رواية الجامعه الغامضه الفصل الثاني والثالث والرابع بقلم إسراء ابراهيم جميع الفصول كامله
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
رواية الجامعه الغامضه البارت الثاني والثالث والرابع بقلم إسراء ابراهيم جميع الفصول كامله
 |
رواية الجامعه الغامضه الفصل الثاني والثالث والرابع بقلم إسراء ابراهيم جميع الفصول كامله
البارت الثاني
في الجامعه
كانت جميله وياسمين ماشين ومش مصدقين اللي شايفينه وفجاءه جميله خبطت في ولد
جميله: مش تحاسب يا بني ادم انت
عمر: ايه الطريقه دي انتي ازاي بتتكلمي معايا كده انتي مش عارفة انا مين
جميله: هتكون مين يعني
عمر:بصي انا مش هقف اتكلم مع اشكالك دي علشان مش بتعامل مع مستوايات كده ومشي وسابها
جميله: يابن اللذينه يلا بينا يا ياسمين
ياسمين وشافت ولد حلو من بعيد: بصي بقي يا جميله احنا علطول مع بعض سواء في المنطقه او في المدرسه فانا وانتي لازم نفترق عن بع...
جميله قاطعتها: كل ده بتقوليه علشان تسيبيني خلاص روحي يا ياسمين شوفي عايزه تعملي ايه وسابتها ومشيت وهي الدموع في عينيها مكانتش متخيله ان صاحبه عمرها تتفرق عنها بالسهوله دي
ياسمين خبطت في الولد بقصد: اه اسفه
الولد بنظره خبث: لا ولا يهمك يا قمر
ياسمين: لمت حاجتها ايه ده انا عندي محاضره عن اذنك
فريد: اذنك معاكي
فريد في نفسه: شكل الجامعه لمت اشكال حلوه وانا هعرف اتصرف ازاي معاهم
في المدرج جميله كانت مستنيه ياسمين عند الباب علشان يقعدوا جمب بعض بس ياسمين تجاهلتها وراحت قعدت جمب شله كبيره من الولاد والبنات
جميله شافت بنت قاعده في الاخر خالص راحت قعدت جمبها والبنت دي مخبيه جزء كبير من وشها بشعرها
جميله: اهلا انا جميله انتي اسمك ايه
زينب: اسمي زينب
جميله: ممكن سوال
زينب: انا عارفه سوالك انتي عايزه تسالي انا ليه مخبيه وشي صح
جميله: اها
زينب: متاكده انك عايزه تشوفيه
جميله: ايوه
زينب كشفت وشها وكانت مريضه بهاء
جميله: قمر ماشاء الله ممكن نبقي صحاب
زينب: انتي بتقولي ايه انا محدش بيحبني
جميله: لا ازاي انا بحبك الدكتور دخل نبقي نكمل كلام بعد المحاضره واه سيبي وشك ظاهر ده مش عار عليكي علشان تخبي وشك كده
بعد المحاضره
جميله وزينب كانوا قاعدين في الكافتريا وبيتعرفوا علي بعض وفجاءه جه عليهم عمر وشلته
عمر: يعني انتي كده جايه الجامعه بمنحه وبتتنكي علينا
يا حبيبتي انتي اخرك تمسحي الترابيزات دي شايفاهم
جميله مسكت ايد زينب وكانوا هيمشوا بس وقفهم صوت بنت مع عمر
ميرا: وانتي مش مكسوفه تمشي كده بوشك ده انا لو مكانك مكنتش هنزل من البيت
لفت جميله وضربتها بالقلم: اسكتي بقي انا اللي لو مكانك مكنتش هنزل من البيت عارفة ليه علشان انتي سوده من جوه انتي بتحقدي عليها ليه معرفش والله دي اسبابك
عمر: انتي ازاي تمدي ايدك عليها انتي مجنونه
جميله: اه مجنونه وخلي في علمك انا مش قطه مغمضه علشان اسكت ليكم علي كل دهلا فوقوا يا ولاد المدارس الخاصه لا انا مش بسكت عن حقي
