رواية لعبه بين يديه (عشقت صغيرتي)الفصل الأول بقلم سيما حصريه وجديده على مدونة النجم المتوهج للروايات والمعلومات
دائما تكون البدايات من النظرة الاولى عندما تتلقي الاعين صدفة .. يحدث الحب من نظرة واحدة ولكن .. هناك حب من نوع أخر حب بعد عدة نظرات .. نظرة ثم حب ثم عشق ثم هوس وبعده الهيام .. تلك حالة ذات العيون الخضراء .. ااه منك أيتها صغيرة كيف أخبرك أن مهووسك سيأتي .. وكيف أخبره أنه سيقع في الحب وأي حب ... ستكون تلك الصغيرة
رواية : 🍂 لعبة بين يديه 🍂
عشقت صغيرتي 🔥🥀
بقلم إدمان سيما Sima jarisse H.Y 🍷
 |
قاعدة في السرير الكبير نرجف نستنى في عريس الغفلة لي قالو عليه راجلي دموعي جراو كيفاه نتزوج انا واحد هكا منعرفوش وجامي لا شفتو كيفاه نتزوج واحد ديجا خاطب وقالك نحب وحدة خلاف وينو المنطق في هذا الشي كون مشي جدي مسكين قنعني مراحش نبعد على دواري والمعزة تاعي الصغيرة سور تكون جيعانة وتحوس عليا ضميت الدبدوب تاعي لعندي كي تحل الباب وفيقني من سهوتي دخل منو راجل طول وعرض راجل خفتو وهبتو هذا هو هارون لي قالو عليه وهدرو كان لابس كلش اسود هاز تلفون في يدو لمحت الخاتم الكبير عليه لي يدورو بين صباعو وعروق يدو الظاهرين قرب مني زدت ضميت دبدوبي ليا راح نبكي خفت من واش قاتلي جداتي وحكاتلي هبط على ركبتو يطل عليا قالي وسمك ؟؟ نطقت بلجهد قتلو ن ننجود بلا ما نشوف فيه قالي نجود حط يدو على شعري يفوت عليه وجبدلي الدبدوب قالي شكون شرالك هذا الشي قتلو جدي قالي بصح راكي كبيرة عليه قتلو انا نحبو قالي معليش رجعولي مزالو واقف عند راسي يخزر فيا نحى الفاست تاعو وراح فوق الفوتاي قعد ساكت يخزر لبعيد تفكرت كلام جدة قتلو مر.احش تتعشا قالي لا ارقدي نتي تبسمت في سري وتكيت في الفراش هكاك بروبة البيضة ضميت كوكي ليا وغفيت فوق الفراش ساعة على ساعة نرمي عيني ليه نلقاه مزال يشوف لبرا وساكت برك مناض ما تحرك ......
نجووووود نجووووووود نووووضي يا طفلة نووووضي حليت عيني وجدة تهز في الريدو ضربت الشمس ديركت فيا قتلها مااااني هبطي الريدو غير شوي برك ولله نرقد غير شوي قاتلي بايتة ساهرة على التلفزيون والطابلات وضك محبيتش تنوضي مسكين جدك راه يستنى فيك تلاقيه كي العادة تهزي الصواشي معاه نوضي هيا بنتي نضت بسيف نحك في شعري ومزالني مغمضة جيت نخرج خبطت في الحيط قاتلي اوااه مكيش صحيحة ليوم كملت خرجت وهبطت لتحت قريب ما طحت في هذوك الدروج غسلت وجهي قعدت نشوف في المراية الكلبة تاع مليكة غير تكذب خلاتني شريت من عندها منبعد مراحت الحبة ما والو عاودت سمعت جدة تعيط غسلت بلخف وخرجت دخلت للكوزينة نلقاها مرونة يا ربي وشنو هذا الماعين يتكاثرو ولا واش شربت الحليب لي نموت عليه من معزتي المفضلة خلصت لميتهم وطلعت نلقى جدة مزالت تفرز في شمبرتي حتى شفتها راحت لوين القجر تاعي قتلها لاا ماني خلي انا نفرزهم قاتلي وشنو قتلهااا شمبرتي قاتلي يا بنتي روحي بدلي منبعد ساهل هي خرجت وانا خبيت المذكرات تحت السرير بين الفراش بدلت لبست سروالي عريض مع تركيو دومي مونش وبليغة طلقت شعري وخرجت نجري باه نلاقي جدي في الدخلة تاع الدوار نهز عليه ..... اسمي