رواية حب في قلبي غرد الفصل الخامس والسادس بقلم الكاتبه جوهره حصريه وجديده على مدونة النجم المتوهج للروايات والمعلومات
دخلت زوجة اخوية فاتت تشرب ماي اليوم اني كاعدة بالمطبخ ما اجاني نوم سالتني وعينها بعيني مبتسمة وتغمز
/ ها عروستنا شو كاعدة مانمتي
تمارة / هههه اسكتي يمعودة لايروح أحد يسمعج
احلام / ايباه هسة انتي على أساس خايفة
تمارة / والله ا خاف من اخوية بس شسوي لج عيني يجنن وسام يجنننن
احلام / وشلون راح ادبريها انتي وياه يجيج بالختلات لو شلون بالله
تمارة / مدري الله كريم اهم شي يجيني تدرين مشتاقتلة كلش
احلام / ترى البارحه جان يمج مالحكتي تشتاقين اووف منج شكد مفلفلة
 |
تمارة بضحكة قوية / ههههه ديلا على أساس انتي مو مفلفلة ترى دافنينة سوى لج
احلام / اووي لا تبقين تعيدين بالسالفة صارت مرة وعدت على خير
تمارة / لا تخافين سرج ابير انتي صاحبتي ما اغدر بيج وانتي هم اريدج ماجيبين طاري لاي بشر
احلام / لا على بختج شلون احجي ابد والله
تمارة / ديلا اروح اتصل على وسام
احلام / يمعودة الليل هسة نايم يم مرته وين متصلة
تمارة بضوجة / شوف شلون تضوجني بهاي السالفة
احلام / وليش اضوجين هذا الصحيح يلا اروح اني وادزلج وليدي يبات يمج
تمارة / ترى ما اخاف بس انتم مكبرين السالفة
احلام / هاي أوامر اخوج اني شعلية من يلتحق يبقى يحلف بية لا تعوفين تمارة تبات وحدها
طلعت ورجعت اني اخذت موبايلي اتصلت على وسام واتساب جان مفاتح سديته وانتظرت ابن اخوية اجى سديت الباب قفلته هو راح نام واني فتت لغرفتي بقيت اتكلب بالفراش والله عيني متاخذ نوم وسام على بالي واحداث ليلتنا اني وياه مجاي تروح من دماغي مدري شلون غفيت
ــــــــــــــــ
وسام / تعاي وين رحتي
دنيا / شفت الجهال اطمنت عليهم يا عيني
وسام / مشتاقلج والله وانتي كل شوية مطلعتلي سالفة
دنيا / وسام ترى تعبت والله انت من اجيت من ديالى مدري شبيك صاير نشط زيادة يبو هو قبل متنجرع انوب زودتها هههه لازم هواها طاحلك
وسام / هههه اي طاحلي انتي هيج تشوفين
دنيا / اي والله
وسام / طكيني بعين حتى ابنجر واكعد
دنيا / لااا اسم الله يگلبي بيش طالب روحك
وسام / دتعاي لعد
جرني بحظنه وو.....
الصبح كعدت سبحت وصليت ورحت اسويلهم ريوك الجهال كعدو وبدت هوستهم ريكتهم وطلعو بايسكلاتهم يلعبون بالحديقة وسام بعده نايم رحت أشوفه لمحت موبايلة يرمش اخذته من الشحن طبعا مخليلة قفل بس شفت اشعار رسالة ذبيته عالكومدي
كعدت بصفه ولعبت بشعره / وسام وسام حبيبي ساعة تسعة
جرني لحظته وقفلني باس خدي .. افيششش
شو تعاي هنا
دنيا / يمعود وين اجي الجهال برى والبيت بعده هوسة
وسام / ملاحظه هذا الأسلوب دوم تستخدمينه وياي يابة مرتي واريدج طز بالبيت من أكمل واخلص شغلتي وياج روحي كملي
عدلت كعدتي ولميت شعري كباية / وسام ترى البارحة طول الوكت اني وياك وما منعت روحي عنك بس انت متشبع شسويلك اني هذا الأمر عليه
وسام / روحي حضريلي الحمام وسوي ريوك يلة لاتبقين تطلعين اعذار
من شفته تنك علية دنكت بوسته بشفايفه .. اسفة ماقصدت اضوجك خل اروح اقفل الباب وارجعلك
وسام / ايي صيري حبابة هيج من الاول
قفلت الباب ورجعت عليه
ـــــــــــــــــ
