رواية رحيل الهواري الفصل الاول بقلم الكاتبه هايدي الصعيدي اقوي الروايات الصعيديه علي الاطلاق وحصريه وجديده على مدونة النجم المتوهج للروايات والمعلومات

المقدمة والاشخاص

تعالوا بينا علي بلد اريف ناس صاعيده جبروت ايدهم طايلة وكلمتهم تمشي ع الكبير قبل الصغير صيتهم مسمع ف انحاء البلد والبلاد الي المجوره ..يلا بينا

الاب حسين الهواري مثال عن الجبروت والقسوة راجل مثال عن الظلم والاضطهاد معندوش رحمة ف قلبه وده مات من سنين بس خلف ولدين وبنت وزرع الجبروت ده ف قلب ابنه الكبير وفلت من تجبرو الابن الصغير والبنت..

الابن الكبير مراد الهواري عمرو ٣٧عام شديد وجبروت الي يسمع اسمه يترعب...

بس خلف القسوة دي حنيه مش بتبان غير لاهل بيته وهما امه واخته هو طوله 190 حاجه كده طول بعرض وهيبه عضلات اكتسبها من الشغل القاسي الي كان بيشتغلوا عنيه زيتوني بتقلب اسود وقت الغضب اسمراني مع دقن وشنب محددهم شعر اسود بسواد اليل غزير وناعم وعندو غمزه ف خدو مش بتبان غير لما يضحك وده شئ نادر ..

الابن الصغير حسن عنده 29 سنه ده بقا حنين ومسالم مش زي ابوة واخوة بيدير شغل العيله ف القاهره طوله 170 ابيض وعنيه عسلي مهندم شنبه ودقنه ديما بيحلقها شعرو بني غامق

البنت ودي اخر العنقود اسمها شهد وهيا شهد 26سنه طولها 160 جسمها مليان شويه بس حلو بيضه وعنيها خضره وشعرها بني متجوزه من ابن عمها هنتعرف عليه بعدين

الام الحجة راضيه من هواره وبنت عم جوزها شديده ومسيطره حتي ع مراد الهواري شربت القوة من جوزها المرحوم بس جواها حنية وطيبة الدنيا بس نادر متظهرهم عشان تقدر تحافظ ع مكانتها وسط العيلة عندها 57سنه وعيالها حسن وشهد خدو من ملامحها البياض والشعر البني ودي عيلة حسين هواري نكمل باقي الاشخاص الجزء الجاي تعالو بينا

.......

في عند حسين اخين ..

الاخ الوسط ده عادل مثال عن الخبث والطمع بيكره اخوه الكبير و اولاده لانهم خدو المنصب والجاه من بعد ابوهم

متجوز من وحده اسمها فاطمة متختلفش عنو كتير بس بيعرفو يمثلو الطيبه زي المية من تحت تبن

عندهم تلت ولاد وبنت

ابنهم الكبير رياض 33سنه اسمر وطوله 180 بس ضعيف من المخدرات الي بيشربها وجريوا وراه الحريم بيكره مراد جدا ونفسوا يبقا مكانه باي شكل

الوسط عامر عندو 29 سنه قد حسن وبيدير معاه الشغل ف القاهرة وده يعتبر رباية الحجه راضيه عشان كده مش زي ابوه واخوه بيحب حسن زي عنيه وبيحترم مراد جدا طوله 175ابيض وعنيه سوده وشعر بني وعندو شنب بس وحاجه كده خفة دم ولذيذ اووي

و فهد تؤام عامر نفس الشكل والاسلوب والطبع بس ده بقا مجنون حبتين وشغال معاهم ف نفس الشركه ..

البنت نسمه وهيا ابعد ما تكون عن النسمه وحده بغل وسموية عمله زي الحيه بتمشي تبخ سمها ف كل حته ودي مرات مراد للاسف اتجوزها بامر من ابوه حسين الهواري بتدعي الطيبه والحب قدام مراد بس هيا العكس طويله172 وجسمها ضعيف هما كده الصفر 😅 شعرها اسود وعنيها سوده وقمحيه مش بتحب مراد بتحب فلوسه الباقي الجزء الجاي

.........