العميد من وراها: انتي ازاي تمدي ايدك علي بنتي لا وكمان بتزعقي في وسط الجامعه ومش همك ورايا علي مكتبي
جميله راحت وراه
في مكتب العميد
العميد: ليه ضربتي ميرا بالقلم
جميله: علشان تنمرت علي صحبتي
العميد: طب لو كنتي تعرفي انها بنتي كنتي عملتي
جميله: اه علشان انا مش بيهمني حتي لو بنت وزير انا مومنه بان لو اي حد غلط لازم يبقي ليه عقاب وكان لازم اديه ليها
العميد: انا بحيكي علي شجاعتك بس صوت عالي وضرب في الكافتريا لا ابقي هاتيها ليا وانا هتصرف بمعرفتي يلا اتفضلي روحي علي محاضرتك
بعد انتهاء المحاضرات
جميله: تعالي بقي يا زينب اعرفك علي ابويا واخويا كمان
وتقعدي معايا شويه
زينب: ماشي وبكره هتيجي معايا بيتي ماشي
جميله: ماشي
عند السوبر ماركت بتاع سيد (ابو جميله)
جميله دخلت هي وزينب السوقر ماركت
سيد: اهلا استاذه جميله
جميله: استاذه يا بابا انت مفكرني هتكسف منك وراحت وقفت جمبه وباست دماغه ده انت تشرفني وتشرف البلد كلها بصي بقي يا ستي ده بابا وده السوبر ماركت اللي كنت باجي اقعد فيه ايام الثانويه العامه اذاكر وبابا يروح شغله التاني
زينب: ازيك يا عمو
سيد: الحمدلله بخير يا بنتي يلا يا جميله اطلعي خدي صاحبتك واقعدوا مع بعض في البيت
زينب: لا ازاي يا عمو خلاص انا والبت جميله هنقعد هنا في السوبر ماركت وحضرتك اطلع ارتاح او لو وراك شغل تاني
جميله: هو ده الكلام
سيد: طيب انا هروح شغلي التاني ولو اخوكي جه يا جميله ابقي اديه فلوس الكورس هتلاقيها في الدرج
جميله: حاضر يا بابا
بعد شويه
يوسف: جميله بابا ساب معاكي فلوس الكورس ولا لا
جميله: اه سابهم اتفضل
وبعد ما خرج ياسمين جت
جميله: ياسمين ممكن تقعدي انتي في المحل علشان هروح اعمل حاجه
ياسمين بخبث: ماشي
جميله: يلا يا زينب ومشيوا ورا يوسف بعربيه زينب
بعد شويه وصلوا لشارع شبه مهجور يوسف دخل فيه
يوسف: الحقني بالجرعه احسن انا هموت وعطاهم الفلوس
كل ده وجميله بتصوره فيديو
عمر وهو في العربيه شافها
(ملحوظه: عمر الطريق اللي بيروح منه بيته اتقفل فاضطر ياخد الطريق ده)
عمر نزل من العربيه: ايه ده امال ليه عامله لينا في الجامعه انك الكبرياء والكرامه وانتي جايه في شارع مهجور تبيعي شر*فك
جميله ضربته بالقلم: انت ازاي تقول عليا كده
عمر:...........
عند ياسمين
كانت بتدور علي مفتاح درج الفلوس لحد ما لقته واخدت فلوس اللي كانت في الدرج
٣
عمر وهو في العربيه شافها
(ملحوظه: عمر الطريق اللي بيروح منه بيته اتقفل فاضطر ياخد الطريق ده)
عمر نزل من العربيه: ايه ده امال ليه عامله لينا في
الجامعه انك الكبرياء والكرامه وانتي جايه في شارع مهجور تبيعي شر*فك
جميله ضربته بالقلم: انت ازاي تقول عليا كده
عمر:والله كل حاجه قدامي بتقول كده
جميله لسه هترد فجاءة يوسف اغمي عليه فجريت هي وزينب عليه سندوا واخدوه عربيه زينب
عند ياسمين
كانت بتدور علي مفتاح درج الفلوس لحد ما لقته واخدت فلوس اللي كانت في الدرج
في عربيه زينب
زينب: طب هنعمل ايه هناخده المستشفي
جميله: لا طبعا واكيد مش هينفع البيت لان ممكن بابا يشوفوا
