رواية سدرة الفصل الاول والتاني والتالت بقلم الكاتبه نعمه شرابي جميع الفصول كامله
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
رواية سدرة الفصل البارت والتاني والتالت بقلم الكاتبه نعمه شرابي جميع الفصول كامله
 |
رواية سدرة الفصل الاول والتاني والتالت بقلم الكاتبه نعمه شرابي جميع الفصول كامله
الفصل الأول
انا سدرة طالبة بالفرقة الرابعة كلية صيدلة اعيش مع امي وابي واخواتي البنات جنى و سجى حبايب قلبي ونور عيونى من جوة وجدو حبيبي اللي عيشنى معاه احلي ايامى وكانت طلباتى انا واخواتى مجابه طول ما كان عايش وحبيبي الجميل الدكتور الرائد فارس
اللي هون علية حياتى بعد موت جدى
هنبتدى من قبل موت جدى باسبوع كنا كلنا ملفوفين حوالية بيحكي لنا عن اسامينا وان هو اللي سمانا وان اسامينا من الجنه انا وجني وسجي
وانه سمى امي زينب قدوة بالسيده زينب بنت الرسول وكان دايما يقول.لي انت يا سدرة اسمك نادر زي جمالك اسمك نوع من أنواع النجوم نادرة الوجود وعلي اسم شجرة السدر وده شجر الجنه وهي احنا بنقول عليها شجرة النبق
ويقول لجنى يقول لها اسمك ذكر في القرآن بتاع ربنا انتي وسجى وكنا بناخد كلامه علي انه راجل كبير ومش بنزعل منه بس جدى كان بيزعل دايما من امي ويقول الله يكون في عونكم منها من بعدى وكانت بتعامله وحش مع انه ابوها ومقعدنا معاه في بيته وبيصرف علينا معاشه هو كان موظف في السكة الحديد مش عايزة اطول عليكم بس حبيت اعرفكم حاجة بسيطة من حياتي ايام ماكنت بضحك من قلبي ايام مكان قلبي فرحان وسعيد ويوم موت جدى حدث شئ كلنا زعلنا منه ايه هو تعالوا نبتدى الرواية مع سدرة وفارس
صحيت الصبح علي صوت صويت جاى من اوضة جدى قمت اجرى
في اية يا ماما بتصوتي لية
زينب ابويا مات يا سدرة معتش لي حد في الدنيا خلاص بقيت مقطوعة من شجرة ولا حتي لي عيل يشيل همي كلكم ولاية ربنا بيعقبني بخلفتى البنات
سدرة انتي بتقولي اية استغفرى ربنا يا امي انت بتصلي والكلام ده حرام وربنا يخللنا بابا هو بدل جدى
زينب أبوكى ده حيطة مايله بكرة تقولي امي قالت بلا خيبة الله يسمحه بقا ابويا
سدرة لية كدا ياماما بس وانا واخواتى بميت ولد انا كمان سنة هبقي دكتورة صيدلنية واختي اخر سنه ثانوية وسجى في اولي ثانوى بناتك زى الفل وهيتعلموا تعليم عالي تتباهي بيهم
شحاته في اية يا زينب بتصوتى لية
زينب روح هات المغسلتية يغسلوا ابويا عشان يلحق نصلي علية الضهر
شحاته هو عمى تعيشي انت لا حول ولا قوة الا بالله العلي العظيم الله يرحمه
وذهب ابي واقام العزاء وعمل كل مايلزم
كل هذا ولم ترضي امي بما فعله ابى وانصرف المعزين وجلسنا انا واخوتى علي
السفرة نتناول بعض الطعام الذى لم نذقه منذ الصباح بابا تعالي حبيبي كل لقمة اسند بها طولك انت طول النهار مكلتش
