رواية حب في قلبي غرد الفصل الثالث والرابع بقلم الكاتبه جوهره حصريه وجديده على مدونة النجم المتوهج للروايات والمعلومات

متابعيني الاعزاء حتى لا يكون التباس بالشخصيات والابطال راح اعرفكم عليهم

البطل الرئيسي للقصة

وسام ابو منتظر .. عمره 34 مدرس انكلش

دنيا .. زوجة وسام عمرها 26

تمارة .. ام علاوي تعرف عليها وسام وراح يتزوجها عقد سيد بدون علم اهلها مطلقة وعمرها 30

الشيخ ابو غانم ال... شيخ عشيرة آل .. وهو ابو وسام وخال زهراء الي راح نتكلم عنها

زهراء.. البطلة بالقصة بنت عمة وسام وخالها هو نفسه الشيخ ابو غانم عمرها 22

وهي صديقتها لدنيا علاقتهم قوية

حيدر .. زوج زهراء عمره 30سنة خريج وموظف بمصفى نفط في بغداد وهو ابن عم ابوها الزهراء وايضا أبوه شيخ عشيرة آل..

وبالنسبة للأحداث زهراء جانت تحجي على بداية زواجها من حيدر

ـــــــــــــــــ

زهراء /

دخل وقفل الباب واني دكات گلبي تقرا10000 تقرب علية

حيدر / اويلي شنو هاي حبي تعاي

اني بقيت بمكاني وجسمي كله يرجف

اسمعه يحجي وياية واني عقلي طاير من الرهبة والخوف

حيدر / بس نزعيني الرباط مرايد شي

تقرب علية هو اطول مني شوية رفعت راسي وأيدي راحت عالرباط هو دنك وأخذ شفتي واني رحت بغير عالم ما وعيت الا من رفع راسه وكال / راح افتح الباب فلشو ههههههه

فتح الباب بعدما رتب روحه وطلع دخلو امي وأمه وزوجة خالو ابو غانم بقن شوية كاعدات ويعلمن بية يبووو عالاحراجات بوكتها شكد انحرجت ، شوية وطلعو ورجعو هالمرة زفو للغرفة جماعته ومن دخل شوية واندكت الباب صاح / هااااا

أخته / حيدر عيني جبت العسل

حيدر وعينه علية / هسة احنا جوعانين منريد

أخته / كيفك خوية

راحت أخته وهو تقدم عليه يحظن بية ويبوس واجت اللحظه الحاسمة واخذني

اني بقيت ابجي هو رأسا لثم شفايفي حتى لا اطلع صوت

بعدها وبعدما كمل ورتب روحه نزل جوا واني بقيت بالغرفة انتبهت على رسائل توصل لموبايله هو عافه ونزل

اخذته وقريت الرسائل وحدة تتوسل بي وينك مشتاقتلك والله ، وليش عفتني

اني فكيت عيني مصدومة معقولة يحب وحدة ثانية فبقيت ابجي مشكلتي من أمر بمشكلة ابقى بس ابجي

ورى ما صعد شافني ابجي اجى حظني

حيدر بقلق / شبيج يروحي ليش تبجين متأذاية مو ؟؟؟

دفعته عني / عوفني انت ليش هيج تسوي إذا متريدني ليش تتزوجني ؟!!!

حيدر فك عينه / شبيج يمعودة شنو ما اريدج

زهراء / وحدة اتصلت عليك شوفها مراسلتك

قرى الرسايل وحذفها ..

حيدر / شوفي انطيتها حضر خل تولي والله اني احبج الج

المهم قنعني وسكتت ماحجيت

وبقى الليل كله اني ازحف وهو يزحف وراي بالفراش موتني اني روحي طافرة وهو ميكتفي فبقى يحظن ويبوس بية

المهم بعد متقربلي الحمدلله رحم حالي من شافني تعبانة بس ماخلاني ابتعد عنه جرني بحظنه بعدها نمت مدري بروحي

كعدت الصبح على بوساته

حيدر / حبيبي يلا صح النوم

بصوت دايخ من النوم رديت عليه / صباح الخير

حيدر / احلى صباح والله

دنك باسني وكال تعاي هسة هنا حتى نسبح ونصلي

زهراء / لاا عفية والله موجوعه

حيدر / لا حبي اني الخليج اطيبين

زهراء بتهرب وخوف / حيدر عفية لا... يو ...