زينب: خلاص تعالوا عندي
جميله: بجد شكرا جدا ليكي
زينب: متقوليش كده احنا اخوات ولا ايه
جميله: طبعا
بعد شويه كانوا وصلوا بيت زينب وزينب كلمت دكتور يجي يكشف علي يوسف ويقول ليهم يتصرفوا ازاي
الدكتور: والله احنا محتاجين تحاليل علشان نعرف هو وصل لحد فين في مرحله الادمان وعلي حسب ما ظاهر يعني من شكله وكده هو لسه في البدايه فهنعمل كالاتي هتروحوا مصحه علشان يتعالج وهما هناك هيعملوا اللازم من تحاليل وكل اللي هيحتاجه
جميله: تمام يا دكتور شكرا
الدكتور: عن اذنكم
بعد ما الدكتور مشي
ساره (اخت زينب الصغيره): لا الموضوع ده ميتسكتش عليه انتي جايبه واحد مدمن البيت وممكن يكون بيتاجر فيها كمان
زينب: عيب يا ساره ده اخو صحبتي
ساره: ويعني صحبتك دي بقالها ميه سنه ده انتي لسه عارفاها النهارده ومن اول يوم والمشاكل بترف علي دماغك انا هروح الدرس ارجع مش عايزه اشوف وش حد فيهم
بعد ما مشيت
زينب: معلش يا جميله هي متاثره وعلي حالتها كده من ساعة موت بابا وماما في حادثه والموضوع ده عامل ليها ازمه نفسيه حاده حاولت اوديها لكذه دكتور نفسي الاول كانت بترفض وبعد كده وافقت وبقت تروح تفضل ساكته
جميله: ربنا يعينك يا حبيبتي هو بس يوسف يفوق وهاخده اوديه المصحه بس المشكله اقول ايه لبابا
زينب: قوليله هيقعد عند صاحبه علشان بيت صاحبه قريب من الجامعه بس
جميله: فكره
يوسف: اه دماغي انا فين
جميله: ينفع يا يوسف اللي عملته فيا ده طب اقول ايه لبابا ها قولي اقوله ايه اقوله اخويا بيتعاطى المخدرات طب انت ليه مفكرتش فيا او في ابوك بلاش فينا مفكرتش في نفسك ايه ممكن يحصلك ليه تعمل كده طب مصعبش عليك الفلوس اللي ابوك بيشتغل ويتعب ويحرم نفسه من كل حاجه علشان بس عايز يشوفنا احسن الناس
يوسف: انا زهقت زهقت من الكلام ده بجد زهقت خلاص يا ست جميله يا مجتهده يا شاطره ياللي احسن مني في كل حاجه انتي احسن مني يا جميله ارتاحتي
جميله: انت متاكد من اللي انت تقوله انت بجد بتغير مني انت بجد كده وخرجت من الاوضه وسابته
زينب: يوسف ممكن اقولك حاجه
يوسف: يووه مبقاش باقي غير الاطفال تنصحني يا حبيبتي انا عندي 20سنه وداخل في 21وخلاص هتخرج هسمع كلام واحده في سنك
زينب: يا اخي اسمع ولو معجبكش اسمع من هنا وفوت من هنا
يوسف: ها
زينب: صدقني يا يوسف انت في نعمه انت مش حاسس بيها انت ابوك لسه عايش يعني لما تتعب من الدنيا كلها تروح تترمي في حضنه مش مسئول من حد من اخواتك ولا حتي مسئول علي نفسك ابوك هو اللي مسئول عن كل ده يوسف احساس اليتم صعب وبعدين بص حواليك شايف البيت ده كله عارف البيت ده عباره عن ايه عباره عن حزن وعياط كل واحده مني انا واختي في سيريرها بليل قبل ما تنام عارف يا يوسف انا رغم البيت ده كله وبيتنمروا عليا ليه علشان حاجه مليش علاقه بيها علشان مريضه بهاء انا عشت حياه تنمر مش طبيعيه انا كرهت نفسي وكرهت حياتي
يوسف: انا اسف اني فكرتك بكل ده
زينب: انا فاكره مش ناسيه بس ممكن متقهرش جميله اكتر من كده جميله اختك وخايفه علي مصلحتك
يوسف: تمام يا..
