لما القلب بحب,القصة,كلمات,كل وجع له نهاية,لمه الحبايب,أجمل الروايات,البوم قلبي حبك,رومانسية خالدة,علم النفس,نجوم الحب,قصص رومانسية,قلب,حكايات عالميه,اجمل قصائد الحب,الحب,رومانسية حقيقية
رواية لما القلب بحب بقلم الكاتبه روان الشبلاق حصريه وجديده وكامله جميع الفصول على مدونة النجم المتوهج للروايات والمعلومات
كزبة وحقيقة وتلاقو بنفس القلب من اول دقيقة
رح ينتهي الحب ونرجع نلتقي بهالقصص العتيقة
بدنا هوانا جنون
بدنا صفا وسكون
لما الحلا بخون بتموت الحقيقة
عمر شب عمره 27 سنة متزوج من غزل وعندو ولد اسمو تيم
بحب مرتو كتير علاقتو فيها منيحة بس فيها ملل وروتين
بس عندو مشكلة معها هو بحب الرومنسية والدلع والغزل بس هالشي مو موجود عند مرتو
كل يوم بحاول يكسر الروتين بحياتو وبيحاول يغير جو مع غزل
لكن كالعادة بتتحجج بتيم وبشغل البيت
بزعل شوي منها بس فورا بروق لانو بحبها
مانو متل الشباب الي بس بدو بنت تضحكلو وتتطلع فيه
همو عيلتو وبس
خجول كتير مع الناس الي مابيعرفهم
دارس ومتخرج بس حظو قليل ماعم بلاقي شغل
طويل وجسمو حلو كتير وبجنن
في الشركة
 |
تسنيم. بابا شو صار معك عنا نقص كتير بالموظفين والموظفات
ابو طلال. اليوم نزلنا اعلان انو بدنا موظفين وبكرا المقابلة والي بيواففو عليه رح يتعين فورا
وبشرط انو مايكونو متزوجين مابدنا يصير فينا متل كل مره
كل واحد بكون متزوج بقضيها اجازات بسبب عيلتو انو مرضت بنتي ولدت مرتي
زوجي مابدو ياني اشتغل اليوم
هيك افضل
تسنيم. اي كتير منيح وانا بدي موظف او موظفة معي بالمكتب لان ماعم لحق لحالي
ابو طلال. اي تكرمي بابا مابهون عليي تعبك
تسنيم. اوك بابا لكن بدك شي بدي ارجع ع مكتبي
ابو طلال. لا سلامتك ولاتعبي حالك كتير
تسنيم. ولا يهمك
في بيت عمر
بالمطبخ
عمر. كتير مشتاقلك انا
غزل. يي عمر لك يالله يمداني جهز الغدا لانو تيم رح يرجع من الروضة
عمر. تيم لسا بدو ساعة واكتر تعي لقلك
غزل. لك لا حرام هلأ بيجي جوعان
خلص روح اتسلا بأيا شي
عمر. عم قلك ( م ش ت ق ل ك )
غزل. هههههه حبيبي حبيبي حبيبي دخيل قلبك شو فايق ورايق حل عني بقا
ماني فاضيتلك
عمر. لك مجنونة انتي استغليها فرصة اني قاعد مابشتغل لازم تهتمي فيني تدلليني
غزل. بالله ليش هي ماعم دللك لك كل يوم عم بطبخلك طبخة شكل وعم بعملك حلو يوم كيك يوم كنافة يوم بسبوسة يوم حلاوة الجبن
عمر. بس بس هلأ هيك فهمتيها
انتي كل شي عندك طبخ ونفخ انا ماقصدي هيك قصدي انو
غزل. شووو مايكون قصدك هلأ ماني فاضيتلك لك روح تفرج ع التلفزيون او
عمر. بدون ماتكملي خلص رايح
طلع عمر ع الصالة
وفتح النت وبالصدفة شاف شركة بدها موظفين
طلعت مناسبة كتير
بس شاف شرط انو مابدهم متزوجين
عمر. مازبطت معي العمى ع هالشغلة افففف حظ مااافي
شو فارقة عندهم اذا متزوج او لا
طلعت لعندو غزل
غزل. عمر شبك ليش صوتك طالع ماتكون زعلت لأني
عمر. لا لا انا بشو وانتي بشو
بس هيك مليت من هالحالة بدي اشتغلللل لأيمتا بدي ظل قاعد بالبيت
غزل. يي حبيبي هاد الي شاغل بالك ولايهمك هلأ معنا مصاري بكفونا لتلاقي شغل
عمر. لك مو قصة مصاري القصة انو ليش درست وتعبت ع حالي سنين طويلة وبالأخر اقعد بالبيت لا شغلة ولا عملة
غزل. طول بالك بتهون
#الكاتبة_روان_الشبلاق
عمر. هلأ شفت ع النت انو في شركة بدهم موظفين
بس في مشكلة
غزل. شو المشكلة
عمر. انو مابدهم متزوجين
غزل. اي وين المشكلة ببساطة قول انك مالك متزوج
عمر. ها يعني انتي ماعندك مشكلة بهالشي
غزل. لا حبيبي وين المشكلة انا بهمني مصلحتك
عمر. بس هيك رح اشلح المحبس
غزل. لك دخيلك اشلحو
عمر. يعني مانك مهتمة
غزل. شو الاهم المحبس ولا الوظيفة ؟
عمر. بالنسبة الي المحبس
بتعرفي وين مابكون بس شوف المحبس بتذكرك وببتسم لحتى تعرفي اديش مهم بالنسبة الي
غزل. يا حبيبي كلو شقفة محبس اعطيني خبيلك ياه ومن بكرا بتقدم ع الوظيفة بلكي الله انو تزبط
ولا تخاف اذا بتحبني رح ابقا ببالك ع طول
عمر. اي اكيد بحبك
غزل. معناها هات لخبيلك ياه
عمر. خدي
غزل. موبايلك عم يرن شوف مين
عمر. هاد ربيع
عمر. الو .. اي ربيع هلا كيفك انت
ربيع. تمام قوم تعا لعندي ناطرك
عمر. هلأ
ربيع. اي هلأ
عمر. حل عني جوعان وبدي اتغدا
ربيع. كتير منيح لكن بتعزمني ع الغدا بشي مطعم
عمر. ها شو المناسبة
ربيع. بدي اعرض عليك شغلة يلا قوم هلأ ناطرك
عمر. طيب شر دقايق وبكون عندك .. سلام
ربيع. سلام
غزل. وين بدك تروح الغدا رح يصير وشو بدو ربيع
#الكاتبة_روان_الشبلاق
عمر. اتغدي انتي انا بدي اتغدا مع ربيع ال بدو يعرض عليي شغلة بس ما قال شو هيا
غزل. ايواا بدك تتأخر
عمر. مابعرف شو بصير معي
غزل. اي
عمر. يلا لكن خليني امشي اذا بدك شي اتصلي فيني
غزل. ماشي
عمر. باي
غزل. باي
في الشركة اجت صبا لعند تسنيم رفيئتها
تسنيم. اهلا وسهلا اهلا وسهلا وجهك ولا ضو القمر
عاش مين شافك
صبا. اهلا فيكي حبيبة قلبي شو اخبارك
تسنيم. تمام ياروحي مشتاقيتلك وين هالغيبة
صبا. والله انتي الي مابتطلي ولا بتسألي ياخاينة
تسنيم. اي تذربي من شوي كان لسانك ينقط عسل ههههه
صبا. ههههههه اي لانك عنجد خاينة من وقت بلشتغي شغل هون مع ابوكي انسيتي انو الك رفيئة بتحبك
تسنيم. لا ولو والله مانسيتك بس هيكا يعني الظروف
هلأ قومي خلينا نروح ع شي مطعم وهنيك بنحكي يلا
صبا. خلينا هون عادي
