رواية حب في قلبي غرد الفصل الاول والثاني بقلم الكاتبه جوهره حصريه وجديده على مدونة النجم المتوهج للروايات والمعلومات
وما حيلة قلبي وانا أراه ينجذب لحب هز كياني
القصة حقيقية مع التحفظ على بعض الأحداث وعدم ذكرها في النقل لأن خادشة للحياء ، لا اشجع على التمادي والتجاوز عالبطل إذا ماعجبكم تصرفه لان يتابع
بغضب وفقدان صبر صرخ بيها / شلون بيج فهميني مجاي تحاولين تتغيرين صارلي جم سنة واني نفس الكلام اعيده
/ شنو قصدك اني ما افتهم
/ استغفر الله شوف اني وين اقصد وهي وين تشمر شو وخري من وجهي خل اولي
طلع وعافها واكفه بغرفتهم ركضت وراه / وسااام وساام اوكف شبيك
طلع بالكراج ورفع أيده ومنطي ظهره للبيت بمعنى روحي
طلع بسيارته وهي رجعت دخلت عدها ملابس مغاسلتهن وقمصان وسام يحتاجن كوي
بدت شغلها متأخر جهالها صغار يلة تلحك عليهم وعالبيت
وسام آل... ساكن مدينة كربلاء عمري 34 سنة خريج تربية انكلش ومتعين صارلي جم سنة اداوم بمدرسة للبنين الحمدلله حالتي زينة مستقل بيت وحدي اني جيران اهلي أبوية شيخ عشيرة آل .... ناس معروفين والنا سمعتنا وصيتنا عندي اربع إخوة ولد واخت وحدة
 |
تزوجت بعمر ال24 سنة من اقربائنا جانت صغيرة بوكتها عمرها 15سنة وعندي 3 اطفال ولدين وبنت ، طبعي حار كولش وخاصة بالعلاقة احب الرومانسية الي للأسف بعض الاوقات افتقدها بزوجتي
اليوم ضجت كولش لأن حجيت وياها بالليل كاتلها الاريده منها شنو خاطر تسويه شو هي نص تسوي والباقي لا أبالي
مرات اكول اني هم صوجي لأن تزوجتها صغيرة ماعدها الوعي الكافي بأمور الحياة بس والله احاول أعلمها وافهمها الاريدة
احس حياتي روتين يومي مابيها اي شي نفس الوضع يتكرر بملل واحس روحي طفشان
طلعت لولد صاحبي عنده محل موبايلات كعدت شوية يمه ورجعت طبكت السيارة بالباب ونزلت جان وكت مغربية ماحبيت ادخل لبيتي فتت لبيت الوالد الله يحفظه سلمت عليهم كاعدين بالحديقة هو وإخوتي اخذتنا السوالف شوية غيرت جو يمهم تونست
أبويه سألني على معاملة ، عدنا بيت اشتراه الحجي واني امشيله بالطابو لأن ماله خلك هيج سوالف فاحنا نكمل شغلاته
ابو غانم / يابة وسام شوكت تخلص معاملة البيت
وسام / والله يابة يرادلها وكت تعرف روتين الدوائر باجر إن شاء الله طالع للدائرة
أبوه / اي يابة الله يكوي حيلك
إذن المغرب اترخصت منهم ورجعت للبيت
تلكاني حسوني يركض وراه اخوته جنهم متعاركين جلب برجلية حاوطهن ، نظوري وايوته من شافوني ضحكو يدرون بية ما ادخل البيت أيدي فارغه لازم اجيبلهم حلويات
اني الصراحه حيل ضجت لأن عينهم راحت على أيدي وحسيتهم فشلو
فرأسا حجيت /؛يلة وليداتي اجيت اخذكم نروح لأبو الأسواق نشتري حلويات
الصياح والهوسة ترست الكراج اخذتهم وطلعنا بالسيارة
منتظر الجبير عمره 8سنوات وآية 6 و حسن 4
دخلنا الأسواق مو بعيده سوبر ماركت جبير موجود براس الشارع
إشتروا اليردونه ورجعنا اخذو العلاكه وكعدو بالمطبخ يتقاسمون ، دنيا واكفه تشتغل عالطباخ تسوي عشا ما حجيت وياها فتت اتوضى اصلي المغرب
بالليل كاعد وحدي عالموبايل احجي وية بنية مازنجر فتت للحمام نسيت الموبايل مفتوح من طلعت لكيته بيد دنيا زوجتي من شافتني كامت تحجي
دنيا بعتب / مو عيب عليك مصادقلي بنات وانوب تحجي وياها شوف شكاتبتلك لا عبالك ماقريت
جريت موبايلي من أيدها ونترت بيها / انجبي لج صوتج نصي لا اكص لسانج والله
ما سكتت بقت تحجي وادردم علية
دنيا / والله ما ابقى دقيقة اخلي اهلي يسوولك حل لأن ما اقبل بهيج وضع
زمخت بيها / امشي ولي على أساس اني خايف
دفعتها وطبيت للغرفة هي اجت بقت صافنه علية اني قفلت موبايلي ونمت
ادري بيها مراح تروح لأهلها لأن متعوف البيت
علاقتي بيها غير شكل صح اودها وبيناتنا نوعما حب اقصد حب بسبب العشرة بس مجاي تحاول تغير من طبعها وهالشي يخليني ادور يم غيرها اني رجال والي رغباتي الي مجاي دنيا تستوعبها ولا تحاول تملي عيني بالاريده ، ما تستوعب حالتي شكد احجي ولا عبالك
الصبح الساعة تسعه على أساس اطلع للدائرة علمود المعاملة اندكت الباب
أشوفها راحت تركض تريد تفتحه نترت بيها
وسام / وين رايحه ارجعي شنو كامزة ماكو رجال
رجعت ماحجت رحت فتحته طلعو اهلها اخوتها اثنين سلمو ورديتلهم دخلو من المطبخ
اشرتلهم يتفضلون للاستقبال ماقبلو
اخوها الجبير ثائر رأسا حجى / شنو هاي وسام مو عيب انت عندك مرة وجهال ليش هيج تتصرف !!