زينب: زينب اسمي زينب
يوسف: يا زينب اتشرفت بمعرفتك
وانتهي اليوم بان يوسف راح مصحه علشان يتعالج من ادمان المخدرات وكلها شهر وهيخرج وجميله روحت وقفلت السوبر مركت وطلعت بيتها ونامت علطول من التعب
تاني يوم
في الجامعه كانوا مجمعين سنه اولي وتانيه فنون جميله يعملوا رسمه مع بعض وللحظ السعيد جميله وعمر كانوا مع بعض في مجموعه
(ملحوظه: عمر عنده 21 سنه بس هو سقط سنتين في سنه اولي وحاليا هو في سنه تانيه)
جميله: لا لا مش كده
عمر: والله مبقاش باقي غير بتاعت الشوارع المهجوره هي اللي تقولي اعمل ايه
جميله مسكت الالوان ورمتها في وشه
عمر: انتي اتجننتي ولا ايه
جميله: والله انت لسه مشفتش جنان اللي يتكلم عليا نص كلمه انت متعرفش اعمل فيه ايه ومشيت وسابته واقف وكان شكله عامل شبه 🤡 بعد الالوان اللي رمتها في وشه
بعد انتهاء جميع المحاضرات
جميله: يلا انا مروحه يا زينب عايزه حاجه
زينب: لا شكرا خدي بالك من نفسك
في السوبر مركت
سيد كان بيدور علي الفلوس اللي في الدرج ومش لاقيها
سيد: جميله هي الفلوس اللي كانت في الدرج راحت فين
جميله: فلوس ايه!!
سيد: هو مفيش غيرها....... اللي سرقت الفلوس
جميله: لا طبعا انت بتقول ايه
عند ياسمين
كانت اخدت رقم فريد وبتتكلم معاه شبه يومي
فريد: ما تيجي نتجوز عرفي
ياسمين: نعم انت بتقول ايه
فريد: متقلقيش هنتجوز بعدها رسمي علطول بس انا خايف والدك يرفضني علشان لسه طالب في الجامعه وكده
ياسمين:........
٤
في السوبر ماركت
سيد كان بيدور علي الفلوس اللي في الدرج ومش لاقيها
سيد: جميله هي الفلوس اللي كانت في الدرج راحت فين
جميله: فلوس ايه!!
سيد: هو مفيش غيرها زينب اللي سرقت الفلوس
جميله: لا طبعا انت بتقول ايه
عند ياسمين
كانت اخدت رقم فريد وبتتكلم معاه شبه يومي
فريد: ما تيجي نتجوز عرفي
ياسمين: نعم انت بتقول ايه
فريد: متقلقيش هنتجوز بعدها رسمي علطول بس انا خايف والدك يرفضني علشان لسه طالب في الجامعه وكده
ياسمين: ماشي انا موافقه
في السوبر ماركت
جميله: يا بابا لازم نتاكد قبل ما نتهم حد
سيد: هنتاكد ازاي
جميله: من الكاميرات
سيد: ماشي
بعد شويه
كانوا فتحوا الكاميرات
جميله: ياسمين!!
وجريت راحت علي بيت ياسمين
في بيت ياسمين
الباب كان بيخبط جامد
ياسمين: ايوه ايوه يا اللي بتخبط مش هنطير
وفتحت الباب
جميله اول ما شافتها ضربتها بالقلم: اخص علي اللي سماكي صاحبه انا مش عارفة كان عقلي فين لما صاحبتك يا شيخه ربنا ياخدني علشان اعتبرتك صاحبه بجد
ياسمين: هو في ايه بالظبط
جميله: والله في ايه اقولك في ايه في صاحبه خا*ينه بتسرق صاحبتها
ياسمين: انتي بتقولي ايه
جميله: انتي هتحوري عليا الكاميرات مصوراكي وانتي بتس*رقي
ياسمين: يعني عايزه ايه
جميله: عايزاكي تشبعي بالفلوس اللي سرقت*يها يا زبا*له وعايزه معرفكيش تاني وسابتها ومشيت
تاني يوم في الجامعه
الدكتور: انا عايز مجموعات المره اللي فاتت يعملوا مع بعض بحث
جميله وعمر في صوت واحد: لا طبعا انا عايز/ة مجموعه تانيه
الدكتور: كل المجموعات خلاص متفقين مع بعض ومش هينفع نغيرهم
جميله وعمر بصوا لبعض بقله حيله
بعد انتهاء المحاضرات جميله وزينب كانوا قاعدين في الكافتريا
عمر: لازم نتقابل علشان نعمل البحث
جميله: للاسف الشديد هنتقابل فين
عمر: عندي في البيت
جميله: نعم
عمر: يعني هنتقابل فين
جميله: في اي حته
عمر: يعني عندي في البيت
جميله: لا
عمر: طب هنتقابل فين
جميله: في اي مطعم
عمر: خلاص مطعم ******* الساعه ٤
جميله: ماشي
عمر: وياريت متجيش
جميله: نينينينيني ولا كاني سمعت حاجه
