيكِ خايف عليكِ واعترفلك بِحُبه إنهارده وأنتِ عايزه تخسريه

راحت تجاه الدولاب فتحت لكن شافت كل هدومها لانچري مشافتش بجامه او حاجه طويل

رنا اخدت فستان قصير جدًا أسود ستان من ورا مفتوح كله عند الضهر ومن قدام مفتوح ودخلت الحمام غيرت ملابسها رغم إنها تعبانه وقعدت في الاوضة مستنياه يدخل كانت فارده شعرها وحاطه ميك اب خفيف وروچ أحمر غامق فتحت الباب لكن شافته قدامها ضياع بص ليها من فوق لـ تحت ورنا ابتسمت ليه ضياع قرب منها وقال بجمود: داخل آخد شاور وهنام

دخل الحمام وسابها بره رنا دمعتها نزلت

هو وفي الحمام لـ نفسه: هتلمسها يا ضياع جت اللحظة اللِ هتموت عليها وتبقى مراتك حقيقي مش على ورق هتلمس رنا حبيبتك وحيدة قلبك وغيرك لمسها

نزلت دمعته هو وبيخلع هدومه وشاف إسمها محفور جمب صدره بص للمرايا وقال في نفسه: آه من وجع الحُب فعلا خبي بلونات عشقك من دبابيس الناس

اخد شاور وطلع من الحمام شافها هي وقاعده على السرير ونايمه بكل تعب مكنش شايف كنبة في الاوضة جاب فرش وفرشها في الارض واخد مخده لكن رنا مسكتها منه وقالت بدموع: بلاش أنا آسفه

ضياع اول ما شاف دموعها اخدها في حضنه وكان بيلمس على شعرها بحنان: حبتي يا ضياع زي ما ست حنينة في راجل حنين يا ضياع حبني ضمني ليك كإن مفيش غيرنا في الدنيا سامحني لو غلطت

ضياع قرب منها وحضنها من تاني

كان بيقبلها بكل عشق وشغف قرب منها أكتر وسند راسه على راسها وقال بكل حنان: اوعدك بعد ليلة بكرة هتكوني مراتي وشريكة عمري

نام على الأرض وهي نامت على السريى كان باصصلها وهي بصاله

رنا: في إيه بكره

ضياع: نامي واحلمي بيا وهشوفك في منامي يا ست الحُسن بكرة نتكلم

رنا: ضياع

ضياع: نعم

رنا: قول ليا شِعر

ضياع قام من مكانه وفتح الدولاب اخد ورقة مكتوب عليها بالقلم الاحمر وعليها ورق ورد كتير وقال بإبتسامة:

