روايه دهب( لاترحلي) الفصل الثاني والثالث والرابع والخامس والسادس بقلم الكاتبه فاطمه محمد حصريه وجديده على مدونة النجم المتوهج للروايات والمعلومات
 |
روايه دهب( لاترحلي) الفصل الثاني والثالث والرابع والخامس والسادس بقلم الكاتبه فاطمه محمد حصريه وجديده على مدونة النجم المتوهج للروايات والمعلومات
سلمي بنبره فرح : ادم
ميرفت : اها ادم هيرجع الاسبوع الجاي
سلمي : و اخيرا ده وحشني اووووي يا عمتو انت متعرفيش وحشني قد ايه
ميرفت بنبره خبث: لا عارفه يا قلب عمتك
سلمي : طب و ادم ايه دخله هيعمل ايه يعني !عمتو انا مش عايزاه يتعامل مع اللي اسمها دهب دي
ميرفت : مين قالك انه هيتعامل معاها ادم لما يرجع هو مش هيعجبو الوضع بقا هو بيشتغل السنين دي كلها و يكبر الشغل عشان تيجي واحده زي نهله دي و بنتها يخدو الجمل بما حمل ده مستحيل ادم عمره مهيعجبه الوضع
سلمي : انتي صح يا عمتو
عند هشام و نهله
نهله حبيبتي عشان خاطري متزعليش منتي عارفه سلمي و ميرفت انتي هتعرفيهم حقي علياا انا و بعدين انا ختلك حقك منهم متزعليش انتي مش عارفه اني بحبك و لا ايه
نهله : لا يا حبيبي عارفه ربنا يخليك ليا يارب
هشام : طب يلا قومي بقا مش انتي طلعتي عشان تنزلي دهب ينفع هي تنزل و متلقكيش
نهله: حاضر يا حبيبي يلا بينا
عند دهب ...
قامت بالاستحمام و ارتدت فستان رقيق زادها جمالا و قامت برفع شعرها و نزلت للاسفل
لتجد ميرفت و سلمي
دهب : مساء الخير ازي حضرتك يا طنط
ميرفت : كويسه
دهب و قد خجلت من ردها : هي ماما فين
سلمي : طنط جوه اصلو كالعاده مقموصه و بابا بيصالحها
دهب : مقموصه ! ليه مين زعلها
سلمي : اساليها
دهب : انا بسئلك انتي
همت سلمي بالرد و لكن رات والدها و زوجته فقالت
سلمي : حبيبتي تعالي اقعدي واقفه ليه ده انتي حتي لسه وشك اصفر
هشام من خلفها
حبيبه عمو عامله ايه انهارده
دهب : الحمد لله احسن كتيرر
نهله : و لسه بإذن الله تبقي احسن
سلمي و تشتعل بالنيران لاهتمام والدها بتلك الفتاه
سلمي : بابا مش ادم هيرجع الاسبوع الجاي خلاص
هشام : اها كلمني و قالي خلص شغله هناك خلاص و جاي و نظر تجاه زوجته ادم يبقا ابن ميرفت يا نهله انتي و لا مره شفتيه مسافر و هو اللي بيخلص شغلنا بره بس خلاص ناوي يرجع و يستقر انا واثق انك هتحبيه و هو هيحبك
نهله : يرجع بالسلامه يارب
ميرفت : ماشي يا هشام انا هقوم بقا يلا باي باي
سلمي : ليه يا عمتو خليكي شويه انتي لحقتي تقعدي
هشام : متباتي يا ميرفت بلاش تروحي
ميرفت : لا معلش اصل انا مبحبش الزحمه و البيت بقا زحمه اوي يا هشام يلا باي
هشام في سره مفيش فايده عمرها مهتتغير ابدا
تعالي يا دهب تعالي اقعدي جمبي مكلمتش معاكي لحد دلوقتي مرتاحه يا بنتي
دهب : الحمد لله يا عمو ربنا يخليك
هشام : ماشي حبيبتي لو عوزتي اي حاجه قوليلي او قوليلي ماما اتفقنا
دهب بابتسامه : اتفقنا
نهله : ايه رايك حبيبه ماما نخرج نشتري شويه حاجات
دهب : ماشي يا ماما زي متحبي
نهله : سلمي حبيبتي تيجي معانا
سلمي : لا معلش اصل مبحبش ابقا عزول و نظرت لوالدها
انا طالعه انام يا بابا و ياريت محدش يصحيني عشان خارجه بليل
قامت نهله باخذ دهب و شراء كل ما يلزمها
و بعد مرور اسبوع..........
في المطار .....
نجد سلمي و ميرفت كلا منهم ينتظرو ادم لا ستقباله
سلمي : هو مالو اتاخر كدا ليه يا عمتو
ميرفت : مش عارفه يا سلمي هو دايما مواعيده مش مظبوطه
سلمي : اهو يا طنط ادم اهو و تصرخ باسمه
ليلتفت اليهم
ادم : ماما حبيبتي وحشتيني و حشتيني اوووي و يجذب امه لاحضانه
ميرفت : كده يا ادم تقعد كل ده مشوفكش
ادم : معلش يا ماما و بعدين هو انا كنت بلعب
انا كنت مطحون شغل
ليلتفت لسلمي ليجدها شارده به فهو مازال كما هو لم يتغير با زاد وسامه
ادم : ايه يا سلمي مش هتسلمي عليا و لا ايه
سلمي : ها اااقصد ازيك يا ادم وحشتنا و حشتنا اووي و قامت باحتضانه ليقول طب يلا نمشي عشان عاوز اشوف خالي عشان وحشني اوووي
ليذهبوا الي سيارتهم
بعد مرور بعض من الوقت.....
يدخلو من بابا الفيلا ليجد خاله ف استقباله
ادم : حبيبي وحشتني اووي
هشام : حبيب خالك و ابني اللي مخلفتوش عامل ايه و احشني يا بطل
ادم : و انت كمان والله
ليلفت نظره امراه بجانب خاله فيقترب منه و يقول له مين القمر اللي جمبك اوعي تقول انك عملتها و اجوزت تاني
هشام و هو يضحك بصوت عالي : اهاا اقدملك نهله مراتي
ادم : اهلا يا هانم اتشرفت بمعرفتك
و يقول لخالو بصوت منخفض طلعت نمس يا هشام مراتك قمرر
هشام بجديه مصطنعه : ولد احترم نفسك دي مرات خالك
ادم : هههههه و كمان بتغير ماشي يا عم
كل هذا و ميرفت و سلمي يشتعلون غيظا
ليلفت نظر ادم فتاه جميله و ملامح طفوليه برئيه تتجه ناحيته فيقول ف نفسه ايه الجمال ده كله يا ربي و ايه كميه البراءه دي و بعدين مين دي شكلها بنت نهله ليفوق من شروده علي صوت هشام
هشام : اققدملك يا ادم دهب بنت نهله مراتي
دهب ادم ابن ميرفت اختي
دهب : اها و سهلا حمد لله علي سلامه حضرتك
ادم : اهلا انسه دهب الله يسلمك و يسرح في عينيها ليفوق علي صوت هشام طب يلا بقا عشان نتغدا
تجمعو حول طاوله الطعام ....