عكدت حاجبي بس بداخلي حسيت بيهم على شنو جايين ..
ثائر حجاها السالفة ادحك عليها خنست رديت عليه / مالكم حق تدخلون بحياتي انت شوف اختك اسألها شوف تقصيرها شنو بعدين احجي وياي
ثائر / مو تروح تصاحب بالفيس بنات عيب عليك هاي انت المثقف
طبعا حيل ضوجني كمنا نتصايح فاني هددتهم
واشرت على دنيا واعصابي فول ..
وسام / معاجبج خاتون اني اعلمج الا اتزوج عليج واكسر راسج
ثائر من سمعني هيج احجي ودنيا كامت تبجي رأسا بدل كلامه / لا يخوي صلي على نبينا التفاهم حلو احنا منريد هجمان بيت اختنا بس انت هم على كيفك وياها
بقيت رافع تك حاجب ماحجيت كعدو شويه وكامو وبقى ثائر يحجي وية أخته بالباب
شوية ورجعت اني ماطلعت وراهم
كلبو دماغي ولد الذين
رجعت مدنكة راسها ودخلت للغرفة يم الجهال جانو بعدهم نايمين
استغفرت ربي وطلعت وراي مراجعه بالطابو ماحجيت وياها ليش متصله على أهلها ادري بيها هسة كامت تخاف اتزوج عليها
بالدائرة الطابو ما اوصفلكم الملل والتأخير شلونه كاعد انتظر صارلي ساعتين لما يجي سرة معاملتي
بهالاثناء لمحت بنت دخلت وياها ولد صغير بعمر الخمس سنوات بس شنو يا ربي الجمال الي شايلته سويت روحي مامهتم بس جذب والله حيل دخلت عقلي أناقة وجمال فدشي يخليني غصبا على أهلي اراقبها جنت اخطف النظرة حتى أشوفها طبعا هي اكبالي مسافة بيناتنه قليلة أشرت لأبنها اجاني حظنته وبست راسه / شسمك بابا
/ علاوي
وسام / الله حلو علاوي .. بقيت اسولف وياه
وأمه عينها علينا
ـــــــــــــــــــــ
/ هلا خيتي شلونج وليداتج شلونهم
/ بخير بعد اخيتك شو ماتبينون لا انت لا الوليدات
/ حقج خيتي أن شاء الله هاليومين يمكم
/ هلا بيك خوية
/ شلونها بنيتج صارت زينة
/ الحمدلله احسن بهواي
/ الحمدلله
سلم عليها وسده
/ ها حجي هاي ام محمد شلونهم شخبارهم
ابو غانم / اي هي تكول زينة اكلج باجر نروحلهم
ام غانم / اي خطية من زمان عنها لزوم نزورها ونتطمن عليها
ــــــــــــــــ
/ ها يمة اروح اني
/ وين ابقي هذا خالج ابو غانم يسأل عليج
/ تسأل عليه العافية خل اروح هسة يرجع حيدر وخاف يحجي علية
ام محمد / هسة مو يدري انتي هنا عليش يحجي عليج
/ ميخالف خل اروح وين رعد خل يوصلني
اخذت جهالي وطلعت ويه اخوية بيتنا مو بعيد عن اهلي مسافة بس حيدر ميقبل اطلع وحدي
وصلني اخوية ورجع جان وكت مغربية سلمت على عمتي جانت بالمطبخ الجهال بقو يمها واني صعدت لغرفتي انزع عباتي واتوضى اصلي إذن المغرب
حيدر بعده مجاي طالع للسوك
اني زهراء عمري حاليا22 سنة تزوجت بعمر ال 16 سنة من ابن عم أبوية ابو شيخ عشيرة آل .. اني مردت اتزوج اهلي من كملت سادس ابتدائي بطلوني من المدرسة يخافون علية صارت شغلة خطف ماخطف خوالي واهلي ماقبلوا احنا جنا عايشين بيتنا حايط عالحايط وية خوالي بيت اجار الا كمل بيتنا ورى فترة انتقلنا وهاي السنين كلها من جنت صغيرة احنا يم خوالي بس خالي الجبير الي هو شيخ ابو غانم طالع بيت وحد بس نفس المنطقه ولده كبار ومتزوجين
علاقتي بخوالي حيل قوية ضحك وشقى يعني متعودين اني وخالي الصغير علاقتنا حلوة وهو حيل يحبني بس زوجته ورى ماتزوج كامت تضوج يمكن تغار المهم كامت تسويلي مشاكل فخالي مرات كام يرزلني بس مو كدام اهلي لا من ما موجودين ، اكيد زوجته تعبي براسه