الاخ الاخير لحسين الهواري هو ابراهيم راجل طيب ويعرف ربنا كبر اولادة ع الرحمه والعفو عند المقدرة بس ميمنعش انو شديد ودماغه نشفه حبتين عنده ولد وبنتين ..

الابن الكبير هشام عندو 29سنه وده زوج شهد اخت مراد باشا طوله 180عنيه عسلي شعرو اسود واسمراني وفرفوش و بيحب شهد اووي وبيحترمها وبيحب مراد ونفسه ربنا يصلح حال رياض ويفوق من الي فيه مهو ف الاخر زوج اخته ..

الاخت الوسط رحمه مرات رياض 26سنه كانت بتحب حسن بس بعد ما سافر القاهرة ابوها وعمها اتفقو انها تتجوز رياض مكنتش راضيها بس ده اتفاق رجاله اتجوزت رياض ورضيت بنصيبها بس محبتش رياض بسبب اسلوبه بيضه وعيونها عسلي فاتح شعرها بني وجسمها مليان شوية 163 بس سهل يضحك عليها وده هنعرفو بعدين

البنت الاخيرة ندي دي بقا دلوعه العيله واصغر الابناء عندها 24سنه عيون عسلي وشعر بني فاتح بيضه وجسمها ناعم ودي بقا خطيبة فهد ابن عمها عادل

وكده نكون عرفنا عيلة هواره يلا بينا نشوف هنروح فين 🙃💋

.......

احنا دلوقتي ف القاهره ونيلها ف اسرة هادية ومسالمه جدا الاب محمد موظف ف دايرة حكوميه وبعد العصر فاتح محل نجاره ودي صانعه اكتسبها من الايام الصعبه لانو كان بيدرس ويشتغل

الام زينب ربة منزل ومثال عن الام المصرية الاصيله عندهم بنتين وولد

البنت الكبيره رحيل عندها 26سنه وف اخر سنه في كلية الطب شاطره جدا ومحترمه هادية ورقيقه بس للاسف عناديه جدا قصيره طولها 153

بيضه بحمره طبيعيه تجنن بتهتم بعناية جسمها وبشرتها عنيها عسل صافي ورموش كثيفه ونعسانه وشعرها عسلي فاتح وفيه خصل شقرا زي سلاسل الدهب بتهتم بيه وطويل جدا لحد تحت وسطها

جسمها بقا ناعم بس كرفي وعمله برسنج من وراه باباها ف منخرها الصغننه دي 😂 مش بتلبسو غير ف البيت وشفايف مكتنزه حمره طبيعي وسنان لؤلؤ مصفوف

الاخت الوسط رقيه عندها 23سنه ف كلية تجارة انجلش طولها 160 شعرها بني فاتح وعنيها عسلي وبيضه جسمها ناعم

الاخ الصغير رامي ف تالته ثانوي شب طايش بس بيحب اخواته جدا وباباه مش بيقول غير انت نورت ي فاشل كل ما يشوفو احم احم 😂 يلا بينا بقا ع الجد

الفصل الاول

رحيل الهواري

هايدي الصعيد

في تمام الساعه 7 الصبح كانت الحجه راضيه قعده في بهو السرايه لفت لي ابنها وهو نازل من فوق ببتسامه :صباح الخير ي ولدي تعاله حداي هنا افطور معااي....

وتنادي بعلو صوتها : بت ي ورد انتي ي بت....

