روايه جرح يداويه العشق بقلم الكاتبه جنات الفصل الاول والثاني والثالث والرابع والخامس حصريه وجديده على مدونة النجم المتوهج للروايات والمعلومات
••﴿الشخصيات﴾••
تدور احداث روايتنا ما بين احدى محافظات الصعيد والقاهرة
خلونا نتعرف على شخصيات الموجوده فى الصعيد
فى احدى القصور الفخمه الذى يعيش فيه اكبر عائله والتى تحكم البلد وهى عائله الهلالى
يعيش فيه كبير العيله (عثمان الهلالى) والذى يتميز بشخصيته جاده جدا وكلمته مسموعه فى البلد كلهااا والكل بيعمله الف حساب
زوجته متوفيه وعنده ولدين وبنت
←الابن الاكبر→
حمدان متوفى
مراته بنت عمه فاطمه طيبه جدااا وبتحب عيلتها جداا
عندها ولد وبنت
الولد الكبير ﴿يونس﴾
عنده ٣٣ سنه نفس شخصيه جده عثمان فى كل حاجه حتى الشكل وقريب جداا منه
متولى ادارة مصانع الحديد والشركه الخاصه بالعيله وهو كبير البلد من بعد جده
متجوز بنت عمه صفاا ومش بتخلف واتجوزها بطلب من جده
-------
البنت الصغيرة ﴿رحمه﴾
عندها ٢٥ سنه درست فى كليه اداب شخصيتها مرحه وحنينه جداا نفس شخصيه والدتها فاطمه
كانت متجوزة طارق صديق يونس ولكن اكتشفت بعد ٥ شهور من جوازها انها مش بتخلف وحصل مشاكل بين طارق ووالدته بسبب موضوع الخلفه وهو رفض يطلق رحمه لكن هى مقبلتش بده وطلبت من يونس انه يطلقها من طارق رغم حبها الكبير ليه وهو كمان بيعشقها ورفض يتجوز بعدها
 |
***************
←الابن الاوسط لعثمان→
متولى متوفى وزوجته اجلال شخصيتها حقودة جدااا وبتكره يونس بس هدفها الوحيد ان بنتها تتجوز يونس وتخلف منه عشان تبقي ست البيت وهدفها اتحقق لما يونس اتجوز صفا بس طلعت مش بتخلف
عندها ولدين وبنت
الكبير سليم
عنده ٣٥ سنه متوفى وكان شيطان ماشي على الارض وهنعرف قصته سوااا
------
الوسطى صفا
عندها ٢٨ سنه زوجه يونس مش بتخلف ونفس شخصيه امها بتحب يونس جداا على عكسه هو مش بيحبها اتجوزها عشان خاطر جده بس
--------
الصغير على
عنده ٢٦ سنه شخصيته مرحه جداا بيحب يونس وقريب اوى منه واخد طيبه والده على عكس والدته واخواته وبيكره طريقه امه واخته
*********
←البنت الصغيره لعثمان→
راضيه زوجها متوفى ومش عندها اولاد وبتحب يونس ورحمه وعلى وبتعاملهم على انهم ولادها وهما كمان قريبين منها جدااا وكمان طارق كان قريب اوى منها
ودى عيله عثمان الهلالى وكلهم عايشين فى القصر
&&&&&&&&&&&&
نروح نتعرف على الشخصيات اللى عايشه فى القاهرة
طارق
عنده ٣٣ سنه صديق يونس وعلى وقريب جداا منهم وبيشتغل فى الجيش رتبته رائد
كان بيعشق رحمه وحلمه الوحيد انها تبقي على اسمه بس حصل مشاكل كتير بينه وبين والدته لانها اتاخرت فى الخلفه وطلقها غصبن عنه لما يونس اجبره لانه ده كان طلب رحمه
ومن وقت ماطلق رحمه وهو عايش فى القاهرة ورافض يرجع البلد ورافض تماماا كل العرايس اللى والدته بتجيبهم ليه
*****************
فى احدى عمارات فى القاهرة تعيش بطله روايتنا
←روح
عندها ٢٢ سنه
والدها اتوفى وهى صغيرة كانت تقريباا ٧ سنين ووالدتها اتوفت وهى فى ثانويه عامه ومن وقت وفاتها وهى عايشه مع خالها ومراته وبنته
مكلمتش دراستها رغم تفوقها وكانت نتيجتها ٩٧٪ بسبب رفض خالها ومراته وبجحه انهم مش هيقدرو يصرفو على تعليمها وكفايه عليهم مصاريف اكلها ولبسها
روح بنت قمه فى الجمال وكان بيجيلها عرسان كتير من وقت ماكانت صغيرة بسبب جمالها فاجبرتها مرات خالها تلبس النقاب عشان محدش يتقدملها تانى لانها كانت غيرانه لان مافيش حد بيتقدم لبنتها ابداا
روح كانت بتعطى روح وفرحه لاى مكان تكون موجوده فيه بس بسبب اللى حصل معاها اتغيرت بقى الحزن صديقها فى كل الاوقات وهنعرف ايه اللى حصلها مع بعض من الاحداث
**********
مختار
خال روح كان بيشتغل سواق سليم ابن عم يونس وبيلعب قمااار وبيشرب دايماا وبيسمع كلام مراته فى كل حاجه
وبيعامل روح بقسوة وهو السبب الاول فى اللى حصلها ووصلها لحاله الحزن اللى هيا فيهاا
*********
رباب
مرات خال روح بتكره روح ومضايقه منها لانها احلى من بنتها ومستغله انها قاعده عندهم ومخلياها تعمل كل شغل البيت من الاخر خدامه عندهااا
عندها بنت واحده ريهام
عندها ٢٤ سنه بتدرس فى كليه تجارة بس فاشله وبتاخد السنه فى سنتين مش بتحب روح ودايما تعملها مشاكل عشان خالها يضربها
************
شهد
عندها ٢٢ سنه صديقه روح الوحيده وقريبه جداا منها اكتر من اخوات بتدرس فى كليه اداب واختارت قسم اعلام لانها نفسها تبقي صحفيه
شخصيتها قويه جدااا ولسانها طويل ومش بيهمها حد ومرحه اوى وعايشه مع والدها فى نفس العمارة اللى عايشه فيها روح والداتها اتوفت وهى بتولدها وابوها كل حاجه فى حياتها
محمد
والد شهد اطيب خلق الله وبيعامل روح بكل حنيه وهو الحضن اللى بتجرى عليه لما تتعب او خالها يضربهاا
&&&&&&&&&
ودووول شخصيات روايتنا ي حلوين وطبعا الروايه هتكون مزيج من اللهجه الصعيدى واللهجه العاميه
