رواية مفيش رحمه الفصل السادس والسابع والثامن والتاسع والعاشر بقلم لولو الصياد رواية مفيش رحمه البارت السادس والسابع والثامن والتاسع والعاشر بقلم لولو الصياد رواية مفيش رحمه الجزء السادس والسابع والثامن والتاسع والعاشر بقلم لولو الصياد

رواية مفيش رحمه الفصل السادس والسابع والثامن والتاسع والعاشر بقلم لولو الصياد 

رواية مفيش رحمه البارت السادس والسابع والثامن والتاسع والعاشر بقلم لولو الصياد 

رواية مفيش رحمه الجزء السادس والسابع والثامن والتاسع والعاشر بقلم لولو الصياد 

 ((((((مفيش رحمه ))))))

الحلقه السادسه 

رحمه / انت عارف لو خنتنى هعمل فيك ايه

رحيم / مش هيحصل

رحمه / انا بقول لو

رحيم / متبقيش رخمه بقى مفيش لو

حياه تدخل

حياه / الغدى جاهز ايه مش جعانين

رحيم / واقع مالجوع و شامم ريحه تهبل

حياه / ههههههههه طب يلا يا بكاش

......

عالاكل

عفاف / ايه اخبار اول يوم كليه

رحمه / والله هو كان حلو فى اوله

حياه / فى اوله ؟؟؟

رحمه / الا قوليلى يا ماما هو طبيعى الكليه تبقى مليانه ناس و بنات و شباب و تلاقى واحده تسيب كل دول و تيجى تسال رحيم الجدول فين

حياه / ههههههههههههههههه ابتدينا

رحيم / والله كانت بتكلم رامى مبتكلمنيش انا

عفاف / صادق يا حبيبى هههههههههههه

رحيم / تيته

محمود / متزعلش يا رحيم انا كمان ياما حصل معايا كدا مش ذنبنا يابنى اننا حلوين و البنات بتموت فينا

عفاف / على يدى دانا كانوا بيجوا يخطبوهم لبناتهم

رحمه / بقى كدا

حياه / ايوه بس شوفى فى الاخر ساب كل دول و جرى و را مين

رحيم / ايوه بقى

محمود / دانا قعدت شهور يابنى لازقلها قبل متقدم انها تعبرنى بكلمه ببصه باى حاجه ابدا قولت مبدهاش بقى و روحت لابوها الله يرحمه و طلبتها

عفاف / كان راجل طيب اوى الله يرحمه

حياه / الله يرحمه

رحيم / شوفتى يعنى المفروض تبقى فرحانه مش زعلانه

رحمه / و مين قالك انى زعلانه

حياه / انتوا عارفين احلى حاجه فيكوا ايه

رحمه / ايه يا ماما

حياه / انكوا عارفين انكوا ملكوش غير بعض بتعملوا كل حاجه مع بعض و حتى اختلافاتكوا بتكمل بعض انا مش عاوزه اى حاجه فى الدنيا تفرق بينكوا

رحيم / مفيش حاجه تقدر اصلا

رحمه / انا شبعت

عفاف / طب كملى طبقك على الاقل

رحمه / والله شبعت خالص انا هقوم اغسل فاكهه

رحمه تقوم

رحيم / انا كمان شبعت هقوم اغسل ايدى

رحيم يقوم

محمود ينادى على رحيم / ابقى اغسل ايدك فى حوض اللى فى الحمام مش فى المطبخ فاهمنى هاه

عفاف / بطل غتاته

...........

فى المطبخ

رحيم ينط يقعد عالرخامه

رحيم / اغسلى التفاح كويس

رحمه تحدفه بتفاحه يمسكلها و ياكل منها

رحيم / انا مليش مزاج اروح التمرين النهرده متيجى نخرج

رحمه / تمرين ايه اللى انت مش عاوز تروحه لا هتروح طبعا البطوله فاضل عليها تلت شهور و لازم تكسب

رحيم / مش عاوز اسيبك النهرده

رحمه / طب بص انا هخلص اللوح بتاعتى عشان كورس الرسم بكره و هحصلك عالنادى ايه رايك

رحيم / لا مدام وراكى واجب خلصيه

محمود يدخل المطبخ

محمود / ايه يا رحيم هو الميه قطعت فى الحمام و لا ايه

رحيم / اصل التفاح هنا حلو اوى يا عمو

رحيم ينزل من عالرخامه

محمود / طب ايه مش هندوق يا ست رحمه و لا التفاح ده لسى رحيم بس

رحمه / بجد يا بابا انا كنت بقشرهولك و بقطعه اهو

محمود / ههههههههههههههه انا بمسى بس

.........

تانى يوم فى الكليه فى المدرج

ريهام / مش فاهمه هو احنا فى مدرسه عشان يعملوا محاضره الساعه 8 الصبح

رحيم / رامى بيتصل عن اذنكوا

رحيم يطلع

ريهام / انا مش شايفه روقيه

رحمه / و بتدورى عليها ليه

ريهام / هى مش صاحبتنا

رحمه / لو معاكى رقمها كلميها

رنا / مفيش لزوم جايه اهى مع رحيم

رحيم يرجع مع روقيه و تسلم عليهم

روقيه / مش هتصدقوا بقالى يجى ربع ساعه بدور عالمدرج بس الحمد لله رحيم انقذى و قالى اننا هنا

رحمه / امال ايه اخبار رامى يا رحيم

رامى / بيقولى انه فى التاكس و زمانه جاى

رحمه / طب تعال اقعد هتفضل واقف

روقيه / هو مفيش مكان ليا جنبكوا اخص عليكوا محجزتوليش

رحيم / ممكن تقعدى مكانى و انا هقعد ورا مش مشكله

روقيه / لا مش عاوزه ابقى بتقل عليك

رحيم / لا مفيش مشكله انا هقعد ورا هناك و هحجز لرامى كمان معلش فاتتنا دى

رحمه تنفخ / حد فيكوا يقعد عشان الناس بتيجى و اخرتكوا انكوا هتقضوا المحاضره واقفين

روقيه تقعد جنب رحمه و رحمه على اخرها

.........

بعد فتره

ريهام / يعنى ايه كويز كل اسبوع و غياب و شيتات احنا فى معتقل

رامى / على رايك الله يرحم زمن الكليات الجميل

رحمه / بطلوا افوره هو انتوا داخلين اى كليه دى كليه عمليه و انتوا عارفين ده كويس

روقيه / يعنى انا عاوزه افهم انتوا بتجيبوا وقت بعد مبنروح تزاكروا و تحلوا الشيتات منين

رحيم / رحمه دايما تقول عقلين اسرع من واحد

روقيه / و انت دايما بتسمع كلام رحمه

رحمه / مستحيل طبعا دا ابن سبعه

رحيم / بجد

رحمه / فاكر لما قعدت اتحايل عليك اشترى الفستان الاحمر و انت راسك و الف سيف ابدا

رحيم / لا انا قولتلك اشتريه بس متخرجيش بيه مالبيت

روقيه / و تبقى اشترته ليه بقى ان شاء الله

رحيم / ليا

ريهام / على فكره رحمه شيك جدا فى البيت

رحمه / الواحده لازم تكون حلوه فى بيتها و بره

روقيه / اساسى

رحيم / فاضل ساعتين عالسيكشن هتروحوا فين

رحمه / انا عاوزه اقعد قدام لما بقعد وره مبشوفش كويس

رحيم / قبل معاد السيشكن بربع ساعه هتروح نقف قدام القاعه تمام

رحمه / اوك اللى تشوفه

.........

بعد فتره فى البيت فى بيت رحيم

رحيم / ماما .... ماما

زينب / ايه يا حبيبى خير

رحيم / انتى بوظتى قميصى كدا

زينب / بنطلونك الاسود بهت عليه معلش ابقى اشترى غيره 

رحيم / اشترى غيره انتى عارفه كويس ان القميص ده غالى عندى اوى و بعدين من امتى بتحطى حاجه مع الغسيل الاسود

زينب / غلطت و نسيت و حطيت ايه هتعلقلى المشنقه و لا عشان هو هديه من ست الحسن تبهدل امك بالشكل ده

رحيم / انا مش ببهدلك يا ماما انا بعاتبك عشان زعلان

زينب / انت تقدر تقف للغندوره كدا و تقولها عملتى و معملتيش مهو الحق مش عليها الحق عليا انا انى سبتك ليهم يربوك انا اصلا مخلفتش الا عماد انا مبعرفكش و لا بشوفك الا صدفه من و انت صغير زى القرع تمد لبره طول الوقت لازق للهانم و متعرفنيش غير وقت الحموم و كنت بفتكرك لما بلاقى هدومك فى الغسيل ياخويا مدام الهانم غاليه اوى كدا و زعلها بيوقفك لامك كدا متخليها تغسلك خليها تروق اوضتك خليها تشيل مسؤليتك اللى انا طافحه الدم بسببها

عماد يدخل

عماد / فى ايه يا ماما بتزعقى ليه

رحيم / بتهزقنى عشان عاتبتها عشان بوظت قميصى الابيض فى الغسيل

عماد / ياخبر اسود مش دا اللى رحمه جيباهولك

زينب ترفع حاجبها لعماد

عماد / بتحصل بتحصل ياما غسيل بيبوظ فى الغساله مانت عارف عادى عادى انزل اشترى واحد غيره اكيد هتلاقى زيه فى كل حته عادى يعنى بتحصل

رحيم / ماشى هنزل اشترى غيره بس على فكره يا ماما انا مزعقتش خالص و لا رحمه سحرالى و بحبك و انتى عارفه و زعلك غالى عندى و لو انا تقيل عليكى انا ممكن اودى هدومى المغسله و اشيل من عليكى همى و مسؤليتى و لا تزعلى نفسك

عماد / ايه يا رحيم الكلام ده

رحيم / عادى يا عماد انا كبرت و اقدر اشيل مسؤليتى دلوقت و لازم برده نريح ماما شويه

عماد / ياعم امك و بتدلع عليك هو انت ليك غيرها

زينب / ليه طبعا الست هانم

رحيم/ انتى ليه كرهاها كدا عملتلك ايه هى

.........

زينب / و انا اكرهها ليه و اصلا احطها فى دماغى ليه هو انا صغيره للعب العيال ده

رحيم / لا طبعا يا امى مانتش صغيره بس علاطول بتقللى منها بتبقى عارفه انى بدايق و برده بتتكلمى عنها وحش دى هتكون مرات ابنك و ام احفادك

زينب / و هو انا اعترضت ربنا يهنى سعيد بسعيده

عماد / ياعم امك بتحبك و بتغير عليك

زينب / اخرس ياوله انا اغير من المفعوصه دى

عماد / اه تغيرى اذا كنت انا بجلاله قدرى بغير منها مش سارقه قلب اخويا و عقله و وخداه مننا طول الوقت لازم نغير منها و بعدين يا ست الكل مبكره انا كمان اشوفلى مفعوصه كدا على قدى تاخدنى منك هتدايقى منها برده لو هتدايقى بناقص

زينب / انتوا هتدايقونى بالعافيه و خلاص و بناقص ياخويا اللى بيشيل قربه مخرومه هو اللى بيغرق فيها و بعدين هو انا يعنى هفضل شايله همكوا طول العمر بكره اموت و ترتاحوا كلكوا منى

رحيم / بعد الشر عليكى يا ست الكل هو احنا لينا بركه غيرك

زينب / كل بعقلى حلاوه يا وله

رحيم / حلاوه ايه يا ست الحلوين طب والله وانتى عارفه انا قد ايه بحبك

زينب / طب يلا ياخويا روحوا شوفوا وراكوا ايه انا مش فضيالكوا

زينب تقوم و تمشى

عماد / انت عبيط يا رحيم مانت عارف انها هتبوظه ليه مديتهوش لرحمه تغسله زى كل مره

رحيم / نسيت و قلعته فى الغسيل رجعت مالكليه تعبان قلعته و نمت

عماد / ياعم كبر مخك و انزل اشتريلك واحد زيه و متقولش لرحمه

رحيم / هتعرف يا فالح

عماد / خلاص روح قولها ان امك بوظت القميص التالت اللى رحمه شرياهولك

رحيم / هى بتعمل كدا ليه بس

عماد / هما الحموات كلهم كدا سيبك مش كل حاجه تحطها فى دماغك

رحيم / انا نازل

................

رحيم يفتح الباب و القميص فى ايده يقابل رحمه عالسلم يدارى القميص و را ضهره

رحمه / رحيم بتعمل ايه رايح فى حته

رحيم / انا كنت نازل رايح مشوار علاطول وراجع

رحمه / رايح فين مش هتيجى تحل معايا شيت الميكانيكا انا المتجهات طلعت عينى

رحيم / مش هتاخر هاجى علاطول انا حليت نصه امبارح بالليل

رحمه / ايه اللى فى ايدك ده

رحيم / دا ... دا ولا حاجه دا قميص كنت هتبرع بيه لواحد غلبان عارفه كدا

رحمه تمد ايدها و تمسك القميص

رحمه / تانى تانى و انت رايح فين بقى ان شاء الله

رحيم / انا حطيته فى الغسيل بالغلط كنت تعبان و ....