يواسيني أنك في مكانٍ ما

من هذا العالم تضحكين

وبين رِقة شفتيكِ تحكين

وإن رأيتِ زهرةً تُحبين

يا عاشقة لـ روحي

وإن روحكِ لـ روحي تَعشقين

وعلى كتفي تميلي وتشكين

يا جميلة كُل القلوب وبِكِ

عامرةُ الدياري لا تتركين

وإن قلبي بين يديكِ

كالعَلمُ في حُبكِ وبِه تلحين

وإني رمَيتُ حبي لكِ

وللقلبِ أنتِ تَدخلين

وإنَّ عِشقي لكِ غاويِّ متاعبُ الحُبِ

وعلى رِمش عينَّاي تتجوليِن

يا قاهرة كُل النساء إن كيدهن عظيم

يا جميلة كُل النساء أعشقكِ

حتى وإن تتدلليِن

واجعليني لكِ ولِقلبكِ ديار آمنة

ونَسكُن في جمال عيناكِ وللرواياتِ تَرويِن

سنكُون أنا وأنتِ كّالقلب الواحد

وأنتِ في قلبي تُنبِضين

أهل أنتِ تعشَقي الزهوُر؟

ولا تعلمي أنكِ لهُم تَشبهين

فكيف يُكف القلب عن عِشقكِ؟

وأنتِ في قلبي تَسكُنين

وَالروحُ علىْ مَنْ يُداريِها تَرتَمي

وعلى فِراش قلبي ترتمّين

وأجعلكِ من المُحبين لـ قلبي

ولا أجعلكِ تغارين

وإن مرت الشتاء علينا

ادفئكِ حتى لا تحترقيِن

ولا أجعلكِ ليّ تشتاقين

لكِ قلبي وما لقلبي إلا أنتِ

يا رفيقة، وزوجة صالحة

وخير النساء تعِشقيِن

يا شبيهةُ شُعُور الطُّمَأنينة

كأنكِ لهُ تُشبهِين

فقط يا عاشقة الينبوعَ أحبينيّ

ولا أكونَ لكِ مِن المُهملين.

رنا قامت حضنته ودموعها نزلت شدته ليها اكتر وهو حضنها بكل قوته وقال: بحبك يا ست الحُسن

رنا: بحبك يا تاج رأسي

...........................

عند فهد قام من مكانه وصرخ بقوة: لموا هدومكم وامشوا ولو حصل ليها حاجه هطربق الصعيد على راسكم لو حصل لـ فيروزة حاجه هحفر ليكم ولعيلتك قبور متتعدش يا فخرية لو حصل لأم إبني حاجه قسمًا بالله رجعتي للصعيد هتبقى خراااااب هبقى جااااي علشان الخراب وبس غوروا من وشي

طلع عربيته مكنش شايف قدامه من كتر غضبه وكان بيضرب الدريكسون ويبكي وسايق بأقصى سرعة وصل للمستشفى وطلع يجري: فيروزة فين

عاشق: في اوضة العمليات

فهد بكل غضب خبط راسه في الخيطه وكان بيقول: فيروزة

عاشق: اهدى

فهد كان بيضرب في الحيطه وشد القميص بتاعه مكنش قادر يتنفس الممرضة طلعت تجري

عاشق: في إيه في إيه

الممرضة بلهفه: ادعولها

وطلعت تجري

فهد بصراخ: فييييييروووزة

قلقل المستشفى كلها بصوته

بص ليها من شباك الاوضة القزاز: قومي يا فيروزة قومي

الدكتور شد ليها ملابس المستشفى قطعها وكان معاه جهاز الإنعاش وصرخ: 1/2/3

كان بيعملها انعاش

فيروزة كانت بتحلم

وقعت في بحر غويط وكان بيسبح من بعيد فهد وبيحاول يوصلها مش قادر كانت بتحاول تعافر لكن استسلمت جسمها كله ساب لكن إيد شدها من البحر ورفعتها لحضنه حطها على الارض وعمل ليها تنفس صناعي وشفايفه لمست شفايفها فيروزة فتحت عيونها وكان عاشق

فيروزة: أنا فين

عاشق بصدمه بيبص مكنش فيه بحر كانوا قاعدين في غابة والشجر عليه تلج أبيض

عاشق: مش عارف

فيروزة: أنا فين وإبني لسه عايش وفهد وأنت مين

عاشق: أنا عاشق أخو فهد شقيق روحك، فهد حزين متسبهوش يا فيروزة أنا هنقذك بس إبقي عايشة

فيروزة: بس انا لازم أمشي اديت واجبي في الحياة ولازم ابقى دلوقتي تحت التراب

عاشق: عيشي علشانه ابنك

حط إيده على بطنها

فيروزة: هو هيكبر

عاشق: هيكبر بوجودك وبوجودي يا فيروزة

فيروزة: فهد ظلمني

عاشق: أنا كَ عمه مش هظلمك

فيروزة: أنا لازم أمشي إتأخرت عليهم

كانت شايفة أمها وأبوها لابسين أبيض في أبيض وبينادوا

_ فيروزة

فيروزة: انا جاية يا ماما جاية يا بابا

عاشق بصراخ: فيروزة

فيروزة بدموع: لازم امشي

عاشق كان شايل طفل صغير وصرخ: وهو

فيروزة بصت وراها ودموعها نزلت: هو هيعيش

عاشق: تعلي ونربيه سوا تعالي

فيروزة كانت واقفه في النص وبتبكي ومش شايفه فهد خالص

عاشق: أنا ربنا بعتني ليكِ قربي مني تعالي إبنك هيتيتم تعالي

فيروزة مشيت تجاه عاشق بخطوات وقربت منه وعاشق ابتسم

(عودة إلى أرض الواقع)