الشباب يونس وعلى وطارق ورحمه كلهم بيتكلمو بالعاميه بحكم دراستهم وشغلهم بس فى وجود جدهم بيتكلمو صعيدى احترامااا وتقديراا ليه طبعااا
والجد وفاطمه واجلال وراضيه وصفا بيتكلمو صعيدى
#روايه جرح يداويه العشق
#الكاتبه جنات
#البارت 1
روايه جرح يداويه العشق
••﴿الفصل الاول هنتعرف فيه اكتر على القصر وعلى ابطالنا﴾••
فى احدى محافظات الصعيد وتحديدااا فى قصر عيله الهلالى لما تقرب منه تنبهر بجماله وفخامته طبعاا ده قصر اكبر عيله فى الصعيد والقصر كلاسيكى جدااا من برا ومن جوااا
تعالو نتعرف اكتر على شكل القصر
اول ماندخل من البوابه الرئيسه الكبيرة بنلاقى حديقه واسعه جدااااا وفى نافورة كبيرة فى نص الحديقه وورا القصر فى اسطبل كبير فيه مجموعه كبيرة من الخيول العربيه وطبعاا الحصان الخاص ببطلنا يونس الهلالى
وبنمشي ممر طويل لحد مانوصل للقصر اللى بيتكون من ٣ ادوار وسطح
لما بندخل القصر اول دور وهو واسع جداااا ومتقسم لاكتر من قسم اول قسم وهو ريسبشن وفيه صالون بلون البيج مع الزيتى
وعلى يمينه ركن وموجود فيه ترابيزة على شكل دائرة وحوليها ٤ كراسي بلون البيج
وفى ركن قريب منهم بنلاقى سفرة طويله وحوليها عدد كبير من الكراسي بلون الابيض مع بعض اللمسات الدهبي والكراسي بلون الزينى
وجمبها بابين وعليهم ستائر بلون الزيتى والابيض ودول باب للمطبخ اللى بيتميز بالطابع الكلاسيكى زى باقى القصر وفيه باب جوا المطبخ بيخرجنا على حديقه واسعه جداا مزروع فيها انواع كتير من الخضروات والفاكهه ومكان خاص للخبز
والباب التانى اللى جمب السفره حمام لضيوف
وفى مكان قريب من السفره بنلاقى باب اوضه ودى مش اى اوضه دى المندرة اللى بيتجمع فيها الرجال دايمااا لمناقشه امور المجلس ومشاكل اهل البلد وهى اوضه واسعه جدااا وفيها صالون كلاسيكى ومجموعه من التربيزات
وكمان اوضه كبير العيله عثمان الهلالى موجوده فى الدور الاول
وفى اوضه لضيوف وده الدور الاول ياحلوين تعالو نطلع لدور التانى وده بيكون من السلم اللى بيتقسم لجانبين وبيتميز بطابع الكلاسيكى
الدور التانى فيه اوض فاطمه واجلال وراضيه واوضه صفاا
وكل اوضه مزوده بحمام واسع خاص بيهااا وبلكونه
وفى سلم فخم بيطلعنا على الدور التالت اللى فيه اوضه رحمه وجناح على وكمان الجناح الخاص بيونس لانه اكتر الاوقات مش بينام مع صفااا وكمان فى اوضه مقفوله ودى بتاعه سليم واوضه لضيوف
وفى سلم بيطلعنا على الدور الاخير وهو السطح المتزين بالورد وموجود ركنه وكراسي لان اكتر الاوقات الشباب والبنات بيطلعو يسهرو فوق
وده قصر عيله الهلالى ياحلوين
&&&&&&&&&&&&&&&&
اشرقت شمس يوم جديد على قصر الهلالى وتحديداا فى المطبخ وكانت فاطمه وراضيه بيجهزو الفطار للعيله وبتساعدهم فتحيه الخدامه ومعاها بنتين
فاطمه:إكده كله چاهز
راضيه:خرچى الوكل على السفره يافتحيه لان ابوى والشباب جربو ينزلو
فتحيه:اوامرك ياستى همو بينا يابنات نخرچ الوكل
رحمه دخلت المطبخ:صباح الجمال والحلاوة
فاطمه:صباحك ورد يابتى
راضيه:ربنا يچعل كل ايامك حلوة يابتى
رحمه حضنتهم:وربنا يخليكو ليا يارب
فاطمه:اخوكى صحى يارحمه
رحمه:اه يافطومه ونازل هو وعلى
راضيه:بردك نايم فى چناحه
رحمه بهمس:ماهو بصراحه معاه حق بقي هو فى حد يعاشر اللى اسمها صفا ولا امها
فاطمه بحده:عيب اكده يابتى صفا مرت اخوكى بردك
رحمه:بس يونس مش مبسوط معاها ياماما والله حرام كدا
راضيه:بس يابتى لان لو حد سمعك الدنيا هتجوم مش هتجعد
رحمه:سكت ياعمتو
فاطمه:يلا الفطار چاهز
الكل خرجو من المطبخ وفى نفس الوقت كان خارج عثمان من اوضته ورحمه جرت عليه وباسته من خده:صباح الخير ياچدى
عثمان باس راسها:صباح النور يابتى
راضيه:شوفى البت اول شافت چدها بجت تتكلم صعيدى ومن اشوى كان بترطن بالمصرواى
عثمان بص لرحمه:حبيبه چدها تعمل اللى يريحيها
فاطمه:خليكى انت اكده ياعمى دلعها
رحمه:بجولكو ايه محدش يدخل بيناتنا انا وچدى واصل
راضيه ضحكت:يلا يابوى عشان تاكل
عثمان قعد مكانه على راس السفره وعلى يمينه كرسي فاضى ده مكان يونس وجمبه فاطمه ورحمه وعلى شماله كرسي فاضي وده مكان على وجمبه راضيه
عثمان:فين الباجى
فاطمه:نازلين ياعمى
يونس وعلى نزلو وباسو ايد جدهم ويونس باس راس فاطمه وراضيه وعلى نفس الكلام وقعدو على السفره فى مكانهم
عثمان:مرتك فين ياولدى
يونس بضيق:معرفش ياچدى
عثمان:كيف يعنى متعرفش انت جاعد فوق لحالك
على:كان عندنا شغل كاتير ياچدى وسهرنا انى ويونس نخلصه فى چناحه
عثمان:وعملتو ايه فى الصفجه الچديده
يونس:كله تمام ياچدى
عثمان:يونس انت روح الشركه وعلى هايچى وياي المصنع
يونس وعلى:تمام ياچدى
فاطمه:كفايكو حديت بجى وكلوو
صفا واجلال نزلو سوا
اجلال:اصباح الخير
الكل:صباح الخير
اجلال قعدت مكانها جمب على وصفا باست ايد جدها:صباح الخير ياچدى