رحمه / ليه بتكدب يا رحيم انت عارف انى بزعل لما بتكدب عليا اكتر من الموقف نفسه ليه بتكدب

رحيم/ يعنى اقولك ايه بس مهى غلطتى انا اللى مسبتهولكيش زى كل مره

رحمه / عادى على العموم و انا بشتريه كنت عامله حسابى تعال معايا

رحيم / على فين

رحمه/ تعال بس فوق

....

فى اوضه رحمه

رحمه تفتح الدولاب و تطلع تلت قمصان نفس الشكل

رحيم / ايه ده

رحمه / مهو لما اول قميصين باظوا و مكنتش بلاقى زيهم و بزعل قولت مبدهاش انا اشترى بزياده اضمن

رحيم / ههههههههههههههه يابنت اللعيبه

رحمه/ اتفضل يا سيدى و لا تزعل نفسك و متبقاش تكدب تانى عشان المره الجايه هزعل بجد

رحيم / لا خلاص حرمت عمرى مهكدب عليكى تانى

............

فى الكليه بعد فتره

روقيه / ايه رايكوا نطلع الرحله اللى طالعه تبع الكليه

ريهام / ايوه بس دى قبل الميدتيرم بيومين و يادوب لازم نزاكر

روقيه / دا الفلانتين يا جدعان هنقضيه فى البيت يعنى

رامى / انا عن نفسى طالع وش انا ناقص نكد مش كفايه الحرته اللى احنا فيها

روقيه / و بعدين احنا لازم نفصل عشان نعرف نكمل مزاكره و لا ايه يا رحيم و لا صحيح تلاقيك كنت مجهز حاجه معتبره عشان تحتفل بيه مع رحمه

رحيم / احنا مبنحتفلش بالفلانتين احنا ايامنا كلها فلانتين

رامى / امال مين اللى كان بيحوش الفتره اللى فاتت عشان يجيب هديه

رحيم / تصدق انك عيل زباله و لا تسوى

رحمه /ههههههههههههه دا على اساس انى مكنتش واخده بالى يعنى

رحيم / انتى مفيش حاجه بتفوتك كدا

رحمه / لا مفيش

روقيه / ربنا يخليكوا لبعض كنت ناوى على ايه بقى يا رحيم

رحيم / والله مفيش انا كان فى خاتم عاجبنى و كنت بحوش عشان اجيبهولها بس كنت ناوى اعملهالها مفاجاه و البيه حرقها

روقيه / و تبقى برده مبتحتفلش بالفلانتين

رحمه / على فكره انا و رحيم مش محتاجين مناسبه عشان نهادى بعض اللى بيلاقى حاجه حلوه للتانى بيهاديه بيها مره ادانى هديه عيد ميلادى قبل العيد ميلاد بشهر بيقولى مانا كدا كدا مش هعرف اخبيها فخديها بقى احسن ههههههههههههههههه

ريهام / فاكره لما عملك اسوره عليها اسمك حروف

رحمه / زعلت اوى لما اتقطعت بس كل الخرز و الحروف اللى لقيتها منها عنتها عندى على فكره

رنا / دى كانت بتعيط بالدموع و قلبنا الفصل كلوا على الحروف ملقناش حرف اتش كان ناقص

رحيم / قولتلها هعملها واحده تانيه بس هى مرضيتش

رحمه / بطلوا نكد بقى فكرتونى و الله زعلت

روقيه / خلاص يبقى هنطلع الرحله انا بكره هدفع الاشتراك اتفقنا و لا ايه

ريهام / انا هقول لبابا لو وافق تمام

رامى / انا كمان طالع

رنا / زى ريهام لازم اسالهم فى البيت الاول

روقيه / و طبعا رحمه كمان لازم تاخد الاذن فهنعدى و نسال رحيم

رحيم / لا الحقيقه انا اللى لازم اخد الاذن مش رحمه

روقيه / بتهزر

رحمه / لا والله ابدا تيته من زمان مخليه رحيم هو ولى امرى يقول اه او لا من و احنا صغيرين ممكن اروح اللعب يا تيته تقولى روحى اسالى جوزى روحى اسالى جوزك بابا بقى عشان يحل الموضوع ده فرض هو رقابته على رحيم

رحيم / يعنى لو انا رايح فى اى حته فرحمه مش محتاجه تاخد الاذن لانها معايا لكن انا بقى اللى لازم اروح لعموا محمود و اقوله انا رايح الحته الفلانيه فى مشاكل و اتحايل عليه شويه بس فى الاخر بيوافق يعنى

رحمه / او بنسلط عليه تيته هى بتعرف تقنعه ههههههههههههههههههههه

روقيه / ربنا يخليهالكوا

...............

فى الرحله

رامى و ريهام و رنا و روقيه يقعدوا فى الكنبه اللى ورا و رحيم و رحمه يقعدوا جنب بعض فى الكرسين اللى قدامهم رحمه جنب الشباك و رحيم عالحرف و يقعدوا يتكلموا

رامى / ايه ياعم الحبيب متديرلنا شويه و لا احنا مش قد المقام

رحيم / بقى بزمتك ينفع اسيب الخلقه دى و ابص للخلقه دى

روقيه / طب ايه رايكوا نلعب

رحيم يبص لرحمه توافق / و ماله هتلعبوا ايه

رحمه  / انا معايا ورقه و قلم تعالوا نلعب اكس او

روقيه / احنا سته يا ماما اكس او ايه احنا نلعب اوتوبيس كومبليت

رحمه / ماشى فرق و لا فردى

روقيه / فرق بس هنصعبها انا شريره هنخلى رحيم منافس ليكى

رحيم / انتى بتكرهينى كدا ليه كدا هخسر دى محترفه

رامى / يبقى هدخل فريها وش

ريهام / و انا كمان

روقيه /خلاص يبقى انا و رنا و رحيم فريق يلا نلعب نبدا بحرف الره اكيد ده سهل بما اننا كلنا حرف الره يلا ولد بنت نبات جماد حيوان

ثوانى و الكل يخلص

روقيه /ابدئى يا بطله

رحمه / رياض رضوى رجله رمل رنه

روقيه / ايه رجله دى

رحمه / حشيشه بتبقى مع الملوخيه متعرفيهاش

روقيه / عمرى متعاملت مع الملوخيه على العموم حد فيكوا مختار اى حاجه زى رحمه

الكل يهز راسه لا

روقيه/ رحمه خمسين يلا يا رحيم قولنا

رحيم / رحيم رحمه رز رمح رنجه

روقيه / حرام عليك دا نفس اللى انا عملاه بالظبط

رحيم / ههههههههههههههههه انا قولتلك بلاش يبقى انا و انتى 25

رامى / انا الولد رامى انا طبعا و البنت روقيه و النبات رمان و الجماد رمح برضه و الحيوان رنجه برضه

ريهام / انا زيك فى كلو ماعدا البنت

رنا / و انا كمان زيكوا

رحمه / يبقى انا اللى كسبت شكرا شكرا تحبوا تخسروا دور كمان و لا نشوف لعبه تانيه

رامى / مدام فى فريقك يبقى دايس

رحيم / انسوا انا راجع فريقى مع رحمه اكيد انا كسبان

رحمه / افلام ايه ريكوا

روقيه / انا لعيبه فى اللعبه دى حد يبقى فى فريقى

رحيم / لا كل واحد مسؤل عن نفسه

رامى / موافق مين هيمثل

ريهام / انا هبدا

ريهام تقوم و تبدا تمثل بتفتح حاجه

رامى / مسرحيه

ريهام تشاور اتنين

رحيم / كلمتين

ريهام / تشاور تحت و فوق

روقيه / بين السما و الارض

رامى / و دول كلمتين

رنا / يعنى هو ده مسرحيه

رحيم يوشوش رحمه

رحمه / العيال كبرت

ريهام / صح

روقيه / انتوا نصابين رحيم غشش رحمه

رحمه / حصل فعلا ههههههههههههه

رامى / متيجوا نغنى

رحيم / وفر صوتك وصلنا

الاوتوبيس يوقف و الكل يبدا ينزل

روقيه / انتوا مش هتنزلوا

رحيم / و ليه نتزاحم خلى الكل ينزل و براحتنا هنفضل واقفين لحد مكل دول ينزلوا ليه يعنى

روقيه / خلاص براحتكوا

رامى / احساس زباله لما تلاقى الباص كلو كبلات و انا قاعد كدا زى خيبتها

ريهام  / هههههههه بصلها من ناحيه ايجابيه

رنا / ههههههههههههههه

رامى / لا بجد مش فاهم

رحيم  / كل واحد قاعد جنبه واحده و انت جنبك تلت قمرات

رامى / ههههههههههههههههههه معاك حق تصدق

الكل ينزل مالباص

رحمه/ و انت بقى كفايه عليك واحده و لا نفسك فى تلت قمرات

رحيم / و يجوا ايه تلت قمرات جنب نجمه عاليه منوره فى السما

رحمه / ثبتنى

رحيم / ههههههههههه

روقيه ترجعلهم

روقيه / مش ناوين تيجوا و لا ايه

رحمه / جايين

................

((((((((((مفيش رحمه ))))))))

#لولو_محمد

الحلقه السابعه 

رامى / لا بجد مش فاهم

رحيم  / كل واحد قاعد جنبه واحده و انت جنبك تلت قمرات

رامى / ههههههههههههههههههه معاك حق تصدق

الكل ينزل مالباص

رحمه/ و انت بقى كفايه عليك واحده و لا نفسك فى تلت قمرات

رحيم / و يجوا ايه تلت قمرات جنب نجمه عاليه منوره فى السما

رحمه / ثبتنى

رحيم / ههههههههههه

روقيه ترجعلهم

روقيه / مش ناوين تيجوا و لا ايه

رحمه / جايين

................

قدام الباص

المشرف بتكلم بعيد و محدش سامعه

ريهام / بيقول ايه ده

رامى / هروح اشوف

رحمه / حلوه القلعه

روقيه / اول مره تيجى و لا ايه

رحمه / فعلا اول مره اجى فى الشتا بجد المنظر تحفه الموج و هو عالى و بيضرب فى الشط

روقيه / انت ايه رايك يا رحيم

رامى يرجع

رنا / خير

رامى / بيقول جوله حره ساعتين نتفرج براحتنا و نتجمع تانى هنا عند الاوتوبيس الساعه  2

روقيه  / تمام يلا بينا

الكل يتحرك و رحيم ماسك ايد رحمه و بيبطقها

رحمه / فى ايه

رحيم / هو ايه اللى ايه انتى مستعجله على ايه وراكى حاجه

رحمه / هنتوه منهم

رحيم / انتى غبيه يا بت مهو ده المطلوب

رحمه / اهااااا على العموم تمام كلهم مشيو

رحيم يطلع من جيبه علبه

رحمه / دلوقت

رحيم / اه هنا قدام الميه و الموج و السما اللى شكلها هتغرقنا النهرده دى

رحمه / ههههههههههههههه

رحيم يفتح العلبه جواها خاتم يمسكه و يلبسه لرحمه

رحمه / تحفه استنى بقى اوريك انا جيبالك ايه

رحيم / كفر جديد للموبايل مانا عارف

رحمه / اخص عليك عرفت منين

رحيم / انتى هبله مانا كنت معاكى و انتى بتشتريه

رحمه / لا انت كنت بره

رحيم / اه بره و باب المحل ازاز فشوفتك غبيه اوى

رحمه / ماشى يا ناصح هات موبايلك بقى اركبهولك

رحيم يفك موبايله مالكفر و رحمه تفتح الهديه و تركب الكفر و تديه لرحيم يمسكه و يقلبه يبص عالكفر يلاقى مكتوب على ضهره حرف R بالاستراس المطفى

رحيم / حلو اوى شكرا

........

بعيد شويه

رامى / ايه يابنتى افتكرتك توهتى مننا انتى كمان

روقيه / بص هناك رحمه ورحيم ولا هاممهم القلعه و لا بيفكروا حتى يتفرجوا عليها

رامى / طب مدا العادى بتاعهم امال احنا مفكرناش ندور عليهم ليه هما كدا طول عمرهم بيحبوا يبقوا لوحدهم

روقيه / طب ايه رايك نرخم عليهم

رامى / هههههههه دى هوايتى المفضله

................

عند رحمه و رحيم

رحمه / انا تعبت مالوقفه فى البرد ده تعال ندخل بقى نشوف حته نقعد فيها

رحيم / والله لو مكانوش هيفهمونا غلط كنا روحنا قعدنا مع السواق فى الباص

رامى و روقيه يدخلوا

رامى / من لقى احبابه

رحيم / حلق لاصحابه

روقيه / واو خاتم تحفه هابى فلانتين

رحمه / شكرا رحيم لسه مديهونى

روقيه / زوقك تحفه اوى يا رحيم

رحمه/ عارفه

روقيه / والله

رحيمه/ اكيد مش اختارنى  

روقيه تسكت

رحيم / تعالوا نشوف حته دفى نقف فيها لحسن اتجمدنا

......