تسنيم. لك لا هون ما بناخد راحتنا بالحكي يلا امشي واصلا انا جوعانة كتير
طلع عمر وربيع ع المطعم وبنفس الوقت طلعت تسنيم وصبا
وصل عمر وصف سيارتو وبالغلط ذربت فيها تسنيم
صبا. تسنيم م م م لك شبك انتبهي
تسنيم. بسيطة بسيطة انزلي لنشوف
ربيع. العمى شو هالسواقة هي شو مو شايفة قدامها
عمر. لحظة لنشوف مين هي
راحت تسنيم لعند عمر
تسنيم. انا اسفة كتير كتير ع الي صار
ربيع. شو مانك شايفة قدامك
صبا. احكي بشوية زوء لوسمحت
ربيع. اسمعو ع هالحكي ضربني وبكا سبقني واشتكا
عمر. خلص ربيع
عمر. ولا يهمك ااااا
تسنيم. تسنيم اسمي
انا بعتذر كتير منك ع الي صار وانا رح اتكفل بأضرار السيارة
عمر. تشرفت بمعرفتك ولا يهمك ماصار شي
تسنيم. لا انا رح بخلي واحد يجي ياخدها ع التصليح
عمر. لا مافي داعي مافيها شي ذربة بسيطة
بس تاني مره انتبهي ليروح يصرلك شي لا سمح الله
تسنيم. شكرا الك ع لطفك ومره تانية اسفة
عمر. العفو بسيطة
دخلو كلهم ع المطعم وتسنيم قعدت ع طاولة مقابل عمر
ربيع. لك ليش ماخليتها تصلحلك ياها مو هي السبب
عمر. مو حرزانة القصة
ربيع. لك انت مفلس وهلأ رح تكلفك اقل شي عشر الاف من وين بدك تجيب
عمر. عادي انسى
ربيع. اي تسطفل الحق علي الي قلتلك
عمر. لك مجنون انت كيف بدي خلي بنت تصلحلي سيارتي ع حسابها
ربيع. اي مافيها شي لانو هي الي ذربتك مو انت ذربتا
عمر. ياسيدي المهم انقضت ع هيك
#لما_القلب_بحب
#الكاتبة_روان_الشبلاق
#الجزء_الثاني
صبا. شفتي صاحب السيارة شو لطيف وحباب والتاني ما اسئلو
بس عنجد هاد الي معو حسيتو قليل زوء
لك هييييييي عم بحكي مع حالي انا
وين صافنة
تسنيم. لك بصاحب السيارة شوفي ما احلاه وما اروعو اتطلعي شوفي بجنننننن
صبا. اي لا معقول في شب عجبها لتسنيم ماعم سدء كأني بحلم
تسنيم. بلا بياختك شوفي حلو لما لا
صبا. من جهة حلو حلو بس بلكي مرتبط ما بتستفيدي شي هههههه
تسنيم. لك لا انتبهت ع ايدو مافيها محبس
صبا. مو ضروري يكون فيها محبس ليكون متزوج
تسنيم. هلأ المهم يا الله اديش لسانو حلو
وطلع فهمان وهيك يعني تقيل انو ماقبل مساعدتي مع انو نزعتلو سيارتو وشكلا جديدة
صبا. ها يعني بدك تفهميني في حب من اول نظرة
تسنيم. لك مو حب مو حب بس هيك مجرد اعجاب بشخصية نادرة الوجود
لك شوفي ليش ماعم يتطلع لهون
صبا. وليش ليتطلع
تسنيم. هيك بدي يتطلع فيني
صبا. قومي لنغير المطعم لانو اذا ظليتي هيك مسطولة مارح نقدر نحكي كلمتين ع بعض
تسنيم. لا خلص رح تقل حالي
صبا. والله امرك غريب يا هالبنت
يعني عنجد عجبك ؟
تسنيم. لك اي حليوة وشخصية ومرتب واهم شي انو ما انجلئ متل باقي الشباب وبدو فرصة ليحكي مع بنت
صبا. كيف يعني فهميني
تسنيم. ياغبية لك لو واحد تاني كان لقاها فرصة وقال نحنا اتنين وهنا بنتين خلينا نعزمهن ع فنجان قهوو ونتسلا شوي معهن
او بيستغلني لانو ضربتلو سيارتو
اما هاد ماحكااااا شي
صبا. هاد الي عجبك فيه ماتخافي كلهم هيك بالبداية بكونو
تسنيم. المهم هلأ شيلينا منو واحكيلي كيفا امك
عمر. اي هات احكيلي شو بدك تقلي
ربيع. شو رأيك بالسفر برات البلد
عمر. هلأ بالله عليك جايبني لتسألني هالسؤال وانت بتعرف اني رافض الفكرة تماما
ربيع. لك خليني كمل اذا وظيفة هون مانك عم تلاقي وانا التاني متلك لهيك بنطلع وبنجرب حظنا ويمكن تزبط معنا
عمر. لك بكرا بدي روح قدم ع وظيفة بشركة يمكن تزبط معي بس حاطين شرط انو ماكون متزوج
ربيع. لكن كيف بدا تزبط
عمر. بقول اني ماني متزوج لاني كتير بحاجة الوظيفة
ربيع. اي بصير بس ع الحالتين فكر بموضوع السفر
عمر. لا مابدي
ربيع. ع راحتك يلا اطلب الغدا متنا من الجوع
عمر. اه يا استغلالي
ربيع. اهلين ابو تيم والله
عمر. اهلين فيك
#الكاتبة_روان_الشبلاق
تسنيم. يي نسيت اسألو شو اسمو
صبا. ههههه رجعنا شو رح تستفيدي لو سألتيه
تسنيم. ولشي بس فضول
صبا. اممم يمكن يكون اسمو محمد او تامر
تسنيم. ههههههه لا مابتوقع هيك
صبا. ليش ضحكتي
تسنيم. لأن انتي كمان مهتمة بأمرو
صبا. ههههه لا والله مو شايلتو من ارضو
عنجد فكينا منو كل شوي بترجع تحكي عنو
تسنيم. خلص قومي لنروح عنجد انا زودتا
صبا. اي امشي لانو اذا ظلينا ماحنخلص من سيرتو
طلعو تنسيم وصبا من المحل
تسنيم. لك ما انتبهلنا ابدا ولا تطلع عيلنا ونحنا طالعين
صبا. لك واحد مابتعرفيه ولا بيعرفك شو بدك فيه
بس بتعرفي بقدر جبلك رقم موبايلو
تسنيم. عنجد كيف قوليلي
صبا. هههههه عم بمزح معك
تسنيم. عنجد انك حيوانة
صبا. هلأ هيك بس بسيطة اتطلعي وراكي ع السيارة وشوفي الرقم مكتوب ع المراية
تسنيم. هيييي شو هاليوم الحلو مامعقول حظي شو حلو
صبا. اف اف البنت خلص جنت
لك شو بدك فيه ليش سجلتيه
تسنيم. مابتسدئي اديش معجبة فيه ورقمو اكيد بيلزمني
يلا اطلعي عالسيارة
بالليل في بيت عمر
غزل. وطي وطي الصوت هلأ بيقعد تيم من النوم وبكرا عندو روضة
عمر. تعي لنحضر الفلم انا وياكي
غزل. مو اليوم حاسة حالي نعسانة خليني روح نام
عمر. مافي تنامي
غزل. لك عمر عم قلك
عمر. ليش عم تحاولي تتهربي
غزل. لاني بدي نام بكرا بدي اغسل وانت بدك تطلع بكير
عمر. بسسس ولا حرف
باليوم الثاني لبس عمر قميص ابيض وبنطلون اسود طلع حلو كتير ومشط شعرو وطلع ع الشركة
وصل لهنيك وعمل مقابلة وتم الموافقة عليه
دخلت تسنيم ع المكتب الي هوا فيه وتفاجئت بس شافتو
تسنيم. انت !!
عمر. انتي !!