نجود عمري 16 سنة عايشة مع جدي وجدة في دوار بعيد على المدينة الراحة النفسية ثما وكل يوم تنوض على صوت لعواد يعيطو ولا صوت الجاج والسرادك حياة مكانش كيفاه تخرج كيما تحب وواحد ما يهدر معاك ولا يشوف فيك شوفة فعلا حياة الدوار هادئة وناسها روعة ... نقرا الثانية ثانوي في ليسي لي قريب لينا ملي كنت صغيرة نشفى بلي تربيت على يد جدة وجدي لانو بابا ميت وماما متزوجة خلاتني عندهم وراحت كان جدي عندو اراضي تاع حصاد يخدم فيهم هو وكي كبرو عمومي حكمو عليه الخدمة .. حنا عايشين توال بعض دار جدي وحدها وقراب لينا عمومي لي عندهم فيلة كبيرة بناوها وتعبو عليها وكاين لافامي لي قراب يعني غير حنا في حنا الحمد لله ما يخصنا والو خاصة انا عايشة مع جدي من بكري فاتو لعوام وعمومي بداو يطالبو بحقهم في الورث وجدي طبعا قالهم كي نموت اقسموه ضك مدام راني حي كل واحد يخدم خدمتو ويديها في العام الصراحة مشي هوما العقل المدبر يقولك كي يدخلو النسا بليس يخلي ليهم البلاصة وصح عمومي في ثلاثة سمعو لكلام نساهم وكل مرة يقولك اعطينا حقنا حتى جدي مدلهم باعو الفيلة تاعهم وراحو للمدينة جداتي حزنت عليهم ودعات على نساهم جامي يربحو كي بعدو ولادها عليها بقينا حنا عايشين ثما كي العادة وانا كبرت وترعرعت على الحشمة والقدر معنديش والديا بصح عوضوني جدي وجدة عمرها لا خصتني حاجة وعمرها لا بقيت عريانة بلا كسوة اذا اضطر الامر جدي يبيع خروف ولا معزة ويشريلي هذي هي حياتي هكا ومن بكري نصلي ومحافظة على صلاتي صح منيش متحجبة بصح نقول ربي يهديني .... كنت نمشي في الطريق خالية والشمس تضرب فيا يا ربي كون جبت الطابلات تاعي نكمل بيها وصلت قريب لاري تاع دورانا نلقى جدي مسكين قاعد ثما يستنى سور عيطلي فيها وانا نسيتها كي شافني قالي نجدة طولتيي يا بنتي ( جدي تجيه صعيبة يقولي نجود يعيطلي نجدة ) قتلو ولله يا ابي غير نسيت الطابلات هات نهز عليك ديت من عندو الصواشي وهو يقولي بزااف قتلو معليش خليتلو حاجة خفيفة برك بين يديه مشينا نحكيو قالي اليوم راهي الحمان بزااف قتلو ايه شفت مشي كيما موالف قالي واش هذا وين نضتي عينيك منفخين قتلو لبارح يلعب المسلسل تاعي تفرجتو ورقدت قالي المسلسلات داو عقلك يا بنتي اخطيك منهم قتلو امم معليش ساهل أبي كملنا للدار وهو يقولي هاتي نهز عليك بزاف قتلو مشي بزاف مالغري يديا وجعوني ومحبيتش نهدر ... وصلنا قريب للدار لاقانا جارنا محمد صبح على جدي وعليا وهز الصواشي قالي هاتي بنتي حطهم توال الباب انا دخلت نلقى جدة مع جارتنا تملح في اللحم باه ديرو قديد نخدمو بيه العيش في الشتا ( العيش هوما البركوكس كيما يقولو بعض الولايات ) قتلها اهلا طاطا فاطمة سلمت عليها قاتلي اهلاا ولله يا ربيعة نجود كبرت وولات مرا تاع زواج قاتلها جدة يخاه وشمن مرا نتي ثاني وشمن عرس مزالت صغيرة قاتلها اوااه انا تكبر شوي نديها لسيد علي حشمت قتلها هند مزالت مجات قاتلي اواه جات تبسمت وخرجت عندهم فرحانة سيد علي يعجبني بزااااف وختو هند صحبتي لانتيم هو استاذي يقريني في الليسي بصح جامي زعما لا شاف فيا شوفة ناقصة عمرو 28 سنة جاي انسان شباب منقولش من نوع