بعد شويه كتير

روقيه / ياربى دا وقته دانا لسه شاحنه امبارح

رامى / خير فى حاجه

روقيه / الرصيد خلص مع انى لسه شاحنه امبارح والله

رامى / شركات حراميه يا بنتى اسالينى انا

روقيه / لازم ادور على اقرب محل موبايلات عشان اشحن هو رحمه و البنات فين

رحيم / راحوا الحمام عند عزه

روقيه / يوووه زمان ماما قلقانه عشان الخط فصل فوشها ممكن حد يجى معايا

رحيم / يا ستى خدى موبايلى اتكلمى منه زى مانتى عاوزه

روقيه / مش عاوزه احرجك

رحيم / احراج ايه يابنتى اعتبرينى زى اخوكى خدى خدى

روقيه / ميرسى كتير شكرا

روقيه تاخد موبايل رحيم و تروح بعيد شويه

روقيه / زى اخويا صح ارزاق ماشى يا ست رحمه اتدلعى اتدلعى انا بقى هخليكى تولعى

روقيه تمسك موبايل رحيم و تبعت رساله لنفسها و تمسحها من موبايل رحيم و ترجع

رحيم / طمنتيها

روقيه / اه كلو تمام هى هتبعتلى رصيد دلوقت

البنات يرجعوا

رحيم / يلا نركب الباص بقى

رحمه / اوك

الكل يركب الباص

المشرف / دلوقت هنطلع على المنتزه هنفضل قاعدين لحد الساعه 5 و نتجمع كلنا عند الباص عشان العدد و بعدين ليكوا تلت ساعات جوله حره تروحوا مكان مانتوا عاوزين و بعدين نتجمع تانى عشان نرجع و نتحرك الساعه 8 ياريت الكلام يكون واضح

................

فى المنتزه

رحيم / الحمد لله الجو حلو اوى النهرده

رامى / متيجى يابنى العيال بيلعبوا كوره تعال نلعب معاهم

رحيم / قشطه يلا بينا

روقيه / انا هشجعكوا اوعوا تكسفونى

رامى / داحنا هنقطعهم

رامى و رحيم يروحوا يلعبوا و رحمه و البنات قاعدين بعيد شويه يشجعوا

روقيه / و هناكل ايه بقى هنا

رحمه / انا عامله ساندوتشات كفته و بانيه

روقيه / نبقى فى اسكندريه و ناكل ساندوتشات زمانها اصلا بردت و جلدت بتهزرى طبعا لا الف شكر كليها انتى بالهنا و الشفا لوحدك

رحمه / انا حطاها فى حافظه و عالعموم لو مش عاوزه تاكلى محدش غصبك

ريهام / امال عاوزه تاكلى ايه

روقيه / فسفور سمك جنبرى كدا يعنى

ريهام / انا مبحبش السمك

روقيه / كلى جمبرى او كابوريا ايه رايك انت يا رنا  

رنا /لا شكرا انا بموت فى الكفته البارده المجلده

رحمه و ريهام يدحكوا

روقيه / اما نشوف لما رحيم و رامى يخلصوا لعب رايهم هيبقى ايه

رحمه / متشغليش بالك برحيم انا متاكده انا هياكل معانا

روقيه / و ايه اللى مخليكى واثقه اوى كدا مش يمكن يكون زهق مالكفته و ريقه يجرى عالجمبرى

رحمه / براحتك لما يجى ابقى اساليه بس انا بقولك اهو رحيم مدام انا تعبت فى الكل اكيد اكيد هياكله حتى لو طعمه وحش

روقيه / مسكين اوى صعب عليا

رحمه / ميصعبش عليكى غالى

رحيم و رامى يرجعوا يشربوا ميه

رحمه / مش عاوزه تساليهم حاجه يا روقيه

روقيه / انا عاوزه اكل جمبرى بس البنات معاهم سندوتشات كفته اكيد زمانها بردت ايه رايكوا يا شباب

رامى / معاكى وش

رحيم / لا انا عامل حسابى اكل مالكفته الحقيقه

رحمه / مش قولتك

روقيه / ولا تزعلوا نفسكوا انا هروح انا و رامى و انتوا خليكوا هنا

رحيم و رامى يروحوا يكملوا لعب و لما يخلصوا يرجعوا

رامى / انا جوعت يلا بينا

روقيه / سلام بقى يا جماعه

رحمه / سلام يا روقيه

0000000

روقيه و رامى يمشوا و الباقى يرجعوا الباص و رحمه تطلع شنطه فيها عيش فينو و تطلع حافظه فيها الكفته و البانبه و تعبى الساندوتشات و تدى لريهام و رنا

رحيم / هاتى ساندوتشين تلاته للسواق

رحمه / اتفضل

رحمه تلفهمله فى منديل و يروح يديهم للسواق و يرجع

ريهام / على فكره روقيه رخمه اوى

رحمه / بجد هو انا اللى لزقهالنا و لا حضرتك

ريهام / و انا اش عرفنى انها هتطلع رخمه اوى كدا مكانت كويسه

رحمه / و لا صاحبك اللى لازقلها طول الوقت

رحيم / و انا مالى هو حر هو انا كنت خلفته و نسيته هاتى ساندوتش كمان هاتى

رحمه / تديله

موبايل رحيم يرن

رحيم / جبتوا فى سيره القط عن اذنكوا ثوانى

رحيم ينزل مالباص

رحيم / الو ايوه يا معلم خير ..... هههههههههه مش عارف ليه كان قلبى حاسس انها هتعمل فيك كدا ...... لا متخفش معايا قولى انت فين و هجيلك ....... هههههههههه ادى اخره الجنتله

رحمه تنزل مالباص

رحمه / خير

رحيم / مفيش اركبى انتى بس و انا ثوانى و راجع

رحمه / عليا

رحيم / رحمه انا عمرى خبيت عنك حاجه تخصنى

رحمه / ماشى يا رحيم روح

رحيم / اجيبلك حاجه و انا راجع

رحمه / لا شكرا متتاخرش بس

رحيم يمشى و رحمه تركب الباص تانى

...........

فى مطعم السمك

رحيم يدخل يلاقى رامى و روقيه قاعدين و قدامهم جمبرى جامبوا و سمك و كابوريا

رحيم / لقيتكوا

روقيه / كنت عارفه ان الكفته مش هتعجبك و رجليك هتجيبك على هنا

رحيم / لا دانا نسيت حاجه مع رامى و جيت اخدها هستلفه منك ثوانى

روقيه / طب معلش ممكن على مترجع اكلم ماما اشوفها مبعتتش الرصيد ليه

رحيم يديها الموبايل

رحيم / طبعا اتفضلى

رحيم ياخد رامى و يطلعوا بعيد و روقيه تبعت رساله تانيه من موبايل رحيم و تمسحها من موبايله عشان ميعرفش ان فى حاجه اتبعتت

رحيم / هههههههههههههه شكلك زباله اوى

رامى / انا قولت اعزم بجنتله ترفض مثلا تقولى بصفتك ايه لقيتها بتطلب جمبرى جامبوا و كابوريا انا اصلا مبعرفش اقشرها احرجت اتكلم و اقولها انى معيش فلوس لكل ده هعمل ايه

رحيم / طب لو مكنتش عامل حسابى للطوارئ كان زمانك بتغسل صحون دلوقت

رامى / انت هتقطمنى هردهملك اول مهرجع مصر

رحيم / انت عبيط ياض انا مبتكلمش عن كدا بس انت الغلطان كانت شايفها بتستهبل كنت احرجها تعال نشوف فتورتك النيله كام و نحاسب و ربك يستر بقى فى باقى اليوم

رامى / انا محتاج منك متينيه بس و انا حاسبها معايا الباقى

رحيم / تلتميه اهم احتياطى انا ماشى

رحيم يدخل ياخد الموبايل من روقيه

روقيه / ميرسى اوى مش عارفه منغيرك كنت عملت ايه

رحيم يبتسم و يمشى

............

فى الباص و هما راجعين بالليل

رحمه تنام و رحيم يعدل راسها على كتفه و روقيه تقوم تقف جنب رحيم

روقيه / شكلها عسل اوى و هى نايمه

رحيم / منمتيش ليه انتى كمان زيهم

روقيه / انا مبتعبش بسرعه اوى كدا زيهم و انت منمتش ليه انت كمان

رحيم / مبعرفش انام غير فى اوضتى اصلى للاسف نومى خفيف اوى فاقل حركه للباص هصحى

روقيه / يا حرام انت عارف ان دى علامه ان بالك مشغول

رحيم / بجد

روقيه / اه اسالنى انا اصلى انا كمان زيك كدا

رحيم / انتى هتفضلى واقفه رجلك هتوجعك

روقيه / لا انا رجلى نملت مالقاعده قولت اقف عشان افكها

رحيم / اوك براحتك

روقيه / يعنى مسالتنيش بالى مشغول فى ايه

رحيم / اسف بالك مشغول فى ايه

رحمه تفوق

رحيم / ايه صحيتك انا اسف

روقيه / شكلك مالنوع اللى بيعتزر كتير عن اذنكوا هروح اقعد انا

روقيه تروح تقعد

رحمه / كنتوا بتتكلموا فى ايه

رحيم / اى هبل متشغليش بالك انتى

رحمه / اوك

..............

فى البيت فى مصر

رحمه / انا هموت مالتعب

حياه / ايه ده انتى مش هتحكيلى ايه اللى حصل فى الرحله

رحمه / بكره يا ماما هوريكى الصور و كل حاجه بس دلوقت هموت مالتعب

حياه / تصبحى على خير يا قلبى

رحمه تدخل اوضتها

حياه / و انت هتحكيلى و لا هتروح تنام انت كمان

رحيم / بصى ادى موبايلى عليه كل الصور اتفرجى براحتك و لما هصحى هحكيلك كل حاجه

عفاف / هههههههههههههههههه لا ياخويا روح نام و لما تصحى ابقى ورينا الصور و كل حاجه براحتك

رحيم يروح اوضته يلاقى امه و ابوه نايمين و عماد صاحى قاعد عالنت

رحيم / انا داخل انام عاوز حاجه

عماد / تسلم يا غالى انبسطتوا

رحيم / عالاخر

عماد / اهم حاجه خش نام بقى و لما تصحى احكيلى كل حاجه

رحيم يبتسم و يدخل اوضته و يغير هدومه و شويه و تجيله رساله برصيد من رقم مجهول فيتصل بيه

رحيم / الو

صوت بناتى برقه  / صحيتك

رحيم /روقيه ؟؟؟ مكنتش نمت ايه اللى بتعمليه  ده

روقيه / بعمل ايه هى رحمه زعلت انى بتصل بيك متاخر و لا ايه

رحيم / رحمه نايمه انا بتكلم عن الرصيد

روقيه / كدا اطمنت انه وصل

رحيم / ليه يعنى

روقيه / الله مش عملت كذا مكالمه من عندك مقولكش ماما مبسوطه منك قد ايه و بتقول عليك شهم اوى

رحيم / شكرا بصى انا هبعتلك الرصيد تانى و ياريت متكرريهاش

روقيه / لو عملت كدا هزعل منك جامد اوى على فكره و لا انت عاوزنى ازعل

رحيم / على العموم الواحد كدا بيتعلم

روقيه / بتتعلم ايه اوعى تكون زعلت منى صدقنى اكيد مقصدش ازعلك على العموم اعمل اللى يريحك اصل انت متعرفش انا مقدرش انك تزعل منى ابدا

رحيم / هاه ؟؟؟

روقيه / ايه مستغرب ليه طب مهو طبيعى اصل انا مبحبش حد يزعل منى و دا اللى مودينى فداهيه

رحيم / ماشى

روقيه / صحيح يا رحيم رامى قالى انك شاطر فى الفيزيا و انا فى كذا حاجه واقفه قدامى فلو معندكش مانع ممكن تبقى تشرحهالى

رحيم / رحمه اشطر منى فى الفيزيا الصبح لما تصحى هطلب منها تشرحلك اللى انتى عوزاه

روقيه / رحمه ؟؟ ماشى اسيبك انا بقى تصبح على خير

رحيم / و انتى من اهله

رحيم يقفل السكه و يحط الموبايل و ينام يصحى تانى يوم يلاقى رحمه ماسكه الموبايل

رحيم / صباح الخير

رحمه / صباح النور الفطار جاهز رحمه تحط الموبايل عالكومودينو و تمشى

رحيم يمسك الموبايل يلاقيها فاتحه سجل المكالمات يحطه تانى و يقوم و راها يلاقى رحمه بتساعد زينب فى حط الفطار يروح يقعد جنب اخوه رحمه توزع الاطباق و تحط العيش و هى مبوزه و تمشى تنادى على باباها و مامتها و جدتها من الشقه التانيه

عماد / هو فى ايه

رحيم / ممسوك تلبس بس و ربنا مظلوم

عماد / هتوحشنى يا رحيم

رحيم / باين كدا مدام متكلمتش و لا علقت يبقى اكيد بتحضرلى مصيبه

عماد / ههههههه طب اسكت لحسن جايه

رحمه تروح تقعد جنب رحيم و تناوله رغيف عيش

رحمه من تحت الدرس  / كل لحسن شكلك جعان اوى

زينب / مبالراحه يا رحمه

رحمه / معلش يا طنط اصلك عارفه غلاوه رحيم

رحيم يمد ايده يحاول ياخد بيضه مسلوقه رحمه تسبقه و تشيل الطبق و تحطه قدامها

رحمه / طب كنت قولى انك نفسك فى البيض على الاقل كنت نقيتله بيضه نضيفه

رحيم / انا مليش للبيض على فكره انا بحب اكل الطعميه السخنه و انتى عارفه

رحمه / بجد طب مدام بتحب الطعميه روحت تمد ايدك عالبيض ليه و لا عشان الطعميه بعيد و البيض رخيص

رحيم / مش هرد عليكى انتى عارفه زوقى كويس

رحمه / والله معدتش متاكده اصل سعات الواحد بيزهق من اكل البيتزا و نفسه بتهفه عالفسيخ

الكبار متابعين الحوار و علامات التعجب على وشهم

محمود / من امتى بتحبى الفسيخ يا رحمه

رحمه / انا مبحبوش يا بابا و انت عارف قد ايه بقرف منه و من ريحته الدور و الباقى على رحيم شكله بيفكر يرمرم

عفاف / فى ايه يا ولاد

رحمه / مفيش انا مش جعانه عن اذنكوا

رحمه تقوم

رحيم / عن اذنكوا

رحيم يقوم يجرى وراها

...........