زهراء /
خابرتني امي تسال علية وكالت / يمه زهراء لاتنسين من يجي حيدر خل يجي ابوج رايدة
زهراء / صار يمة بس غير اعرف شكو
ام رعد/ اووف يمة شريد احجي زهورة انتي اهم شي داري صحتج بنيتي اني گلبي عليج
زهراء / يمة اني صرت زينة الحمدلله
امها / الحمدلله يلا بنيتي سلميلي
زهراء / الله يسلمج
سديته من ماما بس گللبي ممطمن مدري شبي صوتها
نزلت جوا اكمل شغلي علية الغدا ومرة حماية راحت تخبز
من ورى ما رجعت للبيت بعد العملية عمتي كالت صيري زينة فدنوب يلة تخبزين
اني هم ممقصرة بالشغل أيدي بيدهن
خابر حيدر ابني جاب موبايلي / ماما هذا بابا يتصل
زهراء / هلو حبيبي
حيدر /هلا يروحي شجاي تسوين
زهراء / اسوي غدا اليوم دولمة سويت
حيدر / عاشت ايدج اكلج أبوية موجود
زهراء / لا طلع عدهم فصل يمكن واجو اخذو
حيدر / عبالي لأن اتصل عليه مغلق
زهراء / رايد شي
حيدر / علمود شغلة كلفني بيها يلا عيني محتاجه شي
زهراء / سلامتك حبيبي بس ماما خابرت تكول خل يجي للبيت بابا يريدك بشغله
حيدر / من اطلع امرلهم ثيمالله
سديته وأخذه حسين ابني
زهراء بتحذير / ماما لاينكسر
حسوني / لا والله راح اكعد العب العاب
حسوني الله يحفظه عمره خمس سنوات بس يفهم مو طفل خامل
اجت تقى تبجي هي اصغر من حسين عمرها ثلاث سنوات سالتها / شبيج ماما
بقت تبجي وتشكيلي بنات عمها متعاركات وكافخاتها ماحجيت لأن بيناتهم جهال وهذا الشي يومي يلعبون ويتعاركون شوية ونلكاهم متصاحبين واني ما احب اتعارك من ورى الجهال
زهراء / ماما حبيتي روحي يم بيبي تسوي حنونات حلوات خل اسويلج
سكتت من سمعت بالحنونات لأن جهالنا يلزمون سرى من نخبز نسويلهم خبزة صغيرة نرش عليها سمسم نخبزها بالتنور ومكسبة
هاي عمتي تكعد يمنا وتبقى تسويلهم
ورى الغدا صعدت الجهال ينامون الظهر احسن الهم فرشتلهم بالكاع كدام المبردة رأسا نامو لأن متعودين الظهرية ينامون
باوعت حيدر مدد عالجرباية بس صافن رحت مددت بسده وأيدي تلعب بدكم كلابيته / ليش صافن حبيبي
التفت علية وتنهد / ماكو شي
عكدت حاجبي / حيدر والله مبين ضايج
التفت لجهتي نام صفح وأيده على خده والثانية جر أيدي خلاها على صدره
حيدر / زهراء اني شنو بالنسبة الج
زهراء / انت سندي بعد الله وحبيبي وأبو جهالي وبيتي بس ليش هيج حجيت
كعد بالفراش وتربع / زهراء انتي اول تالي تعرفين بس اهلج وخاصة ابوج معترض يكول ماريدها تعرف
زهراء بخوف / والله خوفتني
حيدر / عمي ابو رعد بي ذاك المرض
شهكت وضربت صدري / يمممة عمت عيني عليك بابا فدوة حيدر صدك تحجي
حيدر بصوت حزين / اي والله وعلى أساس باجر نطلع لبغداد نعيد تحليله ونعرضه على اخصائي
متحملت بجيت وجسمي حسيته ثلج كمت ارجف حيدر من شافني هيج حظني وخلاني بحظنه وأيده تمسد بظهري يهدي بية / لاتفاولينه بالبجي أن شاء الله مابي غير العافية
من بين دموعي وشهكاتي / حيدررر أبوية راح يموت منو الي حيدر
حيدر / استغفر الله شنو هالحجي بعدين اني وين رحت توج تكولين انت سندي وأبو بيتي
زهراء / حيدر هذا بابا اني روحي متعلقه بي
حيدر / ان شاء الله يكون بخير بعد روحي ترى انتي بعده جرحج ماطايب لاتسويني بروحج هيج
بقيت ابجي وحيدر يقنع بية
زهراء / فدوة العصر اروح لاهلي