مرة من المرات جنت يمهم وتلاسنت وياها وخالي رزلني واني كمت أصيح امي دخلت صدفة تخبلت وهي من النوع هواي تحب بيت اهلها ضربتني وكامت تحجي وهددتني الا تزوجني حتى كالت اي كلب يجي ازوجج اني حيل انقهرت وطلعت لبيتنا ابجي
وكمت ما احتك بزوجه خالي ومرات قليلة اروحلهم إلى أن انتقلنا لبيتنا
فد يوم اتفقوا اهلي يرحون للقرية انعزمو على عرس ابن عم ماما وكلنا رحنا جان عمري وكتها 15 سنة اني جنت حيل معجبة بابن عم امي اسمه همام وهو جبيرهم وشخصية قوية جنت ميتة عليه والله ، رحنا بقينا جم يوم هذا الحجي قبل الحنه بيوم لأن بابا كال خل نغير جو شوية
سمعته يصيح جانت الدنيا ليل اني رأسا رحت عليه ونترت بي / شبيك تصيح متكول عالم تريد تنام
هو رأسا ضحك كال / ازعجتج يابعد كل هلي وناسي كون ينكص لساني إذا ازعجج
اني حيل استحيت وخدودي جمرن والله كبل رحت للغرفة اريد انام ، طولت بالنومة إلى أن حسيت على أخته يمي بالغرفة سألتني شبيج خوما مريضة
طبعا متفقين هو وياها يدخلون حتى خاف احد يشوفه بحجه أخته موجودة وهو اجى يريد شي
رأسا من شافني / شبيج عيوني خوما تعبانه ليش نايمه يوجعج شي بعد روحي
اويلي اني استحيت كولش وغطيت روحي بالبطانية احس روحي متكسرة
همام / ولج لا تشلعين گلبي والله ميت على شوفتج
كتله فدوة همام لا تحجي هيج مو وكته والله بعدني صغيره ويني وين هالسوالف
همام / اويلي يالعباس صغيرة وهايم بيج ازغيرة ومشلوع گلبي من وراج انتظر جيتكم لهنا اكول بلكن تجين ومن عرفت بجيتكم شلون الطير وفرفح بالسما
ردت أخته / همام فدوة راح تجي العالم امشي اطلع
عافني وطلعو واني الخجلةذبحني يربي وومرتبكه اني اصلا معجبه حيل بي بس احس روحي صغيرة على هاي السوالف ما عندي ذاك الوعي والإدراك بسوالف الحب بوكتها جان عمري 15 سنة بس اني من النوع مريربة بشرتي حنطاوية على بياض وعيوني سود كبار وشعري اسود ناعم
طلعت يمهم رحت كعدت يم بابا حبيبي خليت راسي على كتفه وغمضت ، كولش ارتاح لحبيببي بابا وهو حيل يحبني ومدللني
كال شبيج بابا ليش حزينه كلتله مابية شي
/ تردين نرجع
زهراء / اي بابا خل نرجع
/ ميخالف بابا خل يكمل العرس ونرجع أن شاء الله
جابو العشا اني اكلت شوية وكمت هو لحكني بدون ميحسون بالممر جر أيدي اني سحبتها رأسا ..
همام / شبيج بعد گلبي ليش هيج والله اني احبج
زهراء / همام مو وكتها والله راح نرجع لبيتنا ورى العرس
همام / والله اعيشج ملكه لا تكولين ذول قرية خل نتزوج وشوفي شلون ادللج
اني عفته ودخلت للغرفة خفت يشوفونا سوية وتصيرلي سالفة
بس بداخلي افكر شوكت حبني مبين منتهي هذا عبالي بس اني معجبه بي شو جلع يحبني !!!
ابتسمت بداخلي ورحت اخذت حجاب الصلاة اصلي الصلاة الفاتتني
رحنا بالحنه ماشفته بس طلعنا جان براس الفرع اني جنت لابسة بنطرون وفوكاه قميص للركبة والله جان كولش حلو ومستور جنت ما البس عباية هو من شافني فك عينه جان واكف براس الفرع هو وجماعته دخلنا البيت رحت الغرفه لأن أخته كالت بدلي بغرفه امي شفته مخلي كرسي كاعد وحاط رجل على رجل رأسا رزلني
همام / انتي ليش هيج تتصرفين هاي هيج الي يحبج ادوسين على راسه انتي مو مال احترام ماعندج حيه حظوري انتي شنو من بشر
يمه نار نار عصبيته اني بقيت صافنه ماعرفت شأحجي حرف ما رديت عليه لأن ما اعرف شبي كمت ابجي هو عافني وطلع اجت أخته للغرفه ..
