رواية في عيوني حكايتها الفصل الثالث بقلم الكاتب محمد منصور منص حصريه وجديده على مدونة النجم المتوهج للروايات والمعلومات
 |
رواية في عيوني حكايتها الحلقه الثالثه بقلم الكاتب محمد منصور منص حصريه وجديده على مدونة النجم المتوهج للروايات والمعلومات
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وساعتها دخل للكهف الملك غادر ومعه الحرس الخاص بي. بصيت لهم ومابقتش عارف اعمل اية. وحاولت اهرب وامارس السحر. لكن نديم كان قدر يسيطر عليه هو وحراس الملك بسلسة من الذهب تبطل مفعول سحر نسل سلطان وقال نديم ليا بشماته
انت يا اللي عمرك مايجيش ربع عمري فاكر. فاكر انك ممكن تكسب العراف نديم في حرب السحر. تعالي اعرفك اصول السحر بعد ما خرجت سلمي من عندك بعتت ليا رساله وعرفتني باللي دار بينك وبينها علشان كدة قولت لها تحضر لك الفخ دة. علشان تقع في زي اي فريسة بنصطادها.
وساعتها قرب مني غادر وبص في عينية بكرهه شديد وقال
سلطان يبقي جدك. دة انا هاخلي يجي لغاية عندي راكع لما يعرف ان الكلب بتاعي الجديد هايكون من نسله
ومسك غادر السلسة من نديم. وقولت وانا بحاول افلت من السلسة
جدي مايعرفش اني هنا. جدي اصلا مايعرفش اني حفيدة
وبصيت لنديم بطرف عينيه وقولت
والعراف بتاعك خاطف بنتك ومخلي سلمي بنته تبقي في صورة لويس ابنك. اللي المفروض يتمسك هو نديم مش انا
دة اكتر حد بيكرهك وبيخونك
ضحك غادر ضحكة مجنون وقال
انا عارف ان كل اللي في المملكة بيكرهوني واية الجديد. أي ملك ناجح زيي بيبقي لي اعداء.
وراح غادر ناحية سلمي وقال
انما بقي ان سلمي عايشة في صورة لويس. فهي مراتي تعملي اللي هي عايزا
اتصدم نديم وقال باستغراب
انت بتقول أية. دي بنتك
لكن غادر بص لسلمي وقال
هو نديم لسة مايعرفش اني عرفت انتي بنت مين
سلمي وهي رايحة ناحية نديم قالت
نسيت اقول له. ان الجن حرروني منه وانا مابقتش بنته ولا بنتك انا بقيت. ملكة الجن الغنجمية جنية النار والدم. واتجوزت نديم بعد ماوهب لي كل الدم والنار اللي في مملكتة وانا في المقابل احمي منك وانقذة من المخطط بتاعك اللي انت عايز تقتلته بي
ومسكت الغنجمية راس نديم وبدأ نديم يصرخ ولحمه بيسيح وبيتحول لحمم بركانية. وصرخ نديم صرخة مخيفة وشاور بصباعه ناحيتي ومافهمتش هو يقصد اية لكني حسيت برعشة غريبة في جسمي وجسمي اتنفض وبصيت لنديم يمكن افهم هو عمل فيا اية. لكنة كان اتفحم. وهنا صرخت الغنجمية فبصيت لها ولقيتها اتحولت لصورتها الحقيقة صورة جنية مخيفة لحم وشها محروق وعجوزة وشكلها يخوف فقال لها الملك غادر وهو مستغرب
أية اللي عمل فيكي كدة
الغنجمية
الملعون نديم حرر. روح من جسمي ورجعني لشكلي الخبيث
غادر
حررها ازاي بس. وانتي ما تقدريش تعرفي مكانها
الغنجمية
صعب صعب الملعون نديم بس هو اللي كان عارف مكانها.