عثمان:چوزك فاج ونزل وانتى لساكى نايمه اياك من ميتا والنسوان بيفوجو بعد چوزها
صفا بصت ليونس اللى بياكل:كنت تعبانه اشوى ياچدى انى اسفه
عثمان:متكررهاش واصل
صفا:حاضر ياچدى
صفا راحت قعدت جمب امها والكل بدأ يفطروو وبعد شويا الرجاله خرجو لشغلهم وفاطمه وراضيه ورحمه دخلو المطبخ وفضل اجلال وصفا قاعدين مكانهم
اجلال قربت وقعدت جمب صفا:انتى متخانجه مع چوزك
صفا بضيق:واللهى ياما معملتش حاچه غير انى جولتله عايزة اشترى طجم الدهب عاچبنى
اجلال بمكر:وانتى تساليه ليه بجى
صفا:جصدك ايه ياما
اجلال:چيبى اللى عاچبك والفاتورة تروح على الشركه
صفا بشهقه:ده يونس كان جتلنى ياما
اجلال:خليكى اكده هبله طول عمرك المال مالك يابت اجلال وبعدين هيضايج اشوى وهينسي والباجى عليكى بجى
صفا بتفكير:صوح ياما هروح اكلمهم يبعتولى الطجم
اجلال:روحى ياجلب امك
صفا طلعت اوضتها واجلال ابتسمت بخبث
=======================
نروح للقاهرة بقي ياقمرات
فى احدى عمارات القاهرة
وتحديدااا فى الدور التالت فى شقه مختار خال روح والكل لسه نايمين لكن بطلتنا الجميله واقفه فى المطبخ بتحضر الفطار وهى حزينه دخلت عليها رباب:الفطار لسه مخلص ليه ياروح هانم
روح:دقايق والفطار هيبقي على السفرة
رباب:ياريت ياختى تتحركى شويا عشان خالك مايطينش عيشتك
روح بصتلها بحزن:حاضر
بعد ٥ دقايق خرج مختار من اوضته وكان الفطار محطوط على السفرة قعد مكانه ورباب قعدت هى كمان تفطر
مختار:هى ريهام لسه نايمه
رباب:النهارده معندهاش محاضرات فسبتها تنام شويا
روح جت ومعاها صنيه عليها فنجانين قهوة وحطت واحد قدام خالها واحد قدام رباب
روح:صباح الخير ياخالو
مختار من غير مايبصلها:صباح الخير
رباب بسخريه:قعدى افطرى يامدام روح عشان متقعيش من طولك زى كل يوم
روح:ماليش نفس ... خالو النهارده المعاد بتاعى عند الدكتورة
مختار:هتروحى لوحدك
روح:شهد هتيجى معايا
رباب:روحى ياختى ماحنا ناقصنا مصاريف على مصاريفك
مختار:روحى ومتتاخريش
روح:حاضر
روح دخلت اوضتها ودموعها نزلت على معامله خالها ومراته ليها وفاقت على رنه فونها كانت شهد
روح:الو...صباح النور.......اه ياشهد الساعه ٢ هكون جاهزة..... ربنا يخليكى ليا
===============
بعد وقت طويل روح كانت حضرت الغدا وراحت تلبس عشان تروح لدكتورة وخرجت من الشقه كانت شهد مستنياها
روح:اسفه اتاخرت عليكى
شهد:الجميل يتاخر براحته ياقلبي
روح:بجد ياشهد مش عارفه من غيرك كنت هعمل ايه
شهد:انتى عبيطه ياروح انتى اختى يابت وانا لو ماوقفتش جمب اختى مين هيقف معاها بقي
روح ابتسمت من تحت نقابها:يلا عشان مش عايزة اتاخر
شهد:يلا التاكسي واقف مستنى تحت اصلا
==================
فى شركه الهلالى للحديد فى مكتب يونس قاعد بيشتغل على شويا ورق الباب خبط ودخل على
على قعد على الكرسي بتعب
يونس بصله:مالك
على:جدك مرمطنى النهارده فى المصنع
يونس:الشحنه اتسلمت
على:اه ووصلت كمان يامعلم
يونس:عايزين نفتح اليومين دول لان الشغل كتير وعايزك تتابع مع مدير الحسابات مش عايز غلط
على:اعتبره حصل متقلقش
يونس:انا خلصت شغلى يلا نروح القصر
على:ياريت لانى هموت وانام
==================
بليل رجعت روح على البيت ودخلت كان خالها ورباب وريهام قاعدين فى الريسبشن رفعت نقابها:مساء الخير
مختار:ايه اللى اخرك كدا يابت انتى
روح:الدكتورة كان عندها زحمه والله ياخالو
رباب:واطمنتى على نفسك ياسنيورة
روح:الحمدلله ... خالو
مختار:نعم
روح بتوتر:كنت عايزة .. اجيب علاج الدكتورة كتبته ليا
مختار:هو انا هلاقيها من مصاريف اكلك ولا الدكتورة ولا العلاج يابت انتى هو انا خلفتك ونسيتك
رباب:مش لازم يعنى كل ماالست الدكتورة تكتبلك علاج تجيبه كولى كويس وانتى مش هتحتاجى لعلاج
ريهام:ماهى بتاكل معانا احلى اكل ياماما
رباب:صح روحى يلا غيرى هدومك دى وحضرى العشا
روح بحزن:حاضر
روح دخلت اوضتها غيرت وصلت العصر اللى فاتها والمغرب وخرجت حضرت العشا ورفضت تاكل معاهم ودخلت اوضتها صلت العشا وقرات وردها ونامت على السرير بتفتكر كلام الدكتورة
••فلاش باااك••
الدكتورة:روح انا المرة اللى فاتت قولتلك لازم ترتاحى وتاكلى كويس وزنك نزل عن المرة اللى فاتت وكمان جسمك ضعيف جداا
شهد:وكدا فى خطر عليها يادكتورة
الدكتورة:لازم تريحى نفسك وياريت تنامى على ضهرك كتير وتاكلى كويس وتاخدى العلاج اللى هكتبه ليكى ده بانتظام لو عملتى غير كدا هيبقي فى خطر ومش عليكى لوحدك لا هيبقي الخطر عليكى انتى والجنين
روح وشهد خرجو من عند الدكتورة
شهد:هاتى الروشته وانا هجبلك العلاج ياروح
روح:لا ياشهد هخلى خالو يجيبه ليا
شهد:وافرض مرضاش زى المرة اللى فاتت
روح:متشليش هم انتى يلا نروح
••بااااك••
روح حطت ايدها على بطنها وعيطت جامد: حسبي الله ونعمه الوكيل فيك على اللى عملته فياا.....