/ شبي ليش هيج يحجي علية
احجي وابجي مصدومة بي واخته رجعت سالتني / ماقابل على لبسج وصار عصبي
اني ماحجيت سكتت وبيوم الزفه ثاني يوم اجت رقية أخته
رقية / اكلج لا ترحين
زهراء / ليش باللع لازم الافندي ميقبل
ــــــــــــ
وسام /
تكررت روحاتي للطابو وكل مرة المحها البنية والصراحة امضي الوقت اراقب لبسها شكلها بدون محد ينتبه الي عرفته هي منفصلة وعدها ولد علي عمره خمس سنوات
كمت كلما اروح اشوفهم ااشرله يجيني اشاقى وياه انطي فلوس وهي تبقى بس تراقبنا
مرة من المرات جاي اشاقي لزمت شفته بين اصابعي انتبهت عليها فكت حلكها وسوت حركة بمعنى عوفه ليش هيج تسوي
اني هنا فرحت لأن عرفت صارت نوع من الميانة
كمت كل مرة اروح بيها الولد يجي يركض علية واني اتعمد ابوسه واسمعها حجايتي شلونك بابا أو حبيب بابا شلونه وابوسه لو اطلع اشتريله أو انطي فلوس وهو الولد أخذ علية
هنا اني وية نفسي قررت اجمع كل المعلومات عنها وين نازله المنطقه شنو اسمها ليش انفصلت اصلها منين
انتظرتها لما تطلع وشفتها صعدت تكسي اني طلعت بسيارتي وراها بدون ما تنتبه عرفت ساكنه جيران اهلها بيت وحد وسالت واحد من المنطقة على بيت اهلها على أساس اريد شغله وياهم خبرني عنهم
ومرة من المرات لحكتها بس هالمرة مراحت لبيتها طلعت زيارة للامام الحسين سلام الله عليه تزور هي وابنها مشيت وراها شفتها راحت تشتري ماي انطت فلوس بوكتها عشرة الاف ما باعلها الولد مجان عندة خردة عافته ومشت اني رأسا رحت اشتريت بطل مي ولحكتها ..
وسام / خوية هذا بطل ماي شفتج ماعندج خردة واشتريته الج
دحكت علية اخذته وشكرتني و بقت متفاجئة
اني هنا حسيت روحي اسعد واحد بالعالم لأن وكفت وياها وشفتها وجه لوجه قريب حيل
اول مرة اشوف عيونها عن قرب جنت فاقد على عيونها حيل حلوات هي كلها حلوة شفايف مينوصفن وجسمها مربرب اجنن وهي بيضة الصراحه حيييل دخلت عقلي وگلبي
/ اكلك انت مو الي تراجع بالطابو
وسام / اي صحيح
/ اجابك هنا يم الامام
وسام / شنو يهودي ؟!!! هم اريد ازور
/ هههه
اويلي شلون ضحكه عليها اجنن . . سألتها على معاملتها / مراح تكمل اشوفج يومية بالطابو
/ والله بعدها ، تعرف المعاملة تريد واحد يتابعها تريد رجال واني مابية والله
وسام / ليش كولي إذا محتاجه مساعدة
/ والله اني منفصلة واخوية عسكري ملتهي بدوامه بعد منو الي مثلما تشوف رايحه رادة
وسام / زين اني معاملتي خليتها يم معقب معاملات إذا تردين اخليها الج علمود الإجراءات اسرع تكون
/ والله ياريت تسوي فضل علية
وسام / تمام ، إذا ما بيها اشكال اريد رقمج حتى اتصل واتفاهم ويا وارجعلج خبر واذا بيها احراج عوفي
طبعا اني كله علمود الرقم حتى أخذه
/ اي عادي سجله يمك
ردتلي رقمها حفظته بموبايلي بعدها كلتلبها اخذيلي صورة اني وعلاوي اخذتلي بموبايلي اني وابنها وصورة وحدي صارت ميانة تقريبا بيناتنا بعدها عفتهم هي راحت تزور واني رجعت
بس شنو احس احساس حلو مسيطر علية صح اني زوجتي اودها ومتعود عليها بس مدري ليش تمارة غير شكل
من رجعت للبيت شفت الرقم بي واتساب وفايبر طلعت برى اتصلت عليها
وسام / الووو
تمارة / الوو
وسام / ها ام علاوي رجعتو لو بعدكم تزورون
تمارة / لا بالطريق بالسيارة
وسام /همزين رجعتو
تمارة / ليش
وسام / مو ظل بالي على علاوي الجو حار خطية
تمارة / علاوي وأمه بخير تسلم وردة
وسام /يسلمج الله من توصلين للبيت طمنيني
تمارة بتساؤل / ضروري
وسام بلهفة / اي والله ضروري
.تمارة / ليش
وسام / بالي يم علاوي طمنيني عالفايبر
ــــــــــــ
حبايب صوتوو للرواية ودوسو النجمة ⭐
#حب_في_قلبي_غرد
#للكاتبة_جوهرة
#الفصل_الثاني
ــــــــــــــــــــــ
وسام /
من رجعت للبيت شفت الرقم واتساب وفايبر طلعت برا اتصلت عليها /الوو
ردت بصوت ناعم / الوو
وسام / ها ام علاوي رجعتو لو بعدكم تزورون
تمارة ام علي / لا رجعنا بالطريق ليش
وسام / همزين رجعتو الجو حار وبالي بقى على علاوي
تمارة / علاوي وأمه بخير تسلم وردة
وسام / من توصلين للبيت طمنيني
تمارة / ضروري يعني
وسام / اي والله ضروري لأن اريد اتطمن على علاوي طمنيني عالفايبر
تمارة. / تمام
بقيت انتظر تتصل واهسي كله وياها ، وفعلا راسلتني
تمارة / اني بالبيت وهذا علاوي يمي
وسام / دزيلي صورته حيل اشتاقيتله
دزت صورة علاوي وايدها طالعة يابوي شنو من ايد يربي تنكرط كرط والله
ورى مادزت الصورة كالت هذا حبيب بابا وطفت النت ، انوب اني شنو تخبلت ردت اطير من الفرحه لأن هاي الكلمة مالتي كلما احجي وياه بالدائرة اكله حبيب بابا حسيت صدك اني أبوه بقيت ارسل ماكو
احساسي بيها جاي يكبر صرت اتخيلها متروح من بالي اريد اي شي واي طريقة اتواصل وياها واشوفها گلبي مفرفح عليها
دخلت البيت تلكتني دنيا شافت الابتسامة على وجهي ابتسمت ..
