القائمة الرئيسية

الصفحات

الأخبار[LastPost]

رواية شرسه ولكن الفصل الاول والتاني والتالت والرابع والخامس بقلم لولو طارق

رواية شرسه ولكن الفصل الاول والتاني والتالت والرابع والخامس بقلم لولو طارق


رواية شرسه ولكن البارت الاول والتاني والتالت والرابع والخامس بقلم لولو طارق

رواية شرسه ولكن الفصل الاول والتاني والتالت والرابع والخامس بقلم لولو طارق


 شرسه ولكن 1

💗💗💙💙

رب اجعل أيامنا كلها سعادة رب بدد الأحزان وأبرئ الأسقام وابسط الأرزاق وحسن الأخلاق وانشر الرحمات وامح السيئات تباركت يا رب البريات يا رب الأرض والسماوات.

💗💗💗💗💙💙💙💙💙💚💚💚💚💚

تعريف ابطال قصتنا 

حازم مهندس عنده 33 سنه  شاطر ومجتهد جدا  بيختاروه بالاسم لانه فى مجال عمله مميز .. وحيد أمه ووالده متوفى بيحبها جدا وبيخاف عليها لانها كبيره فى السن ..  طبعه صعب فى أغلب الاحيان صعب يتقبل  كل التجاوزات خصوصا من البنات بيكره الحريه اللى بعيده عن القيم والاخلاق اللى انتشرت بين الولاد والبنات 

 ********

حازم ماشى وسط موقع شغله بحريه وخفه وبيتنقل من مكان لمكان نظره راح لبعيد واتركز على صاحبه الا جاااى يتمختر ولا كانه جاى شغله قرب عليه وخبطه على كتفه خبطه جااامده حبتين 

حازم : لسا بدرى انت جيت ليه دلوقتى يا رامز باشا 

رامز رفع ايده الاتنبن ومط شفايفه لقدام : دنيا يا صاحبى ساعات بتجبرنا كدا نقوم بضرب الجزم عشان أكل عيشنا ها ناكل طوب يعنى عشان يعجب سعتك 

حازم : تصدق يالا انت لا نافع معاك لا جزم ولا بلا ازرق فوق دماغك .. انا اتخنقت منك لازم انزل قبلك بساعه

رامز : ههههههه عشان انت الكبير .. بقولك اخبار الشغل ايه بقى عشان مش فاضيلك 

حازم : زى ما انت شايف كدا بالظبط الناس شغاله وانت نايم وسابه وماشى قدامه 

رامز باحراج مصطنع بيشاور بايده لقدام : طيب اتفضل وانا وراك   ياله  عشان انت بقيت خنيق  مهندس  على ما تفرج والله .. وحازم لفله وبص بطرف عينه ورامز كمل كلامه  ياله ياحبيبى أكل عيشك اولى بدال حلقة اليوم ولا كل يوم بتاعتك   .. البس الخوذه وحصلنى على الكوبرى .. واترحكو تجاااه الكوبرى فى وسط دوشه جااامده ومعدات تقيله شغاله وعمال كتيررر فى الا فوق والا تحت وكل واحد مركز فى مهمه معينه 

حازم حط ايده على بوئه وبينادى بعلو صوته وبيشاور بايده للونش الا شغال .. محمد .. يا محمد 

محمد طلع بجسمه من الونش  وبيبص لحازم وبصوت عالى : ايوا يا بشمهندس 

حازم : نزل وارفعنى لفوق يابنى  جرى عليه رامز وركب معااااه ورفعهم محمد بالونش لفوووق  ورفع ايديه لهم بالتحيه وكذلك حازم ورامز  بادله التحيه 

حازم : الله ينور يا رجاله .. شغل نضيف 

رامز  : سمير أستلمت باقى المونه انهارده 

سمير : يا بشمهندس طلعو عنينيا ولسا مابعتوش الباااقى والمقاول ما بيردش 

حازم بصوت عالى : يعنى ايه هو لعب عيال دا مشروع ضخم وقومى .. . وبيشاور بايده .. وقف شغل يا سمير لحد ما اشوف اخرتها وبصوت اعلى العمال كلها تسيب الا فى ايديها 

سمير : طيب على الاقل يا بشمهندس نشتغل لحد ما المونه الا معانا تخلص انت عارف العمال دى شغاله باليوميه والمقال هو الا بيتحكم فى لقمة عيشنا 

حازم : انا قولت مفيش شغل يعنى مفيش شغل واليوميه بتاعتهم شغاله يتحملها الباشا تمن نومته فى البيت والاهمال دا 

رامز : يابنى انت مش حمل قرار زى دا واهدى  

حازم بيصفر ومحمد بصله وقرب عليه بالونش ونزل هو ورامز تااانى .. ركب عربيته وراح على فيلا خاصه بالمقاول  وسايق بسرعه جدا .. وداخل على اول الطريق للفيلا 

رامز بصوت عالى : حاااااسب 

حازم فرمل العربيه على اخر لحظه .. ووقف .. لفت بنوته لابسه لبس اولادى وكاب وبرجلها خبطت العربيه وقربت على حازم الا نزل القراز وبينزل النضاره وبيبص لها من فوق لتحت .. مش تفتح يا أعمى 

حازم بيشاور عليها  : مش عارف مين الا أعمى فينا الصراحه محدش علمك تمشى فى جمب الطريق قبل ما تقلى أدب على الناس 

البنوته مدت ايديها وشدته عليها من الشباك : هى مين دى بتكلمنى والا بتكلم مين يا سفروت ماما وبابا  وبتشتاور بصباعين كانها ها تخزق عيونه كشافات دى  والا عيون يا أمور 

حازم شد ايديها بعدها عنه : احترمى نفسك وشوفى انتى راحه فين 

البنوته شدته من لياقته تااانى : انا محترمه غصب عنك وعن كل الا من عينتك

حازم بنفاذ صبر وبيجز على سنانه : انا عمرى ما مديت ايدى على واحده وشكلى ها اعملها ... فتح الباب وزقها وقعها ورامز نزل جرررى يحوشه عصبيته وحشه 

البنت اتعدلت فى لمح البصر وقربت على حازم ادته بالرجل .. وهى رافعه رجلها حازم مسكها وبيلف بيها 

حازم : انتى الا جبتيه لنفسك 

رامز بيلف حوالين منه .. اهدى ورحمة ابوووك  ما تتهورش 

البنت لفت برجلها التانيه وضربت حازم فى كتفه وبعلو صوتها : سيبه يتهور .. فاكر نفسك ايه .. وقعت على الارض بعد ما ضربت حازم واتعدلت فى وضع الاستعداد تاااانى .. 

حازم قرب عليها بسرعه ورامز فى النص بينهم  عايز يطولها  بايده باى طريقه مش عارف من رامز  وهى برجلها بتضربه ورامز بينط لحد ما فرقهم وشد حازم وركبه العربيه وساق هوووو 

********

نور بنت بياضها صافى ونقى شعرها قصير جدا زى الشباب عندها 26 سنه خريجه تجاره انجلش  بنت شرسه وطباعها وهيئتها رجوليه بتعانى من مشاكل كتيررر .. عصبيه جدا مستهتره فى حق صحتها ونفسها .. والدها قاسى معاها إلى أقصى الحدود  والدتها متوفيه وعندها مرات اب بتكرهها واخ صغير .. شايلة مسئولية شغل والدها  كله

نور بتنفض هدومها وبتبرطم بالكلام بصوت مسموع بعد ما حازم مشى : انسان غبى وبتريقه وبتهز راسها أل محدش علمك تمشى على جمب الطريق وبتشاور بايديها ولما احب اعدى الطريق اقلب سوبر مان واطير من فوق راسه الا شبه القلقاس وشاطت طوبه صغيره برجلها وطلعت علبه سجاير خدت واحده ولعتها وبتنفخها بعصبيه وزهق 

*********

حازم بعصبيه : انت مجنون دى واحده عايزا تتربى 

رامز : ها تربى مين والا مين ارحمنى يابنى عجزتنى قبل أوانى 

حازم : الواحد مش عارف يلاحق منين والا منين من يوم ما الزفت دا خد مكان وسطنا واحنا بقينا بنشوف كائنات غريبه 

رامز  : زفت ايه 

حازم : الفيس زفت يأخى ... طفح فى حياتنا وغير ملامحنا واخلاقنا وشكلنا ... وتلاقى خمسين الف فديو من عينة الواد يابت الا قابلته من شويااا 

رامز : يعنى الرجاله الا بقت عدله قوووى 

حازم : هى فين ياعم بقيت بتتعكبل فيهم بالصدفه .. كل واحد عاملى فديو مع واحده وفى الاخر تكتشف انها أمه ولا اخته والا حبيبته  .. وبيصورو حياتهم 24 ساعه وهما صاحين وهما نايمين مبقاش فى ثقافة الراجل الا بيخاف على أهل بيته لا فى احترام ولا ادب بقيت مشتاق اشوف البنت بنت والراجل راجل ... االبنات بقت تتكلم مع الولاد بالشتايم عااادى وشبه الولاد فى لبسها وطريقتهم  .. انا فاكر بنت عمى  لما ابوها زعق فيها مره وشتمها قدامنا قفلت على نفسها يومين  وبتعيط ليل ونهار فين الحياء يا جدع والاحترام والفرق الا بينى وبينها 

رامز : انت بتحبكها قوووى يا حازم مش من حقهم ياخدو حريتهم زى ما انت واخدها عايز امك واختك ومراتك مقفول عليهم طول الوقت  

حازم : يبقى مخك قفل ومش فاهم لو دا قصدى الا وصلك .. انا عندى استعداد اشوف البنات قدامى فى الشغل بتنفاسنى وواقفه ليا على الوحده فى الغلط .. عندى استعداد اشوفها بتاخد حقها ومتبقاش مكسوره ومستنيه الحيطه الا ها تتسند عليها عشان حقها يرجع .. عندى استعداد الف بأختى .. أمى .. مراتى  العالم كله وهما فى ايدى وحضنى  من غير خوف ولا كسوف بس تبقى بنت يابنى .. تحافظ على كيانها وانوثتها الا خلقها ربنا على حيائها انا بسمع كائنات غريبه يا جدع احنا دلوقتى مجتمع مريض بالموضه والعصر والتقليد الهمجى والأعمى والدليل الكائن الا شوفته من شويه 

رامز : انا ها اقول ايه يعنى .. ها اقولك عجبنى الوضع وانت غلطان .. مش غلطان بس انت مش ها تغير الكون اقفل السيره دى وبيلف وداخل على الفيلا 

الامن : مين سعتك 

حازم : بلغ حمدى ان المهندس حازم ورامز برا وعايزين يقابلوه 

الامن بأستغراب : حمدى 

حازم بتاكيد : ايوا عند حضرتك مانع والا حاجه 

رامز بص للأمن وأبتسم : بلغه بعد اذنك .. وفعلا الامن اتصل بالفيلا وبلغوه وسمح لهم بالدخول .. 