&&&&&&&&
تفتكرو ايه اللى حصل مع روح سبب حزنها ومين ابو اللى فى بطنها؟؟
روايه جرح يداويه العشق
#الكاتبه جنات
#الباررت2
روايه جرح يداويه العشق
••﴿الفصل التانى﴾••
صباح يوم جديد فى شقه مختار
رباب دخلت اوضه روح كانت لسه نايمه
رباب بصوت عالى:انتى لسه نايمه ياروح امك
روح صحت وقامت قعدت بسرعة:هى الساعه كام
رباب:الساعه ٩ ياحيلتها وخالك هيصحى يروح شغله وكمان ريهام عندها كليه قومى فزعى يلا جهزى الفطار
روح:حاضر
روح دخلت الحمام بسرعه وخرجت حضرت الفطار وكانت حاسه بدوخه لانها ماكلتش حاجه من امبارح ودخلت اوضتها صلت فرضهاا وقعدت على السرير لانها كانت حاسه بتعب ودوخه جامده
====================
فى الصعيد وتحديدا فى مصنع الحديد الخاص بعيله الهلالى كان واقف عثمان ويونس
عثمان:شحنه الحديد چاهزة ياولدى
يونس:ايوا ياچدى وهتتسلم بكرة باذن واحد احد
عثمان:ربنا يجويك ياولدى
يونس:تسلم ياچدى
عثمان:تعالى وراى المكتب
يونس راح مع جده اللى قعد على كرسي المكتب ويونس قدامه وعثمان كان بيبصله اوى
يونس:خير فى حاچه ياچدى
عثمان:فى ان حالك مش عاچبنى ياولدى
يونس:مانى زين جدامك ياچدى
عثمان:انا بتكلم عنك انت ومرتك
يونس بضيق:حضرتك عارف ياچدى انــ
عثمان قاطعه:عارف ياولدى انك مكنتش رايد تتچوز صفا بت عمك وانى اللى چبرتك وجولت يمكن تحبها بعد الچواز
يونس:جلب يونس الهلالى ميعرفش طريج الحب ومعشجه ياچدى
عثمان:ولميتا ياولدى انا نفسي اشوف ولادك جبل مااجبال وجه كريم
يونس:ربنا يطول فى عمرك ياچدى
عثمان:انى نفسي اشوف ولادك وولاد على كمان مش كفايه حزنى على رحمه
يونس:حضرتك مفكر انى فرحان انها مطلجه
عثمان:انت غلطت ياولدى لما سمعت كلامها واچبرت طارق يطلجها
يونس:رحمه كانت بتسمع كاتير من ام طارق ياچدى وتعبت وانى مجدرتش اشوفها بتتعذب اكده
عثمان:ربنا يريح چلبي عليكو ياولدى
يونس:يارب ياچدى انى هروح الشركه عندى شويا شغل بخصوص الصفجه الچديده
عثمان:روح ياولد الغالى
======================
فى شقه مختار الباب بيخبط
رباب اللى قاعده قدام الشاشه:بت ياروح قومى يابت افتحى الباب
خرجت روح من اوضتها وبصت من عين الباب كانت شهد فتحتلها
شهد:روح قلبي عامله ايه
روح:الحمدلله ياشهد تعالى
شهد بهمس:عبيطه انا عشان ادخل بيت رباب خانم تعالى اقعدى معايا بابا نزل
روح:حاضر
روح دخلت لرباب:انا هروح اقعد مع شهد شويا
رباب:والغدا مين هيعمله
روح:لسه بدرى ساعه وهاجى اعمله
رباب:روحى ياختى
روح دخلت لبست اسدال ونقابها عشان لو قبلت حد من سكان العمارة وخرجت خبطت على باب شقه شهد اللى فتحتلها:تعالى ياروح دانا عامله صنيه كيكه هتاكلى صوابعك وراها
روح:مانا شامه ريحتها وعرفت انك انتى اللى بتعمليها
شهد:تعالى انا عملت شاى عشان نشربه معاها
البنات قعدو على الكنبه
شهد:مالك ياروح
روح:مافيش
شهد:خالك جبلك العلاج
روح:اه اه اخد الروشته وهيجيبه وهو جاى
شهد:متعرفيش تكذبي ياروح
روح اتنهدت بحزن:هما معاهم حق كفايه انهم بياكلونى
شهد:انتى عبيطه ياروح ده اخد منك كل ورث مامتك وكمان اخد الفلوس من اللى اسمه ســـ
روح:متجبيش سيرته ياشهد ابوس ايدك انا مش بطيق اسم اسمه حتى
شهد:طب اهدى ياحبيبتى اهدى منه لله
روح:تصدقى انا مش هزعل لو خسرت اللى بطنى
شهد:انتى بتقولى ايه ياروح ده ابنك
روح:بس كمان ابنه ياشهد ابنه
شهد قربت منها:روح حبيبتى انتى عمرك ماحكيتيلى اللى حصل معاكى بس انا شايفه الوجع جواكى مش انتى روح اللى انا عرفاها اللى كانت بتحب الحياه وتضحك وتهزر انتى طول الوقت حزينه ومش بتتكلمى وسايبه خالك ومراته وبنته يبهدلو فيكى دانتى ولا كأنك خدامه عندهم احكيلى ياحبيبتى
روح غمضت عينيها وبدات تفتكر الكابوس اللى كانت عايشه فيه ودموعها نزلت ونفسها بدا يقل
شهد خافت عليها:خلاص اهدى مش عايزة اعرف حاجه بس اهدى ابوس ايدك ياروح خدى نفسك
روح كانت مش سامعه ولا شايفه غير الكابوس اللى بيخوفها دايمااا ونفسها بيقل
شهد خرجت بسرعه وراحت خبطت على شقه مختار ورباب فتحتلها:بتخبطى كدا ليه يابت انتى
شهد زقتها ودخلت اوضه روح وفتحت درج الكمدينو واخدت البخاخه وكانت الروشته محطوطه جمبها اخدتها وراحت بسرعه على شقتهم وساعدت روح تاخد البخاخه وبدات تهدى شويااا
شهد:روح سمعانى
روح هزت راسها باه ورباب دخلت عندهم:مالك يابت انتى
شهد:تعبت شويااا
رباب:ونبي ياختى خدى بالك على نفسك احنا مش حمل مصاريف زياده
شهد:ايه الطريقه دى وبعدين هو بايدها يعنى
رباب:بايدها ولا مش ايدها بلا نيله
رباب خرجت وراحت على شقتهاا وروح عيطت وشهد اخدتها فى حضنها:انا اسفه انا السبب انا اللى فكرتك ياحبيبتى
روح بتعب:انا كويسه ياشهد هروح بقي
شهد:خليكى معايا انتى تعبانه
روح:لا بقيت احسن
روح نزلت نقابها وراحت على شقه خالها
وشهد كلمت باباها وقالتله انها هتبعتله صورة روشته يجيبها ليها وصورت الروشته وبعتتها ليه
============
روح غيرت وراحت المطبخ وبدات تجهز الغدا وبعد وقت طويل كانت خلصت وهى حاسه بدوخه وقعدو ياكلو كلهم سواا وبعدها دخلت اوضتها ولما اكلت بقت احسن شويا
الباب اوضه اتفتح وكانت رباب:صاحبتك عايزكى برا
روح خرجت وكانت شهد واقفه وماسكه شنطه فى ايدها
روح:مالك ياشهد
شهد:خدى ياروح خدى علاجك
روح:انتى عرفتيه ازاى والروشته معايا
شهد:مانا اخدتها من الدرج يلا خدى علاجك عشان متتعبيش تانى
روح حضنتها:مش عارفه اقولك ايه ربنا يخليكى ليا