ورد :نعم يامه الحجه

: حضري الفطور عشان مراد بيه يلا همي

مراد : مفيش داعي يامه ماليش نفس انا طالع اشوف امور الارض والشغل المتاخر

الحجة : لاه ي ولدي مفيش خروچ غير لما تغير

ريجك لول

قعد مراد بوجه عابس قربة منه الحجه وهي بتربت ع رجله

راضيه : مالك ي ولدي فيك ايه انا عرفاك وحفظك لما تكون ف حاچه شغلاك

مراد : مفيش حاچه يامه شوية مشاكل في الشغل وانتي عارفه الشغل هنا كلو علي انا و هشام واستاذ رياض سارح ومروح وراه الحريم عشان كده اصريت علي حسن وعامر يكملوا علامهم ويديرو شغلنا بحري

الحجه :ربنا يعينك ي ولدي ويخليك لخواتك بعد ابوك المرحوم انت الي ربيتهم نسيت نفسك وهتميت ليهم ده كلو غير الاراضي والمصانع والاسطابلات وشركتك بحري ربنا يعينك ي ولدي من يومك شايل الهم

مراد باس كف ايدها : انا راحتي من راحتكم وكله علي الله يامه عجلي بالفطور هعمل كام تلفون وچاي

مراد طلع برا السرايه نزلت نسمه

تتمخطر :صباح الخير ي مرت عمي

الحجه راضيه :صباح الخير ..ما بدري مفوجتيش ليه جبل چوزك چهزتيلو هدمتو وحضرتي ليه فطوره

نسمه ببرود : نمت متاخر وبعدين لازمة الخدم ايه امال

ما يحضرو هما ولا اكل و مرعي وجلت صنعه مفاضلش غير اني اجعدهم وخدم عليهم انا

الحجه بعصبيه : خدم ولدي شجيان عايز مرا تهتم بيه وتدير بالها عليه وتعمل ليه لجمه حلوة وانتي تجولي خدم كان حدا ابوكي في داركم الي هيخدم عليكم

وانتي جعده ولا ايه

اتأففت نسمه وقلبت عينيها بلا مباله مما اغضب

راضيه بتهكم : وكمانك مش عاچبك هجول ايه ع رباية فاطنه انا تعبت ولساني دل وانا هكلمك بالين والمسايسه

وجولك ديري بالك من چوزك الي انتي هملاه شك نفسك هفاكي في ضره يا بت فاطنه

نسمه بصوت عالي : ومالها رباية فاطنه امال زينه و زي الفل وتاج ع راس الكل ولا انت ملجياش حاچه ترطي فيها ي مرت عمي ع الصبح وبعدين ضرت ايه ياام ضره ده اني كت جطعت خبرها جبل ما تعتبها

مراد خلص و داخل سمع صوت نسمه العالي وطريقتها مع امه

مراد بصوت عالي وغاضب زلزل كيانها :نسسمه... حسك يا وكله نااااسك انتي هتعلي حسك علي امي.... امي ليها احترمها اتحددي معاها وانت عينك ف الارض مش بتتجصعي وتتعوجي وكمانك مش عاچبك يا بت المركوب امي هنا الكل ف الكل والي تجولوا يتنفذ من غير حتي ما تشاوري روحك سمعه ولا لاه استسمحيها يلاااا وحبي علي راسها ولا اتوحشتي امك

نسمه من غير نفسه وابتسامه صفره :حجك علي ي مرات عمي مجصدش حاچه انا بس نار الغيرة دبت في جلبي وانتي هتجوليلي هخلي ولدي يچيب عليكي ضره

..وبمسكنه ..ولا عشانك انا يعني لسه ربنا مرضنيش

بحتت العيل هتكسرو نفسي

راضيه بصت لها بصدمه

مراد بعصبيه : انا ولا هتچوز تاني ولا تالت والمجسوم رضيت بيه والخلفه دي رزج وربنا كريم يلا جفيلي الحديت ده ...