ساعتها غمض عيوني وشوفت اخر حاجة ممكن اتخيلها شوفت روح قد اية هي جميلة جميلة جدا وكانت قاعدة في ارض غير ارضنا وبتضحك مع ناس مش شبه الناس بتوعنا استغربت المكان جدا وبصيت ناحيتي وضحكت وقبل ما ارد الضحكة بضحكة لقيت غادر ساحبني من رقبتي زي الكلب وبيقول للحرس بتوعه
يلا.،،
وخرجنا من الكهف. وفي نفس الوقت كان جدي سلطان قاعد مع عمي عمر وسلطان بيقول له
لية كل ما اسئلك عن اللي اسمه مايكل ووالدته تقولي ما عرفش عنهم حاجة. معقوله تكون عرفت ان مايكل دة من نسلي وماقدرتش توصل لعنوان البيت اللي ساكن في
عمر وهو بيبص في الارض وساكت فقاله جدي
عرفت مكانها وخبيت عليه يا عمر مش كدة
عمر بصوت حزين
من اول ما جيت المملكة واكتشفت سحر مايكل وانا عارف ان مايكل ابن وصيفة
سلطان بصعوبة وهو مشتاق لبنته
واسم ابنها الحقيقي اية
عمر
من مراقبتي ليهم سمعتها بتقوله يا فارس
سلطان باشتياق لاول حفيد
فارس. ولية يا عمر ماقولتليش انك عرفت مكان اختك
عمر
خوفت عليها منك.
سلطان
وصيفة عرفت انك في المملكة
عمر
لا.
سلطان
طيب انا عايز اشوفها
عمر
بس يا والدي
سلطان
متخافش علي وصيفة مش هاعمل لها شئ يأذيها. ولا اقول لك احنا محتاجين نركز في اللي جاي. خلينا نخلص علي غادر الاول وبعد كدة وديني ليها
عمر
اللي انت شايفة يا والدي
وسكت سلطان لكام دقيقة وبعدها قال
اومال فين جودا
عمر
بيراقب قصر الملك زي ما انت طلبت منه
سلطان
اصله اتاخر اوي
عمر
متقلقش علي جودا اكيد هايرجع بمعلومات تنفعنا
وفي نفس الوقت كان جودا قاعد قدام امي اللي بتعيط وبتقول
انت متاكد من اللي بتقوله. غادر قدر يمسك بفارس ابني
جودا
انا لسة جاي من عند القصر الملكي وقدرت اعرف كل اللي حصل وماحدش غيري يقدر ينجي ابنك من ايد غادر
وصيفة
اعمل كل اللي تقدر عليه وانا هاعيش خدامه تحت رجلك
جودا
يبقي نتجوز
وصيفة وهي بتبلع ريقها بالعافية من اللي قاله جودا. ولاحظ جودا تعبيرات وشها اللي اتغيرت فقال
عارف انك متبحنيش وعارف انك طول عمرك بتكرهيني بس من مصلحة ابنك اكون جوزك ودة أمر مش طلب
ويروح جودا عند باب البيت ويبص لامي وهو بيقول
انا هامشي وراجع لك تاني علشان نتجوز. ونصيحة بلاش تحاولي تهربي او تروحي لوحدك علشان تلحقي فارس لان قبل ما هاتوصلي للقصر الملكي هاكون خلصت علي فارس
ومد ايدة في بوقة وخرج افعي خبيثة وبص للافعي وقال
لو فكرت تخرج من البيت انتي عارفة هاتعملي اية. لدغة منك في رقبة فارس
ورمي الافعي في بيت وصيفة وخرج ووصيفة فضلت تبص للافعي والافعي تبص لها. ومن جوة قصر الملك تقعد الغنجمية قدام الملك غادر وغادر بيبص لها ويقول
لازم تعرفي وبسرعه مكان روح قبل يوم الخلاص
الغنجمية
اعرف ازاي بس. روح كانت جوة جسمي والخبيث نديم قدر يخرجها من جسمي وهو الوحيد اللي عارف هي فين
غادر
وانتي طول الفترة اللي فاتت دي ما قدرتيش توصلي لمكانها ازاي بس
الغنجمية
نديم ماكنش سهل علشان يعرفني طريقها
غادر
نقلب عليها المملكة شبر شبر
الغنجمية
تفتكر ان نديم غبي لدرجة انه يخبئي روح في مملكتك
غادر
ندور عليها في الممالك اللي حوالين مننا. ما احنا لازم نوصل لها. انتي عارفة روح لو تمت 21 سنه. هاتعرف المستخبئي ومش هانقدر وقتها نقف قدام منها
الغنجمية
قولت لك بلاش نديم يموت. انت اللي طلبت مني اني اخلصك منه
غادر بعصبية
كنتي عايزاني ارحمه بعد ماعرفت انه ناوي يقتلني يوم الخلاص. وبعدين انا كنت اعرف منين انك ماتعرفيش مكان روح
الغنجمية
نديم مش غبي وهو كان مخلي الكارت بتاع روح اخر كارت يلعب بي
غادر
كان لازم تعملي المستحيل وماتخليهوش ينقل روح من جسمك
الغنجمية
مش هانفضل كتير نتكلم في اللي حصل لازم نفكر ونقرر هانعمل اية في اللي جاي
غادر
مين كان اقرب شخص لنديم غيرك
الغنجمية
نديم ما كانش بيثق اللي فيا انا
غادر
استخدمي قدراتك وسحرك وحاولي توصلي لاي مخلوق كان لي علاقة بنديم
الغنجمية
صح. مش لازم يكون سر مكان روح مع بني ادم ممكن يكون حط السر في حيوان.