شهد:ويخليكى ليا ياقمر يلا ادخلى بقي
روح دخلت وكانت رباب سامعه كلامهم
رباب:والله وفرت علينا
روح دخلت اوضتها واخدت علاجها
==================
بليل فى قصر الهلالى الكل قاعدين فى الريسبشن وبيتفرجو على فيلم
دخل يونس وعلى
يونس:مساء الخير
فاطمه:مساء الخير ياحبايب جلبي غيرو خلاجاتكم على مانحضرلكو الوكل
على:ياريت يافطوم ياقمر لانى واقع من الجوع
رحمه:مسمعكش عثمان بيه الهلالى وانت بتتكلم مصراوى كان طخك عيارين فى نفوخك
على:وانتى بتتكلمى ايه الوقت يارحمه هانم
يونس:رحمه تتكلم وتقول اللى هى عايزاه دى حبيبه اخوها
رحمه قامت حضنت يونس:قلب اختك انت
راضيه:ربنا يحفظكو ويخليكو لبعض ياولاد
على باس راسها:حبيبه قلبي يااحلى راضيه
اجلال بسخريه:الا ماجولت كلمه عدله لامك ولا الحلو كله لعمتك ومرت عمك وبس
صفا:وهو على اخوى من ميتا كان بيعبرنا ياماا هو معندوش غير مرت عمه وعمته الله يرحمك ياسليم ياخوى كان ونعمه الاخ
على:عشان كان شبهكو ونفس طريقه تفكيركو لكن انا لا... انا طالع اوضتى
على طلع ويونس كمان وصفا طلعت وراه
يونس دخل اوضته هو وصفا
صفا قربت منه قلعته جاكت بتاعه ويونس كان متاكد ان طريقتها دى وراها حاجه
يونس:جيبى من الاخر ياصفا عايزة ايه
صفا:عايزاك طيب وبخير يايونس
يونس:تمام
صفا لسه هتتكلم فون يونس رن ورد عليه
يونس:فى حاجه يااحمد......تمام...... اديله الفلوس
يونس قفل وبص لصفا بغضب:عملتى اللى فى دماغك بردو
صفا:اصل يعنى
يونس بعصبيه:اصل ايه وزقت ايه وربي ومااعبد لو فضلتى ماشيه ورا امك وعصيتى امرى مرة تانيه مش هيحصل خير وانا حذرتك
صفا:هتعمل ايه ياولد عمى
يونس:هطلقك ياصفا هطلقك وارتاح من قرفك ده
صفا اتصدمت لما قالها كدا ويونس زقها وخرج من الاوضه وطلع جناحه غير ونزل هو وعلى اكلو وكل واحد طلع اوضته
=======================
روح قاعده فى اوضتها وسانده ضهرها على السرير ومغمضه عينيها وبدات تفكر فى اللى حصلها من سنه بظبط
••فلاش باااك••
روح بتعيط:ونبي ياخالو مش عايزة اتجوز
مختار:لا هتتجوزى ياروح الراجل شافك ودخلتى دماغه
رباب:شافها ازاى وهى بتبقي لابسه النقاب
مختار:معرفش بس هو شافها لما كان هنا وسالنى عليها وبعدين احمدى ربنا انه وافق يكتب عليكى
رباب:يعنى ايه وافق يكتب عليها
مختار:ده راجل واصل اوى ولما يشوف بنت وتدخل دماغه وبياخدها يقضي معاها يومين ويسيبها وانا اتكلمت معاه انه يكتب عليكى
روح بصدمه:يعنى ايه الكلام ده هو هيكتب عليا يومين وبعد كدا يطلقنى
مختار:وانتى وشطارتك بقي تخليه يقضى معاكى يومين شهر سنه
روح عيطت:حرام عليك ياخالو هى دى وصيه ماما الله يرحمها ليك
مختار:يابت دانتى هتطلعى من الموضوع ده بشويا فلوس يعيشونا ملوك طول عمرنا وكمان انا اخد مبلغ كبير من الراجل ده وممضينى على وصل امانه ولو اتجوزك قالى انه مش هيطلب منى حاجه
رباب:بجد يا مختار هو ده الراجل اللى ممضيك على وصل الامانه
مختار:اه هو
رباب بصت لروح:يبقي توفقى ياروح عشان خاطر خالك اللى صانك بعد موت امك
روح بتعيط ومش عارفه تقول ايه
مختار:هو هيجى بكرة ومعاه الماذون
روح:لالا ونبي ياخالو مش عايزة اتجوز ونبي حرام عليك تعمل فيا كدا عشان خاطر الفلوس
مختار بعصبيه:بقولك ايه يابت انا مش باخد رايك انتى هتتجوزيه يعنى هتتجوزيه
روح زعقت:حرام عليك والله انا مستحيل اوافق على الكلام ده ومش هفضل هنا يوم واحد حتى لو هنام فى الشارع
مختار قرب منها ومسكها من شعرها وروح صرخت وشدها ودخلها اوضتها ورماها على الارض وخلع حزامه وضربها بقوة لحد مااغمى عليها
••بااااك••
روح كانت بتفتكر ودموعها على خدهاا وافتكرت لما فاقت فى نص الليل وكان جسمها كله بيوجعها من ضرب خالها وكلمت شهد قالتلها انهم عايزين يجوزوها غصبن عنها وشهد وباباها جم لخالها واتكلمو معاه بس مختار طردهم من البيت وقالهم ان دى حاجه خاصه بالعيله وهما مالهمش دخل روح فضلت تعيط لحد مانامت....
&&&&&&&&
اى رايكو ي قمرات وياترى مين هو جوز روح؟؟
روايه جرح يداويه العشق
#الكاتبه جنات
#البارررت3
روايه جرح يداويه العشق
••﴿الفصل التالت﴾••
اشرقت شمس يوم جديد على قصر الهلالى
وتحديداا فى جناح يونس اللى كان بيلبس
الباب خبط وراح يفتح كانت صفا
يونس:خير عايزة ايه
صفا:هنتكلمو على الباب اكده يعنى
يونس:انتى عارفه ان ماحدش بيدخل الجناح ده غيرى
صفا بضيق:ليه ماهى رحمه بتدخله وكمان على
يونس بحده:ااااه انتى هتبدئى طب بصي بقي عشان انا جايب اخرى منك من امبارح وبحاول انسي اللى عمليته وبلاش تزودى الطين بله يابنت عمى وامشي بقي من هنا وبسكات احسنلك
صفا خافت:حاضر يايونس بس افتكر ان ده مش عدل ربنا ياولد عمى
صفا نزلت ويونس اتنهد بضيق:عدل ربنا... ده على اساس ان جوازى منك عدل ربنا
يونس فاق على صوت ضحك رحمه اللى سمعت كلامه
رحمه قربت منه:عارف لو كانت سمعتك كانت هتبقي فى جلسه النهارده فى المندرة لحل المشكله
يونس ضحك وحاوط كتف رحمه:سيبك منها صباح الجمال ياقلب اخوكى
رحمه:صباح الفل ياروح قلب اختك
يونس:عامله ايه ياحبيبتى
رحمه:انا حلوة الحمدلله
يونس باس راسها:يلا ننزل
رحمه:يلا
يونس وقف
رحمه:مالك
يونس:نسيت حاجاتى فى الاوضه هجيبهم واجى
رحمه:انزل وانا هجيبهم ليك
يونس:قلب اخوكى
رحمه ضحكت وراحت على جناح يونس واخدت المحفظه والنضارة والفون من على الكمدينو ولسه هتخرج من الجناح الفون رن باسم طارق