اخذني مرة ثانية بس شنو والله على اعصابي

حيل جنت متأذية

كمنا للحمام سبحنا وصلينا وراها صعدت أخته أميرة خطية جايبة صينية ريوك مليانة

أميرة / صباح الخير مبروك عيني شايفين الخير

رديت الها / الله يبارك بيج

حيدر دخل / هلا خيتي اي والله ميتين جوع

أميرة / هههه بالعافية غير صوجك البارحه ماقبلت تتعشى

خلت الصينية على طبله وقبل متطلع كالت / صدك امي تكول تحضرو حتى ترحون تزورون الامام

( عدنا طبع من أحد يتزوج بالعائلة احنا العمام ثاني يوم نروح نزور الامام )

حيدر / ان شاء الله خيتي

تريكنا وبدلنا بس اني شنو كوة اكعد وكوة اكوم وانوب استحي احجي متت متت

زرنا الحمدلله ، ماكدرت اصلي بس قريت قرآن وادعية ورجعنا جانت بس عمتي ويانة

وبالبيت من شافوني مالي خلك حجيتلهم طبعا لعمتي ونسوان حمويني عمتي كالت باجر اخذج للدكتورة بعد ماظل وكت هسة

وفعلا ثالث يوم ودوني حيدر وعمتي والدكتورة كالت اسبوع ميتقربلج

وانطتني علاجات وكذا المهم من رجعنا حيدر خطية هههه على أعصابه

بالغرفة بالليل / بالله هسة اني عريس ديلا هاي اسبوع حضر عندي دتعاي عاد بحظني راح اتخبل والله

كعدت بصفه وجرني حظني يبوس بية ومن حالته صارت متتحمل بعدني وكمز للحمام

حيدر كولش يحب النومة والله اني ممقصرة

ويا بس الزلم مدري شبيهم ميعجبهم العجب يعاملون المرة ذاتا الزوجة معاملة الجارية اهم شي يشيعون رغباتهم ، هسة يلا فهمت دنيا من تشكي من وسام والله ولا تنلام

بيوم السبعه انرفع الحضر عن حيدر هههه اهلي اجوي وهو حاصرني بالغرفة اني كمت اكمز المهم نزلت وهو بقى يتحلفلي ويتوعد بية لان ما بقيت وياه

يووو والله ايام بس الي صار بعدها ومريت بي خلاني اترحم على ذيج الايام واكول ياريت باقية على ذيج الايام

ــــــــــــــــ

وسام /

كملت معاملة الطابو بعدما اراجع بيها وبقيت اتصل وية تمارة فايبر لو واتساب الصراحه حيل اشتاقلها مو لأن جميلة فقط لا اني زوجتي دنيا بيها الجمال والشباب بس للأسف شكد انطيها فلوس واشتريلها بس متعرف تتصرف ولا تحاول تغير من نفسها برودها ذبحني واني رجال حار الي مشاعري والي طلباتي الي متكدر دنيا تقيم بيها البعض اكيد راح يكول شدعوه وليش ومن هالكلام لكن الواحد من يعيش الحالة بكل تفاصيلها راح يعرف ويتصيد مواطن الخلل والثغرات وعلاقتي جانت وية دنيا بيها ثغرات ماكدرت دنيا تمليها للأسف وفتحت مجال لغيرها

تمارة أنيقة تعرف تتكشخ كلها حنية وحرارة هالشي خلاني انچذب الها

(( عذر الرجل الأزلي والقديم هو زوجتي متعرف تتصرف زوجتي ما تملي حياتي ووو...الخ ، بعض الأوقات اعتقد البعض منهم كائنات تتغذى على النساء للاشباع لا اكثر ))

انتبهت عالشيخ / ها يابة وسام شتكول بهاي السالفة

وسام اللي بغير عالم ما سمع أبوه / ها يابة يا سالفة

رد اخوية غانم الجبير / تهي بهي عود صدك تسال الدنيا مكلوبة وانت بالك مو يمنا

اني ابتسمت بشوية احراج واسمع اخوية الاكبر مني هيثم / نحجي عالمكسورة السواها الاغبر محمود ابن ياس

وسام / ها اي والله صدك مكسورة وسالفة صعبه

الشيخ ابو غانم / والله فشلة من الوادم بس شسوي محسوب على عشيرتي وابن عمنا والعضة بِچلال مثلما يكولون

غانم رد / يابة طبهم حريشي السالفة مصخمه شلون راح تحلها

الشيخ / والله يابة نسوي كعدة ونفصلهم ماكو غيرها

رديت على أبوية / والمرة وين صارت

غانم / اكلك ابو منتظر ترى المرة رجلها يريد يطلكها وهم حقه إذا تتمعشك وعدها علاقة بغيره