عاشق واقف مصدوم وفهد بيصرخ: قومي عافري علشان نفسك قومي وأنا هسيبك قومي عيشي علشانك وعلشان ابنك وصرخ قووووومممممييييييي فيروزة

عاشق كان واقف مصدوم

فيروزة كانت بتعافر وكانت في سكرات الموت

فجأة جهاز القلب اتوقف والكل سكت والجهاز بيصفر

فهد بصدمه: ف. ف.. فيروزة 😳

وتفتكروا فيروزة هتموت ولا هتصحى وهل هتحب عاشق زي تفسير الحلم🤔 )

يتبع..

رواية فيروزة الفهد البارت الثاني عشر

رواية فيروزة الفهد الحلقة الثانية عشر

عاشق كان واقف مصدوم

فيروزة كانت بتعافر وكانت في سكرات الموت

فجأة جهاز القلب اتوقف والكل سكت والجهاز بيصفر

فهد بصدمه: ف. ف.. فيروزة

كان فهد مصدوم وجهاز القلب اتوقف

فهد: فيروزة

الدكتور نزل راسه للأرض وغطوا وشها

فهد دخل الاوضة بقوة: فيروزة

حضنها: متسبنيش يا فيروزة متسبنيش

عاشق: اهدى يا فهد

فهد: فيروزة

بعدوه عنها وهو شادد في هدومها وبيصرخ: فيروزة قومي

بعد عنهم: سيبوني

مسك وشها بحنيه: قومي وأنا اوعدك هعمل كل حاجه لأجلك قومي يا فيروزة قومي

عاشق بحزن: قوم يا فهد قوم

فهد انِهار ووقع على الارض يبكي عاشق شاور انهم ياخدوها

فهد: ف. ف. ف فيروزة وابني ابني فيروزة قومي متخادوهاش

الدكتور هز راسه واخدوها من الاوضة

جري فهد عليها ويصرخ: قلبي حزين قومي قومي متقطيعش بيا وبقلبي قومي فيييييييروزة

طلع مسدسه وحطه على راسه: يا نموت سوا يا نعيش سوا

عاشق: فهد

جري عليه ورفع السلاح والرصاصة دخلت في السقف: فهد

فهد: سيبني

وقع للأرض وكان بيبكي بقهرة

عاشق دمعته نزلت وحضنه بقوة

فهد بهستريا: فيروزة، فيروزة

عاشق في نفسه: أنا آسف كان لازم احميها منك ومن جحيمك

........................

في صباح اليوم التالي

رنا كانت نايمه على السرير وضياع نايم في الارض فاقت رنا فتحت عينيها وضياع فتح عينيه

رنا: صباح الخير

ضياع: صباح النور

قام من مكانه وقرب منها رفع البنطلون شاف رجلها: بقيتي بخير

رنا بصت للشاش وقالت: بقيت بخير بوجودك

ضياع مسك إيدها وباس راسها: طالع اغير غيري هدومك على راحتك هستناكِ تحت

رنا مسكت إيده من تاني: مش هتفطر

ضياع: هنفطر سوا لما تخلصي لبس

طلع من الاوضة ورنا زاحت الغطا بإبتسامة ودخلت الحمام

ضياع كان في اوضة تانية ليه ودخل ياخد شاور: جه الوقت إنك تصارحها وتخليها تطلع اللِ جواها يا ضياع وينتهي شوقك ليها وتاخد حقك كَ زوج فيها

طلع وكان بيلبس بدلته وكان انيق جدًا وهي لبست بنطلون جينز اسود وتي شيرت قصير وجاكيت جلد اسود قصير وطلعت قابلته في وشها ابتسم ليها