حيدر / ميخالف اوديج والله بس اسكتي لا تبجين
رفعت راسي وعيني بعينه / ابات يمهم فدوة حبيبي لا تمنعني
مسح دموعي / صار ادللي بس اسكتي لا تبجين
رجع حظني وبقيت بحظنه واني گلبي انسحن من القهر
بالليل يم اهلي حيدر تعشى ورجع وجانو بيت خالو ابو غانم يمنا كلهم اجو يطمنون على بابا ورى ما راحو اني رحت نومت الجهال واجيت يم بابا الي جان صافن علية كعدت بصفه مد أيده فتحلي حظنه خليت راسي على صدره وأيده تلعب بشعري / بابا زهورتي لاتخافين مابية شي
زهراء / شلون ما اخاف عليك من عمري على عمرك
ابو رعد / اسم الله عليج بابا
ام رعد / لج ماما بس مفاولة ابوج ترى مابي شي لاتخافين
زهراء / ان شاء الله يارب
طلعو الفجر لبغداد سيارتين حيدر وبابا واخوية رعد بسيارة حيدر وغانم ابن خالو الشيخ هو واخو هيثم
يردون يطمنون على بابا الي للأسف طلعت تحاليلة ورى يومين سرطان الدم رجعو ولد خالي بس حيدر ورعد بقوا وية بابا بالمستشفى ورى يومين رجعوا وبابا جان مبين عليه المرض
اني هاالايام أحوالي تخربطت رحت حللت طلعت حامل شهر بس حيل احس روحي تعبانة كولش مو وقته هالحمل ابدا بس الحمدلله كولشي من رب العالمين الحمدلله
حيدر حيل فرحان ويوصي بية ديري بالج وعلى كيفج ولا تعبين روحج
ــــــــــــــــ
وسام /
اشتاكيت لتمارة وهي بس تتصل متخيلة تريدني اروحلها زين اني دبرت عذر ذيج المرة على أساس معزوم بديالى هالمرة شلون
اتصلت بولد صاحبي حيل وفهمتة يخبرني على أساس أبوه متخربط ويريدني وياه بالمستشفى
العصر كاعد اشرب جاي وأكل كليجة دك موبايلي باوعت على دنيا عينها علية من اخابر اني هم اخذت راحتي بالحجي حتى افهمها الشغلة مابيها مجال لازم اروح هذا صاحبي بعد ، فتحت سبيكر لأن اريدها تسمع صاحبي من يحجي
/ شلونك وسومي اخوية
وسام / هلا والله هلا بابو انس
ابو انس / اخيك اني اريد وكفتك وياي الوالد متخربط وبس اني وياه بالمستشفى تكدر تجيني
وسام / يمعود ادلل هسة اجي الله يشافيه ويعافيه
ابو انس / ابو منتظر ترى احتمال نبات خل خبر يم الاهل خاف يبقى بالهم
اني بهالاثناء التفتت على دنيا جانت صافنة علية فرأسا اشرتلي بيدها بمعنى اقبل
وسام / ان شاء الله هسة طالع من اوصل اخابرك
سديته واشرتلها حضريلي الحمام خل اسبح واروح خطية هذا صاحبي شلون اعوفه
دنيا / اي خطية الله يشفي أبوه هسة ثواني احضرلك ملابسك
( لاحول ولا قوة الا بالله العلي العظيم ، 😤 اترك التعليق الكم )
بقيت يم صاحبي عنده محل هو نفسة الي خابرني ومن سالني ليش هيج سويت كلتله شغلة عندي هو هم ماسال بعد ، بالليل طلعت بسيارتي ورحت بنفس المكان وكفتها ونزلت اتمشى بهدوء لبيت تمارة اتصلت عليها .. جايج اني سويلي طريق
تمارة بفرح / حبيبي فدوة اروحلك راح اتحضرر لما تجي من اتصل عليك تعال
وسام / تمام
ربع ساعة اتصلت كالت نايمين الجهال تقصد ابنها وابن اخوها فتحتلي الباب وبالطرمة ذبت روحها بحظني تبوس وتشم بية ابتسمت .. هلكد مشتاقه
تمارة / ميته والله شنو مشتاقة هههه
دخلنا بهدوء ومباشرة لغرفتها وقفلت الباب
هالمرة هي استلمتني كثر ما مشتاقه انوب متسيطر على روحها نست نفسها ضحك وسوالف صوتها جان طالع فزينا على دكت الباب ....