وسام / اي صخم الله وجهها

الشيخ / اني حجيت وياكم اريد اشوفكم شتكولون

وسام / يابة انت التشوفه صح سوي مابعد كلامك كلام

التفت أبوية وبقى صافن بوجهي / ها وسام انت هيج تشوف

وسام / اي والله يابة

الشيخ / خوش واني لعد عندي حلها

طلعت من المضيف رحت للبيت جان الوكت متأخر توضيت وصليت العشا الجهال نايمين

دخلت لغرفتي دنيا رايحه بسابع نومه

عكدت حاجبي والله ضجت يعني رجال راجع للبيت شعندج نايمة تلكيني شوفي شاريد وكفت يم راسها صحت بيها / دنيا دنيا

دنيا يادوب ردت / امممم

وسام / كومي اريدج

رفعت راسها / وسام والله نعسانة انت وين جنت

وسام / لا بلة ترى ساعة 11 مو وكت متأخر كومي صحصحي وياي مجايني نوم واريد زوجتي مريتي حبيبتي وياي

دنيا / ديلا هسة وكتها

وسام بغيض / اي وكتها لعد شنو

دنكت بستها بخدها بقوة / يلا حبي

دنيا /

كمت واني نعسانه حيل بس شسويلة ادري بي يحب هاي السوالف رحت بدلت لبست سيت نوم وتعطرت واجيت يمه

ــــــــــــــــــ

مر اسبوع والعشيرة مخبوصة بسالفة محمود البنت رجلها طلكها بعدما مكسرها تكسر والي سمعنا اهلها هم موتينها كتل

اجى محمود يتختل على أبوية وبقى يتوسل عمي الشيخ دخيلك اني فدوة البنت عاشكها حلها من يمك

أبوية سوى الكعدة وجمع شيوخ وراح فصلهم واتفقوا البنت من تخلص عدتها يزوجونها لمحمود

السالفة طلعت من البداية متعاشكين واهلها غاصبينها على ذاك ومزوجينها وهسة انفضت ودفعنا الفصل وعدت السالفة ومحمود ينتظر يوم يوم تخلص عدتها حتى يتزوجها !!!!!

( اقروا وسكتوا حبابات 🙄🙃)

دنيا / وسام عيني من تطلع للسوك جيب وياك معجون خلصنا

وسام / اي أن شاء الله اكلج وين الجهال شو مالهم صوت

دنيا / بالسطح يلعبون

وسام / يمعودة الجو حار شعدهم

دنيا / شوية وانزلهم بعد هسة صبحية جو حلو

وسام / دتعاي لعد بالغرفة رايدج

دنيا بضجر / وسااام يمعود ترى جاي اسوي غدا كلش مو وكتك

وسام بغيض / انتي ليش من احجي تخلين اعذار وتقتلين المتعه !!!!!

دنيا / ياعيني والله انت تجي باوقات ابد مراهمة يعني بنص الشغل اني وين اجي عليك هسة

وسام / لا بالله خليلي جدول امشي عليه حضرة جنابج ، ولي سوي غدا كولشي ماريد منج اوووف

اخذت سويج السيارة وطلعت للسوك ومزاجي مكلوب لأن خربت واهسي واني جنت محتجاها بنت الذين

دنيا /

رجعت اكمل الغدا واني بالي يم وسام ادري بي طلع ضايج بس شسوي والله مو بيدي هو مرات يجي بأوقات مراهمه ويريدني

وسام حيل يحب هاي السوالف والله متعبني وياه بس متحمله ادري حقه وادري اني مرات مقصرة بس هاي طاقتي هو ماشاء الله عليه طاقه فووول ههههه وانوب معيذر

دك موبايلي شطفت أيدي ونشفتها بخاولي

/ الو هلاو زهورتي شلونج حبي

زهراء / هلو دنيا والله احس روحي مو تمام

دنيا بقلق / ليش اسم الله

زهراء / شو هاي العكدة بصدري أحسها رجعت

دنيا / اسم الله اكلج عيني لا تبقين هيج روحي طبيبة

زهراء / اي أن شاء الله من يرجع حيدر من بغداد

صدك خابرت علموده شسوى وسام مالكاله واسطه

دنيا / مدري والله ميحجي هسة من يرجع أسأله ادللي

زهراء / اي فدوة اشو عمي سوالة واسطه ومارهمت وحيدر يكول ابو نظوري عنده واسطه قوية

دنيا / هسة راح اخابره وارجع اتصل بيج

سديته من زهراء واتصلت بوسام

وسام بزعل / خير شو متصلة

حجاها بصوت متنك وزعلان ..