حمدى : اهلا يا بشمهندسين اتفضلو 

حازم : انا مش جاااى اضياف .. انا عايز افهم المونه الا متفقين عليها ليه ما وصلتش لحد دلوقتى .. انت ماسك مشروع يخص الدوله مش لعب عيااال 

حمدى : جبت المفيد يا بشمهندس .. انا لما المناقصه رسيت عليا وبقيت انا المقاول المسئول عشان قدمت اعلى خامات واقل سعر بين المناقصات افتكر انى ماقصرتش وبيبص لرامز قصرت معامكو 

رامز : الشهاده لله لاء ملتزم من البدايه 

حمدى : تيجى حضرتك الاسعار تنضرب فى تلت اضعاف تمنها يبقى بتجيب رقبتى تحت رجلك وبتقطمها وخساره كبيره حرام انا اشيلها انا مقاول يعنى مكسب مش خساره 

حازم : الكلام دا تتفاهم فيه مع الناس المختصه والا اتفقت معاهم من الاول مش توقفلى شغلى وتوقفلى الطرق وتكركب الدنيا فوف دماغنا وتوقف حال العمال الا شغلين عشان يكفو بيوتهم هما مش مسئولين منك 

حمدى : هو دا اللى بعمله ودا حقى اضمن ان فرق السعر ها يتردلى ونبتدى شغل ماعنديش مانع 

حازم : والعمال .. لو سابو المشروع مش ها يرجعو تانى وها يدورو على غيره 

حمدى : لحد ما نوصل لحل نص اليوميه ها ادفعها من جيبى ومافيش اكتر من كدا وانا اعرف ارضى رجلتى ازاى ما تقلقش 

رامز : انا شايف انه حل وسط ومرضى 

حازم : وانا ميرضنيش العطله ووقف الحال 

حمدى : يبقى تحرك المراكب معايا يا بشمهندس 

رامز : قصدك نتكلم احنا 

حمدى : ليه لاء 

حازم : جهز نفسك انا ها اكلم الاداره وها نقابلهم حالا 

حمدى : مع الاسف مش انا المسئول عن المفواضات .  ابنى هو المسئول وهو الا ماسك مقاولة المشروع كله 

حازم : وابنك دا ماشفتوش ليه من زمان 

حمدى : عشان انا الا طلبت منه اباشر الشغل هنا وهو بيباشر فى مشروع تانى  ولما حصل الا حصل اتكلم هو وبيتفاوض على السعر الجديد 

حازم : فين ابنك 

حمدى : طلع تليفونه واتصل على ابنه وبلغه .. وقاله يروح يستناهم فى المكان المتفق عليه 

رامز : طيب هانستأذن .. وقام خرج هو وحازم مع بعض .. واتجهوو للمسئول الا ماسك المشروع وفى دخلتهم اتقابل مع نور والاتنين بصو لبعض بشررر واضح .. ورامز شد حازم ودخل المكتب على طول وهو داخل نور مسكت الباب قبل ما يقفله ودخلت وراهم ورزعت الباب وراها وحازم لف لها وتنح 

💗💗💙💙💚💚

بقلم : لبنى طارق 

💗💗💙💙💚💚

شرسه ولكن 2 


اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ.

💗💗💗💗💙💙💙💙💚💚💚💚💚💚

حازم واقف مكانه وبيبص عليها وبصوت عالى : اتجننتى وجايا ورايا .. لا دا انتى ولسا ما كملش 

كامل المسئول عن المشروع : اهدى يا بشمهندس حازم فى ايه المفروض ان المقابله بينا احنا الاربعه وبيشاور عليهم كلهم 

نور رفعت صباعها عليه من فوق لتحت : انت  المهندس المسئول عن تسليم كوبرى ال ... 

حازم بص لكامل باندهاش : هو ايه اللى إحنا الاربعه ورجع بصالها ايوا انا وبتريقه مش عجابك يا عم الشبح  

رامز ابتسم : المفروض يكون ولد دا كلام حمدى  مش بنت وإلا انا غلطان وإلا فى ايه مش فاهم 

كامل : اعرفكم نور حمدى الموكله بكل مباشرة مشاريع والدها من ضمنهم  المشروع الا حضرتكم شغالين فيه  

رامز مد ايده : اهلا يا انسه والا مدام 

نور مدت وبتسلم بقرف : اهلا .. وبحده  انا  بنت اه بس بميت راجل عشان كدا والدى قالكم ابنى بيعتبرنى راجله  ما تتعاملش معايا على انى بنت ماشى والا 

حازم بسخريه وبيشاور عليها : هى دى محتاجه تقولى عليها واضح عليك يا معلم وبيهز راسه والا اقول يا سيدى المعلمين 

نور قربت عليه ورفعت صوبعها فى وشه بتحذير : انت بالذات اتقى شرى عشان لو حطيتك فى دماغى ها ادمرك 

حازم زق صباعها : هشششش العبى بعيد الكلام دا تقوليه لواد فرفور من عينة اليومين دول الا شبهك تعرفى تمشى عليه كلمه 

كامل ورامز وقفو بينهم وبيحاولو يبعدوهم عن بعض لما الامور اتطورت بينهم  

كامل :  فى ايه يا جماعه ممكن يا نور تقعدى 

نور بصوت عالى : مش قبل ما الشخص دا يخرج برا 

حازم بمعالم اشمئزاز على وشه :  فاكرانى طايق المكان بوجودك فيه دا حتى  الاكسجين اتبخر  منه .. ياله يا رامز انا ها اكلم اللجنه تشوف مهندسين غيرنا يستلمو المشروع ماعنديش اى استعداد اتعامل مع الكائن دا ابدا وسابهم ومشى ورامز جرى وراه بعد ما اعتذر لهم   

كامل : شكلكم كدا عارفين بعض 

نور بديق :  معرفه مهببه وصدفه زى وشه إنسان سمج 

اكرم :  طيب ايه انا مستنى بقالى ساعه وفى الاخر المهندس عايز يسيب المشروع يا نور .. 

نور : انا كمان ماعنديش اى استعداد انى اتعامل معاااه .. المهم  عرضت على اللجنه فرق السعر والمشكله والا ها نفضل محلك سر 

كامل  : عرضت طبعااا وشايفين ان فى مبالغه فى الفرق 

نور : خلاص يدلونا هما بمعرفتهم على التجار الا ها تدينا المونه كلها بغير مبالغه .. رغم ان دى اساءه ما اقبلهاااش ابدا .. بس ها اعديها عشان شغلنا مع بعض مش شغل اول امبارح يا كامل دا شغل سنين 

كامل : أكيد طبعااا .. بس فعلا يا نور الخامه كدا لو بتاخدوها بالسعر دا يبقى سرقه وش .. وكمان بتتعاملو مع الحكومه يعنى السعر يبقى معقول وحسب التسعيره 

نور : انا قولت الا عندى .. وعمتا مش ها نخسر حاجه انا كل الا يهمنى فرق السعر مش انا الا اشيله ويبقى كدا المناقصه زى ما هى تمام 

كامل  : تمام يا بنت حمدى مين ها يغلبكم .. يومين وها ارد عليكى 

نور بتشاور بايديها على برا : وبالنسبه للبنى ادم الا خرج من شويه 

كامل  : انا مش عارف سبب سوء التفاهم بينكم بس ياريت يبقى خارج الشغل .. انتى كدا كدا ما ببتعامليش معاهم والدك الا بيتعامل معاهم 

نور : ماتعرفش انه سابلى الجمل وقالى مع نفسك يا قطه 

كامل  ؛ ليه 

نور : تعبان وعايز يرتاح بيقولى لازمتك ايه لو مش ها تقفى فى ضهرى دلوقتى عايز يدلع مراته اصلها وبتقولها بتريقه لسا شباب 

كامل : جوازه مهببه ... ما انتى طول عمرك شايلاه عايز ايه تااانى 

نور قااامت وبتتكلم وهى ماشيه : عايز يجيب أجلى ويخلص منى هو والحيزبونه مراته  .. بالاذن وخرجت   

كامل :  بص لها وبحزن : مش عارف كان مستخبيلك دا كله فين 

*********

رامز : انت بجد ها تعتذر عن المشروع 

حازم : طبعا انا ممكن  أصور قتيل وأحدفها  من فوق الكوبرى لو شوفتها قدامى 

رامز : يا حازم ما تبقاش صعب فى كل حاجه .. ياعم انت مالك ومالها 

حازم : ايه يا رامز على اخر الزمن ها تيجى حتت بنت اد البساريه تقلل منى قدام العمال .. وعلى ايه بقى تغور بالمشروع كله 

رامز : يابنى بطل تاخد قررات بتوديك فى داهيه انت عارف شروط العقد 

حازم : عارف ومش ها اتراجع .  اسكت بقى 

رامز : انت حر  ها نروح فين 

حازم : على الشقه عشان اجهز كل شئ يخص المشروع معايا 

رامز بصوت عالى : انت بتتتكلم بجد يا حازم 

حازم : ايوا يابنى ايه الا يخلينى اهزر .. انجز .  وفعلا راح شقته وبدء يعمل اتصالات ... واتحدد له اجتماع سريع ..

مر اسبوعين على الوضع كله بعد ما حازم اتنازل عن كامل المشروع لرامز ولمهندس جديد معاه  غير باقى المهندسين المكلفين بمتابعه المشروع معاهم 

رامز فى الشقه الا بتجمعه بصديقه حازم وواقف يجهز معاااه الشنط 

رامز : كله تمام ها توحشنى يا صاحبى 

حازم حضنه وانت كمان والله لولا المشروع دا مشاركين فيه  وانت على علم بكل كبيره وصغيره ماكنتش سيبتك هنا 

رامز ضحك : انا اللى كنت ها اسيبك مجنون انا زيك دا عشان يتنازلو عن الشرط الجزائى سلموك مشروع فى اخر الدنيا ووسط الصحرا منك للبدو يا حبى وبيتمايل يمين وشمال صحراء جرداء لا هواء ولا ماء 

حازم ضحك جااامد : فافى انت يالا بردو 

رامز : ما اقدرش يابنى انا على الصحرا  كفايه الوش الا احنا فيه ليل ونهار .. كمان حد يجى يسئل عليااا يقولو فين رامز يقولو ركب الناقه وشرخ 

حازم : هههه ومد ايده سلم الحق اشرخ انا بقى .. عشان بعتو الاتوبيس برا وشال شنطه على كتفه وشنطه فى ايده ورامز شال شنطه وخرج معاااه ركبه الاتوبيس وبدأت رحلة سفره البعيده .. قاعد على الكرسى بزهق طلع تليفونه وبيتصل على والدته .. حبيبتى عامله ايه 

والدته : الحمد لله بخير يابنى طول ما انت بخير .. فينك يا حازم دلوقتى 

حازم : انا فى طريقى للمشروع الجديد دعواتك محتاجها قوووى يا نجنج 

نجيه : ربنا يحميك يابنى ويعلى مارتبك 

حازم ضحك : لو عليت اكتر من كدا ها اروح حلايب وشلاتين او السلوم 

نجيه : لو ها تروح اخر الدنيا انا مخلفه راجل فى اى مكان يسد .. طمنى عليك على طول 

حازم : عنيه حاضر .. البنت الا جبتهالك اخر مره كويسه والا اكلم رامز يجبلك غيرها 

نجيه : كويسه وشاطره .. لو فى حاجه ها اقولك 

حازم : تمام .. خلى بالك على نفسك وكلى كويس وقفل بص على الطريق بشرود بيمر بعيونه على كل مكان وكانه ماشى على رجله  وحاسس انه حياته تشبهه طريقه كتير ... مره زحمه ..وفجأه فراغ وسكون .. وفجأه خضره وبعدها صحرا .. بس الصحرا هى أكبر مساحه فى حياته .. ريح راسه على ضهر الكرسى وهو  شارد  

نور : حازم حزومتى اصحى ياقلبى 

حازم بيفتح عيونه وبيفرك فيها .. انتى .  ايه الا جابك هنا !