رنا: جاهزه

ضياع: اتفضلي

رنا هي ونازله من على السلم: شِعر إمبارح كان جميل جدًا

ضياع بإبتسامة: ولو

طلعوا سوا وركبت عربيته وكان سايق ضياع

رنا: احنا رايحين فين؟

ضياع: لما نوصل هقولك

رنا هزت راسها بنعم كان تيلفونه بيرن وكان المتصل عاشق فصله وكمل سواقه

رنا: رد

ضياع: طول مإنتِ جمبي وبسوق مبردش

رنا: هو أنت بخير؟!

ملامح وشك مش بخير

ضياع: لا بخير وصلنا

نزلت رنا من العربية وشافت مطعم فاضي: ده تبع مين؟

ضياع: تبعي

رنا: بس لسه مقفول؟

ضياع: انتِ هترغي كتير

رنا: ضياع مالك من الصبح شوية تعاملني كويس شوية ردك يكون بارد

ضياع: ادخلي

رنا بغضب مشيت قدامه وضياع قرب منها وكان باصص لـ شفايفها وفتح الباب بتاع المطعم رنا عدلت هدومها ودخلت

ضياع وقف قدامها وقال بهدوء: بقالنا سنين متقبلناش وبرضوا أنتِ المذنبة

رنا اتصدمت من كلامه وشاورت لـ نفسها: أنا

ضياع: لو لسه كنتِ بتحبيني مكنتيش خليتي حد لمسك وكمان بقيتي حامل منه

رنا بدموع: قلبي مكنش في إيدي وأنتَ كمان مذنب لما سبتني مش تعافر علشاني مقدرتش اعافر واحد غيرك لمسني لاني حسيت معاه بالأمان افهم

ضياع: تمام

ضياع مسك عصاية ومد إيده: إضربي

رنا كانت بصاله

ضياع:فجري المكان كله طلعي كل اللِ في قلبك كله وأنا قابل

رنا كانت بصاله وباصه لـ ناحية تاني بدموع

ضياع: إفهمي إن مهما عملتِ حبك في قاع قلبي

رنا بثبات قربت منه واخدت العصاية قربت منه وكانت باصة ليه بهدوء وبخطوة سريعة بعدت وضربت مزهرية وصرخت: فين كنت

كانت بتكسر كل حاجه قدامها وصرخت: حد لمسني غيرك وأنا قلبي معاك، قلبي انشق لنصين وأنا لسه بحبك 💔

وضربت اكتر: حبيتك وكان حبي دمار لنفسي

ضياع كان واقف ودمعته هتنزل

رنا بصراخ اكتر: محستش بالدنيا حوليا نسيتني وأنا نسيت نفسي يا ترى كنت بتفكر فيا؟

ضياع: دايما

رنا بإستعجاب: دايمًا 💔

وضربت مزهرية تاني بقوة : قلبي ليه شايل منك لإني حبيتك

كانت بتطلع كل اللِ جواها وتكسر وتضرب في الكراسي وتصرخ: حبيتك، حبيتك

ضياع كان حاطط إيده على راسه ودموعه نزلت كانت بتبكي قدامه بعد عنها لما شافها ضربت الصحون اللِ على الطربيظة وكانت بتتنفس بضعف وتبكي

راح عند الطربيزه قلبها كلها وصرخ: وأنا كمان حبيتك

وصرخ بقوة: وأنا كمان حبيتك مكنتش بنام الليل من غير ودموعي على خدي عندي قلب عاشق💔

ويصرخ بقوة وكان بيطلع اللِ جواه: ضياع بيعمل إيه غير خراب الدنيا وكسر قلبك

إيه اللِ ممكن يحصل ليا

بعد عنها وصرخ اكتر: ضياع قوي وصلب هيستناكِ💔 ضياع بيحبني وهيتقبلني عمري ما كرهتك لغاية دلوقتي بحبك حتى لو لمسك هو