تاع لاصال والسبور بصح عندو وحد الجسم ووحد السر في وجهو خلاني طايحة فيه بلا ما نفيق طلعت لفوق لشمبرتي غلقت الباب بلمفتاح وقعدت نشوف للمراية ضفرت شعري على زوج جيهات وهزيت الفولارة درتها فوق راسي تبسمت برضا على شكلي ربي خلقني في احسن تقويم وشنو عندي في سنيا فتحة بيناتهم وكي نضحك تبان بصح يقولولي خارجة عليك عينيا خضورا وسمرة الشي المميز فيا انو شواربي كبار من عند ربي نحس روحي نشبه لنور تاع المسلسل مهند وكاين لي يقولي مكانش الشبه بينكم انا تعجبني روحي بزااف خاصة شعري جاي كحل بزاااف ورطب وعينيا لي لونهم خاص خرجت لماما شفتها في الفوطو وعجبتني شابة صح ... روحت لتحت الفراش هزيت المذكرة تاعي نكتب ونخربش كي العادة كنت نكتب احلام خاطية على الواقع كامل نتمنى انو مثلا نعيش في قصر ويكون زوجي امير وانا الملكة فيه كنت نتمنى احلام غريبة وعلى هذا نخاف جدة تشوفهم خزرت لكوكي قتلو كوكي زعما يتحققو الاحلام تاعنا كيما راني كاتبة بصح هكا مشي مليح في الواقع مي كيما في الافلام هزيت الدفتر نخزر لهذاك الكلام لي كتبتو غمضت عيني وعاودت خبيت المذكرة جبدت روبة من الخزانة لبستها وهبطت ندخل في القضية للدار جدي مزال مع جارنا غسلت الماعين لي تعبوني حتى طبطب الباب روحت نحل نلقاها هند صحبتي قاتلي وااااش ديري العام طول معصبة هذاك الراس حضنتها زيرت عليها فرحانة كي رجعت بسك راحت لخالتها في المدينة تقعد عندها ايامات قاتلي متقوليش راكي في الكوزينة قتلها الماعين يتكاثرو قاتلي ارواحي طلت على يماها ودخلنا جبدت تلفون شهقت قتلها منييين جاك قاتلي متعرفيش واش صرا قتلها واش صرا قاتلي تعرفت على واحد ثما ومدلي تلفون خبطتها لكتفها قتلها يخاااااااه قاتلي ولله قتلها نتييي مريضة غلقتلي فمي كي سمعنا ماني تقول واش بيكم نحيت يدها قتلها اسمعيني رجعيه ازربي يا طفلة قاتلي اوووف مزالت عقليتك زي عقلية تاع بكري قتلها ولاه تاع بكري واش خصهم اسمعي هند ولله تاخذي راي اخطيك حنا مزالنا صغار مشي تاع هذا الشي قاتلي نتي مزلتي صغيرة انا عمري 19 تنهدت قتلها دبري راسك قاتلي بصح نتي يعجبك خويا قتلها خوك يعجبني بصح مهدرت معاه ما جبت من عندو والو وجامي لا هدرت معاه غير في الكلاصة قاتلي ولله ناس ملاح تبعني حتى لدار خالتي كل ما نخرج يتعبني وكون تشوفي يا نجوووود يهبل يهبل جسمو ووجهو حلو يسخف قتلها دبري راسك عطيتها بظهري نغسل الماعين قاتلي اسمعي انا نروح منبعد نبعثلك في الفيسبوك اكسيبتي قتلها اوووكي راحت وخلاتني مشغولة عليها ديما طايرة متخافش كامل انا منديرهاش كون مشي جدي شرالي طابلات منشوفهاش في حياتي كملت وسيقت الكوزينة دخل جدي عليا يعيط قال التسياق في نص نهار العام طول تلوحي في الما قتلو يا ابي روح للشمبر ملهيه جارتنا راهي هنا مع ماني ستغفر وراح خرج ميحبش كي نلوح الما يحب لازم نوض بكري بصح مع هذو الايامات نسهر مع المسلسل منرقدش كامل خلصت وطلعت لفوق دوشت ودخلت لشمبرتي نشيح في شعري خلصت وتكيت فوق السرير جبدت الطابلات نخرب فيها كي العادة ... فاتو الايام على هذاك الحال نفس الروتين غدا وعشا وغسيل ماعين وخروج من الدار انا وهند نفوتو