نور بزعل : الله ايه يا  زومى نسيت اننا مع بعض وكمان اتصالحنا 

حازم بيفرد ايده باندهاش باين على وشه : وربنا ما اعرف  ... امتى 

نور بتمسك خدوده : لا دا انت حالتك صاعبه قوووى يا زومى  

حازم زق ايديها جااامد : اوعى كدا وبصوت عالى اقف هنا يا اسطى نزل البنى ادمه دى 

نور بزعل : اه يا غدار .. هى كدا الرجاله مالهاش امان وقربت على وشه وهو رجع براسه لورا .. جاتك البووو فى شكلك  وشدت شنتطها من مكان الشنط وسواق الاتوبيس وقف 

حازم بيبص من الشباك لقى المكان صحرا جرى على الباب وواقف قدامها اطلعى 

نور : بمزاجك اقعد وبمزاجك أنزل مدت ايديها وداست على المفتاح الا بيفتح الباب وحازم ضهره للشارع وبقوتها ادته بالرجل وقعته وقفلت الباب بسرعه وهى بتضحك بصوت عالى والسواق كمان بيضحك

حازم بيتوجع وماسك ضهره وراقبته اه يابنت ال.. 

وفتح عيونه وبيبص حواليه  برهبه طقطق راقبته وماسك ضهره .. 

حازم بهمس : بقت كابوس حتى فى احلامى اعوذ بالله .. وبيتريق زومى طالعه من بوئها سم فران .. وبووو لما يلهفها البعيده ولسا ها يغمض عيونه .. فتحها بسرعه .. خليك متنيل صاحى للتتسلى عليك طول الطريق والسواق شكله اهبل زيها شبعنا مطبات لما قطم وسطى .. وصل مكان الاستراحه الا تخص شغله بعد وقت كبيررر جدا اول ما دخل لقى المهندسين الا معاه فى الاستراحه قاعدين ياكلو ويضحكووو 

حازم : السلام عليكم 

كلهم : وعليكم السلام ورحمة الله اتفضل وبعدين نتعرف 

حازم : انا ها اتفضل لانى ميت من الجوع وعشان يبقى عيش وملح .. وسعو مكان وهما قاعدين على الارض وحازم قعد وبياكل معاهم  

محمود احد المهندسين بيتكلم وهو بياكل : نورتنا يا بشمهندس .. والله القاعده كانت ناقصاك لما بلغونا فرحنا قوى بسعتك 

حازم : ربنا يكرمك ولونى مش مرتاح لنقصاك دى اخوكم حازم ولسا ها يكمل 

عماد : مش فاهم انت الا فيها بما انك جديد غسيل المواعين عليك عشان كدا عزمنا بقلب جااامد  وبصو لبعض وضحكووو 

حازم قام وبينفض ايده  : طيب يا رجاله .. اصلى جاااى من سفر طويل ونتعرف الصبح ان شاء الله .. الشقه اوضتين وانا بقى ها اخد الاوضه المنوره دى بالاذن 

محمود : خد بنهزر انت ها تروق الشقه بس حاجه بسيطه يعنى  

عماد : ياعم بلاش الشقه اغسل الهدوم ط..ه 

 محى : يابنى خلى عندك دم منك له .. كدا قومتو الراجل من على الاكل وقام راح ورا حازم الا دخل الاوضه وواقف يقلع هدومه وبيبص عليه ولف وشه ومبتسم وبيكلم صحابه يا كسوفى سى حازم بيغير يادى النيله 

حازم زق الباب برجله وبيرد عليه : اتكل طيب وخلى عندك سنس 

محى : خلص واطلع كمل اكلك يا زومى  ..وبيخبط  حازم ...وبيخبط تااانى زومى انت نمت ياقلبى صوت شخيرك جايب اخر المشروع انت بتنام وانت واقف 

كلهم : 😂😂😂😂😂 

حازم فتح الباب سنه صغيره وزق وش محى بايده وهو بيضحك : بقولك اتكل مش ها تعرف تأثر عليااا .. وها انام وعايز اسمع صوت حد فيكو لحد ما اقوم واعرف حكايتكو ايه 

محى : لا بيدبح لنا القطه من اولها القاسى .. وبيشاور بايده على الباب أل وانا الا ها اكون معاه ولازق جمبه فى سرير واحد طلقنى وسيبنى اروح اوضه تانيه يا جاحد  

 محمود : اقعد ياد ما ترخمش من اول يوم سيبه يريح 

عماد  : يا ابو قلب حنين وبصوت تخين   قوم منك له ورانا ليله طويله .. وقامو وبدئو يشتغلو فى الشقه ويعملو كل الا وراهم .. وخلصو ومحى راح جمب حازم الا رايح فى النوم وبيريح جسمه وبيتوجع .. اه 

حازم نومه خفيف اول ما حس بيه فتح نص عين وبيبص عليه .. محى بيلف وزق حازم .. وخد اكتر من نص السرير 

محى : ما كنت براحتى ومبرطع 

حازم عمل نفسه بيتقلب وهو بيقلب نفسه فرد ايده وضرب محى بالقلم 😂😂 

محى زق ايد حازم وبصوت مسموع  : هو انت منهم الا بيشلتو وهما نايمين اهلااااا على الايام الفل الا زى وشك 

حازم كتم الضحكه وفرد رجله وادله بالرجل  

محى ضم رجله على صدره وبيقول : أى لسا ما اتجوزتش الله يسامحك .. واتعدل لا لا لا .  انت لا تطاق يا جدع 

حازم اتعدل وهو بيضحك وبيتريق على محى : مش عاجبك طلقنى وسيبلى الاوضه ابرطع فيها 

محى رفع ايده : لا يا حبيبى بتحلم دا انا لازقه بغرا وبيخبط ايده على بعض  وعلى قلبك ونام ورمى جسمه ورجله على حازم .. وبعد مشاكسات  لبعض الاتنين راحو فى النوووم 

***********

نور قاعده فى اوضه  وطلعت علبه سجايرر خدت سجاره  وبتشربها بتنفخ الدخان فى الهوا بزهق طلعت البلكونه  وبتكلم نفسها : وبعدين يا نور فى حياتك دى رفعت راسها لفوق امتى اخلص من الدنيا وقرفها ..كنت خدنى معاها يارب سايبنى لحمدى  وعمايله فيااا وست كوخه بتاعته ... عيونها اتعلقت بشكل السما الا سمارها صافى ونجومها بتلمع فيها وكانها حبات كرستال  ميلت راسها وابتست وبتعدهم زى الاطفال  وبتقول بصوت هامس انتو اصحابى فى وحدتى  .. طلعت تليفونها وبتتصل وبتهز فى التليفون ما تردى يا زفته انتى كمان .. الووو ايه يا هانم نايمه على ودنك ياست سلوى 

سلوى بنوم : انتى ايه الا مصحيكى دلوقتى ما تنامى انتى كمان 

نور : ها انام ازاى انتى عارفه انى بنام هنا بصعوبه .. بقولك الواد هانى عايز يتقدملى 

سلوى اتعدلت من على السرير وبحماس : هاااا  ايه بقى ما تنجزى وتتجوزى  وها تخلعى  من ابوكى ومراته 

نور بزعل : هو مش موافق وبيقولى لو اخر واحد فى الدنيا مش ها تتجوزيه .. وها تتجوزى على مزاجى 

سلوى : ليه  ماله هااانى 

نور : مش عارفه يا سلوى اعمل ايه تانى معاه لو مش ابويا كان زمانى سيبته ومابصتش فى وشه تانى  انا اتخنقت 

سلوى بزعل : طيب اتجوزيه واهربى 

نور بصوت عالى : انتى صاحبه انتى .  انتى شيطان رجيم اعوذ بالله منك ومن افكارك 

سلوى بصوت اعلى : اعملك ايه طيب ليكى حل تانى يابت  

نور هزت راسها : لا 

سلوى : يبقى تتكتمى وتهربى فاهمه 

نور : حاضر بالاذن بقى عشان الحق اهرب وقفلت فى وشها الخط 

سلوى بغيظ ماسكه التليفون وبتزعق فيه : ها اقول عليكى ايه يا أم مخ تخين زى ابوكى  وادى التليفون وحدفته ورمت نفسها على السرير ونامت

...... 

نور بتضحك وطلعت سجاره تانيه وبتشربها وبصوت مسموع : مجنونه طول عمرك يابنت خالتى  اى حل لأى مشكله عندها  الهروب  تلاقيها راحت فى سابع نومه عيله هبله وربنا   .. حطت رجلها على الترابيزه الا قدامها وهى فى البلكونه وبتغنى بهمس وحزن فى صوتها .. 

وفى ليله سرحت فى اللى  راح دمعت وصحيت الجراح مبقاش بيساعك البراح ولا يملى عينك فى الدنيا ياما جرا ما بتمشيش بالمسطره ضحكتلك والا يا ترى ضحكت عليك  

نور : ضحكت عليا يا حمزه وطلعت لسانها وادتنى بالرجل كمان نطرت السجاره فى الشارع وقااامت وبتحاول مع نفسها يمكن تنام .  

********

وفى صباح مختلف على حازم وسط الصحرا فى مكان استراحته وزاميله الا معاه اللى لسا مش عارف ها يتأقلم على طبعهم والا لاء .. قام بهمه ونشاط فى مواعيده .. 