دنيا / ههه ميخالف اتحمل شسوي

وسام / لا بالله هو منو يتحمل منو ، كولي شرايده

دنيا / زهراء خابرت تكول شسوى بواسطته

علمو زوجها حيدر

وسام / اهااا اي ان شاء الله عالاسبوع يطلع أمر نقله

دنيا بفرحة / صدك عليك الله وسام

حجيتها بفرحه

وسام / اي شبيج طرتي

دنيا / فرحانه لزهراء والله لأن شايلة هم لرجلها خطية

وسام / اييي تعلمي منها

دنيا / اووي وسام شبيك

وسام / اااخ منج ديلا رايده شي بعد

دنيا / لا سلامتك عيوني

سديته واتصلت بزهراء بشرتها خطية فرحت حيل

ـــــــــــ

الحمدلله حيدر انقل يمنا بكربلاء بالدائرة وبعد يومية هنا الدائرة مسافه ربع ساعه بالسيارة

اني حجيت لحيدر وكلتلة وديني طبيبة فالعصر رحنا عفت جهالي يم عمتي والدكتورة فحصتني واخذتلي سونار كالت هاي عكد الحليب من كملت كالت هاي عندج عكدة مورمة ويرادلها رفع اني اتخبلت بقيت أتوسل بيها دكتورة شوفيلي جارة خاف متوهمة لأن اسم الله خفت ذاك المرض بس هي طمنتني وكالت بالمستشفى راح تسويلياها

كالت صيحي زوجج أفهمه

فهمت حيدر وبقت تحجي ويا بس شنو اني بالي مو يمهم بغير عالم

طلعنا واني ساكته وحيدر يحجي وياي وبالي مو يمه وقبل منرجع للبيت

زهراء / فدوة حيدر وديني للامام ازور

خطية ماحجى رأسا فر السيارة وطلعنا زرنا وبقيت كاعدة ورى ماصليت بقيت ادعي حسيت شوية ارتاحيت وطلعت لكيت حيدر ينتظرني بالساحة

لليل كلهم عرفو وماما اجت هي وبابا يشوفوني كالت ماخليهم يسولج عملية هنا الا اوديج لبغداد اشوفج دكتورة ثانية عمي الشيخ كاللها شكو فرق شو السونار هو الي بين هالشي

ماما ماقبلت وبابا سودة علية هم كال هاي بنيتي شلون هيج اعوفها صح زوجها ممقصر بس الاحتياط واجب

وقرروا ياخذوني ثاني يوم لبغداد امي تروح وياي وعمتي ، وجهالي يبقون يم زوجة حماية

بيت عم بابا هناك بغداد ساكنين رحنا يمهم وحجزولي يم دكتورة معروفه من راجعتها وفحوصات وسونار كالت ورم بس حميد راح نسويلج عملية

فقبل بيوم دخلوني عملية حتى يجيكون الضغط والقلب وكذا هاي السوالف

اجى حيدر عيونه حمرا مبين باجي سألته / شبيك حيدر

حيدر / مابية شي جنت اكمل الإجراءات مال الدخولية وقعت لازم حتى يسوولج عملية ليش تسألين

زهراء / هيج مجرد سؤال

ادري بي باجي بس ميحب يحجي اني هم سكتت ما سألته بعد

بيوم العملية خابرتني دنيا تشجعني وتدعيلي

اني جنت محتاجه هيج دعاء سلمت عليها وانطيت موبايلي لماما

نزلنا بالمصعد لصالة العمليات حيدر وياي اني حسيت بدوخة لزمت أيده

حيدر بخوف وقلق سالني / ها خايفة

ماحجيت بقيت بس اباوع عليه

دخلت للعمليات الساعة 8 الصبح على أساس عمليات الصغرى لأن مجرد ورم وينرفع حسب كلام الطبيبة

كالو لبابا وحيدر جيبوها بالعمليات الكبرى انتم اطلعوا من تخلص انجيبها الكم

ورحت بالانتظار اهلي طلعوا وبقيت كاعدة طلع سراية بعده والوقت من الساعه 8 لحد الساعة 12 الظهر اني انتظر كاعدة على اعصابي

هذا كله واهلي عيالهم اني بالعملية وقبل لا أدخل بنص ساعة اجت الممرضة تسأل وينها زهراء كلتبها اني

الممرضة / واحد لابس تي شيرت اسود بس يسأل عليج دوخني والله شرب باكيتين جكاير والرجال وياه يكله دوختني اني ماخايف عليها بكدك دكعد راح تموت شجرالك