فى اوضه رحمه

رحمه داخله تجرى و رحيم بيجرى وراها يمسكها من ايدها

رحمه / سيب ايدى

رحيم / طب ممكن تسمعينى الاول

رحمه / الساعه واحده بالليل تتصل بروقيه ليه ربع ساعه بتتكلموا تقولوا ايه

رحيم / انا مكنتش اعرف انها رقيه على فكره

رحمه / والله

رحيم / و حياه رحمه مكنت اعرف

رحمه / متجيبش اسمى على لسانك

رحيم / لما كنا فى الرحله امبارح رصيدها خلص اديتها موبايلى تكلم مامتها بس اول مروحت و شحنت لقيتها بعتالى الرصيد اهو اتفضلى ادى  الرساله عشان تتاكدى انها بعتالى رصيد

رحمه / كمان هى اللى بتشحنلك عشان تكلمها دى رخيص اوى

رحيم / بصى هى مش موجوده عشان تغلطى فيها

رحمه / ليك حق تتحمقلها اتفضل اطلع بره اوضتى لو سمحت

رحيم / فوقى بقى و بطلى هبل مفيش بينى و بين روقيه اى حاجه اللى حصل سوء تفاهم مش اكتر

عفاف تدخل

عفاف / فى ايه يا ولاد

…………………….

(((((((مفيش رحمه ))))))

#لولو_محمد

الحلقه الثامنه 

رحيم / لما كنا فى الرحله امبارح رصيدها خلص اديتها موبايلى تكلم مامتها بس اول مروحت و شحنت لقيتها بعتالى الرصيد اهو اتفضلى ادى  الرساله عشان تتاكدى انها بعتالى رصيد

رحمه / كمان هى اللى بتشحنلك عشان تكلمها دى رخيص اوى

رحيم / بصى هى مش موجوده عشان تغلطى فيها

رحمه / ليك حق تتحمقلها اتفضل اطلع بره اوضتى لو سمحت

رحيم / فوقى بقى و بطلى هبل مفيش بينى و بين روقيه اى حاجه اللى حصل سوء تفاهم مش اكتر

عفاف تدخل

عفاف / فى ايه يا ولاد

…………………….

رحمه / مفيش حاجه يا تيته

رحيم / احكيلها عشان تعرف قد ايه انتى هبله

رحمه / باى صفه تشتمنى اذا كنت مستحملتش كلمه عن الست هانم

عفاف / ست هانم ؟؟؟

رحيم / والله يا تيته مفيش الكلام ده

زينب تدخل

زينب / صوتكوا جايب لاخر الدنيا فى ايه

رحيم / مفيش حاجه يا ماما

رحمه / لا فى البيه المحترم كان بيكلم واحده صاحبتى الساعه واحده بعد نص الليل ربع ساعه

زينب / طب و فيها ايه هو مش راجل و الراجل يعمل اللى هو عاوزه

رحيم / اولا انا لما اتصلت مكنتش اعرف انها رقيه كنت بشوف مين بعتلى الرصيد ليكون بعته بالغلط ارجعهوله و الله دا كل اللى حصل

زينب / و هى صاحبه رحمه تبعتلك رصيد بمناسبه ايه و لما عرفت انها صاحبتها فضلت تلوك معاها كل الوقت ده ليه

رحيم بيبص لامه

رحمه / قوليله اساليه البيه الرمرام الطفس

رحيم / خلصتوا

عفاف / احكى اللى حصل يا رحيم بالراحه

عماد يدخل

رحيم / فى الرحله روقيه رصيدها خلص اديتها موبايلى تتكلم منه لما روحت لقيت حد باعتلى رصيد اتصلت اشوف مين طلعت روقيه عاتبتها و خلاص والله يا تيته ده كل اللى حصل هو انا لو عاوز اصيع مش كنت مسحت النمره

عماد / كلام موزون

رحمه / احلف ان مفيش بينك و بينها اى حاجه و انك بتقول الحقيقه

رحيم / والله والله والله ان شالله اموت لو كنت بكذب ده اللى حصل

عفاف / يلا سيبوهم لوحدهم يتصافوا

الكل يطلع بره

رحيم / احنا فى بنا اتفاق ان مفيش مخلوق يدخل فى مشاكلنا صح و لا لا

رحمه / انا مش طيقاك

رحيم / احنا لسه فى الاول يا رحمه و ان كنتى كدا فى الاول امال لما ندخل فى الغويط هتعملى ايه

رحمه / قول لنفسك و بعدين انت عارف انى مش بطيقها

رحيم / وغلاوتك عندى مكنت اعرف ان ده رقم روقيه اصلا 

رحمه تقعد عالسرير و رحيم يقعد جنبها و يمسك ايدها

رحيم / يا بت انا لو عاوز ابص بره مش كنت مسحت المكالمه و داريت

رحمه / انا ادايقت

رحيم / حقك عليا خلاص بقى انا والله مبحب غيرك بطلى يا شيخه بقى

رحمه / ماشى

.......

فى الكليه بعد فتره

رامى و رحيم و واحد كمان واقفين قدام باب لجنه

رامى / البنات دول يا جدع لازم يقعدوا لاخر ثانيه

رحيم / متنكرش فى الاخر بيجيبوا اعلى مننا

التالت / على رايك انت ايه احساسك صحيح و رحمه جايبه اعلى منك

رحيم / ساعات بدايق من نفسى و بحس انى بقل منها

التالت يرفع حاجبه

رحيم / اه والله المفروض اخليها تتباهى بيا مش تحس انى قليل

التالت / حد فيكوا معاه رصيد اعمل دقيقه للواد ماجد اشوفه راح فين

رحيم / اتفضل

التالت ياخد الموبايل و يعمل مكالمه

روقيه تطلع

رامى / اخيرا حد منكوا طلع بتعملوا ايه جوه

روقيه / اسال رحمه انا قاعده مش عارفه احل حاجه و هى قلمها مبيبطلش كتابه

رحيم / قل اعوذ برب الفلق ههههههههه

روقيه / يا سلام ماشى مانت زيها بالظبط انتوا ايه امواس

رحيم / انا لو سقطت ذنبى هيبقى فى رقبتك

الثالث يرجع الموبايل لرحيم

التالت / اهلا روقيه

روقيه / هاى ايمن اخبار الماس ايه

ايمن  / هو اول مساله هى اللى مشيت للاخر و الباقى انتى عارفه

روقيه / لا انا التانيه هى اللى مشيت للاخر معايا الصراحه الاولى انا كتبت القانون و هو يعوض بقى ميصدعنيش

ايمن / ههههههههههههههه

روقيه / ثوانى هتصل بماما اطمنها

روقيه تدور فى شنطتها على الموبايل

روقيه / ياربى نسيت الموبايل اعمل ايه دلوقت

ايمن / انا اسف والله انا معيش رصيد لسه والله متكلم من موبايل رحيم

رحيم / اتفضلى موبايلى

روقيه / مش عاوزه اتقل عليك

رحيم / لا و لا يهمك

روقيه تروح بعيد و تبعت لنفسها رساله و ترن على مامتها و تمسح سجل الرساله من موبايل رحيم و ترجعله الموبايل

ايمن / اهو ماجد جه اهو

ماجد / ازيكوا يا شباب ازيك يا روقيه

روقيه / ازيك يا ماجد عامل ايه

ايمن / انت روحت فين يا عم

ماجد / معرفتش احل حاجه طلعت امال يعنى اقعد احرق فى دمى ليه بلا ميد تيرم بلا قرف

روقيه / متزعلش نفسك لو عاوزنى اساعدك تزاكر الماس معنديش مشكله

ماجد / انا يشرفنى طبعا

روقيه / ههههههههه

رحمه تطلع ماللجنه

رحيم / ايه الاخبار

رحمه / كويس الحمد لله هى اول مساله طلعت ب 1 صح

رحيم / اه

رحمه / و التانيه ب 50

رحيم / ايوه ماحنا حلينهم سوا

رحمه / طب الحمد لله

روقيه / ايه قفلتى الورقه

رحمه / انا جعانه ممكن نروح الكافيتريا

رحيم / طبعا عن اذنكوا

رحمه و رحيم يمشوا

ماجد / و لا حتى سلمت

روقيه / هى مدايقه من حوار كدا بس انا عزراها

رامى / خير فى ايه

روقيه / معلش مينفعش

ايمن / هو ايه اللى مينفعش انتوا متخانقين و لا ايه

روقيه / والله انا معرفش هو فى ايه بالظبط بس انا شايفه ان رحيم مش مظبوط

رامى / مش مظبوط ازاى يعنى

روقيه / ابقى اساله عن اذنكوا

روقيه تمشى

رامى / انا مش فاهم حاجه

ايمن / ياعم كبر مخك قال يا خبر النهرده بفلوس بكره يبقى ببلاش

.............

بعد كام يوم

رحمه / اخيرا الميد تيرم خلص دا كان كابوس

رحيم / تحبى تروحى فين النهرده

رحمه / مكان متحب

رامى يدخل

رامى / عاوزك

رحيم / خير

رامى / قولت عاوزك

رحيم لرحمه / ثوانى

رحيم يقوم مع رامى

رامى / انت بتبعت رسايل تعاكس روقيه

رحيم / انت عبيط و لا ايه مستحيل طبعا

رامى / ريهام شدت مع روقيه من شويه و روقيه طلعت موبايلها و طلعت تلت رسايل من موبايلك ليها

رحيم / ايه الهبل ده

رامى / طب استلم ست ريهام جايه تبلغ الخبر و روقيه جايه وراها

رحيم / انا ناقص قرف

ريهام / رحمه عاوزاكى فى موضوع مهم

رحمه / ايه

روقيه / انتى فاكره انى مكنتش اقدر اقولها

رحمه / تقولولى ايه

ريهام / اطلعى منها انتى ماشى

روقيه / و انا مالى

رحمه / هو فى ايه

............

رحيم يدخل / فى ايه يا روقيه

روقيه / انت اللى بتسال فى ايه

رحيم / ايوه انا اللى بسال طبعا امال مين

روقيه / انا مكنتش عاوزه اقول عشان مصدمش المسكينه دى بس اتفضلى شوفى البيه بيبعتلى ايه

رحمه تمسك الموبايل و تقرا

رحمه / على فكره انا معجب بيكى اوى ..... انتى ليه مش بتردى عليا ....... انا مجبر على علاقتى برحمه على فكره و بحبك اوى

رحيم / ايه الهبل ده انا مبعتش القرف ده

روقيه / امال مين اللى بعته بقى ان شاء الله رقمك ده و لا مش رقمك

رحمه / عن اذنكوا

رحمه تمشى و رحيم يجرى وراها

رامى / عيل واطى

ريهام / هو برده تلاقيها هى اللى شاغلته

روقيه / انا ...... ليه يعنى ان شاء الله هو مفيش غير رحيم فى الكليه و لا ايه طب دانا الف واحد برقبته يتمنونى

ريهام / انا عمرى مهصدق انى رحيم هو اللى بعت الرسايل دى و لو حلفتيلى على الميه تجمد

روقيه / هو و لا مش هو دى حاجه معرفهاش اللى اعرفه ان الرسايل طالعه من موبايله

رامى / ايه يعنى يا ريهام حد خد منه الموبايل و بعت الرسايل

ريهام / رحيم اكتر واحد فينا معاه رصيد و اى حد بينسى تليفونه او رصيده بيفضى او يفصل شحن بيتكلم من موبايله حتى انا

رامى / و مين له مصلحه يعمل كدا يعنى دا اكيد حد واطى اوى

ريهام / والله معرفش بس اللى متاكده منه ان رحيم مبعتش الرسايل دى

................