/ عمة بيج شي ليش صوتج طالع
تمارة بارتباك صاحت من ورى الباب / ها حبيبي جنت حلمانة مدري بروحي ارجع نام انت
شاورتها واني ضايج كلش / يمعودة فضحتينا صوتج وتنهداتج ترست البيت مو اكلج بهدوء
تمارة وهي تبوس بوسام / وسومي مكدر اسيطر افقد والله
وسام / لج خاف بعده منايم
تمارة / خل اروح أشوفه
لبست الروب على جسمي لأن جنت ...... وطلعت وفعلا جان بعده بالصالة سألته / ها حبيبي ليش مارجعت تنام
/ مجايني نوم وسمعت صوتج بالغرفة
تمارة بقلق / ها ايي يمكن جنت حلمانة يلا حبيبي تعال بالغرفة لا تبقى هنا كاعد
دخلته وشفته راح مدد على فراشه رجعت عالسريع قفلت الباب وابتسمت لوسام الي جان واكف ينتظرني نزعت الروب وشمرته و....
وسام /
بقيت للصبح يم تمارة بس شنو عدلتلي مزاجي
وسام / شوفيلي طريق حتى اطلع وشوفي حل لابن اخوج هذا
تمارة / طفل بعده ميفهم
وسام / ترى 11سنة يفهم اكو اذكياء بهيج عمر
طلعت من بيتها واتفقت اجيها بعد كم يوم
بالبيت كبل فتت للحمام سبحت وصليت رحت مددت بالفراش دنيا جانت كاعدة تلكتني سألتني على ابو صاحبي واني صافن بوجهها اريد اعرف شبي ابو صاحبي ما ادري عاد طخت عندي ههههه والله تمارة نستني
ورى الريوك طلعت لبيت اهلي سلمت عليهم وكعدت شوية وتحظرنا نروح لبيت عمتي ام رعد زوجها مريض بذاك المرض وابوية كال هاي اخيتي لازم اوكفلها
أبيت عمتي أبوية حجى وية ابو رعد يسفره للهند يتعالج
ابو رعد / لا ابو غانم ادري بيك متقصر بس هذا وعد الله والكاتبة رب العالمين يصير الحمدلله على وعده واني جاي اشوف حالات هواي يرحون بدون فايدة خلها يم الله
ابو غانم / والنعم بالله بس والله انا اخوك كلت نوديك هناك بلكن تصير زين
ابو رعد / امر الله والحمدلله
بقينا يمهم وعمتي ما قبلت نطلع الا نتغدى أبوية كال نبقى بس لاتكلفين نفسج من غداكم
ادري أبوية يريد يونس ويفضي خلك ابو رعد من شافه مهموم وتعبان
ورى الظهر رجعنا من بيت عمتي دخلت البيت الجهال كاعدين كلمن مبطوح على جهة بالهول والتلفزيون مفتوح على سبيس تون
وسام / هلا بوليداتي شو هدوء
كمز حسوني اجى بحظني شلته خليته على رجلي من كعدت عالقنفه بوسته بخدوده .. ها بابا اشوف كارتون
حسوني / هاد ندوولي
وسام / هههه نظوري بس وانت مو جنت اتباوع
حسوني / اي اني
اجت آيات كعدت بصفي وحظنت ذراعي ابتسمتلها / ها حبيبة بابا وين امج
ايات / بالحمام
نزلت حسوني وكمت / يله تفرجو عالكارتون اروح امدد شوية بالغرفة
دخلت وقفلت الباب دنيا جانت تمشط بشعرها توها طالعه من الحمام لابسة دشداشة ربع ردن ماروني تقربت حظنتها وبستها بركبتها شاورتها رفعت راسها جنها ما حبت السالفة
دنيا / يعني الا الا
وسام / هههه اي الا الا تعاي
ــــــــــــــــــ
بالليل يم اهلي جنا وصادف موجوده اختي الجبيرة ام صهيب جرتني على جهة حتى لحد يسمع / هاي خبصتني ادك علية تريدك تروحلها
وسام / عوفيها لاتردين عليها اني من اشوف مجال اروحلها بس اسكتي لا تجيبين طاري
ام صهيب / لا يمعود شأحجي شاكول
اجت دنيا / ها عيني ام صهيب اليوم بس وية وسام ماكعدتي يمنا
ام صهيب / لا ماكو شي جنت أسأل على رجل عمتي أم رعد
دنيا / اي خطية ميستاهل .. الله يشافي ويعافي يارب
ومن رجعنا للبيت نومت دنيا الجهال واجت للغرفة سالتني / شو ام صهيب ارتبكت من حجيت وياها