هذا بابا يحجي وية وسام اللي جان حيل خايف علية

المهم الساعة ثنتين ونص يلا طلعوني من العمليات

بالغرفة ورى ما فكني البنج تحمدولي بالسلامة

اباوع على حيدر الوجه اصفر نومية

دنك باسني بكصتي وحجى بلهفة / حمدالله على سلامتج

عمتي كالت / كلنا ارتاحينا وصلينا وأكلنا بس حيدر بقى رايح راد سكثر يخاف عليج

جان يرد عليهم / اني اكل ورويحتي بالعمليات والله احس ماكل رماد

من سمحولي بالخروج مباشرة طلعنا لكربلاء لبيت اهلي

ــــــــــــــ

وسام /

ها ام صهيب حجيتي وياها مثلما فهمتج

ام صهيب / والله يا وسام قبل متكول وتحجي اني دوم انصح بيها

هسة تعال تغدى يا عيني وعوفك منها

وسام / ام صهيب والقرآن ضايج لأن مجاي تريحني

ام صهيب / هههه والله مدري شكول انتم الزلم ميعجبكم العجب

وسام رفع حاجبه / ها يعني هسة اني متبطر

أخته / تعال تغدى لاتغث روحك

صبتلي الغدى وكعدنا بالمطبخ اني وياها وولدها 3شباب الله يحفظهم تغدينا وشربنا جاي وبقيت يمهم للعصر ورجعت للبيت تلكتني ام منتظر الوجه مغيم

دنيا / وين جنت

وسام / وين يعني وانتي شكو تسألين

دنيا / ترى رجلي ومن حقي أسألك

طنشتها دخلت تلكوني الجهال حظنتهم بوستهم فتنا للهول كعدنا وهم يحومون علية

كعدت دنيا كبالي / زهراء رجعت من بغداد اريد اروح اتحمدلها بالسلامه

وسام / اي وشلونها

دنيا / يكولون زينة الحمدلله

وسام / بالليل نروح لهم اني هم اشوف حيدر

دنيا / بيت عمتك مو يم عيالها

وسام / ها بيت عمتي اي ميخالف

دنيا / شناخذلها

وسام / انطيها فلوس احسن تحتاجهن خطية

دنيا / اي زين لعد بالليل ورى العشا نروح

سكتت مارديت عليها جريت موبايلي بقيت اكلب بي شفت رسالة من تمارة

مقهورة لأن ممراسلها

راسلتها عالفايبر

بقيت اتراسل وياها انتبهت الجهال وأمهم طلعو كالتلهم تعالو اسبحكم حتى نروح لبيت عمة اني رأسا كلتبها افتحي كاميرا فتحتها وبقينا نسولف ادحك عليها وعلى سوالفها منتهية خطية وغركانه ذبحت نفسها تعال نتشاوف وشلون نبقى هيج والله مشتاقتلك

شتريد اني حاضرة

اني مترهم وياي ابقى هيج راسا كلتلها خل أعقد عليج ونفضها

تمارة بفرح / موافقة

وسام / بس ترى زواج متعه

تمارة / ميخالف اقبل

🤔🤔🤔

تابعووووني

#حب_في_قلبي_غرد

#للكاتبة_جوهرة

#الفصل_الرابع

ـــــــــــــــــــ

وسام /

كالت موافقة نتزوج كلتلها اتزوجج عقد هي وافقت اتفقنا على هالشي وثانييوم رحنا عقدنا لأن اخوها ميقبل يزوجها اكو مشاكل عالكة وية طليقها

اني حيل جنت واهسي بيها ورايدها وشفتها ذابحه روحها علية كلت اتزوجها احسن

،،،

اني تمارة عمري 28 سنة انفصلت عن زوجي لأن كولش جان يأذيني شخص مينطاق نهائي حتى الولد مقبل يأخذه والحمدلله هاي اجت بصالحي لأن حبيبي علاوي ما اكدر استغني عنه

اني طلعلي ورث من اهلي الله يرحمهم واشتريت بيت صغير بصف بيت اخوية واستقريت بي والحمدلله مديره أموري فد يوم جاي اراجع بمعاملة البيت بقت بيها نواقص واخوية عسكري ماعنده مجال فجنت أخذ ابني وياي واروح للطابو وهناك ما احجيلكم البهذلة الي نشوفها ساعات نبقى على مجرد توقيع ، والله المهم بمرة من المرات لفت انتباهي رجل حيل مرتب وأنيق وشكله وسيم الصراحه مدري ليش من اول مرة تعلقت بي رغم شكد جانو موجودين بس ركزت بي جنت اسوي روحي ممنتبهة بس اراقبه بدون ميحس طلع هو هم يراقبني أشوفه يصيح علاوي يسولف وياه يبوس بي لو ينطي فلوس هالاشياء هاي خلت ابني يتعلق بي ، جنت ارجع للبيت واني رغم معاملتي مكاملة وهوسة وحارة لأن جان صيف بس احس روحي سعيدة والله