رحمه قلبها دق كان نفسها بس تسمع صوته خرجت من الجناح كان يونس واقف مستنيها
رحمه:فونك بيرن
يونس اخد الحاجه من رحمه اللى مشت بسرعه ويونس شاف دموع فى عينيها بس عرف السبب لما شاف اسم طارق
يونس رد:الواطى اللى مش بيسال
طارق ضحك:انت عارف شغلى ياجدع اخبارك ايه
يونس:الحمدلله ياصاحبي انت عامل ايه
طارق:كويس
يونس:مالك بتقولها من غير نفس كدا ليه
طارق:مانت عارف اللى فيها يايونس
يونس:انسي ياصاحبي بقي وعيش
طارق:عمرى مااقدر اعيش من غيرهاا دانا مموت نفسي فى الشغل عشان اقدر انسي ومش قادر
يونس:ومش ناوى ترجع بقي
طارق:لا
يونس:والداتك بتكلمنى دايماا عشان اقنعك ترجع
طارق:عايزانى ارجع عشان تجوزنى مش كدا قولها تشيل الموضوع من راسها مش هتجوز ولا هرجع
يونس اتنهد:اللى يريحك ياصاحبي
طارق:انا لازم اقفل هكلمك وقت تانى
يونس:تمام ياصاحبي
يونس قفل ونزل
===================
فى القاهرة فى شقه مختار
رباب وريهام قاعدين فى الريسبشن
ريهام بهمس:اومال روح هانم فين
رباب:بتحضر الفطار
ريهام:هى بقت فى الشهر الكام
رباب:الخامس ليه
ريهام:واحنا هنفضل مستحملنها كتير ولا ايه بكرة تولد وتبقي عايزة هدوم و بامبرز و علاج لابنها
رباب:والله مانا عارفه يابنتى امها ماتت وسابتها واحنا اللى شيلنا شيلتها ولما قولنا هنجوزها ونخلص منها الراجل مات
ريهام:طب ماتروح لاهله اكيد هيفرحو لما يعرفو انها حامل فى حفيدهم
رباب:المصيبه انه كان متجوزها فى السر
ريهام:ماهى بت عبيطه بردو فى حد يسيب الشقه اللى كانت عايشه فيها وتيجى تعيش هنا كانت اخدتنا نعيش معاها
رباب:انا وابوكى لما عرفنا انه مات وروحنا نقولها ماصدقت انها هتخرج من بيته بس الحق يتقال لما روحنا ناخدها انا وابوكى البت كانت حالتها حاله ووشها كله كدمات وكانت فى حاله رعب وكان رابطها فى السرير وابوكى اللى فكهاا وقتها
ريهام:مش هى اللى هربت منه ياماما كان لازم يعمل فيها كدا لما يلاقيها
رباب:ماهى بردو مش هتهرب من الشقه من غير سبب الظاهر كدا كان بيضربها والله اعلم كان بيعمل فيها ايه ده حتى لما لاقها وعرف انها حامل مرحمهاش
ريهام:على رايك وبعدين ده من يوم ماجت من شقته وهى ساكته ودايما بتعيط وحزينه
رباب:مانا وابوكى ملاحظين ده وبعدين ابوكى كان قالى ان الراجل ده بيعذب البنات باسوء الطرق وفى بنات كتير ماتو وهما معاه
ريهام:يالهوى ياماما وانا اللى كنت عايزة اتجوزه مكانها
رباب:مانا عشان كدا رفضت انك تجوزيه يابت هو انا مستغنيه عنك
ريهام ورباب سمعو صوت حاجه بتتكسر فى المطبخ قامو بسرعه دخلو المطبخ لاقو اطباق مكسورة على الارض
رباب:نهارك اسود كسرتى الاطباق ازاى يابت
روح:انا اسفه والله كنت بجيبهم عشان احط الاكل ووقعو منى
رباب قربت منها وضربتها فى كتفها:هو احنا هنلاقيها من مصاريفك وهمك ولا من الحاجات اللى كل شويا تكسريها يابت انتى
مختار خرج من اوضته على صوت رباب العالى
مختار:فى ايه مالكو صوتكو عالى من صباحيه ربنا كدا ليه
رباب:تعالى يااخويا شوف البلوه اللى سابتها اختك وماتت شوف بنت اختك كسرت الاطباق ازاى
مختار:احنا مش قولنالك تاخدى بالك يابت انتى
روح كانت بتعيط:والله وقعو منى غصبن عنى ياخالو
رباب مسكتها من شعرها:انا قرفت منك يابت
ريهام كانت واقفه فرحانه فى روح
مختار:خلاص يارباب سيبها ليحصلها حاجه هى ولا اللى فى بطنها وتشيلنا مصيبه
رباب زقتها:نضفى اللى عملتيه ده وحضرى الفطار
رباب ومختار خرجت وريهام كانت شمتانه فى روح
ريهام:تؤ تؤ ياحرام والله صعبتى عليا
ريهام خرج وروح بقت تلم الازاز وهى بتعيط
ولمت الازاز كله وحضرت الفطار وحطته على السفره وعملت سندوتش صغير ودخلت اوضتها كلته وهى بتعيط واخدت علاجها وسندت راسها على ضهر السرير وغمضت عينيها وبدات تفتكر باقى الحكايه
••فلاش باااااك••
روح كانت قاعده ف اوضتها وعماله تعيط الباب اتفتح ودخل خالها مختار:يلا يابت قومى البس البيه والماذون جايين فى الطريق
روح جرت على خالها وباست ايده:ونبي ياخالو بلاش تعمل فيا كدا
مختار بعصبيه:بت انتى شكل علقه امبارح ماكنتش كفايه يلا اتحركى ياما والله هخرجك بمنظرك ده قدامهم
مختار خرج وروح لبست دريس واسع بلون الاسود ونقاب بلون الابيض
وبعد شويا سمعت صوت ناس برااا وكانت سامعه صوت الماذون وهى بتعيط على حالها ومختار دخل ومعاه دفتر بتاع الماذون
مختار:يلا يابت امضي هنا
روح مضت ودموعها مغرقه وشها ومختار مسك ايدها وخرجت معاه
مختار:سلمى على جوزك ياروح سليم بيه الهلالى
(عرفتوه طبعاا ابن عم يونس واخو صفا وعلى)
سليم قام وقف وقرب من روح ومد ايده مسك ايدها اللى لابسه فيها جوانتى وباسهاا وروح جسمها كله بيترعش وحتى مرفعتش عينيها ولا بصت عليه
سليم:مبروك ياعروسه
روح مردتش عليه
رباب ضحكت:اكيد مكسوفه يابيه الله يبارك فيك
سليم عينه على روح وشايف عينيها اللى كلها دموع:يلا ودعى عيلتك عشان نمشي
ريهام ورباب ومختار ودعو روح وكانو بيمثلو طبعاا قدام سليم
سليم مسك ايدها وخرج من الشقه كانت شهد واقفه على باب شقتهم اللى قدام شقه روح وقربت منها وحضنتها وروح عيطت فى حضنها وشهد كمان عيطت ومحمد ابو شهد سلم عليها
سليم شدها من حضن شهد ونزل وكان مختار اللى واقف عند العربيه فتحلهم الباب اللى ورا وركبو ومختار ساق العربيه لحد عمارة راقيه جدااا ونزلو وسليم مسك ايد روح ودخلو العمارة وركبو الاسانسير وروح كانت هتموت حرفيااا وقلبها بيدق بطريقه ترعب طلعو الدور الخامس وسليم فتح الباب ودخل:اتفضلى ياعروسه