في المطعم
جميله: يوووه اخلص بقي علشان نخلص مش طايقاك
عمر: حوش يا بت انا اللي بموت في دباديبك
جميله: يلا خلينا نخلص بقي
عند ياسمين وفريد
كانوا اتجوزوا عرفي
فريد: منورين والله يا رجاله
احمد: ده نورك والله يسطا
سليم: اه ونور عروستنا القمر
(ملحوظه: دول الاتنين اللي شهدوا علي عقد العرفي)
فريد: يلا يا بارد منك ليه من هنا
عند جميله وعمر
جميله: ثانيه بقي كده علشان شكلنا هنبقي مع بعض علطول مجموعه ممكن اعرف ايه سبب كرهك ليا
عمر: انتي ايه سببك
جميله: انك متنمر
عمر: وانا انك مغرور وعامله فيها عندك كرامه وماشيه ترازي في خلق الله
جميله: اولا في فرق بين الكبرياء والغرور انا عندي كبرياء مش مغروره ثانيا مش عامله فيها انا فعلا عندي كرامه ثالثا انا مش برازي في خلق الله انا مش بقدر اسكت علي الغلط
عمر: وبعدين ازاي هنحسن علاقتنا ببعض
جميله: انا معنديش اي مشكله نبدا من جديد وننسي اي حاجه عرفناها عن بعض وفي مثل بيقول ما بحبه الا بعد عداوه واحنا زودنا العداوه مبينا جامد
عمر: تمام يلا نخلص ام البحث ده بقي علشان نخلص
جميله: افهم من كده انك مش طايقني ولا حاجه
عمر: لا مش قصدي
جميله: ولا قصدك ما انت....
عمر: انا ايه
جميله: ما انت لو مهتم كنت عرفت انا كنت هقول ايه بس هقول ايه الاهتمام مش بيطلب
عمر: ايوه يعني كنتي هتقولي ايه
جميله: الصراحه مكنتش هقول حاجه
بعد مرور اسبوع
عند ياسمين وفريد
ياسمين:فريد انا حاسه اني حامل
فريد: نعم احنا متفقناش علي كده
ياسمين: يعني ايه
فريد ومسك الورقه وقطعها نصين: يعني كل حاجه بينا انتهت
ياسمين: نعم انت بتقول ايه انت ازاي تعمل فيا كده انا هروح ابلغ عنك
فريد: وهتعمليها ازاي
ياسمين: بالورقه اللي معايا
فريد: دي ومسك الولاعه وحرق الورقه
ياسمين: انت فاكر الموضوع سايب في شهود علي الجواز
فريد: اه صحابي صح وانتي بتحلمي انهم يشهدوا معاكي
ومسكها من شعرها ورماها قدام باب الشقه
فريد: انتي واحده رخي*صه وانا اخدت منك كل اللي انا عايزه هتجوزك ليه ولو حامل فاللي في بطنك ده ميلزمنيش واه غوري في داهيه يا وس*خه
ياسمين راحت الصيدليه وجابت اختبار حمل وروحت البيت وعملته وطلعت مش حامل وفجاءه تلفونها رن
وسابت اختبار الحمل علي السفره وراحت ترد وبعد كده نسيته
بعد شويه
محمد بزعيق: ياسمين ياسمين
ياسمين: نعم يا بابا
محمد ومسكها من شعرها: ايه ده
ياسمين: استني يا بابا والله هفهمك
محمد: انتي عملتي كده ازاي ومع مين ها قوليلي ازاي تعملي كده فيا يابنتي حرام عليكي وانا اللي طول عمري بحاول اديكي كل الحب علشان متروحيش لاول واحد بس انا غلطت اني احترمت خصوصيتك ومكنتش بسال رايحه فين ولا جايه منين و اه اه واغمي عليه
ياسمين: بابا بابا فوق ونبي
وجريت علي التلفون واتصلت بالاسعاف
بعد الشويه
الاسعاف جت واخدوا والدها علي المستشفي
في المستشفي
الدكتور: للاسف جاتله ازمه قلبيه ومعرفناش نسعفه في الوقت المناسب البقاء لله يا انسه
ياسمين: لا بابا لا متسبنيش لا
بعد شويه كانت ياسمين كلمت قرايبهم وروحت البيت واتصلت علي جميله
جميله: الو عايزه ايه
ياسمين بانهيار: جميله سامحيني ماشي انا غلطت في حقك كتير
جميله: اهدي وفهميني
جميله: الو الو
عند جميله
جميله: بابا انا لازم اروح عند ياسمين دلوقتي
سيد: ماشي يا بنتي روحي
في بيت ياسمين جميله كانت بتخبط الباب وياسمين مش بتفتح
جميله: ياسمين افتحي افتحي يا ياسمين
جميله لبواب العماره: اكسرلي الباب ده
ولان البواب عارفها كسره
ودخلت علي اوضه ياسمين
جميله: ياسمين انتي عملتي ايه!!