احتمال تتفاجؤن شبسرعة ذبيتي جرش وياه

والله اكلكم مدري لأن احساسي بي كاعد يزيد والقلب ماعليه سلطان

جنت احجي لزوجة اخوية اسولفلها عليه أشوفها شتكول بالبداية جانت متشجعني تبقى تحجي علية واني ابقى احلف بيها ماتسمع عادل اخوية الجبير ولا اجيب طاري ،

بقينا نتواصل اني ووسام حتى عرفني على أخته ام صهيب أرملة وعدها ولد شباب بالبداية جانت قافلة مني لأن الي فهمته من وسام هي تحب زوجته وعلاقتهم قوية اني كل هذا ميهمني جنت مثل المسحورة احبه لوسام واريد بس اتواصل وياه وفعلا بقينا واتساب وفايبر إلى أن طكت روحي كمت ما اتحمل لأن اريد اعيش وياه اريد احس بحبه

بالبداية جان متردد بس من شاف اندفاعي قبل وبشروط واني قبلت اتزوجه وبدون علم اهلي لأن اعرف اخوية مراح يقبل وطليقي راح يسويلي مشاكل اكيد راح تكولون ليش وشصار عليج بس اني بنظري الجاي اسوي حلال مو حرام اني احب وسام ومتخبلة عليه فكولشي أشوفه يوصلني حتى يكون وياية قابلة بي واسوي

( الرذيلة مموهة بنوع من اللذة ، هذا ما أراه بسلوك تمارة يتبعها سلوك وسام ، يبيحون لأنفسهم ما يراه الآخرون عيب وعار )

زوجة اخوها ردت عليها / يمعودة اخوج إذا عرف بية وساكتة ما حجيت يطلكني والله

تمارة / اووي شدعوه بعدين شلون يعرف إلا اذا انتي كلتي واني ما اهون عليج صاحبتج يولي تغدرين بية

/ اووف منج شكد مفلفلة عالرجال خل نشوف تاليها وياج

تمارة / يعني عليها متفقين

/ اي هاي هي ليش اني اكدر عليج

طلعت من بيت اخوية فتت لبيتي بيناتنا سياج وباب اتصلت على وسام

تمارة / هلاو حبيبي

وسام / هلا هلا والله هلا بتمارة گلبي

تمارة / فدوة حبيبي .. شوف وسومي يروحي باجر نعقد شتكول

وسام بفرحة / هاي هي بس اني هم ماريد أحد يعرف مالي خلك المرة تروح زعلانة والبيت يتبهذل خليها بيناتنا

تمارة / شدعوة عيني لعد اني مو راح اصير مرتك

وسام / تمارة نتفق من البداية انتي عاجبتني واريدج

تمارة / اي ادري بكل هذا يلا حبي موعدنا لباجر انتظرك

وسام / تمام

تمارة / وسام عادي يعني اذا رحنا بيت اختك لأن بيتي متكدر بالنهار تجيني

وسام / لاااا لاااا مستحيل ما اقبل بهذا الحجي اختي مندخل بيتها اصلا ولا تفكرين بيها

تمارة / قابل راح نسوي جريمة

وسام / تمارة هالشي ما اقبل بي سدي الموضوع

تمارة / لعد انت حلها شلون

وسام / باجر انتظرج بمكان ..... ساعة عشرة يلا حبي باي

تمارة / باي حبيبي

سديته من تمارة وتنهدت لازم باجر ادبرلي عذر إذا ابات يم تمارة

انتبهت حسوني يكمز اجى بحظني شلته بوسته وخليته على رجلي / ها بابا حبيبي وين اخوتك

حسوني / لوح يم ددوو ( راح. يم جدو)

وسام بحنية / وانت ليش مارحت يم جدو

حسوني / الوح باي

وسام / هههه تريد تشتري

كام يصفك مكيف شلته وطلعت صحت دنيا

وسام / دنيااا وينج

دنيا / ها عيني كول

وسام / راح أخذ الجهال اشتريلهم رايدة شي

دنيا / والله ياريت اجيب ايسكريم وياك

وسام / ان شاء الله

اخذت الجهال من بيت اهلي جانو يلعبون هم وجهال عمامهم افترينا بالسيارة واشتريتلهم

جان وكت مغربية اباوع عليهم متونسين ارتاح كولش من أشوفهم فرحانين بالي راح يم تمارة وباجر شلون راح ادبرلي عذر

طخت عندي خوش عذر المهم من رجعنا للبيت ورى العشا دنيا جابت الجاي وكعدت بصفي

وسام / اجتني عزيمة باجر مدري اروح لا

دنيا / وين أن شاء الله

وسام / بديالى عزموني ، صاحبي من زمان ولح علية لازم اروح

دنيا / شكو بيها بس شوية بعيدة لازم تبات

وسام / اي والله لازم ابات

دنيا / منين هذا صاحبك ؟؟!