شو عم تعملي هون بدك تتوظفي يعني ؟
تسنيم. ليش انت قدمت ع الوظيفة
عمر. اي وقبلوني وانتي ؟
تسنيم. يعني انت عزابي
عمر. لا اي اي عزابي
بس ماقلتيلي شو عم تعملي هون
تسنيم. انا كمان موظفة هون وبنتو لصاحب الشركة
عمر. والله فاجئتيني شو هالصدفة هي انو مبارح التقينا واليوم طلعتي بنتو لصاحب الشركة الي بدي اتوظف فيها
تسنيم. اي صدفة حلوة كتير انو عرفتني عليك
عمر. تسلمي الله يخليكي
تسنيم. انا لهلأ مابعرف اسمك
عمر. انا عمر .. بس ذكريني شو كان اسمك لاني نسيت
تسنيم. هلأ هيك من مبارح لليوم لحقت تنسى ع كلا مو مشكلة اسمي تسنيم وتشرفت كتير بمعرفتك ومابعرف الصدفة التالتة الي رح تجمعنا وين بتكون ههههه
عمر. هههه صراحة الشرف الي
تسنيم. بتعرف بدي انو انت تكون معي بالمكتب لانو انا لحالي ماعم لحق شغل
عمر. ايه متل مابدك بالنهاية الشركة شركتكم ووين مابدكم انا بكون
تسنيم. ماتحكي هيك تفضل معي ع مكتبي
عمر. اي يلا
تسنيم. هي مكتبك انت وهاد مكتبي واذا بتحب بلش من اليوم شغل
عمر. بصراحة مو عارف كيف اتشكرك
تسنيم. ولو ماعملت شي مابكفي الي عملتو بسيارتك مبارح
تسنيم. لو سمحت تنين قهوة ع مكتبي
لحظة لحظة
ماقلتلي شو قهوتك
#الكاتبة_روان_الشبلاق
عمر. حلوة
تسنيم. تنين قهوة واحد حلوة واحد وسط ماتتأخر
عمر. ماكان في داعي
تسنيم. لا ولو
بلش عمر شغل من اول يوم
وكان كتير مبسوط انو توظف بعد فترة طويلة من قعدتو بالبيت
حاولت تسنيم تفتح معو مواضيع لتحكي معو بس كان يجاوب بأختصار لانو بلشان بالشغل
تسنيم مو عاطية فرحتها لحدا انو الشب الي اعجبت فيه يتوظف بشركتهم ومعها بنفس المكتب
تسنيم في نفسها ليش هيك حاطك راسو بالاوراق يحكي معي يسألني شي
طيب رح بادر انا
تسنيم. عمر انت كم عمرك
عمر. عمري 27 سنة
تسنيم. مرتبط قصدي ليش لهلأ مانك متزوج
عمر. قلت انو بكير حتى اسس حالي بالاول
تسنيم. امممم طيب انا عمري 22 سنة
عمر. العمر كلو
تسنيم. تسلم
تسنيم في نفسها يي علينا يتركلي الشغل هلأ ويسألني شي شو دارسة مين الي كانت معك مبارح لك حتى وانا حاكيه ما اتطلع فيني
بس بيلبقلو يتقل حالو ولو تشوفو صبا اليوم لتغير رأيا فيه لانو اليوم احلا من مبارح بكتير
تسنيم. مين الي كان معك مبارح
عمر. صاحبي
تسنيم في نفسها مبين انو مابدو يحكي يوه كل هالقد مخلص لشغلو
خلص انا معاد احكي معو شي خليني صير متلو شو بس هوا يشوف حالو
تسنيم بنت طيوبة كتير وحلوة وناعمة كتير ومو متكبرة ابدا
مابيعجبها مين ماكان
ابوها غني وعندو شركات مو شركة وطلباتها اوامر عندو
اعز رفيئة عليها هي صبا
#لما_القلب_بحب
#الكاتبة_روان_الشبلاق
#الجزء_الثالث
غزل. خليني اتصل بعمر شوف شو صار معو لانو اتأخر
اتصلت فيه غزل
غزل. حبيبي وينك لهلأ
عمر. اهلين حبيبتي
تسنيم في نفسها ولي لمين عم يقول حبيبتي يارب مايكون مرتبط بس قال حبيبتي انا متأكدة اففف يلعن حظي مالحقت افرح
عمر. انقبلت بالوظيفة وبلشت من اليوم
غزل. ان شاء الله الف مبروك
عمر. الله يبارك فيكي
غزل. لكن رح سكر هلأ مابدي عطلك عن شغلك ويئلعوك من اول يوم
عمر. هههههههه اي باي
غزل. باي
تسنيم جنت بدها تعرف مع مين كان يحكي ومين هي الي ضحكلا صبرت شوي وبعدين حكت
تسنيم. امممم فضول مو اكتر
مرتبط ؟
مين هي الي عم بتقوللها حبيبتي
عمر. لا مو مرتبط هي هي امي
تسنيم. اه عنجد الله يطول بعمرها
عمر. تسلمي
عمر في نفسه رحت ما انكشف مابتعرف انو امي الله يرحمها
تسنيم في نفسها اف الحمدلله مو مرتبط هلأ ارتحت
بس خلص الدوام وكل واحد بدو يروح على بيتو
تسنيم. خليني وصلك
عمر. لا شكرا الك سيارتي معي
تسنيم. اوك لكن باي
عمر. باي
رجع عمر ع بيتو واخد لابنو هدية
غزل. شوف بابا شو جايبلك قلو شكرا بابا
تيم. شكرا بابا كتير حلوة
عمر. عفوا يا حبيب بابا
غزل. يلا روح العب فيها بغرفتك وخلي الغرفة مرتبة ماتعفسها
غزل. اي احكيلي شو صار معك
عمر. الحظ واقف معي فورا انقبلت وتوظفت
غزل. اي كتير منيح فرحتلك
يلا رح حطلك الغدا مشان نروح ع بيت اهلك بنغير جو
عمر. مابدك تسأليني شي تاني
غزل. امممم اي بدي اسألك
عمر. اسألي
غزل. ليش بس لتيم جايب هدية
عمر. فكرت رح تسألي شي تاني
انتي هديتك المره الجاية
يلا حطي الغدا
في بيت تسنيم اتصلت بصبا
تسنيم. كيفك صبا
صبا. تمام كيفك انتي
تسنيم. كتيررر منيحة وفرحانة
صبا. ليش شو السبب
تسنيم. لك اليوم التقيت بعمر
صبا. مين عمر
تسنيم. لك عمر عمر اليوم اتوظف عنا بالشركة ومعي بالمكتب
صبا. لك احكي منيح وفهميني مين هاد عمر
تسنيم. يي هلأ بطلتي تفهمي لك الي ذربتلو سيارتو مبارح طلع اسمو عمر
واليوم اتوظف عنا بالشركة وطلع عزابي
صبا. لااا بتمزحي كيف هيك
تسنيم. والله عنجد لو شفتيه اليوم ولا كأنو هوا الي شفناه مبارح معقول هيك كل يوم بزيد جمالو
صبا. اي روئي روئي مو لهالدرجة واحكيلي كيف صار هيك وتوظف عندكم
تسنيم. حتى انا مابعرف شفتو بالصدفة بالشركة وحطيتو معي بالمكتب وطول لنهار حاول احكي وافتح مواضيع بس ما يهتم ويجاوبني بكلمة وحده
صبا. لك هبلة تقلي حالك شوي تسنيم. اي اي ماشي
صبا. يعني بدك تقنعيني انو مو انتي الي اتصلتي فيه واتفقتي معو ع انو توظفيه عندكم
تسنيم. لا والله كيف بدي احكي معو ييييي لك صحيح رقمو معي والله ناسية هالشي يلا باي باي بدي شوف شو حاطط حالة وصورة ع الواتس بعدين بحكي معك
صبا. بااي
فتحت تسنيم الواتس وشافت الحالة والصورة
تبعدنا الاماكن ويربطنا شعور يبعدنا كلام وتذكرنا اغنية 🎧
تسنيم. حلووو رح حاكيه او لا ليش لحاكيه
بصير يحكي عليي شبني والله ماكنت هيك شو عمل فيني
المشكلة انو ماعمل شي وهيك صار فيني
خلص تنسيم اهدي شوي ليش هيك متلبكة
رح شوف شو بدي البس بكرا لأطلع كتير حلوة وكيوت
وخلص قرار نهائي مارح احكي معو ولا كلمة بكرا لحتى هوا يحاكي
باليوم الثاني وصلت تسنيم قبل عمر ع الشركة وقعدت عم تستناه وماشربت قهوتها مشان تشربها معو
في بيت عمر
عمر. غزل غزوول يلا قومي حبيبتي اعمليلي قهوة بدي اطلع ع الشغل
غزل. عمور حبيبي اعملها لحالك نعسانة انا
عمر. لك قومي حابب اشربها معك من زمان ماقعدنا هيك بكير وشربناها مع بعض
غزل. لك حل عني فاضي لحالك والله نعسانة اشربها لحالك
عمر. خلص شكرا مابدي
غزل. ع راحتك
وصل عمر ع الشركة
عمر. صباح الخير
اسف بس ماكون اتأخرت
تسنيم. صباح النور لا ابدا ما تأخرت بس انا جاية بكير شوي
عمر. اي تمام
تسنيم. شربت قهوتك
عمر. لا لسا
تسنيم. اوك رح بطلب لان انا لسا ماشربت
عمر. اي يسلمو ايديكي
تسنيم. ولو الله يسلمك
تسنيم في نفسها حتى وهوا عم يشرب قهوتو عم يشتغل