جلس هشام في المقدمه و بجانبه الايمن نهله و علي يساره ميرفت و بجانب نهله دهب و مقابلها سلمي و ادم بجانب سلمي و لكنه طوال فتره الطعام و هو يختلس اليها النظرات فلا يعلم لما هي بالذات التي شعر بدقات قلبه تتزايد و هو يلمس لديها و لما عينيها تسحره اهذا هو الحب من النظره الاول ام مجرد اعجاب و لكنه طرد فكره الحب و قال اكيد اعجاب اكيد هو انا لحقت
فتحدث هشام اليه
هشام : قولي بقا اخبار الشغل ايه كله تمام
ادم : الحمد لله كله تمام متقلقش يا خالي انا ضبطت كل حاجه قبل منزل
هتوجه بالكلام لدهب
ادم : و انتي يا انسه دهب ف سنه كام شكلك من سن سلمي
فاشتعلت سلمي بنيران الغيره فادم لم يتحدث اليها حديث خاص مثلما يفعل الان مع دهب
لترد سلمي
سلمي : انسه! انسه ايه يا ادم دهب مطلقه
انصدم ادم من الخبر و لم ينزل عينيه عنها لا يصدق انها كانت متزوجه و شعر بالانزعاج من هذا الخبر
لتقوم دهب من علي الطاوله و تقول : الحمد لله بعد اذنكو و تصعد لغرفتها ليتابعها ادم بعينيه و هي تصعد الدرج .......
#روايه_دهب(لاترحلي)
Part 3
صعدت دهب لغرفتها و ظلت تفكر فهي لا يخفي عنها حركات سلمي و غيرتها علي ادم و تعلم بانها قامت بهذا الرد لاحراجها و لكنها لن تستسلم فهي كانت في بادئ الامر تظن بان سبب معامله سلمي لها انها لم تعتاد عليها بعد و عندما كانت تقول اي شئ يجرحها انها لا تقصد و لكن تزايدت فهي تذكرها بامينه و غاليه و لكنها لن تنتظر تتطور الامر لتفعل بها مثلما كانو يفعلو فيكفي اذيه لها فهي لن تكون ضعيفه بعد الان فهي بسبب ما فعلته سلمي اكتشفت نقطه ضعفها و فهمت حبها لادم لتستغل هذه النقطه اذا......
سمعت دقات علي باب غرفتها
دهب : اتفضل
نهله : حبيبتي مكملتيش اكلك ليه
دهب : شبعت يا ماما و بعدين عايزه انام شويه
نهله : مينفعش حبيبتي دي اول مره نشوف فيها ادم عيب نسيبهم و نطلع كدا
دهب : حاضر انزلي و هنزل وراكي
نهله : ماشي بس متتاخريش
دهب : اوكي
اما بالاسفل كان ادم يجلس مع عمه يتحدثون عن العمل
و ميرفت و سلمي يتسامرون
تنزل نهله من عند ابنتها لتجد زوجها مع ادم فتتجه ناحيتهم
نهله : كل ده بتكلمو ف الشغل
هشام : لا خلصنا بس كان بيحكيلي علي مغامراته
ادم : و لا مغامرات و لا حاجه متصدقيهوش يا نهله هانم اصل خالي بيحب يهزر كتير
نهله : ههههههه انت هتقولي منا عارفه
لتنزل دهب و تتجه ناحيه امها هاي يا جماعه
لينظر لها ادم نظره لم تفهم معناها و لكنها لم ترتاح لهذه النظره .....
اما ادم فكان يفكر في كلام امه و سلمي
Flash back........
بعد الانتهاء من الطعام دخل هشام لمكتبه و صعدت نهله لدهب فلم يبقي مع ادم الا امه و سلمي لتقول له
ميرفت : ايه رايك في مرات خالك يا ادم
ادم: مش محتاجه كلام الكتاب باين من عنوانه بس كنت عاوز اعرف هي دهب مطلقه ليه يعني ايه السبب اللي اطلقت عشانه
سلمي و هي تشتعل غيظا و غيره : و انت يهمك ف ايه يتعرف هيفرق معاك يا ادم
كاد ادم ان يرد و لكن قالت ميرفت
ميرفت : و فيها ايه يعني يا سلمي ده مجرد فضول و تتجه بحديثها لابنها الذي يتلهف ليعرف السبب لتصدمه امه عندما قالت
اصل هي مبتخلفش و جوزها كان عارف و فضل معاها عشان بيحبها بس هي مقدرتش النعمه و راحت خانته
لينصدم ادم من حديثهم عن هذا الملاك
ادم في نفسه : خانته دي شكلها بريئه معقول خانته لا لا مستحيل دي تخون ليفكر و يقول مرة اخري و ليه لا مهو ياما تحت السواهي دواهي و عملالي فيها ملاك و مكسوفه و هي بتسلم ماشي
ميرفت : ادم بتفكر في اي
ادم : ها لا و لا حاجه عن اذنكو
ليتجه لمكتب عمه للحديث عن العمل لينشغل عن التفكير بها
Back....
دهب في نفسها : هو مالو في ايه و ايه البص دي انا مش مرتاحه
لتفوق علي صوته يقول لها
دهب تسمحيلي اققولك دهب
دهب : اها اكيد اتفضل
ادم : انتي بتشتغلي
دهب : لا و لا عمري نزلت شغل
ادم بنبره خبث : تحبي تشتغلي معايا
سكرتيره............
دهب: انت بتكلم جد
هشام : فكره هايله يا ادم ياريت يا دهب تنزلي معاه فعلا هضيعي وقت و هتتعلمي حاجه جديده
ادم : اكيد طبعا هي دي فيها هزار
دهب: بس انا مفكرتش اشتغل قبل كده و معنديش خبره
ادم : و اهي الفرصه جاتلك لحد عندك و بالنسبه انك معندكيش خبره فدي سبيها عليا انا هخلي سكرتيره خالي تعلمك كل حاجه لاني لسه معنديش سكرتيره و ممكن انزل اعلان عمل للسكرتيره بس تبقاا عارفه الشغل و تشتغلو مع بعض و لما تتعلمي نبقاا ننقلها و انتي تفضلي معايا بس هتكوني طبعا اتعلمتي منها
هشام : فكرة هايله يا ادم انا هكلم مني ( سكرتيره هشام)تنزل الاعلان
ادم : تمام يا خالي بس مش لما نسمع رائي دهب الاول
هشام : ها يا دهب
ايه يا نهله مش بتكلمي ليه
نهله : لا ابدا بس مش عاوزه اضغط علي دهب و مش عاجبني انكو عمالين تضغطو عليها كدا هي
و توجهت بالكلام لابنتها
دهب حبيبتي لو مش عاوزه محدش هيغصبك
دهب : لا يا ماما انا موافقه و هنزل مع ادم
ادم : تمام هعدي عليكي بكره و نروح مع بعض الشركه و خالي هيخلي مني تقولك تعملي ايه لحد منختار سكرتيره تتعلمي منها
دهب : اوكي يا ادم
لياتي اليهم سلمي و ميرفت
سلمي : ايه يا ادم ايه يا بابا كل ده بتكلمو في ايه و متقولش شغل عشان احناشايفين طنط نهله و دهب واقفين معاكو و اكيد مش بتكلمو ف الشغل و هما واقفين
هشام : مفيش يا سلمي كل الحكايه ان دهب هتنزل مع ادم الشغل
ميرفت و سلمي بصدمه : ايه
سلمي : يعني ايه الكلام ده
ميرفت : انا مش موافقه يا هشام دي معندهاش اي خبره
هشام : ايه يا جماعه في ايه انا قولت حاجه عجيبه
سلمي : يعني ايه يا بابا تنزل الشغل مع ادم ليه هي تنزل و انا لا طب انا كمان عايزه انزل الشغل
هشام بتهكم : و انتي من امتي عايزه تنزلي ده انا ياما اتحايلت عليكي و انتي مبترضيش دلوقتي بقا حلو علي العموم براحتك انا مش هقولك لا انزلي يا سلمي
لتبتسم سلمي ابتسامه خبيثه و ترمق دهب بنظره لم يفهما غير دهب........