يلا يا ماما عشان تصلبي طولك ملوش لازمه جدى في مكان احسن من هنا
بابا.. الله يرحمه ويحسن مثواه كان راجل طيب وحنين كان دايما يحسسني اني انا ابنه مش جوز بنته وكتب لها البيت عشان ومحدش من ولاد عمها يقف لها
ماما.. لاء كتبه عشان عارف انك مايل ومتقدرش تفتح بيت صح ولا تصرف علي مراتك وبناتك وكل ما تجيلك شغله عدله تقول حرام وحلال اتوكس وكل وانت ساكت احسن خليني ساكته بأهرتي
صدمت انا واخواتى وتركنا الاكل وقومنا
وانا استاذنت امى انى هاخد اوضة جدى من بكرة انقل فيها حاجتي
ودخلت الاوضة انام لقيت بابا بيعاتب ماما
بقي انا يا زينب تقلي بية قدام عيالك لية قصرت معاكى في اية عشرين سنه عايش معاكى ومرضاش اتكلم عشان خاطر جمايل ابوكى الله يرحمه .كل طلباتك بجيبها انا مدرس وعندى مبادئي ودروس مش هدى ولا امص دم الناس الغلابه يا عالم بيدفعوا فلوس الدروس دى الزاى وكم دعوة بيدعوها ع المدرسين
ألله يسمحك ويهديلك نفسك يا زينب
ماما.. روح نام يا اخويا هو ده اللي بناخده منك كلام وبس
في الصباح اتصلت علي نورا زميلتي وصحبتي اه انت فين طيب انا مش جاية النهاردة وبكرة سجلي لي المحاضرات والسكاشن هخدهم منك
نورا.. مش هتيجى لية بس ده النهارده
محاضرة الدكتور ماجد هو دمه واقف بس علي فكرة هو عينه منك ياجميل
انا اتلمى يا نورا جدوا اتوفي امبارح
ومش هعرف اجى الجامعة
نورا.. الله يحرقك طب لو الدكتور ماجد سالنى عليكي اقوله اية وانت عارفة مبيحبش حد يغيب في محضرته
سدرة.. قولى له انى مت ربنا يأخذك انت وهو وارتاح منكم غورى ..ولبست وذهبت الكلية دخل لنا دكتور ماجد وكان معاه
فارس وكانت عن تفاعلات المواد الكميائية واضرارها للانسان وكان فارس هو اللي هيشرح وقتها كان طالب في الفرقة الخمسة اخر سنه وكان دكتور ماجد بيحضر طلبه الفرقة الخامسة تشرح لنا بعض المحاضرات ووقف فارس يشرح وانا سرحت في جماله وتحديده دقنه
واثناء الشرح انتبه فارس لي ولاندماجى في جماله وقال الانسة ام طرحة ابيض في اسود ممكن تعيد انا قلت اية بعد اذنك مقدرتش امسك نفسي من الاحراج وقالت له ما شرحه واستغرب اني سردت
تفاصيل المحاضرة وقال اقعدى وانتبهي
وبطلي تسرحي في خجلت واتمنيت الارض تنشق وتبلعنى بعد المحاضرة روحنا الكافتريا انا ونورا وانا راحة اجيب كافية سندوتش لي ولنورا خبطت في شخص واندلق علية الكافية
ماجد.. مش تفتحي اعمل اية دلوقتي
بصيت له وصعقت
سدرة الفصل الثاني
بقلم نعمه
ماجد.. للدرجة ماشية سرحانه ماهو لو بتركزى في مذكرتك وفي طريقك مكنش ده حصل خدى المفاتيح دى خلي سايس البارك يديكى البدله اللي في العربية
انا مسكت دموعي ونظرت إلى الارض واخدت المفاتيح واعطيت نورا الشندوتش
وكان فارس يشاهد كل ما حدث ورائنى وانا ابكى والدموع تجرى علي وجنتي ونورا تهدئنى حتى تقدم هو واول مرة يكلمنى
فارس.. هاتي