غادر
ونديم ماكنش عنده الا حصان وبومه
الغنجمية
يبقي لازم نتحرك بسرعه
وتختفي الغنجمية من قدام غادر ويروح غادر ناحية اللوحة بتاعته اللي مكملتش ويبص للوحة ويقول
لازم اعمل حسابي واخلي فارس يكمل اللوحة دي يمكن احتاجها واهرب عن طريقها
وندهه باعلي صوت عنده علي حارس من الحراس وجه الحارس ووقف قدام منه وقال
هات فارس من الزنزانه
وفي نفس الوقت انا كنت في زنزانه تحت الارض ولسة السلسة حوالين رقبتي بحاول الخلاص منها لكني ماقدرتش ونمت من شدة التعب وبمجرد ما غمض عيوني شوفت روح وهي راكبة شي غريب اول مرة اشوفه وعرفت بعد كدة ان الشي دة اسمه عربية وكانت جوة العربية بتغني وبترقص مع اصحابها وشكلهم كدة رابحين رحلة بصيت لها وانا فرحان ماعرفش لية بس فرحتها فرحتني ولقيتها بتتكلم مع واحدة جنبها وماقدرتش اسمع هي بتقول اية لكن الكلام كان بيضحكهم اوي. مابقتش عارف اللي انا في دة حلم ولا علم بس بقيت كل اللي متاكد منه انه نديم نقل روح لجسمي. بس هي فين والزمن دة اني زمن ماكنتش عارف. وفجاة العربية اللي كانت ركبها روح دخلت في سور الكوبري اللي كانو ماشين عليه ووقعت في النيل وشوفت روح وهي بتغرق ومحبوسة جوة العربية مش عارفة تفتح الباب عايزا تخرج مش قادرة وانا مش قادر اعملها حاجة فتحت عيني لقيت نفسي في الزنزانه غمض عيوني تاني لقيت روح بتطلب المساعدة وبدات المية تدخل بوقها وقربت تغرق. فتحت عيوني تاني يمكن اقدر اساعدها بس اعمل اية اقدر اساعدها ازاي بس وغمض عيوني تاني ومن الخنقة لقيت نفسي بيتكتم علشان مش قادر اعمل لها حاجة. لكني لحظت ان لما نفسي اتكتم شوية هي قدرت تاخد نفسها مع اني شايفها تحت المية لكني حاسس انها بقيت احسن فرحت اني في ربط بيني وبينها وبدات اكتم نفسي علشان هي تاخد نفسها مش مهم لو في موتي حياتها اموت بس هي تعيش وبدات تتنفس روح. وشوفت الفرحة تاني في عيونها بعد ما كانت بتغرق لكن في اللحظة دي لقيت حد بيسحبني من السلسة وبيجرني برة الزنزانة فتحت عيوني اشوف مين دة لقيته حارس من الحراس وبيقولي
الملك عايز يشوفك
حاولت اغمض عيوني تاني علشان اشوف روح. لكن بمجرد ماعيوني غمضت لقيت كرباج الحراس نازل علي رقبتي وبدوأ يجرو فيا ومابقتش قادر اكتم نفسي من سحب الحارس ليا وغمض عيوني لثواني والحارس بيسحبني وشوفت روح بدات تستلم للغرق ومابقتش قادر اعملها حاجة قولت اغمض عيوني تاني يمكن اقدر اشوف هي وصلت لفين لقيت نفسي قدام الملك غادر اللي اول ما شوفته قولت له
عايز مني اية تاني
غادر وهو بيشاور علي اللوحة بتاعته
في بيني وبينك لوحه لسة ما خلصتش
قولت اسكت شوية واغمض عيوني لثواني اطمئن علي روح لقيت حد بيسحبها وبيطلع بيها من المية فرحت قوي ان في حد قدر ينقذها ولقبت كرباج نازل علي رقبتي فتحت عينية وبصيت للملك وهو بيقول
ماحبش اللي ينام وانا بكلمه.