في صباح يوم جديد ....
تستيقظ دهب و ترتدي جيب ابيض قصير فوق الركبه و قميص ستان احمر اللون و ترفع شعرها و تتزل للفطار
حلو طاوله الطعام ......
نجد هشام و نهله يتناولون طعامهم لتنزل دهب اليهم صباح الخير يا اونكل صباح الخير يا ماما
ليبتهج كلا من هشام و نهله لتغير حاله دهب المزاجيه و وجها الذي يبتسم علي غير العاده
هشام بابتسامه بشوشه : صباح النور يا دهب
نهله : صباح النور يا قلب ماما تغالي يلا افطري
تجلس دهب معهم علي الطاوله لتقول
دهب بابتسامه و نبره خبيثه : اومال سلمي فين يا اونكل لسه مصحيتش و لا ايه
هشام : والله معارف بس واضح انه هنبتديها كسل و اهمال
ليدق باب الفيلا و تقوم الداده بفتح الباب ليدخل ادم بوجه بشوش و بابتسامه : صباح الخير جميعا
ليردو عليه الصباح صباح النور
هشام : اقعد افطر يا ادم
ادم : لا يا خالي فطرت الف هنا دهب لو خلصتي يلا بينا
هشام : سيبها يا بني تكمل فطار انت هتبديها حامي و لا ايه خاي بالك بو اشتكت منك هرفضك هههههه
ادم : ههههه ماشي يا هشام بيه
دهب : خلاص يا اونكل انا خلصت فطار يلا يا ادم
ليتنح ادم مما راي فهي كانت تجلس و لم يري ما ترتديه
ادم : دهب
دهب : نعم
ادم بنبره حازمه : الجيب دي قصير اووي و مش هتريحك ف الشغل
دهب بجديه : لا متقلقش و بعدين لازم اتعود يلا باي يا ماما باي يا اونكل يلا يا ادم
ادم و هو يشتعل غيظا منهاا و يجز علي اسنانه: اتفضلي
ليذهبوا لسيارته و ينطلقو للعمل
تستيقظ سلمي من النوم لتجد الساعه التاسعه صباحه
سلمي : يالهوي الساعه تسعه الشغل يارب دهب تكون راحت عليها نومه و الا هكون انا الكسلانه المهمله و هي البت النشيطه
سلمي بعد ان تجهزت و تخرج من غرفتها و تنزل للاسفل سلمي : داده يا داده
الداده : ايوه يا بنتي
سلمي : هي دهب صحيت
الداده: ايوه يا بنتي من بدري و ادم بيه جه و راحو مع بعض الشركه
سلمي و هي تجز علي اسنانها: ماشي يا دهب
انا هوريكي اووووووف يارب خلصني منها بقاا
في الشركه عند ادم ........
في مكتب ادم
ادم : ها يا دهب مني فهمتك هتعملي ايه
دهب : ايوه يا ادن بيه
ادم : تمام اتفضلي علي مكتبك
لتخرج و تدخل مني
مني : ادم بيه في كذا واحده اتقدمو و انا اختارت افضل و انسب واخده فيهم و هي واقفه دلوقتي بره تحب حضرتك ادخلها دلوقتي تعرفها هتعمل ايه بالضبط و ايه المطلوب منها
ادم : تمام دخليها
بنفس الوقت عند خروج دهب من المكتب تجد امامها فتاه صارخه الجمال بشعرها الاحمر الناري و الجسد الممشوق و العيون العسلي لتفيق دهب من شرودها في تلك الفتاه
دهب بحده : نعم حضرتك مين
الفتاه بدلع و بصوت هادئ : انا كارما سكرتيره ادم بيه الجديده .............
#روايه_دهب(لاترحلي)
Part 4
خرجت مني من مكتب ادم
مني : اتفضلي يا كارما
كارما بجديه: تمام و نظرت تجاه دهب و توجهت مع مني
داخل مكتب ادم........
مني : ادم بيه كارما سكرتيره حضرتك
ادم : اهلا كارما
كارما بجديه : اهلا بحضرتك يا استاذ ادم
ادم: بصي بقا انا مبحبش الاستهتار ف الشغل و بحب المواعيد تبقي مضبوطه
و قام بطلب دهب
ادم : دهب ادخليلي
دخلت دهب للمكتب للتنظر لتلك المدعوه كارما فهي لم تتقبلها ثم نظت لادم
دهب : نعم حضرتك طلبتني
ادم : كارما احب اعرفك مدام دهب هتبقا المساعده بتاعتك عاوزك تعلميها كل حاجه بحكم خبرتك في المجال
كارما بنظره تفحص لدهب : اكيد يا فندم حضرتك تؤمر
ادم : تمام اتفضلو يلا ابتدو شغل
ليخرج كل من دهب و كارما
مني : حضرتك تؤمرني باي حاجه تانيه يا فندم
ادم : لا يا مني خلاص كدا مهمتك انتهت
مني : تمام يا فندم عن اذنك
ادم : اتفضلي
لتخرج مني ليشرد ادم في دهب فقلبه لا يصدق ما قيل له عنها
ادم في نفسه : طب لو هي خانت جوزها فعلا ماما و سلمي عرفو منين اها انا لازم اسئل ماما
لتدخل سلمي من الباب و هي تشتعل بالنيران سلمي : ادم مين البيت اللي بره دي
ادم : دي كارما السكرتيره هدرب دهب و بعدين هبقا انقلها
سلمي بغيظ : اها ماشي يا ادم
ادم : سلمي هو انتو عرفتو منين ان دهب اطلقت عشان خانت جوزها
سلمي في نفسها : يا نهار اسود اققوله ايه ده دلوقتي اها لقيتها لترد عليه
سلمي بكدب : ابدا اصل هي كانت عايشه مع باباها و مراته و طنط نهله كانت مخليه بابا يدور عليها لحد ما صاحب بابا لقاها و عرفو انها اتجوزت بابا خد طنط نهله و انا كمان روحت معاهم مكنش ينفع اسيب طنط ف الوقت ده فلما وصلنا سمعنا صوت عالي جاي من الشقه و كان عمال يقولها بقا انا تستعبطيني و تخونيني و قعد يشتم فيها فلما خبطنا فتح فبابا قالو انهم عايزين يشوفو دهب و قاله دي مامتها قام جبها من جوه و قالنا خدوها اهي عندكو مبقتش تلازمني خلاص دي واحده فاجره و قام مطلقها بس طبعا هي كانت عماله تعيط فطنط قعدت تهدي فيها و قالتلها علي حقيقه انها ماماتها و رجعت معانا علي البيت و بابا و طنط مكنوش مصدقين اللي ٠وزها قالو بس انا كنت بلاحظها انها علطول بتكلم في الفون وتقعد تضحك و بقت تخرج كتير في مره جيت ادخلها سمعتها بتكلم واحد و بتقولو
دهب : ههههه يا بكاش منا لسه كنت معاك امبارح مهو اصل انا مش هينفع كل شويه اخرج هقولهم ايه بخرج اروح فين المفروض اني ابقا زعلانه و مكتئبه مش اطلقت من جوزي حبيبي هههههه......