المفاتيح يا انسة وانا اجيب البدله انا وانتي روحى اديها له
خوفت ان اعطيه المفاتيح لاءلاء شكرا هروح انا اصل لو عرف هيزعلنى اكتر
بعد اذنك ونشفت دموعي وأنا ماشية
فارس.. يا انسة يا انسة ممكن اعرف اسمك اية لو مش يضايقك
سدرة.. اسمى سدرة شحاته
فارس.. إسم نادر وجميل بس صحبته ضعيفة مش قوية زى الاسم
سدرة.. معلش اصل عندى ظروف والمفروض انى مجيش بس خفت الدكتور ماجد يعاقبنى وانحرم من المحاضرات
فارس.. طيب ممكن اعرف انت زعلانه من اللي حصل مع دكتور ماجد
سدرة.. ابدا هو يستاهل اكتر من كدا
فارس.يستاهل اكتر من كدا لية
سدرة.. عشان غلس واتم ونكد علية اكتر ما انا منكدة ومش تسالنى لية لان جدى توفي امبارح وانا زعلانه علية وسلام عشان الدكتور ماجد ميكلمنيش
فارس.. سلام وفرصة سعيدة اتمني نتقابل تانى يا سدرة
سدرة.. جريت واحضرت البدلة للدكتور ماجد ودقت الباب دقة خفيفة حتي امرها بالدخول واعطته البدله
سدرة.. اتفضل حضرتك وانا اسفة كتير كنت ماشية زعلانه عشان جيت النهاردة
ماجد .. لية زعلانه ومش عاوزة تيجى
سدرة.. أصل أصل جدو اتوفى امبارح
مكنتش عاوزة اجى وخفت حضرتك تحرمنى من المحاضرات طول السنه
ماجد ..البقاء لله ممكن تروحى ومتجيش بكرة وانا ابقي اعيد لكى المحاضرة
سدرة.. بجد بجد يا دكتور الله يخليك
استاذن انا واسفة كمان مرة
ماجد.. استنى عندك
سدرة.. نعم حضرتك تامرنى بشئ
ماجد.. اسمك اية
سدرة.. أنا أنا اسمى اسمى
ماجد.. اية جالك زهيمر ولا نسيتى اسمك
سدرة.. لا ابدا بس مفاجأة حضرتك تسألني عن اسمى انا اسمى سدرة
ماجد.. طيب اتفضلي ومن بعد بكرة تلتزمى في المحاضرات ومش عاوز لعب
سدرة ... حاضر حضرتك
وذهبت إلى نورا وقصت عليها ما حدث واخذت شنطتها واشياؤها وذهب إلى البيت وفي الطريق اشترت كل ما اردته امها من لوازم البيت
زينب .. اية اللي رجعك بدرى كدا يا سدرة
سدرة.. أبدا يا امى استاذنت وجيت محتاجة انام منمتش حلو امبارح
زينب.. طيب روحى نامى علي ما جنى تعمل الغدا اصل جاي لنا ناس من بلد جدك
سدرة.. طيب ادخل اساعدها
زينب.. لاء روحى نامى هى وسجى جوه
ودخلت نمت ووانا نايمه حلمت اني لبسة فستان ابيض وانا في فرح كبير وناس كتير وكبيرة من البلد موجوده بس الفرح مقسوم نصين نص لابس لبس افراح والنص التانى لابس اسود ولقيت طرحتى علي الفستان سمراءوالفستان ابيض وصحيت علي صوت سجى اختي بتقولي اصحى العصر هيأدن قومى نصلي جماعة
استغفرت ربنا وقمت وصليت انا واخواتي وامى جماعة في محراب صغير في البيت كان جدو عامله له عشان مكنش بيقدر يروح صلاة الجماعة في الجامع
وجاء قرايب جدى واولاد عمها وانقضى اليوم وكان ابي بين المعزيين جالس لا يتكلم يخشي أن تحرجة امى بكلمه
وعدى اليوم التاني وفي اليوم الثالث ذهبت الي كليتى وهناك قابلت نورا لاعرف منها الاخبار واخذت منها كشكول
المحاضرات كى انقل ما فاتنى وعرفت منها ان محاضرة العملي اجلت لليوم