ضياع يعرف العشق والحُب

وكمل بصراخ اكتر وكان بيزعق وينبح بطريقة حزينه: حتى لو اتكسر قلبه مره واتنين وتلاته هيفضل يحبك ضياع عايش وحيد نفسي وحيد قلبي مكسور حد حس بيا

وكمل بقهر: ضياع راجل قوي وهيستحمل لكن هجرك كسرني، هجر حب حياتي كسرني 💔

رنا بدموع جريت عليه وحضنته من ضهره

وكانت بتبكي: تمام تمام

هو وقف ودموعه نزلت كان زي الجمر ودموعه بتنزل

حضنته بقوة هي وكانت بتبكي سندت راسها على ضهره وهو ميل راسه على راسها

.................................

عاشق كان راجع القصر بتاع فهد وعاشق سانده وفخرية كانت طالعة من القصر هي وقمر وماسكين الشُنط بتاعتهم عاشق بصلهم ونزل راسه للأرض وبصلهم بغضب من تاني

فخرية هي وباصة لـ فهد: البقاء لله يبني شد حيلك أنا فترة كنت في حياتكم معملتش ولا حاجه صح في حياتي أول مره اعملها هي انهارده ادخلوا القصر هتشوفوا هدية جوه القصر وهي هتحكيلكم عن كل حاجه عارفه انك مش هتسامحني يا فهد يا وِلدي علشان أنا المذنبة

طلعت العربية وقمر جمبيها ومشيوا

فهد كان ماشي زي التايه وعاشق سانده ودخلوا القصر بمجرد ما بيبص عاشق شاف عزيزه أمه

فهد بدموع: أمي

عاشق بصدمه: أمي

عزيزه بضعف قامت هي وسانده على العصاية وصرخت بشوق: ولادي

فهد جري عليها وحضنها: أمي، امي

عاشق بصدمه رجليه مشالتهوش وقع على الارض وقال: عايشه

نبيلة وسعاد كانوا بيبكوا بقهره عليهم

عزيزه: فهد نور عيني

كانت بتبوس فيه وتحضنه بقوة وفهد يبكي بقهرة ويصرخ: امي امي

سعاد بدموع: عاشق بيه قوم

عاشق سند على الحيطه وجري عليها نزل عند رجلها وباسها كان بيبوس فيها بكل عمق ويصرخ: امي

عزيزه حضنتهم وكانت بتبكي

فهد بدموع: فيروزة، فيروزة ماتت ماتت

عزيزه بدموع: مين فيروزة؟

فهد بإنهيار وقع للأرض: مراتي وكانت هتكون ام ابني حفيدك مراتي يا امي ااااااه اااااه

عزيزه حضنته وقالت بدموع: لا إله إلاّ الله اهدى يبني اهدى

فهد بعد عنهم

عاشق: فهد

عزيزه: سيبه

فهد كان بيسند على السلم وطلع اوضته في القصر بكل ضعف وقفل الباب كان بيبكي هو وشايف صورها معلقة على الحيطان ويلف حولين نفسه ويبكي وقع للأرض وصرخ: احفظ لي عقلي يارب احفظ عقلي من الجنون يارب يارب يارااااااااااب 😭فيررووووووووزة

كان بيبكي ويكسر كل حاجه وقع في الارض وقعد بصدمه وهو ينادي بإسمها وكان بيصرخ بكل قهره

عاشق تحت كان حاضنها وقال: ازاي، ازاي يعني القبر فاضي ازاي

عزيزه ببكاء اكتر وقالت بهدوء:فخرية كانت حجزاني عندها السنين دي كلها علشان أنا كنت بحب والد فيروزة قبل ابوكم وقلوبنا مش بإدينا اقنعتكم اني مُت علشان مجبلهاش العار حرمتني منكم السنين دي كلها كنت بعاني من مرض خطير عالجتني سنين وأنا محجوزه في اوضة زي القبر تخيل سنين افضل على السرير بتعالج يا عاشق كانت بتوريني صوركم وتحكيلي عنكم وكانت تقولي اللِ تخون جوزها عندينا في الصعيد وتقاليد عائلتنا تتدفن حيا لكن انا انقذتك يا عزيزه مكانتش عارفه انها بتقتلني بالبطء وانا بعيده عنكم يا عاشق