وسام / متعرفينه .. شو كومي جيبي جاي بعد

دنيا بصفنه بعدها ردت / ها اي رايحه

ثاني يوم عقدت على تمارة بالسر محد يدري بس اختي ام صهيب الي جانت ممرتاحه السالفة وسكتت لخاطري من عرفتني رايد تمارة صح اعترضت بس حلفتها متحجي

بالبيت عدهم علم رايح لديالى فطلعت من البيت رحت يم ولد صاحبي بقيت يمة لليل

جنت انتظر اتصال من تمارة فعلا خابرتني

تمارة / حبيبي رتبت الوضع تعال للبيت

وسام / اي عشر دقائق اني يمج

طلعت من بيت صديقي طبعا ميدري بية ولا عنده علم اني تزوجت

انتظرت بسيارتي بالشارع وخليتها مركونه على جهة بعيدة عن البيت نزلت اتمشى لبيت تمارة وقبل ما ادك الباب فتحته عالسريع جانت تنتظرني

دخلت الكراج وانتبهت عليها بس شنو انسطرت من شفتها شي ثاني سيت نوم احمر والشعر والمكياج والعطر تقربت شاورتني واني بعدني مفهي عليها ..

تمارة / حبيبي تعال بهدوء ادخل لأن ابن اخوية يبات عندي

وسام بصدمة / صدك تحجين لعد شلون هسة

تمارة / ينام بغرفة علاوي يلا تعال ترى صغير مو جبير عمره 11سنة

دخلت البيت مباشرة لغرفة النوم وهي قفلت الباب رأسا

( صخوووونة اي والله 😤 )

ـــــــــــــــــ

زهراء /

بعد العملية بقيت أبيت اهلي 15 يوم امي دارتني خطية اني وجهالي وحيدر جان يروح ويجي علينا ابداا ما عافني كولش اهتم بية

كاعدين نسولف اني ودنيا جانت جاية تشوفني خطية ماكطعت كم مرة اجت والبيت هم قريب نفس الشارع همة واهلي

زهراء / دنيا انتي اهتمي بروحج وشوفي وسام شلون يصير وياج هسة يرزل بيج لأن متهتمين وهو من النوع يحب هاي السوالف ولج والله تخسرينه واكو نسوان مفلفلات يحظي اووف لاتخليني احجي اللي بگلبي

دنيا / ادري بضيمج ترى الزلم عينهم زايغه بس بيهم بس تبصبص مكضيها ماعنده غير شي هههه

زهراء / انتي مو تشوفين حيدر يموت علية ومدللني شنو رأيج كم مرة الزم محادثاته هو وبنات وكلام بيناتهم كله جنس والله ، اووف اموت قهر والله شكد رخيصات

دنيا بصدمة / عزااا العزاااه صدك تحجين ؟!!!!!

زهراء / اي وربي احجي الصدك ابجي واعيط مرات يبقى يحظني ويبوس بية يكول مو اني لو يكول هن يتحرشن بية واني رجال مو مرة مثلج شسوي ارد عليها

دنيا / يمممة اسم الله لا عيني أن شاء الله ميصير هالشي وياية ، مرة انتبهت على موبايله وتعاركت وياه بعدها ماكو شي

زهراء / انتي هم غيري شوية رتبي روحج اهتمي بي أكثر قابل اني اعلمج انتي هم تعرفين

دنيا / ولج عيني زهورة رجلي حار حار ميشبع والله واني اضوج مرات لأن هم الي طاقة وهو طاقته فول هههه

زهراء / ههههه والله عليج سوالف طكي عين للرجال

دنيا / يمعودة شكو عليه

زهراء / بس تدرين العندي هم نفس الشي والله انوب مو يحجي وياهن يفلفلنه ويجيني هايج يأخذ شوطين تلاثة يلا يرتاح

اووف والله قهر والنبي جاي اعاني اني لعد متشوفين احذر بيج اخاف عليج والله ، مالهن رداد هالنسوان احنا هم نسوان لو نختلف شبيهن مفلفلات يدورن زلم اعوء بالله

دنيا / اي والله انتي اخيتي فدوة اروحلج وكلامج صحيح

ورى هالاسبوعين رجعت للبيت طبعا ماما ماخلتني ارجع الا سوتلي شمع لكل جسمي وحفافه وترتيب لشعري واني هم من النوع كولش احب النظافة اصلا كول عشر ايام اسوي شمع لو شيرة فجسمي نظيف ناعم كولش ... من دخلت الغرفة حيدر رأسا قفل الباب وحظني على كيفه ..