وذهبنا الي محاضرة العملي وهناك كان الدكتور ماجد يشرح بكل ثقة وهو فعلا يستحق لقب دكتور ممتاز في مادته
ده بغض النظر انى مش بستلطفه
وانهي المحاضرة وقال سدرة حصلينى ع المكتب
حسيت الدنيا انشقت وبلعتني نورا هو قال سدرة ولا انا بيتهيء لي خير يا ترى عايز منى اية استر يارب
وقفت امام باب المكتب مترددة في الدخول لمحت فارس وهو يقترب مني
فارس.. خير يا سدرة وقفه كدا لية
سدرة.. دكتور ماجد قال لي حصلينى ع المكتب وخايفة ادخل
فارس.. طب تعالي هندخل سوا
سدرة.. لاءلاء مش عاوزة اعمل لك مشكة
فارس.. مشكلة اية بس دكتور ماجد عمى
بصراحة صدمت بقي فارس القمر الجميل
البشوش يبقي ابن اخو ماجد الإتم
دخلنا ورحب ماجد ب فارس ونظر الي
ماجد.. اتاخرتى كدا لية يا انسة سدرة
سدرة.. ابدا حضرتك هو هو اصل كنت خايفة اجى حضرتك عاوزنى خير يا دكتور هو انا عملت حاجة
ماجد.. لاء مش عملتي انا جبتك واتصلت
علي الدكتور فارس عشان يشرح لكى المحاضرات الي فاتت لانهم مهمين وانا عارف انك متفوقه مع الدكاترة زميلي
وعوزك متفوقة في مادتي بعد اذن الدكتور فارس انا عارف انك معندكش محاضرات اليوم فلو وقتك يسمح
تشرح لها محاضرات امبارح
فارس.. ابدا انا تحت أمرك تحبي اشرحهم هنا ولا نروح الكافتريا ..
سدرة.. مش عارفه ترد مزهوله من تصرف ماجد واول مرة يعمل كدا مع طالبه عنده
نفس الموضوع فارس مستغرب موقف عمه انه رن جابه من البيت من اجل ان يشرح لسدرة المحاضرات
فارس. انسة سدرة تحبي نقعد هنا ولا في الكافتريا زى ما
سدرة
الفصل الثالث
بقلم نعمه شرابي
➿➿➿➿➿➿➿➿➿➿
سدرة.. مش عارفه ترد مزهوله من تصرف ماجد واول مرة يعمل كدا مع طالبه عنده
نفس الموضوع فارس مستغرب موقف عمه انه رن جابه من البيت من اجل ان يشرح لسدرة المحاضرات
فارس. انسة سدرة تحبي نقعد هنا ولا في الكافتريا زى ما تحبي
سدرة.. لاء لاء لاء في الكافتريا افضل
ماجد.. لاء هنا افضل عشان محدش من الطلبة يتكلم عليكى كلمة المكتب أهون يا فارس وانا عندى محاضرة الفرقة الاولي
هخلصها واجى مش تمشي غير لما اجى
ودى المحاضرات اللي فاتت الانسة
وخرج ماجد من المكتب وفضلت انا وفارس جلس امامى وبيننا طربيزة صغيرة يشرح عليها وانا أنصت لكل كلمه قالها حتي حفظت المحاضرة عن ظهر قلب كان طول ما هو بيشرح ينظر الي
الي ان جاءت اعيننا في اعين بعض
فارس..عيونك غريبة زى أسمك لا هى خضرا ولا هي رصاصي ونادرة
سدرة...لم أرد ووجهت وجهى الي الارض من شدة الكسوف فكان فارس شديد الجراءة التى لم اتوقعها
فارس..ارفعى وشك من الارض وتانى مرة اكلمك متعمليش كدا خليكى قوية
انتي مش خايفة اقول لدكتور ماجد انك
شتمتى علية ولا حاجة
سدرة..لاء مش خايفة لانى عارفة انك انسان كويس ومش هتقول له انا بس زهلت لما عرفت انه عمك بس فرق السن مش كبير قوى ده اللي استغربته