للحصيدة نلعبو حتى نشبعو للمغرب باه نرجعو . . هننند اجري اجري شوفي هنا قاتلي واش قربت مني تشوف كانت دودة صغيرة بقينا نشوفو فيها حتى سمعنا الاذان من الجامع القريب ثما طرنا من بلاصتنا نجاراو باه نوصلو للدار كي وصلنا بانتلي طومبيل توال دارنا يادرا شكون جا بقيت هند على خير ودخلت نعيط على جداتي مااااني وينكم قابلتني في الصالو قاعدة مع مرا وراجل شافتني ماني قاتلي بنتي روحي اطلعي لشمبرتك بدلي حالتك وهبطي قعدت نشوف فيها قالي جدي هيا يا بنتي طلعت حايرة شكون هذو حليت الخزانة نشوف واش نلبس عجبتني روبة ستيل قبايل من الفوق والحزام تاعها في الوسط لبستها ودرت شعري ظفاير كي خلصت شفت روحي جيت شابة هبطت لعندهم قابلتني جدة خارجة قاتلي وجدي العشا يا بنتي راه كلش طايب غير حطي وجيبي قتلها ماني شكون هذو قالتي هذي صحبتي من الصغر وعندي شحال ما شفتها قتلها ااا اوكي دخلت للكوزينة جبت السنيوة تاع زمان مدورة هزيت القصعة الصغيرة تاع الطعام ( بربوشة ) مع المرقة واللبن زدت الحرور خلصت ودخلت عليهم عجبتني المرا ومركزتش معاها من الاول كانت لابسة حجاب مع خمار كلاص بزاف وصاك صغير ومدايرة خاتم ومسايس زوج قاتلي ارواحي بنتي حطيت السنيوة وقربت منها سلمت عليها وزدت على الشيخ تاعها قاتلي مشاء الله مشاء الله تبسمت مهبطة راسي حاشمة قالتي وسمك قتلها نجود قاتلي واسمك كي زين يا الزين اقعدي توالي قعدت قدامها قاتلي شحال عمرك ؟؟ قتلها 16 سنة خزرت لجدي وجدة قاتلهم الطفلة صغيرة تنهدت جدة قاتلها ايه صغيرة هذا وين راهي في 16 قتلها علاه بصح ؟؟ ضحكت معايا قاتلي مكاين والو درتي نتي العشا ؟ قتلها لا جداتي بصح انا عاونتها كي كانت تفتل فيه قاتلي خليني نذوق مالا قربتهم الطابلة وراجلها مهدرش معايا بزاف سربيت وخرجت كليت في الكوزينة حتى سمعت جداتي علات صوتها نضت بشوي نطل قاتلها حنا مش دايمين ليها ومروحين للحج منقدرش نخليها وحدها جدها راه مريض وعمومها ياكلوها ميكفيش وليد عمها حاط عينو عليها وانا من غيرك ومن غير هارون ما نأمن عليها حتى واحد ستغربت جداتي وجدي مروحين للحج؟؟ ووشكون هارون ووشكون وليد عمي لي حاط عينو عليا نطقت المرا قاتلها هو مش قابل وراه خاطب ديجا معليش نقراو الفاتحة برك بينهم منبعد كي ترجعو نتوما يطلقها منحبش الطفلة تقعد عندنا وهي حرام عليه ولخرين راهي مرت خوهم زيرت على يدي واش يحكيو هذو قاتلها جدة هذي فكرة مليحة بصح هارون ميدخلش عليها ؟؟ قاتلها واش يدخل نديرو عرس كي الناس وبين لافامي حاجة خفيفة باه يعرفو مي ميصرا والو قالها جدي هكا تفاهمنا اخديجة واذا رجعت وحيانا ربي نلقى في بنتي خدش مراحش نسمحلكم وليدكم اذا هو خاطب ولا مشي خاطب حاجتو بصح بنتي متدخلش في الوسط قاتلو نشاله يا ربي خلوني نذوق ماكلة عروستي حسيت بموس تضرب في صدري واش يحكيو هذو طلعت طول للشمبرة جيت ورا الباب حكمت كوكي قولي واش يحكيو صح يكذبو ولله يكذبو وشنو عريس وعروسة هذي ووشكون هارون مخي بقى يدي ويجيب قعدت هكاك لوين سمعت جدة تعيط عليا باه نهبط عدلت روحي وخرجت نلقاهم مروحين سلمت عليهم قاتلي بنتي الزينة بعدت نتبسم فوق قلبي راحو هوما وانا