فساعتها عرفت ان جوزها مكنش بيكدب
ادم و هو يضم قبضه يده بغل ماشي يا سلمي سبيني شويه و روحي يلا مكتبك ورانا شغل كتير
سلمي : اوكي يا ادم
خرجت سلمي من مكتب ادم
لتنظر لدهب بابتسامه لئيمه و خبيثه سلمي : ايه يا دهب عامله ايه في الشغل اتعودتي و لا لسه
دهب بنفس النبره الخبيثه : لا الحمد لله كله تمام يا سلمي يلا انتي بقا روحي علي مكتبك تتعودي انتي كمان
سلمي بابتسامه: هههه لا انا متعوده يا حبيبتي من زمان عقبالك بقا يلا باي
دهب و هي تنظم الاوراق التي بيدها : باي ايه يا سلمي ناسيه اننا عايشين في نفس البيت و لا ايه
سلمي : لا اكيد منستش انك انتي و طنط عايشين عندنا
دهب : طب كويس سبيني بقا اكمل شغلي
سلمي : اوكي
لتذهب سلمي لمكتبها و هي تتأفف
في مكتب ادم
فهو مازال مصدوم مما سمعه و لا يصدق و لكن ما هي مصلحه سلمي ووالدته ليكذبو عليه فهو لا ينكر بانه اعجب بدهب و كان من الممكن ان يتحول لحب و لكن لا فهو قرر ان يتسلي معها فهي خائنه و هو يكره الخيانه
ليمسك هاتفه و يقوم بمهاتفه اعز اصدقائه زين
زين : لا مش مصدق ادم بنفسه بيكلمني لا و كمان من مصر فينك يا راجل ده انت غبت و قولت عدولي
ادم : ههههههه يا بني اهدا اديني فرصه اكلم وحشتني يا زين ووحشني قعدتك
زين : و انت كمان والله
ادم : طب اقوم يلا تعالي انا ف شركه خالي
زين : تمام مسافه السكه
ادم: اوكي سلام
زين : سلام اصاحبي
ادم : اصاحبي يا بيئه يلا غور متجيش انا غلطان
زين : ههههه لا جاي مش بمزاجك
ادم ماشي
عند دهب .....
كارما بجديه : ها يا ستي فهمتي
دهب : اها دي حاجه بسيطه خالص
كارما : هههه انتي بتتريقي بقا
دهب : اكيد كل ده هعملو ليه انا ايه اللي نزلني من بيتي
كارما بدلع : هههه لا طبعا الشغل احسن كتير
دهب و هي تنظر لها فهي عندما رائتها لم تتقبلها و لكن عندما تعرفت عليها و تعاملت معها علمت انها قد ظلمتها فهي لا تتصنع الدلع فهذه طبيعتها فهي فتاه جميله و دلوعه
كارما بصوتها العذب : هاي يا ستي قوليلي بقا مالها البنت اللي خرجت من مكتب استاذ ادم كانت بتكلمك كده ليه ده انا حسيتها شويه و هتولع فيكي
دهب : لا ابدا بس اصل اونكل هشام باباها يبقا متجوز ماما
كارما : كل ده ولا ابدا هههههه عشان كدا مش طيقاكي عشان شاركتيها باباها انتي و ماماتك
دهب : سيبك منها اعلي ما في خيلها تركبه
كارما : يا جامد انت عارفه اول ما دخلت المكتب و شوفتك مكنتش طيقاكي عشان كلمتيني من مناخيرك
دهب بضحك : تصدقي و انا كمان مكنتش طيقاكي بس حلو اووي اننا منطقش بعض و نرتاح لبعض من اول يوم كدا
كارما : اها فعلا
لتعمل كلا منهما
لتتذكر دهب و هي تعمل ما حدث معها من قبل
Flash back......
فهي كانت تجلس بغرفتها لتسمع دق علي الباب
غاليه : جرا ايه يا حلوه متيلا في شغل ياما ف البيت
دهب: شغل ايه بس هو انا كل يوم هفضل اعمل انا انتي و ابله امينه مش بتساعدوني ليه انا بجد تعبت خلاص
غاليه : و نساعدك ليه يا عنيا
لتاتي امينه علي اصواتهم
امينه : جرا ايه يا سنيوره مش عاوزه تعملي حاجه ليه و لا هو اكل و مرعه و قله صنعه
دهب بصوت عالي : ده اللي هو انا برضو علي العموم ريحو نفسكو انا مش هعمل حاجه عشان خلاص فاض بيا
غاليه بصريخ : طب عليا النعمه لهخلي عباس يعمل معاكي الصح لما يجي انتي بتعلي صوتك علينا يا بنت الكلب مش كفايه انه اتجوزك اصلا يا بيره
دهب : البيره دي تبقا انتي و بعدين عباس اللي انتي فرحانه بيه ده ميسواش ف سوق الرجاله ب تلاته تعريفه عشان اللي يشوف مراته تضرب و يسيبها تضرب من مراتاته ميبقاش راجل
ليفتح عباس باب الشقه و قد استمع لحديثها عنه
عباس : انا بقا هوريكي اللي مش راجل ده هيعمل فيكي ايه يا بنت الكلب و ينهال عليها بالضرب حتي تفقد القدره علي الحركه و تنزف الدماء من وجها
ليدق الباب ...