فارس.. عادى جدا هو مميز ومتفوق جدا ولعلمك انت واخدة فكرة غلط عن دكتور ماجد هو بس جد كتير مش شوية وصارم في تعاملاته بس من جواه انسان كبير وحنين وانا فعلا مش قادر احلل الموقف ده انه يجبنى اشرح محاضرات لطالبة عنده اول مرة يعملها
سدرة.. هههههههههههه الحال من بعضه انا النهارده المفاجأت نزله ترف علي دماغي من الصبح شئ خيالى انا فكرت هيتردنى من محاضراته طول السنه
تعرفش انت بيعمل كدا لية
فارس.. الله اعلم علمي علمك
انتى من هنا من القاهرة يا سدرة
سدرة.. لاء م آخر الجيزة اول طريق الفيوم في اول بيت وانت داخل الفيوم
فارس.. انا من الفيوم ودكتور ماجد
والعيله وبيتنا هناك طيب انتى بتروحى الزاى كل يوم كدا تعب عليكى
سدرة.. ولا تعب ولا حاجة بحضر العملي بس ومحاضرات دكتور ماجد ونور صاحبتي بتجيب لي باقي السكاشن والمحاضرات والحمد لله بذاكر
فارس..هو بيتكم قريب من شركة الادوية
سدرة.. اه احنا البيت ابو جنينه صغيرة اللي قبله لونه ابيض اه احنا البيت الابيض
فارس..ضحك عليها الشركة دى بتاعتنا
سدرة..اية ده هو عمار الرشيدي يبقي ابوك
فارس.. لاء عمى واخو عمى ماجد انا والدى متوفي هو ووالدتى واللي ربانى
عمى عمار.وماجد وجدتي ولي اخت
في اولي ثانوى اسمها ولاء
سدرة.. اية ده ولاء مجدى الراشيدى اختك دى صاحبة اختي سجى
فارس.. اه انت تعرفيها
سدرة ..آه بتيجى لاختي سجى كتير هما اصحاب من ابتدائي
فارس.. سجي المنصورى تبقي اختك
سدرة.. اه اختي وانا سدرة شحاته المنصورى وبلا فخر
فارس.ضحك طلعنا جيران وزيتنا في دقيقنا وطلما اخواتنا اصحاب نبقي احنا كمان اصحاب اية رئيك
سدرة.. بس مفيش صحوبية بين ولد وبنت بيبقي لها معنى تانى
فارس.. وهو دة المطلوب من اول ما شوفتك وانا مشدود لكي
سدرة ..وقفت وقالت استأذن انا عشان عندى محاضرة كمان ربع ساعة
فارس.. اهربي اهربي بلاش الضعف ده
سدرة.. عمرى ما ودخل دكتور ماجد
ماجد.. اية يا سدرة فهمتي من فارس
ولا لسة عاوزة حاجة أوضحها لكى
سدرة.. لاء شكرا يا دكتور استأذن انا
فارس.. انسة سدرة لو خلصتى ممكن اخدك في طريقي وانا مروح
ماجد.. اية ده انتم اتعرفتوا علي بعض
فارس.. لاء انا عارف سدرة من زمان
سدرة اخت سجى صاحبة ولاء اختى
ماجد.. بجد انت من بلدنا يا سدرة
اومأت براسها هى محرجة من كلام فارس الذى وضعها امام الامر الواقع
سدرة.. لاء يا دكتور فارس انا لسة عندى محاضرة وسكشن هحضرهم بعد اذنكم خرجت وانا في حاله لم استوعب فيها فارس وجرأته في الكلام ووضعه لي امام
أمام ماجد في هذا الموقف
ذهبت الى نورا وقصصت عليها كل ما حدث
نورا. . يا لاهوى يابت الواد وعمه واقعين
سدرة.. اتلمى يا نورا اصل وربنا ما عنت اقولك علي حاجة نهائي
نورا
.. نهائي كأس الأمم الإفريقية يلا يا هبله يلا نلحق المحاضرة خلينا نروح
سدرة.. يلا يا آخرة صبري