عاشق بغضب ساب إيدها وطلع سلاحه: هي لازم يتقبض عليها بتخالف القانون وحرمتني منك حرماني منك هي وباصه في عنياااااااا

ضرب نار في السقف بكل غضب وصرخ: هي وباصه في عنياااااااا مخبياكي منينا ربتني أنا وصغير ويتمتني بالحياء هي وحجزاكي بعيده عني

عزيزه بدموع حضنته: اهدى يا ولدي اهدى خلينا نشوف هم اخوك يا ولدي وبعدين انتقم منها

عاشق باس راسها وقال: سامحيني

عزيزه: اه من ريحتك شبيهة المِسك يا عاشق اه يا وِلدي

عاشق جاله تيلفون وقام من جمب عزيزه: ثواني

اتكلم في التيلفون وقال: دفنوها دفنوا فيروزة

فهد كان نازل من فوق وقال: ازاي يدفنوها من غير علمي مين سمح ليهم

عاشق: أنا سمحت ليهم

فهد بعد عنه وبقوته كلها ضربه بالبوكس عاشق وقع للأرض: دي مراتي مش مراتك

عاشق بغضب مسكه من هدومه: عايزها تتعذب اكتر ما كانت متعذبه معاك

فهد بغضب: دي مراتي مرااااااتي انت مين قالك تتدخل في حياتي هه

عاشق: انت ظالم هتفضل ظالم وتوقع الكل لغاية ما توقع ظالم فاهم

فهد مسك المزهرية وضربها في الارض وصرخ: انا ظالم ووحيد وفاشل قتلت مراتي وصلتها للموت بإيدي

عاشق حضنه بقوة وكان فهد حزين ومش متكلم

فهد: قبرها فين

عاشق مسح دموعه: عند قبور العيلة

فهد بعد عنه وعدل ملابسه

عاشق:استنى هجي معاك

فهد: لا هروح لوحدي أنا بخير متجيش ورايا

عزيزه: خد عاشق معاك يا فهد

فهد: أنا بخير بخير

بعد عنهم وطلع برا القصر ركب عربيته وكان سايق وبيفتكر ذكرياته معاها ويبكي حط إيده على شعره وكان بيشد اكتر ودموعه بتزيد كان سايق على اقصىٰ سُرعة وصل عند المقابر نزل وكانت رجليه بترتعش كان بيمشي وشاف قبرها ومكتوب حرم

( فهد الجوارحي)

وقع قدام القبر وكان بيبكي ويقرأ الفاتحة وكان رافع إيده بضعف ودموعه بتزيد بعد ما خلص فهد مسح على وشه وقال: سبتيني ليه للدنيا وحيد ليه كل ده بسببي حصلك كده بسببي ليه ليه

كان بيبكي نام جمب القبر وضم رجليه زي الطفل وكان بيبكي بقهر وإنهيار فجأة شافها هي ولابسه فستان أبيض وجياله: قوم يا فهد

فهد قام بضعف: فيروزة

فيروزة كانت بتضحكله وكان وشها منور جدًا: أنت مظلمتنيش أنت ظلمت نفسك

تكملة الرواية من هنا

بداية الروايه من هنا

رواية غرام الأدهم من هنا

قبل ماتخرجوا اتفضلوا الروايات الكامله من هنا 👇❤️👇❤️👇

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

روايات كامله وحصريه

🌺🌺🌺🌺🌺🌺🌺🌺🌺🌺🌺🌺🌺🌺🌺🌹🌹🌹🌹🌹🌹🌹🌹🌹🌹🌹🌹🌹🌹🌹

1- روايةبداية الروايه من هنا

اتجوزت جوزي غصب عنه