فارس
ومين قال بس اني كنت نايم انا كنت بفكر في رد علي الطلب اللي انت طلبتة مني
اتعصب غادر وقال
الملك غادر ما بيطلبش من عبد زيك انا بأمر. وانا بامرك بانك تخلص اللوحة بتاعتي قبل يوم الخلاص
فارس
للدرجة دي اللوحة دي انت محتاجها
غادر
مش شايف انك بتسال اسئلة ما ينفعش تتسال لملك زيي
وهنا فكرت في حاجة يمكن تطلع غلط او تطلع صح وهو انه ممكن يكون عايزها علشان يهرب عن طريقها من اي غدر فقولت
فارس
وانا مش هارسم لك لوحة ممكن تكون السبب في هروبك يوم الخلاص
ارتبك غادر وقال
انت عرفت ازاي اللي بفكر في
وهنا حسيت اني بقيت سابق غادر بخطوة وقدرت اضربه في مقتل فقولت
انا بستخدم السحر الاسود في رسمي.
قرب مني غادر وقال
انت مسخر الجن لخدمتك
فارس
بالظبط. وقرينك قالي علي كل اللي بتفكر في. والسلسة اللي حوالين رقبتي ما تقدرش تمنعي سحري
غادر
انت مخادع وكداب. لان فعلا السلسة قدرت تحمينا من سحرك ولو فعلا السلسة مش مقصرة عليك حرر نفسك لو تقدر
ضحكت وقولت
واحرر نفسي لية وانا عايز اكون في زنزانتك علشان بحضر لشئ خطير
غادر وهو مرتبك اكتر
بتحضر لاية
فارس
مش شايف ان دة سؤال ما ينفعش يساله ملك لعبد. ولا انت قلقان
قرب مني غادر وهو زي المجنون وبدأ يخنقني وقال
انطق بتحضر لي اية في مملكتي
ضحكت وبصيت له وسكت وهو بدأ ينهار قدام مني واستغليت انه قرب اوي سحبت الخنجر بتاعه وقطعت السلسة من عند القفل اللي كان من الجلد. واتحررت من السلسة ولفيت بسرعه وراء الملك وحطيت الخنجر علي رقبته وقولت للحراس
من مصلحة الملك انكم تخرجوا وتسيبوني مع الملك لوحدينا والا رقبة الملك هتفارق جسمه
فبص لهم غادر وهو مرعوب وقال لهم
اخرجو كلكم
بصلو الحراس وفضله يفكروا لثواني وقال غادر بعصبية
قولت اخرجوا
وخرجوا الحراس وروحت بغادر ناحية اللوحة وجرحت رقبته وخد نقطة دم ونزلت بيها علي اللوحة وقولت
ودلوقتي انا بقيت الملك بتاعك وانت عبد عندي
وسيبته وروحت قعد علي العرش. بص لي غادر بعصبية وقال
انت ازاي تتجرا وتقعد علي العرش
وخرج غادر سيفة ولسة هايروح ناحيتي صورته اللي في اللوحة منعته يتحرك بسبب السحر اللي رميته عليها بدمه. وقولت له
كل ما تفكر تغدر بيا لحم جلدك هايكون ملك للوحة
وفعلا بدا لحم جلدة يطير ناحية اللوحة. واللوحة بتكمل من جلدة وغادر بيبص للي بيحصل ويقول
انت ساحر خبيث
فارس
مافيش حد في المملكة اخبث منك. واديك عرفت مصيرك لو فكرت تغدر بيا
وفي الوقت دة حسيت بالسلسة بتتلف تاني حوالين رقبتي
وبسرعه واللي عملت كدة كانت الغنجمية ضحكت وقولت لها
مش من مصلحة الملك اني اتعذب والا لحم جلد الملك هايكون ملك للوحة
وفعلا بدأ جلد الملك يروح ناحية اللوحة بشكل مرعب فصرخ غادر في الغنجمية وقال
فكي عنه السلسة الملعون دة رماني بلعنة
الغنجمية
افك السلسة واخلي حر يتحكم فينا زي ما هو عايز
غادر
قولت فكي السلسة انا مش قادر استحمل اللي بيحصل فيا
وفعلا فكت الغنجمية عني السلسة وفضلت تبص لي وفي عيونها الغدر ورجع لحم الملك غادر لي وقالت بتهديد صريح
من الاحسن ليك انك تفك اللعنه اللي رميتها علي الملك غادر والا عقابي هايكون شديد