نهله : لو سمحت ده بيت استاذ عباس
عباس و هو بينهج : اها انا عباس انتو مين
نهله بلهفه : انا عايزه دهب هي موجوده صح
عباس : انتو مين و عايزين مراتي ليه
نهله بدموع : عايزه اشوفها يا بني بالله عليك
عباس : مش لما اعرف انتو مين
اوشك هشام علي الرد ليسمعو انين بكاء من الداخل
ليشك هشام بالامر فيزيح عباس من الباب و يتقدم للداخل هو و نهله ليجدو فتاه هزيله علي الارض تنزف الدماء و لا تستطيع الحركه و تبكي بحرقه
نهله بدموع و تتجه ناحيه دهب : بنتي حبيبتي عملتها فيها ايه يا مجرم و تاخذها في حضنها
ليقوم هشام بالاتصال بالاسعاف و بالشرطه
عباس : في ايه يا وليه انتي مين و بنتك ايه و انت بتكلم البوليس انت مال امك يا راجل انت واحد و بيأدب مراته
نهله : اخرس يا حيوان ده انا هوديك ف ستين داهيه
و بعد مده جاءت الاسعاف و نقلت دهب للمستشفي و قبض علي علي عباس و قامت امينه بالاتصال علي فتحي لتخبره بما حدث
في المستشفي
تقف هشام و نهله و هي تبكي ينتظرون خروح الطبيب الذي يعاين حاله دهب
و بعد فتره يخرج الطبيب
نهله بدموع : طمني يا دكتور بنتي عامله ايه
الدكتور : اطمني حضرتك هي بس عندها ضلع مكسور و كسر في ذراعها الشمال و عملنا اشعه للجمجمه و مفيش اي خطر عليها اطمنو
هشام : تمام يا دكتور
نهله ببكاء : ياربي يعني اول ما اوصلها القيها بيحصلها كدا
هشام : اهدي يا نهله مش كدا خليكي اقوي من كدا و متنسيش انها لسه متعرفش انك امها
نهله : مش قادره يا هشام كله من ابوها هو اللي حرمني منها و هرب بيها منه لله منه لله
في نفس الوقت يدخل فتحي المستشفي هو و زوجته
هنيه : شايف بنتك عملت ايه في الراجل اللي مستتها و بعدين فين الناس اللي جم خدوها دول
فتحي بشك مش عارف ادينا هنشوف : ليصلو للممر الذي تتواجد به غرفه دهب لتلمح نهله فتحي فتتجه اليه
نهله : اه يا حيوان رايح ترمي بنتك الرميه دي انت معندكش دم اللي عملتو فيه بتكرره ف بنتك ليمسكها هشام و يحاول تهدئتها اهدي يا نهله
فتحي بصدمه : انتي اللي جابك هنا و لقتيها ازاي
نهله : هو ده الل يهمك اققول عليك ايه حسبي الله و نعمه الوكيل حسبي الله و نعمه الوكيل فيك يا فتحي
هنه : جرا ايه يا حبيبتي : عماله تتحسبني علي الراجل ليه بنتك و عندك اشبعي بيها يختي يلا يا فتحي
فتحي : لا بنتي هتمشي معايا
نهله بصريخ: مش هسيبهالك تاني يا فتحي و يا انا يا انت
لتخرج الممرضه من غرفه دهب
الممرضه لو سمحتو مينفعش كدا للتوجه بالكلام لنهله
المريضه صحيت يا هانم
نهله بلهفه تدخل الغرفه
لتنظر لها دهب انتي مين
نهله بدموع و حرقه : انا امك يا حبيبتي
Back............
لتفيق دهب علي صوت رجولي : لو سمحتي عايز اققابل ادم بيه
دهب : حضرتك اققوله مين
الصوت الرجولي : قوليلو زين ..........
#روايه_دهب(لاترحلي)
Part 5
دخل زين مكتب ادم
زين بوجه بشوش: دومي حبيبي عامل ايه واحشني ياراجل
ادم بضحكه عاليه : هههه و انت كمان يا صاحبي بس بلاش دومي دي
زين بضحكه : هحاول
ادم : عامل ايه و شغال فين دلوقت
زين بضحك : طبعا ما انت سافرت و قولت عدولي متعرفش حاجه عن صاحب عمرك انا بلا فخر عاطل عن العمل
ادم بجديه و تعجب : ليه كدا اونكل مش شغال مع اونكل جمال ليه ف شركته
زين : ابدا يا سيدي اؤامر الهانم مراته و انت عارف انه مبيرفضلهاش طلب و بينفذ اي حاجه و لو علي رقبته
ادم بحزن علي صديقه : معلش يا صاحبي بس انت عارف انه بيحبها
زين بغضب خفيف: بيحب ايه يا ادم دي اصغر
مني
ادم و هو يحاول ان يغير مجري الحديث: طب حلو بما انك مش شغال متيجي تشتغل معايا انا همسك الفرع ده عشان خالي عاوز يستريح من الشغل و انا اللي همسك هنا بما اني استقريت يعني ايه رايك تمسك الفرع التاني كدا كدا انت عارف خالي بيحبك و انا مش هلاقي حد اثق فيه غيرك و كدا كدا كنت بفكر اضم الفرعين و حتي بعد منضمهم هتبقا مساعد مدير مجلس الاداره اكلم خالي بس و اققوله علي و اشوف هيقول ايه
زين بفرحه : اكبد طبعا موافق هي دي عايزه رائي هبتدي شغل امتي
ادم : هههههه من بكره ان شاء الله
زين بضحك : اشطاا بقولك متيجي نسهر انهارده مع بعض الواد سليم علطول كان بيسئل عنك
ادم باستهزاء : سليم لا فيه الخير و مالو نسهر منسهرش ليه
زين بجديه : انت لسه منستش يا ادم الموضوع عدي عليه اكتر من 10 سنين من ايام الجامعه انسي بقاا
ادم : لا نسيت يا زين لو انا فعلا منستش كان استحاله اوافقك علي السهر هو كدا كدا ملهوش ذنب
زين : طب كويس يلا اشوفك بليل سلام
ادم و هو شارد : سلام
بعد خروج زين يتذكر ادم فهو و زين و سليم اصدقاء من ايام الدراسه و بعد فتره من دخولهم الجامعه تعرف ادم علي تمارا و احبهاا بشده و لكنه لم يصارحهاا و تفاجئ في يوم انها و صديقه سليم في علاقه حب و لكن الحقيقه ان تمارا هي من تعشق سليم و لكن سليم كان يتسلي و لم يكن يحبها و لكنه لا ينكر انه معجب بها و كان الاعجاب سيتحول معه لحب و لكن ادم بات يعامله بخفاء و برود و اراد ان يعرف لما يعامله هكذا فذهب لادم في يوم و كان ف غرفته و معه زين و عرف حقيقه مشاعر صديقه ناحيه تمارا فذهب و انفصل عنها و لم يعرف ادم حتي الان بان سليم يعرف السبب الحقيقي وراء بروده و جفاءه معه فسليم استغني عنها بسهوله لانه لم يكن يحبها و لا يوجد لديه استعداد لخسارة صديقه بسبب فتاه..........................
عند دهب
دهب : ياا اخيرا الدوام خلص
كارما : يا عيني يا بنتي تعبتي من اول يوم
دهب : لا متعبتش و لا حاجه بس عايزه انام فضلت سهرانه طول الليل من التوتر منمتش غير ساعتين
كادت كارما ان تتحدث فخرج ادم من مكتبه
ادم بابتسامه لم تصل لعينيه : يلا يا دهب عشان اوصلك
دهب بابتسامه بشوشه : مش عايزه اتعب حضرتك ممكن اخد تاكسب
ادم : و لا تعب و لا حاجه كدا كدا ف سكتي و بعدين مينفعش اسيبك تمشي لوحدك انتي امانه عندي
دهب :اوكي باي يا كارما
كارما : اشوفك بكره بقاا
ذهبت دهب مع ادم و بالسياره
ادم بابتسامه : ارتحتي ف الشغل يا دهب
دهب بخجل : الحمد لله
ادم ف سره : وش كسوف اووي و مالو
ادم : تعرفي انك جميله دهب و بريئه اووي
دهب و هي تنظر له : ميرسي يا ادم
ادم بخبث : مش بجامل علي فكره انا مشوفتش في برائتك و جمالك قبل كدا
دهب و هي تزداد خجل : مش عارفه اققولك ايه بس ميرسي يا ادم
ادم ف سره : مش عارفه تقولي ايه اللي يشوفك دلوقتي ميصدقش عنك اي حاجه من اللي اتحكت
ليصل للمنزل و ينزل معها و يدقو الباب وتفتح لهم الداده
ادم : خالي فين يا داده
الداده : في المكتب يا بيه
دخل ادم مكتب هشام
عند دهب قابلت سلمي امام غرفتها
سلمي : اهلا دهب هانم اخبارك ايه ف الشغل الجديد
دهب : الحمدلله مبسوطه جدا
سلمي بغيظ : اكيد لازم تبقي مبسوطه مش مع ادم
دهب و هي تغمز بعينيها : اها معاكي حق اه صحيح ادم تحت لو عايزه تشوفيه
سلمي : ادم هو جه امتي
دهب : لسه واصلين دلوقتي اصل ادم وصلني معاه
لم ترد عليها ونزلت لمكتب ابيهاا
دهب بلئم بعدما ذهبت سلمي : انتي لسه شوفتي حاجه
عند سلمي ....