ورد حطت الفطار وقعدوا يفطروا

مراد وقف : يلا الحمدلله فوتك بعافيه يامه ادعيلي

عايزاش حاچه مني

الحجه : روح ي ولدي يچعلك ف كل خطوة سلام ويوجفلك ولاد الحلال ويرزجك جادر يا كريم

طلع مراد والحجه دخلت اوضتها تصلي الضحي

ونسمه مسكت تليفونها ومن صباح الله خير ورط مع امها الحربايه 🦎

ف بيت اخر وجو من الهدوء والراحه ي حلو صبح ي حلو طل ي حلو صبح نهارنا فل اوعه 😂

الام : اصحي ي بنت منك ليه يلاا هتتأخروا علي الجامعه

رحيل بتثأب :صباح الخير ي ماما

زينب :صباحك عسل ي دكتورة يلا خدي شور وفوقي ويلا عشان تفطري قبل ما تنزلي

: حاضر ي حببتي قومت اهو

زينب : بنتي القمر الي بتقول حاضر مش الزفته التانيه

وخدت كاس ماية وكبتوا ع رقيه

رقيه :هيييييق بغرق بغرق يختيييي عايزة اتجوز عاايزة اتجوز

وفاقت علي ضحكت رحيل وامها

رقيه :برضو كده ي ست ماما اه مهو انا مش الدلوعه رحيل عشان تصحيني براحه ولا الحيلة ابنك

زينب وهي خرجه من الاوضة :طب يلا ي مقصوفة الرقبه قومي عشان تفطروا قبل الجامعه .. وركزي ع القبه ي نجيبه سيبك من العريس دلوقتي

رقية بضحكه : الحقي امك ي رحيل بتقلش

رحيل لسه بتتثأب بنعس كانت سهرانه بتذاكر لحد ما صلت الفجر ونامت : طب قومي قومي بدل ما تيجي تكمل عليكي ي نجيبه

قاموا البنتين يعملوا روتينهم الصباحي رحيل لبست فستان اسود هادي برسمه بسيطه فيروزي وشوذ اسود وطرحه فيروزي وشنطه سوده وحتط ملمع شفاف ومسكارا و جمالها كان رباني وعطرها الهادي بريحة الفراولة وخرجت

رحيل دخلت المطبخ : بابا فين ي ماما

زينب : نزل من بدري ي حببتي ورامي لسه نايم يلا ي رقيه عشان تفطري وتنزلي مع رحيل

فطرت رحيل هي ورقيه ونزلوا جري ع سلم بيتهم زي الاطفال وهما بيضحكوا واول ما خرجوا الشارع

بقوا ماشين زي العساكر وقفوا تاكسي وكل وحده

راحت الكلية بتاعتها

رحيل كان عندها عملي ف المستشفي راحت وكانت بتأدي واجبتها ع اكمل وجه مع الدكتور المشرف عليها

‏ف مكان تاني ف القاهره في شركت استراد وتصدير الهواري جروب دخل السكرتير المكتب

من غير ما يخبط و بسرعة وخوف :يا استاذ عامر الحق استاذ حسن اتعور وهو بيشيك ع المكن الي ف المصنع

عامر وقف بسرعة و طالع يجري بخوف و قابل فهد وراحوا المصنع الي جمب الشركة

حسن كان مجروح ف ايده جرح عميق وبينزف جامد والعمال حواليه عامر سنده وطلع بيه بسرعه ع العربيه وطلعو ع اول مستشفي وبعض العمال راحوا وراهم لان حسن محبوب جدا وسطيهم ..

‏رحيل كانت وقفه ف الطوارئ هيا وزميله ليها وفجاءة الدنيا ادربكت وجريوا يشوف ف ايه واستقبلت رحيل حسن وهو ع وشك الاغماء وكان معاها

الطبيب المشرف : بسرعه ي رحيل ع غرفة

الكشف الحقيني

‏رحيل بهدوء : من فضلوكم اتفضلوا خلاص احنا هنهتم بيه

‏عامر بقلق :الحقيه من فضلك ي دكتورة نزف كتير

‏رحيل : متقلقش حضرتك عن اذنكم

ودخلت غرفة العلاج وراه الدكتور و نضفت الجرح وحقنته ببنج وخيطت الجرح وركبت محلول يعوض

الدم وسبتو نايم وكل ده الدكتور كان متابع الحاله

الدكتور بإنبهار :برافو عليكي ي رحيل جراحه تجميليه ممتازة

رحيل: شكرا ي دكتور ده تعليمات حضرتك... وخرجت

استقبلها عامر : خير ي دكتورة طمنينا

رحيل بهدوء :خير انشالله انا خيط الجرح وعلقتلو محلول والدكتور بيشيك عليه هو نايم دلوقتي تقدرو تدخلو لما يفوق ...