قومت من علي العرش وروحت ناحيتها وبصيت في عيونها وقولت لها
عرفيني اللي تعرفي عن مكان روح وانا افك اللعنه عن الملك
الغنجمية
الوحيد اللي يعرف مكان روح هو نديم
فارس
معقوله الغنجمية ملكة الجن. ماتعرفش مكان روح
الغنجمية
ماعرفش
ويمد فارس ايده وراء الغنجمية ويسحب لجام حصان كانت خافية ويقول لها
ولا حتي الحصان دة يعرف
وبان الحصان فاستغربت الغنجمية وقالت
انت شوفته ازاي
فارس
الحصان دة انا رسمتة هو وصاحبة قبل ما ياخده الوزير شريان ويدي لنديم
ويمشي فارس ايدة علي الحصان ويقول
حصان عربي اصيل ما فيش منه اثنين في زمنا دة
الغنجمية
وانت شايف في الحصان مكان روح
فارس وهو بيبص في عيون الحصان اللي كان في مكان وزمان روح. وقال
مش باين حاجة. بس برضو الحصان دة حلال عليه
الغنجمية
وان قولت انك كذاب وانك شوفت في الحصان مكان روح
فارس
اثبتي لو تقدري ولغاية ما يحصل دة الحصان ملكي
الغنجمية
احسن لك يا انسي بلاش تتحداني والا هاتخسر
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
فارس
حاولي كدة تتحديني ووقتها نشوف الخسارة ملك مين
وخد فارس الحصان ورجع الاوضة بتاعته في القصر وبص للملك وقال له
انا هاكمل اللوحة ليك قبل ما اخرج من القصر علشان لو احتجت لها تكون هي طوق النجاة ليك بس نصيحة بلاش الغنجمية تلعب معايا لعبة انت اللي هاتطلع خسران فيها
ومشيت من قدامهم. وهما بيبصوا عليه ونار الغضب بتحرق ضلوعهم. وانا كنت ناوي اروح لروح بس ازاي وهي في زمن غير الزمن ومكان غير المكان.
وفي نفس الليلة وبمجرد ما رجعت اوضي لقيت بومة واقفة علي شباك الاوضة وبتبص لي قربت منها وشوفت في عيونها رساله مكتوبة باللغة العربي
★فارس احنا من دمك وعايزين نشوفك. خلي البومة تطير وانت هاتعرف مكاننا★
استغربت من الرسالة وطيرت البومة وعرفت المكان ونزلت من شباك الاوضة ومن غير ما يحسوا الحرس قدرت اخرج من البوابة وروحت للعنوان وشوفت عمي عمر وجدي سلطان وجودا اللي كان بيبص لي بصة مش مفهومة. قربت منهم وانا لسة ماعرفش مين دول فقال عمر
فارس وصل يا والدي
قرب مني جدي وانا بقول لهم
انتم مين
جدي وهو بيمد ايدة ليا
المس ايدي وانت تعرف انا مين
ولمست ايد جدي وعرفته وعرفت عمي وجودا وخدهم كلهم في حضني وقال جدي
ماكنتش اتخيل اني في يوم اخدك في حضني بعد اللي عملته امك
فارس
ولا انا كنت اتخيل اني ف يوم اشوف اهلي. بس انتم بتعملو اية في مملكة غادر مش خايفين حد يشوفكم
عمر
احنا هنا يا فارس علشان نحط نهاية لشر غادر
جودا
وبعد كدة ناخد حقنا من وصيفة امك. اللي سابت اهلها وناسها وجت تعيش في اللي مملكة اللي قتل جدودها
سلطان
مش وقت اي كلام من دة يا جودا. خلينا في المهم
فارس
قبل ما تقول كلمة واحدة يا جدي. انا ماعنديش اهم من امي ولو جائيين علشان تنتقموا منها فانا هانسي انكم اهلي وهاحمي امي وقبل ما اي حد يوصل لها هاكون ميت تحت رجليها
عمر
جودا ما يقصدش اللي انت فهمته وانت مش هاتخاف علي امك اكتر مننا احنا برضو اهلها. ودلوقتي جه الوقت اللي تساعد في اهلك في الانتقام من غادر. هاتكون معانا