حازم بيتعدل من على السرير وبيزق رجل محى اللى غرقان مش نايم .  وبيقوله انا اللى بشلت وانا نايم دا انت مصيبه يا أخى .. بغبغان نايم جمبى طول الليل يصوصو  اتحرك للحمام وخد شاور ودخل جهز الفطار لهم كلهم .. وبيصحى فيهم محدش قام ولا اتحرك من مكانه راح جاب ميه ساقعه من التلاجه ودخل على واحد واحد وبيكب عليهم 

محمود بخضه بيقوم وبيشهق جااامد وعماد كمان وسابهم ودخل لمحى ودلق عليه باقى القزازه 

محى بشهقه كبيره اتعدل ومتنح وبيقول يالهوووى 

حازم : اخلص وقوم ياله وسابه وخرج ولقى التلاته طالعين وراه ولسا ها يتعصبو لقو الاكل حازم مجهزه وبيشاور لهم وبيقول بسم الله .. قعدو مبتسمين 

حازم بيزقهم بايده : ايه منك له قومو طصو وشكم بشوية ميه وفوقو والبسو وتعالو افطرو براحاتكم 

محى : انت متسلط علينا يا جدع انت 

حازم بتاكيد : جبت المفيد ومن الاخر 10 دقايق تكونو جاهزين ان شاء الله 

عماد : انت بجد والا خيال 

محمود : كل دا خيال دا بجد يا جدعان لا دا انت زيك زينا هنا فاهم والا أفهمك 

حازم بياكل ومن غير اهتمام لكلامهم : لو خلصت أكل ها اقوم ارمى الباقى ومحدش ها يدوق لقمه واحده .  التلاته طارو ورا بعض وحازم ابتسم وخلصو وقاعدين يفطرو .. 

حازم قام وشال الطبق الا قدامه وبيبص لهم : انا ها أغسل الطبق بتاعى وكل واحد بعد ما يخلص يغسل طبقه تمام .. ان شاء الله ها انزل المشروع واشوف الاخبار والتطورات ايه ولما ارجع نقعد كدا مع بعض اراجع كل الروسومات الهندسيه للمشروع كله والماكيت بتاعه 

هزو راسهم وبيكملو أكل وفعلا عملو زى ما طلب بعد وقت وكله جهز 

حازم بيفتح باب الشقه واول ما فتح الباب اتصدم وقفله بسرعه 

💗💗💙💙💚💚

بقلم : لبنى طارق 

💗💗💙💙💚💚 

رايكم يا حلوين 👉👉💃💃

شرسه ولكن ! 3 _4

اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ وَارْحَمْنِي إِنَّك أَنْتَ الْغَفُورُ الرَّحِيمُ


💗💗💗💗💗💙💙💙💙💙💚💚💚💚

حازم بعد ما فتح الباب قفله وواقف وراه محى ومحمود وعماد .. وبيكلم نفسه بصدمه .. ايه دا هى وصلت معايا لكدا انا مش ها أستحمل كتير دماغى هربت بدرى قوى 

محى بيلف بجسمه وبيكلم محمود وعماد  : ايه ايه .. هو شاف عفريت 

محمود زقه ؛ ياخى اتنيل احنا فاهمينلو حاجه .. ما تفتح يا بشمهندس عايزين نلحق ابواب المجد والشهره من اول اليوم 

حازم فتح تانى براحه وبيطلع راسه سنه سنه من الباب وهما بيمدو راسهم زيه  عند الباب وبيبصو بفضول  عايزين يعرفو فى ايه .. وفتح الباب لاخره ورجع ورا مره واحده كلهم اتكربسو ووقعو  فوق بعض ماعدا هووو واتكلم بحماس وهو خارج .  ورايا الحمد لله طلعت تهيئات ونزل جرى .. 

محى قام وبيشد اصحابه وبيكلمهم : وربنا انا حاسس انه حاله خطر 

محمود اتعدل هو وعماد  وماشين ورا محى وبيقولو : هى ناقصه جنان .. ركبو العربيه الا ها توصلهم لموقع الشغل .. وعماد ومحمود هربو من حازم .. ومحى فضل معاه وماشى يشرحلو كل شئ تم 

حازم : تعالا يا محى عند العمال 

محى باعتراض ؛ لا مع نفسك يا بشمهندس كفايه عليا كدا .. انا بلف بيك من الصبح 

حازم خبط على كتفه : معلش يا حبيبى تعبتك معايا ولسا بيلف وها يتحرك ناحية العمال محى مسك ايده 

محى : اوعى تزعل يا بشمهندس انا ما بقعدش لحظه من ساعة ما بخرج من البيت لحد ما ارجع تااانى وبيبص فى ساعته ودا الوقت الا باخد فيه راحه بسيطه عشان اقدر اواصل شغل ..  طول الوقت بيجيلنا تفتيش ومعاينه وانت عارف طبعا  

حازم بأبتسامه : ولا يهمك .. انا عارف ومقدر ياحبيبى خد استراحتك وانا ها اتعامل انا .. وسابه ومشى بيلف على العمال وبيبص على الخامات والمونه والصبه الجديده .. عاملين ايه يا شباب انا المهندس حازم جديد معاكو هنا 

العمال : اهلا يا بشمهندس احنا بخير والحمد لله 

حازم : الحمد لله .. ان شاء الله انهارده ها تخلصو وبيشاور بايده الجزء دا كله 

أحد العمال : ان شاء الله يا بشمهندس وبيشاور هو كمان بس ها نزود شويه لحد مكان الونش هناك  كله جاهز على الصب وربك المعين 

حازم : ربنا معاكو يا ابطال .. وبيلف من تحت الكوبرى .. وبيبص عليه وراجع بضهره وخبط فى حد  بيتعدل وبيرفع ايده يتأسف .. انا أس .. وتنح .. قلع الخوذه وبيدعك راسه بايده وبعدين عنيه وبيهز راسه جااامد وبهمس .. دى بقت حمى عندى والا ايه انا فعلا مش طبيعى 

نور بصوت عالى : انت ها تفضل واقف تتهرش كتيررر .. انت ايه الا جابك هنا 

حازم تنح اكتر : دا بجد دا والا تهيئات تانى يا حازم 

نور بغل زقته فى كتفه : بقولك ايه نيلك جابك هنا 

حازم مسك ايديها وقرب ايده عند وشها بيلمسها .. لفت بشفافيها وعضت صباعه بغل  .. اتنطر ومسك ايده وبصوت عالى : اه يا مسعوره هى بعينها   .. دا حقيقى بقى وبصوت اعلى .. انتى بتهببى ايه هنا بتسألينى انا .. سيبت البلد بحالها وجايه ورايا وبيشوح بأيده ليه 

نور حطت ايديها فى وسطها وبتهز راسها يمين وشمال : يا سلاااام .. تصدق مفاجأه زى الزفت فوق دماغك .. المشروع دا انا شغاله فيه من ساعة ما ابتدى وماسكه مقاولتة من البدايه 

حازم بيلف راسه بزهق : يعنى انا سيبت المشروع الا شغال فيه وتعبت وطلع عينى عشان ما اتعاملش مع واحده زيك يقومو يدبسونى معاكى هنا 

نور بحده ومسكته من لياقته : انت لو ما احترمتش نفسك معايا ها تشوف ايام سودا 

حازم زق ايديها وبحده اكتر : منا شوفتك .. ها اشوف اسود من كدا ايه .  النصيبه مش ها ينفع اعتذر عن المشروع دا كمان الواحد يهرب من الحمى الا دخلت حياته وبيلف ايده فى الهوا وانتشرت زى الفيرس ازاى 

نور قربت عليه بثبات وبكلام قوى وواضح وصريح : يبقى تحترم نفسك معايا عشان انا لحمى مررر علقم وها تندم لو فضلت تتعامل بالاسلوب دا كتير 

حازم بتحدى أكبر  : ورينى واعلى مافى خيلك اركبيه وبيقرب براسه عليها وعيونه بعيونها وانا مايشرفنيش ولا يلزمنى اتعامل معاكى او معاك اصلا وبيشاور عليها من فوق لتحت .. الواحد مش عارفلك جنس   ولد والا بنت ومدهاش فرصه للكلام ولف وسابها ومشى .. 

نور اتخنقت ومشيت برا المكان والمشروع كله ركبت عربيتها الجيب ودخلت بيها جوااا الصحرا مشيت مسافه طويله ووقفت  .. وبدئت تصفر بطريقه معينه وبصوت عاااالى ... شغلت الكاسيت وطلعت سجايرها وبتشرب واحده ورا التانيه مفيش فرصه لنفسها تتنفس هوا نقى وطبيعى اخر واحده رامتها فى الارض وداست عليها بغل وبصوت مسموع كانت حياتى نقصاكى انتى كمان .. وبعد فتره دخلت عليها واحده بدويه وراكبه حصان وساحبه التانى وراها اول ما قربت من نور نزلت ونور قربت وحضنتها جااامد وبابتسامه : اخبارك يا ورد 

ورد : الحمد والشكر لرب العالمين .. كيفك يا نور 

نور : بخير الحمد لله وقربت على الحصان وبتمشى ايديها على راقبته وبتحضنه .. وقربت من جمب بوئه وباسته وميلت براسها وبتبص فى عيونه وحشتنى ياعنتر عامل ايه يا جميل  .. والحصان ميل براسه ومتجاوب معاها 

ورد : انتى اتوحشتيه جوى جاعد يجول يا ترى كيفها .. شكلها نسيتنا وما راح ترجع لهون 

نور بتمشى ايديها على الحصان : انا اقدر خلاص انت وورد وريحانه بقيتو جزء من حياتى لو فى اخر الدنيا ها أجى .. مهما نبعد بالمشروع برجع لكم .. طلعت سكر نبات وبتدى عنتر ...  وريحانه قربت وبتاخد هى كمان 

ورد : ما اتوحتيش ركوبهم 

نور : قوى ياورد وبغمزه خفيفه وابتسامه ياله 

ورد بضحكه : ايه بنجن لحالنا ونلف بهلمكان كتيرر ونطت ركبت على ريحانه ونور على عنتر 

نور شدت الحبل وبدأت تجرى بحريه وكانها طايره بالهوااا بتطلع وتنزل بجسمها وورد بتجرى وراها بريحانه وصوت ضحكها هى ونور مالى المكان اخيرا خلصو جولتهم ونزلو من على الحصانين وقعدو   جمب بعض 

ورد مركزه فى ملامح نور  : عيونك مليها الحزن مابتعرفى تدارى حزنك مهما صار 

نور بتنهيده : زهقت من حياتى يا ورد .. تعبت  ونامت على رجل ورد وورد بتمسد على راسها ... تعرفى ساعات بسئل نفسى انا عايشه ليه . ولمين .  طيب فيدتى ايه وبتشاور بصباعها على نفسها .. مليش اى فايده مهما أعمل

ورد : استغفرى ربك مابيخلج إشى ما إلو  فايده .. تعرفى كتير اتمنى أعيش متلك بحريه أشوف الدنيا البعيده عنا  نحنا هون معزولين عن كل إشى عن الحياة والخلج والعمار منا للصخر والاحجار   .. كيف تدايجى وتجولى هيك وانت بيدك نعمه من عند الله كبيره 