سلمي : ايه ده انت ماشي يا ادم
ادم : اها كنت عاوز خالي و اتكلمنا خلاص
سلمي : خليلك شويه يا ادم اتغدا معانا بيحضرو الغدا يلا
هشام : متمشيش يا ادم اتغدا معانا الاول
ادم : ماشي يا هشام بيه ماشي يا ست سلمي
سلمي بابتسامه و تسحبه من يده : طب يلا
تنزل دهب من غرفتها لتجد ادم يتجه مع سلمي
نحو طاوله الطعام
الداده و هي تعطي الهاتف لسلمي : سلمي هانم تليفون حضرتك عمال يرن
سلمي و هي تنهض : تمام يا داده هاتيه
لتذهب لترد علي هاتفها
لتجلس دهب علي طاوله الطعام و يظل ينظر لها ادم فتخجل دهب
دهب : بتبصلي كدا ليه
ادم : اققولك الحقيقه و متزعليش
دهب : مش هزعل قول
ادم بغمزه و ضحكه : اصلي معجب اووي
دهب : هااا
ادم و هو يضحك بصوت : هههههه ها ايه بس بقولك معجب يا دهب و شكلي هحب قريب
لتنهض دهب من خجلها من علي الطاوله و تجري علي غرفتها لينهض ادم و يمسكها امام باب الغرفه
ادم : دهب استني
دهب : ادم لو سمحت
ادم : لو سمحتي انتي انا عايز فرصه يا دهب فرصه انا من اول ما شوفتك و انا مش مبطل تفكير فيكي عارف اني لسه شايفك امبارح بس صدقيني مش طالعه من دماغي و انا مش عاوز اتسلي انا عاوز فرصه نتعرف بس علي بعض و لما نتعرف و نتاكد من مشاعرنا هتقدملك و اطلبك من خالي
دهب : انت بتقول مشاعرنا ايه و كلام فاضي ايه
ادم : ايوه يا دهب مشاعرنا انا عارف كويس انك برضو معجبه بيا زي ما انا معجب بيكي
دهب : احب اققولك انك مغرور اووي
ادم و هو يقترب منها و يخطف قبله من جبهتها : لا انا مش مغرور انا معجب و معجب اووي كمان
دهب و هي تدفعه : انت تجننت اوعي كدا
ادم : لا يا دهب انا عايز فرصتي
دهب : مش هينفع انت ناسي اني مطلقه
ادم : لا مش ناسي بصي يا دهب انا مش بلعب بيكي صدقيني انا حاسس نفسي معجب بيكي و عايز الاعجاب ده يطور لحب فلو سمحتي اديني فرصه بصي انا هنزل دلوقتي عشان اتغدا معاهم لو نزلتي هعرف انك ادتيني فرصه و صدقيني انا مش هخذلك ابدا اما بقا لو منزلتيش هفهم انك مش عايزه........
بالاسفل
كان ادم ينتظر دهب بفارغ الصبر
ادم ف سره : هتنزلي عاملالي فيها محترمه و لا يا ادم بس علي مين
هشام : نهله دهب فين
نهله : مش عارفه هطلع اشوفها
لتنهض نهله لتصعد الدرج لتجد ظهب تنزل
نهله: حبيبتي اتاخرتي ليه
دهب : ابدا يا ماما كنت بغير بس
نهله : طب يلا حبيبتي
لتذهب كلا من دهب و نهله ليبتسم ادم ابتسامه سخريه عندما وجدها مع امها لتنظر له دهب و تبتسم له ابتسامه رقيقه
ادم و هو يبادلها الضحكه : يلا يا دهب الواحد هفتان
لتجلس دهب و نهله و يشرعو بتناول الطعام و ادم يختلس لها النظرات
بعدتناول الطعام...
ادم و هو يرحل : دهب نامي بدري عشان بكرا ورانا شغل كتير
دهب بابتسامه : حاضر
ليسلم علي الجميع و يرحل بابتسامه خبيثه علي وجه
في سياره ادم يرن هاتفه ليجده زين
زين : ايه يا اسطا فينك
ادم : مروح ليه
زين : طب تعال يلا السهره ابتدت
ادم : طيب يلا سلام
زين : سلام متتاخرش
ليذهب ادم بالمكان المتواجد به اصدقائه
زين : كل ده تاخير يا ادم
ادم : معلش اصلي روحت غيرت و جيت علطول لينظر لسليم ليجده يتظر له باشتياق
ليقول له
ادم : مش ناوي تسلم و لا ايه
لينهض سليم و يجذب ادم لاحضانه
سليم : وحشتني يا ادم و واحشني قعدتنا و كلامنا
ادم و هو يحتضنه فقد اشتاق له و نسي ما حدث من قبل : و انت كمان وحشتني يا صاحبي عامل ايه
سليم : دلوقتي بقيت احسن كتيرر
ادم بكدب ليبرر له مقاطعته له: معلش كنت مقصر معاك و بس ظروف موت بابا و نفسيتي كانت تعبانه و بعدين اكسفت اكلمك تحرجني
سليم بصدق : انت مش عارف انت ايه عند يا ادم
زين : ربنا يخلينا لبعض
ليظلو يتحدثون عن ذكرياتهم و ما حدث مع كل منهما .......
في صباح يوم جديد ......
يستيقظ ادم متاخرا ليذهب ادم لمنزل خاله لاصطحاب دهب و لكنه لم يجدها فقد ذهبت مع سلمي
ادم بغضب لانها ذهبت مع سلمي : ماشي يا دهب ماشي
ذهب للشركه و صعد لمكتبه ليجدها في مكتبها و كارما ليس معها
ادم بوجه عابس : ممكن اعرف ليه مشيتي مع سلمي الصبح
دهب بابتسامه بشوشه : ل اابدا بس انت تاخرت و اونكل هشام قالها تخدني معاها
ادم و هو يقترب و يلمس يديها : ممكن متكررش تاني عشان انا بحب ان انا اللي اوصلك
دهب و هي تسحب يديها : حاضر يا ادم
ادم و هو يقترب اكثر : دهب انا مبسوط اووي عشان ادتيني فرصه و ان شاء الله هسعدك
دهب و هي تكاد ان ترد و لكن تاتي كارما ليبتعد
عن دهب و يدخل لمكتبه
كارما : كان عاوز ايه منك يا دهب
دهب : لا ولا حاجه كان بيسئلي علي مواعيد انهارده
كارما : اها
داخل مكتب ادم ......