فارس
انا معاك. يا عمي زي ما انتقم ليكم تار عند غادر انا كمان ليا تار عنده
سلطان
تار اية
فارس
ظلم غادر خلاني اعيش طول عمري انا واهلي مسيحين علشان من سوء حظي اتولد انا وبنته في ساعه واحدة
سلطان باستغراب
بنته. مين قال كدة غادر ماعندوش بنات
فارس
ازاي بنته روح
اللي عايز يتابع القصة دي كاملة هيلاقيها علي مدونة. حكايات منص ومي
سلطان
روح تبقي بنت اخوة فدران اللي اختفي في رحلة صيد واتقال ان الاسد كله وبعد موته اتولدت روح من جارية مسلمة من قبيلتنا خطفها فدران. والنبوة اللي عندنا بتقول ان نهاية غادر هاتكون علي ايد روح واللي اتولد معها في نفس اليوم واللي هايوصل لها قبل ما تم عامها ال 21 لان روح ساعتها هاتشوف كل المستخبئ وهاتقدر ترجع حق والدها فدران. والوحيدة اللي هاتقتل غادر
فارس
علشان كدة غادر مافرقش معه لما كلمته عن روح ولا هي فين وفين مخبيئها نديم. وكان كل اللي همه اني اكمل اللوحة اللي برسمها لي علشان يهرب عن طريقها
جودا باهتمام
اللوحة كملت رسمها ولا لسة
فارس
لسة برسم فيها
جودا
وانت قدرت توصل لمكان روح
فارس
قدرت اوصل لمكانها والزمن اللي هي في لكنها لا في زمنا ولا مكانا
جودا
يبقي لازم تروح وتجيبها لانها الوحيدة اللي تقدر تخلص علي الملك غادر
عمر
ودي مايبقاش فيها مخاطرة. علي فارس لو غادر عرف انه رايح يرجعها
جودا
احنا هنا نحمي من اي غدر لغاية ما يرجع بروح
سلطان
وهو هايروح ازاي للزمن دة
جودا
عن طريق اللوحة اللي بيرسمها للملك غادر. وبمجرد ما يوصل للزمن اللي في روح هايرسمها وهي ساعتها هاتعرفه
ويرجع لزمنا زي ما راح
سلطان
انا شايف انها فكرة عظيمة. ولا انت اية رايك يا عمر
عمر
طالما انت شايف كدة يا والدي يبقي علي بركة الله وربنا يحمي
سلطان
هاتقدر يا فارس تنفذ المخطط دة
فارس
باذن الله هاقدر.
جودا
يبقي تلخص اللوحة للملك غادر وتخلطها بدمك ووقتها سيب الباقي عليه انا
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
ورجعت القصر وفي خلال كام يوم خلصت اللوحة وخلط اللوحة بدمي وجه جودا للقصر ودخل وهو متخفي وبص للوحة وبص لي وقال
كدة كله تمام. ودلوقتي حط ايدك علي اللوحة علشان ابدأ التعويذة اللي هاتنقلك لزمان ومكان روح
وفعلا حط فارس ايدة علي التعويذة وبدأ لحم جلدة يتنقل للوحة وبمجرد ما بقي فارس جوة اللوحة خرج جودا وجاب وصيفة من شعرها وقال لها
بصي لابنك البصة الاخيرة لانك مش هاتشوفي تاني
اتصدمت من اللي شوفته وحاولت اخرج من اللوحة وجودا بيقول
ابن ضرغام لازم احرمك منه وخليكي تندمي علي كل دقيقة كنت فيها بعيد عني.
وفي الوقت دة دخل الملك غادر ومعه الغنجمية ووقفوا وراء جودا وهما بيضحكوا وانا بتلاشي في البروز ورايح للمجهول، ،،،،،،،،
ولغاية هنا خلصت حلقة النهاردة. اللي يارب تكون عجبتكم مستني رايكم. ولو في العمر بقية هاكملك الحكاية دية. سلام.
تابعوووووووني
رواية فراشة في سك العقرب من هنا
رواية شيطان امرأه كامله من هنا
رواية زواج مع إيقاف التنفيذ من هنا
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