بس لاكن ريحة العطر الي حاططها بتاخد العقل
الله يعينك ياقلبي
لك شبني ليش هيك متلبكة ومتوترة
خلص لنهار طويل خليني ساكتة الا ما يحكي
بعد مرور ساعتين قرب عمر من تسنيم وسألها عن غلط بالاوراق
عمر. هي الورقة من عندك بس شوفيلي كأنو فيها غلط ولا انا الغلطان
تسنيم تلبكت وانسطلت فيه انو راكي ايدو ع مكتبها وعم يحكي معها
تسنيم. شو قلت
عمر. ههههه وين شاردة
بس شوفيلي الورقة هي فيها غلط ولا انا الغلطان لان انتي كاينة متطلعة عليها
تسنيم. اي والله انا الغلطانة عنجد انو يعني مابعرف اسفة بس مابعرف شو صايرلي عم خبص
شكرا لأنك انتبهت ع هاد الغلط
عمر. ولا يهمك يمكن انتي تعبانة شوي
تسنيم. اي يمكن
تسنيم يا الله ضحكتو شو حلوة
شو صايرلي عم بخربط بالحكي وبتأتأ بس احكي معو
لا وكيف هيك اتطلعت فيه متل المسطولة وهوا عم يحكي معي عنجد اني غبية
صار وقت استراحة الغدا وماحكو شي
تسنيم. يلا قوم نروح نتغدا صار وقت الاستراحة
عمر. هون ولا برات الشركة
تسنيم. عادي كل واحد وين مابدو الي بيبقا هون والي بيروح ع مطعم قريب يعني معهم ساعة
عمر. ايوا لكن انا خليني روح ع البيت بهي الساعة
تسنيم. لا شو تروح ع البيت مو حرزانة
بنتغدا سوا بمطعم قريب من هون
عمر. بس
تسنيم. مافي بس خلص امشي
عمر. طيب
تسنيم. خلينا نروح بسيارتك مشان انت تسوء
عمر. اي بصراحة بخاف تعملي متل هديك المره هههههه
راحو عمر وتسنيم ع مطعم قريب من الشركة وتغدو وخلصت الساعة
عمر. يلا نمشي تأخرنا
تسنيم. لا معليش خلينا كمان شوي
عمر. بس انا مافيي ظل لانو انا موظف
تسنيم. خلص عمر انت معي وماحدا بيطلعلو يحكي معك شي
عمر. طيب متل مابدك
تسنيم. هيك بدنا نظل ساكتين
يعني انت طبعك هيك مابتحكي كتير ولا شو
واذا حكيت مابتحكي الا بالشغل
عمر. لا مو هيك بس مابعرف شو بدي احكي
تسنيم. احكي شو مابدك بس ما تظل ساكت
طيب انت سافرت شي مره برات البلد
عمر. لا في كتير ناس عرضو عليي بس انا مابدي
تسنيم. طب احكيلي شوي عن حالك
عمر. كيف يعني
تسنيم. هيك انت احكي وانا بسمعك
شو لك احكي
عمر. انو يعني ماعندي شي احكيه
طب انتي سافرتي
تسنيم. اي هيك ها اسألني ايا شي
لا ما سافرت بس حابة اني اطلع ع بلد تاني
عمر. اها
تسنيم. كم اخ عندك
عمر. 3 شباب و 2 بنات
تسنيم. انا عندي اخ واحد
عمر. ايوا
تسنيم لك شبو يعني ما معقول هاد خجل ولا شو كتير مزودها مابجاوب الا ع قد السؤال ومابخلي للواحد مجال يحكي
عمر. كأنو تأخرنا كتير
تسنيم. لا معليش خلينا كمان شوي ولا تهكل هم
عمر في نفسه شو اعمل كأنو مهتمة فيني ومابتعرف اني متزوج
مفكريتني مو فاهم عليها بس هيك احسن خليني اقطع عليها الطريق من اولو
شو هالشغل هاد الي انبنا ع كذبة
هلأ هي مفكريتني مو حاسس والله هي بنت طيبة
ومابدي تتعلق بوهم
مبين من اول مابلشت شغل واهتمامها زايد
بس يمكن يكون هي هيك طبيعتها بالتعامل مع كل الموظفين
تسنيم. انا هلأ اتأكدت انو ماجبتك الطلعة معي وكنت حابب تروح على بيتكم
عمر. لا والله مو هيك مين قال هالحكي
تسنيم. اي مبين عليك
عمر. لا ابدا
تسنيم. طيب يلا خلينا نمشي
عمر. اي يلا
رجعو ع الشركة كملو دوامهم وبس خلص دوامهم تسنيم رجعت ع البيت
وعمر راح ع محل البسة واشترا فسطان واكسسوارات لغزل
عمر. انا متأكد رح يعجبها
وصل عمر ع البيت
عمر. كيفك غزل
غزل. تمام كيف شغلك
عمر. منيح الحمدلله
غزل. شو هاد الي معك
عمر. هي هديتك الي وعدتك فيها
غزل. يي شو هاد لك مين قلك تجيبو انا ما بلبس هيك شي يي ماني متعودة
عمر. اي بتتعودي رح يطلع كتير حلو عليكي
غزل. لا مستحيل ما بلبسو
عمر. لك والله ليش شبو
غزل. اي ماعجبني
عمر. بس انا عجبني ورح بطلع بجنن عليكي
غزل. لا ماحلو
عمر. قومي البسيه وبعدا بقرر
غزل. لا لا خلص رح اعطيه لاختك ندى بتحب هيك شغلات
عمر. لك والله انتي حرام الواحد يجبلك شي
غزل. ليش هيك عم تحكي
عمر. لأن انا عم قلك حلو وعاجبني وانتي مو متنازلة حتى تقيسيه
غزل. يعني ليش زعلت
عمر. خلص غزل اعطيه لمين مابدك وسكري ع الموضوع رجاءا
#لما_القلب_بحب
#الكاتبة_روان_الشبلاق
#الجزء_الرابع
في بيت تنسيم
ابو طلال. اي بابا مرتاحة مع الشب الي معك
اذا مو مرتاحة بنقلو
تنسيم. لا بابا مرتاحة كتير
ابو طلال. اي منيح
تنسيم. عن اذنك انا رايحة ع غرفتي
دخلت تنسم ع غرفتها واتصلت بصبا
صبا. اي شو اخبارك
تنسيم. ضايعة وماعم بعرف شو بصير معي
صبا. احكيلي لنشوف مين سبب ضياعك
تنسيم. عمر
صبا. شبو
تنسيم. لك بس احكي معو عم بتلبك كتير بصير اسئلو اسئلة بايخة
يعني بدي احكي معو بأي طريقة
بصير اسئلو اسئلة ما الها طعمة
يعني بدي لما بحكي معو هيك كون عادي متل ماهلأ عم بحكي معي
فهمتي علي كيف
صبا. اي فهمانة عليكي
تنسيم. بدي انو اتصرف عادي ع طبيعتي بس وقت بشوفو بنخوث وبفوت ببعضي يعني هلأ الله اعلم شو بكون حكا عليي
بس الحق عليه هوا خجول كتير اذا ماحكيتو ما بيحكي
صبا. بس وقت شفناه كان غير هيك وهوا الي حكا وماخلا رفيئو يحكي
تنسيم. لكن شو القصة
صبا. بلكي الشب في بحياتو بنت لهيك ماعم يهتم
تنسيم. لك المشكلة اني سألتو اكتر من مره اذا مرتبط قال لا
صبا. لكن هوا هيك طبعو
خلص لا تعلقي حالك فيه
انتي الف شب بتمناكي ولا نسيتي بنت مين بتكوني
تنسيم. لك معقول هوا هيك بيحسبها
عنجد متل ماقلتي انتي اول مره شافني كان يحكي عادي
بس من وقت عرف انو انا بنتو لصاحب الشركة يمكن يكون غير معاملتو انو انا وين وهوا وين
صبا. اي هاد سبب كبير بيمنعو
تنسيم. ياربي بس انا مابدي انو يفكر هيك
انا بنت عادية متل ايا بنت ولا بس لانو بابا معو مصاري هيك بصير فيني
صبا. لكن حبيبتي اذا مستواه المادي مو منيح بحياتو مارح يفكر يتطلع فيكي
تنسيم. مبين انو وضعو منيح انو عندو سيارة ولبسو كلو جديد وحلو ومامبين انو ناقصو شي
صبا. عنجد شو بدك فيه انسيه قبل ما تتعلقي فيه
تنسيم. تعلقت وخلصت انا من زمان بدور ع هيك شب بشكلو واخلاقو واذا عنجد عم يتجاهل الحكي معي لأجل انو انا وين وهوا وين ف بكون كبر بعيني كتيررر لانو لو شب تاني كان استغلني
صبا. اي ممكن
تنسيم. بس خلص انا رح فهمو انو مافي فرق بيني وبينو
وبما انو مانو شايف حالو عادي اذا انا الي حكيت وفتحت مواضيع معو
اكيد رح يتفهمني وماياخد فكرة سيئة عني
صبا. اي لاتنسي خبريني كل شي بصير معك اول بأول
تنسيم. اوك .. يلا باي
صبا. باي
بالليل طلع عمر مع ربيع
ربيع. مرتاح بشغلك لجدبد
عمر. اي ماشي الحال واحزر شو
البنت الي ذربتلي السيارة من يومين
ربيع. اي شبها
عمر. طلعت بنتو لصاحب الشركة الي بشتغل فيها وانا معها بنفس المكتب
ربيع. شو هالصدفة