دنيا / ها عيني احضرلك الغدا لو بعد
وسام / اي والله جوعان يلا اروح اسبح بين ما تصبين الغدا
مجموعين عالغدا بالهول الجهال كاعدين بصفي ، منتظر متعلم من صغير الا يكعد يمي ويرتجي على رجلي حسوني يغار من يشوفه كبل يكمز بحظني ايوته تبقى تضحك عليهم على أساس هي جبيرة حبيبتي ، كولش احب جهالي ومتعلق بيهم ، صارت هوسة بينهم
اخر شي نترت بيهم اثنينهم كعدو يأكلون بدون صوت مرات يخبلوني بحركاتهم بس على گلبي عسل
ورى الغدا نعسو ونامو الدنيا ظهرية صيف وين يرحون نامو بالهول عالسبلت جانت وطنية موجودة كمت للغرفة وصحت دنيا دخلت وعينها علية / ها عيني
جريتها وقفلت الباب جنت محتاج ها كولش
ووو ....
اخر شي دفعتها واني ضايج من برودها شكد احاول اخليها تندمج وياي وبكل الطرق بس هالبرود عدها مجاي تغيره اني رجال احب اندمج بالعلاقة واعيشها بكل تفاصيلها وهي باردة متسوي واهس
_ راح تخبليني شنو هالبرود
ادحك عليها لبست ثوبها وعدلت شعرها ..انت متشبع تريدني اربعه وعشرين ساعة جوا ايدك مترحم ترى اني هم عندي طاقة شنو ساعتين وانت فوكاية تعباني والله
_مسحت شعري بيدي رجعته ورى ورفعت راسي فوك تنهدت .. والله متصيرلج چارة
عفتها وطلعت للحمام صحت عليها .. حظريلي ملابس ومنشفة
* ((لا يحق للزوجة أن تمنع نفسها من زوجها متى طلبها ؛ حتى لا تدفعه إلى الخطيئة والوقوع في الفاحشة , وإن كان امتناعها عنه ليس مبرراً له للوقوع في تلك الخطيئة ,فالمؤمن الحق يخشى الله تعالى ويتقه , ولا يبحث عن مبررات للمعصية ، الا أن البطل انجرف يحاول التعويض و اقتناص الفرص والقاء شباكه حول انثى أخرى انثى وجد فيها شيئا لايوجد لدى زوجته !!!!! عجيب امر بعض الرجال
في العلاقات العاطفية توجد الكثير من الأمور الشائكة التي تحتاج لمعالجة دقيقة، وتتطلب المزيد من الفهم لطبيعة شريك الحياة ، برأيي لو وسام كان متفهما ولديه المودة والرحمة بالنظر لزوجته وشريكته ولو حاول قليلا ابعاد غرزيته في العلاقة لربما حاول فهم تلك الأنثى تلك الزوجة التي تحاول جاهدة الاحتواء ، احتواء هذا الزوج الشهواني واحتواء الاطفال وحياتهم ككل
مداخلة بسيطة مني ككاتبة ، جوهرة ))
ـــــــــــــــــــ
زهراء /
من حجت وياي أخته كالت ميقبل كلتلها والله اروح شنو اني البارحه من القهر نمت ليش هيج يسوي وياي
أخته / والله يحبج ومن حرصه عليج
زهراء / معلية الا اروح
طلع واكف بالباب وجان يسمع حجينا كله
همام / روحه ماكو لا والخلق الكون اكتل روحي بالمسدس ، جان شايل مسدس بيده اني بقيت ابجي
ش
ويه ودزت ماما علية وحدة من البنات ..كلتلها اني بعدين اجي راح ابقى وية البنات
شكد انقهرت لأن احب الزفه ورى عشر دقائق اجى
همام / يلا تعاي جبت سيارة نروح اني وياج
زهراء / اني صح صغيرة بس اعرف اتصرف فما اروح وياك وحدنا الا يجن البنات ويانه
همام / اي يجن بس اهم شي بت گلبي متبجي ولج والله الحمار بعيونج جهنم بگلبي
هسة البسي عباية
زهراء بزعل / ما البس ما البس
همام / هاي هي بنيتي براحتج بس خل ابالج ورى الزواج بيدي ألبسها الج
خلص العرس ورجعنا لبيتنا ورى يومين اجى همام مر علينا ، أبوية سأله / خير عمي اشوفك ما مرتاح
همام / والله گلبي يوجعني اجيت اسوي فحص
راح هو وبابا بقى يمنا ثاني يوم يلا رجع للقرية بس قبلها الظهرية كلها نائمة هو بالاستقبال رحت عليه كلتله شبيك
همام / مخنوك والله وگلبي يوجعني
زهراء بقلق / مابيك غير العافية
همام / الله يعافيج من شفتج راحت الخنكه
جر أيدي وخلاها على گلبه افيش حتى الوجع راح
اني استحيت وعركت سحبت أيدي
همام / فدوة اروحلج خليها احس براحه والله
بقى يمنا يومين جان يكلي / اني رايح وبيناتنا سنتين يصير عمرج 16 سنة اجي اخطبج
بوكتها جان عمري 14 سنة من حجاها
اني بقيت ساكته ما اعرف شنو ارد عليه ماعندي الوعي ولا الخبرة الي تخليني احجي ، ولا اعرف سوالف الحب
ورى السنتين اجوني خطابه ابن الشيخ ابن عم بابا وهو هم اجى بنفس الوقت يخطبني ،
اهلي بيناتهم اتفقوا يزوجوني لابن الشيخ لأن بنفس منطقتنا ويصير ابن عم بابا فأكيد يعتبرونه الاقرب مو لأن احسن من همام أو فد شي بس لأن نفس المنطقة قريبة على أهلي
ورى الخطبة اتصلت أخته على ماما كالتلها انطيني زهراء احجي وياها
اول ما كلت الو اجاني صوته ..