كان يعمل و لكنه شرد بدهب ليقول
اطلعي من دماغي بقاا اوووف مش عارف اشتغل ليقوم بمطالبه دهب
ادم : دهب تعاليلي
لتدخل دهب الغرفه ليقول لها
ادم : اقعدي يا دهب
لتجلس هي ليقوم و يجلس في الكرسي المقابل لهاا دهب انا عايز اعرف كل حاجه عنك
دهب بتوتر : ليه
ادم و هو يلاحظ توترها
ادم : طبيعي يا دهب ابقا عايز اعرف مش انتي ادتيني فرصه لازم بقا ابقا عارف كل حاجه عنك
دهب و هي تتذكر ما عانته من قبل من ابيها و زوجه ابيها التي كانت تظنها امها لعباس و زوجاته و ما فعلوه بها
ادم و هو يظن بانها تفكر في كدبه لتقولها له : دهب مش هتحكي و لا ايه
دهب : لا هحكيلك يا ادم
و ظلت تسرد له ما عانته لينظر لها بتاثر اجاد تمثيله
ادم ف سره : يا بنت الكلب ده انا لو مش عارف حقيقتك كنت صدقتك
دهب ببكاء : بس لحد ما صحيت لقيت نفسي في المستشفي و لقيت ماما قدامي و قالتلي انها تبقا امي انا ف الاول مكنتش مصدقه بس هي قعدت تحكيلي و بعدين اونكل هشام رفعلي قضيه خلع من عباس و اثبتنا فيها الضرب بتقرير المستشفي و اطلقت و روحت عشت مع ماما و اونكل هشام
ادم بحزن مصتنع : حبيبتي كل ده حصل معاكي بس صدقيني هحاول علي قد مقدر اعوضك يا حبيبتي و قام بجذبها لاحضانه خلاص يا دهب حقك عليا اني فكرتك امسحي دموعك دي يلا كدا يعني مش عايزه تبطلي عياط فقام باخراجها من احضانه و قام بمسح دموعها و قبلها في وجنتيها
ادم : مش عاوز اشوف دموعك دي تاني يا دهب سامعه
دهب و هي تحاول التوقف عن البكاء : اها سامعه يا ادم
ادم : طب اقعدي اهدي شويه و بعد مرور بعد الوقت قامت دهب
دهب : انا هرجع مكتبي بقا يا ادم بعد إذنك
ادم : ماشي يا حبيبتي
تنظر له دهب و تذهب
ليجلس ادم علي مكتب و هو يضحك
ادم : ههههههههههههه
لتتحول ملامحه و يعبس بغضب
ادم : ده انا هخليكي تبكي بدل الدموع دم بقا بتشتغليني ماشي يا بنت نهله ....................
#رواية_دهب_لا_ترحلي
.Part 6
خرجت دهب من مكتب ادم لتتوجه لمكتبها و تجلس و تظل شارده بادم و حنيته و اسلوبه الناعم معها فهي كانت تعامل بجفاء سواء من والدها او عباس فهو او رجل يعاملها بتلك الحنيه لتفق من شرودها علي صوت كارما
كارما : الجميل سرحان في ايه
دهب بابتسامه : ها لا و لا حاجه حبيبتي
كارما : طب بطلي تسرحي عشان تعرفي تشتغلي
لياتي زين اليهم و ينظر لكارما
زين : صباح الخير
دهب و كارما : صباح النور
زين و هو مازال ينظر لكارما : ممكن ادخل لادم هو منتظرني قوليلو زين
دهب : حاضر ثواني
و قامت بمهاتفه ادم و اخباره
دهب : اتفضل يا فندم و نظرت لكارما لتدخل معه
يدخل زين مكتب ادم
كارما : تؤمر حضرتك باي حاجه
ادم : اطلبلنا اتنين قهوه ساده
كارما : حاضر و كادت ان ترحل ليوقفها صوت ادم
ادم : كارما اي وقت زين يجي فيه خليه يدخل علطول
كارما : حاضر يا فندم عن إذنك
بعد خروج كارما
زين باستفهام و رفعه حاجب : هو انت عندك كام سكرتيره بالضبط
ادم بضحك : اتين ليه
زين : اتنين يا ادم ليه يا عم مكفايه واحده
ادم : كدا كدا كارما هنقلها بعد ما دهب تاخد فكره عن كل حاجه هي موجوده مؤقتا بس
زين بفرحه : هتنقل ام شعر احمر لا يا عم متنقلهاش ولا حاجه انا هاخدها تشتغل معايا اصل انا كنت عاوزه سكرتيره
ادم بضحكه: خلاص اتفقنا ...........
عند سليم
كان يجلس بمكتبه ليدق هاتفه
سليم : حازم حازم فينك يا جدع واحشني
حازم : هههههه و انت كمان اخبارك ايه
سليم : تمام و انت
حازم : اها كويس بتصل اعزمك علي خطوبتي و هبعتلك الدعوه بكره بس قولت اتصل اققولك قبل متجيلك الدعوه
سليم : يااااا اخيرا هتخطب دي مين اللي امها داعيه عليها دي عشان تقع ف حازم
حازم : اهو بقاا هعرفك عليها اكيد الخطوبه هتبقا الخميس ها متنساس
سليم : الف مبروك يا صاحبي و ان شاء الله هاجي
حازم : مستنيك
سليم : بإذن الله ليغلق معه و يشرد بمن احبها قلبه و لكنه خسرها بكل غباء ...........
عند ادم و دهب ....
ادم بابتسامه : دهب يلا وقت البريك و انا عةوز اعزمك علي الغدا
دهب : بس انا ورايا لسه شغل و مكنتش هاخد بريك
كارما بلهفه : سيبي الشغل اللي وراكي انا هعملو يا دهب اخرجي اتغدي انتي
دهب : طب ما انتي كده مش هتاخدي بريك
كارما : انا طلبت اكل هيجي وقت البريك متقلقيش
ادم : تمام يلا يا دهب
ذهبت دهب معه و صعدو بالاسانسير
ادم و هو ينظر لها
ادم : وحشتيني
دهب : شكرا
ادم بخبث : شكرا ايه بقولك وحشتيني يعني تقوليلي و انت كمان وحشتني مش شكرا
دهب بخجل : ادم انا لسه معرفكش كويس و متعودش عليك
كل الموضوع ان انا مستريحالك يعني لسه مفيش اي مشاعر اللي تخليني اققولك وحشتني و انت كمان متكدبش علي نفسك انت لسه عارفني من يومين و جاي تالت يوم تقولي وحشتيني
كاد ادم ان يرد و لكن فتح الاسانسير ليخرجو منه و يصطحبها ادم احدي المطاعم القريبه من الشركه و قام ادم بطلب الطعام
ادم بصوت هادئ و حزن مصطنع: انا لما اققولك وحشتيني تبقي وحشتيني لانك ببساطه لو مش وحشاني مش هقولها و بالنسبه لموضوع عارفك من يومين فده انا عارفه بس عارف برضو اني ف حاجه اسمها اعجاب حب من اول نظره سميه زي ما تسميه المهم عندي اني من تلت ايام من ببطل تفكير فيكي
دهب بخجل : ماشي يا سيدي حقك عليا
لياتي لهم الطعام و يشرعو بتناول الطعام
ادم بترقب : قوليلي يا دهب حبيتي قبل كدا
دهب : تؤتؤ و لا مرة
ادم بكدب : و انا كمان و لا مره حبيت قلبي كان مستنيكي
لتنزيد دقات قلبها من حديثه
دهب ف نفسها : في ايه مالك يا دهب اهدي انتي لحقتي تحبيه
بعد انتهائهم من تناول الطعام
صعدو بالاسانسير مره اخري و بمجرد دخولهم الاسانسير يقوم ادم بمسك معصمها و يقوم بتقبيل باطن يديها
دهب و دقات قلبها تتزايد اكثر تحاول سحب يدها منه و لكنه يتمسك بها اكثر
ادم : مكسوفه ليه يا حبيبتي ده انا بوست ايدك والله
دهب بعدما سحبت يدها و تزايد وجها سخونه : لو سمحت متكررهاش تاني
ادم : ليه
فتح باب الاسانسير لتخرج دهب سريعا و تذهب لمكتبها لتجد كارما تعمل علي مكتبها
دخل ادم مكتبه و هو شارد
ادم : هي بتكسف كدا ازاي
عقله : اكيد بتمثل عليك و بتشتغلك و انت جاي عاوز تصدقها
ادم : اهاا بتشتغلني قال يعني بريئه و بتكسف.....