فى البيت

رحمه داخله تعيط

عفاف / فى ايه يا بت استنى هنا يا بت

رحمه تدخل و تقفل على نفسها الباب و رحيم يدخل يجرى وراها

عفاف / فى ايه يا رحيم مالها البت حلت وحش فى الامتحان و لا ايه

رحيم يخبط عالباب

رحيم / افتحى يا رحمه والله العظيم مظلوم و غلاوتك عندى مظلوم

رحمه تفتح الباب / انت ايه مبتزهقش مالكدب انت ايه اللى جرالك

رحيم / انا عمرى مبصيت على غيرك ايه اللى جد فيها ايه يعنى روقيه دى عن غيرها عشان تفتكرى انى ممكن اسيبك عشانها

رحمه / حضرتك مجبر عليا مش كدا ايه اللى جابرك يا سى رحيم مالباب يفوت مليون جمل

رحيم / اديكى قولتيها دا كلام اهبل انا والله معرف اتبعت ازاى من موبايلى

رحمه / انا تعبت من كدبك بقى امشى يلا من النهرده كل واحد يروح لحاله خلصنا

عفاف / رسايل ايه يا رحيم

رحيم / فى تلت رسايل اتبعتوا من موبايلى لموبايل واحده صاحبه راحمه

رحمه / متقولش صحبتى انا مبصاحبش الاشكال دى

رحيم / زميله لينا فى الكليه

عفاف / و الرسايل دى اتبعتت ازاى

عماد يدخل

عماد / بتزعقوا ليه

عفاف / مش عارفه اقولك ايه انا نفسى مش فاهمه

رحمه / البيه اخوك باعت لوحده زباله رسايل بيقولها انه بيحبها و انه مجبور عليا

عماد / عمرى مصدق رحيم عمره ميعمل كدا ابدا

رحمه / و مين هيشهدله غيرك

عماد / لا بجد رحيم عمره مهيقول الكلام ده دا قايم نايم بيحلم بيكى

رحمه / يمكن نفسه يجرب الصياعه

رحيم / انتى ليه مقتنعه اوى كدا انى عملت كدا فعلا

رحمه / الرسايل من موبايلك على موبايلها عاوز دليل اكتر من كدا ايه

عماد / ورينى موبايلك يا رحيم لو سمحت

رحيم يديله الموبايل

رحيم / ايه هترفع البصمات

عماد يكتب رساله / انا بحبك اوى يا حياتى و مقدرش استغنى عنك متجيبى بوسه مشبك

رحيم / ايه يا حيوان اللى بتكتبه ده

عماد يضغط ارسال و تليفون رحمه يرن

عماد / خدى بقى الرساله دى وريها لابوكى

رحمه / يا سلام

عماد / مهى مبعوتالك من موبايله اهو و لو معندكيش ثقه فى علاقتكوا يبقى بناقصها و اكبروا بقى فى حد بيوقع بينكوا و من الواضح ان البت اللى اسمها روقيه دى مش مظبوطه تبعتله رصيد فى نص الليل و ترضى تتكلم معاه ربع ساعه و سبحان الله مبعوتلها رسايل و متكلمتش

رحمه / انا مش مصدقه مين يعنى اللى هيبعت الرسايل من موبايلك

رحيم /والله معرف انا هتجنن بس ناس كتير اوى استخدموا موبايلى بس كل اللى واثق منه ان روقيه دى بالذات عمرى مهبصلها لان رامى معجب بيها و دى مشكله تانيه انى لازم اقنع اعز اصحابى راخر انى برئ و مش انا اللى بعت الرسايل يعنى اى كان اللى عمل كدا بيكرهنى جدا وقعنى فاعز اصحابى و حبيبتى فوقت واحد الله يحرقك يا روقيه

رحمه / احلف بغلاوه طنط زينب و عموا محمد انك مبعتش الرسايل

رحيم / و غلاوه العيله كلها نفر نفر و انتى على راسهم مبعت حاجه

عماد / خليكى واثقه فى نفسك شويه يا رحمه مش كل شويه مشكله على تفاهات صدقينى ناس كتير اوى هتفرح انكوا متكملوش

رحمه تبص لعماد

رحمه/ طب دلوقت قدام الكل توعدنى انك عمرك مهتقف مع اللى اسمها روقيه دى و لا تكلمها و لا تديها موبايلك حتى لو كانت هتموت على شمه قولها تستنانى انا تتكلم من موبايلى اتفقنا

رحيم / اتفقنا عمرى مهتعامل معاها تانى

رحمه / لو عرفت فيوم انك كدبت عليا انت عارف انى مجنونه

رحيم / وربنا مكدبت اثبتلك ازاى بس

رحمه / بكره الايام هى اللى تثبت كل حاجه

....................

بالليل عند بيت رامى

رامى / افندم ايه اللى جاب البيه هنا

رحيم / ايه ياعم اتكلم عدل انت اكتر واحد عارف انى عمرى معملها

رامى / امال موبايلك ملبوس بيبعت لوحده

رحيم / انت كمان دانا قولت انك اكتر واحد هيصدقنى و يدافع عنى فى حد عامل فيا المقلب ده فى حد بيوقع بنا

رامى / و مين اصلا له مصلحه يوقع بنا و محدش عارف انى معجب بروقيه غيرك

رحيم / قولى مره واحده استوطيت معاك او مع اى حد

رامى / رحمه قالتلك ايه

رحيم / زعلانه هى كمان اتكلمنا معاها و اقتنعت بس طبعا مش صافيه الحوار مش سهل بس عالعموم اتعلمت مفيش مخلوق هيلمس موبايلى تانى

 رامى / انت بجد معملتش كدا

رحيم / احلفلك بايه طيب عشان تصدقنى والله ابدا انت معايا من يوم مدخلنا الكليه و عرفناها عمرك حتى شوفتنى ببصلها

رامى / معرفش بقى

رحيم / لا عارف عارف انى مظلوم و فى حد مافلم الحوار ده على قفايا الا هو الواد ايمن كان معانا فى رحله الفلانتين 

رامى / اه كان موجود كان اياميها مظبط البت احلام ليه

رحيم / مفيش بس انا مش فاكر انى اديته موبايلى يوميها خالص تاريخ الرسايل اللى على موبايل روقيه هشت مين ابن الكلب اللى عمل كدا و ربنا لو مسكته و مهرحمه

رامى / طب اهدى بس

رحيم / انت عارف انا احترم اللى يكرهنى و يقولى انا بكرهك لكن الضرب تحت الحزام ده 0000 نفوخى هيضرب يابنى

رامى / ياعم حرص و لا تخونش و بكره يغلط و يبان بس ركز معاهم انت بس

رحيم / ماشى انا جيت اطمن بس انك مصدقنى عشان عاوز ارجع لرحمه اللى هتولع فيا فى البيت دى كمان

رامى / ماشى اشوفك بكره فى الكليه

.00000000000

فى البيت عند رحمه

رحيم / هى فين

حياه / فى اوضتها مش عاوزه تكلم حد

رحيم يدخلها تدير و تنام و تستغطى يلفها بالغطا و يحضنها 

رحمه / اوعى انت بتعمل ايه

رحيم / بحضنك بحبك و بحضنك بس للاسف وعدت ابوكى اننا مش هنحضن بعض كان وعد تيت اوى

رحمه / روح احضن روقيه متاكده انها مش هتمانع

رحيم / و غلاوتك عندى البت دى متملا عين صابع رجلى حتى

رحمه / انا اتخنقت

رحيم / انا فى مشكله و عمرك مسيبتينى فى مشكله

رحمه / خير

رحيم / فى حد من صحابنا بيكرهنى و عاوز يوقع بينى و بين الناس فى حد معرفوش بياذينى يا رحمه

رحمه / و هتعمل ايه

رحيم / معرفش انا تعبت مالتفكير انهى واحد و بيعمل كدا ليه

رحمه / خلاص متفكرش و سيبها على الله

رحيم / انا كان ممكن اخسرك النهرده متخيله الموقف

رحمه / عمرك مهتخسرنى

رحيم / بجد

رحمه / انت عارف انا قد ايه بحبك و انى مقدرش استغنى عنك

رحيم / و انا والله بموت فيكى وحياه عنيا يا شيخه اللهى لو يوم بصيت لغيرك اخسرهم

رحمه / بعد الشر

............

تانى يوم فى الكليه

المجموعه كلها ملمومه

رحيم /بما اننا كلنا متجمعين احب اتكلم فى اللى حصل امبارح اى كان ابن الكلب الواطى اللى عمل كدا انا بقوله ادارى عشان لو عرفتك و ربنا مهرحمه و اسف طبعا يا روقيه على اى اساءه اتبعتتلك من موبايلى و اسف يا رحمه انى حطيتك فى موقف زى ده و من النهرده قرار ديكتاتورى كل واحد فيكوا يشيك على موبايله و رصيده و شحنه قيل مينزل لان مفيش مخلوق هيلمس موبايلى لحد معرف مين اللى عمل كدا و دا حقى

ريهام / انا كنت متاكده انها متفبركه اصلا و انا كمان محدش هيلمس موبايلى محدش عارف الواطى هياذى مين تانى

رحمه / بيتهيالى المفروض كلنا نبقى كدا انا اصلا مش عارفه ازاى اخلاقنا توصل للانحطاط ده داحنا المفروض فى كليه قمه

ماجد / الاخلاق انعدمت يا رحمه و فى ناس الاذى عندها مزاج اسالينى انا ياما شوفت

رامى / على فكره يا ماجد كلنا تحت الشبهات حتى انا

ماجد / بص ياعم رامى اللى على راسه بطحه يحسس عليها و انا و الحمد لله برلنت

رحيم / خلصنا بقى مالموضوع ده و نقفله و مش عاوز نتكلم فيه تانى لو سمحتو

...............

 بعد فتره فى الكليه

ريهام / انا حساكى متغيره يا رحمه

رحمه / ازاى يعنى

ريهام / معرفش زهقانه علاطول و مبتعديش مع حد

رحمه / الواحد كان فاكر انه لما خلص الثانوى هيرتاح لكن الموضوع طلع صعب امتحانات و كويزات و شيتات و كلو قرف

ريهام / لا يا بنتى مانتى لازم تفصلى عشان تقدرى تكملى

رحمه / رحيم عنده بطوله الاسبوع الجاى و مشغول طول الوقت فى النادى بيتمرن اعمل ايه يا بنتى دا لما بيوحشنى بروح النادى اتفرج عليه هناك

روقيه تدخل

روقيه / هاى ازيكوا معلش بقى انا ليا راى تانى

رحمه / راى تانى فى ايه

روقيه / انا سمعتك بتقولى ان رحيم مش فاضيلك و طبعا دا اول حاجه بتبوظ اى علاقه

رحمه / فى حاجه اسمها اولويات

روقيه / و حضرتك تقبلى انك تكونى رقم اتنين او يمكن تلاته بعد البطوله و الدراسه لما يبقى يلاقى وقت فاضى انا عن نفسى لو مكنتش رقم واحد مقبلش ابدا

……………………..

((((((((مفيش رحمه ))))))

#لولو_محمد

الحلقه التاسعه

رحمه / رحيم عنده بطوله الاسبوع الجاى و مشغول طول الوقت فى النادى بيتمرن اعمل ايه يا بنتى دا لما بيوحشنى بروح النادى اتفرج عليه هناك

روقيه تدخل

روقيه / هاى ازيكوا معلش بقى انا ليا راى تانى

رحمه / راى تانى فى ايه

روقيه / انا سمعتك بتقولى ان رحيم مش فاضيلك و طبعا دا اول حاجه بتبوظ اى علاقه

رحمه / فى حاجه اسمها اولويات

روقيه / و حضرتك تقبلى انك تكونى رقم اتنين او يمكن تلاته بعد البطوله و الدراسه لما يبقى يلاقى وقت فاضى انا عن نفسى لو مكنتش رقم واحد مقبلش ابدا

……………………..

رحمه / انا بحب رحيم يكون احسن حاجه فى الدنيا و البطوله مهمه بالنسباله

روقيه / و انتى مش مهمه

ريهام / ليه الكلام ده يا روقيه احنا كلنا عارفين ان رحيم بيحب رحمه جدا الدنيا مخربتش لو انشغل شويه

رحمه / ايوه مانا كمان ساعات بنشغل

روقيه / بجد فى ايه

رحمه / ساعات بساعد ماما فى شغل البيت ....