وسام / ها شلون اني أشوفها طبيبعة
دنيا / ما ادري احس مو طبعها
بهالاثناء رن موبايلي شفته تمارة قفلته رأسا وخليته عالشحن / يلا تعاي خل انام اليوم تعبان اني
دنيا / الله يساعدك حبيبي هسة ادلك ظهرك هاي من التعب
وسام / اي يمكن ديلا يا عسل تعاي
نزعت دشداشتي وانطرحت على بطني واجت دنيا تمسدلي وتفرك بيديها فعلا حسيت براحه
وراها غفيت مادريت عن حالي
ــــــــــــــــ
تمارة / اووف هسة وين راح اقلها موبايلك خلي مفتوح اكدر اخابر اتطمن
علاوي / ها ماما ليش تحجين وية روحج
تمارة / علاوي روح نام مابية شي
بقيت افتر بالبيت الليل كله بالي يم وسام لأن ماخابرني واني اريد شوفته كولش متلهفة عليه بس هو مدري شبي يضوج لأن يجي بالختلات هههه
اووف بالختلات وعندي احلا شي المهم يجيني واني على باله والباقي مكدور عليه
( قزالقرط اي والله )
#حب_في_قلبي_غرد
#للكاتبة_جوهرة
#الفصل_السادس
ــــــــــــــــ
طلعت ورى العشا اريد اروح لبيت تمارة توني صعدت السيارة دك موبايلي
_هلو حبيبي توني اريد اجي عليج
_لااا حبيبي لا تجي اليوم لأن اخوية نزل مجاز من يلتحق اخابرك وتعال
_ يلة لعد ولو جنت مشتاقلج بس اريد تعويض
_هههه ادلل حبيبي شعندي غيرك
سديته من تمارة ونزلت من سيارتي رحت لبيت اهلي بقيت اتعلل يمهم اتصلت علينا عمتي ام رعد كالت ابو رعد متخربط والولد مخبوصين بي راح يطلعون بي للمستشفى
وتريد غانم يجي وياهم
غانم رأسا طلع لبيت عمتي واحنا رحنا وراهم بقينا يم عمتي الي جانت حيل متأثرة
ورى ساعتين رجعو وياهم ابو رعد جان حيل تعبان بقينا لما شوية ارتاح ورجعنا جانت الساعة وحدة دكيت الباب جان مقفول من الداخل رجعت اتصلت على دنيا طلعت فتحتلي الباب
_شبيج يمعودة صارلي ربع ساعة ادك وماكو
_والله نمت وانت تاخرت كل هذا يم اهلك
_لا يا اهلي جنا يم عمتي خطية ابو رعد تخربط
_خطية وهسة شلونه
_شوية احسن الحمدلله ميت من النعاس بس اريد انام
قفلت الباب ورحت للغرفة يادوب نزعت دشداشتي وكبل نمت
ثاني يوم خابرت بيت عمتي سألت على عمي ابو رعد كالت عمتي الحمدلله يبين احسن
_وسام عيني توديني للسوك محتاجه غراض
باوعت عليها ..ذاك الشهر وديتج شعندج
_هسة توديني لا
باوعت بالساعة بعد وكت يادوب العشرة الصبح .. يلة تحضري وحصري الجهال تأخذهم ويانة
من سمعني احجي وية امهم كانو يكمزون فرحانين يدرون راح يتونسون ويقطوني خوش قطه
هم زين ما اعترض وسام من كتله اريد اروح سوك جنت محتاجه عطورات وملابس المهم تسوكنا واشترينا للجهال ملابس وملاعيب
نظوري راد مطعم وسام ما اعترض خطية رغم نص الراتب طار تغدينا بالمطعم ورجعنا البيت الساعة وحدة ونص الجو حار نار كبل فتت الجهال للحمام سبحتهم وراها حضرت الحمام لوسام سبح واني ورى ما لملمت البيت دخلت سبحت صارت الساعه اربعه رحت صليت وسرحت شعري فتت مددت بالهول يمهم الجهال ملتهين بالملاعيب وسام مبين غافي اني هم جريت الكوشة ومددت عالكاشي عالبرودة
مدري بروحي نمت فزيت على صباح الجهال متعاركين وابوهم رزلهم يمكن لان فز من النوم
حسوني يبجي وآية تبجي
_شكووو ليش تتباجون
رفع أيده حسوني.. اضتني قصده عضته آية
وانوب آية تبجي حسوني عاشها من بطنها يبوو ولا تخلص سوالفهم