عمر. اي صدفة غريبة
ربيع. لكن صرنا نعرفها للمخلوئة بلكي بتتواسطلي مع ابوها يوظفني معكم بالشركة
عمر. مو عأساس بدك تسافر
ربيع. شلت الفكرة من بالي الا اذا انت بتسافر معي
عمر. لا شكرا
ربيع. يعني توظفت لانو معك واسطة ياعمي نيالك
عمر. لا والله اصلا انقبلت بالوظيفة من قبل ما اعرف انو الشركة الهم
ربيع. استنا شوي رح جيب ارقيلة
عمر. جبلي وحده
ربيع. من ايمتا
عمر. من هلأ عندك مانع
ربيع. اي مو تكرم ابو تيم
في بيت تسنيم
تسنيم. رح جرب ابعتلو ع الواتس
بعتتلو تسنيم
مساء الخير
كيفك 😊
عمر. رقم غريب مين هاد
تسنيم. كأنك مابدك ترد
عمر. مسالنور تمام .. هي رديت .. مين 🤔
تسنيم. ماعرفتني
عمر. لا والله ما حصلي الشرف
تسنيم. كيف الشغل لجديد 🙂
ربيع. شو مع مين بتحكي
عمر. رقم غريب لسا ما قال مين
عمر. الشغل منيح بس ممكن اعرف مين 😒
تسنيم. معقول نسيتني كل يوم بدي ذكرك بأسمي ☺️
عمر. والله ماعرفت مين 🙄
تسنيم. انا تسنيم 😎
عمر. اه .. لك يا اهلين .. كيفك
تسنيم. الحمدلله .. كيفك انت
اسفة ع ازعاج اذا كنت مشغول
عمر. لا ولو بس ماخطرلي انو تكوني انتي
تسنيم. فاجئتك ماهيك بس كنت حابة امزح معك شوي بس قلبي ما طاوعني طول عليك 😃
عمر. هههههه بس من وين جبتي رقمي 🙁
تسنيم. جبتو وخلص مامهم من وين 😉
عمر. ايواا 😌
ربيع. ليش جايي تسهر معي اذا بدك تظل تراسل
عمر. شو مدايقك
تسنيم. شو عم تعمل 🙇🏻
عمر. سهران مع رفيقي الغليظ الي شفتيه معي 😁
تسنيم. ههههههه سلملي عليه
عمر. الله يسلمك
تسنيم. لكن مابدي انزعلك سهرتك يلا بدك شي
عمر. لا سلامتك
تسنيم. باي 🙋🏻
عمر. باي 👋🏻
عمر في نفسه والله امرها غريب من وين اخدت رقمي وشو بدها مني ليش لتراسلني ما معقول بس لانو زميلتي بالعمل
يعني مافي سبب مقنع للي عم بصير
ربيع. هيييي لك الي ساعة احكي معك وين شردت
عمر. لا مافي شي .. قلي شو بدك
ربيع. عم قول لحالي ليش ما بتحكيلي مع هي البنت الي بالشركة بلكي بتوظفني بواسطة يعني اني رفيقك
عمر. اي لا تقول لحالك مره تانية
ربيع. له لك ليش
عمر. لاني بعرفك ماخرج وظيفة متل كل مره بتخجلني مع العالم وبتحطني بمواقف بتخجل
هديك الشركة بتروح حضرتك وبتقدم ويا بيقبلوك يا لا انا لا تحطني بالنص
ربيع. اي اي خلص فهمنا ماخرج الواحد يعتمد عليك بشي
عمر. هيك احسن مشان يظل راسي مرتاح منك ومن مشاكلك
ربيع. اي بتعتازني شي يوم يا عمر
عمر. الله لا يعيزني الك
باليوم الثاني قعدت غزل قبل عمر وعملتلو قهوة وفيقتو من النوم
غزل. صباح الخير حبيبي
عمر. صباح النوووور
غزل. يلا قوم غسل وجهك وتعا القهوة جاهزة
عمر. ليش فايقة بكير
غزل. لأعملك القهوة مو انت قلت انو حابب نشربها مع بعض
عمر. اي اكيد حبيبتي
غسل عمر ولبس تيابو وعم يشربو القهوة
غزل. عمورتي لساتك زعلان مني مشان الفسطان
عمر. لا حبيبتي انا نسيت الموضوع وانتي خلص انسي
غزل. اكيد مالك زعلان
عمر. لا مالي زعلان بس لبقا تعيديها
غزل. اي
عمر. يلا انا تأخرت بدك شي
غزل. لا سلامتك
عمر. مابدك تعطيني بوسة صلح غزل. هههههه لك انت بتستغل كل موقف لصالحك
عمر. اي لكن
راح عمر ع الشركة وهوا مبسوط من غزل انو اهتمت فيه ولقا تسنيم واصلة قبلو بس ما عطا ايا ردة فعل انو حكو مع بعض مبارح وتناسا القصة
عمر. صباح الخير .. كيفك
تسنيم. صباح النور .. تمام
رح بطلب القهوة اكيد مانك شاربها
عمر. لا شربت بالبيت
تسنيم. مع مين
عمر. مع امي
تسنيم. اي مو مشكلة بتشربها معي مره تانية
عمر في نفسه يارب الي عم فكر فيه مايكون صحيح وانو هاد اهتمام خاص فيني لك المشكلة اذا قلتلها انو متزوج رح اتئلع تئليع من الشركة
#الكاتبة_روان_الشبلاق
تسنيم في نفسها شو قصتو ولا سألني من وين جبتي الرقم وليش حكيتي معي
مو معقول شو بارد
تسنيم. كيف كانت سهرتك مبارح
عمر. كتير منيحة
تسنيم. اكيد كل يوم بتطلع معو لانو كان باين انكم رفئا كتير
عمر. اي هيك شي
مرقو كم يوم ع هالحالة وتسنيم تحكي معو المسا ع الواتس يوم مايرد ويوم يرد بس ما يعطيها مجال ويوم يقول انو مشغول
وبالشركة متل كل يوم عمر عم يشتغل وتسنيم شاردة فيه
بس عمر عم يتجاهلها ويعمل حالو مو فاهم حركاتها
في بيت تسنيم
تسنيم. ليش هيك عم تعمل معي لو تعرف يا عمر انو انت اول شب بيعمل فيني الي عملتو انت كركبتني صرت انسانة تانية
والله مو بأيدي مابعرف ليش هيك عملت بحالي بس من اول مره شفتك فيها هيك صار فيني بحبك بحب كل تفاصيلك بحب ريحة عطرك بحب خجلك وتقلك لك حتى بحب تجاهلك لأهلي بحب محادثتنا الي ع الواتس لانو الكلمات ايدك الي كتبتهن ولك بحبك بحبك
بالشركة
تسنيم. يلا عمر قوم صار وقت الغدا انا عازميتك
عمر. لا مافي داعي بتغدا هون
تسنيم. لا شو هون عم قلك عازمتك
عمر. اصلا والله مالي جوعان كتير
تسنيم. لك قوم بقا هيك الواحد بحكي مع بنت عازمتو ع الغدا
عمر. طيب امشي
تسنيم. بسيارتك
عمر. حاضر بسيارتي
تسنيم. هههههه
بالسيارة
تسنيم بتعرف عمر لابقلك هيك انو تشوف حالك حتى ولو عليي
عمر. انا بشوف حالي !!
تسنيم. اي كتير اوقات بحكي معك بتتجاهلني انو ليش يعني مو عاجبك شي فيني
مع اني والله كتير مهضومة وطيوبة وبسيطة جدا
عمر. هههههههه لا ماهيك بالعكس انتي كتير حبابة ومافي منك بس انا طبيعتي بالتعامل مع الناس
كيف بدي اشرحلك ياها
تسنيم. خلص مافي داعي تشرحلي اذا هيك طبيعتك اي اما فكرت انو فيني شي مو عاجبك
عمر. يعني ماتزعلي مني
تسنيم. مستحيل ازعل منك
وصلو ع المطعم ونزلو من السيارة
شافو ربيع كان طالع من المطعم
ربيع. هااا لك هي انتي
تسنيم. الواحد بسلم بالاول
ربيع. كيفك انسه ....
تسنيم. اسمي تسنيم
تمام الحمدلله
ربيع. عاشت الاسامي
تسنيم. تسلم
ربيع. كيفك ابو تيم
#لما_القلب_بحب
#الكاتبة_روان_الشبلاق
#الجزء_الخامس
عمر. تمام خلص فيك تروح انت هلأ
ربيع. ليش عم تدفش بدي احكي مع الانسة تنسيم كم كلمة اذا سمحتي
تسنيم. طيب خلينا نفوت وبنحكي
دخلو ع المطعم
عمر في نفسه يارب مايغلط بشي كلمة قدامها نتبهدل
ربيع. اي انسة هلأ انا شوفة عينك لا شغلة ولا عملة ورح احكيلك ياها بصراحة اذا
عمر. ربيع خلص قوم روح
ربيع. خليني كمل
تسنيم. احكي ربيع
ربيع. اذا بتتواسطيلي انو اتوظف بشركتكم كونك بنتو لصاحب الشركة
تسنيم. تكرم عينك من بكرا فيك تداوم
ربيع. هيك بهالسهولة
تسنيم. اي ولو ما انت رفيئو لعمر معقول خجلك
بس بدي اسألك كيف عرفت انو انا بنتو لصاحب الشركة
ربيع. عمر حكالي
تسنيم. ايوا طيب متل ما قلتلك بكرا بتداوم
راح ربيع وتسنيم فرحانة كتير انو حاكي لرفيئو عنها
تسنيم. امممم قلي شو حاكي لربيع عني
عمر. ولشي بس متل ماقال هوا