روح دخلت وجسمها كله بيترعش
سليم قرب منها:من وقت ماشوفت عينيكى وانتى سحرتينى ونفسي اشوف اللى تحت النقاب
سليم رفع النقاب وتاه فى جمال روح اللى احمرار وشها من العياط زادها جمال على جمالها:بسم الله مااشاء الله كنت متوقع انك حلوة بس مش لدرجه دى
سليم رفع وشها عشان تبصله وروح قلبها دق بخوف لما شافته لان سليم ملامحه حاده جداا وحتى نظرته تخوف
روح كانت عايزة تهرب من قدامه باى طريقه:انا عايزة اغير لو سمحت
سليم بخبث:وماله طبعاا ادخلى غيرى فى الاوضه دى وانا هغير فى الاوضه التانيه ياقمر
روح اتحركت من قدامه بسرعه ودخلت الاوضه وحمدت ربها لما لاقت مفتاح فى الباب وقفلت على نفسها وكانت مرعوبه
بعد شويا سليم خبط على الباب:خلصتى ياعروسه
روح كانت خايفه اوى ومردتش عليه سليم حاول يفتح الباب لاقاه مقفول
سليم:روح افتحى الباب .... بقولك افتحى الباب ده
سليم اتصعب لانه بيكلمها وهى مش بترد عليه وفضل يكسر فى كل حاجه فى الشقه وروح كانت مرعوبه وسمعت صوت الباب بيتقفل بقوة وبعد شويا سمعت صوت عربيه قربت من الشباك شافته اتحرك بعربيته بسرعه رهيبه بتدل على عصبيته وحمدت ربها انه مشي ونامت على السرير ومن التعب راحت فى نوم عميق وصحت تانى يوم قربت من الباب تسمع ليكون رجع بس ماكنش فى صوت
فتحت الباب براحه واتصدمت من منظر الشقه اللى كانت متكسرة حرفيااا روح كانت بدور فى الشقه بعينيها عليه لكن ماكنش موجود جرت على الباب تفتحه لاقيته مقفول فضلت تعيط و كانت حاسه بعطش دخلت المطبخ شربت واخدت معاها ازازة ميا ودخلت الاوضه وقفلت عليها تانى كانت خايفه انه يرجع فى اى لحظه
••بااااااك••
روح كانت بتفتكر وهى بتعيط وفاقت على صوت رباب:يلا ياروح هانم عشان تحضرى الغدا
روح قامت دخلت الحمام غسلت وشها وخرجت راحت المطبخ تجهز الغداا.......
&&&&&&& ♥️♥️
روايه جرح يداويه العشق
#الكاتبه جنات
#البارررت4
روايه جرح يداويه العشق
••﴿الفصل الرابع﴾••
عدى اكتر من اسبوع وروح بتعيش نفس المعاناه مع خالها ومراته وتعبها كان بيزيد اكتر بسبب ضعف جسمهاا والدكتورة حذرتها انها لازم تاخد بالها من نفسها اكتر من كدا
وفى احد الايام روح كانت بتحضر الغدا ومختار طلب من ريهام تكويله القميص بتاعه
ريهام:هخلى روح تكويه يابابا انا بذاكر
مختار:اى حد بس اخلصو هتاخر على الشغل
ريهام كانت راحت تنادى على روح ووقفت وابتسمت بخبث وجابت المكوة ووصلتها بالكهربا وحطيتها على قميص مختار وراحت المطبخ:روح بابا بيقولك اكويله القميص وبسرعه لانه اتاخر على الشغل
روح:حاضر
روح خرجت من المطبخ وراحت اوضه مختار واتصدمت لما شافت المكوة على القميص شالتها بسرعه كان القميص اتحرق ومختار دخل وهى ماسكه المكوة فى ايدها
مختار:نهار اسود ومطين على دماغك ايه اللى هببتيه ده يابت
روح:مش انا والله ياخالو
مختار:اومال امك اللى جت حرقته ومشت
رباب دخلت اوضه:فى ايه وفجاه شهقت:حرقتى القميص الجديده يانحس
مختار مسك روح من شعرها وضربهاا بقوة بس اتصدمو كلهم لما شافو الدم اللى نازل منها
ريهام:دى بتنزف ياماما
رباب:نهار اسود روحنا فى داهيه يلا بسرعه نوديها مستشفى
مختار اشتالها وخرج من الشقه وشهد كانت خارجه من شقتهم راحه الكليه:روح مالها ياعمو
مختار:تعبانه شويا
شهد نزلت وراه:انا جايه معاك ونزلو ركبو فى تاكسي وراحو على المستشفى
==================
فى شركه الهلالى وتحديداا فى مكتب يونس
على:كدا الشحنات كلها اتسلمت واخيراا هنرتاح شويا
يونس:مافيش راحه
على:يعنى ايه
يونس:انت ناسي الصفقه الجديده وانك هتسافر مع جدى الشركه اللى فى القاهرة
على:واسافر انا ليه ماتسافر انت
يونس:عندى شغل هنا مش هقدر اسافر
على:وهنسافر امته
يونس:النهارده بليل
على:ياربي انا عارف انى مش هرتاح ابدااا
يونس ضحك:يلا على شغلك ياعلى باشا
على قام:رايح ياخويا رايح
يونس ضحك عليه وفونه رن كانت صفا كنسل عليها:ربنا يسامحك ياجدى والله
===============
فى المستشفى
خرجت الدكتورة من اوضه روح:انا اكتر من مرة قولتلكو انها ضعيفه ودى تانى مرة تتعرض لنزيف ولولا فضل ربنا كنا خسرناها هى والجنين وبعدين مين اللى عمل فيها كدا
مختار:محدش جه جمبها هى وقعت من على السلم
الدكتورة:سلم ايه حضرتك دى جسمها كله كدمات وجروح شكلها قديمه وغير الكدمات اللى فى وشها
مختار:بقولك ايه مش انتى شغلتك انك تعالجيها مالكيش دعوة بالباقى بقي
الدكتورة بصتله بضيق وبصت لشهد اللى هزت راسها بمعنى معلش
الدكتورة مشت وشهد دخلت لروح اللى كانت نايمه ومختار دخل وراها
شهد بصت لمختار:انت اللى ضربتها مش كدا
مختار:حاجه متخصكيش يابت انتى
شهد بعصبيه:لا بقولك ايه انا مش روح دانا شهد وممكن الوقت اكلم الشرطه ويجو ياخدوك بسبب اللى عملته فيها واقسم بربي اعملها وميهمنى حد
مختار اتوتر لانه عارف ان شهد مش بيهمها حد وبص علي روح وخرج من الاوضه من غير مايتكلم
شهد قاعدت جمب روح ومسكت ايدها:حبيبتى ياروح انتى تستاهلى انك تعيشي ملكه مش تعيشي العيشه دى ابداا كفايه طيبه قلبك انتى تستاهلى كل خير ياروحى
=============
بليل فى قصر الهلالى
رحمه قاعده فى اوضتها فونها رن برقم غريب مردتش عليه رن تانى كانت متاكده انه طارق لانه بيرن عليها كتير من رقمه وهى مش بترد بس هى نفسها تسمع صوته بس فقررت ترد
رحمه:السلام عليكم