جربته بحظني بوسته من أيده سكت رجعت جريت أيوته بيتها بخدها سكتت خطية يمة فدوة للبنات شكد هادئة حبيبتي
صاحه وسام .. تعال حسوني هنا
راح على ابوه خلاه بحظنه ورجع مدد بقى يسولف وياه
كمت اني رحت للمطبخ خدرت جاي وعندي كيك قبل يوم مسويته طلعت كم قطعه وخليتها بماعون بالصينية خدر الجاي صبيت بكوبين واخذتهن للهول وسام مموجود يمكن راح يصلي
شوي ودخل
_اي والله هسة وكته الجاي عاشت ايدج
_الف عافية
كعدت بصفه نشرب جاي بس أشوفه باله مو يمي .. شبيك وسام
_ها لا ماكو شي بس اجى على بالي صاحبي من فترة مارحت شفته ولا سألت على ابوه جان مريض
_اي شكو بيها واجب هذا
_اي صح احتمال بالليل اروحله عزيز علية هذا
_الله يديم صحبتكم
هزيت راسي واني افكر شلون اروح لتمارة لازم اتصل عليها يلة
الصراحه اني حسيت راح تصير مصيبة من ورى روحاتي الي تكررت هواي صح مشتاق لدلالها بس المفروض ما تتورط هالورطه
لأن اهلها خاصة اخوها مراقبها كاعدين يشكون بيها بناء على حجبها طبعا وبقيت فترة ماروح كامت تتصل لأختي ام صهيب
اتكللها بس اريد أشوفه انوب تتصل بية وتبقى تحجي وتريد تشوفني واختي ام صهيب اتصلت كالت يمعود موتتني يومية جايتني للبيت روح شوفها
_والله ام صهيب اني ورطت حالي وياها راح اكلمها وراها بلوة هاي طلعت حركة وحيل جريئة خبلتني مشايف هيج جرأة
_ابو منتظر اني من الاول نصحتك بس انت عناد
_ام صهيب دنيا مجاي تجي على مرامي ميفيد الحجي شسوي اضطربت ادحك برا
سديته منها وطلعت واني مقرر اشرح الوضع لتمارة حتى نفترق بعد ميفيد اهلها مراقبينها وهاي راح تسويلي سالفة وزحمه والله شفتها اني اسويت بحالي ابن شيوخ وابوية آلة سمعته الطيبة إذا وصله كلام شراح يصير بي
من يسمع
اليسمع هالشي قد يتضايق مني أو
احتمال يلومني احتمال ينطيني عذر بس اني انسان واضح ورجال ادور راحتي الي مجاي الكاها عد زوجتي
صح دنيا زينة بس مرات تقصر وياي علاقتي بزوجتي قوية وأحبها بس هذا يمنع اونس نفسي اني هم اريد ارتاح ودنيا أحسها ممكفيتني
ـــــــــــــــ
_ولج يمة ليش تبجين لاتفاولين عليه مابي الا العافية
_اي عمة احجي وياها بالبيت بس أيدها على خدها وتبجي مايفيد الحجي وياها
_حيدر هذا بابا روحي من الدنيا والله ميتة قهر عليه من أشوفه يلوب شو حتى العلاج يأذي
_يا گلبي هو هذا مرضه علاجه قوي الله يشافيه بحق الحسين
_ان شاء الله يارب
حيدر طلع للدوام واني بقيت يم اهلي اني وجهالي خطية بابا من شافنا فرح بقى يسولف ويانه حتى نفسه جانت مفتوحه للأكل وكال لأمي مشتهي سمج شوي فأمي وصت اخوية رعد جاب من الشوك وشوتها ماما بالتنور سودة علية بالغدا اكل كلمتين كال بعد ماريد شكد توسلت بي لأن كاعدة بصفه وافلس لحم واخلي كدامه
بقينا للمغرب احلى حيدر ماما كالت تعشوا ورحو الساعة بالعشرة يلة دخلنا البيت سلمت عليهم وصعدت وية الجهال انيمهم حيدر بقى يم أهله جوا اني رحت سبحت وصليت العشا وكعدت اقرا قرآن صدقت وخليته عالكومدي يم راسي دخل حيدر قفل الباب دحك عالجهال .. ليش مانيمتيهم يم امي
_ حيدر ميقبلون الا يمنا شسويلهم خطية بعدهم صغار
تقرب حظني وكام يبوس بية .. ولج اريد اخذ راحتي وياج اووف مشتاكلج والله
خليت راسي بصدره وبسته .. اني هم مشتاقتلك
_فدوة رويحتي دتعاي بحظني ......