تسنيم. يا الله من اجوبتك المختصرة
عمر. عنجد ماحكيتو شي غير انو انتي بنتو لصاحب الشركة
تسنيم. بس كأني لاحظت انو قالك ابو تيم
عمر. اه اي انا هيك معروف بين رفقاتي
بنادوني ابو تيم
تسنيم. اممم كأنك مو ع بعضك
عمر. لا ابدا
تسنيم. شبك ليش ساكت احكي شي
عمر. عم قول انو تأخرنا ماهيك
تسنيم. يا الله انت مافي امل منك
عمر. ههههه يلا نمشي
تسنيم. تفضل
بالليل في بيت عمر
غزل. عمر شبك مو ع بعضك
عمر. ولشي بس معليش تعمليلي فنجان قهوة
عمر في نفسه ياعمر لا تفوت بهيك دوامة ماتعرف كيف تطلع منها
هي عم تراسلك كل يوم
وكل يوم بدها تتغدا معك
واهتمامها الزايد فيني واضح انو لانها بتحبني
يعني هي بنت بتنحب عفوية وطيبة ومارح تظل ساكتة عن مشاعرها اكيد رح يجي يوم وتخبرني
شو بدي اعمل اقعد بالبيت واترك الشغل الي صرلي فترة طويلة بستناه وراتب منيح
ولا كمل وما اهتم وما اعطي للموضوع اهمية
بس انا خايف من حالي خايف مع الايام ما اقدر سيطر ع حالي انو اذا تجرأت وحكت مابعرف شو حتكون ردة فعلي وهي بنت دلوعة وبتنحب
وانا زلما متزوج وعندي ولد صحيح بتخانئ انا وغزل بس هاد مابيعني اني بكرها بالعكس بحبها وبنفس الوقت عم نرجع نتصالح ومابدي اخرب حياتي بأيدي رح كمل ليصيرلي شهر ووقتا بترك والله بيرزق
غزل. تفضل القهوة
عمر. يسلمو ايديكي
في بيت تنسيم عم تحكي مع صبا
تنسيم. واكيد لو ماني عاجبتو ما كان حكا لرفيئو عني
صبا. انتي هبلة اذا عنجد بتحبيه ليش ما بتفاتحيه ومافيها شي احكيلو بصراحة
تسنيم. يي وقتا شو رح يحكي عني
صبا. مارح يحكي شي بالعكس وقتا رح يتجرء ويحكي هوا كمان
تسنيم. ولي اذا وانا عم احكي معك وقف قلبي كيف اذا فاتحتو بالقصة
صبا. هي من علامات الحب يا هبلة حتى لو فرضنا انو هوا مو معجب فيكي وانتي حكيتي معو اكيد مارح يرفض
تسنيم. طيب بشوف شو بصير معي وبخبرك .. باي
صبا. باي
باليوم الثاني داوم ربيع معهم بالشركة
بعد مرور ساعتين من الدوام اجا لعندهم ربيع
ربيع. سلام كيفكم
تسنيم. تمام كيفك انت
عمر. اهلين ربيع خير شو في
ربيع. ولشي مليت قلت بجي بتسلا هون شوي
تسنيم. ههههههه
عمر. لحقت تمل بهالسرعة قلتلك انو انت ماخرج تتوظف درست وتعبت ع الفاضي
ربيع. هلأ بلا فزلكة واطلبلنا قهوة
عمر. هون مكان شغل مو فاتحينلك قهوة يلا قوم ع مكتبك
تسنيم. لا ربيع خليك رح بطلب قهوة
عمر. لك لا تردي عليه هلأ بياخد وجه
تسنيم. هههههه اي هوا ع الاقل بيعطي استراحة لنفسو مو متلك ما بتترك شغلك دقيقة
عمر. يعني طلعت انا الغلطان
ربيع. اي نعم غلطان
عمر. طيب يلا اشرب قهوتك وقوم روح
تسنيم في نفسها منيح وجود ربيع معنا عم يخلي عمر يحكي شوي ياريت يظل يطل علينا كل شوي
ربيع. وين شاردة
تسنيم. عم فكر انو اديش في فرق بينك وبين عمر
ربيع. اي بعرف انو انا افضل منو بكتير
تسنيم. هههههه لك عنجد بحكي
ربيع. من انا ناحية
تسنيم. يعني انت مابتسكت وهوا مابيحكي
ربيع. لا تخافي بس لحتى ياخد وجه
تسنيم. هههههه اي حلو بئا ياخد وجه لك بشتهي اسمع صوتو
شوف مثلا هلأ انا وياك عم نحكي وهوا ساكت
عمر. يعني هلأ استلمتوني
تسنيم. ههههه
ربيع. هههههههه
لك صحيح ايمتا استراحة الغدا
عمر. لك الدوام ماصرلو ساعتين مبلش يلا قوم روح ع مكتبك
ربيع. ماشي رايح
بعد مرور 3 ساعات
تسنيم. عمر في موضوع بدي احكي معك فيه
اتطلع فيها عمر وعرف شو بدها تحكي ظل ساكت
تسنيم. شبك
عمر. لا ولشي اتفضلي احكي
تسنيم. لا مو هلأ بعد الدوام بنطلع انا وياك ع كفتيريا وهنيك بنحكي
عمر. ياريت بس مابقدر عندي موعد مع واحد بعد الدوام مباشرة
تسنيم. اي لكن المسا
عمر. يعني مابعرف شو بدي قلك بس كمان المسا في عندي شغلة وبدي خلصها
قامت لعندو تنسيم وقعدت مقابيلو ع الكرسي
عمر وهوا عم يحك براسو كيف بدي اتهرب
تسنيم. اممم معقول مابدك تعطيني شوي من وقتك
عمر. والله اليوم مابقدر بلكي بكرا
تسنيم. مو مشكلة طيب خلينا نحكي شوي
عمر. تفضلي
تسنيم. بدلع انو يعني شو رأيك فيني
عمر اتطلع بعيونها وهي ابتسمتلو
عمر. من اي ناحية
تسنيم. من كل النواحي
عمر. يعني انتي بنت طيبة وعفوية ومتواضعة
تسنيم. هاد من زوءك بس في شي تاني بدك تحكيه
عمر. لا ولشي
تسنيم. طيب رح بحكي بصراحة ومابعرف شو رح بتقول عني يعني انت شب جذاب وحلو وانيق وبتقدر تلفت انتباه ايا بنت بكل شي فيك بشخصيتك وحضورك و
قطع عليها حكيها دخول ربيع
عمر في نفسه اف الحمدلله نفذت لاني ماكنت بعرف شو رح جاوبها
ربيع. شو كأنكم ماخدين استراحة ع هوا مو تاركين شغلكم وعم تحكو
تسنيم في نفسها كنت رح انطق هالجوهرة وربيع نزع عليي يلا اصلا المكان مو مناسب للحكي بهيك موضوع
ربيع. كأني بحكي مع حالي انا
يلا امشو هلأ استراحة الغدا
تسنيم. اي يلا عمر امشي
عمر. لا انا بدكم تعذروني بدي روح اتغدا بالبيت
تسنيم. ليش
عمر. ساعة وبرجع
خلص اطلعي انتي وربيع
تسنيم. يعني بدك تتغدا مع امك
ربيع. امك !!
عمر غمزو لربيع
عمر. اي امي حابب اتغدا انا وياها
تسنيم. لكن خلص ونحنا بنتغدا هون مافي داعي نطلع
ربيع. لا لا خلينا نطلع ليكو المطعم قريب
عمر. يلا عن اذنكن
راحت تسنيم وربيع ع المطعم وعمر ماراح ع البيت راح ع كفتيريا قريبة من الشركة
وصار يفكر بالحكي الي قالتو تسنيم
انت شب حلو وبتقدر تلفت انتباه اي بنت بشخصيتك وحضورك
عمر. ايه ممكن كون بقدر الفت انتباه اي بنت بس انتي كمان بتنحبي ولو ماتركتي اثر فيني ماكنت هلأ عم بفكر فيكي
مابكزب ع حالي انتي البنت الي كنت بتمنا غزل تكون متلا بحكيها بدلعها بطريقة لبسها و بأهتمامها بنفسها حتى بجرأتك
من وين اطلعتيلي انتي
خلص عمر شو هالتخبيص اصحا ع حالك
طيب شو اعمل هي مارح تتركني لتحكي الي بقلبا
رح اتصل بربيع وقلو يقوللها اني ماني راجع اليوم
اتصل عمر بربيع
عمر. اسمعني شو بدي احكي
ربيع. اي قول
عمر. قول لتسنيم انو انا ماني راجع ع الشركة بحجة انو امي تعبانة ومافيني اتركها
ربيع. له له سلامتها ما ع قلبها شر
عمر. بلا بياختك
ربيع. لك مشان تزبط
عمر. اي انتبه انو تغلط بشي
ربيع. لا ولا يهمك .. سلام
ربيع. هاد عمر الي كنت احكي معو
تسنيم. شو بدو
ربيع. بقول انو امو تعبانة ومافينو يتركها
تسنيم. يي سلامتها ان شاء الله
ربيع. الله يسلمك
ربيع. انتي كم عمرك
تسنيم. رح بلش بال 23
ربيع. العمر كلو
تسنيم. تسلم
رجع عمر ع البيت وقرر انو يترك الوظيفة ومعاد يداوم
ظلو تسنيم وربيع يحكو مع بعض وكل ما تقول تسنيم يلا نمشي ما بخليها ربيع
وماسكت ولا دقيقة طول الوقت يحكي
هي مو عاجبها الوضع لانو عمر مو معهم
ربيع. طيب خلص بنمشي صرعتيني ولو
تسنيم. لك اي لأن بدي ارجع ع البيت