يتبع
رواية الجامعه الغامضه الفصل الاول بقلم إسراء ابراهيم جميع الفصول كامله
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
رواية الجامعه الغامضه الفصل الاول بقلم إسراء ابراهيم جميع الفصول كامله
 |
رواية الجامعه الغامضه الفصل الاول بقلم إسراء ابراهيم جميع الفصول كامله
جميله: الله اكبر الله اكبر وقامت نطت من الفرحه
ابو جميله(سيد): ايه كام كام
جميله وعنيها مليانه دموع: ٩٨٪ باركلي يا بابا هاخد المنحه وهدخل الجامعه اللي نفسي فيها وحضنت ابوها
سيد: الف مبروك يا حبيبتي وعقبال اخوكي يارب ربنا يهديه ويجيب مجموع حلو زيك كده
جميله: امين يا بابا انا هروح افرح ياسمين معايا واعرف عملت ايه
سيد: تمام يا بنتي وانا هنزل المحل
جميله نزلت بسرعه وراحت علي العماره اللي قدامهم وفضلت تخبط علي الباب
ياسمين: ايه يا جميله عملتي ايه
ياسمين في نفسها: يارب تكون درجتك وحشه ما انتي مش احسن مني
جميله: ٩٨٪ واخيرا هاخد المنحه وهروح الجامعه اللي بحلم بيها وانتي عملتي ايه
ياسمين: انا انا ٦٧٪
جميله: معلش يا حبيبتي عادي علي فكره مش بالمجموع اهم حاجه التخصص اللي هتتخصصي فيه تحبيه
ياسمين: تمام ياجميله بس معلش انا عايزه اقعد لوحدي شويه
جميله: تمام ومشيت
ياسمين بعد ما قفلت الباب: ازاي ازاي تجيب كده دي مكانتش بتاخد ولا درس وانا كنت باخد في كله ياشيخه ربنا ياخدك زي ما انتي علطول محسساني بالنقص كده يا بابا يا بابا
ابو ياسمين (محمد): ايه يا بنتي
ياسمين: بابا اتصرف انا لازم ادخل الجامعه دي اتصرف
محمد: هعملك ايه يعني يا بنتي ما في اليد حيله كان كل املك انك تجيبي درجه حلوه زي جميله اللي انتي علطول بتغيري منها ومن شطارتها
ياسمين: اتصرف يا بابا ارجوك ارجوك
محمد: بس توعديني انك هتتفوقي في الجامعه
ياسمين: اوعدك يا بابا
محمد: ماشي انا هاخد قرض بضمان البيت بس اياكي يا ياسمين بعد ده كله متتفوقيش في الجامعه
بعد مرور فتره
في الجامعه
كانت جميله وياسمين ماشين ومش مصدقين اللي شايفينه وفجاءه جميله خبطت في ولد
جميله: مش تحاسب يا بني ادم انت
عمر: ايه الطريقه دي انتي ازاي بتتكلمي معايا كده انتي مش عارفة انا مين
جميله: هتكون مين يعني
عمر:..........
ومن هنا بتبدا رواياتنا الجامعه الغامضه
للكاتبه: إسراء إبراهيم
اتمني يكون البارت عجبكم وباي
البارت الثاني والثالث والرابع من هنا
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️