نور ابتسمت : تعرفى دى مشكلتنا كلنا .. كل واحد فاهم ان التانى عايش أحسن منه .. وفى بنات كتير قوى زيك بيتمنو بس يعيشو زى ما انا عايشه بحريه لا وفاهمين انها حريه... حياتى الا بتتمنوها الا براها غير الا جوا .. انا افتقدت كل شئ حلو فى حياتى بقضى وقت والسلام يا ورد اتنهدت   اخخخ من دى دنيا غريبه 

ورد بزعل : ما تجولى هيك بنعرف ان الحيات مش كل أشى فيها حلو ومش كل أشى مر .. دا جدر ومكتوب ياخيتى حبيتك بغير معرفك عن جورب .  وبتبص للحصان حتى عنتر بتكفى  نظرته إيلك  اخلعى همومك واتركيها ترحل 

نور ابتسمت : انتى جميله قوووى تشبهى بنت خالتى كتيررر .. انا كمان حبيتك قوووى يا ورد وبقيتى فارقه فى حياتى  من يوم ما دخلت المكان دا وتوهت فيه وفضلت يوم كامل من غير ميه ولا أكل وانتى الا انقذتينى وعنتر الجميل ورجعتونى تانى للحياه  وانا بحبك وبحب اقضى الوقت معاكى 

ورد : تعرفى يا خيتى كان بودى أصير جارك على طول  انا ما إيلى  أهل كولهم راحوو  وكبارات الجبيله حكمو عليا اتزوج سعفان ولد العم محمد مابطيجه .. بعد الزواج صعب ارجع هون ونتلاجى 

نور اتعدلت : ايه الكلام دا انا ما صدقت الاقى حد احبه وارتاحله واقضى معاه وقت انسى همومى  ... ويعنى ايه تتجوزى غصب عنك لا يمكن يحصل 

ورد رفعت كتافها : مو بكيفى إن كان عليا بدى ارحل .  اطيج العمى ولا اطيجه بس هاد ناصيبنا نحن الصبايا مانجدر نجول لا ابدا عكس الصبايا عنديكم 

نور : ولا تقولى ولا توجعى قلبك اهربى ادام ملكيش اهل ..  وبعدين انفجرت فى الضحك بصوت عالى لدرجه ان ورد ضحكت على ضحكها 

ورد بصوت مقطع : ايش بيكى كل دجيجه بحال غير الحال احترت لامرك

نور بتشاور بايديها ومكمله ضحك : اصل  كل ما كلم بنتى خالتى سلوى واقولها على مشكله تقولى اهربى .. شكلى اتعديت منها والا ايه 

ورد : تعرفى انى حاولت ومابعرف  ومجرد ما يعرفو كبارات الجبيله يجتلونى بدون تفكير اروح فطيس ... ياااه ياخيتى لو صيرت اتعلم وادروس متلكم واشوف الحياة عن جرب 

نور بتفكيررر : طيب ها اقولك اسمعينى كويس وركزى فى كل كلمه لو فعلا عايزا تخلصى من العيشه دى  

***************

حمدى : فى ايه تانى ماسكا ودنى من الصبح ومش فاهملك حاجه يا أحلام 

أحلام : لا انت فاهم بس عشان الكلام مش عاجبك ياسى حمدى 

حمدى : احلام انا ما بأخرش لا عنك ولا عن ابنى مازن حاجه فى ايه تانى  عامله مشاكل ليه دايما مع نور وزهقتينى من قعادى فى البيت 

أحلام قربت بدلع على حمدى وبتلعب فى صدره : يا حبيبى انت عارف انى مابعملش معاها مشاكل هى اللى دايما وبتأثر حطانى وحطا اخوها فى دماغها .. ومفيش مره تكون انت مش موجود فيها إلا لما تقولى انا ها اخليكى تشحتى بابنك من بعد ابويااا يرضيك كدا يا حمودى .. ابنك حبيبك  يوم يجرالك حاجه تاكل حقه وهى فى ايديها كل حاجه وكل شغلك وحياتك وسرك عندها يا حمدى 

حمدى بزهق : انتى بتقولى ايه يا احلام اتجننتى يا وليه 

احلام بتتلون زى الحيه و دموعها نزلت : انا ساكته وما بقولش ليك أى حاجه .. واحده غيرى يا حمدى تقول انا ادفن شبابى مع واحد اد ابويا ليه واطلق منك وبمؤخرى اعيش ملكه بس انا بحبك وبتعيط اكتر تقوم تعمل فيا كدا وما بتصدقنيش كمان انت وبنتك اه يارب مليش غيرك 

حمدى : نور مش وحشه كدا دا بتعمل الا ما يتعملش مع العمال  .. انا عندى راجلين نور ومازن هى الا ها توقف اخوها على رجله لما يكبر  يعنى مش وحشه ابدا  

احلام بعصبيه : لا وحشه وغلويه وبتكره اخوها .. اكتب املاكك بأسم مازن  والغى التوكيل العام الا انت عامله لبنتك .. كلها كام سنه وهو اللى يشيلك يا راجل ويشيلها هى كمان .. انت فاكر انى ها ابقى زيها ابدا  دا حببتى برغم كل الا بتعمله  وها اخلى اخوها يشيلها فوق راسه وها تفهم وتتاكد بنفسها مع الايام  طيب يرضيك بنتك تظلم ابنك وياكلو فى بعض من بعدك اوعى تنسى ابدا انى بالنسبه لها مرات ابوها يا حمدى واخوها دا من ام تانيه وانت سمعتها بنفسك اكتر من مره وهى بتقولى اطلعى من دماغى يا مرات ابويا

حمدى بزهق وخنقه : طيب سيبينى دلوقتى 

احلام بابتسامه مكر وقربت على راسه باستها : ما تزعلش يا حبيبى منى ولا ليك عليا حلفان يا ابو الغالى مش عايزا عداوه من بعدك وسابته فى حيرته وطلعت على فوق 

حمدى بتفكير وصوت مسموع : وبعدين معاكى يا نور .. ها الاحق عليكى من الشغل  والا إللى بتعمليه فى احلام واخوكى والا رفضك للجواز وماسكه فى حتت واد جربوع ملوش اى لازمه ربنا يهديكى يا بنتى والاقى حل معاكى 

************

بعد مرور اسبوع وحازم طول الوقت بيحاول يتجنب نور وهى كذلك 

محى  : ياله يا بشمهندس حازم انت معطلنا بقالك نص ساعه 

حازم بينفض ايده ونازل من فوق الكوبرى  : جاااى اهووو .. ونزلو وركبو مع بعض ورجعو سكنهم تااانى 

محى وهو فى الاوضه مع حازم : انت ما بتتعبش من الشغل 

حازم هز راسه : لا .. بقولك يا محى .. هو انت ليك تعامل مع بنت المقاول 

محى : نور .. اه طبعا 

حازم : ايه الا جايبها هنا .. فين ابوها هودا مكان للبنات 

محى : هى مش مقيمه زينا بتروح وتيجى تسلم معدات وخامات بنحتاجها .. تمم على الشغل وترجع تانى .. انما احنا بالصلاه على النبى زرع بصل لا عارفين نروح ولا نيجى 

حازم هز راسه : اه .. هى مسترجله كدا ليه وتحس انها ولد 

محى مط شفافيه :  مش عارف الصراحه ماحبش اتدخل فى خصوصيتها هى انسانه بتتعامل بجديه ولشغلها وبس وتعاملها معانا كويس .. يعنى ممكن تلاقيها داخلنا علينا باكله من إلا قلبك يحبها وقاعده وسطنا تاكل زيها زينا .. 

حازم : باين عليها البجاحه 

محى بصله بذهول : انت منهم 

حازم باستغراب : من مين 

محى : من الناس الا طول الوقت تحاسب غيرها ويفرق معاها الشكل العام قبل ما يتعامل ويعرف الا قدامه على ايه الجوهر يعنى 

حازم قعد على السرير : لاء .. بس فى حاجات فى حياتى مرفوضه قبل التعامل .. ماحبش البنات البجحه ومزودنها بالقوى واكيد ها يفرق معايا شكل البنت يا محى انت عايز مفيش فرق بينى وبينها طول الوقت شايف راجل زيى وبتكلم مع راجل زيى 

محى : دى واحده بتشوف شغلها لامره شوفتها واقفه تتمايص او بتقل ادبها على حد .. بالعكس العمال كلها بتحبها بتفكر فيهم كانها بتفكر فى نفسها وواخده بالها من الصغيره قبل الكبيره .. يعنى مش مجرد مقاول بيمص دم العامل عشان هو يكسب وبس ودا نادر تلاقيه واكيد فى حياتها الشخصيه غير بتلبس زى البنات وتتعامل زيهم لان صعب دا يبقى فى  شغلها وسط عمال وطلوع ونزول من على سقالات طول الوقت 

حازم : مش عارف يا محى  مش عاجبنى طريقتها عمتا .. مابرتحش لها وواضح ان دا سيستم حياتها كلها 

محى ضحك : ها تتجوزها والا ايه .. ترتاح او لاء مايفرقش 

حازم : على رايك ما يفرقش ومسك الفوطه ورايح على الحمام 

محى مسكه وبضحكه : لا يا حبيبى  العب غيرها وبيتخن صوته انا لاول 

حازم ضحك هو كمان : عليك عمايل يا محي غريبه والله يا ابن الايه  .. بص كدا ومحى لف وراه بيبص مكان ما حازم شاورله  وطاااار من قدامه جرى على الحمام وقفل على نفسه 

محى بيخبط على رجله : يابن اللعيبه خدها ازح وانا واقف زى الاهبل  .. خرج على برا لقى باب الشقه مفتوح بيقرب يقفله شاف شقة نور بابها مفتوح هو كمان   طلع وبيبص عليها وبيخبط وبينادى : نور .. يا نور ..  مابتردش وبيكلم نفسه  راحت فين وسايبه الباب ليكون جرالها حاجه  دخل خطوتين جوا الشقه وبينادى تانى  نور .. يا نور .. لارد وفجأه محى حد ضربه على راسه وقع مغمى عليه فى ساعتها 

💗💗💙💙💚💚

بقلم : لبنى طارق 

💗💗💙💙💙💚💚


شرسه ولكن ! 4 

رَبِّ اغْفِرْ لِي خَطِيئَتِي وَجَهْلِي وَإِسْرَافِي فِي أَمْرِي كُلِّهِ وَمَا أَنْتَ أَعْلَمُ بِهِ مِنِّي، اللَّهُمَّ اغْفِرْ لِي خَطَايَايَ وَعَمْدِي وَجَهْلِي وَهَزْلِي، وَكُلُّ ذَلِكَ عِنْدِي، اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ أَنْتَ الْمُقَدِّمُ وَأَنْتَ الْمُؤَخِّرُ وَأَنْتَ عَلَى كُلِّ شَيْءٍ قَدِيرٌ