في المساء بمنزل هشام
تجلس دهب بغرفتها شارده بادم ليطرق الباب
دهب : اتفضل
نهله : حبيبتي وحشاني مش عارفه اتلم عليكي من ساعه ما انزلتي الشغل مرتاحه يا روحي
دهب بابتسامه و عينيها تلمع : اها يا ماما مبسوطه ادم بيعاملني كويس اوي
نهله بخبث : اهااا ادم قولتيلي
لتنظر لها دهب : قصدك ايه يا ماما
نهله بابتسامه : و لا حاجه حبيبتي يلا قومي غيري عشان تنزلي تتعشي معانا
دهب و هي تنام : لا مش قادرة همووت و انام
نهله : ماشي يا قلبي براحتك
و بخبث قالت : بمناسبه ادم هو جاي يتعشا معانا هو ماماته
لتنهض دهب و تنظر لها : بجد
نهله بابتسامه : بجد يلا قومي بقا مينفعش عيب
دهب بتمثيل : لازم يعني يا ماما
نهله : اهاا يلا قومي و تخرج من غرفه ابنتها
تنهض دهب من سريرها بسعاده فمن اقتحم تفكيرها سيكون امامها بعد قليل لتخرج فستان رقيق و ترتديه و تترك شعرها منسدل علي ظهرها لتسمع صوت سياره ادم لتفتح الباب و تنزل بسرعه
وصل ادم و والدته ليسلمو علي كلا من هشام و نهله و سلمي
ليقول ادم بضحك : عاش من شافك فينك يا سلمي مش علي اساس عتنزلي الشغل من اول يوم و تعبتي
لتراه دهب و هو يتكلم و يضحك مع سلمي لتنهش الغيره قلبها
سلمي : منتا عارف يا ادم انا مش بتاعه شغل و بعدين كنت عاوزه اشتغل معاك مش بابا بابا ده مفتري
هشام بجديه مصطنعه : انا مفتري يا سلمي
سلمي بضحك : لا مش اوي
ازيك يا عمتو وحشاني و تقوم باحتضانها
ميرفت بضحك: انتي لسه فاكره تسلمي عليا ده هشام و نهله مسلمين عليا بقالهم عشر دقايق
لتري دهب
ميرفت بامتعاض : ايه يا دهب مش المفروض تسلمي و لا ايه
دهب و هي تقترب منهم : اها اكيد يا طنط انا اسفه سرحت شويه و قامت بتحيتها للتتوجه لادم كاد ان يمد يده عندما وجدها تقول
دهب : طبعا مش هسلم عليك لسه كنت معاك ف الشغل
ادم و هو يجز علي اسنانه : اها و مالو برضو
ليجتمعو علي الطاوله فيتحدث هشام مع نهله و ميرفت و ادم مع سلمي و دهب قليلا ما يوجهه لها حديث و يعد تناول الطعام جلسوا سويا لتجلس دهب معهم و هي تلاحظ ان ادم لم يعير لها اننتباه و بعد مرور بعض الوقت لتنهض دهب
دهب بابتسامه مزيفه: بعد اذنكو بيا جماعه غشان بصحي بدري تصبحو علي خير يا جماعه
و لم تنتظر رد علي كلامها و بعد مرور بعض الوقت يستاذن ادم لدخول الحمام
في نفس الوقت كانت بغرفتها و اوشكت علي النوم لتجد من يقتحم غرفتها
دهب باندهاش و تنهض من السرير: ادم بتعمل ايه هنا
ادم و هو يقترب منها : مالك في ايه اللي قالبك كدا
ظهب : مفيش حاجه و اتفضل اطلع بره مينفعش تفضل هنا
ادم بغضب: دهب لو سمحتي ردي عليا
دهب بانفعال : يعني مش عارف في ايه شغال ضحك و مسخره مع ست سلمي و لا عمالي حساب ليه طرطوره انا قاعده
ادم و هو يقترب اكثر و اكثر : افهم من كدا انك غيرانه لا مش معقوله تكوني غيرانه ده انتي لسه متعرفنيش كويس و كمان مش بوحشك معقول مش بوحشك بس بتغيري
ليقوم بجذبهاا وتقبيلها لتقوم بدفعه بانفعال و صفعه علي وجهه
دهب بانفعال و دموع محبوسه : اياك تكرر اللي عملتو ده تاني فاهم و اتفضل برا عشان هنام
ادم باسف حقيقي : دهب انا اسف بس مقدرتش امنع نفسي
دهب : برا يا ادم
ليخرج من غرفتها و تتحول ملامحه فهو كان يتوقع رد فعل اخري منها و لكنها صدمته
في صباح يوم جديد ............
دخل ادم الشركه بغضب ظاهر و هو يتذكر عندما ذهب صباحا لاصطحابها و لكنها رفضت الذهاب و مكثت بالمنزل متعلله انها مريضه و ما اغضبه اكثر ان من اخبره نهله فهو لم يراها
ادم و هو يدخل مكتبه كارما تعالي ورايا لتنهض كارما و تدخل مكتبه ليخبرها
ادم : عاوز جدول مواعيد انهارده يكون قدامي حالا
لتهرول كارما للخارج و تحضر له ما طلبه ليسئلها عن دهب لتخبره بانها هاتفتها و اخبرتها انها مريضه
ليقول لها : طيب اطلبيلي قهوه يا كارما لتذهب كارما تلبيا لطلبه
ليخرج من مكتبه بحثا عن هاتفها فوجده علي مكتبها ففتحه و بحث عن رقم دهب حتي وجده و سجله
ليدخل مكتبه مره اخري
ليقول ف نفسه : حلو اوي شغل المراهقه ده بس انا اللي الغبي اني مفكرتش كل ده اني اخد رقمها
بغرفه دهب.....
كانت غارقه بالنوم فهي ظلت مستيقظه طول الليل لتستستيقظ علي صوت هاتفها لتقوم بالرد
دهب بنعاس : الو
ادم : الو
دهب : مين
ادم : انا ادم يا دهب و لو سمحتي اسمعيني
دهب : ...............
الفصل السابع حتى الفصل الثاني عشر من هنا
رواية فراشة في سك العقرب من هنا
رواية شيطان امرأه كامله من هنا
رواية زواج مع إيقاف التنفيذ من هنا
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