ورى فترة كام حيدر للحمام واني بقيت بالفراش بس حسيت روحي مدري شبية لزمت راسي بيدي وبقيت مدنكه
_يمعودة زهراء حبي شبيج
رفعت راسي لحيدر جان سابح ولابس برمودا وتي شيرت اسود .. ها حبيبي
كعد بصفي وأيده لعبت بشعري رجعه ورى ظهري .. تعبانة مبين عليج
_اي شوية راسي يوجعني
_مابيج غير العافية دتعاي بحظني هسة تصيرين زينة
_حيدر اريد اسبح
_اجي وياج اسبحج
_لاا لاا شسوي انت
_ههههه هااا قابل ماشايفج
ابتسمت لحيدر .. حبيبي
فتت للكنتور طلعت دشداشة ربع ردن ومنشفه وطلعت للحمام من سبحت حسيت روحي احسن رجعت نشفت شعري و مشطته تعطرت ورحت خشكت روحي بحظن حيدر
اموت عليه وعلى حظنه عندي اهم شي احط راسي بصدره انسى العالم والله
ـــــــــــــــ
الساعه تسعة طلعت من البيت كلت لزوجتي رايح يم صاحبي ولاتنتظرني تقفل وتنام
ذبيت السيارة نفس المكان ونزلت اتمشى دقائق واتصلت تمارة كالت تعال اخوية التحق
دخلت للبيت استقبلتني تمارة تبوس وتحظن بية مانطتني مجال
قفلت الباب وكيل رحنا لغرفة النوم كالت اليوم علاوي وحده ونام من وكت
طبعا الساعة صارت عشرة ونص
_اي حتى ناخذ راحتنا صدك شلونه علاوي
_الحمدلله زين شكد يفرح من انطي هداية الي جبتهم يكول شوكت أشوفه لعمو
_يدلل علاوي
دتعاي لج شنو هاي شطالعه اتخبلين حظنتها وبستها وهي ذابت بعد بحظني
فزينة على رنة الموبايل شافته .. شسويله هذا اخوية الصبح احجي وياه هذا من يلتحق يبقى بس يتصل
شوية واندكت الباب بقوة
طلع اخوها ماملتحق مراقب البيت لأن يشك بيها
بس شنو اني احس گلبي مامرتاح احساسي يكول راح يصير شي
رن موبايل ها اخوها دازلها رسالة .. افتحي الباب لا اجي اكسره ومن هذا اليمج اليوم اذبحج
طبعا من قرينا الرسالة اني وياها كالت .. فدوة وسام اصعد السطح خل اجاوبه واني هم صدك صعدت السطح بس فكرت خاف يجي يدور السطح ويشوفني
باوعت على سطح جيرانهم مسافه صغيرة صعدت عالستارة وطفرت للسطح الثاني وبقيت من سطح لسطح لأربع بيوت اخر بيت بقيت لابد بسد البيتونه بس شنو گلبي يدك سريع حيل لعنت الساعة الي تعرفت بيها على تمارة بالله لو لازمني اخوها جان شكلت شحجيت واني متزوجها متعه
اسمع الهوسة وكلها نتصايح حرامي حرامي وطلعو يدورون من حسن حظي البيت الي طفرت عليه لمرة أرملة يكلولها ام حمزة مرة متوسطه بالعمر ماعدها رجال هم طلعت للسطح لأن الجيارين اجو عليها
من شفتها بالسطح وعينها اجت علية كلتلها .. خالة دخيل اني عندج وأمانة الله اني مو حرامي خالة دخيلج والعرب ماينطون دخيل
خطية اقتنعت بكلامي كالت .. شلون لعد خالة شتسوي هنا
_ارتاح واحجيلك بعدني هسة ممرتاح
والله المرة صدك طلعت بنت اصول خلتني انزل جوا بالبيت وكالت .. انت بأمان لا تهتم
من ارتاحيت حجيتلها لأم حمزة كولشي
ردت علية .. ابو حمزة هم جان يجازف ويجيني جان يحبني ويسوي المستحيل حتى يشوفني هو هذا الحب خالة لازم بي مجازفة
وتضحيات
طلعت ام حمزة متعاطفه وية الحب همزين الحمدالله واشكره لأن طلعتلي هاي المرة الطيبة
بقيت يمها الفجر عاد طلعت فاتت الحمدلله بس والله خوش طلعت وياي موقفها ابد ما انساه