💗💗💗💗💗💗💙💙💙💙💚💚💚💚

ورد قاعده فوق دماغ محى بعد ما ضربته بخشبه كانت على السلم  وضربته على راسه وماسكه جزمه فى ايديها وبتهز فيه جااامد : فوج يا لص 

محى  ماسك راسه ولسا نايم على الارض : اه .. اه .. بيلف وبيفتح عيونه اتفاجئ بورد اللى مش باين منها غير عيونها وبوجع .. انا مخطوف والا إيه ماكنش يومك أمحى صغير يا حبيب أمك على الخطف والبهدله 

ورد رفعت الجزمه قدام وشه وبتتكلم بحده : جوم والا اضربك بالمركوب 

محى تنح ولسا نايم مكانه : تتضربينى بايه 

ورد : بالمركوب جوم يا لص .. حتى اعرفك مين ورد وكيف بتاخد حجها من اللصوص

محى بدلع : لا مش قايم انا مبسوط كدا .. انا فرحان كدا 😂😂😂

ورد شدته من دراعه : بجولك جوم  يا وجه البوم 

محى : هى حصلت البوم كمان  بقولك ايه بقى انا ساكتلك من الصبح .. ضربتينى وحط ايده على راسه وبيدعكها يا مفتريه .. وخطفتينى وبيفرد ايده ومحدش هايعبرك ولا يدفعلك فديه .. بذمتك دا منظر واحد حد يدفعله فديه رامونى فى اخر الدنيا عشان يخلصو منى اه والله  أسمعى منى 

ورد : فديك كيف اش تجول أنت 

محى سند بدراعه على الارض وهو نايم على جمبه ووشه لورد : فديك ليا وبيشاور على نفسه .. مش انتى عايزا فديك  وها تركبينى المركوب وترجعينى تانى والا ها تستنى الفديك  .. وبيشاور بايده بيقول لها تعالى قربى وقرب بوشه عليها وهى قربت تسمعه  نتش الجزمه من ايديها وقام يجرى فى الشقه وورد بتجرى وراه 

ورد : اه يا كاذب يا لص يا خدااااع  اعطينى مركوبى 

محى بيغظها : بعينك .. دانا ها اطلع المراكيب كلها على جتتك .. انتى مين يا بت 

ورد : راح اضربك كف يا وجه البوم يا معرفة الشوم 

محى بينطر ايده كانه بيضرب حد  : راح اضربك كفين واديكى بونيتن وزدى عليهم مركوبين 

ورد بتتحرك ناحيته وبتلف من ورا الكنبه وهو بيلف وبيجرى قدامها .. وطلع على الكنبه ونزل الناحيه التانيه 

محى : ان ما قطعت نفسك .. اصبرى عليااا وبيطلع ايده وينزلها قدام وشه 

نور داخله الشقه وتنحت وبصوت عالى : محى .. ايه الا جابك هنا 

محى بيشاور على نور :  انتى كمان خاطفنى وفرد ايده على وسعهم  .. اه ضعت يا محى بين راس المال وبيشاور على نور .. والمراكيب وبيشاور على ورد 😂😂

نور بصوت اعلى : اتجننت يا محى .. وقربت على ورد فى ايه يا ورد 

ورد بتشاور على محى : هدا اللص المخادع  كان هون عطيته بهى ضربه وبتشاور على الخشبه .. وخطف المركوب وانا ريده خيتى ينفع هيك اضل بدون مركوبى 

محى بتاكيد : ايووون .. انا ها احرق قلبك على مركوبك زى خطفتينى وضربتينى 

نور بلخبطه : اديها المركوب يا محى .  قصدى جزمتها وبتشاور عليه من فوق لتحت هى تخطف دا كله ازاى يعنى 

محى بيبص لهم بنص عين  : تيجى تعتذر وتتاسف قدام الناس لاول 

ورد قربت عليه ومسكته من دراعه وبتضربه بطريقه مضحكه : هات مركوبى .. والا راح تصير متل البسه تخطف اشيائنا وتجرى جدامنا متل اللصوص يالص المراكيب 

محى ضحك بصوت عالى ونور ضحكت هى كمان 

نور : خلاص يا ورد سامحيه عشان خاطرى وها يبطل يسرق مراكيب .. وانت اديها حاجتها بطل رخامه ياعم انت 

محى : اتفضلى وبيمد ايده وبعدين شدها تانى .  اعتذرى الاول 

ورد نتشت جزمتها بغل وزقته وراحت عند نور وبتكلمها : مين هاد 

نور : دا المهندس محى شغال هنا فى المشروع 

محى بابتسامه : انتى مين يا قطه بقى مش بيقولو ما محبه الا بعد عداوه وبيشاور على جمبه الشمال خلصنا من العداوه ومد ايده الاتنين لقدام  ندخل على المحبه 

نور : محى خف تعوم .. ايه الا جابك هنا 

محى : ابدا لقيت باب شقتك مفتوح بنادى عليكى عشان تقفليه عم البسه الا جمبك دا ضربنى على راسى كنت ها اروح فيها .. 

نور : طيب روح شقتك وكفايه كدا 

محى : مش قبل ما تكشف وشها .. هو احنا فينا من كدا اعرف مين البسه ابو عيون عسليه ودوبلى 

نور بنبره حاده : محى على شقتك 

محى بهزار : حاضر ياعم الشبح  وماشى رايح على شقته وورد متابعه بعيونها .. نور قفلت الباب بعد ما محى مشى.. من اولها يا ورد ضرب وخطف 

ورد ابتسمت وشالت كل الا على وشها وراسها ..  مابعرفه خيتى والله ما خطفته عطيته ضربه بهيك على راسه اللى متل الدبش  

نور : كل دى خشبه يا ورد عايزا تموتيه ..الا هنا مهندسين مش عايزين مشاكل  الله يخليكى .. احنا ها نسافر مع بعض وعنتر وريحانه ربطتهم تحت .. دلوقتى ها اجهز حاجتى ونريح ونمشى الفجر 

ورد بقلق : ها يجلبو على المكان وما راح نلحج  نهرب من هون 

نور : ما تقلقيش ان شاء الله ها نهرب قبل ما يوصلو هنا 

*********

حمدى : تعالا يا حبيبى عامل ايه يا مازن 

مازن بابتسامه بيطلع يقعد على رجل ابوه : الحمد لله يا بابا هى نور راجعه امتى واحشتنى 

حمدى بنفس الابتسامه : بتحبها يا مازن 

مازن : بحبها بس مابحبهاش لما تتخانق مع ماما .. ليه ما بتحبش ماما زى ما بتحبنى 

حمدى بحيره : ابدا يا حبيبى بتحبكم انتو الاتنين .. وبيلف ايده بس امك ونور مش فاهمين لبعض لسا 

مازن : وها يفهمووو امتى .  تعرف يا بابا نور بتقول لماما ها تتطلقى ومش ها يبقى ليكى لازمه معانا وها ناخد مازن منك ونرميكى فى الشارع 

حمدى بصدمه : معقول لايمكن نور تقول كدا 

مازن : انا سمعتها .. وحضن ابوه جااامد اوعا تحرمنى من ماما انا بحبكم كلكم وعايز ابقى معاكو ونفسى نور تحب ماما 

حمدى ضمه جااامد : ها تحبها وانت ها تفضل معانا ووسطنا ما تقلقش .. استنا ارد على التليفون دا عشان مهم .. الوووو ايوا يابنى قلقتنى لا حس ولا خبر .. ايه معقول انت بتخرف شكلك كدا .. انا ناقص بلاووى   .. اتصرف واعمل اى حاجه .. وبصوت عالى جدا رعب مازن .. ازاى مش ها تقدر تعمل حاجه حسابك معايا بعدين يا زفت وقفل فى وشه الخط 

مازن : مالك يا بابا 

حمدى وعيونه حمرا زى الدم : ابدا مفيش .  ياله اطلع فووق نام .. عشان انا خارج دلوقتى وسابه وخرج وهو بيجرى 


*****************

محى داخل الاوضه وماسك راسه بيدعكها .. وحازم كان خرج ولابس البجامه وبينشف شعره .. وبيبص لمحى باستغراب 

حازم : ايه مالك 

محى قرب عليه ووطى براسه : شوف كدا انا محتاج كام غرزه فى راسى 

حازم بمكر : انت محتاج حاجه اكبر 

محى بخضه اتعدل : ايه 

حازم : قلم على قفاك يمكن ترحمنى من خفة دمك 😂😂. مالها راسك ماهى زى الحديد اهه 

محى بيخمس فى وش حازم : الله اكبر .. اعوذ بالله من نفوس البشر 

حازم : كنت فين بتعمل لنا الاكل والا ايه 

محى :  لا كنت عند نور فى الشقه 

حازم انتبه لكلامه وبفضول : اشمعنا 

محى : ابدا كان فى واحده معاها واخدانى رهينه ومصممه تضربنى بالمركوب 

حازم قرب حط ايده على اورة محى : انت سخنت من كتر اللف والا ايه 

محى زق ايده : يابنى صدقنى .. فى واحده معاها مركوب جوووا بس ايه عيونها دمار شامل وربنا 

حازم : تعالا كدا فهمنى فى ايه 

محى : استحمى لاول 

حازم شده قعده على السرير .. لا احكيلى الاول ومحى قص عليه كل ما حدث وقام دخل الحمام 

حازم بتفكيررر : انا مش مرتاح للمصبيه الا اسمها نور دى والبدو هنا مش ها يتفاهمو معانا مجرد مايشوفو بنت تباعهم فى مكان فيه شباب وبيقول بصوت عالى وبعدين بقى 

خرج وهو متنرفز  اتجه لشقه نور وبيرن الجرس .. 