حيدر / شكد مشتاقلج

زهراء / اني هم والله

حيدر وعيونه بعيوني / خوما يأثر إذا ....

زهراء فاهمة عليه شيريد / لا ميأثر الحمدلله صرت زينة والجرح طاب

حيدر / معقولة بهالسرعة دتعاي بس لا تنزعين ثوبج

استغربت اني من كلامه / ليش شنو هلكد متلهف علية ؟!!!!

حيدر يتهرب / ها اي وهم علمودج خاف الجرح وو يعني هيج شي

بقى يمتمت بالحجي واني رأسا عرفت قصده يخاف يحرجني عباله شايلين صدري اسم الله ميعرف مجرد رفع ورم ومكانه يم حلمة الصدر والحمدلله ممبين مجرد إثر خفيف

زهراء / حيدر ترى صدري كولشي مابي ليش خايف

حيدر / شنو يعني قصدج بعده

زهراء / اي والله الطبيبة رفعت الورم مو الصدر

خطية حظني وباس خدي بلهفة / ولج فرحتيني جنت ميت قهر عليج والله اووف جنت متزوهر وحالتي حالة الف الحمدلله يارب عبالي شالو لصدرج

دتعاي بعد روحي تعاي يگلبي ودكاته اووف شكد مشتاكلج ........

ـــــــــــــــــ

وسام /

يعني تمارة فدشي انفجاري خلتني عايش احلى ليلة والله بس شنو جنت احاول ما اخليها تخلي علامة بجسمي من شفت لهفتها وتهورها خفت دنيا تكشفني طلعت الفجر واني وياها وقريب الساعة ستةالصبح كلتلها خل اروح شوفيلي طريق

طلعت شوية ورجعت اشرتلي طلعت بهدوء ومن وصلت الباب البرا التفتت عليها شمرتلي بوسه بالهوا طلعت الشارع فارغ وسيارتي على حطتها صعدتها ورجعت لبيتي طبكت السيارة بالباب ونزلت البيت سنطة دخلت كلهم نايمين فتت للحمام سبحت وطلعت رحت صليت ورجعت مددت بالفراش بصف دنيا مباشرة غمضت نمت لأن حيل تعبان

كعدت الساعة تسعه الصبح رحت غسلت واجت دنيا سلمت علية / صباح الخير شلونك

وسام / صباح النور

دنيا / شوكت رجعت شو من وكت

وسام / الساعة ستة لأن طلعو جماعة من الجنوب جانو حاظرين كلت اطلع وياهم

دنيا / اي احسن يلا تعال تريك شو مبين تعبان

وسام / ها اي سويلي ريوك

تريكت وبالي يم تمارة وبليلة البارحه وبسوالف تمارة وحركاتها الي جننتني

ورى الريوك طلعت لبيت اهلي جانو كاعدين بالمضيف سلمت وكعدت وابوية سألني عالعرس وعلى صاحبي اضطربت اجذب شسوي المهم التهينا بسوالف وجماعة اجو عالحجي عدهم طلابة

اتصلت علية الظهر تمارة وصوتها يتموع تريدني اجي تكول مشتاقتلي

ياطلابة الكشرة شلون أدبر عذر انوب شلون ماشوف راح ابقى أدبر اعذار

المهم كلتلها من يصير عندي مجال مثلما اتفقنا وهي اضطرت تقبل

رجعت البيت وكت الغدا / دنيا شنو غداج

دنيا / سويت بامية بلحم واكيد تمن هم

وسام / سويلي ثريد جيبي الغدا بالهول

تغدينا والجهال محاوطينا اني طبعي إذا مايلتمون جهالي يمي ما ارتاح لأن كولش متعلق بيهم واحبهم

انتبهت دنيا صافنة بوجهي / خيرج بوية

دنيا / اكلك وسام شو نسوان الطرف مدري شبيهن كلما احجي يكولن هنيالج على رجلج

وسام / ايا فطيرة وانتي ترحين سوالف البيت تحجينها مو بالله

دنيا / شمدريني هن حجايتين ثلاث شو النسوان مدري شبيهن

وسام / بطلي تحجين شنو وإذا صاحبتج مو الا تعرف كولشي