ربيع. ليش مو ع الشركة
تسنيم. لا مو حرزانة
ربيع. يعني ماظل الا انا لا والله ماني راجع
تسنيم. ههههه ع راحتك
ربيع. امشي لوصلك ع بيتكم
تسنيم. اي
في بيت تسنيم اتصلت بصبا
تسنيم. اليوم سمعت انو امو تعبانة
صبا. اي هي فرصتك
بتحكي معو وبتاخدي عنوان بيتهم وبتروحي تزوري امو مشان تكبري بعينو
تسنيم. هيك قولتك
صبا. اي هلأ اتصلي فيه وخدي عنوان البيت
تسنيم. ماشي لكن بعدين بحكي معك .. باي
صبا. باي
في بيت عمر
عمر. غزل البسي ولبسي تيم خلينا نطلع نغير جو
غزل. شو المناسبة
عمر. ولشي بس حابب غير جو
غزل. اي ماشي دقيقتين وبنكون جاهزين
لان انا عندي شي بدي قولك ياه
عمر. قولي
غزل. لك لا مو هلأ بس نطلع
عمر. طيب لكن روحي البسي
عمر بدو يطلع مع عيلتو لانو لساتو عم بفكر بحكي تسنيم
بدو ينسا ويشيلها من تفكيرو مو عارف كيف
رن موبايل عمر وكانت تنسيم اول مره مارد التانية رد
عمر. الو
تسنيم. كيفك عمر كيفا امك
عمر. تمام الحمدلله تحسنت كتير
تسنيم. اي الحمدلله
ليك بدي قلك انو اعطيني عنوان بيتكم بجي بزور امك وبتعرف عليها
عمر. اه اي اهلا وسهلا بس والله امي هلأ راحت عند بيت خالتي لانو متل ما قلتلك اتحسنت
تسنيم. ايواا طيب شو عليك هلأ
عمر. ماعليي شي
تسنيم. فيني شوفك بالكفتيريا
هلأ
عمر. ليش في شي
تسنيم. حابة احكي معك
عمر. طيب اوك عشر دقايق وبلاقيكي بالكفتيريا
تسنيم. اوك باي
غزل. عمر نحنا صرنا جاهزين
عمر. غزل حبيبتي ماتزعلي مني بس طلعتلي شغلة ولازم روح
غزل. شو الشغلة
عمر. لا ولشي خلص بس ارجع بحكيلك .. يلا باي
غزل. باي
لبست تسنيم وتمكيجت وزبطت حالا ع الاخر
تسنيم. متلبكة كتير بس معليش رح بحكيلو كل شي بقلبي وما حخبي عليه شي هيك احسن بس مابعرف شو حتكون ردة فعلو
راحت ع الكفتيريا لقت عمر موصل قبلا
تسنيم. كيفك اسفة اذا تأخرت عليك
عمر. لا ولا يهمك هلأ وصلت
تسنيم. اي تمام
تسنيم. عمر بدي احكيلك شي بكل صراحة وبكل وضوح
عمر. رح بسمعك بس كمان انا عندي شي بدي قولك ياه
تسنيم. عنجد شوو احكي
عمر. احكي انتي بالاول
تسنيم. رح بحكي بس يعني متوترة شوي ما تضحك عليي
هههه
عمر. لا ابدا احكي سامعك
تسنيم. كيف بدي قلك ياها
انو انا من اول مره شفتك فيها ولحد الان ماعم بتروح من بالي عم بفكر فيك بكل لحظة وكل ثانية
عمر. وانا بدي احكيكي عن هالقصة وانو انا
تسنيم. لحظة خليني كمل مزال الحكي عم يطلع معي
عمر. كملي
تسنيم. انا يعني هيك كيف بدي قلك انو من اول ما شفتك وانا معجبة فيك وقلبي بدء كل مابحكي معك مابعرف شو رح تحكي عني بس انا بحبك
عمر. مابعرف شو بدي قلك او شو رح تحكي عني
انا بحترم ومقدر مشاعرك تجاهي ومحبتك الي حبيت جرأتك
ولاحظت هالشي عليكي انك بتحبيني وكنت منتبه وحاسس من الاول
تسنيم. عنجد بتحكي
عمر. اي عنجد
وانتي بنت حلوة والف شب بيتمناكي وبتمنى نظرة من عيونك
بصراحة حاولت اتجاهلك كتير بس انتي بنت حلوة وكربوجة وطيوبة وماتفكري انك مرئتي بحياتي بدون ما تتركي اثر واثر كبير كمان
بس يمكن او اكيد هلأ رح تزعلي من الي رح بقولو ورح تستحقريني
بس في شفلة لازم تعرفيها
تسنيم. يعني شو
شو الي لازم اعرفو
عمر احكي
لك احكي ليش سكتت
عمر. لازم تعرفي الحقيقة
تسنيم. حقيقة شو
عمر. حقيقة انو انا متزوج
#لما_القلب_بحب
#الكاتبة_روان_الشبلاق
#الجزء_السادس_والاخير
تسنيم. شو كيف يعني شو قصدك انك متزوج عم تمزح ما عم تمزح اكيد ههههه
عمر. تسنيم انا متزوج وعندي ولد وامي متوفية
تسنيم. عم تمزززح
عمر. بعرف حكيي صدمك بس هي الحقيقة
تسنيم. لك ليش ليش كذبت عليي اه ليش كذبت شو عملتلك انا عمر قول انا بشو اذيتك ليش هيك عملت فيني
عمر. تسنيم اسمعيني
تسنيم. لا لا انت مو متزوج عم تقول هيك لتتهرب مني
عمر. انا عنجد متزوج وسمعتي ربيع وقت قال ابو تيم
تسنيم. طيب ليش هيك
صارت تسنيم تبكي
عمر. لك لا تبكي والله ماكان قصدي وماكنت بعرف انو هيك رح يصير معي
تسنيم. اي طبعا ماكنت متوقع انو بنت هبلة متلي رح تتعلق فيك وتقلك انها بتحبك
عمر. لا مو هيك اسمعيني الله يخليكي انا كنت انا كنت بحاجة لشغل واضطريت انو اكذب لأتوظف والله ماكان قصدي اكذب عليكي او خبي عنك الحقيقة بس ماعرفت شو اعمل وشو قلك لهيك اليون قررت انو اترك الشغل لأن مابدي ياكي تتعلقي فيني اكتر
انا والله كنت حاسس فيكي وشغلي كلو كان مبني على كذبة وهلأ انكشفت
لك خلص لا تبكي وسامحيني بترجاكي انتي عنجد بتستاهلي الي احسن مني
تسنيم. انا حبيتك الك لك ما بتتخيل اديش كنت فكر فيك واتخيلك واديش حكيت لرفيئتي عنك وكان معا حق وقت تقلي لو بحبك كان فاتحك بالموضوع
عمر. لك والله فاهم هالشي وحاسس فيكي وظروفي هي الي جبرتني اكذب عليكم
تسنيم. بس كان فيك من الاول تقلي من قبل ما اتعلق فيك
واكيد ماكنت رح خليك تترك الوظيفة
عمر. الحق معك بكل كلمة بتقوليها بس شو اعمل هاد الي صار
تسنيم. لك والله ماعم سدء ماعممممم سدء انو انت متزوج
عمر. انا اسف وبعتذر حقك عليي
تسنيم. خلص عمر انسى
عمر. طيب لا تبكي لو اني جرحتك واذيتك بس
تسنيم. لا انت ماعملت شي وانا لازم روح باي
عمر. تسنيم الله يخليكي سامحيني
تسنيم. على شو
عمر. على كل شي صار بسببي
تسنيم. انت ماعملتلي شي وعادي ماتهتم كلها شقفة قلب الله يسامحك والله يهنيك مع مرتك وابنك .. باي
راحت تسنيم وهي تبكي وظل عمر وكان زعلان ع الي صار فيها بس بنفس الوقت ارتاح لانو عرفت الحقيقة
رن موبايل عمر وكان المتصل ربيع
ربيع. وينك انت
عمر. بالكفتيريا
ربيع. تمام جايي لعندك
وصل ربيع لعند عمر
ربيع. شو عم تعمل هون
عمر. ولشي كنت بدي اتصل فيك لتجي بس سبئتني
ربيع. ليش شو بدك
عمر. انا تركت الوظيفة معاد بدي داوم
ربيع. عنجد ليش
عمر. ابدا بس مارتحت بالشغل والراتب قليل بلاقيلي وظيفة احسن
ربيع. لك جنيت والله الراتب منيح فكر منيح قبل ما تترك
عمر. هاد الي صار خلص تركت
ربيع. تسطفل بس مجنون
عمر. اي شو بدك مني
ربيع. كنت بدي اسألك عن تسنيم
عمر. شبها
ربيع. مرتبطة شي
عمر. ليش بتسأل
ربيع. هلأ جاوبني
عمر. بتوقع لا
ربيع. كتير منيح لاني بصراحة معجب فيها وقلت حاجتي عزوبية
عمر. اي بنصحك ماتضيعها من ايدك لان مارح تلاقي متلها
ربيع. بس قولتك بتوافق عليي
عمر. اذا انت عنجد بتحبها بتظل وراها لتوافق وهي بسيطة كتير
ربيع. لك بحبا بس خايف انو ترفض
عمر. اذا حسستا اديش بتحبا وحسستا بأهتمامك فيها اكيد رح تحبك بس بدا وقت وانت لا تمل ظلك حاول
ربيع. لكن بكرا بالدوام بخبرها
عمر. اي كتير منيح
رجع عمر ع البيت ومبسوط انو ربيع حبها لتسنيم وانو رح يعوضها عن كل الي مرقت فيه
عمر. وين تيم ؟