همام / ها يرويحتي ها يبت گلبي ها يالنفس مالتي رحتي لغيري ولج صار سنتين ماخليت شي ماسويته لخاطرج بنيت البيت وكملته جهزته ماخليت شي ناقص ولج انتظر اليوم الي تصيرين بحظني تالي ترحين بحظن غيري
هذا كلامه كله واني ساكته گلبي يرجف ماحجيت شي اخر شي كال روحي وشايفة كل الخير بس اوعدج وعد مراح انساج للموت
ولا راح اتخيل وحدة غيرج
اني حيل اتقهرت صح جنت حيل معجبه بي بس موبيدي امري ، اهلي كل الحل والربط بيدهم واني بعمر صغير ما اعرف حتى اعاند بهيج شي
كالو راح يجون الخميس يعقدون سيد اني النسوان اجني شافني اصلا يعرفوني بعد عمام بابا يصيرون بس قليل مختلطه بيهم اني الولد مشايفته كل اخوته اعرفهم بس هو لا ابد ما شايفته
امي وصت عالحفافه اجت للبيت حفتلي ورتبتلي حواجبي وبالليل بنات عمي مكيجني
امي جانت مشتريتلي تنورة وياها بدي كولش حلوات التنورة موديلها كولشة عريضة موديلها جان
خطبوني وكملو كالو يريد يعقد ودوني بغير غرفة ولبسوني عباية اجى السيد وعقدلنا
اخو الجبير كال لبابا خل شوي يكعد هو وياها يشوفها بابا كاله يكعد شوية ويطلع
اني گلبي كام يدك ألف وايدية رجفت
،،
ف
زيت من افكاري وذكرياتي اللي اخذتني لسنوات مضت على فتحت الباب ودخل حيدر ( زوجها) وقفل الباب ..
حيدر / هلا والله كاعدة هنا
زهراء / هلا حبيبي ، صليت وراح انزل جوا حتى احظر العشا
حيدر / لا تعاي اريدج بعدين ننزل سوا
تقدم وجرني بحظنه باسني وغمزلي وهو يأشر للفراش
اعترضت / حيدر الجهال يم عمتي وهسة تبقى تحجي على جهالكم ضوجوني وخبلوني حباب خلها بعدين
حيدر ماحب هالشي / اكللها محتاجج تكول بعدين ترى اكو جناين غيرج هن يسون العشا على شنو انتي تركضين عالعشا !؟
اعرفه لحيدر ميقتنع الا يكفي شوگه يريد يرتاح و.....
ورى نص ساعه نزلنا بعدما سبحنا اني كبل فتت للمطبخ اشوف شنسوي عشا عمتي كاعدة عالقنفه والجهال يلعبون بالصالة وجانت وحدة من نسوان حمويني كاعدة تكشر بتيتة
شغلت الطباخ وأخذت البتيته منها حتى اكليها
وسوينا وياها معكرونه وكبده جانت عدنا ،
ورى العشا صاحني حيدر
حيدر / ترحين لبيت ابو منتظر عندي شغله وياه
طبعا ابو منتظر هو وسام يصير ابن خالي ، اكبر خوالي الشيخ ابو غانم
رحنا وأخذنا الجهال ويانة سلمنا وكعدنا شوية ودنيا زوجته كالت خل نكعد بالمطبخ وحدنا
راحت سوت عصير ودته ورجعت قدمتلي وكعدنا نسولف والجهال يلعبون برا بالكراج
دنيا / همزين اجيتو جنت ضايجه
زهراء / ليش مترحين لبيت خالي الشيخ
دنيا / مرات بس الواحد هم يضوج
زهراء / شعجب وسام ميطلعكم
دنيا / مو هلكد مرات يأخذ بس الجهال
زهراء / والله نفس الشي حيدر خطية يجي من بغداد يادوب يرتاح ويرجع لدوامه
دنيا / ههه احسن حتى تشتاقيلة ويشتاقلج
زهراء / اي والله شسوي ، انتي زين طول الوكت يمكم من البيت للمدرسة ومن المدرسة للبيت
دنيا / يمعودة يمنا ومو يمنا
زهراء ضيكت حاجبها / يا ليش
دنيا تشكي / هاي إذا يكعد لازم الموبايل لو يطلع وية عمي الشيخ هسة عطلة من جان الدوام نص الوكت يلة أشوفه ، ملتهي مو بحالنا
زهراء / شيسوي كلها هيج الزلم
دنيا / اكلج ديري بالج على رجلج لايروح يشوفله وحدة من بغداد
زهراء بفزع / يمة اسم الله بيش طالبتني
الصراحه ضجت من حجايتها ضوجتني رديت عليها
زهراء / وانتي هم ترى ابو منتظر مثقف و مرتب وحلو ديري بالج عليه
دنيا / اي عيني دايرة بالي ممخليته يلتفت بس علينا ، تطمني وراه وراه
وراها رجعنا البيت باجر حيدر يلتحق بدوامه بمصفى النفط لأن خريج معهد نفط وتوظف بهذه الوظيفة ، يلتحق بدوامه كم يوم وينزل خلال الأسبوع
ـــــــــــــ
وسام /