روقيه / اااااااااااااااه شغل البيت يعنى حضرتك ليكى المسح و الكنس و الطبيخ و هو له اللعب منتهى العنصريه

ريهام / ايه الكلام الكبير ده مكلنا فى الاول و الاخر ملناش غير بيتنا

روقيه / يعنى انتى بتدرسى كل ده و اشطر منه كمان عشان فى الاخر تبقى الفلبينيه بتاعته

رحمه / مبتتاخدش كدا على فكره رحيم بيساعدنى فى حاجات كتير اوى بس انا بحب البيت يكون نضيف طول الوقت

روقيه / انا متكلمتش بس انتى اللى بتقولى

رحيم يدخل

رحيم/ شكلكوا من بعيد متنشن كنتوا بتتكلموا فى ايه

رحمه/ هو انت ايه رايك فى دور الست يا رحيم

رحيم  / دورها فى ايه بالظبط

رحمه / يعنى انت شايف ان الست مكانها بيتها

رحيم  / اكيد مكانها بيتها امال يعنى فى الشارع

رحمه / ايوه بس انا من حقى اشتغل

رحيم / طبعا مهو ماما حياه بتشتغل و مع كدا بتهتم بيكى و بتيته و بعموا و بيتكوا علاطول نضيف

رحمه / يعنى معندكش مانع انى اشتغل

رحيم / ابدا امال بتدرسى ليه

رحمه / شوفتى يا روقيه

روقيه / انا مقولتش انه هيعترض انا بس برد عليكى انك بتشتكى انه مش فاضيلك خالص

رحيم يبص لرحمه

رحمه / انا مشتكتلكيش

روقيه / اه بس اشتكيتى لريهام

رحيم / على فكره ليها حق انا فعلا مشغول جدا الفتره دى البطوله الاسبوع الجاى و بتمرن كل يوم و تقريبا مبكنش فى البيت غير عالنوم و هى اللى بتعملى كل حاجه حتى هدومى كل يوم بصحى الاقيها مجهزالى الهدوم و كوياها مش عارف منغيرها كانت هعمل ايه ربنا ميحرمنى منها ابدا

روقيه / ربنا يخليكوا لبعض

ريهام / على فكره رحمه مكنتش بتشتكى روقيه فهمت غلط 

رحيم / عادى يا ريهام متشغليش بالك يلا نروح و لا ايه

رحمه / يلا

........

بعد البطوله بكام يوم فى البيت

حياه / مالك يا رحمه قاعده و مسهمه و حاطه ايدك على خدك كدا ليه

رحمه / مفيش

حياه / لا فى بقولك ايه النهرده اجازتك انا هنزل المعرض شويه و معلش ابقى اعملى الرز

رحمه / حاضر

رحمه تدخل المطبخ و شويه و رحيم يدخل الشقه

رحيم / ازيك يا تيته

عفاف / فى المطبخ

رحيم/ ايه ده

عفاف / اللى بتدور عليها

رحيم / اخص عليكى يا تيته انا جاى اطمن عليكى الاول

عفاف / هههههههههههههه انا بهزر معاك

رحيم / طب انا داخل المطبخ بقى

عفاف / شوف الواد ههههههههههههه

رحيم يدخل المطبخ يلاقى رحمه بتحمر شعريه

رحيم / اشتغلى كويس بلاش دلع

رحمه تبصله و ترفع حاجبها

رحيم / ايه بتبصيلى كدا ليه مش عاجبك كلامى طب مخصوم منك يومين

رحمه / انت ليك عين تكلمنى بالطريقه دى اصلا

رحيم / فى ايه يا رحمه انا بهزر معاكى

رحمه / ليك حق تهزر مالبيه معليهوش اى ضغوط البيه وراه ايه البيه بيخرج و قت مهو عاوز و يرجع وقت مهو عاوز

رحيم / يااااااااه دا الموضوع كبير

رحمه / كنت فين امبارح لحد الفجر

رحيم / مانتى عارفه خرجت انا و صحابى نحتفل

رحمه / و انبسطوا

رحيم / انتى زعلانه انى خرجت

رحمه / و ايه اللى يزعلنى .... يوووووه الشعريه اتحرقت عجبك كدا

رحيم / و هو انا اللى حرقتها يعنى

رحمه / ايوه انت انت اللى عطلتنى زى مبتعمل فى كل حاجه

رحيم / انتى مش طبيعيه انا ماشى و لما تبقى تهدى نبقى نشوف ايه الهبل اللى بتقوليه ده

رحمه / طبعا و انت هيفرق معاك ايه مانا الفلبينيه بتاعتك ....

رحيم / فلبينيه ايه يا شيخه دانتى مش عارفه تحمرى شويه شعريه ههههههههههه

رحمه / اطلع بره المطبخ

رحيم ينط عالرخامه / دا بيت عمى و مش طالع مش عاجبك اتفضلى انتى

رحمه / اطلع بره يا رحيم ابعد عنى اقولك اخرج من حياتى خالص اتفضل

رحيم ينزل من عالخرمه / قولتى ايه تانى كدا

رحمه/ قولتلك اخرج من حياتى اتفضل دبلتك اهى

رحمه تقع الدبله و تديها لرحيم

رحيم / انتى مجنونه رسمى هو فى ايه

رحمه / فى انى زهقت انا حره يا اخى

رحيم / انتى بتتكلمى جد و لا بتهزرى

رحمه / دا شكل واحده بتهزر قولتلك اخرج من حياتى مش عاوزه اشوفك يا اخى زهقت منك ابعد عنى و ريحنى

رحيم / يعنى هترتاحى لو كل واحد فينا راح فى حاله متاكده انك هترتاحى

رحمه تديله ضهرها و تسكت

رحيم / ماشى بصى فى عينى و قوليلى اخرج من حياتك مره واحده بس و عينك فى عينى و اوعدك يا رحمه انى مش هقف فى طريقك تانى

رحمه تسكت

رحيم يمسكها و يلفها / بصى فى عينى و قوليلى ابعد عنك

رحمه / ابعد عنى يا رحيم

رحيم يسيبها و ياخد دبلته و يمشى و يرزع باب الشقه وراه و عفاف تدخل المطبخ تلاقى رحمه بتغسل الحله و هى بتعيط

عفاف  / ايه اللى حصل

رحمه / رحيم سابنى

عفاف / ايه الهبل ده سابك يعنى ايه

رحمه / معرفش احسن خليه يروح فى ستين داهيه تاخده

عفاف / طب اهدى بس و بطلى عياط و احكيلى ايه اللى حصل

رحمه / انا تعبانه و داخله انام عن اذنك

رحمه تجرى على اوضتها

عفاف / انتى يا بت استنى فاهمينى ايه اللى حصل .... اتجنوا دول و لا ايه اما اشوف عملت ايه يا رحيم

عفاف تروح على شقه زينب و زينب تفتحلها الباب

عفاف / رحيم فين

زينب / هو مش عندكوا

عفاف / خلاص هكلموا فى التليفون يمكن نزل يشترى حاجه و لا حاجه متشغليش بالك انتى

زينب / ابقى طمنينى يا ماما

عفاف ترجع شقه حياه و تمسك الموبايل و تتصل برحيم ميردش تتصل بعماد

عفاف / ازيك يا عماد .... مشوفتش رحيم ..... معاك .... طب هاته و تعال انا عوزاه ..... قوله ستك لما تكلمك ترد عليها و تيجى هنا اما اشوف حكايته ايه .... مستنياكوا سلام

عفاف تقفل السكه

.......

عند عماد و رحيم

عماد / قوم ستك عوزاك

رحيم / مش فايق اكلم حد قولتلك سيبنى لوحدى

عماد / ياعم انت عبيط كل ده هبل و زمان المجنونه التانيه مموته روحها مالعياط فى البيت البنات دول مجانين اقسم بالله اسالنى انا تلاقيها كانت عوزه تدلع عليك و لا حاجه روحلها و ادحك عليها بكلمتين

رحيم / لا انا خلاص مليش دعوه بيها هى فاكره نفسها ايه مش هى عوزانى اخرج من حياتها تشرب بقى

عماد / يااااااااه للدرجادى

رحيم / هو انا هفضل طول عمرى احايل و ادادى فيها انا اصلا معملتلهاش حاجه هى اللى اتهبلت من نفسها يبقى تعقل من نفسها

عماد / طيب سيبك من رحمه ستك زعلانه

رحيم / انا لو روحت دلوقت صدقنى الموضوع هيكبر اكتر

عماد / ياعم ستك فاهمه ان انت اللى سبت رحمه

.......

فى البيت

عفاف / ايه اللى حصل يا رحيم

رحيم / متسالى الهانم مهى عندك

رحمه تفتح باب الاوضه

رحمه / انت ايه اللى جابك هنا اطلع بره

عفاف / انتى ملكيش اى حق انك تكروشيه من هنا انتى اخرك اوضتك و متحكميش على غيرها

...........

رحمه / اشبعى بيه

رحمه تدخل اوضتها و تقفل الباب

عفاف / احكى يا رحيم ايه اللى حصل

رحيم / مش عارف كانت بتحمر شعريه و حرقتها فالست عليها قلعت الدبله و ادتهانى و قالتى ابعد عنى

عفاف / بس كدا

رحيم / هو ده اللى حصل حتى ابقى اساليها

رحمه تفتح باب الاوضه و لابسه عبايه و رايحه ناحيه الباب رحيم يمسكها

رحيم / انتى رايحه فين

رحمه / و انت مالك انت ملكش حكم عليا

رحيم / لما يبقى ابوكى يجى ابقى استاذنى منه و اخرجى

رحمه / سيب ايدى انت فاكر نفسك ايه

رحيم / حتى لو مش خطيبك انا ابن عمك

رحمه / على نفسك انت هتعمل نفسك راجل عليا

رحيم يسيب ايد رحمه

عفاف / خشى على اوضتك يا بنت انتى زودتيها اوى

رحمه / ليكى حق مهو حبيبك

رحمه تدخل اوضتها و تقفل عليها الباب

رحيم / عن اذنكوا

رحيم يمشى و عفاف تقعد عالكنبه

عماد / هو فى ايه يا تيته ايه اللى بيحصل ده

عفاف / و لا اعرف اتصلى بعمك خليه يجى يشوف ايه اللى حصل فى البت دى

.............

محمود و حياه يدخلوا البيت و عفاف تحكيلهم اللى حصل حياه تروح تخبط على باب رحمه

حياه / افتحى يا رحمه انا ماما

رحمه تفتح الباب و وشها و عنيها حمر من كتر العياط و تترمى فى حضن امها و تعيط يدخلوا الاوضه و يقفلوا الباب

حياه / ايه اللى انتى قولتيه لرحيم ده انا مش مصدقه ايه اللى حصل لكل ده

رحمه / هو مش بيحبنى و انا تعبت

حياه / طب بالراحه فى ايه احكيلى مالاول ايه اللى حصل

رحمه / انا بقالى فتره طويله اوى مستنيه رحيم يخلص البطوله عشان نخرج و نتفسح هو طول الوقت كان مشغول و انا مكنتش فى باله قولت اول ميخلص هيفضالى و هيهتم بيا بس ازاى انا مش فى اولوياته

حياه / مين قال كدا بس

رحمه / هى دى الحقيقه انا طول الوقت قدامه ايه اللى يخليه يتعب عشانى ايه اللى يخليه يفكر فيا اصلا هو راجل حر يعمل اللى هو عاوزه و لما  يبقى مزاجه يجيله و ميلاقيش حاجه يعملها يبقى يدور عليا و انا مقبلش بده

حياه / ايه اللى جد خلاكى تحطى الكلام الوحش ده فدماغك من امتى انتى و رحيم فى بنكوا الكلام ده من امتى بس

رحمه / انا وقفت جنبه طول الوقت و على يدك بس عمل ايه لما كسب البطوله البيه راح احتفل مع صحابه و فريقه و مفكرش فيا حتى كان بيجى البيت متاخر و يصحى متاخر

حياه / البطوله كانت اول امبارح و امبارح كنتوا فى الكليه طول النهار

رحمه / و رجع اتغدى و خرج معاهم مش معايا انا فين هو انا بس استحمل و متكافاش فى الاخر

حياه / لا غلطانه يا رحمه انتى عارفه ان صحابه عزموه

رحمه / خلاص يشبع بيهم يخليهم ينفعوه دا حتى متمسكش بيا لحظه و كانه مصدق

حياه / مش انتى اللى قولتيله يبعد عنك

رحمه تعيط / كان المفروض يقولى مقدرش اعيش منغيرك كان المفروض يقولى انه بيحبنى و يتمسك بيا بس هو مبيحبنيش

حياه / و كنتى لابسه و رايحه فين بقى

رحمه / تيته زعقتلى قدامه و نصرته عليا بتقول انى مليش حكم فى البيت ده لو ده مش بيتى اروح بقى فى اى حته تانيه

حياه / بجد يعنى انتى مقتنعه انك مغلطتيش

رحمه / انا زعلانه جدا من تيته هى بتحبه اكتر منى

حياه / و بتقولى لرحيم انه مش راجل

رحمه / مقولتش كدا انا قولتله انت هتعمل نفسك راجل عليا

حياه / فرقت اوى

رحمه / انا بكرهه

حياه / بصى يا رحمه حياتك عباره عن قرارات انتى اللى بتاخديها بلاش تضرى نفسك هسيبك تفكرى و تراجعى نفسك و تشوفى انتى صح و لا غلط و افتكرى ان الاعتزار بيحل مشاكل كتير و الكبر بيعقدها اكتر و مفتكرش انى ممكن اكون بحب رحيم اكتر منك بس انا شيفاكى غلطانه بس فى الاول و الاخر دى حياتك انتى و قراراتك انتى و انتى الوحيده اللى هتدفعى تمنها فى الاخر انا هقوم اعمل شويه رز و هسيبك تفكرى

حياه تطلع بره

........