نور طالعه وبتقول بصوت مسموع مش ها نخلص انهارده  وبتفتح الباب واول ما شافت حازم رفعت حاجب باستغراب : افندم 

حازم : مين الا معاكى هنا .. انتى جايبه بنت بدويه جوا 

نور بعصبيه : وانت مالك .. ايه حشرك فى حياااتى ها تنسا نفسك والا ايه 

حازم شدها من دراعها : انا مش عايز طولة لسان ... وشغل جنان البنت دى ها تضرنا كلنا عارفه يعنى ايه موجوده فى بيت فيه اربع شباب ..  طبعا مش عارفه ولا مقدره اذا كان انتى الموضوع عندك عادى وبسيط 

نور شدت دراعها وبتتكلم بثقه : عارفه ومش مستنبه واحد زيك يعرفنى .. وان كان على البيت دا ملكى وانا حره فيه .  انت مكانك مش هنا ولا هما .. مكانك هناك فى المشروع فى كرفان أد الحق .. ومن كرم اخلاقى وفرت عربيه تجيبكم هنا وترتاحو وتوديكو المشروع فى اى وقت .. وصلت والا عايز تكتر فى الكلام 

حازم : انا مش فاهم انتى ازاى محسوبه على البنات .. وان كان على بيتك ما يلزمنيش خصوصا لو فيه واحده زيك اكرملى انام وسط العمال ولا اشوف وشك 

نور برخامه : شرفتنا يا حضرت .. وقفلت الباب فى وشه .. وورد مستخبيه ورا الباب وطلعت وبتكلم نور 

ورد بخوف : الجدع ما كذب يا نور راح تصير مشاكل إكبيره خيتى ما راح تخلصى اتركينى ارحل  وارجع لجيبلتى  

نور بعند : قولت لاء .. ها تفضلى معايا وها تقعدى فى القاهره معززه مكرمه انتى مش مجبره تعيشى حياتك مع واحد انتى مش طايقه عشان قابليتك عايزا كدا .. مش مجبوره على عيشه نفسك تغيريها عشان قابيلتك عايزا كدا 

ورد : الأمور عنا غير عنكم .. كل الصبايا راضيه ومبسوطين وسط الجرايب والاهل 

نور : اديكى قولتى القرايب والأهل .. فين قرايبك وفين أهلك  

ورد : الجبيله اهلى وجرايبى 

نور قربت وحضنتها : انا عارفه انكو كلكو اهل وقرايب وبتخافو على بعض .. بس انتى نفسك حياتك تتغير .. اوعى تدفنى  نفسك بالحيا عشان تقاليد وخوف .ادام قدامك الفرصه والله ما ها اتخلى عنك ابدا 

ورد دموعها نزلت : مابدى يصير إلكى شى 

نور ابتسمت وعدلتها وبتمسح دموعها : مش ها يحصل اى حاجه ان شاء الله .. ياله نخلص وننزل عشان الوش دا وبقلق ظهر على وشهم الاتنين لما سمعو اصوات غريبه  والدنيااا اتقلبت وحاوط عدد كبير من البدو البيت لما شافو الحصانين .. وبدئو يضربو نااار  

محى خارج من الحمام برعب : فى ايه يا حازم وانت بتعمل ايه .. عماد ومحمود خرجو من المطبخ جرى وحازم طلع لهم وبصوت عالى  اوعا حد يطلع البلكونات لياخد طلقه ويروح فيها .. وسابهم ونزل تحت من غير ما يفهم حد اى حاجه ولسا بيقرب عليهم كان السلاح متوجه لصدره وراسه 

💗💗💙💙💚💚

بقلم : لبنى طارق 

💗💗💙💙💚💚

انهارده حلقتين عشان خاطركم

وصعب انزل حلقتين اعذورونى ..  

لو التفاعل فضل يقل يوم عن التانى ها انزل حلقه واحده كل يومين لان دا معناه انها مش عجابكو ياحبايبى

شرسه ولكن ! 5

***********

اللَّهُمَّ اغْفِرْ لِي ذَنْبِي كُلَّهُ، دِقَّهُ، وَجِلَّهُ، وَأَوَّلَهُ، وَآخِرَهُ، وَعَلَانِيَتَهُ، وَسِرَّهُ

اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ وَالْعَجْزِ وَالْكَسَلِ وَالْجُبْنِ وَالْبُخْلِ وَضَلَعِ الدَّيْنِ وَغَلَبَةِ الرِّجَالِ

تفاعل كبير ورايكم يا حلوين على الحلقه 👉💃💃💃💃

💗💗💗💗💙💙💙💙💙💚💚💚💚💚

حازم بنهجه بسيطه وتوتر : فى ايه وليه كل الاسلحه دى 

كبير القبيله بيشاور على الحصانين : ها دول الخيل يخصونا و ملك لبنتنا الصبيه ورد .. وينها 

سعفان قرب على حازم بالرشاش الا فى ايده وزق بيه راسه .. راح غربلك هون انت وياها ليش هى عندك 

حازم زق الرشاش بدون اى خوف ظاهر عليه ووجه كلامه لكبير القابيله : انا عارف انكو ناااس بتخافوو على بناتكم وبتحموهم لو فيها بحور دم .. بس الحصانين دول انا لقيتهم فى الناحيه الشرقيه وانا بتمشى بعربيتى .. وقولت بدال ما يموتو فى الصحرا أجيبهم هنا اشربهم واسأل على اقرب قابيله موجوده واسلمهم  لهم عشان انا مهندس فى مشروع الكبارى الا شغال على الطريق العمومى برا  وكل البيت هنا مهندسين زيى وبنتكم مانعرفش عنها اى حاجه 

سعفان : ورد كل يوم بتطلع بالخيل وترجع جبل الغروب وعمرها ما جدمت على الناحيه الشرجيه 

حازم رفع اكتافه وبثبات عكس الا جواه : انا ماعرفش إلا عندى قولته جايز الخيل هرب منها .. وبيكلم كبير القابيله لو عايز تتاكد بنفسك اننا لوحدنا فوق تعالا معايا .. انا اتمنى تلاقو بنتكم ومايكنش حصل لها مكروه 

كبير القابيله : صادق يا والدى .. شدو الخيل من شان نروح للناحيه الشرجيه نلحج بتنا 

سعفان قرب على حازم وشده وبغل وكره باين جوا عيونه : بتعرف لو لجيتها عنديك او ليك يد ورا ضياع ورد راح أجتلك 

حازم ابتسم براخمه لسعفان :  لو بقى وزق ايده اتفضل عشان لو بلغت الشرطه ها يجو يلموكم كلكم لانكم بتتعدو علينا بس انا محترم كبيرك ومحترم ظروفكم 

سعفان : نحنا ما نخاف إلا من الله .. اطلع فوج بتاكد لاول 

كبير القابيله : بيكفى يا سعفان يا ولدى .. جدامى 

سعفان :  الكذب باين جوات عنيه .. بتاكد وبعدين بنرحل لو مافى شى يا جدى 

حازم : اتفضل وبيشاور على السلم وبيدعى ربنا تكون نور فهمت وخبت ورد وهو طالع على صوته على الباب وكلم محى بصوت عالى : اوعا كدا عشان يدورو على بنتهم  فاكرنها هنا و سعفان دور فى الشقه الا تخص الشباب كلها .. وبعدين راحو على شقه نور وبيخبطو 

نور فتحت وعامله نفسها لسا قايمه من النوم : ايوا .. سعفان بيبص لها من فوق لتحت باستغراب هيئتها مش باينه اذا كانت بنت والا ولد 

حازم : محمد زميلنا بس لسا متخرج وصغير فى السن .. ممكن يا محمد يدخل يتاكد انك لوحدك 

نور حطت ايديها على شعرها من ورا وتخنت صوتها شويه : ليه حملة التفتيش على البيت والا ايه 

حازم شدها بايده وبقت هى وراه ومدارى عليها  عشان سعفان مايكشفش انها بنت .. اتفضل دور وخلصنا 

سعفان بص بعيونه وفتح الاوض بص فيها وبعدين خرج .. طلع على السطح ونزل 

حازم : كدا بقى ما شوفش وشك تانى ماشى 

سعفان : راح نشوف واتحرك هو والقبيله وخد الحصانين معاه  

حازم : طلع لنور والشباب واقفه على السلم .. دخل وقفل الباب وراه .. حلو كدا اهى بدأت الحرب عشان انتى واحده متهوره 

نور بتحاول تهدى نفسها و قدرت اللى هو عمله : خلاص هى ها تمشى من هنا خالص 

حازم بيبص لورد الا واقفه مرعوبه : طيب قدامى اهربك وواديكى لمكان قريب منهم وقولى اى حاجه 

نور باعتراض : لا هى مش ها ترجع لهم انت فهمت غلط .. ها تسافر معايا على القاهره 

حازم بصوت عالى : اتجننتى بجد .. انتى بتعملى مصيبه انتى مش قدهم وها تخليهم يخلصو على حياة المسكينه الا ماشيه وراكى دى وبيشاور على ورد 

نور بصوت اعلى : ممكن تهدى هى مش عايزا ترجع .. ومحدش يقدر يغصبها على عيشه هى مش عايزاها 

حازم : اه وبيلف بدماغه .. وانتى بقى الفتوه بتاعها .. الا ها تهربيها من هنا صح 

نور : ايوا صح وياريت ملكش دعوه .. خلاص بنشكرك على الدور البطولى الا عملته من شويااا ومستغنين عن خادمتك اتفضل 

حازم بيشاور على نفسه : انا استاهل المفروض كنت سيبتهم اتصرفو مع واحده زيك بس اكيد بكرا ها تعرفى ان كل تصرفاتك غلط فى غلط  .. وخرج على الشقه وزمايله دخلو وراه بيسألوه فى ايه ما ردش عليهم .. وخد شنتطه الا بيجهزها قفلها ونزل ومحى بيجرى وراه 

محى : انت رايح فين المكان مقطوع ومفيش موصلات هنا 

حازم : الطريق قريب مش بعيد ها أمشى لحد اول الطريق واركب مع اى عربيه لمكان المشروع والصبح ها ارجع مع الاتوبيس اخد باقى حاجتى 

محى :  ليه فهمنى طيب وماشى جمبه وحازم ماشى ما بيقفش 

حازم : عشان لايمكن اقعد فى المكان الا فيه البنى ادمه الا اسمها نور وعشان كلكو ها تموتو هنا بسببها 

محى : يا حازم طلع نور من دماغك دى واحده حياتها وعيشتها طول عمرها كدا انت رضيت او لاء 

حازم بمهاجمه : على نفسها يا محى مش علينا لازم تفهم ان لكل شئ حدود لازم تفهم ان ساعات كلامها وقرارتها غلط فى غلط 

محى : هى عملت ايه 

حازم : انت مش شايف البنت البدويه الا عايزا تهربها من اهلها وأقسم بالله لو اكتشفو البنت فى البيت كانو خلصو عليها وعليكو اكيد نور دى مش طبيعيه 

محى بحيره : اكيد البنت دى مش عايزا تعيش معاهم يا حازم 

حازم : انت ليه دايما عندك مبررات لكل حاجه 

محى : عشان دا الطبيعى مفيش حد بيعمل حاجه من غير سبب مفيش بنت ها تسيب قبيلتها واهلها وهى عارفه انها ميته ميته من غير سبب وسبب كبير كمان وحط ايده على صدره احنا بشر يا بنى ربنا خلقنا كدا احرار ولما بيكتر الضغط علينااا ممكن نتصرف بغباء 

حازم وقف وبص لمحى الا يدوب شايفه على ضوء القمر والنجوم : محى بجد انا حبيتك قوى وكل كلمه انت بتقولها انا مقدرها وفاهمها كويس وانت نفسك لو فكرت ها تعرف ان نور دى متهوره وما بتعملش حساب للحواليها اهى مصيبه وزى ما تيجى تيجى قرارها من دماغها وبس انا صعب اتقبل كدا والاصعب اتقبل ان واحده تتحكم فيا عشان سكن والا فلووس او أى إن كان 