بالليل اشتاكيت احجي وياها الساعه ب11 بالليل راسلتها ردت علية
تمارة / ها خير شفت رسايلك كومة
وسام / يمعودة عبالي صار شي عليج ادز وماكو
تمارة / لا التهيت اسوي دولمة لباجر
وسام / ايباه اني من عشاق الدولمة اموت عليها
تمارة بضحكة غنج / هههههه والله لعد اني خبيرة بيها كولش طيبة تطلع من جوة أيدي
وسام / هم يجي يوم واضوك الدولمة من ايدج الحلوة
تمارة / هههه إن شاء الله تطلب وادلل من عيوني اسويلك اطيب دولمة
وبقيت اتراسل وياها واتعرف على أهلها وهي تحجيلي وعلى زوجها شلون اطلكت منه وشلون جان ظالمها وكابوس وخلصت منه
وسام / والله الي ميقدر النعمة البيده هذا ماعنده ذوق
تمارة / شسوي هذا حظي والله لو تشوف شكد اني ام بيت وحريصة ونظيفة حتى مرتبة روحي ومكياج وكذا ممخلية شي ناقص
وسام بتلذذ لكلامها اللي صار يسحره / احب المكياج اموت عليه زينة المرة اعتبره
تمارة / هههه صدوك لعد اني مو منفصله بس رغم هذا بالبيت احط المكياج وارتب روحي اهم شي حتى نفسيتي ترتاح
وسام / يعني دوم تستخدمي
تمارة / اي والله اصلا اني خبيرة بالمكياج
دزيتلها صوره شفايف ولون حمرة حيل يعجبني / شوفي هذا اللون اموت عليه
تمارة / اي عندي منه هههه ذكرتني اروح اخلي مكياج
وسام / لعد خل احجي وية علاوي بينما ترجعين
فتحتلي كاميرا وية علاوي بقيت احجي ويا بس أشوفها مبينه بالمرايه من كاعده تخلي مكياج
اني ملتهي احجي وية علاوي حبيبي دير بالك على ماما ومن هالسوالف هي من كملت طفت الكاميرا وحجت وياي صوت
وسام / ها خلصتي
تمارة / اي كملت
وسام / هنيالها لشفايفج بالمكياج
تمارة / اممم راح ادز صورة بس عليك الله تمسحها
وسام / والله العظيم امسحها
دزتلي صورتها بس شنو اني انشليت من شفتها بقيت صافن عليها والله اتهسترت بقيت ساكت بس اباوع عليها وهي تراسل
تمارة / وينك يمعود وين رحت شجاك معت هههههههههه
وسام بلت ريك / تمارة ولج شنو هالخلقة لخاطر الله ولج راح اموووت
سديته وراها وكمت طلعت من الاستقبال جانو نايمين رحت مددت التفتت على دنيا نايمه جريت حسرة وذبيتها وعلى بالي تمارة وتفاصيلها
ــــــــــــــ
( والله مدري شأحجي خل اكمل كتابة هالقصة واخلص 😑😤 )
ــــــــــــــــــ
زهراء /
عودة للذكريات .....
اكمل الصار وياي بعدما عقدنا سيد ودخل حيدر كعد بصفي ..
حيدر / باوعيلي يمعودة خل اشوف شكلج مثل اسمج حلو
اني مدنكه افرك بيدية ميته خجل مالحك يحجي دخل بابا كاله يلا كافي
بداخلي فرحت همزين نقذني بابا
ورى يومين خابر على اخوية كاله اريد احجي وياها فسأل ماما كالتله انطيهيا للموبايل ، أنر معندي موبايل ذيج الفترة ، اخذته ورحت بالغرفة / الو
حيدر / هلا والله شلونه الحلو مالتي شخبار الطيرة
ضيكت حاجبي على كلامه حلو وطيرة شنو هاي / زينة الحمدلله
حيدر / بووية هسة يلا ردت رويحتي من سمعت صوتج حبي
زهراء ممقتنعه / شوكت صرت حبك وانت حتى شكلي مشايفه ههههه
حيدر / تضحكين علية ام حلك بوووية شلون ضحكه هي ولج مرتين اجيت اريد اشوفج واهلج ميقبلون
زهراء / ماما متقبل حتى بعد لاتخابر على اخوية متقبل
حيدر / ليش غير انتي حلالي اشو صحباني المخطوبين كلهم يحجون چا بس حظي
ادري بيج فاهية وشيكولون اهلج تسوينه
سديته بعدما ودعته بعد ما خابر على أساس اسبوع ونتزوج بفرحه الزهرة بس واحد من كرايبنا توفى وماما تروح من الصبح لليل وتليفونها يمي تبقي اني اعرف رقمه لحيدر حافظته فكتبته للرقم ورمشتله وسديته
ثاني يوم بنفس الوقت مال الترميشه هو رمش ، ميعرف رقم ماما عباله غريب
كتبتله ليش ترمش
حيدر / انتم رمشتو
زهراء / غلط
حيدر / يابة الغلط انصححه
زهراء / انت مو خاطب ترى بنات الناس مو لعبة !!!