غزل. زعل كتير وجن جنانو بس عرف انك بطلت تاخدو مشوار قمت بعثتو ع بيت عمو يتسلا مع اولاد عمو بس روح جيبو هلأ
عمر. ليش هلأ تركيه يتسلا
غزل. لك عادي بتركو بس اشتقتلو
عمر. وانا اشتقتلك تعي بدي احكي معك بموضوع
قعدت جنبو غزل
غزل. امممم احكي
عمر. انا اشتقتلك اشتقت لغزل الي ماكانت تخليني روح ع شفلي الا حتى هي تطولي تيابي
اشتقت لغزل الي كانت تزعل مني اذا رحت ع شغلي ونسيت بوسا قبل ماروح
اشتقت للي كانت تستناني بالدقيقة لارجع من شغلي وكانت تصرعني بالاتصالات
اشتقت لغزل الي كاتت تحب كل شي بحبو انا
الي كانت تهتم فيني بشكل مو طبيعي
كانت تسمعني حكي حلو وشعر كانت كل دقيقة تقلي بحبك
وكانت تغار علي
بس وينا هلأ ؟
ليش هيك صار فينا
ليش كل هالجفا والبرود
ليش هاد الاهمال كلو
يعني بطلتي تحبيني وعايشة معي بس لنكمل هالعمر
غزل. لا تقول هيك والله انا بحبك
عمر. خلينا نرجع متل اول
غزل. لك بحس انو كبرنا ع هيك شغلات وصرنا اب وام وانو لازم نهتم بأبنا ونربيه بطريقة صحيحة
عمر. حبيبتي انا معك وانا مقدر تعبك ع تيم واهتمامك فيه بس هاد مابيمنع انو نعيش حياتنا نحنا كمان لك لسانا شباب الي بعمرنا لهلأ ماتزوجو
وهاد الشي ما بيعني انك تهمليني بهي الطريقة
لك والله انا بحبك ومو شايف غيرك
وبدي منك انو نرجع متل اول
لسانا بأول عمرنا خلينا نعيش حياتنا لاحئين ع المسؤلية
وكل الي عنا ولد واحد
غزل. امممم رح يصيرو تنين
عمر. كيف يعني
غزل. انا حامل
عمر. عنجد بتحكي
غزل. اي والله
عمر. ههههه لك والله مو مسدء عنجد يعني رح يصير عند تيم اخ او اخت
غزل. اي ياعمري
حملها عمر ولف فيها
غزل. ههههههه لك عمر نزلني هههههه
عمر. شو قلتي ع الحكي الي قلتلك ياه موافقة انو نرجع متل اول ؟
غزل. يي عمر فاضي لحالك رح يصير عنا ولدين
عمر. شو ووو
غزل. ههههههه عم بمزح طبعا موافقة ياعمري واسفة ع الاهمال الي صار بينا
عمر. رح نبدا من اول وجديد وبالمناسبة انا تركت الوظيفة
غزل. شووو ليش
عمر. ما ارتحت فيها
غزل. بس ليش
عمر. لا تكتري الاسئلة وروحي جيبي المحبس
غزل. من عيوني
راحت غزل ع الغرفة وشالت المحبس
غزل. يا الله اديش اهملتك ياعمر منيح منك انك كاين متحملني
لبست غزل الفستان الي جبلا ياه وتمكيجت بسرعة وطلعت
بس شافها عمر وقف وطار عقلو
عمر. واوووو لك شو هالجمال لك بتجنني يا الله اديشك حلوة
قربت منو غزل
غزل. هي المحبس
عمر. اعطيني ياه
غزل. لا انت اعطيني ايدك وانا رح بلبسك ياه
لبستو المحبس وباسها ع راسها
في بيت تسنيم قاعدة لحالها بغرفتها وعم تبكي دخل عليها ابوها وشافها تبكي
ابو طلال. تسنيم ياروحي شو في ليش عم تبكي
تسنيم. مافي شي
ابو طلال. كيف مافي شي مين الي مزعل بنتي الحلوة
تسنيم. ماحدا
ابو طلال. بابا وقفي بكي وفهميني شو في
تسنيم. مافي شي بس مليت من حياتي كل يوم نفس الشي انا تعبت
ابو طلال. هاد الي مزعلك يعني مافي شي تاني
تسنيم. لا مافي
ابو طلال. يمكن صاير فيكي هيك لان لانو ماعندك رفقات الا صبا وماعندك خوات وقلتلك يا بابا بلا الشغل بتعبك مارديتي
تسنيم. بابا الشغل بسليني مو بتعبني
ابو طلال. طيب شو رأيك بأنو تطلعي شهر او شهرين عند اخوكي طلال ع المانيا
ها شو قلتي
فكرت تسنيم ولقت انو هي فرصة لتنسى عمر
وافقت وسفرها بعد بكرا
تاني يوم راح ربيع ع الشركة ما لقا تسنيم سأل عنها قالولو انها بدها تسافر انصدم كتير لانو كان رح بقوللها انو بحبها
في بيت تسنيم صبا عندها وخبرتها بكل شي صار معها
كانت عم تظب شناتيها مشان السفر
صبا. بلا جنان هاد سبب مو كافي لتسافري
تسنيم شو بدك ياني ابقا هون وظل اتذكر عمر ع الاقل هنيك بعرف اني بعدت عنو وبحاول انساه بعدين كلهن شهرين ما بينحكا فيهن
صبا. بس رح اشتقلك كتير
تسنيم. وانا كمان
قامت صبا وضمتها وصارو يبكو
دء باب البيت راحت تسنيم لتفتح طلع ربيع تفاجئت كتير
تسنيم. ربيع !!
ربيع. ليش بدك تسافري
تسنيم. لانو لانو ولشي هيك تغيير جو
ربيع. تعي معي بدي احكي معك بموضوع
تسنيم. ربيع عم ظب الشناتي ماني فاضية
ربيع. بس مافي تسافري
تسنيم. ليش
ربيع. هيك خليكي هون
تسنيم. والله ماعم بفهم عليك
ربيع. كرمالي ماتسافري
تسنيم. لك ربيع احكي بوضوح
ربيع. لأن انا حبيتك وما متخيل انك تسافري وما شوفك
تسنيم ضلت ساكتة ومصدومة من الحكي الي سمعتو
ربيع. ليش ساكتة بعرف انو انا مو الشب المناسب لألك بس انا عنجد حبيتك من كل قلبي
تسنيم. لا والله مو هيك انت ناقي منك بس انا متفاجئة وبصراحة ماني جاهزة لأي علاقة بالوقت الحالي
ربيع. لا تسافري
تسنيم. شهرين مو اكتر
ربيع. رح ابقا ناطرك لترجعي من السفر ورح اشتقلك كتير باي
سافرت تسنيم وزعل ربيع بس مافقد الامل ظل يداوم بالشركة وبعت اضافة لتسنيم ع الفيسبوك
صار يحكي هوا وياها كل يوم
طبعا الحكي بينهم اول فترة كان عادي
بس بعدين صارو يعرفو كل شي عن بعض وبأدق التفاصيل وتعودو ع بعض لانو كانو يحكو بساعات طويلة
وربيع ما مل كل يوم كان يقوللها انو بحبها
مرق شهر ونص وتسنيم نسيتو لعمر
وتعودت ع ربيع كتير
وكان كتير يحكيلها شعر و مواقف ونكت ويضحكها
لحتى خلاها تحبو
وصار يلح عليها كتير انو ترجع من السفر
ربيع. لك كل الي ظل اسبوع ليش ما بترجعي ما ضروري تطبقي الشهرين
لك والله اشتقتلك
بستناكي بالدقيقة وبالثانية حاسس صارو سنتين مو شهرين
ارجعي بقا خلينا نخطب
تسنيم. ههههههه كل الي بقي اسبوع اتحمل شوي شو صرلك
ربيع. حاضر كرمالك رح بتحمل
اجا يوم رجعة تسنيم من السفر وربيع المسا بدو يروح يستئبلها بالمطار
راح ربيع لعند عمر وحكالو انو تسنيم رح ترجع اليوم من السفر
عمر. يلا كتير منيح انو قدرت تكسب قلبها
ربيع. طولت عليي كتير تاني يوم فورا رح روح واخطبها
عمر. ههههههه كل هالقد حب
ربيع. ما بتتصور اديش بحبها
عمر. الله يخليكن لبعض
ربيع. الله يسلمك
علاقة عمر وغزل تحسنت كتير وصارت غزل متل مابدو عمر وهلأ ناطرين بنوتة صغيرة
وعمر لقا شغل بوظيفة تانية وكتير مرتاح
راح ربيع ع المطار وكان ناطر تسنيم بس شافها من بعيد فرح كتير
قربو من بعض وضمها بشوق
ربيع. والله كتير اشتقتلك
تسنيم. وانا كمان اشتقتلك
ربيع. بحبك كتير كتير
تسنيم. وانا بحبكككككككك
في بيت عم كان قاعد بالصالة وغزل بالمطبخ عم تشتغل
عمر. لك غزل تعي بسرعة بسرعة بسرعة
غزل. لك شوفي شو في لك احكي طيرتلي عقلي
عمر. انا بحبككككك
غزل ذربتو بالطاسة الي كانت شايلتا بأيدها 😓
غزل. ههههههه وانا بحبك
عمر. ماشي رح بسدك ياها
غزل. بحبكككككك
عمر. ايــــه والله الحب الحلال احلى
النهاية 🤍
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