***********

سلوى بتتكلم بنبرات صوت مختلفه : ماما .. مامى  .. مامو  سماعنى ط .. ماما وعلت صوتها   ماما .. وبصوت أعلى نوجاااااااااا 

نوجا بتفرد ايديها وبصويت : عايزا ايه .. ما تنطقى على طول لازم المقدمه بتاعتك وبتجعر ماما ماما  

سلوى قعدت جمبها : نور لسا قافله معايااا وكان فى حاجه كدا 

نوجا اتعدلت : حصل لها حاجه والا اتخانقت مع العقربه أحلام  تانى اوعى يكون حمدى مد ايده عليها عارفه ايده سابقه لسانه 

سلوى بابتسامه : لا دا ولا دا .. هى جايه ومعاها مصيبه ممكن تقبليها بمصيبتها عادى والا ها تعملى بلوووو  

نوجا بصويت فى وش سلوى : ها الاحق على مصايبك انتى وإلا هى وبتنفض ايديها فى الهوا  ارحمنى يارب من دى بنات وبتشاور على بنتها واحده 24 ساعه بتفكر تهرب والتانيه بتجرى ورا المصايب وبتاخدها بالحضن مبقاش اسمها نور حمدى بقى اسمها نور مصايب وبلاوى 

سلوى بتفكيررر وبصوت هامس : انا لسا مقولتلهاش نور عملت ايه أمال لما اقولها ها تاكلنى وبتقوم براحه من جمب أمها انا الحق اهرب وادخل الاوضه فى الخفى كدا 

نوجا مسكتها جااامد من ضهرها وهى قايمه  لدرجه انها فزعتها

سلووى : اعاااااا .. ايه يا نوجا .. ايه ها تجبيلى لومباجو مبكر 

نوجا : راحه فين .. انطقى نور عملت ايه 

سلوى بتشيل ايد امها براحه : طيب سيبى بس وقامت تجرى وهى بتجرى اتكلمت .. هربت واحده بدويه وجايبها معاها هنا 

نوجاااا ضربت على صدرها جااامد : يا مصيبتى .. بدويه .. حصلت تهربو بنات الناس كمان .. مش كفايه انتو وعمايلكو السودا 

سلوى واقفه ورا باب الاوضه ومطلعه راسها بس منه : مليش دعوه يا نوجا اوعى تاخدينى بذنبها عارفاكى لازم يبقى العقاب جماعى وزعلانه من عمووو حمدى ما انتى زيه الشبشب شغال 24 ساعه  

نوجا : هى فكرتك ما تخرجش برا دماغك الهربانه منك زعلانه من الشبشب قولى يجيب نتيجه معاكووو لا كلام نافع ولا مداديه نافعه والبسى انتى يا نوجا 

سلوى : وربنا منا دى هياااا وقفلت الباب عليها 

نوجااا راحت وبتخبط على الباب : افتحى يا سلوى .. افتحى يا بيت 

سلوى بعياط مصطنع : مش ها افتح لحد ما نور تيجى 

نوجاا : هى جايه امتى 

سلوى : بكرا الصبح  

نوجا بصوت عالى ومشيت من على الباب : صبرنى يارب .. الصبر من عندك يارب .. يارب ادينى الصبر .. يارب شوية صبر 

سلوى بصوت هامس وبتضحك : أمى بتشكل فى الصبر 

*************

حمدى رجع البيت تااانى .. واحلام نازله من فوق 

أحلام : ايه يا حمدى مالك كدا 

حمدى بأستعجال مفيش .. نسيت ورق مهم المفروض اوديه لكامل وهو مستنينى عشان اوديهوله

أحلام : شكلك ما يطمنش اوعا يكون فى حاجه مخبيها عليااا .. انا مراتك حبيبتك 

حمدى دخل المكتب وفتح الخزنه وجاب ملف وقفلها تااانى .. وخارج وما بيردش على أحلام 

أحلام بتجرى وراه : يا حمدى كلمنى 

حمدى وقفها : انتى راحه فين بمنظرك دا ادخلى جوا عايزا الحرس يشوفك بقميص النوم 

أحلام : طيب .. ما تتاخرش 

حمدى وهو ماشى : لا مش ها اتاخر وركب عربيته ومشى بيها تاااانى 

حمدى بيتصل بالتليفون : كامل قابلنى عند ال.... وخد الملف ان رجعت عشان خاطرك 

كامل : ربع ساعه واكون هناك ان شاء الله كنت عايز اكلمك بخصوص نور فى حاجه 

حمدى بصوت عالى ونرفزه : عملت ايه تااانى 

كامل : هى ما عملتش اولانى عشان تعمل تانى 

حمدى : خلاص مش وقته يا كامل نتكلم بكرا 

كامل : لا انهارده يا حمدى .. انا خايف يحصل حاجه 

حمدى : يا الله منك يا كامل .. بتقلقنى ليه انا ناقص يا راجل .. قابلنى ونتكلم .. وبعد وقت وصل حمدى لكامل .. وعطاه الملف واستأذن منه يتكلم فى التليفون وبعدين قعد معاه 

حمدى : اتفضل اشجينى اصلى ناقص 

كامل : انت داخل حامى عليا ليه كدا .. على العموم ها ادخل فى الموضوع كان حصل مشكله بين نور وبين المهندس حازم الا ماسك مشروع ال____وانا مش فاهم سوء التفاهم او سبب المشكله بالظبط بينهم بس المهندس زى ما انت عارف طلب يسيب المشروع بسببها 

حمدى : واتنقل مشروع ال____

  وبعدين سكت وبص لكامل وضحك وبيضرب كف على كف .. يعنى هو وبنتى هناك فى بيت واحد دلوقتى والمفروض انهم مش طايقين بعض 

كامل : بالظبط كدا انا ماعرفش انه اتنقل هناك غير انهارده وانت عارف نور عصبيه والمصيبه بقى ان المهندس دا بالذات ما بيتفهمش ابدا مع الا بيدايقه يمكن هو احترم انها بنت وبعد عنها غير كدا ماكنش ساب حقه 

حمدى بيهز راسه : كملت على البركه يا حمدى  وبيخبط ايد على ايد  اعمل ايه دلوقتى جاى تقولى بعد خراب مالطه 

كامل : انا قولتلك الا فيها اتصل على نور وخليها تتجنبه الواد ها ينضر بسببها لو ساب المشروع دا كمان عليه شروط جزائيه تودى فى داهيه لان ساب مشروع قبله ماضى على عقد تقيل يا حمدى وهو ما يستهلش والله لانه فعلا ما بيجيش على حق غيره  

حمدى بحيره : طيب ماتعرفش اى حاجه من سوء التفاهم الا بينهم 

كامل : والله ما اعرف حتى نور ماقالتش 

حمدى : ماشى يا كامل فى حاجه تانيه 

كامل : اه فى .. خف على نور شويه بنتك بقت اد السيخ يا راجل من الهم الا هى شايله .. غير ابنى الا انت ماسكهلها لما خليتها ولد بجد الناس بتتصدم من ولد ولد 

حمدى : اه ها ندخل فى المواعظ 

كامل : نفسى افهم بتعمل معاها كدا ليه 

حمدى بعصبيه : عملت ايه .. استحملت أمها 15 سنه كل ما تخلف ولد يموت .. لحد ما حابتلى نور وبعدها بردو نزلت كام ولد وماتو وهى بعدهم  كان لازم احس ان ليا ضهر اتسند عليه علمتها تبقى راجل واهه اسد تقف فى اى مكان تسد ايه غلطى وما تنساش ان رباب كانت كدا معاها وهى الا سيباها وكل ما تتكلم تقولى دى ضهرك وسندك 

كامل : انت راجل مخك مضلم  ورباب هى الا ياما استحملتك مش انت كفايه انها وقفت جمبك وماشفتش منك ريق حلووو .. وطول الوقت بتهددها تتجوز عشان تجيب الولد .. فضلت حمل ورا حمل .. حتى بعد نور حملت 3 مرات لما صحتها انتهت وهى كمان راحت بسبب مخك التخين .. كفايه الا عملته فى امها دى بنتك لحمك ودمك يا راجل ولو أمها عملت كدا من خوفها ما تكملش انت عليها 

حمدى : اهى بنتى دى مطلعه عينى وبتكره احلام وابنى وعايزا تحرمهم من فلوسى من بعدى يرضيك 

كامل : انا راضى ضميرك .. نور الا بتلف على العمال تتاكد انهم كلو وشربو وبينامو كويس وإلا لاء  ها تعمل كدا فى اخوها ... هى البت عشان صغيره عليك ضحكت على عقلك وكرهتك فى بنتك 

حمدى : كامل فوق لنفسك انا مش عيل صغير قدامك 

كامل : ولا انا كمان صغير انا قولتلك اللى فى ضميرى .. وادينى قايم ماشى واحنا حلوين مع بعض .. بنتك زى بنتى وصعبانه عليا .. سلام يا حمدى .. وسابه ومشى 

وحمدى قام هو كمان حاسس ان طوق حديد بيلف حوالين راقبته ومش قادر يتنفس يا ترى الايام اللى جايه مع نور شكلها ايه وانا نفسى مش راضى عن وضعها وحياتها الا بتضيع يوم عن التانى البنات فى سنها اتجوزت وخلفت اخ يا حمدى من حيرتك طول الوقت طيب ها تأمن لمين يشيل شغلك وحياتك غيرها 

**************

نور ياله يا ورد البسى هدومى دى واسعه ها تيجى مقاسك 

ورد : ما بدى ها دول الأواعى .. كيف بلبسهم 

نور : خلصى مش وقت دلعك دا الحل الوحيد عشان محدش من القبيله يعرفك .. البسى خلصى وساعدتها وبعد ما خلصت لبس بتبص على نفسها فى المرايه 

ورد حاضنه نفسها : يا عيب الشوم عليكى يا ورد ... ما بدى اخرج هيك خيتى والله مابقدر 

نور : اخترتى عيشه غير عيشاتكم لازم تكونى أدها من دلوقتى ها تقابلى وتواجهى كتير انتى فاهمه 

ورد مطت شفايفها لقدام : ايه فاهمه وخايفه كتير 

نور جابت كاااب : ما تخافيش ان شاء الله خير ..  اوعى كدا البسى دا ولمى شعرك ما يبنش منه .. وابتسمت تحبى ارسملك شنب ودقن بالمكياج 

ورد : لا بيكفى .. وخلصو ونزلو مع بعض ركبو العربيه ونور بتسوق بسرعه جدا .. بتلف من ورا صخره كبيره فى وسط الطريق وفجأه  وقفت وورد بتشهق جااامد وحطا ايديها على بوئها ونور قلبها وقع من الا حصل معاهم 

💗💗💙💙💚💚

بقلم : لبنى طارق 

💗💗💙💙💚💚


لتكملة الروايه اضغطوا هنا

تعليقات

CLOSE ADS
CLOSE ADS
close