حيدر / انتي منو ومنين تعرفيني
زهراء / اني خطيبتك
صاح بصوت / يا هلااا هلااا بريحة هلي
ولج شفتي هذا شسوة حصرة عزراييل الا هسة يموت بالله لو ميت بيوم العرس
زهراء / ههههه
حيدر / فدوة لها الضحكه
بقينا نسولف حد ماخلص رصيدة وسده
واني كلما يحجي وياي بموضوع محرج أسده ورى يومين يلا اخابره ، طبعا اهلي ميدرون جنت اخابره خليها سكتة
خابر علينا كال باجر اروح نحلل
زهراء / شنو أحلل اني مو مريضة والله !!!!
حيدر / بابا تحليل اي اثنين راح يتزوجون يسوونه
جاي احجي ويا دكت أمه
زهراء / امك جاي ادك على ماما
نتر بية واني حيل استهضمت / انجبي شنو امك من هسة كولي عمتي
اني انقهرت لأن مامقصودة عفوية طلعت سديته بوجهه ورحت انطيته لماما
اتفقوا تلث ايام وانروح نحلل
اني بهاي الأيام ابد ما اتصلت ولا حجيت وياه رغم شكد جنت مشتاقتله
بيومها كعدت الصبح سبحت وبدلت تريكت بقيت انتظر ماما اجو علينا ورحنا هو بس يباوع علية لو يغمزلي لو يحجي وياي واني ادنك ما ارد عليه ضاج جان يكول يلت تعاي
امي وأمه كامن عيالهم خلصنا صاح بيهم / وووين بس هي تجي
دخلنا جوا وأشوف 16واحد كدامنه
زهراء / هاي شنو
حيدر / اريد استفرد بالحلوة ليش زعلانة
زهراء / مزعلانه
حيدر / يابة إذا على ذاك اليوم واجب احترام امي من احترامي
زهراء / اني مغلطت كلت امك والله ماعندي بيها قصد
بقيت عيني بعينه اني اول مرة أشوفه بهيج تركيز لأن الصراحه جنت مشايفته طويل وجسمه متناسق بشرته حنطاوية وعيونه وسيعه سود شكله مرتب وسامه عنده مو ذاك الجمال بس اكدر اكول وسيم
حيدر / تدرين اول مرة اشوفج الله شاهد دخت بيج فدوة اروح لامي الجابتج الي فدوة لهالوجه تدرين والله من صوتج عشكتج شيخلصج مني الاسبوع الجاي
زهراء / ليش شكو
حيدر غمزلها / اجيبج للغرفة غير هههه
زهراء / شنو ليش شوكت العرس شو ما ادري؟!!!
طلعو متفقين وية اهلي عرسنا هالاسبوع
واني ما ادري بالله شأحجي وياهم
بالاسبوع كملنا كولشي هو جان رايد لون بدله الحنه بنفسجي ومن اجى بيوم الحنه وشافني
حيدر / والعباس مابقى دين براسي شيجيب باجر
بيوم العرس كالولي من يجي خلي مراية بيدج حتى تبقين بس انتي حلوة بعينه فهو أول ما صعد بالسيارة خليتها بوجهه باسني بالمراية بالهواء
بالبيت بقيت شوية كاعدة وصعدوني فوك
كالو راح يصعد هو هم اول ما دخل قفل الباب وكال تعال ياحلو
اني بقيت بمكاني ودكات گلبي تقرا 100000
ههههه
ــــــــــــــــ
وسام /
رحت اراجع عالمعاملة شفت تمارة هناك وهي أول ماشافتني حجت وية ابنها / اجى بابا
طبعا تريد تسمعني
هو رأسا اجى يركض علية بوسته وأيدي لعبت بشعره
اني رحت كعدت يمها كبل / ها حبيبي شلونج كلتها لا ارادي
تمارة / هلو حبيبي انت شلونك
وسام / تمام طبعا اني تفاجأت بجرأتها ممتوقعها رأسا اذب ميانه
كامت من تريد تاخذ علاوي مني تلزم أيدي أو اطخ بيدي
الصراحه اني حبيت جرأتها لأن فرقتلي بالوقت حسيتها فاقدة علية وتريدني وفعلا بعدين اعترفت هي من الاول جانت مخيلة علية
كالت وسام خاف بيوم موبايلك مغلق اريد شي يخليني متواصلة وياك
فأني قررت اعرفها على اختي عندي اخت أرملة عايشة بيت وحدها هي وولدها
حجيت وية اختي وثاني يوم اخذتها وياي للطابو عرفتهن على بعض وأخذت رقمها
طبعا اختي بالبداية رفضت لأن تحب زوجتي دنيا وعلاقتهم قوية بس اني فهمتها لام صهيب متحجي وهالشي يبقى سر بينا
( محد يرفع ضغطي هنا بالقصة بس وسام وتمارة ، الصبر يارب )
تابعووووني
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