رجعت البيت همزين نايمين فتت عالسريع سبحت وصليت ورحت مددت متحسين الا ساعة 11
كعدت واني احس روحي تايه تذكرت الصار وبداخلي حمدت الله الف مرة بلة لو لازمني اخوها جان شنو موقفي
جريت الموبايل واتصلت بتمارة رأسا فتحت خط كلتلها شنو الصار
_دخل البيت يفتش وصاير عصبي مالكة شي طلع
اكول وسومي شوكت اشوفك
_تمارة خلص اني لهنا وبس وياج انتي طالك
_لااا وسام لاااا اني حبيتك والله لا تطلكني
_انتهينا خلص انتي ماشفتيني شلون تبهذلت
لوما الله يسترني
_وساام شلون يعني بعد ماشوفك
_لا هاي هي كلمن يروح لحال سبيله
_لك وسام اني حبيتك ليش هيج تسوي بية
_تمارة انتي ظرفج صعب منا طليقج يترصدج ومنا اخوج هواي ضاغط عليج واني أجيت بنص المعمعه هاي والهوسة
_وسام ترى والله تندم
_كافي تمارة
سديته منها وكمت طلعت بالمطبخ دنيا كاعدة تسوي دولمه كملتها وذبتها عالطباخ
_شوكت يستوي غداج
_بيك تصبر ساعة لو اسويلك ريوك
_لا خلها للغدا مابقى شي
_شلون صار ابو صاحبك
_ها اي الحمدلله احسن
عفتها وطلعت لبيت اهلي وصحت الجهال وياي بالمضيف لكيت الهوسة وصياح الزلم سألت غانم شني السالفة
_ هذا ابن عناد متعارك وضارب ولد بسجينه
ما دخلت روحي أبوية يحجي وياهم ولو دوخوه بس أبويه يفهم بأمور العشائر
قبل الغدا رجعنا البيت لكيت دنيا محضرة كولشي بالهول كلبت جدر الدولمة ريحتها اتشهي
كعدنا تغدينا وراها شربنا جاي دك موبايلي ام صهيب اخذته وطلعت برى
_وسام ليش هيج تسوي
_خيرج ليش هيج تحجين
_تمارة يمي وتكول طلكني
_اي خلاص هاي هي وراها مشاكل هاي
_ لعد منو جان ذابح روحه تالي تزوجتها متعه
_مدري والله جنت طاير بيها بس من شفت وعشت المصايب من وراها النفس عافتها بعد
اسمعها تحجي وي وحدة سمعت صوت بحبها
طلعت تمارة يمها
انقطعت علاقتي بتمارة و مضت الأيام واني احاول اتلافاها شفتها مرة بالسوك هي وزوجة اخوها
اتريد تحجي وياي بس ماانطيتها مجال
بس هالشي السويته خلاها تحقد ثاني يوم من رجعت للبيت الظهر دنيا كالبة الخلقة
_خير شبيج
_اشكال بية تدري شنو البية رجلي متزوج عليه واني مدري رجلية بالشمس ياغافلين الكم الله
بقت تصيح نترت بيها .. وجع على هالصوت
نصي حسج لا بالعباس اجي اكصه للسانج
_والله ما ابقى دقيقة وحده وياك يا ظالم هاي تاليتها وياك تركض ورى الساقطات
دخلت للغرفة شوي وطلعت شايله جنطه راحت على حسوني جرته من أيده تريد تأخذه وياها
_تطلعين اطلعي وحدج الجهال مايرحون وياج
_تطردني وسااام
_منو طردج ولج شو انتي متعرفين تسولفين
_خل الجهال وياي انت متهتم بيهم
_لا ادخلين الجهال بالسالفة عوفيهم براحتهم
_اني طالعة بس والله لا اخليك تندم ياوسام
رادت أية تلحكها نترت بيها رجعت
اخذتهم ورحنا كعدنا بالهول فتحتلهم تلفزيون
بس ادحك وجوهم شاحبه بعيونهم حجي بس يخافون يحجون
اهلي عرفو بزعل دنيا وابوية بقى يحجي علية طبعا الحلو بالسالفة دنيا مكالت سبب الزعل الحقيقي بس خلال كلامي وية ام صهيب كالت تمارة جاية ومخبرتها بزواجكم
وشلون تعرفت عليها
هسة حاير بالجهال صارلي يومين خطية امي مبتلشة بيهم
تابعووووني
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