فى المطبخ

محمود / عشان كدا مكنتش موافق على الحوار من اوله دول لسه عيال و ميعرفوش يعنى ايه حب اساسا و لا عندهم ادنى احساس بالمسؤليه

حياه / ايه اللى بتقوله ده

محمود / ادينا سبناهم و شجعناهم و فى الاخر ايه اللى حصل اتخانقوا على اتفه الاسباب و سابوا بعض

حياه / ياما انا و انت اتخانقنا و لا نسيت

محمود / ايوه بس مسبناش بعض

حياه تتنهد / انا متاكده ان رحمه بتحبه و متاكده انها بتمر بفتره صعبه اوى دلوقت بعد اللى حصل

محمود / هى لسه صغيره و اكيد هتنسى الهبل ده كلو و بكره تفتكره و يقعدوا يدحكوا

حياه / مفتكرش البنت مموته روحها مالعياط

محمود / و هو قافل على نفسه و مش عاوز يفتح او يكلم حد و لا حتى ماما

حياه / طب متيجى نحاول معاهم نسيبهم شويه يهدوا و نقعد معاهم و نشوف ايه اللى هيحصل

محمود يهز راسه و يطلع مالمطبخ

........

فى شقه رحيم

زينب / هى فاكره نفسها ايه يعنى دانا ابنى مليون بنت تتمناه و بكره هكون جايباله ست ستها

محمد / متهدى يا زينب الوضع مش ناقصك

زينب / بقى بت حياه تقول لابنى انا انت هتعمل روحك راجل عليا راجل عليكى و على اللى خلفتك انتى كنتى لاقيه 

محمد / خلاص بقى يا زينب خلاص انتى ايه مصدقتى جنازه و شبعتى فيها لطم

جرس الباب يضرب عماد يفتح يلاقى محمود

زينب / اهلا يا خويا اتفضل

محمد / قومى اعمليلنا كوبايتين شاى

زينب / اتوزعت

محمود يدخل على اوضه رحيم و يخبط الباب

محمود / افتح يا رحيم انا عمك

رحيم يفتح الباب و محمود يدخل و رحيم يقفل الباب تانى

محمود / انا مش عاوزك تزعل ماللى حصل

رحيم / عاجبك اللى هى بتعمله

محمود / هى ليها وجه نظر بتقول انك اهملتها الفتره اللى فاتت

رحيم / انا ؟؟ يا عموا مكلوا على يدك مالكليه للتمرين للسرير هو انا يعنى كنت صايع عالقهاوى و بعدين مانا كنت ناوى والله اخدها النهرده و نروح سينما و نتفسح هى اللى دخلت عليا بوش النكد و قفلتها بالشتيمه كمان

محمود / هى كانت فكراك يعنى هتقولها انا مقدرش استغنى عنك و الكلام الحلو بتاعك

رحيم / و انا عمرى مكنت فاكرها تقدر تقولى ابعد عنى كان المفروض تفضل ساكته او تعاتبنى باسلوب احسن من كدا

محمود / انت بتفرض و هى بتفرض و بعدين

رحيم / و بعدين

محمود / اسمع انا هعزمك النهرده عالعشا و تقعدوا تتكلموا سوا و اتصافوا

رحيم / ازاى بس

محمود / بتحبها و لا لا

رحيم يسكت

محمود / فكر لو عاوزها و عاوز تحل الموضوع قبل ميبدا انا هستناك عالعشا فكر براحتك

............

بالليل عالعشا

رحمه تقعد جنب ستها

رحمه / انا اسفه يا تيته انى زعلتك

عفاف / انا مش فاهمه ازاى رحمه الهاديه الحلوه المؤدبه تعمل كل ده دا كانك كنتى واحده تانيه خالص

رحمه تعيط و عفاف تاخدها فى حضنها جرس الباب يضرب رحمه تمسح دموعها و تقوم تفتح تلاقيه رحيم

رحمه/ عن اذنكوا

محمود / استنى يا رحمه العشا محطوط اقعدى كلى

رحمه / نفسى اتسدت

رحيم / انتى بتعملى كدا ليه

رحمه / و انت مالك انت

رحيم / هو ايه اللى و انا مالى مش كفايه انى عديتلك الكلام اللى قولتيه الصبح و جيتلك عاوزه ايه

رحمه / هعوز منك ايه يعنى

محمود / متهدوا انتوا الاتنين هو مفيش اى احترام لوجودى 

رحمه تروح تقعد جنب عفاف و رحيم يروح يقعد قدامها

حياه / انتوا ايه اللى جرالكوا بجد كانكوا محسودين

عفاف / انا بقول تدخلوا جوه تتعاتبوا فى هدوء و انا متاكده انها كلها خمس دقايق و كلو هيبقى تمام

رحمه / ملوش لزوم انا شايفه ان كل حاجه خلصت على كدا 

رحيم يقوم من عالترابيزه / انتى بتتامرى على ايه على فكره لولا انى عارف انك مموته نفسك مالعياط مكنتش جيت اصلا

رحمه / انا معيطش على واحد زيك انا لو عيطت فكنت بعيط على نفسى و هبلى انى فيوم فكرت فواحد زيك

رحيم / انا مليش زي يا ماما فوقى و بكره تجيلى معيطه و تطلبى انى اسامحك و ساعتها مش هكون عاوزك

رحمه / دا على اساس انى وحشه و لا بايره بكره اتجوز سيد سيدك و معزمكش فى فرحى اصلا

رحيم / حتى لو عزمتينى مكنتش هاجى اصلا عشان هكون مشغول مع ست ستك

محمود / انا داخل انام القاعده دى عيلت اوى

رحمه / راجل البيت داخل ينام بيتهالى وجودك معدش مرغوب فيه

رحيم يمشى و يقفل الباب وراه

عفاف / برافو بجد

عفاف تدخل تنام

رحمه / و انتى يا ماما مش عاوزه تغلطينى انتى كمان

حياه / انا داخله انام

رحمه تقعد عالاكل و تعيط لوحدها

................

تانى يوم الصبح رحمه و رحيم يفتحوا الباب فى نفس الوقت رحيم يعمل نفسه بيعدل رباط الكوتشى عالسلم رحمه تنزل و هو يتاخر دقيقتين و ينزل وراها ميلاقيهاش

عماد واقف قدام المعرض

عماد / ركبت تاكس

رحيم ياخد العربيه و يمشى

..........

فى الكليه

رنا / ايه الهبل ده يعنى ايه سبتوا بعض فجاه كدا

رحمه / عادى الحاجات دى نصيب و هو الخسران

ريهام / اكيد خسر بس انتى بتحبيه

رحمه / لا مكنش حب انا بس كنت معجبه بيه

ريهام / انتى بتقولى كدا حلاوه روح

..........

((((((مفيش رحمه ))))))

#لولو_محمد

الحلقه العاشره 

رنا / ايه الهبل ده يعنى ايه سبتوا بعض فجاه كدا

رحمه / عادى الحاجات دى نصيب و هو الخسران

ريهام / اكيد خسر بس انتى بتحبيه

رحمه / لا مكنش حب انا بس كنت معجبه بيه

ريهام / انتى بتقولى كدا حلاوه روح

..........

رامى / انتوا الاتنين مجانين على فكره انت بتحبها و هى بتحبك و اللى حصل ده لحظه زعل كان ممكن تروح لحالها

رحيم / و كبرت خلاص و الاحسن ان كل واحد يروح لحاله احسن متكبر اكتر من كدا و نخسر بعض كولاد عم كمان

رامى / الصداقه ممكن تتحول لحب بس العكس عمره ميحصل

رحيم / انا و هى مينفعش نكون اصدقاء لكن هى فى الاول و الاخر بنت عمى

رامى / انت كويس

رحيم / اكيد طبعا كويس

............

روقيه / انا شايفه انه غلطان طبعا دى مساله كرامه متبصى لنفسك يا بنتى دانتى زى القمر و سيد سيده يتمنى التراب اللى بتدوسى عليه كان المفروض يقدر النعمه اللى فايده و يتمسك بيها

رحمه / انا قولت كدا بس مش عارفه ليه مفيش حد عاوز يصدقنى

ريهام / يا رحمه الكلام ده مش صح انتى لازم تتمسكى بحبك انتى كمان و مش تسيبوا بعض فى اول مطب

رحمه  / طب مهو كمان مفكرش يتمسك فيا لا و مش بس كدا دا كل مره بحاول اديله فرصه يعتزر بيزودها

.................

رامى / طب حاول معاها مره كمان

روقيه / انا حاولت معاها كتير يابنى حفاظا على كرامته بلاش دى مستحلفاله لو حاول يكلمها او حتى يقرب منها تانى هتمسح بكرامته قدام الدفعه كلها

رحيم / ايه الهبل ده هى فاكره نفسها ايه

روقيه / انا غلطتها والله و قولتلها انها لو بتحبك لازم تتمسك بيك اكتر بس هى مصره انها احسن منك و تستاهل سيد سيدك مع انى قولتلها انك اكيد ملكش زى يبقى ازاى ليك سيد يعنى تقول ايه بقى ربنا يهدى

.........

فى البيت

عماد / هو الموضوع كبر اوى ليه كدا

رحيم / فكنى بقى يا عماد هى حره هو انا يعنى هموت منغيرها

عماد / طب تحب اكلمهالك

رحيم / يا عماد خلاص انا نسيت الحوار و حتى لو هى رجعت و اعتزرت شوف لو وطت على رجلى و باستها انا مش هرجعلها هى فاكره نفسها مين

عماد / طب اهدى بس

رحيم / و ياريت الموضوع ده ميتفتحش تانى ابدا ماشى

عماد / ماشى

........

بعد فتره فى الكليه

ماجد / قاعده لوحدك ليه

رحمه / ريهام بتعدل الطرحه و رنا معاها و زمانهم جايين

ماجد / و مروحتيش معاهم ليه

رحمه / هو انت عاوز تقعد مكانى او وجودى هنا مدايقك

ماجد / اكيد لا بس ادايقت لما لقيتك لوحدك اصل انا الصراحه مبحبش اكون لوحدى

رحمه / ماشى

ماجد / ممكن اقعد

رحمه / اتفضل

ماجد / شكرا على فكره انا كنت من فتره عاوز اتكلم معاكى فى حوار كدا بس متردد تفهمينى غلط

رحمه / لو بخصوص رحيم ياريت توفر كلامك

ماجد / مين قالك انى هتكلم فى حوار رحيم

رحمه / امال عاوز تتكلم فى ايه يعنى

ماجد / عنك انتى

رحمه / و انت مالك و مالى

ماجد / هو انتى علاطول كدا

رحمه / علاطول ايه

ماجد / على فكره انتى حلوه و سيد سيده يتمناكى

رحمه تقوم تقف

رحمه / و حضرتك تاعب نفسك و جاى و عمال تلف و تدور عشان فى الاخر تقولى حاجه انا عرفاها و متاكده منها مليون فى الميه متقصر و تجيب مالاخر

ماجد / انا بس مش عاوزك تزعلى بالشكل ده

رحمه / انا مش زعلانه

ماجد / انتى ممكن تدارى على اى حد لكن انا لا انا فاهمك عنيكى بريئه اوى و فضحاكى

رحمه / يا سلام

ماجد / على فكره هو ميستاهلكيش اللى يفرط فى واحده كانت بتحبه اوى كدا ميستاهلهاش

.....

بعيد شويه

رامى / انت باصص فين ياعم انا بكلمك

رامى يبص الناحيه التانيه يلاقى ماجد و رحمه قاعدين بيتكلموا

رامى / هو ماجد اللى قاعد هناك مع رحمه ده

رحيم / اه

رامى / و انت قاعد عادى كدا

رحيم / و انا مالى هى كانت صغيره

رامى / امال مركز معاهم ليه

رحيم / عشان باين انه بيدايقها

رحيم يشوف رحمه وقفت

رحيم / عن اذنك خمسه

رحيم يروح ناحيه راحمه

...........

عند رحمه رحيم جاى من وراها و هى مش شيفاه

ماجد / انا بس بقولك ده لمصلحتك دا عيل واطى

رحمه / لعلمك يا باشمهندس ماجد انا اه انفصلت عن رحيم بس هو فى الاول و الاخر ابن عمى و مسمحلكش تتكلم عنه ربع كلمه و الواطى هو انت اللى تقف و تمثل قدامه انك صاحبه و حبيبه و تروح لبنت عمه و توقع بينهم رحيم اه سبنا بعض بس ضافر رحيم برقبه عشره زيك و لو ممشيت من وشى دلوقت قسما عظما هندمك

ماجد / و على ايه عن اذنكوا

رحمه / عن اذننا ؟؟؟؟

رحيم / شكرا

رحمه تتفزع

رحيم / ههههههه اسف مقصدتش والله

رحمه / انت واقف من امتى

رحيم / مش من بدرى اوى بس عجبنى اللى قولتيه لو كنتى تقصديه

رحمه / انت لو كنت مكانى كنت عملت كدا صح

رحيم / اكيد

رحمه / خلاص يبقى قصداه

ريهام و البنات يرجعوا

رحيم / عن اذنكوا

رحيم يمشى

ريهام / خير طمنينى

رحمه / مفيش ولا حاجه

...........