وعدى اليوم وفي اليوم التالي كنت قد قمت من النوم مبكرا وذهبت كي اجلب الفطار من داخل البلد فركبت دراجتى الجميلة.. التي تغنينى عن اى مواصله داخل بلدتي الصغيرة
وقفت امام محل الفول والفلافل وطلبت من البائع ان يجهزهم الي ان احضر العيش من الفران وارجع أخذهم وبعدما جلبت العيش واخذت الفطار وفي طريقى إلى البيت وجدت سيارة ورائي وصوت بوقها عالي حاولت اخذ جانب ولكنه تقرب منى حتى فلت زمام دراجتى ووقعت علي الارض ومر هو وقفت وشتمت من كان يقودها وقلت
مش تفتح ياحمار يا غبي افرض جرا لي حاجة كل هذا وانا انفض ملابسي من الغبار فترجل هو من سيارته ورفع نظارته الشمسية ونظر الي نظرة وعيد
ماجد.. الكلام ده لي انا صعقت
عندما نظرنا الي بعضنا
سدرة..ان
سدرة أنا أنا اسفة حضرتك بس معرفش انه حضرتك فكرتك واحد بيعاكس
أنا آسفه كتير يا دكتور ماجد
ماجد.. بزهول معقول سدرة تعجب عندما رائنى ارتدى بنطال من القماش الاسودالواسع وفوقه بلوز قصيرة من اللون الاسود وفوقها طرحه من اللون الموف ونظارتى الشمسية فوق راسي
ماجد.. اخر حاجة اتصورها اشوفك هنا انتى راحة فين
سدرة .. أنا أنا مروحه اصل اصل كنت بجيب فطار وعيش عشان نفطر قبل ما اروح الجامعة
ماجد.. وانت بقا بتروحى الجامعة بالباسكت دى ولا موصلات
سدرة.. لاء بروح بالمترو واوقات الباص
ماجد.. طب يلا الحقي افطرى علي ما اخلص شغلي في الشركة واخدك معاية في سكتى هستناكى قدام الشركة
سدرة.. ملوش لازمه خالص حضرتك متعطلش نفسك عشانى انا هروح لوحدى
ماجد.. انا قلت كلمه ومش هعيدها وركب سيارته وذهب واطلق الغبار وعلي ملابسي غضبت وقلت روح الله يعفر عليك يا بعيد منك لله مربيلي الرعب
في الجامعة وفي بلدى كمان
روحت وفطرنا واخدت شنتطي ووقفت امام باب البيت لا أجد ماجد امام الشركة يقف بطلته الساحرة التى تخطف قلوب الفتيات فقد كان وسيم للغاية يسند علي باب السيارة ويلبس نظارته الشمسيه
ونظر ناحيتى خوفت منه الصراحة
لانه شديد وصارم ولا يحب التجاوز
نظرت الي جانبي كى اتاكد انا امى لا ترانى فإن راتني سوف تجعل ايامى غامقة ولأتجنب كلامها
مشيت بجوار الحائط حتى وصلت الية
سدرة.. عافينى انا يا دكتور وانا هركب المترو بدل ما اعطل حضرتك يا دكتور
ماجد.. اركببي ومش عاوز كلام كتير
ركبت وانا متوترة وركب وعندما ركب
فاحت رائحة البرفيوم بتاعة يهوس
كدت اذوب في رائحته وسرحت بكلام نورا لي شكله واقع تبسمت دون وعي
ماجد.. اية حاله هستريا دى بتضحكى لوحدك خير ضحكينا معاكى
سدرة..هه لا ابدا بس كنت بفكر في ماما لو كانت شفتنى بركب مع حضرتك العربية كانت عملت اية فينا
ماجد.. هتعمل اية يعني انتى وراكي محاضرات لحد امتي
سدرة .. هخلص علي اربعة كدا
ماجد.. خلاص نروح سوا
سدرة.. لاء شكرا مش تتعب نفسك هركب الباص بيعدى في الميعاد ده شكرا لحضرتك يا دكتور
