رواية طلاق بلا تبرير الفصل الاول بقلم الكاتبه زهرة الربيع حصريه وجديده على مدونة النجم المتوهج للروايات والمعلومات

طليقتي ملقيتش غير طليقتي في الدنيا كلها اللي تتجوزها يعني متخيل انك تتجوزها وتيجيبها تعيش معايا هنا في نفس البيت يا بجاحتك يا اخي

قال بضيق ...اسمع يا حازم اللي انت بتعمله ده مش هيقدم ولا ياخر.. انت طلقت فيروز وانا خطبتها وهتجوزها بلاش بقى كل شويه تقول لي طليقتي طليقتي بطل تننسب كل حاجه لنفسك لان لا ولا فيروز صغيرين وعارفين مصلحتنا كويس وعارفين اللي ينفع من اللي ما ينفعش يعني ما تتدخلش احسن لك

حازم مسكو من هدومه بغضب شديد وقال...ما تدخلش ازاي انت ناسي اننا اولاد عم وساكنين في بيت واحد يعني ايه تتجوز طلقتي وتجيبها لي ها النسوان خلصت من الدنيا

دفع ايده بغضب وقال.... اللهم طولك يا روح يكون في علمك انا ساكتلك علشان عمي بس... لكن مش هطول بالي عليك اكتر من كده وانسى موضوعها بقى انا وفيروز هنتجوز شئت ام ابيت..وبعدبن متكبرش الموضوع مهي في يوم كانت خطيبتي وانت لهفتها وجبتهالي قدامي هنا برضو وانا متكلمتش

حازم بصلو بحده وفاجأو لما ضربو بوكس قوي ووقعه على الارض وبقى يضرب فيه بقوه

كان بيحاول يبعد من بين ايديه ومش قادر عليه لان حازم مكانش شايف قدامو

في الوقت ده دخل راجل في ال 50 وقال بغضب شديد ....حازم ابعد عن ابن عمك سيبه

حازم غمض عينيه بغضب شديد وواقف بالعافيه وبص له وقال..... انت عرفت الباشا عايز يعمل ايه يا بابا

ابوه قال بغضب ...ايوه عرفت وانا اول واحد هشجعه على الموضوع.... فيروز بنت عمتك وبنت مفيش منها ومن الاساس ما كانش لازم تطلع من البيت ده واذا انت ما بقتش عايزها في غيرك عايز و مبقالوش لزوم اللي بتعمله ده

حازم بصله بزهول وقال... معقوله يا بابا انا اهون عليك تعمل فيها كده يعني عايزه يتجوزها ويجيبها هنا تعيش معانا في البيت قدامي

ابوه اتنهد بضيق وقال ...كل شيء قسمه ونصيب يا حازم وعزت مغلطش هو وفيروز هيتجوزوا على سنه الله ورسوله وهي خلصت عدتها يعني ما حدش بياذيك في حاجه

حازم بصله بصدمه واتنهد بوجع وقال.....هه ما حدش بياذيني تمام.... والله مدام انتم شايفين انكم كده ما بتاذونيش تمام الف مبروك يا ابن عمي مبروك واكيد لو احتاجت اي مساعده انا موجود في النهايه احنا اخوات واكيد هزفك بنفسي

قال كده وخرج بغضب شديد و ابوه اتنهد بحزن شديد وقال ...لا حول ولا قوه الا بالله

حازم نزل بغضب شديد وهو مش شايف قدامه ولسه هيطلع من البيت اتصدم ببنت في العشرين بملامح جميله ماسكه شنطه هدومها

فضل متجمد مكانه وبيبص لها وقت طويل لحدما بعدت عيونها عنه بضيق شديد

حازم اتنهد وقال بغضب.....اهلا يامدام فيروز ولا تحبي اقول لك يا عروسه

فيروز ابتسمت وقالت بسخريه....لا قولي يا عروسه احسن

ولسه هتدخل مسكها من ايدها بغضب شديد وقال ..خير جايه تقابلي عريسك ولا جايه تاخديه وتخرجوا ..قولي ما تتكسفيش مني انا هساعدك كتير في الجوازه دي

فيروز جذبت ذراعها بغضب منه وقالت.... انا مش محتاجه مساعدتك انا بعرف اساعد نفسي كويس قوي يا استاذ حازم حاول تساعد نفسك لانك محتاج للمساعده اكتر من اي حد ....وانا مش جايه عشان نطلع مشوار ولا علشان اتكلم مع عزت... انا جايه اقعد هنا... اصلي طلبت من خالي افضل هنا الكام يوم اللي فاضلين على الفرح علشان اجهز الترتيبات بنفسي وعلى زوقي ... اصلي ناويه اعمل فرح كبير قوي زي الاولاني واحسن

حازم ا تسعت عنيه بدهشه ووووو

تابعووووني

رواية وتبقي لي كامله من هنا

رواية معشوقتي الصغيره كامله من هنا

رواية طلاق بلا تبرير كامله من هنا

رواية شهد حياتي كامله من هنا

رواية العاصفه كامله من هنا

رواية الفرار من الحب كامله من هنا

رواية توكيل زواج كامله من هنا

رواية شوق العمر كامله من هنا

رواية مستشفى بلا حياه كامله من هنا

رواية كيان الزين من هنا