خزرت لجدي وجدة يشوفو ليهم دخلت للصالو هزيت السنيوة للكوزينة نغسل في الماعين جاني صوت جدي ورايا نجدة كملي بنتي وأرواحي قتلو اوكي أبي كملت غسلت طفيت الضو وشعلت الكليما باه يدخل الهوا للصالو هوما قاعدين يتفرجو دخلت وقعدت توالهم قالي ارواحي هنا تكيت عندو فوق حجرو وهو يلعب بشعري قالي بنتي حنا كبرنا والشيب فاات علينا هزيت راسي لعندو ونتي مزالك صغيرة يماك مبانتش وباباك الله يرحمو قتلو انت ابي قالي ايه علابلي بصح كبرنا وعمومك جامي نأمن عليك معاهم لي حبو ياكلو باباهم زعما يحنو في بنت خوهم ؟ قتلو لا قالي وحنا مروحين هذا العام بإذن الله للحج مركينا وخرجنا في القرعة قتلو وقتاش علاه منيش سامعة قالي خليني نكمل محبيتش نقولك حتى لليوم شفتي خديجة لي جات ضك هي والشيخ تاعها قتلو ايه قالي الزواج مشي عيب وجداك تزوجت بيها مولات 14 نضت حشمانة منو قالي ونتي حابك تتزوجي وليدها هارون هذا الكبير تاعها هوما ناس ملاح بزاااف وانا نعرف واش نقول حطيت يدي على خدودي منيش مأمنة واش يحكي بديت نبكي قتلو نتزوج وين نتزوج مزالني صغيرة وجدة قالت هذا الشي ذيك النهار لجارتنا انا منحبش نتزوج ويضربني قالي اشش يا بنتي قتلو أبي تعيش قالتي جدة افهمينا يا بنتي مشي طول تعرفي الفاتحة وشنو هزيتلها راسي لا قاتلي ضك نتي كي نروحو تتزوجي معاه فاتحة على سنة الله والرسول بلا ما نعقدو في البلدية منبعد كي نرجعو تعاودي تجي لعندنا خممنا وخممنا ومكانش حل كيما هذا وزيد خديجة نعرفها حق المعرفة بلاك تكون خير منا قتلها لااا منيش حابة لاا بديت نبكي بصوت وحضنت جدي وهو يستغفر قالي نجدة مديريش فيا هكا حنا معندنا حتى واحد باه تقعدي عندو بصح كي تروحي لدار راجلك قتلو وهو يضربني قالي هو ميجيش للدار بزاف يخدم عسكري كيما لي راهم في الgاريطا الفوق قتلو يخدم يعس ؟؟ قالي معلابليش متمني نروح للحج ومتهني عليك منقدرش نديك معايا كون قدرت عليها بصح الله غالب واش قلتي بنتي اهدري فرغيلي قلبك اذا مكيش حابة مشي غصب وانا منروحش ونقعد معاك هنا خزرت ليه هوما لي رباوني وهوما لي كبروني ورجعت بنت هكا ولا راني مع عمومي متلاوحة وخديمة شفت اللمعة تاع عينيهم بلي حابين يروحو يشوفو بيت ربي ويصفو الصفحة تاعهم .. معلابليش اذا هذا الراجل " هارون " راح يكون مليح ولا يضربني معلابليش اذا هذا الزواج كيفاه يمشي اصلا معنديش فكرة محددة عليه كي شفت هذيك اللمعة طفى قلبي قتلو ايه راني قابلة ... من هنا تبدا حياتي كيفاه راح تكون وكيفاه راح نعيش ووين نعيش مع شخص مزال ما عرفتو ولا شفتو زعما شباب .. زعما يضربني حضنت جدي سلمت عليه وجدة نفس الشي طلعت لفوق لشمبرتي حليت التاقة نحسب في النجوم كي العادة والنجمة لي ديما ضاوية نتخيلها بابا يشوف فيا نتبسم ونحكي همومي ليه مالغري منعرفوش مليح ومشفيتش نضت هزيت كوكي وهزيت الدفتر من تحت الفراش نكتب ونتخيل كتبت هذي المرة على الزواج ووصفت الشخص معلابليش اذا وصف تاعي صحيح ولا غالط مي متأكدة من حاجة انو قلبي مش مرتاح ونخاف كي يروحو جدي وجدة نكون " لعبة بين يديه " ........ 🍂
يتبع
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