ماجد.. انا قلت كلمه ومش بعيدها والدك
شغال اية يا سدرة
سدرة.. بابا بابا انا اه شغال مدرس انجلش في مدرسة الثانوية اللي في بلدنا
ماجد..له دخل تانى غير شغله
سدرة.. لاء وآلله ماما طلبت منه كتير يعطى دروس خاصة وهو ديما رافض
بيقول حرام استغل الناس وبيساعد بفصول تقوية بالمدرسة
ماجد.. طيب وصلنا يلا عندى محاضرة
نزلت وأنا اخشي ان يرانى احد معه حتي لا يتكلم احد بكلمه واحده عني
نورا.. بت يا سدرة سرحانه في اية يا جذمه بكلمك م الصبح
سدرة.. اسكتي يا نورا معرفتيش اية حصلي النهارة يا لاهووووى
نورا.. اي اللي حصل يا اختي بت بقولك تعالي الاول نحضر المحاضرة وبعدين نتكلم واشوف اخرتها معاكى
دخلنا المحاضرة ولم نخرج فجلسنا بالمدرج وقصصت علي نورا ما حدث
نورا.. مش قلت لك واقع ومسبل ههههههههههه باضت لك في الافص يا بنت زينب ووقعتي في حبك ماجد
سدرة.. بس اكتمى انا مبحبوش ده اسلوبه مستفذ وبحس انه بارد عكس ابن اخوه عسول وقمر وروحه حلوه كدا يا لاهوووى
ع القمر فارس ده اى بنت تحلم يكون بطل روايتها ورمانسيتها العشق يا بت سعاد
نورا... معقول دكتور ماجد
صعقت ىسدرة ووقفت ونظرت خلفها لم تجد احد اخذت تضرب نورا إلى أن دخل
ماجد.. ووقف الجميع له تحية حتى قال
ماجد. .. أول واخر مره هسمح حد يدخل بعدى والنهاردة كله يطلع الكتاب
وحدد لهم بعض الصفحات التى لن يخلوا منها الامتحان وشرح محاضرته ولم تنزل عينه ومن علي سدرة طوال الوقت
وقف ماجد مكانه حتي انصرف البعض واثناء خروجى انا ونور
ماجد.. سدرة هستناكى في العربية
لم اتمالك نفسي وضغطت بيدى علي يد نورا وانا ارتعش من مجرد كلامه
سدرة.. بت يا نورا انا مش عارفه هو عاوز منى اية ده لو امى شافتنى نازله من عربيته تسود عشتي ومش بعيد تشرشحله ما انت عارفها
نورا.. روحى زمانه واقف احسن يطلع عفاريته عليكى واحنا مش ناقصين
كل هذا الكلام وماجد يقف خلف الباب سمع كل كلمه بيني وبين نورا
ذهبت الي السيارة وجدته جالس بداخلها
شاور لي كي اركب
ماجد.. اية سنه علي ما حضرتك تيجى
ومتخفيش الست والدتك عارفة من امبارح انك جناب السنيورة سدرة هتروح وتيجى معايا لانى بعت زوجت اخى لها
طلبت ايدك منها وهقابل الوالد النهاردة
سدرة.. اتلجمت ومقدرتش ارد وقد فتحت فمى من الصدمه
ماجد.. اقفلي بوقك اية
سدرة... بس بس مينفعش خالص
ماجد.. هو اية اللي ما ينفعش انا طالب اتجوزك عيب ولا حرااااااام
سدرة.. بس انا مش موافقة لسة وقطع كلامى انه اوقف السيارة مرة واحده وكان الطريق لا يوجد علية الا سيارت قليلة
ماجد.. نعم سمعيني كدا قلتي اية
سدرة.. انا انا مش موافقة
ماجد.. لية ان شاء لله مش قد مقام سعادتك ولا جناب السنيورة في حد في حياتها وشاغل بالها
سدرة.. ابدا انا اللي مش قد مقام حضرتك ولسة
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