الناحيه التانيه

رامى / انت كنت بتقولها ايه

ماجد / مفيش ياعم كنت بحاول اصلح بينهم

رحيم يدخل

رحيم / مين ده اللى واطى انت فاكرنى هعديهالك

ماجد / اهدى ياعم انت فاكرنى مكنتش شايفك يعنى انا كنت بحاول اساعد و اديك سمعت بودانك و مشيت قولت اسيبك تظبط الاجواء

رحيم / و انت مالك انت تدخل بصفتك ايه اصلا

رامى/ اهدى يا رحيم

رحيم / قسما عظما لو شوفتك بتقرب منها تانى هندمك

ماجد / انا مبضربش حد على ايده يعنى لا هكتفها و اخطفها و لا هسقيها حاجه اصفره يا رحيم اى حاجه بينى و بين رحمه بمزاجها

رحيم يمسك ماجد من ياقته و رامى يفك بينهم

رحيم / لو قربت منها هقتلك

ماجد / هو انت مش سبتها بتغير عليها ليه و على العموم ارتاح هى مش فى دماغى اصلا و زى مقولتك انا مبفرضش نفسى على حد لو هى مش عوزه تكلمنى او تقعد معايا كل اللى المفروض تعمله تقولى بمنتهى الزوق ابعد عنى

رامى / امشى يا ماجد من هنا امشى يا اخى

ماجد يمشى

رامى / دا عيل اهبل على فكره

رحيم عينه مع ماجد و هو ماشى

..........

فى البيت

رحمه قاعده تزاكر و رحيم يخبط عالباب المفتوح

رحمه / اتفضل

رحيم / بتزاكرى ايه

رحمه / بحل شيت الفيزيا

رحيم/ تمام انا خلصته لو عاوزه منه اى حاجه

رحمه / هات مالاخر يا رحيم جاى ليه

رحيم / مالاخر زى مقولتى الصبح حتى لو سبنا بعض انتى بنت عمى و تخصينى الواد ماجد ده واد زباله متسمحيلوش يقرب منك ماشى

رحمه / متخفش عليا انا كدا كدا كرهت صنفكوا كلو

رحيم / انا بلغتك و عملت اللى عليا سلام

...........

تانى يوم فى الكليه

ريهام / طب والله فكره

رحمه / هى ايه اللى فكره

ريهام / هو مش انتى قولتى انه بيقرب من روقيه عشان يغيظك

رحمه / انا مقولتش كدا بالظبط بس فعلا هى بقت لزقاله طول الوقت

ريهام / خلاص ان كان شافك مره مع ماجد و اتحرك يبقى خلاص اهلا بماجد

رحمه / دا واد زباله اساسا

ريهام / هو انا قولتلك اتجوزيه انا بقولك بس نفع و استنفع هو مش بياخد كورسات خلاص اطلبى منه ورق خليه يشرحلك حاجه مش فهماها فيه و خلى رحيم يحس انك هتطيرى

رحمه / لا الموضوع ده هيخسرنى سمعتى

ريهام / يابنتى فوقى ماجد هو الوحيد اللى اتجرا و كلمك لان الدفعه كلها عارفه انك بتاعه رحيم فمفيش غيره تستغليه و بما انه كدا كدا زباله مش هتزعلى انك بتستغليه

رحمه / سيبينى افكر

ريهام / براحتك

...........

بعد كام يوم فى البيت

رحمه شايله طبق سمبوسك و رايحه تديه لزينب

رحمه / ماما بعته ده لحضرتك

زينب / تسلم ايدها حلو اوى

رحيم يطلع مالاوضه متشيك عالاخر يخطف واحده مالطبق و زينب تاخد باقى الطبق و تدخل المطبخ

رحيم / ازيك يا رحمه ... الله حلو اوى

رحمه / كويسه الحمد لله ايه رايح على فين بالشياكه دى

رحيم / ايه ده انتى مش عارفه ان النهرده عيد ميلاد روقيه هى معزمتكيش و لا ايه

رحمه / و هى تعزمنى ليه مكفايه عليها انت

رحيم/ لو مش عوزانى اروح مش هروح على فكره

رحمه / و انا يفرق معايا فى ايه تروح و لا متروحش الا قولى صحيح هتروحلها بايدك فاضيه ولا جبتلها هديه

رحيم / جبتلها ازازه برفان

رحمه / الف مبروك عقبال الشبكه عن اذنك

رحمه تمشى

...........

رحمه قاعده بتزاكر و تزهق تقفل الكتاب و تفتح الفيس تلاقى روقيه مشيره صوره ليها هى و رحيم و هما فى منتهى الانسجام

رحمه / حقك يا رحيم حقك

رحمه تمسك الموبايل

رحمه / الو ... ايوه يا ماجد ازيك ... معلش ان كنت بزعجك000 شكرا بقولك انت بتاخد كورس فيزيا صح .... طب ممكن تجيبلى الورق عشان انا فى شويه حاجات واقفه قدامى فقولت ابص عليه يعنى لو معندكش مانع .... ميرسى كتير سلام

رحمه تقفل الموبايل و تعمل لايك للصوره عالفيس و تنفخ و تقوم تاخد دوش

.......

فى الكليه تانى يوم

ريهام / غيرت العلاقه لكومبليكاتيد اتفضلى

رحمه / حقها خليها تعيشلها يومين

ريهام / انتى هتسكتى على كدا

رحمه / انا كلمت ماجد امبارح

ريهام / جبنا فى سيره القط اهو جاى انا هقوم اعمل انى رايحه الحمام

رحمه / ماشى

ريهام تمشى و ثوانى و ماجد يدخل

ماجد / هو اذا حضرتك الشياطين ذهبت الملايكه و لا ايه

رحمه / متقولش على نفسك كدا هى بس راحت الحمام

ماجد / الورق لو فى اى حاجه وقفت قدامك قوليلى و انا اشرحهالك

رحمه / انا بس كنت عاوزه ابص فيه يمكن يكون فى اى حاجه زياده عن المحاضرات و السكاشن اللى معايا

ماجد / مانا استغربت اوى برده لما لقيت موس الدفعه بتتصل و تطلب منى ورق قولت فى ايه

رحمه تسكت

ماجد / مالك انتى كويسه

رحمه / لا

ماجد / طب اعمل ايه اجيبلك ميه و لا اعمل ايه

رحمه / انا كويسه يا ماجد مفيش حاجه انا بس مخنوقه شويه

ماجد / عشان رحيم و روقيه يعنى

رحمه / و انا مالى و مالهم و بعدين مفيش حاجه بينهم اصلا على فكره

ماجد / مش ده اللى بتقوله روقيه

رحمه / على كل فى جميع الاحوال ميفرقش معايا

ماجد / ممكن اعزمك على عصير تروقى شويه

رحمه / ايه مش خايف يشوفك يتخانق معاك تانى

ماجد / احنا مبنعملش حاجه غلط عشان يتدخل اصلا و لعلمك انا سكتله عشان خاطرك

رحمه / عشان خاطرى

ماجد / اه عشان قريبك و يخصك و عارف انك اكيد هتزعلى لو جراله حاجه

رحمه / على فكره انت متقدرش تلمس منه شعره

ماجد / ايوه رحمه اللى اعرفها ظهرت اهى

رحمه / قصدك ايه

ماجد / قصدى انى زى مقولتلك قبل كدا عنيكى البريئه دى فضحاكى و انا مش عيل و فاهمك

رحمه / طب امشى عشان شافك

ماجد / ايه مش هو ده المطلوب و لا انا غلطان عن اذنك

ماجد يمشى و ريهام ترجع

ريهام / ايه عملتى ايه

رحمه / ريهام انتى صحبتى من و احنا عيال انسى الحوار ده الواد ده زباله ده بيقولى انا فاهمك و لما بقوله امشى رحيم هيشوفك بيقولى مش هو ده اللى انتى عيزاه انا مش بتاعه الحركات دى و كمان الواد ده مش سهل

ريهام / خلاص نشوف غيره

رحمه / و لا هو و لا غيره انسى يولعوا كلهم فى بعض

ريهام / و هتسيبى روقيه الزباله دى تاخده منك بالبساطه دى

رحمه / متنسيش انا اللى سيبتهولها تشبع بيه هو اصلا مش فى دماغى

ريهام / براحتك بس اهدى

رحمه تمسح عنيها قبل مدموعها تنزل

.............

فى البيت

رحيم / هو انا مش طلبت منك بكل وضوح ان ملكيش دعوه بماجد

رحمه / و انت مالك بيا اصلا هو انا قولتك ملكش دعوه بروقيه قولتك ابعد عنها متروحلهاش متتصورش معاها و انتوا مسخسخين مالدحك و لا قولتلكوا متغيريوش العلاقه بتاعتكوا ل ايتز كومبليكاتيد

رحيم / الوضع مختلف

رحمه / اه طبعا انت راجل تعمل اللى انت عاوزه لكن انا لا

رحيم  / اه عشان كدا و عشان انتى فاهمه غلط اولا انا مفيش بينى و بين روقيه اى حاجه انا غيرت العلاقه من يوم مسبنا بعض هى غيرتها يوم عيد ميلادها ماشى فى فرق

رحمه / يا سلام

رحيم / انا عاوزك تعرفى ان روقيه عمرها مهتاذينى

رحمه / يا عينى

رحيم  / افهمى ماجد دا واد زباله

رحمه / و روقيه ايه

رحيم / بصى مالاخر كدا روقيه بتاذى نفسها انا مالى الكل عارف انى زى زيها و الصوره اللى هى مشيراها كان فى الناحيه التانيه منى و منها ناس و هى قصتهم و اسالى رامى

رحمه / هات مالاخر زهقت مالكلام

رحيم / انا بخاف عليكى

رحمه / متخفش انا مش صغيره و مش هبله و محدش يقدر يدحك عليا ماشى خليك فى حالك

رحيم / ده حالى دا يخصنى انتى تخصينى

رحمه / اخصك بمناسبه ايه باماره ايه

رحيم / انك بنت عمى و اى حاجه تمس سمعتك تمسنى سواء بقى ده عاجبك او لا و برده سواء ده عاجبنى انا و لا لا

رحمه / خلصت اتفضل من هنا

.............

بعد فتره

روقيه / اخر يوم فى الامتحانات ياه هم و انزاح ها ناوين على ايه فى الاجازه

رامى / انا هانتخ

روقيه / و انت يا رحيم

رحيم / طالعين شرم

روقيه / واو يا بختك

رحمه تطلع ماللجنه و هى بتعيط و تمشى

رحيم / عن اذنكوا

......

رحمه بتمشى بسرعه و رحيم بيحصلها

رحيم / رحمه رحمه

رحمه /  عاوز ايه

رحيم / بتعيطى ليه محلتيش كويس و لا ايه

رحمه / معرفش

رحيم / طب تعالى نروح

رحمه / مش عاوزه اعطلك عن حبايبك

رحيم / تعالى بس امشى ربنا يهديكى

..........

فى العربيه

رحمه / انا مزاكره المسائل دى كلها امبارح مش عارفه ايه اللى حصل جوه و لا اثبات يمشى للاخر و لا اثبات

رحيم / بتحصل عادى هو اصلا الامتحان كان رخم على فكره انا اصلا ملحقتش اخلص و زهقت و طلعت

رحمه / انت بتقول كدا عشان محسدكش

رحيم / انتى ايه الى جرالك خلاص دماغك قفلت للدرجادى 

رحمه / معلش اصلى غبيه

رحيم / تاكلى ايسكريم

رحمه / ممكن تروحنى و لا انزل اخد تاكس

رحيم / هروحك حاضر

...........

بعد كام يوم

فى الطياره

رحيم و عماد يقعدوا جنب بعض و رحمه تقعد جنب جدتها و الناحيه التانيه من رحمه بنت حلوه اوى لوحدها

عماد / بقولك ايه يا رحمه متنسى الزعل مسافه السكه و تبدلى مع اخوكى

رحمه / و انا ايه يجبرنى يعنى

عماد / وحياه اخوكى يا شيخه وحياه اخوكى يلا بقى

رحمه / اتفضل و افتكر

عماد / عمرى مهنسالك الجميل ده ابدا

رحمه تروح تقعد جنب رحيم

رحمه / ممكن اقعد جنب الشباك

رحيم / و انتى كنتى جنب الشباك هناك

…………………….

تكملة الرواية من هنا

بداية الروايه من هنا

قبل ماتخرجوا اتفضلوا الروايات الكامله من هنا 👇❤️👇❤️👇

 🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

  روايات كامله وحصريه