طارق:وعليكم السلام ورحمه الله وبركاته اخيراا رديتى عليا يارحمه
رحمه قلبها كان بيدق اد ايه كان وحشها صوته
رحمه:وانا المفروض ارد عليك ليه
طارق:بلاش طريقتك دى يارحمه ونبي الواحد مش قادر ولا ناقص انا فيا اللى مكفينى دانا مموت نفسي فى الشغل عشان مفكرش فيكى بس مش قادر وبرن عليكى كتير وانتى مش بتردى لو تعرفى انا ارتاحت اد ايه لما سمعت صوتك الوقت ونسيت كل تعبي
رحمه قلبها وجعها:لوسمحت بلاش تتصل بيا تانى احنا مافيش بينا كلام عشان ترن عليا او ارد عليك مع سلامه
رحمه قفلت فى وشه وعيطت:انا اسفه غصبن عنى والله
==============
فى الدور الارضي فى القصر كان عثمان وعلى بيودعو العيله عشان مسافرين
يونس:مصمم بردك ياچدى انك تسافر بنفسك
عثمان:اكده احسن ياولدى شوف شغلك اهنه وانى هسافر اخلص الشغل هنيك
على:ارتاح انت ياچدى وانى هتابع الشغل ولا معندش ثجه فيا ولا ايى
عثمان:ربنا يحميكو ياشباب انتو جدها وجدود كمان
يونس:تسلم ياچدى ولو احتاچتونى عرفونى
على:تمام يلا ياچدى
على وعثمان خرجو وركبو العربيه وعلى اللى كان بيسوق وجده جمبه
=====================
فى المستشفى روح لسه نايمه زى ماهيا وشهد معاها كانت نايمه على الكنبه
روح كانت بتحرك راسها كانها بتشوف كابوس بس للاسف ده مش اى كابوس ده الواقع اللى عاشته مع سليم الهلالى
••فلاش بااااك••
روح فضلت اسبوع فى الشقه لوحدها وسليم مجاش ابدا وهى كانت مطمنه
وفى يوم روح كانت فى المطبخ وسمعت باب الشقه بيتفتح نزلت نقابها بسرعه وكانت هتموت من الرعب اكيد مش هيعدى اللى هى عاملته
خرجت من المطبخ بحذر كان قاعد على الكنبه وفارد ايديه على ضهر الكنبه ورافع راسه لورا
سليم:اخيرااا الهانم خرجت من الاوضه
روح اترعبت لما بصلهاا وقام وقف ولسه هيقرب منها روح جرت بسرعه ناحيه الاوضه بس ايد سليم كانت اسرع مسكها من نقابها وروح صرخت بصوت عالى واترعبت لما سليم قرب منها ورقع النقاب وشاله من على راسها وشعرها الطويل نزل على ضهرها واتكلم جمب ودنها:دانا سليم الهلالى يعنى مش حته بت زيك اللى تغفلنى ياروح امك هربتى منى يوم الدخله مش كدا وانا سيبتك براحتك اسبوع ورجعت عشان اخد حقى
سليم شدها من شعرها ودخل اوضه النوم ورماها بقوة على السرير وفتح درج الكمدينو وجاب حبل وقرب من روح اللى كانت بتصرخ باعلى صوت وبتترجاه يسيبها بس لا حياه لمن تنادى ربطها فى السرير وهجم عليها وبدا يقطع هدومها واخد منها اعز ماتملك بكل قسوة وجبروت وبعد فترة بعد عنها كانت بتنزف بقوة ومغمى عليها مسك فونه وكلم الدكتورة تيجى بسرعه
قام دخل الحمام ومسالش فيها وبعد شويا خرج من الحمام كان جرس الباب بيرن كانت الدكتورة اللى وصلت وبدات تساعدها عشان توقف النزيف لانه رفض انها تروح مستشفى ده حتى رفض انها تفك ايدها المربوطه وبعد اصرار من الدكتورة فك ايد واحده عشان تركبلها محلول فيها
وبعد فترة كان النزيف وقف والدكتورة كتبتلها شويا علاج وقالتله انها مش هتفوق غير تانى يوم ومشت
••بااااااك••
روح فتحت عينيها اللى كانت كلها دموع ولاقت نفسها فى المستشفى هى اخر حاجه فكراها ان خالها كان بيضربها بصت حوليها شافت شهد نايمه على الكنبه:شهد...شهد
شهد قامت لما سمعت صوت روح وقربت منها:حبيبتى انتى كويسه حاسه بحاجه
روح:جسمى كله بيوجعنى
شهد:خالك اللى عمل فيكى كدا صح
روح عيطت جامد
شهد حضنتها:ياحبيبتى اهدى منه لله
روح:هو مات صح انا شوفت دم كتير نزل منى وبعدها ماحسيتش بحاجه
شهد:لا ياروح الحمدلله ربنا حماه وحفظه ومحصلوش حاجه بس يا روح الدكتورة بتقول لو حصل نزيف تانى انتو الاتنين هتبقو فى خطر
روح:مش بايدى ياشهد
شهد:روح انتى هتخرجى من المستشفى وهتيجى عندى مش هتروحى عند خالك انتى فاهمه وصح انا كلمت بابا وقال انه عارف اهل اللى كان جوزك وانهم ناس كويسين جداا وكبير عيلتهم كان صديق بابا فقالى انه يكلمه ويعرفه انه حفيده كان متجوزك وانك حامل
روح:لالا ياشهد ونبي انا مش عايزة منهم حاجه كفايه اللى ابنهم عملو فيا
شهد:يعنى هتفضلى عايشه طول عمرك خدامه عند خالك ومراته وبنته لازم اهله يعرفو انه كان متجوزك وانك حامل
روح: ماهما اكيد عارفين
شهد:هيعرفو منين
روح:مامته اللى عارفه انه متجوز
شهد:عارفه منين مش هو كان متجوزك فى السر
روح:ماهى كانت جت مرة الشقه وشافتنى وقتها فكرتنى بنت من البنات اللى هو يعرفهم وهو قالها انى مراته مامته وحشه اوى ياشهد ده ضربنى قدامها مفكرتش حتى تدافع عنى لا كنت شايفه انها شمتانه فيا وتقوله ربيها كويس
شهد:ياساتر يارب ماهو اكيد شبه امه....طيب سيبك من امه بابا بيقول ان كبير العيله جده راجل كبارة اوى وكلمته مسموعه وميرضاش بظلم ابداا
روح:وهو هيعملى ايه يعنى
شهد:ياروح اهو ترتاحى من قرف خالك ومراته وبعدين الناس دول صعايده ومش هيرضو ان حفيدهم يتربي بعيد عنهم حتى لو امه رفضت الجد موجود
روح:دول ممكن ياخدو ابنى منى ياشهد
شهد:مستحيل يبعدو ابن عن امه ياروح
روح:مش عارفه ياشهد انا تعبانه اوى ومش عارفه افكر
شهد:طيب ياحبيبتى ارتاحى الوقت ونامى والصبح هنرجع على شقتنا ياروح وانتى فكرى براحتك
روح:حاضر
=================
تانى يوم روح خرجت من المستشفى وراحت على شقه شهد وفكرت فى موضوع رجوعها لاهل سليم ورفضت ان والد شهد يكلمهم وشهد وباباها محبوش يضغطو عليها ......
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
